2018 жылғы 21-24 мамыр аралығында Астанада Каспий маңы мемлекеттерінің сыртқы істер министрлерінің орынбасарлары деңгейіндегі Каспий теңізінің құқықтық мәртебесі туралы Конвенцияны әзірлеу жөнінде Арнайы жұмыс тобының (АЖТ) 51-ші отырысы өтті.Келіссөздерге Әзербайжан Республикасының (басшысы – Х.Халафов), Иран Ислам Республикасының (басшысы – И.Рахимпур), Қазақстан Республикасының (басшысы – З.А.Аманжолова), Ресей Федерациясының (басшысы – И.Б.Братчиков) және Түрікменстанның (басшысы – М.Г.Атаджанов) делегациялары қатысты.Үстіміздегі жылы Қазақстан Республикасында өткізілуі жоспарланған Бесінші Каспий саммитіне дайындығына арналған отырысты Қазақстан Республикасының Сыртқы істер министрі Қ.Қ.Әбдірахманов өз сөзімен ашты.АЖТ отырысында тараптар жоғары деңгейіндегі алдағы кездесудің күн тәртібі мен қорытынды саяси құжаттың жобасын келісті, сондай-ақ, Бесінші Каспий саммитінің шеңберінде Каспий теңізінің құқықтық мәртебесі туралы Конвенциясымен қатар бесжақты салалық құжаттарды келісу және оларға қол қоюға дайындық бойынша жұмыс барысын талқылады.Бесжақты құжаттардың келесі жобаларын келісу жөнінде келіссөздер процесінің аяқталуы қанағаттанғандықпен белгіленді: Каспий маңы мемлекеттерінің үкіметтері арасындағы көлік саласындағы келісім, Каспий маңы мемлекеттерінің үкіметтері арасындағы сауда-экономикалық ынтымақтастық туралы келісім, Каспий теңізіндегі терроризмге қарсы күрес саласындағы ынтымақтастық туралы хаттама, Каспий теңізіндегі ұйымдасқан қылмысқа қарсы күрес саласындағы хаттама, Каспий теңізіндегі қауіпсіздік саласындағы ынтымақтастық туралы келісімге шекара ведомстволарының ынтымақтастық және өзара іс-қимыл туралы хаттама.Тараптар ү.ж. шілде айында Мәскеуде Каспий теңізінің теңіз ортасын қорғау жөнінде Негіздемелік конвенциясының Тараптар Конференциясының кезектен тыссессиясын өткізу және оның шеңберінде аталған Конвенцияға трансшекаралық контекстіндегі қоршаған ортаға әсерін бағалау жөніндегі хаттаманы қабылдау және оған қол қою жоспарланған ұсынысын құптады.Делегациялар болып өткен келіссөздердің қорытындыларын оң бағалады және кездесу ұйымдастыруын жоғары деңгейі үшін Қазақстан Республикасына өз алғысын білдірді.Арнайы жұмыс тобының келесі отырысы Қазақстан Республикасында өтеді. Оның өткізілуі мерзімдері дипломатиялық арналар арқылы келісілетін болады.Ақпарат көзі : https://www.gov.kz/memleket/entities/mfa/press/news/details/26090?lang=kk

Біз, «Астана - бейбітшілік қаласы» халықаралық конференциясының қатысушылары, Президент Нұрсұлтан Назарбаевты және Қазақстан халқын елордамыз - Астана қаласының 20 жылдығымен құттықтаймыз.Жиырма жылдың ішінде Астана тәуелсіз Қазақстанның саяси, экономикалық және мәдени орталығы ғана емес, сондай-ақ дипломатияның, бітімгершілік пен халықаралық дамудың басты орталығына айналды.Дәл осы жерде 2010 жылы өткен Еуропадағы Қауіпсіздік және Ынтымақтастық Ұйымының тарихи саммитінде мемлекет басшылары «Ванкуверден Владивостокқа дейінгі кеңістікте келісілген қағидаттарға, бірлескен міндеттемелер мен ортақ мақсаттарға негізделген еркін, демократиялық, ортақ және бөлінбес еуроатлантикалық және еуразиялық қауіпсіздік қоғамдастығын» қалыптастыру идеясын ұсынды. Біз осы мақсатқа жету үшін барлық ЕҚЫҰ-ға қатысушы мемлекеттерді мақсатты түрде жұмыс істеуге шақырамыз.Астанада өтетін Әлемдік және дәстүрлі діндер көшбасшыларының съездері XXI ғасырда бейбітшілікке, әділеттілікке және қауіпсіздікке қол жеткізу үшін дінаралық және өркениетаралық диалогты ілгерілетуге үлкен үлес қосуда.Қазақстанның жас астанасында өңірлік қауіпсіздік пен ынтымақтастық үшін маңызды Азиядағы өзара іс-қимыл және сенім шаралары жөніндегі кеңестің, Шанхай ынтымақтастық ұйымының, Тәуелсіз Мемлекеттер Достастығының, Ұжымдық қауіпсіздік туралы шарт ұйымының, Түркітілдес мемлекеттердің Ынтымақтастық Кеңесінің саммиттері, сондай-ақ Орталық Азия мемлекеттері басшыларының алғашқы консультативтік жұмыс кездесуі өтті. Мұнда үлкен парламентаралық форумдар өтеді.Астана Сириядағы зорлық-зомбылықты тоқтату бойынша келіссөздердің алаңы болып табылады және халықаралық күш-жігер жақын арада Сирия жерінде бейбітшілікті қалпына келтіреді деген үміттеміз.Астананың бітімгершілік күш-жігері Қазақстан тұрақты емес мүше болып табылатын БҰҰ Қауіпсіздік Кеңесінің жұмысында көрініс тапты.Елордамызда жылдан жылға шетелдік дипломатиялық миссиялары мен халықаралық ұйымдардың өкілдіктері көбейіп келеді, бұл сондай-ақ Астананың өңірдегі жетекші саяси орталықтарының біріне айналғанын көрсетеді.Қазақстанның астанасы «Жібек жолының экономикалық белдеуі» сияқты экономикалық ынтымақтастықтың ауқымды бастамаларын ұсынған жерге айналды. Еуразиялық экономикалық одақты құру туралы шартқа осы жерде қол қойылды. Астана қаласында Ислам ынтымақтастығы ұйымының Ғылым және технологиялар жөніндегі бірінші саммиті өтті және «Ғылым, технологиялар, инновациялар және ислам әлемін жаңғырту» атты болашаққа бағытталған құжат – Астана декларациясы қабылданды.Астанада 2011 жылғы 28-30 маусымда Ислам ынтымақтастығы ұйымы Сыртқы істер министрлері кеңесінің (СІМК) 38-ші сессиясы өтті. Сол сәттен бастап Қазақстан осы халықаралық ұйымға төрағалық етуге кірісті. Бұл басқосуды тарихи оқиға деп атауға болады, өйткені, онда Ислам конференциясы ұйымы атауын (ИКҰ) Ислам ынтымақтастығы ұйымы (ИЫҰ) деп өзгерту туралы шешім қабылданды және Адам құқықтары жөніндегі тұрақты комиссия құрылды. Алғашқы рет ИЫҰ-ның Орталық Азиямен ынтымақтастық жөніндегі іс-әрекет жоспары қабылданды.Астана экономикалық форумы, Еуразиялық Медиа Форумы және «Астана клубының» отырыстары аясында қазіргі заманғы адамзат өркениетінің маңызды мәселелері талқыланып, оларды шешу идеялары ұсынылады.Қазақстан үкіметі мен Қазақстан халқын әлемдік қауымдастықтың назарын болашақ энергетикасы мәселелеріне және тұрақты дамуына аударған ЭКСПО-2017 Халықаралық мамандандырылған көрмесін сәтті өткізуімен құттықтаймыз. Біз ЭКСПО-2017 инфрақұрылымы негізінде «Астана» Халықаралық қаржы орталығын, Жасыл технологиялар және инвестициялық жобалардың халықаралық орталығын және IT-Стартаптар халықаралық технопаркін құруды қолдаймыз және оларға Қазақстан, Орталық Азия өңірі мен әлемнің игілігі үшін табысты жұмыс тілейміз.Осыдан бір жыл бұрын Астанада және Өскеменде МАГАТЭ Төмен байытылған уран банкі үй-жайының тұсаукесері өтті. Қазақстан ядролық сынақтардан қатты зардап шеккен және өзінің ядролық зымыран әлеуетінен өз еркімен бас тартқан ел ретінде ядролық қарудан азат әлемге қол жеткізу идеясын жақтауға лайық деп санаймыз.Осы барлық оқиғалардың астарында Президент Н.Назарбаевтың сенімділікті, қауіпсіздікті және өзара іс-қимылды өңірлік және жаһандық деңгейде нығайтуға бағытталған дәйекті саясаты жатыр. Бұл саясат «Әлем. ХХІ ғасыр» манифестінде өзінің тұжырымдамалық дамуын алды, онда адамзаттың «соғыс вирусынан» мәңгілікке құтылу қажеттілігі туралы айтылады.Мемлекеттер арасындағы барлық даулар бейбіт диалог және бейбітшілік пен қауіпсіздікке, өзара сыйластыққа және ішкі істерге араласпауға тең жауапкершілік қағидаттарына негізделген сындарлы келіссөздер арқылы реттелуі тиіс.Біз Еуразияның жүрегінде орналасқан заманауи, көрікті әрі қарқынды дамып келе жатқан Астана халықаралық бейбітшілікті, қауіпсіздікті және амандық пен саулықты қалыптастыруда одан әрі маңызды рөл атқаратынына сенімдіміз.Ақпарат көзі : https://www.gov.kz/memleket/entities/mfa/press/news/details/25879?lang=kk

2018 жылғы 6 маусымда ҚР Сыртқы істер министрінің орынбасары Роман Василенко Словения Республикасының Сыртқы істер министрлігінің Мемлекеттік хатшысы Изток Мирошичпен кездесті.Кездесу барысында Қазақстан-Словения қарым-қатынастарының жай-күйі мен даму перспективалары талқыланып, тараптар Қазақстан мен Словения арасында проблемалардың жоқтығын растап, сауда-экономикалық ынтымақтастықты одан әрі дамыту қажеттілігіне назар аударды және екіжақты ынтымақтастықтың құқықтық базасын кеңейту туралы жұмысты жалғастыру бойынша бітімге келді.Фармацевтика, көлік инфрақұрылымы, логистика, туризм, қайта оңалту медицинасы, жасыл технологиялар және т.б. салалар ынтымақтастықтың перспективалық салаларына жататыны белгіленді.Қазақстанда атқаратын дүниежүзілік көшбасшысынан бірі мен бүкіл әлемде өкілдіктер бар словен компаниялары, оның ішінде KRKA (дәрі-дәрмектер), IskratelGroup (IT шешімдері), Gorenje (тұрмыстық техника), BisolGroup (күн батареялары)жөніндеқанағаттанушылықпен атап өтілді.Кездесу барысында «Белдеу және жол» бастамасы аясындағы перспективалар мен мүмкіндіктер егжей-тегжейлі талқыланды. Өз кезегінде И.Мирошич Словенияның Қытаймен экономикалық ынтымақтастық бойынша 16 + 1 форматындағы (Орталық және Шығыс Еуропа елдері) үйлестіруші ретіндегі жұмысын мәлімдеді.Халықаралық және өңірлік күн тәртібінің кең ауқымы, соның ішінде Орталық Азия мен Балқан өңірінде орын алатын өзекті мәселелер бойынша пікір алмасу болды.Словения дипломаты экономикалық ынтымақтастық жөніндегі үкіметаралық комиссияның тең төрағасы ретінде 5 маусымда Астана қаласында өткен Комиссияның 4-ші отырысының қорытындылары туралы хабарлады. Қазақстан тарапынан ҮАК-тің тең төрағасы ретінде Денсаулық сақтау министрі Елжан Біртанов болып табылады.Ақпарат көзі : https://www.gov.kz/memleket/entities/mfa/press/news/details/25854?lang=kk

АЛМАТЫ, 2018 жылғы 11 маусым – Қазақстан Республикасының Ұжымдық қауіпсіздік туралы шарт ұйымына (ҰҚШҰ) төрағалығы аясында Алматыда ҰҚШҰ Сыртқы істер министрлері кеңесінің кезекті отырысы өтті.Іс-шараға ҰҚШҰ-ға мүше барлық мемлекеттердің – Армения Республикасынан Сыртқы істер министрі Зограб Мнацаканян, Беларусь Республикасынан сыртқы істер министрінің орынбасары Андрей Дапкюнас, Қазақстан Республикасынан Сыртқы істер министрі Қайрат Әбдірахманов, Қырғыз Республикасынан Сыртқы істер министрлігінің статс-хатшысы Айбек Омокеев, Ресей Федерациясынан Сыртқы істер министрі Сергей Лавров, Тәжікстан Республикасынан Сыртқы істер министрі Сироджиддин Мухриддин, сондай-ақ ҰҚШҰ Бас хатшысы Юрий Хачатуров қатысты.Олар халықаралық күн тәртібі және Ұйым аясындағы сыртқы саяси ынтымақтастықтың одан әрі дамуы туралы пікір алмасты.Кеңес қорытындысы бойынша баяндалғандай, кездесу қатысушыларға Ауғанстандағы ағымдағы ахуал және оның даму перспективаларын бағалауды салыстыруға мүмкіндік берді.Отырыс барысында Сириядағы дағдарыс тек саяси және дипломатиялық шаралар арқылы шешілуі мүмкін екендігі туралы жалпы ұстаным расталды. Осыған байланысты Сириядағы жағдайды тұрақтандырудағы Астана процесінің рөлі ерекше атап өтілді.Тараптар АҚШ пен КХДР басшылары арасындағы алдағы келіссөздер Солтүстік Корея ядролық бағдарламасы, қарусыздандыру және әлемдегі жаппай жою қаруын таратпау мәселелерін шешуде маңызды қадам болатынына үміт артады.Сонымен қатар, күн тәртібіне ҰҚШҰ мен халықаралық құрылымдар арасындағы ынтымақтастықты дамыту және нығайту енгізілген. Қазақстанның ҰҚШҰ-ға төрағалық етуі БҰҰ Қауіпсіздік Кеңесіне мүше болуымен сәйкес келді. Осылайша, Қазақстан аталған екі ұйым арасындағы күн тәртібін жақындастыру бойынша жұмыс жасайды.Өз сөзінде Қ.Әбдірахманов Президент Н.Ә.Назарбаевтың өткен жылғы қарашада Минск қаласында өткен мерейтойлық саммитте ұсынған басым бағыттарды іске асыру Кеңес отырысының басты тақырыбы болғандығын атап өтті.Әскери және әскери-техникалық ынтымақтастықты дамыту мен нығайту, жаһандық терроризмге қарсы күрес халықаралық жүйесін қалыптастыруға Ұйымның қатысуы, киберқауіпсіздік саласындағы қауіптерге қарсы тұрудың бірлескен тәсілдерін әзірлеу және есірткінің заңсыз айналымымен күресудің нақты шараларын әзірлеу сияқты өзекті мәселелер басым бағыттардың қатарында.Қазақстан ҰҚШҰ, ТМД, Орталық Азиялық аймақтық ақпараттық үйлестіру орталығы, АӨСШК және басқа да халықаралық ұйымдар және құрылымдармен ынтымақтастықты одан әрі нығайту қажет деп санайды.ҰҚШҰ Сыртқы істер министрлері кеңесінің бүгінгі отырыс қатысушыларының көпшілігі Алматыға ШЫҰ саммиті өткен Циндао қаласынан келгендігін атап өту қажет.Қазақстан Республикасындажәне БҰҰ Қауіпсіздік Кеңесінде белсенді ілгерілеп келе жатқан Қазақстан Президентінің Терроризмсіз әлемге қол жеткізу жөніндегі әрекет ету кодексін құру жөніндегі бастамасын одан әрі жүзеге асыру ҰҚШҰ серіктестерімен ынтымақтастықтың тағы бір маңызды бағыты болып табылады. Осы құжаттың негізгі мақсаттары БҰҰ жүз жылдығына орай 2045 жылы контртерроризм және даму бойынша терроризмсіз әлемге қол жеткізу жөніндегі серіктес елдердің кең халықаралық коалициясын құру болып табылады.Сыртқы істер министрлерінің кеңесі Ұйымды институционалдық тұрғыда нығайту мәселелеріне ерекше назар аударды. Атап айтқанда, Ұжымдық қауіпсіздік туралы шарт ұйымының құқықтық мәртебесі туралы келісімге өзгерістер енгізу туралы хаттама жобасы мақұлданды.Кездесу барысында тараптар Орта және кіші қашықтықты зымырандарды жою туралы шарттың күшіне енуінің 30 жылдығына арналған бірлескен мәлімдемені қабылдады. «Қазақстан осы тарихи келісімнің қатысушысы ретінде аталған құжатқа деген толық айнымастығын растайды және барлық тараптарды оны орындауға және сақтауға шақырады», - деді Қ.Әбдірахманов.Жалпы, ҰҚШҰ Сыртқы істер министрлерінің кеңесі бірқатар құжаттар бойынша уағдаластықтарға қол жеткізді. Олардың ең маңыздылары ағымдағы жылы күзде Қазақстанның төрағалығымен Астанада өтетін ҰҚШҰ саммитінде Мемлекет басшыларының қарауына ұсынылатын болады.Ақпарат көзі : https://www.gov.kz/memleket/entities/mfa/press/news/details/25850?lang=kk

Түркістан облысы Мақтаарал ауданында «Весна» шаруа қожалығы гектарына 400 центнерден өнім алуда. Қазіргі таңда аудандағы рекордтық көрсеткіш осы. Ол мұндай жетістікке тамшылатып суғару технологиясы арқылы қол жеткізген. Бұл туралы қожалық басшысы Батыр Хайдаров аудан әкімдігінің ұйымдастыруымен өткен семинар-кеңесте мәлімдеді.«Весна» шаруа қожалығының тәжірибесін басқаларға үйрету мақсатында өткен семинар-кеңеске аудандық ауыл шаруашылығы бөлімінің басшысы мен мамандары, ауылдық округ әкімдері мен орынбасарлары, ауылдық округ әкімдіктерінің ауыл шаруашылығы бойынша мамандары және шаруа қожалықтары қатысты.Б.Хайдаров 6,6 гектар жерге қырыққабат дақылының бірнеше сортын еккен. Оның ішінде «Пекин» сорты ерте пісіп шыққан. Қазргі таңда 2 гектардан 85 тонна өнім алып, барлығын да Ресей Федерациясына экспорттаған. Тамшылатып суғару технологиясын пайдаланған қожалық басшысы үлкен пайдаға кенеліп отыр.«Тамшылатып суғару технологиясын ендіру үшін гектарына 1 млн. теңгеге жуық шығын жұмсадым. Соның арқасында еккен егінім бітік әрі өнімді болып, ерте пісіп жетілді. Қазір қырыққабаттың келісін 120 теңгеден теңгеден саудалап жатырмын», – деді Б.Хайдаров.Айта кетейік, биыл Мақтаарал ауданында 281 гектар жерге қырыққабат дақылы егілген. Қазіргі таңда ерте пісіп жетілетін дақылдан 260 тонна өнім жиналған.Ақпарат көзі : https://www.gov.kz/memleket/entities/ontustik/press/news/details/25848?lang=kk

АСТАНА, 2018 жылғы 18 маусым – Азаматтардың конституциялық құқықтарын қамтамасыз ету Қазақстан Республикасының Президенті Нұрсұлтан Назарбаевтың бастамасымен жүзеге асырылатын мемлекеттік басқару жүйесін жаңғыртуға бағытталған кең ауқымды реформалардың іргетасы. Бұл туралы ҚР Сыртқы істер министрі Қайрат Әбдірахманов Қазақстанға келген итальяндық делегациямен кездесуінде мәлімдеген болатын. Кездесуге Италия Парламенті Сенатының депутаты Роберто Рампи мен Адам құқықтары жөніндегі федерацияның төрағасы Антонио Станго қатысты.Сыртқы істер министрінің айтуынша, Италиямен қарым-қатынастың стратегиялық сипаты, өзара толықтырушы экономикалық әлеует, аймақтық және жаһандық қауіпсіздікті қамтамасыз ету мәселелеріндегі ұстанымдарының ортақтығы, өркениеттер мен діндер арасындағы диалог және халықаралық терроризммен күрес екіжақты ынтымақтастықты тереңдетуге жаңа мүмкіндіктер ашады.Сұхбат барысында итальяндық тарап заңның үстемдігін қамтамасыз етуге және адам құқықтарының сақталуына бағытталған институционалдық реформаларды жүзеге асыру барысымен егжей-тегжейлі танысты.Қ.Әбдірахмановтың пікірінше, ұлттық және халықаралық құқық қорғау ұйымдарымен атқарылып жатқан белсенді жұмыс Қазақстанның адам құқықтарын қорғау құндылықтары мен қағидаларын ұстаушылығын айғақтайды.Депутат Р.Рампи Қазақстандағы құқық қорғау тетіктерінің жұмысына және олардың еліміздегі тұрақты даму мәселелеріне ықпал етуіне баға берді. «Біз бұл жерге үйрету үшін емес, бүкіл әлемде адам құқықтарының қорғалуына бірлесіп жағдай жасау үшін келдік», деді сенатор.Сонымен қатар, тараптар Қазақстан мен Еуроодақ арасындағы кеңейтілген әріптестік және ынтымақтастық туралы Келісімді ратификациялау үдерісін талқылады. Итальяндық сенатор Еуропалық Одақпен қарым-қатынастың жаңа сапалы күн тәртібінің негізін қалайтын бұл құжаттың ратификациялау үдерісін жеделдетуге қолғабыс көрсетуге дайындығын білдірді.Италия делегациясының сапары бағдарламасы ҚР Парламенті Сенатының депутаты Бірғаным Әйтімовамен, Бас прокуратура, сондай-ақ Ішкі істер министрлігінің өкілдерімен кездесулерді қамтыды.Ақпарат көзі : https://www.gov.kz/memleket/entities/mfa/press/news/details/25824?lang=kk

АСТАНА, 2018 жылғы 21 маусым – Мемлекет басшысы Нұрсұлтан Назарбаевтың Шымкентке республикалық маңызы бар қала мәртебесін бекіту туралы шешімі тарихи халықаралық маңызға ие. Бұл біздің еліміздегі БҰҰ тұрақты даму мақсаттарынпрактикалық жүзеге асыруға, оның ішінде ірі қазақстандық елді мекендердің бірінің қала шаруашылығын тиімді басқару, халықты тұрғын үймен қамтамасыз ету, қалалық экологиялық жоспарлауды жақсарту арқылы ықпал етеді.Түркістан қаласындағы орталығымен Түркістан облысын қалыптастыру Орталық Азиядағы аймақтық ынтымақтастықты тереңдету тұрғысынан маңызды рөл атқарады, өйткені облыс кең аймақтың орталығында орналасқан. Мұнда маңызды теміржол магистралі, «Батыс Еуропа - Батыс Қытай» халықаралық көлік жолы өтеді.Оңтүстік Қазақстанның қалалары кіру туризмнің танымал орталықтары болып табылады. Бұл жерде мұсылман және түркі әлемі үшін ең көне архитектуралық ескерткіштері бар. ЮНЕСКО-ның әлемдік мәдени мұра объектісі бола отырып, ежелгі Түркістанға қазіргі уақытта туристік инфрақұрылымды нығайтуға кең мүмкіндік ашылып отыр. Түркістанның тарихтағы және қазіргі замандағы маңызды рөлі жуырда 2-3 шілдеде Астанадағы Жібек жолы елдері қалаларының мэрлерінің қатысуымен өтетін «Global Silk Road» халықаралық форумы аясында талқыланатын болады.Халықаралық сарапшылардың бағамы бойынша, Президент Н.Ә.Назарбаев аймақтағы көрші елдерге де игілік бола алатын, сондай-ақ Елбасының Бес әлеуметтік бастамаларын жемісті жүзеге асыру үшін жағдай жасайтын, Казақстанның экономикасы үшін жаңа өсу нүктелерін құру бойынша өзінің көреген саясатын дәйекті түрде іске асырып келеді.Сыртқы істер министрлігі мен Қазақстанның әлем елдеріндегі дипломатиялық өкілдіктері аймақтар арасында халықаралық байланыстарды нығайтуда, технологиялар мен инвестициялар тартуда, сауда-экономикалық және мәдени-гуманитарлық ынтымақтастықты ілгерілетуде еліміздің облыстары мен қалаларының әкімдіктеріне жан-жақты қолғабыс көрсетуді жалғастыратын болады.Ақпарат көзі : https://www.gov.kz/memleket/entities/mfa/press/news/details/25779?lang=kk

2018 жылғы 28 маусымда Сыртқы істер министрі Қайрат Әбдірахманов Америка Құрама Штаттарының Мемлекеттік хатшысы Майкл Помпеомен телефон арқылы сөйлесті.Екі елдің сыртқы істер ведомстволарының басшылары Қазақстан Республикасының Президенті Нұрсұлтан Назарбаевтың 2018 жылдың қаңтарында АҚШ-қа ресми сапары барысында қол жеткізілген уағдаластықтардың дәйекті түрде жүзеге асырылуын қанағаттанушылықпен атап өтті. Майкл Помпео Қазақстан көшбасшысы сапарының маңыздылығын айрықша атап өтіп, АҚШ Президенті Дональд Трамп Вашингтонда қол жеткізілген уағдаластықтарды және Қазақстанмен екіжақты әріптестікті дамытуды жоғары бағалайтынын атап өтті.Сұхбаттастар Қазақстан мен АҚШ арасындағы кеңейтілген стратегиялық әріптестікті дамыту мәселелерінің кең ауқымын, атап айтқанда, сауда-экономикалық және инвестициялық, энергетика, ауыл шаруашылығы және басқа да салалардағы ынтымақтастықты нығайту перспективаларын талқылады.Түрлі деңгейдегі екі жақты байланыстардың, оның ішінде халықаралық форумдар аясындағы кестесі қарастырылды.Қазақстан Сыртқы істер министрі және АҚШ Мемлекеттік хатшысы аймақтық және халықаралық күн тәртібіндегі өзекті мәселелер бойынша байымды пікір алмасты. Қазақстанның әлемдегі төртінші ядролық арсеналынан бас тарту тәжірибесі Солтүстік Кореяның ядролық бағдарламасы мен Корей түбегінің ядролық қарусыздануына да қатысты жағдайды реттеу үшін үлгі болатыны атап өтілді.Екі тарап өңірлік форматта жемісті өзара әрекеттестіктің маңыздылығын, сондай-ақ Ауғанстанның тұрақтылығын және тұрақты дамуын қамтамасыз ету бойынша Қазақстан және Орталық Азияның АҚШ-пен және басқа әріптестермен ынтымақтастығының маңыздылығын атап өтті. Қазақстандық дипломат қазақстандық жоғары оқу орындарындағы ауған студенттеріне арналған білім беру бағдарламасының табысты іске асырылуына, сондай-ақ Астанада өтуге жоспарланған «Ауғанстандағы әйелдердің құқықтары мен мүмкіндіктерін жақсарту» жөніндегі Өңірлік конференциясына назар аударды.Қазақстанның Сыртқы істер министрі Мемлекеттік хатшы Майкл Помпеоның Қазақстанға ыңғайлы уақытта сапар жасауы жөніндегі өзінің шақыруын растады.Ақпарат көзі : https://www.gov.kz/memleket/entities/mfa/press/news/details/25718?lang=kk

МОНАКО, 2018 жылғы, 28 маусым – Қазақстанның Франциядағы және Португалия мен Монакодағы қоса атқарушы Елшісі Жан Ғалиевтің Князь II Альберге сенім грамоталарын тапсыру рәсімі өтті.Сұхбат барысында екіжақты деңгейде және халықаралық ұйымдар шеңберінде саяси диалогтың жоғары сапасы аталып өтті, сауда-экономикалық қатынастарды дамыту және инвестициялық ынтымақтастықты арттыру , сондай-ақ қаржы, «жасыл» технологиялар, туризм және спорт саласындағы өзара ынтымақтастықты жандандыру мәселелері талқыланды.Елші Монако Князіне қазақстандық модернизациялау бағдарламалары және Мемлекет басшысының жолдаулары аясында ауқымды әлеуметтік-экономикалық және саяси реформалар туралы хабарлады. Сонымен бірге, дипломат Қазақстанның «Астана» халықаралық қаржы орталығын, Халықаралық жасыл технологиялар және инвестициялық жобалар орталығын, IT-стартаптар орталығын құру жөніндегі жоспарлары туралы баяндады. Осыған орай, негізгі міндеттері жаһандық жылумен күресу, жаңартылатын энергия көздерін пайдалану және «жасыл» жобаларды қаржыландыру болып табылатын Князь II Альбердің Қорымен «жасыл» технологиялар саласында ынтымақтастық орнатуға нақты қызығушылық білдірілді.Өз кезегінде, 2012 жылы Астанаға ресми сапармен және 2017 жылы Халықаралық мамандандырылған «ЭКСПО-2017» көрмесі аясындағы Монако ұлттық күніне келген Князь, Президент Нұрсұлтан Назарбаевтың басшылығымен Қазақстанның дамуына жоғары баға беріп, Астананың алдағы 20-жылдық мерейтойымен құттықтады. Сондай-ақ, ол елімізге мемлекеттік бағдарламаларды жүзеге асыруда табыстар тіледі және екі елдің басым бағыттары бойынша Князьдік Қазақстанмен екіжақты ынтымақтастықты дамытуға қызығушылық білдіретінін атап өтті.Сол күні Қазақстанның Елшісі Князьдыктың Премьер-министрі Серж Телльдің қабылдауында болып, Монако Үкімет басшысының ағымдағы жылғы 4-6 шілдеде жоспарланған Астанаға сапары бойынша мәселелер талқыланды.Сонымен қатар, сапар барысында Елші Монако Сауда-өнеркәсіп палатасының директоры Джастин Хаймэнмен жеке кездесу өткізді. Тараптар Князьдікте екіжақты инвестициялық форум, сондай-ақ Монакодағы қаржылық және іскерлік қауымдастықтар үшін «Астана» халықаралық қаржы орталығының таныстырылымын өткізу мүмкіндіктерін талқылады.Ақпарат көзі : https://www.gov.kz/memleket/entities/mfa/press/news/details/25702?lang=kk

Қазақстанның Канададағы Елшісі Ақылбек Камалдинов Канаданың Генерал-губернаторы Жюли Пайеттке сенім грамоталарын тапсырды. Рәсім Генерал-губернатордың ресми резиденциясы болып саналатын Солтүстік Американың ең ескі әскери құрылыстарының бірі - Квебек қамалының аймағында өтті.Салтанатты рәсімде сөз сөйлеген Ж.Пайетт ханым Қазақстан мен Канада арасындағы қатынастардың қарқынды түрде дамуын атап өтіп, Канада Қазақстан жүргізіп жатқан реформаларды, оның ішінде Президент Нұрсұлтан Назарбаевтың бастамасымен жүзеге асырылып жатқан «100 нақты қадам» бағдарламасын қолдайтынын мәлімдеді.Екіжақты кездесу барысында Канаданың Генерал-губернаторына Президенті Н.Назарбаевтың ағымдағы жылғы 1 шілдеде өтетін Канада күніне орай құттықтау хаты табысталып, онда Ж. Пайетт тараптарға ыңғайлы уақытта Қазақстанға сапар шегуге шақырылды.Елші А. Камалдинов Астана мен Оттава арасындағы саяси, сауда-экономикалық және мәдени-гуманитарлық салалардағы ынтымақтастықтың басты бағыттарын толықтай сипаттап берді. Қазақстанның канадалық тараппен ҚР экономикасының үшінші модернизациясы аясында тығыз жұмыс жасауға дайын екендегі ерекше аталып өтті. Сондай-ақ, кәсіби ғарышкер бола тұра, бұрын бірнеше рет Байқоңырда болғанын атап өтті.Ж.Пайетт Мемлекет басшысына жылы құттықтауы үшін алғысын білдірді және Астана мен Оттава арасындағы тығыз саяси диалогты жалғастыруға деген үмітін білдірді. Кездесу қорытындысы бойынша тараптар ынтымақтастықтың болашағы бар жаңа салаларды қарастыруға және барлық деңдейдегі екіжақты байланыстарды арттыруға келісті.Ақпарат көзі : https://www.gov.kz/memleket/entities/mfa/press/news/details/25650?lang=kk

Алматы қаласын дамыту мәселелері жөніндегі кеңес барысында қолжетімді тұрғын үй және әлеуметтік нысандар салу, жұмыспен қамту, көлік және жол инфрақұрылымын, кәсіпкерлікті дамыту, туристік әлеуетті іске асыру мәселелері талқыланды.ҚР Премьер-Министрі ҚР Тұңғыш Президенті – Елбасы Н. Ә. Назарбаев Алматы қаласының дамуына үлкен көңіл бөлетінін атап өтті. ҚР Мемлекет басшысы Қ. К. Тоқаев қалалық инфрақұрылымның сапасын жақсарту, қоғамдық қауіпсіздікті нығайту, көлік жүйесін, медицина мен білім беруді дамыту жөнінде нақты тапсырмалар берді.Алматы қаласының әкімі Б. Сағынтаев, Алматы қаласы әкімінің орынбасары І. Өсеров қаланы дамыту жобалары туралы баяндады.ҚР Премьер-Министрі мемлекеттік органдарға қаланың Қазақстан экономикасындағы маңыздылығын атап өтіп, Алматы қаласының дамуын бақылауда ұстауды тапсырды.Осы күні ҚР Үкіметінің басшысы Алматы қаласының шеткері аудандары мен Алматы облысының іргелес аумағын дамыту жөнінде кеңес өткізді.2019 жылы ҚР Тұңғыш Президенті – Елбасы Н. Ә. Назарбаевтың тапсырмасымен ірі қалалардың шеткері аймақтарының мәселелерін жыл сайын шешуге 30 млрд теңге, оның ішінде Алматы қаласының шеткері аймақтарына 10 млрд теңге бөлінді.«Агломерация тұрғындарының тұрмыс сапасын жақсарту жөніндегі шараларды жүзеге асыру қала мен облыстың 730 мыңнан астам тұрғынын тиісті инфрақұрылыммен қамтамасыз етуге мүмкіндік береді», — деді А. Мамин.ҚР Премьер-Министрі кеңес қорытындысы бойынша қаржы және ұлттық экономика министрліктеріне мүдделі мемлекеттік органдармен, Алматы қ. және Алматы облысының әкімдіктерімен бірлесіп, қала маңындағы аудандарды, іргелес аумақтарды дамыту бойынша іс-шараларды уақытылы жүзеге асырудың қажетті шараларын қабылдап, қаржыландыру мәселелерін пысықтауды тапсырды.«Біз Алматы қ. мен Алматы облысында бірлескен жобаларды іске асырудан синергетикалық нәтиже алуымыз керек. Ол үшін Алматы агломерациясын дамыту бағдарламасын әзірлеу керек», — деп А. Мамин, түрлі бағыттарда – энергетика, көлік, тұрғын үй, денсаулық сақтау салаларын дамытуда бірлескен жобалардың тізімі құрылғанын атап өтті.ҚР Үкіметінің басшысы қала мен облыстағы халық санының өсуінің жоғары қарқынына байланысты дамудың өзекті мәселелерін шешіп, сол арқылы өңірдің инвестициялық тартымдылығын арттыру қажет екенін атап өтті.Асқар Мамин бірлескен жобаларды іске асыру және алға жылжыту үшін Алматы қ. мен Алматы облысының жобалық офисін құруды тапсырды.ҚР Үкіметінің басшысы «Урбанистика орталығы» мен №405 авиа жөндеу зауытында болып, Алматы қ. құрылысының жаңа жобасымен, қаланың құрылыс индустриясын дамыту жоспарларымен танысты, сондай-ақ, Құрылысшылар күніне арналған салтанатты жиынға қатысты. Алматы қаласына жұмыс сапары барысында ҚР Премьер-Министрі Аюсай шатқалын тазартуға арналған экологиялық сенбілікке қатысты.Ақпарат көзі : https://www.gov.kz/memleket/entities/almaty/press/news/details/25648?lang=kk

Спартакиаданың бағдарламасына спорттың 40 түрі бойынша жарыстар енді. Атап айтқанда, үстел теннисі, грек-рим күресі, еркін күрес, әйелдер күресі, муайтай, киокушинкай-кан каратэ, садақ ату, семсерлесу, регби, спорттық гимнастика, гандбол, спорттық құзға өрмелеу, самбо, бадминтон, бокс, желкен спорты, каратэ-до, ат спорты, баскетбол, көркем гимнастика, батуттық гимнастика, стенд ату, жеңіл атлетика, су добы, жүзу, байдарка есу және т.б. каноэ, дзюдо, президенттік көпсайыс, оқпен ату, волейбол, велосипед спорты, триатлон, таэквондо, жағажай волейболы, шөптегі хоккей, академиялық есу, ауыр атлетика, теннис.Жарысқа еліміздің 17 облысы мен қалаларынан 7 мыңнан астам спортшы қатысты.Бұл жарыстар төрт жылда бір рет өтеді. Жалпы командалық есепте Алматы қаласының командасы 1 орынды, екінші орынды - Шымкент қаласы, үшінші орынды - Алматы облысы иеленді.Алматы қаласының спортшылары спорттың көптеген түрлерінде сәтті өнер көрсетті. Біздің мегаполисіміз еліміздің ең спорттық қаласы мәртебесін иеленетінін тағы бір рет дәлелдеді.Ақпарат көзі : https://www.gov.kz/memleket/entities/almaty/press/news/details/25644?lang=kk

АСТАНА, 2018 жылғы 2 шілде – Сыртқы істер министрлігінде Қазақстан Республикасының Дипломатиялық қызмет күніне орай салтанатты жиын өтіп, оған Президент Әкімшілігі, Парламент, министрліктер мен ведомстволар өкілдері және дипломатиялық қызмет ардагерлері қатысты.Сыртқы саясат ведомствоның басшысы Қайрат Әбдірахманов Министрліктің барлық қызметкерлерін кәсіби мерекемен құттықтап, егемендік пен тәуелсіздік алған күнінен бастап Қазақстан заманауи отандық дипломатияның бастауында тұрған Мемлекет басшысы – Елбасы Нұрсұлтан Назарбаев бас «сәулетшісі» болып табылатын дәйекті және тиімді сыртқы саясатты жүргізіп келетінін атап өтті.«Біз өзіміздің ұлттық тәуелсіздігімізді, егемендігімізді, аумақтық тұтастығымызды қорғап, қауіпсіздіктің тұрақты кепілдіктерін қамтамасыз етіп «тату көршілік аймағын» қалыптастырдық. Осының бәрі Елбасы - Қазақстанның Тұңғыш Президенті Н.Ә. Назарбаевтың дана саясатының арқасында болды. Қазақстан Тәуелсіздіктің 26 жылында біздің елмен ынтымақтастықты дамытуға мүдделі барлық мемлекеттермен және ұйымдармен достық және конструктивті қарым-қатынас орнатты», - деді Министр.Сонымен қатар, Қазақстан әртүрлі халықаралық алаңдарда, платформаларда, бейресми форумдарда және көпжақты жаһандық және аймақтық келісімдерде толыққанды қатысушы болып табылатыны атап өтілді.Сыртқы саясат ведомствосының негізгі миссиясы дипломатиялық қорғау құралдарымен біздің еліміздің егемендігін, қауіпсіздігін, аумақтық тұтастығын және шекараларымыздың мызғымастығын, басқа мемлекеттермен өзара қатынастарда және халықаралық аренада елдің саяси, сауда-экономикалық және өзге де мүдделерін қамтамасыз ету болып табылады.СІМ стратегиялық және бағдарламалық құжаттарды және Елбасының жолдауларын іске асыру шеңберінде өзінің алдына қазақстандық дипломаттардың бәсекеге қабілеттілігін арттыру, кадр саясатының транспаренттілігі, дипломатияны цифрландыру, шешімдердегі прагматизм мен рационализм, әлемдік тәжірибені тарту және озық дәстүрлерге адалдық, сыртқы саясат ведомствосының жұртшылық үшін ашықтығы сияқты жүйелі сипаттағы міндеттерді қояды.Салтанатты жиналыс барысында министрліктің қызметкерлері, Қазақстанның дипломатиялық қызмет ардагерлері ведомстволық наградалармен және «Астана 20 жыл» мерейтойлық медальдарымен марапатталды.Министр ҚР Президентінің Жарлығы және Сыртқы істер министрлігінің бұйрығымен басшылар құрамы, сондай-ақ орталық аппарат пен шет елдік мекемелердің қызметкерлеріне кезекті дипломатиялық рангтарын беру туралы жариялады. Ресми рәсім аясында ҚР Сыртқы істер министрлігінің жас дипломаттары - мемлекеттік қызметкерлер Отанға және халыққа қызмет етуге, заңдар мен Конституцияны қатаң сақтап, елдің мүдделерін мүлтіксіз қорғауға ант етті.Ақпарат көзі : https://www.gov.kz/memleket/entities/mfa/press/news/details/25466?lang=kk

БРЮССЕЛЬ, 2018 жылғы 3 шілде - Қазақстанның Бельгия Корольдігіндегі Елшісі Айгүл Құспан Бельгия Королі Филиппке сенім грамоталарын табыс етті.Салтанатты рәсімнен кейін екі ел арасындағы саяси диалогты жаңа деңгейге көтеру, сауда-экономикалық және мәдени байланыстарды жандандыру мәселелері талқыланды.Король Қазақстан «ұлы тарихы бар, кең әлеуетке ие үлкен ел екендігін» атап өтіп, Қазақстандағы бастамаларға қызығушылық танытты.Елші Бельгия Короліне Президент Нұрсұлтан Назарбаевтың бастамасымен жүзеге асырылып жатқан әлеуметтік-экономикалық және саяси реформалар туралы мәлімдеді және осы реформалардың 2050 жылға дейін Қазақстанның алдыңғы қатарлы дамыған 30 мемлекеттің қатарына кіруін қамтамасыз етуді көздейтінін жеткізді. Бұл реформалар Бельгия және Қазақстан үшін тең маңыздылыққа ие ұлттың тұтастылығын сақтау, этносаралық диалогты дамытудағы Елбасымыздың сәтті саясатына да негізделетіні ерекше аталып өтілді. Сонымен қатар, 6 шілдеде елордамыз Астананың 20 жылдығы тойланатынына назар аударып, осындай қысқа мерзімде Астана халықаралық форумдардың алаңына, сондай-ақ бизнес, қаржы және жаңа технологиялардың хабына айналғандығын атап өтті.Саяси диалогты және сауда-экономикалық ынтымақтастықты нығайтуда нақты ұсыныстар айтылды. Қазақстандық дипломат Бельгияның 2019-2020 жылдарға БҰҰ Қауіпсіздік Кеңесінің тұрақты емес мүшелігіне сайлануымен құттықтап, екі еліміздің БҰҰ шеңберінде және халықаралық аренадағы ұстанымдарының жақындығын атап өтті. Сауда-экономикалық салада аймақтық және федералды іскерлік топтардың Қазақстанға экономикалық миссиялары, сондай-ақ бельгиялық компаниялардың еліміздегі жұмысы құпталды.Бельгия Королі Филипп Президент Н. Назарбаевқа ілтипатын білдіріп, Қазақстанның Елбасы басшылығымен зор жетістіктерге қол жеткізгенін айтты. Еліміздің халықаралық бейбітшілік пен қауіпсіздікті нығайту жолындағы бастамаларына жоғары баға берді. Сонымен қатар, ол өзінің 2002 және 2009 жылдары Байқоңырға сапарларын, 2010 жылы үлкен бизнес-делегацияны басқарып Қазақстанға жасаған сапарын және 2014 жылы Брюссельде Президент Н. Назарбаевпен өткізілген кездесулерді ілтипатпен еске алды. Сұхбат соңында Король Елшіге екі ел арасындағы ынтымақтастықты арттыру жолындағы жұмысына сәттілік тіледі.Ақпарат көзі : https://www.gov.kz/memleket/entities/mfa/press/news/details/25421?lang=kk

2018 жылғы 4 шілдеде Сыртқы істер министрлігінде 2018 жылғы 25-26 қазанда Астанада Дүниежүзілік денсаулық сақтау ұйымы (ДДҰ) «Алматы декларациясын» қабылдануының 40 жылдығына арналған Бастапқы медициналық-санитариялық көмек жөніндегі Жаһандық халықаралық конференция өткізу мәселесі бойынша Қазақстан Республикасының сыртқы істер және денсаулық сақтау министрлері Қайрат Әбдірахманов пен Елжан Біртановтың Қазақстанда аккредиттелген дипломатиялық корпусына арналған бірлескен брифингі өтті.Алдағы мерейтойлық Конференцияның біздің еліміз үшін тарихи маңызы бар, өйткені осыдан 40 жыл бұрын 1978 жылғы қыркүйекте Алматыда 157 мемлекеттен келген өкілдердің қатысуымен ДДҰ-ның бастапқы медициналық-санитариялық көмек жөніндегі халықаралық конференциясы өткен болатын. Конференцияда әлемдік денсаулық сақтаудың дамуына айтарлықтай оң әсер еткен және заманымыздың әйгілі халықаралық құжаттарының бірі болып табылатын тарихи «Алматы декларациясы» қабылданды.Жаһандық Конференцияның қорытындылары бойынша ДДҰ-ға мүше мемлекеттердің саяси декларация нысанындағы қорытынды құжатты қабылдауы жоспарланып отыр. Ол құжат елдердің сапалы және уақтылы медициналық көмек көрсетуге ықпал ететін заманауи жетістіктер мен технологияларды пайдалану арқылы «Алматы декларациясының» міндеттемелерін орындауға деген бейілділігін тағы да растайды.Кейіннен бұл Декларация Дүниежүзілік денсаулық сақтау ассамблеясы және БҰҰ Бас Ассамблеясының отырыстарында талқыланатын болады.Алда тұрған халықаралық маңызы бар ірі іс-шара Қазақстанның және ДДҰ-ның басқа да мүшелерінің 2015 жылы мақұлданған БҰҰ-ның Орнықты даму мақсаттарын практикада іске асыруға бейілділігін растауға арналады.Брифингке Қазақстандағы Дүниежүзілік денсаулық сақтау ұйымының тұрақты өкілі О.Честнов пен БҰҰ Балалар қорының өкілі Ю.Оксамитный қатысты.Ақпарат көзі : https://www.gov.kz/memleket/entities/mfa/press/news/details/25420?lang=kk

АСТАНА, 2018 жылғы 5 шілде - ҚР Сыртқы істер министрінің орынбасары Ержан Ашықбаев Канаданың Сыртқы істер министрінің орынбасары Дональд Бобиашпен кездесті.Талқылау барысында қазақстандық-канадалық ынтымақтастықтың өзекті мәселелері қозғалды. Тараптар 2018 жылдың 11 маусымында Оттавада өткен Қазақстан-Канада іскерлік кеңестің үшінші отырысының сәтті өткенін құптады. Е. Ашықбаев Канадамен сауда-экономикалық байланыстарды нығайтуға және әртараптандыруға және екі ел арасындағы іскерлік байланыстарды кеңейтуге Қазақстанның мүдделі екендігін атап өтті.Д.Бобиаш осы саладағы оң ғылыми, зерттеу және экспорттық әлеуетті ескере отырып, қазақстандық-канадалық қарым-қатынастардағы ауыл шаруашылығының дәстүрлі табысты саласын нығайту мүмкіндігін атап өтті.Сонымен қатар, халықаралық күн тәртібі, соның ішінде Ауғанстанның тұрақтандыруы және тұрақты өсуін қамтамасыз ету тақырыптары бойынша пікір алмасты. Е. Ашықбаев Канаданың дипломатын Ауғанстанның екіжақты негізде дамуы үшін, сондай-ақ Қазақстанның БҰҰ Қауіпсіздік Кеңесіне тұрақты емес мүшелігі шеңберінде Астананың қабылдап жатқан күш-жігері мен шаралары туралы хабардар етті. Министрдің орынбасары Д.Бобиаш Қазақстанмен Ауғанстан мәселелері бойынша диалогты нығайтуға қызығушылық танытты. Осыған байланысты Ауғанстанның экономикалық өсуін және әлеуметтік дамуын қамтамасыз ету үшін халықаралық қоғамдастық тарапынан жан-жақты күш-жігерді нығайту үшін мүмкіндіктер қозғалды.Кездесу соңында тараптар екі елдің сыртқы саясат ведомстволары деңгейінде диалогты жалғастыруға келісті.Ақпарат көзі : https://www.gov.kz/memleket/entities/mfa/press/news/details/25419?lang=kk

АСТАНА, 2018 жылғы 5 шілде - «Астана» Халықаралық қаржы орталығының тұсаукесері шеңберінде Сыртқы істер министрі Қайрат Әбдірахманов Ұлыбританияның инвестициялар жөніндегі мемлекеттік министрі, британдық парламентінің мүшесі Грэм Стюартпен кездесті.Британдық министр қазақстандық тарапты АХҚО-ның ашылуымен және Астананың 20-жылдық мерейтойымен құттықтап, инвестициялық ынтымақтастықты дамытуға жанжақты қолғабыс көрсетуге Лондонның дайындағын білдірді.Өз кезегінде, Қ. Әбдірахманов британдық тарапты АХҚО-ның дамуына және нығайтуына қосқан маңызды үлесі үшін алғыс білдіріп, британдық компаниялар, банктер және қаржы институттар Орталықтың жұмысына белсенді қатысуына үміт білдірді.Президент Нұрсұлтан Назарбаев АХҚО-ның тұсаукесерінде Астана жаңа қаржы орталығының қалыптасуындағы Ұлыбританияның рөлін, соның ішінде ағылшын құқық қағидалары бойынша жұмыс істеуі және Англия мен Уэльстың бұрыңғы жоғарғы судьясы Лорд Вульф бастаған беделді британдық судьялар кірген АХҚО сотының ерекше қызметін атап өтті.Келіссөздер барысында тараптар екіжақты қатынастардың, әсіресе сауда-инвестициялық саласындағы, ынтымақтастықтың стратегиялық сипатын атап өтті.Сандық жүйеге көшіру, инфрақұрылымдық жобалар, тау-кен өнеркәсібі және ауыл шаруашылығы салаларындағы ынтымақтастықты тереңдетудің кең әлеуеті атап өтілді. Қазақстанның көліктік және транзиттік әлеуетін дамыту мақсатында ҚХР мен Азияны еуропалық, соның ішінде британдық нарықпен байланыстыратын «Белдеу мен жол» бастамасын іс жүзінде жүзеге асыруға өзара қызығушылық білдірілді.Сондай-ақ, тараптар екіжақты саяси және экономикалық ынтымақтастықтың қолданыстағы және перспективалық тетіктері шеңберіндегі байланыстарды дамыту бағытандағы жақсы серпінді сақтауға келісті. Осыған орай, алдағы екіжақты үкіметаралық кездесулер мен инвестициялық форумдардың кестесі талқыланды.Ақпарат көзі : https://www.gov.kz/memleket/entities/mfa/press/news/details/25418?lang=kk

АСТАНА, 2018 жылғы 6 шілде - Қазақстанның Сыртқы істер министрі Қайрат Әбдірахманов, Өзбекстанның министрі Абдулазиз Камилов және Қырғызстанның министрі Эрлан Абдылдаев Астанада серуендеп, қаланың жаңа сәулет нысандарына барып қайтты.Қонақтар елорданың сол жағалауына өтіп, «Астана» Халықаралық қаржы орталығы орналасқан ЭКСПО-ның аумағын көріп шықты.Одан кейін қонақтар Есіл өзенінің жағалауын және Астананың мерейтойына Атырау облысының сыйлығы болып табылатын жаңа жаяу жүргінші көпірін аралап шықты.Көршілес Орталық Азия республикаларының сыртқы істер министрлері Астананың 20-жылдығын мерекелеуіне қатысу үшін Президенттері басқарған өз елдерінің ресми делегацияларының құрамында келген.Орталық Азия елдерінің сыртқы істер министрлері шілденің үшінші декадасында Қырғызстанның Чолпон-Ата қаласында өздерінің тұрақты дәстүрлі жұмыс кездесуін өткізуді жоспарлап отырғаны мәлім.Ақпарат көзі : https://www.gov.kz/memleket/entities/mfa/press/news/details/25411?lang=kk

АСТАНА, 2018 жылғы 9 шілде - Қазақстан мен Ресей арасындағы ХХІ ғасырға бағдарланған мәңгілік достық және одақтастық туралы декларацияға қол қойылуының 20 жылдығына орай екі елдің сыртқы істер министрлері құттықтау жолдауларымен алмасып, екі халықтың достығын нығайту мүддесімен көпқырлы ынтымақтастықтың дамуын жалғастыруға сенім білдірді.Қазақстанның Сыртқы істер министрі Қайрат Әбдірахманов бұл маңызды құжатқа қол қою Қазақстан мен Ресей қатынастарының одақтастық сипатын алғашқы рет белгілеп, біздің елдер арасындағы ынтымақтастықтың үлгілі моделінің нығаюына және жан-жақты өзара ықпалдастығына жағдай жасады.«Өткен кезеңде Декларация біздің елдердің стратегиялық әріптестігі тетігінің берік негізі болды. Және бүгін Қазақстан мен Ресей арасындағы қатынастар сеніммен және ширақ дамуда, ал өзара ықпалдастық барлық бағыттарда тереңдеуде», - деп айрықша атап көрсетті Қ.Әбдірахманов.Өз кезегінде, Ресейдің Сыртқы істер министрі Сергей Лавров Декларацияның негіз болатын идеяларын іске асыру қазақстандық-ресейлік қатынастардың үдемелі дамуын, олардың одақтастық пен стратегиялық әріптестіктің жаңа сапалы деңгейіне шығуын қамтамасыз еткенін атап өтті.Ресей СІМ-інің басшысы өзінің құттықтау жолдауында: «Қазіргі күрделі халықаралық жағдайда мұндай амал бізге теңгерімделген, барынша көп дәрежеде бір-біріміздің мүдделерімізді ескеретін шешімдер табуға мүмкіндік береді», - деп жазды.1998 жылғы 6 шілдеде екі мемлекет басшылары Нұрсұлтан Назарбаев және Борис Ельцин Қазақстан мен Ресейдің мәңгілік достық дәнекерін «ұлттық қауіпсіздіктің, саяси тұрақтылықтың, ұлтаралық келісім мен екі елдің өркендеуінің кепілдігі» ретінде сақтайтынын салтанатты түрде мәлімдеді.2018 жылғы 6 шілдеде белгілі ресейлік басылым «Российская газетасында» Сыртқы істер министрі Қайрат Әбдірахмановтың Декларацияға қол қойлғандығының 20 жылдығына арналған мақаласы шықты. Атап айтқанда, Министр жаңа мыңжылдықта екі елдің көпқырлы және табысты қатынастарының дамуының сапалы жаңа ұстанымдары мен параметрлерінқалыптастырған Декларацияның құндылығы туралы айтып өтті. Бұдан өзге, Қ.Әбдірахманов шын мәнінде ТМД кеңістігіндегі стратегиялық әріптестік пен одақтастық қатынастардың үлгілі моделі деп атауға болатын Қазақстан мен Ресейдің бүгінгі достық қатынастары туралы пікірімен бөлісті.Ақпарат көзі : https://www.gov.kz/memleket/entities/mfa/press/news/details/25391?lang=kk

Әл-Фараби атындағы Қазақ ұлттық университетінің International Journal of Biology and Chemistry ғылыми журналы Web of Science Core Collection платформасындағы Emerging Sources Citation Index деректер базасына қосылдыClarivate Analytics (бұрыңғы Thomson Reuters) агенттігінің деректеріне сәйкес журналдағы мақалалар 2018 жылдың қаңтар айынан бастап индекстелетін болады. Университет журналының әлемдегі үздік ғылыми басылымдарды индекстейтін беделді халықаралық деректер базасына қосылуы университеттің ұлтаралық қатынасты және зерттеуді қалыптастыруға алған бағытының дұрыстығын растайды. Clarivate Analytics саясатына сәйкес Emerging Sources Citation Index базасында индекстелу үшін сараптамалық топпен журналдарды іріктеп алу Web of Science Core Collection негізгі деректер базасына (мұнда журналдағы мақалалардың басқа әдебиеттер тізімінде аталуының негізінде кейін импакт-фактор индексі беріледі) кіру үшін алғашқы және маңызды қадам болып табылады.International Journal of Biology and Chemistry журналы Web of Science Core Collection платформасындағы Emerging Sources Citation Index деректер базасына қосылған Әл-фараби атындағы ҚазҰУ-ң үшінші журналы болып табылады. Осылайша, аталған базада Әл-фараби атындағы ҚазҰУ-да шығарылатын «Eurasian Chemico-Technological Journal» және «ҚР ҰҒА хабарлары. Физика-математика сериясы» журналдары индекстеледі. Clarivate Analytics – деректер базасын, ақпараттық жүйелерді және зияткерлік меншік топтамаларын басқаратын тәуелсіз беделді компания. Бұл компания ғылыми және академиялық зерттеулерді, патенттік талдауды және құқықтық реттеуді, фармацевтикалық және биотехнологиялық зерттеулерді өткізуге, тауарлық белгілерді, брендтерді және зияткерлік меншікті қорғауға бағытталған. International Journal Biology Ғылым және басылым белсенділік басқармасАқпарат көзі : https://www.gov.kz/memleket/entities/edu/press/news/details/25298?lang=kk