ШҚО музей-қорығында Ұлы Отан соғысындағы Жеңістің 80 жылдығына орай жерлесіміз, ҰОС ардагері, «Халық Қаһарманы» Қасым Қайсеновтің өмірі мен шығармашылығына арналған «Аңызға айналған Қасым Қайсенов» атты экспозиция ашылды. Экспозицияның тұсаукесеріне ұлы Болат Қайсенов пен туыстары қатысты.Ақпарат көзі : https://www.gov.kz/memleket/entities/vko-cultura-arhiv/press/news/details/991804?lang=kk

    2025 жылдың 8 мамырында Қостанай облысы Әділет департаментінің «Ауданаралық мәжбүрлеп орындату аумақтық бөлімі» филиалдарының басшылары жеке сот орындаушыларымен, нотариустармен, сондай-ақ жергілікті атқарушы органдардың өкілдерімен бірлесіп ардагерлерді құттықтап, оларға азық-түлік себеттері мен мерейтойлық медальдар табысталды.   Рудный қаласында тыл еңбеккері Зубов Анатолий Михайловичті құттықтады. Жітіқара ауданында соғыс жылдарында далада еңбек етіп, кейін ұзақ жылдар ішкі істер органдарында қызмет еткен Сергеев Василий Михайловичті құттықтады.   Әулиекөл ауданында «Әулиекөл ауданаралық мәжбүрлеп орындату аумақтық бөлімі» филиалының мемлекеттік аға сот орындаушысы аудан нотариустарымен бірлесе отырып, тыл еңбеккерлеріне алғыс білдіріп, азық-түлік себеттерін тарту етті. Құрмет көрсетілген жандар қатарында Иванова Галина Ивановна, Лесняк Александра Сергеевна, Николенко Ольга Михайловна, Пупышева Лукия Евтихиевна, Власова Валентина Степановна және Черняева Ирина Николаевна бар.   Бұл игі шара Ұлы Отан соғысы жылдарында майдан мен тылда аянбай еңбек еткен ардагерлерге деген құрмет пен алғысымыздың жарқын көрінісі. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991819?lang=kk

Бүгін,8 мамыр күні Сәкен Сейфцллин атындағы орталық кітапханасында 9 мамыр - Ұлы Отан соғысындағы Жеңістің 80 жылдығына орай «Ұлы Жеңіс - ерлік пен даңқтың мәңгілік мұрасы»  атты кең көлемді апталық кітап көрмесі өтті.Көрменің мақсаты – келешек ұрпаққа Жеңіс күнінің тарихи маңызын жеткізу, соғыс жылдарындағы халықтың жанқиярлық ерлігі мен отансүйгіштік рухын насихаттау, сондай-ақ Отан үшін жанын қиған жауынгерлердің есімін ұлықтап, олардың ерліктерін ұмытпай, мәңгі есте сақтау.Көрмеге Талдықорған қаласының №13орта мектеп, №17 орта мектеп, Б.Жолбарысұлы атындағы №18 орта мектеп оқушылары мен "Қазақстан Республикасы Ішкі Істер Министрлігі Алматы Облысының және Жетісу Облысының Мамандандырылған Күзет Қызметі Басқармасы" Мемлекеттік мекемесінің қызметкерлері, Кітапханашылар А.Жұмабекова, Қ.Садырбаева, А.Тұрсынханова оқушыларды кітап көрмесімен таныстырып, Ұлы Отан соғысы жылдарындағы Қазақстанның жағдайы туралы, соғыста ерлік көрсеткен жауынгерлердің ерен ерліктері мен соғысқа аттанып, елге оралмай із- түссіз кеткен Боздақтар жайлы сонымен қатар Соғыс Ардагерлері туралы мәліметберді.Ақпарат көзі : https://www.gov.kz/memleket/entities/zhetysu-archive/press/news/details/991746?lang=kk

   2025 жылдың 8 мамырында 9 мамыр - Жеңіс күні қарсаңында Әділет департаментінің қызметкерлері Отан үшін жанын қиған қаһармандардың рухына тағзым етіп, ескерткішке гүл шоқтарын қойды. Бұл еліміздің бейбіт аспаны мен азаттығы үшін күрескен жандарға деген терең құрметі мен алғысының белгісі. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991750?lang=kk

Мәскеу, 2025 жылғы 5-7 мамыр – Каспий теңізі мәселелері жөніндегі Жоғары деңгейдегі жұмыс тобының оныншы отырысы өтті (ЖДЖТ).Келіссөздерге Әзербайжан Республикасының (жетекшісі – Самир Шарифов), Иран Ислам Республикасының (жетекшісі – Алиреза Джахангири), Қазақстан Республикасының (жетекшісі – Зульфия Аманжолова), Ресей Федерациясының (жетекшісі – Михаил Петраков) және Түрікменстанның (жетекшісі – Мурат Атаджанов) делегациялары қатысты. Отырысқа Ресей делегациясының басшысы М.Петраков төрағалық етті.Тараптар Каспий теңізінде бастапқы тік сызықтарды белгілеу әдістемесін талқылауды жалғастырды. Отырыс аясында тараптар Каспий теңізіндегі ынтымақтастыққа шолу жасап, сыртқы істер министрлерінің кезекті кездесуіне дайындық мәселелерін қарастырды.Делегациялар Ресей Федерациясына кездесуді ұйымдастырудың жоғары деңгейі үшін ризашылықтарын білдірді.ЖДЖТ келесі отырысы Түрікменстанда дипломатиялық арналар арқылы келісілген мерзімде өтеді. Ақпарат көзі : https://www.gov.kz/memleket/entities/mfa/press/news/details/991755?lang=kk

Қарағандыда ITF таэквондодан жасөспірімдер мен жастар арасындағы Жеңіс кубогы мен Қазақстан чемпионаты өтуде. Оған еліміздің барлық өңірлерінен және қырғызстандық спортшылардың рекордтық саны – 600 мықты жас жауынгер қатысады. Барлығы жеңіске жетуге дәмелі, себебі дәл осы «Жастар» СК-дегі татамиде Италияда Әлем чемпионатында өнер көрсететін үздіктер таңдалады. - Биыл Қарағанды облысының ITF таэквондо федерациясы құрылғанына 35 жыл толады. Ол алғаш рет ұйымдастырылған кезде біз міндетті түрде Жеңіс күніне орай турнир өткіземіз деп шештік. Тіпті сонау 90-шы жылдары да, Қазақстанда таэквондодан жарыс мүлдем болмаған кезде, біз ерекше біріншілігіміздің өтуі үшін қолдан келгеннің бәрін жасадық. Осының арқасында біз аман қалдық. Сондықтан, 2025 жылы Қазақстан чемпионатымен тұспа-тұс келген Жеңіс кубогы біз үшін тарихи деп айтуға болады. Біз мұны әрқашан шын жүректен жасаймыз, бұған деген көзқарасымыз өте  ерекше, - деді Қарағанды облысы ITF таэквондо федерациясының президенті Валерий Когай.Ақпарат көзі : https://www.gov.kz/memleket/entities/karaganda-sport/press/news/details/991762?lang=kk

9 Мамыр — Ұлы Отан соғысындағы Жеңіс күні қарсаңында Қостанай облысының әкімі Құмар Ақсақалов ардагер Қасымхан Алдабергеновтің үйіне барып, арнайы құттықтады.Кездесу барысында өңір басшысы құрметті ардагерді келе жатқан мерекемен шын жүректен құттықтап, көрсеткен ерлігі үшін терең ризашылығын білдірді. Қазақстан Республикасының Президенті атынан құттықтау хатын оқып беріп, мерейтойлық медаль табыстады.— Сіз – халқымыздың тірі шежіресісіз. Ерлігіңіз ұрпаққа шабыт береді әрі бейбіт өмір мен еркіндіктің қаншалықты қымбат екенін еске салады. Соғыстан кейін Сіз мәдениет, білім және әдебиет салаларының дамуына үлкен үлес қостыңыз. Сіздің өмір жолыңыз – Отанға адал қызмет етудің жарқын үлгісі, – деді Құмар Ақсақалов.Қасымхан Алдабергенов соғыс жылдарында майдан даласында жауға қарсы шайқасып, елге Жеңіспен оралды. Бейбіт өмірде ол гуманитарлық салада белсенді еңбек етіп, жастарды шығармашылық, поэзия және қоғамдық жұмыс арқылы тәрбиеледі. Оның есімі Қостанай облысында ғана емес, еліміздің өзге өңірлерінде де кеңінен танымал.Кездесу соңында облыс әкімі ардагерге көрсеткен ерлігі үшін алғысын білдіріп, мықты денсаулық, ұзақ öмір тіледі. Сондай-ақ жас ұрпақ аға буынның ерлігі мен үлгісін ұмытпай, әрдайым қастерлейтініне сенім білдірді.Қостанай облысында Жеңіс күні аясында Ұлы Отан соғысы ардагерлеріне Мемлекет басшысының атынан құттықтау хаттар мен мерейтойлық медальдар табыстау жалғасуда.Ақпарат көзі : https://www.gov.kz/memleket/entities/kostanay/press/news/details/991712?lang=kk

 АҚПАРАТТЫҚ ХАБАРЛАМА«БЖЗҚ» АҚ зейнетақы активтерін инвестициялау туралы 2025 жылдың 1 сәуіріндегі есебін ұсынады  "БЖЗҚ" АҚ (бұдан әрі – БЖЗҚ, Қор) enpf.kz сайтындағы "Көрсеткіштер - Инвестициялық қызмет" бөлімінде Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынды.2025 жылғы 1 сәуірдегі жағдай бойынша ҚРҰБ мен ИПБ-лардың басқаруындағы зейнетақы активтерінің жалпы көлемі – 22 723,37 млрд теңге. Осы күнгі жағдай бойынша міндетті зейнетақы жарналары (бұдан әрі - МЗЖ), міндетті кәсіптік зейнетақы жарналары (бұдан әрі - МКЗЖ), ерікті зейнетақы жарналары (бұдан әрі - ЕЗЖ) есебінен қалыптастырылған, ҚРҰБ сенімгерлік басқаруындағы БЖЗҚ зейнетақы активтері 22 333,29 млрд теңге[1] болды. ҚРҰБ сенімгерлік басқаруындағы жұмыс берушінің міндетті зейнетақы жарналары (бұдан әрі – ЖМЗЖ) есебінен қалыптастырылған зейнетақы активтерінің көлемі – 327,30 млрд теңге. ИПБ басқаруындағы зейнетақы активтері шамамен 62,78 млрд теңге.ҚРҰБ басқаруындағы зейнетақы активтерінің инвестициялық портфеліҰлттық Банк БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.2025 жылғы 1 сәуірге МЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары мынадай: ҚР Қаржы министрлігінің мемлекеттік бағалы қағаздары – 41,59%, квазимемлекеттік компаниялардың облигациялары – 8,88%, ҚРҰБ депозиттері – 3,86%, Қазақстан Республикасының екінші деңгейдегі банктерінің облигациялары – 3,16%, ҚР эмитенттерінің акциялары мен депозитарлық қолхаттары – 1,51%, МҚҰ - 1,38%.2025 жылғы 1 сәуірдегі жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номиналданған валюталар бөлінісіндегі инвестициялық портфель мынадай: ұлттық валютадағы инвестициялар – 59,94%, АҚШ долларымен – 40,05%, басқа валютада - зейнетақы активтері портфелінің 0,01%.Алынған кірістің құрылымын талдаудан бағалы қағаздар бойынша сыйақы түріндегі, оның ішінде орналастырылған салымдар мен "кері РЕПО" операциялары бойынша және бағалы қағаздарды нарықтық қайта бағалаудан түскен кірістер – 433,21 млрд теңге. Сыртқы басқарудағы активтер бойынша бағалы қағаздарды, шетел валютасын нарықтық қайта бағалау теріс болып қалыптасты. Басқа кірістер – 2,89 млрд теңге. Табыстылықтың қысқа мерзімді ауытқуларына қарамастан, 2024 жылғы сәуірден 2025 жылғы наурызға дейінгі соңғы 12 айда есептелген инвестициялық кіріс мөлшері шамамен 2,37 трлн теңгені құрады, осы кезеңдегі кірістілік - 11,99%, инфляция мөлшері - 10,00%.  2025 жылғы 1 сәуірдегі ЖМЗЖ инвестициялау бағыттары мынадай: ҚР Қаржы министрлігінің мемлекеттік бағалы қағаздары – 80,02%, РЕПО операциялары – 16,39%, ҚРҰБ депозиттері – 3,10%.ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. 2025 жылдың 1 сәуіріндегі жағдай бойынша ЖМЗЖ есебінен зейнетақы активтерінің соңғы 12 айдағы кірістілігі 7,37% көрсетті.2025 жылдың 1 наурызындағы жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 14,84% болды. Зейнетақы жинақтары - ұзақ мерзімді инвестициялар. Сондықтан, инвестициялық кірістің мөлшерін кем дегенде бір жыл ішінде талдаған жөн. Қысқа мерзімді деректер (апталық, айлық және т.б.) көрсеткіш бола алмайды, өйткені олар нарықтық жағдайдың тұрақты түрде өзгеріп отыратын құбылмалылығына тәуелді. Кейбір құралдар бойынша алынған кіріс басқа құралдар бойынша уақытша шығындарды жабатын инвестициялық портфельді әртараптандыру зейнетақы жинақтарының ұзақ мерзімді келешекте сақталуын және орнықты табыстылығын қамтамасыз етеді. Соңғы 3 жылдағы инвестициялық кіріс тұрақты түрде өсіп, зейнетақы активтерінің кірістілігі инфляция деңгейінен асып түсті.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі 62,78 млрд теңгеден асады.01.04.2025ж. жағдай бойынша "Jusan Invest" АҚ сенімгерлік басқаруындағы зейнетақы активтері шамамен – 11,40 млрд теңге.Компанияның негізгі инвестициялары: Exchange Traded Funds (ETF) пайлары – 21,90%, ҚР ҚМ МБҚ – 19,37%, ҚР екінші деңгейдегі банктерінің (ЕДБ) облигациялары – 19,14%, РЕПО – 8,83%, шетелдік эмитенттердің корпоративтік облигациялары – 8,04%, МҚҰ - 6,23%, ҚР эмитенттерінің корпоративтік облигациялары – 6,12%, шет мемлекеттердің МБҚ – 4,81%. Атап кетейік, портфельдің 66,49% теңгемен, 32,15% - АҚШ долларымен, 1,36% - басқа валюталарда ұсынылған. 2025 жылдың 1 сәуіріндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 14,21% болды."Jusan Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған.01.04.2025ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 5,30 млрд теңге болды.Портфель құрылымындағы негізгі инвестициялар: "кері РЕПО" (күнтізбелік 90 күннен аспайтын) – 18,96%, ҚР Қаржы министрлігінің мемлекеттік бағалы қағаздары – 16,25%, шетелдік эмитенттердің корпоративтік облигациялары – 14,46%, ҚР ЕДБ облигациялары – 11,66%, ҚР ұйымдарының корпоративтік облигациялары – 11,13%, ҚР квазимемлекеттік ұйымдарының облигациялары – 9,20%,  шетелдік эмитенттердің үлестік құралдары (ETF пайлары) – 7,79%, шет мемлекеттердің орталық үкіметтері шығарған мемлекеттік мәртебесі бар бағалы қағаздар – 4,94%.Ұлттық валютадағы инвестициялар портфельдің 69,11%, АҚШ долларымен 30,89% тең.2025 жылдың 1 сәуіріндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 15,55% болды."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.04.2025ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері - шамамен 5,94 млрд теңге.Инвестициялардың негізгі бағыттары: Қазақстан Республикасының квазимемлекеттік ұйымдарының облигациялары – 23,52%, ҚР ЕДБ облигациялары – 23,49%, ҚР ҚМ МБҚ – 10,79%, ҚР резидент-эмитенттерінің корпоративтік облигациялары – 15,35%, РЕПО – 8,75%, шетелдік эмитенттердің корпоративтік облигациялары – 8,32%.Ұлттық валютадағы инвестициялар – портфельдің 77,89%, АҚШ долларымен 22,11%. 2025 жылдың 1 сәуіріндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 16,64% болды."BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.01.04.2025ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 2,19 млрд теңге.ҚР ҚМ МБҚ-ға активтердің 23,50% инвестицияланды, ҚР эмитенттерінің корпоративтік облигацияларына – 21,15%, квазимемлекеттік ұйымдардың облигацияларына – 16,63%, ҚР ЕДБ облигациялары – 10,65%, РЕПО – 9,08%, АҚШ мемлекеттік облигациялары – 6,81%, ҚР эмитенттерінің акциялары мен депозитарлық қолхаттарына – 4,53%.Ұлттық валютада портфельдің 76,45%, АҚШ долларында – 23,55% инвестицияланды.2025 жылдың 1 сәуіріндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 13,85% болды."Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2025 жылғы 1 сәуірдегі жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері шамамен 37,95 млрд теңге болды.Портфель құрылымындағы негізгі инвестициялардың сипаты мынадай: ҚР ҚМ МБҚ – 24,48%, ҚР эмитенттерінің корпоративтік облигациялары – 13,51%, шетелдік эмитенттердің корпоративтік облигациялары – 10,39%, ҚР ЕДБ облигациялары – 11,27%, Exchange Traded Funds (ETF) пайлары – 8,48%, шет мемлекеттердің МБҚ – 8,76%, Қазақстан Республикасының квазимемлекеттік ұйымдарының облигациялары – 6,49%, "кері РЕПО" (күнтізбелік 90 күннен аспайтын) – 5,31%.Ұлттық валютадағы құралдарға портфельдің 62,06%, АҚШ долларында – 37,94% инвестицияланды.2025 жылдың 1 сәуіріндегі жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 14,88% болды."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге сала кетейік, 2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға оны ИПБ-ға 100% көлемінде беруге құқылы.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).       [1] зейнетақы жарналары мен төлемдер шоттарындағы ақшаны есепке алмағандаАқпарат көзі : https://www.gov.kz/memleket/entities/almobl-uigur/press/news/details/1014773?lang=kk

АҚПАРАТТЫҚ ХАБАРЛАМАЗейнетақы активтерінің 12 айдағы кірістілігі инфляциядан асып түсті 2025 жылғы 1 сәуірдегі жағдай бойынша ҚРҰБ басқаратын және міндетті, міндетті кәсіптік және ерікті жарналар есебінен қалыптастырылған зейнетақы активтерінің салымшылардың (алушылардың) шоттарына бөлінген соңғы 12 айдағы кірістілігі 11,99% құрады, жұмыс берушінің міндетті зейнетақы жарналары есебінен – 7,37%, ал инфляция мөлшері - 10,00%.Соңғы 3 жылдық динамикадағы инвестициялық кіріс тұрақты өсім көрсетіп, зейнетақы активтерінің кірістілігі инфляция деңгейінен асып түсті.Инвестициялық кіріс мөлшері қаржы және валюта нарығындағы жағдайларға байланысты құбылып отырады. Инвестициялық кіріс мөлшеріне бірнеше факторлардың әсер етуі мүмкін: Қаржы нарығындағы жағдай: акциялардың, облигациялардың және басқа құралдардың бағасы құбылуы мүмкін, бұл инвестициялық кірістің мөлшеріне әсер етеді. Жекелеген құралдарды нарықтық қайта бағалау нәтижесінде біз бағалы қағаздар құнының бір жыл ішінде өзгеруін байқай аламыз. Тиісінше, нарықтық қайта бағалаудан түскен кіріс жеке кезеңде оң да, теріс те болуы мүмкін. Бағалы қағаздардың құнына көптеген сыртқы факторлар әсер етеді, мысалы, геосаяси тәуекелдердің өсуі, халықаралық саудадағы өзгерістер және қаржы ағындарының қайта бөлінуі, капитал нарықтарындағы жағдай мен белсенділіктің өзгеруі, макроэкономикалық көрсеткіштер.Валюта бағамдары: егер инвестициялар шетел валютасымен байланысты болса, онда валюта бағамындағы өзгерістер инвестициялық кіріс мөлшеріне әсер етеді. Жоғарыда атап өткеніміздей, зейнетақы жинақтары қаржы құралдарына түрлі валютада инвестицияланған. Инвестициялық кірістің ауытқуы нарықтардағы, соның ішінде валюта нарығындағы құбылмалылықтың жоғарылауымен байланысты болуы мүмкін. Осының салдарынан апта сайын зейнетақы активтерін оң немесе теріс валюталық қайта бағалау қалыптасады, осыған байланысты салымшылар өздерінің жеке зейнетақы шоттарында инвестициялық табыстың өзгеруін байқайды.Атап өткен жөн, зейнетақы жинақтары - ұзақ мерзімді инвестиция. Олар, ең алдымен, еңбек ету мерзімі аяқталғаннан кейін алатын зейнетақы төлемдерін қамтамасыз етуге бағытталған. Қордың зейнетақы активтері ұзақ инвестициялық көкжиекке ие және инвестициялаудың негізгі мақсаты - ұзақ мерзімді кезеңде нақты табыс алу. Сондықтан оларды басқару нәтижелерін объективті бағалау үшін кем дегенде 1 жыл кезеңіндегі деректерді талдау қажет. Мұндай мерзім инвестициялардың тиімділігін ұзақ мерзімді перспективада бағалауға мүмкіндік береді. Қысқа мерзімді деректер (апталық, айлық және т.б.) көрсеткіш бола аламайды, өйткені олар нарықтық жағдайдың тұрақты түрде орын алып тұратын өзгеруіне байланысты. Кейбір құралдар бойынша алынған кіріс басқа құралдар бойынша уақытша шығындарды жабуға мүмкіндік беретін инвестициялық портфельді әртараптандыру зейнетақы жинақтарының ұзақ мерзімді перспективада сақталуын және орнықты табыстылығын қамтамасыз етеді.  Осылайша, орта және ұзақ мерзімді келешекте зейнетақы жинақтарының оң нақты (жинақталған инфляциядан асатын) табыстылығы қамтамасыз етіледі. Мәселен, 1998 жылы жинақтаушы зейнетақы жүйесі құрылған сәттен бастап 2025 жылғы 1 сәуірге дейін жинақталған инвестициялық кірістілік 958,64% болды, бүкіл кезеңдегі инфляция 863,96% көрсетті.2014 жылдан бастап жинақталған (зейнетақы активтері БЖЗҚ-ға біріктірілгеннен кейін) 2025 жылғы 1 сәуірдегі жағдай бойынша таза инвестициялық кіріс 11,38 трлн теңгеге жетті. Жүзеге асырылған төлемдерді ескере отырып, 01.04.2025ж. жағдай бойынша қазақстандықтардың зейнетақы жинақтарының жалпы көлеміндегі жинақталған таза инвестициялық кірістің үлесі 39,6% құрайды, бұл инвестициялық қызметтің азаматтардың жинақтау құрылымында алатын рөлінің маңызды екенін көрсетеді. Сондай-ақ, Қазақстанда инфляция деңгейін ескере отырып, міндетті зейнетақы жарналарының сақталуына бірегей кепілдік берілетінін еске саламыз. Салымшының төлемге құқығы басталған кезде жинақталған кірістілігіне кері әсерін тигізген жекелеген кезеңдердегі кірістіліктің төмендеуі жағдайында айырманың өтемақысына мемлекет кепілдік береді.Зейнетақы активтерін инвестициялық басқару мен есепке алу жүйесі толықтай ашық: әрбір салымшының  enpf.kz сайтындағы немесе ұялы қосымшадағы жеке кабинетінен өзінің инвестициялық кірісін көруге мүмкіндігі бар. БЖЗҚ зейнетақы активтерін инвестициялық басқару және олар орналастырылған қаржы құралдары туралы ақпарат Қордың ресми сайтындағы (www.enpf.kz) ««Статистика және аналитика/Зейнетақы активтерін инвестициялық басқару» бөлімінде жарияланады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).     Ақпарат көзі : https://www.gov.kz/memleket/entities/almobl-uigur/press/news/details/1014783?lang=kk

2025 жылдың 6 мамыры күні ШҚО музей-қорығының Қ. Қайсенов көшесі, 67 мекенжайындағы көрме залында Ұлы Отан соғысындағы Жеңістің 80 жылдығына арналған «Жеңіс қырлары» көркемсурет көрмесі ашылды. Экспозицияда белгілі суретшілердің, ШҚО Суретшілер одағының мүшелері Н.П. Аштеманың, Г.М. Бекбердинованың, сонымен қатар, «Жаңғыру» шығармашылық бірлестігінің мүшелері, «Сурет» балалар бейнелеу өнері студиясының оқушылары мен жаңадан бастаған авторлардың жұмыстары жинақталған. Жеке топтамада музей-қорық қорынан алынған жұмыстар қойылған, бұл жұмыстарды 1980 жылдары КСРО Көркемөнер қоры берген. Көрмеде соғыс оқиғаларын, қазақстандықтардың майдандағы өмірі мен ерлігін бейнелейтін портреттер мен суреттер ұсынылған. Көрме өткенді естен шығармауға және өнер арқылы бейбітшілік пен патриотизм құндылықтарын жеткізуге арналған.Ақпарат көзі : https://www.gov.kz/memleket/entities/vko-cultura-arhiv/press/news/details/991629?lang=kk

Шығыс Қазақстан облысы бойынша Мемлекеттік кірістер департаментінде 06.05.2025 жылы мемлекеттік қызметтегі әйелдерге қатысты кемсітушілік пен жыныстық қудалауға жол бермеу тақырыбында семинар өтті.Оны Шығыс Қазақстан облысы бойынша Мемлекеттік кірістер департаменті басшысының орынбасары-Әдеп жөніндегі уәкіл Койшинов Казыбек Кадесович өткізді.Өз сөзінде К.К. Койшинов этикалық мінез-құлық принциптерін, жыныстық белгілері бойынша кемсітушілікке жол бермеуді және жұмыс орнындағы бұзушылықтардың көріну формаларын түсіндірді.Қауіпсіз және құрметті жұмыс ортасын құруға, сондай-ақ қызметкердің құқықтары бұзылған жағдайда жасай алатын әрекеттеріне ерекше назар аударылады.Мұндай іс-шаралар ұжымда құрмет, сенім және жауапкершілік мәдениетін нығайтуға ықпал етеді.Ақпарат көзі : https://www.gov.kz/memleket/entities/kgd-vko/press/news/details/991598?lang=kk

Қазақстандағы Қытай Халық Республикасының Төтенше және Өкілетті Елшісі Хань Чуньлинь бастаған қытайлық делегация «Шым қала» тарихи-мәдени кешенін аралады. Делегация көне Шымкент шаһарының тарихымен танысып, археологиялық қазба жұмыстары жүргізілген орындарды, сондай-ақ жаңғыртылған мәдени нысанды көріп шықты.Қонақтарға қаланың ежелгі сауда жолындағы маңызы, мәдени және тарихи мұралары жөнінде кеңінен мағлұмат берілді. Өз кезегінде Елші мырза Хань Чуньлинь Шымкенттің бай тарихи-мәдени әлеуетіне жоғары баға беріп, екі ел арасындағы мәдени ынтымақтастықты одан әрі нығайтуға мүдделі екенін атап өтті.Сапар соңында тараптар мәдени мұраларды сақтау және туризм саласында өзара іс-қимылды кеңейтуге дайын екендіктерін білдірді.Ақпарат көзі : https://www.gov.kz/memleket/entities/shymkent-turizm/press/news/details/991603?lang=kk

2025 жылғы 6 мамырда «Жібек жолы» халықаралық туристік пойызының жолаушылары Шымкент қаласына екінші мәрте табан тіреді.⠀Саяхат барысында қонақтар көне Шымкент Цитаделін аралап, археологиялық жәдігерлермен танысты. Сонымен қатар, сәулетімен ерекшеленетін Сейітжан қари Есжанұлы мешітіне экскурсия ұйымдастырылды.⠀Меймандар ұлттық ас мәзірінен дәм татып, «Жеті тандыр» мейрамханасында қазақ қонақжайлылығының ерекше үлгісін көрді.⠀Бұл сапар – Шымкент қаласының мәдени әлеуетін арттырып, оны халықаралық деңгейде насихаттауға бағытталған маңызды бастамалардың бірі.Ақпарат көзі : https://www.gov.kz/memleket/entities/shymkent-turizm/press/news/details/991605?lang=kk

Қостанай облысында энергиямен қамту жүйесін дамыту стратегиялық маңызға ие. Дәстүрлі энергия көздерімен қатар, жаңартылатын энергия көздеріне (ЖЭК) – жел, күн және газ энергиясына да ерекше көңіл бөлінуде.Соңғы жылдары өңірде бірқатар ірі жобалар сәтті іске асырылды. Мысалы, 2022 жылы Қостанай ауданында қуаты 50 МВт болатын «Жел Электрик» компаниясының жел электр станциясы іске қосылды. 2023 жылы Арқалық қаласында қуаты 48 МВт болатын тағы бір жел станциясы – «KazWindEnergy» жобасы жұмысын бастады.Алдағы екі жылда тағы алты ЖЭК нысанын салу жоспарланған. Бейімбет Майлин ауданында қуаты 22,6 МВт болатын күн электр станциясының құрылысы басталады. Жобаның инвесторы – «Altyn Solar Energy» ЖШС жобалауды аяқтап, сараптама қорытындысын алды. Құрылыс мамыр айында басталып, 2026 жылдың алғашқы тоқсанында аяқталады деп жоспарлануда.Осы ауданда «ГПЭС «Варваринское» компаниясы қуаты 40 МВт болатын газ-поршеньді станция салатын болады. Бұл нысан 2026 жылдың екінші тоқсанында пайдалануға беріледі деп күтілуде.Арқалықта «Aspan Energo» компаниясы қуаты 50 МВт болатын жаңа жел электр станциясының құрылысын бастады. Бұл нысан 2026 жылғы 1 маусымда пайдалануға беріледі.Қостанай ауданында да екі ірі жоба қолға алынған. «Mars Wind» және «Jupiter Wind» компаниялары жалпы қуаты 100 МВт болатын екі жел станциясының құрылысын бастап кетті. Бұл нысандар 2026 жылдың соңында іске қосылады.Сонымен қатар, осы ауданда жалпы қуаты 1 ГВт болатын, 165 жел генераторынан тұратын ірі жел паркін салу жоспарланған. Жобаны жүзеге асыру бойынша тендерде жеңімпаз – «TuranWindEnergy» компаниясы.Барлық жобалар толық іске асқанда, өңірдегі ЖЭК-тен өндірілетін электр қуаты 10 есе артады – қазіргі 0,12 ГВт-тан 1,27 ГВт-қа дейін. Бұл Қостанай облысының энергетикалық дербестігін нығайтады, энергияны жеткізу кезіндегі шығындарды азайтады және жаңа жұмыс орындарын ашады.Ақпарат көзі : https://www.gov.kz/memleket/entities/kostanay/press/news/details/991610?lang=kk

ШҚО-да Тоқтаров көшесіндегі мереке ұрпақтар сабақтастығы мен бірліктің символына айналдыШығыс Қазақстан облысының Риддер қаласында Жеңістің 80 жылдығы мен қаланың орталық көшелерінің бірі Төлеген Тоқтаровтың есімімен аталған ержүрек батырды еске алуға арналған мерекелік іс-шара ұйымдастырылды. Іс-шараның басты мақсаты — елді мекеннің тарихын дәріптеу, тұрғындар арасындағы ынтымақты арттыру және мәдени өмірді жандандыру болды.Төлеген Тоқтаров 1920 жылы Шығыс Қазақстан облысында дүниеге келген. Ол Ұлы Отан соғысының майдандарында шайқасып, тек өз заманының ғана емес, кейінгі ұрпақтардың да қаһарманына айналды. Соғыс жылдарында Отанын қорғау жолында ерлік пен батылдықтың үлгісін көрсетті. Жеке ерлігі мен батырлығы үшін көптеген марапаттарға ие болды. Оның ерлігі туралы естеліктер өңір тұрғындарының жүрегінде мәңгі сақталып, Төлеген Тоқтаровтың есімі — ерлік пен отансүйгіштіктің символына айналды.Жеңістің 80 жылдығына орай Риддер қаласындағы Тоқтаров көшесі жаңаша түрге енді: мұнда батырдың өмірі, жауынгерлік жолы мен Ұлы Жеңіс туралы баяндайтын тақырыптық көрмелер ұйымдастырылды. Бұл көрмелер мыңдаған жауынгердің жанқияр ерлігінің нәтижесі болған Жеңістің маңызын көрсетті. Қала тұрғындары мен қонақтары архивтік материалдармен, фотосуреттермен және тарихи құжаттармен танысып, бейбіт өмірдің қандай құрбандықпен келгенін тағы бір мәрте еске алды.Мерекенің ерекше сәттерінің бірі — жас кадеттердің салтанатты шеруі болды. Олар сап түзеп, әскери тәртіп пен патриоттық рухтың үлгісін көрсетті. Бұл көрініс әсіресе жастар мен балалар арасында үлкен қызығушылық тудырды. Кешкісін Мәдениет сарайының шығармашылық ұжымдары дайындаған концерт өтті. Сахна төрінде жергілікті өнерпаздар ұлттық әндер мен би нөмірлерін орындап, көрермендерге мерекелік көңіл-күй сыйлады.Бұл мереке тек батырға деген құрметтің белгісі ғана емес, сонымен қатар жергілікті бастамалардың адамдарды қалай біріктіріп, Отанға деген мақтаныш сезімін және оның тарихына деген құрметті қалай арттыратынының мысалы болды. Қатысушылардың пікірінше, осындай шаралар жастарды патриотизмге тәрбиелеуде маңызды рөл атқарады, сондай-ақ туған жердің тағдыры мен оның тарихи мұрасына деген ортақтық сезімін қалыптастыруға септігін тигізеді.Мереке тек қаладағы жарқын оқиға ғана емес, сонымен қатар өзінің көшесіне, ауданына және қаласына деген сүйіспеншіліктің қалай құрылыс жұмыстарын шабыттандырып, бірлік рухын нығайтуға ықпал ететінінің жанды мысалы болды.Ақпарат көзі : https://www.gov.kz/memleket/entities/vko-ridder/press/news/details/991580?lang=kk

Алматы облысы Өңірлік коммункикациялар қызметі алаңында 2025 жылғы қаржыландыру мен жаңашылдықтар тақырып аясында «Әлеуметтік медициналық сақтандыру қоры» облыстық филиалының директоры Тілеухан Әбілдаев, Алматы облыстық денсаулық сақтау басқармасының басшысы Ержан Сүлейменов, Қонаев қалалық көпсалалы ауруханасы ота бөлімшесінің меңгерушісі, дәрігер хирург Айдос Қизатов қатысуымен баспасөз маслихаты өтті.2025 жылы Алматы облысының денсаулық сақтау саласына 135,7 млрд теңге көлемінде бюджет бөлінді. Оның ішінде 59,2 млрд теңге – Міндетті әлеуметтік медициналық сақтандыру (МӘМС) жүйесі аясында, ал 76,5 млрд теңге – Тегін медициналық көмектің кепілдік берілген көлемі (ТМККК) шеңберінде қарастырылған. Бюджет құрылымы өңірдегі медициналық инфрақұрылымды дамыту мен тұрғындардың денсаулығын қорғауға негізделген. 2024 жылы Алматы облысында 957 968 тұрғын алғашқы медициналық-санитариялық көмек аясында консультативтік-диагностикалық қызметтерді алған. Бұл қызметтерге 28,2 млрд теңге жұмсалды. Стационарлық көмекке – 34 млрд теңге, күндізгі стационарларға – 900 млн теңге бөлінді. МӘМС аясында ай сайын бірнеше миллион теңгеге дейін жететін жоғары технологиялы операциялар жүргізілуде, жалпы бұл қызметтерге 1,5 млрд теңге бағытталған. Сонымен қатар, медициналық оңалту қызметтеріне сұраныс артып, 2,8 млрд теңгеге қызмет көрсетілді. Амбулаториялық дәрілік қамтамасыз етуге 13,3 млрд теңге қарастырылып, 3,7 млрд теңгеге рецепттер берілді, – деді Тілеухан Әбілдаев.2025 жылғы 1 мамырдан бастап жедел медициналық көмек көрсету ережелерінің жаңа редакциясы күшіне енді. Өзгерістер ҚР Денсаулық сақтау министрінің 4 сәуірдегі №32 бұйрығына сәйкес енгізілді. Негізгі мақсат – медициналық көмектің жеделдігін, қауіпсіздігін және шалғай өңірлерде қолжетімділігін арттыру. Жаңа талаптарға сәйкес, 4-санаттағы шақыртуларды жұмыс уақытында АМСК мамандары орындайды, мобильді бригадалар бейнетіркегіштермен жабдықталады, ал келу уақыты нақты уақытпен шектелді: 1-санат бойынша – 10 минутқа дейін, – деп мәлімдеді Ержан Сүлейменов.2024 жылы еліміздің 20 өңірі бойынша 772 медициналық ұйым рейтингтік бағалауға қатысқан. Қонаев қалалық көпсалалы ауруханасы – Салидат Қайырбекова атындағы Ұлттық денсаулық сақтауды дамыту ғылыми орталығы жүргізілген рейтинг нәтижесінде өткен жылы ересектерге медициналық қызмет көрсету деңгейі бойынша 84 озық көпбейінді стационардың ішінде үздік үштікке енді.2024 жылы Қонаев қалалық көпбейінді ауруханасында 10 000-ға жуық науқас жоспарлы және шұғыл түрде, тәулік бойы және күндізгі стационар жағдайында міндетті әлеуметтік медициналық сақтандыру (МӘМС) аясында медициналық көмек алды.Аурухана заманауи құрал-жабдықтармен қамтылған. Науқастарға диагностика жасау барысында МРТ, КТ, УДЗ, стационарлық рентген-аппарат, маммография сияқты озық медициналық технологиялар қолданылады. Науқастарға ем-дом сырқат дәрежесіне сай жүргізіледі. Заманауи әдістердің арқасында науқастар отадан кейін аз уақыт ішінде қалыпты жағдайға келеді, - дейді Айдос Қизатов.Аталмыш медициналық ұйымда міндетті әлеуметтік медициналық сақтандыру (МӘМС) мен тегін медициналық көмектің кепілдік берілген көлемі (ТМККК) бойынша бастапқы гипертензия, жүрек гипертензиялық ауруы, ишемиялық кардиомиопатия, бел және омыртқаның басқа бөліктеріндегі диск зақымдануы радикулопатиямен, инсулинге тәуелсіз қант диабеті сияқты диагнозы бар науқастарға және травматология ортопедия, гинекология, жалпы хирургия бойынша түрлі дәрежедегі оталар жасалады.Ақпарат көзі : https://www.gov.kz/memleket/entities/almobl/press/news/details/991581?lang=kk

Бүгін Қытай Халық Республикасының Қазақстандағы Төтенше және Өкілетті Елшісі Хань Чуньлинь мырза бастаған қытайлық делегация ресми сапармен Шымкентке келді.Сапар аясында делегация «Wan Sheng Ceramic» зауыты, «Bal Tekstil» фабрикасы, «Оңтүстік» индустриалды аймағы мен «QAZALPACK» зауытын аралап, өндірістік әлеуетпен танысты. Қала әкімдігінде қала басшылығымен кездесу өтіп, «Атамекен» кәсіпкерлер палатасында G2B форматындағы келіссөздер ұйымдастырылды.Кездесу барысында сауда-экономика, инвестиция және туризм салаларындағы екіжақты ынтымақтастықтың қазіргі жай-күйі мен алдағы мүмкіндіктері талқыланды. Сонымен қатар, Шымкент қаласының әлеуметтік-экономикалық дамуы, инвестициялық және туристік әлеуеті, жұмыс істеп тұрған индустриалды аймақтар мен жүзеге асырылып жатқан жобалар туралы ақпарат берілді.Сапар аясында Шымкент пен Қытайдың Сиань және Байинь қалалары арасындағы бауырластық қатынастарға да назар аударылды. Бұл байланыстар іскерлік ынтымақтастықпен қатар, мәдени, білім беру және ғылыми бастамаларды қамтитын гуманитарлық әріптестікті де нығайтуға ықпал етіп келеді.Кездесулер нәтижесінде екіжақты ынтымақтастықты одан әрі кеңейтуге негіз қаланып, қытайлық делегацияның бұл сапары түрлі саладағы конструктивті серіктестікті дамытуға мүмкіндік береді.Ақпарат көзі : https://www.gov.kz/memleket/entities/shymkent-turizm/press/news/details/991585?lang=kk

«Абай облысы Курчатов қаласының мәдениет, тілдерді дамыту, дене шынықтыру және спорт бөлімі» ММ ашық бюджеттер порталында 2026-2028 жылдарға арналған бюджеттік бағдарламаларды талқылаудың басталғанын хабарлайды.Бюджеттік бағдарламаларды іске асыру туралы есептің мәтініне көшу үшін келесі сілтемеге өту қажет:1) 457001 «Мәдениет, тілдерді дамыту, дене шынықтыру және спорт ауданның (облыстық маңызы бар қаланың)»https://budget.egov.kz/budgetprogram/budgetprogram?govAgencyId=3647268&budgetId=38674782) 457003 «Мәдени-бос уақыт жұмысын қолдау»https://budget.egov.kz/budgetprogram/budgetprogram?govAgencyId=3647268&budgetId=38676243) 457006 «Аудандық (қалалық) кітапханалардың қызметі»https://budget.egov.kz/budgetprogram/budgetprogram?govAgencyId=3647268&budgetId=38682914) 457007  «Мемлекетік тілді және Қазақстан халықтарының басқа да тілдерін дамыту»https://budget.egov.kz/budgetprogram/budgetprogram?govAgencyId=3647268&budgetId=38685615) 457008  «Развитие массового спорта и национальных видов спорта»https://budget.egov.kz/budgetprogram/budgetprogram?govAgencyId=3647268&budgetId=38683486) 457014 «Мемлекеттік  мекеменің  капиталдық шығындары»https://budget.egov.kz/budgetprogram/budgetprogram?govAgencyId=3647268&budgetId=38686397) 457032 «Мемлекеттік  мекемелердің ведмствалық  капиталдық шығындары»https://budget.egov.kz/budgetprogram/budgetprogram?govAgencyId=3647268&budgetId=3868611Ақпарат көзі : https://www.gov.kz/memleket/entities/abay-kurchatov/press/news/details/991589?lang=kk

Шығыс Қазақстан облысы бойынша Мемлекеттік кірістер департаменті "Бәйге" акциясының жалғасы туралы хабарлайды. Осы науқан шеңберінде белгіленген кезеңде фискалдық чектердің ең көп санын тіркеген жеке тұлғалар 100 000 теңге мөлшерінде сыйақы алады. Акция бүкіл ел бойынша 2025 жылдың 1 мамырынан 2025 жылдың 31 желтоқсанына дейін өткізіледі.                  Әрбір тоқсанның қорытындысы бойынша әр өңірден (жалпы 20 жеңімпаз — әр облыс пен республикалық маңызы бар қаладан бір жеңімпаз) ең көп фискалдық чек сканерлеген азаматтарға 100 000 теңге көлемінде жүлде беріледі.            Акция тоқсан сайын өткізіледі:            1-кезең: 1 мамырдан екінші тоқсанның соңына дейін;            2-кезең: үшінші тоқсанда;            3-кезең: төртінші тоқсанда.            Аталған акцияға қатысу үшін «Amian» мобильді қосымшасы арқылы тауарлар, жұмыстар мен қызметтерге төленген чектерді тіркеу қажет.            Шығыс Қазақстан облысы бойынша Мемлекеттік кірістер департаменті азаматтарды тұтынушы құқығын қорғау үшін бақылау-кассалық машиналардан берілетін чектерді талап етуге шақырады.Ақпарат көзі : https://www.gov.kz/memleket/entities/kgd-vko/press/news/details/1054113?lang=kk

2020 жылғы 15 мамырдағы «Todini Impregilo Kazakhdorstroy» бірлескен кәсіпорын (бұдан әрі - Талапкер) шеңберінде жұмыс істейтін Todini Costruzioni Generali S.p.A., WeBuild S.p.A. және «Казахдорстрой» ЖШС компанияларынан тұратын бірлескен кәсіпорын Халықаралық сауда палатасы (ICC) жанындағы Халықаралық төрелік сотқа Қазақстан Республикасында Алматы – Хоргос автожолын салу жобасы бойынша дауларға байланысты Қазақстан Республикасы Индустрия және инфрақұрылымдық даму министрлігінің Автомобиль жолдары комитетіне (бұдан әрі – Комитет) қарсы төрелік туралы өтініш берді.Істі қарау шеңберінде Талапкер Комитетке құрылыс мерзімдерін ұзартуға, кедендік баждар мен салықтарды төлеуге, теңгенің инфляциясына, құнының өзгеруіне, су өткізгіш трубаларды қайта толтыруға, жол пайдалану пунктінің құрылысын тоқтатуға және қаржылық шығындарға байланысты шығыстарды қоса алғанда, жалпы сомасы шамамен 50 миллион АҚШ доллары көлемінде шағым түсірді.2025 жылғы 14 сәуірде Париждегі ICC Халықаралық төрелік сотында құрылған Трибунал Комитеттің пайдасына түпкілікті шешім шығарды. Талапкерлердің барлық талаптары толығымен қабылданбады.Сонымен қатар, Трибунал Комитеттің қарсы талабын қанағаттандырып, Талапкерлерге жұмыс мерзімін ұзартқаны үшін өтемақы ретінде бұрын төленген соманы қайтаруға міндеттеді. Сондай-ақ, Трибунал Комитет жеңіске жеткен тарап ретінде өзінін сот және төрелік шығындарын толық өтеуге құқылы екенін мойындады.Осы істі Комитеттің өкілдігі мен мүдделерін қорғауды Қазақстан Республикасының Әділет министрлігі жүзеге асырды. Консультант ретінде Curtis, Mallet-Prevost, Colt & Mosle LLP халықаралық заң фирмасы тартылды.Ақпарат көзі : https://www.gov.kz/memleket/entities/adilet/press/news/details/991526?lang=kk