Алмалы ауданында Ұлы Отан соғысындағы Жеңістің 80 жылдығына арналған гүл шоқтарын қою рәсімі өтті. Шара Әди Шәріповтің ескерткіші жанында ұйымдастырылды.Іс-шараға біздің Алмалы ауданы әкімшілігінен әріптестер, Алмалы ауданының ардагерлер кеңесінің төрағасы — Қабылов Батай Маманұлы, Әди Шәріповтің жұбайы — Мыңжасарова Клара Жәгіпарқызы, ҰОС ардагері — Сыдықбеков Оңғарбек, Ә. Шәріпов атындағы №16 мектептің оқушылары, Алмалы ауданының «Бақытты отбасы» орталығының тәрбиеленушілері мен қоғамдық ұйымдардың өкілдері қатысты.Гүл шоқтары қойылғаннан кейін қатысушылар соғыста қаза тапқандарды бір минут үнсіздікпен еске алды.Құттықтау сөздерде біз және сөз сөйлегендердің барлығы Ұлы Отан соғысы ардагерлерінің ерліктерінің маңыздылығын, сондай-ақ олардың ұлы жеңістері мен жетістіктерін ұмытпай, жадымызда мәңгі сақтау қажеттігін атап өттік.#80летПобедыАқпарат көзі : https://www.gov.kz/memleket/entities/almaty-almaly/press/news/details/992307?lang=kk

Ақмола облысы бойынша Мемлекеттік кірістер департаментінде «Уақытша сақтау қоймалары мен кеден қоймаларын кәсібилендіру» тақырыбында дөңгелек үстел отырысы өтті.Шараға уақытша сақтау қоймалары мен кеден қоймаларының иелері мен өкілдері қатысты.Онда келесі мәселелер талқыланды - тауарларды сақтау бойынша көрсетілетін қызметтердің сапасын арттыру. Үй-жайлар мен аумақтарды жарақтандыру және жайластыру, іргелес аумақты абаттандыру, персоналмен жұмыс істеу, логотипі бар арнайы киіммен, бейдждермен жабдықтау, тасымалданатын байланыс құралдарын пайдалану жөніндегі ұсынымдар. Сақтауда орналастырылған тауарлардың сақталуы мен сапасын қамтамасыз ету. Клиенттердің қызмет сапасына қанағаттануы.Кеден заңнамасын сақтау (тізілім қызметін жүзеге асыру шарттары, иесінің міндеттері мен жауапкершілігі, шарттық негіз, тауарларды есепке алу және оларды қоймадан шығару, есептілік, өткізу режимі).УСҚ және кеден қоймалары иелерінің қызметіндегі проблемалық мәселелер.Сондай-ақ шара барысында уақытша сақтау қоймалары мен кеден қоймалары иелерінің қызметіндегі мәселелер қаралды.Ақпарат көзі : https://www.gov.kz/memleket/entities/kgd-akmola/press/news/details/992311?lang=kk

2025 жылғы 5 мамыр – Қазақстан Республикасының Словения Республикасындағы Төтенше және Өкілетті Елшісі Данияр Сарекенов Любляна фестивалінің Бас және көркемдік жетекшісі Дарко Брлекпен кездесіп, екі ел арасындағы мәдени диалогты тереңдету перспективаларын талқылады.1953 жылы құрылған Любляна фестивалі Еуропадағы ең көне және ең беделді музыкалық форумдардың бірі болып саналады. 2025 жылғы 20 маусым мен 12 қыркүйек аралығында 73-ші фестиваль Словения мен әлемнің көрнекті әртістерін біріктіретін симфониялық және камералық концерттерді, опера және балет қойылымдарын, сондай-ақ джаз, эстрада және театр жұлдыздарының қойылымдарын қамтитын мағыналы бағдарламаны ұсынады.Кездесу барысында тараптар екіжақты қарым-қатынастарды нығайтудағы мәдени алмасудың маңыздылығын атап өтті. Елші Д.Сарекенов пен Д.Брлек мырза ынтымақтастықты, оның ішінде қазақстандық әртістердің фестивальдар мен концерттерге қатысуын белсендіруге ортақ ниеттерін білдірді, бұл Қазақстан мен Словения халықтарын жақындастырудағы маңызды қадам болады.Директор Д.Брлек Қазақстанның мәдени жетістіктерін жоғары бағалап, еліміздің жетекші шығармашылық ұжымдарын – «Астана Опера» театрын, «Астана Балет» балет труппасын, Қазақ мемлекеттік симфониялық оркестрін, сондай-ақ дәстүрлі және халық музыкасының орындаушыларын Любляна фестивалінің алдағы бағдарламаларына қатысуға ынтамен шақырды.Келіссөздер қорытындысы бойынша тараптар бірлескен мәдени бастамаларды жүзеге асыру үшін тұрақты өзара іс-қимылды жалғастыруға келісті. Бұл ынтымақтастық екі елдің бірегей мәдени дәстүрлерін біріктіретін және көрермендерге ұмытылмас әсер қалдыратын тәжірибе алмасу, шабыт пен шығармашылық, жаңа жобаларды жүзеге асыру үшін жаңа көкжиектер ашуға уәде береді.Ақпарат көзі : https://www.gov.kz/memleket/entities/mfa-ljubljana/press/news/details/992260?lang=kk

2025 жылғы 1 мамырдағы жағдай бойынша 2024 жылдың 1 ақпанынан бастап "БЖЗҚ" АҚ (бұдан әрі – БЖЗҚ, Қор) 11,49 млн аса АҚШ долларына 97 615 өтініш орындады (өтініш берушілердің банктік шоттарына аудару үшін уәкілетті операторларға аударылды). Оның ішінде тұрғын үй жағдайларын жақсарту мақсатында 6,70 млн астам АҚШ долларына 56 937 өтініш, білім алу ақысын төлеу үшін шамамен 4,79 млн АҚШ долларына 40 678 өтініш орындалды. Естеріңізге сала кетейік, нысаналы жинақтарды алушы барлық соманы немесе оның бір бөлігін пайдалануға құқылы, ақшаның пайдаланылмаған қалдығы нысаналы жинақтау шотында (НЖШ) қала береді. Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыру (6,55 млн жуық АҚШ долларына 55 539 өтініш орындалды), тұрғын үй сатып алуға ипотекалық тұрғын үй қарызын алу үшін бастапқы жарнаны енгізу – шамамен 49,94 мың АҚШ долларына 442 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу) – 38,57 мыңнан аса АҚШ долларына 370 өтініш. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (шамамен 4,24 млн АҚШ долларына 35 617 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (412,21 мыңнан аса АҚШ долларына 3 789 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (114,96 мыңнан аса АҚШ долларына 1 067 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға ағымдағы жылы 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағы 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/zhetysu-sarkan/press/news/details/1002875?lang=kk

2025 жылғы 8 мамырда Осакаров ауданының білім бөлімінде Ұлы Жеңістің 80 жылдығы мен Қазақстан Республикасы Отан қорғаушылар күніне арналған салтанатты жиын өтті. Іс-шараға алғашқы әскери дайындық (АӘД) пәні мұғалімдері, Осакаров ауданының ардагер ұстазы В.Н. Кошевец, «Алау», «Ұлан» байқауларына қатысушылар, сондай-ақ А.Бөкейханов атындағы мектептің «Жас сарбаз» қозғалысының өкілдері қатысты.Салтанатты жағдайда әдістемелік кабинет меңгерушісі Тұрарбекова М.М. ҚР Білім министрлігінің «Еңбек Ардагері» медалін Абай атындағы тірек мектебі (п. Молодежный) алғашқы әскери дайындық пәнінің мұғалімі Ғайфуллин С.Г.-ге табыстады. Бұл марапат жас ұрпақты тәрбиелеуге қосқан елеулі үлесі мен адал еңбегі үшін берілді.Сондай-ақ, білім бөлімінің басшысы атынан алғыс хаттармен келесі алғашқы әскери дайындық пәні мұғалімдері марапатталды:1. Семеничев С.В. (№2 ЖБМ)2. Матков А.В. (№6 ЖБМ)3. Веселов А.Р. (№7 ЖБМ)4. Васкан В.Н. (№13 ЖБМ)5. Маенков В.В. (№12 ЖБМ)6. Тұңғашбай Д. (№9 гимназия)7. Маурер С.Т. (А.Бөкейханов атындағы мектеп)Іс-шара – жас ұрпақтың бойына отансүйгіштік, азаматтық жауапкершілік және туған елге деген сүйіспеншілік рухын дарытатын ұстаздарға көрсетілген зор құрмет пен алғыстың белгісі болды.Ақпарат көзі : https://www.gov.kz/memleket/entities/edu-osakarovka/press/news/details/992246?lang=kk

«Абай облысы Курчатов қаласының экономика және қаржы бөлімі» ММ ашық бюджеттер порталында 2026-2028 жылдарға арналған бюджеттік бағдарламаларды талқылаудың басталғанын хабарлайды.Бюджеттік бағдарламаларды іске асыру туралы есептің мәтініне көшу үшін келесі сілтемеге өту қажет: 1) 459001 «Ауданның (облыстық маңызы бар қаланың) экономикалық саясаттын қалыптастыру мен дамыту, мемлекеттік жоспарлау,  бюджеттік атқару және коммуналдық меншігін басқару  саласындағы мемлекеттік саясатты іске асыру жөніндегі қызметтер»https://budget.egov.kz/budgetprogram/budgetprogram?govAgencyId=3647268&budgetId=38691662) 459003 «Салық салу мақсатында мүлікті бағалауды жүргізу»https://budget.egov.kz/budgetprogram/budgetprogram?govAgencyId=3647268&budgetId=38691933) 459005 «Жергілікті атқарушы органның  жоғары тұрған бюджет алдындағы борышын өтеу»https://budget.egov.kz/budgetprogram/budgetprogram?govAgencyId=3647268&budgetId=38693594) 459007 «Бюджеттік алып қоюлар»https://budget.egov.kz/budgetprogram/budgetprogram?govAgencyId=3647268&budgetId=38694635) 459012 «Ауданның (облыстық маңызы бар қаланың) жергілікті атқарушы органының резерві»https://budget.egov.kz/budgetprogram/budgetprogram?govAgencyId=3647268&budgetId=3869278 6) 459021 «Жергілікті атқарушы органдардың облыстық бюджеттен қарыздар бойынша сыйақылар  мен өзге де төлемдерді төлеу бойынша борышына қызмет көрсету»https://budget.egov.kz/budgetprogram/budgetprogram?govAgencyId=3647268&budgetId=3869438Ақпарат көзі : https://www.gov.kz/memleket/entities/abay-kurchatov/press/news/details/992144?lang=kk

   Құрметті отандастар!   Сіздерді Жеңіс күнімен шын жүректен құттықтаймыз!   9 мамыр - күнтізбедегі жай ғана күн емес, бұл Отанға деген шексіз сүйіспеншіліктің, ерлік пен табандылықтың символы. Біз бейбіт өмір мен бостандық жолында жанын қиған ардагерлердің ерлігін терең ризашылықпен еске аламыз, олардың жанқиярлық үлесін құрметпен еске сақтаймыз.   Сіздерге және жақындарыңызға амандық, бақ-береке, мықты денсаулық және келешекке деген сенім тілейміз. Батыр бабаларымыздың ерлігі, игі істерге шабыт, жарқын болашаққа берік негіз бола берсін! Қостанай облысыӘділет ДепартаментініңБаспасөз қызметі   Ақпарат көзі : https://www.gov.kz/memleket/entities/adilet-kst/press/news/details/992105?lang=kk

ҚР Үкіметінің 2014 жылғы 5 наурыздағы қаулысына сәйкес елімізде адамгершілік құндылықтарды жаңғыртуға және отбасы мен некенің оң имиджін дамытуға, отбасы мәртебесін арттыруға бағытталған жыл сайынғы «Мерейлі отбасы» конкурсы өткізіледі. Қатысуға Бейімбет Майлин ауданында тұратын, мүшелері жоғары еңбек, спорттық, шығармашылық, зияткерлік жетістіктері бар отбасылар шақырылады.Ағымдағы жылы «Мерейлі отбасы» екі кезеңде өтеді: аудандық / қалалық және облыстық деңгейлерде. Конкурстың аудандық кезеңіне қатысу үшін өтінімдер 2025 жылғы 15 мамырдан 15 маусымға дейін қажетті құжаттармен қоса нысан бойынша беріледі. Барлық сұрақтар бойынша «Бейімбет Майлин ауданы әкімдігінің ішкі саясат бөлімі» ММ-не мына мекенжай бойынша хабарласуға болады: Тәуелсіздік көшесі, 60, 28 кабинет, тел. 36293, e-mail: politika81@mail.kz .Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/992101?lang=kk

2025 жылдың 5-12 мамыры аралығында «Император» сауда кешенінде Жеңістің 80 жылдығына орайластырылған «1941-1945... жылдар, ғасырлар өтсе де – ұмытылмайды» атты ШҚО музей-қорығының көрмесі жұмыс істейді. Көрмеде соғыс жылдарындағы тұрмысты шынайы көрсететін интерьер элементтері, яғни 40-шы жылдардағы тұрмыстық заттар, баян, патефон және жиһаз сияқты бірегей жәдігерлер қойылды. Дайындалған экспозиция – бұл халықтың жауынгерлік ерлігі туралы естелік. Батыр бабаларымыздың ерлігін ешқашан ұмытпаймыз және мақтан етеміз!Ақпарат көзі : https://www.gov.kz/memleket/entities/vko-cultura-arhiv/press/news/details/992084?lang=kk

Қазақстан Республикасының Президенті Қасым-Жомарт Кемелұлы Тоқаевтың атынан Қостанай қаласының барлық ардагерлері Отан қорғаушылар күні және келе жатқан Жеңіс күні мерекелерімен құттықтадық. Ұлы Жеңістің 80 жылдығына орай ардагерлерге құттықтау хаттар мен мерейтойлық медальдар табысталды.Бүгінде Қостанай қаласында жеті соғыс ардагері тұрады. Олардың әрқайсысына Жеңіс күніне орай жергілікті бюджеттен 5 миллион теңгеден бір реттік төлем жасалды. Биыл үш ардагеріміз 100 жасқа толады.Ардагерлер бізді көтеріңкі көңіл-күймен қарсы алып, алғыстарын білдіріп, Қостанай қаласының тұрғындарына бейбіт өмір, амандық және молшылық тіледі.Барша қостанайлықтарды ұлы мерекелермен шын жүректен құттықтаймыз! Ақпарат көзі : https://www.gov.kz/memleket/entities/kostanai-kalasy-akimat/press/news/details/992049?lang=kk

Францияның фашистік оккупациядан азат етілуінің 80 жылдығына арналған салтанатты рәсім генерал Шарль де Голль ескерткішінің жанында өтті. Оған Қорғаныс министрінің бірінші орынбасары – ҚР Қарулы күштері Бас штабының бастығы генерал-лейтенант Сұлтан Қамалетдинов, Францияның Қазақстандағы Төтенше және Өкілетті Елшісі Сильван Гиоге, Қарулы күштердің ардагерлері мен «Жас сарбаз» әскери-патриоттық қозғалысының тәрбиеленушілері қатысты.Құрмет қарауылы ротасының сүйемелдеуімен генерал-лейтенант Сұлтан Қамалетдинов пен Елші Сильван Гиоге Француз қарсылығының символы болған генерал Шарль де Голль ескерткішіне гүл шоқтарын қойды.Митингте «Қарулы күштердің ардагерлері» РҚБ төрағасының орынбасары отставкадағы генерал-майор Марат Нағұманов Францияны азат етуге кеңес сарбаздары мен партизандарының қосқан үлесін ұмытпаудың маңыздылығын атап өтті.Екінші дүниежүзілік соғыс жауынгерлеріне құрметі үшін қазақстандық тарапқа шын жүректен алғыс білдірген француз Елшісі Сильван Гиоге туыстық қатынастары бар үш отбасы мүшелеріне естелік медаль табыстады.Ақпарат көзі : https://www.gov.kz/memleket/entities/mod/press/news/details/992066?lang=kk

Жеңіс күні қарсаңында Үлкен Нарын ауданы мәслихатының төрағасы Сыдыкова Жанар Данелхановна тыл еңбеккері, алтын құрсақты анамыз Абишева Шарбан апамызға арнайы барып, Ұлы Жеңістің 80 жылдығына арналған медальды табыс етіп, мерекемен құттықтады. Апамыз өз кезегінде ақ батасын беріп, баршамызға бейбіт өмір тіледі.Сонымен қатар, ақ жаулықты аналарымыз, “Соғыс кезіндегі балалар” болған Балғын ауылының тұрғындары Қалиева Батима, Китакпаева Нурбағди, Беисекина Нұрсақ, Қалиева Жамкөш, Камиясова Сара, Журтпаева Каскен, Ережепова Нурзағила, Кадыргожина Кулзада, Слямова Бағжамал атты ақ жаулықты аналарымызды Ұлы мерекемен құттықтап, көтеріңкі көңіл күй сыйлап қайтты.Ақпарат көзі : https://www.gov.kz/memleket/entities/maslikhat-ulken-naryn/press/news/details/992010?lang=kk

"KazAID "Қазақстандық халықаралық даму агенттігі" КЕАҚ серіктестік және аймақтық жобалар департаментінің менеджері бос лауазымына орналасуға конкурс жариялайды.Функционалдық міндеттері: -Тұрақты даму мақсаттары бойынша жобалардың дизайнын әзірлеу;- жергілікті және шетелдік әріптестермен келіссөздер жүргізу;- жобаларды сүйемелдеу, бақылау, іске асырылуын мониторингілеу және жобалардың нәтижелеріне бағалау жүргізу;- қажетті жобалық құжаттаманы дайындау;-  серіктес елдердегі Қазақстан Республикасының мемлекеттік органдарымен және шетелдік мекемелерімен өзара іс-қимыл жасау.Үміткерлерге қойылатын талаптар: - Экономикадағы, халықаралық қатынастардағы, бизнес-басқарудағы жоғары (немесе жоғары оқу орнынан кейінгі) білім (басқа мамандықтар да қарастырылуы мүмкін), магистратура артықшылықта.- Жұмыс тәжірибесі - 2 жыл.- Жобаларды басқарудағы тәжірибе міндетті болып табылады.- Жобалар бюджетімен жұмыс істеу дағдылары мен мемлекеттік органдармен жұмыс тәжірибесі құпталады.- Қазақ, орыс және ағылшын тілдерін білу міндетті.- Шет тілдерін білу құпталады. Үміткерлерден түйіндемені қабылдаудың соңғы мерзімі - 2025 жылғы 20 мамыр. Түйіндеме электрондық мекенжайға жіберіледі – office@kazaid.kz Ақпарат көзі : https://www.gov.kz/memleket/entities/kazaid/press/news/details/991930?lang=kk

Нью-Дели, 2025 жылғы 8 мамыр – Қазақстанның Үндістандағы Елшісі Азамат Есқараев Үндістан СІМ Протокол қызметінің Бас директоры А.Гаурға сенім грамоталарының көшірмелерін табыс етті.Кездесу барысында А.Гаур қазақстандық дипломатиялық миссияның басшысын қызметке кірісуімен және Нью-Делиге келуімен құттықтап, Қазақстан мен Үндістанның өзара тиімді стратегиялық әріптестікке негізделген бұрыннан келе жатқан достық байланыстары бар екенін атап өтті. Осы тұрғыда ол Үндістан СІМ тарапынан А.Есқараевқа қызметінде болған кезінде және оған жүктелген міндеттемелерді іске асыруда жан-жақты көмек көрсетуге уәде берді.Қазақстан Елшісі өз кезегінде көрсетілген қонақжайлылыққа ризашылығы мен Қазақстан-Үндістан екіжақты ынтымақтастығын одан әрі тереңдетуге бар күш-жігерін салуға дайын екендігін білдірді.Кездесу қорытындысы бойынша тараптар Елшілік мен Үндістан СІМ арасындағы, оның ішінде жоғары және жоғары деңгейдегі сапарларды дайындау және өткізу барысында жемісті ынтымақтастықты жалғастыруға келісті.Ақпарат көзі : https://www.gov.kz/memleket/entities/mfa-delhi/press/news/details/991908?lang=kk

Жамбыл облысында Ұлы Жеңістің 80 жылдығы қарсаңында Тараз гарнизоны әскери бөлімшелерінің әскери қызметшілері ардагерлер үшін "үй жағдайындағы" ерекше парад ұйымдастырды.Бұдан бірнеше жыл бұрын, ардагерлерге орталық алаңдарға бару қиындай бастағанда, Құрлық әскерлерінің "Оңтүстік" өңірлік қолбасшылығы олардың үйлерінің алдында шағын парадтар өткізуді бастаған болатын. Бұл дәстүр кейінгі жылдары тұрақты түрде жалғасын тауып келеді.Биыл бұл шара ауқымдырақ өтті. Оған "Оңтүстік" өңірлік қолбасшылығының бөлімшелерімен қатар, Әуе қорғанысы күштерінің, атап айтқанда, Ұшқышсыз ұшу аппараттары мамандарын даярлау оқу орталығының әскери қызметшілері, ҰҚК Шекара қызметі департаменті мен Ұлттық ұлан өкілдері де қатысты.Қазіргі таңда Жамбыл облысында бар болғаны бес майдангер тұрады. Олардың барлығы Тараз қаласында тұрып жатыр. Жастары ұлғайғандықтан, бұқаралық іс-шараларға қатыса алмайды. Дегенмен ұрпақтардың алғысы мен құрметі оларды назардан тыс қалдырмады. Әскери шеру ардагерлер тұратын аулаларда өтті.Ардагерлер аулаға шығып, салтанатты шеруді өз көздерімен тамашалады. Бұл оларға ерекше әсер етті."Оңтүстік" өңірлік қолбасшылығы әскерлерінің қолбасшысы генерал-майор Ержан Ибраев майдангерлерді арнайы келіп құттықтады. Ол елордадағы парадқа қатысып, түнде Таразға келіп жеткен.– Біз батырларымыз өздерін қамқорлықта сезінуі үшін қолдан келгеннің бәрін жасауымыз керек", – деді қолбасшы.Қорғаныс министрінің атынан әр ардагерге естелік сыйлық пен құттықтау хаты табыс етілді. Сондай-ақ Тараз гарнизонындағы әскери бөлім командирлері де ардагерлерді құттықтады.Ардагерлерге облыстық және қалалық әкімдік өкілдері, мектеп оқушылары, "Жас сарбаз" әскери-патриоттық қозғалысының тәрбиеленушілері де келіп, гүлдер мен сыйлықтарын табыстады.Ақпарат көзі : https://www.gov.kz/memleket/entities/mod/press/news/details/991881?lang=kk

Бүгін Қарасай ауданы, аудандық орталық кітапханасында «Қарасай ауданының жастар ресурстық орталығының» ұйымдастыруымен академик, Ұмтыл ауылдық округінің «Ардагерлер ұйымының» төрағасы Хасенов Елтай Хамзинұлымен аудан жастары арасында «Ерлік - елге мұра, ұрпаққа үлгі» тақырыбында кездесу өткізілді. Кездесуге 30 жас қатысты.Басты мақсатымыз: Жеңіс жолында күрескен батырлардың қайтпас рухын жастар арасында насихаттап, ерліктерін дәріптеу.Ақпарат көзі : https://www.gov.kz/memleket/entities/almoblzhastary/press/news/details/991841?lang=kk

 2025 жылғы 20 маусымда Меңдіқара ауданы әкімі Ғ.М.Бекбаевтың Қаракоға ауылдық округінің тұрғындармен  кездесуі  өткізіледі.Өткізілетін орны: Ұзынағаш ауылы, мектеп ғимараты, сағат 10:00          Тұрғындармен  кездесуге дайындық барысында тұрғындардан сауалдар түсуде.  Сұрақтар мен ұсыныстар 8-705-162-80-87 нөмірі бойынша  WhatsApp чаттары арқылы қабылданады.Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1017119?lang=kk

ШҚО музей-қорығында Ұлы Отан соғысындағы Жеңістің 80 жылдығына орай жерлесіміз, ҰОС ардагері, «Халық Қаһарманы» Қасым Қайсеновтің өмірі мен шығармашылығына арналған «Аңызға айналған Қасым Қайсенов» атты экспозиция ашылды. Экспозицияның тұсаукесеріне ұлы Болат Қайсенов пен туыстары қатысты.Ақпарат көзі : https://www.gov.kz/memleket/entities/vko-cultura-arhiv/press/news/details/991804?lang=kk

    2025 жылдың 8 мамырында Қостанай облысы Әділет департаментінің «Ауданаралық мәжбүрлеп орындату аумақтық бөлімі» филиалдарының басшылары жеке сот орындаушыларымен, нотариустармен, сондай-ақ жергілікті атқарушы органдардың өкілдерімен бірлесіп ардагерлерді құттықтап, оларға азық-түлік себеттері мен мерейтойлық медальдар табысталды.   Рудный қаласында тыл еңбеккері Зубов Анатолий Михайловичті құттықтады. Жітіқара ауданында соғыс жылдарында далада еңбек етіп, кейін ұзақ жылдар ішкі істер органдарында қызмет еткен Сергеев Василий Михайловичті құттықтады.   Әулиекөл ауданында «Әулиекөл ауданаралық мәжбүрлеп орындату аумақтық бөлімі» филиалының мемлекеттік аға сот орындаушысы аудан нотариустарымен бірлесе отырып, тыл еңбеккерлеріне алғыс білдіріп, азық-түлік себеттерін тарту етті. Құрмет көрсетілген жандар қатарында Иванова Галина Ивановна, Лесняк Александра Сергеевна, Николенко Ольга Михайловна, Пупышева Лукия Евтихиевна, Власова Валентина Степановна және Черняева Ирина Николаевна бар.   Бұл игі шара Ұлы Отан соғысы жылдарында майдан мен тылда аянбай еңбек еткен ардагерлерге деген құрмет пен алғысымыздың жарқын көрінісі. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/991819?lang=kk

Бүгін,8 мамыр күні Сәкен Сейфцллин атындағы орталық кітапханасында 9 мамыр - Ұлы Отан соғысындағы Жеңістің 80 жылдығына орай «Ұлы Жеңіс - ерлік пен даңқтың мәңгілік мұрасы»  атты кең көлемді апталық кітап көрмесі өтті.Көрменің мақсаты – келешек ұрпаққа Жеңіс күнінің тарихи маңызын жеткізу, соғыс жылдарындағы халықтың жанқиярлық ерлігі мен отансүйгіштік рухын насихаттау, сондай-ақ Отан үшін жанын қиған жауынгерлердің есімін ұлықтап, олардың ерліктерін ұмытпай, мәңгі есте сақтау.Көрмеге Талдықорған қаласының №13орта мектеп, №17 орта мектеп, Б.Жолбарысұлы атындағы №18 орта мектеп оқушылары мен "Қазақстан Республикасы Ішкі Істер Министрлігі Алматы Облысының және Жетісу Облысының Мамандандырылған Күзет Қызметі Басқармасы" Мемлекеттік мекемесінің қызметкерлері, Кітапханашылар А.Жұмабекова, Қ.Садырбаева, А.Тұрсынханова оқушыларды кітап көрмесімен таныстырып, Ұлы Отан соғысы жылдарындағы Қазақстанның жағдайы туралы, соғыста ерлік көрсеткен жауынгерлердің ерен ерліктері мен соғысқа аттанып, елге оралмай із- түссіз кеткен Боздақтар жайлы сонымен қатар Соғыс Ардагерлері туралы мәліметберді.Ақпарат көзі : https://www.gov.kz/memleket/entities/zhetysu-archive/press/news/details/991746?lang=kk