Шығыс Қазақстан облысына қарасты Қасым Қайсенов кентінде жаңа үш қабатты заманауи емхананың құрылысы жүргізіліп жатыр. Қазіргі уақытта құрылыс жұмыстарының 70%-ы аяқталған.Облыстық құрылыс басқармасының мәліметіне сүйенсек, нысанды пайдалануға беру 2025 жылдың қараша айына жоспарланған. Жаңа медициналық мекеме күніне 150 адамды қабылдауға қауқарлы болады. Мұнда кеңес беру-диагностикалық және алдын алу бөлімшелері, сондай-ақ күндізгі стационар палаталары қарастырылған.Жаңа емхана Ұлан ауданының тұрғындарына қызмет көрсететін болады. Қазіргі таңда емханаға тіркелген халық саны 29 498 адамды құрайды.— Құрылыс жұмыстары жоспарға сәйкес жүргізілуде. Біз бұл әлеуметтік маңызы зор жобаның сапалы әрі мерзімінде аяқталуын қамтамасыз етуге жауаптымыз. Бүгінде ғимаратқа жылу жүйесі мен сумен жабдықтау жүйесі тартылды, терезелер мен есіктерді орнату жұмыстары жалғасуда. Сондай-ақ қабырғалар мен едендерді қаптау бойынша әрлеу жүріп жатыр. Көктемде медициналық мекеме айналасын абаттандыру басталады, — деп мәлімдеді мердігер ұйым өкілдері.Жаңа емхананың мүмкіндіктері кең болмақ. Мұнда флюорография, рентген, маммография, эндоскопия кабинеттері, сондай-ақ медицинадағы әр сала мамандарының кабинеттері (оториноларинголог, офтальмолог, дерматолог, невропатолог, кардиолог, онколог, акушер-гинеколог, хирург, травматолог, фтизиатр, жалпы тәжірибелік дәрігерлер) жұмыс істейтін болады. Сонымен қатар, зертханалық диагностика бөлімі де ашылып, онда микробиологиялық, серологиялық және жалпы клиникалық зерттеулер жүргізіледі.Жаңа емхана Ұлан ауданы тұрғындары үшін медициналық қызметтердің қолжетімділігін арттырып, сапалы әрі заманауи медициналық көмек көрсетуге мүмкіндік береді.Ақпарат көзі : https://www.gov.kz/memleket/entities/akimvko/press/news/details/949139

«Туризм экономиканың өсуіне жаңаша серпін беретін сала болуға тиіс. Еліміздің әр өңірінде көрікті жерлер бар. Сондықтан жеке инвесторларды да тарта отырып, қажетті инфрақұрылым салу жұмысын дереу бастау қажет».Қасым-Жомарт ТоқаевҚазақстан Республикасының ПрезидентіЕлдегі туризм саласында іске асырылып жатқан жүйелі іс-шаралардың нәтижесінде Қазақстанға келетін туристер саны да, әлемдік рейтингтегі орнымыз да айтарлықтай жақсарып келеді. Мәселен, Дүниежүзілік экономикалық форумның (World Economic Forum) Саяхат пен туризмді дамыту индексіне сәйкес Қазақстан туристік бағыттар тізімінде 119 ел ішінде 52-орынды иеленді. Бұған дейінгі индексте Қазақстан 66-орынға орналасқан еді.Ал былтыр Қазақстанға жұмыс бабымен немесе тұрақты тұруға келгендерді есептемегенде, туристік мақсатпен 15,3 млн шетелдік қонақ келген. Оның ішінде 10,4 млн адам елде бір күннен көп уақытқа қалып, шетелдік туристер санатына енді. Ресми статистикаға сәйкес, шетелдік меймандардың елімізде орташа болу мерзімі – 4 күн. Ұлттық банк мәліметінше, алыс шетелден келген туристер Қазақстанға сапары кезінде орта есеппен 1500 АҚШ долларын жұмсайды. 2024 жылы шетелдік туристер еліміздің аумағында 1,2 трлн теңгеден астам қаражат жұмсады. Туризм саласында негізгі капиталға салынған инвестиция көлемі тұрақты түрде өсіп келе жатқанын байқауға болады. 2019-2024 жылдар аралығында салаға салынған инвестиция көлемі төмендегідей:2019 ж. – 502 млрд тг2020 ж. – 629 млрд тг2021 ж. – 593 млрд тг2022 ж. – 513 млрд тг2023 ж. – 787 млрд тг2024 ж. – 947,5 млрд тг2019-2024 жылдар аралығында туризм саласында жалпы сомасы 550 млрд теңгеге 605-тен астам инвестициялық жоба іске асырылды, оның ішінде 2024 жылы 87 инвестициялық жоба сәтті аяқталды.Ірі инвестициялық жобалар ішінен Шымкент қаласындағы «Махамбет» қонақ үйін (жоба құны – 4,9 млрд теңге), Атырау облысындағы «Keremet Park»отбасылық паркін (3 млрд теңге), сондай-ақ Алматы облысындағы «Ақ-Жайық» демалыс аймағын (1,8 млрд теңге) атап өтуге болады.Сонымен қатар былтыр Мемлекет басшысы Қасым-Жомарт Тоқаевтың тапсырмасы бойынша Neo Nomad деп аталатын жаңа виза түрі енгізілді. Бұл виза заманауи көшпенділерге – саяхаттап, қашықтан жұмыс істейтін шетелдік туристерге арналған. Жаңа визалық режимді енгізер кезде пандемиядан кейін осындай бағдарламаларды сәтті қолданған 50-ден астам елдің халықаралық тәжірибесі назарға алынған.Neo Nomad визасын алған шетелдік туристердің Қазақстанда бір жылға дейін тұруға мүмкіндігі бар. Осы уақыт ішінде олар шетелдік компанияларда жұмыс істей алады. Бұл туристерге еліміздің мәдениеті мен тұрмысын жақынырақ тануға мүмкіндік беріп қана қоймай, ел экономикасына пайда әкеледі деп күтілуде. Виза енгізілген жағдайда жылына 500 адам оны алса, экономикалық әсер шамамен 3,6 млрд теңге болмақ. Визаны пайдаланатын шетелдік азаматтар Қазақстанда тұрып, қаражатын осында жұмсайды. Бірақ отандық еңбек нарығына әсер етпейді. Бұл – бағдарламаның маңызды бөлігі.Жалпы Қазақстанның туристік әлеуеті халықаралық аренада табысты насихатталып келеді. The New York Times нұсқасы бойынша Алматы қаласы үздік 52 туристік бағыттың қатарына енсе, Lonely Planet журналының нұсқасы бойынша Қазақстан 2025 жылы саяхаттауға тиіс үздік елдердің тізіміне кірді. Бұдан бөлек, Conde Nast Traveller Italia басылымы «Шымбұлақ» тау-шаңғы курортын таңдаулы ТОП-5 дестинация тізіміне қосты.Сонымен қатар CNN Travel 2025 жылы саяхаттауға тұрарлық 25 бағыттың тізімін жариялап, Қазақстанды ерекше мәртебеге лайық деп таныды. Атап айтқанда, Алматы қаласы саяхаттауға тиіс ең үздік бағыттардың қатарына енді. Қала кең табиғи ландшафттар мен дамып келе жатқан урбанистік мәдениетті біріктіретін ерекше атмосферасының нәтижесінде Орталық Азияның «жаңа стиль астанасы» деп аталды.Алдағы жылдары Қазақстан туризм саласын дамытуды қарқынды түрде жалғастырып, ауқымды жобалар мен бастамаларды жүзеге асырады.Басым бағыт ретінде үш ірі туристік аймақ белгіленді, олар: Щучье-Бурабай курорттық өңірі, Маңғыстау курорттық өңірі және Алматы тау кластері.2027 жылға дейін жалпы құны 1,1 трлн теңгеден асатын 181 инвестициялық жоба іске асырылады. Туризм саласында жұмыспен қамтылғандар санын 800 мың адамға дейін арттырып, агротуризмді дамыту есебінен ауылдық жерлерде 10 мың жаңа жұмыс орнын ашу жоспарланған.Ішкі туристер санын 11 миллион адамға жеткізіп, елдегі орналастыру орындарының төсек-орын қорын 280 мыңға дейін ұлғайту, сондай-ақ барлық қонақ үйді eQonaq ақпараттық жүйесіне енгізу көзделген.Сонымен қатар Қазақстан Дүниежүзілік экономикалық форумның Саяхат және туризмді дамыту жаһандық индексінде әлемнің үздік 50 елі қатарына кіруді мақсат етіп отыр.Бұл бастамалар елдің халықаралық туристік аренадағы орнын нығайтып, саяхатшылар, бизнес және жергілікті қауымдастықтар үшін жаңа мүмкіндіктер ашады.Ақпарат көзі : https://www.gov.kz/memleket/entities/tsm/press/news/details/949124

Өскеменде Олимпиада чемпионы Ольга Рыпакованың жүлдесі үшін Х Халықаралық турнирдің ашылу салтанаты өтті. Оған 21 елдің спортшылары келіп, өзара бақ сынасуда.Дүбірлі жарыстың ашылу салтанатына Шығыс Қазақстан облысының әкімі Нұрымбет Сақтағанов қатысып, әлемнің түкпір-түкпірінен жиналған спортшыларға сәттілік тіледі.– Құрметті спортсүйер қауым, қадірменді спортшылар! Олимпиада чемпионы Ольга Рыпакованың жүлдесіне арналған X халықаралық турнирдің ашылуымен құттықтаймын! Мемлекет басшысы Қасым-Жомарт Тоқаев азаматтардың салауатты өмір салтын ұстануы - дені сау ұлтты қалыптастырудың негізгі шарты екенін атап айтқан болатын. Шығыс Қазақстан облысындағы 1687 спорттық нысанда облыс халқының 43 пайыздан астамы жаттығады. Бүгінгі айтулы жарыс – Алғыс айту күнімен тұспа-тұс келіп отыр. Осы орайда, біздің мақтанышымыз – Ольга Рыпаковаға еліміздің Туын биіктетіп жүрген ерен еңбегі үшін алғыс айтамын, – деді Нұрымбет Сақтағанов.Бұл жылы еліміздің саңлақтарымен бірге Тәжікстан, Қырғызстан, Өзбекстан, Армения, Әзірбайжан, Сингапур, және Сауд Арабия құрамаларының мықтылары сынға түспек.Ақпарат көзі : https://www.gov.kz/memleket/entities/akimvko/press/news/details/949345

Осы ұсынымдарды «Дәнді және майлы дақылдар. Қазақстан» зерттеу бюросы әзірледіДәнді дақылдарНарықта 28 + дән маңызы бар бидай бағасы өсті.элеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минжұмсақ бидай 3 сыныпты, 28 клк +125+15ТОҚТАТУ145-жұмсақ бидай 3 сыныпты, 25 клк дейін81-ҚАЖЕТТІЛІГІНЕ ҚАРАЙ95-жұмсақ бидай 3 сыныпты, 23 клк дейін76-ҚАЖЕТТІЛІГІНЕ ҚАРАЙ85-жұмсақ бидай 4 сыныпты, 20 клк дейін71-ҚАЖЕТТІЛІГІНЕ ҚАРАЙ80-жұмсақ бидай 5 сыныпты, 17клк дейін60-ҚАЖЕТТІЛІГІНЕ ҚАРАЙ65-арпа 2 сыныпты73-ТОҚТАТУ85-Дурум (прот 14+)85-САТУ110-Дурум (прот 15+)102-САТУ13090Қызыл-бір апта ішінде төмендеу, жасыл-көтерілу, барлық бағалар-жаңа егін жинауРеспонденттердің айтуынша, дән маңызы бар 28 және одан жоғары 3-сыныпты бидай бағасы тоннасына 115-тен 125 мың теңгеге дейін, сапасына байланысты.Майлы дақылдар / бұршақМайлы дақылдар тобында күнбағыс 7 теңге/кг-ға қымбаттады. Зығыр бағасы 14 теңге/кг-ға төмендеді.* - премиум сапасы бар солтүстік аймақтар, * * - ҚҚС-сыз жаңа өнім курсивпен бөліндіэлеватардан, ҚҚС-мен, тг/кгАғымдағы бағаӨзгерістерҰсынымМүмкінмаксМүмкін минЗығыр220-14ТОҚТАТУ250-Рапс220+6ҚАЖЕТТІЛІГІНЕ ҚАРАЙ250180Күнбағыс173+7ТОҚТАТУ190160Мақсары138-САТУ15085Соя200+7ҚАЖЕТТІЛІГІНЕ ҚАРАЙ225-Қыша қара/ақ215-ҚАЖЕТТІЛІГІНЕ ҚАРАЙ300200Бұршақ (сары)*92-ҚАЖЕТТІЛІГІНЕ ҚАРАЙ12080Жасымық қызыл**198-ҚАЖЕТТІЛІГІНЕ ҚАРАЙ220-Жасымық жасыл (үлкен көлемде) **363-ҚАЖЕТТІЛІГІНЕ ҚАРАЙ450-Ұсыныстар:Стоп – тиімдірек баға болғанға дейін сауданы тоқтату ұсынылады.Қажет болғанда сату – техникалық немесе қаржылық қажеттіліктерге байланысты сату ұсынылады.Сату – жақын болашақта тиімді перспективалар байқалмағандықтан, өнімді сату ұсынылады.Максималды баға – ағымдағы сауда маусымында баға жете алатын жоғары шек. Бұл пікір түпкілікті емес және жағдайға байланысты өзгеруі мүмкін.Минималды баға – ағымдағы маусымда дақыл бағасы жетуі мүмкін төменгі шек.Ақпарат көзі : https://www.gov.kz/memleket/entities/moa/press/news/details/949290

Қазақ мал шаруашылығы және жемшөп өндіру ғылыми-зерттеу институты, Қытайлық Шыңжаң-Ұйғыр автономиялық ауданының мал шаруашылығы Академиясы және қазақстандық «Жібек Жолы» коммерциялық-инвестициялық компаниясы" ЖШС-і «Бір белдеу, бір жол» бастамасы шеңберінде бірлескен жайылымдық мал шаруашылығы зертханасын құруды жоспарлап отыр.Тиісті келісім бірлескен технологиялық әзірлемелерді, тәжірбие алмасуды, тренингтер арқылы кадрлар даярлауды, техникалық оқытуды және практикаға ғылыми жетістіктерді енгізуді көздейді.Тараптар теңдік және өзара тиімділік қағидаттарын басшылыққа ала отырып, ғылыми зерттеулер, технологиялық инновациялар және мал шаруашылығы саласында кадрлар даярлау саласындағы ынтымақтастықты нығайтуға ниетті.Ақпарат көзі : https://www.gov.kz/memleket/entities/moa/press/news/details/949412

Қазахстан шетелдік ІТ мамандарына жаңа мүмкіндіктер ашатын «Digital Nomad Residency» пилоттық жобасын ұсынды. Бағдарламаның мақсаты - әлемдік ІТ таланттарын елге жұмыс істеуге және тұрақты тұруға тарту, оның қарқынды дамып келе жатқан цифрлық экономикасының бір бөлігі болу.«Digital Nomad Residency» бағдарламасы ІТ саласында жұмыс істейтін шетелдік мамандарды тартуға бағытталған. Ол Қазақстанда тұрақты тұруға рұқсат алу мүмкіндігін жеңілдетілген түрде ұсынады.Жеке сәйкестендіру нөмірі (ЖСН) және электронды цифрлық қолтаңбасы (ЭЦҚ) болған жағдайда, шетелдік IT маманы сұранысқа ие мамандықтар тізіміне сәйкестігі үшін салалық мемлекеттік органның өтінішін алу үшін Astana Hub порталына өтініш береді. Кандидат шетелдік паспорт көшірмесін, түйіндемесін, портфолиосын, мотивациялық хатын, сотталмағаны туралы куәлігін және 3,5*4,5 түсті фотосуретін ұсынады. Нәтижесінде, кандидат Қазақстанның Цифрлық даму, инновациялар және аэроғарыш өнеркәсібі министрлігінен өзінің біліктілігін және IT маманы мәртебесін растайтын өтініш алады.Осыдан кейін, шетелдік IT маманы тұрақты тұруға рұқсат алуды алдын ала мақұлдау үшін eGov.kz порталында қызметке өтініш беруі керек.Қызметті пайдалану үшін:- eGov.kz порталында тіркеліп, "Азаматтарға" - "Азаматтық, көші-қон және иммиграция" - "Шетелдіктерге: ҚР-ға кіру және азаматтық" бөліміне өту қажет;- "Шетелдік IT мамандарына Қазақстан Республикасында тұрақты тұруға рұқсат беру" қызметін таңдап, "Қызметке онлайн тапсырыс беру" батырмасын басу керек;- көші-қон полициясының басқармасын таңдау керек;- шетел паспортының көшірмесін (өтініш берген кезде паспорттың жарамдылық мерзімі 180 күнтізбелік күннен артық болуы керек), ҚР шетел офисінің консулы куәландырған аудармасымен, 35x45 мм сандық фотосуретті қосу керек;- ЦДИАӨМ өтінішін қажет мамандықтардың тізіміне сәйкес келтіру керек;- тиісті мемлекеттің құзыретті органы берген азаматтық және/немесе тұрақты тұрғылықты мемлекетте сотталмағандығы туралы заңдастырылған құжатты қосаңыз және "Келесі" батырмасын басу керек;- қажетті жолақтарды толтыру керек;- қызметті ЭЦҚ арқылы қол қою керек;- өтінім сауалнамасын жүктеп, танысу керек;- ақпараттық жүйелерде заңмен қорғалған құпияны құрайтын ақпаратты пайдалануға келісім беру керек;- жүктелген және толтырылған өтінім сауалнамасын тіркеу керек;- өтінімді жіберу қажет;- қызмет нәтижесі пайдаланушының Жеке кабинетінде «Қызмет тарихы» бөлімінде қолжетімді болады.Өтінімді қарау мерзімі - 45 күнтізбелік күн. Содан кейін мамандар Қазақстанға келіп, Халыққа қызмет көрсету орталығының кеңселерінде рәсімдеуді аяқтай алады.Қосымша ақпаратты Astana Hub ресми веб-сайтынан табуға болады.Жоба ҚР Цифрлық даму, инновациялар және аэроғарыш өнеркәсібі министрлігі Мемлекеттік қызметтер комитетінің, "Ұлттық ақпараттық технологиялар" АҚ, ҚР Сыртқы істер министрлігі, ҚР Ішкі істер министрлігінің Көші-қон қызметі комитеті, ҚР Ұлттық қауіпсіздік комитеті және "Инновациялық технологиялар паркі" автономиялық кластерлік қорының бірлескен жұмысының арқасында жүзеге асырылды. ҚР ЦДИАӨМ баспасөз қызметіАқпарат көзі : https://www.gov.kz/memleket/entities/mdai/press/news/details/949507

Маңғыстау облысы әкімінің бірінші орынбасары Ербол Ізбергенов бастаған делегация Түркияның танымал кинорежиссері Мехмет Боздақпен кездесіп, өңірде киноиндустрияны дамыту мүмкіндіктерін талқылады.Киносүйер қауымға кеңінен танымал Мехмет Боздақ – тарихи жанрдағы ауқымды жобаларымен белгілі режиссер, продюсер әрі сценарист. Оның шығармашылығындағы ең ірі туындылардың бірі – түркі әлемінің ортақ мәдени мұрасы саналған «Ертұғырыл» телехикаясы.Кездесу барысында Маңғыстау өңірінің тарихи-мәдени әлеуеті сөз болды. Делегация құрамындағы ел ағасы Алқажан Еділхан өңірдегі тарихи-мәдени орындар мен көне ескерткіштердің маңызын атап өтіп, бұл жерлерде түсірілетін фильмдер қазақ киноөндірісіне ғана емес, түркі әлеміне ортақ тарихи туындыларға тың серпін беретінін жеткізді.Сапар аясында қазақстандық делегация режиссердың «Боздақ фильм» атты кино түсіру кешенімен танысты.Тараптар болашақта киножобалар аясында әріптестік орнату мүмкіндігін қарастырды. Басқосу нәтижесінде продюсер Мехмет Боздақ жақын аралықта Маңғыстау өлкесімен танысуға баратынын айтты.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949294

Бүгін, 2 наурыз күні Маңғыстау облысы Мұнайлы ауданы Басқұдық ауылындағы жеке тұрғын үйде бір отбасы мүшелерінің улану оқиғасы орын алды. Құтқарушылар мен жедел жәрдем бригадалары оқиға орнына жеткен кезде үйден жеті адамды тапты, олардың бесеуі кәмелетке толмаған балалар. Барлығы оқиға орнында қайтыс болды.Маңғыстау облысы ТЖД-нің алдын ала болжамы бойынша, қайғылы оқиға газ жабдықтарын пайдалану ережесін бұзу салдарынан орын алған. Қаза тапқандар – Қазақстанда уақытша тұрып жатқан Өзбекстан азаматтары.Төтенше оқиғаның себебін анықтау үшін арнайы комиссия құрылды. Оны Маңғыстау облысы әкімінің бірінші орынбасары Ербол Ізбергенов басқарады.Қайтыс болған отбасының туыстарына жан-жақты көмек беріледі, соның ішінде жерлеу рәсімін ұйымдастыруға қолдау көрсетіледі.Аталған оқиға Маңғыстау облысы әкімінің жеке бақылауында.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949373

Бүгінде Қарағанды облысының бірқатар компаниялары мұнай саласындағы ірі оператор – Karachaganak Petroleum Operating B.V. ынтымақтасады. Серіктестікті кеңейту перспективаларын талқылау үшін өңірге бас директор Марко Марсили бастаған консорциум делегациясы келді. Жұмыс сапарының қорытындысы бойынша облыс әкімдігімен меморандумға қол қойылды, оның мақсаты – жергілікті тауар өндірушілерді қолдау.Делегация бірқатар кәсіпорындарда болып, өндіріспен танысты. Сондай-ақ, Өңірлік кәсіпкерлер палатасының алаңында өңірлік тауар өндірушілердің өнімдерінің көрмесі ұйымдастырылды. Одан кейін өнеркәсіптік кәсіпорындар өкілдерінің қатысуымен дөңгелек үстел өтті.– Қарағанды облысы – еліміздің жетекші индустриялық орталықтарының бірі. Мұнда қазақстандық жалпақ прокат, тас көмірдің үштен бір бөлігінен астамы және барлық кокс көмірі, тазартылған күміс пен алтын, мыс, ферроқорытпалар және т. б. өндіріледі. Шикізат бағытына қарамастан, біз экономика құрылымын өзгерту үшін жұмыс істеп жатырмыз. Машина жасау, құрылыс индустриясы салаларында импортты алмастыратын өндіріс ашамыз. Өнеркәсіптік алаңдарды кеңейту бойынша жұмыс жүргізудеміз. Өнеркәсіптік әлеует Қазақстанның ірі компанияларын, оның ішінде Karachaganak Petroleum Operating B.V. де қамтамасыз етуге қабілетті, – деп атап өтті облыс әкімі Ермағанбет Бөлекпаев.Аймақ басшысы инвестициялық жобаларды қолдау барлық деңгейде: бастапқы циклдан бастап өндірісті толық іске қосуға дейін жүзеге асырылып жатқанын атап өтті. Өткен жылы инвестиция көлемі 1,4 трлн теңгеден асты.Кездесуде жергілікті қамтуды дамытудың басымдығы туралы айтылды.– Қазақстан өнеркәсіп секторында орасан зор әлеуетке ие және біз жергілікті кәсіпорындармен ынтымақтастығымызды кеңейтуге тырысамыз. Біз бүгін көріп отырған өндіріс деңгейі өңірлік компаниялардың сенімді бизнес-серіктес бола алатынын растайды, – деді Марко Марсили.Жергілікті қамтуды дамыту бағдарламасын ҚПО бас директорының орынбасары Мұхтар Манкеев таныстырды.– Бүгінде бізде ҚПО деректер базасында Қарағанды облысынан 86 компания тіркелген. 23 компаниямен бізде 49 млн долларға жуық сомаға келісім-шарт жұмыстары жүргізілді, – деп хабарлады ол. – Қызықты кейс бар – инжинирингтік қызметтерді оқшаулау: жобалау, іздестіру жұмыстары және т. б. Қарағанды облысындағы бірлескен кәсіпорын біздің тарихымызда алғаш рет жоғары технологиялық инжинирингтік жұмыстарды жүргізуге ұзақ мерзімді байланыс алды. Біз қарағандылық әріптеске өте жақсы жағдай жасадық. Қазір Қарашығанақ кен орнында жұмыс басталды.Ол сондай-ақ жарықдиодты шамдар жеткізетін компанияны мысалға келтірді. Ал «ҚарағандыКаздорпроект» кәсіпорны жол және құрылыс жұмыстарын авторлық қадағалауды жүзеге асырады.Қарағандылық тауар өндірушілер консорциум басшылығына өз ұсыныстарымен тікелей жүгіне алды.Ақпарат көзі : https://www.gov.kz/memleket/entities/karaganda/press/news/details/949014

Қарағанды индустриалды университетінің студенттері тұқым мен қалемшеден ағаш пен бұта көшеттерін өсіреді. Көшеттер өсіп, нығайған кезде оларды ЖОО аумағында егеді.ҚИУ жанында жұмыс істейтін Alive экологиялық клубында Теміртауды көгалдандыру жобасы басталды. Студенттер ЖОО аумағында әдеттегі және жергілікті климатқа тән емес ағаштардан аллея құруды жоспарлап отыр. Олар катальпа, ырға, шырша, сағызқарағай, мамыргүл және шетен бұталарының көшеттерін өздері өсіреді. Осылайша ағаштар ауыспалы ауа райына және қыстың қатаңдығына төзімді болады.– Жапырақты бұталар мекендейтін табиғи ареал – Қытай, Солтүстік Америка және Кариб теңізі аралдары. Алайда, ол аязға төтеп бере алады. Егер көшеттер сол жерде өсірілсе, бейімделу кезеңі қысқарады. Бір жазда катальпа биіктігі бір жарым метрге дейін өсуі мүмкін. Ағаштың пішіні қызықты және ол әдемі гүлдейді. Бұл ретте катальпаның жапырақтары өте үлкен, бұл біздің қала үшін өте маңызды. Жапырақтар көлемі неғұрлым үлкен болса, атмосфералық ауадан зиянды заттарды соғұрлым көп аулайды, – деді Alive экоклубының мүшелеріне кеңес беретін эколог Елена Варганова.ҚИУ студенттері көшеттердің бірінші партиясын өсіру үшін тұқымдар мен қалемшелердің өміршеңдігін анықтауды, ағаштарды кесу әдісімен көбейтуді және өскіндерге күтім жасауды үйренді. Тиісті күтім кезінде алынған көшеттер келесі көктемде ғана толыққанды көшеттерге айналады.Қарағанды индустриялық университетінің баспасөз қызметінің ақпараты бойынша Ақпарат көзі : https://www.gov.kz/memleket/entities/karaganda/press/news/details/949099

Қарағанды облысының әкімі Ермағанбет Бөлекпаевтың жеке қабылдауында өңір тұрғындары түрлі сауалдармен жүгінді. Олардың қатарында тұрғын үй-коммуналдық шаруашылық, медициналық қызмет көрсету сапасы және әлеуметтік көмекке қатысты мәселелер болды. Оларды шешу үшін кездесуге басқармалардың өкілдері шақырылды, ал қалалар мен аудандардың әкімдері тікелей байланыста болды.Осы күні қабылдауға келгендердің бірі – Осакаров ауданының тұрғыны. Жерлестерінің атынан ол облыс әкіміне газдандыру мәселесімен жүгінді. Айта кету керек, бірнеше жыл бұрын ЖСҚ әзірленіп, тендер өткізілген, бірақ сатып алуларға қатысушылардың біреуіне байланысты сот даулары басталып, проблема сол күйі қалған. Ермағанбет Бөлекпаев мәселені тез арада шешуді тапсырды.– Газдандыруды бастау керек, – деді облыс әкімі. – Магистральдық құбыр жүргізілген соң жобаны екі кезеңге бөлуді ұсынамын: автономды газ тарату стансасының құрылысынан бастау, содан кейін ішкі желілерге көшу. Сондықтан ақсақалдарға және ауданның барлық тұрғындарына мәселенің шешілетінін жеткізсеңіз болады.Сондай-ақ, кездесуде жер учаскесі бойынша сот талқылауына, ЖСЗТ бағдарламасына, еріктілерді қолдауға, медициналық қызметтердің сапасы мен Шахтинскке медициналық-әлеуметтік сараптаманы қайтаруға, сондай-ақ осы қалада балаларға арналған оңалту орталығын ашуға қатысты тұрғындардың өтініштері қаралды.– Биыл Балқашта оңалту орталығының құрылысын аяқтаймыз, ал келесі жылы осындай нысан Шахтинскіде «Қамқорлық» корпоративтік қорын қаржыландыру желісі бойынша ашылады. Қазір ғимаратта жөндеу жұмыстары жүріп жатыр, – деп түсіндірді денсаулық сақтау басқармасының басшысы Бибігүл Төлегенова.Тұрғындардың көптеген сұрақтарына сол жерде жауаптар берілді. Мұқият қарауды талап еткендер одан әрі шешілуі үшін бақылауға алынды.Ақпарат көзі : https://www.gov.kz/memleket/entities/karaganda/press/news/details/949131

Жыл сайын 1 наурызда Халықаралық азаматтық қорғаныс ұйымының (ХАҚҰ) бастамасымен түрлі елдерде Дүниежүзілік Азаматтық қорғаныс күні атап өтіледі. Биылғы жылы іс-шаралар «Азаматтық қорғаныс – халық қауіпсіздігінің кепілі» ұранымен өтуде. Қазақстан Республикасы Төтенше жағдайлар министрлігі азаматтық қорғау саласында халықты ақпараттандыру және оқыту мәселелеріне ерекше назар аударады. Дүниежүзілік Азаматтық қорғаныс күнін мерекелеу аясында Азаматтық қорғаныс айлығы өтуде. Елдің барлық өңірлерінде тактикалық-арнайы оқу-жаттығулар, дайындық тренингтері, тақырыптық дәрістер мен ашық сабақтар, сондай-ақ ақпараттық және оқыту материалдарын тарату арқылы профилактикалық іс-шаралар өткізіледі. Бұл жұмыс халықтың төтенше жағдайлардағы әрекет ету дайындығын арттыруға бағытталған. Алматы қаласының «Астана» алаңында техника, жабдықтар мен құрал-жарақтар көрмесі ұйымдастырылды. Алматылықтарға табиғи және техногендік сипаттағы төтенше жағдайлар кезіндегі іс-қимыл тәртібі түсіндірілді. 15 тәулікке дейін далада түрлі операцияларды жүргізу үшін қажетті жарақтармен жабдықталған ТЖМ Апаттар медицинасы орталығының медициналық госпиталін өрістету мен оның жұмысы ерекше болды. Салтанатты іс-шараға жеке құрамнан 200-ге жуық адам және 60 бірлік техника қатысты. Өскемен қаласының Металлургтер мәдениет сарайының жанындағы алаңда құтқарушылар техника көрмесін ұйымдастырып, облыс тұрғындары мен қонақтарын төтенше жағдайларға қарсы күресте қолданылатын заманауи жабдықтармен және құрал-жарақтармен таныстырды. Қатысушылардың әрқайсысы ТЖД қарамағына келіп түскен жаңа жоғары өтімді техниканы өз көздерімен көріп, тіпті оларға отыра алды. Облыстың қарапайым климаты жағдайында табиғи сипаттағы төтенше жағдайлармен күресуге мүмкіндік беретін «Toyota Hilux» жедел автокөліктері, қарлы, батпақты жерлерде жүретін техника халықты таң қалдырды. Жаңа өрт сөндіру көліктері, автоиінді көтергіш, жоғары тиімді дрондар және жауынгерлік жабдықтар тұрғындарды таң қалдырды. Іс-шара барысында ТЖ қызметкерлері мұздағы, өрттердегі және жер сілкінісіндегі іс-қимыл ережелері туралы айтып берді. Апаттар медицинасы орталығының дәрігерлері жәбірленушіні қалай реанимациялауға болатыны туралы мастер-класс көрсетті. Кинологиялық қызмет құтқарушылар қатарында қызмет ететін және іздестіру жұмыстарын жүргізетін лабрадор-құтқарушылармен таныстырды. Екінші құтқару батальонының әскери қызметшілері азаматтарды мамандықтың ерекшелігімен және төтенше жағдайда көмекке келген кезде қолданылатын құтқару жабдықтарымен таныстырды. Павлодарда құтқарушылар авариялық-құтқару техникасы мен жабдықтарын көрсетті. Облыс орталығының тұрғындары заманауи құтқару құралдарын көріп қана қоймай, оларды іс-әрекетте жеке сынап көруге бірегей мүмкіндік алды. Іс-шара қонақтары құтқарушылардың жауынгерлік киімдерін киіп, арнайы техникада отырып, төтенше жағдайларды жою кезінде қолданылатын жабдықтардың жұмысымен таныса алды. Өрт сөндіру машиналары, гидравликалық құралдар мен қорғаныс костюмдері балалар мен ересектердің ерекше қызығушылығын тудырды. Іс-шараға «Қызыл Ай» ұйымының еріктілері белсенді қатысты. Олар тұрғындарға жылы және қызыққа толы атмосфера сыйлай отырып, ыстық шай мен тәттілер ұйымдастырды. Сондай-ақ, павлодарлық құтқарушылар жаппай жарыс өткізді. Спорттық іс-шара қоғамда салауатты өмір салтын, құтқарушы мамандығын насихаттауға, командалық рухты нығайтуға бағытталған. Ауқымды жарыс Павлодар тұрғындарының сүйікті демалыс орындарының бірі Орталық жағалауда өткізілді. 250-ден астам қатысушы «Никитинскийден ойысынан» бастап, бүкіл жағалау бойындағы қашықтықты жүгіріп өтіп, Ертіс Променад сахнасында аяқтады. Құтқарушылар керемет физикалық дайындықты көрсетті, өйткені олардың қызметінің ерекшелігі үлкен жүктемелерге төтеп беру үшін төзімділік пен күш-жігерді қажет етеді. Жетісу облысының ауылдық округтерінде азаматтық қорғаныс саласына арналған арнайы іс-шаралар ұйымдастырылды. Іс-шара аясында мектеп оқушылары мен ауыл тұрғындары үшін өрт сөндірушілер мен құтқарушылардың арнайы техникасы мен құрал-жабдықтарының көрмесі ұйымдастырылды. Қатысушылар авариялық-құтқару құралдарының жұмысын өз көздерімен көріп, төтенше жағдайлар кезінде қолданылатын жабдықтармен танысуға мүмкіндік алды. Мектептерде эвакуация кезіндегі іс-қимылдарға арналған оқу-жаттығу шаралары өтті. Бұл оқушыларға төтенше жағдайда өздерін қалай ұстау керектігін үйретуге, қауіпсіздіктің негізгі ережелерін түсіндіруге бағытталған тәжірибелік сабақ болды. Орал қаласында Департаменттің және 20982 әскери бөлімінің 2-құтқару батальонының қарамағындағы заманауи арнайы техника мен жаңа авариялық-құтқару жабдықтарының көрмесі ұйымдастырылды. Көрме барысында оқушылар мен студенттер құтқару киімдерін киіп, кинологтар мен құтқарушылардың жұмысымен танысты. Шара соңында балаларға жаңа пісірілген тағамдар мен ыстық шай берілді. Азаматтық қорғаныс күні – төтенше жағдайлардың алдын алу, халықтың қауіпсіздік мәдениетін қалыптастыру және азаматтық қорғаныс саласындағы білімді арттыруға бағытталған халықаралық деңгейдегі маңызды дата. Құтқарушылар халықты төтенше жағдайларға дайындықтың маңыздылығына назар аударуға шақырып, кез келген қауіп-қатерге алдын ала дайын болу қажеттігін ескертті. Азаматтық қорғаныс саласындағы білім мен дағдылар – қауіпсіз өмірдің кепілі. Ақпарат көзі : https://www.gov.kz/memleket/entities/emer/press/news/details/949334

ҚР Оқу-ағарту министрлігінің «Дарын» РҒПО жалпы білім беретін пәндер бойынша республикалық ғылыми жобалар конкурсының республикалық кезеңін қорытындылады.Конкурстың басты мақсаты – оқушылардың ғылыми-зерттеу және оқу-танымдық қызметін ынталандыру, дарынды жас зерттеушілерді іріктеу және қолдау, сондай-ақ еліміздің зияткерлік әлеуетін қалыптастыру.Конкурстың қорытынды республикалық кезеңінде 900-ге жуық оқушы бақ сынады, оның ішінде ауылдық елді мекендерден 132 оқушы қатысты. Ауыл оқушыларының білім додасына қатысуы биылғы жылы 112,9 пайызға артып отыр, өткен жылы 62 оқушы қатысқан болатын.Конкурс екі кезеңде өткізілді: жаратылыстану-математикалық бағытындағы пәндер және қоғамдық-гуманитарлық бағыттағы пәндер бойынша.Конкурстың қазылар алқасының құрамында еліміздің беделді жоғары оқу орындарының профессор ғалымдары болды.Марапаттау қорытындысы бойынша 263 оқушы жаратылыстану-математикалық бағытында, 148 оқушы қоғамдық-гуманитарлық бағыт бойынша І, ІІ, ІІІ дәрежелі дипломдармен марапатталды. Сонымен қатар, жеңімпаздар мен жүлдегерлерге еліміздің жетекші жоғары оқу орындарына 32 ректорлық грант табыс етілді.Жаратылыстану-математикалық бағыттағы пәндерден ең үздік жобалар АҚШ-та (Огайо штаты, Колумбус) 10-16 мамырда өтетін Regeneron ISEF-2024 Дүниежүзілік ғылым және техника көрмесіне Қазақстанның атынан қатысады.Ақпарат көзі : https://www.gov.kz/memleket/entities/edu/press/news/details/949365

Бүгін облыс әкімі Ғауез Нұрмұхамбетов Петропавлдың тұрғындарымен жүздесті. Кездесуде отыз шақты қала тұрғыны түйткілді мәселелерді көтерді, оларға нақты жауаптар берілді. Жиында облыс орталығын дамыту жоспарын талқыланды. Өткен жылы басталған жұмыстарға қарқын қосылмақ. Қаланы абаттандыруға, инфрақұрылымға, жолдар мен аулаларды жөндеуге, сондай-ақ баспанамен қамтуға елеулі қаражат бөлінуде. Басым бағыттар: 1️⃣ Тасқыннан зардап шеккен аумақтарды абаттандыру. Бұл аумақта 2000 ағаш отырғызылып, 74 сквер, балалар мен спорт алаңдары, кіші архитектуралық формалар мен серуендеу жолдары жасалып, жарықтандырылады. 2️⃣Қала көшелерін жөндеуді жалғасады. Орташа жөндеу 45 көшені қамтиды, оның 42-де бұрын асфальт болмаған. Алдағы үш жылға міндет – барлық көшелерге асфальт төсеу. 3️⃣Аулаларды кешенді абаттандыру. 15 кварталда 50 аула жаңартылмақ. Айта кетейін, қазір 254 аула әлі де жаңғыртуды қажет етеді. 4️⃣Қала орталығындағы негізгі – Қазақстан Конституциясы көшесін жаңғырту. Көктемде жаяу жүргіншілерге ыңғайлы кеңістік жасау жұмыстары басталады, бұл көше қалалықтар мен қонақтарға ыңғайлы болады. 5️⃣ Баспана. Петропавлда 7 бюджеттік және 13 коммерциялық көпқабатты үй Жас Өркен, Копай, Береке, Орман және Орталықта бой көтереді. Әлеуметтік осал топтар үшін 110 пәтер сатып алынады. Былтыр осы категория үшін 169 пәтер алынды. Жастарды қолдауға бағытталған «Қызылжар жастары» тұрғын үй бағдарламасы іске қосылады. 6️⃣Әлеуметтік саланың дамуы. Жас Өркенде 280 орындық балабақша салынады. Сондай-ақ, республикалық «Үркер-Сириус» білім беру орталығының құрылысы басталады. 7️⃣Денсаулық сақтау. Жедел жәрдем орталығына заманауи стандарттарға сай жаңа ғимарат салу жоспарда бар. Медициналық мекемелерде күрделі жөндеу мен жаңа қондырғылар алу жалғасады. 8️⃣ Қалада жаңа спорттық нысандар бой көтереді. Жас Өркенде мұз сарайының құрылысы басталды, онда мұз аренасы, бассейн және спорт залдары болмақ. «Қарасай» стадионын жаңғырту аяқталады. "Кездесу барысында тұрғындар Петропавл қаласын дамыту бойынша маңызды мәселелер мен ұсыныстарын айтты. Барлық ескертулер қаланың даму жоспарына енгізіліп, іске асады", - деп атап өтті өңір басшысы.Ақпарат көзі : https://www.gov.kz/memleket/entities/sko/press/news/details/949184

Маңғыстау ауданында жаңартылатын энергия көздерін дамыту мақсатында қуаты 20 МВт күн электр станциясының құрылысы жүргізіледі.Шетпе ауылындағы «Каспийцемент» өндіріс орны бағытынан басталған жоба аймақтың энергетикалық тәуелсіздігін арттырып, экологиялық таза электр энергиясын өндіруге мүмкіндік береді.Аудан әкімі Ғалымжан Ниязов құрылыс алаңына барып, мердігер "Stellar Energy" мекемесінің өкілдерімен кездесті. Жоба барысы, құрылыс мерзімі және станцияның болашақта атқаратын жұмыс жайы талқыланды.Компания басшылығы аталған жобаны іске асыру үшін 5,678 млрд теңге қаржы жұмсайтынын айтты. Құрылыс жұмыстары енді басталған жобаның маусым айында аяқталатынын жеткізді. Аудан әкімі бұл инвестициялық жобаның ел үшін тигізер пайдасы көп дейді.-Мемлекет басшысы өңірлер дамуының қажетті тұстарына инвестиция тарту жөнінде тапсырма берген болатын. Облыс әкімінің қолдауымен ауданда күн электр станциясы жобасы бастау алды. Бүгінде көптеген елдерде электр энергиясына тапшылық байқалады. Қосымша жаңа жұмыс орнын ашу мүмкіндігін ескерсек, бұл аса қажетті инвестициялық жобалардың бірі деп есептеймін,- деді Ғалымжан Ниязов.Құрылыс жұмыстары кезеңінде жергілікті ауыл азаматтарынан 100 тұрғынды, станция толық қуатында жұмысқа кіріскенде тұрақты жұмыспен 10 адамды қамту жоспары бар. Жергілікті халық үшін жаңа жұмыс көзі ашылып, өңірдегі жасыл экономиканың дамуына серпін береді.Ақпарат көзі : https://www.gov.kz/memleket/entities/mangystau/press/news/details/949206

Бүгін 28 ақпанда Маңғыстау облысының әкімі Нұрдәулет Қилыбайдың төрағалығымен Ақтау қаласында үлескерлердің есебінен бой көтеріп жатқан «Сұлтан» көппәтерлі тұрғын-үй кешендерінің салымшыларымен кездесу өтті.Кездесуге облыс әкімінің орынбасары, Ақтау қаласының әкімі, облыстық құқық қорғау органдарының өкілдері, облыстық экономикалық тергеу департаменті мен облыстық құрылыс, сәулет және қала құрылысы басқармасының басшылары қатысты.Кездесуде салымшылар тұрғын үй кешенінің құрылысы тұралап қалғанына шағымдарын айтты.Облыс әкімі Заң талаптарына сай құрылыс компанияларына қойылатын талаптар күшейтіленінін айтып, салымшылардың мәселесін неғұрлым тезірек шешу үшін жауапты мекемелерге тиісті шаралар қабылдау жөнінде тапсырмалар берді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949225

Маңғыстау облысына медицина мамандарын тарту мақсатында біржолғы көтерме жәрдемақы төлеуге былтыр жыл соңында жергілікті бюджеттен қаржы бөлінген болатын. Облыс әкімдігі мен денсаулық сақтау басқармасының шешімімен бүгін, облыс бойынша 60 дәрігерге біржолғы көтермеақы төленді.Аудан және ауылдық жерге келген 32 дәрігерге 8.5 млн, Жаңаөзен қаласына келген 11 дәрігерге 5 млн, Ақтау қаласына келген 17 дәрігерге 3 млн теңгеден көтерме жәрдемақы берілді.Көтерме жәрдемақы алғандардың қатарында хирург, педиатр, жалпы тәжірибелі дәрігер, офтальмолог, онколог, анестезиолог-реаниматолог, невропатолог, рентгенолог, психиатр мен неонатолог сынды дәрігерлер бар.Бүгінде облыс бойынша 280 дәрігердің тапшылығы байқалып отыр. Өңір басшысы Нұрдәулет Қилыбай бұл мәселені шешу үшін Денсаулық сақтау басқармасының басшылығына аталған көтерме жәрдемақы көлемін одан әрі ұлғайтуды тапсырды.Маңғыстау облысы денсаулық сақтау басқармасының баспасөз қызметіАқпарат көзі : https://www.gov.kz/memleket/entities/mangystau/press/news/details/949229

Құрметті отандастар!Баршаңызды қасиетті Рамазан айының басталуымен құттықтаймын!Бұл – халқымыздың рухани өмірінде айрықша маңызы бар кезең. Ораза кезінде сабырлылық пен қанағатшылдық, жанашырлық пен қамқорлық секілді ізгі құндылықтар ерекше дәріптеледі. Азаматтарымыз мұқтаж жандарға көмек беріп, қайырымдылық жасауға ұмтылады. Мұның бәрі ислам дінінің гуманистік идеяларынан бастау алады.Халқымыз үшін дін мен дәстүр – бірін-бірі толықтырып, өзара сабақтасып жатқан егіз ұғым. Асыл дініміз де, ата дәстүріміз де жұртты жақсылық пен жасампаздыққа үндейді.Биыл Рамазан айы Алғыс айту күнімен тұспа-тұс келіп отыр. Мұның зор символдық мәні бар. Мазмұны терең, мағынасы үндес қос мереке халқымыздың берекелі бірлігін одан әрі нығайта түсуге шақырады. Оразадан оразаға аман-есен жете берейік!Баршаңызға бақ-береке тілеймін!Ниет қабыл болсын!t.me/aqorda_resmiАқпарат көзі : https://www.gov.kz/memleket/entities/mangystau/press/news/details/949233

Қадірлі жерлестер! Баршаңызды қасиетті Рамазан айымен қатар келген 1 наурыз – Алғыс айту күнімен шын жүректен құттықтаймын!Айтулы мерекелер көктем айының алғашқы күнімен бірге төрімізге еніп, күнделікті өмірімізге нұрлы шуағын шаша келгендей.Алғыс айту күні – бұл ең алдымен, еліміздің дамуына үлес қосып жүрген, қоғамдағы тұрақтылық пен тыныштықты сақтау мақсатында еңбек еткен, азаматтық және еңбекте ерлік жасаған, түрлі оқиғалар кезінде белсенділік пен азаматтық ұстаным танытқан қазақстандықтарға ризашылық білдіретін күн.Мемлекет басшысы Қасым-Жомарт Кемелұлы Тоқаев «Бұл – береке-бірлігімізді бекемдей түсетін мереке. Осы күні еліміздің азаматтары бір-біріне ерекше ілтипат көрсетіп, ризашылығын білдіреді. Сондай-ақ татулық, ынтымақ, достық сынды қастерлі құндылықтар жан-жақты дәріптеледі. Мұның бәрі ұлтты ұйыстырудың ұтымды жолы екені сөзсіз»,- деп атап өткендей бұл қастерлі құндылықтар әрдайым айнымас темірқазығымыз болып қала береді. Ішкі саяси тұрақтылық – әрбір азаматтың зор жауапкершілік пен белсенділік танытуының нәтижесі. Ардақты ағайын! Мұсылман баласын қуанышқа бөлейтін бұл ай елімізге, жерімізге құт-береке мен ынтымағын, ырысы мен берекесін ала келсін. Баршаңызға мықты денсаулық, отбасыларыңызға қуаныш, бақыт тілеймін! Бейбіт өмірдің берекесі, халқымыздың бірлігі арта берсін! Құрметпен, Маңғыстау облысының әкімі Нұрдәулет ҚилыбайАқпарат көзі : https://www.gov.kz/memleket/entities/mangystau/press/news/details/949239

Бүгін, 1 наурыз күні Маңғыстау облысында алғаш рет мал ауруларын емдеу жолдары туралы ғылыми кітап жарық көрді. 50 жылдан бері мал дәрігері болып қызмет атқарып келе жатқан тәжірибелі ветеринар Қаржаубай Көшеннің «Мал аурулары және емдеу жолдары» атты кітабының тұсаукесері өтті.Шараға Маңғыстау облысының әкімі Нұрдәулет Қилыбай, мал шаруашылығы саласының ардагерлері мен шаруа қожалықтарының иелері, ауыл әкімдеріқатысты.Жиында сөз алған облыс әкімі Нұрдаулет Қилыбай көктемнің алғашқы күнінде мерейлі 70 жасқа толған кітап авторына еселі еңбегі үшін алғыс айтып, ветеринария саласына қосқан үлесі үшін арнайы төсбелгі тақты.Сондай-ақ аймақ басшысы биыл бюджеттің басым бағыты әлеуметтік саламен қатар, мал шаруашылығына, ветеринария саласын жақсартуға бөлінгенін айтты.-Мал дәрігері мамандығының мәртебесін көтеруіміз керек. Осы бағытта алға қойған жоспарларымыз да бар. Биыл өңірдегі ветеринария саласына жергілік бюджеттен 2,4 млрд теңге қаражат бөлінді. Оның 1,3 млрд теңгесі аудандық ветеринария саласының ғимараттары мен тұрмыс-тіршілігін жақсартуға бағытталады. Сонымен бірге ветеринария саласының мамандарына 45 көлік алу үшін де қаржы қарастырылды. Саланың жағдайын жақсарту ісі - алға қойған басым бағыттарымыздың бірі.Қаржаубай Бисенұлының бүгін тұсауы кесілген еңбегі – еліміздің ауыл шаруашылығы саласына қосқан сүбелі үлесі деп білемін. Ағамыз алыстағы аядай ғана ауылда тұрып, ветеринария ғылымына үлкен жаңалық енгізді. Мал шаруашылығымен айналысушы азаматтарға таптырмас құнды дүние боларына сенімдімін,- деді Нұрдәулет Қилыбай.Саналы ғұмырын мал емдеу ісіне арнаған Қаржаубай Көшен кітабында өзінің көп жылдық тәжірибесімен бөлісіп, пайдалы мағлұматтар келтірген.Кітап тілі қарапайым, оқуға жеңіл, мал шаруашылығымен айналысатын кәсіпкерлер мен шаруаларға және ауылдың ветеринария саласы мамандарына қажетті көмекші құрал есебінде пайдалануға арналған.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949246