Көктемгі су тасқыны – барынша дайындық пен барлық қызметтердің үйлесімді жұмысын талап ететін маңызды сынақ. Жағдайды бақылау мақсатында Қостанай облысының әкімі Құмар Ақсақалов Қарасу ауданына барып, су тасқынына қарсы жүргізіліп жатқан жұмыстарды тексерді.Жұмыс сапары барысында өңір басшысы су өткізу құрылыстарын, қорғаныс бөгеттерін және ең осал учаскелерді аралады. Новоселов, Қарамырза және Октябрьский ауылдарындағы дайындық деңгейі бағаланды. Қарамырза ауылында ұзындығы 5 км болатын бөгет тексеріліп, оның тасқын судан қорғау қабілеті қаралды. Новоселов ауылында су бұру арнасының жағдайы және «Үлкен Чураков – Қарасу» облыстық маңызы бар жол учаскесінде жүргізіліп жатқан жөндеу жұмыстары назарға алынды.Тімтуір өзеніндегі гидротехникалық нысандарда құрылыс-монтаж жұмыстары жалғасуда. Мамандардың айтуынша, өзендегі мұз штаттық режимде еріп, елді мекендерге қауіп төндірмейді. Тобыл өзенінде су тасқыны қаупі жоқ, су қоймалары су жинау режиміне көшті.Су тасқынына қарсы шараларға құтқарушылар, жергілікті атқарушы органдардың қызметкерлері, Семей қаласындағы 68303 әскери бөлімінің әскери қызметшілері және еріктілер жұмылдырылған. Қазіргі уақытта олар су өткізбейтін қаптарды дайындап, нығайту жұмыстарын жалғастыруда.«Су тасқыны жағдайы бақылауда. Барлық шаралардың уақытында орындалуы маңызды, ең бастысы – халықтың қауіпсіздігі», – деп атап өтті Құмар Ақсақалов.Су тасқынының ықтимал салдарын болдырмау бойынша жұмыстар жалғасуда, жауапты қызметтер толық дайындықта.Ақпарат көзі : https://www.gov.kz/memleket/entities/kostanay/press/news/details/962092?lang=kk

2025 жылғы 21 наурыздағы жағдай бойынша өңірдегі жағдай тұрақты, барлық тартылған қызметтер үйлесімді және үйлестірілген түрде жұмыс істеп жатыр.Айта кетерлігі, облыста су тасқыны жағдайына толық дайындық жасалған. Тәуекел тобындағы 92-ден астам елді мекен қамтылды. 46 шақырым білік салынып, 168 жаңа су өткізгіш құбыр, 20 км нөсер кәрізі тартылды, 27 ГТҚ жөнделіп, 50 бірлік жоғары өтімді техника сатып алынды.Жергілікті билік органдары су басу қаупін барынша азайту бойынша кешенді жұмыстар жүргізуде.Қар шығару жұмыстары қарқынды жүргізіліп жатыр, бұл тұрғын үйлерді су басудан сақтап қалу мақсатында жасалған бірден-бір маңызды шара.Материалдық-техникалық құралдар сатып алынып, халық пен малды эвакуациялау орындары әзірленді, шағын өзендердің арналарын тазарту   жұмыстары жүргізіліп, неғұрлым осал жерлерде өзен жағалаулары нығайтылды, қажет болған жағдайда қорғаныс құрылыстарын шұғыл тұрғызу үшін инертті материалдар әзірленді.Су тасқынын жою үшін шамамен 3 мың адамнан тұратын топ құрылып, шамамен 400 бірлік техника, 120 бірліктен астам жүзу құралы және 330-дан астам мотопомпа жұмылдырылды.Жалпы, бүгінгі таңда 5 автомобиль жолын, соның ішінде республикалық маңызы бар 1 және аудандық 4 жолды су басу фактісі тіркелген.Барлық су басқан жолдар ерекше бақылауда. Қазіргі кезде «Құсмұрын-Новопавловка» жергілікті маңызы бар 1 жолды су шайған.  Дәл осы уақытта қалпына келтіру жұмыстары жүріп жатыр және жақын арада жол жамылғысы жөнделетін болады. Жалпы, келісілген іс-қимылдың арқасында жедел, яғни бір күн ішінде қалпына келтіру жұмыстарын жүргізуге мүмкіндік туды. Мәселен, 19 наурыз күні сағат 16.00-де «Үрпек-Қабырга» жолы шайылып, келесі күні сағат 10.30-да жол жабыны қалпына келтірілді.Өткен жылғы су тасқыны туралы айтсақ, Қарасу ауданында 5 көл қосылып кетіп, жалпы ауданы 622 шаршы км жерді су басып кеткен еді.Бұл мәселені шешу үшін 30 шақырымдық су бұру арнасы салынған.Сондай-ақ, облыстың оңтүстік аймақтары да ерекше назарда. Амангелді, Жангелдин аудандары мен Арқалық қаласындағы 30 елді мекенде жағалауды нығайту жұмыстары жүргізіліп, бөгеттер тұрғызылды, 26 шақырым жерде қорғаныс біліктері нығайтылды. Жангелдин ауданында тасқын суларды қауіпсіз аймақтарға қайта бұруға бағытталған су бұру арналары салынды.Ауыл шаруашылығындағы шығынның алдын алу және жануарлардың қауіпсіздігін қамтамасыз ету мақсатында мал басының саны мен көшіру маршруты көрсетілген малды эвакуациялау орындарының картасы әзірленді. Шаруа қожалықтары мен қыстаулардан жалпы саны 39 мыңнан астам мал қауіпсіз жерге көшірілді. Барлық орындар жем-шөп қорымен қамтамасыз етілген. Жергілікті билік ауыл шаруашылығы саласын көктемгі су тасқынынан қорғау үшін барлық қажетті шараларды қабылдауда.Тобыл, Торғай өзендері мен бірқатар елді мекендерде бекітілген кестеге сәйкес жарылыс жұмыстары жүргізіліп жатыр. Осы мақсаттарға 193 млн теңге бөлінді, бұл өткен жылмен салыстырғанда үш есе көп. Сондай-ақ, Ресей Федерациясының шекаралас аймақтарымен суды тұтыну және трансшекаралық өзендердегі қауіп-қатердің туындауы бойынша тұрақты байланыс қамтамасыз етілген.Айта кетсек, екі ірі су қоймасындағы судың жалпы көлемі - 881 млн.м3 (63%), нормасы - 1,4 млрд. м3.Күтілетін ағын 360 млн. текше метрді құрап отыр. Су тасқыны кезеңіне дайындық және оны өткізу ерекше бақылауға алынған. Мамандар халықтың қауіпсіздігін барынша қамтамасыз етіп, су тасқынының ықтимал қауіптерін барынша азайта отырып, үйлесімді жұмыс жасап жатыр.Ақпарат көзі : https://www.gov.kz/memleket/entities/kostanay/press/news/details/962070?lang=kk

Хиуа, 2025 жылғы 20 наурыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Өзбекстанға жұмыс сапары барысында Хиуа қаласында өткен Қазақстан мен Өзбекстан Сыртқы істер министрлері кеңесінің алғашқы отырысына қатысты. Отырыста екі елдің мүдделі мемлекеттік органдарының өкілдері бас қосты.Күн тәртібінде екіжақты ынтымақтастықтың кең ауқымды мәселелері қаралды, соның ішінде саяси, сауда-экономикалық, инвестициялық, көлік және логистикалық, су-энергетикалық және мәдени-гуманитарлық байланыстарды дамыту жайы талқыланды. Тараптар стратегиялық серіктестік пен одақтастықты нығайтуға бейілділігін растады.ҚР Сыртқы істер министрі мемлекет басшыларының саяси ерік-жігері мен даналығының арқасында қазақ-өзбек қатынастары жаңа деңгейге көтерілгенін атап өтті. Атап айтқанда, Өзбекстан Президенті Шавкат Мирзиёевтің Астанаға мемлекеттік сапары барысында екі ел арасындағы Жоғары мемлекетаралық кеңестің алғашқы отырысы өткізіліп, он жылдық Стратегиялық серіктестік пен одақтастық бағдарламасы бекітілді.«Елдеріміз барлық бағыттар бойынша екіжақты ынтымақтастықтың бұрын-соңды болмаған жоғары деңгейіне жетті», – деп мәлімдеді М. Нұртілеу.Сондай-ақ ол биік және жоғары деңгейдегі саяси диалогты одан әрі дамыту мен парламентаралық байланыстарды жандандырудың маңыздылығын атап өтті.Өз кезегінде Өзбекстан Сыртқы істер министрі Бахтиёр Саидов екі ел басшыларының тікелей бастамасымен ынтымақтастықтың барлық деңгейде қарқынды кеңейіп жатқанын растады.Тараптар сауда-экономикалық байланыстарды нығайту, өзара тауар айналымын арттыру және өнеркәсіп, ауыл шаруашылығы, көлік, логистика, құрылыс салаларындағы бірлескен инвестициялық жобаларды іске асыру бойынша келісілген шараларды қабылдауға уағдаласты.Қазіргі уақытта Қазақстан Өзбекстанның үш негізгі сауда серіктесінің қатарына кіреді, екі ел арасындағы жылдық тауар айналымы 4 млрд АҚШ долларынан асады. Мемлекет басшыларының тапсырмаларына сәйкес 2030 жылға дейін бұл көрсеткішті 10 млрд долларға жеткізу және «Орталық Азия» халықаралық өнеркәсіптік кооперация орталығын іске қосу жоспарлануда. Сонымен қатар тараптар Термездегі «AIRITOM» арнайы экономикалық аймағында Қазақстан сауда павильонының ашылуын құптап, Ауғанстанмен сауда қатынастарын кеңейтудің перспективаларын атап өтті.Өңіраралық байланыстарды нығайтуға ерекше көңіл бөлінді.Тараптар көлік және логистика саласындағы бірлескен жобаларды жүзеге асыру мәселелерін талқылады. Транскаспий халықаралық көлік дәлізін дамытуға басымдық беріліп, оның Орталық Азия елдерінің Таяу Шығыс, Оңтүстік Азия және Еуропа нарықтарына шығуына ықпал ететіні аталып өтті. Жүк тасымалын ұлғайту және көлік инфрақұрылымын жаңғырту бойынша ынтымақтастықты кеңейтуге дайындық расталды.Су-энергетика саласындағы серіктестікті өзара мүдделер негізінде дамыту жоспарлары қарастырылды. Осы бағыттағы өзара іс-қимылдың табысты мысалы – Қамбар-Ата ГЭС-1 құрылысы бойынша үшжақты жобаны ілгерілету.Министрлер мәдени-гуманитарлық ынтымақтастықтың жоғары қарқынын сақтау қажеттігін атап өтті. Өткен жылы Астанада өзбек ақыны Әлішер Науаи ескерткіш қойылып, Ташкент күндері табысты өтті. Алматыда «Лазги. Жан мен махаббат биі» спектаклі мен көрнекті суретші Ұ.Тансықбаевтың көрмесі ұйымдастырылды.Тараптар жоғары білім саласындағы ынтымақтастықты кеңейтуге келісті. Оңтүстік Қазақстан университетінің Чирчик қаласындағы филиалы мен Алматыдағы Ташкент ирригация және ауыл шаруашылығын механикаландыру инженерлері институтының табысты жұмысы аталып өтті.Туризм саласындағы ынтымақтастықты тереңдету, оның ішінде екі елдің мәдени мұрасын насихаттайтын бірлескен жобаларды жүзеге асыру мәселелері талқыланды.ҚР және ӨР Сыртқы істер министрлері кеңесінің алғашқы отырысында мемлекеттік органдардың сауда, өнеркәсіптік кооперация, көлік және логистика, су және мәдениет салаларындағы өзара іс-қимылы жөнінде баяндамалары тыңдалды.Тараптар өңірлік және халықаралық күн тәртібіндегі өзекті мәселелер бойынша пікір алмасып, көпжақты құрылымдар аясындағы ынтымақтастықты нығайтуға және бір-бірінің бастамаларын өзара қолдауға дайындығын білдірді.Министрлер Орталық Азиядағы өңірлік кооперацияны дамытудың және тұрақтылық пен орнықты дамуға бірлескен күш-жігермен ықпал етудің маңыздылығын атап өтті. Бұл тұрғыда Орталық Азия мемлекеттері басшыларының консультативтік кездесулері, Халықаралық Аралды құтқару қоры және «ОА+» форматтарындағы ынтымақтастықты жалғастыру қажеттігі айтылды.Келіссөздер қорытындысы бойынша ҚР және ӨР Сыртқы істер министрлері кеңесінің алғашқы отырысының хаттамасына қол қойылды.Сапар аясында сыртқы саяси ведомстволарының басшылары Хиуаның мәдени нысандары – ЮНЕСКО-ның Дүниежүзілік мұралар тізіміне енген тарихи орталығы Ишан-қалашығын және Хорезм ұлттық тұрғын үй құрылысының дәстүрлі ерекшеліктерін бейнелейтін Нұролла бай сарайын аралады.Ақпарат көзі : https://www.gov.kz/memleket/entities/mfa/press/news/details/961948?lang=kk

Астана, 2025 жылғы 18 наурыз – Қазақстан Республикасы Сыртқы істер министрінің бірінші орынбасары Ақан Рахметуллин Ядролық қаруды таратпау туралы шарттың (ЯҚТШ) Шолу конференциясына Дайындық комитетінің екінші сессиясының төрағасы ретінде «Arms Control Today» басылымы (АҚШ-тағы «Arms Control Association» талдау орталығы шығаратын) үшін ұйымдастырылған сараптамалық сұхбатқа қатысты.Талқылауға ЯҚТШ Дайындық комитетінің бірінші (Финляндия) және үшінші (Гана) сессияларының төрағалары да қатысты. Үш мемлекеттің өкілдері 2026 жылы жоспарланған ЯҚТШ Шолу конференциясының перспективалары туралы пікір алмасты.Қазақстан өкілі өз сөзінде ядролық қарусыздану және таратпау саласындағы ЯҚТШ-ның негізгі рөлін атап өтті. Күрделі халықаралық жағдайға қарамастан, Шартқа мүше мемлекеттер ЯҚТШ-ның үш негізгі бағыты – қарусыздану, ядролық энергияны таратпау және бейбіт мақсатта пайдалану бойынша нақты жұмысқа ниеттеніп отыр. Қазақстан өзінің халықаралық беделін ескере отырып, Шарттың шолу циклін сәтті аяқтау және халықаралық қауіпсіздік пен тұрақтылықты нығайту үшін бар күшін салуға дайын.Ақпарат көзі : https://www.gov.kz/memleket/entities/mfa/press/news/details/961906?lang=kk

Қостанай облысында су тасқыны кезеңінің қауіпсіз өтуі бойынша жұмыстар жалғасуда. Бүгін облыс әкімі Құмар Ақсақаловтың төрағалығымен жедел штабтың кезекті отырысы өтіп, онда өзекті мәселелер қаралып, қажетті шешімдер қабылданды.Қазіргі уақытта өңірде ауқымды іс-шаралар жүргізілуде: суды тәулік бойы сору жұмыстары жалғасуда, соңғы тәулікте 20 мың текше метр су сорылды. Елді мекендерді қорғау мақсатында 12 мың қап құм төселді, 8,7 км арық пен канал тазартылды, жағалауларды нығайту және айналасын қазу жұмыстары жүргізілуде.Облыстық автожолдарда төрт судың тасуы және екі жол жиегінің шайылу оқиғасы тіркелді. Көлік қозғалысын қалпына келтіру жұмыстары жедел түрде атқарылуда. Ерекше назар судың деңгейі жоғары учаскелерге, соның ішінде Новоселовка ауылындағы Құндызды өзеніне аударылуда. Мұнда жағдай тұрақты бақылауда, ал қажет болған жағдайда эвакуациялық шаралар қабылданатын болады.Облыс әкімі барлық қызметтердің үйлесімді жұмысын қамтамасыз ету қажеттігін атап өтіп, келесі негізгі міндеттерді белгіледі:• Елді мекендердегі өзендер мен еріген қар сулары деңгейін бақылау;• Жолдарды су шайып кеткен жағдайларда көлік қатынасын жедел қалпына келтіру;• Малдың қауіпсіз жерлерге айдалуын ұйымдастыру және ауыл шаруашылығы жануарларын сәйкестендіру;• Су ағатын арналар мен су өткізу құбырларын қар мен қоқыстан тазарту, аулаларды ретке келтіру;• Жанар-жағармай, азық-түлік, дәрі-дәрмек және басқа да қажетті заттардың қорын қамтамасыз ету.Сонымен қатар, Төтенше жағдайлар департаментіне су тасқыны жағдайлары орын алған кезде жедел әрекет ету, суды сору жұмыстарын жалғастыру және халықпен түсіндіру жұмыстарын жүргізу тапсырылды. Полиция департаментіне су басқан жол учаскелерінде тәулік бойы кезекшілік ұйымдастыру және тұрғындарға жан-жақты көмек көрсету міндеттелді.Құмар Ақсақалов барлық қажетті шаралардың уақтылы қабылданып жатқанын, жағдайдың бақылауда екенін және басты мақсат – су тасқынының салдарын барынша азайтып, халықтың қауіпсіздігін қамтамасыз ету екенін атап өтті. Жұмыстар тәулік бойы жалғасуда.Ақпарат көзі : https://www.gov.kz/memleket/entities/kostanay/press/news/details/961905?lang=kk

Астана, 2025 жылғы 19 наурыз – Қазақстан Республикасы Сыртқы істер министрлігінде «Адам өлшемі жөніндегі диалог алаңы» консультативтік-кеңесші органы (бұдан әрі – «АӨДА» ККО) кіші тобының кезекті отырысы өтті. Іс-шара Қазақстан Республикасының Төртінші мерзімдік Ұлттық баяндамасын Әмбебап мерзімдік шолу (бұдан әрі – ӘМШ) аясында қорғау қорытындысы бойынша алынған ұсынымдарды талқылауға арналды.«АӨДА» ККО отырысында ҚР СІМ Ерекше тапсырмалар жөніндегі елшісі Алуа Надирқұлова мен ҚР Әділет вице-министрі Ботагөз Жақселекова тең төрағалық етті. Кездесу барысында 294 ұсыныс таныстырылды, оның 56-сы алғаш рет БҰҰ Адам құқықтары жөніндегі кеңесінің мүше мемлекеттері тарапынан ұсынылды. Бұл ұсыныстар, атап айтқанда, отбасылық зорлық-зомбылық пен азаптауларға қарсы күресті жалғастыру, инклюзивтікті қамтамасыз ету, құқық қорғау институттарын және Ұлттық алдын алу механизмін нығайту, халықты, әсіресе осал топтарды әлеуметтік қорғау шараларын қамтиды.Қабылданған ұсыныстарды жүзеге асыру үшін төрт жылдық мерзімге арналған Ведомствоаралық жоспар әзірлеу жоспарлануда. Бұл жоспар қабылданған міндеттемелердің орындалу барысын қадағалауға және олардың іске асырылуын қамтамасыз етуге мүмкіндік береді.Жиынға қатысушылар ӘМШ ұсыныстарын келесі бағыттар бойынша құрылымдау туралы келісті: халықаралық конвенциялар мен келісімдерді ратификациялау; құқық қорғау тетіктерін күшейту және БҰҰ-мен ынтымақтастық; азаптаулар мен қатыгездікке қарсы күрес; гендерлік зорлық-зомбылықпен күрес және әйелдерді қорғау; балалар құқықтары; сөз бостандығы, БАҚ және азаматтық қоғам; ЛГБТИ+ құқықтары және кемсітушілікке қарсы күрес; мигранттар, босқындар және азаматтығы жоқ адамдардың құқықтары; экономикалық, әлеуметтік және мәдени құқықтар; білім беру мен денсаулық сақтауға қолжетімділік; қоршаған ортаны қорғау және тұрақты даму; мүгедектігі бар адамдардың құқықтары; сыбайлас жемқорлықа қарсы күрес және сот реформасы; этникалық және діни азшылықтардың құқықтары.Жалпы, күн тәртібіндегі мәселелер ашық және сындарлы форматта талқыланды. Мемлекеттік органдар мен үкіметтік емес ұйымдар өкілдері адам құқықтарын қорғау тетіктерін одан әрі жетілдіру бойынша пікір алмасуға мүмкіндік алды.Қазақстан бойынша ӘМШ Жұмыс тобының баяндамасы мен БҰҰ-ға мүше мемлекеттердің ұсыныстары 2025 жылдың маусымында БҰҰ Адам құқықтары жөніндегі кеңесінің 59-шы сессиясында бекітіледі.Анықтама: 2025 жылғы 23 қаңтарда БҰҰ Адам құқықтары жөніндегі кеңесінің Әмбебап мерзімдік шолу жөніндегі Жұмыс тобының 48-ші сессиясында Қазақстан Республикасының адам құқықтары саласындағы міндеттемелерді орындауы және алдыңғы шолу бойынша ұсыныстарды жүзеге асыруы туралы кезекті баяндамасы ұсынылды. Бұл шолуға 100-ден астам мемлекеттің делегациялары қатысты. Олар жүргізіліп жатқан демократиялық реформаларға жан-жақты қолдау білдіріп, Қазақстанда іргелі құқықтар мен бостандықтарды нығайтуға бағытталған нақты қадамдарды қабылдауды құптады.«АӨДА» ККО 2013 жылы ҚР Сыртқы істер министрлігінің бастамасымен құрылған. Бұл алаң үкімет пен азаматтық сектор арасындағы диалогты дамытуға арналған тиімді құрал ретінде жұмыс істейді. Мұнда адам құқықтарын қорғау саласындағы өзекті мәселелер халықаралық ұйымдар мен дипломатиялық корпус өкілдерінің (БҰҰ ДБ, БҰҰ Адам құқықтары жөніндегі Жоғарғы комиссарының басқармасы, ЕҚЫҰ және т.б.) байқаушылар ретінде қатысуымен талқыланады.Ақпарат көзі : https://www.gov.kz/memleket/entities/mfa/press/news/details/961746?lang=kk

Мехико, 2025 жылғы 19 наурыз – Қазақстан Республикасының Мексика Құрама Штаттарындағы Елшісі Алмұрат Тұрғанбеков Мексика Президенті Клаудия Шейнбаумға сенім грамоталарын табыс етті.Тапсыру рәсімі мексикалық мемлекет басшының ресми резиденциясы – Ұлттық сарайда өтті.Іс-шараның салтанатты рәсімі аясында Елші А. Тұрғанбеков Президент К. Шейнбауммен қысқа сұхбаттасып, мексикалық тарапқа Қазақстан Президенті Қасым-Жомарт Тоқаевтың қошеметі мен ізгі тілектерін жеткізді.Қазақ дипломаты еліміз Мексикамен Латын Америкасындағы негізгі серіктес ретінде жан-жақты өзара іс-қимылды ілгерілетуге ерекше мән беретінін атап өтті.Өз кезегінде Президент К. Шейнбаум Мексиканың Қазақстанмен ынтымақтастықты тереңдетуге деген ниетін растады.Сенім грамоталарын тапсыру рәсіміне Мексика Сыртқы істер министрі Хуан Рамон де ла Фуэнте де қатысты.Ақпарат көзі : https://www.gov.kz/memleket/entities/mfa/press/news/details/961344?lang=kk

Астана, 2025 жылғы 17 наурыз – Қазақстан Республикасының Сыртқы істер министрлігінде Қазақстан мен Канада арасында консулдық консультациялар өтті.Кездесу барысында тараптар визалық мәселелер, көші-қон үдерісін жетілдіру және консулдық саладағы өзара ынтымақтастық перспективаларын қоса алғанда кең ауқымды мәселелерді талқылады.Қазақстандық азаматтар үшін канадалық визаларды беру рәсімдерін жеңілдетуге ерекше назар аударылды.Канадалық тарап өтініштерді өңдеуді едәуір жеңілдететін канадалық визаны ресімдеу кезіндегі жаңалықтар туралы хабардар етіп, қазіргі уақытта Қазақстан азаматтары үшін өтінімдерді қарастыру және виза беру уақыты қысқарғанын атап өтті. Сонымен бірге Канаданың өкілдері заңды көші-қон саласындағы ынтымақтастықты тереңдетуге дайындығын білдірді.Консультациялар нәтижесінде тараптар консулдық саладағы екіжақты ынтымақтастықты одан әрі дамытудың нақты қадамдарын белгілеп, негізгі және перспективалық бағыттар бойынша жұмысты жалғастыруға уағдаласты.Ақпарат көзі : https://www.gov.kz/memleket/entities/mfa/press/news/details/961006?lang=kk

Астана, 2025 жылғы 19 наурыз – Қазақстан Республикасы Сыртқы істер министрінің бірінші орынбасары Ақан Рахметуллин Халықаралық көші-қон ұйымының (ХКҚҰ) Өңірлік директоры Артур Еркенмен кездесу өткізді.Сұхбат барысында тараптар Қазақстанның ХКҚҰ-мен өзара іс-қимылына қатысты кең ауқымды мәселелерді, оның ішінде заңсыз көші-қонды алдын алу және адам саудасына қарсы күрес саласындағы ынтымақтастықты талқылады.А.Рахметуллин Орталық Азиядағы аралас көші-қон ағындарына байланысты сын-қатерлерді шешуге бағытталған Алматы процесіне қолдау көрсеткені үшін ризашылығын білдірді.Сондай-ақ тараптар 2025 жылғы 24 сәуірде Баку қаласында өтетін Алматы процесінің министрлік конференциясына дайындық мәселелері бойынша пікір алмасты. Осы конференция барысында Қазақстан аталған процесте ресми түрде төрағалықты қабылдайды.Қазақ дипломаты Алматыда құрылып жатқан БҰҰ-ның Орнықты даму жөніндегі өңірлік орталығы аясында ХКҚҰ-мен өңірлік ынтымақтастықты нығайтуға ниетті екенін мәлімдеді.Алматы процессі – Орталық Азияны қамтитын босқындарды қорғау және халықаралық көші-қон мәселелері бойынша өңірлік консультативтік платформа. 2013 жылы құрылған. Хатшылығы Алматы қаласында орналасқан.Ақпарат көзі : https://www.gov.kz/memleket/entities/mfa/press/news/details/960901?lang=kk

Қостанай облысының әкімі Құмар Ақсақалов ERG S.a.r.l. директорлар кеңесінің төрағасы Шұхрат Ибрагимовпен кездесіп, Рудный қаласында ыстық брикеттелген темір (ЫБТ) өндіретін зауыт құрылысының мәселелерін талқылады.Бұл стратегиялық маңызды жоба өңірдегі қара металлургия саласын дамытудағы жаңа кезең болмақ. Ол 500 миллиард теңге инвестиция тартуға, 1100 жаңа жұмыс орнын ашуға және жылына 2 миллион тонна ЫБТ өндіруге мүмкіндік береді.Ыстық брикеттелген темір өндірісі шикізатты терең өңдеуді қамтамасыз етіп, өнімнің қосылған құнын арттырады.Жобаның қазіргі жағдайыҚазіргі уақытта жоба алды дайындық жұмыстары жүргізілуде, заманауи «Midrex» технологиясы таңдалды. Алдағы уақытта жабдықтарды дайындау және жеткізу бойынша келісімшарттар жасалады. 2025 жылдың жазында су, газ, электрмен жабдықтау және жол құрылысы сияқты инженерлік инфрақұрылым салу жұмыстары басталады.ERG-дің өңірлік дамуға қосымша инвестицияларыКездесу барысында Қостанай облысы әкімдігі мен ERG арасында 2,7 миллиард теңгеге ынтымақтастық туралы меморандумға қол қойылды. Бұл қаражат Рудный, Лисаковск қалалары мен Қашар және Октябрьский кенттеріндегі қалалық инфрақұрылымды дамытуға бағытталады.Қостанай облысының әкімі Құмар Ақсақалов бұл жобаның өңірдегі өнеркәсіптің дамуы мен халықтың өмір сүру сапасын жақсартудағы маңызды қадам екенін атап өтті.Қостанай облысы ірі инвестицияларды тартып, жаңа жұмыс орындарын ашып, қара металлургия саласындағы орнын нығайта бермек.Ақпарат көзі : https://www.gov.kz/memleket/entities/kostanay/press/news/details/960829?lang=kk

Наурыз мейрамы қарсаңында Қостанай ауданында жаңа пәтерлердің кілтін табыстау рәсімі өтті. Мемлекеттік тұрғын үй саясаты аясында 91 отбасы көптен күткен баспанасына қол жеткізді.Қостанай облысының әкімі Құмар Ақсақалов жаңа қоныстанушыларға кілттерді табыстап, халықты қолжетімді баспанамен қамтамасыз ету – мемлекеттің басты басымдықтарының бірі екенін атап өтті.Өңірдегі тұрғын үй құрылысын дамытуМемлекет басшысының тапсырмасымен елімізде халықты тұрғын үймен қамтуға бағытталған бағдарламалар белсенді түрде жүзеге асырылуда. 2024 жылы Қостанай облысында 500 мың шаршы метрге жуық тұрғын үй пайдалануға берілді, нәтижесінде 5 мыңнан астам отбасы жаңа баспаналы болды.Сонымен қатар, өңірде жалдамалы тұрғын үйді сатып алу жұмыстары қарқынды жүргізілуде. 2024 жылы бұл мақсатқа 18 млрд теңгеден астам қаражат бөлініп, 940 пәтер сатып алынды. Бұл көрсеткіш 2023 жылмен салыстырғанда 5,7 есе көп.Аталған бағыттағы жұмыстар жалғасуда. Биыл кезекте тұрған азаматтар үшін 1 000 пәтер және 253 несиеге берілетін баспана сатып алу жоспарланған, оның ішінде Қостанай ауданының тұрғындарына 100 пәтер бөлінеді.Жаңа шағын аудандар – жаңа мүмкіндіктерӨңірдің дамуындағы маңызды қадам – «Астана» және «Бәйтерек» шағын аудандарының құрылысы. Мұнда 154 көпқабатты тұрғын үй салынып, 60 мыңға жуық адамды баспанамен қамтамасыз ету жоспарланған. Жалпы 1 миллион шаршы метрден астам тұрғын үй пайдалануға беріледі.Жөндеуі толық аяқталған жайлы пәтерлерТобыл қаласында табысталған пәтерлер тұрғындардың жайлы өмір сүруіне толықтай дайын. Жаңа тұрғын үйде 40 шаршы метрден асатын бір бөлмелі пәтерлер мен 90 шаршы метрге дейінгі кең үш бөлмелі пәтерлер қарастырылған.Жаңа қоныс – жаңа бастамаҚоныс той иелері үшін бұл күн ерекше қуанышқа толы болды. Қостанай облысының әкімі Құмар Ақсақалов жаңа тұрғындарды құттықтап, олардың жаңа үйлерінде әрдайым бейбітшілік, жылулық және береке орнасын деп тіледі.«Наурыз – жаңару мен үміттің, жарқын болашақтың мерекесі. Ол әр шаңыраққа молшылық, бақыт және келісім әкелсін!» – деп атап өтті өңір басшысы.Ақпарат көзі : https://www.gov.kz/memleket/entities/kostanay/press/news/details/960373?lang=kk

Қостанай облысында өңір әкімі Құмар Ақсақалов пен WEINENGDA IMPORT AND EXPORT (HUBEI) CO., LTD компаниясының өкілдері арасында кездесу өтті. Қытай тарапынан компанияның вице-президенті Ли Шан Фин ханым қатысты. Келіссөздер барысында Бейімбет Майлин ауданына қарасты Тобыл кентінде вагон жөндеу депосын салу мүмкіндігі талқыланды. Құмар Ақсақалов Қостанай облысының үш негізгі бағытта дамып келе жатқанын атап өтті:•автомобиль өнеркәсібі,•қара металлургия,•ауыл шаруашылығы өнімдерін қайта өңдеу. Бұл салаларды тиімді дамыту үшін заманауи көлік-логистикалық инфрақұрылым қажет. Егер жоба жүзеге асса, вагон жөндеу депосы өңірдің теміржол жүйесінде маңызды буынға айналып, жылжымалы құрамды техникалық жөндеумен қатар, теміржол көлігіне арналған қосалқы бөлшектерді өндіруді қамтамасыз ететін болады. Қостанай облысы өз индустриялық әлеуетін нығайтып, стратегиялық маңызы бар жобаларға инвесторларды белсенді түрде тартуды жалғастыруда. Қытайлық серіктестермен ынтымақтастық мәселелері талқылану үстінде, ықтимал әріптестіктің шарттарын егжей-тегжейлі пысықтау жұмыстары жүргізілуде. Өңір басшылығы жаңа жұмыс орындарын құратын, облыс экономикасын нығайтып, оның инвестициялық тартымдылығын арттыратын заманауи өнеркәсіптік және инфрақұрылымдық нысандарды дамытуға мүдделі.Ақпарат көзі : https://www.gov.kz/memleket/entities/kostanay/press/news/details/960370?lang=kk

Аталған шара “Халықаралық құстар күніне” орай, Қонаев қаласының көпсалалы колледжінің базасында ұйымдастырылды.Табиғи ресурстар және табиғатты пайдалануды реттеу басқармасына қарасты Орман шаруашылықтарының қолдауымен колледж студенттері өз қолдарымен 1000 торғай ұясын жасап, оларды мектеп оқушыларына табыстап, ал мектеп оқушылары болса өздерінің білім беру мекемелерінің аумағына орналастырды.Бұл құстарға жаңа әрі қауіпсіз ұя салатын орындар қалыптастыруға мүмкіндік берумен ғана қоймай, өңірдің экожүйесін сақтауға да жастардың зор үлесін қосуы деп танысақ қателеспейміз.Ұйымдастырушылардың пікірінше, табиғатты қорғау балалық шақтан қалыптасады, ал табиғатқа қамқорлық – болашаққа жасалған инвестиция.Бұл эко-акция облыстың барлық аудандарында да өз жалғасын табатын болады.Ақпарат көзі : https://www.gov.kz/memleket/entities/almobl/press/news/details/959903?lang=kk

Токио, 2025 жылғы 18 наурыз – Жапонияға ресми сапары барысында Қазақстан Республикасы Премьер-министрінің орынбасары – Сыртқы істер министрі Мұрат Нұртілеу жапон іскер топтарының өкілдерімен кездесулер өткізді.Министр Қазақстанда жапон компанияларының өнеркәсіп, цифрландыру, декарбонизация, көлік және логистика саласындағы жобаларын іске асыру барысымен танысты. Қазақстан экономикасына 8 млрд АҚШ долларынан астам инвестиция салған Жапония еліміздегі ең ірі инвесторлардың ондығына кіреді.Ол сондай-ақ жапон компанияларын Қазақстандағы экономиканың жаңа секторларына инвестиция салуға шақыра отырып, қолайлы инвестициялық ахуал жасауға бағытталған еліміздегі реформалар туралы егжей-тегжейлі айтып берді.«Marubeni» вице-президенті Акира Теракавамен кездесуде компанияның Қазақстандағы қызметі талқыланды, сондай-ақ компанияның ҚР Президенті жанындағы Шетелдік инвестициялар жөніндегі кеңестің мүшесі және Қазақстан-Жапония экономикалық ынтымақтастық комитетінің тең төрағасы ретіндегі рөлін ескере отырып, экономиканың инвестициялық тартымдылығын жетілдіру жөнінде пікір алмасу өтті.«Toyota Tsusho» компаниясының басқарма төрағасы Нобухико Муракамимен талқылау цифрлық инфрақұрылымды дамыту және энергия үнемдеу саласындағы бірлескен жобаларды іске асыру арқылы жапон капиталы мен инновациялық технологияларды тартуға бағытталды. Атап айтқанда, электр желілерін тұрақтандыру саласындағы жобаларды жүзеге асыру, сондай-ақ цифрлық инфрақұрылымды енгізу үшін әлеуетті тауашалар сияқты перспективалық бағыттар қаралды.«Komaihaltec Inc.» атқарушы директоры Эми Комаи «JCM» (Joint Crediting Mechanism) бірлескен кредиттік тетігі шеңберінде Қазақстанда жасыл энергетика саласындағы компания әзірлеп жатқан жобалар туралы хабардар етті. Компания өкілдері жақын арада жел генераторлары негізінде автономды электрмен жабдықтау жүйесін пысықтау және құру үшін Түркістан облысына барады.«Nissin» компаниясының президенті Масахиро Цуцуимен Транскаспий халықаралық көлік бағыты (ТХКМ, Орта дәліз) арқылы Жапониядан Еуропаға жүктерді тасымалдау мәселелері егжей-тегжейлі қаралды. М.Цуцуи Орта дәліз шеңберінде көлік-логистикалық қызметті жүзеге асыруға жоғары қызығушылық білдіріп, осы бағыт арқылы жүктерді тасымалдау кезеңін қысқартуды қамтамасыз ету үшін мүмкін болатын шешімдер туралы пікірімен бөлісті.Іскер топтармен кездесулер барысында Қазақстанда инвестициялық қызметті жүзеге асыруда жапон бизнесіне қажетті көмек көрсетуге дайындық расталды.Ақпарат көзі : https://www.gov.kz/memleket/entities/mfa/press/news/details/959435

Бухарест, 2025 жылғы 17 наурыз – Қазақстан мен Румыния арасындағы стратегиялық серіктестікті орнату перспективалары бүгін Бухарестте өткен саяси консультациялардың 8-ші раундының күн тәртібінің негізгі тақырыбына айналды. Қазақ тарапын Сыртқы істер министрінің орынбасары Роман Василенко, румын тарапын Сыртқы істер министрлігінің Стратегиялық мәселелер жөніндегі мемлекеттік хатшысы Ана Тинка басқарды.Дипломаттар саяси диалогты тереңдету, сауда-экономикалық байланыстарды нығайту және инвестициялық ынтымақтастықты дамыту мәселелерінің кең ауқымын талқылады, сондай-ақ жаһандық және өңірлік күн тәртібіндегі өзекті мәселелер бойынша пікір алмасты.Қазақ дипломаты Румыния еліміздің Оңтүстік Шығыс Еуропадағы және жалпы Еуропалық одақтағы маңызды серіктесі екенін атап өтті. «Бүгін біз Қазақстан-Румыния қатынастарының жан-жақты әлеуетін оларды стратегиялық серіктестік деңгейіне шығару перспективасымен ашу жөніндегі бірлескен қадамдарды талқыладық», – деп атап өтті Р.Василенко.Атап айтқанда, Қазақстан мен Румыния президенттерінің БҰҰ Бас Ассамблеясы (2023 ж. қыркүйек) алаңындағы келіссөздерінің қорытындысы бойынша, сондай-ақ Қазақстан Премьер-министрінің орынбасары – Сыртқы істер министрі Мұрат Нұртілеудің Бухарестке алғашқы ресми сапардың (2023 ж. желтоқсан) нәтижесінде қол жеткізілген уағдаластықтарды сапалы іске асыруға ерекше назар аударылды.Елдеріміз арасындағы сауда-экономикалық және инвестициялық ынтымақтастық келіссөздердің маңызды тақырыбына айналды, оған себеп Румынияның Қазақстанның тауар айналымының көлемі бойынша әлемде 10-шы орында ие болғаны. «Елдеріміздің ынтымақтастығы тек энергетикадағы әріптестікпен ғана шектелмеуі тиіс, Global Gateway бастамасы шеңберіндегі көлік-логистика саласында да айтарлықтай даму әлеуеті бар», – деді Р.Василенко.Өз кезегінде А.Тинка Румыния Қазақстанмен әріптестікті жоғары бағалайтынын және елімізді Орталық Азиядағы маңызды саяси және экономикалық одақтас ретінде қарастыратынын атап өтті. «Бухарест биік және жоғары деңгейдегі сапарлармен алмасуды, өңірлік қауіпсіздікті, сауда дәліздерін дамытуды, сондай-ақ энергетика, қорғаныс және ауыл шаруашылығы саласындағы өзара іс-қимылды кеңейтуді қоса алғанда, екіжақты және халықаралық күн тәртібінің негізгі мәселелері бойынша өзара іс-қимылды кеңейтуге мүдделі», – деп мәлімдеді румын дипломаты.Румыния Премьер-министрі кеңсесінің Экономикалық мәселелер жөніндегі мемлекеттік кеңесшісі Флорин Спатарумен кездесу барысында атом саласындағы жобаларды, сондай-ақ көлік-логистикалық және энергетикалық ынтымақтастықты тереңдету жөніндегі нақты қадамдарды іске асыруды жалғастыру уағдаластығына қол жеткізілді.Румыния Энергетика министрлігінің Мемлекеттік хатшысы Павел Ницулескумен өткен кездесуде Р.Василенко Қазақстан әлемдегі мұнай мен газды жетекші экспорттаушылардың бірі бола отырып, Бухарестті энергия тасымалдаушыларды жеткізу және «жасыл» экономика қағидаттарын іске асыруға бағытталған бірлескен инфрақұрылымдық жобаларды іске асыру үшін Еуропадағы стратегиялық серіктес ретінде қарастыратынын атап өтті. П.Ницулеску Румынияның энергетикалық қауіпсіздігін қамтамасыз етуде маңызды рөл атқаратын Қазақстанмен ұзақ мерзімді ынтымақтастыққа мүдделі екенін атап өтті.Румыния Қаржы министрлігінің Мемлекеттік хатшысы Радуем Калманмен келіссөздер барысында банк және қаржы секторындағы ынтымақтастық перспективалары мәселелері талқыланды, сондай-ақ «KazMunayGas International» компаниясының салық салу мәселелеріндегі мүдделерді қорғау жеке тақырыпқа айналды.Румыния Парламенті Сенатының Сыртқы саясат комитетінің төрағасы Титус Корлецянмен келіссөздер барысында тараптар халықаралық істер комитеттері мен достық топтары деңгейінде парламентаралық диалогты жандандыруға келісті. Екі елдің заң шығарушы органдары саяси диалогты ғана емес, сауда-экономикалық және гуманитарлық байланыстарды дамытуда маңызды рөл атқаратыны аталып өтті.Тұтастай алғанда, Бухаресттегі келіссөздер екіжақты өзара іс-қимылдың жоғары деңгейін растап, екі елдің тұрақты экономикалық өсуі мен халықаралық ұстанымдарын нығайту үшін жаңа тауашалар ашатын стратегиялық серіктестік орнату жолында бірлескен бастамалардың негізін қалады.Анықтама: Румыния – Орталық және Оңтүстік Шығыс Еуропа өңіріндегі Қазақстанның №1 сауда және инвестициялық серіктесі, Еуропада 5-ші және барлық сауда серіктестері арасында әлемде 10-шы орынға ие. Қазақстан мен Румыния арасындағы тауар айналымы 2024 жылы 2,92 млрд АҚШ долларын құрады (экспорт – 2,78 млрд долл., импорт – 138 млн долл.), бұл 2023 жылмен салыстырғанда 1,6%-ға артық (2,87 млрд долл.). Румыниядан ҚР экономикасына инвестициялардың жалпы ағыны – 1,57 млрд доллар (2005 жылдан бастап 2023 жылғы 3 тоқсанға дейін). Қазақстанда Румынияның қатысуымен 40-қа жуық компания, ал Румынияда қазақстандық капиталдың қатысуымен 35 заңды тұлға бар.Ақпарат көзі : https://www.gov.kz/memleket/entities/mfa/press/news/details/959193

Токио, 2025 жылғы 17 наурыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Жапонияға ресми сапармен барды.Сапар аясында Қазақстанның сыртқы саяси ведомствосының басшысы Жапония Премьер-министрі Шигеру Ишибамен кездесу өткізді. Тараптар сауда-экономикалық және мәдени-гуманитарлық салалардағы қазақ-жапон кеңейтілген стратегиялық серіктестігінің жағдайы мен даму перспективаларын, сондай-ақ халықаралық құрылымдар желісі бойынша бірлескен жұмысты талқылады.М.Нұртілеу Премьер-министрге Қазақстан Президенті Қасым-Жомарт Тоқаевтың ізгі тілектерін жеткізді. Ол Астананың екіжақты қарым-қатынастарды одан әрі нығайтуға берік бейілділігін растады.«Жапония – Қазақстанның Азия-Тынық мұхиты өңіріндегі негізгі серіктестерінің бірі. Біз Токиомен сауда-экономикалық және инвестициялық ынтымақтастықты арттыруға бел будық», – деп атап өтті Қазақстан СІМ басшысы.Өз кезегінде Ш.Ишиба Жапония Үкіметінің Қазақстанмен көпжоспарлы өзара іс-қимылды нығайтуға деген берік ниеті туралы сендірді.«Орталық Азия + Жапония» Диалогы шеңберінде кооперацияны дамытуға және алғашқы саммитті өткізу бойынша мәселелерге, сондай-ақ биік деңгейде тұрақты байланыстарды сақтау қажеттілігіне ерекше назар аударылды.Кездесу қорытындысы бойынша тараптар екіжақты ынтымақтастыққа жаңа серпін беруге өзара ұмтылыстарын білдірді.Ақпарат көзі : https://www.gov.kz/memleket/entities/mfa/press/news/details/958829

Токио, 2025 жылғы 17 наурыз – Жапонияға ресми сапары аясында Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Жапонияның Сыртқы істер министрі Такеши Иваямен кездесу өткізді.Тараптар биік және жоғары деңгейдегі саяси диалогты жандандырудың, сондай-ақ сауда-экономикалық, инвестициялық және мәдени байланыстарды тереңдетудің негізгі мәселелерін талқылады.Министрлер қысқа тарихи кезеңде Қазақстан мен Жапония кеңейтілген стратегиялық серіктестік деңгейіне қол жеткізгенін атап өтті.«Осы ширек ғасыр ішінде біз сапалы саяси диалог пен өзара тиімді экономикалық ынтымақтастықты орнатып, сондай-ақ берік мәдени-гуманитарлық байланыстарды қалыптастыра алдық», – деп мәлімдеді М.Нұртілеу.Экономикалық өзара іс-қимылға ерекше назар аударылды. Жапония Қазақстандағы ең ірі шетелдік инвесторларының ондығына кіреді, 1993 жылдан бері инвестициялардың жалпы көлемі 8 млрд АҚШ долларын құрады. 2024 жылы екіжақты тауар айналымы шамамен 2 млрд АҚШ долларына жетті, ал Қазақстанда «Sumitomo», «Marubeni», «Toshiba», «Mitsui» және басқаларын қоса алғанда 60-қа жуық жапондық компания табысты жұмыс істеуде.Осыған байланысты қазақ тарапы жапондық компанияларды өнеркәсіп, энергетика, көлік және логистика салаларында бірлескен инвестициялық жобаларды іске асыруға шақырды.Кездесу барысында бейбіт атомды пайдалану саласындағы ынтымақтастық мәселелері жеке қарастырылды. Тараптар ядролық объектілердің қауіпсіздігін қамтамасыз ету және ядролық энергетикада білікті кадрлар даярлау саласында өзара іс-қимыл жасау уағдаластығына қол жеткізді.Сыртқы істер министрлері өңірлік және жаһандық күн тәртібіндегі өзекті мәселелер бойынша пікір алмасып, сыртқы саяси ведомстволар арасындағы белсенді өзара іс-қимылды жалғастыру ниеттерін растады.М.Нұртілеу ынтымақтастықтың негізгі мәселелерін талқылау үшін маңызды алаң ретінде «Орталық Азия + Жапония» диалогын одан әрі ілгерілетудің өзектілігін атап өтті.Сондай-ақ Қазақстан СІМ басшысы Орталық Азия мен Ауғанстан елдері үшін Орнықты даму мақсаттары бойынша БҰҰ Өңірлік орталығын құру туралы Қазақстан қарарын қолдағаны және тең авторы болғаны үшін жапон тарапына алғысын білдірді.Сонымен қатар сұхбаттастар мәдени-гуманитарлық өзара іс-қимылға серпін беруге деген өзара ниетін растады.Министр Жапония тарапына Осакада ЭКСПО-2025 көрмесін сәтті өткізуді тілеп, Қазақстан ауқымды іс-шараға жоғары деңгейде белсенді қатысуды жоспарлап отырғанын атап өтті.Министр Т.Ивая жапон тарапының Токионың маңызды стратегиялық серіктесі – Қазақстанмен ынтымақтастықты тереңдетуге ниетін білдірді.Кездесу қорытындысы бойынша одан әрі өзара іс-қимылдың перспективалық бағыттарын айқындайтын Қазақстан мен Жапонияның сыртқы саяси ведомстволары арасындағы 2025-2026 жылдарға арналған Іс-қимыл жоспарына қол қойылды.Ақпарат көзі : https://www.gov.kz/memleket/entities/mfa/press/news/details/958933

Токио, 2025 жылғы 17 наурыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Жапонияға ресми сапары барысында Жапония Министрлер кабинетінің Бас хатшысы Ёшимаса Хаяши, Экономика, сауда және индустрия министрі Йоджи Муто, сондай-ақ Қазақстанмен достық жөніндегі Жапония парламенттік лигасының төрағасы Тошиаки Эндомен кездесулер өткізді.Ё.Хаяшимен өткен келіссөздер барысында екіжақты саяси және экономикалық өзара іс-қимылдың өзекті мәселелерінің кең ауқымы талқыланды. Көлік және логистика, энергетика және өнеркәсіп салаларындағы ынтымақтастыққа ерекше назар аударылды. Сонымен қатар халықаралық және өңірлік күн тәртібіндегі негізгі мәселелер бойынша пікір алмасу өтті.«Жапония – уақыт сынынан өткен сенімді досымыз әрі стратегиялық серіктесіміз. Қазақстан Жапониямен кеңейтілген стратегиялық серіктестікті одан әрі дамытуға бейілді, бұл екі елдің ұлттық мүдделеріне толық сай келеді», – деп атап өтті Қазақстан сыртқы саяси ведомствосының басшысы.Й.Мутомен өткен келіссөздер Қазақстан мен Жапония арасындағы сауда-экономикалық ынтымақтастықтың перспективаларына арналды. М.Нұртілеу инвестициялық және ғылыми-техникалық өзара іс-қимылды кеңейту, сондай-ақ декарбонизация саласындағы бірлескен жобаларды іске асыру бойынша елеулі әлеуеттің бар екенін атап өтті.Тараптар сирек кездесетін металдар, көлік және логистика, сондай-ақ Транскаспий халықаралық көлік бағытын дамыту салаларындағы өзара ынтымақтастыққа жоғары қызығушылық танытты. Осы тұрғыда Қазақстан мен Жапонияның Экономикалық ынтымақтастық жөніндегі үкіметаралық және жеке секторлар арасындағы бірлескен комиссиясының үйлестіруші рөлінің маңыздылығы аталып өтіп, оның кезекті отырысын биыл Астанада өткізу ұсынылды.Т.Эндомен және Қазақстанмен достық жөніндегі Жапония парламенттік лигасының мүшелерімен кездесу барысында екіжақты парламентаралық өзара іс-қимылдың негізгі аспектілері талқыланды. Атап айтқанда, заң шығару органдарының сауда-экономикалық байланыстар мен мәдени-гуманитарлық жобаларды дамытуға жәрдемдесуі мәселелері қарастырылды.Қазақстан сыртқы саяси ведомствосының басшысы екі ел арасындағы сенімді диалог деңгейінің жоғары деңгейін атап өтіп, стратегиялық серіктестікті нығайтуға белсенді қолдау көрсеткені үшін жапон тарапына алғысын білдірді.Тараптар цифрландыру, жасанды интеллект, жасыл экономика және басқа да инновациялық бағыттардағы өзара іс-қимылды кеңейтуге деген ортақ ұмтылыстарын растады.Ақпарат көзі : https://www.gov.kz/memleket/entities/mfa/press/news/details/958950

Ыстанбұл, 2025 жылғы 12 наурыз – Қазақстан Республикасы Сыртқы істер министрінің орынбасары Әлібек Бақаев Түркі ынтымақтастығы ұйымдарының үйлестіру комитетінің 5-ші отырысына қатысты.Аталған отырысқа Түркі мемлекеттері ұйымына (ТМҰ) мүше елдердің сыртқы істер министрлерінің орынбасарлары және түркі ынтымақтастығы ұйымдарының, атап айтқанда, Түркі мәдениетінің халықаралық ұйымы, Түркі мемлекеттерінің Парламенттік ассамблеясы, Түркі академиясы, Түркі мәдениеті және мұрасы қоры, Түркі инвестициялық қоры басшылары да қатысты.Ұйымдардың басшылары атқарған жұмыстары бойынша есеп беріп, алдағы жоспарларымен бөлісті.Отырыс барысында Ә.Бақаев 2024 жылы Әзербайжан мен Қырғызстанда өткен саммиттердің қорытындылары бойынша мемлекет басшылары берген тапсырмалардың уақытылы және сапалы орындалу маңыздылығын, сондай-ақ ұйымдардың тиімділігін арттыру қажеттігін атап өтті.Сонымен қатар ТМҰ Хатшылығы ғимараты алдында делегация басшыларының қатысуымен 2024 жылғы 6 қарашада өткен 11-ші ТМҰ Саммитінде қабылданған Ұйымның жаңа туын көтеру рәсімі өтті.Бұдан бөлек ҚР Сыртқы істер министрінің орынбасары түрік әріптесі Айше Беррис Экинджимен екіжақты кездесу өткізіп, Қазақстан мен Түркия қарым-қатынастарының өзекті мәселелері мен алдағы биік және жоғары деңгейдегі іс-шаралардың кестесін талқылады.Іс-шаралардың нәтижелері түркі интеграция ұйымдарының бағыт-бағдарын айқындап, тараптардың күн тәртібіндегі өзекті мәселелерді шешуге өзара мүдделілігін растады.Ақпарат көзі : https://www.gov.kz/memleket/entities/mfa/press/news/details/957638

Премьер-министрдің орынбасары – ұлттық экономика министрі Серік Жұманғариннің төрағалығымен өткен экономикалық өсімді қамтамасыз ету жөніндегі штабтың кезекті отырысында ТКШ саласы мен халық ең тығыз қоныстанған Алматы және Түркістан облыстарының инвестициялық көрсеткіштері қаралды.Биыл Өнеркәсіп және құрылыс министрлігі мен өңірлердің алдында елімізде кемінде 19 млн шаршы метр тұрғын үй салу міндеті тұр. Штаб отырысында 2025 жылдың алғашқы екі айында Қазақстанда 1,9 млн шаршы метр тұрғын үй пайдалануға берілгені айтылды. Бұл 2024 жылдың қаңтар-ақпан айларымен салыстырғанда 6,8%-ға төмен. Оның ішінде 1,2 млн шаршы метрі – көппәтерлі тұрғын үйлер, ал 713 мың шаршы метрі – жеке үйлер. Өнеркәсіп және құрылыс министрлігі Құрылыс және ТКШ істері комитеті төрағасының орынбасары Қанат Мыңбаевтың айтуынша, құрылыс қарқынының төмендеуі маусымдық жағдайларға байланысты, дегенмен күн жылынысымен бұл көрсеткіштер қайта қалпына келеді. Алматы облысында 2024 жылы негізгі капиталға салынған инвестиция көлемі 980 млрд теңгені (80% жеке, 20% бюджеттік) құраса, 2025 жылға қойылған KPI – 1,35 трлн теңге. Алдын ала мәліметтер бойынша, 2024 жылы тікелей шетелдік инвестиция көлемі $541 млн-ға жетеді, 2025 жылы KPI – $532 млн. Биылғы екі айда 89 млрд теңге инвестиция тартылды, бұл өткен жылдың сәйкес кезеңімен салыстырғанда 16%-ға артық. Инвестициялардың негізгі үлесі – бюджеттен тыс қаражат. Өңірде ең тартымды инвестициялық салалар – өнеркәсіп (32%), жылжымайтын мүлік (22%), көлік және қоймалау (16%), білім беру (17%).Қазіргі уақытта облыстың инвестициялық портфелі 57 мың жұмыс орнын ашатын 6,3 трлн теңге сомасындағы 200 жобаны құрайды. 2025 жылы осы жобалардың 35-і іске қосылып, 303 млрд теңгеге 4,8 мың жаңа жұмыс орны ашылады. Штаб отырысында Алматы облысының әкімі Марат Сұлтанғазиев инвестициялық жобалардың жүзеге асуын тежейтін бірқатар мәселелерді көтерді. Солардың бірі – Алатау қаласының бас жоспарын түзетуге байланысты. Бес жоба іске асырудың белсенді кезеңіне өтсе де, 11 жоба жобалау және құрылыс жүргізуге қажетті рұқсат құжаттарын ала алмай отыр. Вице-премьер ӨҚМ-ге бұл мәселені жақын арада шешуді тапсырды.Тағы бір жоба – балық шаруашылығы кешенінің құрылысы – инвестициялық субсидиялар бойынша лимиттердің қысқаруына байланысты өндірістік қуаттарды кеңейтудің одан әрі кезеңдерін тежеді. Қуаттылығы 1 мың тонна, ал құны 9,5 млрд теңгені құрайтын 1-кезең іске қосылғаннан кейін, қалған 70 млрд теңгені құрайтын 9 кезең инвестицияларды мемлекет тарапынан әрі қарай өтеуге қатысты белгісіздікке байланысты тоқтатылды. Премьер-министрдің орынбасары АШМ-ге инвестор кешеннің құрылысын жалғастыра алуы үшін балық өнімдері жобасындағы лимиттерді қайта қарауды тапсырды.Сондай-ақ отырыста жер учаскелерін бөлу, инфрақұрылымды жүргізу, Алматы облысының бірқатар туристік нысандарына жол салу мәселелері қаралды. Түркістан облысы кластерлік үлгіде дамып келеді. Қазіргі уақытта өңірде үш ірі кластер құрылған: мақта-мата (5 жоба, 197 млрд теңге), жүгері (2030 жылға дейін жүгері өсіру көлемін 30%-ға арттыру және крахмал-потокасы зауытын іске қосу) және ет өндірісі (5 жоба, 43 млрд теңге). Жалпы, 2024-2027 жылдарға арналған инвестициялық жобалар портфелінің құны 2,5 трлн теңгені құрайтын 145 жобаны қамтиды. Бұл жобалар аясында 20,3 мың жаңа жұмыс орны ашылып, бюджетке 100 млрд теңге қосымша салық түсімі күтілуде. 2024 жылы 137 млрд теңгеге 57 жоба іске асырылып, 2,2 мыңнан астам жаңа жұмыс орны ашылды. 2025 жылы тағы 57 жоба 322 млрд теңгеге іске қосылып, 6,9 мың жаңа жұмыс орны ашылады. Тек ауыл шаруашылығы саласында 68 жоба жүзеге асырылып, 423,7 млрд теңге инвестиция тартылады, нәтижесінде 9,2 мыңнан астам жаңа жұмыс орны ашылады деп күтілуде. Штаб отырысының қорытындысы бойынша Серік Жұманғарин барлық өңірлерге жергілікті бюджеттен инвестициялық жобаларға қаржы бөлуді уақытылы қамтамасыз етуді тапсырды. Ал республикалық бюджеттен қарастырылған трансферттер белгіленген мерзімде бөлінетін болады.«Биыл Үкімет әлеуметтік-экономикалық өсу болжамдарымен салыстырғанда экономикалық өсу индикаторларын ұлғайту міндетін қойып отыр. Бұл үшін біз «Бәйтерек» холдингі арқылы ірі бизнес пен ШОБ-ты 8 трлн теңгеге несиелендіруге 1 трлн теңге бағыттаймыз. Ең басты назар – ЖҚҚ беретін қайта өңдеу жобаларына аударылады. Ұлттық экономика министрлігі әрбір өңір үшін экономикалық өсім индексінің салалық декомпозициясын жасады, ал ӨҚМ жақын арада тұрғын үй құрылысының 19 млн шаршы метр көлеміне қол жеткізу бойынша ұқсас схеманы ұсынады. Барлық қойылған индикаторлар белгіленген мерзімде орындалуы тиіс», — деп атап өтті Серік Жұманғарин.primeminister.kzАқпарат көзі : https://www.gov.kz/memleket/entities/almobl/press/news/details/957014