«Мұрагер» МЛИ-ның екі командасы бірден Гран-при мен робототехника бойынша беделді әлемдік турнирге жолдамаға ие болып, 1–11 (12) сынып оқушылары арасында First Robotics Almaty Tech Cup 2025 – Central Asia FIRST Championship халықаралық жарыстарында жеңіске жетті.Чемпионат 2014 жылдан бері өткізіліп келеді, осы уақыт ішінде командалар саны 20-дан 400-ге дейін өсті. Жарысқа Әзірбайжан, Моңғолия, Қырғызстан, Тәжікстан, Үндістан, Түрікменстан, Өзбекстан, БАӘ, Сауд Арабиясы және Қазақстанның барлық өңірлерінен мықты командалар қатысты.Биыл чемпионат робототехника, инженерия және дрондар жарысы бойынша жарыстарды біріктірді, олардың арасында Aspan Cyber Race, Aspan Drone Competition, Aspan Whoop Race және Aspan Drone Race бар. Қатысушылар First Lego League (4–16 жас) және First Tech Challenge (16–18 жас) сияқты бағыттарда машықтарын көрсетті.Су ресурстары мен су асты әлемін зерттеудің жаһандық проблемаларына арналған жарыстарға Қарағанды облысының «Мұрагер» мамандандырылған мектеп-лицей-интернатының төрт командасы қатысты. FIRST LEGO League Challenge санатында «M2T» командасы Autonomous genius award номинациясын алды, ал Rasslexx командасы Гран-при мен Хьюстондағы (АҚШ) әлемдік кезеңге жолдаманы жеңіп алды.– Біз Rasslexx командасымен бірге инновациялық жобаны - адамның кеме бортынан құлауын қадағалайтын GPS-трекерді ұсындық. Егер ол орын алса, трекер капитанға белгі беріп, дәл координаттарын береді, ал детектор-камера арқылы суға құлаудың қайдан және қалай болғаны көрінеді, – деді оқушыларды чемпионатқа алып барған мектеп менторы Жанәділ Шәкәрім.FIRST Tech Challenge категориясында FTC роботтарының сайысы қызу өтті. Бірақ мектептің Jeltoqsun командасы Inspire award және Winning alliance partner award номинацияларынан басқа, Хьюстонда өтетін әлемдік кезеңге жолдама алды.– Біздің командада қазылар алқасын бағалаудың барлық критерийлері бойынша үздік болып шыққан инновациялық жоба болды, – дейді Жанәділ Шәкәрім. – Біздің жобаның ерекшелігі роботтың өзінде ғана емес, сауатты жазылған кодтарда, соның арқасында ол өз миссияларын тұрақты орындады. Бір тапсырмаға сәйкес, біздің роботтарымыз картадан өтіп, екі жарым минут ішінде 15 миссияны орындауға тиіс болатын. Бұл жерде біздің команданың нәтижесі үздік үштікке енді.Сонымен қатар, мектеп жоғары жетістіктері үшін Recognition award номинациясы бойынша марапатталды, ал 11-сынып оқушылары Руслан Огай мен Алина Әнірова Қазақстан-Британ техникалық университетінде оқуға төрт жылдық грант алды. Қазір оқушылар қандай факультетке оқуға баруды таңдау алдында тұр.Ал Jeltoqsun командасының капитаны Ақбар Ермеков АҚШ-тың жоғары оқу орындарының бірінде оқу грантына бүкіл әлем бойынша іріктелген жиырма үміткерлердің қатарына енді.– Мен робототехникалық жарыстарға 8-сыныптан бастап қатысамын және қазірдің өзінде үлкен табыстарға қол жеткіздім. Қарағандыдағы Roboland байқауына қатысып, Алматыға, Астанаға, американдық Вустер қаласына бардым. Біз барлық жерде сәтті өнер көрсетіп, марапаттарға ие болдық. Осының бәрі болашақтағы өмірлік жолдарды да анықтауға көмектесті: ІТ саласында жұмыс істегім келеді, – деп бөлісті Ақбар Ермеков.– Біздің оқушылар тек мектепті ғана емес, біздің облысты да 3 мыңнан астам оқушы қатысқан халықаралық жарыстардағы жетістіктерімен танымал етті, – деп атап өтті «Мұрагер» МЛИ директоры Нұрғазы Өтебаев.Қазақстандық оқушылар халықаралық аренада бірнеше рет әлем алтынын жеңіп алды: жас инженерлер Женевада (2022), Сингапурда (2023) және Афинада (2024) үздік деп танылды.Ақпарат көзі : https://www.gov.kz/memleket/entities/karaganda/press/news/details/946984

Қарағанды облыстық мәслихатының депутаттары кезектен тыс ХХІІІ сессиясында өңірді басқарудың жаңа схемасын бекітті. Қайта ұйымдастыру жергілікті мемлекеттік басқарудың тиімділігін арттыру және шығыстарды оңтайландыру үшін жүргізіледі.— Өңірді басқарудың қолданыстағы схемасына өзгерістер енгізу шығыстарды оңтайландыруды, бейінді емес функцияларды қысқартуды және бюджет қаражатын үнемдеуді көздейді, — деп атап өтті Қарағанды облысы әкімі аппаратының басшысы Ерлан Ғалиев.Бiрнеше басқарма бiрiктiрiледi: ауыл шаруашылығы және жер қатынастары; кәсіпкерлік және өнеркәсіп; қаржы және мемлекеттік активтер. Сондай-ақ сыртқы байланыстар функциясы бар туризмді басқару құрылады.Ақпарат көзі : https://www.gov.kz/memleket/entities/karaganda/press/news/details/947093

Қарағанды облысының Балқаш қаласында жергілікті билік туристер ағынын арттыру үшін жағдай жасауға тырысып жатыр. Өткен жылы үш жаңа демалыс аймағы пайда болды, биыл тағы алтауы қосылуы мүмкін.Бұл туралы Балқаш әкімі Сапар Сатаев Өңірлік коммуникациялар қызметінде өткен брифингте хабарлады.Оның айтуынша, өткен жылы Балқаш курорттық аймағында демалушылар саны 30%-ға жуық өсіп, 121 мың адамды құраған. Туристерді 99 нысан қабылдады.— Өткен жылы үш демалыс аймағы пайдалануға берілді. Биыл жалпы инвестиция сомасы 2,4 млрд теңгені құрайтын алты туризм нысанын іске қосу жоспарланған, — деді Сапар Сатаев.Тораңғалық және Шұбартүбек курорттық ауылдарында су құбыры желілерінің құрылысы басталады. Демалыс аймақтары орталық сумен жабдықталады.Сонымен қатар, биыл жағажай мен қала жағалауын қайта жөндеу жұмыстары аяқталуы тиіс.Балқаш әуежайын қайта жаңарту жалғасуда. Қазір арнайы көлік қызметі ғимаратының құрылысы және аэровокзалды қайта жаңарту жүріп жатыр. Жөндеу жұмыстары биыл аяқталады деп жоспарланған.«БалқашTourfest» фестивалі дәстүрге айналды. Өткен жылы оған 30 мыңнан астам адам жиналды. Биыл одан да көп болады деп күтілуде.— Фестивальдің басты мақсаты — Балқаш қаласының брендін туристік орталық ретінде қалыптастыру және ілгерілету, — деп атап өтті қала әкімі.Ақпарат көзі : https://www.gov.kz/memleket/entities/karaganda/press/news/details/947219

Қазақстанда 1 наурыз – Алғыс айту күні. Ол 2016 жылы қазақ халқына өткен ғасырдың 30–40-шы жылдары қоныс аударушыларға көрсеткен қонақжайлылығына алғыс білдіру үшін құрылған болатын. Қарағанды облысында бұл күні концерттер, қайырымдылық акциялар, фестивальдар, көрмелер, дөңгелек үстелдер және т. б. шаралар өтеді. Қарағанды28 ақпанда сағат 12:00 Қарағанды облыстық бейнелеу өнері мұражайында «Қолөнер – рухани жан серігің» көрме-жәрмеңкесі ашылады. Ол 28 ақпанда сағат 18:00-ге дейін, сондай-ақ 1 және 2 наурызда сағат 10:00-ден 18:00-ге дейін жұмыс істейді.1 наурызда сағат 10:00 Қазақстан халқы Ассамблеясының 30 жылдығына және Алғыс айту күніне арналған «Адамгершілік – асыл қасиет» өңірлік форумы басталады. Форумда «Мейірімділік керуені» республикалық байқауының басталуы ресми түрде жарияланады.Осы күні сағат 12:00-де қаланың орталық алаңында Тәуелсіздік стеласына гүл қою рәсімі өтеді.Сағат 14:00 Достық үйінде «Мэрцишор-2025» XI румын фольклорының фестивалі басталады. Фестивальдің хедлайнері Молдованың еңбек сіңірген әртісі Ленуца Георгицэ болады. Сонымен қатар, гала-концерт, румындардың ұлттық киімдері мен дәстүрлі тұрмыс заттарының көрсетілімі, кітаптар мен фотосуреттер көрмесі ұйымдастырылады. Кіру тегін.1 наурызда сағат 12:00 теміржолшылар мәдениет сарайында Қазақстан халқы Ассамблеясының құрылғанына 30 жыл толуына арналған «Бір ел – бір халық» халық тұрмысы фестивалі өтеді.Жаңа Майқұдық мәдениет сарайында «Рахмет саған – туған ел» концерттік бағдарламасы ұсынылады. Теміртау28 ақпанда сағат 15:00 Теміртау тарихи-өлкетану мұражайында Қазақстан халқы Ассамблеясының 30 жылдығына және Алғыс айту күніне орайластырылған фестиваль ашылады. Іс-шара қонақтары заманауи Қазақстан аумағында тұратын түрлі этностардың тағамдарымен, киімімен, тұрмысымен және дәстүрлерімен интерактивті түрде таныстырылады.1 наурызда сағат 11:00 Металлургтер мәдениет сарайында FOLK SYMPHONY этнофолькоркестрінің қатысуымен «Алғысым шексіз еліме» атты мерекелік концерт өтеді. Сарань1 наурыз күні сағат 11:00 Мәдениет үйінде «Жақсылық жаса» атты салтанатты концерт өтеді.1 наурызда Орталықтандырылған кітапхана жүйесінде Алғыс айту күніне арналған «Біз Қазақстанның біртұтас халқымыз» атты іскерлік конференция өтеді. Шара барысында Қазақстан халқы Ассамблеясы мен этномәдени бірлестіктер жұмысының қорытындылары талқыланады.Осы күні қалада «Мың алғыс!» акциясы өтеді. Шахтинск1 наурызда «Жүректен жүрекке» меценаттарға құрмет көрсету рәсімі өтеді.Осы күні «Ақсүйек» спорт клубында ұлттық және үстел ойындарынан жарыстар өтеді.Сондай-ақ, Алғыс айту күні қалада мұқтаж жандарға қажетті заттар мен азық-түлік жиынтықтарын тарату және жалғыз басты зейнеткерлердің ауласын қардан тазарту бойынша қайырымдылық акциялары өтеді. Қарқаралы28 ақпанда Жандарбекова атындағы мәдени-ойын-сауық орталығының сахнасында «Мың алғыс саған, Қазақ елі» атты концерт өтеді.Сонымен қатар, 1–3 наурыз аралығында Алғыс айту күніне орайластырылған бес асық ойыны, шаңғымен жүгіру және волейбол жарыстары өтеді.Аудан ауылдарында дөңгелек үстелдер, мерекелік концерттер, жарыстар ұйымдастырылады. Абай ауданы28 ақпанда «Достық, бірлік және келісім ою-өрнегі» фестиваль-байқауының жеңімпаздары марапатталады.Сондай-ақ, 1 наурызға қарай ауданда көрмелер, қайырымдылық акциялары мен челлендждер өтеді. Ақтоғай ауданы28 ақпанда аудандық мәдени-демалыс орталығында Алғыс айту күніне орайластырылған мерекелік концерт өтеді.Сондай-ақ, аудан ауылдарында дөңгелек үстелдер, кездесулер, концерттер мен қайырымдылық акциялары өтеді. Нұра ауданы28 ақпан күні сағат 11:00-де «Қазақстан халқы Ассамблеясы – мәдени диалогтың бірегей үлгісі» тақырыбында дөңгелек үстел өтеді. Бұқар жырау ауданы28 ақпанда «Әртүрліліктегі бірлік» атты дөңгелек үстел өтеді. Сондай-ақ, мерекеге орай қайырымдылық акциялары мен челлендждер ұйымдастырылады. Приозерск1 наурызда қала көшелерінде тұрғындарға ыстық шай таратылады. Сондай-ақ, Алғыс айту күніне орай сурет байқауы өткізіледі.Ақпарат көзі : https://www.gov.kz/memleket/entities/karaganda/press/news/details/947269

Дүниежүзілік азаматтық қорғаныс күні қарсаңында Қарағандыдағы Мартбек Мамыраев атындағы 52859 әскери бөлімінде ТЖ министрі Шыңғыс Арынов пен облыс әкімі Ермағанбет Бөлекпаев болып қайтты. Әскери қызметшілерге жауынгерлік әзірлік пен жеделдікті арттыратын жаңа арнайы техниканың кілті табыс етілді.Бөлімге КамАЗ және Toyota Hilux базасындағы әскери-құтқару автомобильдері берілді. Бұл отандық өндіріс техникасы. Өтімділігі жоғары машиналар заманауи талаптарға сай жабдықталған.– Ведомствоның құтқару әскери құралымдарын заманауи техникамен және жабдықпен қамтамасыз ету – бұл төтенше жағдайлармен күрестегі жеделдіктің және тиімділіктің кепілі. Біз кез келген сын-қатерлерге, соның ішінде алдағы су тасқыны кезеңіне дайын болу үшін материалдық-техникалық базаны нығайту бойынша жүйелі жұмысты жалғастырудамыз, –деп атап өтті Шыңғыс Арынов.Министр азаматтық қорғанысты жаңғырту және техникалық жарақтандыру басымдыққа ие болып қалатынын атап өтті. Биыл 72 бірлік техника, соның ішінде ұшқышсыз ұшу аппараттары, сондай-ақ жеке құрамға арналған заманауи киім-кешек, керек-жарақ сатып алынды.– Бүгінгі таңда біздің әскери бөлімге 22 заманауи техника берілді. Бұған дейін парк 2015 жылы жаңартылған болатын. Қазір бізде даму бойынша жұмыстар жүріп жатыр, келесі жылы тағы да жаңа техниканың легі күтілуде, – деді М. Мамраев атындағы 52859 әскери бөлімінің командирі Бағлан Кенбейлов.Шыңғыс Арынов пен Ермағанбет Бөлекпаев офицерлер мен сарбаздардың қызмет жағдайымен танысты.ТЖМ азаматтық қорғанысының әскери бөлімдері халықты, объектілер мен аумақтарды табиғи және техногендік ТЖ-дан қорғау, сондай-ақ авариялық-құтқару және кезек күттірмейтін жұмыстарды жүргізу жөніндегі міндеттерді орындайды.Дүниежүзілік азаматтық қорғаныс күні жыл сайын 1 наурызда атап өтіледі. Мереке Халықаралық азаматтық қорғаныс ұйымы Бас ассамблеясының қарарымен бекітілді. Оның мақсаты – азаматтық қорғаныс туралы білімді насихаттау және ұлттық құтқару қызметінің беделін көтеру.    Ақпарат көзі : https://www.gov.kz/memleket/entities/karaganda/press/news/details/947684

Қарағандыда ҰОС Жеңісінің 80 жылдығына арналған «Ұлы Жеңіске дейін 100 күн» атты музыкалық челлендж қарқын алуда. Жобаның бастамашысы – Қали Байжанов атындағы концерт бірлестігі.Челлендж аясында бірінші болып Қарағанды джаз оркестрі өнер көрсетті, ол қаланың сауда орталықтарының бірінде соғыс жылдарындағы композицияларды орындады. Олардың музыкасы тыңдаушыларға өткенді еске алып, атмосфераны жылумен және батырлардың ерлігіне деген құрметпен толтырды. Эстафетаны Тәттімбет атындағы қазақ халық аспаптар академиялық оркестрі қабылдады. Акцияның келесі қатысушысы «Арқа сазы» фольклорлық ансамблі.Қарағанды облысының Мемлекеттік және сервистік қызметтер орталығының ғимаратында ұжым қазақтың дәстүрлі күйлері мен әндерін ұсынды. Еңбек сіңірген мәдениет қайраткері Ержан Базарбеков өзінің ерекше орындауымен көрермендерді тәнті етті, ал халықаралық конкурстардың лауреаттары Дулат Аханов пен Нұрлытаң Саятқызы орындаушылық шеберлігімен көрермендердің көңілінен шықты.Концерттен кейін ансамбль эстафетаны Еркеғали Рахмадиев атындағы академиялық симфониялық оркестрге табыстады.Ұйымдастырушылар жобаға қатысқысы келетіндерді ардагерлерге музыка арқылы алғыс білдіріп, өткеннің ерлік оқиғаларын еске түсіруге шақырады.Ақпарат көзі : https://www.gov.kz/memleket/entities/karaganda/press/news/details/947691

Қарағандыдағы Әлихан Бөкейхан ауданын биыл кезекті өзгерістер күтуде. «Елді мекендерді абаттандыру және көгалдандыру» бағдарламасы бойынша 20 аула аумағы жаңартылады, кіреберіс жолдар асфальтталады, екі спорттық және үш балалар ойын алаңы орнатылады.Сондай-ақ, Костенко шахтасы маңындағы зираттың қоршауы жасалып, рұқсат етілмеген қоқыс үйінділері жиналады. Шалғайдағы шағын аудандарға ерекше назар аударылады.Майқұдықта 10 аула жөнделіп, екі спорт алаңы пайда болады (13-ші шағын ауданда – 10, 11, 12 үйлер жанында және 17-ші шағын ауданда – 40 үйлер жанында), сондай-ақ 14-ші шағын ауданда гүлзар жаңартылады. Әлихан Бөкейхан ауданындағы Сталелитейная көшесіндегі және Т. Күзембаев көшесіндегі гүлзарлардың кіреберістері ретке келтіріледі. Қосымша 10 мың шаршы метр тротуар салынады, оның 6 мыңы Майқұдықта.Орта жөндеу жұмыстары Бирюзов көшесін (Майлин көшесінен Магнитогорскаяға дейін, 16-шы шағын аудандағы орамішілік жолды қоса алғанда), «ҚазМетиз» өнеркәсіптік аймағына баратын жолды, сондай-ақ Карл Маркс көшесінен № 77 мектепке дейінгі учаскені қамтиды. Тұрғындардың өтініші бойынша Шахтер шағын ауданындағы, Сахалин және Курьяновка ауылдарындағы жеке сектор көшелеріне асфальт төселеді.Өткен жылы «Халық қатысатын бюджет» бойынша 24 жоба іске асырылды, биыл олардың саны екі есе көп болады – 43.– Ойын элементтері мен қолданылатын материалдардың сапасына ерекше назар аударылады: егер бұрын олар пластикалық болса, енді балалар алаңдары мен тренажерлар ағаш пен металдан жасалған. Сонымен қатар, жасанды шөптің орнына тартан жабыны пайдаланылады, – деді аудан әкімі Досбол Күлекеев.Тұрғындар сондай-ақ ауданда футбол және әмбебап шағын алаңдар, воркаут алаңдары мен баскетбол ойындары пайда болуын қалайды.Досбол Күлекеев атап өткендей, биыл қоғамдық орындарды абаттандыру бойынша көптеген жобалар бар, олардың қатарында - тоғыз гүлбақты абаттандыру, үш көшеде жаяу жүргіншілер жолын салу және көше жарығын монтаждау жұмыстары бар. Мысалы, Зелинский көшесінің тұрғындары рұқсат етілмеген қоқыс үйінділерін жоюды және Тихонов зиратына қоқыс контейнерлерін орнатуды ұсынды. Жалпы, әкімнің айтуынша, Пришахтинск «Халық қатысатын бюджет» жобасын іске асыруға белсенді қатыса бастады. Биыл онда 28 жаңа нысан ашу жоспарланған. Бұдан басқа, келесі жылы бағдарламаға қатысуға 170 өтінім берілді.Қоғамдық кеңістікке келетін болсақ, Майқұдықтың көптеген тұрғындары 14-ші шағын аудандағы саябақта жарық сақиналарының алынып тасталғанын байқады. Олар ізсіз жоғалып кеткен жоқ. Ол жерде ауқымды қайта құру жоспарланған.– 2,4 мың шаршы метр қырлы тас төселіп, жаңа орындықтар, қоқыс жәшіктері орнатылып, жарықтандырылады. Сақиналар басқа жерге ауыстырылады. Бірнеше жылдан кейін көлеңкелі аймақ құрылуы үшін ол жерге ағаш отырғызамыз, – деді аудан әкімі.Сондай-ақ, биыл осы 14-ші шағын ауданда скейт-алаң құрылысына келісім қайта жасалады. Бұрынғы мердігер жұмысты атқара алмады, енді жаңа конкурс өткізіледі. Аудан әкімінің айтуынша, жоба соңына дейін жеткізіледі.Биыл балалар мен спорт алаңдарын салу, жарықтандыру, аялдама павильондарын, орындықтарды және т.б. жөндеу жалғасады.Ақпарат көзі : https://www.gov.kz/memleket/entities/karaganda/press/news/details/947839

Қала әкімінің тапсырмасына сәйкес, 2025 жылдың 28 ақпанда Шымкент қаласында «Халық заңгері» акциясы өтеді.Акция сағат 15.00-де «Азаматтарға арналған үкімет» мемлекеттік корпорациясының» Шымкент қаласы филиалының Абай ауданы бойынша бөлімінің ғимаратында (Мәделі Қожа 1Г) басталады.Акцияның мақсаты – халықтың құқықтық сауаттылығын арттыру және заң көмегін көрсету. Кез-келген азамат еліміздің заң қоғамдастығындағы ең үздік өкілдерінен тегін қажетті консультация ала алады. Жергілікті атқарушы органның, аумақтық және құқық қорғау органдарының басшылары, прокурорлар, тергеушілер, сот орындаушылар, адвокаттар, нотариустар қызмет көрсетеді.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/947582

Денсаулық сақтау министрлігі онкологиялық көмектің қолжетімділігін жақсарту үшін 2024 жылы еліміздің 5 өңірінде 6 жаңа желілік үдеткішті іске қосты, бұл сәулелік терапиямен қамтуды 3,2%-ға өсумен 41%-ға дейін ұлғайтуға мүмкіндік берді, деп атап өтті бүгін ведомство басшысы Ақмарал Әлназарова кеңейтілген алқа отырысында сөйлеген сөзінде.Ауруларды дәл диагностикалау және обырды емдеудің тиімді әдістерін әзірлеу үшін Алматыда 2 жаңа ПЭТ/КТ орталығын және бір циклотрондық-өндірістік кешенді ашу маңызды қадам болды.Таяу жылдары Қазақстанда Астана, Ақтау, Қызылорда, Қарағанды және Ақтөбеде жаңа ядролық медицина орталықтары, сондай-ақ Алматы, Қарағанды және Ақтөбеде тераностика орталықтары іске қосылады.Сондай-ақ, биылғы жылы Алматыдағы Энергетика министрлігінің Ядролық физика институтының ғимаратын салу және циклотрондық-өндірістік кешенмен жарақтандыру көзделген.Бұл шаралар онкологиялық көмекке мұқтаж пациенттерді ПЭТ-диагностикамен, инновациялық емдеу әдістерімен 100% қамтуды қамтамасыз етуге және радионуклидтік терапияның қолжетімділігін арттыруға мүмкіндік береді.Ауыр диагнозы бар пациенттер шетелге, басқа қалаларға бармай және өз кезегін күтпестен тұрғылықты жерінде емделе алады.Ақпарат көзі : https://www.gov.kz/memleket/entities/dsm/press/news/details/947350

 «Әрбір әйел-әрбір бала» ана мен бала денсаулығын сақтау қызметін дамыту жөніндегі іс-қимыл жоспарын іске асыру нәтижелері бойынша 2024 жылы ана өлімінің көрсеткішін 12%-ға төмендетуге қол жеткізілді, деп хабарлады бүгін ведомствоның кеңейтілген алқа отырысында Денсаулық сақтау министрі Ақмарал Әлназарова.Ол анадан айырылуға әсер ететін негізгі фактор әйелдердің экстрагениталдық аурулары және прегравидалдық дайындықтың төмен болуы екенін атап өтті.Министрлік әйелдердің денсаулығын нығайту, перинаталдық нәтижелерді жақсарту, жүктілікті жоспарлауға өркениетті және ақылға қонымды тәсіл үшін «Аналар саулығы»арнайы бағдарламасын бекітті.Бағдарламаның шеңберінде елде алғаш рет жүктілікті жоспарлайтын фертилдік жастағы әйелдер МӘМС шеңберінде 12 базалық зерттеп-қараудан өтеді, патология анықталған кезде оларға сауықтыру бағдарламалары ұсынылады.«Маңызды бағдарламаның іске асырылуын тиісті бақылауға алуды және ағымдағы жылдың соңына дейін 50%-ға дейін прегравидарлық дайындықпен қамтуды қамтамасыз етуді сұраймын. Атап айтқанда, әйелдердің арасында сырқаттанушылықтың жоғары деңгейі байқалатын өңірлердегі жұмысты күшейту қажет», - деді ведомство басшысы өңірлік денсаулық сақтау басқармаларының басшыларына сөйлеген сөзінде.Ақпарат көзі : https://www.gov.kz/memleket/entities/dsm/press/news/details/947369

 Қазақстандағы балаларға медициналық көмектің сапасын жақсарту жөніндегі кешенді шаралар 2024 жылы нәресте өлімінің көрсеткішін 8,3%-ға төмендетуге мүмкіндік берді, ал неонаталдық өлімнің деңгейі 19%-ға төмендеді, деп атап өтті Денсаулық сақтау министрі Ақмарал Әлназарова ведомство алқасының кеңейтілген отырысында.«Қазақстан орталық Азиядағы реанимация бөлімшесіндегі бір нәрестеге бір мейіргер күтім жасау керек деген маңызды қағиданы неонаталдық көмек стандартына енгізген бірінші және жалғыз ел.», - деді А.Әлназарова.Бала өлімі құрылымында бірінші орын алатын туа біткен даму кемістіктерін азайту мақсатында еліміздің 13 өңірінде 15 «Бір күндік клиника» құрылды, онда 50 мың жүкті әйел зерттеп-қараудан өтті.Нәтижесінде туа біткен ақаулардың ерте анықталуы 10%-ға өсті. Алғаш рет ұрықтың патологиясын аз инвазивті әдістерді қолдана отырып, жатырішілік емдеу үшін «Феталдық медицина» енгізілді.«Жоғарыда аталған іс-шаралардың барлығы 2024 жылдың қорытындысы бойынша сәбилердің өмір сүру деңгейін 88%-дан 93%-ға дейін арттыруға және ТДК-ден сәбилер өлімін 15%-ға төмендетуге мүмкіндік берді. Жыл соңына дейін барлық өңірлерде бір күндік емханалар құруды аяқтау қажет», - деп атап өтті ведомство басшысы өңірлік алқа қатысушыларына арнаған сөзінде.Ақпарат көзі : https://www.gov.kz/memleket/entities/dsm/press/news/details/947372

Мемлекет басшысы агроөнеркәсіп кешенін, инфрақұрылымды және бұқаралық спортты дамытуға ерекше назар аударып келеді. Осы бағытта Костанай облысында жүйелі жұмыстар атқарылуда. Бүгін Мендіқара ауданында бірден бірнеше маңызды нысан іске қосылып, құрылыс алаңдары тексерілді.«Шығыс-1» сүт-тауарлы фермасының ашылуыАуданда агроөнеркәсіп кешенін дамыту аясында «Шығыс-1» сүт-тауарлы фермасы іске қосылды. Бұл – 1 200 бас сиырға арналған заманауи кешен. Жыл сайын фермада 9,7 мың тонна сүт өндірілетін болады. Қазіргі уақытта мұнда 50 жаңа жұмыс орны құрылды.Жобаның жалпы құны – 6,2 млрд теңге. Өндірілген сүт өңдеуге ТОО «Милх» кәсіпорнына жөнелтіледі. Ферма өз жұмысын кеңейтіп, 2025 жылы екінші сиыр қорасы мен бұзау қорасын салу жоспарланған.Каменскуральское ауылында жаңа ферма құрылысыСонымен қатар, Каменскуральское ауылында 1 200 бас малға арналған жаңа сүт-тауарлы ферманың құрылысы жүргізілуде. Құрылыс жұмыстары аяқталғаннан кейін, бұл кәсіпорын жылына 6,7 мың тонна сүт өндіреді.Жобаның құны – 4,3 млрд теңге, ал жаңа өндіріс орны 15 адамды тұрақты жұмыспен қамтамасыз етеді. Кәсіпорын 2025 жылдың желтоқсанында іске қосылады.Айта кету керек, 2028 жылға дейін өңірде 30 жаңа сүт-тауарлы ферма салу жоспарланған, бұл жылына 43 мың тоннаға дейін қосымша сүт өндіруге мүмкіндік береді. Осылайша, облыстың сүт өнімдеріне деген сұранысын жергілікті өндірушілер толық қамтамасыз ете алады.Степановка ауылында су құбыры іске қосылдыАуылдық инфрақұрылымды дамыту – басты міндеттердің бірі. Осы мақсатта Степановка ауылында ұзындығы 38 км болатын жаңа су құбыры іске қосылды.1,9 млрд теңге көлеміндегі инвестицияның арқасында Степановка, Ивановка және Лесное ауылдарының 1,5 мың тұрғыны таза ауыз сумен қамтылды. Су жүйесінің іске қосылуы ауылдық аймақтарда өмір сүру сапасын жақсартумен қатар, шағын және орта бизнестің дамуына да серпін береді.Харьковское ауылында жаңа хоккей корты ашылдыБалалар мен жастардың спортпен айналысуына жағдай жасау – маңызды міндеттердің бірі. Осы орайда, Харьковское ауылында жаңа хоккей корты ашылды.2 мың шаршы метр аумақта орналасқан бұл нысан «Ауыл – Ел бесігі» мемлекеттік бағдарламасы аясында 253 млн теңге қаржыға салынды. Мұнда 60 бала хоккей және мәнерлеп сырғанаумен айналыса алады. Ал жаз мезгілінде бұл алаң футбол, баскетбол және волейбол ойындарына пайдаланылады.Аймақтың дамуы жалғасудаМендіқара ауданында іске қосылған бұл жобалар – облыстың әлеуметтік-экономикалық дамуындағы маңызды қадам. Ауыл шаруашылығын дамыту, ауылдық инфрақұрылымды жақсарту және бұқаралық спортты қолдау бағытындағы жұмыстар алдағы уақытта да жалғасатын болады.Ақпарат көзі : https://www.gov.kz/memleket/entities/kostanay/press/news/details/946857

Жамбыл облысына Қазақстан Республикасы Парламенті Сенатының депутаттары жұмыс сапарымен келді. Олардың қатарында аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаев және комитет мүшелері Ольга Булавкина, Сәкен Арубаев, Ернұр Әйткенов, Жанболат Жөргенбаев, Зәкіржан Кузиев, Арман Өтеғұлов, сондай-ақ қаржы және бюджет комитетінің мүшесі Бекболат Орынбеков бар.Сенаторлар алдымен Мемлекет басшысының тапсырмасы бойынша құрылған Қазақ ұлттық су шаруашылығы және ирригация университетін табан тіреп, материалдық-техникалық базасын тексерді. Оқу ордасы 53 білім беру бағдарламасы бойынша мамандар даярлайды. Бүгінде 2 297 студент білім алуда. Оның ішінде докторантурада - 24, магистратурада 72 адам оқып жүр.Аралау барысында университет ректоры Кәмшат Түсіпова заманауи зертханалық құрал-жабдықтармен қамту, ғимаратты жаңғырту және өзге де мәселелер бойынша ұсыныс-тілектерін жеткізді.Бұдан соң облыстық әкімдікте Сенаттың аграрлық мәселелер, табиғатты пайдалану және ауылдық аумақтарды дамыту комитетінің көшпелі отырысы өтті. Басқосуда Президенттің «Әділетті Қазақстан: заң мен тәртіп, экономикалық өсім, қоғамдық оптимизм» атты халыққа Жолдауынан туындайтын міндеттер жан-жақты талқыланды.Жамбыл облысы әкімінің бірінші орынбасары Нұржан Календеров көшпелі отырыстың өңірде өткізілуі айрықша мәнге ие екенін атап өтіп, депутаттардың жұмысына сәттілік тіледі.Отырыста аграрлық мәселелер, табиғатты пайдалану және ауылдық аумақтарды дамыту комитетінің төрағасы Әли Бектаев, комитет мүшесі Сәкен Арубаев, сондай-ақ министрлік өкілдері мен сарапшылар суару жүйелерін жаңғырту және су шаруашылығы мамандарын даярлау мәселесі бойынша баяндама жасады. Сала ардагерлері орамды ойлары мен нақты ұсыныстарын ортаға салды.Өз кезегінде облыс әкімінің орынбасары Әбілхайыр Тамабек су ресурстарын ұтымды пайдалану және көршілес мемлекеттен суға тәуелділікті азайту бойынша атқарылып жатқан шараларға, Сенат пен Үкіметтің қолдауын қажет ететін өткір мәселелерге тоқталды.Баяндамашының айтуынша, халықаралық банктердің несиесі есебінен бүгінде 6 ауданда 727,24 шақырым су жүйелері жаңғыртылды және 46 дана ұңғыма қазылды. Бұл шаралардың арқасында 47,5 мың гектар суармалы алқаптың сумен қамтылу деңгейі артты. Жұмыс жалғасуда.Бұдан бөлек, облыс аумағында орналасқан 203 суару каналдарын жаңғырту және күрделі жөндеу, 10 жаңа су қоймасының құрылысы жоспарланып, тиісті жұмыстар жүргізілуде.2024 жылы 15,4 мың гектарға су үнемдеу технологиялары енгізіліп, облыс аумағындағы жалпы көрсеткіш 55,4 мың гектарға жеткізілді.Отырыс қорытындысы бойынша халық қалаулылары түйткілдер мен өтініш-тілектер назарға алынып, Парламент қабырғасында көтерілетініне сенім білдірді.– Суару жүйелерін жаңғырту және білікті маман даярлау – ауыл шаруашылығын дамыту мен өңірдің экономикалық тұрақтылығына тікелей қатысты стратегиялық маңызды міндеттер. Су шаруашылығына кадр даярлауда Жамбыл облысы әрқашан басты рөл атқарып келеді. Алдымызда жаңа қатерлер тұрғанын ескерсек, бізге заманауи су үнемдеу технологиясын енгізу, су ресурстарын тиімді басқару және кадр тапшылығы мәселесін шешу қажет. Бұл аграрлық сектордың өнімділігін арттырумен қатар, еліміздің ұзақ мерзімді су қауіпсіздігін қамтамасыз етуге мүмкіндік береді, – деді Әли Бектаев.Іссаппар барысында депутаттар тамшылатып суару жүйесі жабдықтарын шығаратын кәсіпорынның, «ТаразКожОбувь» ЖШС мен «Хлебный дар» наубайханасының жұмысымен танысты. Сонымен бірге қайта жаңғыртудан өтетін «Теріс-Ащыбұлақ» су қоймасының ағымдағы жағдайы мен қант зауытындағы өзекті мәселелерге көңіл бөлді.Ақпарат көзі : https://www.gov.kz/memleket/entities/zhambyl/press/news/details/946103

Жамбыл облысында наурыз айының орта тұсында көктемгі дала жұмыстары басталады. Маңызды кезеңді ұйымдасқан түрде өткізу мақсатында материалдық-техникалық қажеттіліктер толығымен дайындалып, агротехникалық шараларды мерзімінде өткізу жұмыстары бақылауға алынды. Бұл туралы ауыл шаруашылығы басқармасының басшысы Қайрат Көшенов хабарлады.2024 жылы 488,5 млрд. теңгенің ауыл шаруашылығы өнімі өндірілді. 647 мың тонна тәтті түбір жиналып, 597 мың тоннасы қант зауыттарына өткізілді.Қайрат Көшеновтің айтуынша, өткен жылы ауа райының қолайлы болуы, шаруалардың агротехникалық шараларды жетік меңгеруі мен мемлекеттік қолдаудың тиімділігінің арқасында жалпы өнім көлемі 2023 жылмен салыстырғанда 3 есеге өсті.- Соңғы 4 жылда 25 мың гектар алқаптан 650 мың тонна өнім жиналса, бұл өнімге фермерлер 1 жылдың ішінде қол жеткізіп, рекордтық өнім алды, – дейді ол.Биыл 660 мың гектарға ауыл шаруашылығы дақылдарын орналастыру (2024 ж. - 626,7 мың гектар) жоспарлануда. Бұл көрсеткіш былтырғы жылмен салыстырғанда 33 мың гектарға көп.Көктемгі егіс жұмыстарына қажетті 55 мың тонна тұқым, 7 317 дана ауыл шаруашылығы техникасы дайын тұр.Үкімет тарапынан 20 мың тонна арзандатылған жанар-жағармай бөлінді. Бұл - шаруалардың көктемгі дала жұмыстарын мерзімінде жүргізуіне оң әсерін тигізеді.400-ден астам ауыл шаруашылығы техникасын сатып алып, 6,5 пайызға жаңарту көзделуде.418 мың гектар алқапқа 83,1 тонна минералды тыңайтқыш ендіріледі.Сонымен бірге көктемгі дала жұмыстарын қаржыландыру үшін «Агронесиелік корпорация» арқылы өңір шаруаларына 3 млрд. теңге көлемінде 5 пайызбен несие беру жоспарлануда.Айта кетейік, 2025 жылы шаруаларды субсидиялауға жергілікті бюджеттен 22,7 млрд. теңге бөлінсе, оның ішінде өсімдік шаруашылығын дамытуға 10,6 млрд. теңге қарастырылған. Соның арқасында өсімдік шаруашылығында 325,1 млрд. теңгенің өнімі өндіріледі деп күтілуде.Ақпарат көзі : https://www.gov.kz/memleket/entities/zhambyl/press/news/details/946389

Денсаулық сақтау министрлігі Қазақстандағы фармацевтикалық компаниялардың қызметін реттейтін нормативтік құқықтық актілерге өзгерістер енгізуде.Ұсынылып отырған шаралар инвестициялық ахуалды жақсартуға, саланы дамытуға және экспорттық әлеуеті бар сапалы отандық фармацевтикалық өнім шығаруға бағытталған.Жаңа тәсілдер Қазақстан Республикасы Үкіметінің шешімі бойынша инвестициялар туралы келісімдерге қол қою арқылы фармакомпанияларға преференцияларды кеңейтуді көздейді. Бұл ретте шарттар жасасу мерзімі шығарылатын дәрілік заттардың сапасына және өндірісті оқшаулау деңгейіне қарай айқындалатын болады.Экспорттық әлеуетті дамыту бойынша қарсы міндеттемелерді белгілеу, оның ішінде, ел ішінде дәрілік заттардың бағасын тежеуге ықпал етуі тиіс.Жаңа инвестициялық жобалар клиникалық және зертханалық базаларды жан-жақты нығайтуды көздейтін жол картасын іске асырудың есебінен мемлекеттік қолдаудың қосымша шараларымен сүйемелденетін болады.Тиісті өндірістік практиканың стандарттары бойынша шығарылатын фармацевтикалық өнім тегін медициналық көмектің кепілдік берілген көлемі шеңберінде халыққа қолжетімді болады.Ақпарат көзі : https://www.gov.kz/memleket/entities/dsm/press/news/details/945829

Биыл Тұран ауданында «Халық қатысаты бюджет» жобасы аясында тұрғындарға қолайлы жағдай жасау мақсатында 33 жоба жүзеге асырылады. Атап айтқанда, 18 балалар ойын алаңы, 13 балалар ойын және ашық спорт алаңы, сондай-ақ 2 ортақ пайдалануға арналған қоғамдық орын пайдалануға беріледі.Жергілікті азаматтардың ұсыныстары бойынша Отырар, Спорт, Самал -1, Ақжар, Ақтас, Қазығұрт, Құрсай, 8-шағынаудандары мен елді мекендерде балалар және спорт алаңшалары салынатын болады.Айта кетейік, 2024 жылы Тұран ауданы тұрғындарына қолайлы жағдай жасау мақсатында 40 жоба іске асырылды. Оның ішінде 30 балалар ойын алаңы, 8 балалар және спорт алаңы, сондай-ақ 2 спорт алаңы салынған болатын.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/945546

Еліміздің ауыл шаруашылығы саласында маңызды нысандардың бірі – «IGM Corporation» ЖШС өнеркәсіптік жылыжай кешені өндірістік әлеуетін жыл сайын арттырып келеді. Шымкент қаласы, Еңбекші ауданы, Базарқақпа елді мекенінде орналасқан бұл заманауи өндіріс кешені 2022 жылы іске қосылған болатын. Бүгінде жылына 1000 тоннаға дейін қияр мен қызанақ өндіріп, ішкі нарықты сапалы өнімдермен қамтып отыр.Кешеннің басты мақсаты – халықты сапалы, экологиялық таза өніммен қамтамасыз ету және өңірдегі ауыл шаруашылығы өндірісін дамыту. Жылыжай кешені заманауи технологиялармен жабдықталған, өсімдіктерді күту мен өнімділікті арттыруда жоғары стандарттар қолданылады. Мұнда 40 адам тұрақты жұмыспен қамтылған, бұл жергілікті тұрғындар үшін жаңа мүмкіндіктер ашады.Ішкі нарықты жоғары сапалы көкөніспен қамтамасыз ететін өндірісте өнім жинау науқаны басталды. Өнімдер негізінен, ішкі нарыққа жөнелтіледі. Жеке кәсіпкерлер алдағы уақытта өндірісті кеңейтіп, жаңа технологияларды енгізу арқылы өнім көлемін арттыруды қолға алмақ.Сондай-ақ, қияр мен қызанақтың түрлерін көбейтіп, жаңа нарықтарға шығу да жоспарда тұр.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/945552

Шымкент қаласында өткен жылы 160 мыңға жуық адам амбулаториялық тегін дәрі-дәрмекпен қамтылды. Бұл жұмыстар ТМККК (Тегін медициналық көмектің кепілдендірілген көлемі) және МӘМС шеңберінде жүргізілген.Әлеуметтік медициналық сақтандыру қоры Шымкент қалалық филиалы өкілдерінің айтуынша, дәрілік препараттар диспансерлік есепте тұрған азаматтарға 100-ге жуық нозология бойынша босатылған. Жалпы, әлеуметтік медициналық сақтандыру жүйесіне көшу ересектер мен 18 жасқа дейінгі балаларға арналған тегін дәрілік заттардың тізімін едәуір кеңейтуге мүмкіндік берген.Дәрі-дәрмектерді алу үшін пациент өзінің учаскелік дәрігеріне баруы керек. Дәрігер науқастың жағдайын бақылап, қажет болған жағдайда емхананың дәріханасынан дәрі-дәрмектер алуға рецепт жазады. Ал, жедел, стационарлық және стационарды алмастыратын көмек көрсету кезінде барлық дәрілік заттар тегін беріледі.Сонымен қатар, былтыр медициналық сақтандыру аясында 8 миллионнан астам консультациялық-диагностикалық қызмет көрсетілген.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/945561

Акушерлік-гинекологиялық көмектің сапасын арттыру жөніндегі одан әрі шаралар Денсаулық сақтау министрі Ақмарал Әлназарованың төрағалығымен босандыру қызметінің жұмысын жетілдіру жөніндегі үйлестіру кеңесінің отырысында қаралды.ДДҰ бағалауы бойынша, Қазақстан осы көрсеткішті жақсарту динамикасы жоғары 10 елдің қатарына кірді. Халықаралық ұйымның есебінде республикадағы ана өлімі соңғы 20 жылда 76%-ға төмендегені атап өтілді, бұл жүктілік, босану және босанғаннан кейінгі кезеңде әйелдерге арналған медициналық көмектің сапасын жақсарту бойынша тиімді жүйелі шараларды іске асыру есебінен қол жеткізілді.Отырыс барысында ҚР ДСМ бас акушер-гинекологы, ҚР ДСМ бас штаттан тыс инфекционисті, «Астана медицина университеті» КеАҚ, М.Оспанов атындағы БҚМУ, «Семей медицина университеті»КеАҚ, «С. Асфендияров атындағы ҚазҰМУ» КеАҚ Акушерлік және гинекология кафедралары меңгерушілерінің, сарапшы-дәрігерлердің қатысуымен қызметтің жұмысын жақсартудың өзекті мәселелерін талқылады.Бұл денсаулық сақтаудың алғашқы буынының босандыру ұйымдарымен тығыз қарым-қатынасы, медицина қызметкерлерін аудандық ауруханалар деңгейінде ең жақсы акушерлік практикаға үйрету, пренаталдық бақылаудың сапасын арттыру және болашақ аналарды прегравидалық дайындықпен қамту (жүктілікті жоспарлау).«2024 жылы Қазақстанда алғаш рет ана өлімінің ең төмен көрсеткіші тіркелді, бұл Денсаулық сақтау министрлігінің тарапынан қабылданған жүйелі кешенді шаралардың, сондай-ақ алғашқы буын деңгейінде сарапшылардың, акушер-гинекологтардың, босандыру қызметі мамандарының көпбейінді командасының бірлескен жұмысының нәтижесі болды. 2023 жылмен салыстырғанда ана өлімі жағдайларының 12%-ға төмендеуіне қол жеткізілді, бұл 100 мың тірі туғанға шаққанда 10,1-ді құрады», - деп атап өтті өз сөзінде Ана мен бала денсаулығын сақтау департаментінің директоры Мағрипа Ембергенова.Соңғы жылдары қабылданған шаралар, соның ішінде акушерлік көмекті ұйымдастыру стандарттарын өзектендіру, жүкті және босанған әйелдердің маршруттарын оңтайландыру, сондай-ақ босану процесіне қатысушылардың барлығын үйлестіруді күшейту орталықта да, өңірлерде де аналардан айырылуды айтарлықтай төмендету түрінде өз нәтижелерін берді, деп атап өтті Үйлестіру кеңесінің қатысушылары.2024 жылдың қорытындысы бойынша босандыру саласында 706 сыни жағдай тіркелді, оның 95%-ы қабылданған жүйелі шаралардың нәтижесінде әйелдер дің өміру сақталып қалды. 1000 босануға шаққандағы елдегі сыни жағдайдың көрсеткіші 1,9, өткен жылы ол 2,2-ды құрады. 2021 жылдан бастап сыни жағдайлардың 40%-ға төмендеуі байқалады, алайда жүктілік кезінде алғаш рет диагноз қойылған ауыр соматикалық патологиялары бар жүкті әйелдердің өсуі байқалады.Жүкті әйелдерге медициналық көмек көрсетудегі жағдайды жақсарту мақсатында Денсаулық сақтау министрлігі апта сайын өңірлермен «Акушерлік сағат» өткізеді, ауыр патологиясы бар әйелдерге күн сайын мониторинг жүргізеді.Өткен жылы Ұлттық шұғыл медицина орталығымен бірлесіп 906 жүкті және босанған әйелге 2140 қашықтықтан медициналық қызмет көрсетілді; санитариялық авиациямен 165 ұшу орындалды; жергілікті жерде 9 әйелге операция жасалды; облыстық және республикалық клиникаларға тасымалданған ауыр жағдайдағы 127 әйелдің өмірін сақтап қалды.Босану саласында анестезиология-реаниматология, кардиология, хирургия, нейрохирургия, инфекция, пульмонология, тамыр хирургиясы, гематология, урология, гастроэнтерология және т. б. салаларда 40-тан астам жетекші маманды, профессорды және ғылыми және республикалық клиникалардың қызметкерін тарта отырып, телемедициналық консультациялар практикасы кеңінен енгізілуде.«Жалпы практика дәрігерлерінің жүктілік денсаулығы үшін емхана деңгейіндегі жауапкершілігін күшейту қажет, олардың дағдылары мен білімдерін кеңейту мақсатында білім беру бағдарламаларын қайта қарау, жергілікті жерлерде кадрларды тарту, олардың біліктілігін арттыру үшін ынталандыру жасау, сондай-ақ ең қиын учаскелерде - біздің перзентханаларымыз бен перинаталдық орталықтарымызда жұмыс істейтін мамандардың мәртебесін көтеру. Жүкті әйелдерге медициналық көмек көрсетуде, ең алдымен олардың қауіпсіздігін қамтамасыз етуде, жергілікті жерлерде реанимация және анестезиология мәселелерін шешуде нақты басымдық беру керек», - деп атап өтті А.Әлназарова.Патологиясы, күрделі жағдайлары бар жүкті/босанған әйелдерді уақтылы анықтау және емдеу үшін Денсаулық сақтау министрлігі арнайы бағдарламаны бекітіп, босандыру бойынша 25 басым клиникалық хаттаманы қайта қарады. Сондай-ақ, босандыру қызметінің өзекті мәселелері бойынша республикалық және өңірлік сараптамалық кеңестер және жедел ден қою және ауыр/сыни жағдайда жүкті әйелдерге тәулік бойы консультация беру үшін жетекші бейінді мамандардың қатарынан көпбейінді топтар құрылды. Сонымен қатар, әр өңірде әйелдерді ауыр жағдайда емдеуге жатқызу үшін жеке посттар ұйымдастырылған.Жүкті әйелдер мен босанған әйелдерге медициналық көмекті одан әрі жетілдіру үшін «Аналар саулығы» бағдарламасын іске асыру шеңберінде Денсаулық сақтау министрлігі фертилдік жастағы әйелдерді (ФЖӘ) профилактикалық қарап-тексерулердің және динамикалық байқаудың сапасын жақсартуды жоспарлап отыр. Бұл жүктілікке дейін экстрагениталдық ауруларды анықтауды арттыруға, әйелдерді контрацепциямен қамтуды 40%-ға дейін және прегравидалдық дайындықты 45%-ға дейін арттыруға бағытталған.Сондай-ақ аудандық буын дәрігерлері мен акушерлерінің біліктілігін арттыру, оқыту орталықтары базасында ротация және тағылымдама бағдарламалары іске асырылатын болады, ҰТСО РҚБ деңгейінде медицина қызметкерлерінің білімін бағалау жүргізіледі. Ағымдағы жылы 20 өңірден 100 үйлестіруші акушер даярлауды жүзеге асыру жоспарлануда.Ауруханаішілік инфекциямен күресу мақсатында босандыру ұйымдарының қызметіне жетекшілік ету үшін 40 госпиталдық эпидемиолог – үйлестірушіні даярлауды көздейтін «Инфекцияға жол жоқ»бағдарламасы әзірленеді, инфекциялық бақылау бойынша жаңа индикаторлар енгізіледі.Үйлестіру кеңесі отырысының қорытындысы бойынша ел өңірлерінде жүкті әйелдер мен аналарға медициналық көмек көрсету сапасын жақсартуға бағытталған бірқатар іс-шараларды қабылдау жоспарлануда.Ақпарат көзі : https://www.gov.kz/memleket/entities/dsm/press/news/details/945375

Әрбір мектеп түлектеріне болашақмамандығын саналы түрде таңдауға жәнееңбек нарығындағы ең сұранысқа иебағыттармен танысуға мүмкіндіктер ұсынылды.Көрмені Ақтөбе облысының әкімі АсхатШахаров аралап, жастар арасында техникалықжәне жұмысшы мамандықтарды кеңіненнасихаттау қажеттігін алға тартты.Оның сөзінше, жұмысшы мамандықтардыңдамуы – өңірдің экономикалық өсуінің негізгіфакторы, ал білікті мамандарды даярлау – білім беру жүйесінің басты міндеттерінің бірі.Көрме өңірдің 21 кәсіпорны, 40 колледжіжәне әлеуметтік серіктестерінің басынбіріктірді. Оған қаладағы барлық мектептің 9-класс оқушылары шақырылды. «Кәсіби ашық алаң» шарасындаколледждердің үздік тәжірибелері ұсынылып, өңір кәсіпорындары мен оқу орындарыарасындағы ынтымақтастықтың мүмкіндіктерікөрсетілді. Оқушыларға токарь, тігінші, шаштараз, жүргізуші, электрик және басқа да жұмысшы мамандықтары бойынша шеберліксабақтары ұйымдастырылды. Қатысушыларбұл арқылы тек мамандықтармен танысыпқана қоймай, оларды тәжірибе жүзінде сынапкөруге, әртүрлі кәсіптерге қажетті дағдылардытүсіне алды. Көрме техникалық және кәсіптік білім беру мекемелеріне өз жетістіктері мен инновацияларын таныстыруға септігін тигізді. Мысалы, Еуропалық жоғары экономика, бизнес және құқық колледжі дауыспенбасқарылатын гуманоид робот пен ит-роботтыкөрсетті. Оларды қонақүй саласында қызмететуге, мүмкіндігі шектеулі адамдарға көмеккөрсету және іздестіру-құтқаруоперацияларында қолдануға әбден болады.Қобда көпсалалы колледжі жиһаз жасауғаарналған ағаш өңдеу бойынша шеберліксабақтарын өткізіп, қатысушыларға токарьлікдағдыларын сынап көруге мүмкіндік берді. Шалқар көпсалалы колледжі оқушылардыжүнмен сурет салу және киіз бұйымдарынжасау техникасымен таныстырды.Көрмеде ерекше білім беру қажеттілігі бар жастарға арналған сирек кездесетінмамандықтар мен кәсіптерге ерекше назараударылды.Кәсіпорын өкілдері колледждер жәнестуденттермен үшжақты келісімдер жасасумүмкіндігін талқылап, бұл түлектердің жұмысқаорналасуын жеңілдетуге жол ашты.Сонымен қатар, көрме аясында бос жұмысорындар жәрмеңкесі ұйымдастырылды. Қатысушылар жұмыс берушілердіңұсыныстарымен танысып, түйіндеме жазу, сұхбатқа дайындалу, еңбек нарығындағызаманауи үрдістер, қызметкерлердің құқықтарымен жұмысқа орналасу шарттары туралыкеңестер алды.«Кәсіби ашық алаңды» аралаған АсхатШахаров жұмысшы мамандықтардың өңір үшінүлкен мүмкіндіктер ашатынын тілге тиек етті.«Біздің міндетіміз – жастарға сапалы кәсібибілім беріп қана қоймай, олардың жұмысқаорналасуына жағдай жасау. Жұмысшымамандықтар сұранысқа ие, тұрақты жәнеөңірдің дамуына кең мүмкіндіктер береді. Президент жариялаған Жұмысшымамандықтар жылы аясында жұмысшымамандықтарды дамытуға басымдық береміз. Осыған байланысты колледждерді заманауижабдықтармен қамтамасыз ету міндеті тұр. Қазіргі уақытта 10 колледжді жабдықтаубағдарламаларын әзірлеп жатырмыз. Бізбәсекеге қабілетті және сұранысқа иемамандарды дайындауымыз керек», – депатап өтті облыс әкімі.Бұл көрме жастарды техникалықмамандықтарға тартудағы маңызды қадамболды, сондай-ақ кәсіби өсу мен мансаптықдамудың нақты мүмкіндіктерін көрсетті. Ақпарат көзі : https://www.gov.kz/memleket/entities/aktobe/press/news/details/944864