Кездесу барысында Президент Қасым-Жомарт Тоқаев бейтарап мандат негізінде әрекет ететін Халықаралық Қызыл крест комитетінің бірегей сипатына тоқталып, гуманитарлық көмекті саясиландыруға болмайтынын атап өтті.– Халықаралық Қызыл крест комитеті дүние жүзіндегі гуманитарлық ынтымақтастық жүйесінде аса маңызды рөл атқарады. Халықаралық құқық нормаларын нығайтуға қосқан үлесіңізді жоғары бағалаймыз. Сіз басқаратын Ұйым мен басқа да халықаралық беделді құрылымдар баршаға ортақ адамзат құндылықтарын насихаттауға елеулі үлес қосып келеді. Әсіресе, бұл іс адамдар көмекке мұқтаж аймақтарда өте маңызды, – деді Президент.Қазақстан Халықаралық гуманитарлық құқыққа саяси бейілділікті күшейту жөніндегі жаһандық бастама көтерген алты мемлекеттің бірі саналады. Бұл ретте соғыс кезіндегі адамгершілік тақырыбы бойынша жыл соңына қарай Иорданияда өтетін жоғары деңгейдегі Конференцияға дайындық мәселелері пысықталды.Мирьяна Сполярич Халықаралық Қызыл крест комитетінің қызметіне қолдау көрсеткені үшін Қазақстан тарапына ризашылығын білдірді. Оның айтуынша, тоқсаныншы жылдардан бері еліміз бен Ұйым арасында қалыптасқан сындарлы диалог дәйекті түрде дамып келеді.– Мемлекеттердің қолдауы өте маңызды. Сіз мұны орынды атап өттіңіз. Женева конвенциясына барша ел қатысады. Алайда бұл құжаттың ықпалы аталған нормаларды мемлекеттердің қаншалықты қорғап, қолдауға әзірлігіне байланысты, – деді ХҚКК басшысы.Қасым-Жомарт Тоқаев пен Мирьяна Сполярич халықаралық және гуманитарлық күн тәртібіндегі өзекті мәселелерді талқылап, Қазақстан мен Ұйым арасындағы серіктестікті одан әрі нығайтуға мүдделі екендерін растады. Ақпарат көзі : https://www.gov.kz/memleket/entities/mfa-geneva/press/news/details/1178151?lang=kk

Бүгін аудан әкімдігінің мәжіліс залында аудан әкімі Жандос Еркінбектің төрағалығымен кезекті кеңейтілген жиын өтті. Жиында тұрғын үй құрылысы саласын дамыту және цифрландыру мәселелері қаралды.Биыл аймақ басшысы Байқоңыр қаласындағы 50 пәтерлі 5 тұрғын үйдің ашылу рәсіміне қатысып, пәтер кілттерін табыстады. Сонымен қатар Жосалы кентіндегі Тәуелсіздік ықшам ауданында халықтың әлеуметтік осал топтарын және тұрғын үй кезегінде тұрған азаматтарды тұрғын үймен қамтамасыз ету мақсатында 2 пәтерлі 30 тұрғын үй сатып алынып, қазіргі уақытта табыстау жұмыстары жүргізілуде. Нәтижесінде бұл бағыттағы көрсеткіш өткен жылмен салыстырғанда 103,2 пайызды құрап отыр.Аудан басшысы тұрғын үйлердің сапасына қатысты мәселелерге де тоқталып, кемшіліктер анықталып жатса тиісті жұмыстарды уақытылы жүргізуді тапсырды.Мәжілісте сондай-ақ аудан аумағында санитарлық тазалық жұмыстарын күшейту мәселесі қаралды. Мемлекет басшысының тапсырмасына сәйкес республика көлемінде жүзеге асырылып жатқан «Таза Қазақстан» экологиялық бағдарламасы аясында елді мекендерді абаттандыру және тазалық жұмыстарын жүйелі жүргізу қажеттігі айтылды.Сонымен қатар алдағы Наурыз мерекесіне дайындық мәселесі де талқыланды. Аудан көлемінде 14–23 наурыз аралығында өтетін «Наурызнама» онкүндігі аясындағы мәдени шараларды жоғары деңгейде ұйымдастыру да тапсырылды.Мәжіліс қорытындысында Жандос Еркінбек жауапты сала басшыларына нақты тапсырмалар беріп, олардың орындалуын қатаң бақылауда ұстауды жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1178131?lang=kk

Аманбеков Габит Мұхтарұлы «Фридом Банк Қазақстан» АҚ Бас бухгалтерінің орынбасары лауазымына келісілді (29.09.2026ж. № 70/БВУ/П хаттама).Ақпарат көзі : https://www.gov.kz/memleket/entities/ardfm/press/news/details/1302275?lang=ru

Кәсіпкерлер алдағы уақытта қай салық режимі бойынша жұмыс істейтінін түпкілікті айқындады.1,2 млн-нан астам кәсіпкер оңайлатылған декларация негізіндегі арнаулы салық режимін таңдады.Бұл – шағын және орта бизнес арасында ең сұранысқа ие режим.Оңайлатылған декларация кімдерге қолжетімді?• Жылдық табысы 600 000 АЕК-ке дейін (шамамен 2,6 млрд теңге).Режимнің артықшылықтары:Қызметкерлер санына шектеу жоқ, бұл жұмыспен қамтуды заңдастыруға ықпал етеді;Бірыңғай КТС/ЖТС мөлшерлемесі – 4% (мәслихаттар мөлшерлемені 50%-ға дейін төмендетуге немесе арттыруға құқылы);ҚҚС-тан босату;Декларация тапсыру және салық төлеу жылына 2 рет жүзеге асырылады.Бұл шарттар бизнесті жүргізуді жеңіл әрі болжамды етеді.346 мың азамат өзін-өзі жұмыспен қамтығандарға арналған арнаулы режимді қолданады, оның ішінде 265 мыңы – жаңа қатысушылар.Бұл 265 мың адамның “көлеңкелі” жұмыспен қамтудан шығып, ресми түрде жұмыс істей бастағанын білдіреді.Өзін-өзі жұмыспен қамтығандарға арналған режимді кімдер қолдана алады?• Ай сайынғы табысы 300 АЕК-ке дейін (шамамен 1,3 млн теңге);• Жалдамалы жұмыскерлері жоқ;• ДК ретінде тіркелмеген;• Рұқсат етілген қызмет түрлерін (40 түрі) жүзеге асыратын;• Бұрын патент немесе арнайы мобильді қосымша арқылы жұмыс істеген ҚР азаматтары және қандастар.Артықшылықтары:ДК ретінде тіркелу талап етілмейді;ЖТС-тан босатылады;Табыстың 4%-ы мөлшеріндегі бірыңғай әлеуметтік төлем төленеді, оған зейнетақы, әлеуметтік және медициналық жарналар кіреді.Бұл режим ресми түрде жұмыс істеуге, зейнетақы жинақтарын қалыптастыруға және әлеуметтік қорғау алуға мүмкіндік береді.Ақпарат көзі : https://www.gov.kz/memleket/entities/kgd-vko/press/news/details/1178084?lang=kk

АҚШ-тың Лас-Вегас қаласында өткен UFC 326 турнирінде Арнайы операциялар күштерінің өкілі кіші сержант Дияр Нұрғожай жартылай ауыр салмақта бразилиялық спортшы Рафаэль Тобиаспен болған тартысты жекпе-жекте қарсыласынан басым түсті.Үш раундқа созылған тартысты жекпе-жекте төрешілердің шешімімен Дияр Нұрғожай жеңіске жетті (30-27, 29-28, 29-28).Осылайша, Дияр Нұрғожай кәсіби мансанбында 11-ші жеңісіне қол жеткізді, ал Рафаэль Тобиас кәсіби ММА-да екінші рет жеңілді.Бұл кездесу файтер үшін UFC ұйымындағы үшінші жекпе-жек болды. Қазіргі уақытта оның кәсіби ММА рекорды 13 жекпе-жек, 11 жеңіс, 2 жеңіліс (11–2) көрсеткішінде тұр. Дияр Нұрғожай 93,4 келі салмақ дәрежесінде өнер көрсетеді.Дияр Нұрғожай – қоян-қолтық ұрыстан Қазақстанның бірнеше дүркін чемпионы, Панкратионнан әлем чемпионы, ММА-дан Азия чемпионы, Eagle FC лигасының жартылай ауыр салмақтағы чемпионы, Dana White’s Contender Series турнирінің жеңімпазы, UFC ұйымының файтері.2024 жылғы қазан айында Дияр Нұрғожай Dana White’s Contender Series турнирінде жеңіске жетіп, кейін UFC ұйымымен ресми келісімшартқа қол қойған болатын.Қазақстандық спортшының UFC-де көрсеткен нәтижесі мен халықаралық аренадағы жетістіктері оның келешектегі матчтардағы мүмкіндіктерін айқын көрсетіп отыр.Ақпарат көзі : https://www.gov.kz/memleket/entities/mod/press/news/details/1178093?lang=kk

Бүгін аудан әкімі Берік Сәрменбаев "Руханият" орталығында Азаматты хал актілерін тіркеу қызметкерлерін кәсіби мерекемен құттықтады. Мерекелік іс-шараға аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, сала ардагерлері ме қызметкерлері қатысты.– Жаңа Конституция жобасында отбасы мен неке ұғымдарының нақты айқындалуы – қоғамдағы дәстүрлі құндылықтарды құқықтық деңгейде бекітудің айқын көрінісі. Жоба мәтінінде отбасы құндылықтарын қорғау, неке институтын нығайту, сондай-ақ ата-ана мен бала арасындағы өзара жауапкершілік мәселелері кеңінен қамтылған. Сонымен қатар құжатта неке ұғымына нақты анықтама берілген. Онда неке ер мен әйелдің мемлекет заңына сәйкес тіркелген ерікті және тең құқықты одағы екені көрсетілген. «Бұл – отбасының жай ғана әлеуметтік ұғым емес, мемлекетіміздің іргетасын құрайтын және оның қорғауындағы ең маңызды институт екенін білдіреді.Азаматтық хал актілерін тіркеу қызметі – қоғам өміріндегі аса маңызды әрі жауапты салалардың бірі. Адам өміріндегі ең маңызды кезеңдер – дүниеге келу, отбасын құру, жаңа өмір бастау, сондай-ақ өмір жолындағы өзге де маңызды сәттер сіздердің тікелей қатысуларыңызбен заңды түрде рәсімделеді. Сондықтан бұл салада қызмет ету үлкен жауапкершілікті, жоғары кәсібилікті, адалдық пен ұқыптылықты талап етеді. Сіздер күн сайын азаматтардың құқықтары мен заңды мүдделерін қорғауға, мемлекеттік қызметтердің сапасын арттыруға, қоғамдағы құқықтық тәртіптің нығаюына зор үлес қосып келесіздер. Сіздердің адал еңбектеріңіз – халыққа көрсетілетін мемлекеттік қызметтің сапасын арттыруға бағытталған маңызды қадамдардың бірі. Осындай жауапты міндеттерді абыроймен атқарып жүрген барша қызметкерлерге шынайы алғысымды білдіремін, – деді Берік Әбдіғаппарұлы.Салтанатты жиында сала ардагерлері мен қызметкерлеріне аудан әкімінің "Алғыс хаты" табысталып, сый-құрмет көрсетілді. Сондай-ақ, зейнетке шыққан ардагерге құрмет жасалып, жас жұбайларға неке куәлігі мен жаңа туған нәрестенің туу туралы куәлігі анасына салтанатты түрде табысталды.Аудан өнерпаздары жиналған жұртшылыққа әсем әндерін тарту етіп, мерекелік көңіл-күй сыйлады.Ақпарат көзі : https://www.gov.kz/memleket/entities/kyzylorda-syrdarya/press/news/details/1177997?lang=kk

Аудан әкімі Берік Сәрменбаев Қызылорда облысының құрметті ардагері Серік Нұртазаевты қабылдап, 70 жасқа толған мерейтойымен құттықтады.Қабылдауда аудан әкімі ардагердің өңір дамуына қосқан үлесін ерекше атап өтті.– Ел мүддесін бәрінен биік қоятын, өзінен кейінгі ізіне ерген ұрпағына бас-көз бола білген алдыңғы буын ағаларымыздың орны ерекше. Өңіріміздің әлеуметтік-экономикалық, мәдени-рухани дамуына ерекше үлес қосқан азаматтарды ардақтап, бүгінгідей құрмет көрсету игі дәстүрге айналды. Бүгін адал еңбегімен халықтың ыстық ықыласына бөленген, экономика, қаржы саласында өзіндік қолтаңбасы бар Серік Нұзтазаевтың 70 жасқа толған мерейтойына орай жиналып отырмыз. Сізді барша аудан жұртшылығы атынан мерейлі жасыңызбен шын жүректен құттықтаймын! Өзіңіздің іскерлік қабілетіңіз бен кәсіби шеберлігіңіздің арқасында ауданымыздың өсіп-өркендеуіне ерекше үлес қосып, еңбекпен еселенген өнегелі өмір жолыңызда өңіріміздің дамуы үшін аянбай қызмет жасадыңыз. Алдағы уақытта да тәуелсіз қазақ елінің жарқын болашағына куә болып, мағыналы ғұмыр кешіңіз. Әрқашан мерейіңіз үстем, мәртебеңіз биік, абыройыңыз асқақтай берсін! Мерейтойыңыз құтты болсын, – деді Берік Әбдіғаппарұлы.Айта кетейік, Серік Нұзтазаев Ақжарма ауылының тумасы. Еңбек жолын Ақжарма ауылында жұмысшы болып бастап, Далакөл ауылдық кеңесінің хатшысы, «Ильич» совхозында өндіріс бригадирі, кейін совхоздың кәсіподақ комитетінің төрағасы болып қызмет жасады. Ардақты азамат Тәуелсіздік жылдарында білімі мен тәжірибесін қаржы саласына арнап, 1994-2000 жылдары әр түрлі салада бас экономист қызметтерін атқарды. 2001 жылы Ақжарма ауылдық округінің әкімі болып тағайындалды. 2002 жылдың қыркүйек айында Тереңөзек кентінің әкімі болып тағайындалып, аудан орталығының дамуына абыройлы қызмет атқарды. 2007-2011 жылдары Сырдария аудандық ішкі саясат бөлімін, 2011-2012 жылдары Сырдария аудандық жұмыспен қамту және әлеуметтік бағдарламалар бөлімін басқарды. 2022 жылдан бері Қызылорда облысы әкімі аппаратының ұйымдастыру-нұсқау бөлімінде облыстық Қоғамдық кеңес жұмысын үйлестіру жұмыстарын жүргізуде. Қай салада болса да барлығын үлкен жауапкершілікпен атқарып, облыс, аудан жұртшылығының алғысына бөленіп келеді. Салтанатты қабылдауда аудандық ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов, Сырдария ауданының Құрметті азаматы Ұлмекен Жанәлиева, еңбек ардагерлері Бүркітбай Мұстафаұлы, Марат Омаров сөз сөйлеп, мерейтой иесіне жылы лебіздерін білдірді.Кездесу барысында аудан әкімі мерейтой иесіне ауданының Құрмет грамотасын табыстады. Халқымыздың игі дәстүрі бойынша шапан жауып, сый-құрмет көрсетті.Өз кезегінде Серік Нұртазаев көрсетілген құрметке алғысын білдірді.Ақпарат көзі : https://www.gov.kz/memleket/entities/kyzylorda-syrdarya/press/news/details/1178021?lang=kk

Кез-келген ауылшаруашылық дақылының сәтті өнімінің КЕПІЛІ вегетациялық кезеңдегі өсу мен даму туралы барлық генетикалық ақпаратты қамтитын тұқымдарда жатыр. Өсімдіктің бастап өсуі туралы білім вегетациялық кезеңде бастапқы тұрғыдан түсініксіз шығындарға әкелетін процестерді түсіну үшін қажет.Кез-келген тұқымға тән жұқпалы жүктеме жыл сайын егіннің үлкен шығынын тудырады, кейбір қоздырғыштар инфекцияның негізгі көзі ретінде әрекет етеді. Тұқымдар өсімдіктердің биологиялық және экономикалық қасиеттерін тасымалдаушы болып табылады, сондықтан оларды себу кезінде алынған өнім олардың сапасына байланысты. Тұқымдарды егу алдындағы өңдеу Ауылшаруашылық дақылдарының өнімділігіне және сәйкесінше азық-түлік өндірісінің көлеміне айтарлықтай әсер етеді.Жоғары сапалы тұқымсыз бәсекеге қабілетті ауылшаруашылық өнімдерін барлық агротехникалық әдістер сақталса да өсіруге болмайды. Ауыл шаруашылығы өнімдерінің жоғары өнімділігі мен тауарлық САПАСЫНЫҢ КЕПІЛІ тұқым материалын, тұқым компоненттерін дайындауды және олардың өңдеу процесінде тиімді өзара әрекеттесуін қамтитын ғылыми негізделген тұқым дайындау болып табылады. Тұқым арқылы берілетін аурулардың таралуын болдырмау үшін олардың фитоэкспертизасын жүргізу қажет.  Фитоанализді жүргізудің негізгі міндеті-тұқымда болуы мүмкін әр түрлі патогендердің сыртқы және ішкі инфекциясын, сондай-ақ олардың әртүрлі саңырауқұлақтарға түрлері мен тұқымдарын анықтау. Сондықтан жаздық бидай мен арпа тұқымдарын себу алдындағы өңдеу үшін саңырауқұлақ және бактериялық инфекция кешеніне қарсы қорғаныс-ынталандырушы құрамды таңдау, тұқымның себу сапасын және стресске қарсы белсенділікпен, вегетациялық кезеңге төзімділікпен тамыр түзілуін ынталандыру өзекті міндет болып табылады. Тұқымдардың фитоанализі заманауи өндіріс технологияларының ажырамас бөлігі болып табылады, бұл өсімдіктердің ауруға шалдығуын болжауға мүмкіндік береді және осылайша астықтың өнімділігі мен сапасын сақтауға мүмкіндік береді. Аурулардың дұрыс диагностикасы, олардың пайда болу себептері мен даму ерекшеліктерін білу ғана профилактикалық және қорғаныс шараларын сәтті өткізудің негізі болып табылады. Тұқымдарды фунгицидтермен сапалы маринадтау міндетті түрде фитоэкспертизадан басталуы керек.Көптеген әдебиет көздеріне сәйкес, тамыр шіріктерінің негізгі қоздырғыштары: фузариум және гельминтоспориоз. Құлақтың фузариуммен зақымдануының әсерінен дәндердің саны, 1000 тұқымның салмағы азаяды, тұқымның өнгіштігі төмендейді және көшеттердің ішінара өлімі орын алады. Fusarium тұқымдасының саңырауқұлақтарымен құлақ инфекциясы 50% - ға дейін өнім жоғалтуға әкеледі. Гельминтоспориоз көшеттер мен көшеттердің өлуіне, өсімдіктердің бойының төмендеуіне, жалпы және өнімді бұталардың төмендеуіне, тамыр шіріктеріне әкеледі.Егіннің шығыны 10% немесе одан да көп болуы мүмкін, тұқымның өнгіштігі 40% төмендеуі мүмкін. Alternaria тұқымдасының саңырауқұлақтары егін жинауға дейін егістікте өсімдіктің дамуы кезінде тұқымдарды колонизациялайды. Альтернариоздан зардап шеккен тұқымдардың өну энергиясы төмен және өнгіштігі төмен. Көшеттер мен көшеттердің өліміне әкелетін аурулардың арасында фитопатогенді саңырауқұлақтар тудыратын тамыр шіріктері басым: R. R. Bipolaris (Helmintosporium), Fusarium, Alternaria, Pytium. Зиянды организмдерден шығын 25-30 % жетеді. Тұқымдар мен отырғызу материалы агроэкожүйелерде фитопатогендердің таралуының ерекше және кең таралған факторы болып табылады. Тұқымдардың жоғары фитосанитариялық және егістік қасиеттерін қамтамасыз ету дақылдарды өсірудің фитосанитариялық технологияларында үлкен маңызға ие.Тұқым материалының патогендерінің білікті диагностикасы уландырғыштарды таңдауға сараланған түрде жақындауға, олардың ішіндегі ең тиімдісін патогендердің белгілі бір түріне немесе кешеніне қарсы қолдануға мүмкіндік береді. Осыған байланысты интеграцияланған қорғаныстың негізгі мазмұны ретінде тұқым материалын фитоанализдеудің маңыздылығы артып келеді. Жоғарыда айтылғандардың бәрі тұқым себу алдында уақтылы фитоанализ жүргізудің маңыздылығы мен өзектілігіне күмән келтірмейді!Тұқымдарға фитоанализ жүргізу сұрақтары бойынша хабарласыңыз. "РФД жене БӘО" РММ Меңдіқара ауданың филиалы. Боровское ауылы. Алтынсарин көшесі 25. тел. 871443 22079. Ұялы. 87058637695.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1178031?lang=kk

8 Наурыз – Халықаралық әйелдер күні қарсаңында Шығыс Қазақстан облысы бойынша Мемлекеттік кірістер департаментінде ұжымның нәзік жандарын құттықтауға арналған мерекелік іс-шара өтті.Жұмыс алдында ұжымның ер азаматтары әріптес - әйелдерді ғимаратқа кіреберісте жылы әрі салтанатты түрде қарсы алды. Мерекелік көңіл күйді әуен, гүлдер мен естелік сыйлықтар айшықтай түсті.Департамент басшылығы өз құттықтауында арулардың қоғамдағы және мемлекеттік қызметтегі рөлі ерекше екенін атап өтті. Сондай-ақ олардың адал еңбегі, жоғары кәсібилігі және қызметтік міндеттеріне жауапкершілікпен қарағаны үшін алғыс сөздер айтылды. Құттықтауға ұжымдағы ер-азаматтар да қосылып, әріптестеріне жүрекжарды тілектерін жеткізді.Қыбатты әріптестерімізді Халықаралық әйелдер күнімен шын жүректен құттықтаймыз! Сіздерге зор денсаулық, отбасыларыңызға амандық, кәсіби табыс пен көтеріңкі көңіл күй тілейміз! Шаңырақтарыңыз әрдайым жылулыққа, береке мен ынтымаққа толы болып, әр күніңіз қуаныш пен шаттық сыйласын!Ақпарат көзі : https://www.gov.kz/memleket/entities/kgd-vko/press/news/details/1177988?lang=kk

«Таза Қазақстан» акциясы аясында Атамекен ауылдық округінде тазалық жұмыстары жүргізілді.Аталған шара барысында ауыл көшелері мен қоғамдық орындарда санитарлық тазалық жұмыстары атқарылды. Қоқыстар жиналып, жол жиегі мен қоғамдық аумақтар ретке келтірілді.Ақпарат көзі : https://www.gov.kz/memleket/entities/mangystau-munaily-atameken/press/news/details/1177991?lang=kk

Құрметті Кербұлақ ауылының тұрғындары!Шеңгелді ауылдық округінің әкімі Мақсат Өмірғалиұлы Жазиев, ағымдағы жылдың 13 наурыз сағат 10.00-де Кербұлақ ауылының № 7 орта мектебінің мәжіліс залында ауыл тұрғындарымен кездесу өткізетіндігін хабарлаймыз. Өз пікірлеріңіз бен ескертпелеріңізді және ұсыныстарыңызды мектеп ғимаратында қойылған «Ұсыныстар, ескертпелер мен пікірлер үшін» деген жазуы бар арнайы жәшікке салуларыңызға болады.Сонымен қатар, кездесуден кейін осы ғимаратта, № 1 кабинетінде округ әкімі тұрғындарды жеке мәселесі бойынша қабылдайды.«Шеңгелді ауылдық округінің әкім аппараты» ММАқпарат көзі : https://www.gov.kz/memleket/entities/qonaev-shengeldi/press/news/details/1177951?lang=kk

Аудан әкімі Берік Сәрменбаевтың төрағалығымен мәжіліс өтті. Жиында автожол саласын дамыту және Үкімет отырысынан кейін облыс әкімі тарапынан берілген тапсырмаларды аудан көлемінде сапалы әрі мерзімінде орындау бойынша нақты тапсырмалар берілді.– Мемлекет басшысының, Үкімет басшысының және облыс әкімінің қолдауымен аудан аумағында жол құрылысы қарқынды жүргізіліп, елді мекендердің ішкі көшелері орташа және күрделі жөндеуден өткен болатын. Өткен жылы аудан бойынша жол саласына 9 жобаға 1,3 млрд теңге қаржы бөлініп, 12 көшеге күрделі жөндеу жұмыстары жүргізілді, 17 көшеге қиыршық тас төселіп, 10,2 шақырым аудандық маңызы бар жолға орташа жөндеу жұмыстары атқарылды. Қазіргі кезде жолдардың жақсы және қанағаттанарлық жағдайдағы үлесі 99 пайызға жетті. Автомобиль жолдары мен көшелерді салу, жөндеу жұмыстарының сапасын қатаң бақылауға алып, жобаларды мерзімінде әрі талапқа сай аяқтау бағытындағы жұмыстар алдағы уақытта да жалғасын табатын болады,- деді Берік Әбдіғаппарұлы.Жиын қорытындысы бойынша күн тәртібінде қаралған мәселелерге сәйкес жауапты сала басшылары мен кент және ауылдық округ әкімдеріне нақты міндеттер жүктелді.Ақпарат көзі : https://www.gov.kz/memleket/entities/kyzylorda-syrdarya/press/news/details/1177966?lang=kk

2026 жылдың басынан бастап Қазақстан Республикасының Салық кодексіне салықтық әкімшілендірудің тиімділігін арттыруға және салық төлеушілер мен мемлекеттік кірістер органдары арасындағы өзара іс-қимылдың ашықтығын қамтамасыз етуге бағытталған өзгерістер күшіне енді. Бақылаудың негізгі құралдарының бірі ретінде салықтық есептілік деректері мен салық төлеушінің нақты қызметі арасындағы сәйкессіздіктерді анықтауға мүмкіндік беретін камералдық бақылау сақталып отыр.Сәйкессіздіктер туралы хабарламаның жаңа нысаны бекітілді, ол анықталған сәйкес келмеушіліктерге жедел әрекет етуге — оларды жоюға немесе түсіндірмелер ұсынуға мүмкіндік береді.Қазақстан Республикасының 2026 жылғы Салық кодексінің 137-бабы камералдық бақылауды жүргізудің құқықтық негіздері мен тәртібін белгілейді. Камералдық бақылау салықтық есептілік тапсырылғаннан кейін талап қою мерзімі ішінде жүзеге асырылады және салық төлеушінің деректерін салық органдарындағы ақпаратпен салыстыруға бағытталған.Хабарламаны алғаннан кейін салық төлеуші анықталған бұзушылықтарды жоюға немесе заңнаманың бұзылмағанын растайтын негізделген түсіндірмелер ұсынуға құқылы. Хабарламаны орындау мерзімі — тапсырылған күннен бастап 30 жұмыс күні. Құжат көлденең мониторингке қатысушыларды қоспағанда, барлық салық төлеушілерге жіберіледі және Қазақстан Республикасының аумағында интернет-платформалар арқылы қызметін жүзеге асыратын шетелдік компанияларға да қолданылады.Хабарламаны орындау бірнеше тәсілмен мүмкін:келісілген жағдайда — қосымша салықтық есептілік нысанын ұсыну, берешек пен өсімпұлды төлеу, деректерді мобильді қосымшаларда көрсету (өзін-өзі жұмыспен қамтығандар үшін) немесе тиісті салық режиміне көшу үшін қажетті әрекеттерді орындау;келіспеген жағдайда — растайтын құжаттармен бірге жазбаша түсіндірмелер ұсыну;ішінара келісілген жағдайда — сәйкессіздіктердің бір бөлігін жою және қалған бөлігі бойынша түсіндірмелер беру.Хабарламаны белгіленген мерзімде орындамау мемлекеттік кірістер органдары тарапынан әкімшілік шаралардың қолданылуына әкеп соғады, оның ішінде банктік шоттар бойынша шығыс операцияларын тоқтата тұру, электрондық шот-фактураларды жазып беруді тоқтату, сондай-ақ онлайн-платформалар арқылы қызмет жүргізетін шетелдік компаниялардың интернет-ресурстарға қол жеткізуін шектеу.Хабарламаның жаңа нысанын енгізу камералдық бақылау үдерісін анағұрлым ашық етеді және салық төлеушілерге анықталған сәйкессіздіктерге икемді түрде әрекет етуге мүмкіндік береді. Заңнаманы сақтаудың негізгі шарты — хабарламаны уақтылы орындау және деректерді цифрлық құралдарды пайдалана отырып дұрыс көрсету болып қала береді.Ақпарат көзі : https://www.gov.kz/memleket/entities/kgd-vko/press/news/details/1177840?lang=kk

Төрт жылдық сағыныштан кейін: сотталған аналар балаларымен кездестіХалықаралық әйелдер күні қарсаңында Қарағанды облысындағы қылмыстық-атқару жүйесі мекемелерінің бірінде екі сотталған әйел өз балаларымен әсерлі кездесу өткізді.Төрт жыл бойы аналар өз балаларын көрмеген. Осы уақыт ішінде балалар Осакаров балалар үйінде тәрбиеленіп келген. ҚАЖ мекемесі қызметкерлерінің бастамасы мен жанашырлығының, сондай-ақ балалар үйі әкімшілігімен бірлескен жұмыстың нәтижесінде көптен күткен кездесу ұйымдастырылды.Тікенек сымның ар жағында шынайы сезімге толы сәттер орын алды — аналар балаларын құшақтап, олармен сөйлесіп, бірге бірнеше қымбат минуттарды өткізуге мүмкіндік алды. Бұл кездесу әйелдер үшін Халықаралық әйелдер күніне арналған ерекше сый болды әрі ана махаббаты мен отбасылық құндылықтардың маңызын тағы бір еске салды.Мекеме қызметкерлерінің айтуынша, мұндай кездесулер сотталғандардың қайта әлеуметтену процесінде маңызды рөл атқарады. Олар отбасымен байланысты сақтауға көмектесіп, түзелуге және қоғамға қайта оралуға деген ынтаны арттырады.Ақпарат көзі : https://www.gov.kz/memleket/entities/ps/press/news/details/1177853?lang=kk

        Джакарта, 2025 жылғы 10 наурыз - Қазақстанның Индонезиядағы Елшісі Сержан Әбдікәрімов Индонезия Республикасы Сыртқы істер министрлігінің Азия-Тынық мұхиты өңірі және Африка мәселелері жөніндегі жаңа Бас директоры Санто Дармосумартомен кездесті.          Кездесу барысында тараптар Қазақстан мен Индонезия ынтымақтастығының қазіргі жағдайы мен перспективаларын, соның ішінде саяси диалогты, сауда-экономикалық, инвестициялық және мәдени-гуманитарлық байланыстарды одан әрі нығайту мәселелерін егжей-тегжейлі талқылады, сондай-ақ халықаралық күн тәртібіндегі өзекті мәселелер бойынша пікір алмасты.          Елші С.Әбдікәрімов контрәріптесіне Қазақстандағы конституциялық және әлеуметтік-саяси реформалар мен елдің жаңа Конституция жобасының негізгі новеллаларын атап өтіп, жобаға қатысты жалпыұлттық референдум 2026 жылғы 15 наурызда өтетінін мәлім етті.          Кездесу қорытындысы бойынша тараптар Қазақстан мен Индонезия арасындағы конструктивті диалогты жалғастыруға және өзара тиімді серіктестікті дамытуға өзара қызығушылықтарын растады. Ақпарат көзі : https://www.gov.kz/memleket/entities/mfa-jakarta/press/news/details/1177713?lang=kk

Көктемгі тұқымдарды тексеру: неліктен бұл сіздің егіннің негізі?      Терезенің сыртында қар ери бастағанда, фермерлер сыни сәтке тап болады. Егіске дайындық тек техниканы жөндеу және тыңайтқыштарды сатып алу ғана емес. Шаруашылықтың негізгі активі-тұқым қоры. Көптеген адамдар астық таза және құрғақ болып көрінсе, ол керемет деп қателеседі. Алайда, патогендердің микроәлемі әлдеқайда жасырын. Тұқымның көктемгі Фито-сараптамасы болашақ егіннің негізі болып табылады, бұл дала жұмыстары басталғанға дейін үлкен шығындарды болдырмайды.Тұқымдар өну сәтіне дейін көрнекі түрде көрінбейтін көптеген аурулардың тасымалдаушысы бола алады. Негізгілері екі санатқа бөлінеді: беткі инфекция: астық қабығында орналасқан саңырауқұлақ споралары (мысалы, қатты шірік).Ішкі инфекция: терең енген қоздырғыштар (шаңды шірік, эмбрион қоздырғыштар). Көктемгі кезеңнің ең қауіпті аурулары: тамыр шірігі (фузариоз және гельминтоспороз): дақылдардың жұқаруына, нашар қыстауға (қысқы) және бұтаның төмендеуіне әкеледі. Тұқымның көгеруі: ұзақ көктемде және топырақтың төмен температурасында белсендіріледі, сөзбе-сөз жердегі көшетті "жейді".Цефалиялық аурулар: астықтың презентациясы мен сапасын толығымен жоя алатын ең қас жау.Неліктен тексеруді көктемде жасау керек? Қыста сақтау кезінде тұқымның жағдайы өзгеруі мүмкін. Қоймадағы ылғалдылықтың жоғарылауы немесе өзін-өзі жылыту саңырауқұлақтардың тез өсуіне себеп болады. Неліктен тексеруді көктемде жасау керек? Қыста сақтау кезінде тұқымның жағдайы өзгеруі мүмкін. Қоймадағы ылғалдылықтың жоғарылауы немесе өзін-өзі жылыту саңырауқұлақтардың тез өсуіне себеп болады.Фитоэкспертиза негізгі сұрақтарға жауап береді:Нақты өну дегеніміз не? Аурулар өну энергиясын төмендетеді. Сіз норманы себе аласыз, бірақ екі есе аз көшет аласыз.Қандай препаратты таңдау керек? Егер негізгі мәселе көгеру болса, қымбат фунгицидті қолданудың қажеті жоқ. Немесе, керісінше, арзан препарат терең ішкі инфекцияны "қабылдамауы" мүмкін. Жағдай-тексерусіз салдары және тексерумен нәтижеҚарақұйрықтарды жұқтыру, тексерусіз салдары-егіннің 15-20% дейін жоғалуы, астықты элеваторға қабылдаудан бас тарту. Тексеру нәтижесі-фунгицидті дәл таңдау, 100% масақты қорғау.Тамыр шірігі, тексерусіз нәтиже-сирек қашу, астықтың төмен табиғаты. Тексерудің нәтижесі-өсімдіктердің тығыздығын сақтау.Тұқымдар-бұл сіздің болашақ табысыңыздың биологиялық коды. Уақтылы зертханалық талдау егінді сақтап қана қоймай, сонымен қатар Химия шығындарын оңтайландыруға мүмкіндік береді, бұл қазіргі жағдайда экономиканың өмір сүруінің кепілі болып табылады. Есіңізде болсын-тұқымдарға фитоэкспертиза жүргізу мәселелері бойынша "Рмцфди" РММ филиалына 33-0-99 тел.бойынша хабарласыңыз. Ұялы.87774478074, Федоровка ауылы, Кравцов көшесі 32а.Ақпарат көзі : https://www.gov.kz/memleket/entities/kostanay-fedorov/press/news/details/1177733?lang=kk

Зейнетақы активтерін инвестициялық басқару жөніндегі invest.enpf.kz бірыңғай интернет-платформасы іске қосылды  «БЖЗҚ туралы өзекті сауалдар»   БЖЗҚ енгізген зейнетақы активтерін инвестициялық басқару жөніндегі инернет-платформа дегеніміз не?Азаматтардың зейнетақы активтерін инвестициялық басқару жөніндегі invest.enpf.kz бірыңғай ақпараттық интернет-платформасы инвестициялық портфельді басқарушылар (ИПБ) туралы барлық негізгі ақпаратты бір цифрлық кеңістікке біріктіреді және инвестициялық қызмет туралы деректерді ұсынуға жүйелі тәсілді қамтамасыз етеді. Бұл жобаның мақсаты қандай?Жобаның мақсаты – халықты осы бағыттағы мәліметтен хабардар ету деңгейін арттыру және зейнетақы активтерінің кірістілігі туралы деректерді жариялауды үндестіру және инвестициялау нәтижелеріне әсер ететін факторларды түсіндіру есебінен зейнетақы активтерін инвестициялау тетіктері туралы тұрақты түсінік қалыптастыру.  Инвестициялық басқару жөніндегі бірыңғай ақпараттық интернет-платформа – бұл салымшыларға зейнетақы инвестицияларын онлайн-режимде талдауға мүмкіндік беретін заманауи цифрлық ресурс.invest.enpf.kz порталында салымшылар қандай ақпаратқа қол жеткізе алады?invest.enpf.kz порталында пайдаланушыларға зейнетақы жинақтарының жүйесі, бағалы қағаздар, инвестициялау стратегиялары (критерийлері), базалық ұғымдар, зейнетақы активтерін орналастыру құрылымы туралы мәліметтер, сондай-ақ әрбір ИПБ-ның қаржылық көрсеткіштері, ИПБ-лардың реттеушілік талаптарды сақтауы туралы деректер және салымшыларға ИПБ мен оның инвестициялық портретін жасауға мүмкіндік беретін өзге де мәліметтер қазақ және орыс тілдерінде қолжетімді.Интернет-ресурс кірістілік туралы ақпаратқа ыңғайлы әрі жүйеленген түрде қол жеткізуді қамтамасыз етеді. Ол белгілі бір кезеңдер аралығын таңдау арқылы динамикада сенімгерлік басқарушылардың (ҚР Ұлттық Банкі және инвестициялық портфельді басқарушылар) басқаруындағы зейнетақы активтері портфельдері бойынша әртүрлі деректерді салыстыруға мүмкіндік береді. Салымшыларға инвестициялық портфельдерді өз бетінше бағалауға, сондай-ақ өз мақсаттарына сай келетін басқарушыны және оның инвестициялық стратегиясын таңдауға арналған құралдар ұсынылады.Осылайша, бірыңғай интернет-платформа зейнетақы жүйесіндегі цифрлық сервистерді дамытудың маңызды тетігіне айналып, салымшылардың зейнетақы капиталын басқаруға саналы түрде қатысуына және өзінің қаржылық болашағын қалыптастыруына ықпал етеді. Платформаның негізгі мүмкіндіктері қандай? Ақпараттың көрнекілігі мен қолжетімділігі         Барлық деректер пайдаланушылардың кең ауқымы үшін ыңғайлы және түсінікті форматта ұсынылған, бұл салымшыға өз қаражатының қайда және қалай инвестицияланатынын көруге мүмкіндік береді ИПБ-лардың кірістілігі мен көрсеткіштерін салыстыруПлатформа ИПБ-ларды портфель құрылымының кірістілігі, зейнетақы активтерінің шартты бірлігінің құны, сондай-ақ қаржылық көрсеткіштер мен инвестициялық қызмет нәтижелері сияқты негізгі өлшемдер бойынша салыстыруға мүмкіндік береді. Инвестициялық стратегияны саналы түрде таңдау          Салымшы инвестициялық декларацияларды дербес зерделей алады және зейнетақы жинақтарын активтерді инвестициялық басқару критерийіне сәйкес өзі таңдаған ИПБ-ның басқаруына бере алады. Салымшы толық ақпараттық бақылау жасай алады          Қажетті талдау жүргізе отырып, Пайдаланушы порталдан жеке кабинетке өту арқылы өзінің жеке зейнетақы активтері туралы егжей-тегжейлі ақпарат алады. Қажет болған жағдайда міндетті зейнетақы жарналарының, міндетті кәсіптік зейнетақы жарналарының 50%-на дейін және ерікті зейнетақы жарналарының 100%-на дейін ИПБ-ға сенімгерлік басқаруға аудара алады.Салымшы жеке кабинетте қандай операцияларды орындай алады?          Жеке кабинетте салымшы:ИПБ-ға/дан – ҚРҰБ-қа/тан беру/қайтаруға қолжетімді соманы тексере алады;ИПБ таңдау (өзгерту туралы) туралы немесе ИПБ сенімгерлік басқаруындағы зейнетақы жинақтарын ҚР ҰБ сенімгерлік басқаруына қайтару туралы өтініш беру қағидалары және шарттарымен таныса алады;ИПБ таңдау (өзгерту туралы) немесе ҚР ҰБ-ға қайтару туралы өтініш беру және оның мәртебесін қадағалау;басқа да зейнетақы қызметтері қолжетімді. Тақырып бойынша сұхбат: https://youtu.be/W9vL4G67ESc?si=Y-FxABaaMphxsfspБейненұсқаулық: https://youtu.be/XH8ZjgxhkpQ?si=RrcYaR64wpj_wbvH  Ақпарат көзі : https://www.gov.kz/memleket/entities/social-abay/press/news/details/1197188?lang=kk

Қазақстан Елшісі Болат Иманбаевтың Армения Республикасы Орталық сайлау комиссиясының төрағасы Ваагн Овакимянмен кездесуі өтті.Сұхбат барысында армян тарапы Қазақстанда жүргізіліп жатқан конституциялық реформаның негізгі бағыттарымен таныстырылып, сондай-ақ 2026 жылғы 15 наурызда өтетін Қазақстан Республикасының жаңа Конституциясының жобасы бойынша республикалық референдумға дайындық барысы туралы хабардар етілді.Армения ОСК төрағасы референдумға халықаралық байқаушы ретінде қатысатынын растады. Ол Қазақстанда жүзеге асырылып жатқан ауқымды саяси және әлеуметтік-экономикалық жаңғырту аясындағы конституциялық реформаның маңыздылығын атап өтті.Кездесу қорытындысы бойынша тараптар сайлау үдерістерін халықаралық стандарттарға сәйкес жетілдіру саласында тәжірибе алмасуды жалғастыру және ынтымақтастықты одан әрі дамытуға өзара мүдделілігін растады.Ақпарат көзі : https://www.gov.kz/memleket/entities/mfa-erevan/press/news/details/1177656?lang=kk

Құрметті салық төлеушілер!2026 жылғы 10 наурызында сағат 15:00-де Департаменттің «Instagram» әлеуметтік желісіндегі @pavlodar_mkd парақшасында «Көлік салығы» тақырыбына тікелей эфир өтеді.Спикер: өндірістік емес төлемдер басқармасының басшысы Арман Таболдыұлы Увалиев сөз сөйлейді.Модератор – түсіндіру жұмысы және Байланыс-орталығы басқармасының басшысы Шаймарданов Толеген Білялұлы.Трансляцияны жіберіп алмау үшін Павлодар облысы бойынша мемлекеттік кірістер Департаментінің Instagram парақшасы – pavlodar_mkd жазылыңыз. Павлодар облысы бойынша МКД түсіндіру жұмысыжәне Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1177621?lang=kk

Солтүстік Қазақстан облысында «№51 мекеме» сотталғандары медицина қызметкерлеріне арналған арнайы киім тігуді меңгерді. Жоба сотталғандардың еңбегін ұйымдастыру тобының негізгі іс-шаралар жоспары аясында «Енбек-Кызылжар» РМК филиалымен бірлесіп жүзеге асырылуда.Аталған бастама Айыртау аудандық ауруханасы қызметкерлеріне арналған арнайы киім жиынтықтарын дайындауды көздейді. Бұған дейін мекемеде жұмыс кездесулері өткізіліп, тапсырысты орналастыру мүмкіндіктері мен өндірістік қуат мәселелері талқыланды.Кезекті кездесуде жедел медициналық жәрдем қызметкерлеріне арналған кеудеше үлгісі таныстырылды. Алдағы уақытта кеудеше мен шалбардан тұратын толық арнайы киім жиынтығын шығару жоспарлануда. Арнайы киім медициналық талаптарға сай әзірленіп, оның ыңғайлылығы, тиімділігі және төзімділігіне ерекше назар аударылуда.Алғашқы партия 16 дайын жиынтықты құрайды. Алдағы уақытта техникалық персоналға арналған 50 арнайы киім жиынтығын және санитарларға арналған 100 арнайы киім жиынтығын тігу жоспарлануда.Ведомство өкілдерінің айтуынша, мұндай жобаларды жүзеге асыру әлеуметтік мекемелерді қажетті өніммен қамтамасыз етіп қана қоймай, сотталғандарды еңбекпен қамтуға, олардың кәсіби дағдыларын қалыптастыруға және қоғамға бейімделуіне оң ықпал етеді.  Ақпарат көзі : https://www.gov.kz/memleket/entities/duissko/press/news/details/1177506?lang=kk