Бүгін Алматы облысына жұмыс сапары аясында ҚР Премьер-Министрі Бақытжан Сағынтаев өңірдің білім беру саласының қызметкерлерімен және ата-аналар қауымымен 2019 жылға арналған Жолдауды іске асыру мәселелері бойынша кездесу өткізіп, №28 мектеп-лицейді аралау барысында білім беру сапасымен танысты.Кездесуде білім беру жүйесін дамытуға қатысты мәселелер, атап айтқанда, мектепке дейінгі және мектепте білім беру сапасын арттыру, балалардың қауіпсіздігін қамтамасыз ету, педагогтердің әлеуметтік мәртебесін көтеру, инфрақұрылымды жаңғырту, цифрландыру, сондай-ақ, үш ауысымдық білім беруді жою мақсатында жаңа мектептер салу мәселелері талқыланды. Кездесудің мақсаты — Мемлекет басшысының Жолдауын орындау аясында білім беру жүйесінің мәселелері қалай шешіліп жатқанын өңір тұрғындарының ауызынан есту.   Премьер-Министр алдағы үш жылда Жолдауды іске асыруға 1,75 трлн теңге жұмсалатынын айтты. Ең алдымен, 01.01.2019 ж. бастап ең төменгі жалақыны 1,5 есеге 28 мыңнан 42 мың теңгеге дейін арттыру жұмыстары жүргізіледі. Нәтижесінде 1,3 млн жалдамалы қызметкердің жалақысы 30%-ға өседі. Бұл 275 мың азаматтық қызметкерге қатысты, оның ішінде педагогикалық қызметкерлердің еңбекақысы 35%-ға артады. Сонымен қатар, кездесуге қатысушылар үшін Мемлекет басшысының білім және денсаулық сақтау жүйесін дамытуға бағытталатын мемлекеттік шығыстарды алдағы бес жыл ішінде ЖІӨ-нің 10%-ына дейін арту шешімі өте маңызды. 2018 жылы білім беруге жұмсалған жалпы шығыстар ЖІӨ-нің 4,1%-ын (2,4 трлн теңге) құрады, оның ішінде 3,5% — мемлекеттік бюджет есебінен және 0,6% — жеке сектордан. Биыл білім беру және денсаулық сақтауға бағытталған шығыстар ЖІӨ-нің 7,38%-ын құрады (МБ – 5,4%, жеке сектор – 1,9%). Үш жылдық бюджет аясында білім беруге жұмсалатын шығыс 456,3 млрд теңгеден 2021 жылы 752,1 млрд теңгеге дейін немесе 65%-ға артпақ. Екіншіден, Мемлекет басшысының тапсырмасы бойынша, қосымша бөлінген 50 млрд теңге үш ауысымды мектептер мен орындардың жетіспеушілігін жою үшін бағытталуы тиіс екендігі айтылды. Осылайша, мектеп құрылысына жалпы алғанда 100 млрд теңге жуық қаржы бөлініп отыр. Сонымен қатар, Премьер-Министр жаңа білім беру нысандарын салу үшін жеке инвестицияларды тартып, мемлекеттік-жекеменшік әріптестік тетіктерін пайдалану қажеттігін атап өтті. Бұдан өзге, балалар қауіпсіздігі үшін бақылау камераларын орнату, мұғалімдердің мәртебесін көтеру мәселелері қозғалды. Жолдау аясында енді педагогтардың мәртебесі түбегейлі қарастырылып, олардың жалақысы мен әлеуметтік кепілдіктер артып, жүктемесі азаяды. Білім және ғылым министрлігі «Педагог мәртебесі туралы» заң жобасын әзірлеп жатыр. Сондай-ақ, енді түлектерге деген сұраныс пен еңбекпен қамту көрсеткіштеріне негізделе отырып бақыланатын жоғары оқу орындары мен колледждердің жұмыс сапасын жақсарту мәселесі де қозғалды. Талқылау кезінде білім беру саласының мамандары Жолдауда айтылған Президент бастамаларын қолдайтынын жеткізді. Еркін ауылындағы Е. Берліқожаұлы атындағы №11 мектептің физика пәнінің мұғалімі Қ. Жақсыбаев «Дипломмен ауылға!» бағдарламасының қатысушы ретінде жас мұғалімдерді қолдаудың қаншалықты маңызды екенін атап өтті. «Біздің өңірде 418 мыңнан астам жастар бар, олардың 80%-ы – ауыл жастары. Ауыл жастары оқу бітірген соң тұрақты жұмыс таба алмайтын жағдайлар болады. Жастар жылы көптеген мәселелерді шешуге жаңа серпін береді деп үміттенемін. Біз үшін барлық жағдай жасалған, аға буын бізді қолдайды, біз тек алға ұмтылуға тиіспіз», — деді Қ. Жақсыбаев. Қапшағай қаласының №5 орта мектебінің ағылшын тілі пәнінің мұғалімі Ю. Донская өз сөзінде мұғалімге жасалған қамқорлық — бұл өскелең ұрпаққа, елдің болашағына жасалған қамқорлық деп мәлімдеді. «Білім беру, жас ұрпақты тәрбиелеу Мемлекет басшысының назарынан ешқашан тыс қалған емес. Жолдау дәл 5 қазан күні, яғни Мұғалімдер күнімен тұспа-тұс келді. Біз оны сый ретінде қабыл алдық. Елбасы “Педагог мәртебесі туралы” заң қабылдауды тапсырды, онда мұғалімдердің құқықтық және әлеуметтік қорғалуы, апта сайынғы жұмыс жүктемесінің төмендеуі, сондай-ақ мұғалімдер мен балабақша тәрбиешілерінің жалақысы мәселесі көтерілетін болады», — дей келе, Ю. Донская Президенттің дәстүрлі жыл сайынғы Жолдауы халқымыздың рухын және күш-жігерін біріктіретін маңызды құжат деген ойын жеткізді.   Өз кезегінде, білім және ғылым министрі Ерлан Сағадиев көтерілген сұрақтарға түсініктеме бере келе, бүгінгі күні «Мұғалімнің мәртебесі туралы» заң жобасы талқыланып жатқанын айтты. Қоғам тарапынан әртүрлі ұсыныстар түсіп жатыр. Барлық ұсыныстар жинақталған, енді жоба екі ай бойы талқылаудан өтеді. Содан кейін жоба ҚР БҒМ сайтына шығарылады. Қоғамдық талдау жүргізіледі. Министрдің айтуынша, жылдың соңына дейін заң жобасы дайын болады. Сонымен қатар, кездесуде ата-аналар мен студенттер қауымының өкілдері сөз сөйледі. Облыстық ата-аналар комитетінің мүшесі Д. Әбділдина балалар қауіпсіздігін қамтамасыз ету, мектеп психологтарының жұмысын күшейту және Қамқоршылық кеңестің рөлін арттыру туралы ұсыныстарын айтты. Талдықорған қаласындағы №12 орта гимназия мектебінің орыс тілі мұғалімі Е. Филимонова мұғалімнің мәртебесі және мұғалімдердің кәсіби дамуы туралы өз пікірін білдірді. Агротехникалық колледждің 3 курс студенті Н. Бабажан білім беру сапасы, студенттік жатақханалардың жай-күйі мен Жастар жылына арналған студенттердің ұсыныстарын жеткізді. «Президент Нұрсұлтан Назарбаевтың жаңа Жолдауы жастар үшін ерекше маңызды. Тәуелсіз Қазақстанның тарихында тұңғыш рет жастар жылы жарияланып отыр. Жетісу жастары 2019 жылдың жас ұрпаққа арналатынын мақтанышпен әрі қуанышпен қабылдады. Биыл мемлекеттік жастар саясатының жүзеге асырылуы біздің өңірге ерекше серпін береді деп үміттенеміз», — деді Нұрай Бабажан. І. Жансүгіров атындағы Жетісу мемлекеттік университетінің ректоры Қ. Баймырзаев маман даярлау сапасын арттыру және отандық ЖОО-лардың бәсекеге қабілеттігін арттыру мәселелеріне тоқталды. Айта кету керек, Премьер-Министр жұмыс сапары аясында №28 мектеп-лицейдің АТ-мектебіне де барды, онда өңірде білім беру сапасымен танысты. Жаңа нысан оқу жылының басында пайдалануға берілген, ол 1200 орынға арналған.   Б. Сағынтаев мектептің техникалық жарақтандырылуын тексеріп, бағдарламалау, 3D-дизайн, жобалық қызмет дағдыларына оқытатын мультимедиялық кабинет жұмысымен танысты. Кабинеттер заманауи технологиялармен жарақтандырылған, оқушылардың білім алуына және дамуына барлық қажетті жағдайлар жасалған. Айта кету керек, цифрлық экономикаға жас мамандарды даярлау мақсатында облыста 21 роботты техника кабинеті, 11 АТ-сыныбы және екі АТ-орталығы ашылған. Алматы экономикалық, Талдықорған политехникалық және Талдықорған агро-техникалық колледждерінің базасында АТ-біліктіліктер бойынша үш орталық құрылған. Облыста барлығы 2018 жылы республикалық бюжет есебінен төрт мектептің құрылысы аяқталып, пайдалануға берілді, 30 білім беру нысаны күрделі жөндеуден өткізілді. Қазіргі таңда 22 білім беру нысаны салынып жатыр. Жыл соңына дейін екі мектептің, бір балабақша мен бір музыка мектебінің құрылысы аяқталады.https://primeminister.kz/kz/news/viziti_i_poezdki/poslanie-prezidenta-dlya-rabotnikov-sferi-obrazova... Ақпарат көзі : https://www.gov.kz/memleket/entities/edu/press/news/details/25287?lang=kk

Бүгін Үкімет отырысының қорытындысы бойынша өткен брифингте білім және ғылым вице-министрлері Эльмира Суханбердиева және Бибігүл Асылова мектепке дейінгі білім сапасын көтеру шаралары туралы айтып берді. Э. Суханбердиеваның айтуынша, Президенттің Қазақстан халқына арнаған «Қазақстандықтардың әл-ауқатының өсуі: табыс пен тұрмыс сапасын арттыру» Жолдауын орындау үшін Білім және ғылым министрлігі мектепке дейінгі білімге қатысты бірқатар мәселелерді қарастырып жатыр.   «Біз жергілікті атқарушы органдармен бірлесіп Жол картасын жасадық. Жұмыс тобы құрылып жатыр. Бірыңғай ұлттық біліктілік тестілеуін енгізу бойынша жұмыстарды бастап жатырмыз», — деді вице-министр. Орта буын педагогтарына арналған біліктілік тестілеуі әзірленіп қойғанын айта кету керек. Сонымен қоса, биыл маусым айында 56 910 педагог сол тестілеу бойынша аттестаттаудан өткен. Тестілеуден және екінші кезеңнен өткен мұғалімдер 1 қыркүйектен бастап жаңа жалақы алып жатыр. Келесі тестілеу 2018 жылы қарашада өтеді. Тәрбиешілер үшін де осындай ұлттық біліктілік тестілеуін енгізу жоспарланып отыр. «Біз жалақы деңгейін көтеру туралы айтып отырмыз. Ұлттық біліктілік тестілеуінің нәтижелері бойынша 30%-дан 50%-ға дейін қосымша төлемақы енгізіледі. Яғни, бұл тек тәрбиешілердің ғана емес, балабақша меңгерушілері мен әдіскерлерінің де жалақысына қатысты», — деді Э. Суханбердиева.  Білім және ғылым вице-министрі Бибігүл Асылова тапсырма бойынша 2023 жылға қарай жалпы біліп беру саласына жұмсалатын шығындар біршама арттырылатынын айтты. «Бізге бөлінетін қосымша қаржының арқасында, 2019 жылдан бастап балабақша тәрбиешілерінің, әдіскерлері мен меңгерушілерінің жалақысы өседі. Педагогтардың мәртебесі туралы заңды әзірлеу аясында мектеп директорлары мен директорлардың орынбасарларының жалақысын көтеру қарастырылып отыр. Сонымен қатар, педагогтарды қолдау мақсатында сыныпқа жетекшілік еткені және дәптерлерді тексергені үшін жалақыны үш есеге дерлік арттыру қарастырылуда. Бұл мақсаттарға республикалық бюджеттен қосымша қаражат бөлінеді», — деді Б. Асылова.https://primeminister.kz/kz/news/obrazovanie/vospitatelyam-detsadov-po-rezultatam-natsionalnogo-test...Ақпарат көзі : https://www.gov.kz/memleket/entities/edu/press/news/details/25264?lang=kk

Бүгін ҚР Үкіметі отырысының қорытындысы бойынша өткен брифинг барысында білім және ғылым вице-министрі Эльмира Суханбердиева білім берудің жаңартылған мазмұны, психологтардың жұмысы және үш ауысымды мектептер санын азайту туралы айтып берді.   Президент «Қазақстандықтардың әл-ауқатының өсуі: табыс пен тұрмыс сапасын арттыру» Қазақстан халқына Жолдауында «Назарбаев зияткерлік мектептерінің» оқыту жүйесі мен әдістемесі мемлекеттік мектептер үшін бірыңғай стандарт болуға тиіс екенін атап өтті. Вице-министрдің мәлімдеунше, НЗМ тәжірибесін басқа мектептерге тарату 2016 жылы басталған. Орта білім берудің барлық жүйесі жаңартылған мазмұнға көшірілді. «Кезең-кезеңмен көшіріліп жатыр, осыған дейін 1, 2, 5 және 7 сыныптар ауысса, енді 3, 6 және 8 сыныптар көшті. 2021 жылға дейін білім берудің жаңартылған мазмұнына кезең-кезеңмен көшу толықтай аяқталады. Формат толықтай қайта қаралған: мұғалімдер оқытылды, бағалаудың жаңа критерийлік жүйесі енгізілді», — деді Э. Суханбердиева. Сондай-ақ, білім беру вице-министрі мектеп психологтары мәселесін шешудің маңыздылығын атап өтті. Бүгінде олардың саны 7 мыңнан асады. «Бізде мектеп психологтарының мәселесін шешетін жеке топ құрылады. Бұл өте салмақты мәселе. Психологтардың жүктемесі ауыр. Нормативтер бойынша бізде бір психологқа тұтас бір сыныптан келеді, бұл дұрыс емес. Бүгінде біз нормативтерді қайта қарауды бастадық», — деді Э. Суханбердиева. Вице-министр Алматыда бір психологқа 708 оқушыдан келетінін, ал Астанада бұл көрсеткіш 1200 оқушыны құрайтынын айтты. «Қазіргі таңда біз курстарды ұйымдастыру үшін қаражат бөліп жатырмыз, шетелдік сарапшыларды тартып, педагогтерді дұрыс әрі сауатты оқытуға үлкен бағдарлама дайындаймыз, осылайша мектептерде жақсы психологиялық ахуал орнауына жағдай жасаймыз», — деді Э. Суханбердиева. Мемлекет басшысы өз Жолдауында білім алудың қолжетімділігін арттыру мақсатымен оқушыларға орын жетіспейтіні, мектептердің үш ауысымда оқыту және апат жағдайында болу проблемалары мейлінше сезіліп отырған  өңірлер үшін Үкіметке 2019–2021 жылдарға арналған бюджеттен қосымша 50 миллиард теңге қарастыруды тапсырды. Білім және ғылым вице-министрі Б. Асылова үш ауысымды мектептер мәселері 7-10 жыл ішінде шешілетінін айтты. «Республикалық бюджетте құрылыс үшін айтарлықтай қаражат бөлінеді, алайда демографиялық өсім мен ірі агломерациялардың дамуы есебінен үш ауысымдағы мектептер мәселесі, әсіресе қалалық жерлерде сақталып отыр», — деді Б. Асылова. Оның айтуынша, Алматы облысында үш ауысымдағы мектептердің саны салыстырмалы түрде көп. Үш жылдық кезеңге бөлінген қаражат аясында Алматы облысында 2 мектеп салу жоспарланып отыр.https://primeminister.kz/kz/news/obrazovanie/minobrazovaniya-razrabativaet-programmu-obucheniyapedag...Ақпарат көзі : https://www.gov.kz/memleket/entities/edu/press/news/details/25262?lang=kk

Премьер-Министр Бақытжан Сағынтаевтың төрағалығымен өткен Үкімет отырысында білім және ғылым министрі Ерлан Сағадиев білім беру жүйесінің өзекті мәселелері, Президенттің «Қазақстандықтардың әл-ауқатының өсуі: табыс пен тұрмыс сапасын арттыру» жолдауында мектепте, мектепке дейінгі және жоғары оқу орындарында білім беру сапасын арттыру туралы берген тапсырмаларын ведомство қалай шешуді жоспарлайтыны туралы баяндады. Биыл 5 қазанда Мемлекет басшысы Қазақстан халқына арнаған жыл сайынғы Жолдауында елімізді жаңғыртудың жаңа кезеңінде қазақстандық білім беру жүйесінің алдында тұрған бірқатар өзекті мәселелерді қозғады. Олардың қатарында — мектептегі және мектепке дейінгі білім беру сапасын арттыру, балалар қауіпсіздігін қамтамасыз ету, қоғамдағы педагог мәртебесі мен рөлін арттыру, мектептердің құрылысын елді мекендерді дамыту жоспарларымен ұштастыру және т.б. Мектепке дейінгі тәрбие және білім беруБілім және ғылым министрі Е. Сағадиев мектепке дейінгі тәрбие мен білім беру саласында 3–6 жас аралығындағы балалар 93% қамтылғанын айтты. Балабақшаларға жолдама берудің автоматтандырылған жүйесі енгізілді. Бүгінде республика бойынша 69,5% автоматтандырылған. Балабақшалардың 58%-ында бейнебақылау камералары орнатылған.   «Елбасы үш жыл ішінде бүкіл мектептер мен балабақшаларды бейнебақылау камераларымен қамтамасыз етуді тапсырды. Министрлік өз тарапынан ай сайын мониторинг жүргізіп, ақпаратты жариялап отырады», — деді Е. Сағадиев. Мектепке дейінгі білім сапасын жақсарту үшін балабақшадағы педагог мамандардың білім сапасын арттыру қажет. Министрдің айтуынша, Мемлекет басшысының тапсырмасына сәйкес әкімдіктермен бірлесіп, биыл Жол картасы бекітіледі, онда мектепке дейінгі тәрбиешілердің біліктілігін арттыру, бірыңғай біліктілік талаптарын енгізу шаралары қаралып, еңбек ақысын төлеу жүйесі қайта қарастырылатын болады. Орта білім беруде, министрдің айтуынша, Мемлекет басшысының тапсырмасы бойынша «Педагог мәртебесі туралы» заң әзірленеді. Заңда педагогтардың әлеуметтік мәртебесін көтеру, оқу жүктемесін қысқарту, қажетсіз тексерулерден қорғау нормалары қарастырылады. Заңды 2019 жылы бекіту жоспарланған. Биыл осы заң әзірленіп, қоғамдық талқылау процесінен өтетін болады.Орта білім беру Е. Сағадиевтің айтуынша, апатты мектептер мен үш ауысымда оқыту мәселелерін шешу мақсатында бүгінде республика бойынша 60 мектеп салынып жатыр. 11 мектептің құрылысына республикалық бюджеттен қаражат қарастырылған, республикалық бюджет есебінен 27 мектеп салынуы тиіс — ҚР БҒМ деректеріне сәйкес, аталған мектептер мен жаңа үш ауысымды мектептер бойынша апта ішінде ұлттық база толықтай қалыптастырылады. 50 млрд қаражат ең алдымен осы мектептерге жұмсалатын болады. Білім және ғылым министрінің айтуынша, қалған үш ауысымды мектептер жергілікті бюджет қаражаты есебінен салынуы тиіс. «Елбасы тапсырмасының аясында мектеп салу процесін “7-20-25” және “Нұрлы жер” тұрғын үй салу бағдарламаларымпен сәйкестендіру қажет. Осыған орай өңірлер жаңа тұрғын-үйлерді мектептермен қамтамасыз ету нормаларын енгізуі және жекеменшік компанияларға мектептерді салу үшін жеңілдікпен несие беру жүйесін қарастыруы қажет», — деді Е. Сағадиев. Мектептердегі психологтар санын ұлғайтып, олардың біліктілігін арттыру мақсатында ҚР БҒМ шетелден мамандарды тарту арқылы «Бақытты отбасы» бағдарламасы бойынша жұмыс жүргізді. Жұмыс әрі қарай жалғасын таппақ, Министрлік бірыңғай бағдарлама дайындайды. Бұдан өзге ұлттық тестілеу енгізіледі, барлық облыста психологтардың біліктіліктерін арттыру курстары өткізіледі. Бұған қоса, аттестациялаудың жаңа жүйесі мен кәсіби құзыретіне байланысты тест алуы арқылы педагог-психолог мамандардың еңбекақысы мен санатын арттыруды қарастыру көзделген. Биыл жаңа жүйе әзірленіп, Үкіметтің қарауына жіберіледі.   Сонымен қатар, білім және ғылым министрі Е. Сағадиев отырыс барысында қойылған сұрақтарға жауап бере отырып, білім берудің жаңартылған мазмұны бойынша жүргізіліп жатқан түсіндіру жұмыстары туралы баяндады. ҚР БҒМ мәліметіне сәйкес, қазіргі таңда балалардың 70% жаңартылған бағдарламалар бойынша білім алып жатыр. Ата-аналар бәрін жақсы түсінеді, мұғалімдер жұмысқа дайын. Сондай-ақ, электрондық оқулықтарды енгізу жұмыстары жүргізіліп жатыр. Кейбір пәндердің оқулықтары электронды нұсқасында бар, оларды оқушылар белсенді түрде қолданып жүр. ҚР БҒМ жоспары бойынша, екі жыл ішінде мектептердің 100% электронды оқулықтармен қамтамасыз етіледі. Бұған қоса, оқушыларға қолайлы жағдай жасай үшін мектептерде шағын шкафтар қою мәселесі пысықталып жатыр. Мәселені қарау барысында өңірлерде білім беру сапасын арттыру, инфрақұрылымды жақсарту, үш ауысымда оқытуды азайту және жаңа мектептер салу бойынша атқарылып жатқан жұмыстар туралы Ақтөбе облысының әкімі Б. Сапарбаев, Алматы облысының әкімі А. Баталов, Маңғыстау облысының әкімі Е. Тоғжанов, Атырау облысының әкімі Н. Ноғаев, Түркістан облысының әкімі Ж. Түймебаев, Жамбыл облысының әкімі А. Мырзахметов, Қостанай облысының әкімі А. Мұхамбетов, Солтүстік Қазақстан облысының әкімі Қ. Ақсақалов баяндады.https://primeminister.kz/kz/news/zasedanie-pravitelstva-rk/dorozhnoi-kartoi-budut-predusmotreni-meri... Ақпарат көзі : https://www.gov.kz/memleket/entities/edu/press/news/details/25261?lang=kk

2018 жылдың 7-12 қазан аралығында Астана қ. Қазақстан Республикасының Білім және ғылым министрлігі әлемнің 47 мемлекетінен келетін Білім жетістіктерін бағалаудың халықаралық ассоциациясы IEA (International Association for the Evaluation of Educational Achievement) (Ары қарай IEA) өкілдерін күтуде. Кездесу барысында 9-қазанда ҚР Білім және ғылым министрі Ерлан Кенжегалиевич Сағадиев мырза және IEA бас директоры Дирк Хастед мырза білім берудің өзекті мәселелері жайында өз ойларын білдірмек. Др.Хастед Астанадағы IEA мүшелерімен Бас Ассамблеяда кездесуді асыға күтетінін және ҚР Білім және Ғылым министрлігінің көмегімен өткізілетін бұл отырыс білім беруді зерттеу және бағалау сарапшыларының керемет жиыны болмақ екендігін айтты.   2017 жылы Қазақстан IEA Бас Ассамблеясының 59-шы съезін өткізуші мемлекет ретінде таңдалды. Осыншама ауқымды іс-шара Орталық Азияда алғаш рет орын алмақ. IEA бастауыш және орта білім берудің сапасын халықаралық бағалаудың тиімді құралы, әрі мемлекеттік білім беру саясатын нығайту бойынша ұсыныс жасауға негіз болатын TIMSS, PIRLS, ICILS, ICCS, LaNA секілді халықаралық зерттеулерді жүзеге асырады. Қазіргі уақытта IEA мүшелеріне 67 мемлекет және білім беру жүйесі кіреді.   IEA Бас Ассамблеясында IEA сарапшылары ағымдағы және алдағы жобаларды және білім беру жетістіктерін бағалау технологияларын талқылау, зерттеу нәтижелерін қолдану бойынша тәжірибе алмасу, қатысушы мемлекеттерді қолдау және IEA зерттеу институттары ара-қатынасын нығайту мақсатында жиналады..  Бұл іс-шараны өткізу мүмкіндігіне Қазақстанның TIMSS математика және жаратылыстану білім сапасын бағалау зерттеуінің үш кезеңіне (2007, 2011, 2015) қатысуы да септігін тигізді. Осылайша, TIMSS-2015 бойынша Қазақстандық 8-сынып оқушылары Канада және Ресей секілді мемлекеттермен сәйкес нәтиже көрсетіп, алдағы 10 үздіктер қатарына енді. 2016 жылдың сәуір айында еліміз 4-сынып оқушыларының мәтінді оқу және түсіну сапасын бағалайтын халықаралық зерттеуіне (PIRLS) қатысып, 27-орынға ие болды. Сонымен қатар, 2018 жылы Қазақстан 8-сынып оқушыларының компьютерлік және ақпараттық сауаттылығын бағалауға бағытталған, жаңа форматтағы ICILS зерттеуіне қатысып, 2020 жылы жарияланатын ұлттық есепті дайындауда. Ақпарат көзі : https://www.gov.kz/memleket/entities/edu/press/news/details/25260?lang=kk

Бүгін Үкімет үйінде ҚР Премьер-Министрі Б. Сағынтаевтың төрағалығымен Президент Әкімшілігінің басшысы Ә. Исекешевтің қатысуымен Мемлекет басшысының «Қазақстандықтардың әл-ауқатының өсуі: табыс пен тұрмыс сапасын арттыру» Қазақстан халқына арнаған Жолдауында аталған тапсырмаларды орындау мәселелері бойынша ҚР Үкіметінің кеңейтілген отырысы өтті. Премьер-Министр Бақытжан Сағынтаев отырысты аша отырып, Мемлекет басшысының бүгін жарияланған Жолдауы халық арасында үлкен қолдауға ие болып жатқанын айтты. Үкіметтің негізгі міндеті — таяу келешекте аталған міндеттерді іске асыру; өңірлерге бөлінетін қаражаттардың жеткілікті көлемі; қажетті шешімдерді жылдам қабылдау. Халық бүгін аталған тапсырмалардың орындалуын күтпеуі керек, халық атқарылған жұмыстың нәтижесін көруі керек.ҚР Президенті Әкімшілігінің басшысы Ә. Исекешев Мемлекет басшысы өз Жолдауында Үкімет қызметінің басты басымдығы ретінде қазақстандықтардың әл-ауқатын анықтағанын еске салды. Ол екі құрамдауыштан тұрады: халық кірісінің өсімі мен әлеуметтік қызметтер сапасынан, өмір сүруге жайлы орта мен қауіпсіздіктен тұратын өмір сапасының артуы. Бұдан өзге, Президент қыс мезгіліне, егін жинау науқанына, азық-түлік өнімдері мен көмір бағасының негізсіз өсу жағдайына және қоғамдық-саяси жағдайдан көрінетін қазақстандықтардың көңіл-күйіне қатысты басқа да мәселелерді бақылауда ұстайтын болады.  Өз кезегінде бейінді үкімет мүшелері Мемлекет басшысы алға қойған міндеттерді іске асыру жөніндегі жоспарлары туралы баяндады. Кірістер деңгейін арттыру Ең алдымен халық кірісінің деңгейін арттыру шаралары қабылданады. Мәселен, 2019 жылғы 1 қаңтардан бастап ең төмен жалақы 1,5 есеге арттырылып, 28 мың теңгеден 42,5 теңгені құрайтын болады. Бұның нәтижесінде 1,3 млн азаматтың еңбекақысы өседі. Бұдан өзге, 275 мың азаматтық қызметкердің еңбекақысы орта есеппен 35%-ға арттырылады. Бұл білім беру және денсаулық сақтау саласының қызметкерлері. Еңбек және халықты әлеуметтік қорғау министрі М. Әбілқасымова Мемлекет басшысының ең төмен жалақы мөлшерін 1,5 есеге 42,5 мың теңгеге дейін арттыру бойынша тапсырмасын орындау мақсатында 2019 жылғы 1 қаңтардан бастап «2019–2021 жылдарға арналған республикалық бюджет туралы» ҚР заңының жобасына тиісті өзгерістер енгізілетінін айтты.«Ең төменгі жалақы мөлшерін айқындау әдістемесі өзгеретін болады, ол ең төменгі күнкөріс деңгейіне байланыспайды. Мемлекет басшысының тапсырмасына сәйкес 2019 жылғы 1 қаңтардан бастап бюджеттік ұйымдарда жұмыс істейтін 275 мың азаматтық қызметкердің еңбекақысы арттырылады. Олар үшін жалақы өсімі орта есеппен 35% құрайды», — деді М. Әбілқасымова.Бұдан өзге, ең төменгі жалақының артуына байланысты жұмыспен қамтылған халықтың салық жүктемесі азайып, барлық жалдамалы жұмыскерлердің табысынан салықтық шегерімдер ұлғаяды. 6 млн-нан астам жалдамалы қызметкердің салық жүктемесі төмендетіледі. Жалпы алғанда, ең төменгі жалақының өсуі экономиканың барлық секторларында төмен жалақы алатын 1,3 млн адамның еңбекақысының өсуіне әкеледі. Білім беру сапасын арттыру  Аталған салаларда жұмсалатын шығындардың тиімділігін арттыруға ден қоя отырып, білім беру мен денсаулық сақтауды мемлекеттік қолдау шараларын кеңейту жөніндегі жұмыстар жалғасады. Президент 5 жыл ішінде білім, ғылым, денсаулық сақтау салаларына барлық көздерден жұмсалатын қаражатты ішкі жалпы өнімнің 7,4%-дан 10%-ға дейін жеткізу туралы міндет қойды. Бұдан өзге, педагогтердің мәртебесін арттыру, жаңа мектептер салу, сондай-ақ, учаскелік медицина қызметкерлерінің еңбекақысын 20%-ға біртіндеп арттыру, денсаулық сақтау саласын цифрландыру және Астанада жаңа ғылыми онкологиялық орталықты салу шаралары қабылданады. Білім және ғылым министрі Ерлан Сағадиев мектеп және мектепке дейінгі білім беру сапасын түбегейлі жақсарту үшін ҚР БҒМ әкімдіктермен бірлесе отырып, мектепке дейінгі білім беретін тәрбиешілердің біліктілігін арттыру және бірыңғай біліктілік талаптарын енгізуді қамтитын Жол картасын дайындайтынын айтты.«Мектепте бұл іс басталып кетті. Биыл ұлттық біліктілік сынағы енгізілді. Аттестациялау нәтижесінде 34 мыңнан астам мектеп мұғалімі сәйкес біліктілік санаттарына ие болды. Бұл ұстаздарға қосымша төлем 2018 жылдың 1 қыркүйегінен бастап төленіп жатыр. Жалпы, қосымша төлем мұғалім санатына қарай 30%-дан 50% аралығында өзгереді», — деді білім және ғылым министрі.Білім беру саласы кесте бойынша халықаралық стандарттарға көшіп жатыр. 2019–2020 жылдары барлық бағалау жүйесі PISA, SAT, AST стандарттарына көшірілмек.Бұдан өзге, мектептердегі оқушы орнының тапшылығын азайту жұмысы жалғасын табады. Балалардың қауіпсіздігін қамтамасыз ету үшін мектептер мен балабақшаларды 100% бейнебақылау камераларымен қамту шаралары қолға алынады. Шамамен 4 мың бейнебақылау камерасы сатып алынбақ. Мемлекет басшысының тапсырмасына сәйкес, «Педагог мәртебесі туралы» заң әзірленеді. Заңда педагогтың әлеуметтік мәртебесін көтеретін стимулдар, оқу жүктемесін азайту, қажетсіз тексерістерді азайту мәселелері көрініс табады. Сондай-ақ, Е. Сағадиев жоғары оқу орындарында оқыту сапасына қойылатын талаптар әрі қарай күшейетінін жеткізді. Медициналық қызмет көрсету сапасын арттыру Медициналық қызметтерді ұсынудың маңызды буыны — емханалар мен амбулаториялар деңгейіндегі алғашқы көмек. Денсаулық сақтау министрі Е. Біртанов халыққа медициналық қызмет көрсету сапасын жақсарту мақсатында барлық учаскелік медицина қызметкерлерінің жалақысы сатылай 20%-ға артатынын айтты. Яғни, бұл — 10 мыңнан аса учаскелік дәрігер мен 30 мың медбикенің жалақысы жаңа әдістерді меңгеру деңгейіне қарай келесі жылдың соңына дейін өседі деген сөз. Бұл мақсатқа 5 млрд теңге бөлінеді. Бұл медициналық көмектің сапасын жақсартуға, негізгі аурулар кезінде асқынулар мен ауруханаға жатқызу санын азайтуға, сондай-ақ балалар мен жүкті әйелдерге сапалы медкөмек көрсетуге мүмкіндік береді.  Сонымен қатар, биыл қағазсыз денсаулық сақтау жүйесіне көшу бойынша пилоттық жоба аяқталуда. Жоба пилоттық ұйымдардың 92%-ында жүзеге асты. Мемлекет басшысының тапсырмасын іске асыру аясында 2019 жылдың 1 қаңтарынан бастап барлық емханалар мен ауруханалар толығымен қағазсыз медициналық құжаттармен жұмыс істейтін болады. Бұдан басқа, 2020 жылға қарай халықтың 100%-ы электронды паспортпен қамтылады. Мемлекет басшысының тапсырмасы бойынша Астанадағы Ұлттық ғылыми онкологиялық орталықтың жаңа тұжырымдамасы әзірленді. Орталық құрылысы Астанадағы қолданыстағы медициналық кластер нысандарының бірінде тұрғызылмақ. Бұл орталықты болашақта Медицина мектебі мен Назарбаев университетінің ғылыми орталықтарымен интеграциялауға мүмкіндік береді. Онда онкологиялық ауруларды анықтау мен емдеуге, оның ішінде ядролық медицинада, протон терапиясында, радиохирургияда, жасушалық иммунотерапияда қолданылатын заманауи технологияның бәрі болмақ. Құрылыс жұмыстары биыл басталады. Индустрияландырудың жаңа жолдары Мемлекет басшысының азаматтардың әл-ауқатын жақсарту жөніндегі тапсырмалары тікелей жалақыны өсірумен ғана шектелмейді. Мультипликативтік әсер есебінен экономикалық өсімнің болуы да халықтың атаулы табысының өсуіне ықпал етеді. Осылайша, Үкімет ұзақмерзімді перспективада ЖІӨ өсімінің негізгі құрамдас бөлігі ретінде шикізаттық емес экспортты дамытуға қосымша ынталандыруды қамтамасыз етеді. Өңдеу өнеркәсібінің экспортқа бағытталған тиімді өндірушілерін мақсатты қолдауға көшу жүзеге асырылатын болады. Инвестициялар және даму министрі Жеңіс Қасымбек экономикаға қосылған құнды одан әрі ұлғайту, экспортқа бағытталған өндірістік процестерді арттыру, адам әлеуетін және өмір сүру сапасын жақсартып, аймақтық және жаһандық тұрғыда ел экономикасының интеграциялануы жайлы баяндады.Индустрияландыру жұмысын жандандыру үшін қысқа және ұзақ мерзімді жаңа тәсілдер жасалды. Тауарлардың шығарылған қоржынын одан әрі «күрделендіру» және сыртқы нарықтарға шығу ауқымын кеңейту басты басымдық болмақ. Өнеркәсіпті «цифрлық дәуірге» дайындау үшін қажетті инфрақұрылым мен стандарттар, «модельдік зауыттар» құрылады. Өнеркәсіпті цифрландыру біздің кәсіпорындардың өнімділігі мен бәсекеге қабілеттілігінің негізгі құраушыларының бірі болады. Сондай-ақ, экспорттаушыларға кешенді қаржылық және жалпылай қолдау көрсету ісі нығаяды. Алдағы үш жылда бұл мақсатқа 500 млрд теңге бөлінеді. Экспортты қолдаудан күтілетін әсерлер арасында: шикізаттық емес экспорттың 2022 жылға дейін 1,5 есе өсуі, 2022 жылға қарай шикізаттық емес экспорттың ЖІӨ-нің өсуіне жылдық үлесі 5 п.т. дейін ұлғаяды, сондай-ақ экспортқа бағытталған кәсіпорындар санының өсуі (450-ге дейін). Сапалы және қолжетімді тұрғын үй Президент Жолдауында айтылған тұрғын үй құрылысын дамытуды қолдау туралы тапсырмаларын орындау көптеген азаматтарға өздерінің өмір сүру жағдайларын едәуір жақсартуға мүмкіндік береді және ел экономикасын дамытуға қосымша серпін береді. Бұл — жаңа жұмыс орындарының құрылуы және құрылыс саласының дамуы, отандық индустрия және тиісті салалардың дамуы (жиһаз, тұрмыстық техника, жабдықтар шығару). Сапалы және қолжетімді тұрғын үймен қамтамасыз ету мақсатында «Нұрлы жер» мемлекеттік бағдарламасы аясында алдағы бес жылда 650 мыңнан астам (76,6 млн шаршы м) тұрғын үй салу жоспарланып отыр. Бұл — шамамен 2 млн адамды тұрғын үймен қамтамасыз етеді. Алдағы бес жылда «7–20–25» бағдарламасы аясында шамамен 103 мың адам тұрғын үй иесі атануы мүмкін. Осы бағдарлама аясында әкімдіктерге жергілікті бюджеттен бастапқы жарналарды ішінара субсидиялау механизмін әзірлеу тапсырылды. Яғни, жас отбасылар мен бюджеттік саланың қызметкерлеріне бастапқы жарнаның жартысын өтеу үшін әлеуметтік көмек көрсетіледі. Бұдан басқа, «Тұрғын үй құрылыс жинақ банкі» жүйесі арқылы 71 мың әскери және құқық қорғау органдары қызметкерлерін үймен қамтамасыз етуге арнайы ипотекалық бағдарлама іске қосылды. Министр Ж. Қасымбектің айтуынша, мемлекеттік қаражатқа 20 мың жалға берілетін және 56 мың несиелік тұрғын үй салынады. Сонымен қатар, Мемлекет басшысының алға қойған міндеттерін жүзеге асыру үшін Үкімет жалға берілетін тұрғын үй құрылысын қаржыландыруды 25 млрд теңгеден 35 млрд теңгеге дейін ұлғайтады. Сондай-ақ, Үкімет салынып жатқан үйлерді желілерге қосу үшін инженерлік-коммуникациялық инфрақұрылымға 100 млрд теңгеге дейін қаржы салу мәселесін қарастыруда. Бөлінген қаражат ауылдардың 80%-ын сапалы сумен қамтамасыз етеді және ауыл халқының өмір сүру сапасын жақсартады. Бизнес және инвестициялық ахуалды жақсарту Үкімет Мемлекет басшысының бизнес-ортаны жақсартуға байланысты тапсырмаларын толық әрі уақытылы орындау жөнінде шаралар қабылдайды. Ұлттық экономика министрі Тимур Сүлейменов Үкімет отырысы барысында «Бизнестің жол картасы–2020» мемлекеттік бағдарламасын одан әрі іске асыру үшін жыл сайын шағын және орта бизнесті дамыту аясында қосымша 30 млрд тг қарастырылатын болады деді. Қазірге дейін 4 мың жобаны қамтитын жаңа пул жасалды. Субсидиялар тікелей «Даму» КДҚ операторы арқылы берілетін болады.Жаңа жобаларды қолдау қосымша 22 мыңға жуық жұмыс орнын құруға және 3 трлн теңгеге өнім шығаруға мүмкіндік береді. Т. Сүлейменовтың айтуынша, бәсекелестікті дамыту мен монополияға қарсы жұмыс бойынша ТКШ тұрғысынан ұсыныстар Парламент қарауында жатқан (ҚР ИДМ заң жобасы) ТКШ мәселелері жөніндегі заң жобасы аясында іске асырылады. ҚР ҰЭМ көлеңкелі айналымды жоюға қатысты ERP-жүйелерді және «кэшбектерді» пайдалану, қолма-қол ақшасыз төлемдерді ескермеу бойынша бірқатар түзетулер әзірледі. Жыл соңына дейін бизнес ортаны дамыту мен сауда қызметін реттеуді жетілдіру жөніндегі заң жобасы аясында шағын және орта бизнес үшін «салық амнистиясын» жүргізу бойынша қажетті өзгерістер ескерілетін болады. Агроөнеркәсіп кешенін дамыту Үкімет Мемлекет басшысының еңбек өнімділігін және өңделген өнім экспортын 2,5 есеге арттыру туралы тапсырмаларын орындау бойынша жұмыстарды қолға алды. Осылайша, Агроөнеркәсіптік кешенді дамытудың өзектілендірілген мемлекеттік бағдарламасы аясында саланың бәсекеге қабілеттілігін арттыру және оны технологиялық қайта жарақтау бойынша қажетті шаралар қабылданатын болады. Осы мақсаттарға қосымша жыл сайын кемінде 100 млрд теңге бөлініп отырады, бұл агроөнеркәсіптік кешен алдына қойылған міндеттерді толық іске асыруға мүмкіндік береді. ҚР Премьер-Министрінің орынбасары – ауыл шаруашылығы министрі Өмірзақ Шөкеев Мемлекет басшысының Жолдауындағы бастамалар мемлекеттің агросектордағы рөлін жаңа сапалы деңгейге шығаратынын атап өтті.«Бүгінде мемлекет тарапынан агросекторды мемлекеттік қолдау іс жүзінде бюджетте қарастырылған қаржылардан тұрады – 240 млрд теңге және көктемгі егіс жұмыстарына – 60 млрд теңге. Бүгін Мемлекет басшысы Үкіметке жыл сайын республикалық бюджеттен 100 млрд теңге және Ұлттық банктен бөлінетін 600 млрд теңгеден ауыл шаруашылығы квотасына 200 млрд теңге бөлуді тапсырды. Яғни, ауыл шаруашылығы саласына көрсетілетін мемлекеттік қолдау екі есеге артуда», — деді Ө. Шөкеев.Ө. Шөкеев енді АШМ алдында тұрған міндет осы қаражаттарды тиімді пайдаланып, басқа ресурстардың секторға жұмылуының қозғаушы күші ретінде әрекет етуінде екенін атап өтті. Яғни, осы 300 млрд теңге АӨК саласына көптеп қаражат тартуы керек. Бұл үшін Мәжіліс депутаттарымен бірге жаңа қаржы құралдарын қарастыратын заңнамалық актілерге түзетулер әзірленді. Бұл — аграрлық қолхаттарды енгізу, аграрлық сақтандыруды жетілдіру, сондай-ақ кредиттік серіктестіктер жүйесін дамыту. Осы құралдарды іске асыру үшін заңнамалық актілерге енгізілетін өзгерістер пакеті қалыптастырылды. Ол қазіргі уақытта Парламент Мәжілісінің қарауында. Мемлекет басшысының тапсырмасы бойынша аталған заң жобасын жылдың соңына дейін қабылдау жоспарланып отыр.Субсидиялау жүйесін өзгертуге қатысты жұмыстар жүргізіледі. Тиімсіз субсидиялар қысқартылады. Ал қалған субсидиялар барынша жеңілдетіліп, жылдың соңына дейін толық автоматтандырылады. Реформалау қорытындысы бойынша 54 субсидияның орнына 34 субсидия түрі қалады. Аграрлық ғылым мен білімді бизнестің қажеттіліктеріне бағыттай отырып, реформалау және технологияларды трансферттеу шаралары қолға алынды. Үш бағытта жұмыс істеліп жатыр, олар – білім, ғылым және білім тарату жүйесі. Аграрлық білім берудің сапасын жақсарту мақсатында үш аграрлық оқу орны білікті мамандар даярлау ісіне жұмылдырылып жатыр. Оларға Назарбаев университетінің үлгісімен әлемдік озық жоғары оқу орындарының стандарттары енгізіледі және шетелдік оқу орындарының франшизалары тартылады. Нәтижесінде АӨК субъектілерін1,5-2%-дан 20-25%-ға дейін қамту көзделген. Өңірлерді тұрақты дамыту Мемлекет басшысы елімізді аумақтық дамытудың жаңа тәсілдерін енгізуді тапсырды. ҚР ұлттық экономика министрі Т. Сүлейменов атап өткендей, қазіргі уақытта Министрлік Экономикалық зерттеулер институтымен, сондай-ақ белгілі ғалымдар тобымен бірлесіп, әлемдік тәжірибені зерделей отырып, еліміздің аумақтық-кеңістіктік ұйымдастырылуын жетілдіру жөнінде талдамалық зерттеу жүргізіп жатыр. Аталған зерттеу еліміздің 2030 жылға дейінгі аумақтық-кеңістіктік дамуының жаңа болжамды схемасын әзірлеуге негіз болмақ. Ол 2019 жылғы 1 қыркүйекке дейін Президент Әкімшілігінің қарауына жіберілетін болады. Болжамды схеманы сапалы іске асыру үшін 2019 жылғы 1 қарашаға дейін Өңірлерді дамытудың 2025 жылға дейінгі жаңа бағдарламасы әзірленетін болады. Мемлекет басшысының тапсырмаларын ескере отырып, жергілікті инфрақұрылымды дамыту басымдық болмақ: энергиямен жабдықтау, сумен жабдықтау және су тарту, жергілікті жолдар. 2018 жылы республикалық бюджеттен осы мақсаттарға 332 млрд теңге бөлінді. Өңірлерді дамыту бағдарламасын жүзеге асыру нәтижесінде қалаларда орталықтандырылған сумен жабдықтау – 100%, ауылдардағы орталықтандырылған сумен жабдықтау – 80%-ды құрайтын болады. Аумақтық дамудың жаңа тәсілдері қалалар мен шалғай аудандардағы өмір сүру сапасын арттырады, сондай-ақ өңірлік экономиканың дамуын ынталандырады. Президенттің тапсырмаларын қаржылық қамтамасыз ету Ұлттық экономика министрі Т. Сүлейменов Ұлттық экономика министрлігінде Жолдауда айтылған міндеттерді орындауға қажетті, оны іс жүзінде жүзеге асырудың, қаржылық қамтамасыз етудің тетіктері және заңнамалық шараларға қатысты нақты жоспары бар екенін атап өтті. Соған орай, Мемлекет басшысының Жолдауын іске асыру жөніндегі жалпыұлттық жоспарды әзірлеу жұмыстары басталды. Өз кезегінде қаржы министрі Ә. Смайылов білім беру мен денсаулық сақтау салаларын осы салаларда шығындардың тиімділігін арттыруға баса көңіл бөле отырып, мемлекеттік қолдауды кеңейту бойынша жұмыстар жалғасатынын айтты. Бес жыл ішінде барлық қаржы көздерінен білім беру мен денсаулық сақтауға шығындарды ЖІӨ-нен 7,4%-дан 10%-ға дейін арттыру міндеті жүктелді. Ең төменгі жалақы көлемін өсіруді іске асыруға жыл сайын 96,3 млрд теңге бағытталатын болады. Оның ішінде 85,8 млрд теңге тікелей 275 мың азаматтық қызметкердің жалақысын көтеруге жұмсалады. Ал 10,4 млрд теңгесі — салықтық шегерулердің артуына байланысты өңірлердің табыс бөлігінің шығындарының орнын толтыруға бағытталады. Олар ЖАО-ға мақсатты трансферттер түрінде жеткізіледі. Нәтижесінде, жалпы экономика бойынша жалақыны өсірумен 1,3 млн адам қамтылады. Өңдеу өнеркәсібі мен экспортты қосымша қаржыландыру 500 млрд теңге көлемінде іске асырылады. ШОБ-ты дамытуды мемлекеттік қаржылық қолдаудың жалпы көлемі 2019–2021 жж. 206,4 млрд теңгені құрайды.«Үш жылдық бюджет аясында білімге жұмсалатын шығындарды биыл 456,3 млрд теңгеден 2021 жылы 752,1 млрд теңгеге дейін немесе 65%-ға арттыру жоспарланып отыр. Осы кезеңде денсаулық сақтауға жұмсалатын шығындарды 24%-ға, 1076,2 млрд теңгеден 1339,1 млрд теңгеге дейін өсіру көзделген», — деді Ә. Смайылов.Мемлекет басшысының салық заңнамасының бұзылуы жөніндегі қылмыстық жауапкершіліктің қолданылу шегі бойынша тапсырмасын орындау үшін Қылмыстық кодекстің 3-бабына заңды тұлғалардың бюджетке 20 000 АЕК (48,1 млн тг) бастап 50 000 АЕК (120,2 млн тг) дейінгі көлемдегі салықты және/немесе басқа да міндетті төлемдерді төлеуден жалтаруынан болған зардаптың шекті деңгейін көтеру бойынша өзгерістер енгізілетін болады. Қаржы министрі атап өткендей, салық амнистиясы бойынша Мемлекет басшысы 01.01.2019 ж. бастап шағын және орта бизнес үшін «салық амнистиясын» жүргізуге кірісуді тапсырды.Осылайша, Мемлекет басшысының тапсырмаларын орындауды қаржылай қамтамасыз етуге бюджеттік мүмкіндіктер есептелді. Шығыстардың басқа бағыттарын және бұған дейін қабылданған мемлекеттік міндеттемелерді оңтайландыру қажет емес. Алдағы үш жылда 1 триллион 226 млрд тг қаражат бағытталады. Ұлттық банк төрағасы Д. Ақышев өз баяндамасында Ұлттық банктің бүгін ҚР Президентінің Жолдауында айтылған барлық тапсырмаларды орындайтынына сендірді.«Ұлттық банк Мемлекет басшысының барлық тапсырмаларын орындайды және бағаның тұрақтылығы мен қаржы нарығындағы тұрақтылықты қамтамасыз ету үшін бар күш-жігерін салады. Инфляцияның төмендеуі – бұл несие бойынша мөлшерлемлерді төмендету, халықтың нақты табысын көтеру және экономикадағы барлық шығындарды төмендету үшін басты фактор. Үкіметтің, Ұлттық банк пен жергілікті атқарушы органдардың бірлескен жұмысы биыл инфляцияны белгіленген мақсатты дәлізде ұстап тұруға мүмкіндік береді деп санаймыз», — деді Д. Ақышев.Ұлттық банк төрағасы бағаның өсуіне жол бермеу бойынша жоспарланып отырған шаралар туралы баяндады. Сонымен қатар Д. Ақышев Ұлттық банк «7–20–25» бағдарламасын іске асыру белсенділігін ұлғайтып жатқанын жеткізді. Бағдарлама іске асырыла бастаған екі айдың ішінде банктер 25 млрд теңгеге несиелерді мақұлдаған. Президентке баяндалғандай, қазірге дейін азаматтардың 2 мыңнан астам өтінімі мақұлданды. Отырыс барысында ішкі істер министрі Қ. Қасымов ІІМ жүйесін реформалау жоспарлары туралы баяндады. Ұйымдастырушылық-штаттық құрылымды оңтайландыру, басқарушылық артық буынды және жекелеген басшылық лауазымдарды қысқарту жұмыстары басталды.«Жеке құрамның штат саны қайта қаралатын болады, оларды 10%-ға қысқартуды жоспарлап отырмыз, бұл шамамен 9000 полиция және 1600 – ҚАЖК. Бюджет қаражатының қалыптасқан үнемін қызметкерлердің лауазымдық жалақыларын арттыруға пайдаланамыз», — деді Қ. Қасымов.Ішкі істер министрінің айтуынша, сондай-ақ жол-патрульдік полициясының саптық бөліністері қызметкерлерінің, учаскелік полиция инспекторларының және кәмелетке толмағандар істері жөніндегі учаскелік инспекторлардың тұрғын үйді жалға алуы үшін өтемақы төлеуді қарастыру қажет.Бұдан өзге, реформалау аясында: ІІМ-ді өзіне тән емес функциялардан босату, қылмыстық-атқару жүйесін жаңғырту, азаматтық қорғау органдары құрылымын жетілдіру бойынша шараларды іске асыру көзделген. Бұл жерде мемлекеттік мекемелердің санын 54-тен 20-ға дейін оңтайландыру жоспарда бар. Сапаны арттыру мақсатында ведомстволық білім беру жүйесін реформалау және кадрларды іріктеу жүйесін қайта қарау жоспарланған.«Атамекен» ҰКП басқарма төрағасы А. Мырзахметов отандық кәсіпкерлікті дамыту үшін қажетті жоспарлар мен жүйелік шаралар туралы, Президенттің жаңа Жолдауы аясында қазақстандық тауар өндірушілердің бәсекеге қабілеттілігі мен экспорттық бағдарлануын арттыру шаралары жөнінде айтып берді. Мәселені қарау қорытындысы бойынша Премьер-Министр Бақытжан Сағынтаев бірқатар нақты тапсырмалар берді. Осылайша, Жолдаудың барлық бағыттары бойынша іс-шаралардың жалпы ұлттық жоспары дайындалады. Ұлттық экономика министрлігіне Үкіметке Елбасы жолдауын іске асыру жөніндегі жалпы ұлттық іс-қимыл жоспарын бекіту туралы тиісті қаулы жобасын енгізу тапсырылды. Президенттің әрбір тапсырмасына жекелей жетекші тағайындалуы керек, оны іске асырудың нақты мерзімі белгіленіп, қатаң бақылау жасалуы керек. Енді Мемлекет басшысының Жолдауын өңірлерде түсіндіру жұмыстары басталады. Бұдан өзге, 20 қазанға дейін Жолдауды ақпараттық қолдау мақсатында Үкімет мүшелерінің басшылығымен мемлекеттік органдардың және түрлі ұйымдардың өкілдерінен тұратын республикалық ақпараттық топтардың өңірлерге сапарлары жоспарланып отыр. Әкімдер ақпараттық топтармен кездесулерді өткізуге дайындық жүргізуі керек. Ақпарат және коммуникациялар министрлігіне жергілікті атқарушы органдармен бірлесе отырып, орталық және өңірлік бұқаралық ақпарат құралдарында Жолдауға қатысты ақпараттарды жариялау тапсырылды.«Адамдар Мемлекет басшысының алға қойған әрбір тапсырмасының маңыздылығын және оны іске асыру кезеңдерін түсінуі керек», — деді Бақытжан Сағынтаев.https://primeminister.kz/kz/news/zasedanie-pravitelstva-rk/v-pravitelstve-rassmotreli-voprosi-ispoln... Ақпарат көзі : https://www.gov.kz/memleket/entities/edu/press/news/details/25257?lang=kk

Бүгін Үкімет үйінде Премьер-Министр Бақытжан Сағынтаев Германиядан келген сарапшылармен кездесу өткізді, олардың қатарында: Шетелдік инвесторлар кеңесінің жұмыс тобының тең төрағасы, Қазақстан, Қырғызстан, Тәжікстан республикаларындағы КНАУФ компаниясының маркетинг және өткізу жөніндегі директоры Д. Пропп, Орталық Азиядағы Германия экономикасы төрағалығының басшысы, ҚР-дағы Германия экономикасы одағының төрағасы Р. Брайтнер бар.Кездесу барысында кадрларды дайындау мен қайта даярлаудың тиімділігі жоғары бәсекеге қабілетті жүйесін одан әрі жетілдіру, қосарлы білім беруді іс жүзінде енгізу, өндірістегі жетекшілердің біліктілігін арттыру және жалпы Қазақстандағы кәсіптік білім беру жүйесін жаңғырту арқылы Қазақстандағы техникалық және кәсіптік білім беруді дамыту мәселелері талқыланды. Шетелдік сарапшылар Германиядағы кәсіптік білім беру саласындағы тәжірибелерімен бөлісті. Атап айтқанда, Бонн қаласының Кәсіптік білім және оқыту федералдық институтының ғылыми қызметкері Х. Л. Кресс қосарлы білім берудің артықтылықтары, оны еліміздің ұлттық экономикасына енгізу мен оның үлесінің тетіктері туралы айтып берді. Білім және ғылым министрі Е. Сағадиев, еңбек және халықты әлеуметтік қорғау министрі М. Әбілқасымова, инвестициялар және даму министрі Ж. Қасымбек, ұлттық экономика бірінші вице-министрі Р. Дәленов пен «Атамекен» ҚР ұлттық кәсіпкерлер палатасы басқарма төрағасының орынбасары О. Ордабаев атынан қазақстандық қатысушылар Қазақстанда қосарлы білім беруді енгізудің қазіргі жағдайы туралы айтып, кәсіптік білім беруді жаңғырту және жоғары білікті мамандарды даярлаудың жаңа деңгейіне көшудің маңыздылығы мен өзектілігіне тоқталып өтті.Қазақстанда қосарлы білім беру жүйесі 2012 жылдан бастап енгізіліп жатыр. Қазіргі таңда аталған жүйе 80 мамандық пен 165 біліктілік бойынша 31607 студентті қамти отырып, 3055 кәсіпорынның қатысуымен 460 колледжде (70%) (2013 жылы – 176 колледж, 2014 жылы – 280 колледж, 2015 жылы – 348 колледж, 2016 жылы – 421 колледж) енгізілген.https://primeminister.kz/kz/news/all/b-sagintaev-provel-vstrechu-s-nemetskimi-ekspertami-po-voprosam... Ақпарат көзі : https://www.gov.kz/memleket/entities/edu/press/news/details/25255?lang=kk

Кеңес барысында жоғары білім беру сапасын арттырудың жаңа тәсілдері, оның ішінде заманауи бағдарламаларды әзірлеу, түлектерді сертификаттау, академиялық адалдық жүйесін енгізу, ЖОО-лардың білім беру бағдарламаларының рейтингісін жүргізу бағыттарына қатысты мәселелер талқыланды. Еліміздің жаңа экономикасына кадрларды даярлау сапасын арттыру жөніндегі шаралар кешені, сондай-ақ, «Академиялық адалдық лигасы» қауымдастығын құруды және барлық жазбаша жұмыстарға «Антиплагиат» жүйесін жаппай пайдалануды қарастырады. Шарада сөз сөйлеген ҚР білім және ғылым министрі Е. Сағадиев жоғары оқу орындарының білім беру үдерісіндегі қазіргі жағдай туралы баяндап, жоғары оқу орындарының бәсекеге қабілеттілігін, оның ішінде халықаралық деңгейде арттыруға және мамандарды даярлау сапасын жақсартуға бағытталған шаралар кешенін ұсынды. Сондай-ақ, Л. Н. Гумилев атындағы Еуразия ұлттық университетінің ректоры Е. Сыдықов, Әл-Фараби атындағы Қазақ ұлттық университетінің ректоры Ғ. Мұтанов, Халықаралық ақпараттық технологиялар университетінің ректоры Д. Шыныбеков, Абай атындағы Қазақ ұлттық педагогикалық университетінің ректоры Т. Балықбаев, С. Ж. Асфендияров атындағы Қазақ ұлттық медицина университетінің ректоры Т. Нұрғожин, М. С. Нәрікбаев атындағы КАЗГЮУ университетінің ректоры Т. Нәрікбаев, Алматы Менеджмент Университетінің ректоры Г. Қорғанбаева және т.б. өз ұсыныстарын білдірді. Кеңес қорытындысы бойынша ҚР Премьер-Министрі Бақытжан Сағынтаев тиісті мемлекеттік органдарға аталған ұсыныстарды мұқият зерделеуге және осы жылдың соңына дейін бұл мәселе бойынша кезекті кеңесті өткізуге тапсырма берді. Әлемдік және ұлттық тәжірибеде ұсынылатын қызметтердің сапасын мойындаудың жалпы қабылданған рәсімі аккредиттеу болып табылады. Қазақстанда Аккредиттеу агенттіктерінің тізіліміне 8 агенттік кіреді, олардың 5-і — қазақстандық және 3-і — шетелдік. 2018 жылдың қаңтар–маусым айларында білім беру ұйымдарын және білім беру бағдарламаларын аккредиттеу мониторингіне сәйкес 107 ЖОО ұлттық агенттіктерде институционалдық аккредиттеуден өтті, бұл азаматтық ЖОО-лардың жалпы санының 93%-ын құрайды. Мониторинг нәтижесінде 100 қазақстандық ЖОО немесе ЖОО-лардың жалпы санының 87%-ы мамандандырылған аккредиттеуден өтті. Қазақстандық ЖОО-лар әлемдік рейтингтерге белсенді қатысады. Мәселен, 2018 жылы QS WUR рейтингісінде 10 қазақстандық ЖОО анықталған, өткен жылмен салыстырғанда жоғары оқу орындарының саны өскен. Рейтингке қосылған жаңа қазақстандық ЖОО-лар — Қазақ ұлттық аграрлық университеті мен Қарағанды мемлекеттік техникалық университеті. Әл-Фараби атындағы ҚазҰУ 16 позицияға көтеріліп, «Топ-300»-ге кірді. Білім беру жүйесін цифрландыру аясында 21 ЖОО Әл-Фараби атындағы ҚазҰУ базасында бұқаралық ашық онлайн курстарды ілгерілету бойынша консорциум құрды. Цифрлық экономикаға кадрларды даярлау мақсатында пилоттық жоба режимінде іске асырылып жатқан 22 білім беру бағдарламасы әзірленді.https://primeminister.kz/kz/news/all/bakitzhan-sagintaev-provel-soveshchanie-po-voprosam-razvitiya-v... Ақпарат көзі : https://www.gov.kz/memleket/entities/edu/press/news/details/25131?lang=kk

МӘСКЕУ, 2018 жылғы 12 шілде - 2018 жылғы 9-10 маусымда Қытайдың Циндао қаласында болған Шанхай ынтымақтастық ұйымының саммитінде ШЫҰ-ға мүше мемлекеттер басшыларының қол жеткізген уағдаластықтарын жүзеге асыру шеңберінде Ұйымның халықаралық қызметі мәселелері бойынша жоғары деңгейдегі консультациялар өтті.Қазақстаннан іс-шараға ШЫҰ мәселелері бойынша Ұлттық үйлестіруші Ерлан Әлімбаев қатысты. Қазақстандық дипломат халықаралық күн тәртібінің өзекті мәселелері бойынша еліміздің ұстанымдарын жеткізіп, жиналғандардың назарын мүше мемлекеттер басшыларының, оның ішінде Президент Нұрсұлтан Назарбаевтың ШЫҰ аясында жаңа технологиялар мен экономиканы цифрландыру саласында тәжірибемен алмасу бойынша алаң құру, сондай-ақ орнықты даму бойынша Ұйымның тиісті тұжырымдамасын қалыптастыру туралы бастамаларын уақытылы және толықтай іске асыру қажеттілігіне аударды.Шараға қатысушылар алдында сөз сөйлеген Ресей Сыртқы істер министрі Сергей Лавров Шанхай ынтымақтастық ұйымының әлемдегі тартымдылығының артып келе жатқанын, сондай-ақ халықаралық және өңірлік ұйымдармен өзара ықпалдасуының стратегиялық бағыты кеңейгенін атап өтті.Ұйымның сегіз мүше мемлекттер делегацияларының басшылары және ШЫҰ Бас хатшысы Рашид Алимов өз баяндамаларында халықаралық сахнадағы өзара тиімді ынтымақтастықтың тетіктерін әрі қарай жетілдіру үшін барлық тараптардың бірлескен және үйлесімді әрекет етуінің маңызына баса назар аударды.Ақпарат көзі : https://www.gov.kz/memleket/entities/mfa/press/news/details/25091?lang=kk

НЬЮ-ЙОРК, 2018 жылғы 12 шілде - Климаттың өзгеруі жоқшылыққа және азық-түлік қауіпсіздігінің болмауына, заңсыз көші-қонға, әлеуметтік тұрақсыздыққа және қиян-кескі қақтығыстарға әкелуі мүмкін «қауіп-қатердің мультипликаторы» болып табылады. Бұл туралы Қазақстанның Сыртқы істер министрінің орынбасары Ержан Ашықбаев 11 шілдеде БҰҰ Қауіпсіздік Кеңесінде «климаттың өзгеруімен байланысты қауіпсіздіктің тәуекелдері» тақырыбында өткен ашық пікірталастың барысында мәлімдеді.Сыртқы істер министрінің орынбасары өз сөзінде климаттың өзгеру проблемасы бүкіл әлем үшін өзекті мәселе болып табылатынын және маңызды экономикалық, әлеуметтік және экологиялық салдарды қамтитынын атап өтті. Қазақстан жаһандық қауіпсіздік үшін әлемдік қауымдастықпен бірігуге дайын.«Қазақстанның және бүкіл Орталық Азия өңірінің Арал теңізінің құрғауымен байланысты басынан өткізген традегиялық тәжірибесі бар. Бұл экологиялық апат жергілікті тұрғындарға және 60 миллионнан астам адамды қамтыған барлық шекаралас мемлекеттердегі қоршаған ортаға қауіп төндірді», - деді Е. Ашықбаев. Ол Арал теңізі проблемасын шешу үшін қабылданып жатқан шаралар, оның ішінде Халықаралық Аралды құтқару қорының аясында қабылданып жатқан шаралар мен осы жұмыстың оң нәтижелері туралы әңгімеледі.Климаттың өзгеруіне қарсы күрес ел үкіметінің басым міндеттерінің бірі екенін атай отырып, Е.Ашықбаев Қазақстанның 2050 жылға қарай зиянды қалдықтардың көлемін қысқарту бойынша жасап жатқан қадамдарына және жаңартылатын энергия көздеріне толыққанды көшу жоспарларына баса назар аударды. Бұл үдерісте Астана қаласында құрылған Халықаралық «жасыл» технологиялар орталығының маңызы ерекше зор.Швецияның Сыртқы істер министрі Маргот Валльстрёмнің төрағалығымен өткен іс-шараға Науру Республикасының Президенті Барон Вака, БҰҰ Бас Хатшысының бірінші орынбасары Амина Мохаммед, Ирак Су ресурстары жөніндегі министрі Хасан Джанаби және басқалар қатысты.Сонымен қатар, Нью-Йоркте Е. Ашықбаев «Орнықты даму мақсаттарына қол жеткізуге Трансшекаралық су ынтымақтастығының қосқан үлесі» форумында сөз сөйледі. Ол Қазақстанның көрші елдермен, оның ішінде Орталық Азия мемлекеттерімен, Ресей және Қытаймен трансшекаралық өзендерді пайдалану мәселесі бойынша өзара іс-қимыл тәжірибесімен бөлісті, сондай-ақ осы мәселеде халықаралық су құқықтарын жан-жақты зерделеуге және оны қолдануға қолдау білдірді.Сонымен бірге, Қазақстанның СІМ орынбасары ағымдағы жылдың 10-12 қазанында әлемнің барлық елдерінен 400-ден астам үкіметтің, халықаралық үкіметтік емес ұйымдардың өкілдері мен су проблемасы жөніндегі сарапшылардың қатысуымен өтетін БҰҰ Еуропалық экономикалық комиссиясының Су конвенциясына қатысушы тараптардың кездесуіне Астана үлкен мән беретінін мәлімдеді.Ақпарат көзі : https://www.gov.kz/memleket/entities/mfa/press/news/details/25083?lang=kk

Қостанай қаласында Қостанай облысының әкімі Құмар Ақсақаловтың, қала басшылығы мен жауапты салалық мекемелердің қатысуымен қаланы абаттандыру және экологиялық жағдайды жақсарту мәселелері бойынша кеңейтілген отырыс өтті. Күн тәртібіндегі басты мәселе – Мемлекет басшысы Қасым-Жомарт Тоқаев бастамашы болған «Таза Қазақстан» бағдарламасын жүзеге асыру. Бұл бастама елімізде экологиялық мәдениетті қалыптастырудың жаңа стратегиялық бағытына айналды.«Таза Қазақстан – бұл сән үшін жасалған шара емес, бұл – жаңа қоғамдық стандарт. Біз бәрін өз ауламызды тазалаудан, ағашқа күтім жасаудан, жасыл саябақтардан бастауымыз керек. Экологиялық мәдениет – бұл өмір сүру дағдысы болуы тиіс», – деді Құмар Ақсақалов отырысты ашқан сөзінде.Ауқымды абаттандыру жұмыстарыОблыс әкімінің айтуынша, 2025 жылы өңірлік бюджеттің 37%-дан астамы облыс орталығын дамытуға бағытталады. Тек қана қалалық инфрақұрылымды жақсартуға 17,1 млрд теңге бөлінген, бұл өткен жылмен салыстырғанда 50%-ға көп.Қоғамдық кеңістіктерді дамыту – басты назарда. Биыл Қостанайда жалпы аумағы 93,5 гектарды құрайтын 7 саябақ пен 3 сквер абаттандырылуда. Бұрынғы ауыл шаруашылығы институты маңында ауданы 4 гектар болатын отбасылық саябақтың құрылысы басталды. Жұмыстар мешіт аумағын да қамтиды. Сонымен қатар, Құнай шағын ауданында, Притобол паркінде, Орталық скверде және басқа да орындарда жаңа демалыс аймақтары пайда болады. Темірбаев пен Әл-Фараби көшелерінің қиылысында жаңа сквер салынады.«Біз тек саябақ салмаймыз, біз жаңа тартылыс нүктелерін қалыптастырамыз. Ең бастысы – оларды сапалы күтіммен қамтамасыз ету. Бұл – тек коммуналдық қызметтердің емес, бизнестің де, әрбір тұрғынның да ортақ жауапкершілігі», – деді Құмар Ақсақалов.Экология және көгалдандыруКеңесте көгалдандыру мәселесі де кеңінен талқыланды. 2025 жылы облыс бойынша 52,7 мың ағаш отырғызу жоспарланса, соның 3 168-і Қостанай қаласында отырғызылады. Қаладағы көгалдандыру жұмыстарына 970,1 млн теңге қарастырылған, оның бір бөлігі жасыл желектерге күтім жасауға бағытталады.Облыс әкімі ағаштардың сауатты күтімсіз «кронировка» деген желеумен кесіліп жатқанын сынға алып, мұндай тәжірибені тоқтатуды тапсырды. Енді ағаштың тәжін қалыптастыру тек қажет болған жағдайда, мамандардың қадағалауымен ғана жүргізілетін болады. Сондай-ақ, қала шекарасындағы барлық ағаштарды түгендеп, олардың жағдайын бақылап, арнайы күтім жасау үшін жасыл желектерге күтім жасайтын жеке құрылым құру тапсырылды.«Ағаш отырғызу – жақсы іс. Бірақ оны сақтау, күту – нағыз болашаққа қамқорлық. Бізге маусымдық гүлдер емес, көпжылдық, төзімді өсімдіктер қажет», – деді Құмар Ақсақалов.Заманауи аулалар мен балалар инфрақұрылымыБиыл Қостанай қаласының 39 ауласында балалар және спорт алаңдары орнатылады. Бұл мақсатқа 1,3 млрд теңге бөлінген. Барлық алаңдар қауіпсіздік талаптарына сай, сапалы материалдардан жасалады.«Қазіргі заманғы аула – тек ойын алаңы емес. Бұл – көршілер араласатын, балалар ойнайтын өмір орталығы. Онда жайлылық пен қауіпсіздік басты орында болуы тиіс», – деді облыс әкімі.Қалалық тәртіп – баршаға ортақ міндетКеңесте кәсіпорындар, мекемелер мен сауда нысандары маңындағы аумақтарды күтіп-ұстау мәселелері де көтерілді. Құмар Ақсақалов Костанай облысы елді мекендерінің абаттандыру ережелеріне өзгерістер енгізуді, бизнес субъектілерінің жауапкершілік аумағын тротуарлар мен жолдарға дейін кеңейтуді тапсырды.Сонымен қатар, қалдықтарды, құрылыс және ірі габаритті қоқысты шығару мәселесі де қаралды. Аталған сала кәсіпкерлік үшін бос тұрған перспективалы бағыт ретінде қарастырылуда. Қазірдің өзінде қалада пластик, резеңке, қағаз өңдейтін 5 кәсіпорын жұмыс істеп жатыр. 2026 жылы 7 млрд теңгеге қағаз қалдықтарын терең өңдейтін инвестициялық жоба басталады.Қаланың тазалығына бақылау күшейтіледі. Қала аумағы учаскелерге бөлініп, әр учаскеге нақты жауапты ұйымдар бекітіледі. Арнайы штаб тұрақты мониторинг жүргізеді. Контейнерлік алаңдарға бейнебақылау камераларын орнату арқылы бақылау жүйесі енгізіледі.«Экологиялық мәдениет – бұл жылына бір рет сенбілікке шығу емес. Бұл – күнделікті таңдау, өмір салты. Тек қана тәртіпке деген нөлдік төзімділік бізді нағыз тәртіпке жеткізеді. «Таза Қазақстан» – бұл біздің ұрпағымызға қалдыратын мұрамыз. Біз олар өз қаласымен мақтанатындай етіп жұмыс істеуіміз керек», – деп түйіндеді Құмар Ақсақалов.Ақпарат көзі : https://www.gov.kz/memleket/entities/kostanay/press/news/details/974855?lang=kk

Қызылордада ҚР Президентінің кеңесшісі Мәлік Отарбаевтың, облыс әкімі Нұрлыбек Нәлібаевтың қатысуымен «Ұлттық құрылтай: алдағы мақсаттар мен міндеттер» атты дөңгелек үстел өтті.Аймақ басшысы өңірдің әлеуметтік-экономикалық даму барысына тоқталып, Ұлттық құрылтайдың кезекті отырысын 2026 жылы Сыр өңірінде өткізудің маңыздылығын атап өтті.«Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиында қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің өңірімізде атқарылып жатқан жұмыстарға берген оң бағасы деп білеміз», - деді Н.Нәлібаев. Мемлекет басшысының, Үкіметтің ерекше қолдауымен Сыр өңірі байыпты бастамалардың, жасампаз жобалардың ордасына айналды. Өңір барлық негізгі макроэкономикалық көрсеткіштер бойынша республикада алдыңғы қатарда. Облыс бюджеті 750 млрд теңгеден асты. Осыдан үш жыл бұрын 364 млрд теңге болатын. Бірлескен жұмыстың нәтижесінде өсім 206 пайызды құрады. Бұл ауқымды қаражат ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға бағытталды. Мемлекет басшысының тікелей қолдауымен Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы салынуда. Бүгінде инвестор «Акса Энерджи» түрік компаниясы құрылысқа 137 млрд. теңгеден астам инвестиция құйып, жұмыстың 70 пайыздан астамын аяқтады. Қыркүйек айында аймақ үшін ерекше маңызы бар нысан ел игілігіне беріледі. Президент тапсырмасына сәйкес, оңтүстік өңірлерде электр энергиясының тапшылығын болдырмау мақсатында Катарда өткен үкіметаралық келісім шеңберінде қуаттылығы 1100 МВт, құны 892 млрд теңге болатын бу-газ қондырғысын салу келісілді. Мегажоба 2028 жылы толығымен іске қосылады деп жоспарлануда.Жиында ҚР Президентінің кеңесшісі Мәлік Нұржанұлы сөз сөйледі. Қазақстанның Еңбек Ері Абзал Ералиев, Қазақстанның еңбек сіңірген қайраткері, Ұлттық ғылым академиясының академигі, Ұлттық құрылтай мүшесі Қылышбай Бисенов, Қорқыт ата атындағы Қызылорда университетінің ректоры Бейбіткүл Кәрімова, көпбейінді қалалық аурухананың бас дәрігері Нуридин Амитов, “Анаға тағзым” орталығының директоры Алтынай Молжанова пікір білдірді. Ақпарат көзі : https://www.gov.kz/memleket/entities/kyzylorda/press/news/details/974612?lang=kk

Алматы облысының әкімдігінде Нидерланд Корольдігінің Ауыл шаруашылығы, балық шаруашылығы, азық-түлік қауіпсіздігі және табиғатты пайдалану министрлігінің өкілдерімен кездесу өтті. Кеңес Алматы облысының әкімі Марат Сұлтанғазиевтің төрағалығымен өтті.Өзінің кіріспе сөзінде өңір басшысы Қазақстан мен Нидерланд арасындағы серіктестік қатынастардың маңыздылығын атап өтіп, ауыл шаруашылығы саласындағы өзара іс-қимылдың перспективаларын ерекше атап өтті. Ол өңірдің заманауи технологияларды енгізуге, инвестиция тартуға және шетелдік мамандармен білім алмасуға дайын екенін жеткізді.Қазақстан тарапынан кездесуге қатысты:Азат Сұлтанов — ҚР Ауыл шаруашылығы вице-министрі,Ұлбосын Сарыбаева — «Kazakh Invest» компаниясының өкілі,Жандәулет Жанбырбаев — ҚР Ауыл шаруашылығы министрлігі егіншілік департаменті директорының орынбасары,сондай-ақ облыс әкімдігінің салалық басқармаларының өкілдері.Нидерланд тарапынан:Ян-Кейс Худ — министрліктің бас хатшысы,Сара Виссерс Равичандран — аға саяси кеңесші,министрлік кеңесшілері, сондай-ақ Нидерландтың Қазақстан мен Ресейдегі елшілігінің дипломаттары қатысты.Кездесу Қазақстан мен Нидерланд арасында дипломатиялық қатынастардың орнағанына 33 жыл толуына орай ұйымдастырылып, іскерлік ынтымақтастықтың тереңдеп келе жатқанын көрсетті.Марат Сұлтанғазиев өңірдің жетістіктерімен таныстырды: Алматы облысы еліміздің жалпы ауыл шаруашылығы өнімінің 8%-ын өндіреді, 100-ден астам елмен сыртқы сауда байланыстарын дамытып келеді, ал жалпы өңірлік өнім көлемі бойынша елімізде оныншы орыннан бесінші орынға көтерілді.Кездесу барысында келесі бағыттар қамтылды: тұрақты егіншілік, су ресурстарын басқару, инновациялар мен кәсіби оқыту. Бірлескен бастамаларды іске қосу, оның ішінде кәсіпорындар мен білім беру бағдарламаларын құру жоспары айтылды.Жиында сөз сөйлеген Ян-Кейс Худ жылы қабылдау үшін алғыс білдіріп, азық-түлік қауіпсіздігі, ауылдық аумақтардың тұрақты дамуы мен агроинновацияларды енгізу салаларындағы әріптестікті дамытуға ниетті екенін жеткізді.2024 жылдың қорытындысы бойынша облыс пен Нидерланд арасындағы өзара сауда көлемі 39 миллион АҚШ долларын құрады. Өңірде Нидерланд капиталының қатысуымен 9 кәсіпорын жұмыс істейді. Екі тарап та ынтымақтастықты тереңдетуге және жаңа инвестициялық жобаларды іске асыруға ниетті екендерін растады.Сапар аясында делегация LST Agro, FRUT ART және Ospanova Development ауыл шаруашылығы кәсіпорындарына барды. Мұнда заманауи жұмыс тәсілдері мен өндірістік қуаттар таныстырылды.Бұл кездесу екіжақты ынтымақтастықты кеңейту жолындағы маңызды қадам болды. Қол жеткізілген келісімдер агроөнеркәсіптік кешенді жаңғыртуға серпін беріп, өңірдің экспорттық әлеуетін нығайтуға және Қазақстанның ауылдық аумақтарының тұрақты дамуына үлес қосады деп күтілуде.Ақпарат көзі : https://www.gov.kz/memleket/entities/almobl/press/news/details/974523?lang=kk

ВАШИНГТОН, 2018 жылғы 25 шілде - АҚШ Мемлекеттік хатшысы Майкл Помпеоның шақыруымен Сыртқы істер министрі Қайрат Әбдірахманов Діни сенім бостандығын насихаттау жөніндегі бірінші министрлік конференцияға қатысу мақсатында Вашингтон қаласына келді.Конференция қарсаңында, яғни 25 шілдеде Қ.Әбдірахманов АҚШ Мемлекеттік департаментінің басшылығымен, соның ішінде Мемлекеттік хатшының бірінші орынбасары Джон Салливан және 1990-шы жылдардың екінші жартысында АҚШ сенаторы ретінде Жібек жолы стратегиясы форматында ынтымақтастықты дамытуға қатысты бастама көтерген, Діни бостандық жөніндегі елшісі Сэм Браунбэктың қатысуымен бірқатар кездесулер өткізді.Дипломаттар Қазақстан-АҚШ қатынастары жоғары қарқынмен дамып отырғанын, сондай-ақ Президент Нұрсұлтан Назарбаевтың 2018 жылғы қаңтардағы Вашингтонға жасаған ресми сапарының қорытындысы бойынша қол жеткізілген уағдаластықтардың жүзеге асырылу барысын атап өтті. Тараптар Қазақстан мен АҚШ арасындағы саяси және сауда-экономикалық ынтымақтастықты кеңейтуге ерекше назар аударды.Сол күні Министр Қ.Әбдірахманов американдық жетекші компаниялар мен корпорациялардың басшылығымен кездесіп, оларды Қазақстанда бүгінгі күні бизнес жүргізу үшін жасалып жатқан жаңа қолайлы жағдайлармен таныстырды. Келісімдердің жоғары деңгейде, Қазақстан және АҚШ Президенттері арасында табысты жүзеге асырылуы арқасында, іскерлік белсенділіктің, сонымен қатар Қазақстан экономикасына американдық инвестициялардың келуінің артқаны атап өтілді.Министр Мемлекет басшысының жүргізіп отырған қазақстандық экономиканы әртараптандыру саясатын ескере отырып, ірі жоғары технологиялық жобаларды іске асыру үшін, оның ішінде өңдеу өнеркәсібі, көлік инфрақұрылымы, ауыл шаруашылығы, байланыс және IT-технологияларды дамыту салаларында америкалық тәжірибе мен капиталды ауқымды түрде тартуға Қазақстан қызығушылық танытып отырғанына назар аударды. Осы және басқа да көптеген жобалар қазақстандық ресми тұлғалардың АҚШ-қа және америкалық сауда миссияларының Қазақстанға жасайтын алдағы сапарлары барысында әзірленіп іске асырылатын болады.Ақпарат көзі : https://www.gov.kz/memleket/entities/mfa/press/news/details/24475?lang=kk

Алматыда мектептегі білім берудің болашағына арналған халықаралық конференция өтті: менторлық, технологиялар және тең мүмкіндіктерХалықаралық ақпараттық технологиялар университетінде (IITU) «Мектептегі тиімді білім беру: менторлық, технологиялар және тең мүмкіндіктер» атты халықаралық ғылыми-практикалық конференция өтті. Іс-шара Қазақстан Республикасының Ғылым және жоғары білім министрлігінің қолдауымен, сондай-ақ Халықаралық ақпараттық технологиялар университеті (IITU), БҰҰ Балалар қоры (ЮНИСЕФ) мен Akelius Foundation қорының қатысуымен ұйымдастырылды.Конференция гибридті форматта өтіп, офлайн және онлайн режимде сарапшыларды, педагогтарды, зерттеушілерді және білім беру ұйымдарының өкілдерін біріктірді. Іс-шара қазіргі заманғы мектептегі білім беру жүйесінің цифрландыру, миграциялық үдерістер және инклюзивті тәсіл жағдайында тап болатын негізгі сын-тегеуріндері мен мүмкіндіктерін талқылауға арналған маңызды алаңға айналды.Конференция аясында қатысушылар тілдік сауаттылық, цифрлық шешімдер және тиімді менторлық тәжірибелерге қатысты практикалық және стратегиялық мәселелерді қарастырды. Ерекше назар IITU мен ЮНИСЕФ-тің 2021 жылдан бері жүзеге асырып келе жатқан Akelius жобасына аударылды. Жоба миграциядан зардап шеккен балалардың цифрлық дағдылары мен тілдік сауаттылығын дамытуға бағытталған және білім берудегі инновациялық үлгі ретінде өзінің тиімділігін дәлелдеді.IITU ректоры, профессор Асылбек Исахов конференцияның ашылуында сөйлеген сөзінде былай деп атап өтті:«Қазіргі заманғы білім беру – бұл жай ғана білім беру үдерісі емес, ол мәдениеттерді біріктіретін және тең мүмкіндіктерді қамтамасыз ететін қуатты құрал. Akelius жобасы – технологиялардың білім беру ортасын қалай өзгертіп, оны қолжетімді әрі инклюзивті ете алатынының жарқын мысалы».Конференция жоғары оқу орындары, мектептер және халықаралық ұйымдар арасындағы ынтымақтастықты тереңдетуге бағытталған жаңа әдістемелер мен цифрлық шешімдерді әзірлеуде маңызды қадам болды.Ұйымдастырушылар конференция қорытындылары Қазақстанда және одан тыс жерлерде мектептегі білім сапасын арттыруға, сондай-ақ жаңа әріптестікке, жобалар мен бастамаларға жол ашатынына сенім білдіреді.Ақпарат көзі : https://www.gov.kz/memleket/entities/sci/press/news/details/974211?lang=kk

Сағадат Нұрмағамбетов атындағы Құрлық әскерлері әскери институтының салтанатты есептобына ең лайықты деген курсанттар іріктелді.Ұлы Отан соғысындағы Жеңістің 80 жылдығы мен Отан қорғаушылар күніне арналған әскери шеруге қатысу үшін әскери институттың 127 курсанты мен екі офицері Астанаға келді. Оқу орнының саптық плацында үш ай бойы күн сайын қарқынды жаттығулар өткізілді. Енді саптық тәсілдерді одан әрі шыңдау елорданың жаттығу алаңдарында жалғасады. Әрбір курсант әскери шеруге қатысуды болашақ офицердің өміріндегі маңызды кезең екенін жақсы түсінеді. Бұл жай ғана жаттығу немесе кәсіби дайындықтың көрінісі емес. Еліміздің бас алаңында әскерлердің салтанатты сап түзеуі Ұлы Отаны соғысы майдандарында ерліктің ерен үлгісін көрсеткен ата-бабаларымызға құрмет болмақ.Мәселен, курсанттар Руслан Дарханов пен Алмас Айтқанның аталары Дархан Мыңбаев пен Оразай Мұсақов майдангерлер. Бірі Украина, енді бірі Калинин майданында соғысқан. Екеуі де бүгінгі тарихи оқиғаға қатысу мүмкіндігін иеленгенін ерекше мақтан етеді.Құрлық әскерлері әскери институты 3-батальонының командирі подполковник Жасұлан Сейітқазин екінші, үшінші курс курсанттары Жеңіс шеруіне қатысушылар ретінде оқу орнының тарихына енеді деп есептейді. Ол қарамағындағылар өз міндеттерін сәтті орындайтынына сенімді, өйткені Жеңіс шеруіне қатысу – көптің арманы.Ақпарат көзі : https://www.gov.kz/memleket/entities/mod/press/news/details/974118?lang=kk

Теміржолшылардың мәдениет сарайында майдангер Григорий Петрович Степенконың ғасырлық мерейтойына арналған салтанатты іс-шара өтті. Мерейтой иесін құттықтауға Қарағанды облысы қорғаныс істері жөніндегі департаментінің әскери қызметшілері, жергілікті атқарушы органдардың өкілдері, ауған жауынгерлері, сондай-ақ қала мектептері мен колледждерінің оқушылары келді.Қорғаныс істері жөніндегі департамент бастығының орынбасары подполковник Еркебұлан Мұстағұлов ардагерге арнап сөз сөйлеп, Қорғаныс министрінің атынан құттықтау хатын тапсырды.– Жанымызда тарихтың тірі куәгерінің жүруі біз үшін үлкен мәртебе. Келер ұрпақ  үшін сіз батылдықтың үлгісісіз. Аға буын бостандыққа жету үшін аянған жоқ. Сізді мерейтойыңызбен шын жүректен құттықтаймын және зор денсаулық, ұзақ өмір, рухани байлық тілеймін, – деді подполковник Еркебұлан Мұстағұлов.Іс-шара аясында мерекелік концерт өтті. Жүрекке жылы алғыстар, бейбітшілік пен амандық тілеген сөздер айтылды. Мерейтой иесіне гүлдер, естелік сыйлықтар беріліп, жеңіске қосқан үлесі үшін ризашылықтарын білдірді. Григорий Петрович жас ұрпаққа аманатын айтты.– Қашанда өздеріңе және ел қорғауда мықты болыңдар. Бейбітшілік үшін құрбан болғандарды, өткен тарихты ұмытпай, құрмет көрсетіп, абыроймен өмір сүріңдер. Бұл жеңіс бізге қандай күреспен келгенін білеміз және жадымызда сақтаймыз, - деді қария. Григорий Петрович Степенко 1925 жылы 10 сәуірде Воронеж облысының Нижний Ровинка ауылында дүниеге келген. 1943 жылы Павлодар облысының Лозов аудандық әскери комиссариатынан қызыл әскер қатарына алынды. 2-ші Украина майданында пулеметші ретінде алғаш майданға аттанды. Ол Курск-Орловск доғасындағы шайқастарға, Белгород, Орел, Харьков, Курск, Кенигсберг және Варшаваны азат етуге, Днепрдегі соғысқа да қатысты.Содан кейін Байкал әскери округы 39-армиясы 19-шы гвардиялық атқыштар дивизиясы 56-шы гвардиялық атқыштар полкінің құрамында Қиыр шығыстағы Жапон әскерлерін талқандауға қатысты.Көрсеткен ерлігі үшін II дәрежелі Отан соғысы, II дәрежелі Даңқ ордендерімен, «Ерлігі үшін», «Жауынгерлік еңбегі үшін», «Германияны жеңгені үшін», «Варшаваны азат еткені үшін», «Кенигсбергті алғаны үшін» медальдарымен марапатталған.1951 жылы Григорий Петрович Қарағандыға жолдама арқылы келіп, «Шахтострой» басқармасының цемент зауытында жұмыс істеді, кейін теміржол көлігімен жүк тасымалдау бас бақылаушысы болды. Ол 1980 жылы зейнетке шықты.Ардагердің мерейтойы нағыз мерекеге айналып, жеңісті жақындатқан аға буынға деген құрмет көрсетілді. Ақпарат көзі : https://www.gov.kz/memleket/entities/mod/press/news/details/974105?lang=kk

Бүгін аймақ басшысы Нұрлыбек Нәлібаевтың қатысуымен облыстық қоғамдық кеңестің қорытынды отырысы өтті. Басқосуды кеңес төрағасы Әріп Хожбанов жүргізіп, оған облыстық мәслихат төрағасы, «АМАNАТ» партиясы облыстық филиалының төрағасы, облыс әкімінің орынбасарлары, кеңес мүшелері мен басқарма басшылары қатысты.Облыс әкімі қоғамдық кеңес қызметінің маңыздылығына, алдағы жоспарларға тоқталды.«Бүгінде қоғамдық кеңестер азаматтық қоғамның мүддесін білдіретін, түрлі деңгейдегі шешімдерді талқылайтын, атқарушы органдардың ашықтығын қамтамасыз етуге жәрдемдесетін белді әрі әлеуеті институтқа айналды. Бұл – Президентіміздің бастамасымен қолға алынған «Халық үніне құлақ асатын мемлекет» тұжырымдамасының іске асқанының толық дәлелі. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміздің, Үкіметтің ерекше қолдауымен Сыр өңірі байыпты бастамалардың, жасампаз жобалардың ордасына айналды. Аймақтың әлеуметтік-экономикалық дамуында оң тенденция қалыптасты. Қол жеткізген жетістіктерімізде туған жеріне жанашыр азаматтардың еселі еңбегі бар. Елдің ұйытқысы болған ел ағаларына, азаматтық қоғам өкілдеріне артылар сенім мол.Облыстық қоғамдық кеңестің үшінші сайланған құрамы өзіне жүктелген міндетті абыроймен атқарды. Кеңес мүшелері облыстағы өзекті мәселелерді талқылап, түрлі ұсынысты ортаға салып, аймақтың дамуына зор үлес қосты. Алдағы уақытта да елімізде татулық пен тұрақтылықтың сақталуына, мемлекетіміздің өсіп-өркендеуі жолында аянбай еңбек ете беретіндеріңізге сенемін», – деді Н.Нәлібаев.Жиында кеңес мүшелері, Қазақстанның еңбек сіңірген қайраткері, Ұлттық ғылым академиясының академигі, Ұлттық құрылтай мүшесі Қылышбай Бисенов пен «Ақмешіт ақшамы» газетінің бас редакторы Сәрсенкүл Бихожаева сөз сөйледі.Қоғамдық кеңес құрамында отыз мүше бар. Кеңес үш жыл ішінде қоғам мен атқарушы билік арасында диалог алаңы болды. Қоғамдық бақылауды ұйымдастыру, атқарушы, өзін-өзі басқару органдары қызметінің ашықтығын қамтамасыз ету міндетін де абыроймен атқарды. Комиссиялар бюджеттік бағдарламалардың, аймақтың стратегиялық даму жоспарының орындалу барысын зерделеді. Қаржының мақсатты жұмсалуы мен тиімділігін арттыру және көп талқысына түскен бірыңғай уақыт белдеуі, тегін дәрілік көмек көрсету, аяқ су, ауыз су сапасы, т.б. мәселелерді талқылау үшін арнайы жиындар өткізіп, жергілікті билікке нақты ұсыныстар берді. Ұсыныстардың басым көпшілігі жергілікті атқарушы орган тарапынан қолдау және оң шешімін тапты. Басқосуда Қызылорда облысының үшінші қоғамдық кеңесі құрамында үш жыл бойы азаматтық қоғам үнін билікке жеткізуде алтын көпір болған, аймағымыздың әлеуметтік-экономикалық дамуына, Сыр өңірінің өсіп-өркендеуіне үлес қосқан кеңес мүшелеріне облыс әкімінің, Мәдениет және ақпарат министрлігі жанындағы Қоғамдық кеңестер қауымдастығының Алғыс хаты табысталды.Айта кетейік, жақын күндері облыстық қоғамдық кеңестің жаңа құрамының алғашқы отырысы өткізіліп, төрағасы сайланады.Ақпарат көзі : https://www.gov.kz/memleket/entities/kyzylorda/press/news/details/973954?lang=kk

Қарулы күштер Ұлттық әскери-патриоттық орталығының әскери-тарихи мұражайы Қазақстан Суретшілер одағы және Өнер академиясымен бірлесіп Ұлы Жеңістің 80 жылдығына арналған көркем көрме ұйымдастырды.Салтанатты шараның ашылу рәсіміне Парламент Мәжілісінің депутаттары, Қазақстан Азаматтық альянсының, Невада-Семей халықаралық антиядролық қозғалысының өкілдері, Суретшілер одағының, Өнер академиясының мүшелері, Еуразия ұлттық университеті Сәулет және графикалық дизайн факультетінің студенттері, балалар көркемсурет мектебінің тәрбиеленушілері қатысты.Тақырыптық экспозицияда танымал шеберлердің, еңбек сіңірген мәдениет және өнер қайраткерлерінің де, жас суретшілердің де жұмыстары қойылған.– Өткенін ұмытқан халықтың болашағы жоқ дейді. Қазақстан халқы ерлікке толы өткен тарихын құрметтейді. Ел басына күн туғанда бір жарым миллионнан астам жерлесіміз қан майданға аттанды. Оның 600 мыңға жуығы бейбіт өмір үшін өз өмірлерін қиды. Бұл көрмеде көркемсурет мектебі оқушыларының шығармалары ерекше мәнге ие. Олар өз туындыларында ортақ тарихымызға, аға буынның қаһармандығына өздерінің шынайы көзқарасын көрсете білген, – деді Мәжіліс депутаты П. Казанцев.Көрмені ұйымдастыру комитетінің төрағасы, Қазақстан Суретшілер одағының басқарма мүшесі Мақсат Қаңтарбаев атап өткендей, іс-шара идеясы авторлардың соғыс туралы өз ойлары мен сезімдерін шығармашылық арқылы жеткізуге деген ұмтылысына негізделген.– Өнер – бұл мүлдем бейтаныс адамдарды, тіпті бүкіл халықтарды біріктіретін көпір. Көрмеге қойылған картиналар адамзатқа бейбітшіліктің құндылығын жеткізіп қана қоймай, бізге Жеңістің қандай бағамен келгенін еске салады, – деп атап өтті Мақсат Қаңтарбаев.Көрмеде портреттік жұмыстармен қатар, тарихи сәттер мен оқиғаларды бейнелейтін картиналар да қойылған. Олардың қатарында Манарбек Бурмагановтың «Ту тігу», Николай Гаевтың «За нами Москва», Юрий Поповтың «День Победы со слезами на глазах», Виктор Саенконың «Эвакуация», Асылмардан Қадырбаевтың «Кеңес Одағының Батыры Сұлтан Баймағамбетовтің ерлігі» және басқа жұмыстар бар.Суретші Қырғызбай Қантарбаевтың сүйектен ойып жасалған «Ж. Жабаев», «Б. Момышұлы» портреттік бейнелері, сондай-ақ Сағидолла Ахтановтың Ұлы Отан соғысының батырлары Әлия Молдағұлова, Мәншүк Мәметова және Хиуаз Доспанова бейнеленген портреттік плакаттары да ерекше әсер береді.Іс-шара барысында Ұлттық әскери-патриоттық орталығы Орталық ансамблі солистерінің орындауында соғыс жылдарындағы әндер шырқалды.Көрме бір ай бойы жұмыс істейді. Кіру тегін.Ақпарат көзі : https://www.gov.kz/memleket/entities/mod/press/news/details/973881?lang=kk

Мемлекет басшысының тапсырмаларын жүзеге асыру аясында Қызылорда облысының бюджетіне ыстық сумен жабдықтау желілерін салу үшін Үкімет резервінен нысаналы трансферттер түрінде шамамен 5 млрд теңге бөлінді. Тиісті қаулыға Премьер-министр Олжас Бектенов қол қойды.Бүгінде Қызылорда қаласы – орталықтандырылған ыстық сумен жабдықтау жүйесі жоқ республикадағы жалғыз облыс орталығы.Қаладағы көп қабатты үйлер электр жылыту немесе газ жылыту құрылғылары арқылы ыстық сумен қамтамасыз етіледі. Бұл өз кезегінде төтенше жағдайларға әкелуі мүмкін.Мемлекет басшысы Қасым-Жомарт Тоқаев 2023 жылғы 10 қазанда өңірге жұмыс сапары барысында қаланы 2025 жылдың соңына дейін орталықтандырылған ыстық сумен жабдықтау жүйесімен қамтамасыз ету мәселесін шешуді тапсырған болатын.Жалпы құны 26,2 млрд теңгені құрайтын тиісті жобаны жүзеге асыру екі кезең бойынша жоспарланған. Бірінші кезең – 2024 жылы 187 тұрғын үйді су жүйесімен қамту жұмыстары басталды. Екінші кезеңде биыл 236 тұрғын үй су жүйесіне қосылады.2024 жылы бірінші кезеңге Үкімет резервінен 11 млрд теңгеден астам қаражат бағытталды.Аталған қаулы негізінде Үкімет резервінен бөлінген 5 млрд теңге биыл екінші кезеңнің бірінші кезектегі жұмыстары үшін пайдаланылады.Осылайша, жобаны жүзеге асыру нәтижесінде Қызылорда қаласының 423 көп қабатты тұрғын үйі орталықтандырылған ыстық сумен жабдықтау жүйесіне қосылады.@KZgovernment https://t.me/KZgovernment/16244 Ақпарат көзі : https://www.gov.kz/memleket/entities/kyzylorda/press/news/details/973696?lang=kk