Қазақстан Республикасының Жасанды интеллект және цифрлық даму министрлігі мен Cointelegraph компаниясы өзара түсіністік туралы меморандумға (MoU) қол қойды. Құжаттың мақсаты - Қазақстанның аймақтық цифрлық инновациялар орталығы ретіндегі позициясын нығайтып, Web3 экожүйесін дамыту.Әріптестік Қазақстанның блокчейн, Fintech және жасанды интеллект салаларындағы жетістіктеріне халықаралық қызығушылықты арттырып, мемлекет, бизнес және Web3 қауымдастығы арасындағы ынтымақтастықты дамытуға жол ашады.Cointelegraph компаниясының жаһандық серіктестік жөніндегі жетекшісі Джеффри Миллиганның айтуынша, ынтымақтастық арқылы компания  дамушы елдердегі Web3 бағытының дамуын қолдауға дайын: «Қазақстан ашық әрі инновациялық цифрлық экономиканы қалыптастыруда айтарлықтай жетістікке жетті. Осы әріптестік арқылы Cointelegraph халықаралық тәжірибесімен бөлісіп, медиа ынтымақтастықты күшейтуге және жергілікті инноваторларды жаһандық Web3 экожүйесімен байланыстыру арқылы елдің әрі қарай дамуына үлес қосуды көздейді».Меморандум мемлекеттік органдар мен бизнес өкілдеріне арналған оқыту бағдарламалары мен шеберлік сабақтарын әзірлеу, бірлескен зерттеулер жүргізу, Қазақстанда Web3 және Fintech іс-шараларын ұйымдастыру сияқты кең ауқымды бағыттарды қамтиды. Бұл ғана емес серіктестік Қазақстанның цифрлық трансформациясы туралы сөз қозғайтын бірегей медиа болып, аналитикалық контент жасауды және оны Cointelegraph-тың жаһандық платформасында жариялауды көздейді.Cointelegraph - блокчейн, криптовалюта және цифрлық технологиялар туралы мәлімет тарататын әлемдегі жетекші басылымдардың бірі. 2013 жылы құрылған бұл медиа Web3 әлеміндегі басты жаңалықтар мен үрдістерді, сондай-ақ инновация мен орталықтандырылмаған болашақты қалыптастырып жатқан тұлғалар жайлы материалдарды жариялайды. Бүгінде Cointelegraph компаниясының АҚШ, Еуропа және Азияда кеңселері бар, ал оның аудиториясы әлем бойынша миллиондаған оқырманды қамтиды.ҚР ЖИЦДМ баспасөз қызметіАқпарат көзі : https://www.gov.kz/memleket/entities/maidd/press/news/details/1101446?lang=kk

Астанада өткен «Жайдарман» ойындарында «Қазақстан CUP» лигасында өнер көрсететін астаналық айрықша мақсаттағы бригаданың «Жұлдызды жігіттер» командасы жүлделі үшінші орынды иеленді.«Жайдарман» ойындарының «Қазақстан CUP» лигасы биыл ерекше тартысты өткенін айта кету керек. «Жұлдызды жігіттер» жайдарман тобы жоғарыда айтылған лигада 80 команданың ішінен суырылып шығып, 1/2 ширек финал ойындарына жолдама алған болатын. Ширек финал кезеңінде төрт үздік команда бақ сынады.Батыс Қазақстан облысы Тасқала ауданы Ақтау ауылының мектеп оқушыларынан құралған «Жұдырық» командасы ауыл өмірін шынайы әрі қарапайым әзілмен жеткізсе, Е. Бөкетов атындағы Қарағанды мемлекеттік университетінің «Амазонка» қыздар командасы нәзік юмор арқылы залды күлкіге қарық қылды. С. Сейфуллин атындағы Қазақ агротехникалық зерттеу университетінің «Сейфуллин» командасы кәсіби дайындық пен тапқыр ойдың үлгісін көрсетті. Ал «Жұлдызды жігіттер» әскери тақырыпты сахнада шебер бейнелеп, көрерменге ерекше әсер қалдырды.Қазылар алқасының шешімімен бірінші орынды «Сейфуллин» командасы иеленді. Екінші орын қарағандылық «Амазонка» командасына бұйырды. Ал «Жұлдызды жігіттер» және «Жұдырық» командалары үшінші орынды еншіледі. – Бұл жетістік – біз үшін үлкен абырой. Себебі 80 команданың ішінен суырылып шығып, республикалық деңгейдегі үздіктер қатарына ендік. Қолдау көрсеткен әскери бөлім қолбасшылығы мен жанкүйерлерге алғысымыз шексіз, – дейді «Жұлдызды жігіттер» командасының капитаны капитан Бақберген БуратаевҰйымдастырушылар атап өткендей, «Жайдарман» ойыны тек әзіл емес, ол жастардың ойы мен өрісін кеңейтетін, бірлік пен достықты дәріптейтін мәдени алаң. «Жұлдызды жігіттер» осы рухты сахнада тамаша жеткізе білді. Әзіл арқылы патриотизм мен тәртіпті насихаттай білген команда көрерменнің де, қарсыластарының да құрметіне бөленді.Ақпарат көзі : https://www.gov.kz/memleket/entities/mod/press/news/details/1101440?lang=kk

С5+1 дипломатиялық платформасының құрылғанына он жыл толуына орай Қазақстан Республикасының, Қырғыз Республикасының, Тәжікстан Республикасының, Түрікменстанның, Өзбекстан Республикасының және Америка Құрама Штаттарының үкіметтері (жиынтығында «С5+1 елдері» деп аталады),C5+1 елдерінің әрқайсысының бірегей мәдени мұрасын және олардың адамзаттың дамуына қосқан ерекше үлесін мойындай отырып;С5+1 елдерінің бірегей мәдени мұраларын қорғау және сақтау саласындағы ынтымақтастықтың маңыздылығын растай отырып; жәнеМәдени мұра, оның ішінде мәдени алмасу, мәдени мұраны сақтау саласындағы тәжірибе алмасу және Ұлттық мұражайлар кеңесі арқылы ынтымақтастық саласында С5+1 елдері арасындағы байланыстардың тереңдеуін атап отырып,келесі өзара түсіністікке қол жеткізді:C5+1 елдері С5+1 елдерінің мәдени мұрасын сақтау, мәдени құндылықтарының заңсыз сауда жолын болдырмау және С5+1 елдері арасындағы мәдени өзара іс-қимылды нығайту мақсатында келесі шаралар арқылы ынтымақтастықты нығайтуға және кеңейтуге ниетті:Мәдени мұраны сақтау және мәдени құндылықтарды қорғау мақсатында құқық қорғау, кеден және шекара қауіпсіздігі салаларында ақпарат алмасуды нығайту;Мәдени құндылықтардың заңсыз айналымының алдын алу және өнер нарығының біртұтастығын қамтамасыз ету үшін өзара толықтыратын өңірлік желілерді құру;Мәдени мұраны жалпы экономикалық мақсаттарға кіріктіру мүмкіндігін зерделеу, оның ішінде туризм секторы мен креативті индустрияға пайда әкелетін ағылшын тілінде білім беруді дамыту;Консервация, кураторлық қызмет, тіркеу, цифрландыру, шығу тегін зерттеу, көрмелерді ұйымдастыру, мәдени мұра нысандарын басқару, жойылып кету қаупі бар антиквариаттарды қорғау салаларында озық тәжірибе алмасу мақсатында институционалдық серіктестікті кеңейту және сарапшылар арасындағы алмасуларды жүзеге асыру, сондай-ақ этнология, археология, сәулет және реставрация сияқты өзара қызығушылық тудыратын басқа да салаларда ынтымақтастық орнату;Ұлттық мұражайлар кеңесінің қызметіне барлық алты елдің толыққанды қолдау көрсетіп, белсенді қатысуын қамтамасыз ету;Мұражай ісі саласындағы ынтымақтастықты ілгерілету және алмасуды ұйымдастыру, оның ішінде С5+1 елдерінің жетекші мұражайлары мен мәдени мекемелерінде көрмелер мен экспозициялар өткізу үшін мәдени құндылықтарды ұсыну;C5+1 елдерінің мәдени мұрасын ілгерілету, қорғау және сақтау мәселелеріне қатысты халықаралық алаңдарда ұстанымдарды мәлімдеу;Ұлттық қолөнер дәстүрлері мен сәндік-қолданбалы өнер шеберлерін қолдауды, сондай-ақ дәстүрлі мәдениетті, музыка мен биді сақтауды қамтамасыз ету;Мәдени құндылықтарды қорғау және мәдени мұраны сақтау мақсатында білім беру, ғылым және инновациялар салаларындағы ынтымақтастықты дамытуға жәрдемдесу, оның ішінде академиялық және зерттеу байланыстарын нығайту, сондай-ақ С5+1 елдерінің жоғарғы оқу орындары мен зерттеу орталықтары арасындағы бірлескен бастамаларды қолдау; жәнеӘр елдің бай мәдени мұрасын дәріптейтін фестивальдер мен мәдени іс-шараларды ұйымдастыру бойынша ынтымақтастықты қолдау.   Ақпарат көзі : https://www.gov.kz/memleket/entities/mfa/press/news/details/1101438?lang=kk

Қазақстан Республикасының, Қырғыз Республикасының, Тәжікстан Республикасының, Түрікменстанның, Өзбекстан Республикасының және Америка Құрама Штаттарының үкіметтерімен бірлесіп (бұдан әрі - С5+1) С5+1 форматында дипломатиялық қатынастар орнатудың оныншы жылдығына орай,C5+1 дипломатиялық алаңы аясындағы экономикалық ынтымақтастықтың нығаюы соңғы жылдары ондаған миллиард доллар көлеміндегі сауда мен инвестицияны қамтамасыз еткенін мойындай отырып, жәнеелдеріміздің егемендігі, тәуелсіздігі мен аумақтық тұтастығын қамтамасыз ететін тұрақты әрі қуатты экономикалардың маңыздылығын қайта растай отырып,C5+1 елдері арасындағы сауда-экономикалық байланыстарды одан әрі нығайтуға бағытталған өңірлік тәсілді көздейтін B5+1 форматтың C5+1 дипломатиялық платформасын толықтыратын маңызды іскерлік әріптестік тетігі екендігін ескере отырып,келесі өзара түсіністікке қол жеткізді:C5+1 елдері өркендеуді, бейбітшілікті пен ілгерлеушілікті қамтамасыз ету мақсатында экономикалық қызмет пен өзара іс-қимылды жандандыру арқылы келесі шараларды қабылдауға ниетті: Коммерциялық ортаРеттеу реформаларын іске асыру арқылы бизнес жүргізу шарттарын жеңілдету және сауда мен инвестицияларды ынталандыру;Шағын және орта бизнесті дамытуға қолдау көрсету;Экспорттық әлеуетті арттыру мен инновацияны ынталандыру мақсатында өзара тиімді бірлескен кәсіпорындардың құрылуын қолдау;Коммерциялық дауларды шешуде уақытылы әрі ашық рәсімдерді қамтамасыз ету, келісімшарттардың міндеттілігін құрметтеу қағидатын қолдау;Өнім сапасы мен қауіпсіздігін қамтамасыз ететін стандарттарды жетілдіру бағытында C5+1 елдері мойындаған халықаралық нормаларға сәйкес ынтымақтастық орнату;IT-стартаптар мен инновациялық компаниялардың дамуы үшін қолайлы жағдайлар жасау, венчурлік капиталға, акселераторларға және халықаралық нарықтарға жеңілдетілген қолжетімділікті қамтамасыз ету;Коммерциялық қызметті дамытуға мүмкіндік беретін ашық, тұрақты және әділ нарықтық ортаны қолдау;Зияткерлік меншік және басқа да құқықтарды қорғау мен орындауды күшейту арқылы инвесторлардың сенімін арттыру;Орталық Азия мен Америка Құрама Штаттары арасындағы экономикалық ынтымақтастықты ілгерлететін 2026 жылғы 4-6 ақпан аралығында Бішкек қаласында (Қырғыз Республикасы) өтетін B5+1 Форумын қолдау, сондай-ақ 2024 жылғы наурызда Алматы қаласында (Қазақстан Республикасы) өткен алғашқы B5+1 Форумының табысты нәтижелерін мойындау; Сауда, инвестиция және маңызды минералдарҚауіпсіз, сенімді және әртараптандырылған энергетикалық жеткізілімдерді қамтамасыз ету, сондай-ақ энергетика және маңызды минералдар салаларындағы инвестициялар мен сауданы арттыруды көтермелеу;Бейбіт атом саласындағы ынтымақтастықты дамыту, оның ішінде әлеуетті арттыру, тиісті кадрлардың кәсібилігін нығайту және АЭХА кеңестеріне негізделген заманауи азаматтық ядролық технологияларды енгізу;Орталық Азия мемлекеттерінің маңызды минералдарын жаһандық жеткізу тізбегіне интеграциялау мақсатында геологиялық зерттеулерге, өндіру мен өңдеуге инвестициялар салуға жәрдемдесу, сондай-ақ қайта өңдеу салаларын қоса алғанда, қосылған құны жоғары өндірісті дамытуды ынталандыру үшін маңызды минералдар бойынша C5+1 диалогына қатысуды жалғастыру;Гидроэнергетика, туризм, ақпараттық технологиялар, электрондық коммерция және ауыл шаруашылығы сияқты жоғары өсім әлеуеті бар секторларда сауда мен инвестицияны ілгерілету;Сенімді интернет және коммуникациялық технологиялар мен инфрақұрылымды, оның ішінде талшықты-оптикалық желілер, 5G, 6G, суасты кабельдері, деректерді өңдеу орталықтарының жабдықтары, спутниктік байланыс сияқты цифрлық инфрақұрылымды дамыту мен енгізуді ілгерілету, сондай-ақ трансшекаралық деректер ағындарының қорғалуын қамтамасыз ететін халықаралық стандарттар мен озық тәжірибелермен үйлестіру, оның ішінде трансшекаралық деректердің құпиялылық ережелері жөніндегі Ғаламдық форум сияқты бастамалармен үндестікті қамтамасыз ету;Жасанды интеллект технологияларын дамыту арқылы инновациялық өсу мен халықаралық әріптестікке негізделген тұрақты цифрлық экономиканы қалыптастыруды ілгерілету;Жасанды интеллект пен цифрлық инновацияларды C5+1 жұмыс топтарының қызметіне біріктіру, үздік тәжірибелермен алмасу және ұлттық жасанды интеллект жүйелерін енгізуді ілгерілету;Жасанды интеллект саласындағы зерттеулер мен білім беру бойынша ынтымақтастықты ілгерілету, оның ішінде академиялық алмасуларды, оқыту бағдарламаларын және машиналық оқыту, робототехника мен деректерді талдау салаларындағы бірлескен ғылыми-зерттеу жобаларын дамыту;Ақылды қалалар мен Орталық Азия елдерінің цифрлық трансформациясын дамытуға жәрдемдесу;Цифрлық трансформация бастамаларын қолдау, оның ішінде электрондық үкіметті, бизнес пен азаматтарға арналған цифрлық қызметтерді, жасанды интеллект орталықтарын дамыту және кибертұрақтылықты арттыру;Киберқауіпсіздік саласындағы ынтымақтастықты нығайту, оның ішінде маңызды инфрақұрылымды қорғау, киберқауіптер туралы ақпарат алмасу, мамандарды даярлау және ортақ стандарттар мен сенімді цифрлық платформаларды көп тарапты тәсілмен әзірлеуді қолдау; Транскаспий сауда маршруты және байланыстылықТранскаспий сауда жолының әлеуетін толық ашу және оны Халықаралық бейбітшілік пен өркендеу үшін Трамп жолымен (TRIPP) интеграциялау арқылы, С5+1 елдерінің және әлемдік қоғамдастықтың мүдделері үшін жүктердің, ақпараттың және энергияның қауіпсіз әрі тиімді қозғалысын қамтамасыз ету мақсатында жеткізу тізбектерінің өзара байланыстылығын және тұрақтылығын нығайту;Үйлестірілген және ашық кедендік режимдерге ұмтылуды жалғастыру;C5+1 елдері арасындағы әуе қатынасын кеңейту арқылы сауда-экономикалық және мәдени байланыстарды нығайту;Іскерлік байланыстарды нығайту және жұмыс күшінің кәсіби әлеуетін арттыруды қолдау мақсатында технологиялық, кен өндіру және басқа да жоғары өсім қарқыны бар салаларда кадрлар даярлауға бағытталған білім беру алмасуларын дамыту.  Ақпарат көзі : https://www.gov.kz/memleket/entities/mfa/press/news/details/1101437?lang=kk

Қазақстан Республикасының Жасанды интеллект және цифрлық даму министрлігі мен Freedom Holding Corp. егеменді экзафлопстық NVIDIA инфрақұрылымы және таланттарды дамыту бағдарламалары негізінде Қазақстан мен Орталық Азияның жасанды интеллект саласындағы көшбасшылығын нығайтуға қатысты жоспарларын жариялады.Бастамаға сәйкес жоба кезең-кезеңімен жүзеге асырылады. Оның аясында Қазақстанның тәуелсіз ЖИ-хабы құрылады. Оны Freedom Holding Corp. басқарып, NVIDIA-ның озық есептеуіш технологияларымен жабдықталады. Министрлік өз тарапынан ауқымды AI-инфрақұрылымды орналастыру мен пайдалануға қолайлы жағдай жасайды, сондай-ақ инженерлер мен ғалымдарды даярлауға арналған ЖИ академиясы мен ғылыми-зерттеу зертханасын құру сынды бастамаларды қолдайды.Жобаға 2 миллиард доллар инвестиция тарту жоспарланып отыр. Ол  қуаттылығы 100 МВт болатын қолжетімді энергиямен Қазақстан аумағында жүзеге асырылады. Freedom Holding Corp. жобаның негізгі инвесторы және операторы болуды жоспарлап отыр.Серіктестік Қазақстан мен Орталық Азияның қарқынды дамып келе жатқан цифрлық экономикасы үшін қажетті ЖИ-экожүйесін дамытуға, инновацияларды ілгерілетуге және кадрларды даярлауға деген ортақ ұмтылысын көрсетеді.«NVIDIA компаниясымен ынтымақтастық - Қазақстанның жасанды интеллект саласындағы ұлттық стратегиясын жүзеге асырудағы маңызды қадам. Біз тәуелсіз AI-экожүйесінің іргетасын қалыптастырып жатырмыз. Бұл экономикамызды нығайтып, бәсекеге қабілеттілікті арттырады, бүкіл өңір үшін жаңа мүмкіндіктерді ашады», - деді Қазақстан Республикасының Премьер-министрінің орынбасары, Жасанды интеллект және цифрлық даму министрі Жаслан Мәдиев.«Қазақстанның әлемдік жасанды интеллект нарығындағы позициясын нығайтуға бағытталған осы ауқымды бастаманың бір бөлігі болғанымызға қуаныштымыз. Біздің тәжірибемізді NVIDIA-ның озық технологияларымен және Министрліктің стратегиялық көзқарасымен біріктіре отырып, жасанды интеллект саласындағы инновациялардың дамуы мен саланы Орталық Азия өңірінде дамытуға атсалысамыз», - деп мәлімдеді Freedom Holding Corp. компаниясының бас атқарушы директоры Тимур Турлов.Ақпарат көзі : https://www.gov.kz/memleket/entities/maidd/press/news/details/1101399?lang=kk

Берн, Женева, 3-7 қараша - Қазақстан Республикасы Қызылорда облысы делегациясы облыс әкімі Нұрлыбек Нәлібаевтың жетекшілігімен Швейцариялық Конфедерацияға жұмыс сапарымен барды. Сапардың негізгі мақсаты – өңірдің инвестициялық және туристік әлеуетін таныстыру, кантон басшылығы және швейцариялық бизнес өкілдерімен тікелей байланыстар орнату, сондай-ақ өңіраралық және мәдени ынтымақтастықты дамыту.Сапар барысында делегация Берн және Женева кантондарының басшылығымен, Женевадағы сауда-саттық және өнеркәсіп палатасы (CCIG) директоры, сондай-ақ Harvest Group, INOKS Capital, Rey Group / Swiss Choice Holding, Laufen (Roca Group), GWF, RBL Group және Kanadevia Inova сияқты жетекші швейцариялық компаниялар мен кәсіпорындардың топ-менеджерлерімен кездесулер өткізді.Швейцариялық тарап ынтымақтастықты одан әрі дамытуға және бірлескен жобаларды жүзеге асыруға мүдделі екенін білдірді. Келіссөздер қорытындысы бойынша агроөнеркәсіптік дамуды жетілдіру, санитарлық-техникалық өнімдер өндірісін локализациялау, су және энергетикалық ресурстарды есепке алу тиімділігін арттыру, сондай-ақ қалдықтарды энергияға айналдыру (Waste to Energy) технологияларын енгізу мүмкіндіктері қаралды.Қазақстан Республикасының Тәуелсіздігі туралы Декларацияның 35 жылдығы аясында Берн және Женева қалаларында Қызылорда облыстық филармониясының концерттері ұйымдастырылды. Бұл шаралар екі ел арасындағы мәдени-гуманитарлық байланыстарды нығайтуға және Қазақстанның оң имиджін қалыптастыруға маңызды үлес қосты.Ақпарат көзі : https://www.gov.kz/memleket/entities/mfa-bern/press/news/details/1101410?lang=kk

Мекке, 2025 жылғы 6 қараша – Қазақстан Республикасының Жидда қаласындағы Бас консулы Руслан Қоспанов киелі Мекке қаласына сапар жасап, Сауд Арабиясы Корольдігінің ең ежелгі әрі беделді жоғары оқу орындарының бірі – «Умм әл-Қура» университетінің ректоры, профессор, доктор Маади бен Мұхаммад әл-Мазһабпен кездесу өткізді.Кездесу барысында тараптар гуманитарлық, мәдени және білім беру салаларындағы ынтымақтастықтың өзекті мәселелерін талқылады. М. әл-Мазһаб университеттің тарихы мен қазіргі қызметі туралы баяндап, шетелдік студенттердің санын арттыруға бағытталған, университетті одан әрі кеңейту жоспарларымен бөлісті.Университет басшылығының атап өтуінше, кәзіргі уақытта аталған оқу орнында шамамен 10 қазақстандық студент білім алып, жоғары үлгерімі мен үлгілі тәртібі арқылы өздерін жақсы жағынан көрсетіп жүр.Өз кезегінде қазақстандық дипломат ректорды Қазақстанда орта және жоғары білімнің сапасын арттыру, жасанды интеллект технологияларын дамыту және енгізу бағытында қабылданып жатқан шаралар туралы хабардар етіп, бұл үдеріске елдің жас азаматтарының белсенді қатысатынын атап өтті.Кездесу соңында тараптар Қазақстан мен Сауд Арабиясы жоғары оқу орындары өкілдерінің өзара сапарларын ұйымдастыру мүмкіндігін қарастыруға дайындықтарын білдірді.Университет тарихы 1949 жылдан бастау алады, сол жылы Мекке қаласында Шариғат колледжі (ислам құқығы) құрылған болатын. Корольдік жарлығына сәйкес, университетке «Умм әл-Қура» атауы беріліп, 1981 жылы толыққанды жоғары оқу орны мәртебесіне ие болды. Бүгінде университет классикалық ислам ғылымдарынан (шариғат, араб тілі, даʿуа исламия) бастап инженерия, медицина, қолданбалы және әлеуметтік ғылымдарға дейінгі кең ауқымды бағдарламаларды ұсынады. Университеттің деректері бойынша, Меккедегі негізгі кампуста шамамен 30 мың студент білім алады. Белгілі түлектердің қатарында – Сауд әл-Шурайм, Меккедегі басты мешіт «әл-Масжид әл-Харамның» бұрынғы имамы әрі уағызшысы, ол «Умм әл-Қура» университетінде PhD дәрежесін алған.Ақпарат көзі : https://www.gov.kz/memleket/entities/mfa-jeddah/press/news/details/1101412?lang=kk

Мекке, 2025 жылғы 6 қараша — Қазақстан Республикасының Жидда қаласындағы Бас консулы Руслан Қоспанов Мекке қаласындағы сәулет пен инженерлік ойдың бірегей жетістігі болып табылатын, Сағат ғимаратының ішінде орналасқан «Сағат мұнарасы мұражайына» зиярат етіп, оның басшылығымен кездесті.Кездесу барысында қазақстандық дипломат пен мұражайдың Бас директоры Наиф әл-Малики туризм, ғылым және мәдениет салаларында бірлескен жобалар мен бастамаларды іске асырудың ықтимал бағыттары мен тетіктерін талқылады.Алғашқы қадам ретінде тараптар Қазақстан азаматтары үшін мұражайға кіруге арнайы жеңілдіктер қарастыру туралы келісімге қол жеткізді. Сонымен қатар, Қазақстаннан келетін ресми делегациялар үшін ерекше шарттар енгізілмек және мұражайдың портативті аудиогид жүйесіне қазақ тілін қосу бойынша жұмыс басталатын болады.Кездесу қорытындысы бойынша тараптар тұрақты байланыс орнатып, қол жеткізілген уағдаластықтарды ресми түрде бекіту мақсатында тиісті құжаттарды дайындауға келісті.Меккедегі Сағат ғимараты мұражайы (The Clock Tower Museum in Makkah) — қасиетті әл-Харам мешітіне қарама-қарсы орналасқан Абраж әл-Байт мұнаралары кешенінің жоғарғы қабаттарында орналасқан. Мұражай Король Әбделазиз атындағы Ғылыми және астрономиялық зерттеулер институтының қамқорлығымен құрылған және уақыт, астрономия мен ислам күнтізбесі тақырыптарына арналған. Сағат мұнарасы бірнеше ерекше сипаттарына байланысты Гиннестің рекордтар кітабына енген:Әлемдегі ең үлкен сағат циферблаты – төрт жақтағы әр циферблаттың диаметрі мен биіктігі шамамен 43 метр.Жер шарындағы ең биік мұнаралардың бірі – шамамен 601 метр биіктіктегі бұл ғимарат әлемдегі үшінші ең биік құрылыс болып саналады (Дубайдағы Бурдж-Халифа мен Жапониядағы Tokyo Skytree мұнарасынан кейін, шпиль биіктігі бойынша).Әлемдегі ең биік ай таңбасы – мұнараның шыңында орнатылған алтын айдың биіктігі шамамен 23 метр, салмағы 35 тоннадан асады және ол 30 шақырым қашықтықтан көрінетін лазерлі прожекторлармен жарықтандырылады.Ақпарат көзі : https://www.gov.kz/memleket/entities/mfa-jeddah/press/news/details/1101414?lang=kk

Белен қ., 2025 жылғы 7 қараша – Бразилияның төрағалығымен өткен Көшбасшылар саммитінің (СОР30) екінші күні Бразилия басшылығы және шетелдік делегациялар жетекшілерінің қатысуымен «Энергетикалық ауысым» тақырыбындағы салалық сессия өтті.ҚР Экология және табиғи ресурстар министрі Ерлан Нысанбаев өз сөзінде еліміздің Үкіметі тарапынан таза энергетикаға көшу мен энергия тиімділігін арттыру бағытында қабылданып жатқан шаралар жөнінде баяндап, осы бағыттағы мақсаттарға қол жеткізудегі Қазақстанның берік ұстанымын білдірді. Атап айтқанда, ол ұзақ мерзімді кезеңде Қазақстан 2060 жылға қарай көміртексіз бейтараптыққа қол жеткізуді көздеп отырғанын атап өтті. Осы мақсатта еліміз «ақылды» желілерді дамытуға, жылу энергетикасын жаңғыртуға, ең озық қолжетімді технологияларды енгізуге, сондай-ақ көлікті газдандыру мен электрлендіруді кеңейтуге күш салып келеді. Бұл қадамдар, тек шығарындыларды азайтып қана қоймай, энергетикалық жүйенің тиімділігін, сенімділігі мен орнықтылығын арттыруға мүмкіндік береді.Бразилия Федеративтік Республикасының Президенті Луис Инасиу Лула да Силва өз кезегінде аталған тақырыптық сессияда сөйлеген сөзінде Бразилияның әлемдік қауымдастықпен бірлесе және жедел әрекет ете отырып, әртүрлі ұлттық жағдайлар мен бастапқы ұстанымдарға сәйкес, ғаламдық орнықты отын түрлерін кем дегенде 2035 жылға қарай 2024 жылғы деңгеймен салыстырғанда төрт есе пайдалануын өсіру тәрізді бірқатар негізгі мақсаттарға қол жеткізу ниетін растады.Сессия барысында Бразилия, Реттелетін көміртек нарықтары жөніндегі Ашық коалиция құру туралы декларацияны және «4Х» Белен міндеттемесін тұрақты отын түрлері бойынша екі бастаманы таныстырды. Екі бастама да халықаралық ынтымақтастықты нығайтуға және төмен көміртекті экономикаға жаһандық көшу үдерісін жеделдетуге бағытталған.Аталған іс-шара аясында ҚР-дың делегациясын бастаған Ерлан Нысанбаев, шетелдік делегациялар мен халықаралық ұйымдардың басшыларымен кездесулер өткізіп, өзара қызығушылық тудыратын бірқатар мәселелер бойынша пікір алмасты. Сонымен қатар, Ерлан Нысанбаев Бразилияның Экология министрі Марина Силвамен кездесуі барысында конференцияға шақырғаны және оны жоғары деңгейде ұйымдастырғаны үшін алғысын білдіріп, бразилиялық әріптесін Астанада өтетін 2026 жылдың сәуірде өтетін Өңірлік климаттық саммитке шақырды.Көшбасшылар саммитінен кейін, 10-21 қараша аралығында осы Беленде БҰҰ Климаттың өзгеруі туралы негіздемелік конвенциясы тараптарының 30-шы конференциясы (СОР30) тікелей өз жұмысын бастайды. Ақпарат көзі : https://www.gov.kz/memleket/entities/mfa-brazil/press/news/details/1101431?lang=kk

2025 жылғы 7 қараша – Қазақстан Республикасы Сыртқы істер министрінің орынбасары Әлібек Қуантыров Қостанай облысының әкімі Кумар Ақсақаловпен кездесіп, Премьер-Министрдің арнайы инвестициялық кеңесте берген тапсырмаларын орындау барысы, сондай-ақ инвестиция тарту тетіктері, перспективалы жобаларды іске асыру және өңірлік инвестициялық экожүйені дамыту мәселелері талқыланды.Тараптар Ұлттық цифрлық инвестициялық платформа (ҰЦИП) аясында жүргізіліп жатқан жұмысты, соның ішінде инвестициялық жобаларды сүйемелдеу мен мониторинг жүргізу, инвесторлармен өзара іс-қимылдың ашықтығы мен тиімділігін арттыру мәселелерін талқылады. Сонымен қатар, тікелей шетелдік инвестициялар (ТШИ) және негізгі капиталға салынған инвестициялар (НКИ) көрсеткіштерін есептеу, олардың қалыптастыру және өңірлік деңгейде есепке алу әдістемесі бойынша мәселелер қаралды. Ерекше назар «инвестицияға тапсырыс» тетігін іске асыруға аударылды. Бұл құрал өңір экономикасының басым салаларында жаңа жобаларды қалыптастыру мен іске қосуға мүмкіндік береді.Бұдан бөлек, қолданыстағы және әлеуетті инвесторларды сүйемелдеу, орталық және жергілікті атқарушы органдар арасындағы өзара іс-қимылдың тиімділігін арттыру, сондай-ақ инвестициялық жобаларды мемлекеттік қолдау құралдарын кеңейту мәселелері қарастырылды.Кездесу қорытындысы бойынша тараптар инвестиция тарту жүйесінің барлық деңгейлерінде үйлестіруді күшейтудің маңыздылығын атап өтіп, Қостанай облысының инвестициялық тартымдылығын арттыруға бағытталған бірлескен бастамаларды іске асыру жөніндегі келесі қадамдарды анықтады.Ақпарат көзі : https://www.gov.kz/memleket/entities/mfa/press/news/details/1101378?lang=kk

Сеул, 2025 жылғы 4-5 қараша – Қазақстан Республикасы Сыртқы істер министрінің орынбасары Әлібек Бақаев Сеулге жұмыс сапары барысында Корея Республикасының Сыртқы істер министрінің саяси мәселелер жөніндегі орынбасары Чон Ый Хие және Сыртқы істер вице-министрі Ким Джин Амен кездесулер өткізді.Чон Ый Хиемен өткен келіссөздер барысында сұхбаттастар екі мемлекет арасындағы дәстүрлі достық және сенімділік негізінде қалыптасқан қатынастарды, сондай-ақ тараптардың екіжақты форматтағы ынтымақтастықты өзара күшейтуге талпыныстарын атап өтті.А.Бақаев екіжақты қатынастардың дәйекті дамып келе жатқанын атап өтіп, сенімділік негізінде қалыптасқан тұрақты саяси диалогтың, сауда-экономикалық және мәдени-гуманитарлық ынтымақтастықтың кеңейіп келе жатқанына назар аударды.Тараптар «Орталық Азия – Корея Республикасы» ынтымақтастық форматындағы өзара іс-қимылды одан әрі дамыту мәселесіне ерекше назар аударып, жоғары және аса жоғары деңгейдегі алдағы іс-шараларды табысты өткізу үшін келісілген күш-жігер жұмылдыруға уағдаласты.Сыртқы істер вице-министрі Ким Джин Амен өткен келіссөздер көпжақты күн тәртібі мәселелеріне арналды.Келіссөздер барысында Астана мен Сеулдің халықаралық алаңдардағы, соның ішінде Атом энергиясы жөніндегі халықаралық агенттік шеңберіндегі сындарлы өзара іс-қимылыды нығайту перспективалары талқыланды.Сонымен бірге министрдің орынбасары «Орталық Азия – Корея Республикасы» ынтымақтастық форумы Хатшылығының атқарушы директоры Ри Джонг Кукпен кездесті және Сеул киберуниверситетіне барып, оның қызметімен танысты.Ақпарат көзі : https://www.gov.kz/memleket/entities/mfa/press/news/details/1101371?lang=kk

ТАССАЙДА ТАҒЫ 1700 ҮЙГЕ ТАБИҒИ ГАЗ ҚОСЫЛАДЫШымкент қаласының энергетика және инфрақұрылымды дамыту басқармасының ұйымдастыруымен қала әкімі Ғабит Сыздықбеков Тассай шағынауданы тұрғындарымен бірге табиғи газды қосу рәсіміне қатысты. Бұл – газдандырудың екінші кезеңі аясында жүзеге асқан маңызды оқиға. Нәтижесінде 1700 абонентке көгілдір отынға қосылу мүмкіндігі берілді. Бұған дейін бірінші кезеңде 800 абонент газ жүйесіне қосылған болатын. Жыл соңына дейін қалған тұрғын үйлерді қосу жұмыстары толық аяқталады деп жоспарлануда. Жалпы жоба толық жүзеге асқанда 3345 абонент табиғи газбен қамтылып, тартылған газ құбырының жалпы ұзындығы 68 шақырымнан асады. Газдың қосылуы – тұрғындар үшін маңызды сәт, ол өмір сүру сапасын арттыруға және шағынауданның инженерлік инфрақұрылымын дамытуға бағытталған қадам. Осы қуанышты оқиғамен тұрғындарды құттықтап, құрылыс жұмыстарын уақытылы орындаған мердігер ұйымға алғысын білдірді. Ақпарат көзі : https://www.gov.kz/memleket/entities/shymkent-energetika-kommunal/press/news/details/1101363?lang=kk

«Төтенше жағдайлар саласындағы волонтерлікті дамыту» жобасы аясында Астанада қыс мезгіліндегі төтенше жағдайларға дайындықты тексеруге арналған «Қыс–2025» командалық-штабтық оқу-жаттығулары өтті.Іс-шараға «Волонтёры Астаны LIDER.KZ» қоғамдық бірлестігінің волонтерлері қатысты. Олар өз қызметін Ұлттық волонтерлік желі аясындағы шағын грант шеңберінде жүзеге асырады.Жаттығу барысында волонтерлер кәсіби құтқарушылармен бірлесіп, қыс мезгіліндегі төтенше жағдайлар кезіндегі іс-қимыл алгоритмдерін пысықтап, халыққа көмек көрсету және коммуналдық әрі жедел қызметтермен өзара байланыс тәсілдерін меңгерді. Іс-шараның практикалық бөлігі Индустриялық парк аумағында өтіп, қатысушылар алған білімдерін нақты жағдайларда қолданды.Волонтерлер мен сала мамандарының төтенше жағдайлардың алдын алу бағытындағы ынтымақтастығы қарқынды дамып келеді. Мұндай өзара байланыс азаматтық жауапкершілік мәдениетін нығайтып, қоғамның төзімін арттыруға және қоғамдық қауіпсіздіктің тиімді жүйесін қалыптастыруға ықпал етеді. Осы саладағы волонтерлер адал қызметі мен жауапкершілігі арқылы мемлекет үшін сенімді серіктеске айналды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1101360?lang=kk

Бүгін Шымкент қаласына Қазақстан Республикасы Үкіметі Аппаратының инспекторы мен Жасанды интеллект және цифрлық даму министрлігінің өкілдері келіп, қалалық ақпараттық жүйелердің жұмысы мен бірқатар цифрлық жобалармен танысты.Іссапар аясында алдымен Shymkent Hub технологиялық паркінің қызметімен, ондағы резиденттер мен стартап-жобалардың жұмыс барысымен танысты. Сондай-ақ Hard Zone аймағында орналасқан Robopark-та балалар әзірлеген роботтық жобалар ұсынылды.Одан кейін №2 қалалық ауруханада Cerebra AI жобасы таныстырылып, жасанды интеллект технологияларының денсаулық сақтау саласындағы жетістіктері атап өтілді. Сонымен қатар №8 қалалық емханада PULS AI жобасының іске асырылу барысы қаралып, оны пайдаланушы дәрігерлерден кері байланыс алынды.Кездесу қорытындысында инспектор Шымкент қаласының цифрландыру деңгейіне оң баға беріп, жүзеге асырылып жатқан жобалардың тиімділігін ерекше атап өтті.Ақпарат көзі : https://www.gov.kz/memleket/entities/shymkent-sandyk/press/news/details/1101295?lang=kk

Қазақстан Республикасының Қорғаныс министрлігінде Әскери журналист күніне арналған салтанатты іс-шара өтті.Бұл кәсіби мереке әскер өмірін насихаттап, қоғамның Қарулы күштерге деген сенімі мен құрметін қалыптастырып жүрген журналистерді бір арнаға тоғыстырды.Қорғаныс ведомствосы басшысының атынан құттықтау сөз сөйлеген министрдің орынбасары вице-адмирал Серік Борамбаев әскери журналистердің армияның беделін арттырудағы, объективті ақпарат таратып, қоғамда отансүйгіштік сезімді нығайтудағы маңызды рөлін атап өтті.Ол сондай-ақ ҚР Ұлттық ұланы мен ҰҚК Шекара қызметі баспасөз қызметінің өкілдерін, Медиа-контент орталығы мен «Сарбаз» газетінің редакциясын кәсіби мерекемен құттықтады.Салтанатты жиынға республикалық телеарналар мен басылымдардың журналистері, танымал блогерлер және Қорғаныс министрлігінің баспасөз қызметі мен «Қазақстан сарбазы – Воин Казахстана» газетінің қалыптасуына атсалысқан әскери журналистиканың ардагерлері қатысты.Кездесу соңында вице-адмирал Серік Борамбаев қатысушыларға кәсібилігі, адалдығы және отандық әскери журналистиканың дамуына қосқан үлесі үшін грамоталар мен алғыс хаттар табыс етті.Бұл іс-шара Отан қорғаушылардың өмірі мен қызметі туралы алғашқы болып хабар тарататын адамдарға деген құрмет пен ризашылықтың жарқын дәстүріне айналды.Ақпарат көзі : https://www.gov.kz/memleket/entities/mod/press/news/details/1101322?lang=kk

Қостанай қаласында «Қонай» шағын ауданындағы аумағы 1,5 гектар жаңа саябақты абаттандырудың бірінші кезеңі аяқталды. Бүгін нысандағы жұмыстардың барысы тексерілді.Биылғы маусымда саябақ аумағында ағаштар мен тірі қоршаулар отырғызылып, тартан жабындысымен қапталған жаяу жүргіншілер жолдары салынды. Сондай-ақ орындықтар, қоқыс жәшіктері, күркелер, жарықтандыру шамдары орнатылып, жыра-сай арқылы екі көпір салынды.Келесі жылы саябақта кәсіби спорт алаңы мен заманауи балалар аймағын орналастыру жоспарланып отыр.Мұндай демалыс аймақтары жаңа шағын аудандар үшін аса маңызды — тұрғындар мұнда балаларымен серуендеп, спортпен шұғылданып, бос уақыттарын тиімді өткізе алады.Бүгінде Қостанай қаласында барлығы 15 жасыл аймақ бар. Оның ішінде 5 саябақ — Орталық, Жеңіс, «Ұлы Дала», Триатлон-парк және Қостанай өңірлік университеті аумағындағы жаңа саябақ, сондай-ақ 10 абаттандырылған сквер мен бульвар — Керуен, Жастар бульвары, Әбілсай, Арыстанбеков және Темірбаев көшелеріндегі скверлер, «Шағала» жағалауы және басқа да аумақтар кіреді.Келесі жылы қалада жаңа қоғамдық кеңістіктерді абаттандыру жұмыстары жалғасады.Ақпарат көзі : https://www.gov.kz/memleket/entities/kostanai-kalasy-akimat/press/news/details/1101261?lang=kk

«Біртұтас ел – біртұтас жер» республикалық акциясы аясында Қорғаныс министрлігінің ақпараттық-түсіндіру тобы жастардың патриоттық рухын көтеріп, Отан алдындағы борышын өтеуге деген ынтасын арттыру мақсатымен Қарағанды облысына келді. Қарағанды қаласында Қорғаныс министрлігінің офицерлері Бауыржан Момышұлы және Нұркен Әбдіров атындағы жалпы білім беретін мектептердің оқушыларымен кездесті. Министрлік өкілдері оқу орындарының материалдық-техникалық базасымен танысып, Жауынгерлік даңқ мұражайы мен балалар әскери істің алғашқы қырларын меңгеріп, Қазақстан армиясының тарихымен танысатын «Жас сарбаз» сыныптарын аралады. Отан қорғаушылар жасөспірімдерге әскердегі қызметтің маңызы, кәсіби өсу мүмкіндіктері, әлеуметтік кепілдіктер мен жеңілдіктер туралы айтты.– Мектеп оқушылары және студенттермен кездесулерде біз оларға әскер қатарында қызмет етудің артықшылықтарын түсіндіріп, сұрақтарына жауап береміз. Сондай-ақ ардагерлеріміз де ұмыт қалмайды. Олардың өмір жолы жас ұрпақ үшін тәрбие мектебі, – деді Қорғаныс министрлігі Тәрбие және идеологиялық жұмыс департаментінің өкілі полковник Дәулет Бейсеков.Ақпараттық топ құрамында ҚР ҚК Ұлттық әскери-патриоттық орталығы Әскери-тарихи музейінің қызметкерлері, Орталық ансамблінің әртістері мен Орталық әскери оркестрінің музыканттары бар. Олар Ұлы Жеңістің 80 жылдығына арналған көрме мен концерт ұйымдастырды.Ұлы Отан соғысының ардагері Виктор Шелудяковқа бару бағдарламаның ерекше бөлімі болды. Биыл ардагер 100 жасқа толмақ. Қорғаныс министрлігінің өкілдері қарт майдангерге елге сіңірген еңбегі мен жас ұрпақ тәрбиесіне қосқан үлесі үшін алғыс білдірді.Әскерге шақыру пунктінде министрлік өкілдері жақын күндері Қарулы күштер қатарына аттанатын болашақ сарбаздармен де жүздесті. Олар жігіттерге табандылық, төзімділік пен сәттілік тіледі. Сондай-ақ, әскердегі қызмет – тек абыройлы міндет қана емес, әр азаматтың тұлға және ел азаматы ретінде қалыптасуындағы маңызды кезең екенін атап өтті.Алдағы күндері ақпараттық-түсіндіру тобы Қарқаралы ауданында жұмысын жалғастырып, Шахтинск және Теміртау қалаларына баруды жоспарлап отыр.Ақпарат көзі : https://www.gov.kz/memleket/entities/mod/press/news/details/1101268?lang=kk

Брюссель, 2025 жылғы 6 қараша — Қазақстан Республикасы Президенті жанындағы Мемлекеттік басқару академиясының екі апталық білім беру бағдарламасы аясында Брюссельге келген тыңдаушылары Бельгия Корольдігіндегі Қазақстан Республикасының Елшілігінде болды.Тағылымдама Мемлекеттік басқару академиясы мен Брюссель еркін университетінің құрамындағы Брюссель дипломатия академиясы (Brussels Diplomatic Academy, VUB) арасындағы ынтымақтастық шеңберінде ұйымдастырылды.Сапар барысында тыңдаушылар Қазақстанның Бельгиядағы Елшісі Роман Василенкомен кездесті. Дипломатиялық миссияның басшысы мемлекеттік қызметтің жаңа буынын даярлауда мұндай бастамалардың маңыздылығын атап өтіп, олардың заманауи дипломатия, келіссөздер жүргізу және цифрлық мемлекеттік басқару құралдарын меңгеруіне ықпал ететінін айтты.Елші бұл бағдарламаның 2022 жылы Мемлекеттік басқару академиясы мен Brussels Diplomatic Academy арасында қол қойылған келісімнің практикалық жалғасы екенін және оның Қазақстан мен Бельгия арасындағы басқарушылық кадрларды даярлау саласындағы академиялық және кәсіби ынтымақтастықты нығайтуға септігін тигізетінін атап өтті.Бағдарлама 2025 жылғы 3–14 қараша аралығында өтуде. Оған Қазақстанның түрлі мемлекеттік органдарынан Мемлекеттік басқару академиясының 14 магистранты қатысуда. Оқу курсы жетекші сарапшылардың дәрістері мен тәжірибелік тренингтерін, сондай-ақ Еуропалық одақтың негізгі институттарына — Еуропалық сыртқы іс-қимыл қызметі (EEAS), Еуропалық комиссия, Еуропалық парламент және Брюссельдің жетекші зерттеу орталықтарына баруды қамтиды.Курс халықаралық қатынастар, экономикалық дипломатия, дағдарыстық коммуникациялар, мемлекеттік басқаруды цифрландыру және жасанды интеллектіні мемлекеттік құрылымдардың қызметінде қолдану сияқты тақырыптардың кең аясын қамтиды.Бағдарлама тыңдаушылары тағылымдамадан алған әсерлерімен бөлісіп, Елшілік дипломаттарымен Қазақстанның халықаралық күн тәртібін ілгерілетудегі және Еуропалық одақпен ынтымақтастықты дамытудағы мемлекеттік қызметшілердің рөлі жөнінде пікір алмасты.Ақпарат көзі : https://www.gov.kz/memleket/entities/mfa-brussels/press/news/details/1101208?lang=kk

Жамбыл облысының Т.Рысқұлов ауданы бойынша мемлекеттік кірістер басқармасында 2026 жылдан бастап күшіне енетін жаңа Салық кодексіндегі негізгі өзгерістер бойынша салық төлеушілерге арналған семинарлар өтті.Іс-шараға қатысушылар – жеке кәсіпкерлер, жеке тұлғалар, шаруа қожалықтарының басшылары, бухгалтерлер – салық заңнамасындағы алдағы жаңалықтармен танысып, өздерін қызықтырған сұрақтарын қою мүмкіндігіне ие болды.Семинар барысында келесі мәселелер қаралды: арнайы салық режимдерінің өзгеруі, ҚҚС реформасы, салықтық жеңілдіктер және басқа да тақырыптар.Ашық диалог форматында өткен кездесу салық төлеушілерге алдағы өзгерістерге дайындалу бойынша нақты ұсыныстар алуға, сондай-ақ өзекті мәселелерді талқылауға мүмкіндік берді.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1101219?lang=kk

Қазақстан Республикасының Жасанды интеллект және цифрлық даму министрлігі киберқауіпсіздік саласындағы жаһандық көшбасшы Palo Alto Networks компаниясымен өзара түсіністік туралы меморандумға қол қойды. Құжат Вашингтонда өткен C5+1 бизнес-конференциясының аясында рәсімделді. Стратегиялық әріптестікті орнатудағы маңызды қадам цифрлық инфрақұрылымды қорғау, жасанды интеллект технологияларын дамыту және киберқауіпсіздік саласы үшін кадрлар даярлау бойынша бірлескен жұмыстың жаңа мүмкіндіктерін ашады.Меморандумның негізгі мақсаты – ақпаратты қорғауға қатысты жаһандық сын-қатерлер жағдайында киберқауіпсіздік саласындағы ынтымақтастықты дамыту. Келісім аясында Министрлік пен Palo Alto Networks озық технологиялармен, ең үздік тәжірибелермен және сараптамалық біліммен алмасып, Қазақстанның аса маңызды цифрлық активтерін қорғауды күшейтеді.«Palo Alto Networks компаниясымен меморандумға қол қою Қазақстанға киберқауіпсіздіктің заманауи технологияларына, соның ішінде қауіптерді бақылау мен жедел әрекет етуге арналған жасанды интеллект құралдарына қол жеткізуге мүмкіндік береді. Келісім мамандарды даярлауға арналған білім беру бағдарламаларын енгізуге, бірлескен жобаларды дамытуға және елдің маңызды цифрлық инфрақұрылымын нығайтуға жағдай жасайды», - деді ҚР Премьер-министрінің орынбасары, Жасанды интеллект министрі Жаслан Мәдиев.«Қазақстанның Жасанды интеллект министрлігімен осы меморандумға қол қою елдің цифрлық қауіпсіздігін нығайтудағы маңызды қадам. Біз Қазақстанның маңызды цифрлық инфрақұрылымының қауіпсіздігін қамтамасыз ету бойынша Министрліктің күш-жігерін қолдауға дайынбыз», – деді Palo Alto Networks компаниясының мемлекеттік саясат және мемлекеттік органдармен өзара әрекеттесу жөніндегі вице-президенті Даниэль Кроузе.Palo Alto Networks компаниясы туралыPalo Alto Networks (NASDAQ: PANW) – цифрлық ортаны үздіксіз инновациялар арқылы қорғауға бағытталған жасанды интеллект және киберқауіпсіздік саласындағы жаһандық көшбасшы. Компания әлемнің 70 000-нан астам ұйымының сеніміне ие және желілік инфрақұрылымды, «бұлтты» орта мен қауіпсіздік жүйелерін қорғау, сондай-ақ АҚ-операцияларын қолдау үшін жасанды интеллектіге негізделген кешенді шешімдерді ұсынады. Бұл мүмкіндіктер Unit 42® сараптамасы мен қауіптер туралы барлау деректерімен күшейтілген.Платформалық тәсіл компанияларға қауіпсіздік жүйелерін кеңейтуге және инновацияларға кедергі келтірмей, қорғауды қамтамасыз етуге мүмкіндік береді.Толық ақпарат: www.paloaltonetworks.com сайтында. ҚР ЖИЦДМ баспасөз қызметі Ақпарат көзі : https://www.gov.kz/memleket/entities/maidd/press/news/details/1101204?lang=kk