Қытай Халық Республикасының Ханчжоу қаласында өткен 4‑ші Дүниежүзілік цифрлық сауда көрмесімен (Global Digital Trade Expo, GDTE) таныстым.Аталған көрмеде цифрлық сауда, жасанды интеллект, смарт технологиялар және халықаралық электрондық коммерция салаларындағы соңғы жетістіктерді ұсынды.Көрме аясында жетекші технологиялық компаниялар – соның ішінде Hikvision, Dahua Technology, Alibaba Group, Huawei сынды ірі өндірушілер өздерінің заманауи шешімдерін, цифрлық платформаларын және Smart City экожүйесіне арналған инновацияларын таныстырылды.Ақпарат көзі : https://www.gov.kz/memleket/entities/shymkent-sandyk/press/news/details/1077017?lang=kk

Отырысқа қоғамдық кеңестін мүшелерімен бірге Үлкен Нарын ауданы мәслихатының төрағасы Сыдыкова Жанар Данелханқызы, Үлкен Нарын ауданы полиция бөлімі бастығының орынбасары Абенов Қанат Есимбекович, «Катонқарағай-Вет» кәсіпорнының басшысының орынбасары Байгереев Рақымғали Қалаубаевич, Үлкен Нарын ауданы бойынша білім бөлімінің басшысы Тулукпаев Марат Нурбаевич, Үлкен Нарын ауданының жер қатынастары бөлімінің басшысы Канафина Айнагүл Болатбекқызы, Үлкен Нарын ауылдық округі әкімінің орынбасары Айдарбаева Тамара Тлеугазиновна қатысты. Отырысты Үлкен Нарын ауданы Қоғамдық кеңесінің төрағасы Ережепов Бердібек Кийсинович ашып өткізді. Отырыста төмендегі мәселелер қаралды:1. Көрсетілетін мемлекеттік қызметтер бойынша есептер тыңдау.2. Аудан мектептерінде ыстық тамақпен қамтамасыз етуді қадағалау.3. Аудан орталығындағы иесіз қалған бұралқы иттерді залалсыздандыру және оларды аулап ұстау жұмыстары туралы.4. Аудандық полиция бөлімінің аудандағы қоғамдық тәртіппен қылмысқа қарсы күресті нығайтудағы жұмысы туралы.5. Үлкен Нарын ауданының елді мекендерін көркейту,көгалдандыру және санитарлық жағдайын жақсарту бойынша іс-шаралар өткізу туралы» Үлкен Нарын ауданы әкімдігінің 2025 жылғы 3 сәуірдегі №108 қаулысының орындалуы туралы.Барлық қаралған мәселелер бойынша ұсыныстар берілді.Ақпарат көзі : https://www.gov.kz/memleket/entities/maslikhat-ulken-naryn/press/news/details/1077038?lang=kk

Астана, 2025 жылғы 19 қыркүйек – Қазақстан Республикасының Сыртқы істер министрлігі дәстүрлі түрде өткізетін шетелдік журналистерге арналған 10-шы мерейтойлық «Қазақстан шетелдік БАҚ көзімен» байқауының жеңімпаздарын анықтады.Конкурстық жұмыстарды қарау нәтижесінде қазылар алқасы келесі жеңімпаздарды таңдады:Цифрландыру – Мұхаммед Әли Паша (Пәкістан) – «Role of Astana Hub and Digital Transformation of Kazakhstan»;Экономика – Дерья Сойсал (Бельгия) – «Kazakhstan’s rise a global crypto hub»;Қазақ халқының мәдениеті, тарихы, дәстүрлері – Ақпанбетова Арухан (Өзбекстан) – «Абай мұрасы»;Спорт – Мэтт Фицджеральд (АҚШ) – «Kazakhstan’s journey into the world of tennis: How a nation designed its growth in a global game»;Туризм – Мкртчян Марианна (Армения) – «Национальный парк Бурабай – Созерцание прекрасного в гармонии с собой».Әлемнің 30-дан астам елінен 100-ден астам БАҚ өкілдері мен блогерлер қатысқан іс-шара Қазақстан туралы шынайы және объективті ақпаратты шетелдік көпшілікке шығармашылық тұрғыда жеткізуге үлес қосқан шетелдік журналистердің еңбегін атап өтуге мүмкіндік беретін алаң ретінде белгілі.2014 жылдан бастап қазылар алқасы жыл сайын мәтіндік және бейне материалдарды іріктеп, әртүрлі номинациялар бойынша жүлделер беру үрдісін жалғастыруда. Әлемнің түкпір-түкпірінен келген шетелдік басылымдар мен медиа өкілдері өз жұмыстарын әртүрлі форматта: танымал интернет-платформаларды, блогтарды, подкасттарды қоса алғанда, баспа және онлайн басылымдардан бастап телеарналардағы бағдарламалар сияқты дәстүрлі хабар тарату тармақтарына дейін көрсетеді. Басылымдар мен материалдардың тақырыбы тарихтан, мәдениеттен, білім беруден, туризм мен ұлттық тағамдардан бастап халықаралық қатынастарға, Қазақстанның инвестициялық әлеуетіне дейін әртүрлі болып келеді.Мәдени өзара іс-қимылды тереңдету және елмен жақынырақ танысу мақсатында номинациялар бойынша жеңімпаздар Қазақстанға саяхатпен марапатталады. Астана, Алматы, Шымкент қалаларына және Түркістан облысына сапарлары барысында жеңімпаздар еліміздің бай мәдени-тарихи мұрасымен танысатын болады. Бағдарлама аясында байқау лауреаттары көшпенділер өркениетінің рухын дәріптеу мүмкіндігіне ие болып, мемлекеттік сектор өкілдерімен, қазақстандық сарапшылар мен журналистер, сондай-ақ еліміздегі ғылым және мәдениет қайраткерлерімен эксклюзивті сұхбат алатын болады.«Kazakh Tourism» Ұлттық компаниясы» АҚ, «Отандастар қоры» КЕАҚ, «Астана» халықаралық қаржы орталығы (АХҚО), «Astana Hub», «Verny Capital» ЖШС биылғы жылғы байқаудың серіктестері болды. Серіктестер құрамының мұндай кең ауқымы өткізілетін іс-шараның маңыздылығын тағы бір мәрте растайды.Жыл сайынғы «Қазақстан шетелдік БАҚ көзімен» байқауы еліміздің дамуының өзекті үрдістеріне шетелдіктер қызығушылығын белсенді ынталандырудың құрамдас бөліктерінің бірі және бай табиғи және мәдени мұраны насихаттауға, сондай-ақ әлемнің түкпір-түкпірінен келген шетелдік инвесторлар мен туристер үшін өңірдің әлеуеті мен тартымдылығын ашуға мүмкіндік береді.Ақпарат көзі : https://www.gov.kz/memleket/entities/mfa-pretoria/press/news/details/1077066?lang=kk

Бүгін әкімдік өкілдері мердігер ұйымдармен бірлесіп, жол жұмыстарының қарқыны мен сапасын тексеру үшін қала көшелеріне көшпелі тексеру жүргізді.2025 жылы қалада жалпы ұзындығы 45 шақырым болатын 90 жол учаскесі жаңартылуда. Бүгінгі таңда жоспарланған жұмыстардың 95% - дан астамы орындалды.Гоголь мен Рабочая көшелерінің арасындағы учаскеде Сьянова көшесін қайта құру толығымен аяқталды-екі жылға есептелген жоба."Жаңа қала" ауданында Фролов көшесіндегі жұмыстар аяқталды: жүріс бөлігі 7-ден 14 метрге дейін кеңейтілді, екіжақты қозғалыс ұйымдастырылды, көше жарығы орнатылды және 48 тұрақ орны жабдықталды.Наримановская көшесінде Абай мен Алтынсарин арасындағы учаскені қайта жаңарту келесі жылы жобалау-сметалық құжаттама түзетілгеннен кейін басталады. Мұнда Жол 7-ден 10,5 метрге дейін кеңейтіледі, инженерлік желілер жаңартылады, жарықтандыру орнатылады және 66 тұрақ орны жабдықталады.Жұмыстар Әл-Фараби даңғылы мен Гоголь көшесінде жалғасуда: мердігерлер жаңа жабын төсеп, жиектер мен тротуарлар орнатуда. Жұмысты 5 қазанға дейін аяқтау жоспарлануда.Ақпарат көзі : https://www.gov.kz/memleket/entities/kostanai-kalasy-akimat/press/news/details/1077109?lang=kk

Ар-Рияд, 2025 жылғы 29 қыркүйек – Қазақстанның Сауд Арабиясындағы Елшісі Мадияр Меңілбеков «Ajlan & Bros Mining & Metals» компаниясының Бас атқарушы директоры Фахд Әл-Энезимен келіссөздер өткізді.Сұхбат барысында тараптар тау-кен металлургия саласындағы ынтымақтастықтың дамыту перспективаларын, сондай-ақ бірлескен жобаларды жүзеге асыру мүмкіндігін қарастырды.Фахд Әл-Энези Қазақстанның инвестициялық әлеуетін, тұрақты экономикалық саясатын және қолайлы бизнес-климатын жоғары бағалап, қазақстандық компаниялармен әріптестік орнатуға мүдделілігін білдірді.Өз кезегінде, Қазақстан Елшісі ұзақ мерзімді әріптестікті дамыту үшін қажетті қолдау көрсетуге және қолайлы жағдай жасауға дайын екенін растады.Ақпарат көзі : https://www.gov.kz/memleket/entities/mfa-riyadh/press/news/details/1077112?lang=kk

Облыс әкімі Нұрлыбек Нәлібаевтың қатысуымен өткен «Үлгілі елді мекен» облыстық конкурсының жеңімпаздарын марапаттау рәсімінде Қармақшы ауданы да жақсы нәтижеге қол жеткізді.Жыл сайын дәстүрлі түрде ұйымдастырылатын байқаудың «Үлгілі ауыл» номинациясы бойынша ІІІ-орынды Қармақшы ауданының Ақжар ауылы жеңіп алып, арнайы марапатқа ие болды.Сонымен қатар, ауылдардың абаттандыру жобаларын қолдау мақсатында Қуаңдария ауылына 15 млн теңге көлеміндегі сертификат табысталды.Бұл марапаттар — Қармақшы топырағындағы жүйелі жұмыс пен ауыл тұрғындарының бірлігінің жемісі. Әлеуметтік инфрақұрылымды жақсартуға бағытталған бұл қолдау алдағы уақытта да тұрғындардың өмір сапасын арттыруға серпін беретіні анық.Ақпарат көзі : https://www.gov.kz/memleket/entities/kyzylorda-karmakshy/press/news/details/1076752?lang=kk

ҚР Қаржы министрлігі өкілдерінің халықпен кездесулері мемлекет пен азаматтар арасындағы сенімді нығайтуда маңызды рөл атқарады. Ашық диалог қаржы саясатындағы аспектілерді, оның ішінде салық заңнамасы мен бюджет бағдарламаларындағы өзгерістерді түсіндірумен қатар кері байланыс орнатуға мүмкіндік береді. Бұл азаматтар мен бизнестің өзекті мәселелері мен қажеттіліктерін анықтауға көмектеседі.Айталық, Қаржы вице-министрі Әсет Тұрысов Қарағанды облысының кәсіпкерлері және тұрғындарымен кездесті. Аталған кездесу ашық диалог форматында өтіп, онда салық саясатындағы өзекті мәселелер, бизнеске арналған мемлекеттік қолдау шаралары, сондай-ақ жергілікті кәсіпкерлер мен өңірдегі халықтың алдында тұрған проблемалар талқыланды.Әсет Нұрланұлы айтқандай, Қарағанды облысы бойынша 2024 жылға арналған мемлекеттік бюджетке салық түсімдері бойынша жоспар 97,6% орындалды. Сондай-ақ Қаржы министрінің орынбасары биылғы бірінші жартыжылдықта өңірдің 67,6 мың тұрғыны көлік пен мүлікке қатысты салық жеңілдіктерін пайдаланып, сол арқылы салықтан босатылған соманың мөлшері 741,5 млн теңгеден асқанын жеткізді.Сонымен қоса кездесуде мемлекеттік қаржы жүйесінің цифрлы трансформациясына ерекше назар аударылды.Мемлекет басшысы Қасым-Жомарт Тоқаев «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында Үкіметтің алдына экономиканың барлық саласын жаңғырту үшін жасанды интеллектіні енгізуді тапсырды.Қазір министрлік ЖИ элементтерін қолдана отырып, цифрлы шешімдерді белсенді түрде енгізуді қолға алды. Бұл қажетті процестерді автоматтандыруға, бюрократияны азайтуға және салық органдарымен өзара байланыс кезінде адами факторды тежеуге мүмкіндік береді.Бұдан бөлек вице-министр ведомствоның цифрлы жобаларын, оның ішінде «СӘИЖ», SDF ақпарат жүйесін, Кәсіпкердің бірыңғай жеке кабинетін, сондай-ақ e-Salyq Azamat және e-salyq Business мобильді қосымшаларын таныстырды. Аталған өнімдері салық рәсімдерін жеңілдетуге, әкімшілік жүктемені азайтуға және ашықтықты арттыруға бағытталған.Мұндай жобалар «Цифрлық мемлекет» қағидаттарына сәйкес келетін заманауи, клиентке бағдарланған әкімшілендіру жүйесін қалыптастыруға септеседі.Кездесу соңында вице-министр қарағандылықтардың өзекті сұрақтарына жауап берді. Ақпарат көзі : https://www.gov.kz/memleket/entities/minfin/press/news/details/1076780?lang=kk

Биыл 1 қаңтардан бастап Қазақстанда «Мемлекеттік сатып алу туралы» Заң күшіне енген болатын. Оның нәтижесінде айтарлықтай көрсеткіштер байқала бастады. Мәселен, рәсімдердің мерзімін азайту арқылы 8,4 трлн теңге сомасына келісімшарттар жасалды. Бұл жүйенің тиімділігі мен тиісті процестердің ашықтықтығы артқанын көрсетіп отыр.Айталық, отандық өндірушілерді қолдауға ерекше назар аударылған. 2025 жылы ОТӨ-мен жалпы сомасы 381 млрд теңгеге 127 159 келісімшарт жасалды. Бұл былтырғы кезеңмен салыстырғанда көлемі жағынан 33% және қаражат бойынша 120% көп. Бұған қоса шағымдарды қарау тәртібі толығымен қайта қаралды. Енді оларды сатыпалымды ұйымдастырған тұлғаны өзі қарайды. Сотқа жүгінген жағдайда тиісті процесс тоқтатылмайтынын айта кетейік. Бұл амал шағымдарды 25% азайтуға мүмкіндік берді.Конкурстарды (аукциондарды) өткізу 10 күнтізбелік күнге дейін азайтылды. Рейтингті-балдық жүйенің көмегімен ұйымдастырылатын байқау 5 жұмыс күні ішінде конкурстық комиссияның қатысуынсыз автоматты түрде өтеді. Сондай-ақ кез келген жобаны іске асыруда мердігердің толық жауапкершілігін қарастыратын «кілтпен тапсыру» келісімшарт тетігі енгізілді. Бұл тиімділік пен орындалатын жұмыстың сапасын арттыруға септігін тигізеді деп көзделген. Қосымша жекелеген компаниялардың монополиясының алдын алуға және мердігерлердің жауапкершілігін күшейтетін теріс мәндер сипатындағы бағадан тыс критерийлер енгізілді.Өңірлердегі бизнесті қолдау үшін құрылыс компанияларына бонустық ұпай беріледі (2%), ал қосалқы мердігерлік жұмыстардың үлесі 50% 30% - дейін төмендеді. Сол секілді байқаудағы баға ұсынысына әсер ететін өлшем ретінде конкурста ескерілетін жылына 3 нысаннан (жұмыс тәжірибесінен) аспайтын лимит белгіленді. Аталған әдіс саладағы тәртіпті күшейтіп, сатыпалымды біркелкі бөлуге әсер етеді.Бұдан бөлек заңда төтенше жағдайлардың алдын алуға қажетті сатыпалым тетігі қарастырылған. Ал ашықтықты арттыру бойынша азаматтарды тарту арқылы қоғамдық мониторинг жүйесі жолға қойылды. «Электрондық қаржы орталығы» АҚ базасында қолданыстағы барлық сатыпалым алаңын біріктірген (goszakup.gov.kz, zakup.sk.kz, mitwork.kz) Мемлекеттік сатып алудың бірыңғай платформасын құру осы бағыттағы маңызды қадам болды.Ақпарат көзі : https://www.gov.kz/memleket/entities/vko-goszakup/press/news/details/1080924?lang=kk

Қырғызстанда READY4TRADE Орталық Азия — сауда рәсімдерін жеңілдету жөніндегі өңірлік техникалық диалог өттіОның мақсаты Орталық Азияда шығу тегі жөніндегі электрондық сертификаттарды трансшекаралық тануды қамтамасыз ету болды.Іс-шара Еуропалық Одақтың қолдауымен, Халықаралық сауда орталығы (ITC) жүзеге асырып отырған Ready4Trade Central Asia жобасы аясында ұйымдастырылды. Жоба өңірдегі сауда және көлік байланыстарын нығайтуға, соның ішінде Транскаспий көлік дәлізіне басымдық беруге бағытталған.Талқылау қорытындысы бойынша Орталық Азия елдері арасындағы тауар айналымын арттыру мақсаттарына қол жеткізу үшін халықаралық құқық аясында нормативтік шешімдер қабылдау, техникалық базаны келісу және қамтамасыз ету, сондай-ақ институционалдық және рәсімдік мәселелерді шешу қажеттігі атап өтілді.Ақпарат көзі : https://www.gov.kz/memleket/entities/mti-ktrm/press/news/details/1076791?lang=kk

Жаһандық поляризациядан серіктестікке өту жолдарын іздеу және халықаралық жүйеге деген сенімді қалпына келтіру бойынша нақты ұсыныстарды әзірлеу қажеттілігі қазақстандық және шетелдік пікір көшбасшыларын, саясаткерлерді, жетекші «ақыл-ой орталықтардың» басшыларын Astana Think Tank Forum 2025 аясында біріктіреді. Форум 2025 жылғы 15–16 қазанда Қазақстан елордасында өтеді.Бұл Астана халықаралық форумы (AIF) аясында өткізіліп отырған және Қазақстан Республикасының Президенті жанындағы Қазақстан стратегиялық зерттеулер институты (ҚСЗИ) ұйымдастыратын сараптамалық орталықтардың екінші форумы. Өткен жылы ауқымды шараға 22 елден 45 сарапшы қатысты. Осы уақыт ішінде Astana Think Tank Forum халықаралық күн тәртібіндегі өзекті мәселелерді талқылаудың беделді жаһандық сараптамалық алаңына айналды.Тоғыз сессия аясында тиянақты талқылау үшін жетекші державалардың бәсекелестігі жағдайындағы көпжақты ынтымақтастықтың келешегі, қауіпсіздік архитектурасының трансформациясы және ядролық қарусыздану мен таратпау мәселелері, жаңа геосаяси жағдайда Орталық Азияның орны және Ауғанстан факторы, жаһандық нарықтардың фрагментациясы кезеңіндегі инвестициялар, Еуразиядағы сауда-көлік дәліздерінің дамуы, жасанды интеллект және оған қатысты этикалық мәселелер, климаттың өзгеруі мен су ресурстарына қатысты проблемалардың демографиялық үдерістер мен көші-қонға ықпалы секілді маңызды тақырыптар алынды.Astana Think Tank Forum зерттеушілер, сарапшылар, халықаралық ұйымдардың өкілдері, үкіметтер мен іскер топтар арасында ашық және сындарлы диалогты дамытуға бағытталған. Форум міндеттеріне әлемде тұрақтылық пен сенімнің артуына ықпал ететін инклюзивті және ұзақ мерзімді ынтымақтастық форматтарын әзірлеу, сондай-ақ Қазақстанның халықаралық қатынастардағы әріптестікті дамытуға үлес қосатын жауапты және белсенді «орта держава» ретіндегі позициясын нығайту кіреді.Форум туралы ақпаратты AIF – astanainternationalforum.org сайтынан табасыз.Ақпарат көзі : https://www.gov.kz/memleket/entities/mfa-thailand/press/news/details/1082511?lang=kk

Құрметті ханымдар мен мырзалар!Қазақстан Республикасының Гамбург қаласындағы Бас консулдығы консулдық қызметтерді көрсетуді бастады.Консулдық округқа Гамбург және Бремен қалалары, сондай-ақ Төменгі Саксония мен Шлезвиг-Гольштейн федералдық жерлері кіреді. Қабылдауға жазылу үшін:Телефон: 040/30376483 (азаматтарға кеңес беру – жұмыс күндері сағат 14:30-дан 17:00-ге дейін, сәрсенбіден басқа күндері)Электрондық пошта: konsul-hamburg@mfa.kz (қабылдауға жазылғанда тұрғылықты қала мен ұялы телефон нөмірін көрсетуіңізді сұраймыз). Қабылдау уақыты:Дүйсенбі – Жұма:09:30 – 12:30 (құжаттарды қабылдау)16:00 – 17:00 (дайын құжаттарды беру). Сәрсенбі, сенбі, жексенбі күндері, сондай-ақ Қазақстан Республикасының және Германия Федеративтік Республикасының ресми мерекелерінде Бас консулдық жабық. Мекенжайы:Қазақстан Республикасының Бас консулдығыbei Schuldts Stift 320355 HamburgАқпарат көзі : https://www.gov.kz/memleket/entities/mfa-berlin/press/news/details/1076817?lang=kk

Сыбайлас жемқорлық - бұл мемлекет қауіпсіздігіне жүйелі қауіп, мемлекет пен қоғамның тұрақтылығына қауіп төндіретін фактор.«Сыбайлас жемқорлыққа қарсы іс-қимыл туралы» Қазақстан Республикасы Заңының 22-бабына сәйкес сыбайлас жемқорлыққа қарсы іс-қимылды өз құзыреті шегінде барлық мемлекеттік органдар, ұйымдар, квазимемлекеттік сектор субъектілері мен лауазымды адамдар жүргізуге міндетті.Сыбайлас жемқорлық – жауапты мемлекеттік лауазымды атқаратын адамдардың, мемлекеттiк функцияларды орындауға уәкілеттік берілген адамдардың, мемлекеттік функцияларды орындауға уәкілеттік берілген адамдарға теңестiрiлген адамдардың, лауазымды адамдардың өздерінің лауазымдық (қызметтік) өкiлеттiктерін және соған байланысты мүмкiндiктерiн жеке өзi немесе делдалдар арқылы жеке өзіне не үшінші тұлғаларға мүлiктiк (мүліктік емес) игiлiктер мен артықшылықтар алу немесе табу мақсатында заңсыз пайдалануы, сол сияқты игiлiктер мен артықшылықтарды беру арқылы осы адамдарды параға сатып алу.          Сыбайлас жемқорлық құқық бұзушылық – сыбайлас жемқорлық белгілері бар құқыққа қайшы, кінәлі түрдегі іс-әрекет (әрекет немесе әрекетсіздік), бұл үшін заңда әкімшілік немесе қылмыстық жауаптылық белгіленген,.ПараҚазақстан Республикасының Қылмыстық кодексінде парамен байланысты қылмыстардың екі түрі қарастырылған:пара алу (366-бап);пара беру (367-бап).Қазақстан Республикасы Қылмыстық кодексінің 366 және 367-баптарында көзделген әрекеттер сыбайлас жемқорлық қылмыстарымен байланысты.Пара алу - ең қауіпті заңсыздықтың бірі, әсіресе егер оны адамдар тобы жасаса немесе қорқытып алумен қатар жүрсе.Пара беру - бұл лауазымды тұлғаны заңды немесе заңсыз әрекеттерді (әрекетсіздікті) жасауға немесе берушінің пайдасына қандай-да бір артықшылықтар беруге немесе алуға, оның ішінде жалпы қамқорлығыПара тек қана ақша емес екенін түсіну керек. Оған бағалы қағаздар, басқа мүлік, мүліктік құқық немесе мүліктік пайда, қызмет көрсету (мейрамханалардағы банкеттерге ақы төлеу, туристік сапарлар, көлік құралдарын ұсыну және т.б.) пара берушінің пайдасына әрекет немесе әрекетсіздік үшін ұсынылуы мүмкін.Қазақстандағы сыбайлас жемқорлыққа қарсы күрес мемлекеттік саясаттың басты басымдықтарының бірі ретінде анықталған.  Ақпарат көзі : https://www.gov.kz/memleket/entities/kgd-akmola/press/news/details/1097018?lang=kk

Жаңа Салық кодексін түсіндіру бойынша ауқымды ақпараттық науқан аясында Жетісу облысы бойынша Мемлекеттік кірістер департаментінің қызметкерлері Кербұлақ ауданының кәсіпкерлері мен тұрғындары үшін көшпелі семинар өткізді.2026 жылдың 1 қаңтарынан бастап күшіне енетін жаңа Салық кодексі елдің салық жүйесін түбегейлі өзгертуге бағытталған. Негізгі мақсат — тек нормаларды өзгертіп қана қоймай, адалдық, ашықтық және әділдік қағидаттарына негізделген салық төлеушілердің жаңа менталитетін қалыптастыру.Жаңа Кодекс мыналарға бағытталған:Әкімшілік жүктемені азайту және әсіресе өңір үшін негізгі салаларда — ауыл шаруашылығында, туризмде және кәсіпкерлікте — бизнесті дамыту үшін қолайлы жағдайлар жасау.Медицина және білім беру сияқты әлеуметтік маңызы бар салалар үшін корпоративтік табыс салығының (КТС) төмендетілген мөлшерлемелерін енгізу облыстың әлеуметтік саласына тікелей қолдау көрсетеді. Бұл ретте, жеке табыс салығының (ЖТС) үдемелі шкаласы және сән-салтанат заттарына салынатын салық табысты әділ бөлуге мүмкіндік береді.ҚҚС-ты арттыру және арнайы салық режимдерінің санын қысқарту жосықсыз кәсіпорындарды көлеңкелі экономикадан шығаруға және нарықтың барлық қатысушылары үшін тең жағдайлар жасауға көмектеседі.Өзгерістермен уақтылы танысу және жаңа ережелерге дайындық — жаңа экономикалық жағдайларға табысты бейімделудің кепілі.Ақпараттық науқан аясында келесі семинар 30 қыркүйекте Панфилов ауданында өтеді.Ақпарат көзі : https://www.gov.kz/memleket/entities/kgd-zhetysu/press/news/details/1076875?lang=kk

Бүгін облыс әкімі Нұрлыбек Нәлібаевтың төрағалығымен Қазалы ауданында кадрлық өзгерістерге байланысты актив отырысы өтті. Оған жауапты сала, құқық қорғау органдарының басшылары, облыстық сайлау комиссиясының төрағасы, зиялы қауым өкілдері қатысты.Аймақ басшысы бұрын аудан әкімі қызметінде болған Шермағанбет Мейрамбек Зинабдинұлына алғыс білдіріп, жаңа қызметке сайланған Есмаханов Алмасбек Әбілқасымұлына сәттілік тіледі.«Бұған дейін Қазалы ауданының әкімі қызметін атқарған Шермағанбет Мейрамбек Зинабдинұлы Президент Әкімшілігінің келісімі негізінде облыс әкімінің орынбасары ретінде қызметін жалғастыруда.Мейрамбек Зинабдинұлы Қазалы ауданында 2 жылға жуық қызмет жасап, ауданның дамуына сүбелі үлес қосты.Сайлау жүйесін демократияландыру – Президент реформаларының негізгі міндеттерінің бірі. Өңірімізде аудан әкімдерін сайлау 2023 жылы пилоттық негізде өткізіліп, Шиелі мен Сырдария аудандарының әкімдері сайланды.Күні кеше өткен саяси науқанда Қазалы ауданының тұрғындары жоғары белсенділік танытты. Бекем бірлік пен тату тірліктің үлгісін көрсетіп, ауданның жарқын болашағы үшін өз таңдауларын жасады.Алмасбек Әбілқасымұлы - басшылық қызметтегі ұйымдастырушылық қабілеті мен тәжірибесі мол, өз жұмысын жоғары кәсіби деңгейде атқаратын әлеуеті жоғары кадр.Президентіміздің, Үкіметтің алдымызға қойған міндеттері мен тапсырмаларын сапалы орындап, Өздеріңізбен бірге Қазалы ауданын одан әрі дамытуға, көркейтуге аянбай жұмыс жасайды деп сенеміз. Жаңадан сайланған аудан әкіміне Мемлекет басшымыз Қасым-Жомарт Кемелұлының реформалары мен бастамаларын жүзеге асыру бойынша нақты әрі жүйелі жұмыстар жүргізуді тапсырамын.Аудан халқы үгіт-насихат кезеңіндегі Сіздің уәделеріңізге сеніп, қолдап дауыс берді. Сол себепті сайлауалды бағдарламаңызда көрсетілген әрбір мәселенің оңтайлы, мерзімінде шешілуін қамтамасыз етіңіз. Біз, аудан халқы әрдайым жан-жақты қолдау көрсетеміз.Алдыңызда дамудың барлық макроэкономикалық көрсеткіші бойынша оң параметрлерге қол жеткізу міндеті тұр. Ауданға инвестиция тарту, салық базасын ұлғайту, қоғамдық-саяси тұрақтылықты сақтау, жаңа жұмыс орындарын ашу мен кәсіпкерліктің әлеуметтік жауапкершілігін арттыруға бағытталған нақты жұмыс жүргізу қажет.Президентіміздің инвестиция тарту тапсырмасын орындау үшін инвесторлармен тиісті бағытты айқындау керек. Аудан әкімінің жұмысы инвестиция тарту индикаторының орындалуымен бағаланады. Қазіргі жағдайда бюджеттің әрбір тиыны маңызды.Бұған дейін де басшылық лауазымдарда мол тәжірибе жинаған қызметкер ретінде аудандағы ресурстарды барынша қолданып, бюджет қаражатын толық әрі мерзімінде игеріп, жобалардың сапалы жүзеге асуын қамтамасыз етіңіз.Құқық қорғау органдарының басшыларына аудан әкімімен бірлесіп, жұмыс жасауды қатаң тапсырамын!», - деді Н.Нәлібаев. Есмаханов Алмасбек Әбілқасымұлы 1982 жылы дүниеге келген. Қызылорда гуманитарлық университетінде экономист, Қазтұтыну одағының Қарағанды экономикалық университетінде заңгер мамандықтары бойынша білім алған. Қазақстан Республикасы Президенті жанындағы Мемлекеттік басқару академиясында «Мемлекеттік және жергілікті басқару» мамандығы бойынша магистр дәрежесін иеленген.Әр жылдары Қарауылтөбе ауылдық округінің әкімі, Қызылорда қаласы әкімі аппаратының, қалалық бірнеше бөлімнің басшысы, облыс әкімі аппаратында бөлім басшысы, Шиелі ауданы әкімінің орынбасары, облыстық қоғамдық даму басқармасы басшысының орынбасары, басқарма басшысы лауазымдарында нәтижелі қызмет етті. 2024 жылдың шілде айынан бастап «АМАНАТ» партиясы Қызылорда облыстық филиалының төрағасы қызметін атқарып келді.Айта кетейік, 28 қыркүйекте өткен Қазалы ауданы әкімі сайлауының қорытындысын облыстық сайлау комиссиясының төрағасы Әділбек Ерсұлтанов жариялап, жаңадан сайланған аудан әкіміне куәлігін табыстады. Актив отырысынан соң, аймақ басшысы аудан тұрғындарымен кездесіп, өңірдің әлеуметтік-экономикалық даму бағдары, алдағы жоспарлар туралы ой бөлісті. Қазалылықтар өздерін толғандырған сауалдарын қойып, ұсыныстарын жеткізді.Ақпарат көзі : https://www.gov.kz/memleket/entities/kyzylorda/press/news/details/1076888?lang=kk

ШҚО-да «Altai Invest – 2025» халықаралық инвестициялық форумының салтанатты ашылуы өтті. Ауқымды алаң мемлекеттік құрылымдардың, бизнес-қоғамдастықтың және халықаралық ұйымдардың өкілдерін біріктірді.Қатысушыларға ШҚО әкімі Нұрымбет Сақтағанов құттықтау сөз сөйледі. Ол форумның инвестиция тартудың маңызды орталығына айналып, өңірдің экономикалық дамуы үшін жаңа мүмкіндіктер ашатынын атап өтті.- Ел Президенті Қасым-Жомарт Кемелұлы Тоқаев өңірлердің алдына нақты міндеттер қояды: экономиканы әртараптандыру, экспортты дамыту және инвестиция тарту. Бұл – стратегиялық бағдар. Нәтижелердің өзі айқын: өңір алаңында жалпы құны 100 млрд теңгеден асатын 11 инвестициялық жоба жүзеге асырылуда. Форумнан біз жаңа идеялар мен ұсыныстарды күтеміз, олар болашақта өңірді ілгерілету стратегиясын қалыптастыруға көмектеседі. Шығыс Қазақстан біздің командамыздың бір бөлігі болуға шақырады, — деп атап өтті Нұрымбет Сақтағанов.Қазақстан Республикасы Парламенті Сенаты Төрағасының орынбасары Жақып Асанов Шығыс Қазақстанның елдің инвестициялық тартымдылығын қалыптастыруда стратегиялық рөл атқаратынын атап өтті. Ресей Федерациясы Федералдық Жиналысы Федерация Кеңесі Төрағасының бірінші орынбасары Андрей Яцкин өз сөзінде екі ел арасындағы әріптестік байланыстарды нығайтуға дайын екенін білдірді.- Біздің әріптестігіміз достық, тату көршілік, өзара көмек қағидаттарына негізделген және теңдік пен бір-бірінің мүдделерін құрметтеу секілді мызғымас қағидаттарға сүйенеді. Әрине, барлық бірлескен жобалар ортақ күшпен ілгерілейтін болады, — деді Андрей Яцкин.Форум бағдарламасы өзекті мәселелер бойынша В2В-кездесулерді, өнеркәсіп, ауыл шаруашылығы және туризм салаларындағы инвестициялық жобалар көрмесін, сондай-ақ меморандумдар мен келісімдерге қол қоюды қамтиды.«Altai Invest – 2025» форумының басты мақсаты – Шығыс Қазақстан облысының инвестициялық және экспорттық әлеуетін жан-жақты таныстыру. Негізгі назар – бірлескен жобаларды іске асыру тетіктерін талқылауға, экономиканың негізгі секторларында жаңа өсу нүктелерін құруға және өңірді халықаралық аренада сенімді әрі тартымды серіктес ретінде ілгерілетуге аударылады.Форум «Altai Invest – 2025» өз жұмысын пленарлық отырыстар, панельдік пікірталастар және өнеркәсіп, ауыл шаруашылығы, туризм мен инновациялық технологияларды қамтитын инвестициялық жобалардың презентациялары форматында жалғастырады.Ақпарат көзі : https://www.gov.kz/memleket/entities/vko-samar/press/news/details/1076924?lang=kk

2025 жылғы 29 қыркүйекте Марқакөл ауданы бойынша Мемлекеттік кірістер басқармасы кәсіпкерлердің қатысуымен семинар өткізді.Іс-шара барысында арнайы салық режимдерін қолдану, олардың түрлері мен шарттары, жеке кәсіпкер ретінде тіркелу тәртібі, кассалық тәртіпті сақтау және POS-терминалдарды пайдалану мәселелері түсіндірілді.Семинардың мақсаты – аудан кәсіпкерлерінің салықтық сауаттылығын арттыру және оларды қолдау.Ақпарат көзі : https://www.gov.kz/memleket/entities/kgd-vko/press/news/details/1076936?lang=kk

Қызылордада облыс әкімі Нұрлыбек Нәлібаевтың қатысуымен облыс әкімдігі және өңірлік Азаматтық Альянсы, Қазақстанның Азаматтық Альянсымен бірлесіп ұйымдастыруымен «Ауылдық аймақтарды дамытудағы азаматтық қоғамның рөлі» атты азаматтық форум өтті.Оған Парламент Сенатының депутаты Наурызбай Байқадамов, Мәжіліс депутаты Мұрат Әбенов, Қазақстанның Азаматтық альянсы президенті Бану Нұрғазиева, Мәдениет және ақпарат министрлігінің Азаматтық қоғам істері комитеті төрағасының орынбасары Жанаргүл Әлжанова, «Қазақстан халқына» қоғамдық қорының басқарма төрағасы Ләззат Шыңғысбаева, Орталық Азиядағы Еуразия қорының директоры Ринад Темірбеков, еліміздің бірқатар өңірінен қонақтар мен жауапты сала басшылары қатысты.Аймақ басшысы азаматтық сектор халық пен биліктің арасында алтын көпірге айналған ортақ алаң екенін айтты.«Бүгінде еліміздің дамуын айқындайтын көрсеткіштердің бірі – азаматтық сектор. Мемлекеттің табыстылығы үкіметтік емес ұйымдардың жемісті әрі тиімді қызметіне тікелей байланысты.Президентіміз Қасым-Жомарт Кемелұлы халыққа арнаған Жолдауында: «Азаматтық қоғамға қолдау көрсетіп, оның әлеуетін нығайта түсу керек. Сондай-ақ, аса маңызды жалпы мемлекеттік міндеттерді шешу үшін талқылау жұмыстарына азаматтық қоғамның мүмкіндіктерін кеңінен қолдану қажет»,– деп атап өткен болатын.Тәуелсіздіктің алғашқы жылдарында аймағымызда 15 қоғамдық ұйым болса, бүгінде олардың қатары мыңға жуықтады. Оның 300-і өңіріміздің қоғамдық-саяси, мәдени-рухани өміріне белсенді араласуда. Бұл қоғамда азаматтық жауапкершілік пен белсенділіктің артқанын айқын көрсетеді.Барлық ауданда үкіметтік емес ұйымдармен өзара іс-қимыл және ынтымақтастық жөніндегі кеңестер, жүзеге асырылатын жобалардың тиімділігі мен өзектілігін бағалайтын сарапшылық топтар жұмыс істейді. Әкімдіктер жанындағы кеңестер мен комиссиялардың жұмысына 190 үкіметтік емес ұйым өкілі белсенді қатысады.Жыл сайын мемлекеттік тапсырыс арқылы азаматтық қоғам институттарына қаржылай қолдау көрсетіліп келеді. 2023-2025 жылдары мемлекеттік әлеуметтік тапсырыс аясында бюджеттен 3 млрд. 684 млн. теңге қаражат бөлініп, 427 әлеуметтік жоба іске асырылуда, 3 мың адам жұмыспен қамтылған. Әлеуметтік жобалардың 200-ге жуығы ауыл тұрғындарының қатысуымен ұйымдастырылды. Басым бөлігі халықтың әлеуметтік осал топтарына көмек көрсетуге, қоғамдық келісімді, ұлттық бірлікті нығайтуға, халықты жұмыспен қамтуға жәрдемдесуге бағытталған.Қоғамдық қауымдастықтың көшбасшылары ретінде бәріңізді Әділетті, Таза, Қауіпсіз Қазақстанды құру жолында халықтың бірлігін арттыруға, егемен еліміздің жарқын болашағына бірлесе қызмет етуге шақырамын!», – деді Н.Нәлібаев.Басқосуда Н.Байқадамов, М.Әбенов, Р.Темірбеков, Л.Шыңғысбаева, Ж.Әлжанова, Б.Нұрғазиева, А. Ізден сөз сөйлеп, азаматтық қоғам институттарының маңыздылығына тоқталды.Сондай-ақ, өңірдің өсіп-өркендеуіне үлес қосқан азаматтарға облыстың Құрмет грамотасы, облыс әкімінің, Қазақстанның Азаматтық альянсы төрайымының Алғыс хаты табысталды.Форумға дейін Сырдария ауданының Нағи Ілиясов, Бесарық ауылдарында секциялық отырыстар өткізілді. Онда ауылдың әлеуметтік мәселелерін шешу, тұрғындардың өмір сүру сапасын жақсарту, қоғамдық бақылау жүргізуге үкіметтік емес ұйымдарды тарту мәселелері қозғалды. ҮЕҰ туралы жаңа заң жобасы талқыланып, тиісті ұсынымдар қабылданды.Ақпарат көзі : https://www.gov.kz/memleket/entities/kyzylorda/press/news/details/1076563?lang=kk

Еңбек күні қарсаңында облыс әкімі Нұрлыбек Нәлібаевтың қатысуымен Қызылордадағы Өнер орталығында «Адал еңбек – адал азамат» атты салтанатты шара ұйымдастырылды. Оған ҚР Парламенті Сенатының депутаты Н.Байқадамов, Мәжіліс депутаты М.Әбенов пен құқық қорғау органдарының басшылары, қала, аудан әкімдері, еңбек ардагерлері, зиялы қауым, шаруашылық өкілдері қатысты.Салтанатты жиында аймақ басшысы «Үлгілі елді мекен» облыстық конкурсы жеңімпаздарына 19 арнайы коммуналдық техника және қаржылай сыйақы табыстады.«Президентіміздің бастамасымен қолға алынған «Таза Қазақстан» жалпыұлттық экологиялық бағдарламасы өңірімізде қарқынды жүзеге асуда. Қаламыздағы, аудан орталықтарындағы, ауылдардағы парктер, скверлер мен аллеяларды, көпқабатты тұрғын үйлердің аулаларын абаттандырудамыз. Ауа райының қолайсыздығына қарамастан, тынымсыз еңбек еткен жерлестеріміздің арқасында облысымыз таза әрі көркем аймаққа айналып келеді.«Ауыл – ел бесігі», - деп дана халқымыз бекер айтпаған. Ауылды дамыту – мемлекеттік саясаттың аса маңызды стратегиялық мақсаттарының бірі.Елді мекендерді дамыту, оның ішінде ауылдағы ағайынның өмір сапасын жақсарту, қолайлы орта қалыптастыру, ауылдағы көркейту-көгалдандыру жұмыстарын ынталандыру мақсатында 2023 жылдан бастап дәстүрлі түрде «Үлгілі елді мекен» конкурсы өткізілуде.Биыл 564 млн. теңгеге 19 техника сатып алынды.Әр аудандағы бір ауылды абаттандыру, көркейту жұмыстарына 100 млн. теңгеден астам қаржы беріледі.Ауыл-аймақтың ажарын айшықтап, келбетін көркем етуге бағытталған «Үлгілі елді мекен» конкурсы алдағы уақытта да дәстүрлі түрде жалғасады.Келер жылы конкурсты өткізуге облыстық бюджеттен 500 млн. теңгеден астам қаржы бөлінеді.Бірліктің туын биік ұстап, туған жеріміздің келбетін көркейту жолында аянбай қызмет етіп жүрген еңбек адамдарын әрдайым құрметтейміз!», - деді Н.Нәлібаев.Жыл сайын дәстүрлі түрде өтетін «Үлгілі елді мекен» конкурсының «Үлгілі ауыл» номинациясы бойынша 1-орынды Сырдария ауданының Нағи Ілиясов ауылы, 2-орынды Арал ауданының Қызылжар ауылы, 3-орынды Қармақшы ауданының Ақжар ауылы жеңіп алды.«Үлгілі аудан» номинациясы бойынша 1-орынды Шиелі кенті, 2-орынды Әйтеке би кенті, 3-орынды Жаңақорған кенті иеленді.Тірек және серіктес елді мекендер санатына кірмейтін ауылдардың абаттандыру жобаларын қаржыландыруға 15 млн.теңгенің сертификаттары табысталды. Атап айтсақ, Арал ауданының Ақбай, Қазалы ауданының Бөзкөл, Қармақшы ауданының Қуандария, Жалағаш ауданының Жаңадария, Сырдария ауданының Іңкәрдария, Шиелі ауданының Майлытоғай және Жаңақорған ауданының Қыраш ауылдарына берілді.Еске салайық, соңғы екі жылда конкурс жеңімпаздарына 1 млрд. 500 млн. теңгенің күнделікті ел тұрмысына қажетті заманауи үлгідегі 48 арнайы техникасы табысталған болатын.Ақпарат көзі : https://www.gov.kz/memleket/entities/kyzylorda-syrdarya/press/news/details/1076763?lang=kk

Қостанай облысы бойынша мемлекеттік кірістер департаменті БКМ қолдану тәртібіне енгізілген өзгерістерге сәйкес, Қазақстан Республикасының Қаржы министрігі Мемлекеттік кірістер Комитетімен (бұдан әрі – Комитет) деректерді тіркеу және (немесе) ФДО серверіне беру функциясы бар БКМ деректерді берудің жаңа хаттамасын, 2.0.3 нұсқасын (бұдан әрі-2.0.3 нұсқасының ХАТТАМАСЫ) әзірленгенін хабарлайды.Протокол Комитеттің ресми интернет-ресурсында 2025 жылғы 20 маусымда жарияланғанын хабарлайды.2.0.3 нұсқасының хаттамасында БКМ-ді тауарлардың Ұлттық каталогына автоматты түрде қосуға және БКМ-нің нақты орналасқан жерін анықтайтын ФДО жағында геолокацияны анықтауға арналған сервис көзделген.Осыған байланысты, 2025 жылғы 15 қазанға дейін аппараттық-бағдарламалық кешендер болып табылатын БКМ қолданатын салық төлеушілер 2.0.3 нұсқасының хаттамасына сәйкес БКМ функцияларын қайта бағдарламалауы қажет.Деректерді тіркеу және (немесе) беру функциясы бар электрондық құрылғы (темір кассалар) болып табылатын БКМ қолданатын салық төлеушілерге 2025 жылғы 15 қарашаға дейін қайта бағдарламалау жүргізу қажет.БКМ қайта бағдарламалау үшін БКМ әзірлеушілеріне және БКМ техникалық қызмет көрсету орталықтарына жүгіну қажет.Сонымен қатар, 2025 жылдың 17 қарашасынан бастап ФДО 2.0.2 нұсқасының хаттамасын өшіру жоспарланғанын хабарлаймыз.Ақпарат көзі : https://www.gov.kz/memleket/entities/kgd-kostanay/press/news/details/1076612?lang=kk

27-28 қыркүйек күндері Астана қаласында өткен өңірлердің ауыл шаруашылығы жәрмеңкесі аясында Жетісу облысы өзін жоғары деңгейде таныта білді. Шараның басты ерекшеліктерінің бірі – мәдени бағдарламалар кешені болды.Осы орайда, Жетісу облысының Дәнеш Рақышев атындағы филармониясының өнер ұжымы елордалық көрерменге ерекше әсер сыйлады. Талантты әншілер мен күйші, бишілердің кәсіби шеберлігі мен ұлттық өнерге деген сүйіспеншілігі жиналған жұртты тәнті етті.Жетісу филармониясы – тек өнердің емес, руханият пен дәстүрдің жаршысы. Осындай ауқымды алаңда өнер көрсету – үлкен мәртебе, зор жауапкершілік.Ақпарат көзі : https://www.gov.kz/memleket/entities/zhetysu-archive/press/news/details/1076614?lang=kk