2026 жылғы 1 қаңтардан бастап жаңартылған Қазақстан Республикасының Салық кодексі күшіне енеді. Құжат салықтық тексерулер жүргізу тәртібін едәуір өзгертеді. Реформаның негізгі мақсаты – бизнеске түсетін әкімшілік жүктемені азайту, бақылау рәсімдерінің ашықтығын арттыру және дауларды қарау мерзімдерін қысқарту.Негізгі өзгерістерЖоспарлы және жоспардан тыс тексерулерді бөлу жойыладыЕнді салықтық тексерулер жоспарлы және жоспардан тыс болып бөлінбейді. Тексерулер жаңа регламенттелген рәсімдерге сәйкес тағайындалады. Бұрын Қазақстан Республикасының Бас прокуратурасы сайтында жарияланған жария тізімдер қолданылмайды. Бұл тексерулерді тағайындау рәсімін неғұрлым нақты әрі жүйелі етеді.Кешенді салықтық тексерулерге шектеу енгізіледіКешенді тексерулер салық жүктемесінің коэффициентін (СЖК) ескере отырып тағайындалады. Егер салық төлеушінің СЖК-і тиісті сала бойынша орташа салалық жоғарғы көрсеткіштің кемінде 90%-ын құраса, сол кезең үшін кешенді тексеру жүргізілмейді.Ерекшеліктер:салық төлеушінің өз өтініші бойынша;Қазақстан Республикасының Қылмыстық-процестік кодексі негізінде;прокуратура органдарының талабы бойынша.Талап қою мерзімінің тоқтатылуыСалықтар мен бюджетке төленетін төлемдерді есептеу бөлігіндегі талап қою мерзімі салықтық тексеру басталған күннен бастап оның нәтижелері туралы хабарлама орындалған күнге дейін тоқтатылады.Сонымен қатар, тексеру басталған күні талап қою мерзімінің аяқталуына 30 күннен аз уақыт қалған салық кезеңдері бойынша арнайы тәртіп қолданылады.Нұсқаманы табыстау және шағымдану тәртібіСалықтық тексеруді тағайындау туралы нұсқама ол жазылған күннен кейінгі үш жұмыс күні ішінде салық төлеушіге табысталуы тиіс.Нұсқамаға шағым беру тексеруді тоқтатуға негіз болмайды.Құжаттарды ұсыну туралы талаптарға шектеулерШағын және микробизнес субъектілері үшін:тексеру барысында құжаттарды ұсыну туралы талап екі реттен артық берілмейді;талапты орындау мерзімі 10 жұмыс күні болып қысқартылды (қажет болған жағдайда, салық төлеушінің өтініші бойынша 30 жұмыс күніне дейін ұзартылуы мүмкін).Бұл өзгерістер әкімшілік рәсімдерді жеделдетуге және артық бюрократиялық жүктемені азайтуға бағытталған.Шағын бизнеске қатысты мораторий2026 жылғы 1 қаңтардан бастап микро және шағын кәсіпкерлік субъектілеріне қатысты салықтық тексерулерге мораторий енгізіледі (заңнамада көзделген жағдайларды қоспағанда).Жалпы алғанда, енгізіліп отырған өзгерістер салықтық бақылау жүйесінің ашықтығын арттыруға, цифрландыруды дамытуға және адал бизнесті қолдауға бағытталған.Ақпарат көзі : https://www.gov.kz/memleket/entities/kgd-vko/press/news/details/1162337?lang=kk

Жаңа Конституция жобасының ІІ бөлімі елеулі түрде жаңартылып, «Негізгі құқықтар, бостандықтар мен міндеттер» деп аталды. Мұндай құрылым құқықтар мен міндеттердің өзара байланысын айқындап, оларды біртұтас құқықтық жүйе ретінде қарастыруға мүмкіндік береді. Осылайша, азаматтың құқығы мен мемлекет алдындағы жауапкершілігі қатар қарастырылатын кешенді модель қалыптасады.Азаматтық мәселесіндегі айқындықЖобаға сәйкес, қос немесе көп азаматтыққа жол берілмейді. Өзге мемлекеттің азаматтығын иелену Қазақстан азаматтығын тоқтатуға негіз болады. Бұл норма құқықтық айқындықты күшейтіп, азамат пен мемлекет арасындағы құқықтық байланысты нақтылайды.Мемлекет жауапкершілігінің кепілдігіӘр адамның мемлекеттік органдардың немесе олардың лауазымды тұлғаларының заңсыз әрекеттерінен келтірілген зиянды мемлекеттен өндіруге құқылы екені бекітіледі. Бұл ереже мемлекеттік биліктің жауапкершілігін конституциялық деңгейде нақтылай отырып, азаматтардың құқықтарын қорғау тетіктерін күшейтеді.Негізгі құқықтардың конституциялық кепілдіктеріӨмір сүру құқығы ажырамас әрі иеліктен айырылмайтын құқық ретінде айқындалады. Ешкімнің адам өмірін өз бетінше қиюға құқығы жоқ екені нақты көрсетіледі.Жеке бас бостандығы мен қолсұғылмаушылыққа кепілдік күшейтіледі. Кінәсіздік презумпциясы негізгі құқықтар бөлімінде бекітіліп, барлық мемлекеттік органдар үшін міндетті конституциялық стандарт ретінде айқындалады.Жеке өмірді қорғау және цифрлық қауіпсіздікЖеке өмірге қолсұғылмаушылық нормалары кеңейтіледі. Дербес деректерді, банк құпиясын, хат алмасу мен телефон сөйлесулерін, соның ішінде цифрлық коммуникацияларды қорғау конституциялық деңгейде бекітіледі. Бұл цифрландыру үдерісі қарқынды дамыған кезеңде азаматтардың құқықтық қорғалуын қамтамасыз етуге бағытталған.Әлеуметтік және азаматтық құқықтарАр-намыс пен қадір-қасиеттің қолсұғылмаушылығы нақты кепілдікке ие болады. Еңбек құқығы халықаралық стандарттарға сәйкестендіріліп, мемлекеттің жұмыспен қамтуға жағдай жасау міндеті айқындалады.Тұрғын үйге қолсұғылмайтыны және одан тек сот шешімі негізінде ғана айыруға болатыны белгіленеді. Бұл азаматтардың әлеуметтік қорғалу деңгейін арттыруға бағытталған.Неке заңға сәйкес мемлекет тіркеген ер мен әйелдің ерікті әрі тең одағы ретінде конституциялық деңгейде бекітіледі. Білім беру жүйесінің зайырлы сипаты нақты айқындалып, мемлекеттің зайырлы қағидаты нығайтылады.Экологиялық жауапкершілік және саяси талаптарАзаматтардың табиғатты сақтау және табиғи байлыққа ұқыпты қарау міндеті конституциялық деңгейде бекітіледі. Бұл экологиялық жауапкершілікті қоғамдық құндылық ретінде орнықтыруға бағытталған.Сайлану құқығына қойылатын талаптар да нақтыланады: әрекетке қабілетсіз деп танылған, өтелмеген соттылығы бар немесе сыбайлас жемқорлық құқық бұзушылық жасаған тұлғалар сайлана алмайды. Бұл саяси жүйенің ашықтығы мен сенімділігін арттыруға ықпал етеді.Құқықтық мемлекетті нығайтуға бағытталған өзгерістерІІ бөлімдегі жаңартулар адам құқықтарын нақтылап қана қоймай, оларды қорғау кепілдіктерін күшейтеді және әр азаматтың қоғам алдындағы міндеттерін айқындайды. Ұсынылған нормалар құқықтық мемлекет қағидаттарын тереңдетуге және қоғамдық тұрақтылықты қамтамасыз етуге бағытталған жүйелі қадам болып табылады.

Жаңа Конституция жобасының ІІІ бөлімі Президент өкілеттігі мен оның институтын айқындайтын бірқатар маңызды өзгерістерді қамтиды. Ұсынылған түзетулер мемлекеттік билік тармақтары арасындағы тепе-теңдікті нығайтуға, басқару жүйесінің ашықтығы мен тиімділігін арттыруға бағытталған.Президенттікке қойылатын талаптар нақтыландыЖобаға сәйкес, Президенттікке үміткерге қойылатын талаптар нақты бекітіледі. Кандидат Қазақстан Республикасының тумасы болуы, қырық жасқа толуы, мемлекеттік тілді еркін меңгеруі, соңғы 15 жыл бойы ел аумағында тұруы тиіс. Сонымен қатар жоғары білімі болуы және кемінде 5 жыл мемлекеттік қызметте немесе сайланбалы лауазымда еңбек өтілі қарастырылады. Бұл талаптар ел басқару ісіне тәжірибелі әрі кәсіби тұлғалардың қатысуын қамтамасыз етуге бағытталған.Кезектен тыс сайлау мерзімі айқындалдыПрезидент өкілеттігі мерзімінен бұрын тоқтатылған жағдайда сайлау екі айдан кешіктірілмей өткізіледі. Бұл норма билік транзитінің заңды әрі уақытылы жүзеге асуын қамтамасыз етіп, болашақ басшының легитимдігін бекітуге мүмкіндік береді.Тағайындау рәсімдеріндегі тепе-теңдікЖаңа жобаға сәйкес, Президент негізгі мемлекеттік органдардың лауазымды тұлғаларын Құрылтайдың келісімімен ғана тағайындай алады. Бұл шешім қабылдау процесінде біржақты үстемдікке жол бермей, институционалдық тепе-теңдікті сақтауға бағытталған.Егер Құрылтай қатарынан екі рет тағайындауға келісім бермесе, оның құрамын жаңарту мақсатында тарату мүмкіндігі қарастырылады. Мұндай норма саяси тығырықтың алдын алып, мемлекеттік органдардың үздіксіз жұмыс істеуін қамтамасыз етуге мүмкіндік береді.Вице-президент институты енгізіледіЖоба аясында Вице-президент институтын енгізу көзделген. Вице-президентті Президент Құрылтайдың келісімімен тағайындайды. Ол халықаралық деңгейде өкілдік ету, мемлекеттік органдар арасындағы үйлесімділікті қамтамасыз ету міндеттерін атқарады. Сонымен қатар Вице-президенттің саяси партия мүшесі болмауы талап етіледі. Бұл талап саяси бейтараптықты қамтамасыз етіп, әділ бәсекелестік қағидаларын күшейтуге бағытталған.Отставка және өкілеттікті мерзімінен бұрын тоқтату тәртібіПрезиденттің өз еркімен қызметінен кетуі Конституциялық сот арқылы рәсімделеді. Өкілеттік мерзімінен бұрын тоқтатылған жағдайда билік сабақтастығы нақты регламенттелген: алдымен өкілеттіктер Вице-президентке беріледі, ол мүмкін болмаған жағдайда Құрылтай төрағасына, одан кейін Премьер-министрге жүктеледі. Құрылтай шешімінен кейін екі ай ішінде кезектен тыс сайлау өткізіледі.Институционалдық тұрақтылыққа бағытталған қадамІІІ бөлімде ұсынылған өзгерістер Президент институтының құқықтық мәртебесін нақтылап, билік тармақтары арасындағы тепе-теңдікті күшейтуге бағытталған. Бұл түзетулер басқару жүйесінің ашықтығын арттырып, мемлекеттік органдардың өзара жауапкершілігін нақтылай түседі.Жалпы алғанда, жаңа нормалар биліктің тұрақтылығын сақтай отырып, қоғам алдындағы есептілік пен тиімділікті күшейтуге негіз қалайды.

Елорда жастары Конституциялық реформаға қолдау көрсетіп, live-концертке қатысты. Іс-шара 10 мыңнан астам адамды біріктіріп, «Әділетті және Прогрессивті Қазақстанның Халықтық Конституциясы үшін!» Жалпыұлттық коалициясы жұмысы аясындағы алғашқы ірі қоғамдық алаңдардың біріне айналды. Концерт барысында қазақстандықтарды алдағы референдумға қатысып, Жаңа Конституция жобасы бойыншаөз ұстанымын білдіруге үндеу жасалды.Мемлекет басшысы Қасым-Жомарт Тоқаев атап өткендей, конституциялық өзгерістер – елдегі жүйелі саяси жаңғырудың жалғасы. Оның айтуынша, реформалардың негізгі мақсаты – әділдік пен заң үстемдігі қағидаттарын нығайту, өкілді институттардың рөлін күшейту және билік тармақтарының өзара іс-қимылының неғұрлым теңгерімді моделін қалыптастыру. Президент ұсынылған өзгерістердің мәнін ашық түрде қоғам талқысына шығарып, халықты кеңінен ақпараттандыру маңызды екенін де атап өткен еді.Іс-шара қоғамдық мәдени акция форматында өтіп, оған елорда тұрғындары мен қонақтарыжиналды. Сахнада белгілі қазақстандық орындаушылар – Raim, Дастан Оразбеков, Bayansulu, Nazzarbeck, Ақтоты Болшова және өзге де әртістер өнер көрсетті. Концерттік бағдарлама Жалпыұлттық коалиция мүшелерінің тақырып аясындағы баяндамаларымен жалғасын тапты.Жарқынбек Амантай, Мақсат Толықбай, Айкерім Есенәлі, Ақерке Искандерова Жаңа Конституция жобасының негізгі бағыттары бойынша түсіндіру жұмыстарын жүргізіп, алдағы референдум туралы азаматтарды хабардар етті. Сондай-ақ олар саналы таңдау жасау мен белсенді азаматтық ұстанымның маңызын атап өтті.Өз сөзінде Жарқынбек Амантайконституциялық өзгерістер елдің саяси дамуының жаңа кезеңін және бүгінгі реформалар арқылы жүзеге асып отырған жаңғырудың тарихи әлеуетін айқындайтынын атап өтті.«Ата заңымыз заман талабын сай және жаңа сын-тегеуріндерді ескере отырып әзірленді. Бұл еліміздің дамуына және мүддесін қорғауға мүмкіндік береді. Әрбір қазақстандық референдумға қатысу арқылы өз азаматтық ұстанымын білдіріп, әділетті, ашық әрі заманауи мемлекеттің дамуына үлес қосуға тиіс», – деді ол.Ал Мақсат Толықбай Жаңа Конституция жобасы ел дамуының заманауи басымдықтарын айқындайтынын және Егемендік пен азаматтардың құқықтарын қорғау кепілдіктерін күшейтетінін атап өтті.«Құжатта білім, ғылым, инновация мемлекеттің басты стратегиялық бағыты, негізгі құндылығы ретінде айқындалды. Қолданыстағы Конституцияда халықтың мемлекеттік биліктіңқайнар көзі екені жазылса, ал жаңа құжатта мемлекеттік биліктің бірден-бір бастауы және Егемендіктің иесі екені бекітілді», – деді Мақсат Толықбай.Акерке Искандерованың айтуынша, Жаңа Конституция жобасы азаматтардың қатысу аясын кеңейтіп, жастардың қоғамдық процестерге белсенді араласуына жағдай жасайды.«Ұсынылып отырған өзгерістердің түпкі мәні – тәуелсіздігімізді нығайту, қорғау және жаңа буынға қуатты мемлекетті аманат ету. Алдағы референдум – бұл жай ғана дауыс беру емес, әрқайсымыздың ел тағдырына қосатын үлесіміз.«Менің пікірім маңызды» деп айту мүмкіндігі. Болашақ өз қолымызда», – деді ол.Сонымен қатар Айкерім Есенәлі елдің құқықтық негізін қазіргі заман талабына сай жаңғырту қажет екенін атап өтті.«Еліміздің дамуына жаңа қағидалар мен заманауи заңнамалық шешімдер болуға тиіс. Балаларымыздың, жастарымыздың болашағы жарқын әрі сенімді болуы үшін бізге Жаңа Конституция қажет», – деді Айкерім Есенәлі.Ұйымдастырушылардың мәлімдеуінше, іс-шара 10 мыңнан астам адамды біріктіріп, Жалпыұлттық түсіндіру науқаны аясындағы алғашқы ауқымдықоғамдық алаңдардың біріне айналды. Естеріңізге сала кетейік, бұған дейін жетекші саяси партиялар мен қоғамдық ұйымдар өкілдерін біріктірген коалиция құрылғаны туралы хабарланды.

Елдің үш мегаполисінің бірі Шымкентте жаңа Конституция бойынша бүкілхалықтық референдумды қолдау мақсатында «Елдің жаңғыруы үшін бірге!» атты ауқымды науқан өтті. Іс-шара Қызылқалдақ сарайында өтті және мемлекеттің дамуының стратегиялық бағытын анықтайтын негізгі құжатты қолдауға, сондай-ақ қоғамдық бірлік пен келісімді нығайтуға бағытталған. Іс-шараға шамамен 1000 қала тұрғыны қатысты. Олардың арасында белсенді жастар, мәдениет және өнер өкілдері және халықаралық аренада ел намысын қорғайтын спортшылар болды. Қатысушылар елді жаңғыртуға бағытталған бастамаларды қолдайтындықтарын білдіріп, азаматтық ұстанымдарын көрсетті. Мерекелік бағдарламаның ең басты сәті - жиналған көрермендермен бірге Қазақстанның халық әртісі, әлемге әйгілі опера әншісі Майра Мұхамедқызы мен қаланың танымал әртістерінің бірлесіп орындауы болды. Залда желбіреген көк тулар мен қатысушылардың көтеріңкі көңіл-күйі елдің болашағына деген сенімдері мен патриоттық рухтарының айқын көрінісі болды. Іс-шара барысында спикерлер жаңа Конституцияның әділ қоғамды қалыптастырудағы маңыздылығын атап өтті. «Бұл жай ғана наразылық емес, бұл біздің ортақ болашағымыз үшін маңызды қадам. Жаңа Конституция әділ қоғамның берік негізі болып табылады», - деп атап өтті кездесуге қатысушылар. «Елдің жаңғыруы үшін бірге!» науқаны шымкенттіктердің тарихи маңызды кезеңдерде белсенді азаматтық белсенділігін және ұлттық өркендеу жолында бірлік пен жауапкершілікті басымдыққа қоюға дайын екенін көрсетті.

 Еліміздегі үш мегаполистің бірі — Шымкент қаласында жаңа Конституция бойынша өтетін жалпыұлттық референдумға қолдау білдіру мақсатында «Елді жаңғырту жолында біргеміз!» атты кең ауқымды акция өтті.Іс-шара «Қызғалдақ» сарайында ұйымдастырылып, мемлекеттің даму бағытын айқындайтын басты құжатты қолдауға, қоғамдағы бірлік пен ынтымақты нығайтуға арналды.Акцияға шаһардың 1000-ға жуық тұрғыны қатысты. Олардың қатарында белсенді жастар, мәдениет пен өнер саласының өкілдері, сондай-ақ ел намысын халықаралық ареналарда қорғап жүрген спортшылар бар. Қатысушылар елді жаңғыртуға бағытталған бастамаларды қолдай отырып, азаматтық белсенділіктерін көрсетті.Мерекелік бағдарламаның шарықтау шегі — Қазақстанның халық әртісі, әлемге танымал опера әншісі Майра Мұхамедқызы мен қаланың белгілі өнерпаздарының жиналған қауыммен бірге «Ата заң бұл» әнін орындауы болды. Ән шырқалған сәтте залда желбіреген көк тулар мен көпшіліктің көтеріңкі көңіл күйі ел болашағына деген сенім мен патриоттық рухтың айқын көрінісіне айналды.Шара барысында сөз алған қатысушылар жаңа Конституцияның әділетті қоғам қалыптастырудағы маңызын ерекше атап өтті. «Бұл жай ғана акция емес, бұл – ортақ болашағымыз үшін жасалған маңызды қадам. Жаңа Конституция – әділетті қоғамның берік іргетасы», – деді жиынға қатысушылар.«Елді жаңғырту жолында біргеміз!» акциясы шымкенттіктердің ел дамуының тарихи кезеңдерінде белсенділік танытып, мемлекет өркендеуі жолында бірлік пен жауапкершілікті басты құндылық ретінде ұстанатынын айғақтады.

Бадам өзенінің жағалауындағы жағдай тұрақты. Ешқандай тасқын қаупі жоқ.Көктем мезгілінде су деңгейі жиі көтерілетін өзеннің тасқын қаупін азайту үшін өткен жылы 5,3 шақырым жағалау бекітіліп, желтоқсан айында толық аяқталған болатын. Бұл жұмысқа 2,7 миллиард теңге теңге бөлінген.Қалалық жайлы ортаны дамыту басқармасының мәліметінше, Игілік, Жаңаталап және Көкбұлақ елді мекендерінің тұсында өзен арнасы реттеліп, жағалауы бетондалған. Алайда белгісіз тұлғалар өзен арнасынан заңсыз тас қазып алып, гидротехникалық құрылысқа зиян келтірген.— Заңсыз әрекеттер салдарынан бетон бөгеттің шамамен 40 метрі бүлінді. Қазір құқық қорғау органдары кінәлілерді анықтау жұмыстарын жүргізіп жатыр, — деді басқарма басшысы Әбілқайыр Оңғар.Мамандардың айтуынша, зақымданған бөлігі мердігер компания есебінен қалпына келтіріледі. Жобаның кепілдік мерзімі 7 жылды құрайды.

Қарулы күштердің Ұлттық әскери-патриоттық орталығында Нұрғиса Тілендиев атындағы «Жас сарбаз» балалар шығармашылық студиясының «Рухы биік ұрпақ – тәуелсіз ел!» атты есептік концерті өтті.Аталмыш іс-шара Қазақстан Республикасы Қарулы күштерінің әскери қызметшілерін, ардагерлерін және тәрбиеленушілердің ата-аналарын бір арнада біріктіріп, жас буынға әскери-патриоттық тәрбие берудегі маңызды оқиғаға айналды.Ұлттық әскери-патриоттық орталығының бастығы Қазақстанның еңбек сіңірген қайраткері Арман Әсенов құттықтау сөз сөйлеп, «Жас сарбаз» студиясының көркемдік жетекшісі лейтенант Альмира Асылбековаға «Ел қорғаны» ведомстволық медалін табыс етті.– Бүгін біз тарихқа, мәдениетке және Отан қорғаушы қызметіне құрметпен қарайтын ұрпақ өсіп келе жатқанын көріп отырмыз. Мұндай жобалар ел болашағының рухани тірегін қалыптастырады, – деді Арман Әсенов.Концерттік бағдарламада «Сарыарқа», «Адай» халық күйлері орындалып, хореографиялық және вокалдық нөмірлер көрсетілді. «Туған жер» композициясы көрермендердің ерекше ықыласына бөленді. Концертте соңғы шырқалған «Біздің ұран – өркендеу» әнінде қатысушылардың бәрі сахна төріне шығып, көрермен қошемет көрсетті.Альмира Асылбекованың айтуынша, бүгінде «Жас сарбаз» студиясына 5 пен 14 жас аралығындағы 200-дің үстінде әскери қызметшінің балалары қатысады. Сабақтар тегін өтеді.–  Біздің мақсатымыз – балалардың талантын ашу, өзіне деген сенімділік пен Отан алдындағы жауапкершілікке тәрбиелеу, – деп атап өтті ол.Студия тәрбиеленушілеріне балетмейстер Ержан Құдайбергенов, вокалдан педагог Гүлмира Сейітова, домбырадан педагог Бауыржан Жолдыбеков, ал «Шешендік өнер» курсынан Бақытжан Тәжинов сабақ береді. Іс-шара барысында аталған тәлімгерлерге Қорғаныс министрінің атынан алғыс хаттар табысталды.2025 жылы студия тәрбиеленушілері «Айбын» халықаралық әскери-патриоттық жастар жиынына қатысты. Жиынның ашылу салтанатына ел президенті Қасым-Жомарт Тоқаев қатысқан болатын. Одан өзге балалар өңірлік және халықаралық байқауларда бірнеше рет жеңімпаз атанды.Есеп беру концерті Қорғаныс министрлігінің, Ұлттық әскери-патриоттық орталығының шығармашылық ұжымдарының қолдауымен және тәрбиеленушілердің ата-аналарының қатысуымен ұйымдастырылды.Демалыс күндері мерзімді қызмет сарбаздарына арналған осындай концерттер Алматы, Абай, Сарыөзек және Гвардейск гарнизондарында да өтті. Мұндай іс-шаралар әскери қызметшілердің басын қосып, ынтымаққа, бір-бірін қолдауға ықпал етеді.Бағдарламалардың негізгі мақсаты жеке құрамның моральдық рухын көтеріп, жауынгерлердің бойында Отанды сүю, әскери борышқа адал болу және өткен тарихымызға құрметпен қарау сезімдерін қалыптастырады.Ақпарат көзі : https://www.gov.kz/memleket/entities/mod/press/news/details/1162283?lang=kk

2026 жылғы 1 қаңтардан бастап корпоративтік табыс салығы (КТС) бойынша өзгерістер күшіне енеді.КТС мөлшерлемелері:Негізгі мөлшерлеме — 20% (өзгеріссіз).Төмендетілген мөлшерлемелер:ауыл шаруашылығы өнімін өндірушілер және аквакультура — 3% (бұрын 10%);ауыл шаруашылығы кооперативтері — 6% (бұрын 10%);әлеуметтік сала ұйымдары (КЕҰ-дан басқа) — 2026 ж. 5%, 2027 ж. 10%.Жоғарылатылған мөлшерлемелер:банктік қызмет (кәсіпкерлікті кредиттеуден басқа) — 25%;ойын бизнесі — 25%.Аванстық төлемдер:I тоқсан бойынша аванстарды салық органдары есептейді.Төлеу — өткен кезең сомасының ай сайын 1/12 бөлігі мөлшерінде.Аванстан босату үшін жылдық табыс шегі 600 000 АЕК-ке дейін ұлғайтылды (бұрын 325 000 АЕК).Жекелеген санаттар босатылады (құрлықтағы газ жобалары, КЕҰ, мүгедектігі бар адамдар ұйымдары — шарттарды сақтаған жағдайда).Цифрлық активтер саласындағы салық төлеушілер аванс төлеушілер болып табылады.Қосымша:Жеңілдетілген декларация негізіндегі арнайы салық режимін қолданатын тұлғалардан алынған тауарлар, жұмыстар, қызметтер бойынша шығыстар шегерімге жатқызылмайды.Мүгедектігі бар адамдар ұйымдары үшін КТС-ты 50% немесе 100%азайту қарастырылған.Ақпарат көзі : https://www.gov.kz/memleket/entities/kgd-vko/press/news/details/1162268?lang=kk

Егер кедендік тексеруді кеден органдары кедендік тексеруді ұйымдастыру және жүргізу жөніндегі талаптарды өрескел бұза отырып жүргізсе, ол жарамсыз деп танылады.Кедендік тексеруді ұйымдастыру және жүргізу жөніндегі талаптарды өрескел бұзушылықтарға мыналар жатады:-  кедендік тексеру жүргізу мерзімдерін бұзу;-  тексерілетін тұлғаға кедендік тексерудің алдын ала актісін жібермеу немесе табыс етпеу;- нәтижелері бойынша Еуразиялық экономикалық одақ кеден заңнамасының және (немесе) Қазақстан Республикасы кеден заңнамасының талаптарын құжаттардың және (немесе) мәліметтердің болмауына және (немесе) тексерілетін тұлғаның оларды ұсынбауына байланысты бұзу фактілері анықталған камералдық кедендік тексеруді осындай құжаттарды және (немесе) мәліметтерді ұсынудың кеден органы белгілеген мерзімі өткенге дейін аяқтау.-  тексерілетін тұлғаның объектісіне және (немесе) объектілеріне іс жүзінде бармай басталған көшпелі кедендік тексеруді жүргізу.Кедендік тексеруді жарамсыз деп тану уәкілетті органның және (немесе) соттың кедендік тексеру актісі мен тексеру нәтижелері туралы хабарламаның күшін жоюы үшін негіз болып табылады.Ақпарат көзі : https://www.gov.kz/memleket/entities/kgd-vko/press/news/details/1162217?lang=kk

 ҚР ҚМ микро және шағын бизнес субъектілеріне салық берешегінің негізгі сомасын төлеген жағдайда өсімпұлдар мен айыппұлдарды есептен шығаруға мүмкіндік беретін Қағидаларды бекітті. Құжат 2026 жылғы 13 ақпанда Әділет министрлігінде тіркелді (№37975). Бұл шара кәсіпкерлердің қаржылық жүктемесін азайту және қарыздарын қосымша санкцияларсыз реттеуге мүмкіндік беру мақсатында қабылданды. Егер кәсіпкер 2026 жылғы 1 қаңтардағы жағдай бойынша есепте тұрған салық берешегінің (негізгі қарыздың) толық сомасын 2026 жылғы 1 қаңтар мен 31 наурыз аралығында өтесе, онда: - толық өтеген күнге дейін есептелген өсімпұлды қоса алғанда, барлық өсімпұл есептен шығарылады; - берешегі өтелген салықтар мен бюджетке төленетін басқа да міндетті төлемдер бойынша салынған айыппұлдар есептен шығарылады; - сондай-ақ 2026 жылғы 1 қаңтарға дейін ҚҚС бойынша есепке тұрмау кезеңінде жасалған айналымдар үшін салынған айыппұлдар (2026 жылғы 1 қаңтардағы жағдай бойынша мәжбүрлеп өндіріп алу шаралары қолданылмаған жағдайда) есептен шығарылуы мүмкін. Бұл мүмкіндікті пайдалану үшін негізгі қарыз сомасын 2026 жылғы 31 наурызға дейін толық төлеу қажет. Одан кейін есептен шығару мемлекеттік кірістер органдары жанындағы арнайы комиссиялардың дербес шоттарды тексеруі нәтижесінде жүзеге асырылады. Қабылданған Қағидалар кәсіпкерлерге бұрынғы берешектерін қосымша қаржылық шығындарсыз жабуға, қарыз жүктемесін азайтуға және алдағы уақытта санкциялар есептелу қаупінсіз жұмысын жалғастыруға мүмкіндік береді. Бұл бизнеске берешекті реттеп, жиналған өсімпұлдар мен айыппұлдарсыз қызметін жалғастыруға берілген мүмкіндік. Толық мәліметпен сілтеме арқылы танысуға болады zan.gov.kz/client/#!/doc/222079/kaz #САЛЫҚТАР #НАЛОГИ #кеден #таможняАқпарат көзі : https://www.gov.kz/memleket/entities/kgd-kostanay/press/news/details/1165834?lang=kk

Бүгінгі күні «Keden» ақпараттық жүйесінде «Тауарларға арналған декларация» модулін тестілеуден өткізілуде.   Кедендік ресімдеуді оңтайландыру мен автоматтандыру, құжаттарды сандық форматқа көшіруді қарастырылды. Сонымен қатар, декларантқа өтінім жіберу, талап қою, ТД-ға өзгеріс енгізу шешімін жолдау, түзету енгізу нысаны автоматтандырылды.   «Тауарларға арналған декларация» модулі 2026 жылдың 21 ақпанынан бастап іске қосылады деп жоспарлануда. Сонымен қатар модульдің іске қосылуы ескертулер мен ұсыныстарды ескере отырып іске асады. Бұл ретте, «АСТАНА-1» ақпараттық жүйесінде тауарларға арналған декларация беру функциясы қолжетімсіз болады.Құрметті сыртқы экономикалық қатысушылар, Сіздерді, тестілеуге белсене қатысуға шақырамыз.  Өтінім беру мен тестілеуден өткізу кестесі «Keden» ақпараттық жүйесінің порталында жарияланды.https://test-keden.kgd.gov.kz.Ақпарат көзі : https://www.gov.kz/memleket/entities/kgd-vko/press/news/details/1162204?lang=kk

Ауғанстан жерінен Кеңес әскерінің шығарылғанына 37 жыл толуына орай ауданымызда Ауған соғысына қатысқан интернационалист жауынгерлерді еске алу шарасы өтті.Тағзым алаңында ұйымдастырылған жиында ерлікпен қаза тапқан батырларымыздың рухына тағзым жасалып, ескерткішке гүл шоқтары қойылды. Іс-шараға ардагерлер, қоғам өкілдері, жастар және мекеме қызметкерлері қатысты.Аудан әкімінің орынбасары Диас Молдабаев сөз сөйлеп, ауған жерінде жауынгерлік борышын адал атқарған азаматтардың ерлігі ел жадында мәңгі сақталатынын атап өтті. Сонымен қатар, елге аман оралып, бейбіт өмірде еңбек етіп жүрген интернационалист ардагерлердің қайсарлығы кейінгі ұрпаққа үлгі екені айтылды.Шара аясында бірқатар ардагерлерге аудан әкімінің Алғыс хаттары табысталып, ерлікпен қаза тапқан жауынгерлердің отбасыларына естелік сыйлықтар берілді.Аудандық Ауғанстан және аймақтық соғыс ардагерлері кеңесінің төрағасы А. Ерманов аудан басшылығына көрсетілген құрмет пен қолдау үшін ризашылығын білдірді.Ақпарат көзі : https://www.gov.kz/memleket/entities/kyzylorda-karmakshy/press/news/details/1162146?lang=kk

Талондарды әртүрлі арналар арқылы брондау тәртібі  1.ХҚКО мобильдік қосымшасы, eGov mobile арқылы:Көрсетілетін қызметті алушы мобильдік қосымшаға тіркеліп, баруды жоспарлап отырған филиалды, филиалдың бөлімшесін таңдайды. Қолжетімді уақыт интервалына сәйкес келетін қалаған  күні мен уақытты көрсетеді. Брондау талоны туралы растаманы (күнімен және уақытпен) 1414 нөмірінен SMS-хабарлама арқылы алады.2.Egov.kz порталы арқылы:Көрсетілетін қызметті алушы Egov.kz порталы сайтына кіруді ЭЦҚ немесе басқа да сәйкестендіру деректерін пайдалана отырып, жүзеге асырады. Баруды жоспарлап отырған филиалды, филиалдың бөлімшесін таңдайды. Баратын күні мен уақытын көрсетеді. Брондау талоны туралы растаманы (күнімен және уақытпен) 1414 нөмірінен SMS-хабарлама арқылы алады.Ақпарат көзі : https://www.gov.kz/memleket/entities/abay-kurchatov/press/news/details/1162164?lang=kk

Куала-Лумпур қаласындағы Түркия Елшілігінің алаңында 15 желтоқсанды ЮНЕСКО шешімімен Түркі тілдерінің дүниежүзілік күні ретінде белгілеуге арналған мәдени іс-шара өтті.Аталған шешім 2025 жылғы қараша айында Самарқанд қаласында өткен ЮНЕСКО-ның 43-ші Бас конференциясында қабылданды. 15 желтоқсан күні тарихи оқиғамен — түркі халықтарының көне жазба дәстүрін әлемге танытқан Орхон жазбаларының оқылуымен байланысты.Іс-шараға Малайзиядағы Әзербайжан, Қазақстан, Қырғызстан, Түрікменстан, Түркия және Өзбекстан елшілері, дипломаттар, академиялық орта өкілдері және қоғам қайраткерлері қатысты.Өз сөзінде Қазақстанның Малайзиядағы Елшісі Булат Сүгірбаев аталған қарардың қабылдануы ортақ тарих пен мәдени мұраны ескере отырып, түркі халықтары арасындағы мәдени диалог пен ынтымақтастықты нығайтудың заңды әрі маңызды қадамы екенін атап өтті. Қазақстан түркі тілдер отбасының ажырамас бөлігі болып табылатын қазақ тілін дамытуға және оның халықаралық қарым-қатынас құралы ретіндегі рөлін арттыруға дәйекті түрде қолдау көрсетіп келеді.Түркияның Малайзиядағы Елшісі Эмир Салим Юксель Түркі тілдерінің дүниежүзілік күнінің бекітілуі түркі мемлекеттері арасындағы мәдени ынтымақтастықтың жаңа кезеңін ашатынын атап өтті.Іс-шараның мәдени бағдарламасын қазақстандық студенттердің домбырадағы орындауы көркемдей түсті.Кездесу қорытындысы бойынша түркітілдес мемлекеттердің елшілері мұндай іс-шараларды Малайзияда тұрақты түрде өткізуге және Түркі тілдерінің дүниежүзілік күнінің алғашқы жылдығын ү.ж 15 желтоқсанда Куала-Лумпурда бірлесіп атап өтуге уағдаласты.Ақпарат көзі : https://www.gov.kz/memleket/entities/mfa-kuala-lumpur/press/news/details/1162174?lang=kk

 «Ұлттық қор - балаларға»Баламның «Ұлттық қор – балаларға» бағдарламасына қатысушы екенін қалай тексеруге болады?       БЖЗҚ-ның kids.enpf.kz сайтындағы «Қатысушыны іздеу» бөлімінде баланың ЖСН-ін енгізіп, «Тексеру» батырмасын басыңыз.Нәтижесінде баланың қай есепті жылдан бастап бағдарламаға қатысушы екені және жинақталған мақсатты талаптардың жалпы сомасы көрсетіледі. Нысаналы талаптар мен нысаналы жинақтардың айырмашылығы неде?     Нысаналы талаптар – Үкіметтің Қазақстан Республикасының 18 жасқа толмаған азаматтары алдындағы міндеттемелері. Олар Ұлттық қордың инвестициялық кірісінің 50%-ы есебінен жыл сайын қалыптастырылады. Нысаналы талаптардың есебі БЖЗҚ-да жүргізіледі, бірақ активтер Ұлттық қор активтерінің құрамында қалып, инвестициялануын одан әрі жалғастырады және оларға жыл сайын қосымша инвестициялық кіріс есептеледі.     Нысаналы жинақтар – Қазақстан Республикасының нысаналы жинақ алуға құқығы бар 18 жасқа толған алушы-азаматының нысаналы жинақтау шотында жинақталған нақты ақша.     Бала 18 жасқа толғанда оның нысаналы талаптары нысаналы жинаққа айналады. Олар бағдарламаның әрбір қатысушысының БЖЗҚ-дағы нысаналы жинақтау шотында АҚШ долларымен есептеледі және сақталады.   Нысаналы жинақтар Ұлттық қордан БЖЗҚ-ға түскеннен кейін инвестициялана ма?      БЖЗҚ-дағы нысаналы жинақтау шоттарына есептелген нысаналы жинақтар қаржы құралдарына инвестицияланбайды. Олар АҚШ долларында сақталады және нысаналы жинақ алушылар немесе олардың мұрагерлері пайдалана алады. Бір отбасының балалары нысаналы жинақтарын тұрғын үйге және емделуге берілетін біржолғы зейнетақы төлемдері сияқты бір-біріне бере ала ма?         Қолданыстағы заңнамада тұрғын үй жағдайларын жақсарту немесе білім алуға ақы төлеу мақсатындағы нысаналы жинақ төлемдерін жақын туыстарының пайдасына беру көзделмеген. Менің балама БЖЗҚ-да шот ашылды және оның нысаналы жинақтары да аударылды. Бұл қаражатты кім пайдалана алады?Сіздің балаңыз 18 жасқа толғаннан кейін нысаналы жинақтарын екі мақсатқа – тұрғын үй жағдайларын жақсартуға және (немесе) білім беру ақысын төлеуге өз бетінше пайдалану құқығына ие болады. Ол үшін балаңызға Уәкілетті операторларға өтініш беру қажет. Бүгінгі күні уәкілетті оператор-банк ретінде:"Отбасы банк" АҚ (тұрғын үй және білім алу),"Халық банкі" АҚ (білім алу),"Банк ЦентрКредит" АҚ (білім алу) тіркелген. Ата-аналар жинақтарды тексере ала ма?  Кәмелетке толмаған баланың ата-аналары немесе заңды өкілдері өз баласына Бағдарлама аясында жасалған есептеулерді kids.enpf.kz сайтында, EGOV mobile мобильді қосымшасында, сондай-ақ кейбір банктердің қосымшаларында көре алады.Бала он сегіз жасқа толғанда "БЖЗҚ" АҚ-да оған нысаналы жинақтау шоты ашылады, оған тек нысаналы жинақтарды алушының (кәмелетке толған баланың) өзі ғана қол жеткізе алады.Балаға БЖЗҚ-да шот ашылып, оның нысаналы жинақтары есептеліп қойды. Алайда, 18 жасқа толғанға дейін бір ай бұрын бала азаматтығын өзгертті. Оның нысаналы жинақтарымен не болады? Қазақстан Республикасының азаматтығы он сегіз жасқа толғанға дейін немесе одан кейін тоқтатылған кезде нысаналы талаптарға қатысушы немесе нысаналы жинақтарды алушы нысаналы жинақтар төлемін алу құқығынан айырылады. Бұл ретте оның нысаналы талаптары мен нысаналы жинақтары белгіленген тәртіп бойыншапен басқа қатысушылар арасында бөлінетін болады, ал оның нысаналы жинақтау шоты жабылады. Нысаналы талаптарға қатысушы-нысаналы жинақтарды алушы қайтыс болған жағдайда мұраға қалған нысаналы жинақтарды алу үшін мұрагерге қандай құжаттар талап етіледі және оларды қайда ұсыну қажет?       "Ұлттық қор – балаларға" бағдарламасына қатысушы қайтыс болған жағдайда оның нысаналы талаптары немесе нысаналы жинақтары азаматтық заңнамаға сәйкес мұраға беріледі. Оларды алу үшін мұрагерлер БЖЗҚ-ға жүгінуі қажет. Қаражат қайтыс болған адамдардың нысаналы жинақтарын нысаналы жинақтау шотына есептегеннен кейін ғана қолжетімді болады. Төлемдерді алу үшін мұрагерлер уәкілетті оператор-банкте АҚШ долларымен банктік шот ашады.      Мұрагерлер қаражатты кез-келген мақсатта пайдалана алады, яғни оларды мақсатты пайдалану туралы міндетті талап жойылады.      Нысаналы жинақтары бар адамның қайтыс болуына байланысты төлемдерді ресімдеуге қажетті құжаттардың өзекті тізбесі БЖЗҚ сайтында орналастырылған. Нысаналы жинақтарды бөліп-бөліп пайдалануға бола ма?      Нысаналы жинақтарды алушы он сегіз жасқа толған және Қазақстан Республикасының азаматтығы болған жағдайда, нысаналы жинақтау шотындағы нысаналы жинақты қолда бар нысаналы жинақтар шегінде шектеусіз рет пайдалануға болады. Егер бала ҚР азаматы емес деген ақпарат шықса, не істеу керек?       Егер ЖСН-ы көрсетілген бала "Жеке тұлғалар" мемлекеттік дерекқорынан (ЖТМДҚ) алынған мәліметтерге сәйкес ҚР азаматы болмаса, сәйкесінше, ол «Ұлттық қор - балаларға» бағдарламасына қатыса аламайды және нысаналы талаптары да болмайды.       ЖТМДҚ-дағы мәліметтерді өзектендіру қажет болған жағдайда, тұрғылықты жері бойынша көші-қон қызметіне жүгінуге кеңес береміз.       ЖТМДҚ-ға тиісті түзетулер енгізілгеннен кейін, БЖЗҚ осы жеке тұлғаны өткізіп алған кезеңді ескере отырып, нысаналы талаптарға қатысушы балалардың және (немесе) нысаналы жинақтарды алушылардың тізіміне енгізеді. Жинақтау қандай валютада жүргізіледі және кейіннен нысаналы жинақтарды алушыға аудару қай валютада жүзеге асырылады?       ҚР заңнамасына сәйкес нысаналы талаптар мен нысаналы жинақтарды есепке алу БЖЗҚ-да АҚШ долларымен жүргізіледі. Төлеген кезде нысаналы жинақтар нысаналы жинақтарды алушылардың уәкілетті оператор - банктерде АҚШ долларымен ашатын банктік шоттарына есептеліп, аударылады. Ұлттық қордан төлемдер алу үшін қандай банктерде банктік шот ашуға болады? "Ұлттық қор – балаларға" жобасына қатысатын банктерге қойылатын қандай да бір алғышарттар, талаптар бар ма?       Заңнамада екінші деңгейдегі банктер бойынша ешқандай шектеулер белгіленбеген, яғни БЖЗҚ-мен тиісті келісім жасасқан Қазақстанның екінші деңгейдегі кез келген Банкі Бағдарламаға қатыса алады. Бүгінгі күні уәкілетті оператор-банк ретінде:"Отбасы банк" АҚ (тұрғын үй және білім алу),"Халық банкі" АҚ (білім алу),"Банк ЦентрКредит" АҚ (білім алу) тіркелген.    Тарихи отанымыз – Қазақстанға көшіп келдік, "қандас" мәртебесіне ие болдық. Біздің баламыз "Ұлттық қор-балаларға"жобасына қатыса ала ма?       Қазақстан Республикасының он сегіз жасқа толмаған барлық азаматы жобаға қатысады. Сіздің балаңыз Қазақстан Республикасының азаматтығын алғаннан кейін "Ұлттық қор-балаларға" бағдарламасына қатыса алады.        Ақпарат көзі : https://www.gov.kz/memleket/entities/vko-ulan/press/news/details/1162039?lang=kk

Мәжіліс депутаты жаңа Конституция жобасындағы кіріспеде алғаш рет білім мен ғылым, инновацияға қатысты норма көрсетілгенін айтты. Ата Заңда аталған саланы қаржыландыру саясаты нақты әрі айқын көрсетілген.

Адам мемлекеттік саясаттың өзегінде: депутаттар, заңгерлер және саясаттанушылардың жаңа Конституцияның негізгі бағыты туралы пікірлері«Референдум–2026» онлайн-марафоны барысында Мәжіліс депутаты, «Ақ жол» партиясы фракциясының жетекшісі Азат Перуашев, ҚР Әділет министрлігінің Заңнама және құқықтық ақпарат институтының директоры Индира Аубакирова, саясаттанушы Бөріхан Нұрмұхамедов өз пікірлерімен бөлісті.«Біздің мемлекетте жасалып жатқан кез келген іс «адам мүддесіне сай келе ме, жоқ па?» деген өлшем арқылы бағалануы тиіс. Бұл – билік болсын, азаматтық қоғам институттары болсын, әрдайым шешім адамның өміріне зиян келтіре ме, жоқ па деген тұрғыдан саралануы қажет деген сөз. Адам, оның құқықтары мен бостандықтары Қазақстандағы бүкіл өміріміздің өзегінде тұруы керек», – деді Индира Аубакирова.Өз кезегінде Азат Перуашев жаңа Конституциядағы бірқатар маңызды жаңашылдыққа назар аударды. Атап айтқанда, сот шешімінсіз тұрғын үйден шығаруға тыйым салу, сондай-ақ мемлекеттік органдардың немесе лауазымды тұлғалардың әрекеттерінен келтірілген залал үшін азаматтың өтемақы талап ету құқығы.«Конституцияда алғаш рет адвокатура ұғымы енгізілді. Шын мәнінде, бұл құжат адамға бағытталған. Ол азаматтардың мемлекеттік органдармен, соның ішінде адал емес шенеуніктермен қарым-қатынасындағы құқықтарын күшейтеді», – деді Азат Перуашев.Сонымен қатар мәжілісмен көп нәрсе азаматтардың өздеріне байланысты екенін, олардың конституциялық құқықтарын қорғауға қаншалықты дайын болатыны маңызды екенін атап өтті.Саясаттанушы Бөріхан Нұрмұхамедов те азаматтар мен саяси партиялар Конституцияда берілген құқықтар мен бостандықтарды өз мүдделерін қорғау, ілгерілету және елді дамыту үшін барынша тиімді пайдаланады деген сенім білдірді.

Қазақстанның жаңа Конституциясында жекелеген өңірлерді жедел дамытуға арналған жаңа құрал пайда болады. Бұл механизм өңір экономикасын қалай жеделдететінін Мәжіліс депутаттары «Референдум-2026» онлайн-марафоны барысында түсіндірді.Мәжіліс депутаты Асхат Рахымжанов бұл механизмнің ең алдымен өңірлерге қосымша шетелдік инвестиция тартуға бағытталғанын айтты. Оның сөзінше, бұл әрбір өңірдің әлеуетін оның ерекшеліктерін ескере отырып тиімді жүзеге асыруға мүмкіндік береді. Бұл тәсіл мультипликативті әсер береді: дамуға тек жеке қала ғана емес, сонымен қатар оның маңайдағы аумақтары және қосымша экономикалық салалар да ие болады. «Қауіпсіздік мәселесіне келер болсақ, оларды бөлек қарастыру көзделмегенін атап өткен жөн. Конституция елдің аумақтық тұтастығы мен бөлінбейтіндігін нақты бекітеді. Мемлекеттік билік құрылымы өзгеріссіз қалады. Сонымен бірге, жедел даму қалалары үшін сәйкес конституциялық заңдарды қабылдау қарастырылған. Барлық шешімдер қолданыстағы құқықтық аясында және мемлекеттік органдар бақылауында қабылданады. Арнайы құқықтық режим олардың дамуы үшін қосымша жағдайлар жасауға бағытталған», – деп түйіндеді Асхат Рахымжанов.

Өмірлік қиын жағдайға тап болған азаматтар енді әлеуметтік көмек алу үшін eGov Mobile мобильді қосымшасы арқылы өтініш бере алады. Бұған дейін бұл мүмкіндік тек eGov.kz порталы арқылы қолжетімді болатын. Енді өтінішті тікелей смартфоннан рәсімдеуге болады.Әлеуметтік көмек – бұл өмірлік қиын жағдайға тап болған азаматтардың жекелеген санаттарына жергілікті атқарушы органдар тарапынан көрсетілетін ақшалай төлем немесе материалдық қолдау. Қызметтің мобильді форматқа көшуі мұндай көмекті алу процесін анағұрлым жеңіл әрі ыңғайлы етеді. Өтінішті кез келген уақытта және кез келген жерден беруге болады, ал рәсімдеу уақыты едәуір қысқарады.Мәслихаттардың шешімдері бойынша әлеуметтік көмек қосымша қолдауға мұқтаж азаматтарға, соның ішінде әлеуметтік маңызы бар аурулары бар адамдарға, өз-өзіне қызмет көрсете алмайтын егде жастағы азаматтарға, ата-анасының қамқорлығынсыз қалған тұлғаларға, сондай-ақ табысы төмен отбасыларға көрсетіледі.«Өтініш беру процесі барынша автоматтандырылған. Өтінімді толтыру кезінде деректердің бір бөлігі мемлекеттік ақпараттық жүйелерден автоматты түрде жүктеледі. Бұл рәсімдеуді жеңілдетіп, қателік жіберу ықтималдығын азайтады. Тәжірибе көрсеткендей, тек 2025 жылдың өзінде eGov.kz порталы арқылы 7 мыңнан астам өтініш түскен», – деді «Ұлттық ақпараттық технологиялар» АҚ Басқарма төрағасы Дәулет Бекманов.Қызметті пайдалану үшін пайдаланушыға:eGov Mobile мобильді қосымшасына кіріп, «eGov мемлекеттік қызметтер» – «Арнайы қызметтер» бөліміне өту;«Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау» қызметін таңдап, қажетті деректерді толтыру;қол қоюдың қолжетімді тәсілдерінің бірімен өтінімді растау;«Қызметтер тарихы» бөлімінде өтініштің өңделу мәртебесі туралы хабарламамен танысу қажет.Қызмет көрсету нәтижесі ретінде әлеуметтік көмектің тағайындалғаны туралы хабарлама немесе өтініштің қанағаттандырылмағаны жөнінде негізделген жауап беріледі.Өтініш берілгеннен кейін ол уәкілетті орган тарапынан қаралады. Шешім отбасының табыс деңгейін және белгіленген өзге де өлшемдерді ескере отырып қабылданады. Өтінішті қарау мерзімі – 8 жұмыс күніне дейін. Қызмет тегін көрсетіледі.Қызмет Қазақстан Республикасы Жасанды интеллект және цифрлық даму министрлігінің Мемлекеттік қызметтер комитеті, «Ұлттық ақпараттық технологиялар» АҚ және Қазақстан Республикасы Еңбек және халықты әлеуметтік қорғау министрлігі тарапынан іске асырылды.Ақпарат көзі : https://www.gov.kz/memleket/entities/aqmola-selinograd/press/news/details/1161957?lang=kk