Қазақстанның Әуе қорғанысы күштерінің мамандарын даярлау және ұшқышсыз басқарылатын құрылғыларды жауынгерлік қолдану оқу-жаттығу орталығында ұшқышсыз ұшатын авиациялық жүйелердің операторларын оқытудың кезекті курсы басталды.Осындай жалғыз оқу-жаттығу орталығында шетелде оқыған, өз білімін жас мамандарға үйрететін сертификаты бар мамандар қызмет етеді және сабақ береді. Бұл білім ордасы оқытуды бастағаннан бері ҚР Қарулы күштері мен басқа да әскери құралымдарға жүздеген мамандар даярлады.  Бастапқы кезеңде білім алушылар ұшқышсыз ұшатын құрылғыларды қолданудың мақсаттары мен міндеттерімен, оларды пайдалану қағидалары мен шарттарымен танысады. Сабақтар SkyLark1LEX тактикалық барлау жүйесін қолдана отырып өткізіледі. Бұл жоғары дәлдіктегі құрал нақты уақыттағы бейнелерді беру мен озық навигациялық мүмкіндіктерге ие.– Бүгінде мұндай құрылғылар қорғаныс және барлау жүйесіндегі негізгі позицияларды сенімді түрде алады. Сондықтан біз жаңа технологияларды жетік меңгеруі тиіс жоғары білікті операторларды даярлауға ерекше назар аударамыз, – деп түсіндірді штаб бастығы – ҰҰА жауынгерлік қолдану оқу-жаттығу орталығы бастығының орынбасары подполковник Алмат Хайрушев. «Шығыс» өңірлік қолбасшылығы 44736 әскери бөлімінің келісімшарт бойынша әскери қызметшісі қатардағы жауынгер Ферхат Орымбаев бұрын жару ісімен айналысқан. Қазір оның әскери кәсібінде түбегейлі өзгерістер болып жатыр. –  Жару ісі маған ұнайтын, – деді Ферхат. – Бірақ мен әрқашан ұшқышсыз басқарылатын авиациялық жүйелерді үйренуді армандайтынмын. Мені ұшқышсыз ұшатын аппараттардың маманы етіп тағайындаған кезде, сол арманға қол жеткізе бастағандай болдым. Қазір Әуе қорғанысы күштерінің оқу-жаттығу орталығында оқимын, ҰҰА операторы боламын.Оқу-жаттығу барысында курсанттар борттық жабдықты іске қосудан және баптауға дайындықтан бастап, алынған ақпаратты пилоттауға және талдауға дейінгі толық циклды меңгереді. Сабақтың практикалық бөлігі тренажерларда да, далада да өтеді. Курсанттар 40 күнге созылатын курсты аяқтағаннан кейін сертификаттар алады.Ақпарат көзі : https://www.gov.kz/memleket/entities/mod/press/news/details/998707?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен Орнықты даму жөніндегі үйлестіру кеңесінің отырысында Орнықты даму мақсаттары жөніндегі (ОДМ) үшінші ерікті ұлттық шолудың тұсаукесері өтті.БҰҰ-ның Қазақстандағы тұрақты үйлестірушісінің міндетін атқарушы Стивен О' Малли ұсынылған құжаттың жай ғана есеп еместігін, Қазақстанның БҰҰ-ның 2030 күн тәртібіне шынайы берілгендігінің көрінісі мен барлық әлемге еліміздің ілгерілеуі, сабақтары мен амбициялары туралы айту мүмкіндігі екенін атап өтті.«Қазақстан – шолуды үш жылда бір рет өткізетін санаулы елдердің бірі. Бұл ОДМ бойынша прогресс мониторингіндегі, ашықтықты ілгерілетудегі нағыз көшбасшылығын айқын көрсетеді. Жақында Алматыда ашылған БҰҰ-ның Орталық Азия мен Ауғанстан үшін орнықты даму мақсаттары жөніндегі өңірлік орталығы Қазақстанның ОДМ-ны елде де, аймақта да іске асыруға бейілділігін көрсетеді. БҰҰ тұрғысынан мұндай шолуларды жүргізу шынайы әріптестік пен іс-қимылға шақыру ретінде бағаланады. БҰҰ Қазақстан үкіметін толығымен қолдайды», — деп атап өтті Стивен О' Малли. Ұлттық экономика вице-министрі Асан Дарбаев үшінші құжатта ОДМ-ны жергілікті жерге бейімдеуге, яғни жаһандық мақсаттарды аймақтар мен жергілікті қоғамдастықтар деңгейіне көшіру мәселелеріне ерекше назар аударылғанын айтты. Сондай-ақ Шолу 2025-тің басты ерекшелігі – азаматтық қоғамның, ғылыми-сараптамалық қоғамдастықтың жұмысына белсенді қатысу.«Екінші ерікті ұлттық шолу ұсынылған сәттен бастап ОДМ-ны іске асырудың институционалдық негіздерін жетілдіруде елеулі нәтижелерге қол жеткізілді: 2023 жылы Қазақстанның орнықты дамуы саласындағы ұлттық мақсаттары мен міндеттерін іске асыру мониторингі жөніндегі парламенттік комиссия құрылды. 2060 жылға дейін елдің көміртегі бейтараптығына қол жеткізу стратегиясы қабылданды. Орнықты даму мақсаттарының тиімді мониторингін қамтамасыз ету үшін ОДМ ұлттық индикаторлары өзектендіріліп, жалпы саны бүгінде 200-ге жеткізілді», —  деді Асан Дарбаев.Экономикалық зерттеулер институтының басқарма төрағасы Әсел Сәрсенбаеваның айтуынша, ОДМ «Ешкімді артта қалдырмау» қағидатына сәйкес дайындалған Үкімет тарапынан да, азаматтық қоғам тарапынан да іске асырылуды бағалауды көрсетеді. Ол жұртшылық пікірін ескере отырып айқындалған басым мақсаттардың орындалуы туралы ақпарат ұсынды.«Үкімет Орнықты даму мақсаты бойынша және жаһандық сын-тегеуріндерге жауап ретінде еңбек нарығының талабына сәйкес бизнесті қолдау мен кадр даярлау шарасын жүйелі түрде қабылдауда», — деп атап өтті Әсел Сәрсенбаева.Ол, азаматтық қоғам әлеуметтік кодекс әлеуметтік саясаттың негізін нығайтты деп санайды. Қазақстан ана өлімін тез төмендеткен (ДДҰ бағалауы бойынша) он елдің қатарына кіреді. Гендерлік теңдік саласында мемлекет деңгейінде де, жеке секторда да ілгерілеу байқалады. Онда ірі компаниялар гендерлік стратегиялар мен харассментке қарсы іс-қимыл саясатын енгізеді. Құқықтық мәдениеттің өсуі сот жүйесіне қойылатын жаңа талаптарға әкелуде. Қоғам оны одан әрі жақсартуды күтетіні орынды.Үйлестіру кеңесін қорытындылай келе, Серік Жұманғарин Орнықты даму мақсаттарының қағидаттарын енгізу бірінші кезекте халықтың өмір сүру сапасын арттыруға, үздік халықаралық стандарттарды қабылдауға бағытталғанын, бұл тұтастай алғанда елдің халықаралық аренадағы беделін нығайтуға ықпал ететінін атап өтті.Кеңес қатысушылары Қазақстанның үшінші ерікті ұлттық шолуын мақұлдады. Енді құжат осы шілдеде Нью-Йорктегі жоғары деңгейдегі Саяси форумда ұсынылады.https://primeminister.kz/news/kazakstan-ana-olimin-aytarlyktay-tez-tomendetken-on-eldin-kataryna-kirdi-30049 Ақпарат көзі : https://www.gov.kz/memleket/entities/economy/press/news/details/998709?lang=kk

2025 жылғы 16 мамырда Л.Н. Толстой атындағы Қостанай облыстық әмбебап ғылыми кітапханасында өңір кітапханаларының қызметкерлері үшін «Кітапхана болашағы: цифрлық трансформация және жаңа технологиялар» атты шеберхана өтті.Іс-шарада кітапхана ісінде заманауи технологияларды: жасанды интеллектті, мобилографияны қолданудың, ЖИ-пен жұмыс істеудің өзекті мәселелері талқыланды.Шақырылған сарапшылар ретінде техника ғылымдарының магистрі, ЖИ зерттеушісі Преображенский Олег Олегович және мобилограф, SMM-маман Мінайдаров Даниял Дулатұлы баяндама жасады. Спикерлердің екеуі де Kostanai.hub мүшесі болып табылады. Олардың қатысуы шеберхананың ақпараттылығын арттыра түсті және практикалық жағына да көңіл бөлуге мүмкіндік берді. Қатысушылар практикалық кеңестер алды, тәжірибе алмасты және цифрлық дәуірде кітапханаларды дамытуға бағытталған жаңа шешімдер туралы білді.Соңғы бөлімде кітапханалардың күнделікті тәжірибесіне технологияларды енгізудің болашағы мен тың идеялар талқыланды.Ақпарат көзі : https://www.gov.kz/memleket/entities/kostanai-madeniet/press/news/details/998619?lang=kk

   2025 жылдың 16 мамырында сот орындаушыларының қызметін реттеу және бақылау бөлімі Департаменттің ауданаралық мәжбүрлеп орындату аумақтық бөлімдерімен және қаржылық әрі материалдық-техникалық қамтамасыз ету бөлімдерімен онлайн форматта кеңес өткізді.   Кеңес барысында бөлім басшысы С.Ж. Альшимбаева Жамбыл облысының мамандандырылған ауданаралық әкімшілік сотының 2025 жылғы 18 сәуірдегі № 3194-25-5-29/1339 хатының мазмұнын қызметкерлердің назарына жеткізді. Бұл осындай құқықбұзушылықтарға жол бермеу мақсатында жүзеге асырылды. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/998621?lang=kk

2025 жылғы 18-19 қыркүйек аралығында Ұзынкөл, Меңдіқара және Сарыкөл аудандарында кәсіпорындары мен ұйымдарының қызметкерлері үшін бекітілген кесте шеңберінде Департамент басшысының орынбасары Б. Қашырбеков, сондай-ақ Халықты әлеуметтік қорғау саласындағы реттеу және бақылау комитетінің Қостанай облысы бойынша департаментінің, «Қостанай облысының Кәсіподақ орталығы» ТОП және Қостанай облысы бойынша Мемлекеттік әлеуметтік сақтандыру қоры АҚ филиалының өкілдері әлеуметтік-еңбек саласындағы мәселелер бойынша ақпараттық-түсіндіру жұмыстарын, сондай-ақ еңбек тәуекелдерінің карталарын жүргізді.Ақпарат көзі : https://www.gov.kz/memleket/entities/kostanai-enbek/press/news/details/1072893?lang=kk

Биыл біз Ұлы Жеңістің 80 жылдығын ерекше құрметпен және зор мақтанышпен атап өтудеміз. Бұл – тек тарих беттеріндегі маңызды дата ғана емес, жүректерімізде мәңгі сақталатын ерлік пен батырлықтың символы.Сіздердің майдандағы және тылдағы жанқиярлық еңбектеріңіз, қайсар рух пен Отанға деген шексіз сүйіспеншіліктеріңіз – өскелең ұрпаққа үлгі. Бүгінгі бейбіт өмірдің әр сәті сіздердің батырлық істеріңіздің арқасы екенін біз ешқашан ұмытпаймыз.Білім беру саласының өкілдері атынан Сіздерге зор денсаулық, ұзақ ғұмыр, отбасы амандығын және елімізге тыныштық тілейміз. Ұрпақтар сабақтастығы үзілмей, жас буын сіздердің ерліктеріңізді құрметтеп, еліміздің жарқын болашағы жолында аянбай еңбек етеді деп сенеміз.Мәңгілік ел – мәңгілік ерлікпен!Ізгі тілекпен,Бесқарағай ауданының білім бөліміАқпарат көзі : https://www.gov.kz/memleket/entities/beskaragay-roo/press/news/details/998592?lang=kk

Іріктеу мемлекеттік аппараттың салалық кадрларға қажеттілігін ескере отырып, инфрақұрылым, өнеркәсіп және сауда саясаты, агроөнеркәсіптік кешен және қоршаған орта, сыртқы саясат және инвестициялар; экономикалық және қаржылық саясат, цифрландыру, әлеуметтік саясат және азаматтық қоғам сынды 6️ негізгі сала бойынша жүргізіледі. Кандидат тіркелу кезінде көрсетілген салалық бағыттардың бірін таңдауы қажет.Үміткерлерге қойылатын талаптар өзгеріссіз қалады: іріктеуге жасы 35-тен аспаған, жоғары білімі және 5️ жыл жалпы жұмыс тәжірибесі бар, мемлекеттік тілді В1 деңгейінен төмен емес меңгерген Қазақстан Республикасының азаматы қатыса алады.Президенттік жастар кадр резервінің мүшесі болу үшін үміткерлер 6️ кезеңнен тұратын кешенді іріктеуден өтуі тиіс.Құжаттарды қабылдау 2️0️2️5️ жылдың 1-30️ маусым аралығында pkrezerv.gov.kz ресми платформасында онлайн режимде жүзеге асырылады.Ұлттық комиссияның отырысының қорытындысымен үздік 5️0️ кандидат Президенттік жастар кадр резервіне қабылданады.Ақпарат көзі : https://www.gov.kz/memleket/entities/zhambyl-tabigat/press/news/details/998574?lang=kk

Ұлы Жеңістің 80 жылдығы қарсаңында, жүректер ерекше толқумен және алғыс сезімімен толғанда, Абай облысы Бесқарағай ауданы білім басқармасының "Канонерская орта мектебі" КММ мұғалімдері патриоттық әскери ән челленджіне үлкен жүрек жылуымен қатысты.Бұл акцияның мақсаты - тек еске алу емес, жас ұрпақтың жүрегінде ата-бабаларымыздың ерлігінің ұлылығын жаңғырту, уақыттар арасындағы тірі байланысты сақтау, естелікті бір ұрпақтан екінші ұрпаққа - жүректен жүрекке жеткізу.Мұғалімдер ұжымы орындауға аңызға айналған "Шинеліңді ал, үйге қайтамыз!" әнін таңдады - бұл әнде Жеңістің ауыртпалығы, үміті және ұзаққа созылған қуанышы бар. Бұл ән майданнан үмітпен күткен, сенген және жоғалтқан барша жүректердің үнін біріктірді, ол барлық аналардың, әйелдердің, балалардың дауысы болды.Әнді орындаушылар - ортақ естелікпен біріктірілген жүректер. Әнді дірілдеген дауыспен, шынайы көз жастары мен сөзбен жеткізу мүмкін емес алғыс пен құрметпен орындады.Бұл челлендж Бесқарағай ауданының басқа мектептеріндегі әріптестер арасында да қолдау тапты. Ол жай акция ғана емес, үлкен рухани қозғалыстың бір бөлігіне айналды - еске алу, тарихқа және тамырларға деген құрметке. Қатысушылар эстафетаны жалғастырып, басқа мектептер мен мекемелердің педагогикалық ұжымдарын осы алғыс толқынына қосылуға шақырады.Біз еске аламыз! Біз мақтанамыз! Біз ән айтамыз!Мұндай естеліктің дауысы басылмайды. Әндер шырқағанша, балалар батырлардың есімдерін білетінше, біз, ересектер, әңгімелеп, ән айтып, еске алып жүргенше - Жеңіс тірі. Ол біздің әндерімізде, рухымызда, жүрегімізде."Ешкім ұмытылмайды, ештеңе ұмытылмайды" челленджіне қосылыңыздар - бірге естелікті сақтайық және болашаққа шабыт берейік.#Біртұтас_тәрбие_Абай_облысы_Бесқарағай@abai_imc@beskaragai_bilim_bolimi@beskaragai_akimdigi@abai_bilim_basqarmasyАқпарат көзі : https://www.gov.kz/memleket/entities/beskaragay-roo/press/news/details/998579?lang=kk

Ақмола облысында ауыл шаруашылығы алқаптарын шегіртке зиянкестерінен қорғау бағытында жоспарлы жұмыстар жүргізілуде. Биыл облыстың 11 ауданында итальяндық шегірткеге қарсы химиялық өңдеу 226,5 мың га алаңда, олардың республикалық бюджет қаражаты үшін 89,0 мың га және облыстық бюджет қаражаты есебінен 137,5 мың га алаңда жүргізілетін болады.Осы орайда жақында Жарқайың ауданында шегірткелі зиянкестерге қарсы күрес жөніндегі жедел штабтың көшпелі отырысы өтті. Іс-шараға Ақмола облысы әкімінің орынбасары Мұрат Балпан, ҚР АШМ Агроөнеркәсіптік кешендегі мемлекеттік инспекция комитетінің Ақмола облыстық аумақтық инспекциясының басшысы Жасұлан Қожабеков, Республикалық фитосанитариялық диагностика және болжамдар әдістемелік орталығы Ақмола филиалының жетекшісі Нұрбек Садықов, сондай-ақ ауданның ауыл шаруашылығы тауарын өндірушілері қатысты.Шара барысында ауыл шаруашылығы алқаптарын өңдеуге арналған арнайы бүріккіш техникалар, шегірткелі зиянкестердің ошақтарын бақылауға арналған автокөліктер, кең аумақтарды шолуға арналған ұшқышсыз ұшу аппараттары (дрондар) іс жүзінде көрсетілді. Барлық техника жұмыс барысындағы режимде таныстырылып, мамандар мониторинг пен өңдеу алгоритмдерін таныстырды.«Химиялық өңдеулердің ең үлкен көлемі Жарқайың ауданына тиесілі. Бұл ауыл шаруашылығы дақылдарына айтарлықтай қауіп төндіреді. Бұған дейін мамандар шегіртке зиянкестерінің ошақтарын анықтаған болатын. Бүгін бұл аумақтар жедел штаб мүшелеріне көрсетілді. Қазіргі таңда зиянкестер дернәсіл сатысында, сондықтан жақын күндері бұл жерлерде химиялық өңдеулер жүргізілетін болады, – деді фитосанитариялық диагностика және болжамдар орталығының облыстық филиалының жетекшісі Нұрбек Садықов.Биыл Жарқайың ауданында алғаш рет РМК-ның «Фитосанитария» шаруашылық жүргізу құқығындағы кәсіпорнының ұшқышсыз авиациялық жүйелері қолданылуда. Бұл дрондар ауыл шаруашылығы алқаптарында 5 000 гектарға дейінгі аумақты өңдеуге жұмылдырылған. Бір дронның өнімділігі – тәулігіне 50 гектарға дейін.Бүгінгі таңда республикалық бюджет есебінен аудан аумағында 3 800 гектар жер өңделді. Жер бедерінің күрделілігіне байланысты кейбір өңдеу жұмыстары дельтаплан көмегімен жүргізілді: соның ішінде 2 310 гектар — Пригородное ауылының аумағы, 1 490 гектар — Валиханов ауылдық округі де енеді.Ақмола облысы әкімінің орынбасары Мұрат Балпан шегірткеге қарсы іс-шараларды уақытылы әрі жауапкершілікпен жүргізудің маңыздылығын атап өтті.«Біздің алдымызда тұрған негізгі міндет – зиянкестердің таралуына жол бермеу. Ол үшін барлық қызметтердің үйлесімді жұмысы, заманауи технологияларды пайдалану және жағдайды тұрақты бақылау қажет. Біз егінді қорғап, өңірдің азық-түлік қауіпсіздігін қамтамасыз етуіміз керек», – деді облыс әкімінің орынбасары Мұрат Балпан.Жиын қорытындысында ол химиялық өңдеу кезеңінде барлық қызметтердің үйлестірілген, сапалы және уақытылы жұмысын қамтамасыз етуді тапсырды.  Ақпарат көзі : https://www.gov.kz/memleket/entities/aqmola/press/news/details/998589?lang=kk

2025 жылдың 5 Мамырында Бесқарағай аудандық полиция бөлімінің қызметкерлерімен аудандық білім бөлімінің ұйымдастыруымен #жол қозғалысының жас инспекторы# байқауы өткізілді! #Қауіпсіз жол# және #Жасөспірім# жедел профилактикалық іс шаралары аясында өткізілген аталған байқаудың негізгі мақсаты балалардың қатысуымен орын алатын жол-көлік оқиғаларының алдын алу болып табылады! Бес кезеңге созылған байқауда оқушылар жол жүрісі бойынша өз білімдерін ортаға салып өнерлерін көрсетті! Байқау қорытындысы бойынша Бесқарағай ауылы Қ.Рысқұлбеков атындағы орта қазақ мектебі 1-ші орынға иеленді.Бас жүлдені иемденген мектеп байқаудың шарты бойынша Бесқарағай ауданының намысын облыстық кезеңде қорғайтын болады.Осы Іс-шара әр жыл сайын тұрақты түрде өткізілетін болады.Ақпарат көзі : https://www.gov.kz/memleket/entities/beskaragay-roo/press/news/details/998523?lang=kk

Аудандық білім бөлімінің басшысы М.Кәдірбеков Жеңістің 80 жылдығына орай, Бесқарағай ауданының тұрғыны, 93 жастағы тыл ардагері Фатеева Нина Васильевнаны құттықтады. Фатеевна Нина Васильевна — тыл ардагері, яғни Екінші дүниежүзілік соғыс кезінде майдан шебінен тыс, ел ішінде еңбек етіп, Жеңіске үлес қосқан азаматша. Мұндай ардагерлер майдандағы жауынгерлерге азық-түлік, киім-кешек, қару-жарақ және басқа да қажеттіліктерді дайындап, тылда аянбай еңбек еткен. Олар соғыс жылдарындағы қиындықтарға төзіп, бейбітшілік жолында үлкен үлес қосты.Бүгінде біз Нина Васильевнаға және сол замандағы барлық ардагерлерге шексіз алғысымызды білдіреміз. Сіздің төзімділігіңіз, еңбегіңіз, отансүйгіштігіңіз — біз үшін үлкен мақтаныш пен үлгі.Ақпарат көзі : https://www.gov.kz/memleket/entities/beskaragay-roo/press/news/details/998558?lang=kk

Бүгін Қызылорда қаласында пробация есебінде тұрған жастар үшін ерекше іс-шара ұйымдастырылды. Шараны облыстық жастар ресурстық орталығы, пробация қызметі және облыстық дене шынықтыру, спорт және туризм басқармасы бірлесіп өткізді. Аталған шара аясында жастар қалалық мұз айдынына барып, коньки теуіп, көңіл сергітіп қайтты. Іс-шараның басты мақсаты – есептегі жастардың бос уақытын тиімді ұйымдастырып, оларды салауатты өмір салтына баулу, қоғамға бейімделулеріне ықпал ету. Бұл – олардың өмірлік ұстанымдарын қалыптастырып, оң өзгерістерге бет бұруларына бағытталған игі қадамдардың бірі.Мұз айдынында өткен көңілді әрі белсенді демалыс жастардың бір-бірімен жақын танысып, ашық ортада еркін араласуына мүмкіндік берді. Осындай бастамалар пробация есебіндегі азаматтарды қоғамнан оқшауламай, керісінше, жаңа өмірге бейімделуіне, өз-өзіне деген сенімді арттыруына сеп болатыны сөзсіз. — Бүгін мұз айдынына барып, ерекше әсер алдық. Коньки теуіп, сергіп қайттық. Бұл шара маған өте ұнады. Осындай сәттер өмірге деген қызығушылық пен сенімді арттырады. Жалпы, пробация қызметі ұйымдастыратын іс-шараларға үнемі белсене қатысуға тырысамын. Бұл – қоғаммен етене араласуға, жаңа ортаға үйренуге берілген тамаша мүмкіндік. Осындай қолдау білдіріп жүрген барша мамандарға алғысымды айтамын, – дейді шараға қатысқан есептегі азамат. Бұл бағыттағы жұмыстар алдағы уақытта да жалғасын тауып, жастардың әлеуметтенуіне, өмірге жаңаша көзқараспен қарауына серпін бермек.Ақпарат көзі : https://www.gov.kz/memleket/entities/duiskzl/press/news/details/998506?lang=kk

Қаржылық мониторинг агенттігінің Шымкент қаласы бойынша департаменті М.Әуезов атындағы Оңтүстік Қазақстан университетіндеаса ірі көлемде бюджет қаражатын жымқыру және қылмыстық жолмен алынған мүлікті заңдастыру фактісі бойынша қылмыстық істі тергеп-тексеруді аяқтады.Күдіктілер қатарында ректордың міндетін атқарушы, қаржы және әкімшілік департаменттердің директорлары, сондай-ақ серіктес ұйымдардың басшылары бар.Тергеу нәтижесінде университет қызмет көрсету, құрылыс-монтаж жұмыстары мен тауар жеткізуге қатысты жалпы сомасы 256 млн теңгені құрайтын жалған келісімшарттар жасағаны анықталды.Аталған жұмыстар іс жүзінде орындалмаған. Бюджет қаржысы жалған актілер негізінде байланысы бар компаниялардың шоттарына аударылып, кейін қолма-қол ақшаға айналдырылғанҚылмыстық жолмен алынған кірістерге күдіктілер 6 қымбат көлік (Mercedes-Benz S-класс, Lexus LX570 және т.б.) пен Шымкент қаласының орталығынан құны 254 млн теңге болатын элиталық коттедж сатып алған.Оларға сот санкциясымен тыйым салынды.4 күдіктіге қатысты үйқамақ түріндегі бұлтартпау шарасы қабылданды.Қылмыстық іс сотқа жолданды. ҚР ҚМА Баспасөз қызметіАқпарат көзі : https://www.gov.kz/memleket/entities/afm-aktobe/press/news/details/998508?lang=kk

Теңіз жаяу әскері бригадасының саптық алаңына әскери бөлімдердің командирлері, Қарулы күштердің ардагерлері, ауған соғысының жауынгерлері, қоғамдық ұйымдардың өкілдері және екі мыңнан астам сарбаздың ата-аналары мен жақындары жиналды.Іс-шара Жауынгерлік тудың шығарылуы және Қазақстан Республикасының Мемлекеттік Әнұранының орындалуымен ашылды.– Бүгін біз үшін ерекше күн. Өңірлік қолбасшылықтың әскери бөлімдерінде ант қабылдау рәсімі өтіп жатыр. Бұл – Қарулы күштерге қабылданған әрбір азаматтың қасиетті серті. Бұл күн сіздердің жадыларыңызда мәңгі сақталады деп сенемін. Баршаңызға мықты денсаулық, отбасыларыңызға амандық, әскери қызметте сәттілік тілеймін, – деді «Батыс» өңірлік қолбасшылығы әскерлерінің қолбасшысы генерал-майор Бауыржан Артықов.Ант қабылдағаннан кейін сарбаздар қызметтің келесі кезеңіне – кіші мамандарды дайындау бағдарламасы бойынша қарқынды жауынгерлік оқуға кіріседі. Алты айдан соң олар артиллерист, танкист, байланысшы, атқыш сынды әскери мамандықтарды меңгеріп, тәжірибелі жауынгерлердің қатарына қосылады. Жас сарбаздар Қазақстанның тоғыз өңірінен шақыртылған.Ата-аналардың ұлдарымен кездесуі ерекше әсерлі болды. Жас сарбаздың анасы Фарида Жанова өз қуанышымен бөлісті:– Мен Оралдан келдім, ұлымды қатты сағындым – бір ай көрмедік. Ол есейіп, шымыр болыпты. Командирлерге үлкен алғыс айтамын. Балаларымыз антына адал болып, қызметтерін абыроймен атқарсын, – деді ол.Ресми бөлім аяқталған соң жас сарбаздар саптық дайындық, қоян-қолтық ұрыстан, көзді жұмып автоматты бөлшектеп-жинаудан машықтарын көрсетті. Барлау бөлімшелері тұтқындарды босату, қару қолдану және жақын ұрыстағы шеберліктерін паш етті.Қонақтарға әскери техника мен қару-жарақ көрмесі ұйымдастырылып, әскери бөлім командирлерімен кездесу өтті. Іс-шара соңында сарбаздар алғашқы сейілдемелерін алып, оны жақындарымен бірге өткізді.Ақпарат көзі : https://www.gov.kz/memleket/entities/mod/press/news/details/998511?lang=kk

2025 жылғы 29-30 сәуір аралығында Семей қаласында 7-8 сынып оқушыларына арналған жалпы білім беретін пәндер бойынша Республиқалық жасөспірімдер олимпиадасының облыстық кезеңі өтті.⚡Олимпиадаға Бесқарағай ауданынан 7-8 сынып оқушылары арасында 11 оқушы қатысты. Қорытынды нәтиже бойынша :📒Қазақ тілінде оқытатын мектептердегі орыс тілі🥈- орын Кайрбекова Камила «Сосновка орта мектебі» КММ 7 сынып оқушысы📕Қазақ тілі мен әдебиет🥉- орын Құсман Акерке «Беген орта мектебі» КММ 7 сынып оқушысы📗Қазақ тілі мен әдебиет🥉- орын Секерхан Данияр «Қайрат Рысқұлбеков атындағы орта мектебі» КММ 8 сынып оқушы📙Биология🥉- орын Бахтиярова Гүлім «Өндіріс орта мектебі» КММ 7 сынып оқушысы🥉- орын Қайрболат Айшуақ «Беген орта мектебі» КММ 8 сынып оқушысы 📙География🥉- орын Қазымбек Бақтілек " Семияр орта мектебі"КММ 7 сынып оқушысыЖүлделі орындармен құттықтаймыз!!!Ақпарат көзі : https://www.gov.kz/memleket/entities/beskaragay-roo/press/news/details/998497?lang=kk

Алатау қаласында «Тіл – татулық тірегі» атты қалалық фестиваль өтті2025 жылғы 16 мамырда Алатау қаласының №7 орта мектебінде Алматы облысы Тілдерді дамыту жөніндегі басқармасының ұйымдастыруымен «Тіл – татулық тірегі» атты қалалық фестиваль өтті. Мақсаты – мемлекеттік тілдің мәртебесін көтеру, этносаралық татулықты нығайту және ұлт бірлігін арттыру.Іс-шара киіз үймен әрленген алаңда басталды. Домбыраның күмбірі мен ұлттық бидің әсем өрнегімен қарсы алынған қонақтар фестивальдің рухын ерекше сезінді. Бірінші қабатта фольклорлық бұрыш ашылып, екінші қабатта оқушылардың тіл туралы шығармашылық жұмыстары мен көрмелері көпшілік назарына ұсынылды.Салтанатты бөлімде мемлекеттік тілді насихаттауға үлес қосқан азаматтар марапатталды. Қала әкімінің орынбасары Гүлбану Сейткенқызы Несіпбаеваның қатысуымен «Тіл майталманы», «Тілге жанашыр кәсіпкер», «Үздік оқытушы» және басқа да аталымдар бойынша алты адам марапат иегері атанды.Фестиваль аясында түрлі этнос өкілдері қазақ тілінде жүрекжарды өлең жолдарын арнап, ұлттық бірліктің үлгісін көрсетті. Шара соңында шығармашылық ұжымдар мен өнерпаздардың қатысуымен концерттік бағдарлама ұсынылды.Мемлекеттік тілді ұлықтаған бұл фестиваль – бірлік пен берекені ту еткен елдің рухани айнасына айналды.Ақпарат көзі : https://www.gov.kz/memleket/entities/almobl-alatau/press/news/details/998498?lang=kk

2025 жылдың 15 мамыр күні Бөрлі аудандық мәслихатының кезекті XXVII сессиясы мәслихат төрағасы К.Ермекбаевтың төрағалығымен өтті. Сессия отырысына аудан әкімінің орынбасары Д.Имашев, облыстық мәслихат депутаттары А.Агаев,Ж.Курманкулов, бөлім басшылары,қала және ауылдық округ әкімдері, бұқаралық ақпарат құралдарының өкілдері қатысты. Сессияның күн тәртібінде "2024 жылға арналған аудандық бюджеттің атқарылуы туралы" мәселесі бойынша аудан әкімінің орынбасары Д. Имашев баяндама жасады. Аталған мәселе бойынша мәслихаттың тұрақты комиссиясының қорытындысымен депутат М.Дияров таныстырды. Аудан,қала және ауылдық округтердің 2024 жылға арналған бюджеттерінің шешім жобалары  бір ауыздан қабылданды. Келесі ҚР "Мемлекеттік жастар саясаты туралы" Заңының орындалу жөнінде мәселесі бойынша жастармен жұмыс жөніндегі ресурстық орталығы КММ басшысы Т.Хадышева, "Бөрлі ауданының тұрғын үй инспекциясы бөлімінің жұмыс барысы мен атқарылған жұмыстар туралы" бөлім басшысы А.Есбулатовтың баяндамалары тыңдалып қаралды. Сонымен қатар "Бөрлі ауданы жолаушыларының жекелеген санаттарының қала ішіндегі қоғамдық көлікте ( таксиден басқа) жеңілдікпен жол жүруі туралы" бірлескен қаулы және шешім қабылданды. "Бөрлі ауданы әкімдігі жанындағы кәмелетке толмағандардың істері және олардың құқықтарын қорғау жөніндегі аудандық комиссия құрамын бекіту туралы" аудан әкімдігі ұйымдастыру- бақылау жұмысы және мемлекеттік қызметтер мониторингі бөлімінің бас инспекторы Ж.Жумашева, "Аумақтық (аудандық), округтік,учаскелік сайлау комиссияларына қосымша сайлау туралы" мәселе бойынша аудандық мәслихаттың ұйымдастыру бөлімінің басшысы Л.Букушева баяндады. Сессия соңында аудан әкімінің орынбасары Д.Имашев сөз алып, бүгінгі қаралған мәселелердің маңыздылығына тоқталды. Сессия отырысы Facebook әлеуметтік платформасы арқылы тікелей эфирде өтті.  Ақпарат көзі : https://www.gov.kz/memleket/entities/burlin-maslihat/press/news/details/998451?lang=kk

02 мамыр күні Бесқарағай ауылына жол түсіп, мектеп басшыларымен кездестім. Кездесу барысында мектептердің лицензия алу бағытында жүргізіп жатқан жұмыстарымен таныстым. Лицензия алуға кедергі келтіріп тұрған мәселелер мен оны шешу жолдары талқыланды. Көтерілген мәселе өте өзекті және жедел шешімді қажет етеді. Сондықтан білім беру мекемелері және @beskaragai_bilim_bolimi білім бөлімі тарапынан істелетін жұмыстар мен қолдау шаралары нақтыланды.Осы бағытта Департамент @dokso_abai тарапынан әдістемелік көмек үздіксіз көрсетіліп отыр.Ақпарат көзі : https://www.gov.kz/memleket/entities/beskaragay-roo/press/news/details/998460?lang=kk

2025 жылдың 2 мамыр күні «Жарқын болашақ» қазақ тілі олимпиадасының республикалық кезеңінде «Жас қаламгер» бағыты бойынша Башкөл негізгі мектебінің оқушысы Еменова Еркеназ 2 орынға ие болды. Жетекшісі Жанна Асылбековна Казанбаева қазақ тілі мен әдебиет пәні мұғалімі.Жүлделі орынмен құттықтаймыз! Ақпарат көзі : https://www.gov.kz/memleket/entities/beskaragay-roo/press/news/details/998425?lang=kk

     Алматы қаласы бойынша Мемлекеттік кірістер департаменті 26 мамырдан бастап жаңа жұмыс режимі туралы хабарлайды.     Жаңа жұмыс кестесі «Қазақстан Республикасы Қаржы министрлігінің Еңбек ережесінің қағидаларына» сәйкес барлық аумақтық Комитеттің бөлімшелері (кезекші және кеден посттары, бақылау-өткізу пункттерін қоспағанда), келесі жұмыс режимі белгіленеді: 8:30-дан 18:00-ге дейін, түскі үзіліс 13:00-ден 14:30-ға дейін.Ақпарат көзі : https://www.gov.kz/memleket/entities/kgd-almaty/press/news/details/1001189?lang=kk