Сайрамда «Ұрпақ тәрбиесіндегі бетбұрыс» тақырыбында «Әкелер мектебінің кеңесі» ұйымдастырылды. Аталған шара аудандық Ардагерлер кеңесінің жанындағы «Әкелер мектебінің» төрағасы Сейдуалы Темірбаевтың бастамасымен өтті.Тағылымды жиында мәні бөлек, мазмұны ерек мәселелер көтерілді. Ортаға орамды ойлар тасталды.Жиында аудан әкімінің орынбасары Мадияр Әліпов, «Ардагерлер кеңесі» қоғамдық ұйымының мүшелері, Ардагерлер кеңесінің төрағасы Ілес Айтжан, Аудандық қоғамдық кеңестің төрағасы Мұрат Есалиев сөз сөйлеп, жас ұрпақты түзу жолдан тайдырмай тәрбиелеу барлық жиынға қатысушылардың парызы мен міндеті екенін жеткізді. Сонымен қатар өскелең ұрпақ тәрбиесіндегі ата-аналар, ардагерлер, әкелер, әжелердің рөлдері туралы тілге тиек етіліп, нақты кеңестер берілді.Аталған іс-шараға Сайрам ауданының барлық білім беретін жалпы орта мектептерінің директорлары мен тәрбие ісі жөніндегі орынбасарлары, бала тәрбиесіне жауапты педагогтар, ата-аналар комитетінің төрағалары және де Сайрам ауданының әкелер, әжелер ұйымдарының алқалары, зиялы қауым өкілдері қатысты.Алдағы уақытта ауданға қарасты барлық ауылдық округтерде осындай кездесулер ұйымдастыру жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/900112

Түркістан облысының әкімі Дархан Сатыбалды кезекті рет өңір тұрғындарын жеке қабылдады. Азаматтардың өтініштері мен ұсыныстарын тыңдап, жауапты сала басшылары және құзырлы органдармен бірге оңтайлы шешу жолдарын қарастырды.Қабылдауға келген тұрғындардың басым бөлігі ауыл шаруашылығы, кәсіпкерлік және білім салаларына қатысты мәселелерді ортаға салды. Аймақ басшысы көтерілген әрбір мәселе хаттамаға енгізіліп, заң аясында тиісті жұмыстар жүргізілетінін жеткізді.– Облысты дамытуда жергілікті тұрғындардың ұсыныс-пікірлері маңызды. Көтеріліп жатқан мәселелер орынды. Кәсіп бастап, жаңа жұмыс орындарын құрамын деген азаматтарға әкімдік тарапынан заң шеңберінде қолдау көрсетіледі, – деді Дархан Сатыбалды.Созақ, Ордабасы, Қазығұрт, Сайрам, Шардара аудандарынан келген тұрғындар және Түркістан қаласының тұрғындары жылыжай салу үшін жер қарастыруға, кәсіпкерлерге арналған жеңілдетілген несие, балық шаруашылығымен айналысу үшін субсидия және қайтарымсыз грант алуға, жер телімінің мақсатын ауыстыруға ықпал етуді сұрады. Сонымен қатар жеке қабылдауда суармалы жер, ағын су, тұрғын үй алу және жұмысқа орналасу туралы мәселелер көтеріліп, фильм түсіру бойынша ұсыныстар айтылды.Дархан Сатыбалды жауапты тұлғаларға әрбір мәселені жіті зерделеп, заң аясында жұмыс жүргізуді тапсырды. Бірқатар мәселе сол мезетте шешімін тапты.Айта кетейік, облыс әкімі мен орынбасарлары белгіленген кестеге сәйкес облыс тұрғындарына жеке қабылдаулар өткізіп келеді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/900121

Үкіметте бес ірі көлік-логистикалық хабты жаңғырту барысы талқыланды Үкімет отырысында көлік инфрақұрылымын жаңғырту, халықаралық дәліздерді дамыту және кедендік рәсімдерді оңайлату жөніндегі шаралар туралы көлік вице-министрі Мақсат Қалиақпаров баяндады. Ол Каспий торабын дамыту аясында Ақтау және Құрық теңіз порттарын жаңғырту жұмыстары қарқынды жүріп жатқанын хабарлады. Ақтау портында контейнерлік хаб салу бойынша жобаны іске асыру басталды. Жұмыстың аяқталуы келесі жылдың соңына жоспарланған. Оны іске асыру порттың өткізу мүмкіндігін жылына 250 мың ЖФБ-ға дейін арттыруға мүмкіндік береді. Құрық портына келетін болсақ, биыл қуаты жылына 1 млн тонна болатын жаңа астық терминалы іске қосылды. Қорғас торабы бойынша «SKYHANSA» ЖШС қазақстандық-германдық бірлескен кәсіпорны жүк-жолаушылар әуежайының жобасын іске асыру бойынша жұмыс бастады. «Қорғас» АЭА аумағында жүк терминалын, кедендік бақылау аймағын, жанармай қоймасын, әуе кемелеріне қызмет көрсетуге арналған авиациялық-техникалық орталықты және жүк әуекомпаниясын қамтитын авиация хабын құру жоспарлануда. Өткізу мүмкіндігін арттыру үшін Алтынкөл стансасын жаңғырту жоспарланған.Осындай жұмысты Қырғызстанмен шекарада орналасқан Индустриялық сауда-логистикалық кешенде де жүргізу көзделген. Ал «Еуразия» трансшекаралық сауда орталығы мен «Орталық Азия» халықаралық өнеркәсіптік кооперация орталығында өткізу мүмкіндігін арттыру мақсатында «Подстепное – Федоровка» (144 км) автомобиль жолын жөндеу және «Дарбаз – Мақтаарал» (152 км) теміржол желісінің құрылысын жүргізу күтіліп отыр.Ақпарат көзі : https://www.gov.kz/memleket/entities/transport/press/news/details/899595

8 желтоқсан күні Қызылсуат ауылына кіреберіс жолды жарықтандыру жұмыстары аяқталды. Бюджеттің төртінші деңгейінің қаражаты есебінен ұзындығы 1,2 км кіреберіс жол бөлігінде шамдары бар 35 тірек орнатылды. Жоба құны 10 млн теңгені құрап, жұмыстарды «Метал энерджи» ЖШС мердігерлік ұйымы орындады.Жаңа жарықтандыру жүйесі түнгі уақытта көрінуді жақсартып, ауылдың жалпы келбетін айшықтайды. Сонымен қатар, ауылдағы қауіпсіздікті арттыру мақсатында 22 бейнебақылау камерасын орнату жоспарланған, оның ішінде 3 камера кіреберіс жолда орнатылды.Бұған дейін Қызылсуат ауылдық округінде Шұбар, Аққайың және Қызылсуат ауылдарында жалпы ұзындығы 3,5 км жол учаскелеріне шамдары бар 99 тірек орнатылған болатын.Сонымен қатар, жақында округте ұялы байланыс операторының базалық станциясы орнатылып, іске қосылды. Бұл желінің сапасын жақсартуға және деректерді беру жылдамдығын арттыруға мүмкіндік береді.Аталған жобалар қауіпсіздікті күшейтуге, жергілікті тұрғындар мен қонақтардың өмір сүру жағдайларын жақсартуға бағытталған. Іске асырылған бастамалар ауылдық округтің инфрақұрылымын жақсарта отырып, оның заманауи, қолайлы және тартымды өңірге айналуына ықпал етеді. Ақпарат көзі : https://www.gov.kz/memleket/entities/aqmola/press/news/details/899367

Астрахан ауданы Жалтыр ауылының тұрғыны Инга Дмитриева мемлекеттік қолдау мен жеке бастаманың өмірді қалай өзгерте алатындығының жарқын мысалы болды.Көп балалы ана грант алу құқығын пайдаланып, «Бастау Бизнес» бағдарламасы бойынша оқудан өтті. Ол кәсіпкерлік негіздерін игерді, бизнес-жоспар әзірледі және өзінің «Болашақ фермасы» жобасын қорғады. «Менің идеям заманауи технологияларды қолдана отырып, табиғи сүт өнімдерін өндіруге және жаңа және сапалы өнімдердің қол жетімділігін арттыруға бағытталған», - дейді Инга Дмитриева.Астрахан ауылының тұрғыны Серікбол Авдикерим де осы бағдарлама бойынша оқудан өтіп, өзінің бизнес-жобасын іске асыру үшін грант түрінде мемлекеттік қолдау алды. Оның жобасы ауылдағы фаст-фуд өндірісіне арналған. Ол қажетті жабдықты сатып алып, тауарды сатуға кірісті.Ауданда «Бастау Бизнес» бағдарламасы бойынша кәсіпкерлік негіздеріне оқытуға барлығы 40 адам өтті, ағымдағы жылы бизнес-идеяларды іске асыруға 7 грант берілді. Ақпарат көзі : https://www.gov.kz/memleket/entities/aqmola/press/news/details/899577

ҚР Еңбек және халықты әлеуметтік қорғау министрлігі Мемлекеттік еңбек инспекциясы комитеті Ұлытау облысы бойынша департаментінің басшысы тағайындалды. Жасұлан Рүстемов 1986 жылы 19 тамызда туған. Д.А.Қонаев атындағы университетін «Ақпараттық жүйелер» мамандығы және Қазақ технология және бизнес университетін «Мемлекеттік және жергілікті басқару» мамандығы бойынша бітірген. Еңбек жолын 2007 жылы «Фемида» заң колледжінде ақпараттық жүйелер оқытушысы болып бастаған. 2008-2013 жылдары ҚР Көлік және коммуникация министрлігінің «Ақпараттық-тұсаукесер орталығы» республикалық мекемесінде ақпараттандыру қызметінің техник-инженері және осы қызметтің бастығы болған. Әр жылдары ҚР Көлік және коммуникация министрлігі Көліктік бақылау комитетінде бас сарапшы, ҚР Инвестициялар және даму министрлігі құжаттамалық қамтамасыз ету басқармасының басшысы, Жезқазған қаласы әкімі аппаратының басшысы болған. Облыс құрылған сәттен бастап, 2024 жылдың қазан айына дейін Ұлытау облысы әкімі аппараты басшысының орынбасары болып қызмет етті.Ақпарат көзі : https://www.gov.kz/memleket/entities/ulytau/press/news/details/899216

Еуразиялық азаматтық авиация конференциясының озық тәжірибе орталығында (EACAC) Сингапурдың Азаматтық авиация басқармасының (CAAS) оқу бөлімшесі болып табылатын Сингапур Авиация академиясы (SAA) және Қазақстанның авиациялық әкімшілігімен бірлесіп, Астана қаласында алғашқы курсын өткізді.Аудит әдіснамасы мен озық тәжірибелер бойынша бұл бес күндік курс Қазақстанның авиациялық әкімшілігі және CAAS үшін бүкіл Орталық Азиядағы авиациялық аудит құзыреттерін нығайтудағы маңызды кезең болды. Оған Қырғызстан, Тәжікстан және Өзбекстаннан қатысушыларды қоса алғанда, қауіпсіздік пен тиімділіктің жоғары стандарттарын қамтамасыз ету үшін аудиттің негізгі әдістері мен әдістемелеріне назар аударған 30 өкіл қатысты. SAA-дан тәжірибелі нұсқаушы Конг Чонг Так жүргізген курс қатысушыларға ұйымдық процестерді бағалау және халықаралық авиация стандарттарына сәйкестікті сақтау бойынша практикалық дағдыларды берді.Қатысушылар сонымен қатар аймақтық ынтымақтастықты нығайтуға және авиациялық аудит саласындағы құзыретті арттыруға ықпал еткен білім және тәжірибе алмасу мүмкіндігіне ие болды.Бұл бастама өңірдегі авиация саласының өсіп келе жатқан қажеттіліктерін қанағаттандыруға қабілетті білікті жұмыс күшін құру бойынша ауқымды күш-жігердің бір бөлігі болып табылады.Іс-шара барысында ҚАӘ бас директоры Каталин Раду аймақтық ынтымақтастық пен авиациялық индустриядағы әлеуетті арттыруғадеген көзқарасымен бөлісті:«Курс Орталық Азиядағы ынтымақтастықты нығайту және авиациялық аудиттің маңызды дағдыларын дамыту жолындағы алғашқы қадам болып табылады. Біліммен бөлісу аймақтағы қауіпсіздікпен тиімділік стандарттарын арттыру үшін өте маңызды және мен бұл бастаманы жүзеге асыруға өз үлесімді қосқанымды мақтан тұтамын. Орталық Азиядағы авиацияның болашағын нығайту үшін бірлесіп жұмыс істейтіндіктен, біздің аймақтық ынтымақтастыққа деген ұмтылысымыз арта береді».Нұсқаушы Конг Чонг Так былай деп қосты:"CAAS авиация мамандарының келесі буынын дамытуды қолдауға және Орталық Азия аймағында ұшу қауіпсіздігін қадағалау мүмкіндіктерін кеңейтуге өз үлесін қосуға тырысады. Біз өз тәжірибемізбен бөлісуге және қатысушылармен өзара әрекеттесудің пайдасын көруге қуаныштымыз. Бұл курстың мақсаты қатысушыларға құнды ақпарат пен практикалық дағдыларды беру болды және олар өз елдерінде қауіпсіз және тиімді авиациялық қызметті қамтамасыз ете отырып, осы дағдыларды өз жұмыстарына тікелей қолдана алады деп үміттенемін". Осы пилоттық бағдарламаның жетістігі авиациялық қауіпсіздікті жақсартуға және бүкіл Орталық Азияда кеңірек ынтымақтастықты дамытуға бағытталған болашақ оқыту бастамалары үшін перспективті үлгі болып табылады.Ақпарат көзі : https://www.gov.kz/memleket/entities/transport/press/news/details/898944

ХАБАРЛАНДЫРУҚазақстан Республикасы Көлік министрлігі «Ашық НҚА» порталында «Халықаралық автомобильмен жүк тасымалдауды жүзеге асыруға автомобильмен тасымалдаушыларға рұқсат беру қағидаларын бекіту туралы» Қазақстан Республикасы Көлік және коммуникация министрлігінің 2011 жылғы 24 тамыздағы № 523 бұйрығына өзгерістер енгізу туралы Қазақстан Республикасы Көлік министрлігінің бұйрық жобасының орналасқаны туралы хабарлайды.Сіздерді осы бұйрықтың жобасы бойынша қоғамдық талқылауға қатысуларыңызды сұраймыз.Толығырақ: https://legalacts.egov.kz/npa/view?id=15336879 Ақпарат көзі : https://www.gov.kz/memleket/entities/transport/press/news/details/899073

Primeminister.kz сайтының редакциясы еліміздің 2024 жылғы даму қорытындылары туралы жарияланымдар сериясын ұсынуды жалғастырады. 2024 жыл Қазақстан туризмі үшін айтулы жыл болды. Мемлекет басшысы Қасым-Жомарт Тоқаевтың тапсырмасы бойынша елімізде туризм саласын жаңғыртуға, оның бәсекеге қабілеттілігін арттыруға және жаһандық экономикаға кірігуге бағытталған жүйелі шаралар кешені жүзеге асырылуда. Мемлекеттік қолдаудың, инвестиция тарту мен халықаралық аренада ілгерілетудің арқасында еліміз экономикалық өсу мен мәдениетаралық өзара іс-қимылдың маңызды қозғаушы күшіне айналып отырған туризм саласындағы оң нәтижелер көрсетіп отыр.Еліміздің туризм саласы тұрақты түрде дамып келеді. 2024 жылдың 9 айында ішкі туристер саны 562 мыңға артып, 6 млн адамға жетті. Шетелден келетін туристер легі 11,5 млн адамды құрады, бұл 2023 жылдың сәйкес кезеңіндегі көрсеткішпен салыстырғанда екі есеге жуық көп. Оның ішінде шетелдік 969 мың турист орналастыру орындарына жайғасты. Бұл көрсеткіштер қабылданып жатқан шаралардың тиімділігі мен туристік бағыт ретінде Қазақстанға қызығушылықтың артып келе жатқанын айғақтайды.Саланың экономикалық көрсеткіштері де айтарлықтай өсім көрсетіп отыр. Орналастыру нысандарының жалпы кірісі 27%-ға өсіп, 224 млрд теңгені құрады. Орналастыру нысандарының саны 306 бірлікке өсіп, 4 315-ке жетті, ал олардың сыйымдылығы 18 мың төсек-орынға дейін артып, 226 мыңды құрады. Бұл Қазақстанның ішкі және халықаралық туристерді қабылдауға дайындығын едәуір арттыруға мүмкіндік береді.Туризмге салынған инвестиция көлемі қарқынды өсіп келеді. 2024 жылдың 10 айында олардың көлемі 33,6%-ға артып, 668,1 млрд теңгені құрады. Негізгі жобалар қатарында алдын ала құны 194 млрд теңгені құрайтын Астана туристік ауданы бар, ол 2 мыңға жуық жұмыс орнын ашып, толық іске қосылғанда жыл сайын 10 млрд теңге салық аударымдарын түсіреді. Жобаның аяқталуы 2026 жылға жоспарланған.Екінші жоба – Маңғыстау облысындағы Каспий Ривьерасы, онда ҚР Премьер-министрінің қатысуымен туризм бойынша халықаралық ауқымды форум өтті. Жоба жағажай демалыс орны, гольф қонақ үйі, виллалар кешені, аквапарк және ойын-сауық орталығы сияқты бірнеше бастама аясында «Жылы жағажай» аумағын кешенді игеруді қамтиды. Жобаның жалпы бағалау құны 137,4 млрд теңгені құрайды, ал жоспарланған іске асыру мерзімі – 2024–2026 жылдар. Елімізде туризм саласын мемлекеттік қолдау күшейтілді. Биыл мемлекеттік қолдауға мақұлданған өтінімдер көлемі 3 есеге артты. Тек 2024 жылдың өзінде 37 туристік нысан мен 6 туристер тасымалдайтын автобусқа 2,1 млрд теңге мақұлданды.Халықаралық ынтымақтастыққа ерекше көңіл бөлінеді. 2024 жылды Қытайдағы Қазақстандық туризм жылы деп жариялау Қазақстанды ілгерілету үшін маңызды қадам болды. Қытайдың ірі қалаларында 30-дан астам іс-шара өтті.18 қарашада Қазақстан «цифрлы» көшпенділерге арналған Neo Nomad Visa енгізді, бұл елімізді қашықтан жұмыс істейтін саяхатшылардың жаңа буыны үшін тартымды етеді. Прогресс халықаралық рейтингіде де көрініс тапты: Қазақстан 2019 жылғы 80-ші орыннан позициясын жақсартып, 119 елдің ішінде 52-ші орынға көтерілді.5-ші Дүниежүзілік көшпенділер ойындарының Астанада өтуі халықаралық аренада маңызды оқиғаға айналды. Ойындарға 89 елден 2 700 қатысушы жиналды. «Астана – Арена» және «Қазанат» ипподромы сияқты спорт нысандарын қайта жаңарту қаланың инфрақұрылымын жақсартты. Сондай-ақ Қазақстан ауылдық туризмді дамытқаны үшін марапаттарға ие болды: Саты ауылы Best Tourism Village Award жүлдесін алды, ал Катонқарағай ауданының жобасы ITB Berlin 2024 көрмесінде үшінші орын иеленді.2024 жылдың соңына дейін жалпы құны 120,4 млрд теңгені құрайтын 119 инвестициялық жобаны аяқтау жоспарланып отыр, бұл 1 319 жұмыс орнын ашуға мүмкіндік береді. Негізгі бастамалар қатарына Түркістандағы «Medina Palace» қонақ үйінің құрылысы мен жаңа қонақ үй нысандарын қосу арқылы «Ақсу – Жабағылы» шипажайын жаңғырту кіреді.Глэмпинг алаңдары мен қонақ үйлер құру арқылы 10 мың ауыл тұрғынын қосымша жұмыспен қамтамасыз ететін агротуризмді дамытуға ерекше көңіл бөлінуде. Ұлттық парктер аумақтарындағы инфрақұрылымды дамытуға арналған қонақүйлерді жіктеу жүйесін жаңарту және жергілікті атқарушы органдар өкілеттіктерін кеңейту жоспарланып отыр.Аймақтардағы туризм: өсу, инвестиция және инфрақұрылымның дамуыАқмола облысыБиылғы 9 ай қорытындысы бойынша өңірге келген туристер легі 1 млн-нан астам туристке жетті, оның ішінде 404,7 мың адамға орналастыру орындары қызмет көрсетті. Бурабай курорттық аймағына 932 мың адам келді. Туризм саласынан бюджетке түсетін салықтық түсім мөлшері 3,1 млрд теңгені құрады, өсім 30%-ды құрады. Биылғы 10 ай қорытындысына сәйкес, негізгі капиталға салынған инвестиция көлемі 23,1 млрд теңгені құрап отыр.Алматы облысы2024 жылдың 9 айында туристер саны 384,1 мың адамды құрады, бұл 2023 жылдың сәйкес кезеңімен салыстырғанда 19%-ға көп (322,3 мың адам).Туристер арасында «Іле-Алатау», «Көлсай көлдері», «Шарын» өңірінің мемлекеттік ұлттық табиғи парктері пайдаланылады.Биылғы 10 ай қорытындысы бойынша негізгі капиталға салынған инвестиция көлемі 24,4 млрд теңгені құрады.Алматы облысы еліміздің туристік стратегиясындағы негізгі бағыттардың біріне айналған бірегей тау кластерін белсенді дамытып келеді. Туристік саланы дамытудың 2023–2029 жылдарға арналған бекітілген тұжырымдамасы шеңберінде Түрген көркем шатқалынан Қаскелең шатқалына дейін тау шаңғысы базаларын құру мен жаңғыртуды қамтитын кешенді жоспар әзірленіп жатыр. Аталған жоба таулы демалыс үшін заманауи және сұранысқа ие инфрақұрылымды қалыптастыруға, сондай-ақ Алматы өңірінің халықаралық деңгейдегі туризм орталығы ретіндегі мәртебесін нығайтуға қабілетті жаңа тартымды орындар ашуға бағытталған.Алматы қаласы9 айдың қорытындысына сәйкес, 2024 жылы туристердің жалпы саны 14%-ға (2023 жылдың сәйкес кезеңімен салыстырғанда) өсіп, 1,7 млн адамға жетті. Шетелдік туристер саны 24%-ға өсіп, 507,5 мың адамға жетті. Ішкі туристер саны 1,2 млн адамды құрады, бұл өткен жылдың сәйкес кезеңімен салыстырғанда 1,1%-ға артық. Туристер легінің артуы негізгі капиталға инвестицияның ұлғаюымен қатар жүреді. 2024 жылдың 10 айында 29,3% өсіммен 86,6 млрд теңге инвестиция тартылды. Туризмнен түскен салық түсімдері 76,9 млрд теңгені құрады, бұл өткен жылдың сәйкес кезеңімен салыстырғанда 2 есеге жоғары. Қаланың туризм саласында 83,1 мың адам жұмыспен қамтылған.2024 жылы Алматыда жеке қаражат есебінен 25 туристік нысан ашылды, атап айтқанда, 15 қонақ үй, 4 глэмпинг алаңы, 4 жатақхана және 2 қонақ үй. Сондай-ақ жеке инвестиция есебінен 2027 жылға дейін 339,5 млрд теңгеге қонақүй құрылысы бойынша 30 жобаны аяқтау және 125 млрд теңгеге 29 туристік нысан салу жоспарланып отыр.Батыс Қазақстан облысы2023 жылдың 9 айымен салыстырғанда елімізге келушілер санының 18%-ға артқаны байқалады. Туризм саласында 2024-2026 жылдарға жалпы құны 25 млрд теңгені құрайтын 14 жобадан тұратын пул қалыптастырылды. Биылғы 10 айдың қорытындысы бойынша туризм саласына тартылған инвестиция көлемі 14,5 млрд теңгені құрады, бұл өткен жылдың сәйкес кезеңімен салыстырғанда 47%-ға артық.Жетісу облысыЖалпы, өңірде туризм саласын дамыту 5 негізгі бағыт: Алакөл және Балқаш көлдері, «Алтын-Емел» және «Жоңғар-Алатау» ұлттық парктері, сондай-ақ Жоңғар Алатауы тау сілемі әлеуетіне негізделген.2024 жылғы 9 айда туристік нысандарға 253 мыңнан астам адам келген, бұл 2023 жылдың осы кезеңімен салыстырғанда 15%-ға артық. 10 айдағы негізгі капиталға салынған инвестиция көлемі биыл 9,4 млрд теңгені құрады.Үшарал әуежайының ұшу-қону жолағын реконструкциялау жұмысы аяқталды, «Талдықорған – Үшарал» автомобиль жолдарының (313,5 шақырым) асфальтбетон жабыны қамтамасыз етілді, «Тальго» жүрдек пойызы іске қосылды.Қарағанды облысы2024 жылы 9 айдың қорытындысы бойынша туризм саласында көрсетілген қызмет көлемі – 7 млрд теңге немесе өткен жылдың сәйкес кезеңі көрсеткішімен салыстырғанда 75%. Салаға құйылған инвестиция 17,4 млрд теңгені құрады.Жыл басынан бері жалпы құны 4,1 млрд теңге болатын 7 инвестициялық жоба іске қосылып, 23 жұмыс орны ашылды.Сондай-ақ 2025–2027 жылдары туризм саласында ірі инфрақұрылымдық жобаларды іске асыру жоспарланған: Балқаштағы қалалық жағажай жағалауы аймағын абаттандыру және қаладағы әуежайды реконструкциялау жұмыстарын аяқтау.Қызылорда облысыБиыл өңір 9 айда 116,6 мың турист қабылдады. Биылғы 10 айдың қорытындысына сәйкес, туризм саласына құйылған инвестиция көлемі – 26,1 млрд теңге, бұл өткен жылдың сәйкес кезеңімен салыстырғанда 40,5%-ға артық.Маңғыстау облысы 2024 жылдың қаңтар-қыркүйек айларындағы ресми деректер бойынша облысқа 367,4 мың турист келген, бұл өткен кезеңмен салыстырғанда 13%-ға артық. Өңірде көрсетілген туристік қызметтердің жалпы құны 15,2 млрд теңгеге жетіп, 34,7%-ға өсті. Биылғы 10 айдың қорытындысы бойынша туризм саласына құйылған инвестиция көлемі – 6,6 млрд теңге, бұл өткен жылдың сәйкес кезеңімен салыстырғанда 50%-ға артық.2024 жылы жалпы инвестиция көлемі 8,5 млрд теңгені құрайтын 3 жоба іске қосылды, бұл 80 жұмыс орнын ашуға мүмкіндік берді. 2025–2027 жылдар аралығында жалпы құны 100 млрд теңге болатын 500-ге жуық жұмыс орнын құра отырып, 11 жобаны іске асыру жоспарланып отыр. Жергілікті атқарушы органдар Туризм және спорт министрлігімен бірлесіп, Кендірлі туристік аймағын дамыту бойынша мастер-жоспар әзірленіп жатыр.Ұлытау облысы 2024 жылғы 9 айда орналастыру орындарында қызмет көрсетілген туристер саны 21,2 мыңнан астам адамды құрады, оның ішінде 732-ден астамы – шетелдік туристер. Орналастыру орындарында көрсетілген қызметтер өткен жылдың сәйкес кезеңімен салыстырғанда 23,5%-ға артып, 497,9 млн теңгеден асты.Биылғы 10 айдың қорытындысы бойынша туризм саласына тартылған инвестиция көлемі – 2 млрд теңге, бұл өткен жылдың сәйкес кезеңімен салыстырғанда 50,6%-ға артық.Сонымен қатар 1 млрд теңге сомасына 3 қонақ үй кешені іске қосылды. 2025 жылы жалпы құны 1,5 млрд теңгені құрайтын екі қонақ үйді пайдалануға беру, тарихи орындар бойынша жеңіл инфрақұрылым мен далалық навигация орнату жоспарлануда. Сондай-ақ жеке инвестициялар есебінен 2025 жылы Тасбұлақ бқлағы аумағын абаттандыру және Сәтбаев қаласынан Жошы хан және Домбауыл кешеніне дейін құны 12,5 млрд теңгені құрайтын тас жолын салу жұмыстары да қарастырылған.Қазақстан мәдени бай мұраны, табиғи әртүрлілікті және заманауи инфрақұрылымдық шешімдерді үйлестіре отырып, саяхат үшін ең тартымды бағыттардың бірі ретінде өзінің имиджін қалыптастыруды жалғастырып келеді.#Инвестициялар #Инфрақұрылымдық даму #Туризм #ӨңірлерАқпарат көзі : https://www.gov.kz/memleket/entities/aqmola/press/news/details/898563

2024 жылы Kazakh Tourism кезекті рет туризм индустриясының жоғары стандарттары мен талаптарына сәйкес келетін туристік сала өкілдеріне «сапа белгісін» табыс етті. Биылғы жылы Қазақстанның барлық аумағы бойынша 89 туристік бизнес өкілі, оның ішінде Ақмола облысынан 11 кәсіпорын беделді марапатқа ие болды.Сервис деңгейін бағалау нәтижелеріне сәйкес сапа белгісімен туристік объектілердің түрлі санаттары марапатталды. «Қонақ үйлер» санатында nice деңгейіндегі наградаға бес нысан ие болды, соның ішінде «Rixos Borovoe Hotel», «Wyndham Residences Aqkol», «Riverside Burabay Hotel», «Grand Hotel Burabay» және «Дом у озера» Бутик-қонақ үйі. Өз кезегінде «Оқ-Жетпес» емдеу-сауықтыру кешені және «Бурабай» емдеу-сауықтыру кешені сияқты санаторийлік мекемелерге Very nice деңгейіндегі сапа белгісі берілді. «Демалыс үйлері» санатында «Lake View» нысаны Very nice деңгейіндегі марапатқа ие болды, ал «Кафе» санатында Nice деңгейіндегі сапа белгілері «Dostar Tau» және «Dostar TÖR» мекемелеріне берілді.Сапа белгісін алу-бұл қызмет көрсетудің жоғары деңгейін лайықты мойындау ғана емес, сонымен қатар өңірдің туристік инфрақұрылымын дамытуға елеулі үлес қосудың көрсеткіші. Бұл жетістік клиенттер тарапынан сенімді нығайтуға, сондай-ақ Ақмола облысында туризмнің беделін арттыруға ықпал етеді.Бұл марапат кәсіпорындардың сапалы қызмет көрсетуге деген ұмтылысын және қызметтерді жақсартуға үздіксіз ұмтылысын растайды. Сапа белгісін алған әрбір нысан туризмнің дамуына өз үлесін қосты және олардың жетістіктері бүкіл салаға шабыт береді. Ақпарат көзі : https://www.gov.kz/memleket/entities/aqmola/press/news/details/898593

Ақмола облысы әкімінің 2024 жылғы 9 желтоқсандағы өкімімен, Қазақстан Республикасы Президенті Әкімшілігінің және аудандық мәслихат депутаттарының келісімімен Аршалы ауданының әкімі болып Достанбек Есжанов тағайындалды. Бұған дейін ол Біржан сал ауданының әкімі қызметін атқарған.Ауданның жаңа әкімін өңір басшысы Марат Ахметжанов таныстырып, оған Президенттің «Әділ Қазақстан: Заң және тәртіп, экономикалық өсу, қоғамдық оптимизм» Жолдауының басымдықтарын ескере отырып, бірқатар міндеттер қойды.«Сіздің басты міндетіңіз – аудан тұрғындарының өмір сүруіне қолайлы жағдай жасау, жылыту маусымының ақаусыз өтуін қамтамасыз ету, ауданның электрмен жабдықтау тапшылығын азайту мәселесін шешу үшін жоспарланған жобаларды іске асыру, елді мекендерді үздіксіз әрі сапалы ауыз сумен қамтамасыз ету және жол желісін дамыту мәселелері бойынша жұмыстарды жандандыру», - деп атап өтті облыс әкімі. Сондай-ақ, аудан басшылығы жаңа инвестициялық жобаларды пысықтауы, инвесторларды тарту бойынша жұмысты ілгерілетуі, жұмыс істеп тұрған АӨК кәсіпорындарының жүктемесін арттыруы, Астана агломерациясын дамытудың Кешенді жоспарына енгізілген жобаларды тұрақты бақылауда ұстауы қажет.«Проблемалық мәселелерді шешу және жаңа жобаларды іске асыру бойынша үлкен жұмыс күтіп тұр. Сондықтан сізге жедел шешім қабылдау ғана емес, ең бастысы, олардың барлығын тиімді іске асыру керек», - деді облыс әкімі.Кездесу соңында Марат Ахметжанов Достанбек Есжановқа аудан тұрғындарының игілі үшін жүктелген барлық міндеттерді іске асыруда табыс тіледі. Ақпарат көзі : https://www.gov.kz/memleket/entities/aqmola/press/news/details/898812

Старый Колутон ауылында заманауи дәрігерлік амбулатория салынуда, ол ауыл тұрғындары үшін денсаулық сақтау жүйесіндегі маңызды буын болады және 1 мыңнан астам адамға қызмет көрсетеді.«Ауылда дәрігерлік амбулатория салу жергілікті тұрғындар үшін маңызды оқиға болмақ. Бұл нысан тұрғындардың барлық санаттары: балалар, қарттар, отбасылар және еңбекке қабілетті тұрғындар үшін сапалы медициналық көмекке қол жетімділікті едәуір жақсартады. Тұрғындарға бұдан былай базалық медициналық көмек алу үшін шалғайдағы елді мекендерге немесе аудан орталығына баруға уақыт пен қаражат жұмсаудың қажеті жоқ», - деп атап өтті аудан әкімі Талғат Ерсейітов.Қазіргі уақытта учаскені геодезиялық бөлу және уақытша қоршау орнату, іргетасты жайластыру және жабын плиталарын монтаждау жұмыстары аяқталды. Дәрігерлік амбулатория құрылысын аяқтау және нысанды іске қосу 2025 жылға жоспарланып отыр.Сондай-ақ, елді мекенде көктемгі су тасқынынан кейін көлік инфрақұрылымы қалпына келтірілді. Старый Колутон ауылы арқылы Колутон ауылына апаратын жолға орташа жөндеу жүргізілді. Ұзындығы 3,9 км учаске толығымен қалпына келтірілді. Ақпарат көзі : https://www.gov.kz/memleket/entities/aqmola/press/news/details/898885

Мемлекет басшысы Қасым-Жомарт Тоқаев су нысандарын реттеу, тиімді пайдалану тапсырмасын бергені белгілі. Сол тапсырмалар аясында Түркістан өңірінде қарқынды жұмыс жүріп жатыр.Түркістан облысының әкімі Дархан Сатыбалды Сауран ауданындағы су қоймасын қалпына келтіру бағытындағы құрылыс жұмыстарын бақылады. Бүгінде тоғанның жері тегістеліп, жан-жағын биіктету, бөгеу жұмыстары атқарылуда. Өңір басшысы жауапты басшыларға жұмысты жүйелі атқаруды тапсырды.Жаңа әуежайдан 20 шақырым қашықтықта орналасқан су қоймасының сыйымдылығы – 1,3 млн м³. Қайта реконструкциялау арқылы су сыйымдылығын ұлғайту көзделіп отыр.Ескі тоғанды реконструкциялау жұмыстарына «Тұран су» мекемесі тартылған. Су қоймасы толық қуаттылықта іске қосылған соң жиналған су 22 шақырым қашықтықтағы, яғни, жаңа әуежай жолының екі жағындағы ағаш көшеттерін вегетациялық кезеңде суғаруға толық мүмкіндік береді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/898522

Түркістан облысының әкімі Дархан Сатыбалды 1200 гектар аумаққа егіліп жатқан сексеуіл отырғызу жұмыстарымен танысты. Қазіргі таңда, бұл алқап 400 мың түптен аса сексеуіл көшетімен толықтырылды. Одан бөлек 900 гектар аумақта күзгі тұқым себу жұмыстарына жер дайындалып, 6 000 келі сексеуіл тұқымы себілді. Мамандар сексеуіл алқабын ұлғайту туралы ұсыныстары мен пікірлерін айтты.Дархан Сатыбалды «Шағын өнеркәсіптік парк» маңындағы «Жасыл белдеуде» ағашты күтіп-баптау, толықтыру жұмыстарының барысын тексерді. Бүгінгі таңда әуежай бағытындағы жолдың бойына 250 мың түп ағаш көшеті қосымша толықтырылып, отырғызылды. Отырғызылған көшеттерді желден қорғау мақсатында 32 мың түптен аса қада орнатылып, сым тарту және байлау жұмыстары жүргізілуде. «Жасыл белдеу» аумағында ағаштарды толықтыру, тіректерді жөндеу және жабайы шөптерден тазарту жұмыстары атқарылуда.Өңір басшысы «Жасыл белдеуді» жайқалту, көгалдандыру, абаттандыру жұмыстарын сапалы атқару жөнінде тапсырмалар берді. Сонымен бірге нақты өсетін ағаш түрлерін ғана егуді жүктеді. Бұл бағыттағы жұмыстар бақылауда болады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/898526

UFC-де ирландиялық Иан Гарриді жеңген талантты спортшымыз Шавкат Рахмоновты керемет жеңісімен шын жүректен құттықтаймыз!Шавкат өзінің шеберлігі мен табандылығының арқасында 19-жеңіске қол жеткізіп, жаттықтырушылары мен жанкүйерлерінің сенімін тағы да ақтады. Бұл жетістік қазақстандық спортшылардың әлемдік деңгейде мойындалуға лайық екенін тағы бір рет дәлелдеп отыр.Алдағы уақытта спортшымызға зор денсаулық, жарқын жеңістер мен чемпиондық атақ тілеймін! Біз Сіздің жетістіктеріңізді мақтан тұтамыз! Ақпарат көзі : https://www.gov.kz/memleket/entities/aqmola/press/news/details/898436

Халықаралық азаматтық авиация күнінде дәстүр бойынша салаға қатысты жылдың қорытындысын ұсынамыз.Қазақстан Республикасының Президенті Қасым-Жомарт Тоқаевтың 2024 жылғы 12 қарашада Бакудегі Дүниежүзілік климат саммитінде өткен ИКАО Кеңесінің Президенті Сальваторе Шаккитаномен кездесуін еліміздің азаматтық авиациясындағы тарихи оқиға деп атауға болады.Мемлекет басшысы ИКАО-мен 30 жыл бойы жемісті ынтымақтастықта Қазақстанның Ұйым стандарттарына сәйкестік деңгейі 82%-ға жеткенін, бұл жетекші еуропалық мемлекеттермен салыстыруға болатынын атап өтті.Сальваторе Шаккитано Қазақстанды азаматтық авиация және қауіпсіздік саласындағы тамаша жетістіктерімен құттықтап, 2025 жылы Астанаға келу жоспарын жариялады.Жалпы, 2024 жылдың 10 айында қазақстандық әуе компаниялары 12,3 млн адамды тасымалдады, бұл 2023 жылдың сәйкес кезеңінен (11,1 млн адамға) 11%-ға артық. Әуе көлігімен тасымалданған жүк көлемі 22,4 мың тоннаны құрады, бұл 2023 жылдың сәйкес кезеңінен (19 мың тонна) 18%-ға артық.Осы кезеңде ішкі әуежайларда қызмет көрсетілген жолаушылар саны 25,2 млн адамды құрады, бұл 2023 жылдың сәйкес кезеңінен (22 млн адам) 14%-ға артық, 141,7 мың тонна жүк өңделді, бұл да 2023 жылдың сәйкес кезеңімен алғанда (105,7 мың тонна) 34%-ға артық.Бүгінгі таңда ішкі әуе тасымалы аптасына 669 рейс жиілігімен 57 бағыт бойынша 6 әуе компаниясымен (Air Astana, FlyArystan, SCAT, Qazaq Air, Southern Sky, Жетісу) жүзеге асырылады (2023 ж.: 5 авиакомпания, 51 бағыт, аптасына 630 рейс).Әлеуметтік маңызы бар бағыттардың көліктік қолжетімділігін қамтамасыз ету және ішкі туризмді дамыту мақсатында 9 облыстағы 19 ішкі әуе бағытына 6,6 млрд теңге субсидиялануда.Халықаралық рейстер 31 елге (Ресей, Қырғызстан, Өзбекстан, Тәжікстан, Грузия, Армения, Беларусь, Әзірбайжан, БАӘ, Сауд Арабиясы, Катар, Иран, Оман, Египет, Кувейт, Оңтүстік Корея, Қытай, Үндістан, Вьетнам, Таиланд, Моңғолия, Камбоджа, Малайзия, Мальдив аралдары, Түркия, Ұлыбритания, Германия, Италия, Нидерланды, Польша, Чехия) аптасына 571 рейс жиілігімен 115 бағыт бойынша жүзеге асырылады (2023 ж.: 28 ел, 115 бағыт, аптасына 550 рейс).Әуе кемелері паркін кеңейту жұмыстары жалғасуда. 2024 жылдың басынан бері отандық әуекомпаниялардың әуе кемелері паркі 10 бірлікке толықты (Эйр Астана компаниялар тобы, А321 типті ұшақ).Жеке инвестициялар есебінен, бюджет қаражатын тартпай, Қазақстан Республикасы Президентінің тапсырмасы бойынша әуе көлігі инфрақұрылымын жаңғырту шеңберінде Қызылорда және Алматы қалаларында жаңа жолаушылар терминалдарының құрылысы аяқталды, сонымен қатар Шымкентте де аяқталу сатысында.Атырауда Хиуаз Доспанова атындағы әуежайында жаңа аэровокзал кешенінің құрылысы да жеке инвестиция арқылы, бюджет қаражатын тартпай, 2025 жылдан басталатын болады. 2024 жылдың қыркүйегінде Астана әуежайындағы ұшу-қону жолағын жөндеу мерзімінен бұрын аяқталды.Мемлекет басшысының тапсырмасына сәйкес ағымдағы жылы Павлодар және Балқаш әуежайларында жөндеу жұмыстары басталды.Мемлекет басшысы биылғы Қазақстан халқына Жолдауында азаматтық авиацияны дамытуға үлкен көңіл бөлді. Ең маңызды міндет – әуе хабтарын дамыту. Ішкі әуе бағыттарын дамыту басты назарда. Катонқарағай, Зайсан және Кендірлі курорттық аймақтарында жоғары сапалы жол инфрақұрылымы бар аэровокзал кешендері мен әуежайлар салынады. Шағын ұшақтар Индустрияны дамыту қоры есебінен сатып алынады.Еліміздің авиациялық билігінің авиациялық қауіпсіздіктің жоғары стандарттарын қамтамасыз етудегі күш-жігерінің нәтижесі деп Қазақстанның ең дамып келе жатқан туристік бағыттардың бестігіне енуін де атап өтуге болады. Британдық беделді Wanderlust туристік журналының мәліметі бойынша, Қазақстан әлемнің түкпір-түкпірінен туристер барғысы келетін елдердің бірі болып табылады.Бұл жетістіктер авиация саласының қызметін реттеу бойынша нәтижелі жұмыстың арқасында мүмкін болғанын атап өтейік. Жаңа нормативтік құқықтық актілерді құру және енгізу, сондай-ақ қолданыстағы нормативтік құқықтық актілерді жетілдіру қауіпсіздік деңгейін арттыруға ғана емес, сонымен қатар жолаушыларға қызмет көрсету сапасын арттыруға мүмкіндік берді. Бұл үдерісте әуе көлігінің қауіпсіздігін стандарттау мен жақсартуға бағытталған халықаралық және ұлттық бастамалар маңызды рөл атқарды.Жүргізілген жұмыстардың нәтижесінде ағымдағы жылы Еуропалық Комиссия, Еуропалық авиациялық қауіпсіздік агенттігі (EASA) сарапшыларының және Еуропалық Одаққа мүше мемлекеттердің авиациялық билік органдарының техникалық сапарының қорытындылары және кездесу нәтижелері бойынша Еуропалық Комиссияның Ұшу қауіпсіздігі жөніндегі комитетінің шешімімен Қазақстан ұшу қауіпсіздігін күшейтілген бақылаудан шығарылды. Қазақстандық әуе компаниялары Еуропаға шектеусіз ұша алады.Жүргізілген жұмыстардың нәтижесінде ағымдағы жылы Еуропалық Комиссия, Еуропалық авиациялық қауіпсіздік агенттігі (EASA) сарапшыларының және Еуропалық Одаққа мүше мемлекеттердің авиациялық билік органдарының техникалық сапарының қорытындылары және кездесу нәтижелері бойынша Еуропалық Комиссияның Ұшу қауіпсіздігі жөніндегі комитетінің шешімімен Қазақстан ұшу қауіпсіздігін күшейтілген бақылаудан шығарылды. Қазақстандық әуе компаниялары Еуропаға шектеусіз ұша алады. 2024 жылдың тамызында Қазақстан мен Америка Құрама Штаттары арасында тікелей әуе қатынасын ашу жұмысы аясында Қазақстанның авиациялық әкімшілігі АҚШ-тың FAA халықаралық авиациялық қауіпсіздікті бағалау (IASA) бағдарламасының алдын ала техникалық бағалауынан сәтті өтті. Қазақстан тарапынан FAA аудитін сәтті аяқтағаннан кейін және 2026 жылы алыс қашықтыққа ұшатын Boeing-787 Dreamliner ұшақтары келгеннен кейін Қазақстаннан АҚШ-қа тікелей рейстер ашу жоспарлануда.Қазақстанның азаматтық авиациясы үшін 2024 жыл ірі оқиғалармен, соның ішінде халықаралық ұйымдардың қатысуымен жоғары деңгейдегі бірқатар іс-шаралармен есте қалды. Өңірлік ынтымақтастық пен жоғары сапалы халықаралық қатысуды нығайту бойынша жұмыс белсенді жүргізілуде.Қазақстан ресми түрде Халықаралық азаматтық авиация ұйымында (ИКАО) өкілдігін ашты. Шілде айында Қазақстан Республикасының ИКАО жанындағы Тұрақты өкілі Тимур Тілегенов Ұйымның Бас хатшысы Хуан Карлос Салазарға сенім грамотасын тапсырды, ол Қазақстанның дүние жүзінің барлық елдерімен және халықаралық ұйымдармен жақсы қарым-қатынаста болып, халықаралық аренадағы жетістіктері мен рөлін жоғары бағалап, бүгінгі биік деңгейдегі беделін атап өтті.Осы жылдың мамыр айында Астанада 65 ел мен халықаралық ұйымдардың өкілдерін жинаған JARUS – авиациялық ұшқышсыз ұшақтар саласындағы әлемдегі ең ірі ойыншы – ұшқышсыз әуе кемелерінің жүйелері туралы ережелерді әзірлеу жөніндегі Біріккен авиациялық билік комитетінің пленарлық отырысы өтті.Маусым айында Астанада Орталық Азия елдері арасында алғаш рет Халықаралық әуе жүктері қауымдастығының (TIACA) қолдауымен жүк тасымалдау және логистика бойынша аймақтық форум ұйымдастырылды. Оған бүкіл жүк тасымалы тізбегіне қатысатын түрлі ұйымдардың өкілдері, әлемнің 30 елінен 300-ден астам делегат қатысты.Ағымдағы жылдың қараша айында Қазақстанда алғаш рет БҰҰ-ның азаматтық авиация саласындағы маңызды құрылымдық бөлімшелерінің бірі болып табылатын Халықаралық азаматтық авиация ұйымы – ICAO апталығы ұйымдастырылды.Шара еліміздің және жалпы аймақтың авиация саласы үшін маңызды оқиға болды. Әлемдік саланың назары қақтығыс аймақтарынан жоғары немесе оған жақын ұшулар үшін тәуекелдерді бағалау процестері туралы хабардарлықты арттыру үшін және тұрақты авиациялық отынға (SAF) ерекше назар аудара отырып, төмен көміртекті әуежайларды дамытуға арналған «Жасыл әуежайлар» атты екі ірі аймақтық семинарға аударылды.Осы жылдың мамыр айында Қазақстан ТМД елдерінің ішінде бірінші болып ИКАО-мен келісімге қол қойды және экологиялық таза авиациялық отын (ACT-SAF) саласындағы бағдарламаға қосылды. Қазақстанда экологиялық таза авиациялық отын шығарылатын болады. Қазір Еуропалық қайта құру және даму банкімен бірлесіп, экологиялық таза авиациялық отын шығару жобасы әзірленуде.ICAO апталығының маңызды оқиғасы – Орталық Азияда алғаш рет азаматтық авиацияның өңірлік ұйымы құрылды – Еуразиялық азаматтық авиация конференциясы (EACAC). Қараша айында Алматыда EACAC қатысушы елдердің бірінші отырысы болды. Армения, Қазақстан, Қырғызстан, Тәжікстан және Өзбекстанның, сондай-ақ Моңғолияның (бақылаушы мемлекет) авиациялық биліктері ЕACAC құру туралы декларацияға қол қойды.Отырыс қорытындысы бойынша EAСАС бас хатшысы болып Қазақстан Республикасының Көлік вице-министрі Талғат Ластаев, EAСАС президенті болып Өзбекстан Республикасы Көлік министрлігі жанындағы Азаматтық авиация агенттігінің бас директоры Тахир Назаров тағайындалды.2024 жылы «Air Astana» Орталық Азиядағы ең үздік әуекомпания болып танылды, ол Best Overall Airline Award APEX 2025 марапатына ие болды.Қараша айында «Қазаэронавигация» РМК әлемдік авиациялық индустрияның басты оқиғасы болып табылатын Әуе қозғалысын басқару қауымдастығының (ATCA) конференциясының «Авиациялық қозғалысты басқару үшін Дэвид Дж. Херли мемориалдық сыйлығы» аталымы бойынша беделді сыйлығын алды.Жолаушылар ағыны жыл сайын тұрақты 20% өсуде. Қазақстан Республикасы Көлік министрлігі Азаматтық авиация комитеті мен Қазақстанның авиациялық әкімшілігінің күш-жігері әлемдік саладағы беделді ұйымдардың қолдауына ие болып, Орталық Азия және ТМД-да авиация саласындағы реформаларды сәтті жүзеге асырудың үлгісі болып табылады.Қазақстанның авиациялық билік органдарының одан әрі жұмысы ұшу қауіпсіздігінің қол жеткізілген деңгейін арттыруға, маршруттар желісін дамытуға және әуе көлігі инфрақұрылымын жаңғыртуға бағытталатын болады.Ақпарат көзі : https://www.gov.kz/memleket/entities/transport/press/news/details/898340

Түркістанда облыстық қоғамдық даму басқармасы «Жастар ресурстық орталығы» КММ-нің ұйымдастыруымен «Жыл көшбасшылары» жобасы аясында облыстағы әр саланың кіл мықтылары анықталып, «Үздік жастар премиясы – 2024» байқауының марапаттау кеші өтті.Аталған байқау өңірдегі мемлекеттік жастар саясатын жүзеге асыру және мемлекеттік жастар саясатының дамуына, елдің саяси және қоғамдық өміріне белсене араласып, ерекше үлес қосқан жас азаматтарды, түрлі салада өзінің білімімен, талантымен, белсенділігімен топ жарған жастарды анықтау және марапаттау мақсатынды ұйымдастырылды.Іс-шараның ашылу салтанатында облыс әкімінің орынбасары Ертай Алтаев құттықтау сөз сөйлеп, жастардың жетістіктері мен олардың қоғамдағы рөлі туралы сөз қозғады. Сондай-ақ жастардың еңбекқорлығы мен ынтасын жоғары бағалап, әр салада үздік көрсеткіштерге қол жеткізген жастарға табыс тіледі.Сонымен, «Үздік Жастар ресурстық орталығы» КММ-і аталымы бойынша Кентау қаласы және Келес пен Сауран аудандық Жастар ресурстық орталығы марапатталды. Ал «Үздік жас мұғалім» номинациясын бәйдібектік Зәкерия Сержанұлы иеленді. «Денсаулық саласының үздік жасы» номинациясына келестік Дәулет Жолдасұлы, «Үздік жас полиция қызметкері» номинациясына кентаулық Есімхан Әдетханұлы, «Үздік жас мемлекеттік қызметкер» номинациясына сарыағаштық Омархан Сүйінбекұлы лайық деп танылды. «Шексіз мүмкіндіктер иесі» аталымы ойынша саурандық Розахмет Набиханұлы топ жарды. «Үздік жас спортшы» аталымы бойынша төлебилік спортшы, Азияның бірнеше дүркін чемпионы, әлем чемпионы Төрехан Сабырханның бағы жанды.ҚР Парламенті мәжілісінің депутаты Дәулет Мұқаев та бірқатар үздіктерді марапаттап, жылы лебізін білдірді. «Үздік жас кәсіпкер» аталымы бойынша төлебилік Бәйдібек Нұрланұлына, «Үздік жас жұмысшы маман» атанған сарыағаштық Мирзабек Камаловқа, түлкібастық Бекасыл Серікұлына, «Үздік жас студент» аталымы бойынша түркістандық Аружан Шайырханқызы марапатталса, «Үздік оқушы» номинациясын сарыағаштық Жансерік Жақсыбайұлы иеменденді. Сол секілді «Үздік жомарт жүрек» номинациясы түркістандық Таңшолпан Бекбауыва, саурандық Элзод Мавленовқа бұйырды.Бұдан бөлек тележүргізуші, журналист Ләйлә Сұлтанқызы да үздіктерді марапаттады. Атап айтсақ, «Үздік жас жазба ақын» номинациясы түркістандық Дәурен Тілеухан алса, «Үздік жас тілші» болып сарыағаштық Майра Жұмабекқызы танылды. «Жыл жаңалығы» номинациясы қазығұрттық Бексұлтан Оразханға бұйырды. Ал «Үздік жас волонтер» номинациясына лайық деп түркістандық Еркебұлан Мадиярұлы танылса, «Үздік жас блогер» аталымын түркістандық Азизхан Бауыржанұлы иеленді. Сондай-ақ «Үздік жас актер» аталымы бойынша арыстық Маңсар Орынхан, Нұрсұлтан Отар марапатталса, «Үздік жас әнші» сыйлығын түлкібастық Ақсұңқар Жүнісбаев иемденді. Жастар сыйлығына әр аталым бойынша қаржылай сыйлық тағайындалды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/898166

Түркістан облысында азаматтарды әскери-патриоттық бағытта тәрбиелеу жұмыстары жүргізілуде. Осыған орай, облыс әкімінің орынбасары Ертай Алтаев Түркістан қаласында орналасқан облыстық жинақтау пунктін аралап, жұмысымен танысты.Облыстық қорғаныс істері жөніндегі департаменті бастығының орынбасары майор Қуаныш Кулумбаев жастарды әскери-патриоттық бағытта тәрбиелеу жұмысының тиімділігі және алдағы жоспарлары жөнінде баяндады. Ертай Кенжебекұлы әскери пункттегі жатын орындары мен тамақтану сапаларын бақылап, әскерге шақырылушылармен кездесті.– Туған жер мен отанды қорғау – әр жігіттің ең әуелгі азаматтық міндеті. Отаншылдық пен өжеттілікті серік етіп, әскери өмірмен және еліміздің 20 облысынан жиналған өздеріңіз секілді шақырылушылармен танысасыздар. Қызығушылық болса, әскери құрылымдарда жұмыс істеуге баспалдақ болады. Отан алдындағы борышты абыроймен атқарып, жақындарыңызбен қауышуға тілектеспіз, – деді облыс әкімінің орынбасары.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/898169

Көкшетауда Қазақстан Республикасының прокуратура органдарының құрылған күніне арналған салтанатты шара өтті. Іс-шараға прокуратура қызметкерлері мен ардагерлері, мемлекеттік органдар мен қоғам өкілдері қатысты.Ақмола облысының әкімі Марат Ахметжанов прокуратура қызметкерлерін кәсіби мерекесімен құттықтап, олардың заңдылық пен құқықтық тәртіпті қамтамасыз етудегі маңызды рөлін атап өтті. «Прокуратура органдары әрқашан құқықтық тәртіп жүйесінің маңызды буыны болып қала бермек. Қоғамымыздағы әділдік пен заңдылық сіздердің принципшілдіктеріңізге, жауапкершіліктеріңізге және кәсібиліктеріңізге байланысты. Осы айтулы күнмен құттықтай отырып, халық пен мемлекет үшін қызметте табыс тілеймін», – деп атап өтті Марат Ахметжанов.Салтанатты шара барысында құқықтық жүйені дамытуға, заңдылық пен құқықтық тәртіпті нығайтуға қосқан елеулі үлесі үшін прокуратураның үздік қызметкерлері марапатталды. Оларға «С.К.Нұрмағамбетовке 100 жыл» медалі, «Прокуратураның құрметті қызметкері» және «Прокуратура үздігі» төсбелгілері, Қазақстан Республикасы Бас Прокурорының Құрмет грамотасы мен Ақмола облысы әкімінің алғыс хаттары табысталды.Мереке Ақмола облыстық филармониясы әртістерінің концерттік бағдарламасымен аяқталды. Ақпарат көзі : https://www.gov.kz/memleket/entities/aqmola/press/news/details/898284

Көпшілік назарынаҚазақстан Республикасы Көлік министрлігі «Ашық НҚА» порталында «Кемелердің құрылысын, жаңғыртылуын және жабдықталуын ұйымдастыру» кәсіптік стандартын бекіту туралы» Қазақстан Республикасы Көлік министрі бұйрығының жобасы орналасқаны туралы хабарлайды.Сіздерді осы бұйрықтың жобасы бойынша қоғамдық талқылауға қатысуға шақырамыз. Толығырақ: Бұйрық ашық нормативтік құқықтық актілердің «E-gov» интернет-порталында 2024 жылғы 6 желтоқсанда (https://legalacts.egov.kz/npa/view?id=15332761 ) орналастырылған. Ақпарат көзі : https://www.gov.kz/memleket/entities/transport/press/news/details/898082