Бүгін Қазақстан Республикасының Атом энергиясы жөніндегі агенттігінде Мәжіліс депутаттарымен жұмыс кездесуі өтті.Кездесу барысында депутаттар Агенттіктің қызметімен және атом электр станциясын салу жобасының қазіргі барысымен танысты.Агенттік төрағасы А.М. Сәтқалиев кіріспе сөзінде атом энергетикасын дамыту ел экономикасының тұрақты өсуінің маңызды бөлігі екенін атап өтті.«АЭС салу – бұл жай ғана энергетикалық нысан тұрғызу емес. Бұл – жаңа жұмыс орындарын ашуға, инвестиция тартуға, ғылымды, білім беруді, машина жасау мен экономиканың өзге де салаларын дамытуға серпін беретін ядролық кластердің іске қосылуы», – деді А.М. Сәтқалиев.Кездесу барысында Агенттіктің негізгі қызмет бағыттары таныстырылып, бірінші атом электр станциясын салу жоспарлары, нормативтік-құқықтық реттеу, кадр даярлау және тиісті инфрақұрылымды дамыту мәселелері айтылды.Сұрақ-жауап сессиясында екінші атом электр станциясын салу перспективасы, еліміздің атом саласын дамыту, өндірісті жергіліктендіру және отандық кәсіпорындардың атом электр станциялары қажеттілігі үшін қатысуы, сондай-ақ Агенттіктің заң жобалау бастамалары талқыланды.Депутаттар Агенттіктің барлық жобалары мен бастамаларына қолдау көрсетуге дайын екендерін білдірді. Бұл бағыттағы өзара іс-қимыл заңнамалық қамтамасыз ету және қоғамдық бақылау шеңберінде жалғасатын болады.Ақпарат көзі : https://www.gov.kz/memleket/entities/atom-energiyasy/press/news/details/1030139

2025 жылғы шілде айында Бутан, Қазақстан және Малайзия мемлекеттерінің қатысуымен 2030 жылға дейінгі Орнықты даму мақсаттарын (ОДМ) іске асыру мәселелері бойынша тәжірибе алмасуға арналған үшжақты веб-семинар өтті. Іс-шара БҰҰ-ның Азия және Тынық мұхиты елдері үшін Экономикалық және әлеуметтік комиссиясының (ЭСКАТО) қолдауымен ұйымдастырылды.Веб-семинар барысында тараптар ОДМ-ды ұлттық деңгейде жүзеге асырудағы озық тәжірибелермен бөлісіп, ерікті ұлттық шолуларды (VNR) дайындау үдерісіндегі өз жетістіктері мен сын-тегеуріндері жөнінде пікір алмасты.Қазақстан Республикасының атынан Ұлттық экономика министрлігінің ОДМ үйлестіру басқармасының басшысы Гүлзира Ерболова сөз сөйлеп, еліміздің 2030 Күн тәртібін ілгерілету жолындағы алғашқы нәтижелері, 2029 жылға дейінгі Ұлттық даму жоспарының қабылдануы және ОДМ-ның мемлекеттік жоспарлау жүйесіне интеграциялануы жөнінде ақпарат ұсынды.Сондай-ақ веб-семинар аясында «Экономикалық зерттеулер институты» АҚ ОДМ Хатшылығының директоры Бақытгүл Хамбар Қазақстанның үшінші Ерікті ұлттық шолуының дайындық барысы туралы баяндама жасады. Ол азаматтық қоғам мен түрлі салалар өкілдерінің кеңінен тартылуының маңыздылығын айтып, VNR-дың ашықтығы мен инклюзивтілігін қамтамасыз етудегі тәуелсіз зерттеулердің рөлін ерекше атап өтті.Малайзия тарапы ОДМ-ды кезең-кезеңімен жүзеге асыру тәсілін таныстырып, стратегиялық жоспарлау, мониторинг және орнықты даму бағытындағы жүйелік реформалар тәжірибесімен бөлісті.Ақпарат көзі : https://www.gov.kz/memleket/entities/economy/press/news/details/1035018?lang=kk

Экономикалық ынтымақтастық және даму ұйымы (ЭЫДҰ) «Қазақстанда, Моңғолияда және Өзбекстанда тұрақты инфрақұрылымды қамтамасыз ету үшін бизнесті жауапты жүргізу» есебін ұсынып, онда үш елдің орнықты дамуының ұлттық стратегияларына бизнесті жауапты жүргізу қағидаттарының (БЖЖ) интеграциялану дәрежесі талданды. Құжатта Қазақстанға БЖЖ стандарттарын институттандыруда елеулі прогреске қол жеткізген, оларды өзінің әлеуметтік-экономикалық күн тәртібіне жүйелі деңгейде енгізген ел ретінде айрықша назар аударылған.Сарапшылардың бағалауы бойынша, Қазақстан БЖЖ қағидаттарын іске асыруда жан-жақты және сектораралық келісілген тәсілді көрсетуде. Ұлттық стратегия еңбекті қорғау, экологиялық жаңғырту, декарбонизация, адами капиталды дамыту және бизнестің ESG-күн тәртібіне қатысуын ынталандыру секілді аса маңызды бағыттарды қамтиды.Есепте қол жеткізілген прогресс негізінен отандық өндірушілерді қолдауға, шағын және орта бизнесті дамытуға, сондай-ақ экономикалық дамудың орнықты тетіктерін нығайтуға бағытталған Қазақстан Республикасы Үкіметінің жүйелі шараларымен қамтамасыз етілгені атап көрсетілген.ЭЫДҰ-ның оң бағасын алған Қазақстанның негізгі бастамалары ретінде бірнеше өлшемшарттар келтірілген:Еңбек қауіпсіздігі. Қазақстан өндірістік жарақаттануды төмендетуде және қауіпсіз еңбек жағдайын жасауда елеулі күш-жігер көрсетуде. 2019 жылдан бастап өндірістік жарақаттану мен өлім-жітімнің нөлдік деңгейіне қол жеткізуге бағытталған Vision Zero тұжырымдамасы іске асырылуда. 2024 жылдан бастап кәсіпорындарда қауіпсіздік стандартының сақталуы арқылы ашықтықты және бақылауды қамтамасыз етуге мүмкіндік беретін еңбек жағдайы мониторингінің цифрлық картасы енгізілуде. 2024-2030 жылдарға арналған Қауіпсіз еңбек тұжырымдамасы да бекітіліп отыр. Ол кәсіптік қатердің алдын алу мен еңбекті қорғау мәдениетін енгізуде жүйелі негіз болады.Экологиялық жаңғырту. Тұрақты инфрақұрылымның маңызды элементі – экологиялық таза өндіріске көшу тетігін енгізу. Озық қолжетімді технология (ОҚТ) қолданатын кәсіпорындар шығарындыларға экологиялық салық төлеуден босатылады. Бұл ретте мемлекет инвестицияны субсидиялауды, рәсімді оңайлатуды және консультациялық сүйемелдеуді қосқанда, өндірісті жаңғыртуға қаржылық және техникалық қолдау көрсетеді.Жаңартылатын энергетиканы дамыту. Қазақстан жаңартылатын энергия көздерін (ЖЭК) пайдаланатын жобаларға инвестицияны ынталандырады. 2016 жылдан бастап мұндай жобалар үшін салықтық жеңілдік қолданылса, 2020 жылдан бастап импортталатын жабдық ҚҚС пен кедендік баждан толық босатылады. Фискалдық ынталандырудан басқа, инвестиция көлемінің 30%-на дейінгі мөлшерде грант беріледі. Бұл ЖЭК нарығын инвестор үшін неғұрлым тартымды етпек.«Тарифті инвестицияға айырбастау» бағдарламасы. Бұл тетік реттелетін тариф арқылы инфрақұрылым мен энергетика саласындағы инвесторлардың шығынын өтеуге арналған. Бағдарлама энергетикалық және коммуналдық жүйені жаңғыртуға жеке капиталды тартуға ықпал ете отырып, инвестиция қайтарудың болжамдылығын қамтамасыз етеді.Адами капиталды дамыту. Тұрақты өсу үшін кадрлық қамтамасыз етудің маңыздылығын ескере отырып, 2025 жыл Қазақстанда жұмысшы мамандықтар жылы болып жарияланды. Негізінен, энергетика, құрылыс, сумен жабдықтау, көлік саласы мамандарын кәсіптік оқытуға және біліктілігін арттыруға назар аударылды. Бұл шаралар аса маңызды инфрақұрылым саласында институционалдық және еңбек әлеуетін нығайтуға ықпал етеді.ЭЫДҰ есебінде талдаудың елеулі бөлігі «Самұрық-Қазына» ұлттық әл-ауқат қоры» АҚ-ның қызметіне арналып, бизнесті жауапкершілікпен жүргізу (БЖЖ) қағидатын ілгерілетудің, Қазақстандағы орнықты дамудың негізгі институционалдық тетігі ретінде танылады. Қор мемлекеттік кәсіпорындардың ESG-бағдарланған тәжірибеге көшу катализаторы ретінде қарастырылып, жоғары деңгейдегі институционалдық жетілу мен басқару реттілігін байқатады. Оның қызметі инвестицияны стратегиялық инфрақұрылымға қайтару ғана емес, сонымен бірге, жергілікті өнеркәсіп пен кәсіпкерлікті нығайту секілді әлеуметтік миссияны іске асыруға арналған.Осы күн тәртібін іске асырудың басым құралдарының ішінде отандық жеткізушілермен ұзақмерзімдік келісімшарт жасасу; шағын және орта бизнес субъектілерін еншілес компаниялардың өндірістік тізбектеріне жүйелі тарту; отандық құзыреттерді дамытуды ынталандыру мен инфрақұрылымдық жобалардың негізгі элементтерін оқшаулау бар. Қордың тәсілі тұрақты экономикалық базаны қалыптастыруға және стратегиялық міндеттерді іске асыруға жеке сектордың қатысуын арттыруға ықпал етеді.Адам құқығы, сыбайлас жемқорлыққа қарсы комплаенс, экологиялық басқару мен қатерді бағалау саласындағы корпоративтік стандарттарды енгізуге ерекше назар аударылады. Бұл қордың орнықты даму саясатында және корпоративтік кодексінде көрсетілген. «Самұрық-Қазына» сондай-ақ жыл сайын қаржылық емес есептілік саласындағы деректерді көрсетіп, таза пайданың кемінде 7%-ын әлеуметтік және қайырымдылық бағдарламаларына аударады. Басқарудың мұндай кешенді моделі ЭЫДҰ-ның оң бағасына ие болып, БЖЖ қағидатын іске асырудың тиімді институционалдық тәсілі ретінде мемлекеттік сектордың басқа құрылымдарында таратуға ұсынылды.Қол жеткізілген прогресті мойындаумен қатар, ЭЫДҰ БЖЖ саясатын орнықтыра түсу бойынша бірқатар ұсынымдарды тұжырымдайды. Олардың ішінде министрліктердің арасында, әсіресе Ұлттық байланыс орталығының қатысуымен үйлестіруді күшейту; өндіруші салаларда тиісті байқау рәсімдерін дамыту; қауіпсіз еңбек тұжырымдамасын іске асыру шеңберінде еңбек құқығын қолдау; ОҚТ (ең озық қолжетімді технология) қолдануды кеңейту арқылы экологиялық стандарттарды ілгерілету мен шығарындыларға квоталар саудасы жүйесін ықтимал енгізу бар.Бұдан басқа, инфрақұрылымға инвестиция саласында азаматтық қоғамды тарта отырып, сыбайлас жемқорлыққа қарсы шараларды арттыру, мемлекеттік сатып алу практикасына орнықты өлшемшарттар енгізу, сондай-ақ орнықты қаржыландыру құралдарын жандандыру ұсынылады. Қазақстанға «Самұрық-Қазына» қоры қолданатын модельді оның басқаруынан тыс активтерді қоса алғанда, бүкіл мемлекеттік секторға тарату ұсынылады. Бұл инфрақұрылымды дамытудағы әмбебап басқару нормасы ретінде БЖЖ қағидаттарын бекітуге және елдің экономикалық моделінің ұзақмерзімдік орнықтылығын қамтамасыз етуге мүмкіндік береді.Ақпарат көзі : https://www.gov.kz/memleket/entities/economy/press/news/details/1032572?lang=kk

 Шымкент қаласы үшін стратегиялық маңызы зор нысандардың бірі – «Батыс Қытай – Батыс Еуропа» халықаралық көлік дәлізіне жақын орналасқан Almaar Logistics сауда-логистика орталығы бүгінде тиімді жұмыс істеуде.Жалпы аумағы 24 мың шаршы метрді құрайтын көпфункционалды кешеннің құрылысына жеке инвестор тарапынан 14,8 миллиард теңге көлемінде инвестиция салынған. Бұл – өңірлік экономиканы дамытуға бағытталған ірі жоба болып табылады.Орталық заманауи сақтау технологияларымен толық жабдықталған. Әсіресе тез бұзылатын азық-түлік өнімдерін ұзақ уақыт сақтамай, тұтынушыға жедел жеткізуге мүмкіндік беретін логистикалық жүйе енгізілген. Бұл – өнім сапасын сақтау мен шығынды азайтудың тиімді жолы.Almaar Logistics орталығының қызметі қаланың азық-түлік қауіпсіздігін қамтамасыз етуге, шағын және орта бизнес субъектілерінің жұмысын оңтайландыруға, сондай-ақ экспорттық әлеуетті арттыруға зор үлес қосып отыр.Мұндай жобалар Шымкенттің логистикалық хаб ретіндегі әлеуетін арттырып, өңірлік және халықаралық нарықтармен тығыз байланыс орнатуға жол ашады.

Қазақстан Республикасы Үкіметінің реттелетін тарифтердің өсу қарқынын қайта қарау туралы қабылдаған шешімі аясында Қазақстан Республикасы Ұлттық экономика министрлігінің Табиғи монополияларды реттеу комитеті бұрын жоспарланған тарифтік өсімдердің бір бөлігі кейінгі мерзімдерге ауыстырылатынын хабарлайды.2025 жылдың төртінші тоқсанында коммуналдық қызметтер бойынша реттелетін тарифтерге жаңа өсімдерді бекіту көзделмейді. Сонымен қатар, олардың өсу қарқынын төмендету жоспарланып отыр:электр және жылумен жабдықтау бойынша – 35%-дан 20%-ға дейін;сумен жабдықтау, су бұру және газбен жабдықтау бойынша – 50%-дан 30%-ға дейін.Тарифтердің өсуін тежеуге бұған дейін жоспарланған кейбір түзетулерді кейінге қалдыру, ұзақ мерзімді қаржыландыру тарту, табиғи монополия субъектілерінің операциялық шығындарын қайта қарау, сондай-ақ уақытша өтемдік тарифтер мен өткен жылыту маусымы үшін жылу энергиясына қайта есептеу қолдану арқылы қол жеткізу мүмкін болады.Бастапқыда 2025 жылы тарифтердің өсуінің инфляцияға әсері 1,32 пайыздық тармақ деңгейінде болжанған болатын. Қабылданған өзгерістерге байланысты инфляциялық қысым 0,5 п. т. қысқарады және 0,82 п. т. құрайтын болады.Қабылданған шаралар азаматтардың сатып алу қабілетін қолдауға, бағаға қатысты күтілімдерді тұрақтандыруға және инфрақұрылымның тұрақты жұмысын қамтамасыз етуге бағытталған. Алдағы уақытта тарифтерді көтеру әлеуметтік сезімталдық пен мемлекеттік экономикалық саясаттың басымдықтарын ескере отырып, теңгерімді түрде жүзеге асырылатын болады.Еске сала кетейік, инженерлік инфрақұрылымды жаңғыртуға бағытталған жаңа тарифтік саясатты іске асыру аясында коммуналдық қызметтерге тарифтерді кезең-кезеңімен арттыру көзделген болатын. Бұл шаралар желілерді жаңартуға инвестиция тарту, табиғи монополия субъектілері қызметкерлерінің жалақысын көтеру, сондай-ақ электр энергиясы, көмір және отын сияқты стратегиялық маңызды ресурстар бағасының өсуі жағдайында қарастырылған болатын.https://www.gov.kz/memleket/entities/krem/press/news/details/1031215?lang=kk Ақпарат көзі : https://www.gov.kz/memleket/entities/economy/press/news/details/1031238?lang=kk

Атап айтсақ, бүгінде қаламызда 29 шақырым жылу желісі және 330 шақырым электр желісі реконструкцияланды. Қазандықтар жөнделіп, 50 электр трансформаторлары ауыстырылды. Сонымен қатар, Шымкентте 400 шақырым-ден астам ескірген электр желілерін ауыстыру және қуаты 125 МВт болатын жаңа «Қызылсу» электр подстанциясының құрылысы қарастырылып жатыр.Сондай-ақ  әкімшілік-іскерлік орталықтағы қазандық қазіргі таңда қаланың 10%-ын жылумен және ыстық сумен қамтамасыз етіп отыр. Жергілікті билік 2027 жылға дейін қолданыстағы 5 қазандыққа қоса жалпы қуаты 120 Гкал болатын 4 қазандық орнатуды жоспарлап отыр, бұл қалаға жылу беру көлемін 20%-ға арттырады (150-ден 530 үйге дейін).Шымкентте жалғыз саналатын ТЭЦ-3 станциясы жұмыс жасауда. Ол қалаға 70% жылу және 30% электр энергиямен қамтамасыз етеді. ТЭЦ-3-тің қалаға дейінгі жылу желісінің жалпы ұзындығы 60 шақырымға жуық, ал олардың тозуы 90%-ды құрайды. Осыған байланысты, Ұлттық жобаға осы жылу желілерінің 17 шақырым реконструкциялауын қосу туралы шешім қабылданды.Тағы бір  қуаттылығы 40 МВт болатын «Дендропарк» электр подстанциясы жұмыс жасауда. Әкімдіктің мәліметінше, жоба 2024 жылы «Тарифті инвестицияға айырбастау» инвестициялық бағдарламасы аясында бюджеттік қаражатсыз іске асырылды. Электр подстанциясы жаңа тұрғын аудандарды сапалы электр энергиясымен қамтамасыз етуге мүмкіндік береді. 

Шымкенттің «Шаңырақ», «Тұрдыабад», «Базарқақпа» елді мекендерінің тұрғындары енді GPON озық технологиясының арқасында жоғары жылдамдықты интернетті, цифрлық теледидарды және сапалы ұялы байланысты пайдалана алады.GPON (Gigabit passive Optical Network)-тің басты артықшылықтарының бірі – тұрақты деректер жылдамдығы, сонымен қатар сыртқы кедергілерден қорғау. Осының арқасында интернет тіпті шалғай аудандарда да тез және үзіліссіз жұмыс істейді. Технология деректерді талшық арқылы 1 Гбит/с дейінгі жылдамдықпен жіберуге мүмкіндік береді.Бүгінгі таңда Шымкентте технологияға “Шаңырақ”, “Тұрдыабад” және “Базарқақпа” шағын аудандарында 1500-ге жуық үй қосылған, ол 7150-ден астам тұрғынды қамтиды.Шымкент қаласының шалғайдағы елді мекендеріне талшықты-оптикалық интернет жүргізу жұмыстары 2021 жылы басталған. Қалаға Оңтүстік Қазақстан, қазіргі Түркістан облысынан қосылған 81 елді мекеннің 52-сі бар. Биылғы жылы талшықты-оптикалық интернетпен қамтамасыз ету жұмыстары 20 елді мекенде, ал келесі жылы 25 елді мекенде жоспарланған. Осылайша, шалғайдағы елді мекендер жылдам интернетпен қамтамасыз етілетін болады.Айта кетсек оптикалық интернет жүргізу жұмыстарына жергілікті бюджеттен қаражат пайдаланылмаған. «Барлық жұмыстарды жеке инвесторлар қаржыландырады. Сапалы интернет өткізуді қамтамасыз ететін алты провайдермен меморандумдарға қол қойылды, ал біз инфрақұрылымдық мәселелерге және әкімшілік кедергілерді еңсеруге көмектесеміз. Beeline компаниясына келетін болсақ, ол биылғы жылы GPON технологиясын пайдалана отырып, “Тұрдыабад”, “Шаңырақ”, “Базаркақпа”, “Сайрам” және “Абдулабад”тұрғын алаптарын интернетке қосады.

Бүгінде Қазақстанда 1000-нан астам әлеуметтік кәсіпкер жұмыс істейді. Олар жұмыс орнын құру мен салық түсімін қамтамасыз ету арқылы бизнесті дамытып қана қоймай, әлеуметтік міндеттерді шешуге белсенді қатысады. Халықтың осал тобына көмектесіп, өңірлерде өмір сүру сапасын жақсартуға ықпал етеді. Тақырыптың өзектілігі мен әлеуметтік бизнестің өсудегі үлесі Астанада "Әлеуметтік кәсіпкерлік: проблемалар мен перспективалар"атты дөңгелек үстелде талқыланды. Оған мемлекеттік органдардың, әлеуметтік инноваторлар қауымдастығының өкілдері, ҚР Парламенті Мәжілісінің депутаттары, сондай-ақ іс жүзінде әлеуметке бағдарланған жобаларды іске асыратын кәсіпкерлердің өздері қатысты.Қатысушыларға мемлекеттік қолдаудың қолданыстағы тетігі туралы ҚР Ұлттық экономика вице-министрі Асан Дарбаев айтып берді. Ол әлеуметтік кәсіпкерлер портфельдік субсидиялау құралын пайдалана алатынын атап өтті: кредиттер бойынша жеңілдікті мөлшерлеме 11,3%, ал қарыздың ең жоғары сомасы 200 млн теңгеге дейін беріледі.Сонымен қатар, 2024 жылдан бастап мемлекеттік грант беру жүйесі әлеуметтік кәсіпкерліктің пайдасына қайта бағдарланды. Енді 5 млн теңгеге дейінгі көлемде қаржыландыруды қызмет секторына қарамастан, тек әлеуметтік кәсіпорындар мен "Бір ауыл – бір өнім" жобасының жеңімпаздары алады. 30 маусымдағы жағдай бойынша, жалпы сомасы 91 млн теңгеге осындай 19 грант берілді. 2024 жылы барлығы 1,3 млрд теңгеге 290 грант берілген.Мемлекеттік қолдауға сонымен қатар бұрын берілген кредитті субсидиялау да жатады. Бағдарлама іске қосылған кезден бері 61 жобаға субсидия беріліп, кредиттеудің жалпы көлемі 8,3 млрд теңгеге жеткен. Оның 617,1 млн теңгесі субсидия түрінде жабылған.Кездесу соңында Асан Дарбаев қатысушыларға сындарлы диалог үшін алғыс білдіріп, Министрліктің одан әрі өзара іс-қимылға дайын екенін жеткізді. Ол әлеуметтік кәсіпкерлікті дамыту басымдықтың бірі болып қала беретінін, өйткені бұл сектор елдің тұрақты және инклюзивті экономикасын қалыптастыруға ықпал ететінін атап өтті.Ақпарат көзі : https://www.gov.kz/memleket/entities/economy/press/news/details/1029584?lang=kk

Премьер-министрдің орынбасары-Ұлттық экономика министрі Серік Жұманғарин Испанияның Ауыл шаруашылығы, балық шаруашылығы және азық-түлік министрі Луис Планаспен келіссөз жүргізді. Тараптар агроөнеркәсіптік саладағы өзара іс-қимылдың қазіргі ахуалы мен келешектегі дамуын талқылады. Орнықты ауыл шаруашылығы, азық-түлік қауіпсіздігі, технологиямен алмасу, сондай-ақ ирригация, органикалық егіншілік пен кадр даярлау саласындағы бірлескен жобаларды жүзеге асыру мәселесі басты назарда.Серік Жұманғарин аграрлық сектор Қазақстан экономикасының негізгі драйверінің бірі екенін атап көрсетіп, аграрлық салада озық технологиясы мен мол экспорттық тәжірибесі бар Испаниямен әріптестікті нығайтуға қызығушылық білдірді.Министр Луис Планас, әсіресе, инновациялық шешім енгізуде және суды тұрақты пайдалануға қатысты мәселеде ынтымақтастықты нығайтуға дайын екенін жеткізді. Ол сондай-ақ Испанияның 2026 жылы Астанада өткізілетін «KazAgro» халықаралық ауыл шаруашылығы көрмесіне қатысатынын мәлімдеді.Кездесу қорытындысы бойынша агроөнеркәсіптік көрмелерге қатысып тұрумен қатар, екі елдің бейінді ведомстволары мен бизнес-қоғамдастығы арасындағы өзара іс-қимылды жалғастыру туралы уағдаластық айтылды.Ақпарат көзі : https://www.gov.kz/memleket/entities/economy/press/news/details/1028754?lang=kk

Қазақстан негізгі Орнықты даму мақсаттарын іске асыруды жалғастыруда. 2025 жылғы 30 маусым-2 шілде аралығында Севилья қаласында (Испания корольдігі) өткізіліп жатқан БҰҰ-ның дамуды қаржыландыру жөніндегі IV халықаралық конференциясында сөз сөйлеген Премьер-министрдің орынбасары-Ұлттық экономика министрі Серік Жұманғарин осы туралы мәлімдеді. Іс-шараға 40-тан астам елдің мемлекет, үкімет басшыларын қоса алғанда, БҰҰ-ға мүше мемлекеттер делегациялары, сондай-ақ халықаралық ұйымдар мен жетекші қаржы институттары басшылары жиналды. Қазақстандық делегация конференцияға Қазақстан Республикасының Испаниядағы елшілігінің қолдауымен қатысуда.Конференцияның ашылуында Испания королі VI Фелипе қатысушыларға құттықтау сөзін арнады. Жалпы отырыста БҰҰ Бас хатшысы Антониу Гутерриш пен Испания премьер-министрі Педро Санчес сөз сөйледі.Жалпы отырыста Серік Жұманғарин Қазақстан Республикасының атынан сөз сөйлей келіп, қазіргі жаһандық экономика бетпе-бет келіп отырған негізгі сын-қатерлерді атап, орнықты қаржылық архитектура құрудың маңыздылығына мән берді. Оның айтуынша, мемлекеттік шығыстардың жалпы әлемдік қысқару үрдісіне қарамастан, Қазақстан Орнықты даму мақсатына қол жеткізуге ықпал ететін денсаулық сақтау, білім беру, инфрақұрылым, кедейлікпен күрес сынды негізгі салаларға қаржы бөлуді жалғастыруға ниетті.Вице-премьер сондай-ақ, Қазақстан ОДМ-ны қаржыландырудың жаһандық жүйесінің бөлігі ретінде KazAid Қазақстандық халықаралық даму агенттігінің әлеуетін арттыратынын жеткізді. Сонымен қатар, ол ОДМ күн тәртібін ілгерілету алаңына айналған Алматыдағы БҰҰ Орнықты даму жөніндегі аймақтық орталығының қызметін одан әрі дамытудың маңыздылығын атап өтті.Серік Жұманғарин конференцияда шетелдік делегация басшыларымен, халықаралық ұйымдардың, испан бизнесінің өкілдерімен бірқатар екіжақты кездесу өткізді. Онда орнықты даму, экономикалық ынтымақтастық, инвестиция тарту мәселесі талқыланды.Пленарлық сессияның соңында жаңа орнықты қаржыландыру архитектурасын қалыптастыруға арналған негізгі қорытынды құжат Севилья міндеттемесі қабылданды. Қазақстан оның қабылдануын қолдап, орнықты дамудың жаһандық күн тәртібін ілгерілетуде халықаралық әріптестермен ашық және сындарлы өзара іс-қимылға дайын екенін жеткізді.Ақпарат көзі : https://www.gov.kz/memleket/entities/economy/press/news/details/1027797?lang=kk

«2023-2024 жылдары сумен жабдықтау және су бұру саласына 1051 шақырым су құбыры және кәріз желілерін жөндеуге шамамаен 99,3 млрд теңге, оның ішінде сумен жабдықтау қызметіне 62,5 млрд теңге 764 шақырым желіні жөндеуге, су бұру қызметіне 287 шақырым желіні жөндеуге 36,8 млрд теңге тартылды», — деп хабарлады Үкімет отырысында Ұлттық экономика вице-министрі экономикасы Асан Дарбаев.Сондай-ақ Бағдарламаны іске асыру шеңберінде сумен жабдықтау және су бұру саласындағы жалақының өсуі байқалады: 135 мың теңгеден 230 мың теңгеге дейін, бұл 70%-ға ұлғайды.Ақпарат көзі : https://www.gov.kz/memleket/entities/economy/press/news/details/1027456?lang=kk

Қазақстанда «тұтынудың әлеуметтік нормалары» енгізілген сәттен бастап суды тұтыну 8%-ға төмендеді. Бұл туралы Үкімет отырысында Ұлттық экономика вице-министрі Аслан Дарбаев баяндады.Оның айтуынша, сумен жабдықтау саласында тұтыну көлеміне байланысты төрт деңгейлі тариф қарастырылған. Бірінші топ, 3 м3-ке дейін тұтынады, базалық тариф қолданылады, 3-тен 5 м3-ке дейін тұтынады, қолданыстағы тариф – 20%-ға жоғары, үшінші топ 5-тен 10 м3-ке дейін – 50%-ға жоғары, 10 м3-тен жоғары – 100%-ға жоғары.«"Тұтынудың әлеуметтік нормаларын" енгізу тұтынушыларды коммуналдық қызметтерді тұтыну нормаларының деңгейіне байланысты бекітілген сараланған тарифтер есебінен, сондай-ақ жөндеу жұмыстарын жүргізуге мүмкіндік беретін қосымша кірістер алу есебінен сумен жабдықтау қызметтерін пайдалануға аса ұқыпты қарауға ынталандыру бойынша жаңа тәсілдерді қолданудың тиімділігін көрсетеді, бұл өз кезегінде инженерлік инфрақұрылымның тозуын және тиісінше, ұсынылатын коммуналдық қызметтердің сапасы мен сенімділігін жақсартады», — деп атап өтті вице-министр.Ақпарат көзі : https://www.gov.kz/memleket/entities/economy/press/news/details/1027458?lang=kk

Кәсіпкерлердің қаржы құралдарына қол жеткізуін арттыру мақсатында ауылдық елді мекендер мен шағын қалаларда микрокредит пен лизинг берудің қағидалары бекітілді. 2025 жылғы 16 маусымда Қазақстан Республикасы Премьер-Министрінің орынбасары-Ұлттық экономика министрі тиісті №53 бұйрыққа қол қойды.Құжат ауылдық жерлер мен шағын қалаларда қызметін жүзеге асыратын жеке және заңды тұлғаларға микрокредит пен лизинг берудің бірыңғай тәртібін белгілейді. Негізгі мақсат – кәсіпкерлікті, ауыл шаруашылығы кооперациясы мен ауыл шаруашылығы өнімін қайта өңдеуді дамытуға жәрдемдесу.Бекітілген шарттарға сәйкес:шағын несие 7 жылға, ауыл шаруашылығына қатыссыз жобаларға 5 жылға беріледі;сыйақы мөлшерлемесі жылдық 2,5%;ең көп сома – 2 500 АЕК, қайта өңдеу жобаларына 8 000 АЕК-ке дейін;ауыл шаруашылығы техникасы мен жабдығын лизингке алудың шарты ұқсас, ол 7 жылға беріледі.Жобаларды қарау кезінде ауылдық округ деңгейінде алдын ала скрининг арқылы таңдалған бастамаларға, сондай-ақ жұмыс орнын құру, өнімді қайта өңдеу, кооперацияны дамыту жобаларына айрықша назар аударылады.Қағиданы қабылдау ауылдық аумақты орнықты дамытуға, шағын бизнесті қолдауға, жергілікті жерде жұмыспен қамтуды арттыруға бағытталған «Ауыл аманаты» жобасын іске асырудың дәйекті қадамының бірі.Қағиданың толық мәтінімен Қазақстан Республикасының Ұлттық экономика министрлігінің www.gov.kz. ресми сайтында танысқан жөн. Ақпарат көзі : https://www.gov.kz/memleket/entities/economy/press/news/details/1027130?lang=kk

ҚР Ұлттық экономика министрлігінде Қоғамдық кеңестің кезекті отырысы Кеңес басшысы Эльдар Шамсутдинов пен ҰЭМ аппарат басшысы Олжас Сыздықовтың төрағалығымен өткізілді. Кездесу шеңберінде Жергілікті өзін-өзі басқаруды дамытудың 2025 жылға дейінгі тұжырымдамасын іске асырудың аралық қорытындысы шығарылып, сондай-ақ «Дипломмен ауылға» жобасының орындалу барысы ұсынылды. Талқылау барысында аталғандай, 2021 жылдан тікелей сайлау тетігі енгізілген кезден бері 2 969 ауыл әкімі сайланған. Ағымдағы жылы бұл тетік аудан мен облыстық маңызы бар қалаларға да қолданыла бастады. Енді сайлау жұмыс атқарып жатқан әкімдердің өкілеттік мерзімі аяқталған кезде өткізіліп тұрады.Сонымен қатар, отырысқа қатысушылар жергілікті өзін-өзі басқару жүйесін одан әрі дамытуға арналған бірқатар бастамамен танысты. Атап айтқанда, сайлау заңнамасын жетілдіру жалғасуда. Сонымен қатар, ауылдық округтердің қаржылық базасы нығайтылды: IV деңгейдегі бюджеттердің кірісі 3,5 есеге өсіп, қосымша салық пен алымдарды табыстау жоспарлануда. Сонымен қатар, бюджет қаражатын қайта бөлу тәртібін оңайлату қарастырылып жатыр. Бұл шешім қабылдау мерзімін едәуір қысқартпақ.Қатысушылар атап өткендей, қабылданып жатқан шаралар жергілікті өзін-өзі басқарудың неғұрлым дербес және ашық моделін қалыптастыруға ықпал етеді.Ауылға мамандарды тартуға бағытталған «Дипломмен ауылға» жобасының іске асырылу барысы қаралды. 2009 жылдан бері 114 мыңнан астам адам әлеуметтік қолдау шараларын алған. Оның ішінде 52 мыңнан астамы тұрғын үйге жеңілдікті кредиттерді пайдаланды. 2023 жылдан бастап өтініш беру процесін цифрлық платформада автоматтандырылған түрде беру жүзеге асырылуда.Отырыс соңында, Экономикалық зерттеулер институты (ERI) макроэкономика, инвестиция мен фискалдық саясат бойынша талдау материалын таныстырды.Ақпарат көзі : https://www.gov.kz/memleket/entities/economy/press/news/details/1025880?lang=kk

Моноқалаларды дамыту мәселелері жөніндегі кеңес барысында ұлттық экономика вице-министрі Бауыржан Омарбеков сатып алу жүйесі арқылы отандық өндірушілерді қолдау шараларымен таныстырды.«Ірі тапсырыс берушілер үшін ұзақмерзімді шарттар мен офтейк-келісімшарттар жасау, елішілік құндылықты дамыту бағдарламасын енгізу, тауарларды, жұмыстарды, көрсетілетін қызметтерді сатып алуда елішілік құндылық үлесін арттыру, ШОБ дамыту және отандық тауар өндірушілерді қолдаудың өзге де бағыттары бойынша міндеттемелерді енгізу бөлігінде заңнамаға түзетулер енгізу қажет», — деп атап өтті ол.Министрліктің мәліметінше, 2024 жылы моноқалалардағы сатып алу көлемі 2,7 трлн теңгені құраса, қазақстандық өнімнің үлесі 70,2%-ға жеткен.Ақпарат көзі : https://www.gov.kz/memleket/entities/economy/press/news/details/1019936?lang=kk

17 маусымда Премьер-министрдің орынбасары – ұлттық экономика министрі Серік Жұманғариннің төрағалығымен өткізілген Экономикалық өсуді қамтамасыз ету жөніндегі жедел штабтың кезекті отырысында туризм, спорт пен су ресурсы салаларының қазіргі дамуы қаралды.Туризм және спорт вице-министрі Ержан Еркінбаевтың айтуынша, 2025 жылы сала алдында негізгі капиталға 1,3 трлн теңге көлемінде инвестиция тарту міндеті тұр. Бұл өткен жылмен салыстырғанда 37%-ға артық.Алғашқы төрт айдың қорытынды бойынша жоспар артығымен орындалды: 215,6 млрд теңге инвестиция тартылды. Бұл осы кезеңдегі жоспардың 191%-ын құрайды.«Салаға тартылатын инвестиция көлемі орналастыру мен тамақтану, өнер, ойын-сауық пен демалыс, кітапхана, мұражай, мұрағат, жерүсті, әуе мен су көлігі, жалға беру, туроператор қызметі және басқа да қызмет түрлері есебінен қалыптастырылады. Инвестицияның негізгі ағыны екінші жартыжылдықта түсуі тиіс», — деді Ержан Еркінбаев.2025 жылы Туризм және спорт министрлігі «Kazakh Tourism» ҰК» АҚ-мен бірлесіп, жалпы құны 991,3 млрд теңгеден асатын 320 жоба пулын қалыптастырған. Оның ішінде 244,5 млрд теңге мөлшеріндегі 11 ірі жоба жүзеге асырылуға жақын.Су ресурстары және ирригация министрлігінің ақпараты бойынша, биыл су шаруашылығы инфрақұрылымы саласында 358 жоба жүзеге асырылуда.2025 жылы аталған жобаларға 193 млрд теңге қарастырылған. Бұл өткен жылмен салыстырғанда 75%-ға артық. Ал іске асырылатын нысан саны 2,4 есеге артқан (2024 жылы 110,5 млрд теңге сомасындағы 151 жобаға қаржы берілді).Сонымен қатар биыл үш жаңа су қоймасының құрылысы басталып, екі су қоймасы қайта жөнделеді.https://primeminister.kz/news/ekonomikalyk-shtab-turizmge-13-trln-tenge-investitsiya-tartu-zhane-su-salasynda-358-zhobany-zhuzege-asyru-30171 Ақпарат көзі : https://www.gov.kz/memleket/entities/economy/press/news/details/1019663?lang=kk

Вице-премьер-Ұлттық экономика министрі Серік Жұманғарин 17 маусымда «Орталық Азия-ҚХР» іскерлік кеңесінің екінші отырысының ашылуында сөз сөйледі.Қазақстан Вице-премьері Кеңестің Орталық Азия елдері мен Қытай арасында орнықты экономикалық байланыс орнатуда маңызды алаңға айналғанын атап өтті. Оның айтуынша, аймақтағы мемлекеттердің әлеуетін ҚХР экономикалық, технологиялық мүмкіндігімен біріктіру ынтымақтастықтың бұрын-соңды болмаған деңгейіне жол ашып отыр.– Сауда-экономикалық байланысты дамыту басты назарда. 2024 жылы Орталық Азия мен Қытай арасындағы тауар айналымы 95 млрд долларға жетсе, оның жартысына жуығы Қазақстанға тиесілі, - деді Серік Жұманғарин. - Қазақстан мен Қытай арасындағы сауда рекордтық $44 млрд-қа дейін өскен. Осы ретте алдағы жылдары өзара сауда көлемін екі есеге арттыру ниетіндеміз.Ынтымақтастықтың негізгі бағытының бірі – электрондық коммерцияны белсенді дамыту. Қазақстанда Alibaba және JD.com. сияқты электрондық сауда алаңдарында ұлттық павильондар құрудың оң тәжірибесі бар. Сондай-ақ, Қазақстан ҚХР Төрағасының «Жібек жолының электрондық коммерциясы» пилоттық аймағын құру жөніндегі бастамасын іске асыруда ынтымақтастыққа дайын екенін жеткізді.Орталық Азия – әлемде егіншілікті дамытудағы негізгі аймақ. Орталық Азия мен Қытай арасындағы ауылшаруашылығы саудасының ауқымы жылма-жыл артып келеді. Вице-премьер ауыл шаруашылығы өнімін өндіру мен қайта өңдеу бойынша бірлескен кәсіпорындар құруға, өндірістің тиімділігін арттыру үшін аграрлық секторға инновациялық, су үнемдеу технологиясын енгізуге мүдделі Қытай инвесторлары үшін көптеген мүмкіндікті атап өтті. Қытай үшін орасан зор мүмкіндікті ғасырлар бойы Шығыс, Батыс, Солтүстік пен Оңтүстікті байланыстыратын маңызды сауда жолының қиылысындағы Орталық Азияның транзиттік және логистикалық әлеуеті беріп отыр.Бүгінде Қытайдан Еуропаға жерүсті жүк тасымалының 80%-дан астамы Қазақстан аумағы арқылы өтеді. 2024 жылы Орта дәліз бойынша тасымалдау көлемі 60%-ға өсіп, 4,5 млн тоннаға жетті. 2030 жылға қарай көрсеткішті 10 млн тоннаға дейін екі есе арттыру жоспарлануда. Бұл өңірлік сауда мен транзитке жаңа көкжиек ашады.– Орталық Азия – негізгі сауда жолының қиылысы. Біз қытайлық әріптестерді жаңа инфрақұрылымдық жобаларды бірлесіп іске асыруға шақырамыз, - деді вице-премьер.Серік Жұманғарин Іскерлік кеңестің отырысын жыл сайын өткізу дәстүрін ұсынып, қос тараптың бизнес-қауымдастығын алдағы мүмкіндіктерді белсенді пайдалануға шақырды.Анықтама:«Орталық Азия – Қытай» іскерлік кеңесі 2023 жылғы мамырда Сиань қаласында (ҚХР) өткен «Орталық Азия – Қытай» бірінші саммиті шеңберінде құрылған. Кеңес құру бастамасы Қытай, Қазақстан, Өзбекстан, Қырғызстан, Тәжікстан мен Түркіменстан көшбасшылары қол қойған Сиань декларациясында бекітілді. Оның құрылтай отырысы 400-ден астам бизнес өкілін біріктіріп, Орталық Азия елдері мен Қытай арасындағы сауда-инвестициялық ынтымақтастықты тереңдетуге негіз болуда.Ақпарат көзі : https://www.gov.kz/memleket/entities/economy/press/news/details/1018888?lang=kk

Бүгін "Семей орманы" резерватының Бородулиха филиалының Камышен орманшылығында Қазақстан Республикасының Экология және табиғи ресурстар министрі Е.Нысанбаев пен "Қазақтелеком" АҚ Басқарма төрағасы Б. Мусиннің қатысуымен өртті ерте анықтау жүйесінің автоматтандырылған мониторинг жүйесін орнату орындары ашылды."Семей орманы" резерватының аумағында ерте анықтау жүйесі іске қосылды. Ол орман өрттеріне жедел ден қоюға, ықтимал тәуекелдерді бағалауға және өртті ерте кезеңдерде оқшаулауға мүмкіндік береді. "Семей орманы" резерваты еліміздің орман өртіне бейім өңірлерінің бірі. Ағымдағы жылдың басынан бастап 42 өрт ошағы тіркелді, олардың едәуір бөлігі табиғи факторлардан, соның ішінде құрғақ найзағай разрядтарынан туындады.Сонымен қатар, инвесторлармен кездесуде ЖТҚ әзірлеу көлемін ұлғайту бойынша нақты нұсқаулар берілді. Министр туындаған мәселелерді жедел шешудің маңыздылығын атап өтіп, жағдайды тұрақтандыру және көлемдерді уақтылы игеру үшін маусым айының соңына дейін мерзім белгіледі.Енгізілген жүйе қазіргі заманғы термовизиялық және оптикалық камераларды пайдалана отырып, орман алқаптарының тәулік бойы бейнемониторингіне арналған. Камералар биіктігі 30 метр антенна-діңгек құрылыстарына орналастырылады, 360 градусқа айналады және жасанды интеллект көмегімен түтін немесе от белгілері автоматты түрде ерте кезеңдерде танылады.Өрт белгілері анықталған кезде жүйе жедел басқару орталығына сигналды бірден жібереді, бұл өрт ошағын тез оқшаулауға және жоюға мүмкіндік береді.Болашақта жүйе ҚР ТЖМ Стратегиялық жоспарлау және жедел басқару командалық орталығына қосылады, бұл тиімді басқару шешімдерін қабылдау үшін республикалық деңгейде орман алқаптарының орталықтандырылған мониторингін қамтамасыз етеді.Осылайша, "Семей орманы" жобасы-табиғатты сақтауға және орман алқаптары маңында тұратын адамдардың қауіпсіздігін қамтамасыз етуге бағытталған шешім.Ақпарат көзі : https://www.gov.kz/memleket/entities/ecogeo/press/news/details/1017541?lang=kk

Жобаға сәйкес, қолданыстағы «Бауыржан Момышұлы» станциясынан салынып жатқан «Қалқаман» станциясына дейінгі аралықтағы туннельдердің ұзындығы 1,98 шақырымды құрайды. Бүгінгі таңда сол жақ бағыттағы тоннель толық қазылып біткен, ал оң жақ бағытта 887 метр жер қазылған. «BCN group» директорлар кеңесінің төрағасы Александр Беловичтің мәліметінше, туннель қазу жұмыстарымен бір уақытта станцияның құрылысы да белсенді түрде жүргізіліп жатыр. Қазіргі таңда желдету ұңғымасы салынды, қазу жұмыстары аяқталды, ал бетон құю жұмыстары 28 пайызға орындалды. «Нысанды 2026 жылдың қаңтар айына дейін толық аяқтау үшін құрылыс қарқынын арттыру қажет. Осы мақсатта арнайы штаб құрылатын болады. Оның құрамына қала әкімінің сала бойынша орынбасары, тиісті басқарма басшылары, мердігер ұйым өкілдері, сондай-ақ техникалық және авторлық қадағалау мамандары кіреді. Штаб отырыстарында жұмыстардың барысы апта сайын талқыланып, қатаң бақылауда болады», - деді Алматы әкімі. Құрылыс алаңында қала әкіміне метро желісін әрі қарай кеңейту бойынша атқарылып жатқан жұмыстар туралы да баяндалды. Алматы қаласы әкімінің орынбасары Асқар Әмриннің айтуынша, «Қалқаман» станциясынан «Барлық» базарына дейінгі аралықта тағы үш бекетті қамтитын жаңа бағыттың жобалық-сметалық құжаттамасы дайындалған. Жобаны құрылыс басталған сәттен бастап үш жыл ішінде жүзеге асыру жоспарланып отыр. Сонымен қатар «Жібек жолы» станциясынан халықаралық әуежайға дейінгі екінші желінің техникалық-экономикалық негіздемесі әзірленуде. Ал «Сайран» станциясынан Алатау қаласына дейінгі үшінші желінің ТЭН жобасын әзірлеуге байқау жарияланған. «Біз «Барлыққа» дейінгі желі құрылысын күтіп отырмай, метроның тағы екі желісінің құрылысын қатарынан бастауды қарастыруымыз керек. Яғни, үш жыл күтпей, барлық желі бойынша жұмыс қатар жүруі тиіс. Жалпы, метро – Алматы қаласының көлік жүйесінің маңызды элементі. Ол қала тұрғындарының қозғалысын жеңілдетіп, күн сайын қала жолдарымен жүретін көлік санын азайтуға мүмкіндік береді. Сондықтан метрополитенді дамытуға ерекше назар аударылатын болады», - деп атап өтті Дархан Сатыбалды.Ақпарат көзі : https://www.gov.kz/memleket/entities/almaty/press/news/details/1017575?lang=kk

Алматы әкімі Дархан Сатыбалды Түрксіб ауданындағы әлеуметтік және коммуналдық инфрақұрылым нысандарын аралап шықты. «Нұршашқан» шағын ауданында қала әкімі ауызсу, кәріз және электр желілері бойынша инфрақұрылымдық жобалардың жүзеге асырылу барысымен, сондай-ақ «Халық қатысатын бюджет» бағдарламасы аясында абаттандырылып жатқан «Нығмет» скверіндегі жұмыстармен танысты. Тұрғындар жарықтың жиі сөніп қалуы мен судың тұрақсыз берілуі мәселесін көтерді. «Подстанцияны шеңберлі жүйеге қоспайынша, қуат көзі тұрақты болмайды, бұл туралы маған енді ғана баяндалып отыр. Мұнда станция салынды, енді желіні қосу қажет. Халық тұратын аумақ арқылы өткізуге тұрғындар қарсы болған, бірақ қазір келісімге келген», - деп түсіндірді Дархан Сатыбалды. Сумен жабдықтау бойынша жобадағы кемшіліктерге байланысты қала әкімі қазіргі мердігермен жұмысты аяқтауды және мерзім бұзылған жағдайда басқа ұйымды тартуды тапсырды. «Бұл жобаны жылыту маусымы басталғанға дейін аяқтау қажет», - деп атап өтті қала басшысы. Энергетика және сумен жабдықтау басқармасының өкілі «Тұздыбастау» шағын ауданында осы айдың соңына дейін шеңберлі жүйе толық аяқталатынын хабарлады. Тұрғындар шағынаудандағы өзекті мәселелерге мән беріп, толыққанды ақпарат бергені үшін әкімге алғыс білдірді. Сапар барысында Огарев көшесінде салынып жатқан балабақша мен Шығармашылықты дамыту орталығының жобалары қаралды. Санитарлық-қорғау аймағы шегерімдерін ескере отырып, нысандардың жобалық параметрлерін қалалық құрылыс талаптары мен қадағалаушы органдардың қорытындыларына сәйкес қайта қарау тапсырылды. «Әлмерек» және «Маяк» шағын аудандарында әкім су, кәріз желілерін тарту және электр желілерін жаңарту жобаларымен танысты. Сонымен қатар, отбасылық-дәрігерлік амбулатория мен балабақшаның құрылыс учаскелері де тексерілді.  Ауданның көлік байланысын жақсартуға маңызды әсер беретін Кіші Алматы өзені арқылы өтетін көпір өткелінің аяқталуына ерекше назар аударылды. Қала басшысы аудан әкімдігі өкілдеріне: «Өзендегі жағдай қандай? Көктемгі тасқын кезінде жағдай қалай болады?» - деген нақты сұрақтарды қойды.Түрксіб ауданының әкімі Бақытжан Ақжаров өзен арнасы ирек болғанымен, тасқын суға қатысты еш қиындық жоқ екенін мәлімдеді.Осы ретте қала әкімі жағалау аумағын абаттандырудың маңыздылығын атап өтті. Талқылау кезінде өзен арнасын бекіту жұмыстары туралы да айтылды. Бұл жөнінде әкім:«Мен өз басым жасыл желек пен қоғамдық кеңістіктердің көбірек болғанын қолдаймын. Бұл халықтың мәдениетін өзгертеді деп сенемін», - деді Дархан Сатыбалды.Майлин көшесіндегі «Авиатор» дене шынықтыру-сауықтыру кешенінің аумағында әкім болашақ спорт кешенінің жобасымен танысты. Онда бассейн мен әмбебап спорт залы қарастырылған. Жоба бойынша бұл кешен тәулігіне 1300-ге дейін келушіні қабылдай алады.Қонаев атындағы жоспарлы кварталда әкім «Нұрлы жер» бағдарламасы аясында салынып жатқан 260 орындық балабақша мен тұрғын үйлердің құрылыс барысымен танысты. Инженерлік желілерге қосылу және абаттандыру мәселелеріне ерекше көңіл бөлінді.«Нысандар сапалы әрі мерзімінде аяқталуы тиіс. Жұмыс кестесін бұзатын мердігерлер жауапкершілікке тартылады.», - деді қала басшысы.Сондай-ақ Хмельницкий көшесін Талғар тас жолына дейін жалғастыру жобасы да қаралды. Бұл жоба қаланың шығыс бөлігіндегі көлік жүктемесін азайтып, қолжетімділікті арттыруға бағытталған.«Бұл - қозғалыстың маңызды  күретамыры. Жобаның жүзеге асырылуы созбалаңға салынбауы керек. Мерзім мен сапа – менің жеке бақылауымда», - деп атап өтті әкім.Кездесу барысында Қонаев ПК аумағындағы бес үйдің тұрғындары әлі күнге дейін кәрізден шыққан жағымсыз иістің барын айтып, үйлерінде газдың жоқтығын да көтерді. Бұл мәселелер бойынша қала әкімі тиісті орындарға себебін анықтап, мәселені шешуді тапсырды.Автобус бағыттарының жетіспеушілігі туралы сұраққа Алматы әкімі қоғамдық көлік жүйесі туралы толық мәлімет беріп, тұрғындар ұсынысы жаңа маршруттық сызбаны әзірлеу кезінде ескерілетінін айтты.Жеке тұрғын үй секторының бір тұрғыны жолдардың тоғанын алға тартты. Дархан Сатыбалды бұл мәселе жауапсыз мердігерлердің әрекетімен байланысты екенін жеткізді.«Мен өзім ауламен жүріп өттім, тұрғындардың неге тап болатынын көзіммен көрдім. Мұндай мәселелер назардан тыс қалмауы тиіс», - деді әкім.Кездесу соңында қала басшысы мердігер ұйымдарға бақылаудың күшейтілетінін және тұрғындар көтерген әрбір мәселе белгіленген мерзімде шешілуі тиіс екенін атап өтті.Сапар қорытындысында Дархан Сатыбалды бірқатар нақты тапсырмалар беріп, кешігулерді болдырмау, мердігерлерге бақылауды күшейту және барлық жобаларды белгіленген мерзімде аяқтауды міндеттеді. Сонымен қатар, қалада жайлы өмір сүру ортасын қалыптастыру әр жобаның жергілікті деңгейде сапалы жүзеге асуынан басталатынын еске салды.Ақпарат көзі : https://www.gov.kz/memleket/entities/almaty/press/news/details/1017580?lang=kk