2025 жылғы 31 желтоқсаннан 1 қаңтарға қараған түні Алматы облысының медициналық ұйымдарында 17 нәресте дүниеге келді. Оның ішінде 12 ұл бала және 5 қыз бала бар.Барлық босанулар жоспарлы түрде, төтенше жағдайларсыз өтті. Медициналық көмек тәулік бойы белгіленген стандарттарға сәйкес көрсетілді. Аналар мен жаңа туған нәрестелер дәрігерлердің бақылауында, олардың жағдайы тұрақты деп бағалануда.Өткен жылдың жаңа жыл түні облыста 11 сәби дүниеге келген. Биыл жаңа жыл түні дүниеге келген нәрестелер саны 6 балаға артты, бұл өңірдегі туу көрсеткішінің оң динамикасын көрсетеді.Мереке күндері Алматы облысының босану үйлері мен перинаталдық орталықтары күшейтілген режимде жұмыс істеді. Медициналық персоналдың кезекшілігі толық көлемде ұйымдастырылып, босанушы әйелдер мен жаңа туған сәбилерге уақытылы әрі сапалы медициналық көмек көрсету қамтамасыз етілді.Алматы облысының Денсаулық сақтау басқармасында ана мен бала денсаулығын қорғау мәселелері басым бағыттардың бірі болып қала беретінін және қауіпсіз босану мен босанғаннан кейінгі күтім үшін барлық қажетті жағдайлар жасалғанын атап өтті.Ақпарат көзі : https://www.gov.kz/memleket/entities/almobl/press/news/details/1136138?lang=kk

Алматы облысында 2025 жылы жастарды қолдауға бағытталған кешенді шаралар жүзеге асырылып, нақты нәтижелерге қол жеткізілді. Жыл қорытындысы бойынша өңірде жастарды жұмыспен қамту, кәсіпкерлікті дамыту, білім беру, волонтерлікті қолдау және инфрақұрылымды жетілдіру бағыттарында ауқымды жұмыстар атқарылды.Ағымдағы жылы Алматы облысында 27 360 жас азамат жұмысқа орналастырылды. Оның ішінде 14 094 жас жеке бастамалар аясында еңбек етсе, 6 927 азамат «enbek.kz» порталы арқылы тұрақты жұмыс тапты. Ал жұмыспен қамтудың белсенді шараларына 3 852 жас тартылып, жастар тәжірибесі, қоғамдық жұмыстар, әлеуметтік жұмыс орындары, алғашқы жұмыс орны және ұрпақтар келісімшарты сияқты бағдарламалар іске асырылды.Өңірде NEET санатындағы жастар саны айтарлықтай қысқарып, 45 994 адамнан 27 074 адамға дейін төмендеді. Бұл көрсеткіш 2024 жылмен салыстырғанда 18 920 жасқа аз. Қазіргі таңда Алматы облысында 35 жасқа дейінгі жастар саны 432 мыңнан асады, бұл өңір халқының шамамен 30 пайызын құрайды.Жастардың кәсіби әлеуетін арттыру мақсатында «Бизнес бастау» жобасы аясында 910 жас оқудан өтті. Өз ісін ашуға ниетті 91 жас азаматқа 400 АЕК немесе шамамен 1,5 млн теңге көлемінде мемлекеттік грант берілді. Сонымен қатар, 254 жұмыссыз жас қысқа мерзімді кәсіптік оқыту курстарына жіберілді.2025 жылы өңірлік «Тәуелсіздік ұрпақтары» гранты бойынша 10 жасқа 10 млн теңге табысталды. Алматы облысы әкімінің «Заңғар» сыйлығымен 10 жас азамат 5 млн теңгеден марапатталды. Сондай-ақ, ауылдық жастармен жұмыс істейтін мамандарды қолдауға арналған «Umtylys» байқауы ұйымдастырылды.«Жасыл ел» жобасы аясында 1000 жас маусымдық жұмыспен қамтылып, оның 800-і ауыл жастары болды. Ал 2026 жылы тағы 1 мың жас азаматты маусымдық жұмыспен қамту жоспарланып отыр. Сонымен қатар, жастар еңбек жасақтарын құрылыс, аграрлық және инженерлік-техникалық бағыттар арқылы жаңғырту көзделген.Жыл ішінде Балқаш, Кеген, Райымбек және Қарасай аудандарында 4 жаңа жастар орталығы пайдалануға берілді. Қонаев қаласында жастарға арналған коворкинг орталығы ашылды. Алдағы жылы Талғар, Жамбыл, Еңбекшіқазақ және Ұйғыр аудандарында тағы 4 жастар орталығын іске қосу жоспарланып отыр.Алматы облысында волонтерлік қызметті дамыту мақсатында volunteers05.kz электронды платформасы іске қосылып, 3 мың белсенді волонтерден тұратын база қалыптастырылды. Республикалық «Игі істер марафоны» аясында өңір «Ең мейірімді аймақ» номинациясын жеңіп алды. Сонымен қатар, «Жыл волонтері» халықаралық сыйлығымен 5 волонтерлік ұйым марапатталды.Алматы облысында жүзеге асқан бұл бастамалар жастардың әлеуетін арттыруға, әлеуметтік белсенділігін күшейтуге және олардың тұрақты дамуына серпін беріп отыр.Ақпарат көзі : https://www.gov.kz/memleket/entities/almobl/press/news/details/1136014?lang=kk

Соңғы төрт жылда Алматы облысында экономикалық өсім орнықты сипат алды. Өңірлік бюджетке түсетін салық көлемі екі есеге жуық артты, ал атаулы әлеуметтік көмек алушылар саны үш есеге жуық азайды. Бұл үрдіс халықтың табысы мен жұмыспен қамтылу деңгейінің өскенін, кәсіпкерлік белсенділіктің кеңейгенін көрсетеді.Бүгінде облыс өз кіріс көздерін нығайтып, бюджетаралық тәуелділікті біртіндеп төмендетіп келеді. Экономикалық даму ішкі әлеуетке сүйенген жаңа сапалық кезеңге өтті.2024 жылдың қорытындысы бойынша Алматы облысы дотациялық өңірлер арасында салықтық түсім көлемі жөнінен алдыңғы қатарға шықты. 2021 жылы бюджетке 317,3 млрд теңге түскен болса, 2024 жылы бұл көрсеткіш 520,5 млрд теңгеге жетті. 2025 жылға арналған болжам 630 млрд теңгеден асады. Осылайша, бірнеше жыл ішінде салықтар мен міндетті төлемдердің көлемі айтарлықтай ұлғайды.Облыс әкімдігінің мәліметінше, өсім кездейсоқ емес, инвестициялар ағыны мен жаңа өндірістердің іске қосылуы нәтижесінде қалыптасқан. Облыс әкімі Марат Сұлтанғазиевтің айтуынша, өңірде өнеркәсіп, қайта өңдеу, логистика және туризм салаларында ірі отандық әрі халықаралық компаниялардың қатысуымен жобалар жүзеге асуда. Бұл тұрақты жұмыс орындарын ашып, ұзақ мерзімді салық базасын қалыптастыруға мүмкіндік беріп отыр.Экономиканың аумақтық құрылымы да айтарлықтай өзгерді. Әкімшілік қайта ұйымдастырудан кейін донор аумақтардың саны екіден беске дейін артты. Қарасай мен Іле аудандарына Талғар, Еңбекшіқазақ аудандары және Қонаев қаласы қосылды. 2025 жылы осы аумақтардан алынған бюджет қаражаты 297,8 млрд теңгені құрады, ал облыстық бюджеттен бес ауданға бөлінген қолдау көлемі 9,6 млрд теңге болды. Келесі жылы Жамбыл ауданы мен Алатау қаласының да донорлар қатарына енуі күтіледі.Қарасай ауданы өңірдегі негізгі еңбек нарықтарының бірі ретінде қалыптасып отыр: мұнда өндірістік-логистикалық белдеу дамып, өнеркәсіп пен креативті индустрия, соның ішінде Нью-Йорк киноакадемиясының филиалы жұмыс істейді. Іле ауданында қайта өңдеу мен қойма инфрақұрылымы күшейтілуде. Талғар ауданы логистика, туризм және спорт саласын, оның ішінде Atlético de Madrid Kazakhstan футбол академиясын дамытуды көздейді. Еңбекшіқазақ ауданында агроөңдеу мен ауыл шаруашылығы кооперациясы басым бағытқа айналды.Ұйғыр ауданы жеміс шаруашылығы бойынша елдегі жетекші өңір саналады. Мұнда республикадағы барлық өрік бақтарының шамамен 60 пайызы — 2,2 мың гектар алқап орналасқан. 2025 жылы 4 мың тоннаға жуық өнім Ресей, Қырғызстан және Өзбекстан нарықтарына экспортталды.Инвестициялық белсенділік те экономикалық серпінді айқындай түсуде. 2025 жылы облыста жалпы құны 228,6 млрд теңгені құрайтын 19 жоба іске асырылып, шамамен 7 мың жаңа жұмыс орны ашылды. Ал 2022 жылдан бері өңірде 240 мыңнан астам жұмыс орны құрылды, оның басым бөлігі тұрақты жұмыспен қамтуға тиесілі.Қонаев қаласы өңір экономикасының маңызды орталықтарының біріне айналды. Мұнда 30 млрд теңгеден астам инвестиция тартылған агроөңдеу кәсіпорны іске қосылып, 300-ден астам жұмыс орны ашылды. Сонымен қатар құны 100 млрд теңгеге дейін жететін жаңа жоба пысықталуда. Solico Group компаниясы жылына 200 мың тонна сүт өнімін өндіретін зауыт салуды жоспарлап отыр, инвестиция көлемі — 33,1 млрд теңге.Алатау қаласы — жаңа өсім нүктесі2025 жылы Алатау қаласы өз кіріс базасын қалыптастырып, қаржылық дербестікке қол жеткізді. Қалада Орталық Азиядағы ең ірі ашық мұз айдыны пайдалануға берілді. Арнайы экономикалық аймақ аясында инвестиция көлемі 125 млрд теңгеден асатын төрт логистикалық және өнеркәсіптік жоба іске қосылып, мыңнан астам жұмыс орны құрылды.Әлеуметтік инфрақұрылым: сапалы өзгерістерЭкономикалық даму әлеуметтік саланың кеңеюімен қатар жүрді. Бір жыл ішінде облыста 36 медициналық нысан, 17 мектеп және шамамен 1 700 тұрғын үй пайдалануға берілді. Нәтижесінде 875 мыңға жуық тұрғынның, әсіресе ауылдық және қала маңындағы елді мекендердің, базалық қызметтерге қолжетімділігі артты.Әлеуметтік әсер де айқын: атаулы әлеуметтік көмек алушылар саны 57,4 мыңнан шамамен 19 мың адамға дейін қысқарды. Бұл өңірдегі жұмыспен қамту мен халық табысының өскенін көрсетеді.Өңір басшылығының пайымдауынша, қазіргі қарқын сақталып, ірі жобалар толық іске асқан жағдайда Алматы облысы 2029 жылға қарай донор аймақтар қатарына өтуі мүмкін. 2025 жылдың қорытындысы бұл бағыттың нақты нәтижелерге негізделгенін айғақтайды.Ақпарат көзі : https://www.gov.kz/memleket/entities/almobl/press/news/details/1136006?lang=kk

Алматы облысында ауыл шаруашылығы саласын жаңғырту бағытында айтарлықтай жетістікке қол жеткізілді. Өңірде биыл жаңа техника сатып алу жоспары толық орындалып, бұрын-соңды болмаған көрсеткіш тіркелді.Жоспарға сәйкес, 490 бірлік ауыл шаруашылығы техникасын сатып алу көзделген болатын. Нәтижесінде облыс бойынша жалпы құны 8,5 млрд теңгеге 490 техника алынып, жоспар 100 пайызға орындалды. Бұл – өңір тарихындағы техника сатып алу бойынша ең жоғары көрсеткіш.Салыстырар болсақ, 2023 жылы облыста 431 бірлік техника сатып алынса, 2024 жылы бұл көрсеткіш 437 бірлікті құраған. Ал биылғы нәтиже өткен жылдармен салыстырғанда айтарлықтай өсімді көрсетіп отыр.Айта кету керек, шаруалар ауыл шаруашылығы техникаларын «ҚазАгроҚаржы» АҚ арқылы лизингтік негізде алған. Бұл тетік фермерлерге заманауи техниканы қолжетімді шарттармен алуына мүмкіндік беріп, егіс пен жинау жұмыстарын тиімді жүргізуге жол ашты.Алматы облысының әкімі Марат Сұлтанғазиев бұл жетістікті өңір агросекторының тұрақты дамуының айқын дәлелі деп атап өтті.«Ауыл шаруашылығы техникасын жаңарту – өнімділікті арттырудың және еңбек тиімділігін көтерудің негізгі факторы. Биыл біз бұл бағытта нақты нәтиже көрсеттік. Алдағы уақытта да фермерлерді қолдау, техникалық паркті жаңарту және агроөнеркәсіп кешенінің әлеуетін күшейту жұмыстарын жалғастырамыз», – деді өңір басшысы.Жаңа техниканың алынуы егін шаруашылығы мен мал шаруашылығындағы жұмыстардың сапасын арттырып, ауыл еңбеккерлерінің жұмысын жеңілдетуге және өңірдің азық-түлік қауіпсіздігін нығайтуға оң әсерін тигізбек.Ақпарат көзі : https://www.gov.kz/memleket/entities/almobl/press/news/details/1135123?lang=kk

Жаңа емхана Жамбыл ауданы Ұзынағаш ауылында бой көтерді. Салтанатты ашылу рәсіміне Алматы облысының әкімі Марат Сұлтанғазиев және облыс әкімінің бірінші орынбасары Қанат Есболатов қатысты. Одан бөлек, басқарма басшылары, жергілікті атқарушы органдар және медицина саласының ардагерлері де қуанышқа ортақтасты.Облыс әкімі жиналған қауымды жаңа денсаулық сақтау мекемесінің ашылуымен құттықтап, заманауи талаптарға сай жабдықталған емханада тұрғындарға сапалы медициналық қызмет көрсетуге толық мүмкіндік бар екенін айтты.Марат Сұлтанғазиев өз сөзінде денсаулық сақтау саласының стратегиялық маңызын атап өтіп, жаңа ғимарат халықтың игілігіне тиімді қызмет ететініне тоқталды: «Денсаулық сақтау жүйесін дамыту - мемлекеттік саясаттың басым бағыттарының бірі. Мемлекет басшысы әсіресе өңірлерде алғашқы медициналық-санитарлық көмекті нығайтудың маңыздылығын бірнеше рет атап өткен болатын. Осы жобаның жүзеге асырылуы - сол жүйелі жұмыстың нақты нәтижесі. Бұл емханада медицина қызметкерлерінің сапалы әрі нәтижелі жұмыс істеуі үшін барлық қажетті жағдай жасалған. Соның арқасында, әрбір тұрғынға сапалы медициналық көмек уақытылы көрсетіліп, аурулардың алдын алу, ерте анықтау және тиімді емдеу толық қамтамасыз етілетініне сенімдімін. Бұл ретте, осы емхананың құрылысын жүргізген мердігер «AK Construction» компаниясына зор алғысымды білдіремін», - деді өңір басшысы.Айта кетейік, жаңа емхана ауданның 200 мыңнан астам халқына шақталған. Ал күніне 250 адам қабылдауға қауқарлы. Заманауи медициналық құрал-жабдықтармен толық қамтылған және алғашқы медициналық-санитариялық көмек көрсетудің барлық талаптарына сай келеді. Мұнда жоғары технологиялы диагностикалық аппараттар, цифрлық рентген, ультрадыбыстық зерттеу құрылғылары, зертханалық талдау жүйелері, телемедицина мүмкіндіктері және жедел медициналық көмекке арналған заманауи жабдықтар орнатылған. Мекеменің штаттық құрамында барлығы 324 қызметкер бар. Оның ішінде 98-і дәрігерлік персонал болса, олардың 66-сы бейінді мамандар. Орта медициналық персонал саны – 194 адам, кіші медициналық персонал – 24. Сонымен қатар, өзге бағыттағы 8 қызметкер еңбек етеді.Қазіргі уақытта, Алматы облысында «Ауылдық денсаулық сақтауды жаңғырту» ұлттық жобасы аясында 38 денсаулық сақтау нысанының құрылысы жоспарланған. Оның ішінде 13 дәрігерлік амбулатория, 14 фельдшерлік-акушерлік пункт және 11 медициналық пункт бар. Жобалардың жалпы құны 8,2 млрд теңгеден асады. Бүгінде 38 нысанның 12-сі пайдалануға берілді, қалғаны жыл соңына дейін берілу жоспарлануда.Ақпарат көзі : https://www.gov.kz/memleket/entities/almobl/press/news/details/1133826?lang=kk

Қонаев қаласының мәдениет үйінде жыл бойы жетістіктер көрсеткен үздік спортшылар, журналистер және жас көшбасшылар марапатталды. Салтанатты шара аясында үш маңызды іс-шара біріктірілді: спорт саласындағы «Хан Тәңірі» премиясы, медиа-саласындағы «Самғау» премиясы және жастарға арналған «Заңғар» сыйлығы.Марапаттау рәсімінде облыс тұрғындарының кәсіби жетістіктері, әлеуметтік-экономикалық дамуға қосқан үлесі және адам капиталының өсуіне ықпал еткен жұмыстары атап өтілді. Алматы облысының әкімі Марат Султангазиев құттықтау сөзінде:«Бүгін осы залда облысымыздың дамуына үлес қосып жүрген әртүрлі саланың адамдары жиналды. Спортшылар жеңістері арқылы облыстың беделін арттырады, журналистер қоғам мен билік арасындағы ашық әрі адал диалогты қамтамасыз етеді, ал жастар жаңа бастамалар мен шешімдерді ұсынып отыр. «Хан Тәңірі», «Самғау» және «Заңғар» - кәсібилік пен табандылыққа берілген құрмет белгісі. Әрқайсысының еңбегін бағалаймыз және алдағы уақытта да қолдау көрсетеміз», — деді.Спорт саласында «Хан Тәңірі» премиясы дәстүрлі түрде жоғары жетістіктер мен спортшыларға қолдау көрсеткен бапкерлер мен мамандардың еңбегін мойындау ретінде табысталды. 152 спортшы қаржылай сыйлықпен марапатталды. Бокс бойынша әлем чемпионатының жүлдегері Ертуған Зейнулинов:«Боксқа 15 жылымды арнадым. Бұл тек бастамасы ғана. Алдағы уақытта да жоғары нәтижелерге жетіп, алтын медаль жеңіп алуды жоспарлап отырмын. Алматы облысының әкімі Марат Султангазиевке қолдауы үшін алғыс айтамын», — деді.Журналистік қауымға ерекше көңіл бөлінді. Үш жылдық үзілістен кейін 2025 жылы қайта қолға алынған «Самғау» медиа-премиясы аймақтағы БАҚ рөлін қолдаудың маңызды белгісі болды. Марапатқа баспа, электронды БАҚ, телеарна, цифрлық платформалар мен блогерлер қатысты.Лауреаттар қатарында «Огни Алатау» газетінің қызметкерлері бар. Журналист Жанар Мықтыбаева «Жылдың үздік журналисі» атанып, кәсіби тәжірибесі мен аудитория алдындағы сенімділігі бағаланды. Ол:«Бұл марапат - команда еңбегінің нәтижесі. Әр материалдың артында әріптестердің қолдауы бар. „Огни Алатау“ газеті маған жауапкершілік пен адал журналистиканың күшті мектебін берді», - деді.Сондай-ақ медиа-премия аясында Адина Байбак «Үздік дизайнер» атанса, «Өлке Тынысы» компаниясының директоры Кәдірбек Құныпияұлы «Жылдың үздік медиаменеджері» атағына ие болды. Лауреаттар қатарында «Алатау Арайы» газеті, Alatau News сайты және «Жетісу» телеарнасы да бар.Жастарға арналған «Заңғар» премиясы 14-тен 35 жасқа дейінгі белсенді азаматтарды қолдауға бағытталған. Жеңімпаздарға дипломдар мен 500 000 теңгелік сертификаттар табыс етілді. «Үздік жас журналист» атанған Alataunews.kz агенттігінің тілшісі Балнұр Асанова:«Бұл марапат облыс әкімі жүргізіп отырған жастарды қолдау және кәсіби әлеуетін дамыту саясатының жемісі»,-деп атап өтті.Бірлескен салтанатты шара спортшылар, журналистер және жас көшбасшылар еңбегін бірдей бағалауды көрсетті. Қонаев қаласындағы марапаттау рәсімі Алматы облысының дамуына еңбегі сіңген адамдардың үлесін айқын дәлелдеді.Ақпарат көзі : https://www.gov.kz/memleket/entities/almobl/press/news/details/1133623?lang=kk

Алматы облысында Мемлекет басшысының тапсырмасына сәйкес жүзеге асырылып жатқан «Ауылдық денсаулық сақтауды жаңғырту» ұлттық жобасы аясында ауыл тұрғындарына арналған жаңа медициналық нысандар пайдалануға берілді. Атап айтқанда, Сұраншы және Жайсан ауылдарында заманауи талаптарға сай дәрігерлік амбулаториялар өз жұмысын бастады. Бұл бастама ауыл халқының медициналық қызметтерге қолжетімділігін арттыруға және өңірдегі денсаулық сақтау инфрақұрылымын жүйелі түрде дамытуға бағытталған.Жаңа медициналық нысандардың ашылу рәсіміне Алматы облысы әкімінің бірінші орынбасары Қанат Болатұлы Есболатов қатысып, ауыл тұрғындарын маңызды әлеуметтік нысандардың іске қосылуымен құттықтады. Оның айтуынша, ауылдық жерлерде сапалы медициналық қызмет көрсету – өңірлік және ұлттық деңгейдегі басым міндеттердің бірі.«Халық денсаулығы – мемлекеттің басты құндылығы. Осыған орай ауыл тұрғындарын сапалы әрі қолжетімді медициналық көмекпен қамтамасыз ету мақсатында мұндай нысандарды жүйелі түрде іске қосып келеміз. Атқарылып жатқан бұл жұмыстардың барлығы ауыл халқының өмір сүру сапасын арттыруға және денсаулық сақтау жүйесін одан әрі дамытуға бағытталған мемлекеттік саясаттың нақты нәтижесі. Осы қуанышты жаңалықпен баршаңызды шын жүректен құттықтай отырып, жаңа нысан ел игілігіне ұзақ жылдар бойы адал қызмет етеді деп сенемін», – деді ол.Сұраншы ауылындағы дәрігерлік амбулатория 1981 жылы салынған ғимаратта орналасқан. Бұрын қатты отынмен жылытылған нысан 2007 жылдан бастап табиғи газға қосылған. Ұлттық жоба аясында амбулатория ғимараты толықтай жаңғыртылып, заманауи медициналық талаптарға сәйкестендірілді. Бүгінде мұнда физиотерапия, емдік дене шынықтыру, дәрігерге дейінгі қабылдау, акушерлік қызмет, күндізгі стационар, оқшаулағыш және қақырық жинау кабинеттері жұмыс істейді. Медициналық мекеме ауыл тұрғындарына алғашқы медициналық-санитарлық көмекті сапалы әрі уақтылы көрсетуге мүмкіндік береді.Ал, Жайсан ауылында 1960 жылы салынған ескі ғимараттың орнына жаңа, заманауи медициналық нысан бой көтерді. Қазіргі таңда амбулатория 2 527 тұрғынға қызмет көрсетіп, қажетті барлық медициналық құрал-жабдықтармен толық қамтамасыз етілген. Жаңа ғимараттың іске қосылуы ауыл тұрғындарының медициналық көмекке қолжетімділігін едәуір арттырып, сапалы қызмет алуға жол ашты.Айта кетейік, Алматы облысында «Ауылдық денсаулық сақтауды жаңғырту» ұлттық жобасы аясында барлығы 38 денсаулық сақтау нысанының құрылысы қарастырылған. Аталған жобаны жүзеге асыру үшін 8,3 млрд теңге бөлінген. Оның ішінде Жамбыл ауданының 16 елді мекенінде 7 дәрігерлік амбулатория, 3 фельдшерлік-акушерлік пункт және 6 медициналық пункттің құрылысы жүргізілді. Бүгінде 16 медициналық нысанның 7-еуі пайдалануға берілсе, қалған 9 нысанды 2025 жылдың соңына дейін толық аяқтау жоспарланған.Жаңа медициналық мекемелердің пайдалануға берілуі ауыл тұрғындарының өмір сүру сапасын арттырып қана қоймай, профилактикалық шараларды күшейтуге, ауруларды ерте анықтауға және медициналық қызметтердің сапасын жақсартуға мүмкіндік береді. Бұл өз кезегінде ауылдық жерлердегі халық денсаулығын нығайтып, ұлттық денсаулық сақтау жүйесін дамытудың маңызды құрамдас бөлігіне айналмақ.Ақпарат көзі : https://www.gov.kz/memleket/entities/almobl/press/news/details/1133491?lang=kk

Қарасай ауданында балаларға арналған ерекше мерекелік шара – Қазақстан Республикасы Президентінің атынан ұйымдастырылатын «Ғажайыпқа толы Жаңа жыл» атты Жаңа жылдық шырша өтті. Игі шара Алматы облысы білім басқармасының бастамасымен Қарасай ауданына қарасты Шамалған ауылындағы «Үшқоңыр» спорт кешенінде ұйымдастырылды.Бұл – жай ғана мерекелік кеш емес, ел болашағы саналатын жас ұрпаққа қамқорлық пен мейірімнің, бірлік пен келісімнің нақты көрінісі. Шараның басты мақсаты – балалар арасында достық пен өзара түсіністікті нығайту, патриоттық рух қалыптастыру және әр баланың жүрегінде ұмытылмас әсер қалдыратын жылы орта құру.Жаңа жылдық шыршаның басты қонақтары әлеуметтік тұрғыдан осал топтар мен көпбалалы отбасылардан шыққан балалар, сондай-ақ оқу, спорт, шығармашылық пен қоғамдық қызметте жоғары жетістіктерге жеткен дарынды балалар болды. Жалпы алғанда, шараға 9–13 жас аралығындағы 180 жеткіншек пен Қонаев қаласындағы «Балалар қолдау орталығының» 50 тәрбиеленушісі қатысты.Мерекелік кештің әсері қатысушылардың көңіл күйінен анық байқалды.«Бүгінгі мерекеде балалардың көзіндегі қуанышты көріп, ерекше толқыдым. Мемлекет тарапынан көрсетіліп жатқан осындай қамқорлық әр ата-анаға үлкен үміт пен сенім сыйлайды. Балалар үшін ұйымдастырылған мұндай кештер олардың жүрегінде ұзақ сақталады», – деп өз әсерімен бөлісті шараға келген ата-аналардың бірі.Ал мерекенің кішкентай қатысушылары үшін бұл күн нағыз ертегіге айналды.«Маған бүгін бәрі өте ұнады. Үлкен шырша, ойындар мен сыйлықтар керемет болды. Осындай мерекеге қатысқаныма қатты қуаныштымын. Жаңа жылда жақсы оқып, үлкен жетістіктерге жеткім келеді», – деді 11 жастағы бала.Ұйымдастырушылар балалардың қауіпсіздігі мен жайлылығына да айрықша мән берген. Шара өтетін залдарда, киім ауыстыру бөлмелерінде және марапаттау аймақтарында барлық қажетті жағдай жасалды. Сонымен қатар халықаралық және республикалық олимпиада жүлдегерлерімен арнайы кездесулер ұйымдастырылды.Мерекелік кеште үздік оқушылар мен дарынды балалардың жетістіктері атап өтіліп, оларға марапаттар табысталды. Бұл – жас жеткіншектерге көрсетілген үлкен сенім мен қолдаудың белгісі.Осыған орай Алматы облысының әкімі Марат Елеусізұлы Сұлтанғазиев мерекелік шараның маңызын атап өтті:«Балалардың шат күлкісі мен жарқын болашағы – біздің ең басты байлығымыз. Мемлекет басшысының атынан өткізіліп отырған бұл Жаңа жылдық шырша – әр балаға деген қамқорлықтың, мейірім мен үміттің белгісі. Біз әрбір баланың өзін қоғамның толыққанды мүшесі ретінде сезінуіне, өз арманына сенуіне жағдай жасауымыз керек. Бүгінгі қуаныш – ертеңгі үлкен жетістіктердің бастауы боларына сенемін», – деді облыс әкімі.«Ғажайыпқа толы Жаңа жыл» мерекесі Алматы облысындағы балалар үшін тек жаңа жылдың басталуын ғана емес, жақсылыққа, білімге және жарқын болашаққа бастайтын сенімді қадам болып отыр.Ақпарат көзі : https://www.gov.kz/memleket/entities/almobl/press/news/details/1133302?lang=kk

Алматы облысында ветеринария саласының материалдық-техникалық базасын нығайту бағытындағы жүйелі жұмыс жалғасуда. Облыс әкімі қолдауымен облыстық ветеринария басқармасы арқылы «Өнеркәсіпті дамыту қоры» ұсынған лизингтік бағдарлама аясында ауылдық округтердің ветеринария дәрігерлеріне 71 жаңа қызметтік автокөліктің кілті табысталды.Бұған дейін ағымдағы жылы ветеринария бөлімшелеріне 13 автокөлік берілген болатын. Соңғы жеткізілімдерді қоса есептегенде, өңірдегі ветеринария саласының автопаркі 68 пайызға жаңартылды.Жаңа автокөліктер ветеринария мамандарының жұмыс тиімділігін арттырып, тұрғындардың өтініштеріне жедел әрекет етуге, профилактикалық және эпизоотияға қарсы іс-шараларды уақытылы жүргізуге, сондай-ақ ауылдық елді мекендердегі эпизоотиялық жағдайды бақылауды күшейтуге мүмкіндік береді.2025 жылы Алматы облысында ветеринария саласын дамытуға және оның материалдық-техникалық базасын жаңартуға ерекше көңіл бөлінуде. Бұл шаралар өңірдің биологиялық қауіпсіздігін қамтамасыз етуге және агроөнеркәсіптік кешеннің тұрақты дамуына ықпал етеді.Ақпарат көзі : https://www.gov.kz/memleket/entities/almobl/press/news/details/1132813?lang=kk

Бүгін Шымкент қалалық прокуратурасы жыл қорытындысын қарауға арналған кеңейтілген алқа отырысын өткізуде. Отырыс барысында қадағалау жұмысының нәтижелері қорытындыланып, негізгі көрсеткіштер талданып, 2026 жылға арналған қызметтің басым бағыттары анықталды. Алқа отырысын аша отырып, қала прокуроры прокуратура органдарының жұмысы Қазақстан Республикасы Президентінің тапсырмаларын және Бас прокурор қойған міндеттерді орындауға бағытталғанын атап өтті. Заң үстемдігі мен тәртіпті нығайтуға, азаматтар мен бизнестің құқықтарын қорғауға және жасанды интеллект элементтерін енгізуге ерекше назар аударылды. Прокуратура жүйесі «Құқықтық тәртіп» тұжырымдамасы аясында қылмыстың алдын алудың тиімділігін арттыруға бағытталған цифрлық трансформациядан өтуді жалғастыруда.

24 желтоқсан күні әлемге танымал Coca-Cola компаниясының дәстүрлі жаңажылдық керуені Алматы облысының орталығы – Қонаев қаласына алғаш рет келіп, тұрғындарға мерекелік көңіл-күй сыйлады.Арнайы мерекелік нақышта безендірілген Coca-Cola фурасы қалаға кіргеннен кейін Алматы, Сейфуллин, Жамбыл көшелерімен жүріп өтіп, орталық алаңдағы бас жаңажылдық шыршаның маңына тоқтады. Керуеннің жүріп өтуі қала көшелеріне ерекше сән беріп, тұрғындардың көңілін көтерді.Қонаев қаласы әкімінің баспасөз хатшысы Ақерке Жұмағазықызының айтуынша, бұл – қала үшін айрықша оқиға.«Мұндай Coca-Cola керуені Қонаев қаласына алғаш рет келіп тұр. Қала тұрғындарын осындай қуанышқа, шаттыққа бөлегеніне қуаныштымыз. Керуен Алматы, Сейфуллин, Жамбыл көшелерімен жүріп өтіп, жұртшылыққа әдемі көңіл-күй сыйлады. Осы керуен арқылы жаңа жылдың жақындағанын сезіндік. Барша тұрғынды келе жатқан Жаңа жылмен құттықтаймын. Жаңа жыл жаңа табыс, бақыт, береке, молшылық әкелсін»,-деді ол.Мерекелік шара барысында тұрғындар үшін ойын-сауық бағдарламасы ұйымдастырылып, концерттік қойылымдар мен түрлі қызықты ойындар өтті. Кішкентай көрермендермен қатар, ересектер де ерекше әсер алып, мерекелік атмосфераны бірге сезінгендерін жеткізді.«Керуенді алғаш рет өз қаламызда көру-үлкен қуаныш. Балаларымызбен бірге келіп, нағыз жаңа жылдық көңіл-күйге бөлендік», осындай шаралар қаламызға ерекше сән береді. Жаңа жылдың жақындағанын дәл бүгін анық сезіндік», – дейді қала тұрғыныАйта кетейік, Coca-Cola жаңажылдық керуені-әлемнің көптеген елдерінде жаңа жылдың жақындағанын білдіретін символдық жоба. Биыл бұл ерекше бастама Қонаев қаласының тұрғындарына ұмытылмас әсер сыйлады.Ақпарат көзі : https://www.gov.kz/memleket/entities/almobl/press/news/details/1131837?lang=kk

Бірінші рет шетелден аймаққа әуе көлігі арқылы 956 бас жоғары өнімді «Голштин-Фриз» және «Джерси» ірі қара мал жеткізілді.Буаз сиырлар Алматы халықаралық әуежайы арқылы жеткізіліп, Талғар ауданындағы «Алматинский племенной завод» өндірістік кооперативінің базасына орналастырылды. Бұл шаруашылық бірнеше жыл бойы сүтті мал шаруашылығын дамыту және сүт өндірісін ұлғайту бағытында жүйелі және жоспарлы жұмыс жүргізіп келеді.Қазіргі уақытта кооперативте 2 593 бас асыл тұқымды ірі қара мал бар. 2025 жылдың 11 айының қорытындысы бойынша кәсіпорында 7 420 тонна сүт өндірілді, ал бір сиырға шаққандағы орташа өнімділік 4 230 келі болды, бұл көрсеткіш малдарды ұстау және азықтандыруда қолданылатын технологиялардың тиімділігін дәлелдейді.2025 жылы Солтүстік Қазақстан облысының тәжірибесін тарату бағдарламасы аясында кооператив 3,5 млрд теңге мөлшерінде жеңілдікпен несие алды, бұл саудаға арналған сүт фермерлік шаруашылығын кеңейту бойынша ауқымды инвестициялық жобаны жүзеге асыруға мүмкіндік берді.Ағымдағы жылдың желтоқсанында жоба аясында Ресей Федерациясынан 443 бас ірі қара мал жеткізілді, оның ішінде 152 бас «Голштин-Фриз» асыл тұқымды сиыр және 291 бас «Джерси» сиыры бар. Сонымен қатар, Дания Корольдігінен қосымша 513 бас асыл тұқымды ірі қара жеткізілді, оның ішінде 161 бас «Джерси» және 352 бас «Голштин-Фриз» тұқымдары бар.Жобаны толық жүзеге асыру Талғар ауданында сүт өндірісін екі есе арттыруға, ал Алматы облысы бойынша сүт өнімдерінің өндірісі мен жеткізілімін 20%-ға ұлғайтуға мүмкіндік береді.Болашақта «Алматинский племенной завод» шетелден сатып алынатын асыл тұқымды бұзаулардың жалпы санын 2 000 басқа жеткізуді жоспарлап отыр.Тағы да жоспарланып отырған бірнеше партия асыл тұқымды ірі қара мал өңірде сүтті мал шаруашылығын тұрақты дамытуға мүмкіндік береді.Ақпарат көзі : https://www.gov.kz/memleket/entities/almobl/press/news/details/1131480?lang=kk

Жиынға облыс әкімінің бірінші орынбасары Қанат Есболатов төрағалық етті. Жиынға облыстық басқарма басшылары қатысты, ал аудан әкімдері мен орынбасарлары селекторлық режимде байланысты.Кедесуде үш негізгі мәселе қаралды. Олар: МӘМС жүйесіндегі өзгерістер туралы халықты хабардар ету, жүйеге қатысу динамикасы және әлеуметтік осал санаттағы азаматтардың жарна төлеу тетігі.Шара барысында Қанат Есболатов халықты МӘМС жүйесіндегі жаңалықтар мен өзгерістер туралы уақытылы хабардар ету жоспарлары бекітілгенін жеткізді. Сонымен қатар, Қазақстан Республикасы Премьер-министрінің орынбасары Аида Ғалымқызы Балаеваның 8 желтоқсанда өңірлермен әлеуметтік мәселелер бойынша өткізген кеңесінің хаттамалық тапсырмаларына сәйкес, ақпараттық-түсіндіру жұмыстары сапалы жүргізілуі тиіс екенін ерекше атап өтті.Алматы облысы Денсаулық сақтау басқармасының басшысы Ержан Сүлейменов міндетті әлеуметтік медициналық сақтандыру жүйесі – азаматтардың сапалы әрі қолжетімді медициналық көмек алуына бағытталған маңызды әлеуметтік тетік екеніне баса назар аударды.«Алматы облысында тұрғындарды міндетті әлеуметтік медициналық сақтандыру жүйесіндегі өзгерістер мен медициналық көмектің қолжетімділігін арттыруға бағытталған ақпараттық-түсіндіру жұмыстары жүйелі түрде жүргізілуде. Қазіргі уақытта, негізгі басымдық медициналық ұйымдар арқылы халыққа тікелей және түсінікті ақпарат жеткізуге беріліп отыр. Call-орталықтар, әлеуметтік желілер және медициналық ұйымдардың ресми сайттары арқылы дәрілік қамтамасыз ету, МӘМС шеңберінде қызмет алу, сақтандыру мәртебесін тексеру және қарызды өтеу тәртібі жан-жақты түсіндірілуде. Жүргізілген жұмыстардың нәтижесінде созылмалы аурулары бар сақтандырылмаған азаматтар саны 18,7 пайызға төмендеді. Бұл көрсеткіш қабылданып жатқан шаралардың тиімділігін көрсетеді. Алдағы уақытта да тұрғындарды толық ақпараттандыру және МӘМС жүйесіне тарту бағытындағы жұмыс жалғастырылады»,- деді басқарма басшысы.Сонымен қатар, жиын барысында басқарма басшыларының ұсыныс-пікірлері жан-жақты қаралып, басты назарға алынды. Қатысушылар өз өңірлеріндегі МӘМС жүйесін тиімді жүзеге асыру бойынша негізігі мәселелерді талқылады. Негізгі жұмыс тетіктері бойынша әр тарап өз міндеттерін жалғастыруға және жоспарланған іс-шараларды кезең-кезеңімен орындау үшін жауапты мамандарға нақты тапсырмалар берілді. Ұсынылған шаралар мен шешімдердің сапалы жүзеге асырылуын қамтамасыз ету мақсатында ақпараттық-түсіндіру жұмыстарының маңыздылығы айтылды.Айта кетейік, 2026 жылдың 1 қаңтарынан бастап Қазақстан Республикасында міндетті әлеуметтік медициналық сақтандыру (МӘМС) жүйесіне бірқатар өзгерістер енгізіледі. Бұл өзгерістер халықтың әлеуметтік қорғалуын күшейтуге және қаржылық жауапкершілікті басқарудың әртүрлі деңгейлері арасында қайта бөлуге бағытталған. Алдағы кезеңде ресми түрде тіркелген жұмыссыздардың МӘМС жүйесіне қатысуы сақталады. Алайда 2026 жылдан бастап аталған санат үшін сақтандыру жарналарын төлеу жергілікті атқарушы органдардың қаражаты есебінен жүзеге асырылатын болады. Осыған ұқсас қаржыландыру тетігі табысы төмен, D және E әлеуметтік санаттарына жататын азаматтарға да қолданылады.Сондай-ақ, жұмыс істемейтін D және E санаттарына жататын тұлғалар үшін жарналарды төлеу процесі ай сайын жүзеге асырылады. Айдың бірінші күні Еңбек ресурстарын дамыту орталығы көрсетілген санаттарға жататын жұмыс істемейтін тұлғалардың тізбесін қалыптастырып, Saqtandyrý ақпараттық жүйесіне жолдайды. Алынған деректер негізінде Қор аталған тұлғаларға «сақтандырылған» мәртебесін береді. Одан кейін ақпараттық жүйеде олардың D және E санаттарына тиесілі екенін көрсететін белгі қалыптастырылады.Ақпарат көзі : https://www.gov.kz/memleket/entities/almobl/press/news/details/1131077?lang=kk

Алматы облысында мемлекеттік қолдау шараларын цифрландыру мақсатында әлеуметтік маңызы бар ұйымдарды «ЕЦП» бірыңғай цифрлық платформасына көшіру жұмыстары жүргізіліп жатыр. Осыған орай, жиынға ҚР Еңбек және халықты әлеуметтік қорғау министрінің кеңесшісі Фарида Сағындыққызы арнайы қатысып, өңірдегі басқарма басшыларымен бірге платформаны енгізу мәселесін талқылады.Кездесу барысында облыстық басқармалар басшылары «ЕЦП» платформасына қосылу үдерісіне қатысты ұсыныс-пікірлерін білдіріп, жүйені өңірлік деңгейде тиімді іске асыру жолдарын ортаға салды.Фарида Сағындыққызы өз сөзінде платформаны енгізудің маңыздылығына тоқталып, бұл бастама Мемлекет басшысы мен Премьер-министрдің тікелей тапсырмасымен жүзеге асып жатқанын атап өтті.“ЕЦП” платформасына көшу арқылы білім, денсаулық сақтау, спорт, мәдениет және әлеуметтік саладағы барлық мемлекеттік қолдау шаралары ашық әрі тиімді бақылауға алынады. Платформаға өту үшін ұйымдар өз бизнес-процестерін жүйелеп, штаттық кестелерін бекітіп, қызмет алушылар туралы нақты деректерді енгізуі, сондай-ақ материалдық-техникалық базасын көрсетуі қажет. Осы талаптар толық орындалған жағдайда ашық әрі тиімді басқару жүйесі қалыптасады”, – деді министр кеңесшісі.Қазіргі уақытта Талғар ауданы мен Қаскелең қаласында екі топ ұйымдарды платформаға енгізу бойынша пилоттық режимде өз жұмыстарын бастап кетті.Ресми мәліметке сәйкес, бүгінде Алматы облысы бойынша 596 ұйым платформаға тіркеліп, бес саланы қамтып отыр. Оның басым бөлігі білім беру ұйымдарына тиесілі. Атап айтқанда, мектептер, арнайы білім беру ұйымдары, мектеп-интернаттар мен реабилитациялық орталықтар жүйеге қосылған. Соның ішінде 119 ұйым штаттық кестелерін толық енгізіп, келісімшарттарын тіркеп, кадрлық тағайындау жұмыстарын аяқтаған. Алдағы уақытта аталған ұйымдар толықтай бірыңғай цифрлық платформаға көшірілмек.Ақпарат көзі : https://www.gov.kz/memleket/entities/almobl/press/news/details/1130485?lang=kk

Алматы облысында қоғамның рухани дамуы, отбасы институтын нығайту және ұлттық бірегейлікті сақтау мәселелеріне арналған «Ислам және отбасы құндылықтары» атты республикалық ғылыми-танымдық конференция өтті.Іс-шараға Алматы облысының әкімі Марат Сұлтанғазиев пен Қазақстан мұсылмандары діни басқармасының төрағасы, Бас мүфти Наурызбай қажы Тағанұлы қатысты. Конференция жыл басынан бері еліміздің түрлі аймақтарында дәстүрлі рухани-адамгершілік құндылықтарды ілгерілетуге бағытталған жүйелі жұмыстар аясында өткен мазмұнды шаралардың қорытындысы болды.Жұмыс сапары аясында облыс әкімі мен Бас мүфтидің кездесуі өтті. Өңір басшысы тұрақты діни ахуалды сақтау, қоғамдық келісімді нығайту және дәстүрлі құндылықтарды дәріптеудің маңызын атап өтті. Тараптар діни қызметкерлердің біліктілігін арттыру және жастардың рухани-адамгершілік тәрбиесін күшейтуге бағытталған бірлескен жобаларды іске асыру мәселелерін талқылады.Конференцияның ашылуында сөз сөйлеген Марат Сұлтанғазиев қазіргі сын-қатерлер жағдайында отбасы институтын нығайту тек әлеуметтік міндет қана емес, ұлттық қауіпсіздіктің маңызды құрамдас бөлігі екенін атап өтті. “Мемлекет жағдай жасап, материалдық қолдау көрсете алады, алайда отбасының шынайы әл-ауқаты рухани құндылықтар — құрмет, жауапкершілік, өзара сенім және дәстүр сабақтастығы арқылы қалыптасады”-деді ол.Конференция барысында отбасының адамгершілік бағдарларды қалыптастырудағы, мәдени сабақтастықты сақтаудағы және өскелең ұрпақты тәрбиелеудегі негізгі институт ретіндегі рөліне ерекше назар аударылды. Осы тұрғыда дәстүрлі ислам құндылықтарының маңызы атап өтілді. Онда отбасы адалдыққа, құрметке, жауапкершілікке, сабырлылық пен өзара сыйластыққа негізделген аманат ретінде қарастырылады. Бұл қағидаттар қазақ халқының салт-дәстүрімен тарихи тұрғыда үйлеседі.Айта кетейік, 2025 жылдың басынан бері өңірде 7 302 неке тіркелген. Алғашқы некеге тұру жасының ұлғаю үрдісі байқалады: ерлердің орташа жасы — 27,9, әйелдердікі — 25,2 жас. Алматы облысында 75 678 көпбалалы отбасы тұрады, 11 975 ана «Алтын алқа» және «Күміс алқа» иегері атанған.Сонымен қатар өңірде отбасы институтын және әлеуметтік осал санаттағы азаматтарды қолдауға бағытталған кешенді шаралар жүзеге асырылуда. Жыл басынан бері 3 522 отбасына 2,3 млрд теңгеден астам сомаға атаулы әлеуметтік көмек көрсетілді. Тұрғын үй бағдарламалары аясында әлеуметтік осал санаттағы азаматтарға 427 пәтер берілді.Өңірде 312 мешіт жұмыс істейді, онда 517 діни қызметкер еңбек етеді. 2024–2025 жылдары 200-ден астам имам теологтар, заңгерлер мен психологтардың қатысуымен арнайы курстар мен семинарлардан өтті. Оқыту діни экстремизмнің алдын алуға, отбасылық жанжалдарды шешуге, жастармен жұмыс істеуге және деструктивті идеологияларға қарсы тұруға бағытталған.Қатысушылар 2025 жылды «Ислам және отбасылық құндылықтар» жылы деп жариялау бастамасын уақтылы әрі маңызды шешім ретінде атап өтті. Бұл қадам отбасы институтын қолдауға, жастардың рухани-адамгершілік тәрбиесін нығайтуға және қоғамды топтастыруға бағытталған.Конференция қорытындысы бойынша қатысушылар айтылған ұсыныстар мен бастамалар Алматы облысы мен жалпы ел көлемінде отбасы институтын нығайтуға, рухани құндылықтарды дамытуға және әлеуметтік әл-ауқатты арттыруға өз үлесін қосатынына сенім білдірді.Ақпарат көзі : https://www.gov.kz/memleket/entities/almobl/press/news/details/1129440?lang=kk

Алматы облысының делегациясы Түркия Республикасына жасаған жұмыс сапары аясында Конья қаласында орналасқан Eti Bakır A.Ş. компаниясының мыс өңдеу зауытын аралады. Мақсат – кәсіпорынның өндірістік әлеуетін бағалап, тау-кен металлургиясы саласындағы озық тәжірибемен танысу.Eti Bakır A.Ş. – Cengiz Holding құрамындағы Түркияның жетекші металлургиялық компанияларының бірі. Компания қызметі мыс шикізатын барлау мен өндіруден бастап, оны байытып, металл күйінде шығаруға дейінгі барлық кезеңдерді қамтиды. Өндіріс орындары елдің бірнеше өңірінде орналасқан, өнімдері ішкі нарыққа да, шетелге де жеткізіледі.Зауытты аралау кезінде өндірісті өзара сабақтастыра ұйымдастыру және энергиямен қамтамасыз ету мәселелеріне баса мән берілді. Кәсіпорынның жеке энергетикалық қуаттарға сүйенуі шығынды азайтып, өндіріс қарқыны артқан жағдайда да жұмыс тұрақтылығын сақтауға мүмкіндік береді.Компанияның тәжірибесі Алматы облысының өнеркәсібін дамытуда, заманауи технологияларды енгізу, шикізатты терең өңдеу және экспорттық мүмкіндіктерді кеңейту бағыттарында маңызды бағдар ретінде қарастырылуда. Делегация өкілдерінің айтуынша, мұндай сапарлар іскерлік байланыстарды бекітіп, өңірдің халықаралық әріптестігін нығайтуға жол ашады.Ақпарат көзі : https://www.gov.kz/memleket/entities/almobl/press/news/details/1129441?lang=kk

Алматы әкімі Дархан Сатыбалды Өзбекстан Республикасының Төтенше және Өкілетті Елшісі Бахтиёр Ибрагимовпен кездесті.Кездесу барысында тараптар сауда-экономикалық және мәдени-гуманитарлық байланыстарды нығайту, сондай-ақ туризм саласындағы тәжірибе алмасу мәселелерін талқылады.Мегаполис басшысы Алматы мен Өзбекстан арасындағы тауар айналымының оң динамикасын атады. Биыл 9 айда көрсеткіш 20%-ға артып, 850 млн АҚШ долларына жетті. Алматы қаласы екі ел арасындағы жалпы тауар айналымының бестен бір бөлігін қамтамасыз етіп отыр. Қалада өзбек капиталы бар 4 174 кәсіпорын тіркелген.Өз кезегінде көршілес елдің Елшісі бұл көрсеткіштер екіжақты сенім мен әріптестіктің жоғары деңгейін көрсететінін атап өтті.Ақпарат көзі : https://www.gov.kz/memleket/entities/almaty/press/news/details/1129250?lang=kk

KT&G корпорациясы Алматы облысындағы тұрмыстық зорлық-зомбылық құрбандарына әлеуметтік көмек көрсету орталығына 20 миллион теңге көлемінде қайырымдылық көмек көрсеттіАлматы облысында бизнес пен мемлекеттік орган өкілдері бірнеше жылдан бері әлеуметтік және қоғамдық ұйымдарды қолдауға бағытталған бірлескен жобаларды жүйелі түрде жүзеге асырып келеді. Мұндай серіктестік өңірде әлеуметтік бағдарламаларды дамытуға жаңа мүмкіндіктер ашып, қоғам үшін нақты нәтиже беріп отыр.Алматы облысының әкімі Марат Сұлтанғазиев бастаманың әлеуметтік маңыздылығына тоқталып, компанияға алғыс білдірді.«Отбасындағы зорлық-зомбылық – қоғам үшін ең күрделі әрі сезімтал мәселелердің бірі. Әлеуметтік осал топтарды қолдау, әсіресе зорлық-зомбылыққа ұшыраған азаматтарға жан-жақты көмек көрсету және үміт сыйлау – мемлекет пен қоғамның ортақ міндеті. KT&G корпорациясының бұл қолдауы орталық жұмысының тиімділігін арттырып, көмек алушылардың өмір сапасын жақсартуға мүмкіндік береді. Біз жергілікті атқарушы орган ретінде әлеуметтік серіктестікке әрдайым ашықпыз және осындай игі бастамалар алдағы уақытта да жалғасын табады деп сенеміз», – деді өңір басшысы.Сонымен қатар, KT&G компаниясының Қазақстандағы қызметі 2023 жылы сату компаниясы ретінде басталып, 2025 жылы өндірістік зауыттың іске қосылуымен жаңа кезеңге өтті. Аталған жоба нәтижесінде ел экономикасына оң әсер етіліп, шамамен 300 жаңа жұмыс орны құрылды. Сонымен қатар, компания Қазақстандағы әлеуметтік мәселелерді шешуге өз үлесін қосып келеді. Атап айтқанда, білім беру мен шәкіртақы бағдарламаларын қолдау, ағаш егу бастамалары, сондай-ақ қызметкерлердің еріктілік қызметі арқылы қоғам алдындағы корпоративтік азаматтық жауапкершілікті жүйелі түрде жүзеге асырып келеді.Іс-шара соңында «KT&G Global Kazakhstan» ЖШС Бас директоры – Сеу Джи Чуль Алматы облысының жергілікті атқарушы органдарына алғысын білдіріп, компания өңірлік билік жүзеге асырып жатқан әлеуметтік жобаларды алдағы уақытта да қолдай беретінін атап өтті.«Бүгінгі шара бұл жай ғана қайырымдылық көмегін табыстау рәсімі емес, қоғамның бірлігі мен жауапкершілігін көрсететін маңызды қадам. KT&G үшін жергілікті қауымдастықтармен бірге дамып, бірге өсу – басты құндылықтардың бірі. Қазақстан біз үшін тек бизнес жүргізу алаңы ғана емес, сенімді әрі стратегиялық серіктес», – деді ол.Ақпарат көзі : https://www.gov.kz/memleket/entities/almobl/press/news/details/1128607?lang=kk

Кеген ауданына қарасты Жылысай ауылында ауыл тұрғындарының рухани өмірін дамытуға және шығармашылық әлеуетін арттыруға бағытталған жаңа Мәдениет үйінің салтанатты ашылу рәсімі өтті.Іс-шараға Алматы облыстық мәслихатының төрағасы Қуат Байғожаев, Кеген ауданының әкімі Нұрбақыт Теңізбаев, Кеген аудандық мәслихатының төрағасы Алмасбек Нұғман, қоғам қайраткері, Алматы облысының Құрметті азаматы, Қазақстан Республикасының Құрметті құрылысшысы Бексырға Данышпанов, сондай-ақ ауылдық округ әкімдері, қоғам және мемлекет қайраткерлері қатысты.Салтанатты жиынға қоғамдық ұйымдардың төрағалары, бұқаралық ақпарат құралдарының өкілдері, еңбек ардагерлері мен мәдениет саласының майталмандары да арнайы шақырылды.Жаңа Мәдениет үйі ауылдың рухани-мәдени өмірінің заманауи орталығына айналып, мәдени іс-шараларды өткізуге, өнер мен шығармашылықты дамытуға, мәдениет саласындағы бастамаларды қолдауға және жас ұрпақтың талантын ашуға кең мүмкіндік береді. Бұл жобаның жүзеге асырылуы әлеуметтік инфрақұрылымды нығайтуға, ауыл тұрғындарының өмір сапасын арттыруға және ұлттық мәдени құндылықтарды сақтауға бағытталған.Ашылу салтанаты тұрғындардың бірлігі мен ынтымағын, ортақ мақсаттарға ұмтылысын және аумақтың орнықты дамуына деген сенімін айқын көрсетті. Жылысай ауылы үшін бұл күн елді мекен тарихында маңызды белес болып, мәдени дамудың жаңа кезеңін бастады.Ақпарат көзі : https://www.gov.kz/memleket/entities/almobl/press/news/details/1128454?lang=kk

В Алматинской области планомерно и системно продолжается работа по развитию дорожно-транспортной инфраструктуры. По итогам девяти месяцев 2025 года в регионе реализован ряд масштабных проектов, направленных на ремонт автомобильных дорог областного значения, повышение безопасности дорожного движения и улучшение транспортной доступности для населения.В текущем году было запланировано проведение дорожных работ общей протяжённостью 185,3 километра, из которых на сегодняшний день завершено 154 километра, что составляет 83 процента от запланированного объёма. В частности, в рамках 9 проектов на 154 километрах дорог выполнен средний ремонт, из них 130,4 километра, или 85 процентов, уже завершены. Кроме того, в рамках 3 проектов был предусмотрен капитальный ремонт 31,3 километра дорог, из которых полностью завершены работы на 23,6 километра.В целях комплексного развития инфраструктуры в области запланировано проведение капитального ремонта двух мостов, а также установка трёх автоматизированных станций весового контроля для мониторинга движения тяжёлых грузовых автомобилей. В Уйгурском районе на автомобильной дороге «Кокпек–Калжат–Кіші Дехан» завершены работы по капитальному ремонту водопропускных труб, объект введён в эксплуатацию. В Карасайском районе продолжается капитальный ремонт моста через реку Каскелен, завершение проекта запланировано на июль 2026 года.Для предотвращения преждевременного износа дорожного покрытия особое внимание уделяется усилению системы весового контроля. В 2025 году в Талгарском районе предусмотрена установка трёх автоматизированных станций, завершение работ планируется до конца ноября. Следует отметить, что в 2024 году на территории области уже были введены в эксплуатацию две аналогичные станции.В целях обеспечения безопасности дорожного движения на автомобильных дорогах областного значения установлено 980 дорожных знаков, размещено 20 информационных панно и 15 различных макетов. Кроме того, выполнен ямочный ремонт на площади 54 тысячи квадратных метров, нанесена дорожная разметка на 800 километрах дорог. Обновлены пешеходные переходы, установлены барьерные ограждения и искусственные неровности. Для обеспечения бесперебойной работы водоотводных систем очищено 720 водопропускных труб и 56 мостовых переходов.В настоящее время работы по ремонту улично-дорожной сети ведутся в 9 районах и 2 городах области. Всего запланировано 163 объекта общей протяжённостью 638,7 километра, из которых 377,4 километра, или 84 процента, выполнены в текущем году.Положительные изменения наблюдаются и в сфере пассажирских перевозок. На территории области функционируют 7 автостанций, а перевозку пассажиров и багажа осуществляют 24 автотранспортных предприятия. В настоящее время 526 автобусов обслуживают 141 маршрут. В результате общественным транспортом охвачены 223 из 266 населённых пунктов области, что составляет 83,8 процента.Обновление автобусного парка осуществляется поэтапно. В 2025 году в эксплуатацию введены 33 новых автобуса, большинство из которых произведены отечественными предприятиями. В целях поддержки 49 социально значимых маршрутов из государственного бюджета выделены соответствующие средства, что позволяет обеспечить населению доступное и стабильное транспортное сообщение.Кроме того, в целях контроля за соблюдением законодательства в сфере пассажирских и грузовых перевозок на постоянной основе проводятся рейдовые мероприятия. По итогам совместных проверок, проведённых в 2025 году, были выявлены ряд правонарушений, по которым приняты соответствующие административные меры.В целом реализуемые мероприятия направлены не только на модернизацию транспортной инфраструктуры Алматинской области, но и на стимулирование социально-экономического развития региона, а также на повышение качества жизни населения.Ақпарат көзі : https://www.gov.kz/memleket/entities/almobl/press/news/details/1126627?lang=kk