Жолаушылар мен багажды автомобильмен қалалық тұрақты тасымалдау маршруттарына қызмет көрсету құқығына арналған конкурсты өткiзу туралы хабарландыру «Алматы облысы Алатау қаласының жолаушылар көлігі және автомобиль жолдары бөлімі» ММ-сі 2025 жылғы 23_ мамыр күні сағат 15:00-де, Алатау қаласы, Қоянқұс шағын ауданы Бауыржан Момышұлы көшесі 157/1 № 202 кабинетте жолаушылар мен багажды автомобильмен қалалық тасымалдау маршруттарына қызмет көрсету құқығына арналған конкурсты өткiзу туралы хабарлайды.Конкурсқа мынадай маршруттардың пакеттерi (маршруттар) шығарылады:№ 1 ЛОТ:«Жетыген-Жаңалық-Байсерке-Өтеген батыр-Ынтымақ-Жанадәуір-Жаңаталап-Қоянқұс» «Қоянқұс-Ынтымақ-Гейт Сити-Өтеген батыр-Байсерке-Жаңалық-Жетыген» № 2 ЛОТ:«Құйған-Еңбек-Жетыген-Жаңаарна»«Жаңаарна-Жетыген-Еңбек-Құйған»Конкурсқа меншiк нысанына қарамастан, меншiк құқығында немесе өзге де заңды негiздерде автокөлiк құралдары бар кез келген жеке және заңды тұлғалар қатысады.Конкурсқа қатысуға тiлек бiлдiрушiлер «Алматы облысы Алатау қаласының жолаушылар көлігі және автомобиль жолдары бөлімі» ММ-сі конкурстық құжаттардың жиынтығын алуға жазбаша өтiнiмдi Алатау қаласы, Қоянқұс шағын ауданы, Бауыржан Момышұлы көшесі 157/1 №202 кабинетіне мекенжайы бойынша ұсынуы тиiс.Конкурстық құжаттарды алуға өтiнiмдердi қабылдаудың және Конкурсқа қатысуға өтiнiмдердi қабылдаудың соңғы мерзiмi: 2025 жылғы  21 мамырдың, сағат 18:30-ы. Анықтама алу үшiн телефондар: 8 776 131 13 11/ 8707-02-02-066. Ақпарат көзі : https://www.gov.kz/memleket/entities/almobl-alatau/press/news/details/996186?lang=kk

Қазақстандық компаниялардың жарғылық капиталына немесе жергілікті бағалы қағаздарға кемінде 300 000 АҚШ доллары көлемінде инвестиция салған шетел азаматтары енді А6 санатындағы инвесторлық визаны рәсімдей алады. Бұл виза оларға 10 жылға дейінгі тұруға ықтиярхат алуға мүмкіндік береді.Виза электронды өтінім арқылы ресімделіп, Қазақстан Республикасының шетелдегі мекемелері арқылы көші-қон қызметінен шақыру негізінде беріледі.Жаңа бағдарлама шетелдік инвесторлар үшін тұрақты және қауіпсіз орта қалыптастырып, Қазақстанды халықаралық бизнесте ашық әрі сенімді серіктес ретінде нығайтады.#Инвестициялар #Қазақстан #АлтынВиза#KazakhstanInvestmentАқпарат көзі : https://www.gov.kz/memleket/entities/mfa-dubai/press/news/details/991464?lang=kk

2025 жылдың 6, 8 және 10 мамыр күндері Ақмола облыстық орыс драма театрының сахнасы ерекше үнсіздікке толы, терең толғаныстар мен жан тебіренісінің ордасына айналды. Ұлы Жеңістің 80 жылдығы қарсаңында бұл жерде Сулико Жгентидің пьесасына негізделген «Отец солдата» қойылымы сахналанды — бұл оқиға қарумен емес, жүрекпен жазылған.Сахнада зеңбірек дауысы да, шайқас көріністері де болған жоқ. Бірақ көрермендердің тынысы тарылып, әр қимылға үнсіз елітіп отырды. Себебі басты кейіпкер — қарт грузин шаруа Георгий Махарашвилидің тағдыры (артист С. Тавгеньнің орындауында) — барлығын терең толғанысқа салды. Ол қолына қару алып соғысқа емес, жараланған ұлын табуға аттанды. Бірақ жол ұзақ, ауыр, жүрекке салмақ салатын еді. Сол жолда әке тек ұлын емес, соғыстың шындығын, адамзаттың жан жарасын, ортақ қайғы мен үмітті таныды.Қойылымның режиссері Ольга Луцива сахналық әр сәтті нәзік, шынайы етіп құрды. Әр көрініс – бір тыныс, әр үн – жүрек үні. Соғыс тек майдан емес, әр адамның ішінде жүретін күрес екенін еске салған қойылым болды бұл. Гүлнәр Канафинаның сахналық шешімі қарапайымдылығымен әсерлі болса, В. Овчинниковтың музыкалық сүйемелдеуі көрермен сезімін тербетіп отырды. Режиссердің көмекшісі – С. Жарикова.Ұзақтығы небары 1 сағат 10 минут болған бұл қойылымда көрермендер бір өмірді бастан өткергендей күй кешті. А. Бронникова (Ана), А. Владимиров, С. Минаков, А. Егорин (Сарбаздар) – әрбірі өз бейнесін жан-тәнімен сомдап, жүректерге жол тартты. Көрермендер қатарында шығармашыл қауым, ардагерлер, мектеп оқушылары мен студенттер, театр өнерінің жанкүйерлері болды. Қойылымнан шыққан көрермендердің көздері жасаурап, жүздерінде үнсіз ризашылық сезілді. Бұл жай ғана театр қойылымы емес еді – бұл адамзат туралы, махаббат пен мейірім туралы, жадымыз бен жүрегіміз жайлы шынайы сұхбат болды.Ақмола облыстық орыс драма театры бұл қойылым арқылы басты мақсатқа жетті: Жеңіс – тек майдандағы ұран емес, ол – рухтың, жүректің, адамгершіліктің жеңісі екенін еске салу. Және бұл ой көрерменнің жүрегіне жетті.Сахна шымылдығы жабылған сәтте бір-ақ сұрақ қалды: «Барлығы құлап жатқанда – адам болып қалу мүмкін бе? «Отец солдата» дәл осы сұраққа жауап болды. Сол себепті де, бұл қойылым өз мақсатына толық жетті.Ақпарат көзі : https://www.gov.kz/memleket/entities/aqmola-madeniet/press/news/details/991437?lang=kk

Кәсіпкерлікті қолдау, негізгі ұлттық және инвестициялық жобаларды іске асыру үшін «Бәйтерек» холдингі 8 трлн теңге бөледі. Ол биыл елімізде ЖІӨ-нің нақты өсуіне қосымша 1,3% үлес қосады.Үкіметте Премьер-министрдің орынбасары – ұлттық экономика министрі Серік Жұманғариннің төрағалығымен өткен Қазақстан экономикасының өсуін қамтамасыз ету жөніндегі штаб отырысында «Бәйтерек» холдингінің негізгі экономикалық көрсеткіштері мен инвестициялық жобалары қаралды.Үкімет экономиканың нақты секторын қарқынды дамыту мақсатында «Бәйтерек» холдингін капиталдандыруды 1 трлн теңгеге ұлғайтып отыр. Бұл холдингке кәсіпкерлікті қолдауға, тұрғын үй құрылысын дамытуға және негізгі ұлттық және инвестициялық жобаларды іске асыруға шамамен 8 трлн теңге бөлуге мүмкіндік береді. Штаб отырысында холдинг төрағасының орынбасары Жандос Шайхы бірінші тоқсанда 1,2 трлн теңге игерілгенін айтты. Ал жоспар бойынша 1 трлн теңге болатын. Бұдан басқа, биыл «Бәйтерек» арқылы іске қосылатын жобалардың жалпы қосылған құнының көлемі 521,5 млрд теңге.Жобалардың ең үлкен инвестициялық пулы Қазақстанның даму банкінде шоғырланған. Биыл 2,2 трлн теңгеге 66 жоба жүзеге асырылады. Инвестиция салынған негізгі салалар – көлік, логистика және байланыс (34%), металлургия (19%), химия өнеркәсібі (12%). Жобалардың барлығына қаржы бөлінген соң, ел экономикасына жаңа өндіріс, тауар мен қызмет түрінде 37,8 трлн теңге мөлшерінде салым түсіріледі. Негізгі капиталға салынған инвестиция биыл 1,6 трлн теңге. 2025 жылы қаржы бөлу жоспарланған ҚДБ-ның басты инвестициялық жобаларының қатарында Жамбыл облысындағы натрий цианидін өндіру зауыты, Түркістан облысындағы күкірт қышқылы зауыты, Қостанай облысындағы ыстық брикеттелген темір өндіру жөніндегі ірі қазақстандық кәсіпорын және басқалар бар. Осы жылы 1,5 трлн теңгенің 181 инвестициялық жобасы өнеркәсіпті дамыту қорында (ӨДҚ) қалыптастырылды. Негізгі салалар – инфрақұрылымды дамыту (27%), металлургия (21%) және химия өнеркәсібі (13%). ӨДҚ-ның барлық жобаларын қаржыландырудың қорытындысында жалпы қосылған құн көлемі – 19,4 трлн теңге. Негізгі капиталға салынған инвестиция биыл 1,44 трлн теңге болды. 2025 жылы қаржыландыру жоспарланған ӨДҚ басты инвестициялық жобаларының қатарына «Глобал Транс компания» ЖШС шекаралық темір жол өткелін салу, «ЕЭК» АҚ энергоблогын қайта жаңарту, «Qarmet» АҚ өндірісін жаңғырту, «Rail Way Steel» ЖШС электрометаллургиялық зауытын салу кіреді.Qazaqstan Investment Corporation 2025 жылы қаржыландыруы 2,8 трлн теңге деңгейінде болуы тиіс ЖҚҚ-мен 10 инвестициялық жобаға шамамен 500 млрд теңге салуды жоспарлап отыр. Биыл негізгі капиталға салынған инвестиция – 200 млрд теңге. Осы жылға арналған QIC негізгі 5 инвестициялық жобасы – Қарағанды облысында металлургиялық кластерді дамыту, «АралСода» ЖШС-нің кальциленген содасын және «Batys Bitum» ЖШС-нің битумын, «Ақтау энергетикалық компаниясы» ЖШС-нің бу-газ электр стансасын өндіру зауытын салу.«Даму» қоры 2025 жылы шағын және орта бизнеске жеңілдікпен несие беру көлемін 750 млрд теңгеге дейін ұлғайтуды жоспарлады. Бұл 2024 жылмен салыстырғанда 3 еседей артық. 2025 жылғы 1 тоқсанда 755 кәсіпкерге 53 млрд теңге берілді. Қарыздарға кепілдік беру көлемі 1400 млрд теңгеге дейін артты. І тоқсанда 160 млрд теңге сомасына кепілдіктер берілді.Агроөнеркәсіптік кешенді қолдауда 2025 жылғы 6 мамырдағы жағдай бойынша Аграрлық несие корпорациясы 5,8 млн гектар егіс алқабын қамти отырып, көктемгі егіс жұмысына қаржы берудің жеңілдетілген бағдарламасы бойынша 363 млрд теңгеге 6 мыңға жуық фермердің өтінімін қанағаттандырды.Штаб отырысының қорытындысында вице-премьер қарапайым заттар экономикасы бағдарламасы бойынша инвестициялық жобалардың қымбат импортты алмастыруға және сол арқылы инфляцияны тежеуге мүмкіндік беретін ішкі нарықта сұранысқа ие тауарлар өндірісінің жеткіліксіз ұсынылғанын атап өтті. «Біз экономиканың нақты секторын қолдау бағдарламасына бастамашылық жасаған кезде, ірі жобалармен қатар Ұлттық экономика министрлігінен тұрмыстық химия, гигиена, ірімшіктер, консервілер, шұжықтар және тұрғындарымыз арасында сұранысқа ие басқа да өнімдер өндірісін жолға қою жобалары бойынша инвестицияларға тапсырыс жарияладық. Құс өндіру бойынша жақсы ілгерілеу бар екенін көріп отырмыз. Жыл соңына дейін тұтыну деңгейі толық қамтамасыз етілуі тиіс. Бірақ импорт көбірек сақталып отырған басқа салаларда да өндірушілерді іздеп, осы жобаларға көмек көрсету қажет», — деп атап өтті Серік Жұманғарин.https://primeminister.kz/news/bayterekten-bolinetin-8-trln-tenge-zhio-nin-osuine-kosymsha-13-ules-kosady-30014 Ақпарат көзі : https://www.gov.kz/memleket/entities/economy/press/news/details/991417?lang=kk

Аудан әкімі Берік Сәрменбаев Н.Ілиясов ауылында «Абзал және К» толық серіктестігінің жүлдесі үшін жасөспірімдер арасындағы дзюдодан республикалық турнирдің ашылу салтанатына қатысты. Іс-шараға спорт және туризм басқармасының басшысы Бахтияр Артаев, облыстық мәслихат депутаты Жұмабек Ембергенов, Сырдария ауданының Құрметті азаматы Марат Омаров және «Абзал және К» толық серіктестігінің директоры Мағжан Ералиев қатысты.Спорттық іс-шарада аудан басшысы құттықтау сөз сөйлеп, жарысқа қатысушыларға сәттілік тіледі.– Мемлекет басшысы Қасым-Жомарт Кемелұлы Тоқаев Қазақстан халқына арнаған «Әділетті мемлекет. Біртұтас ұлт. Берекелі қоғам» Жолдауында спорт саласы бойынша әр облыста және ірі аудан орталықтарында саламатты өмір салтын қалыптастыру үшін арнайы спорт орталықтарын ашу қажет деді. Қазақстан Президентінің бұл тапсырмасы Үкімет басшысы және облыс әкімі Нұрлыбек Машбекұлы Нәлібаевтың қолдауымен Сыр елінде қарқынды жүргізілуде. Өткен жылы «Самұрық қазына траст» қорының демеушілігімен 3 млрд. 400 млн.теңгеге «Үстел теннисі орталығы» салынып, халыққа қызмет етуде. Облыс орталығында халықаралық стандарттарға сай келетін 11 мың орындық орталық стадион бой көтеруде. Сонымен қатар, «Қызылорда Арена»көпбейінді спорт кешенінің құрылысы басталып, келесі жылы ел игілігіне берілетін болады. «Қазақстан халқына» қорының қолдауымен көпсалалы дене шынықтыру-сауықтыру кешенінің іргетасы қаланды. Жаңа нысан жыл соңына дейін пайдалануға беріледі. Алдағы күндері бірқатар спорттық үйірмені қоса қамтитын «Шығармашылық академиясы» ашылады. Дені сау ұрпақ – ұлт болашағы екенін ескерсек, жастарымыздың ертеңі үшін осындай спорттық іс-шаралардың маңызы ерекше. Өскелең ұрпақтың денсаулығын шыңдау үшін спорттық жарысты ұйымдастырушы Қазақстанның Еңбек Ері Абзал Ералиевке шынайы алғысымды білдіремін, – деді Берік Әбдіғаппарұлы.Турнирдің ашылуында облыстық дене шынықтыру, спорт және туризм басқармасының басшысы Бахтияр Артаев және «Абзал және К» толық серіктестігінің директоры Мағжан Ералиев те сөз сөйлеп, жыл сайын ұйымдастырылып жатқан байрақты бәсекеге қатысушыларға сәттілік тіледі.Бүгінде Нағи ауылында ашық турнирлерді тұрақты ұйымдастыру үрдіске айналған. 2012 жылдан басталып, биыл 14-ші рет жалауын желбіреткен республикалық турнир спортшылардың үлкен жетістіктерге жетуіне мүмкіндік жасауда. Елді мекенде «Абзал және К» толық серіктестігінің жүлдесі үшін үстел теннисінен де ашық турнирлер жыл сайын өткізіліп келеді.Айта кетейік, жасөспірімдер арасындағы дзюдодан республикалық турнирге еліміздің түпкір-түпкірінен 400-ге жуық спортшы қатысуда.Ақпарат көзі : https://www.gov.kz/memleket/entities/kyzylorda-syrdarya/press/news/details/991370?lang=kk

Бастаушы ауылдық кітапханасында Ұлы Жеңістің 80 жылдығына орай “Қаhармандықтың даңқы” атты Таулы карабах жауынгері Кенжебек Дюсуповпен Абай атындағы орта мектебінің 9 сынып оқушыларымен кездесу өтті. Бұл кездесуде К. Дюсупов қысқаша өмірбаяның оқушыларға айтып берді,оқушылар сұрақтар қойыып жауаптарын тындады. К. Дюсупов оқушылаға тілегін айтты.Ақпарат көзі : https://www.gov.kz/memleket/entities/vko-samar-bastaushy/press/news/details/991374?lang=kk

Буэнос-Айрес, 2025 жылғы 7 мамыр - Қазақстан Елшісі Болат Нүсіпов Аргентина астанасында болған кезінде Қазақстанның Құрметті консулдығында болып, ірі аргентиналық компаниялардың мүддесін қорғайтын «Da Rocha Gene Munraba» заң фирмасының басшылығымен келіссөздер жүргізді.Келіссөздердің күн тәртібінде сауда, тау-кен өнеркәсібі және тоқыма өнеркәсібі, жасыл энергетика және минералды тыңайтқыштарды жеткізу салаларында екіжақты ынтымақтастық орнату мүмкіндіктері қаралды.Елші сұхбаттастарын Қазақстандағы инвестициялық ахуалмен, елдің экономикалық, сауда-саттық, көлік-логистикалық мүмкіндіктерімен, сондай-ақ инвесторларды мемлекеттік қолдау бойынша Қазақстан заңнамасының артықшылықтарымен таныстырды. Осы тұрғыда аргентиналық тарапқа Қазақстан экономикасының түрлі салаларындағы ағымдағы инвестициялық жобалардың тізімі берілді. Тараптар диалогты жалғастыруға келісті.Буэнос-Айрестегі Қазақстанның Құрметті консулдығының кеңсесінде Елші Болат Нүсіпов Құрметті консул Сантьяго Делукамен екіжақты Қазақстан-Аргентина ынтымақтастығын одан әрі кеңейту мәселелерін талқылады. Делука Елшіні ағымдағы жылдың сәуір айында Астанаға жасаған жұмыс сапарының қорытындыларымен таныстырып, сондай-ақ Құрметті консулдықтың биылғы жұмыс жоспарларымен бөлісті.Ақпарат көзі : https://www.gov.kz/memleket/entities/mfa-brazil/press/news/details/991387?lang=kk

Бастаушы ауылдық кітапханасында Ұлы Жеңістің 80 жыл толуына орай соғысқа қатысқан жауынгерлер мен тыл еңбеккерлерінің ерлігін ұмытпай, ұрпақ жадында мәңгі сақтау мақсатында Абай атындағы орта мектебінің бастауыш сынып оқушылары «Ұрпақтар жалғастырады» тақырыбында тәрбие сағаты өтті. Тәрбие сағаты барысында кітапханашы соғыс жылдарындағы батырлардың ерлігі туралы тың мәліметтермен бөлісіп, Бастаушы ауылының тумалары Ұлы Отан соғысының адагерлері Ғабдуәли Раханов, Зәкен Белібаев, Базар Смағұлов, Мырзағали Тұрсынғалиев, Нұрғазы Адекенов, Қазтай Дюсупов, Сейт Смағзамов сынайлы азаматтарымызға тағзым етеміз. Жасаған ерліктері мәңгі жүрегімізде.Ақпарат көзі : https://www.gov.kz/memleket/entities/vko-samar-bastaushy/press/news/details/991335?lang=kk

28 сәуірде, Еңбекті қорғаудың дүниежүзілік күніне орай, академик Әбілқас Сағынов атындағы ҚарТУ-дың конференц-залында «Қауіпсіздік пен еңбек гигиенасының заманауи тәсілдеріндегі әйелдердің рөлі: жасанды интеллект (ЖИ) және жұмыс орындарындағы цифрландыру» тақырыбында дөңгелек үстел өтті. Іс-шараны ұйымдастырушылар – Қарағанды облыстық кәсіподақтар орталығы, Қарағанды облысы әкімдігі жанындағы Әйелдер істері және отбасылық-демографиялық саясат жөніндегі комиссия, бастапқы кәсіподақ ұйымы және академик Әбілқас Сағынов атындағы ҚарТУ басшылығы.Дөңгелек үстел Мемлекет басшысы жариялаған Жұмысшы мамандықтар жылы аясында және Қазақстандағы кәсіподақ қозғалысының 120 жылдығы мен білім, ғылым және жоғары білім қызметкерлерінің салалық кәсіподағының 100 жылдығына орай ұйымдастырылды.Басты тақырып – цифрлық шешімдер мен жасанды интеллектті енгізу жағдайында еңбек қауіпсіздігі мен оны қорғаудың жаңа тәсілдерін дамытуға әйелдердің қатысуы, сондай-ақ әлеуметтік-еңбек қатынастарын реттеу мәселелері. Іс-шараға кәсіподақ көшбасшылары, сарапшылар, жоғары оқу орындарының өкілдері мен жұмыс берушілер қатысты. Департамент Еңбек қатынастарын бақылау бөлімінің басшысы Саягүл Еркебекованы ұсынды.Ақпарат көзі : https://www.gov.kz/memleket/entities/karaganda-enbek/press/news/details/991336?lang=kk

2025 жылдың 6 мамырында Көкшетау қаласында «Еуразия Групп Казахстан» ЖШС және ЖК «Kazrost Engineering» ауыл шаруашылығы техникасын шығаратын кәсіпорындарында облыстың ауыл шаруашылығы тауар өндірушілері үшін «Ашық есік күні» өтті.Ақпарат көзі : https://www.gov.kz/memleket/entities/aqmola-ush/press/news/details/991343?lang=kk

Самар ауданына барған жұмыс сапары аясында Шығыс Қазақстан облысының әкімі Нұрымбет Сақтағанов тыл ардагері Курме Жетеневаға Қазақстан Республикасы Президенті тағайындаған «Ұлы Отан соғысындағы Жеңіске 80 жыл» мерейтойлық медалін жеке өзі табыстады.Курме Жетенева 1926 жылғы 15 желтоқсанда Катонқарағай ауданына қарасты Коробиха ауылында дүниеге келген. Бастауыш сыныпты аяқтағаннан кейін тракторда механизатор болып еңбек еткен. 1941 жылы Жетенев Зарлықанға тұрмысқа шығады. Ол «Ана даңқы» орденімен марапатталған, 10 бала өсіріп-тәрбиелеп өсірді. Ұлы Отан соғысы жылдарында ерен еңбегі үшін «Еңбектегі ерлігі үшін» медалімен наградталған.Медальді табыстай отырып, Нұрымбет Сақтағанов Курме Жетеневаны Жеңістің 80 жылдығымен құттықтап, соғыстың аяқталуына қосқан жанқиярлық үлесін атап өтті. Мұндай адамдардың ерлігі тек майданда ғана емес, тылда да Жеңісті жақындатқанына ерекше тоқталды. Өңір басшысы ардагерге зор денсаулық, ұзақ ғұмыр мен амандық тіледі.Ақпарат көзі : https://www.gov.kz/memleket/entities/vko-samar/press/news/details/991290?lang=kk

Шығыс Қазақстан облысының әкімі Нұрымбет Сақтағанов Самар ауданындағы өсімдік және мал шаруашылығына маманданған «Қалисатарұлы» шаруа қожалығына барды.Шаруа қожалығы бидайдың «Алтайская-325» сорты, «Ілек» арпасы мен «Скакун» сұлысы сияқты дәнді дақылдарды өсірумен белсенді айналысады. Сонымен қатар, мал шаруашылығы да дамып келеді — ірі қара мен жылқы басы артуда. Жалпы жер көлемі 2 360 гектарды құрайды, оның ішінде егістік, жайылым және шабындық алқаптар бар.Нысанды аралау аграрлық сектордың әлеуетін бағалауға бағытталған ауқымды бағдарламаның бір бөлігі болды. Аумағы 5,5 мың шаршы шақырымды құрайтын Самар ауданы 8 ауылдық округ пен 22 елді мекенді қамтиды. Аудан экономикасының негізін ауыл шаруашылығы құрайды: биыл аграрлық, орман және балық шаруашылығының жалпы өнімі 1 257,7 млн теңгеге жетті. Бұл өткен жылдың сәйкес кезеңімен салыстырғанда 110,6% өсімді көрсетіп отыр.Облыс әкімі аграрлық секторды әрі қарай дамыту маңызды екенін атап өтті.Ақпарат көзі : https://www.gov.kz/memleket/entities/vko-samar/press/news/details/991301?lang=kk

Буэнос-Айрес, 2025 жылғы 7 мамыр – Қазақстанның Бразилиядағы және Аргентинада қоса атқарушы Елшісі Болат Нүсіпов “Қазақстан Ет одағы” атынан Басқарма төрағасы Мақсұт Бақтыбаев пен Аргентинаның сиыр етін ілгерілету институты (IPCVA) атынан Президент Джордж Брайтшмидт арасындағы Іскерлік кеңес құру туралы меморандумға қол қою рәсіміне қатысты. Сондай-ақ, іс-шараға ҚР-дың Буэнос-Айрестегі Құрметті консулы Сантьяго Делука, Аргентина Сыртқы істер министрлігі мен аргентиналық компаниялардың өкілдері қатысты.Меморандумға қол қойылғаннан кейін, Іскерлік кеңестің онлайн түріндегі алғашқы отырысы өтті. Жиын барысында тараптар кеңестің негізгі қызмет бағыттарын талқылап, екі елдің экономикасының қазіргі даму жайы, екіжақты сауда үрдістері, сондай-ақ мал шаруашылығы мен ауыл шаруашылығы саласының ерекшеліктері жайында ақпарат алмасты.Спикерлердің пікірінше, «Қазақстан–Аргентина» Іскерлік кеңесі, екі елдің іскер топтары мен экономикалық ұйымдары арасында түрлі салаларда тікелей байланыс орнатуға арналған тиімді алаңға айналуы тиіс. Кездесу қорытындысы бойынша тараптар, жақын арада осы институттың екі елдің астаналарының бірінде бетпе-бет отырысын өткізуге әзірліктерін жеткізді.Мәлім болғандай, аталған тетікті құру бастамасы алғаш рет 2023 жылғы 22 тамызда Буэнос-Айрес қаласында өткен Қазақстан мен Аргентина арасындағы саяси консультациялардың төртінші отырысы барысында айтылған болатын. Кейін, 2024 жылғы маусымда Елші Болат Нүсіповтің Аргентинаның сиыр етін ілгерілету институтының (IPCVA) басшылығымен кездесуінде осы мәселені бірлесіп пысықтау жөнінде нақты келісімге қол жеткізілді.Ақпарат көзі : https://www.gov.kz/memleket/entities/mfa-brazil/press/news/details/991238?lang=kk

ҚР Президенті жанындағы Мемлекеттік басқару академиясына магистратура және докторантура бағдарламалары бойынша түсу үшін құжаттарды қабылдау басталды, ол ағымдағы жылдың 26 маусымына дейін жалғасады.Ақпарат көзі : https://www.gov.kz/memleket/entities/upr-ump-kostanay/press/news/details/991258?lang=kk

   2025 жылдың 6 мамырында Әділет департаментінде Отан қорғаушылар күніне арналған салтанатты іс-шара өтті.   Шара барысында департамент басшылығы қызметкерлерді алдағы мерекемен құттықтап, құқықтық тәртіпті нығайту мен азаматтардың мүдделерін қорғаудағы еңбектерін ерекше атап өтті.   Сондай-ақ бірқатар қызметкерлерге құрмет грамоталары мен алғыс хаттар табысталды.   Мерекелік іс-шара концерттік бағдарламамен қорытындыланды. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991260?lang=kk

   Құрметті отандастар!   Сіздерді 7 мамыр - Отан қорғаушылар күнімен шын жүректен құттықтаймыз!   Бұл мереке - батырлықтың, ерліктің және елге деген адал қызметтің символы. Отан алдындағы борышын абыроймен атқарып жүрген барлық азаматтарға алғысымызды білдіреміз.   Баршаңызға мықты денсаулық, отбасыларыңызға амандық, қызметтеріңізге табыс тілейміз!   Тәуелсіз еліміздің тыныштығы баянды, келешегі кемел болсын! Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991264?lang=kk

Ұлы Жеңістің 80 жылдығы аясында Шығыс Қазақстан облысының әкімі Нұрымбет Сақтағанов Самар ауданына қарасты Подгорное ауылында ауыл тұрғындарымен бірге Кеңес Одағының үш Батыры – Н.Я. Фонов, С.Е. Седнев және И.М. Яроцкийге арналған ескерткішке гүл шоқтарын қою салтанатты рәсіміне қатысты.Николай Яковлевич Фонов – 1942 жылдан бастап Ұлы Отан соғысына қатысып, 47-армияның 30-атқыштар дивизиясы 59-артиллериялық полкінің зеңбірек командирі болған. Ол Брянск, Солтүстік Кавказ, Воронеж және 1-Украина майдандарында шайқасты. 1943 жылы жауынгерлік тапсырмаларды үлгілі орындағаны және көрсеткен ерлігі үшін сержант Н.Я. Фоновқа КЕҢЕС ОДАҒЫНЫҢ БАТЫРЫ атағы беріліп, Ленин ордені мен «Алтын Жұлдыз» медалі табысталады.Сергей Егорович Седнев – 47-армияның 23-моторлы понтон-көпір батальонының моторисі болған. 1941 жылдан бастап Брянск, Воронеж және 1-Украин майдандарында шайқасты. Днепрден өту кезінде көрсеткен ерлігі мен батырлығы үшін ефрейтор С.Е. Седневке 1944 жылы КЕҢЕС ОДАҒЫНЫҢ БАТЫРЫ атағы беріліп, Ленин ордені мен «Алтын Жұлдыз» медалі табысталады.Иван Михайлович Яроцкий – Тынық мұхиты флотының 13-бригадасы 390-теңіз жаяу әскері батальонының автоматшылар ротасының командирі болған. 1940 жылы кіші лейтенант шенінде Тынық мұхиты флотына келген. Жапониямен соғысқа қатысқан. 1945 жылы жауынгерлік тапсырмаларды үлгілі орындағаны, ерлігі мен батырлығы үшін аға лейтенант И.М. Яроцкийге КЕҢЕС ОДАҒЫНЫҢ БАТЫРЫ атағы беріліп, Ленин ордені мен «Алтын Жұлдыз» медалі табысталады.Іс-шара аясында облыс әкімі тыл еңбеккері Елизавета Гавриловна Бикбаеваға Қазақстан Республикасы Президенті Қасым-Жомарт Тоқаевтың «Ұлы Отан соғысындағы Жеңіске 80 жыл» мерейтойлық медалін табыстады.Ақпарат көзі : https://www.gov.kz/memleket/entities/vko-samar-palatcy/press/news/details/991393?lang=kk

Загреб, 2025 ж. 7 мамыр – Қазақстан Елшісі Дәулет Батрашев Хорватия Парламентінде Еуропа Кеңесі Парламенттік Ассамблеясының (ЕКПА) Вице-Президенті - Хорватия делегациясының басшысы Марко Павичпен кездесу өткізді. Тараптар екіжақты күн тәртібіндегі өзекті мәселелерді, соның ішінде бірқатар бірлескен іс-шаралар мен сапарларды, Қазақстан мен Хорватияның экономикалық және гуманитарлық салалардағы өзара іс-қимылын, сондай-ақ екі ел парламенттерінің ынтымақтастығын жандандыру жөніндегі қадамдарды талқылады. Д.Батрашев М.Павичті Мемлекет басшысының бастамасымен адам құқықтары мен заң үстемдігі саласындағы кешенді реформалармен, сондай-ақ өңірлік және жаһандық проблемаларды шешу жөніндегі қазақстандық тәсілдермен таныстырды.ҚР мен Хорватияның жалпыеуропалық тректегі мәселелеріне, сондай-ақ Қазақстанның Еуропа Кеңесінің Парламенттік Ассамблеясымен,  қоса алғанда демократиялық қағидаттарды ілгерілету мәселелерінде өзара іс-қимылына ерекше назар аударылды. Осы тұрғыда тараптар еуропалық институттармен сындарлы диалогты одан әрі дамытуға өзара мүдделілігін растады.Осы тұрғыда депутат М.Павич Қазақстанда соңғы уақытта жүргізіліп жатқан оң өзгерістерді құптап, Хорват тарапының Қазақстанның бастамаларын еуропалық деңгейде қолдауға және елде болып жатқан процестер туралы объективті ақпаратты ілгерілетуге жәрдемдесуге дайындығын растады.Сұхбаттасушылар Еуропа Кеңесінің «2024-2027 жылдарға арналған көршілік саясаты шеңберінде Қазақстанмен ынтымақтастықтың басымдықтары» бағдарламасы табысты іске бағдарламасын жүзеге асыруға жан жақты ықпал етуге келісті. Кездесу қорытындысы бойынша Қазақстан, Еуропалық Одақ және Хорватия арасындағы көпжоспарлы ынтымақтастығы тек жоғары бағыт бойынша дамитындығы туралы міндеттеме расталды. Парламентаралық диалогты қолдау және екі ел парламенттерінің іскерлік, мәдени және білім беру байланыстарын жандандыруға жәрдемдесу туралы қағидатты уағдаластықтарға қол жеткізілді.Ақпарат көзі : https://www.gov.kz/memleket/entities/mfa-zagreb/press/news/details/991225?lang=kk

Қостанай — Тобылдың жағасынан тамыр тартқан, табиғат пен урбанистиканың үндескен мекені. Бұл өлке ежелден Тобыл өзенімен танылып, бүгінгі таңда жасыл кеңістіктерімен, жайлы өмір сүру ортасымен ерекшеленетін заманауи қалаға айналуда.Сән берген саябақтарҚостанай әрдайым жасыл қала ретінде танылған қала. Бірақ бүгінде ол жаңа серпін, жаңа тыныс алып отыр. Бұрын қала көшелерінде негізінен теректер отырғызылса, қазір ландшафтық әртүрлілікке мән беріліп, урбанистика мен табиғат үйлесім тауып келеді.Аулалардан бастап ауқымды саябақтарға дейін жаңаша абаттандырылып жатыр. Бұрын елеусіз болған аумақтар қазір адамдар жиі жиналатын орындарға айналды. Енді саябақтар мен скверлер отбасылардың бас қосар алаңы, балалардың күлкісі естілетін мекен, таңғы жүгіру мен кешкі серуеннің тыныс алаңы.Орталық скверден бастап Жеңіс саябағына, Гашек пен Керуенге, Жастар бульварына дейін — әрбір кеңістік жаңарып, шынайы демалыс аймағына айналып келеді. Бұл — Қостанайдың жай қала емес, өмір сүру стилі бар қала екенін айқын дәлелдейді. «Шағала» жағалауы: өзенмен үндескен өмірҚаланың жүрегі – Тобыл өзені болса, оның рухани жалғасы – «Шағала» жағалауы. Демалыс аумағы соңғы жылдары өзгеше кейіп еніп, құлпыра түсті. Өткен жылы бұл жерде үлкен реконструкция жүргізілді: су тасқынынан кейін жағалаудың көптеген бөліктері қалпына келтірілді. Биыл ерекше жобаның жүзеге асуы күтілуде – орталық көпірдің астында жаңа жаяу жүргіншілер жолы салынуда. Бұл – жай ғана өткел емес, орталық көпірдің астындағы бір жағалауды біріктіретін, адамдарды табиғатпен, өзара және қаламен байланыстыратын символ. Осының арқасында аталған жағалаудан Триатлон паркіне дейін ұзындығы 2,5 шақырымды құрайтын жағалауда енді үздіксіз серуендеуге, велосипед тебуге, балалармен демалуға болады. Алдағы уақытта бұл жер қостанайлықтардың өз қаласын жаңа қырынан танитын кеңістікке айналады.Триатлон-парк: белсенді өмір салтының жаңа стандартыҚостанайдың ірі әрі ауқымды жобаларының бірі — Триатлон паркі, бұл тұрғындардың спортпен айналысып қана қоймай, табиғатпен бірге демалып, денсаулығын нығайтуға мүмкіндік беретін орын. Мұнда әрбір метр – қозғалысқа, спортқа және денсаулыққа арналған. Workout және паркур алаңдары, футбол, баскетбол, волейбол және стритбол алаңдары – мұның барлығы тұрғындардың күнделікті спортпен шұғылдануы үшін жасалған.Ашылған сәттен бастап, парк барлық жастағы адамдардың сүйікті орнына айналды. Қала сыртындағы ауылдардан, көршілес Қостанай ауданынан да бұл жерге келетін адамдар көбейіп жатыр. Мұнда отбасылар, жүгірушілер, велосипедшілер және жай ғана тыныштық іздегендер жиі келеді. Ерекше назар инклюзияға аударылған: мұнда мүмкіндігі шектеулі жандарға арналған арнайы спорт аймақтары, йогамен айналысуға арналған алаңдар жасалуда.Алдағы уақытта мұнда Фролов көшесі жағынан сәнді кіру аркасы, әкімшілік және коммерциялық нысандар, фонтан және көлеңкелі аймақтар бой көтереді. Бұл жоба Триатлон-паркті Қостанайдың ең тартымды және танымал нүктелерінің біріне айналдырады.Орталық алаң: қала жүрегіндегі жаңаруҚаланың тарихи орталығындағы басты алаң – қостанайлықтардың жан дүниесіне жақын кеңістік. Бұл жер – Қостанайдың тарихи және мәдени коды болып есептеледі. Ал бүгінгі таңда тарих пен қазіргі заманның үндескен орны. Мұнда кешкі уақытта жүрсеңіз, күндіз жүргендей әсер қалдырады. Себебі аумақ айналасы самаладай жарқырап тұр, заманауи шамдармен жарықтандырылған. Қауіпсіздік үшін оның маңызы зор. Жаңа газондар көз тартады, ал саябақтың әрбір бұрышы – суретке түсіргің келетін көрініс. Мұнда әрбір ағаш сақталып, қосымша көгалдандыру жұмыстары жүргізілді.Жақын болашақта бұл скверде орналасқан мәдени демалыс бағы да қайта жаңғыртылмақ. Аумағы 1  гектарға тең бұл аймақта жаңа аттракциондар орнатылмақ. Жоба толық іске асқанда, мұнда 18 аттракцион жұмыс істейтін болады. Сөйтіп, отбасылық демалыстың жаңа мекеніне айналары анық.Елеусіз орын еді...Бүгінде Арыстанбеков көшесіндегі сквер — Қостанай тұрғындарының демалып, спортпен шұғылданып, табиғат аясында тынығатын сүйікті орнына айналды. Ал бұдан бір жыл бұрын бұл аумақ елеусіз, тартымсыз күйде еді. Жаңа тыныс, жаңа рух берген жоба – қала әкімдігінің тікелей бастамасымен жүзеге асты. Әкімдік бұл аумақты қайта жандандыру туралы бастама көтеріп, жергілікті компанияларды біріктіріп, бар-жоғы бірнеше ай ішінде қала тұрғындарына арналған ыңғайлы әрі заманауи демалыс орны пайда болды.Жайлы кеңістік құру ісінде қала кәсіпкерлері белсенділік танытты. Бұл — бизнес пен биліктің ортақ жауапкершілікпен атқарған еңбегінің нақты үлгісі. Айта кету керек, қаланың кіріс бөлігінің 57 пайызы — шағын және орта бизнестің үлесі. Олар тек салық төлеуші ғана емес, сонымен бірге әлеуметтік бастамаларға атсалысып, Қостанайдың дамуына шынайы үлес қосып отыр.Сквер аумағында үйлесімді орнатылған жарықшамдар, заманауи тренажерлер, жайлы орындықтар, балалар алаңдары бар. Ең басты ерекшелігі — мұнда жыл он екі ай бойы жұмыс істейтін, жылы санитарлық-гигиеналық модульдің орнатылуы.Бұл сквер — Қостанайдағы жаңа урбанистикалық стандарттың бастамасы. Қала әкімдігі дәл осындай аумақтарды әр ауданның жасыл аймақтарында құруды көздеп отыр. Басты мақсат — әр тұрғын үшін демалыс аймағы өз үйінің жанында орналасуға тиіс. Яғни демалыс тек орталықта емес, әрбір шағынауданда қолжетімді болуы керек.Байтурсынов университеті аумағындағы парк: ғылым мен табиғат түйіскен тұсАуыл шаруашылығы институтының тарихи аумағында орналасқан жаңа жоба — 4,3 гектар жерді алып жатқан бірегей саябақ кешені. Бұл тек студенттерге ғана емес, жақын маңдағы тұрғындарға да ашық, заманауи демалыс орны болмақ. Жобада үлкен амфитеатр, балалар және спорт алаңдары, скейт-парк, жүгіру және велосипед жолдары қарастырылған. Жасылдандыру жұмыстары аясында ағаштар мен гүлдер отырғызылады, көгалды аймақтар құрылады. Бұл жаңа қоғамдық кеңістік — Абай даңғылы мен Маяковский көшесін жалғайтын, біртұтас жаяу жүргінші бағытын қалыптастыратын маңызды орынға айналады.«Қонай» саябағы — қонаққа жайылған көрпедейҚала орталығынан 20 шақырым жерде орналасқан, болашағы зор «Қонай» шағынауданы бүгінде жастардың, жас отбасылардың ордасына айналуда. Мұнда жаңа тұрғын үйлерден бөлек, заман талабына сай жасалған жайлы орта бар. Сол жайлылықты толықтырып тұрған ең маңызды нысандардың бірі — осы жылы абаттандырылуы басталатын жаңа «Қонай» саябағы. Бұл — аудан тұрғындарына арналған демалыс пен серуендеудің таптырмас мекені болмақ.Қазір эскиздік жобасы әзірленіп, барлық техникалық есептеулер жүргізілуде.Мектеп ауласы — ортақ демалыс алаңыҚостанай қаласында жайлы өмір сүру ортасын қалыптастыру тек орталық саябақтармен шектеліп қалмайды. Биыл қала мектептерінің де аумағын жан-жақты қайта құруға кіріскен. Атап айтқанда, №9 және №29 мектептердің ауласын толықтай жаңартып, оларды жасыл, көпфункциялы қоғамдық кеңістікке айналдыру жоспарланған.Бұл жобалар тек оқушылар үшін емес, сол маңдағы көпқабатты үйлерде тұратын тұрғындардың да мүддесін ескере отырып жасалынады. Бұл бастама мектеп пен аудан арасындағы байланысты күшейтіп, аула мәдениетін жаңа деңгейге көтереді деген сенім бар.Фонтандар қаласы: көңілдің көркем ырғағыҚостанай бүгінде жасыл желекке ғана емес, сылдырап аққан әсем фонтан-суларға да бай қалаға айналуда. Жаздың ыстығында балалар мен ересектерге арналған нағыз демалыс орны бар. Қалада 26 фонтан жұмыс істейді, оның ішінде 18-і стационарлық, ал 8-і ерекше форматта — су бетінде қалқып тұратын фонтандар. Каскадты субұрқақ, түрлі-түсті жарықтармен көмкерілген композициялардан бөлек, бүгінде жаяу жүргіншілерге арналған су бұрқақтары да қала тұрғындарын қуантуда. Cоңғы жылдары жұртшылық жүрегін жаулаған, түрлі-түсті музыкалық фонтан жұмыс істеп тұр. Бұл фонтанның су шапшыған толқындары музыка ырғағымен «билеп», арнайы лазерлік жарықпен түрленіп, нағыз көрініс қойылымына айналады.Мұндай нысандар — қала беделінің, оның қазіргі заманға сай дамып келе жатқанын көрсететін айқын дәлел. Қала әкімдігі жыл сайын фонтан инфрақұрылымын жаңартып, техникалық қызмет көрсетуді жолға қойып отыр. 2023 жылы 6 фонтан жөнделсе, былтыр 8 фонтан күрделі жөндеуден өтті. Биыл тағы 4 фонтан жаңғыртылады. Мұның бәрі қаланың орталық және тұрғын аудандарында өмір сапасын жақсартуға, серуендеу мәдениетін арттыруға бағытталған.Қала көркі – жасыл келбетҚостанай жыл өткен сайын жасарып, жайқалған жасыл желекке оранып келеді. Жыл сайын отырғызылатын ағаштар мен гүлдердің саны көбейген. Мәселен, соңғы екі жылда 12 мыңнан астам ағаш егілсе, биылдың өзінде 5 мың түп ағаш отырғызу жоспарланған. Сонымен қатар, қала аумағына 1,2 миллионнан астам гүл отырғызылады, бұл өткен жылмен салыстырғанда 20 пайыз артық көрсеткіш. Жалпы көлемі 7 мың шаршы метрге тең рокарийлер мен күтімді көгалдар Қостанайдың заманауи келбетін айқындай түсіп, қалаға өзіндік сән мен серпін береді.Бір сөзбен айтқанда, Қостанай – дала төсінде гүлденген тіршілік мекені, өмір сүруге жайлы, дамуға ынталандыратын, әр адам өз орнын таба алатын кеңістік. Табиғатпен үйлескен, заманауи инфрақұрылымы, қауіпсіз әрі мейірімді ортасы бар Қостанай бүгінде жайлылықтың, тартымдылықтың және мүмкіндіктердің қаласына айналып отыр.Ақпарат көзі : https://www.gov.kz/memleket/entities/kostanai-kalasy-akimat/press/news/details/991192?lang=kk

4 мамыр күні Костанай қаласында Қазақстан Республикасы Парламенті Сенатының қолдауымен және Қазақстан шахмат федерациясының ұйымдастыруымен «SENAT OPEN» II Ашық Кубогының іріктеу турнирі өтті.Бұл турнир елімізде шахматты дәріптеу мақсатында екінші жыл қатарынан өткізіліп отыр. Биылғы турнир рекордтық көрсеткішпен ерекшеленді – іріктеу кезеңіне еліміздің түкпір-түкпірінен 35 депутат қатысып, оның ішінде 9 маслихат төрағасы бақ сынады.Рудный қаласынан турнирге келесі қатысушылар қатысты:- Рудный қалалық мәслихатының депутаты – Руслан Уразалин- Рудный қалалық мәслихатының депутаты – Игорь Шишов- Рудный қалалық мәслихаты аппаратының жетекшісі – Дана Калеева- Қоғамдық кеңес мүшесі – Антон Боков- Мәслихаттың экс-депутаты – Аманжол СагнаевЖарыс қорытындысы бойынша Руслан Уразалин күміс жүлдеге ие болып, «SENAT OPEN» жартылай финалына жолдама алды. Ол Көкшетау қаласында өтетін келесі кезеңде еліміздің 25 үздік шахматшысының қатарында өнер көрсететін болады. Айта кетейік, өткен жылы Руслан облыс бойынша бірінші орын алып, жартылай финалдың үздік ондығына енген болатын.Депутатымызға алдағы жарыстарда сәттілік тілейміз!Ақпарат көзі : https://www.gov.kz/memleket/entities/maslihat-rudnyy/press/news/details/991194?lang=kk