Дубайда (БАӘ) Fazza World Para Athletics Grand Prix 2025 әлемдік Гран-при сериясы аясында әлемнің ең мықты ерекше жеңіл атлетшілерінің сайысы аяқталды. Қарағандылық спортшылар Қазақстан құрамасының құрамында сегіз медальдің бесеуін жеңіп алды.Ядро лақтыруда 2024 жылғы Паралимпиада ойындарының чемпионы Дастан Мұқашбеков үздік атанды.Жүз метрге жүгіруден Руфат Хабибуллин үшінші орынды иеленді. Бірақ өткен маусымда ол өзін найза лақтыруда сынап көрді. Жаңа спорт түрінен нәтижесі – әлемдік Гран-при сериясының күміс медаліне ие болды.Игорь Хлыстов жүз метрге жүгіруден екінші орын алды.Ал бесінші жүлдені Бекжан Бөлкетай жеңіп алды – ұзындыққа секіруден күміс жүлдегер атанды.Параатлеттерді Сергей Безгачев жаттықтырады.Қарағанды облысы дене шынықтыру және спорт басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/938221

Қарағандыда қарттарға арналған Ұзақ өмір сүру орталығының қосымша учаскесі ашылады. Олар стретчинг, би, тыныс алу гимнастикасы және тренажер залына тегін бара алады.Белсенді ұзақ өмір сүру орталығының жаңа учаскесі Ермеков көшесі, 46/2 мекенжайы бойынша 3 наурызда жұмыс істей бастайды. Онда жаттығу залы, спортпен айналысуға және іс-шараларға арналған залдар, үстел ойындары бар. Сондай-ақ орталықта психолог пен заңгердің кеңесін алуға болады.Мұндай учаскені құру бастамасы Қарағанды белсенді ұзақ өмір сүру орталығының қызметкерлеріне тиесілі.– Біз қарттарға барлығы 27 қызмет түрін көрсетеміз. Мұның бәрі тегін. Қазір бұл қызметтерге фитнес орталығы да қосылады. Ол толық жабдықталған, штат та жоғары педагогикалық білімі бар жаттықтырушылармен жасақталған, – дейді Белсенді өмір сүру орталығы директорының орынбасары Мария Құсайынова.Орталыққа келуге өтініштерді зейнеткерлер қазірден бастап бере алады. Ол үшін зейнетақы куәлігін, 027у нысаны бойынша амбулаториялық картадан үзінді көшірмені, психоневрологиялық диспансерден анықтама мен флюорографияны қамтитын құжаттар топтамасын жинау қажет.1 наурызға дейін құжаттарды мына мекен-жайға жеткізу қажет: Қарағанды Орталық саябағы, 157 квартал, 106 учаске, Sport Line фитнес-клубы. Клуб сағат 09:00-18:00, түскі үзіліс сағат 13:00–14:00 аралығында жұмыс істейді.3 наурыздан кейін құжаттар мына мекен-жай бойынша қабылданады: Ермеков көшесі, 46/2, Persona клубы. Жұмыс уақыты сағат 09:00-ден 18:00-ге дейін, түскі үзіліс сағат 13:00-ден 14:00-ге дейін.Қосымша ақпаратты (8-7212) 41-42-36 және 50-52-38 нөмірлері бойынша алуға болады.Ақпарат көзі : https://www.gov.kz/memleket/entities/karaganda/press/news/details/938421

Қарағандылық бизнесмендер ҚР қаржы вице-министрі Дәурен Темірбековпен кездесуде салық реформаларына қатысты өз ескертулері мен ұсыныстарын білдірді. Пікірталас екі сағаттан астам уақытқа созылды. Осы уақыт аралығында түрлі салалар мен қызмет көрсету саласының 19 өкілі баяндама жасады. Ашық диалогта кәсіпкерлер өз ұстанымдарын білдірді.Еске сала кетейік, Президент Қасым-Жомарт Тоқаев 7 ақпанда Астанада бизнеспен кездесу барысында Үкіметке ҚҚС мөлшерлемесі бойынша мәселені қосымша пысықтауды тапсырған болатын. Жұмыс топтары жергілікті жерлердегі бизнес-қоғамдастықпен салықтық реформаларды талқылау үшін өңірлерге барады.Сараланған тәсілді енгізу мәселесі талқыланды.– Жалпы ҚҚС мөлшерлемесін 16% деңгейінде белгілеу ұсынылады, ал ауыл шаруашылығы тауарларын өндірушілерді салықтан толық босату жоспарланып отыр. Бірқатар салалар үшін аралық мөлшерлемені 10%-ға енгізу ұсынылды – деді Дәурен Темірбеков.Сондай-ақ, ҚҚС бойынша қолданыстағы есепке қою шегін 80 млн теңгеден 15 млн теңгеге дейін төмендету ұсынылады.Ал кәсіпкерлер нөлдік ҚҚС қолдануды кеңейту қажет деп есептейді.– Бүгін мен ет өңдеу саласының, агроөнеркәсіп кешеніндегі маңызды сегменттің мүддесін білдіремін. Ауыл шаруашылығы тауарын өндірушілер ҚҚС-тан босатылған, ал ет өңдеу кәсіпорындары өндірістік тізбектің қисынды жалғасы болып табылғанымен, әзірге жоқ. Тең жағдай жасауды ұсынамын. Бұл шешім салықтың бәсекеге қабілеттілігін арттырып, ет өнімдерінің тұрақты бағасын қамтамасыз етуге мүмкіндік береді, – деді кәсіпкер Денис Дедов.Теміртаулық республикалық қоғамдық бірлестіктің жетекшісі Марина Бошель B2B-бизнеске қатысты мәселелерді көтерді.Түрлі салалар қозғалды: тұрғын үй құрылысы, заң және бухгалтерлік қызметтер, сауда және т. б.Өңірлік кеңес мүшесі Николай Абт көлеңкелі экономикамен күреске, жекелеген салаларды монополиясыздандыруға, мемлекеттік активтерді жекешелендіруге және ірі шикізат компаниялары үшін салық жеңілдіктерін қайта қарауға назар аударуды ұсынды. Ол экономика мен бизнес үшін ықтимал тәуекелдерге егжей-тегжейлі талдау жасады.Кездесуге қатысушылар экономиканы дамыту мен жұмыс орындарын көбейтуді қамтамасыз ететін шағын және орта бизнестің мүдделерін ескеруге шақырды. Барлық ұсыныстар «Атамекен» ҰКП арқылы қаржы министрлігіне жіберіледі.– Жақсы диалог болды. Көптеген ұсыныстар айтылды. Бәрін жазып алдық, әрине, талқылаймыз. Біз өңірлерді аралаймыз, ұсыныстардың бір бөлігі ұқсас. Жаңа салық кодексінде ескерілген сұрақтар да қойылды. Жұмыс жалғасады, соның ішінде Парламент алаңында да, – деп қорытындылады сөзін Дәурен Темірбеков.Ақпарат көзі : https://www.gov.kz/memleket/entities/karaganda/press/news/details/938592

Бүгін ҚР өнеркәсіп және құрылыс министрі Қанат Шарлапаев «Жұмысшы мамандықтар қаласы» фестивалінде болды. Ол болашақ мамандарды, жұмыс берушілерді және кәсіптік білім беру ұйымдарын біріктірді. Бұл Президент жариялаған «Жұмысшы мамандықтар жылы» аясындағы алғашқы ауқымды іс-шара.Министр тау-кен, металлургия, машина жасау, құрылыс және тұрғын үй-коммуналдық шаруашылық салалары бойынша кәсіптік білім беру ұйымдарында мамандарды даярлау барысымен танысты.Министрлік бақылайтын салалар бойынша 13 тақырыптық үй ұсынылды, олар Тау-кен ісі және металлургия, Машина жасаушылар және Құрылысшылар көшелерінде орналасқан.Фестиваль Қазақмыс корпорациясы, QARMET, Eurasian Resources Group, AK Altynalmas, Tau-Ken Samruk, Allur, BI Group, Nur Astana Құрылыс, Сардар Групп, «Қазақстан автомобиль одағы» ЗТБ демеуші компаниялардың қолдауымен ұйымдастырылды.Тақырыптық үйлер келесі оқу орындарының тікелей қатысуымен құрал-жабдықтармен жабдықталған: Семей қаласының геологиялық барлау колледжі, Хромтау тау-кен техникалық жоғары колледжі, Степногорск тау-кен техникалық колледжі, Теміртау жоғары политехникалық колледжі, «Қазақмыс» корпорациясының политехникалық колледжі, Қарағанды жоғары политехникалық колледжі, ASTANA автокөлік колледжі, Қостанай жоғары көлік колледжі. ПОЛИТЕХНИКА, Қарағанды техникалық-құрылыс колледжі, Алматы құрылыс-техникалық колледжі, Астана қаласы әкімдігінің сервис және туризм колледжі.Ақпарат көзі : https://www.gov.kz/memleket/entities/mps/press/news/details/938675

Өткен 2024 жылмен салыстырғанда ел бойынша автомобильдік транзиттік тасымалдау көлемі 39 пайызға артып, шамамен 5 миллион тонна жүкті құрады.Бұл ретте Қытайдан транзит 67%-ға өсті (1,5 млн. тоннадан 2,5 млн. тоннаға дейін). Транзиттік тасымалдардың динамикасын сақтау және одан әрі өсуін қамтамасыз ету үшін Министрлік келесі шараларды жүзеге асырады:- Түркия, Ресей, Латвия, Литва -елдерімен шетелдік рұқсат бланкілерін электронды форматына көшу. - Португалия және Даниямен автомобиль тасымалы бойынша жаңа Үкіметаралық келісімдер жасау арқылы тасымалдау географиясын кеңейту.Халықаралық автомобиль тасымалдарын жүзеге асыру үшін Қазақстан қазіргі уақытта 42 Үкіметаралық келісім жасасты, олардың негізінде министрлік жыл сайын рұқсат бланкілерімен алмасады.Ақпарат көзі : https://www.gov.kz/memleket/entities/transport/press/news/details/938263

Қаржы вице-министрі Дәурен Темірбеков Өңірлік кәсіпкерлер палатасының алаңында Ақмола облысының бизнес-қоғамдастық өкілдерімен кездесті. Жиында салық реформалары, оның ішінде ҚҚС мөлшерлемесін арттыру мәселесі талқыланды. Еліміздің президенті Қасым-Жомарт Тоқаев биылғы 7 ақпанда Астанада бизнес өкілдерімен өткен кездесуде Үкіметке ҚҚС мөлшерлемесі бойынша мәселені қосымша пысықтауды тапсырған болатын. Осыған байланысты Премьер-министр Олжас Бектеновтің тапсырмасы бойынша Үкімет мүшелері «Атамекен» ҰКП өкілдерімен бірлесіп жергілікті жерлерде кәсіпкерлік қоғамдастықпен салық саясаты мәселелерін талқылау мақсатында өңірлерге барды.  Дәурен Темірбеков ҚҚС сараланған мөлшерлемелері бойынша Үкіметтің ұсыныстарын жеткізді. Қосылған құн салығының жалпы мөлшерлемесін 16% деңгейінде белгілеу ұсынылуда, ал ауыл шаруашылығы өнімдерін өндірушілерді салықтан толығымен босату жоспарланып отыр. Бірқатар салалар үшін 10% аралық мөлшерлеме енгізіледі. Осылайша, Үкімет ұсынған ҚҚС мөлшерлемесін саралау: 16%, 10%, 0%, салықтан босатуды қамтиды.  «ҚҚС өсімі үй маңындағы дүкендерге, мейрамханаларға, сұлулық салондарына және басқа да бөлшек сауда орындарына әсер етпейді», — деп түсіндірді ҚР ҰЭМ салық және кеден саясаты департаментінің директоры Ерлан Сағынаев. Кездесу барысында салалық қауымдастық өкілдері салық заңнамасына ұсынылатын өзгерістерге қатысты өз пікірін білдірді. «Салықты көтеруден басқа, бюджет шығыстарының құрылымын сыни тұрғыдан қайта қарау маңызды. Өткен жылы енгізілген қатаң бюджеттік ережелердің сақталуына бақылауды күшейту қажет, ел экономикасының ішінде резервтерді іздеу қажет. Еңбекақы төлеу қорына салық жүктемесінің 10%-ға төмендеуі ҚҚС мөлшерлемесін көтеру есебінен өтемақымен қатар жүрмеуі тиіс, ол дербес салық реформасы болуы керек», — деп есептейді Ақмола облысы Туристік қауымдастығының басшысы, туризм және экология салалық кеңесінің төрағасы Қайрат Сұлтанов. Шағын бизнес субъектілері атынан «С.А. Ахмадиев» ЖК басшысы Сәдібек Ахмадиев сөз сөйлеп, тіркеу кезінде ҚҚС-ты 50 мың АЕК-ке дейін ұлғайтуды қарастыруды ұсынды. Ақмола облысы Кәсіпкерлер палатасының директоры Ерқанат Мұсылманбек қосылған құн салығында мөлшелме мен шекті тіркеу мәселесі ақылға қонымды түрде қабылдануы тиіс екенін айтты. «Ақмола бизнес-қоғамдастығының пікірі ескеріледі деп үміттенеміз, біз әріптестеріміздің барлық ұсынысын ҰКП Орталық аппараты арқылы қаржы министрлігіне жазбаша түрде жолдаймыз. ҚҚС мөлшерлемесі мен шекті тіркеу мәселесі білікті сарапшылардың, кәсіпкерлер мен депутаттардың пікірін ескере отырып, ақылға қонымды түрде қабылдануы керек», — деп толықтырды ол. Өз кезегінде вице-министр Дәурен Темірбеков келіп түскен барлық ұсыныс мұқият қаралып, талданып, әрі қарайғы жұмыста ескерілетінін атап өтті.  Ақпарат көзі : https://www.gov.kz/memleket/entities/aqmola/press/news/details/938136

Қазақстанда халықты жүз пайыз сапалы ауыз сумен қамтамасыз ету бағдарламасы биыл мәресіне жетеді. Жыл соңына дейін елдің барлық қалалары мен ауылдарында ауыз су мәселесі толық шешіледі. Ақмола облысында бұл үшін 400 шақырымнан астам су құбырын салу мен реконструкциялауды көздейтін 45 жоба іске асырылуда. Астананың іргесіндегі елді мекендерді сумен жабдықтау жұмыстары аяқталып келеді, соңғы 4 жоба жүзеге асырылса 100 пайыз көрсеткішке қол жеткізіледі.«Биыл облыс орталығының іргесіндегі Станционный кентінде, сонымен бірге, Қосшы, Макинск және Ерейментау қалаларында жүзеге асырылып жатқан жобаларды аяқтау жоспарланған. Бұл жобаларды іске асыруға аудандық және облыстық бюджеттерден қомақты қаражы бөлінді», - деді Ақмола облысының әкімі Марат Ахметжанов.Ауылдық елді мекендердегі халықты ауыз сумен қамтамасыз етудің маңызы зор. Осы ретте, биыл 37 ауылда су құбыры желілері салынады.«Ауыл тұрғындарын тіршілік нәрімен қамтамасыз ету мақсатында биыл 37 ауылда су құбыры желілерін салу жоспарланған. Сонымен қатар, суды тазартуға арналған кешенді блок-модульдер орнатылады», - деп толықтырды спикер.Бұл жобаларды іске асыру нәтижесінде 12 мыңнан астам ақмолалық таза ауыз сумен қамтылады. Бұған қоса, жыл соңына дейін өңірде сумен жабдықтау және су бұру жүйелерінің тозуын азайтуға бағытталған 70 жобаны жүзеге асыру көзделген.Ақпарат көзі : https://www.gov.kz/memleket/entities/aqmola/press/news/details/938142

Мемлекет басшысы  жариялаған Жұмысшы мамандықтар жылы аясында 2025 жылдың 11-15 ақпан аралығында Астана қаласының «EXPO» көрме орталығында «Жұмысшы мамандықтар қаласы» ауқымды фестивалі өтуде. Ұйымдастырушы – Қазақстан Республикасының Оқу-ағарту министрлігі.Іс-шара жұмысшы мамандықтарының маңыздылығын айқындауға, олардың беделін арттыруға және жастарды сұранысқа ие мамандықтарды игеруге ынталандыруға бағытталған.Ағымдағы жылдың 12 ақпанында Ақмола облысы әкімінің орынбасары Досұлан Айтбаев, мәслихат төрағасы Бейбіт Жүсіпов, білім басқармасының басшысы Айнагүл Балташева, облыстық кәсіпкерлер палатасының директоры Ерқанат Мұсылманбек, облыстық мәслихат депутаттары және т.б. делегация өкілдері іс-шараға қатысып, алаңдардың жұмысымен танысты.«Фестиваль техникалық және кәсіптік білім беру жүйесінің бизнеспен үйлесімді жұмысының айқын үлгісі болды. Мұнда нарықтың өзекті талаптарына жауап беретін ең жаңа технологияларды, заманауи жабдықтарды және бейімделген білім беру бағдарламаларын көрсететін жетекші кәсіпорындар мен білім беру ұйымдары ұсынылғаны маған қатты әсер етті. Қонақтар отандық колледждер ұсынған жаңа және сұранысқа ие мамандықтармен танысып, әлеуетті жұмыс берушілерімен тілдесе алады», - деп атап өтті Досұлан Айтбаев.Фестивальда Ақмола облысының төрт колледжі өздерінің білім беру мекемелерін және мамандар даярлау саласындағы жетістіктерін ұсынды.- Көкшетау қаласының Жоғары техникалық колледжі механизаторлар  мен автомобиль жолдарын салушылар үйін таныстырады, бұл машина жасау, құрылыс және көлік инфрақұрылымы салаларымен танысуға мүмкіндік береді.- Көкшетау қаласының Азаматтық қорғаныс көпсалалы жоғары колледжі өрт сөндірушілер мен құтқарушылар бұрышын ұйымдастырады, мұнда қонақтар төтенше жағдайлар қызметкерлерінің жұмысымен таныса алады.- Щучинск қаласының Орман шаруашылығы, экология және туризм жоғары колледжі орманшылар үйін дайындап, табиғатты қорғау, орман шаруашылығы және экотуризм мамандықтары туралы ақпарат береді.- Степногорск қаласының Тау-кен техникалық колледжі байытушылар үйін ұсынады, онда кен өндіру, пайдалы қазбаларды игеру және өңдеу салалары бойынша мамандықтармен танысуға болады.Көрме орталығының аумағында сегіз тақырыптық көше мен 40 шығармашылық үй ұсынылған.Фестиваль аясында қонақтар жұмысшы мамандықтарының негізгі бағыттарын көрсететін тақырыптық аймақтарды аралап, заманауи мамандықтармен танысып, тәжірибелі мамандар мен сарапшылардан шеберлік сабақтарын тыңдай алады. Ұйымдастырушылардың айтуынша, алғашқы екі күнде бұл көрмеге 15 000-нан астам адам келген. Ақпарат көзі : https://www.gov.kz/memleket/entities/aqmola/press/news/details/938250

«ҚазҚСҒЗИ» АҚ мамандары тұрғын және қоғамдық ғимараттарға арналған ілінетін темірбетон панельдерінің эксперименттік сынақтарын жүргізді. Бұл эксперименттік-зерттеу жұмысының негізгі мақсаты сейсмикалық қауіптілігі 9 баллға дейінгі алаңдарда тұрғызылған қатаң жобалық схемалары бар ғимараттарға арналған сыртқы темірбетон қабырғалық панельдердің жобалық шешімдерінің тиімділігін сипаттайтын мәліметтерді алу болды.Зерттеу барысында темірбетон конструкцияларының сейсмикалық жүктемелер әсеріндегі мінез-құлқын зерттеу, темірбетон панельдері мен ғимараттың негізгі конструктивтік элементтері арасындағы қосылыстардың сенімділігін тексеру міндеттері қойылды. Сондай-ақ, сейсмотұрақтылықты қамтамасыз ететін оңтайлы құрылымдық шешімдерді анықтау және антисейсмикалық күшейтуге кететін шығындарды азайту міндеттері де болды. Темірбетон панельдерінің құрылымдық шешімдерін жетілдіру бойынша ұсыныстар әзірлеу және Қазақстанның сейсмотұрақты құрылысында ілінетін темірбетон панельдерін қолданудың тиімді салаларын анықтау қажет болған.Қасбет жүйелерін эксперименттік зерттеу екі қабатты болат қаңқадан тұратын арнайы сынау орнында жүргізілді. Сейсмикалық жүктемелерді модельдеу үшін стендтің төбесіне В-2 вибромашинасы орнатылып, тербеліс туғызды. Бұл ілінетін темірбетон панельдеріне динамикалық жүктеме түсіруге және олардың ғимарат жүйесіндегі мінез-құлқын зерттеуге мүмкіндік берді. Ақпарат көзі : https://www.gov.kz/memleket/entities/mps/press/news/details/937725

2025 жылғы 11 ақпанда Абу-Даби қаласында (БАӘ) өткен ИКАО жаһандық симпозиумында ИКАО Бас хатшысы Хуан Карлос Саласар Кәсіби дайындау орталығының директоры Жанот Уртембаеваға PLATINUM мәртебесін растайтын құрмет белгісін тапсырды. Бұл ИКАО TRAINAIR PLUS бағдарламасына қатысушылар арасында ең жоғары мәртебе болып табылады.PLATINUM мәртебесіне қол жеткізу үшін ИКАО бағдарламасының талабы бойынша ИКАО мақұлдаған стандартталған оқу курстарын өткізе отырып, күнтізбелік жыл ішінде кемінде 100 міндетті миль жинақтау қажет. 2024 жылдың қорытындысы бойынша Кәсіби дайындау орталығына (КДО) 116 міндетті миль есептелді.ИКАО TRAINAIR PLUS бағдарламасы оқу ұйымдары мен салалық әріптестердің корпоративтік қоғамдастығы болып табылады. Қатысушылар ИКАО мақұлдаған оқу курстарын бірлесіп әзірлейді және өткізеді. TRAINAIR PLUS оқу орталықтарына стандартталған оқу-әдістемелік кешендердің жаһандық желісіне қолжетімділікті ұсыну, олардың техникалық сараптамасын жүзеге асыру, сондай-ақ авиация мамандарын даярлау сапасын қадағалау арқылы авиация персоналын оқытуды жаһандық стандарттауды қамтамасыз етеді. Бүгінгі таңда бұл бағдарламаға корпоративтік әріптестерді (жоғары оқу орындары мен халықаралық ұйымдар) қоса алғанда 120 қатысушы мүше болып табылады.PLATINUM мәртебесі авиациялық персоналды даярлауға ерекше көңіл бөлетін, өңірде немесе жаһандық деңгейде жетекші рөл атқаратын бағдарламаға қатысушыларға арналған. Бүгінде «Қазаэронавигация» РМК-да тек ИКАО сертификатын алған курс әзірлеушілер ғана емес, сонымен қатар ИКАО курстары әдіснамасының нұсқаушылары мен валидаторлары да бар.Қазіргі уақытта орталықта авиация персоналын даярлайтын 36 жоғары білікті маман жұмыс істейді, оның ішінде теориялық және жаттығу құрылғысында даярлайтын 18 нұсқаушы және диспетчерлік жаттығу құрылғысының 6 операторы бар. Кәсіби дайындау орталығы Қазақстан Республикасының азаматтық авиация ұйымдарына, сондай-ақ шетелдік тапсырыс берушілерге 67 оқу бағдарламасын ұсынады.2024 жылдың қорытындысы бойынша «Қазаэронавигация» РМК Кәсіби дайындау орталығында Қазақстаннан, таяу және алыс шетелдерден азаматтық авиация саласының 2821 маманы білім алды.Айта кету керек, ИКАО Еуропалық және Солтүстік Атлант бюросында PLATINUM мәртебесі тек 4, ал бүкіл әлемде 16 оқу ұйымына берілген және олардың бірі «Қазаэронавигация» РМК Кәсіби дайындау орталығы болып табылады.Ақпарат көзі : https://www.gov.kz/memleket/entities/transport/press/news/details/938017

Торонто қор биржасында (TSX) жарияланған ресми хабарламаға сәйкес, әлемдегі жетекші тау-кен өндіруші компаниялардың бірі және 21-ғасырдағы ең ірі мыс кен орындарын ашушы Ivanhoe Mines Қазақстандағы Шу-Сарысу мыс бассейнінде – әлемдегі үшінші ірі шөгінді мыс бассейнінде барлау жұмыстарының басталғаны туралы хабарлайды.Ivanhoe Mines компаниясы Ұлыбританиядағы Pallas Resources компаниясымен серіктестіктегі 16 000 км² аумақты қамтитын аймақтағы ең үлкен лицензиялық пакетті зерттеу үшін бірлескен кәсіпорын құрды. Бұл жоба Қазақстандағы мыс барлау тарихындағы ең ірі жобалардың бірі болып табылады және әлемдік тау-кен секторы үшін жаңа перспективалар ашады.Компанияның бағыты: Ivanhoe Mines Қазақстанда28 жыл бойы Ivanhoe Mines мыс барлау және бірегей, әлемдік деңгейдегі кен орындарын игеруде алғаш ашушы болып қала береді. Компанияның серпінді жаңалықтарына Конго Демократиялық Республикасындағы Kamoa-Kakula, Platreef кен орны және Ою  Толгой кіреді. Олар тау-кен өнеркәсібінің мүмкіндіктері туралы түсінікті өзгертті. Енді компанияның сапары игерілмеген орасан зор пайдалы қазбалар әлеуеті бар Қазақстанда жалғасын табуда. "Қазақстан әлемдегі жетекші тау-кен аймақтарының бірі және оның Шу-Сарысу бассейнінде әлі ашылмаған орасан зор мыс қоры бар. Біз әлемдік деңгейдегі мыс кен орындарын қалай табуға болатынын және оларды қалай игеруге болатынын білеміз. Африкадағы тәжірибеміз Қазақстанды жаһандық мыс өндірудің жаңа эпицентрі бола алатынын сенімді түрде айтуға мүмкіндік береді", - атап өтті Ivanhoe Mines атқарушы тең төрағасы Роберт Фридтер.Жобаның миссиясы: тұрақты даму және жаңа ашылуларIvanhoe Mines серіктестігінің бөлігі ретінде алғашқы екі жылда жобаны 18,7 млн доллар көлемінде қаржыландыруға міндеттелді, сондай-ақ табысты ашылған жағдайда оның үлесін 80% -ға дейін арттыруға құқылы.АҚШ Геологиялық қызметінің (USGS) мәліметтері бойынша, Шу-Сарысу бассейнінде 25 млн тоннаға дейін мыс болуы мүмкін, бұл аймақты әлемдегі ең перспективалы аймаққа айналдырады. Мұнда соңғы 40 жылда алғаш рет озық әуе геофизикалық технологиялары мен цифрлық деректерді талдау арқылы ауқымды геологиялық барлау жұмыстары басталады ."Бұл жоба жай ғана мыс іздеу емес, бұл Қазақстан, оның экономикасы мен халқы үшін жаңа мүмкіндіктердің ашылуы. Біз тұрақты дамуға, жұмыс орындарын құруға және геологиялық барлау мен өндіруде экологиялық таза технологияларды пайдалануға ұмтыламыз. Бұл жай ғана инвестиция емес, бұл жаһандық металлургияның болашағына салынған инвестиция", –  атап өтті Ivanhoe Mines президенті Марна Клете.Қазақстан – әлемдік тау-кен секторының картасындағы жаңа нүктеҚазақстан қазірдің өзінде әлемдік пайдалы қазбаларды өндіруде жетекші орынға ие:Уран өндіруден әлемде 1-ші орын.Хромит өндіру бойынша 2 орынМыс, мырыш, темір рудасы және көмірдің негізгі өндірушісіДегенмен, мемлекет мыстың жаңа табылулары тұрғысынан әлі де зерттелмеген. Ivanhoe Mines пен Pallas Resources бірлескен кәсіпорны осы олқылықтың орнын толтырып, жаһандық мыс өндіру картасын өзгерте алатын жаңа кен орындарын ашуды мақсат етеді.Ivanhoe Mines компаниясы туралыIvanhoe Mines – Африкадағы ірі мыс, платиноид, никель және мырыш кен орындарын игеруге және барлауға бағытталған канадалық тау-кен компаниясы. Компанияның негізгі жобаларының қатарында:1.    Kamoa-Kakula кешені: Конго Демократиялық Республикасында (КДР) орналасқан бұл жоба әлемдегі ең жылдам дамып келе жатқан және жоғары сапалы мыс кен орындарының бірі болып саналады. 2024 жылы кешендегі мыс өндірісі 437 061 тоннаға жетті, кеңейтудің үшінші кезеңі аяқталғаннан кейін жылдық өндіріс 600 000 тоннадан асады деп күтілуде.2.    Platreef кен орны: Оңтүстік Африканың Лимпопо провинциясында орналасқан. Бұл кен орнында платина, палладий, никель, мыс, родий және алтын бар. Platreef әлемдегі ең ірі платина кеніштерінің біріне айналады деп күтілуде.3.    Kipushi кеніші: КДР-да, Кипуши қаласына жақын жерде орналасқан . Тарихи тұрғыдан бұл кеніш мыс пен мырыш өндірісімен танымал болған. Біраз әрекетсіздіктен кейін Айвенхоу Майнз кеніште мырыш өндірісін қалпына келтіру үшін Gécamines мемлекеттік компаниясымен жұмыс істеуде. Дамудың алғашқы бес жылында мырыштың орташа құрамы 36,4% құрайды деп күтілуде.4.    Ою Толгой әлемдегі ең ірі игерілмеген мыс және алтын кен орны болып саналады. Ол Гоби шөлінде, Қытаймен шекаралас Моңғолиядан солтүстікке қарай 80 км жерде орналасқан. Ivanhoe 2008 жылғы наурыздағы деректері бойынша кен орнының қоры 35,74 млн тонна мыс пен 45,2 млн унция алтынға бағаланады.Одан бөлек, Ivanhoe Mines компаниясы өзінің Конго Демократиялық Республикадағы Kamoa-Kakula кешенінің жанында Батыс етегіндегі (Western Foreland) лицензиялары бойынша жаңа мыс кен орындарын белсенді түрде барлауда.Осы тізім Орталық Азиядағы ең ірі мыс барлау бағдарламасы болып табылатын Қазақстандағы Шу-Сарысу жобасымен толықтырылды .Ақпарат көзі : https://www.gov.kz/memleket/entities/mps/press/news/details/937795

📌 Ұлытау облысында ҚР қаржы вице-министрі Дәурен Темірбековтің өңірдегі бизнес-қоғамдастықпен кездесуі өтті. Жиынға 200-ден астам кәсіпкер қатысты.🔵 Кездесу барысында жергілікті кәсіпкерлер салық заңнамасына енгізілетін өзгерістерге қатысты өз пікірлерін білдірді. Бизнес-қоғамдастық атынан Ұлытау облысының Кәсіпкерлер және өнеркәсіпшілер қауымдастығының төрайымы Надежда Ким, Өңірлік кеңес мүшесі, «Жангаскинова» ЖК негізін қалаушы Шолпан Жангаскинова, Жаңаарқа ауданы мәслихатының депутаты, «Ералиев» АӨК төрағасы, «Қоғалы көл» шаруа қожалығының басшысы Жанболат Жуанышбаев және басқа да кәсіпкерлер сөз сөйледі.➡️ Ұлытау облысы Кәсіпкерлер палатасының директоры Гүлмира Қаженова өңірлік бизнес өкілдерімен мұндай кездесулер «Халық үніне құлақ асатын мемлекет» тұжырымдамасының жұмыс істеп жатқанын көрсететінін айтты. Өз кезегінде, «Атамекен» ҰКП әрбір заңнамалық бастама кәсіпкерлер мен инвесторлардың мүдделерін ескере отырып, жан-жақты талданады деп күтеді.🔵 Кездесу қорытындысы бойынша өңірлердегі бизнес өкілдерінің пікірі салық реформаларын одан әрі жетілдіру барысында міндетті түрде ескерілетіні атап өтілді.Ақпарат көзі : https://www.gov.kz/memleket/entities/ulytau/press/news/details/937552

Ақмола облысында Мемлекет басшысының бірыңғай дрондар инфрақұрылымын енгізу жөніндегі тапсырмасы аясында пилоттық жоба іске қосылды.«Бірыңғай дрондар инфрақұрылымы» атты бұл жоба мемлекеттік және инфрақұрылымдық жобаларды басқарудың ашықтығы мен тиімділігін арттыруға бағытталған. Жүйе мектептер мен жолдардың құрылысын бақылауға, жылу желілерінің жай-күйін қадағалауға, жер қойнауын пайдалану саласындағы заңбұзушылықтарды анықтауға және тұрғын үй-коммуналдық шаруашылық жұмысының сапасын жақсартуға мүмкіндік береді.Облыс әкімдігінде өткен жиында Ақмола облысының цифрландыру және архивтер басқармасы «Қазақтелеком» АҚ-мен бірлесіп жобаны облыс әкіміне таныстырды. Презентация барысында пилотсыз ұшу аппараттарын жедел бақылау мен талдау жүргізуде пайдалану мүмкіндіктері көрсетілді.Облыс әкімі бұл бастаманы қолдап, пилоттық кезең аясында дрондар Көкшетау және Қосшы қалаларында қолданылатынын атап өтті. Сонымен қатар, шалғай елді мекендерді тексеру үшін мобильді дрондар пайдаланылады.«Цифрлық технологиялар мемлекеттік басқару саласында маңызды рөл атқарады. Инновациялық шешімдер көрсетілетін қызметтердің сапасын жақсартуға ғана емес, сонымен қатар ықтимал қауіп-қатерлерді азайтуға мүмкіндік береді. Ақмола облысы осындай озық жобаларды енгізуде пилоттық өңір болуға дайын», – деді облыс әкімі Марат Ахметжанов.Жобаның негізгі артықшылықтарының бірі – жылу желілерінің жағдайын дрон арқылы қашықтан бақылау. Бұл жылу шығындарын анықтап, оларды жою бойынша уақтылы шаралар қабылдауға мүмкіндік береді. Сонымен қатар, дрондар жер қойнауын пайдалану саласындағы заң бұзушылықтарды тіркеп, экологиялық нормалардың сақталуын қамтамасыз етеді.«Қазіргі технологияларды пайдалану әлеуметтік нысандар – мектептер мен жолдардың құрылысы барысын нақты уақыт режимінде бақылауға мүмкіндік береді. Бұл процестердің ашықтығын қамтамасыз етіп, тиімділігін арттырады және басқарушылық шешімдерді жедел қабылдауға ықпал етеді», – деп атап өтті Ақмола облысының цифрландыру және архивтер басқармасының басшысы Мағжан Ержан.Жобаны жүзеге асыру аясында Ақмола облысының цифрландыру және архивтер басқармасының басшысы Мағжан Ержан мен «Қазақтелеком» АҚ-ның цифрлық бизнес дивизионының бас директоры Абылайхан Оспанов өзара ынтымақтастық туралы меморандумға қол қойды.Айта кетейік, цифрлық технологияларды дамыту және заманауи мониторинг құралдарын пайдалану – өңірді дамытудың басым бағыттарының бірі. Егер «Бірыңғай дрондар инфрақұрылымы» пилоттық жобасы сәтті жүзеге асса, оны бүкіл облыс аумағында кеңейту жоспарланып отыр.Ақпарат көзі : https://www.gov.kz/memleket/entities/aqmola/press/news/details/937160

Бұл Көлік министрлігі мен ғалымдардың бірлескен эксперименті.Қарағанды облысындағы республикалық маңызы бар «Астана-Карағанды» (KAZ01) тас жолының қар басу қаупі жоғары учаскелерінің бірінде жол қоршауының инновациялық түрі, яғни тростық тосқауылдардың аралық сынағы өтіп, сәтті аяқталды. Аталған сынақтар Теміртау қаласының маңында орналасқан ұзындығы 500 метрді құрайтын тәжірибелік-эксперименттік учаскеде жүргізілді. Аталған тростық жабдық Қарағанды қаласының бағытындағы жолдың бойында, нақтылап айтқанда жолақтарды бөліп тұратын белдеуде және жолдың оң жақ жиегінде орнатылды. Сынақтардың нәтижесінде бұл құрылғы ауа райының қолайсыз жағдайында (боран кезінде) жоғары тиімділікті көрсетті.Тростық қоршаулар дәстүрлі металл кедергілерден қарағанда айтарлықтай артықшылықтарға ие. Әсіресе қалың қар мен қатты жел жағдайларында өте тиімді. Олар қардың тростар арқылы еркін өтуіне мүмкіндік береді. Бұл оның бөлу жолақтары мен жолдың жиектерінде жиналуына жол бермейді. Сондай-ақ мұндай қоршаулар жолдарды механикалық тазалау шығындарын азайтуға ықпал етеді. Сөз етілген қоршау түрлері АҚШ, Жапония және Еуропада экономикалық тиімділігіне байланысты белсенді түрде қолданылады.Жоба ҚазжолҒЗИ мамандарының ғылыми-техникалық жетекшілігімен жүзеге асырылып жатыр. Олар әртүрлі ауа райы және пайдалану жағдайларында тростық қоршаулардың тиімділігіне екі жылдық мониторинг жүргізбек. Тәжірибе оң нәтиже берген жағдайда, тростық қоршаулар қар басу қаупі жоғары учаскелерде дәстүрлі металл кедергілерге балама бола алады. Аталған қоршаулар қыс мезгілінде қауіпсіз қозғалысты қамтамасыз етеді деп күтілуде.Ақпарат көзі : https://www.gov.kz/memleket/entities/transport/press/news/details/937493

12 ақпанда Көлік министрлігінің Қоғамдық кеңесінің биылғы бірінші отырысы өтті, оның барысында 2024 жылғы жұмыс қорытындылары талқыланып, қоғамдық кеңестің 2025 жылға арналған жұмыс жоспары бекітілді.Бекітілген жұмыс жоспары кешенді және жан-жақты, бірнеше ауқымды бағыттарды қамтиды, атап айтқанда теміржол, автомобиль тасымалы нарығын тұрақтандыру, кеме қатынасын дамыту, автомобиль жолдарын салу саласындағы проблемалар, республикалық бюджетті игеру, сыбайлас жемқорлыққа қарсы іс-қимыл, 2030 жылға дейін көлік-логистикалық әлеуетті дамыту және 2029 жылға дейін теміржол көлігін дамыту тұжырымдамаларында көзделген іс-шаралар жоспарларын іске асыру жүк және жолаушылар теміржолы, авиация, автомобиль тасымалдары саласындағы бизнестің проблемалары, жұмысшы кәсіптерінің жылын өткізу барысы туралы, Теміржол көлігін реформалауды іске асыру барысы туралы, жүк теміржол тасымалдары саласындағы бәсекелестікті дамыту.2024 жылдың ішінде Кеңес заңнаманы жетілдіру, азаматтардың өтініштерін қарау және Министрліктің ведомстволық бағынысты ұйымдарымен өзара іс-қимыл бойынша ұсыныстар әзірлеумен айналысты.Қоғамдық кенес мүшелері бюджеттің атқарылуына үнемі талдау жүргізді, салалық форумдарға белсенді қатысты және мүгедектігі бар адамдар үшін қолжетімді орта мәселесін көтерді және инклюзивті қоғамды қалыптастыру үшін жағдай жасады.Сондай-ақ, қоғамдық кенес отырысында 5 салалық комиссиясының құрамы бекітілді: Азаматтық авиация мәселелері, Т/Ж және су көлігі мәселелері, автомобиль көлігі мәселелері, автожол мәселелері, бюджет мәселелері және сыбайлас жемқорлыққа қарсы іс-қимыл жөніндегі Комиссия.Ақпарат көзі : https://www.gov.kz/memleket/entities/transport/press/news/details/937580

ҚР Өнеркәсіп және құрылыс вице-министрі Қуандық Қажкенов Маңғыстау облысына жұмыс сапары барысында су жабдықтау және су тазарту жүйелерін жаңғыртуға қатысты бірнеше нысанды аралады.Сапар аясында елді мекендерді сумен жабдықтауды жақсартуға бағытталған бірқатар маңызды инфрақұрылымдық жобалардың құрылысы мен қайта жаңғырту жұмыстары тексерілді.Президенттің тапсырмасын орындау мақсатында тәулігіне 50 мың м³ су өндіретін «Кендерлі» курорттық аймағында тұщыландыру зауытының құрылысы жүзеге асырылуда.Жоба екі кешенге бөлінген: инженерлік инфрақұрылымның сыртқы желілері және ішкі инженерлік желілері бар тұщыландыру зауыты. Қазіргі уақытта инженерлік-коммуникациялық инфрақұрылым құрылысы аяқталды. Сондай-ақ, тұщыландыру зауытының ғимараттары салынды. Іске қосу 2025 жылдың мамыр айында жоспарлануда, бұл Жаңаөзен қаласы мен жақын маңдағы елді мекендерді үздіксіз сумен қамтамасыз етеді.2019 жылдан бері «Каспий» тұщыландыру зауытының қуатын тәулігіне 20 мың м³-тен 40 мың м³-ке дейін ұлғайту жобасы жүзеге асырылып келеді. Қазіргі уақытта қабылдау құжаттарын рәсімдеу процесі жүріп жатыр. Зауыт қуатының артуы Ақтау қаласы мен Мұнайлы ауданының халқына қосымша су беруге мүмкіндік береді.2023 жылдан бастап Форт-Шевченко қаласында тәулігіне 5 мың м³ су өндіретін тұщыландыру кешенінің құрылысы жүргізілуде. Жұмыстарды 2025 жылдың наурыз айында аяқтау жоспарланған. Қазіргі уақытта негізгі құрылыс-монтаж жұмыстары аяқталып, іске қосу-жөндеу жұмыстары жүргізілуде.Сондай-ақ Ақтау қаласындағы №2 кәріздік тазарту құрылыстарының құрылысы (КТҚ-2) 2023 жылдан бастап жүргізілуде, қуаты тәулігіне 40 мың м³ құрайды. Темірбетон жұмыстары 95%-ға орындалды, жабдықтар нысанға жеткізілді. Жұмыстар жоспарға сәйкес жүргізілуде, жоба 2025 жылдың қыркүйегінде пайдалануға беріледі.Қуандық Қажкенов жұмыс сапары барысында жобалардың іске асырылу барысымен танысып, жауапты тұлғаларға тиісті тапсырмалар берді, сондай-ақ барлық жұмыстарды уақытында аяқтаудың маңыздылығын атап өтті. Аталған жобаларды іске асыру өңірдің су жабдықтау жүйесін айтарлықтай жақсартып, халықты сапалы ауыз сумен қамтамасыз етіп, тұрғындардың өмір сүру деңгейін арттыруға мүмкіндік береді.Ақпарат көзі : https://www.gov.kz/memleket/entities/mps/press/news/details/937238

Қарағанды облысының әкімі Ермағанбет Бөлекпаев Венгрияның Қазақстандағы төтенше және өкілетті елшісі Отто Ронамен кездесті. Тараптар Saran индустриялық аймағының аумағында жоғары сапалы жемдер мен премикстер өндіретін зауыт құрылысын талқылады.– Бiрлескен өндiрiстi iске қосудың арқасында бiздiң агроөнеркәсiп кешенiнде әлеует зор болмақ, – деп атап өтті Отто Рона. – Бұдан басқа, фармацевтика мен энергетика саласында да біз дамыта алатын қызықты жобалар бар.Венгрлік UBM Group компаниясы мал шаруашылығы мен құс шаруашылығына арналған жоғары сапалы құрама жем мен премикстер шығаратын заманауи зауыт салуды жоспарлап отыр. Шикізат ретінде жергілікті ауыл шаруашылығы өндірушілерінің дәнді дақылдары пайдаланылатын болады, бұл әсіресе үш ірі астық егетін ауданның жақындығын ескерсек, маңызды жоба болмақ.Зауытта 35 жұмыс орны құрылады. Өндірістік процесс барынша автоматтандырылады. Бірінші кезеңде кәсіпорынның қуаттылығы жылына 100 мың тонна өнімді құрайды, оны 200 мың тоннаға дейін ұлғайту мүмкіндігі бар. Өнімнің бір бөлігі өңірде қалады, екіншісі экспортталады.– Орталық Азия біз үшін стратегиялық бағыт болып табылады. Нарықты зерттеп, біз инвестиция салу үшін Қазақстанды таңдадық. Бұл елде үш зауыт салу және жергілікті аграршылармен кешенді ынтымақтастық орнатуды жоспарлап отырмыз, – деді UBM Group инвестициялар жөніндегі директоры Петер Золтан.Ермағанбет Бөлекпаев облыстың ұзақ мерзімді ынтымақтастыққа дайын екенін атап өтті.– Біз халықаралық серіктестерді тартуға және жаңа өндірістер құруға мүдделіміз. Зауыт үшін жер телімі бөлініп, қажетті қуаттарға қосылатын нүктелер қамтамасыз етілді. Жобаға инвестициялық жеңілдіктер мен артықшылықтарды қоса алғанда, мемлекеттік қолдау көрсетілетін болады, – деп атап өтті Ермағанбет Бөлекпаев.Бүгінгі таңда Қазақстанда премикс шығаратын зауыттар жоқ және құс фабрикалары оларды шетелден, негізінен Ресейден сатып алады. Ақпарат көзі : https://www.gov.kz/memleket/entities/karaganda/press/news/details/935679

Астанада ҚР Білім министрлігі ұйымдастырған бес күндік «Жұмысшы мамандықтар қаласы» фестивалі басталды. Бұл Жұмысшы мамандықтар жылын ресми түрде ашқан алғашқы, сондай-ақ техникалық және кәсіптік білім беру саласындағы ең ауқымды шара. Оған Қарағанды облысынан үш жетекші колледж қатысады. Олар металлургтердің, энергетиктердің, тас және плита қалаушылардың шығармашылық үйлерін таныстырды, онда жас келушілер интерактивті форматта жұмысшы мамандықтарда өздерін сынай алады.Имровизацияланған Жұмысшы мамандықтар қаласының аумағында сегіз тақырыптық көше ашылып, 40 креативті үй ұсынылған.Теміртау жоғары политехникалық колледжі өзінің әлеуметтік серіктесі Qarmet компаниясымен бірге кеншілер мен металлургтер көшесінде қара металлургия үйін орнатты.– Өзімізбен бірге «Жас маман» жобасы бойынша сатып алған жабдықтарды: тренажерлар, металлографиялық микроскоптар және т. б. әкелдік. Келушілер манекендерде домна пеші мен конвертер болат балқытушысының жабдықтарын көреді. Олардың арнайы киімдері мен аяқ киімдері жоғары температураға төзімді материалдардан жасалған. Жалпы металлургтердің жұмыс үдерісін көрсетеміз. Шеберлік сабақтарын дайындадық, – деді Теміртау жоғары политехникалық колледжінің директоры Салтанат Ақбергенова.Осы көшеде асыл металдар үйі бар. Оны өзінің әлеуметтік серіктестерімен, жер қойнауын пайдаланушы компаниялармен, Қарағанды жоғары политехникалық колледжімен бірге таныстырды. Келушілер бұрғылау қондырғысының, тиегіштің тренажерларында жаттыға алады.Ал энергетиктер мен мұнайшылар көшесінде осы оқу орны электриктер үйін тұрғызды. Қарағанды жоғары политехникалық колледжінің директоры Жанар Рахымованың айтуынша, шеберлік сабақтарында энергетика туралы қарапайымнан күрделіге дейін толық мәлімет береді.Қарағанды техникалық-құрылыс колледжі құрылысшылар көшесінде тас қалаушылар мен плита төсеушілер үйін таныстырды.– Тас кесу және тақтайша кесу станоктарында студенттер құрылыс материалдарымен кірпіш қалау және тақтайшамен қаптау жұмыстарын көрсетеді. Интерактивті аймақта фестивальдің бес күні бойы оқушылар арасында кірпіш қалау бойынша байқаулар өткіземіз, – деп хабарлады колледж директоры Әсел Сапарова.11–15 ақпанда Астанада EXPO халықаралық көрме орталығында (Мәңгілік ел даңғылы, 53/1) «Жұмысшы мамандықтар қаласы» республикалық фестивалі өтуде. Кез келген ыңғайлы уақытта сағат 10:00–18:30 дейін баруға болады. Кіру тегін. Ақпарат көзі : https://www.gov.kz/memleket/entities/karaganda/press/news/details/935733

Қарағанды облысында жыл сайын сал ауруына шалдыққан балаларды оңалтуды қаржыландыру көлемі өсуде. 2020 жылдан бастап мұндай көмек міндетті әлеуметтік медициналық сақтандыру шеңберінде көрсетіледі. Осының арқасында өңірде медициналық ұйымдардың жанынан жаңа оңалту орталықтары, бөлімшелер мен кабинеттер ашылуда.Балалардың церебралды сал ауруы кезіндегі оңалтудан өтуі – міндетті әлеуметтік медициналық сақтандыру пакетінде ең көп сұранысқа ие болып отырған шаралардың бірі. Балаларды оңалту медициналық сақтандыру жүйесін енгізгенге дейін де тегін көмек аясында жүргізілді, бірақ қаржыландырудың жетіспеуінен қазіргідей ауқымдырақ көлемде көрсетілмеген.Көпсалалы облыстық балалар клиникалық ауруханасында 2023 жылы үш жасқа дейінгі балаларға арналған заманауи оңалту орталығы ашылды. Мұнда сал ауруы кезінде, сондай-ақ инсульттан кейінгі ақаулар, бұлшық ет дистрофиясы және орталық нерв жүйесінің басқа да зақымданулары бар балаларға оңалтудың 3-ші кезеңі жүргізіледі.— 2024 жылы біз 3—18 жас аралығындағы балаларға арналған екінші оңалту орталығын аштық. Өткен жылдың өзінде 1300-ден астам бала МӘМС бойынша оңалтудан өтті. Орталықта «Қамқорлық» корпоративтік қорының қолдауымен алынған жақсы жабдықтар мен заманауи құрылғылар бар. Реабилитологтар, неврологтар, логопедтер, психологтар, дефектологтар жұмыс істейді, — дейді оңалту орталығының жетекшісі Нина Деркач.— Менің қызымның аты Мәриям. Ол 3 жаста. Оңалту орталығына алғаш рет 2024 жылдың басында өтініш білдірдік. Бірінші курстан кейін нәтиже бірден байқалды. Екінші рет 3 айдан кейін түстік. Оған аяқтарының сал ауруы диагнозы қойылған. Қазір үшінші оңалту курсынан өтудеміз. Бәрі тегін. Аяғын емдеумен қатар, бала логопедтермен айналысады. Қазір қызым аяғында нық тұрады. Бұл үлкен жетістік, — дейді қыздың анасы.— Жоспарлы медициналық көмектің кез келген түрін алу секілді, оңалтудан өту үшін де тіркелген жері бойынша емханадағы учаскелік дәрігерге жүгіну қажет. Содан кейін пациентті бізге, реабилитолог дәрігерге немесе мамандардың мультидисциплинарлық тобына консультацияға жібереді. Біз өтініш берушінің жағдайын зерттеп, жоспарланған оңалтудың қажеттілігі мен тиімділігін бағалаймыз, сондай-ақ бастапқы оңалту диагнозын қалыптастырып, қалпына келтіру жоспарын анықтаймыз, — деп атап өтті Нина Деркач.Медициналық сақтандыру қорының Қарағанды филиалының ақпараты бойыншаАқпарат көзі : https://www.gov.kz/memleket/entities/karaganda/press/news/details/936116

Қарағандыда өткен жылы 20 км су құбыры желісі мен осынша кәріз желісі ауыстырылды. Бұл апаттар санын азайтуға мүмкіндік берді. Биыл инвестициялық бағдарлама бойынша қайта жаңарту жұмыстары жалғасады. Мақсаты – коммуникациялардың тозуын азайту және қызметтердің сенімділігі мен сапасын қамтамасыз ету.Қарағанды облысының әкімі Ермағанбет Бөлекпаевтың тапсырмасы бойынша монополистер «Инвестиция орнына тариф» бағдарламасын жүзеге асыру бойынша есеп береді. Жаңа тарифтер мен инвестициялық бағдарлама туралы «Қарағанды Су» компаниясында айтылды.Су құбыры желілерінің ұзындығы - 1200 км, ал олардың тозуы - 59%. Қала бойынша 20 жыл бұрын төселген 400 шақырымға жуық құбыр бар. 40-50 жыл бұрын салынған желілер де бар.Кәріз жүйесінде де өзекті проблема бар. Желілердің тозуы - 82%. 737 км құбырлардың 500 км-ден астамы 30-50 жыл бұрып, кейбірі тіпті одан да ерте салынған.Кәсіпорында 1700-ге жуық адам еңбек етеді.1 ақпаннан бастап сумен жабдықтау және су бұру қызметтеріне жаңа тарифтер күшіне енді. Өзгерістер Табиғи монополияларды реттеу комитеті департаментінің бұйрықтарымен бекітілді.«Қарағанды Су» ЖШС бас директоры Ербол Төлеуов тарифтердің көтерілуіне әсер еткен үш факторды атады. Бұл 2025 жылға арналған қаражаттың ұлғаюымен, қызметкерлер жалақысының өсуімен, стратегиялық тауарлардың: су және электр энергиясының қымбаттауымен «Инвестициялар орнына тариф» бағдарламасын іске асырудың жалғасы.– Биыл бекітілген инвестициялық бағдарлама бойынша 40 су құбыры желісін қайта құру жоспарланған. Қосымша инвестициялық бағдарлама бар - тағы бес нысан. Сәйкесінше, 45 көшеде жалпы ұзындығы 30 км болатын су құбыры желілерін ауыстырамыз. Сондай-ақ 18,5 км кәріз желісін ауыстыру жоспарланып отыр. Инвестициялардың жалпы сомасы 6,1 млрд теңгені құрайды, – деп хабарлады Ербол Төлеуов.Оның айтуынша, компания 20-дан астам жаңа техника сатып алған, бұл апатты тез арада жоюға мүмкіндік береді. Ақпарат көзі : https://www.gov.kz/memleket/entities/karaganda/press/news/details/936128