Жыл басынан бері көпбалалы отбасыларға берілетін мемлекеттік жәрдемақымен орта есеппен 575,8 мың отбасы жалпы сомасы 389,8 млрд теңге мөлшерінде қамтылды, оның ішінде қазан айында 570 мың отбасына 41 млрд теңге мөлшерінде жәрдемақы төленді.Бұл мемлекеттік жәрдемақыға бірге тұратын 4 және одан да көп кәмелетке толмаған немесе 23 жасқа дейінгі күндізгі бөлімде оқитын студент балалары бар отбасылар табысына қарамастан үміткер бола алады.Төлем мөлшері бала санына қарай есептеліп төленеді және 2024 жылы:- 4 баласы бар отбасыларға – 16,03 АЕК немесе 59 183 теңге;- 5 балаға – 20,04 АЕК немесе 73 988 теңге;- 6 балаға – 24,05 АЕК немесе 88 793 теңге;- 7 балаға – 28,06 АЕК немесе 103 598 теңге;- 8 және одан да көп баласы бар отбасыларға – әрбір балаға 4 АЕК немесе 14 768 теңге мөлшерінде төленеді.2024 жылғы 1 қаңтардан бастап балалы отбасыларға тағайындалатын мемлекеттік жәрдемақылардың мөлшері 7%-ға артқанын атап өтеміз.Биыл көпбалалы отбасыларға мемлекеттік жәрдемақы төлеуге 474 млрд теңге қарастырылған.Ақпарат көзі : https://www.gov.kz/memleket/entities/enbek/press/news/details/885600

Бүгін, 18 қарашада, Қостанай облысына жұмыс сапарымен Қазақстан Республикасы Парламенті Сенатының спикері Мәулен Әшімбаев келді. Оны облыс әкімі Құмар Ақсақалов қарсы алды. Сапар барысында облыстың негізгі даму бағыттары талқыланды, оның ішінде өнеркәсіп, ауыл шаруашылығы, әлеуметтік инфрақұрылым және халықтың тұрмыс сапасын жақсарту мәселелері басты назарда болды.Машина жасау саласын дамыту және инвестициялық жобаларды қолдауҚұмар Ақсақалов атап өткендей, Қостанай облысы машина жасау саласын белсенді дамытуда. Бұл сала өңірдің өнеркәсіптік өсімінің қозғаушы күші болып табылады. Қазіргі уақытта Қазақстанда шығарылатын барлық автокөліктердің 60%-дан астамы облыстағы зауыттарда құрастырылады. Атап айтқанда, «СарыарқаАвтоПром» ЖШС кәсіпорнында биылғы жылдың 10 айында 66 мыңнан астам автокөлік шығарылды. Бұл сала қарқынды дамып келеді, алдағы уақытта өндіріс көлемін 270%-ға арттыру жоспарланған.Сонымен қатар, өңірде автомобиль жасау саласындағы ірі инвестициялық жобалар іске асырылуда. Олардың қатарында KIA автомобильдерін шығаратын зауыттың құрылысы бар. Кәсіпорынды іске қосу 2025 жылға жоспарланған, бұл 1,5 мың жаңа жұмыс орнын ашуға мүмкіндік береді. Құмар Ақсақаловтың айтуынша, мұндай жобалар өңір экономикасы үшін ғана емес, жоғары білікті мамандар даярлау үшін де маңызды. Dong-Eui оңтүстіккореялық университетімен бірлесіп Қостанай өңірлік университетінің студенттеріне арналған оқу және тәжірибе алмасу бағдарламалары әзірленуде.«Өнеркәсіптің, оның ішінде машина жасау саласының дамуы – бұл өңір экономикасына ғана емес, Мемлекет басшысы қойған стратегиялық міндетті жүзеге асыруға, яғни экономиканы әртараптандыру мен жастар мен жергілікті тұрғындарға жаңа жұмыс орындарын ашуға қосқан маңызды үлес», – деді Мәулен Әшімбаев.Инфрақұрылымды дамыту және ауылдық аймақтарды қолдауСапар барысында қозғалған басты тақырыптардың бірі – инфрақұрылымды дамыту және ауыл тұрғындары үшін қолайлы жағдай жасау болды. Құмар Ақсақаловтың айтуынша, биыл облыста сумен жабдықтау саласында ауқымды жұмыстар атқарылды. Сумен жабдықтау және су тарту бойынша 81 жобаны жүзеге асыруға 21 миллиард теңге бөлінген. Жыл соңына дейін 15 ауылдық елді мекен орталықтандырылған сумен жабдықтау жүйесіне қосылады, бұл ауылдық жерлерде ауыз суға қолжетімділікті 90%-ға дейін арттыруға мүмкіндік береді.Сонымен қатар, облыста тұрғын үй құрылысы қарқынды жүргізілуде. Жыл басынан бері 379 мың шаршы метр тұрғын үй пайдалануға берілді, ал жыл соңына дейін 5 мың пәтердің құрылысы аяқталады деп жоспарлануда. «Қостанай жастары» бағдарламасы аясында жастарға арналған тұрғын үй құрылысына ерекше көңіл бөлініп отыр. Бағдарлама арқасында шамамен 140 отбасы өздерінің тұрғын үй жағдайларын жақсарта алады. Бұл бағытта Сенат спикері өңір басшылығының ұстанымын қолдады.«Ауылдық аймақтар – бұл тек еңбек ететін орын ғана емес, сонымен бірге лайықты өмір сүру кеңістігі. Мемлекет басшысы ауылдық жерлердегі азаматтардың қала тұрғындарымен тең өмір сүру жағдайларын жасау қажеттігін нақты атап өтті», – деді облыс әкімі.Салық саясаты және бизнесті қолдауСапар барысында салық саясаты және жергілікті өндірушілерді қолдау мәселелері де талқыланды. Құмар Ақсақалов өңірдің машина жасаушылары атынан депутаттарға импортталатын жабдықтарға қосылған құн салығын төлеу жеңілдігін ұзарту туралы өтініш білдірді. Бұл қадам кәсіпорындардың қаржылық жүктемесін азайтуға және машина жасау мен ауыл шаруашылығы өндірісін одан әрі дамытуға ынталандыру болмақ.Инвестициялық климат және экономикалық өсімӨңір басшысының айтуынша, соңғы екі жылда облысқа 1 миллиард АҚШ долларынан астам шетелдік инвестиция тартылған. Алдағы жылдары шамамен 1,5 трлн теңге инвестиция тарту жоспарлануда. Құмар Ақсақаловтың пікірінше, машина жасау, металлургия және ауыл шаруашылығы өнімдерін қайта өңдеу сияқты негізгі салаларды дамыту Қостанай облысының елдегі өнеркәсіптік өндіріс көлемі бойынша үздік үштікке енуіне мүмкіндік береді.Мәулен Әшімбаевтың жұмыс сапары Сенат пен жергілікті билік органдары және мәслихат депутаттары арасындағы өзара іс-қимылды нығайтудағы маңызды оқиға болды. Өнеркәсіп, әлеуметтік инфрақұрылым және халықтың өмір сүру сапасын жақсарту мәселелерінде бірлескен жұмыс қажеттілігі облыс әкімі мен Сенат спикері тарапынан ерекше атап өтілді.Ақпарат көзі : https://www.gov.kz/memleket/entities/kostanay/press/news/details/885503

Гаага қаласындағы Химиялық қаруға тыйым салу ұйымының (ХҚТҰ) штаб-пәтерінде Қазақстан Республикасының Нидерландтағы Елшісі, Қазақстанның ХҚТҰ жанындағы Тұрақты өкілі Ақан Рахметуллин ХҚТҰ Бас директоры Фернандо Ариасқа сенім грамоталарын тапсырды.Кездесу барысында тараптар Қазақстан Республикасы мен ХҚТҰ арасындағы ынтымақтастықтың қазіргі жай-күйі мен оны одан әрі дамыту перспективалары жөнінде пікір алмасты.Қазақ дипломаты Қазақстанның халықаралық қауіпсіздікті нығайтуға, көпжақты өзара іс-қимылды дамытуға және жаһандық сын-қатерлерді шешудегі осы халықаралық ұйымның рөлін арттыруға, ең алдымен химиялық қаруға тыйым салу саласында, бейілділігін растады.Ақпарат көзі : https://www.gov.kz/memleket/entities/mfa/press/news/details/1169193?lang=kk

ҚР Еңбек және халықты әлеуметтік қорғау министрлігі Қазақстан азаматтарының шетелдегі еңбек қызметін ұйымдастыру бойынша еңбек мобильділігі орталықтарының жеке жұмыспен қамту агенттіктерімен өзара іс-қимыл жасау қағидаларының жобасын әзірледі. Құжат жария талқылау үшін «Ашық НҚА» порталында орналастырылған.Құжаттың негізгі мақсаты – республикадан тыс жерлерге жұмысқа шығатын қазақстандықтарды даярлауды, олардың еңбек қызметін тиімді ұйымдастыруды және шетелде еңбек құқықтарын қорғауды қамтамасыз ету.Қағидалар шетелде азаматтарды жұмысқа орналастыруға қатысуға үміткер жеке жұмыспен қамту агенттіктеріне қойылатын талаптарды белгілейді, сондай-ақ осы агенттіктердің еңбек ұтқырлығы орталықтарымен өзара іс-қимыл жасау тәртібін айқындайды.Сондай-ақ жеке жұмыспен қамту агенттіктерінің шетелде жұмысқа орналасқысы келетін ізденушілерді іріктеу және оларды даярлау тәртібі регламенттеледі.Бұдан басқа белгіленген талаптарға сәйкес келетін жеке жұмыспен қамту агенттіктерінің тізілімін құру және жүргізу көзделеді.Ақпарат көзі : https://www.gov.kz/memleket/entities/enbek/press/news/details/884796

2024 жылғы 1 қарашадағы жағдай бойынша Мемлекеттік әлеуметтік сақтандыру қорынан (бұдан әрі – МӘСҚ) жұмысынан айырылуына байланысты әлеуметтік төлем алушылардың саны 256,6 мың адамды құрады. Бұл ретте биыл 212,9 мың адамға төлем алғаш рет тағайындалды. Төлемдердің жалпы сомасы 70,6 млрд теңге болды.Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 45%-ына дейінгі мөлшерде МӘСҚ қаражаты есебінен жүзеге асырылады.Төлем тағайындау үшін жұмыстан босатылған жұмыскерге:- eGov.kz порталында авторизациялану;- «Жұмысқа орналастыру және жұмыспен қамту» бөлімінде «Жұмыс іздеуші адамдарды тіркеу» қызметін таңдау;- онлайн-қызметке тапсырыс беріп, барлық жолдарды толтыру және оған ЭЦҚ-мен қол қойып, өтінімді жіберу қажет;- бір күн ішінде тұрғылықты жеріңіздегі мансап орталығы (бұдан әрі – МО) бос жұмыс орындарын ұсынады;- егер жұмыс табылмаса, 3 жұмыс күні ішінде қашықтықтан жұмыссыз мәртебесі беріледі (қажет болған жағдайда сізге МО қызметкері қосымша ақпарат жинау үшін хабарласады);Бұл қызметті онлайн режимінде Электрондық еңбек биржасы (enbek.kz) арқылы да алуға болады.Жұмыссыз ретінде тіркелу туралы мәліметтер болған кезде Еңбекминінің ақпараттық жүйесі проактивті форматта МӘСҚ-тан төлемді тағайындау бойынша қызмет көрсетуге келісу үшін мобильді телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады.Естеріңізге сала кетейік, МӘСҚ қаражаты есебінен жұмыстан айырылған жағдайда төленетін әлеуметтік төлем жұмыстан шығу себептеріне қарамастан жүзеге асырылады және жұмыссыз адамды ол жұмыс іздеген кезеңде қолдауға арналған.Ақпарат көзі : https://www.gov.kz/memleket/entities/enbek/press/news/details/884640

Астана, 2024 жылғы 15 қазан – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Азиядағы өзара іс-қимыл және сенім шаралары кеңесінің (АӨСШК, Азия кеңесі) Бас хатшысы Қайрат Сарыбайды қабылдады.Кездесу барысында М. Нұртілеу Қазақстан Республикасы Азия кеңесінің негізін қалаушы әрі қазіргі төрағасы ретінде АӨСШК қызметіне және оның толыққанды халықаралық ұйымға айналуына ерекше мән беретінін атап өтті.Қазақстан төрағалығының бастамалары мен басымдықтарын іске асырудың жай-күйіне, сондай-ақ Азия кеңесін дамытудың одан әрі перспективаларына ерекше назар аударылды.Кездесу қорытындысы бойынша тараптар АӨСШК Хатшылығының Қазақстан аумағында болу шарттары туралы келісімге өзгерістер енгізу туралы Хаттамаға қол қойды.Аталған келісімге енгізілетін өзгерістер БҰҰ және басқа да халықаралық ұйымдардың тәжірибесіне сәйкес АӨСШК Хатшылығының халықаралық мәртебесін нығайтуға бағытталған.Ақпарат көзі : https://www.gov.kz/memleket/entities/mfa/press/news/details/884141

Масқат, 2024 жылғы 14 қараша – Қазақстан Республикасының Оман Сұлтандығындағы Елшісі Айдарбек Тұматов Оман Сұлтаны Хайсам бин Тариққа сенім грамоталарын табыстады.Қабылдау барысында Қазақстан мен Оман арасындағы байланыстарды әрі қарай нығайту мәселелері талқыланды. Тараптар сауда-экономикалық саласындағы ынтымақтастықты арттыру, атап айтқанда Қазақстан өнімдерін Парсы Шығанағы елдеріне және басқа өңірлерге жеткізу мақсатында Оманның транзиттік-көліктік әлеуетін барынша тиімді пайдалану мәселесіне ерекше көңіл бөлді.А. Тұматов ҚР Президенті Қасым-Жомарт Тоқаевтың Оман Сұлтанына Қазақстанға өзіне ыңғайлы уақытта келуге шақыруын тағы да қуаттады.Ақпарат көзі : https://www.gov.kz/memleket/entities/mfa/press/news/details/884196

ҚР Еңбек және халықты әлеуметтік қорғау министрлігі ведомство басшысының «Кейбір бұйрықтарға өзгерістер мен толықтырулар енгізу туралы» бұйрығының жобасын әзірледі. Құжат барлық топтағы мүгедектігі бар адамдар үшін оңалтудың техникалық құралдарының қолжетімділігін арттыруға бағытталған, бұл олардың өмір сүру сапасына және қоғамға әлеуметтенуіне оң әсер етеді. Бұйрықтың жобасы 2024 жылғы 29 қарашаға дейін жария талқылау үшін «Ашық НҚА» порталында орналастырылған.Мәселен, құжатта кресло-арбаларды ауыстыру мерзімдерін қысқарту көзделген. Бұл түзетулер көбінесе балалардың арбаларына қатысты. Сонымен, 7 жасқа дейінгі балалар үшін арбалардың барлық түрлерін үш жылдан кейін ауыстыру жоспарлануда. 7 жастан асқан балаларға: бөлмеде жүріп тұруға арналғандарды – 5 жылдан кейін, әмбебап – 4 жылдан кейін ауыстыру. Сондай-ақ, ересектерге арналған бөлмеде жүріп тұруға арналған арбаларды ауыстыру мерзімі бір жылға қысқарады, олар әр 6 жыл сайын ауыстырылады.Айта кетейік, бүгінгі күні қолданыстағы заңнамаға сәйкес кресло-арбалармен қозғалатын балалар мен ересектер үшін бірыңғай ауыстыру мерзімі белгіленген: бөлмеде жүріп тұруға арналған кресло-арбаларға – 7 жыл, серуендеуге арналғанға – 4 жыл.Сондай-ақ маңызды өзгерістердің қатарында мүгедектігі бар адамдардың барлық топтарын протездік-ортопедиялық аяқ киіммен, аппараттарға (протездерге) арналған аяқ киіммен, емдеу-профилактикалық құралдармен бюджет қаражаты есебінен қамтамасыз ету болып табылады.Бүгінгі таңда бұл қызметтер мүгедектік тобына байланысты мүгедектігі бар адамдарға өз қаражаты есебінен құнының 50% немесе 100% төлей отырып ұсынылады.Бұдан басқа, бұйрық жобасын қабылдау веб-камерасы бар ноутбуктермен, сондай-ақ экрандық қол жеткізуді бағдарламалық қамтамасыз етуімен және сөйлеу синтезімен, сөйлеу синтезі бар портативті тифлокомпьютерлермен, Брайль шрифтімен кіріктірілген ақпаратты енгізу/шығарумен, зейнеткерлік жасқа толған мүгедектігі бар адамдармен қамтамасыз ету бойынша шектеулерді алып тастайды. Бүгінгі таңда жоғарыда аталған техникалық құралдар тек еңбекке қабілетті жастағы мүгедектігі бар азаматтарға ғана беріледі. Көру қабілеті бұзылған адамдардың өмір сүру сапасын арттыру үшін ойнатқышты үлкен техникалық мүмкіндіктерді қамтамасыз ететін мамандандырылған тифлофлешплейерге ауыстыру көзделген.Ұзақ уақыт төсек режиміндегі мүгедектігі бар адамдар үшін декубитке қарсы матрацпен және функционалдық механикалық медициналық төсекпен қамтамасыз ету көзделген.Сонымен қатар ымдау тілі маманының қызметтерін онлайн форматта (байланыссыз) көрсетуге медициналық көрсеткіштер қайта қаралды, бұл оларға тең қол жеткізуді қамтамасыз етеді.Бұйрық жобасын қабылдау теріс әлеуметтік-экономикалық және/немесе құқықтық салдарға әкеп соқпайды.Құжатпен толығырақ «Ашық НҚА» порталында сілтеме https://legalacts.egov.kz/npa/view?id=15293212 бойынша танысуға болады.Ақпарат көзі : https://www.gov.kz/memleket/entities/enbek/press/news/details/883924

ҚР Еңбек және халықты әлеуметтік қорғау вице-министрі Асқар Биахметов Астанада өткен «Тұрақты даму басымдықтарын қалыптастырудағы ауыл әйелдерінің рөлі» атты Қазақстанның ауыл әйелдерінің VIІ Республикалық форумы аясында әйелдерді жұмыспен қамту үшін қабылданып жатқан шаралар туралы хабарлады.Асқар Биахметов өз сөзінде Мемлекет басшысы биылғы 2 қыркүйектегі Қазақстан халқына Жолдауында 2025 жыл еңбекқорлық пен кәсіпқойлық идеясын қоғамда ілгерілетуге бағытталған Жұмысшы мамандықтар жылы деп жарияланғанын атап өтті.«Қазақстандағы әйелдер негізінен қызмет көрсету секторында, әсіресе білім беру мен денсаулық сақтауда жұмыс істейді, онда әйелдердің үлесі жұмыспен қамтылғандар санының 70% - дан астамын құрайды. Сонымен қатар құрылыс, көлік және өнеркәсіп сияқты салаларда әйелдердің үлесі айтарлықтай төмен. Бұл гендерлік еңбек бөлінісінің жаһандық тенденцияларын көрсететін күтім мен оқытуға байланысты мамандықтардағы әйелдердің жоғары үлесін көрсетеді.Әйелдердің жартысы жоғары деңгейдегі дағдыларды қажет ететін позициялармен айналысады – бұл басшылар, кәсіпқойлар және мамандар. Кәсіпқойлар арасында әйелдердің үлесі 64% құрайды, бұл әйелдердің жоғары білікті қызмет салаларына қосқан үлесін көрсетеді», – деді вице-министр.Сондай-ақ, ол гендерлік жұмыспен қамтудың салалық ерекшелігін көрсететін техникалық дағдыларды талап ететін кәсіптерде әйелдер ең аз жұмыс істейтінін атап өтті. Біліктіліктің төмен деңгейі біліктілікті қажет етпейтін жұмыстармен айналысатын әйелдердің 17%-на тән.«2024 жылғы 1 қарашадағы жағдай бойынша жұмысқа орналасуға жәрдемдесудің белсенді шараларымен 315,5 мың әйел, оның ішінде 165,5 мың ауыл әйелдері қамтылды.Жыл басынан бері жалпы 239,9 мың әйел жұмыспен қамтылды, оның ішінде 131,3 мыңы тұрақты жұмысқа, 108,6 мыңы мемлекет субсидиялайтын жұмыс орындарына орналастырылды, бұл жұмыспен қамтылғандардың жалпы санының 45%-дан астамын құрайды», – деді Асқар Биахметов.Форум аясында «Coca-Cola Belesteri-2024» байқауының жеңімпаздарын марапаттау және Салтанат Рахымбекова атындағы грантты тапсыру рәсімі өтті.Сондай-ақ, «Әйелдер бастамаларын қолдау құралдары» панельдік сессиясы өткізіліп, «Азық-түлік қауіпсіздігін қамтамасыз етудегі әйелдердің рөлі», «Ауылдық әйелдерге арналған цифрландыру және жаңа технологиялар», «Ауылдық жерлердегі әйелдердің білімі мен кәсіби дамуы» сараптамалық алаңдары ұйымдастырылды.Ақпарат көзі : https://www.gov.kz/memleket/entities/enbek/press/news/details/883841

Ленина көшесі, 215 мекенжайындағы үйде енді Б.Майлиннің портреті бейнеленген мурал оның 130 жылдық мерейтойына орай жасалды. Бұл мурал жазушының шығармашылық мұрасына деген құрмет пен танудың символына айналды.Іс-шараға қаланың зиялы қауымы, мектеп оқушылары, қала тұрғындары және танымал жазушының тікелей ұрпақтары қатысты. Мерейтой аясында Б.Майлин атындағы мектеп-гимназияға экскурсия ұйымдастырылып, мектептің театр үйірмесі «Би-ағаның биігі» атты қойылым қойды, ал «Бейімбет оқулары» байқауының жеңімпаздары марапатталды.Осы өнер туындысын жасауға атсалысқан «QС holding» компаниясына және барлық қатысушыларға алғыс білдіреміз.Ақпарат көзі : https://www.gov.kz/memleket/entities/kostanay/press/news/details/883611

Астана, 2024 жылғы 13 қараша – Қазақстан Республикасы Сыртқы істер министрінің орынбасары Әлібек Қуантыров және «Kazakh Invest» ҰК» АҚ басқарма төрағасының орынбасары Мадияр Сұлтанбек Қазақстандағы «Mitsubishi Corporation» бас директоры Тецуя Сугитамен кездесу өткізді.Келіссөздер барысында Ә.Қуантыров Қазақстанның жаңа инвестициялық саясаты одан әрі экспортқа баса назар аудара отырып, қосылған құны жоғары өндірістерді дамытуға бағытталғанын атап өтті. Осыған байланысты озық жапон технологиялары кадрлық және технологиялық әлеуетті нығайтуда маңызды рөл атқара алады.Кездесу барысында «Mitsubishi Corporation» өкілдері тұрақты даму мен көміртегі ізін азайтуға бағытталған 2024 жылғы корпоративтік стратегиясын ұсынды. Кездесу аясында қазақстандық тарапқа сутегі технологияларын пайдалану үшін инфрақұрылым құру және жаңартылатын энергетика саласында шешімдер әзірлеу сияқты перспективалы жобалар ұсынылды. Осыған байланысты, компанияның энергетикалық инновацияларға, цифрлық трансформацияға және жоғары технологиялық өндіріске беретін маңызы Қазақстанның төмен көміртекті экономиканы дамыту жөніндегі мақсаттарына толық сәйкес келеді.Тараптар орнықты даму саласындағы ынтымақтастықтың негізгі бағыттарын, оның ішінде энергетика секторында, инфрақұрылымда және өнеркәсіпте озық технологияларды енгізу мен жобаларды іске асыруды талқылады. «Mitsubishi Corporation» өкілдері компанияның Қазақстандағы қатысуын кеңейтуге және өңірдің тұрақты дамуын қолдауға бағытталған жаңа бастамаларды іске асыруға қызығушылық білдірді. Бұған дейін «C5+Жапония» бизнес-форумы аясында «Mitsubishi Corporation» компаниясы «Central Asia Climate Foundation» және «Rakurs Tech LLC» компанияларымен өзара түсіністік туралы меморандумға қол қойды.Кездесу қорытындысы бойынша тараптар компанияның энергетикалық және цифрлық трансформация саласындағы жаһандық бастамаларын ескере отырып, ынтымақтастықты дамытуға келісті.Анықтама: 1993 жылдан бастап «Mitsubishi Corporation» Қазақстанда үш өкілдік ашты. Елімізде жұмыс істеген жылдары корпорация бірқатар инвестициялық жобаларды іске асыруға қатысты: «Батыс Қазақстандағы автомобиль жолдарын оңалту», «Қызылорда қаласын сумен жабдықтауды қайта құру және жақсарту», «Темір жолдарды жөндеу үшін техника жеткізу» және т.б. Токио қаласындағы бас кеңсенің мәліметінше, корпорация «Теңізшевройл» және «Ақтөбемұнайгаз» компанияларына коррозияға қарсы тұрақтылығы жоғары 30 мың тонна болат құбыр жеткізген. Адами ресурстарды дамыту жөніндегі қызмет шеңберінде «Mitsubishi Corporation» заманауи жабдықтармен жабдықталған ҚБТУ-дың бірнеше оқу және ғылыми зертханаларының ашылуына демеушілік жасады.Ақпарат көзі : https://www.gov.kz/memleket/entities/mfa/press/news/details/883597

Брюссель, 2024 жылғы 12-13 қараша – Қазақстан Республикасы Сыртқы істер министрінің бірінші орынбасары Ақан Рахметуллин Еуропалық одақтың қарусыздану және таратпау мәселелері жөніндегі конференциясына қатысты.Іс-шараға Еуропалық сыртқы іс-қимыл қызметінің, Еуропалық комиссияның, АҚШ, Қытай, Ұлыбритания, Франция және басқа да елдердің жоғары деңгейдегі, сондай-ақ БҰҰ-ның Қарусыздану мәселелері жөніндегі басқармасының, БҰҰ-ның Қарусыздану проблемаларын зерттеу институтының, Венадағы қарусыздану және таратпау жөніндегі орталығының, МАГАТЭ, ЯСЖТШҰ, жетекші ғылыми, білім беру мекемелерінің және халықаралық талдау орталықтарының өкілдері қатысты.2026 жылғы ЯҚТШ Шолу конференциясының Дайындық комитетінің екінші сессиясының төрағасы ретінде баяндама жасай отырып, А. Рахметуллин қолданыстағы сын-қатерлерге қарамастан, Ядролық қаруды таратпау туралы шарт(ЯҚТШ) әлі де ядролық қарусыздану мен таратпаудың іргелі және әмбебап тетігі, сондай-ақ осы мәселелерді талқылау үшін негізгі форум болып қалатынын растады. Ол Шарттың тұтастығы жаһандық бейбітшілік пен қауіпсіздікті қамтамасыз ету үшін өте маңызды екенін атап өтті.Келесі жылы қорытынды дайындық комитетінің жұмысында жауапты ұжымдық көзқарастың сақталуына үміт білдіре отырып, қазақ дипломаты бұл нақты және мазмұнды ұсынымдар қабылданатын 2026 жылғы ЯҚТШ-ны орындау бойынша шолу конференциясын сәтті өткізуге негіз болатынына сендірді.Конференцияға қатысушылар ядролық қаруды таратпау және қарусыздану саласындағы берік халықаралық шарттық-құқықтық базаны атап өтіп, мультилатерализм қағидаттарын сақтаудың және тұрақты диалогты қолдаудың маңыздылығын атап өтті.Ақпарат көзі : https://www.gov.kz/memleket/entities/mfa/press/news/details/883600

Астанада «Реабилитология мен курортологияның басым бағыттары» тақырыбындағы шет ел мамандарының қатысуымен XI Республикалық ғылыми-практикалық конференция өтуде. Іс-шарада неврологиялық мүгедектік ауруларын оңалтудың, диагностикалаудың және оңалтудың жаңа әдістерін енгізу, оңалтудың инновациялық техникалық құралдарын қолдану және басқа да көптеген мәселелер талқыланады. Талқылау барысында әртүрлі елдердің сарапшылары Қазақстанда оңалтуды дамыту бойынша жүргізіліп жатқан жұмыстарға оң баға берді.Конференцияны ҚР ЕХӘҚМ Әлеуметтік қорғау саласын дамытудың ұлттық ғылыми орталығымен бірлесіп «Реабилитологтар мен курортологтар қауымдастығы» ҚБ ұйымдастырды және гибридті форматта (offline/online) өтуде. Іс-шараға ҚР Еңбек және халықты әлеуметтік қорғау министрі Светлана Жақыпова, «Қазақстан халқына» қорының басқарма төрағасының орынбасары Ләззат Шыңғысбаева, Парламент Мәжілісінің депутаты Динара Наумова, отандық және шетелдік (Ұлыбритания, Германия, Греция, Италия, Ресей) оңалту саласындағы сарапшылар, санаторийлік-курорттық мекемелердің мамандары, ҮЕҰ өкілдері, сондай-ақ медициналық және мамандандырылған жабдықтар мен дәрі-дәрмектер шығаратын компаниялар қатысты.Светлана Жақыпова өзінің алғы сөзінде қазіргі уақытта Қазақстанда 732 мың мүгедектігі бар адам тұратынын атап өтті. Экологиялық жағдайдың нашарлауы, ата-аналардың (әсіресе аналардың) аурушаңдығының жоғары деңгейі, бірқатар шешілмеген әлеуметтік-экономикалық, психологиялық-педагогикалық және медициналық проблемалар 110 мыңнан астам мүгедектігі бар балалар санының өсуіне ықпал етеді.«Мемлекет басшысы Үкіметтің алдына мүгедектігі бар адамдардың өмір сүру сапасын арттыру және оның әрбір мүшесіне өмірдің барлық салаларында тең мүмкіндіктер берілетін инклюзивті қоғам құру міндетін қойды.Республикада Мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі 2025 жылға дейінгі ұлттық жоспары іске асырылуда. Министрлік сарапшылық қоғамдастықпен бірлесіп, БҰҰ Мүгедектердің құқықтары жөніндегі комитетінің ұсынымдарын ескере отырып, 2030 жылға дейінгі инклюзивті саясат тұжырымдамасының жобасын әзірледі. Оның басты жаңашылдығы мүгедектіктің медициналық-әлеуметтік-әлеуметтік-құқық қорғау моделіне көшу бойынша жағдай жасау болып табылады. Құжат ерекше қажеттіліктері бар адамдардың қоғамға толыққанды әлеуметтік ықпалдасуы үшін қажетті жағдайлар жасауға бағытталған пәрменді шаралар кешенін қабылдауды көздейді.Мүгедектігі бар адамдардың өмір сүру сапасын арттыру үдерісіндегі маңызды аспектілердің бірі оңалту болып табылады. Бұл денсаулықтың бұзылуынан туындаған өмірлік шектеулерді жоюға немесе толық өтеуге бағытталған медициналық, психологиялық, педагогикалық, әлеуметтік-экономикалық іс-шаралар кешені», – деді Светлана Жақыпова.Министр балаларды оңалтуда жұмыстың медициналық, әлеуметтік және педагогикалық бағыттарын қамтитын мультидисциплинарлық тәсілдің маңызы зор екенін атап өтті.ЕХӘҚМ басшысы Әлеуметтік кодексті іске асыру шеңберінде жүргізіліп жатқан жұмыстарға да тоқталып өтті.«Мүгедектігі бар балаларды оңалту мен абилитациялаудың жеке бағдарламаларына сәйкес санаторий-курорттық емдеуге жіберу бойынша жоба іске қосылды.2025 жылдан бастап әлеуметтік қамсыздандыру жүйесі жеке бизнесті тарта отырып, арнаулы әлеуметтік қызметтерді жан басына шаққандағы қаржыландыруға көшуде. Бұл шара арнаулы әлеуметтік қызметтер көрсететін ұйымдардың желісін кеңейтуге және оларды шалғайдағы ауылдық елді мекендерге жеткізуге мүмкіндік береді.Бұдан басқа, 2025 жылдан бастап арнаулы әлеуметтік қызметтер көрсететін ұйымдарды лицензиялау енгізілуде. Бұл олардың стандарттарға сәйкестігін қамтамасыз етуге және ерекше қажеттіліктері бар адамдардың құқықтарын қорғауға мүмкіндік береді.Сондай-ақ, мүгедектігі бар балаларды үй жағдайында оңалтудың цифрлық күнделігі енгізілуде. Бұл шешім оңалту шараларының динамикасы мен қол жеткізілген әсерін бақылауға мүмкіндік береді», – деді Светлана Жақыпова. Министр оңалту іс-шараларының кешенінде және ерекше қажеттіліктері бар адамдардың күнделікті өмірінде оңалтудың техникалық құралдары (бұдан әрі – ОТҚ) үлкен рөл атқаратынын атап өтті. Әлеуметтік қызметтер порталының арқасында мүгедектігі бар адамдарға оңалту құралдары мен оларды жеткізушілерді өз бетінше таңдауға мүмкіндік берілді. Бұл ретте ұсынылатын ОТҚ сапасына бақылау күшейтілді. «Биыл «Қазақстан халқына» қоғамдық қорымен бірлесіп, Біз «ОТҚ қажеттіліктерін бағалау және іріктеу» және «Мүгедектігі бар балаларды үй жағдайында оңалту» пилоттық жобаларын іске асыруға кірістік. Осы жобалар шеңберінде мүгедектігі бар балаларды үй жағдайында оңалту іс-шараларын жүргізу үшін инновациялық ОТҚ қамтамасыз етеді. Қысқа уақыт ішінде балалардың ата-аналары мен мамандары оң динамиканы атап өтеді: біреу тұруды үйренді, біреу сенімді отырады. Аталған жобалар еліміздің барлық өңірлерінде табысты іске асырылып, одан әрі ауқымды болады деп сенемін», – деді Светлана Жақыпова.Өз кезегінде ҚР ЕХӘҚМ Әлеуметтік қорғау саласын дамыту ұлттық ғылыми орталығы бас директорының орынбасары, Реабилитологтар мен курортологтар қауымдастығының басқарма төрағасы Шолпан Бөлекбаева осы пилоттық жобалар туралы егжей-тегжейлі айтып берді.«Жобалардың негізгі мақсаттары: даралық қағидатын сақтау және дұрыс ОТҚ таңдау; мүгедектігі бар балаларға мүгедектігі бар балалардың өмір сүру сапасын арттыруға бағытталған сапалы, тиімді, қауіпсіз және ғылыми негізделген ОТҚ беру; мүгедектігі бар балаларды кәсіптік бағдарлауды, сүйемелденетін күндізгі жұмыспен қамтуды ұйымдастыруды қоса алғанда, дербес өмір дағдыларымен қамтамасыз ететін технологияларды енгізу.Бүгінгі таңда жеке таңдалған техникалық оңалту құралдарымен 73 бала айналысады. Мамандар арнайы мобильді қосымша арқылы сабақтарға мониторинг жүргізеді», – деп атап өтті спикер.Екі күндік конференция аясында 7 панельдік сессия ұйымдастырылады, оның барысында сарапшылар кең ауқымды мәселелерді талқылайды. Олардың қатарында инновациялық ОТҚ енгізу, неврологиялық ауруларды диагностикалау және оңалту, ботулинотерапия мен ортездеуді қолдану, курортология мен оңалтудағы тиімді әдістер: тамақтанудан психологиялық қолдауға дейін, нейродамудағы заманауи тәсілдер, ҮЕҰ мен пациенттік ұйымдардың оңалтудағы рөлі бар.Талқылау барысында әртүрлі елдердің сарапшылары Қазақстанда оңалтуды дамыту бойынша жүргізіліп жатқан жұмыстарға оң баға берді.«Инфрақұрылымды, жоғары технологиялар мен инновацияларды қоса алғанда, мемлекеттің қарқынды даму қарқынын, сондай-ақ мемлекеттік тұлғалардың әлеуметтік саланы дамытуға және одан әрі жаңғыртуға деген терең қызығушылығын атап өткім келеді. Біз Грекия дәрігерлері мен Қазақстанның реабилитологтары арасындағы ынтымақтастықтың бай тәжірибесіне ие болдық, онда пациенттер Грекияда хирургиялық араласудан және Қазақстанда кейіннен қарқынды оңалтудан кейін табысты нәтижелерге қол жеткізді, бұл елдегі оңалту және әлеуметтік сектордың дамуының жоғары деңгейін көрсетеді», – деді Global Medical Top Partners (Грекия) компаниясының бас директоры Сэм Авад.«Өткен бес жыл ішінде ҚР Еңбек және халықты әлеуметтік қорғау министрлігінің, сондай-ақ нарықтың жауапты қатысушыларының тарапынан мүгедектігі бар адамдардың қажеттіліктеріне жеке көзқарастың серпінді дамуы мен қолдауын атап өтемін. Әлеуметтік қызметтер порталы әзірленді және қолданысқа енгізілді, ОТҚ жіктеуіші қайта қаралды және өзектендірілді, озық әдістемелер мен инновациялық өнімдерді енгізу, бюрократиялық кедергілерді жою бойынша тұрақты жұмыс жүргізілуде, мүгедектігі бар адамдардың мүдделері барлық процестердің басында тұр», – деп атап өтті Ottobock халықаралық протездік-ортопедиялық концернінің бизнесті дамыту бағытының басшысы Андрей Финогенов.Ақпарат көзі : https://www.gov.kz/memleket/entities/enbek/press/news/details/883091

Жыл басынан бастап республикалық бюджеттен 3 трлн 118,2 млрд теңге сомасына зейнетақы төленді, оның ішінде базалық зейнетақы төлеуге – 982,2 млрд теңге, ынтымақты зейнетақы төлеуге – 2 трлн 136 млрд теңге қарастырылды.2024 жылғы 1 қарашадағы жағдай бойынша зейнеткерлер саны – 2 млн 421 мың адам.2024 жылғы 1 қарашадағы жағдай бойынша жиынтық зейнетақының орташа мөлшері 131 730 теңгені құрады, оның ішінде ынтымақты зейнетақы мөлшері – 89 122 теңге, базалық зейнетақы – 42 608 теңге.2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске саламыз.Бұл ретте 1998 жылғы 1 қаңтардағы жағдай бойынша ынтымақты жүйеде жұмыс істеген уақыты, сондай-ақ міндетті зейнетақы жарналары (бұдан әрі – МЗЖ) төленген кезеңдер зейнетақы жүйесіндегі еңбек өтіліне қосылады.Егер азаматтың зейнетақы жүйесіндегі өтілі 10 жыл немесе одан аз болса, сондай-ақ мүлде жоқ болса, базалық зейнетақы ең төменгі күнкөріс деңгейінің 65%-на тең болса, содан кейін 10 жылдан асқан әр жыл үшін оның мөлшері 2 %-ға артады. Ал егер сіздің өтіліңіз 20 жыл болса, базалық зейнетақы төменгі күнкөріс деңгейінің 85 %-ын құрайды. Еңбек өтілі 30 жыл немесе одан көп болса, күнкөріс деңгейінің ең жоғарғы мөлшерінде яғни 105% белгіленеді.Егер бір ай ішінде міндетті зейнетақы жарналары Бірыңғай жинақтаушы зейнетақы қорына бірнеше рет аударылса, жинақтаушы жүйеге қатысу мерзімі бір айды құрайды.Осылайша міндетті зейнетақы жарналары неғұрлым тұрақты және толық көлемде аударылатын болса, зейнет жасына жеткенде базалық зейнетақы төлемдерінің мөлшері соғұрлым көп болады.Өз кезегінде азаматтың жасына байланысты зейнетақы төлемдерінің мөлшері 1998 жылғы 1 қаңтардағы жұмыс өтіліне (кем дегенде 6 ай қажет) және зейнеткерлікке дейінгі кезеңдегі орташа айлық табысына байланысты болады.Ақпарат көзі : https://www.gov.kz/memleket/entities/enbek/press/news/details/882920

Қарағанды, 2024 жылғы 12 қараша – Қарағанды облысына жұмыс сапары барысында Қазақстан Республикасы Сыртқы істер министрінің орынбасары Әлібек Қуантыров пен «Kazakh Invest» ҰК» АҚ басқарушы директоры Азамат Қожанов бірқатар ірі өңірлік кәсіпорындарға, соның ішінде «Сарыарқа» АЭА нысандарына барып, өзекті инвестициялық мәселелерді талқылады.Осылайша, «Линде Газ Казахстан» ЖШС инвестициялық жобасының алаңында делегация техникалық газдар шығаратын ауа бөлетін қондырғылардың өндірістік циклімен танысып, компанияның Қазақстандағы қызметін одан әрі кеңейту әлеуетін талқылады. 2009 жылы құрылған кәсіпорын оттегі мен азот сияқты өнеркәсіптік газдарды өндіруге маманданған. Бұрын іске асырылған жобалардың сомасы шамамен 200 млн АҚШ долларын құрайды.Бұдан әрі делегация «Qarmet» АҚ қазақстандық ірі болат және тау-кен өндіру компаниясының металлургиялық комбинатына барды, онда домна пешінің жұмысы, сондай-ақ ыстық мырыштау және алюминий цехының жұмыс істеуі көрсетілді. «Qarmet» АҚ негізгі қызметінен басқа, әлеуметтік салада бірқатар жобаларды іске асырды, атап айтқанда, Теміртау қаласында саябақ салынды, сондай-ақ трамвай инфрақұрылымын қалпына келтіру жұмыстары басталды. Компанияның бас директоры Вадим Басинмен кездесу барысында тараптар компанияның өндіріс пен өндірістік қуаттылықты ұлғайту, логистикалық мәселелерді шешу, сондай-ақ инвестициялық қызметті кеңейту жөніндегі жоспарларын талқылады.Сапар барысында Ә. Қуантыров диірмендерге арналған футерлерді өндіруге маманданған «Polymet Solutions Corporation» ЖШС кәсіпорнының қызметімен танысты. Зауыт 2020 жылы іске қосылды және қазіргі уақытта оның өнімдері көрші нарықтарға белсенді түрде экспортталуда. Бұған дейін 2024 жылы кәсіпорын алаңында «OKUMA» жоғары дәлдіктегі фрезерлік өңдеу орталығы пайдалануға берілген болатын. Нысан басшылығымен кездесуде өндірісті дамыту жоспарлары, оның ішінде құю зауытын салу жобасы талқыланды.Министрдің орынбасары сондай-ақ 2021 жылы іске қосылған және Ресей мен Қырғызстанға өнімді экспорттайтын «Алтын Арна Geosynthetics» ЖШС геомембрана өндіру зауытының қызметімен, сондай-ақ «Qaragandy Power Silicon» ЖШС ферросиликоалюминий өндіру зауытының құрылыс алаңымен танысты.Сонымен қатар «Сарыарқа» АЭА аумағында облыс әкімінің орынбасары Ермек Алпысовпен және басқарушы компаниямен бірлесіп АЭА қажетті инфрақұрылыммен және электрмен жабдықтау мәселелерін талқылады. Сондай-ақ рұқсат құжаттарын алу бөлігінде өндірістердің ағымдағы проблемалық мәселелері, инфрақұрылымдық мәселелер және өткізу нарығына байланысты мәселелер талқыланды. Инвестициялық штабқа одан әрі шығара отырып, бірқатар мәселелерді қарау туралы шешім қабылданды.Сапар қорытындысы бойынша делегация Қарағанды облысының әкімі Ермағанбет Бөлекпаевпен өңірдегі өнеркәсіпті одан әрі дамыту және инвестициялар тарту үшін қажетті шараларды талқылау үшін кездесті.Анықтама: Қарағанды облысы өңірдің экономикасын нығайтуға, салаларды әртараптандыруға және жұмыс орындарын құруға бағытталған инвестициялық жобаларды іске асыру үшін отандық және халықаралық инвесторларды тарта отырып, белсенді дамуын жалғастыруда. Осылайша, инвестициялық жобалардың ұлттық пулы аясында 2023 жылы жалпы құны 141,5 млрд теңге болатын 2000-нан астам жұмыс орнын құрумен 24 ірі инвестициялық жоба іске асырылды. 2024 жылы 2400-ге жуық жұмыс орнын құра отырып, 214,2 млрд теңге сомасына 10 жобаны пайдалануға беру жоспарлануда. 2025 жылы тамақ өнеркәсібі, энергетика, металлургия, құрылыс және ауыл шаруашылығы салаларында 8 инвестициялық жобаны іске қосу жоспарлануда. Қарағанды облысының инвестициялық жобалар пулының жалпы көлемі шамамен 1,3 триллион теңгені құрайды.Ақпарат көзі : https://www.gov.kz/memleket/entities/mfa/press/news/details/882774

ҚР Еңбек және халықты әлеуметтік қорғау министрі Светлана Жақыпова ҚР Парламенті Мәжілісінің депутаттарымен кездесу өткізді. Оған ҚР Президенті Әкімшілігінің, ҚР Оқу-ағарту министрлігінің, ҚР Мәдениет және ақпарат министрлігінің өкілдері қатысты. Кездесу барысында қиын өмірлік жағдайдың деңгейін анықтау және балалы отбасыларға әлеуметтік қолдау шараларын көрсету мәселелері талқыланды.Министр мемлекеттік органдардың ақпараттық жүйелерінің деректері негізінде әлеуметтік әл-ауқат деңгейін айқындауға және мұқтаж азаматтарға мемлекеттік қолдау шараларын жедел проактивті форматта көрсетуге мүмкіндік беретін Отбасының цифрлық картасының мүмкіндіктерін көрсетті.«Қазіргі уақытта әлеуметтік саясат, оның ішінде ана мен баланы қолдау жөніндегі саясат еліміздің бірнеше орталық мемлекеттік органдарында қалыптастырылып, жергілікті деңгейде іске асырылуда. Біздің басты міндетіміз – отбасының жағдайын жақсарту және өмір сүру сапасын арттыру», – деп атап өтті Светлана Жақыпова.Кездесуге қатысушыларға балалы отбасылар үшін әлеуметтік көмек пен әлеуметтік сақтандырудың кешенді моделі туралы ҚР ЕХӘҚМ Әлеуметтік көмек департаментінің директоры Асқар Аймағамбетов баяндады. Оның айтуынша, қазіргі уақытта балалары бар 2 млн–ға жуық қазақстандық отбасы республикалық бюджеттен берілетін жәрдемақылармен және отбасының табысына қарамастан тағайындалатын Мемлекеттік әлеуметтік сақтандыру қорынан (бұдан әрі – МӘСҚ) төленетін әлеуметтік төлемдермен қамтылған. 2024 жылы осы мақсаттарға 1,5 трлн теңгеден астам қаржы бөлінді (оның ішінде республикалық бюджеттен 750 млрд теңге, Мемлекеттік әлеуметтік сақтандыру қорынан 807 млрд теңге).«Егер базалық деңгейде мемлекет жұмыс істейтін және жұмыс істемейтін ата-аналарға республикалық бюджет қаражаты есебінен бала тууға арналған біржолғы жәрдемақыға кепілдік берсе, онда жұмыс істемейтін ата-аналарға бала бір жарым жасқа толғанға дейін оның күтімі бойынша ай сайынғы жәрдемақы көзделген. Осы жәрдемақы түрлерінің мөлшері туылған баланың кезектілігіне байланысты сараланған түрде белгіленеді.Бұл мөлшерді анықтау жәрдемақы алушылардың құрылымының өзгеруіне әсер етті. Осылайша, 4 және одан да көп бала тууға жәрдемақы алушылардың үлесі 2013 жылғы 12,7% - дан 2024 жылғы 1 қарашадағы жағдай бойынша 32,4% - ға дейін өсті.Сол сияқты, егер 2013 жылы 4 және одан да көп бала күтімі бойынша жәрдемақы алушылардың үлесі 17,6% болса, 2024 жылғы 1 қарашадағы жағдай бойынша 35% - ға дейінгі мөлшерді құрайды. Осылайша, әрбір үшінші бала көп балалы отбасында өмірге келеді», – деді Асқар Аймағамбетов.Жұмыс істейтін ата-аналар үшін МӘСҚ-дан төленетін әлеуметтік төлемдердің екі түрі қарастырылған: жүктілік және босану, сондай-ақ бір жарым жасқа дейінгі бала күтіміне байланысты табысынан айырылу жағдайы бойынша берілетін төлем.Бұдан басқа 1,5 жасқа толғанға дейін бала күтімімен айналысатын әйелдерге орташа айлық табыстың 10% мөлшерінде міндетті зейнетақы жарналарын субсидиялау көзделген.Мүгедектігі бар балаларды тәрбиелеп отырған отбасыларды қолдау үшін мүгедектігі бар баланы кәмелетке толғанға дейін тәрбиелеушіге жәрдемақы көзделген (жәрдемақы мөлшері 1,61 ең төмен күнкөріс деңгейі – 69 886 теңге). 1 қарашадағы жағдай бойынша 77,3 млрд теңге сомасына 109 мыңнан астам адам жәрдемақы алды. 2024 жылы бұл мақсаттарға барлығы 91 млрд теңге қарастырылған.Бүгінде 585 мыңнан астам отбасы көпбалалы отбасыларға арналған жәрдемақы алады, олардың мөлшері балалар санына қарай анықталады. Жәрдемақы төлеудің қолданыстағы тетігін енгізу алушылар санының 2 еседен астам өсуіне негіз болды, атап айтқанда олардың саны 2019 жылғы 252 мың отбасыдан 2024 жылғы 1 қарашада 585 мың отбасыға дейін өсті.Әлеуметтік кодекс шеңберінде «Алтын алқамен» марапатталған, яғни 7 және одан да көп баланы өмірге әкеліп, тәрбиелеген аналарға арналған жәрдемақы мөлшері ұлғайтылды. 2019 жылмен салыстырғанда аталған жәрдемақы алғаш тағайындалғандар саны оң динамикаға ие екенін атап өткен жөн. Мәселен, егер 2019 жылы ол 6 900 адамға тағайындалса, 2023 жылы 11 762 анаға тағайындалған.Осылайша, біздің елімізде кәмелетке толмаған балаларды тәрбиелеп отырған көпбалалы аналар бір мезгілде бірнеше төлем алуға құқылы.Сонымен бірге жұмыспен қамтуды қамтамасыз ету және халықтың табысын арттыру Еңбек министрлігі жұмысының негізгі бағыттары болып табылады.«Жұмыссыздықтан әлеуметтік қорғау мақсатында мемлекет жұмыспен қамтуға жәрдемдесудің белсенді шараларын іске асыруда, олар: кәсіптік оқыту, кәсіпкерлік бастамаға жәрдемдесу, халықтың әлеуметтік осал топтарын жұмысқа орналастыру үшін субсидияланатын жұмыс орындарын құруды қамтиды. Биыл бекітілген өңірлік жұмыспен қамту карталары шеңберінде 2024 жылғы 1 қарашадағы жағдай бойынша көпбалалы отбасылардан 31,1 мыңнан астам адам жұмысқа орналастырылды.Естеріңізге сала кетейік, халықтың әлеуметтік осал топтары арасынан «Бастау Бизнес» жобасы бойынша оқудан өткен адамдарға 400 АЕК (1 476 800 теңге) мөлшерінде жаңа бизнес-идеяларды іске асыруға гранттар беріледі. 1 қарашадағы жағдай бойынша берілген 8 941 гранттың 63,2% - ы көпбалалы отбасыларға берілді», – деді Асқар Аймағамбетов.Ақпарат көзі : https://www.gov.kz/memleket/entities/enbek/press/news/details/882560

Астана, 2024 жылғы 12 қараша – Қазақстан Республикасы Сыртқы істер министрінің орынбасары Роман Василенко Польшаның Қазақстандағы Уақытша сенімді өкілі Михал Лабенданы қабылдады.Кездесу барысында тараптар саяси, сауда-экономикалық, парламенттік, мәдени және білім салаларындағы екіжақты ынтымақтастықты тереңдету мәселелерін талқылады.Министрдің орынбасары поляк дипломатының Астанаға тағайындалғаннан бері атқарып жатқан белсенді қызметін жоғары бағалап, екі ел арасындағы өзара тиімді табысты ынтымақтастықтың одан әрі дами беретініне сенім білдірді.Саяси диалогты нығайту аясында тараптар Нью-Йоркте өткен БҰҰ Бас Ассамблеясының 79-шы сессиясы шеңберіндегі (2024 ж. 24 қыркүйек) сыртқы істер министрлері Мұрат Нұртілеу мен Радослав Сикорскийдің келіссөздері мен Варшавада өткен Қазақстан-Польша сімаралық консультацияларының (2024 ж. 22-23 қазан) нәтижесінде қол жеткізілген уағдаластықтардың іске асырылуын талқылады.Дипломаттар Қазақстан нарығындағы «Polpharma» (фармацевтика), «Selena Group» (құрылыс химиясы материалдарын өндіру) және «Stokson» (кондитерлік зауыт) секілді ірі поляк компаниялардың қызметінің арқасындағы жемісті сауда-экономикалық байланыстарды атап өтті. Сонымен қатар 2025 жылы Астанада ұйымдастырылатын Сауда-экономикалық ынтымақтастық жөніндегі үкіметаралық комиссияның (ҚР Сыртқы істер министрлігі мен Польшаның Экономикалық даму және технологиялар министрлігі тең төрағалар болып табылады) 10-шы отырысына дайындықты жалғастыруға келісті.М. Лабенда мәдени байланыстарды кеңейтуге ерекше қызығушылық білдіріп, Қазақстанда концерттер мен кино көрсетілімін өткізу туралы бастама көтерді.Білім және ғылым салаларындағы байланыстарды тереңдету мәселелеріне де аса назар аударылды. Польшаның қазақстандық студенттер үшін танымал бағыт болып табылатыны және қазіргі уақытта олардың саны 3 мыңнан асатыны аталып өтті. Сондай-ақ Қазақстанның орта және жоғары оқу орындарында 20-дан астам поляк тілі мұғалімі жұмыс істейді, бұл екі ел арасындағы мәдени және академиялық байланыстардың нығаюына ықпал етеді.Өз кезегінде Р. Василенко поляк тарапының бастамаларын қолдап, жан-жақты ынтымақтастықты дамытуға бейілділігін атап өтіп, поляк дипломатын 11 қарашада аталып өтетін Польшаның Тәуелсіздік күнімен құттықтады және поляк халқына одан әрі өркендеу мен игілік тіледі.Анықтама: 2024 ж. қаңтар-қыркүйек кезеңінде Қазақстан мен Польша арасындағы тауар айналымы 852,8 млн АҚШ долларын құрады. 2023 ж. тауар айналымы 1,23 млрд долларға жетті. 2005 жылдан бастап Польшадан Қазақстанға тікелей шетелдік инвестициялар көлемі 447,8 млн долларды құрады. Қазақстанда поляк капиталының қатысуымен 140 компания жұмыс істейді, оның ішінде «Polpharma» (Santo), «Selena», «Stockson» және т.б. бар.Ақпарат көзі : https://www.gov.kz/memleket/entities/mfa/press/news/details/882410

2024 жылғы 1 қарашадағы жағдай бойынша жұмыспен қамтуға жәрдемдесу шараларына 582,8 мың қазақстандық қатысты. 457,8 мың адам жұмыспен қамтылды, оның 277,3 мыңы тұрақты жұмысқа орналасты. Субсидияланатын жұмыс орындарына 180,5 мың адам орналастырылды. Оның ішінде әлеуметтік жұмыс орындарында 15,4 мың адам, жастар практикасында 30,5 мың адам, қоғамдық жұмыстарда 106,2 мың адам, «Алғашқы жұмыс орны» жобасы аясында 9,2 мың адам, «Ұрпақтар келісімшарты» жобасы аясында 409 адам, «Күміс жас» жобасы аясында 18,8 мың адам жұмыспен қамтылды.Еңбек нарығында сұранысқа ие дағдылар бойынша онлайн оқытумен52,3 мың жұмыссыз қамтылды, оның ішінде 47,4 мыңы оқуды аяқтады.Сондай-ақ, «Бастау Бизнес» жобасы бойынша кәсіпкерлік негіздеріне оқытумен 54,2 мың адам қамтылды, оның ішінде 35,4 мың адам оқуды аяқтап, сертификаттар алды.Қызмет саласын таңдау мақсатында 183,5 мың адам әлеуметтік кәсіптік бағдарлаудан өтті.Бұдан басқа, жаңа бизнес-бастамаларды іске асыру үшін ағымдағы жылдың басынан халықтың әлеуметтік осал санаттарына 400 АЕК дейінгі (1 476 800 теңге) мөлшерде 8 941 грант берілді.Ақпарат көзі : https://www.gov.kz/memleket/entities/enbek/press/news/details/882077

Алматы облысындағы Қара каньон үстінен бірегей әйнектен аспалы көпір салу жоспарлануда. Құны 1,5 миллиард теңгені құрайтын жобаны «ASK Capital» ЖШС жүзеге асыруда. Бұл өңірдегі туризм инфрақұрылымын дамытудың жаңа перспективаларына жол ашады. Нысанның пайдалануға берілуі 2026 жылдың төртінші тоқсаны деп жоспарланып отыр, содан кейін көпір жұртшылық үшін ашық болады. Заманауи технологияны пайдалана отырып жобаланған көпір тек көрнекті орын ғана емес, туристерді тартуға да маңызды үлес болмақ.Бастамашылардың пікірінше «Шыны аспалы көпір», Қазақстанның туризм мен машина жасаудағы инновациялық көзқарасының символы болуы керек.«Көпір тек функционалды нысан ғана емес, сонымен қатар Қара шатқалдың нағыз інжу-маржанына айналады», - деп атап өтті Алматы облысы әкімдігінің баспасөз хатшысы Жанна Арынбекова. «Ол біздің аймақтың өркендеуі мен сұлулығын білдіреді және оның қауіпсіздігі соңғы инженерлік технологиялармен қамтамасыз етіледі».Көпірдің қауіпсіздігі каньонның табиғи жағдайларына сай жасалған заманауи инженерлік шешімдермен қамтамасыз етіледі. Жобаның мақсаты – туристерді тартып, өңірдің экономикасына үлес қосатын, Қазақстанның беделін арттырып, туризмді насихаттау бойынша мемлекеттік бағдарламаның бір бөлігі болатын ерекше туристік аймақ жасау.Естеріңізге сала кетейік, ағымдағы жылдың қаңтар-қазан айларында, мемлекеттік ұлттық табиғи парктерге баруды қоса алғанда, туристердің жалпы саны 2023 жылдың сәйкес кезеңімен салыстырғанда 31 пайызға артып, 1,6 миллион адамды құрады.Оның ішінде «eQonaq» шетелдік азаматтарды тіркеу ақпараттық жүйесінің мәліметі бойынша 2024 жылдың 10 айында облысқа 111 352 шетелдік турист келіп, өткен жылмен салыстырғанда (64 003 адамға) 73 пайызға артқан. «eQonaq» шетелдік туристік ағыны мен көші-қон жүйесі бойынша Алматы облысы төртінші орында, Алматы, Астана қалалары мен Атырау облысынан кейін екінші орында. Алматы облысындағы шетелдік туристердің негізгі ағыны ұлттық табиғи саябақтарда шоғырланған, бұл халықаралық қонақтар үшін аймақтың табиғи көрікті жерлерінің жоғары тартымдылығын дәлелдейді. Туристер арасында «Көлсай көлдері», «Іле-Алатау» ұлттық саябақтары және Шарын каньоны сияқты орындар танымал.Бұл көрсеткіш аймақтың шетел азаматтары арасында танымалдылығының артып келе жатқанын көрсетеді және оның Қазақстандағы жетекші туристік бағыттардағы орнын нығайтады.Инфрақұрылымды дамытуға 87 млн теңге бөлінді: бұл қаражат электр желілерін тартуға және айналаны абаттандыруға жұмсалады.Құрылыс кезінде жергілікті тұрғындар үшін 120 уақытша жұмыс орны ашылады, ал аяқталғаннан кейін жыл сайын шамамен 65 000 келушілер ағыны күтілуде.Қара каньондағы шыны көпір жобасы Алматы облысы мен жалпы Қазақстан үшін стратегиялық нысанға айналады. Бұл бірегей көпір аймақ экономикасын қолдаумен қатар, Қазақстанның туристік саладағы заманауи инновациялар мен жаңа мүмкіндіктерге ашықтығының символы болады.Ақпарат көзі : https://www.gov.kz/memleket/entities/almobl/press/news/details/881766

Қазан айында Электрондық еңбек биржасында (бұдан әрі-ЭЕБ) 123,7 мың бос жұмыс орны және 106 мың түйіндеме орналастырылды. Алдыңғы аймен салыстырғанда іздеу және жалдау белсенділігі төмендеді: бос жұмыс орындарының саны 9%-ға (13 мың), ал түйіндеме 13%-ға (16,5 мың) азайды. Белсенділіктің төмендеуі білім беру саласындағы сұраныс пен ұсыныстың төмендеуімен түсіндіріледі, оқу орындарында кадрларды даярлаудың аяқталуына байланысты болуы мүмкін.Алайда, қыркүйек айындағы сияқты, жылыту маусымына көшу кезеңі жылу және қазандық жабдықтарына қызмет көрсету мен оларды пайдалануға қаьысты қызметкерлерге сұраныстың артуына себеп болды.Мәселен, өткен айда қазандық операторлары (+5,9 мың), қазандық машинистері (+1,1 мың) және қазандықтар жұмыскері (+969) үшін бос орындар саны артты. Мұндай мамандарға жоғары сұраныс Батыс Қазақстан (2,9 мың бос жұмыс орны), Ақтөбе (1,3 мың) және Жамбыл (974) облыстарында байқалды.Сұраныстың айтарлықтай өсуі мал өсірушілер мен жануарларды күту жұмыскерлері сияқты мамандықтарға да тіркелді, бұл әсіресе, мал шаруашылығындағы қысқы кезеңге дайындық кезеңінде маңызды.Өңірлер бөлінісінде ең белсенді білікті кадрларды Қарағанды облысынан (9,5 мың бос жұмыс орны немесе жалпы санының 8%), сондай-ақ Алматы қаласынан (9,3 мың немесе 7,5%), Батыс Қазақстан облысынан (9,2 мың немесе 7,5%) және Астана қаласынан (8,1 мың немесе 7%) жұмыс берушілер іздеді.Бұл ретте қазан айында бос жұмыс орындарының жалпы саны келесі өңірлерде азайды: Алматы (-44%, немесе -3,9 мың), Жетісу (-37%, немесе -1,6 мың) және Астана қаласында (-34%, немесе -4,1 мың).Сұраныс пен ұсыныстың теңгерімсіздігі кейбір аумақтарда өзекті мәселе болып қала береді. Мәселен, Шығыс Қазақстан облысында 5,5 мың бос орынға 2,5 мың түйіндеме, Солтүстік Қазақстан облысында 4,1 мың бос орынға 2 мың түйіндеме, ал Павлодар облысында 6,5 мың бос орынға 3,4 мың түйіндеме тіркелді.Шымкент қаласында, Қызылорда және Түркістан облыстарында бос орындар санынан тиісінше 54%, 48% және 47%-ға түйіндеменің артық болуы байқалуда.Қазан айында жоғары жалақы бас құрылысшыларға (орта есеппен 679 мың теңге), бас техникалық мамандарға (шамамен 565 мың теңге) және ұшу қауіпсіздігі жөніндегі инженерлерге (шамамен 554 мың теңге) ұсынылды.Бұл ретте инвестициялық жобалар жөніндегі директор (орта есеппен 2 млн теңгеден бастап), өндірісті басқарудың автоматтандырылған жүйесі бөлімінің бастығы (шамамен 1,8 млн теңге) және комбайнер (1,2 млн теңге) лауазымына үміткер ізденушілер ең жоғары жалақыны сұрады.Жалпы, қазан айында ЭЕБ белсенділік төмендеді, бұл әсіресе, білім беру саласында байқалып отыр. Сонымен қатар қысқы маусымның басталуы жылу өндірісі жүйесінің жұмысшыларына сұраныстың артуына себеп болды.Ақпарат көзі : https://www.gov.kz/memleket/entities/enbek/press/news/details/881235