✔️Түркістан облысында тұрғындарды баспанамен қамту бағытында тиісті жұмыстар жалғасып жатыр. Осы ретте Қазығұрт ауылында 2 қабатты, 8 пәтерлі 5 тұрғын үйдің құрылыс жұмыстары аяқталды. Бүгін Түркістан облысының әкімі Нұралхан Көшеров ауданға іссапарында тұрғын үй кезегінде тұрған 40 отбасына жаңа пәтер кілттерін тапсырды.✔️– Мемлекет басшысы Қасым-Жомарт Кемелұлы тұрғындарды баспанамен қамту бойынша жүйелі жұмыс атқаруды тапсырды. Өңірімізде жыл сайын құрылыс қарқыны артып, көпқабатты үйлер салынуда. Бүгін қазығұрттық тұрғындар да қуанышқа кенеліп отыр. Баршаңызды баспаналарыңызбен құттықтаймын! – деді Нұралхан Көшеров.🔁Қуанышқа кенелген тұрғындар ел азаматтарына алғыстарын білдірді.✔️Бұл үйлердің құрылысы былтыр наурыз айында басталып, жыл соңында аяқталған. Құрылысты «Урба Стандарт» ЖШС атқарды. 1 тұрғын үйде 8 пәтерден бар. Оның ішінде1 бөлмелі 2 пәтер (36,4 м²), 2 бөлмелі 4 пәтер (59,4 және 52,2 м²) және 3 бөлмелі 2 пәтерден (74,8 м²) бар.✔️Айта кетейік, Түркістан облысы құрылғалы, яғни 2018-2024 жылдар аралығында 14 мыңнан аса отбасы тұрғын үймен қамтылды. Оның ішінде, коммуналдық тұрғын үймен 7 567 отбасы, ал «7-20-25» және «Отбасы банк» бағдарламалары арқылы 6 594 отбасы ипотекалық тұрғын үймен қамтамасыз етілді. Осы жерде динамикаға қарайтын болсақ, жылына шамамен коммуналдық тұрғын үй қорынан және түрлі ипотекалық бағдарламалар арқылы 2 200-ге жуық пәтер табысталуда. Өткен жылдың өзінде ел 1174 коммуналдық үймен және 977 тұрғын ипотекалық үймен қамтамасыз етілді. Бұл жұмыстар жүйелі түрде жалғасады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939022

✔️Қазығұрт ауданында ауыл шаруашылығы саласына бет бұрған кәсіпкерлер саны артып келеді. Оның ішінде жылыжай шаруашылығының әлеуеті жоғары. Осы орайда, облыс әкімі Нұралхан Көшеров Қазығұрт ауданына арнайы іссапармен барып, Тұрбат ауылында орналасқан «Сайдусман ата» шаруа қожалығында болды.✔️Аталған жылыжайда жылына 600 тонна көкөніс өндіріліп, 5 млн дана көшет жерсіндіріледі. Оның ішінде 360 тонна қызанақ, 240 тонна қияр ішкі нарықта сатылымға шығарылады. Жылыжай аумағы 4 гектарды құрайды. 1 гектар жерге көшет өндіріліп, қалған 3 гектары көкөніс өсіруге бағытталған. Мұнда 32 адам тұрақты жұмыспен қамтылған.📌Аралау барысында облыс әкімі жылыжай кешенінің жұмысын пысықтап, жауаптыларға агроөнеркәсіп бағытындағы жұмыстарды ширатуды жүктеді. Ауыл шаруашылығы саласының үздіксіз дамуына «Ауыл аманаты» жобасы таптырмас мүмкіндік екенін айтып, өңірде егістікті әртараптандыру мақсатында жаңа технологияларды енгізу, жылыжай қуаттылығын арттыру бойынша мамандарға тапсырмалар берді.✔️Одан соң, аймақ басшысы Тұрбат агросекторындағы «Пасека бал» шаруа қожалығында болды. Кәсіпкерлермен кездесіп, омарта өнеркәсібін дамыту бағытында пікір алмасты. Кәсіпорынның ішкі жұмыстарымен танысты.✔️Кәсіпорында 5 мың омарта ұясы бар. Мұнда жылына 150 тонна бал өндіріліп, ішкі нарықтан бастап, көршілес мемлекет Өзбекстан мен Ресейге экспортталады. Жалпы аумағы 18 гектарды құрайтын өндіріс орнында 20 қызметкер тұрақты жұмыс істейді. Омартада бал өндірумен қатар жылыжай шаруашылығы қарқынды дамыған. Мұнда көкөніс және роза гүлі өсіріледі.✔️Аралаудың соңғы нүктесі Жаңабазар ауылдық орталық емханасында жалғасып, облыс әкімі мекеменің қайта жөндеу жұмыстарымен танысты. Ғимарат құрылысына жауапты мамандарға басты назар сапада болу керектігін ескертті.✔️Көпфункционалды аурухана 2,2 гектар жер аумағында орналасқан. Мұнда жалпы саны 10 мың адамға медициналық қызмет түрлері көрсетіледі. Орталыққа 2024 жылы күрделі жөндеу жұмыстары басталып, қажетті медициналық құралдармен қамтылды. Сондай-ақ өртке қарсы дабыл тетігі, бейнебақылау жүйелері орнатылып, асфальттау, көгалдандыру жұмыстары атқарылды. Сонымен бірге ішкі электр, су, кәріз, желдету және жылыту жүйелері, ішкі және сыртқы есіктері толық жаңартылған.✔️Бүгінде «Ordamed», «Казмедиал» компанияларымен жасалған келісімшарт негізінде цифрлы рентгендік диагностикалық аппарат, гинекологиялық кресло, электрокардиограф, стоматологиялық қондырғы, коагулометр және басқа да қажетті құралдар мен жаңа 4-санатты жедел жәрдем көлігімен жабдықталған. Мекеме табиғи газ жүйесіне қосылған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/939024

АҚ «Ұлттық басқарушы холдинг «Байтерек» кеңістігінде «Энергетикалық және коммуналдық секторды жаңғырту» Ұлттық жобасын іске асыру мәселелері бойынша семинар өтті. Семинарға Солтүстік Қазақстан, Шығыс Қазақстан, Қостанай облыстары, Абай облысы және Астана қаласының табиғи монополия субъектілері қатысты.Семинар аясында АҚ «Ұлттық басқарушы холдинг «Байтерек», АҚ «Қазақстандық тұрғын үй компаниясы», АҚ «Қазақстан даму банкі» қаржылық операторы; АҚ «Қазақстандық тұрғын үй-коммуналдық шаруашылықты жаңғырту және дамыту орталығы» техникалық операторы; сондай-ақ, Қазақстан Республикасы Ұлттық экономика министрлігі Табиғи монополияларды реттеу комитеті Ұлттық жобаны дайындау және іске асыру механизмдері жөнінде түсініктемелер берді.«ҰБХ «Байтерек» АҚ басқарма төрағасының орынбасары Жандос Шайхы алғы сөз сөйледі. Ол коммуналдық инфрақұрылымды жаңғырту мен саланың тұрақты дамуы үшін қаржыландырудың тиімді механизмдерін енгізудің маңыздылығын атап өтті.Семинар аясында АҚ «ҰБХ «Байтерек» бас директоры Алия Мұрзагалиева Ұлттық жобаның қаржыландыру механизмдерінің негізгі аспектілерін таныстырды. Мемлекеттік бағалы қағаздарды шығару арқылы мемлекеттік энергия менеджменті жүйелерін қаржыландыру мәселелері қаралды, бұл туралы АҚ «Қазақстандық тұрғын үй компаниясы» Басқарма төрағасының орынбасары Олжас Салыков баяндады. Өз кезегінде, АҚ «ҚТК» Басқарма төрағасының орынбасары Владимир Ли жеке СЕМ-ді тікелей несиелеу құралдары арқылы қаржыландыру механизмін таныстырды.Ұлттық жоба аясында тарифтерді белгілеу мәселелеріне ерекше көңіл бөлінді. Осы тақырыпта ҚР ҰЭМ ТМРК төрағасының орынбасары Нурлан Булатбаев баяндама жасады. Жобаларды алдын ала іріктеу және техникалық сараптама механизмдері жөнінде АҚ «КазЦентр ЖКХ» департаментінің директоры Макка Шингазиева айтып берді.Семинар қатысушыларға сұрақ қоюға, өзекті мәселелерді талқылауға және сарапшылардан түсініктемелер алуға мүмкіндік берді. Іс-шара соңында пікірталастардың қорытындылары жасалып, жобаны іске асыру бойынша алдағы қадамдар белгіленді.Ақпарат көзі : https://www.gov.kz/memleket/entities/mps/press/news/details/938948

Qarmet креативті технологиялар орталығында Қазақстан Республикасының бизнес қауымдастығы үшін маңызды оқиғаға айналған «Индустриялық кластерді дамыту және ел ішіндегі құндылық» бизнес-форумы өтті. Іс-шараның мақсаты – ірі бизнес пен ШОБ арасындағы өзара іс-қимылды нығайту, өнеркәсіп секторының дамуын ынталандыру және ел ішінде экономикалық өсудің жаңа мүмкіндіктерін жасау.Форумға ҚР Өнеркәсіп және құрылыс вице-министрі Иран Шархан, ҚР Парламенті Мәжілісінің депутаттары, бизнес-қауымдастық, ұлттық қорлар мен «Атамекен» кәсіпкерлер палатасының өкілдері қатысты. Іс-шараны Қарағанды облысының әкімі Ермағанбет Бөлекпаев ашты. Сондай-ақ қатысушылар «Qarmet» металлургиялық комбинаты на барып, өндіріс барысымен танысты.«Qarmet тігінен біріктірілген кәсіпорын екенін бәрі біледі. 2024 жылдың соңына қарай біз бұл саладағы тұрақты өсімді 9,7% деңгейінде көріп отырмыз. Бұл форум Qarmet айналасындағы шағын және орта бизнесті ірі кәсіпорын ретінде ынталандыру және дамыту үшін маңызды сәт болып табылады. Министрлік ірі компаниялар мен жергілікті жеткізушілер арасындағы өзара әрекеттесу бойынша белсенді жұмыс істеуде және біз бұл тұрақты өнеркәсіптік өсудің кілті екеніне сенімдіміз», - атап өтті ҚР Өнеркәсіп және құрылыс вице-министрі Иран Шархан.«Осында өңірдің және елдің экономикасын көтеріп жүрген адамдармен кездесудің тамаша мүмкіндігі болды. Қарағанды облысы – еліміздің индустриялық жүрегі, біз өңдеуші өнеркәсіптің көлемі бойынша жетекші орында тұрмыз. Өткен жылы облыста 3 триллион теңгеден астам өнім өндірілді. Біздің облыс – үлкен мүмкіндіктер аймағы, біз бизнестің өсуіне және инвестиция тартуға жағдай жасап жатырмыз», – облыс әкімі айтты.Қазіргі таңда Qarmet-пен өңірде 36-дан астам шағын және орта бизнес субъектілері өзара әрекеттеседі. Форум қатысушыларға ішкі нарықты нығайтуға, өндірісті дамыту арқылы бәсекеге қабілеттілікті арттыруға және сыртқы жеткізілімдерге тәуелділікті азайтуға қатысты негізгі мәселелерді талқылауға мүмкіндік берді. Qarmet бас директоры Вадим Басин өңір экономикасын нығайтуға ықпал ететін тұрақты өндіріс тізбегін дамыту, ірі бизнес пен шағын бизнесті біріктіру, цифрлық шешімдерді енгізу және өндіріс шығындарын азайту туралы егжей-тегжейлі айтып берді.«Металлургия мен онымен байланысты салаларды дамыту, қазақстандық өндірушілердің әлемдік нарықтағы ұстанымдарын нығайту және ішкі құнды құру еліміздің ұзақ мерзімді тұрақты дамуының негізгі факторлары болып табылады. 2024 жылы күрделі сыртқы экономикалық жағдайларға қарамастан, Qarmet болат өндірісін 15%-ға арттырып, 3,5 миллион тоннаға дейін жеткізді. Бұл өсім Қазақстанды болат өндіру қарқыны бойынша әлемде 8-ші орынға шығарды. Біз 2028 жылға қарай жылына 5 миллион тонна болат шығаруды мақсат етіп қойдық. Бұл эталон өндірісті ауқымды жаңғыртуға, шығындарды оңтайландыруға, процестерді цифрландыруға және кәсіпорын айналасындағы өнеркәсіптік кластерді дамытуға негізделген», - деді Вадим Басин.Талқылаудың маңызды аспектісі шағын және орта кәсіпкерліктің алдында тұрған проблемаларға және тәжірибе мен ресурстармен алмасу үшін олардың ірі бизнес құрылымдарына интеграциялану мүмкіндіктеріне назар аудару болды. Сарапшылар өндіріс процестерін оңтайландыру және мемлекеттік органдармен өзара әрекеттесу бойынша озық тәжірибелермен және ұсынылған шешімдермен бөлісті.ҚР Парламенті Мәжілісінің депутаты Арман Қалықов «Qarmet» компаниясының қазіргі кезеңде ұстанған бағыты көп жылдар бұрын жүзеге асуы тиіс екенін атап өтті. Алайда, бұрын, оның айтуынша, өкінішке орай, әртүрлі құндылықтар болған.«Біздің Qarmet-тің Қазақстанның 17 серпінді жобасына енгеніне өте қуаныштымын, бұл кәсіпорынның ел өнеркәсібіндегі орасан зор маңызын көрсетеді. ҚР Парламентінде өмірі өндіріспен байланысты депутаттардың бар екеніне сендіргім келеді. Біз өзекті мәселелерді білеміз және жұмысшылар мен кәсіпорындардың мүдделерін қорғауды жалғастырамыз. Біз заңнамалық бастамалар Қазақстанның индустриялық әлеуетін арттыруға ықпал ету үшін жұмыс істеп жатырмыз», - деді Арман Қалықов.Ақпарат көзі : https://www.gov.kz/memleket/entities/mps/press/news/details/938972

✔️Түркістан облысы, Ордабасы ауданында Кеңес әскерлерінің Ауғанстан жерінен толықтай шығарылғанына 36 жыл толуына орай арнайы іс-шара ұйымдастырылды.✔️Тарихи мәні зор шараға Ордабасы ауданының әкімі Азат Оралбаев, аудандық мәслихат төрағасы Бақдаулет Жұмабеков, аудандық «Ауған соғысы ардагерлері мен мүгедектері» кеңесінің өкілдері, ауған соғысының ардагерлері, зиялы қауым өкілдері, жастар мен тұрғындар қатысты.✔️Іс-шара Ауған соғысында қаза тапқан жауынгерлерді бір минут үнсіздікпен еске алып, батырлардың рухына тағзым етуден басталды. Сонымен қатар жиналғандар арнайы орнатылған ескерткішке гүл шоқтарын қойып, ардагерлерге құрмет көрсетті.✔️Салтанатты шара Аудандық мәдениет үйінде жалғасып, онда тоғызқұмалақтан жарыс өтті. Аудан әкімінің орынбасары Мейрамбек Ақмұратов ардагерлерді 36 жылдық мерейтоймен құттықтап, Ауған соғысының ардагерлеріне мемлекет тарапынан әрдайым қолдау көрсетілетінін атап өтті.✔️Мерекелік жиын барысында Аудандық мәдениет үйінің өнерпаздары арнайы концерттік бағдарлама ұсынып, патриоттық әндер шырқады. Сонымен қатар ауған соғысының ардагерлері өздерінің естеліктерімен бөлісіп, тәжірибелерінен сыр шертті.✔️Кешегі күн – бүгінгі тарих. Сонау сұрапыл шайқасқа қатысқан қаһарман ардагерлеріміздің ерлігі бүгінгі жастарға үлгі болып, мәңгі жадымызда сақталары сөзсіз. Себебі, ерлік ешқашан ұмытылмайды.Түркістан облысы әкімнің баспасөз қызметіАқпарат көзі : https://www.gov.kz/memleket/entities/ontustik/press/news/details/938892

✔️Кешегі бағыт-бағдары белгісіз, бақандай он жылға созылған Ауған соғысының қасіреті қазақстандықтарды да айналып өткен жоқ. Бір ғана Мырзашөл топырағынан интернационалдық борышын өтеуге 253 жауынгер аттанып, оның 18-і жат жерде мерт болды. Ауғандық жауынгерлердің өз Отанына, еліне деген адал махаббаты, ерліктері әрдайым келер ұрпаққа ұран болып келеді.✔️Жетісай аудандық ішкі саясат бөлімі мен аудандық мәдениет, тілдерді дамыту, дене шынықтыру және спорт бөлімінің ұйымдастыруымен аудандық орталық саябақтан бастау алған іс-шара Ауған соғысында ерлікпен қаза тапқан жауынгерлерінің құрметіне қойылған әскери ауыр техника алдына гүл шоқтарын қойып, 1 минуттық үнсіздікпен еске алумен басталды. Боздақтардың рухына бағышталып құран бағышталып, бейбітшілік пен тәуелсіздіктің мәңгі болуын тілеп, бата жасасты.✔️Кеңес әскерінің Ауған жерінен шығарылғанына 36 жыл толуына орай ұйымдастырылған салтанатты шарада «AMANAT» партиясы Жетісай аудандық филиалының атқарушы хатшысы Асқар Қайназаров пен аудан әкімінің штаттан тыс кеңесшісі Тұрышбек Елшібаев, аудандық ардагерлер кеңесінің төрағасы Айтбай Махамбетов тәуелсіздік жолында сан ғасырлардан бері жаумен арпалысып, бүгінгі бейбіт заманды орнатып берген ата-бабамыз бен кешегі Ауған соғысында отансүйгіштіктің нағыз үлгісін көрсете білген боздақтардың теңдесі жоқ ерліктерінің керемет үлгілерін жас буынға дәріптеп, майдангерлерді алғыс хаттармен марапаттады.✔️Ал аудан өнерпаздары өз кезегінде кеш қонақтарына патриоттық әндер шырқап, мерекелік көңіл-күй сыйлады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938893

✔️Мемлекет басшысы Қасым-Жомарт Тоқаев халыққа арнаған Жолдауында балық шаруашылығын дамыту мәселесін көтеріп, осы тапсырмаға орай балық шаруашылығын дамытудың 2021-2030 жылдарға арналған бағдарламасы қабылданып, республика бойынша 270 мың тонна балық өсіру жоспары бекітілген болатын. Түркістан облысында бұл бағытта жұмыстар жүзеге асырылып жатыр. Осы орайда өңір бойынша 2030 жылға дейін тауарлық балық өсіру көлемін 20 мың тоннаға жеткізу жоспарланып отыр. Қазіргі таңда, аудан, қала әкімдіктеріне тиісті тапсырмалар беріліп, бүгінде облыста тауарлы балық өсірумен айналысатын шаруалардың саны 231-ге жетті. Оның 160-ы облысаралық бассейндік балық шаруашылығы инспекциясымен заңдастырылған.✔️Облыс әкімі балық шаруашылығын дамыту бағытында семинарлар өткізу және инвесторлар тарту жұмыстарын жандандыруды тапсырған болатын. Бүгінде арнайы жұмысшы топ құрылып, өңірдегі Төлеби, Қазығұрт, Сарыағаш, Келес, Мақтаарал, Жетісай, Шардара аудандары мен Арыс қаласына барып, кәсіпкерлер мен шаруаларға мемлекет тарапынан бөлінетін жеңілдіктер (субсидия) бойынша түсіндіру жұмыстарын жүргізді. Онда кәсіпкерлерге балық шаруашылығын дамыту үшін мемлекеттік қолдаулар мен жеңілдіктерді алуға қатысты мол ақпарттар айтылып, олардың толғандырған мәселелерін тыңдап, пікірлесті.✔️Түркістан облысында балық шаруашылығын дамытуға ерекше көңіл бөлініп келеді. Өткен жылы өңірде 7000 тонна балық өсіру жоспары бекітіліп, жыл қорытындысымен 7509 тоннаға орындалды. Балық шаруашылығын дамытуға мемлекеттік қолдаулар қарастырылған. Атап айтқанда, мелекет тарапынан акваөсіруді субсидиялау балық шаруашылығын дамытуға оң ықпалын тигізуде. Аталған бағыт бойынша жергілікті бюджеттен 2024 жылы 500 млн. теңге бөлініп, 62 балық шаруашылығы субектісінің шығыстары өтелген.🔁Өңірде экспортқа бағыталған ірі 4 кәсіпорын жұмыс істейді. Былтыр 2236, 78 тонна балық өнімдері шет мемлекеттерге экспортталды.✔️Айта кетейік, арнайы құрылған жұмысшы топ өкілдері 6-14 ақпан аралығында өңірге қарасты 17 аудан, қалаларды аралап, балық шаруашылығын дамыту мақсатында кәсіпкерлермен кездесіп, түсіндіру жұмыстарын жүргізді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938894

✔️Кентау қаласы әкімдігінің ұйымдастыруымен, Түркістан облысы экономикалық тергеп тексеру департаменті, қала прокуратурасы, қалалық полиция бөлімінің, банк өкілдерінің қатысуымен кездесу өткізілді.✔️Жиынды қала әкімі Жандос Тасов жүргізіп, қоғамда белең алып бара жатқан интернет алаяқтарынан сақтану маңызды екенін айтты.✔️«Мемлекет басшысы өз Жолдауында лудомания, қаржылық пирамида және интернет алаяқтық, одан бөлек халықтың қаржылық сауаттылығын арттыру мақсатында өзекті мәселе көтерген болатын. Шын мәнінде соңғы жылдары халық арасында интернет алаяқтарынан зардап шеккендердің саны артып келеді. Соңғы уақыттарда қаламызда алданып қалған тұрғындардың көбеймесе азаймай тұрғаны алаңдатуда. Бүгінгі шараның да маңыздылығы тұрғындарды толықтай ақпараттандыру, алаяқтарға алданбай, сақ жүруге шақыру», деді қала әкімі.✔️Кездесуде тәртіп сақшылары интернет алаяқтықтың кең таралған түрлері, сонымен қатар, осы қылмыстың құрбаны болмау үшін жасалатын қадамдар туралы айтып берді. Олар әлеуметтік желілерде, онлайн дүкендерде және басқа да интернет алаңдарында жеке деректерді қорғау, күмәнді сілтемелерге баспау, сондай-ақ интернет арқылы қаржы транзакцияларын жүзеге асырған кезде сақ болу қажеттігіне тоқталды.✔️Осы мәселеде негізінен алаяқтың құрығына тұрақты табысы бар саланың мамандары жиі түседі екен. Олардың қатарында мұғалімдер, дәрігерлер, мемлекеттік қызметкерлер мен әр салада қызмет ететін мамандар бар.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938895

✔️Мемлекет басшысының бастамасымен қолға алынған «Жайлы мектеп» ұлттық жобасы аясында Түркістан облысы, Келес ауданында 3 мектептің құрылысы басталған. Қазіргі таңда 1 мектептің құрылысы аяқталып, 2 мектептің құрылысы жүріп жатыр. Нақтырақ айтқанда, Ғани Мұратбаев елді мекені мен Абай ауылында 600 орындық, Біртілек елді мекенінде 300 орындық білім ұялары бой көтеруде.✔️Түркістан облысының әкімі Нұралхан Көшеров Келес ауданына жұмыс сапары барысында Ақтөбе ауылдық округіне қарасты Ғани Мұратбаев елді мекеніндегі жайлы мектептің құрылыс барысын тексеріп, мердігерлерге нақты тапсырмалар берді.✔️Білім ұясы «Samruk-Kazyna Construction» АҚ тапсырысымен салынып жатыр. Құрылыс жұмыстарын «КДСМ» ЖШС жүргізуде. 2,2 гектар аумақта орналасқан мектеп ғимаратының жалпы ауданы – 4710 шаршы метр. Мұнда 50 жұмыс орны ашылады. Нысанның құрылыс жұмыстары толық аяқталып, пайдалануға қабылданған. Мектепті өңірде шығарылатын отандық жиһаздармен жабдықтау жоспарланған. Бүгінде «Ақниет холдинг» ҚБ жиһаздарды орнату жұмыстарын жүргізуде. Білім ұясын жуық арада пайдалануға беру көзделген.🔁Одан кейін, аймақ басшысы Жаңадәуір ауылында орналасқан «ECOCULTURE-EURASIA» ЖШС-нің жылыжай кешенінде болды.✔️Кешеннің І кезеңі биыл жүзеге асады. Жылыжай 51 гектарға орналасқан. Бұл жобаны 2023 жылы ресейлік жеке инвестор қолға алды. Жобаның құны – 42 млрд. теңге. Нысан соңғы үлгідегі ресейлік технологиямен құрылуда. Өнімнің негізгі бөлігі Ресей Федерациясына экспортталады. Жалпы жылыжай кешенін 500 гектар аумаққа орналастыру жоспарланған. Жоба 6 кезеңмен жүзеге аспақ.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938896

✔️Түркістан облысының әкімі Нұралхан Көшеров Келес ауданына іссапары барысында Жүзімдік елді мекеніндегі «Оймауыт» су бөгетінің жай-күйімен танысты.✔️«Қазсушар» РМК Түркістан филиалы меншігіндегі бұл су бөгеті 1986 жылы пайдалануға берілген. Су өткізу қабілеті 285 м3/сек болатын бөгеттің ұзындығы – 30 метр. Іргелес жатқан егістік жер көлемі – 2,7 мың гектар. «Сейсмоқорғау» ЖШС мамандандырылған ғылыми-зерттеу ұйымының қорытындысына сәйкес «Оймауыт» су торабы бүгінгі күні пайдалануға жарамсыз деп танылған. Осыған орай, жаңа бөгет құру үшін 6,5 гектар жер телімі алынып, «Қазсушар» РМК Түркістан филиалы тарапынан тиісті жұмыстар жүргізілуде.✔️Жалпы Келес ауданында мемлекет теңгерімінде жалпы ұзындығы 1 051,2 шақырымды құрайтын 148 канал және 144 қашыртқы бар. Қосымша аудан аумағынан өтетін Келес өзені бойында «Қазсушар» РМК Түркістан филиалына қарасты 3 су бөгеті және «Ақылбексай» су қоймасы тіркелген. Шаруаларға ағын суды уақтылы жеткізу және тасқын судың алдын алу мақсатында аудан аумағында орналасқан 66 шақырымды құрайтын 14 канал мен қашыртқыға механикалық тазалау жұмыстары жүргізілді. Ал биыл ұзындығы 87 шақырымға жуық 32 каналдар мен қашыртқыларды механикалық тазалаудан өткізу жоспарланған. Сонымен қатар қажеттілігіне қарай каналдарға күрделі жұмыстарын жүргізу көзделген.✔️Аймақ басшысы Абай ауылында «Ауыл – Ел бесігі» жобасы аясында салынып жатқан спорт кешенінің құрылысын бақылады. Құрылыс жұмыстарын «Корпорация АК ордасы» ЖШС 2023 жылдың маусымында бастаған. 1,5 гектар жерде орналасқан ғимараттың сыйымдылығы – 250 орын. Спорт ғимаратында түрлі деңгейдегі іс-шараларды өткізуге мүмкіндік қарастырылған. Мұнда бокс және күрес залдары, конференция залы, жуыну және жаттығу бөлмелері мен асхана бар. Нысан биыл пайдалануға тапсырылмақ.✔️Осы күні облыс әкімі Біртілек ауылдық округі, Оразата елді мекенінде орналасқан «Нұржан» шаруа қожалығының жылыжайына барды. Шаруа 0,62 гектар жерге лимон, қызанақ, қияр, қырыққабат, пияз, болгар бұрышы, баклажан және тағы басқа бақша дақылдарын егіп, көшеттерін шығаруда. Сонымен қатар көшеттердің жаңа сорттарын зерттеп, сор жерге арналған төзімді көшеттерді дайындайды. Жоба құны 100 млн. теңгені құраса, жылдық қуаттылығы – 2,5 млн. түп көшет. Жылыжайда 35 адам тұрақты және маусымдық жұмыспен қамтылған. Өнімдер еліміздің ішкі нарығын қамтып қана қоймай, Тәжікстан еліне де экспортталады.✔️Келес ауданында атқарылып жатқан жұмыстармен танысқан Нұралхан Көшеров өзекті мәселелерді назарға алып, аудан әкімі мен жауапты сала басшыларына су нысандарының жағдайын реттеуді, әлеуметтік нысандардың құрылыс сапасын қатаң бақылауда ұстауды, шаруаларға мемлекеттік қолдау шараларын түсіндіру жұмыстарын жандандыруды тапсырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938897

✔️Астана қаласында «Жұмысшы мамандықтар қаласы» атты фестиваль жалғасуда. ҚР Оқу-ағарту министрлігінің ұйымдастыруымен «EXPO» халықаралық көрме орталығында өтіп жатқан ауқымды жиын бүгін 3-ші күнге ұласты. Күні кеше Мемлекет басшысы Қасым-Жомарт Тоқаев көрмені аралап, жастармен кездесті.✔️Түркістан облысы әкімінің орынбасары Бейсенбай Тәжібаев бастаған делегация фестивальге белсене атсалысып, жалпы 250 адам қатысып жатыр. Делегация құрамында 10 облыстық және жергілікті мәслихат депутаттары, 50-ге жуық техникалық және кәсіптік білім беру ұйымдарының басшылары мен педагогтары, 100-ге жуық студент, 60 мектеп оқушысы, өңірдегі колледжердің әлеуметтік серіктестерінің 20 өкілі, сонымен қатар арнайы пән оқытушылары, өндірістік оқыту шеберлері бар.✔️«Жұмысшы мамандықтар қаласында» әр өңірдің ерекшелігіне қарай экономиканың 15 негізгі бағыты негізінде 20 аймақтың өндірістік көрмелері құрылған. Машина жасау, ақпараттық технологиялар, құрылыс, агроөнеркәсіп кешені, энергетика, көлік және ел экономикасының болашағын айқындайтын басқа да салалар қамтылған. Түркістан өңірінің екі бірдей колледжі тың технологияларын ұсынды. Мақтаарал аграрлық колледжі су шаруашылығы, ал Қапланбек жоғары аграрлық колледжі агро-экономикалық сала бойынша презентациялық көрмесінде үздік жобаларын таныстыруда.✔️Көрмені аралау барысында ҚР оқу-ағарту министрі Ғани Бейсембаев, вице-министрі Еділ Оспан түркістандық жастардың креативті жобаларын оң бағалады. Сонымен қатар делегация өзге облыстардың көрмелеріне экскурсия жасап, тәжірибе алмасты. Ал келушілер техникалық білім беру саласындағы жаңа технологиялармен, оқу бағдарламаларымен танысып, отандық колледждер ұсынатын жаңа және сұранысқа ие мамандықтар туралы ақпарат алды.✔️Басқосу аясында ірі кәсіпорындар, бизнес қауымдастық пен колледждер арасында өзара ынтымақтастықты дамытуға бағытталған меморандумдарға қол қойылуда. Қапланбек жоғары аграрлық техникалық колледжі түрлі бағытта бірқатар ұйымдармен келіссөз жүргізуді жоспарлап отыр. Атап айтқанда, «ЭКО-Культура Евразия» компаниясы, «Qazaq sut» ҚБ, «ME GROUP» ЖШС, ірі қара малдың сүт және аралас тұқымдарының республикалық палатасы, «С.Сейфуллин атындағы Қазақ агротехникалық зерттеу университеті» КеАҚ өкілдерімен кездеспек.✔️Айта кетейік, фестиваль басталғалы түрлі семинарлар мен мастер-класстар, мұнай және энергетика өнеркәсібі тақырыптары бойынша хакатон, мамандықтар шеруі, бос орындар жәрмеңкесі, стартаптардың тұсаукесерлері, концерттер мен тренингтер өтуде. Жұмысшы мамандықтарының жылын ресми түрде ашқан алғашқы іс-шара әрі еңбек адамдарын насихаттайтын фестиваль 15 ақпан күні өз мәресіне жетеді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938898

✔️Түркістан облысының әкімі Нұралхан Көшеров Сарыағаш ауданына арнайы іссапармен барып, бірқатар нысанды аралады. Өңір басшысы Сарыағаш қаласындағы «Қапланбек» кеден бекетіне барды. Кеден бекетінің басшысы Ержан Шынәділ бекетте атқарылып жатқан жұмыстар туралы баяндап, алдағы уақыттағы жұмыс жоспарларымен бөлісті.✔️«Қапланбек» кеден бекеті 2022 жылдың желтоқсан айында қайта жаңғырту жұмыстарын жүргізу үшін уақытша жабылған болатын. 2024 жылы күрделі жөндеу жұмыстары аяқталды. Қазақстан және Өзбекстан тарапымен «Қапланбек» және «Навои» өткізу пункттерінде бір уақытта жаңғырту мен техникалық жабдықтау жұмыстары жүргізіліп, 2025 жылдың 5 ақпанынан бастап өткізу пункті қайта жұмысын бастады.✔️«Қапланбек» өткізу пункті алдыңғы қатарлы халықаралық стандарттар бойынша жаңғыртылған. Шекарадан өту кезінде мемлекеттік бақылау түрлерін жүзеге асыру кезінде қолданылатын ең озық технологиялық жабдықтармен және екі бағытта 16 паспорттық бақылау кабиналарымен жабдықталған. Жеке тұлғалардың шекарадан ыңғайлы өтуі үшін барлық жағдай жасалған. Көлік ағыны қозғалысының барлық циклі автоматтандырылған. Өткізу қабілеті тәулігіне 20 мың жеке тұлғаға және 800 автокөлік құралына дейін ұлғайтылды.🔁Түркістан облысының әкімі Нұралхан Көшеров Сарыағаш ауданына жұмыс сапары барысында Жібек жолы елді мекенінде орналасқан полиция бөлімі ғимаратының құрылыс барысымен танысты.✔️«CK Abu Group» ЖШС-нің тапсырысымен бой көтеріп жатқан ғимарат биыл наурыз айында пайдалануға берілмек. Мердігер – «СтройТрансСервис KZ» ЖШС. Ғимарттың жалпы ауданы – 480 шаршы метр. Полиция бөлімінің жобалық құны – 280 млн. теңге. 2 қабаттан тұратын ғимаратта жалпы 34 бөлме қарастырылған. Облыстық полиция департаментіне 2025 жылға облыстық бюджеттен қаржы қаралған.✔️Қазіргі таңда, сыртқы жүретін жолдарды қоршау және ішкі әрлеу жұмыстары жүргізілуде. Құрылыс жұмыстарына 25 жұмысшы жұмылдырылған. Нысанды аралаған облыс әкімі мердігер мекеме өкіліне құрылыс жұмыстарына сапалы материалды қолдануды, құрылыс жұмыстарының қарқынын күшейтуді тапсырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938899

✔️Түркістан облысының әкімі Нұралхан Көшеров Сарыағаш ауданына жұмыс сапары барысында сарыағаштық кәсіпкерлермен кездесіп, кәсіпкерлік саласындағы мәселелер мен ұсыныстарын талқыланды. Нұралхан Көшеров «Бәйтерек-Шымкент» ЖШС-нің кондитерлік өнімдер өндіретін кәсіпорынның жұмысымен танысты. Бүгінде 40-тан астам адамды тұрақты жұмыспен қамтыған цех, айына 70-80 тонна, ал жылына 960 тонна өнім өндіруге қауқарлы. Цехта 32 түрлі өнім шығарылуда. Қазіргі таңда өндірілген тәттілер еліміздің түкпір-түкпіріне ғана емес, сонымен қатар Әзербайжан мемлекетіне де жөнелтілуде. Кәсіпорынға орнатылған қондырғылар Италия және Ресей елдерінен алынған.✔️Өндіріс орнын аралаған өңір басшысы Нұралхан Көшеров аудан әкімі мен жауапты басқарма басшыларына инвестиция тарту, өндіріс орындарын ашу бағытындағы жұмыстарды жандандыруды тапсырды.✔️Түркістан облысының әкімі Нұралхан Көшеров Сарыағаш қаласында бой көтеріп жатқан 300 орынға лайықталған жайлы мектептің жай-күйімен танысты. Жауапты басшыларға, мердігерге нақты тапсырмалар берді.📌– «Жайлы мектеп» жобасы – Президентіміздің тікелей қолдауымен және тапсырмасымен жүзеге асып жатыр. Жұмысты жауапкершілікпен атқарыңыздар. Жаңа оқу жылында мектеп жұмысын бастауы керек, – деген облыс әкімі бірқатар түйткіл бойынша сын-ескертпелерін айтты.✔️Білім ұясы «Samruk-Kazyna Construction» АҚ тапсырысымен салынып жатыр. Бас мердігер – «А-СПЕЦСТРОЙ» ЖШС. Жер телімі – 1,5 га. Жоба құны 2,6 млрд. теңгені құрайтын ғимараттың жалпы ауданы 6 667 шаршы метр. 2 қабататтан тұратын мектепте қазіргі таңда инженерлік инфрақұрылым жұмыстары ауыз су, электр, интернетке қосу жұмыстары толығымен аяқталған.✔️Жалпы ауданда «Жайлы мектеп» ұлттық жобасы аясында 4 мектеп салу жоспарланған. 2024 жылы 1 мектептің құрылысы аяқталған. Бүгінгі таңда 3 мектептің құрылыс жұмыстары жүргізілуде, биыл пайдалануға беріледі.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938900

✔️Азық-түлік қауіпсіздігі және тұрғындарды сапалы әрі қолжетімді азық-түлікпен қамтамасыз ету - маңызды бағыттардың бірі. Осы мақсатта бүгін Түркістан облысының әкімі Нұралхан Көшеров Сарыағаш ауданына жұмыс сапары барысында жергілікті шаруалармен кездесіп, саладағы маңызды мәселелерді талқылады. Диқандарды ауыл шаруашылығы өнімдерін өңдеу бағытына бет бұруға шақырды. Сондай-ақ қажет емес делдалдарды жою жолдары айтылды. Ол үшін өндіруші мен тұтынушының арасында байланыс орнатуға күш салу маңызды.✔️Кездесуде көтерме дистрибьюторлық орталық ашу мәселесі көтерілді. Бұл – ауылшаруашылық өнімдерін сақтауға, өңдеуге және өткізуге арналған құрылымдар мен жабдықтар кешені. Өңір басшысы жауаптыларға орталық ашу мәселесін озық елдер тәжірибесін пайдалана отырып қарастыруды тапсырды.✔️Облыс әкімі шаруаларға қалдықсыз өнімнің экономикаға тиімділігін түсіндірді. Азық-түлік саласын дамытудың маңыздылығын айтты. Бұл бағыттағы мемлекеттік қолдауларды, Сауран ауданындағы өндірістік паркте дәл осы бағытта жаңа жобаларды жүзеге асыруға күш салынғанын жеткізді. Диқандар мемлекет тарапынан көрсетілген қолдау үшін ризашылығын білдірді.📌– Біз үшін жаңа жұмыс орындарын ашу, осы бағытта өндірісті арттыру маңызды. Ауыл шаруашылығы өнімдерін өңдеу бағытына бет бұру керек. Су үнемдеу технологияларын қолдануға барынша басымдық беріледі. Еңбек өнімділігіне, жаңа тех­но­логияларды енгізуге, сапалы тұ­қым мен заманауи техниканы сатып алу­ға ерекше назар аудару қажет. Басты міндет – импортты төмендету және өңіріміз өзін-өзі азық-түлікпен қамтамасыз етуге барынша қол жеткізу, — деді Нұралхан Оралбайұлы.🔁Республикада салынған жылыжайлардың 70%-ы Түркістан облысына тиесілі. Жылыжайдың көлемі жыл сайын артуда.✔️Аймақ басшысы Сарыағаш ауданы, Жібек жолы ауылдық округіндегі «Agro Tur» шаруа қожалығында болды. 4 гектар жылыжай көкөністердің көшетін өндірумен айналысады. Атап айтсақ, қызанақ, қияр, қырыққабат, баялды (баклажан), болгар бұрышы, раушан, хризантема гүлдері өсіріледі. Жалпы жер көлемі 15,0 гектар. Жобаның құны – 1,2 млрд. теңге.✔️2019 жылы жұмысын бастаған «Agro Tur» шаруа қожалығы, бір мезетте 3 млн. көшет дайындауға қауқарлы. Ал жылына 12 млн. түп көшет және 310 тонна көкөніс өндіре алады. Шаруалар озық технологиялардың көмегімен ерекше әдісті қолданып отыр. Атап айтқанда, көшет өсіруге арналған 1 га жылыжай кешені голландиялық технологиямен жасақталған. Көшет дәнін себу, күтіп-баптау толық автоматтандырылған. Дән себу қондырғысы Италия елінен алынған. Өндірілген өнімдер Түркістан облысы, еліміздің солтүстік өңірлеріне саудалануда. Жылыжай кешенінде 30 адам тұрақты жұмыспен қамтылған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/938901

Қарағанды облысында өткен жылы жергілікті бюджеттен 1276 жаңа бизнес-жоба қаржыландырылды. Сондай-ақ жұмыс істеп жатқан компаниялар да мемлекеттік қолдауға ие болды. «Кәсіпкер» бағдарламасы мен Кәсіпкерлікті дамытудың 2021—2025 жылдарға арналған ұлттық жобасының арқасында ортопедиялық матрас және бөлме аралық есік шығаратын кәсіпорындар өндірісті кеңейтіп қана қоймай, бәсекеге қабілетті өнім шығаруды жолға қойды.2016 жылы құрылған «Фламинго KZ» ЖШС ортопедиялық матрастар шығарады. Компанияда өндірістің толық циклі – ортопедиялық серіппелі блокты дайындаудан бастап дайын өнімді орауға дейінгі процесс қамтылған. Жетекші өндірушілердің сапалы материалдарын пайдалану көптеген импорттық аналогтардан кем түспейтін өнім жасауға мүмкіндік берді. Бүгінде фабрикада 40-қа жуық адам жұмыс істейді. Жыл сайын кәсіпорынның салықтық аударымдары ұлғаюда. «Кәсіпкер» бағдарламасы бойынша алынған қаражат компанияға өндірісті кеңейтуге, жаңа жабдықтар сатып алуға және өнімділікті арттыруға көмектесті.– Біздің мақсатымыз – өңірде ғана емес, бүкіл Қазақстан бойынша танымал бренд болу, – дейді «Фламинго KZ» ЖШС сату бөлімінің бастығы Екатерина Нұрахметова. – Мемлекеттік қолдау бізге тұрақты дамуға көмектеседі.İsmail Doors – ірі тапсырыстарды орындауға дайын, өңірдегі бөлмеаралық есік шығаратын санаулы компаниялардың бірі. Кәсіпорынның жобалық қуаты – жылына 10–12 мың есік. Бөлме аралық есіктер сертификатталған материалдардан жасалады. Компанияда 20 адам жұмыс істейді. Бизнесті кеңейтуге және құрал-жабдықтар сатып алуға кәсіпорын 2021–2025 жылдарға арналған кәсіпкерлікті дамыту жөніндегі ұлттық жоба бойынша қолдауға ие болды.Кәсіпкерлік басқармасының басшысы Ирина Любарскаяның айтуынша, шағын және орта бизнесті қолдау – бұл экономиканың болашағына салынатын инвестиция. 2024 жылы облыстық бюджеттен 1276 жаңа жоба қаржыландырылды. Сондай-ақ бұрын қабылданған міндеттемелерді субсидиялау жалғасуда.– Біз бизнестің іскерлік белсенділігінің артқанын көріп отырмыз. Өңір экономикасындағы шағын және орта бизнестің үлесі 43,2% құрайды, – дейді Ирина Любарская. – Қолдаудың маңызды шараларының бірі бөлшек салық мөлшерлемесін екі есеге – 4%-дан 2%-ға дейін төмендету болды, бұл салық төлеушілер санын 20 есе, ал салық түсімдерінің сомасын 250 есе ұлғайтуға мүмкіндік берді.Өңiрдегi шағын және орта бизнестi дамытудың басым бағыттары өңдеушi және туристiк салалар болып қалып отыр. Ақпарат көзі : https://www.gov.kz/memleket/entities/karaganda/press/news/details/937246

Балқаш жылыжайында алдағы мерекелерге орай қызғалдақтар жайқалды. Әзірге гүлдер көп емес, бірақ сұраныс болса, олар жыл бойы өсіріледі.Балқаш жылыжайының иесі Нариман Сәрсембаев қызғалдақтарды тәжірибе ретінде отырғызғанын айтады. Әдетте оның жылыжайында қияр, қызанақ, тәтті бұрыш және аскөк өседі.– Қызғалдақтар – біз үшін жаңа бағыт. Ассортиментті әртараптандыруды шештік. Әрине, Саран мен Қарағандыдағы жылыжай иелерімен кеңесіп, көп нәрсені зерттеуге тура келді. Гүлдерді өзім гаражда тамыр жайғызып өсірдім. Ол жерде гүлдер үшін ең қолайлы температура болды. Қазір жылыжайда да температураны ұстап отырмыз. Қызғалдақтарға + 12 градус керек, бірақ бір қиыны сол жылыжайда қызанақ та бар, ал оларға жылу керек. Нәтижесінде + 14 температураны ұстап отырмыз. Бірінші партияда қараңғылықты дұрыс таңдауда аздап қателестік. Бірақ енді өзіміздің қателіктерімізді түсіндік, оларды түзетеміз, – деді Нариман Сәрсембаев.Қазір жылыжайда жеті мың қызғалдақ өседі. Егер гүлдерге сұраныс жоғары болса, онда олар тұрақты негізде өсірмек. Мұны кәсіпкер қажетті температураны ұстап тұру оңай болатын үй-жайда жасауды жоспарлап отыр.Балқаш жылыжайы 2500 шаршы метрді алып жатыр. Онда гидропоника сияқты ауыл шаруашылығының инновациялық тәсілдері қолданылады. Қызғалдақтар да осылай өсіріледі.– Әрине, біз кеңеюді қалаймыз. Бірақ мұның бәрі күрделі және үлкен инвестицияларды қажет етеді. Бізге субсидиялар өте көмектесер еді. Тағы бір проблема – кадр тапшылығы. Сауатты жас маман-аграршылар аз, – дейді Нариман Сәрсембаев.Осы қиындықтарға қарамастан, Балқаш жылыжайында аскөк пен көкөністің жақсы өнімін жинау жалғасуда.Қызметкерлер жас мамандармен бөлісе алатындай білім мен тәжірибе жинақтайды. Ақпарат көзі : https://www.gov.kz/memleket/entities/karaganda/press/news/details/937415

Қарағандыда аты аңызға айналған «Қыз Жібек» киноэпосына арналған «Қыз Жібек: рецепт любви и успеха» деректі фильмі көрсетілді. Тұсаукесер республикамызда басталған Қазақ киносы күндері аясында «Сарыжайлау» кинотеатрында өтті. Кездесуге Қазақстанның еңбек сіңірген әртісі Меруерт Өтекешова келді.Сұлтан-Ахмет Қожықовтың «Қыз-Жібек» фильмінің 50 жылдығына арналған деректі фильм Мәдениет және ақпарат министрлігінің, Ұлттық киноны қолдау орталығының қолдауымен түсірілген. Бұл 1972 жылы шыққан киноэпостың неге ұлттық мәдениеттің інжу-маржаны болып қалатыны туралы ой толғауы.Белгілі қоғам қайраткерлері, драматургтер, киносыншылар өз пікірлерін білдіреді. «Қыз-Жібек» фильмінде Жібектің көңіліне үміттенген Бекежанның рөлін сомдаған қазақ киносының шебері Асанәлі Әшімов естеліктерімен бөліседі.Бұған дейін тұсаукесер Алматыда, ҚР Ұлттық кітапханасында өткен болатын.– Мен сіздерге, Қарағандыға келгеніме қуаныштымын. Қала керемет, әдемі, мәдениеті бай. Қазір, премьераның алдында Сәкен Сейфуллин атындағы театрда кездестік. Мен үшін бұл деректі фильмді көрсету үлкен оқиға, – дейді түсірілімнің бастамашысы және фильмнің продюсері Меруерт Өтекешова.Мұндай жобаның идеясы актрисаның жұбайы Құман Тастамбековтың көзі тірісінде пайда болған, ол «Қыз Жібек» фильмінде Төлегеннің рөлін сомдаған. Меруерт Өтекешова қазақ классикасын мәңгі есте қалдыру, оны болашақ ұрпаққа мәдени мұра ретінде қалдыру маңызды деп санайды. Ол аңызға айналған киноэпостан әлі күнге дейін режиссерлік жұмысты, актерлік шеберлікті, операторлық өнерді үйренуге болатындығына сенімді.Қарағандыдағы премьераға келгендер арасында жастардың қатары қалың.Жібек рөлі Меруерттің актер мамандығына жол ашқаны белгілі. Ол кезде ол 16 жаста еді, оныншы сынып оқушысы байқауға қатысуға бел буып, өмірінде алғаш рет түсірілім алаңына шыққан екен.Сұхбат барысында танымал кино және театр актрисасы рөлге ие болу және атақты болу үмітімен кастингке баратын қыздар туралы сұраққа жауап берді.– Өздеріңіз білесіздер, ештеңе оңай келмейді. Киноға түсемін, экранға шығамын деген – олай емес. Актриса болу – орасан зор еңбек. Егер таланты болса, ол жарып шығады. Егер болмаса, бір рет сәті түсуі мүмкін, ал одан кейін ештеңе дамымайды. Бірінші және басты рөлім оңай болды деп ойламасын. Мен ешкімге айтқан емеспін, айтпаймын да. Қазір Астанадағы өнер институтында сабақ беремін. Ал мені ешкім үйреткен жоқ. Бір ішкі түйсік болды, соның арқасында әріптестерімді, режиссерді, операторды сезіндім. Ал ішкі монолог керектігін, дайындалу қажет дегенді, мен білген жоқпын. Қазір біз оны төрт жыл бойы үйретеміз: біреулерге жетеді, біреулерге жетпейді. Қайталап айтамын: орасан еңбек пен жан тылсымы - кез келген мамандықта қажет нәрсе, – деді Меруерт Өтекешова.Ақпарат көзі : https://www.gov.kz/memleket/entities/karaganda/press/news/details/937629

Қарағанды тау-кен-индустриялық колледжінде KAZFITTING компаниясының қолдауымен дәнекерлеу ісі бойынша сабақтарға арналған арнайы пәндер кабинеті ашылды. Серіктестер күрделі жөндеу жұмыстарын жүргізіп, жиһаз сатып алып, барлық көрнекі құралдарды толығымен жаңартты. Енді студенттерге мамандық игеру ыңғайлы әрі оңай.2024 жылдың қыркүйегінде колледж «KAZFITTING» ЖШС-мен келісім жасасты, соның арқасында студенттер кәсіпорынға барып, өндіріспен танысып, тәжірибеден өте алады.КМҚК директорының оқу-өндірістік жұмыс жөніндегі орынбасары Олег Кастальский кәсіпорындарды қолдау – оқытудың маңызды бөлігі екенін атап өтті. Колледж білім береді, ал тәжірибе оларды бекітуге және нақты жұмысқа дайындалуға көмектеседі.– Бизнес пен білім берудің өзара іс-қимылы – жас мамандардың табысты мансабының кепілі, – деп санайды Олег Кастальский. – Мұндай жобалар бізге өндіріспен байланыс орнатуға және оқытуды барынша өнімді етуге көмектеседі.Бизнес үшін де бұл тиімді: компанияға жұмысқа дайын мамандар қажет. KAZFITTING бақылау-өлшеу құрылғылары және автоматиканы жөндеу және қызмет көрсету бойынша электр газ дәнекерлеушілер, электр жабдықтарын монтаждаушылар және слесарьлар қажет екенін айтады. Өндірістік процестермен таныс колледж түлектері бірден жұмыс табады.Мұндай ынтымақтастықтан қос тарап та ұтады: колледж материалдық-техникалық базаны жаңарту мүмкіндігіне ие болады, студенттер – сұранысқа ие мамандықты игереді, ал кәсіпорындар – даярланған мамандармен қамтылады.Ақпарат көзі : https://www.gov.kz/memleket/entities/karaganda/press/news/details/937932

Қарағанды облысындағы республикалық маңызы бар Астана – Карағанды (KAZ01) тас жолының қар басу қаупі жоғары учаскелерінің бірінде жол қоршауының инновациялық түрі, яғни тростық тосқауылдардың аралық сынағы өтіп, сәтті аяқталды. Аталған сынақтар Теміртау қаласының маңында орналасқан ұзындығы 500 метрді құрайтын тәжірибелік-эксперименттік учаскеде жүргізілді. Аталған тростық жабдық Қарағанды қаласының бағытындағы жолдың бойында, нақтылап айтқанда жолақтарды бөліп тұратын белдеуде және жолдың оң жақ жиегінде орнатылды. Сынақтардың нәтижесінде бұл құрылғы ауа райының қолайсыз жағдайында (боран кезінде) жоғары тиімділікті көрсетті.Тростық қоршаулар дәстүрлі металл кедергілерден қарағанда айтарлықтай артықшылықтарға ие. Әсіресе қалың қар мен қатты жел жағдайларында өте тиімді. Олар қардың тростар арқылы еркін өтуіне мүмкіндік береді. Бұл оның бөлу жолақтары мен жолдың жиектерінде жиналуына жол бермейді. Сондай-ақ мұндай қоршаулар жолдарды механикалық тазалау шығындарын азайтуға ықпал етеді. Сөз етілген қоршау түрлері АҚШ, Жапония және Еуропада экономикалық тиімділігіне байланысты белсенді түрде қолданылады.Жоба ҚазжолҒЗИ мамандарының ғылыми-техникалық жетекшілігімен жүзеге асырылып жатыр. Олар әртүрлі ауа райы және пайдалану жағдайларында тростық қоршаулардың тиімділігіне екі жылдық мониторинг жүргізбек. Тәжірибе оң нәтиже берген жағдайда, тростық қоршаулар қар басу қаупі жоғары учаскелерде дәстүрлі металл кедергілерге балама бола алады. Аталған қоршаулар қыс мезгілінде қауіпсіз қозғалысты қамтамасыз етеді деп күтілуде.ҚР Көлік министрлігі Ақпарат көзі : https://www.gov.kz/memleket/entities/karaganda/press/news/details/938020

Биыл Саранда ТКШ жаңғырту жалғасады. Қала белсенді дамып келеді: тұрғын үйлер қалпына келтірілуде, жаңа нысандар ашылуда. Сәйкесінше инфрақұрылым осы өзгерістерге сай келуі тиіс.Өткен жылы Саранның ТКШ саласында қандай жұмыстар атқарылғаны және осы жылы не жасалатыны туралы Саран қаласының әкімі Дарын Бұлқайыр Өңірлік коммуникациялар қызметі ұйымдастырған брифингте айтып берді.Өткен жылы тұрғын үй-коммуналдық шаруашылықты жаңғырту бойынша үлкен жұмыстар жүргізілді, ал 2025 жылы қаланы бұдан да маңызды өзгерістер күтіп тұр.– Біздің негізгі міндетіміз – қаланың барлық өмірлік маңызды жүйелерінің үздіксіз жұмысын қамтамасыз ету. Жылумен жабдықтау мәселесі ерекше бақылауда, – деп атап өтті Саран әкімі Дарын Бұлқайыр.Бүгінгі таңда 113 көппәтерлі үй орталық қазандықтан, тағы 160 үй жергілікті қазандықтардан жылытылады. Биыл орталық жылу жүйесіне 57 үй мен 27 әлеуметтік нысан қосылады. Жұмыстар үйлердің дайындығына және ішкі құбырларға байланысты кезең-кезеңмен жүргізілетін болады.Қалада су құбыры желілерін қайта жаңарту жалғасады. Өткен жылы 28 км магистральді және 20 км орамішілік желілер салынды. Угольный кентінде жұмыстар аяқталды, ал басқа аудандарда әлі де жалғасады. 2025 жылы үйлер жаңа желілерге қосылуы тиіс.Бұдан басқа, көлемі 10 мың текше метр болатын екінші су көтергіште резервуар салынуда.– Ол ауыз су қорын құруға және сумен үздіксіз қамтамасыз етуге мүмкіндік береді, – деп атап өтті әкім.РТИ ауданындағы үйлерді қалпына келтіруге байланысты сумен жабдықтаудың, су бұрудың, резервуардың және көтергіш сорғы станциясының магистральдық желілерін салуға ЖСҚ әзірлеу басталды.Сондай-ақ, Саранда электр желілері жаңғыртылуда: қала балансына 9 фидер мен 52 км иесіз желілер берілді. Биыл фидерлерді ауыстыру, кабель қимасын ұлғайту және жарықтандырудың жаңа тіректерін орнату жоспарланған. Ақтаста да электр желілерін жаңғырту жөніндегі ауқымды жоба аяқталады. Бұл жұмыстардың барлығы электр энергиясын беру сапасын жақсартуға тиіс.Кәріз желілері де назардан тыс қалмады – 35,5 км қайта құру жоспарланған. Жұмыстар үш кезеңде жүргізілетін болады.– Қала өсуде, жаңа нысандар пайда болуда, желілер жүктемені көтеруге тиіс. Біз сенімді инфрақұрылым құру үшін жұмыс істеп жатырмыз, – деп атап өтті Дарын Бұлқайыр.Ақпарат көзі : https://www.gov.kz/memleket/entities/karaganda/press/news/details/937994