«Медицина қызметкерлерінің біліктілігін арттыру жылы» бастамасы шеңберінде Денсаулық сақтау министрлігі бастапқы буын мамандарының - дәрігерлер, фельдшерлер, мейіргелер, медициналық жоғары оқу орындары мен колледждердің оқытушылар құрамының білімі мен кәсіби дағдыларының деңгейін арттыру бойынша «Кадрлық қолдау: теңгерім және қолжетімділік» кешенді жоспарын әзірледі.Мемлекет басшысы 2025 жылы жариялаған Жұмысшы мамандықтары жылы шеңберінде денсаулық сақтау саласында практикаға бағдарлана отырып, медициналық колледждердегі білім беру бағдарламаларының деңгейіне және орта медициналық персоналдың кәсіби құзыреттеріне ерекше назар аударылатын болады.Білім және ғылым ұйымдарымен бірлесіп МСАК мамандарының біліктілігін арттыру іс-қимылдарының жоспары әзірленді, ол 5 негізгі бағыттан тұрады:- МСАК мамандарының біліктілігін арттыру бойынша нормативтік құқықтық базаны қалыптастыру;- МСАК мамандарының (жалпы практика дәрігерлері мен мейіргелердің) біліктілігін арттыру;-медициналық жоғары оқу орындары мен медициналық колледждердің профессорлық-оқытушылық құрамының біліктілігін арттыру- біліктілікті арттыру жүйесін жетілдіру;- жас мамандарға бейімдеу және тәлімгерлік орталықтарын құру.Оқыту бағдарламалары соңғы медициналық жетістіктер мен технологияларды, сондай-ақ заңнамалық және нормативтік актілердегі өзгерістерді ескере отырып әзірленген. Әр курс теориялық және негізінен практикалық сабақтарды, сонымен қатар өзін-өзі оқытуды қамтиды.Оқытудың жаңа бағдарламасымен 3 жылдан аз жұмыс өтілі бар 2,5 мыңнан астам жалпы практика дәрігерлерін қамту жоспарлануда. Оқытуға арналған модульдердің тақырыптары тыңдаушылардың осы санатын тестілеуді талдаудың негізінде медициналық жоғары оқу орындарының базасында әзірленетін болады.Осы жоспардың шеңберінде 3,5 мыңнан астам мейіргер біліктілігін арттырады. Орта медициналық персоналды оқыту модулдері профилактика және диспансерлік бақылау, ерте шақтағы балаларды патронаждау және күтім жасау, ауыр жағдайларда көмек көрсету, ЖОО-ны іске асыруда мейіргердің жұмысы, иммунопрофилактика және цифрлық технологиялар сияқты негізгі бағыттар бойынша әзірленген.Біліктілікті арттыру курстарынан медициналық колледждердің 1 600-ден астам педагогы өтеді. Олардың оқуы тәуелсіз емтихан бағаларының нәтижелерін ескере отырып өтеді. Медициналық жоғары оқу орындарының оқытушыларын педагогикалық өтіліне, педагогикалық құзыреттеріне және білімді тәуелсіз бағалау нәтижелеріне қарай оқыту көзделеді.«Медицина қызметкерлерін кәсіби даярлау еліміздегі медициналық көмек сапасының негізі болып табылады. Біліктілікті арттыру жылы шеңберінде біз МСАК мамандарына, біздің педагогтарға өз құзыреттерін арттыруға және медициналық көмек көрсетудің және болашақ дәрігерлерді даярлаудың жоғары деңгейін қамтамасыз етуге көмектесетін тиімді және қолжетімді бағдарламаларды құруға бағытталғанбыз», - деп атап өтті Денсаулық сақтау министрі Ақмарал Әлназарова медицина қызметкерлерінің біліктілігін арттырудың кешенді жоспарының тұсаукесері барысында.Жаңа курстар 2025 жыл бойы жетекші медициналық орталықтардың, саланың бейінді штаттан тыс мамандарының және білім беру платформаларының қолдауымен ұйымдастырылатын болады. Бағдарламаның барлық қатысушылары денсаулық сақтау жүйесінде танылатын біліктілікті арттыру сертификаттарын алады.Ақпарат көзі : https://www.gov.kz/memleket/entities/almobl/press/news/details/918425

Астана, 2025 жылғы 14 қаңтар – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу дипломатиялық миссияның аяқталуына орай Америка Құрама Штаттарының Қазақстан Республикасындағы Елшісі Дэниел Розенблюмді қабылдады.ҚР сыртқы саяси ведомствосының басшысы қазақ-америкалық ынтымақтастық деңгейін жоғары бағалап, екі ел арасындағы стратегиялық серіктестікті одан әрі дамыту маңыздылығын атап өтті.Өз кезегінде АҚШ Елшісі Қазақстандағы дипломатиялық миссиясы барысында үнемі қолдау көрсетілгені үшін шексіз алғысын білдірді. Сондай-ақ ол Қазақстанмен өзара құрмет пен сенім рухында ынтымақтастықты нығайтуға Құрама Штаттарының бейілділігін ерекше атап өтті.Кездесу соңында Министр М.Нұртілеу АҚШ Елшісіне Қазақстандағы жұмысы барысында екіжақты саяси, сауда-экономикалық және мәдени-гуманитарлық салалардағы қарым-қатынастарды дамытуға қосқан елеулі үлесін атап, алғыс хат табыс етті.Ақпарат көзі : https://www.gov.kz/memleket/entities/mfa/press/news/details/917809

Қазақстанда кәсіби суретшілер арасында «Ұлттық құндылықтар: салттың сырлы бейнесі» атты республикалық шығармашылық байқауға өтінімдер қабылдау жалғасып жатыр.ҚР Мәдениет және ақпарат министрлігі ұйымдастырған байқаудың мақсаты – ұлттық құндылықтар мен мәдени нысандарды дәріптеу, отандық суретшілердің шығармашылығын қолдау және қоғамдағы патриоттық рух пен ұлттық бірегейлікті қалыптастыру.Байқауға қазақ халқының дәстүрлі мәдени құндылықтары тақырыбында пейзаж, натюрморт және сюжеттік картина жанрында жұмыстарын ұсынған кәсіби суретшілер қатыса алады.Өтінімдерді қабылдау 2025 жылдың 24 ақпанына дейін жалғасады.Марапаттау рәсімі және іріктелген туындылар көрмесінің ашылуы 2025 жылдың 12 наурызында өтеді.Барлық қосымша сұрақтар бойынша 8 (7172) 919 035, 919 036 (ішкі: 366, 643) телефон нөмірлеріне хабарласуға болады.Байқау мен ережелер туралы толық ақпаратты Министрліктің сайтынан біле аласыз. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/almobl/press/news/details/917320

2024 жылдың қорытындысы бойынша Мемлекеттік еңбек инспекторлары республиканың 296 кәсіпорнында 4,5 млрд теңге сомасына 18,8 мың қызметкер алдындағы жалақы бойынша берешекті анықтады. Сонымен қатар, түрлі ұйымдарда жүргізілген тексерулер барысында 8,1 мың еңбек құқығының бұзылуы анықталды.Жалақы бойынша берешегі анықталған кәсіпорындардың басшыларына орындау үшін міндетті 251 ұйғарым берілді және 51 млн теңгеден астам сомаға айыппұл салынды.Қабылданған шаралардың, оның ішінде жалақы бойынша берешекті өтеудің қатаң кестелері мен мерзімдерін белгілеудің нәтижесінде 17,7 мыңнан астам қызметкердің құқықтары қорғалды. Оларға 3,7 млрд теңге төленді.Бұдан басқа, ҚР Еңбек және халықты әлеуметтік қорғау министрлігінің ерекше бақылауында еңбек заңнамасының сақталуына мемлекеттік бақылауды қамтамасыз ету мәселелері тұр.2024 жылы мемлекеттік еңбек инспекторлары 5 577 тексеру жүргізді, оның барысында 8 122 бұзушылық анықталды, оның ішінде: еңбек саласында – 6 219; еңбек қауіпсіздігі және еңбекті қорғау бойынша – 1 835; халықты жұмыспен қамту бойынша – 68.Жұмыс берушілерге 3 326 ұйғарым беріліп, 408,5 млн теңге сомасына 3 548 әкімшілік айыппұл салынды.Қабылданған шаралардың нәтижесінде 36,4 мыңнан астам қызметкердің еңбек құқықтары қорғалды. Ақпарат көзі : https://www.gov.kz/memleket/entities/enbek/press/news/details/916432

Астана, 2025 жылғы 13 қаңтар – Қазақстан Республикасының Сыртқы істер министрлігінде екі елдің сыртқы істер министрліктері арасындағы саяси консультациялардың екінші отырысы аясында Қазақстан-Кипр қарым-қатынастарының ағымдағы жағдайы мен даму перспективалары талқыланды.Қазақстан Республикасы Сыртқы істер министрінің орынбасары Роман Василенко мен Кипр Республикасы Сыртқы істер министрлігінің Тұрақты хатшысы Андреас Какуристің төрағалығымен өткен іс-шараның негізгі тақырыптары саяси және сауда-экономикалық ынтымақтастық мәселелері, құқықтық базаны кеңейту, сондай-ақ халықаралық және өңірлік күн тәртібінің негізгі аспектілері бойынша пікір алмасу болды.Р. Василенко Қазақстан Кипрді Еуропалық одақтағы маңызды және сенімді серіктес ретінде қарастыратынын атап өтті. Екіжақты және көпжақты бағыттағы байланыстарды одан әрі тереңдетуге дайын екенін білдірілді.Өз кезегінде Кипр делегациясының басшысы екі елдің сыртқы істер министрліктері басшыларының тұрақты кездесулерінің, оның ішінде қыркүйекте БҰҰ Бас Ассамблеясы мен желтоқсанда ЕҚЫҰ-ға қатысушы мемлекеттердің сыртқы істер министрлерінің басқосуы аясындағы кездесулердің маңыздылығын атап өтті. А. Какуристің пікірінше, жақында Қазақстанда Кипр Елшілігінің ашылғаны Никосия мен Астана арасындағы қарым-қатынастардың барлық спектрін нығайту жолындағы маңызды қадам болды.Кездесу соңында тараптар бұдан бұрын қол жеткізілген уағдаластықтарды тиімді жүзеге асыру мақсатында алдағы байланыстар кестесін мақұлдады.Сол күні Кипр делегациясы ҚР Сыртқы істер министрінің орынбасары Әлібек Бақаевпен өткен кездесуде халықаралық және өңірлік ұйымдар шеңберіндегі жағдай туралы пікір алмасты.Тараптар халықаралық құқық қағидаттарын басшылыққа ала отырып, өңірдегі қақтығыстарды тек бейбіт жолмен шешу қажеттігі туралы келісті.Анықтама: 2024 жылдың қаңтар-қараша айларында Қазақстан мен Кипр арасындағы тауар айналымы 7,1 млн АҚШ долларын (экспорт – 6,1 млн, импорт – 1 млн) құрады, бұл 2023 жылдың сәйкес көрсеткішінен 5 есеге жоғары. 2005 жылдан бері Кипрден Қазақстанға құйылған тікелей шетелдік инвестициялар көлемі 4,8 млрд доллардан асты. Қазақстанда кипрлік капиталдың қатысуымен 370-тен астам компания тіркелген. Ақпарат көзі : https://www.gov.kz/memleket/entities/mfa/press/news/details/917042

Астана, 2025 жылғы 10 қаңтар – Қазақстан тарапының шақыруымен Қырғыз Республикасының Сыртқы істер министрі Жээнбек Кулубаев Астанаға алғашқы ресми сапарын жасады.Келіссөздер барысында Қазақстан Премьер-Министрінің орынбасары – Сыртқы істер министрі Мұрат Нұртілеу мен Қырғызстан Сыртқы істер министрі Жээнбек Кулубаев екіжақты ынтымақтастықтың кең ауқымды мәселелерін, саяси, сауда-экономикалық, инвестициялық, су-энергетикалық, транзит-көліктік және мәдени-гуманитарлық өзара іс-қимылдың басымды бағыттарын талқылады. Достық, бауырластық және тату көршілік қағидаттарына негізделген одақтастықты тереңдетуге өзара бейілділік расталды.ҚР Сыртқы істер министрі мемлекет басшыларының саяси ерік-жігерінің арқасында қазақ-қырғыз қатынастары өзара іс-қимылдың жаңа сапалы деңгейіне көтерілгеніне назар аударды. Атап айтқанда, Қырғыз Республикасының Президенті Садыр Жапаровтың ресми сапарының қорытындысы бойынша Қазақстан мен Қырғызстан арасындағы одақтастық қатынастарды тереңдету және кеңейту туралы шартқа қол қойылып, екі ел арасындағы достық байланыстарды жан-жақты нығайтуға бағытталған бірқатар экономикалық және мәдени-гуманитарлық іс-шаралар өткізілді.«Қырғызстан біз үшін тек сенімді одақтас қана емес, сонымен қатар жақын көрші және бауырлас халық. Бізді ғасырлар бойы қалыптасқан достық байланыстар, ортақ рухани құндылықтар және біртұтас түркі тамырлар біріктіреді», – деді М.Нұртілеу.Өз кезегінде Ж.Кулубаев екі ел арасындағы қарым-қатынастар бүгінгі таңда жаңа сапалы деңгейге көтеріліп, тереңдетілген одақтастық сипатқа ие болғанын растады.Сыртқы саяси ведомстволардың басшылары 2024 жылғы 19 сәуірде Астанада өткен Қазақстан мен Қырғызстанның Жоғары мемлекетаралық кеңесінің 6-шы отырысында қол жеткізілген келісімдердің орындалу барысын жан-жақты талқылады. Тараптар екі ел арасындағы парламентаралық және үкіметаралық байланыстарды одан әрі кеңейтуге жәрдемдесуді жалғастыруға уағдаласты.Тараптар экономикалық ынтымақтастықты кеңейтудің маңыздылығын ерекше атап өтті. Қазіргі таңда Қазақстан Қырғызстанның ең ірі сауда серіктесінің «үштігіне» кіреді. Қабылданып жатқан шаралардың арқасында соңғы жылдары екіжақты тауар айналымы тұрақты түрде 1,5 млрд АҚШ долларынан асып отыр. Жоғары деңгейде қол жеткізілген келісімдерді жүзеге асыру аясында министрлер өзара сауда көлемін 3 млрд АҚШ долларына дейін жеткізуге жәрдемдесу жөнінде уағдаласты. Осы орайда тараптар қазақ-қырғыз шекарасында Индустриялық сауда-логистикалық кешенін іске қосудың, екіжақты тауар айналымының номенклатурасын кеңейтудің, бизнес-форумдар мен сауда миссияларын тұрақты түрде өткізудің, сондай-ақ өңіраралық байланыстарды одан әрі дамытудың маңыздылығын атап өтті.Екі елдің кәсіпкерлік ортасы үшін қолайлы жағдай жасауға ерекше назар аударылды. Қазақстан Қырғызстан экономикасына 1,3 млрд доллардан астам инвестиция салды.Министрлер энергетика, көлік және логистика салаларындағы ынтымақтастықтың айтарлықтай әлеуетін, сондай-ақ бірлескен жобаларды іске асыру перспективаларын атап өтті. Осы бағыттарда өзара тиімді әріптестікті дамытуға қолдау көрсетуге дайын екенін білдірді.Бөлек тармақ ретінде екі мемлекет арасындағы берік және ұзақ мерзімді қатынастардың негізі болып табылатын мәдени-гуманитарлық байланыстарды тереңдету мәселелері қаралды.Өткен жылы Қазақстанда Қырғызстанның Мәдениет күндері және бірқатар ірі шаралар, оның ішінде бірлескен концерттер, кино күндері, жастар мен ақсақалдар форумдары үлкен табыспен өткізілді. Биыл қазақ-қырғыз киносының өзара күндерін және кезекті 3-ші қазақ-қырғыз жастар форумын өткізу жоспарлануда.Қазақстан тарапы «KazAID» агенттігінің Орталық Азия елдерінің жас дипломаттарына арналған білім беру курстарын өткізуді, сондай-ақ студенттермен академиялық алмасуларды және медициналық жоғары оқу орындары оқытушыларының біліктілігін арттыруды жалғастыратынын хабарлады. Осыған байланысты Қазақстан тарапы Қырғызстанды аталған бағдарламаларға белсенді қатысуға шақырды.Кездесу барысында министрлер өңірлік және халықаралық күн тәртібіндегі өзекті мәселелерін талқылады. Тараптар БҰҰ, ШЫҰ, ТМҰ, ТМД, ҰҚШҰ, АӨСШК сияқты көпжақты құрылымдар аясында тығыз ынтымақтастықты жалғастыруға, сондай-ақ екі мемлекеттің халықаралық бастамаларын ілгерілету барысында өзара қолдау көрсетуге бейілділіктерін растады.СІМ басшылары Орталық Азиядағы өңірлік ынтымақтастықты дамыту, бейбітшілік пен тұрақтылықты нығайту жолындағы бірлескен күш-жігер, сондай-ақ Орталық Азия мемлекеттері басшыларының консультативтік кездесулері мен Халықаралық Аралды құтқару қоры аясындағы ынтымақтастық мәселелеріне жан-жақты тоқталды. Осы тұрғыда тараптар сыртқы істер министрліктері арасындағы өзара іс-қимылды одан әрі нығайтуға дайын екендігін білдірді, оның ішінде Сыртқы істер министрлері кеңесі және екі елдің сыртқы саяси ведомстволары арасындағы 2024-2026 жылдарға арналған Ынтымақтастық бағдарламасы аясында өзара әрекеттесуді жалғастыруға уағдаласты.Қырғыз Республикасының Сыртқы істер министрі Ж.Кулубаев ресми сапар аясында Қазақстан Республикасының Президенті Қасым-Жомарт Тоқаевтың қабылдауында болды.Ақпарат көзі : https://www.gov.kz/memleket/entities/mfa/press/news/details/916369

Астана, 2025 жылғы 13 қаңтар – Қазақстан Республикасы Сыртқы істер министрінің орынбасары Роман Василенко Аустрия Республикасының Қазақстан Республикасындағы жаңадан тағайындалған Елшісі Андреа Бахерден сенім грамоталарының көшірмелерін қабылдады.Сұхбат барысында тараптар саяси, экономикалық және мәдени-гуманитарлық салалардағы Қазақстан мен Аустрия арасындағы ынтымақтастықтың өзекті мәселелерін талқылады және 2024 жылы екі елдің өзара іс-қимылының қорытындыларын шығарып, алдағы іс-шаралар кестесін мақұлдады.Жоғары және аса жоғары деңгейдегі тұрақты саяси диалогты құптай отырып, тараптар Қазақстан Президенті Қасым-Жомарт Тоқаевтың Аустрия Президенті Александр Ван дер Белленмен 2022 жылы кездесуінің қорытындысы бойынша қол жеткізілген уағдаластықтардың, сондай-ақ 2024 жылы өткен Қазақстан мен Аустрияның сыртқы саяси ведомстволары басшыларының бірқатар келіссөздерінің іске асырылу барысын талқылады.Министрдің орынбасары Қазақстан Аустриямен қарым-қатынасты жан-жақты нығайтуға маңызды мән беріп отырғанын және өзара тиімді сауда-инвестициялық әріптестікті кеңейтуге мүдделі екенін атап өтті.Осыған байланысты Экономикалық, ауыл шаруашылық, экологиялық, өнеркәсіптік, техникалық және технологиялық ынтымақтастық жөніндегі Қазақстан-Аустрия үкіметаралық комиссиясының (ҮАК) және Іскерлік кеңестің екіжақты ынтымақтастықты нығайтудағы және өзара іс-қимылдың жаңа перспективалық салаларын айқындаудағы орталық рөлі аталып өтті.ҮАК тең төрағасы ретінде Р. Василенко осы жылдың көктемінде Астана қаласында комиссияның кезекті отырысын өткізуге мүдделілігін растады, сондай-ақ Қазақстанда аустриялық компаниялар, инвесторлар, қаржы институттар үшін қолайлы жағдайлар жасалғанына және шетелдік капитал мен технологияларды тартатын түрлі жобаларға, оның ішінде Транскаспий халықаралық көлік бағытының дамытуына қатысу мүмкіндігіне бөлек тоқтады.Екіжақты ынтымақтастықтың шарттық-құқықтық базасын кеңейту мәселелеріне ерекше назар аударылды.Кездесу соңында Министрдің орынбасары Аустрия Елшісіне Қазақстанда табысты қызмет тіледі.Анықтама: 2023 жылдың қорытындысы бойынша Қазақстанның Аустриямен тауар айналымы 332,6 млн АҚШ долларын (экспорт – 9,7 млн, импорт – 322,9 млн) құрады. 2024 жылғы қаңтар-қараша аралығында тауар айналымы 257,4 млн АҚШ долларын (экспорт – 4,1 млн, импорт – 253,3 млн) құрады. 2005 жылдан бері Аустрияның Қазақстанға тікелей инвестицияларының жалпы көлемі 3 млрд долларды құрады. Қазақстанда аустриялық капиталдың қатысуымен 180-ден астам кәсіпорын тіркелген. Ақпарат көзі : https://www.gov.kz/memleket/entities/mfa/press/news/details/916912

Ел Президенті Қ.-Ж. Тоқаевтың бастамасымен 2024 жылдың сәуір айының басында іске қосылған «Таза Қазақстан» бағдарламасын қостанайлықтар ауқымды түрде қолдауды жалғастыруда. Бұл бастаманың мақсаты – халықтың экологиялық хабардарлығын арттыру және облыстың әртүрлі аймақтарындағы қоршаған ортаны жақсарту.Бағдарлама аясында өңірде қазірдің өзінде аумақтарды тазарту және абаттандыру, қалдықтарды жинау және қайта өңдеу бойынша ауқымды іс-шаралар, сондай-ақ азаматтардың экологиялық сауаттылығын арттыруға бағытталған ағарту жұмыстары жүргізілді.Бағдарламаны жүзеге асыруда жергілікті кәсіпорындар және қоғамдық ұйымдармен ынтымақтастық маңызды рөл атқарады. Іс-шараларға бизнес-қауымдастық, жастар, спортшылар мен этномәдени бірлестік өкілдері белсенді қатысуда.Ағымдағы жылдың 13 қаңтарында «Таза Қазақстан» жалпыұлттық бағдарламасы аясында Қостанай ауданында «Қарды бірге тазартайық» челленджі басталды.Мемлекет басшысы табиғатқа ұқыпты қараудың маңыздылығын бірнеше рет атап өтіп, экологиялық жауапкершілік әрбір азаматтың міндеті ғана емес, сонымен қатар елдің тұрақты дамуының негізгі факторларының бірі екенін атап өткен болатын. «Таза Қазақстан» - қоршаған ортаны тазартып, қоғамдағы экологиялық мәдениеттің деңгейін арттыруға бағытталған мемлекеттік экологиялық саясаттың маңызды бөлігі болып табылады.Осы мақсатта жастар ресурстық орталығының еріктілері мен белсенділері қыс мезгілінде қар тазартуда айтулы көмек көрсету үшін Тобыл қаласындағы «Балбөбек» балабақшасына аттанды.Қажетті құрал-саймандармен қаруланған экоактивистер ойын алаңдарын қардан тазартып, балабақша аумағын ретке келтірді. Олар бұл бастаманы облыс көлемінде таратып, эстафетаны жастар мен қоғамдық ұйымдарға, мемлекеттік мекемелер мен кәсіпорындарға беруді жоспарлап отыр.Осылайша, шара тазалықты сақтаумен қатар, ел бірлігін нығайтып, жастардың бойында отаншылдық сезімін оятуға ықпал етеді. Өйткені, тазалық пен тәртіп әрбір азаматтың жауапкершідігі дейді ұйымдастырушылар.Рудный қаласының тұрғындары «Таза Қазақстан» республикалық экологиялық бағдарламасы аясында «Рудный аумақтық әлеуметтік қызмет көрсету орталығы» КММ-де психоневрологиялық аурулары бар адамдар үшін стационар жағдайында арнайы қызмет алушылардың қатысуымен іс-шара өткізді.Сабақ туған өлкенің табиғатын таза ұстау қажеттілігі туралы нұсқаушының әңгімесінен басталды. Еңбек терапиясы аясында балалар қыстап қалатын құстарға арнап жем салғыш жасады. Шара барысында қатысушылармен түрлі конкурстар және ойындар өткізілді. «Таза Қазақстан» жалпыұлттық акциясын өткізудің маңыздылығын Қазақстан Республикасының әрбір азаматы сезінеді. Бұл шара балалардың бойында жауапкершілік, патриотизм және еңбекқорлық сезімдерін тәрбиелейді, - деп атап өтті еңбек терапиясы нұсқаушысы. «Осындай бастамалардың арқасында елде жаңа мәдениет пен жаңа қоғамдық этика орнығуда. Бұл - нағыз патриотизм және Отанға деген қамқорлық. Осындай істер арқылы ұлтымыздың жаңа сапасы қалыптасуда», - делінген Президенттің Қазақстан халқына Жолдауында.Жітіқара қаласында «Қайталама шикізаттан бұйымдар жасау» шеберлік сыныбы ұйымдастырылды.Шеберлік сабағы өскелең ұрпақпен пластикалық қоқыс және тұрмыстық қалдықтар үйінділерінің көбеюі мәселесі туралы әңгімеден басталды. Балаларға ең маңызды экологиялық тақырыптар: адамның табиғатпен қарым-қатынасы, қазіргі әлемдегі пластикті қайта өңдеу мүмкіндіктері туралы айтылды, сонымен қатар балалар қаптаманың фракцияларымен және оларды сұрыптау ережелерімен таныстырылды. Балаларға мысал ретінде суреттер мен видеороликтер көрсетілді. Шеберлік сабағында күндізгі бөлім тәрбиеленушілері қайта өңделген материалдардан құстарға жем салғыш жасады.«Іс-шараның әр қатысушысы қаламыздың экологиялық жағдайын жақсартуға зор үлес қосты. Қазіргі таңда адамдардың басты міндеті - пластикалық қалдықтармен күресудің ең ұтымды және экологиялық қауіпсіз жолдарын табу, сонымен қатар оларды өмірде қолдануды үйрену», - деп атап өтті шара ұйымдастырушылары.Қалдықтарды қайта өңдеудің бұл ерекше тәсілі балалар үшін қызықты және пайдалы ойынға айналды, сонымен қатар адамдардың назарын қоршаған ортаның ластану мәселелеріне аудара отырып, табиғатты қорғау мен бағалаудың, экологиялық акцияларды насихаттаудың және қолдаудың қаншалықта маңызды екенін көрсетті. Айта кетсек, 2024 жылы елді мекендерді абаттандыруға 11 миллиард теңгеден астам қаржы бөлінген. Жүргізілген барлық жұмыстардың қорытындысы бойынша көшелерді жарықтандырумен қамтамасыз ету 90% құрады, 90 ауылға жалпы ұзындығы 67,8 шақырым қоршау орнатылады.2024 жылы мемлекеттік органдар мен жеке ұйымдар, шаруа қожалықтары, жастар, волонтерлік және үкіметтік емес ұйымдар, мәслихат депутаттары, ПИК, МИБ өкілдері тартылды. Барлығы 607,3 мың адам қатысып, 354 техника жұмылдырылды, 327 саябақ абаттандырылып, 201,5 мың тонна қоқыс шығарылды, 133,3 мыңнан астам ағаш отырғызылды.Ақпарат көзі : https://www.gov.kz/memleket/entities/kostanay/press/news/details/916516

Алматы облысының әкімі Марат Сұлтанғазиев жұмыс сапары аясында Кеген ауданының бірқатар маңызды нысандарын аралап, өңірдің әлеуметтік-экономикалық даму мәселелеріне назар аударды. Сапар барысында әкім бірнеше маңызды бағыттарға көңіл бөлді.Балалар өнер мектебімен танысуМарат Сұлтанғазиев Заманбек Нұрқаділов атындағы Кеген ауылындағы балалар өнер мектебінің жұмысымен танысты. Бұл мектеп балалардың шығармашылық қабілеттерін дамытуға бағытталған маңызды нысандардың бірі болып табылады. Әкім мектептің жағдайын көріп, мұғалімдермен және оқушылармен кездесу барысында білім мен өнер саласына қолдау көрсету мәселелерін талқылады.Кеген ауданының полиция бөліміндегі мәселелерӘкім Кеген ауданының полиция бөліміне арнайы барып, құқық қорғау саласындағы өзекті мәселелермен танысты. Полиция қызметкерлерімен кездесу барысында әкім саладағы жұмыс сапасын арттыру және материалдық-техникалық базаны жақсарту қажеттілігіне тоқталды.Қара каньон және инвестициялық жобаларСапар аясында әкім Қара каньонға тартылатын инвестициялық жобалармен танысты. Бұл жоба өңірдің туризм әлеуетін дамытуға бағытталған. Марат Сұлтанғазиев каньонды дамытуға қажетті инфрақұрылымдық жобаларға қолдау көрсетуге дайын екенін атап өтті.Ауыл шаруашылығы саласы: «Аумолдаев Б» шаруа қожалығына баруЖалағаш ауылдық округінде орналасқан «Аумолдаев Б» шаруа қожалығына барып, шаруа қожалық басшыларымен кездесті. Кездесу барысында ауыл шаруашылығын дамыту, су ресурстарын тиімді пайдалану және фермерлерді қолдау мәселелері талқыланды.«Қайыңды» көліне баруСапар соңында әкім «Қайыңды» көліне барып, туристік нысанның инфрақұрылымдық жағдайымен танысты. Ол көлге апаратын жолдың құрылыс жұмыстары мен электр желілерін тарту жобасын тексерді. Сонымен қатар, «Қайыңды» көлінде салынған туристерге арналған жаяу жүргіншілер жолын аралап, туризмді дамытуға бағытталған жұмыстардың маңыздылығын атап өтті.ҚорытындыМарат Сұлтанғазиевтің жұмыс сапары Кеген ауданының дамуындағы өзекті мәселелерді айқындауға және шешу жолдарын қарастыруға бағытталды. Әкім әлеуметтік және экономикалық салалардағы жобаларға ерекше назар аударып, олардың тиімді іске асырылуын бақылауға уәде берді.Ақпарат көзі : https://www.gov.kz/memleket/entities/almobl/press/news/details/916671

Мемлекет басшысының тапсырмасына сәйкес, Алматы облысында 2025 жылы өтетін Жұмысшы мамандықтар жылының іс-шаралар жоспары бекітілді. Бұл жоспар жұмысшы мамандықтарын насихаттау және олардың маңыздылығын арттыру мақсатында әзірленген. Жұмысшы мамандықтар жылының ресми ашылуы «Адал еңбек – адал табыс» ұранымен 2025 жылғы 27 қаңтарда өтеді. Кампания аясында жұмысшы мамандықтарының өкілдеріне арналған «Еңбек адамы» айдары бойынша үгіт-насихат жұмыстары жүргізілуде. Алматы облысының әкімі Марат Сұлтанғазиев бұл бастаманың маңыздылығын былайша атап өтті: «Жұмысшы мамандықтары – кез келген экономиканың негізі. Біз әрбір облыс тұрғынына лайықты білім алып, тұрақты жұмысқа орналасу үшін қажетті жағдай жасаймыз. Жұмысшы мамандықтар жылының жүзеге асырылуы еңбек мамандықтарының беделін арттырып, еңбек нарығының сұранысын қанағаттандыруға септігін тигізеді». Кәсіпорындардың сұранысын қамтамасыз ету мақсатында 2024 жылы мақсатты дайындыққа 300 адам қабылданды. Бұл өткен жылмен салыстырғанда (200 студент) 50%-ға көп. Анықтама: Жүргізілген сауалнама нәтижесінде 2024 жылы облыстағы еңбек ресурстарына қажеттілік 7724 адамды құрайтыны анықталды. Электрондық еңбек биржасында 1729 бос жұмыс орны бар. Ең көп сұранысқа ие мамандықтар: •мұғалімдер, •медбикелер, •дәрігерлер, •жүргізушілер, •автослесарьлар, •электр-газ дәнекерлеушілер және т.б. 2024 жылдың басынан бері жұмыс берушілер Электрондық еңбек биржасы арқылы 24 838 жұмысшыға сұранысын қанағаттандырды. Қысқа мерзімді оқытудан 624 адам өтті, оның ішінде 88 адам ауыл шаруашылығы бағытында білім алды (жалпы санының 14,1%-ы). Ауыл шаруашылығындағы жағдай Ауыл, орман және балық шаруашылығы саласында 127 483 адам еңбек етуде. Олардың ішінде: •12 312 адам – жоғары білімді, •38 147 адам – орта кәсіптік білімге ие. Агроөнеркәсіптік кешен қызметкерлерін қолдау үшін келесі шаралар жүзеге асырылуда: •Еңбекақыны субсидиялау: •2022 жылы – 310 жұмыс орнына, •2023 жылы – 350 жұмыс орнына, •2024 жылы – 374 жұмыс орнына субсидия берілді. •«Дипломмен – ауылға» бағдарламасы: Соңғы үш жылда бағдарлама аясында 74 маман жұмысқа орналастырылды.   2025 жылы кәсіпорындардың сұранысы бойынша 700 адамды жұмысшы мамандықтары бойынша оқыту жоспарланып отыр. Оның: •600-і – оқу ұйымдарында, •100-і – тікелей жұмыс орындарында оқытылады. Бұл бағдарламаны жүзеге асыруға 320,4 млн теңге бөлінді. Сонымен қатар, құрылыс мамандығының беделін арттыру және жоғары оқу орындарының студенттерін осы саланың ерекшеліктерімен таныстыру мақсатында Ашық есік күндерін өткізу жоспарланған. Құрылыс саласында ұрпақтан-ұрпаққа тәжірибе мен білім беріп келе жатқан еңбек әулеттеріне ерекше назар аударылады. Бұл отбасылық дәстүрлердің арнайы мамандықтардың дамуына қосатын үлесі атап көрсетілмек. Жыл бойы кәсіби шеберлікті арттыруға бағытталған түрлі іс-шаралар ұйымдастырылады. Негізгі іс-шаралар қатарына: •Халықаралық «TaiQAZAN» байқауы, •Қазақстан колледждерінің «ТОП 100 студент» жобасы, •«WorldSkills Qonaev – 2025» чемпионаты, •«НаурызFest» және «MamandyqFest» семинарлары мен фестивальдері кіреді. Маңызды жобалар Жобалардың бірі – жаңа мамандықтар атласын әзірлеу және колледждерді заманауи жабдықтармен қамтамасыз ету. Осы мақсаттарға бюджеттен 6 млрд теңге бөлінді. 2024 жылы бұл жұмыс төрт мемлекеттік колледжде жүзеге асырылды, ал 2025 жылы тағы екі оқу орнында жалғасын табады. Қонаев қаласында 600 орындық жатақханасы бар 1250 орындық техникалық бағыттағы колледждің құрылысы басталады. Қазіргі уақытта эскиздік жоба дайындалып, жобалық-сметалық құжаттама әзірленуде. Еңбек нарығының қажеттіліктері Нарық сұранысына сәйкес, келесі жаңа мамандықтар ашу жоспарланған: •«Гидротехникалық мелиорация», •«Лифт шаруашылығы және эскалаторлар», •«Қашықтан басқарылатын авиациялық жүйе». Алматы облысы өндірістік аймақ ретінде жұмысшы мамандықтарды дамытуға белсенді жағдай жасап келеді. Маман даярлау жұмыстары тұрақты бақылауда және 2025 жылы да жалғаса береді. Жұмысшы мамандықтарды танымал ету экономика мен қоғам үшін ұзақ мерзімді тиімділікке ие. Бұл бастама жаңа жұмыс орындарының құрылуына, еңбек нарығындағы тұрақтылыққа және жастардың әлеуетін ашуға ықпал етеді. Алматы облысы елдің жетекші өңірлерінің бірі ретінде өз позициясын нығайтуға бағытталған бастамаларды жүзеге асыруға дайын. Жұмысшы мамандықтар жылы жаңа жетістіктерге серпін беріп, экономиканың тұрақты дамуы мен өмір сүру сапасының артуына негіз болмақ.Ақпарат көзі : https://www.gov.kz/memleket/entities/almobl/press/news/details/915967

Кезекті облыстық әкімдікте Қостанай өңірінің әлеуметтік және мәдени дамуына қатысты негізгі мәселелер талқыланды. Ел Президенті осы бағыттарға ерекше назар аударып, оларды қоғамның тұрақты дамуының негізі деп атап өтті.   Ауылдық аумақтар: жайлы өмір және даму   Бүгінде облыс халқының шамамен 38%-ы ауылдық жерлерде тұрады, сондықтан олардың өмір сүру жағдайларын жақсарту – біздің басым міндетіміз.   «Ауыл – Ел бесігі» жобасы аймақта белсенді түрде жүзеге асырылып келеді. Оның аясында жыл сайын ауылдық жерлердің инфрақұрылымы жақсарып, жолдар жөнделіп, білім беру, мәдениет және спорт нысандары салынып, коммуналдық инфрақұрылым жаңғыртылуда.   Биылғы жылы жоспарланып отырған шаралар: •83 кіреберіс жол мен 103 елді мекендегі 382 көшені жөндеу; •Тағы 39 ауылды сапалы ауызсумен қамтамасыз ету; •2025 жылға қарай көше жарықтандыру деңгейін 90%-дан 100%-ға жеткізу; •Мектептерде күрделі жөндеу жұмыстарын жүргізу және олардың материалдық-техникалық базасын нығайту.   Спорт және мәдениет салаларына ерекше көңіл бөлінуде. Спорттық нысандардың, соның ішінде дене шынықтыру-сауықтыру кешендері мен хоккей корттарының құрылысы тұрғындардың спортпен айналысу мүмкіндігін арттырып қана қоймай, халықтың әлеуметтік бейімделуіне ықпал етеді.   Мәдениет – қоғамдық дамудың қозғаушы күші   Мәдениетті дамыту – бұл тек тарихи мұраны сақтау ғана емес, сонымен бірге ұлттық бірегейлікті қалыптастыру.   2025 жылы аймақтың маңызды оқиғасы – қазақ ағартушысы, жазушы және ақын Мыржақып Дулатовтың 140 жылдық мерейтойын атап өту болмақ. Қазіргі таңда Бидайық ауылындағы мұражай ғимаратын жаңарту жұмыстары басталды, сондай-ақ Қостанай қаласында Мыржақып Дулатовқа ескерткіш орнату мәселесі қарастырылуда.   Облыстағы мәдени саясат тұжырымдамасын іске асырудың негізгі бағыттары: •Аймақтың тарихи-мәдени мұрасын нығайту; •Тұрғындардың шығармашылық әлеуетін қолдау; •Дәстүрлерді сақтауға бағытталған мәдени іс-шараларды ұйымдастыру.   Өткен жылы шығармашылық ұжымдардың ауылдық Мәдениет үйлерінде өткізген гастрольдік бағдарламалары 48 мыңға жуық адамды қамтыды. Бұл мәдениеттің әлеуметтік байланысты нығайту факторы ретінде маңызды рөл атқаратынын көрсетеді.   Сонымен қатар, мәдениет саласы экономикалық өсімнің маңызды бағытына айналуда. Туризм, қолөнер, ұлттық музыка мен кино шағын және орта бизнестің жаңа мүмкіндіктерін ашып, жұмыс орындарын құрып, инвестиция тартады.   Өңірдің болашағына қосылған үлес   Ауылдық аумақтарды және мәдениет саласын дамыту – бұл облыстың тұрақты дамуына қосылған инвестиция. Заманауи технологияларды енгізу, дәстүрлерді сақтау және өмір сүруге жайлы жағдай жасау – өңірдің табысты болашағының негізін қалыптастырады.   Қостанай облысының әкімдігі осы бағыттарға басымдық беруді жалғастырып, әрбір тұрғын өзін үлкен әрі табысты аймақтың бір бөлігі ретінде сезінуі үшін барлық шараларды қолға алады.Ақпарат көзі : https://www.gov.kz/memleket/entities/kostanay/press/news/details/914851

Ішкі еңбек нарығын қорғау мақсатында Қазақстан Республикасының Еңбек және халықты әлеуметтік қорғау министрлігі жыл сайын Қазақстанға шетелдік жұмыс күшін тартуға квотаны (бұдан әрі – МКҚК) белгілейді және бөледі. жұмыс берушілердің қажеттіліктеріне сәйкес. 2025 жылы жалпы квота республикадағы жұмысшылар санына қатысты 0,2% мөлшерінде белгіленді.2025 жылы IRS тарту квотасы келесідей 4 санатқа бөлінеді: бірінші санаттағы 649 рұқсат (басшылар және олардың орынбасарлары), екінші санат бойынша 3254 (құрылымдық бөлімшелердің басшылары). Рұқсаттардың басым бөлігі үшінші (мамандар) және төртінші (білікті жұмысшылар) санаттарына қатысты – тиісінше 5 718 және 1 161 бірлік. Сондай-ақ маусымдық жұмысқа 4 097 адамға дейін тартылуы мүмкін.Сонымен қатар, 2025 жылға дейін үй шаруашылығында жұмыс істеуге еңбек мигранттарын тарту квотасы республикадағы жұмысшылар санына қатысты 3% мөлшерінде белгіленді. >Еске сала кетейік, 2024 жылы жергілікті атқарушы органдар жұмыс берушілерге IRS тартуға 14,5 мың рұқсат беріп, ұзартқан болатын. белгіленген квотаның 66%-ын құрады (22 мың). Қазіргі таңда Қазақстанда жергілікті атқарушы органдардың рұқсатымен 13 233 шетел азаматы жұмыс істейді.2024 жылы үй шаруашылығында еңбек мигранттарын тартуға квота 294,1 мың бірлік болып белгіленді. Жергілікті атқарушы билік 292 668 рұқсат берген.Ақпарат көзі : https://www.gov.kz/memleket/entities/enbek/press/news/details/914217

2024 жылы Цифрлық отбасы картасын (бұдан әрі – ДФК) енгізудің арқасында 642 мыңнан астам адам мемлекеттік қызметтерді проактивті көрсету үшін SMS-хабарлама алды. Бұл ретте 263 мың адам жәрдемақы немесе төлемді өтінішсіз алу мүмкіндігін пайдаланды.Отбасының цифрлық картасы мемлекеттік органдардың барлық қолданыстағы ақпараттық жүйелерінің деректері негізінде қалыптастырылады. Бүгінгі таңда ол Қазақстанның 20 миллион азаматы немесе 6 миллионнан астам отбасы туралы ақпарат жинақтаған.Орталық коммуникацияларды енгізудің басты мақсаты – қазақстандықтардың мемлекеттік қолдау жүйесіне тең қолжетімділігін қамтамасыз ету. Осыған орай, Қазақстан Республикасының Әлеуметтік кодексінде «Цифрлық отбасы картасы» әлеуметтік саясаттың орта мерзімді және ұзақ мерзімді міндеттері мен бағыттарын айқындайтын құрал ретінде белгіленген. Сондай-ақ КҚС азаматтардың әлеуметтік жағдайына байланысты кепілдендірілген мемлекеттік қолдаудың сол немесе басқа түрін алуға құқықтары туралы күнделікті «электрондық хабарландырушы» болып табылады.Қазіргі уақытта ҚҚС мемлекеттік қолдау шараларын алуға құқығы бар қазақстандықтарға беріледі. жәрдемақылар мен әлеуметтік төлемдердің 10 түрін: еңбек ету қабілетінен айырылған жағдайда төленетін әлеуметтік төлемдерге өтінішсіз немесе өтінішсіз жүгіну мүмкіндігі; жұмысынан айырылған жағдайда әлеуметтік төлем; әлеуметтік төлем немесе асыраушысынан айырылу бойынша жәрдемақы; мүгедек баланы тәрбиелеп отырған ата-анаға (қамқоршыға) берілетін жәрдемақы; мүгедектік бойынша жәрдемақы; көп балалы отбасыларға жәрдемақы; «Алтын алқа» және «Күміс алқа» алқаларымен марапатталған көп балалы аналарға жәрдемақы; атаулы әлеуметтік көмек, сондай-ақ жерлеуге арналған біржолғы төлем.Сонымен қатар, зейнетақы төлемдерін алу мүмкіндігі, тағайындалған/ұзартылған «кандас» мәртебесінің қолданылу мерзімі және жұмыссыздарды жұмыспен қамту шаралары туралы автоматты хабарламалар бар. КҚС арқылы жүзеге асырылды.Мемлекеттік қолдау шараларын алу құқығын белгілеу кезінде әлеуетті алушыға 1414 бірыңғай байланыс орталығынан SMS хабарлама жіберіледі. SMS-хабарлама алған азамат келісімімен жауап беруі керек. Өтініш беру және әлеуметтік төлемдерді немесе төлемдерді тағайындау ақшаны алушының банктік шотына кейіннен аудара отырып, автоматты түрде жүзеге асырылады.Алаяқтық қаупін болдырмау үшін келесіден алынған SMS хабарламаларға жауап беру қажет екенін атап өтеміз. бірыңғай байланыс орталығы 1414. Барлық сұрақтар бойынша 1414 байланыс орталығына хабарласыңыз. Қоңырау шалу тегін.Ақпарат көзі : https://www.gov.kz/memleket/entities/enbek/press/news/details/914998

ҚР Еңбек және халықты әлеуметтік қорғау министрі Светлана Жақыпова Өзбекстанның Қазақстандағы Төтенше және Өкілетті Елшісі Бахтиёр Ибрагимовпен кездесу өткізді. Тараптар еңбек көші-қоны саласындағы ынтымақтастық мәселелерін талқылады.Еңбекминінің басшысы көші-қон саласындағы соңғы заңнамалық өзгерістер туралы хабардар етіп, migration.enbek.kz порталын енгізу және оның мүмкіндіктері туралы айтты.Мәселен, портал арқылы еңбекші көшіп келушілердің рұқсат алу процесі автоматтандырылды, сондай-ақ жұмыс берушілер үшін шетелдегі әлеуетті жұмыскерлерді іздеу мүмкіндіктері кеңейтілді және еңбек шартын жасасу бөлігінде тараптардың одан әрі өзара іс-қимылы жеңілдетілді.Сонымен бірге Светлана Жақыпова жоғары білікті кадрларды тарту мақсатында шетелдік мамандар үшін сұранысқа ие мамандықтар тізбесі кеңейтілгенін атап өтті.Министр сондай-ақ Бақтиёр Ибрагимовке migration.enbek.kz порталы және Skills Enbek платформасының мүмкіндіктері мен функционалдығын көрсетті.Өз кезегінде Өзбекстан Елшісі Қазақстанда еңбек көші-қоны саласында жүргізіліп жатқан жұмыстың жоғары сапасын және одан әрі ынтымақтастық қажеттілігін атап өтті. Ақпарат көзі : https://www.gov.kz/memleket/entities/enbek/press/news/details/916062

2024 жылы 107,9 мың, оның ішінде 52,4 мыңға жуық жұмыссыз азамат Skills Enbek кәсіптік оқыту платформасында (бұдан әрі – Skills Enbek) курстардан өткені туралы сертификаттар алды. Skills Enbek-те барлығы 498,7 мың қазақстандық тіркелсе, оның 135,0 мыңы – 2024 жылы тіркелді. Бұл ретте платформа жұмысының барлық кезеңінде 410,9 мың адам оқудан өтті.Оқудан өткен 52,4 мың жұмыссыз азаматтың 16,2 мыңға жуығы Ақтөбе, Қызылорда, Түркістан облыстары мен Шымкент қалаларының жастары.Skills Enbek іске қосылған сәттен бастап авторлар әртүрлі бағыттар бойынша 643 курс жариялады, оның 302-і тегін. Курстардың ұзақтығы 1-ден 72 сағатқа дейін.Ең танымал курстар – «Построение отдела продаж в отеле», «Пішу және тігу», «Продавец», «Введение в социальную работу» және «Кассир».Платформа үш тілде қол жетімді және басқа білім беру порталдарымен бірқатар интеграциялары бар онлайн-курстардың бірыңғай витринасын құруға арналған алаң болып табылады. Skills Enbek-те жұмыссыздардың, ісін жаңа бастаған кәсіпкерлердің, әлеуметтік қызметкерлердің және мүгедектігі бар адамдарды алып жүретін жеке көмекшілердің біліктілігін жаппай арттыру үшін жағдайлар жасалған. Сонымен қатар сертификатты жүктеу кезінде оған жаңа функционал қосылды, яғни Электрондық еңбек биржасына (Enbek.kz) да көшірілуі арқылы алынған дағдылар бойынша бос жұмыс орындары ұсынылады.2024 жылы Skills Enbek-те прокторинг жүйесін қолдана отырып тестілеу мүмкіндігі пайда болды. Қазіргі уақытта функционалды мүгедектік тобын беру бойынша мемлекеттік қызметті сырттай проактивті көрсетуге тартылатын дәрігерлер және ұсынылған курстарда оқу кезінде әлеуметтік қызметкерлер пайдаланады. Қыркүйек пен желтоқсан аралығында 9 мыңнан астам пайдаланушы әлеуметтік қызметкер курстары бойынша оқудан өтті. Сондай-ақ, жеке көмекшілер курстарынан өту үшін 6,1 мың адам тіркеліп, оның 5,7 мыңы оқуды сәтті аяқтап, сертификаттар алды.«Бастау Бизнес» жобасы шеңберінде кәсіпкерлік негіздері бойынша 35,3 мың адам оқуды аяқтап сертификаттар алды, оның ішінде 39,8%-ы жастар. Өз бизнесін бастауды жоспарлап жүрген қазақстандықтарға осы курс бойынша оқу қажетті базалық білім мен дағдыларды алуға көмектеседі.«Күміс жас» жобасы аясында 50 жастан асқан азаматтарға ауыл шаруашылығы, қаржы, білім беру, әлеуметтік қызмет көрсету, маркетинг және туризм, ақпараттық технологиялар бағыттары бойынша тегін курстар қолжетімді. 2024 жылы Skills Enbek-те жобаның 27 мыңнан астам қатысушысы тіркелді, оның ішінде 23,4 мың адам оқудан өтіп, сертификаттар алды.Сонымен бірге халықтың әлеуметтік осал топтары үшін Skills Enbek-те «әлеуметтік» қойындысы қосылды, онда «Qolqanat Foundation» қоғамдық қорымен ынтымақтастық шеңберінде кейбір ақылы курстар бойынша тегін оқудан өту мүмкіндігі берілді.Skills Enbek функционалдығының кеңеюін ескере отырып, жасанды интеллект пен процесті автоматтандыруды қолдана отырып, чат-бот енгізілді, ол пайдаланушының сұранысы бойынша курстарды таңдау және жылдам іздеу үшін ұсыныстар жасайды. Навигация бойынша көмек пен ұсыныстарды беттегі виджеттен алуға болады.2024 жылы Азия даму банкінің қаржылық қолдауымен Қазақстандағы БҰҰ Даму бағдарламасының «COVID-19 пандемиясымен күрестегі Қазақстан үшін ынтымақтастық қоры» бастамасы шеңберінде Data Science, Python, интернет-қауіпсіздік, product және HR-менеджмент бағыттары бойынша тегін курстардың тізбесі кеңейтілді.Жалпы, онлайн оқытуды дамыту арқылы азаматтар жаңа дағдыларды игеруге, біліктілігін арттыруға және күнделікті өмірде цифрлық құралдарды тиімдірек пайдалануға мүмкіндік алады, бұл экономиканың өнімділігі мен инновациясының өсуіне ықпал етеді.Естеріңізге сала кетейік, оқуға https://skills.enbek.kz/ сілтемесі арқылы немесе Enbek.kz сайтындағы «Онлайн оқыту» бөлімін таңдау арқылы тікелей қол жеткізуге болады. Курстарға Enbek мобильді қосымшасы арқылы қол жеткізуге болады, қосымшаны Google Play және App Store-дан жүктеуге болады. Платформада білім алушы оқытудың қолайлы қарқыны мен тілін, материалды берудің ыңғайлы принципін дербес таңдайды, білім беру үдерісіндегі өзінің ілгерілеуін бақылай алады.Оқу аяқталғаннан кейін білім алушы 70% шекті деңгеймен тестілеу тапсыруға тиіс. Онлайн курсты сәтті аяқтаған жағдайда дағдыларды игеру туралы сертификат беріледі. Курсты аяқтаудың міндетті шарты – студент тарапынан курсты бағалау.Алынған сертификат Еnbek.kz-те тіркелген кезде білім алушы жасаған түйіндемеде автоматты түрде көрсетіледі. Жұмыскерлерді іздеу кезінде әлеуетті жұмыс беруші Платформада сәтті оқудан кейін алынған сертификаттарды көре алады.Авторлар мен әзірлеушілерге арналған платформада онлайн курстарды орналастыру тегін. Курстар мемлекеттік және орыс тілдерінде орналастырылуы мүмкін, ақпарат берудің әртүрлі форматтары: мәтін, презентация, бейне және аудио материалдар, инфографика және басқа түрлері болуға тиіс. Платформа ерекше қажеттіліктері бар білім алушылар үшін интерфейсті бейімдеу мүмкіндігін болжайды.Курс авторлары үшін ыңғайлы сабақ құрастырушы, жарияланған курстардың статистикасы мен тиімділігін қарауға қолжетімді, сертификаттардың әртүрлі дизайны көзделген, сондай-ақ оқу құнын алдын ала есептеуге арналған онлайн-калькулятор бар.Skills Enbek-те тіркелу және платформада жұмыс істеуге қатысты барлық мәселелер бойынша «ЕРДО» АҚ жауапты қызметкерлерімен мына телефондары арқылы байланысуды сұраймыз: 8 (7172) 95 43 17 (ішкі: 877, 878, 888).Ақпарат көзі : https://www.gov.kz/memleket/entities/enbek/press/news/details/915713

Астана, 2025 жылғы 10 қаңтар – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Мажарстанның Сыртқы экономикалық байланыстар және сыртқы істер министрі Петер Сийяртомен телефон арқылы сөйлесті.Сұхбат барысында тараптар Қазақстан Президенті Қасым-Жомарт Тоқаевтың 2024 жылғы қарашада Мажарстанға жасаған мемлекеттік сапарының қорытындысы бойынша қол жеткізілген келісімдердің іске асырылу барысын талқылады.Ауыл шаруашылығы, энергетика және инфрақұрылым салаларындағы бірлескен жобаларға ерекше назар аударылды. Сапардың екі мемлекет арасындағы стратегиялық серіктестікті тереңдетуде үлкен белес болғаны аталып өтті.Министрлер сондай-ақ Біріккен Ұлттар Ұйымы (БҰҰ), Еуропадағы қауіпсіздік және ынтымақтастық ұйымы (ЕҚЫҰ) және Түркі мемлекеттері ұйымы (ТМҰ) сияқты халықаралық ұйымдар аясындағы өзара іс-қимылды қозғап, жаһандық өзекті мәселелерді шешуде күш-жігерді үйлестірудің маңыздығын атап өтті.Сонымен бірге 2025 жылға арналған аса жоғары және жоғары деңгейдегі іс-шаралар кестесі қаралды.Сұхбат қорытындысы бойынша Қазақстан мен Мажарстанның СІМ басшылары екіжақты қатынастардың барлық бағыты бойынша ынтымақтастықты одан әрі дамытуға бейілділігін растады.Ақпарат көзі : https://www.gov.kz/memleket/entities/mfa/press/news/details/916278

Бүгін Қостанай облысының әкімі Құмар Ақсақалов өңірімізден сайланған ҚР Парламенті Мәжілісінің депутаттарымен жұмыс кездесуін өткізді. Кездесуге Альберт Рау, Екатерина Смышляева, Берік Бейсенғалиев және Еркін Әбіл қатысты.Кездесу барысында 2024 жылдың қорытындылары шығарылып, болашаққа жоспарлар талқыланды. Облыс әкімі Қостанай облысының тұрақты даму жолында екенін атап өтіп, экономика, әлеуметтік сала және инфрақұрылым бойынша маңызды жобалардың сәтті жүзеге асып жатқанын айтты.Мәжіліс депутаттары өңірде болып жатқан оң өзгерістерге жоғары баға беріп, бірлескен жұмыстың маңыздылығын атап өтті. Олар облыстың мүдделерін республикалық деңгейде қорғауға, маңызды міндеттерді шешуге және өңірге қолдау көрсетуге дайын екендерін жеткізді.Мұндай кездесулер өңір мен оның республикалық деңгейдегі өкілдері арасындағы өзара байланысты нығайтып, облыс мүдделерін тиімді ілгерілетуге және тұрғындардың өмір сүру сапасын жақсартуға ықпал етеді.Ақпарат көзі : https://www.gov.kz/memleket/entities/kostanay/press/news/details/916263

Бүгінде азаматтардың барлық өтініштерін бірыңғай қабылдау терезесі қағидаты бойынша "Е-otinish"ақпараттық жүйесі жұмыс істейді.Әрбір адам осы жүйе арқылы мемлекеттік органдардың және басқа мекемелердің бірінші басшыларына жүгіне алады.Платформа өтініш берушілерге өтінішті қарау барысын бақылауға және дербес бақылауға мүмкіндік береді https://eotinish.kz/Жүйеге келіп түсетін барлық өтініштер мен сұрау салулар мемлекеттік органның өзі де, Бас прокуратура да қатаң есепте және бақылауда болады. Нұсқаулық:Авторизациядан өту және «Көрсетілетін қызметке онлайн тапсырыс беру» батырмасы бойынша өту (көрсетілетін қызметті алу үшін eotinish.kz сайтында тіркелген болуыңыз тиіс немесе бір реттік тіркелуіңіз тиіс).- Мемлекеттік органдарға өтініш беру.- Ұсынылған нысанды толтырыңыз.- Қазақстан Республикасының Ұлттық куәландырушы орталығының (ҚР ҰКО) ЭЦҚ өтінішіне қол қойылсын және мемлекеттік органға жіберілсін.- Орындалуын қадағалаңызАқпарат көзі : https://www.gov.kz/memleket/entities/almobl/press/news/details/915920

Отбасының цифрлық картасын (бұдан әрі – ОЦК) енгізудің нәтижесінде 2024 жылы 642 мыңнан астам адамға мемлекеттік қызметтерді проактивті көрсету үшін SMS-хабарлама жолданды. Бұл ретте өтініш берусіз жәрдемақы немесе төлем алу мүмкіндігін 263 мың адам пайдаланды.Отбасының цифрлық картасы мемлекеттік органдардың қолданыстағы барлық ақпараттық жүйелерінің деректері негізінде қалыптастырылады. Бүгінде онда Қазақстанның 20 млн азаматы немесе 6 млн-нан астам отбасы туралы ақпарат жинақталған.ОЦК енгізудің басты мақсаты – қазақстандықтардың мемлекеттік қолдау жүйесіне тең қолжетімділігін қамтамасыз ету. Осыған байланысты ҚР Әлеуметтік кодексінде Отбасының цифрлық картасы әлеуметтік саясаттың орта және ұзақ мерзімді міндеттері мен бағыттарын айқындау құралы ретінде белгіленген. Сондай-ақ, ОЦК азаматтардың әлеуметтік мәртебесіне байланысты кепілдендірілген мемлекеттік қолдаудың қандай да бір түрін алуға құқықтары туралы күнделікті «электрондық хабарлама» болып табылады.Қазіргі уақытта ОЦК мемлекеттік қолдау шараларын алуға құқығы бар қазақстандықтарға қандай да бір өтініштерсіз жәрдемақылар мен әлеуметтік төлемдердің 10 түрін ресімдеуге мүмкіндік береді. Олар еңбек ету қабілетінен айырылған жағдайда төленетін әлеуметтік төлем; жұмысынан айырылған жағдайда төленетін әлеуметтік төлем, асыраушысынан айырылу бойынша төленетін әлеуметтік төлем немесе жәрдемақы, мүгедектігі бар баланы тәрбиелеп отырған ата-анасына (қамқоршысына) жәрдемақы, мүгедектігі бойынша жәрдемақы, көпбалалы отбасыларға берілетін жәрдемақы, «Алтын алқа» және «Күміс алқа» алқаларымен марапатталған көпбалалы аналарға берілетін жәрдемақы, атаулы әлеуметтік көмек, сондай-ақ жерлеуге арналған біржолғы төлем.Сондай-ақ, ОЦК арқылы зейнетақы төлемдерін алу мүмкіндігі, «қандас» мәртебесі берілгенде немесе ұзартылғанда мәртебенің аяқталу мерзімі және жұмыссыз адамдар үшін жұмыспен қамту шаралары туралы автоматты хабарламалар іске асырылды.Мемлекеттік қолдау шараларын алуға құқық белгіленген кезде әлеуетті алушыға 1414 бірыңғай байланыс орталығынан SMS-хабарлама жіберіледі. Хабарлама алған азамат оған келісімі туралы жауап беруі керек. Өтінішті ресімдеу және әлеуметтік жәрдемақы немесе төлем тағайындау автоматты режимде жүргізіледі, содан кейін ақша қаражаты алушының банк шотына аударылады.Алаяқтық тәуекелін болдырмау мақсатында 1414 бірыңғай байланыс орталығынан келіп түскен SMS-ке жауап беру қажеттігін атап өтеміз.Барлық сұрақтар бойынша 1414 нөмірі арқылы Call-орталыққа хабарласыңыз. Қоңырау шалу тегін. Ақпарат көзі : https://www.gov.kz/memleket/entities/almobl/press/news/details/915290

ҚР Еңбек және халықты әлеуметтік қорғау министрі Светлана Жақыпова ҚР Үкіметінің отырысында Мемлекет басшысының Жұмысшы мамандықтары жылын өткізу жөніндегі тапсырмаларын орындау мақсатында 2025 жылға жоспарланған іс-шаралар кешені туралы айтты.Министр сөз басында жұмысшы мамандықтары қазақстандық еңбек нарығының негізі болып қала беретінін атап өтті. 4,8 миллион адам немесе барлық жұмыс істейтін азаматтың 52%-ның кәсіптік немесе техникалық білімі бар. Бұл 2,3 миллионға жуық адам, олар 2,2 мың жұмысшы мамандығы бойынша жұмыс істейді. Мұндай мамандарға деген жоғары сұраныс көптеген бос жұмыс орындарымен расталады – өткен жылы 270 мыңнан астам бос жұмыс орнын құрады. Жұмысшы кадрлар көлік, сауда, өнеркәсіп, ауыл шаруашылығы сияқты салаларда көбірек сұранысқа ие.«Актуарлық модельдер негізінде әзірленген болжамдарымыз алдағы жылдары жұмысшы кадрларға деген қажеттілік тек арта түсетінін көрсетеді. Алдағы 6 жылда кадрларға жиынтық сұраныс 1,6 млн адам деп жоспарлануда, оның ішінде кәсіптік-техникалық білімі бар жұмыскерлерге жартысынан астамы тиесілі, олардың 400 мыңға жуығы жұмысшы мамандықтары болып табылады. Оларға мамандандырылған техниканың жүргізушілері, сантехниктер, дәнекерлеушілер, құрылыс мамандықтары мен техникалық бағыттағы жұмысшылар жатады», – деді Светлана Жақыпова.Оның айтуынша, кадрларды даярлауды, оның ішінде жұмысшы мамандықтарды тиімді жоспарлау мақсатында жобалардың Инновациялық навигаторы әзірленген.«Платформа қазірдің өзінде кадрларға деген қажеттілікті болжауға, сондай-ақ еңбек нарығының сұраныстарын ТжКБ ұйымдарында мамандар даярлаумен үндестіруге мүмкіндік береді.Жұмыс орындарын құру көрсеткіштері, еңбекақы қорының мөлшері, жалақыны уақтылы төлеу және әлеуметтік аударымдар негізінде біз жобалардың тиімділігін бағалауды жүзеге асыра аламыз. Бүгінде 150 мың жұмыс орнын құратын 755 инвестициялық жобаға мониторинг жүргізілуде», – деді Светлана Жақыпова.Министр талдау барысында әртүрлі өңірдегі еңбек нарығының қажеттіліктері мен колледж студенттерінің (ТжКБ) нақты түлектері арасындағы елеулі алшақтық анықталғанын атап өтті. Ең үлкен алшақтық құрылыс саласында және өнеркәсіпте байқалады. Сонымен қатар, кадр тапшылығының өңірлер бойынша біркелкі бөлінбеуі байқалады.«Біз сондай-ақ Қаржы министрлігінің ақпараттық жүйелерімен интеграциялауды аяқтадық және олардан деректер түскеннен кейін кадрларды даярлауды мемлекеттік бюджет есебінен іске асырылатын жобалармен үндестіре аламыз», – деп толықтырды Еңбекминінің басшысы.Кадрларды даярлау сапасын қамтамасыз ету үшін жұмысшы кәсіптері бойынша 1,6 мың кәсіптік стандарт жаңартылды. Олардың негізінде білім беру бағдарламаларының 87 % жаңартылды. Еуроодақ елдерінің стандартын қолдана отырып, 12 мыңнан астам дағдыларды қамтитын Электрондық дағдылар банкі құрылды.«Осы жылы тағы 100 кәсіптік стандарт әзірленіп, жаңартылуда.Біліктілікті тануды бағалау 4 тәуелсіз орталықтың базасында басталды. Биыл біз осындай тағы 5 орталықты, оның ішінде халықаралық стандарттар бойынша 2 орталықты ашуды жоспарлап отырмыз», – деді Светлана Жақыпова.Кәсіби мансапты таңдау және өзінің мансаптық траекториясын басқару үшін «Мансап компасы» жобасы іске асырылуда.Жұмыс берушілердің сұранысы бойынша кәсіптік оқыту және жұмыс орнында оқыту белсенді дамып келеді. Биыл 12 мыңға жуық адам осындай курстардан өтеді.Студенттердің практикалық дағдыларды игеруі үшін Электрондық еңбек биржасында өндірістік практикадан өту орнын табуға мүмкіндік беретін функционал іске қосылды. Онлайн оқыту платформасында бүгінде 643 курс қолжетімді, 410 мың адам оқытылды.Жұмысшы мамандықтары жылын өткізу жөніндегі іс-шаралар жоспарына сәйкес тәлімгерлік институтын дамыту, бос жұмыс орындары жәрмеңкесін өткізу және оқушылары мен ТжКБ студенттерін жұмыс іздеу мен жұмысқа орналастыру дағдыларына оқыту көзделген.Еңбекминінің басшысы жұмыскерлердің құқықтарын қорғауды күшейту үшін ведомство әлеуметтік әріптестермен бірлесіп іске асыратын шаралар туралы да айтты.Еңбек қауіпсіздігі және еңбекті қорғау саласындағы цифрлық мониторинг арқылы өндірістік жарақаттанудың алдын алу тетіктерін жетілдіру, кәсіпорындарға тәуекел класын бере отырып, кәсіптік тәуекелдерді интегралды бағалауды енгізу, сондай-ақ еңбек қауіпсіздігі мен еңбекті қорғауға және мамандандырылған ұйымдарға жауапты адамдарды оқытуға және олардың білімін тексеруге қойылатын талаптарды күшейту.«Сонымен қатар біз еңбек қауіпсіздігі мен еңбекті қорғауды бұзғаны үшін әкімшілік жауапкершілікті күшейту мәселесін қарастыруды жоспарлап отырмыз», – деп қосты Светлана Жақыпова.Еңбек қатынастарының ашықтығы мен заңдылығын қамтамасыз ету үшін жұмыс берушілердің штат кестесін орналастыруын, еңбек және ұжымдық шарттар жасасу рәсімдерін электрондық форматқа ауыстыруды көздейтін еңбек қатынастарын декларациялау тетіктерін енгізу жоспарлануда.Халықаралық еңбек ұйымымен ынтымақтастық шеңберінде заңнаманы жетілдіру жөніндегі ұсынымдарды көздейтін лайықты еңбек қағидаттарын ілгерілету жөніндегі бірлескен іс-қимыл жоспары іске асырылатын болады.«Өткен жылы біз халықаралық стандарттарды ескере отырып, ең төмен жалақы мөлшерін белгілеу әдістемесін бекіттік. Биыл Халықаралық еңбек ұйымының «Дамушы елдерді ерекше ескере отырып, ең төмен жалақыны белгілеу туралы» № 131 Конвенциясын ратификациялауды жоспарлап отырмыз.Айтылған шараларды іске асыру үшін ХЕҰ-ның жобалық кеңсесі құрылады, оның жұмыс бағыттары айқындалып қойған», – деп хабарлады Светлана Жақыпова.Сөз соңында ведмство басшысы соңғы жылдары Министрлік азаматтарды және еңбек саласындағы бизнесті қолдаудың дамыған жүйесін құрғанын атап өтті. Ол көптеген онлайн қызметтерді біріктіреді және жұмыс іздеуден және өндірісте қауіпсіздікті қамтамасыз етуден бастап, кәсіби дағдыларды дамытуға, оның ішінде жұмысшы мамандықтарына дейінгі көптеген міндеттерді шешеді.«Жұмысшы мамандықтары саласындағы аса маңызды жобалардың бірі Кәсіпорынның цифрлық картасы болып табылады. Бұл бізге нақты уақыт режимінде кәсіпорындардағы тәуекелдерді алдын ала анықтауға және алдын алу шараларын жүзеге асыруға мүмкіндік береді. Модельде қаржылық, әлеуметтік және еңбек сияқты 60-тан астам көрсеткіш бойынша мәліметтер қолданылады. Бұл бізге жоғары тәуекелге байланысты жұмыс мамандықтарына ерекше назар аударуға мүмкіндік береді.Кәсіпорынның цифрлық картасын бұрын құрылған Отбасының цифрлық картасымен үйлестіру жаңа мүмкіндіктер ашады. Жұмыс беруші кәсіпорындағы жұмыскерлердің әлеуметтік әл-ауқатын ескере отырып, тәуекелдерді автоматты түрде анықтай алады. Мысалы, егер жұмысшы баспанаға мұқтаж болса, оның отбасы көпбалалы немесе онда мүгедектігі бар адам мәртебесі берілген мүшесі болса, жұмыс беруші мұны біліп, тиісті қолдау көрсете алады.Бизнес үшін Кәсіпорынның цифрлық картасы – бұл жұмыскерлердің әл-ауқатын жақсартуға бағытталған әлеуметтік жауапкершілік қағидаттарын іс жүзінде жүзеге асыруға арналған құрал», – деп түйіндеді министр.Ақпарат көзі : https://www.gov.kz/memleket/entities/enbek/press/news/details/914292