Қазақ ұлттық хореография академиясы өзінің халықаралық беделін нығайтуда. Euronews ірі еуропалық жаңалықтар телеарнасы әлемнің 160 еліне таралатын Modern Nomads бағдарламасы аясында Қазақстанның балет мектебі туралы арнайы репортаж ұсынды.Modern Nomads – Euronews телеарнасындағы бағдарламалардың жаңа редакциялық сериясы. Бағдарламада репортер қазіргі заман мен дәстүрді үйлестіре отырып, халықаралық көзқараспен Қазақстанның түрлі мәдениет ошақтарына саяхат жасайды.Бағдарлама көрерменді ұлттық өнермен, сәнмен, сәулетпен, дизайнмен және елдің мәдени дамуының өзге салаларымен таныстырады.«Қазақ балетінің жас жұлдыздары Астана сахнасын бағындыруда» атты шығарылымда Euronews телеарнасы классикалық өнерді ұлттық дәстүрлермен үйлестіретін талантты жас әртістерге тоқталды. Қазақстан жаһандық балет орталықтарының біріне айналып келеді. Бұл ретте Қазақ ұлттық хореография академиясы жаңа таланттарды тәрбиелеу мен дамытуда шешуші рөл атқарады.Жаңа толқынның жарқын өкілдерінің бірі – Торғын Лебен. Ол жақында беделді еуропалық Budapest Ballet Grand Prix-2025 балет байқауында 1-орынға ие болды. Оның орындауы ұлттық өнерді жаңа деңгейге көтеріп, өз еңбегімен жастарды шабыттандырып келеді.Modern Nomads бағдарламасындағы қазақстандық балет мектебі туралы репортаж әртістерді жоғары деңгейде даярлап жатқанын көрсетіп, олардың халықаралық аренада танылуына ықпал етеді. Енді қазақстандық балетті, атап айтқанда, Қазақ ұлттық хореография академиясын шет мемлекеттер де жақсы танып-білетін болады.Бұл Қазақстанның хореографиялық білім беру жүйесінің жоғары деңгейде дамып жатқанын және әлемдік аренаға лайық әртістер даярлайтын мемлекет ретіндегі беделін нығайтады. Академия Қытай, Ресей, Италия, Франция және өзге де әлемдік хореография мекемелерімен ынтымақтастық орнатқан. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/942562

Әбілхан Қастеев атындағы ҚР Мемлекеттік өнер музейінің 90 жылдығына орай, «Қазақстанның кітап графикасындағы ұлттық эпос» көрмесінің ашылу салтанаты өтті.Бұл маңызды мәдени іс-шара көрерменді көрнекті суретшілердің графикалық туындылары арқылы қазақ эпосы әлеміне терең бойлауға шақырады.Көрме Қазақстанның ұлттық әдеби және көркемсурет мұрасының маңызын көрсетуге, суретшілердің жаңа буынын тәрбиелеуге және көпшілікті қазақ халқының мәдени құндылықтарымен таныстыруға бағытталған.Көрмеде 90-ға жуық графикалық жұмыс пен ұлттық эпостың қазыналарын сақтайтын сирек басылымдар ұсынылды. Келушілер классикалық офорттан бастап, түпнұсқа графикаға дейінгі түрлі көркемдік техникамен жасалған батырлардың, арулар мен даналардың және мифологиялық кейіпкерлердің бейнелерін тамашалады. Әр шығарма ұлттық аңыздардағы ерекше оқиғалар мен ондағы кейіпкерлердің образын ашып, суретшілерді әдеби туындыны терең түсінуге шабыттандырады.Көрмедегі ерекше жұмыстардың қатарында «Қобыланды батыр»,«Қазақ халқының эпостық жырларына иллюстрациялар», «Алпамыс батыр», «Бозжігіт», «Айман-Шолпан» және т.б. жырларға арналған графикалық парақтар мен иллюстрациялар бар. Олар жұмыстарында кейіпкерлердің эмоциясын әсерлі жеткізіп, шығармаларға мерекелік көңіл-күймен қатар ұстамдылық пен мағыналылық мазмұн берген.Жоғарыда аталған және өзге де көптеген графикалық туындылар ғасырлар бойы ұрпақтан-ұрпаққа жалғасып, қазақ халқының мәдени коды мен рухани құндылықтары сақталған эпостарға жаңа көзқараспен қарауға ықпал етеді.«Қазақстанның кітап графикасындағы ұлттық эпос» көрмесі келушілерге қазақстандық суретшілердің шеберлігін көрсетіп қана қоймай, ұлттық аңыздардағы ғашықтық, даналық, батырлық ұштасқан бай мәдени мұраны тамашалауға мүмкіндік береді. ҚР Мәдениет және ақпарат министрлігінің баспасөз қызметі Ақпарат көзі : https://www.gov.kz/memleket/entities/mam/press/news/details/942773

Бүгін Астанада Қазақстан Республикасы Мәдениет және ақпарат министрлігі мен «Тұран-Астана» университеті «Студенттердің волонтерлік қызметке қосатын үлесі, саладағы сын-тегеуріндер мен келешегі» атты республикалық дөңгелек үстел ұйымдастырды.Аталған іс-шараның мақсаты – студент жастар арасында волонтерлік мәдениетті нығайту.Кездесуде волонтерлікті студенттік өмірдің ажырамас бөлігіне айналдыру, жастар арасында сұранысқа ие жобалар мен оларды дамыту тәсілдері, волонтерліктің кәсіби дағдыларды қалыптастыруға ықпалы секілді мәселелер көтерді.Студенттер білім беру платформаларын құрып, тәжірибелі волонтерлермен тұрақты кездесулер ұйымдастыруды және волонтерлікті насихаттау үшін әлеуметтік желілер мен цифрлық құралдарды белсенді пайдалануды ұсынды.Дөңгелек үстел волонтерлікті дамытуға, тәжірибе алмасуға және әлеуметтік мәселелерді шешуге бағытталған жаңа бастамаларды іске асыруға мүдделі студент жастарға арналған диалог алаңына айналды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/942815

Биыл елімізде Мемлекет басшысының Жарлығымен «Жұмысшы мамандықтар жылы» деп жарияланды. Облыс әкімінің орынбасары Бейсенбай Тәжібаевтың төрағалығымен өткен маңызды басқосуда осы бағытта атқарылатын жоспарлар таныстырылып, өндірістік және әлеуметтік салаларда жұмысшы мамандықтарының имиджін көтеру үшін түрлі шаралар өткізілетіні айтылды. Жиында облыс әкімінің орынбасары жауапты басшыларға нақты тапсырмалар берді.– Өңір басшысы Нұралхан Оралбайұлы аймақта ашылған және енді ашылатын өндіріс орындарында жұмыс істейтін жастарды даярлауды тапсырды. Осы мәселе басты назарда болуы тиіс. Түркістан облысында «Жұмысшы мамандықтар жылын» жылын өткізу жөніндегі өңірлік жоспар бекітілді. Жоспар 7 бағыт, 64 қадамнан тұрады. Басты міндетіміз – жұмысшы кадрларды даярлау жүйесін жетілдіру, жұмыс берушілердің жұмысшы мамандықтары кадрларын даярлауға және қолдауға қатысуын арттыру және имиджін көтеру. Салалық басқармалар, аудандық, қалалық әкімдіктер мен техникалық және кәсіптік білім беру ұйымдары бірлесе жұмыс атқарады. Сонымен қатар салалық басқармалар мен әкімдіктер өздерінің жоспарларын жасап, әлеуметтік бағдарламалар арқылы жұмысшыларға қолдау көрсетеді. Өңірдің еңбек нарығына болашақтағы сұранысқа ие «Мамандықтар атласы» жасалады. Осы бағыттағы жұмыстарды күшейтуіміз керек, – деді Бейсенбай Дәулетұлы.Түркістан облысы білім басқармасы басшысының орынбасары Айгүл Қасымбекова осы бағыт бойынша атқарылып жатқан жұмыстарды баяндады. Оның айтуынша, кәсіпорындарда-кәсіби бағдар, орта, ірі бизнес өкілдерінің қатысуымен ашық есік күндері және «Бос жұмыс орындары» жәрмеңкелері мен экскурсиялар ұйымдастырылады. «Mamandyk Fest» фестивалі, «Мамандықтар жәрмеңкесі», «Дублер күні» жобасы, «One School One Skill» (бір мектеп - бір дағды) жобасы, «Jas SkillsTurkistan», «Junior Skills Turkistan» кәсіби шеберлік конкурстары мен пәндік олимпиадалар қолға алынды. Жастардың арасында «Жұмысшының бір күні» аймақтық жұмысшы мамандықтар жәрмеңкесі, «Жұмысшы мамандығы – табысты болашақтың кілті» форумы, «Мен кәсіпкермін!» облыстық конкурс, «НаурызFEST», фестивалі, «Бизнесидея» байқауы, «Чемпиондар» және «Еңбек кубогы» спартакиадалары және тағы басқа іс-шаралар жыл бойы өткізіледі.Сонымен қатар биыл «Бір колледж – бір өнім» деп аталатын жоба енгізе отырып, 5 колледждің базасында цехтар ашып, кіші кәсіпорындарға айналдыру жұмысы атқарылауда. Білікті жұмысшы маман дайындаудың құралы болып саналатын дуальды оқыту қолға алынған. Бүгінгі таңда, 35 колледжде дуалдық оқыту жүйесімен 64 мамандық бойынша 654 орта және кіші кәсіпорынның қатысуымен 10 353 білім алушы қамтылған.Инвесторлар мен кәсіпорындардың сұранысы негізінде жаңа мамандықтарды ашу бойынша жұмыстар жүргізіледі. Мектептерде 10 бейіндік сыныптар және қосымша білім беру ұйымдарында техникалық клубтар ашылады. Колледждерге ребрендинг жасау, яғни білім мекемелерінің имиджін көтеру және жұмыс берушілермен ынтымақтастықты нығайту жұмыстары жүргізіледі.2024-2025 оқу жылында 15 525 мемлекеттік тапсырыс орналастырылған. Оның ішінде 8 678-і – жұмысшы мамандықтары. 2025-2026 оқу жылына 15500 мемлекеттік тапсырыс жоспарланған. Соның ішінде жұмысшы мамандықтарының санын 9500-ге ұлғайту жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/942445

ҚР Президенті Қасым-Жомарт Тоқаевтың бастамасымен қолға алынған «Таза Қазақстан» бағдарламасының «Таза қала» кезеңі аясында Бәйдібек ауданда тазалық жұмыстары ұйымдастырылды. Бұл жұмыстарға аудан тұрғындары, түрлі сала мамандары мен «ЖасLife» еріктілер клубының ерікті жастары атсалысты.Шара барысында кіреберіс және ішкі көшелер, саябақтар, арықтар мен су өткізгіш құбырлар қоқыстан тазартылды.Бұған дейін Бәйдібек ауданының әкімі Ерлан Нұрмаханов аудан тұрғындарын тазалық жұмыстарына белсене қатысуға, қоршаған ортаны таза ұстауға шақырған болатын.– Ауданымыздың болашағы мен дамуы тек біздердің бірлескен күш-жігерімізге байланысты. Көркею мен дамуға әрқайсымыз өз үлесімізді қосуымыз керек. Әрбір тұрғын жауапкершілікті өзіне міндет деп санаса, бәріміз бірге таза әрі әдемі ортада өмір сүретін боламыз. Сондықтан, сенбіліктер мен қоғамдық іс-шараларға белсене қатысып, экологиялық мәдениетімізді дамытуымыз қажет. Жұмыла көтерген жүк жеңіл, сондықтан ауданымыздың тазалығы мен көркеюі үшін бірігіп жұмыс істеуге, айналамызды таза ұстауға, қоғамдық орындарды әрдайым күтіп-баптауға, үй аулаларын ретке келтіруге шақырамын, – деді аудан әкімі.Айта кетейік, бағдарлама аясында ұйымдастырылған тазалық жұмыстарына 3000-ға жуық тұрғын мен белсенді жас қатысып, 28 техника жұмылдырылды. 41 шақырым көше бойы, 19 шақырым аяқжол, 16 балалар мен спорт алаңшасы, 8 көпір, каналдар мен өзен арналарында тазалық жұмыстары жүргізілді. Нәтижесінде, 92 тоннадан астам күл-қоқыс шығарылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/942451

Түркістан облысының әкімі Нұралхан Көшеровтің төрағалығымен Өңірлік инвестициялық штабтың кезекті отырысы өтті. Жиында облыста жүзеге асырылып жатқан жобалардың қазіргі жай-күйі пысықталды. Сонымен бірге алдағы уақытта атқарылатын инвест-жобалар да сараланды. Мәселелер ашық айтылып, аудан, қала әкімдері мен жауапты басқарма басшыларына, инвесторларға нақты міндеттер жүктелді.– Инвесторларға, кәсіпкерлерге әрдайым қолдау көрсетуге дайынбыз. Дегенмен жерді алып, жобаны кешіктіруге жол берілмейді. Жауапты басқармалар, жергілікті әкімдіктер инвесторлармен тығыз байланыста жұмыс істеп, жобаларды уақтылы жүзеге асырулары керек. Екі тарап та өздеріне жүктелген міндеттерін орындаулары тиіс, – деді Нұралхан Көшеров.Мәжілісте Созақ ауданында жүзеге асырылып жатқан «Катко» Қазақстан-француз бірлескен кәсіпорны» ЖШС-нің инвестициялық жобалары, «Буденовское» БК» ЖШС-нің уранды қайта өңдеу кешенінің құрылысы, «TAIQONYR QYSHQYL ZAUYTY» ЖШС-нің күкірт қышқылын өндіру зауытының құрылысының қазіргі жағдайы талқыланды. Жұмысты жандандыру жүктелді. Бұл үш жоба жүзеге асқанда 1000-нан аса жұмыс орны ашылады. Сонымен бірге Кентаудағы «КазОйлЭнерджи» ЖШС-нің түрлі-түсті кендерді және металлургия өндірістерінің өнеркәсіптік қалдықтарын өңдейтін зауыт салынуда. 2026 жылы ашылады деп межеленген зауытта 1500 тұрғын жұмыспен қамтылмақ. «Kentau Redstar» мен «Turan Shenhua» жауапкершілігі шектеулі серіктестіктерінің жобалары да талқыланды. Бұл өндіріс орындары іске қосылатын кез жақын. Ордабасы ауданында «CENTRAL ASIA ALUMINIUM» ЖШС-нің алюминий өнімдерін өндіру зауының құрылысы да қарқынды. Мұнда 100 адам жұмыспен қамтылады. Сондай-ақ Түлкібас, Қазығұрт, Бәйдібек, Төлеби ауданы мен Арыс қаласындағы жобаларды инфрақұрылыммен қамту мәселелері де қаралып, тиісті тапсырмалар берілді.Айта кетейік, өткен жылы Түркістан облысында негізгі капиталға бағытталған инвестиция көлемі 1 334,9 млрд. теңгеге жетіп, 1,4 есе артығымен орындалды. Экономиканың дамуына тың серпін беретін 145 инвестициялық жобаның пулы қалыптастырылды. Оның ішінде өндірісті және ауыл шаруашылығын терең қайта өңдеуді дамытуға басымдық берілуде. Аймақта жаңа зауыттар ашып, жұмыс орындарын көбейту бағытындағы ілкімді істер жалғасады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/942533

12025 жылғы 19 ақпанда Қазақстан Республикасының Әділет министрлігінде Зияткерлік меншік құқығы комитетінің төрағасы Ш. Әбдіреева мен АҚШ-тың Қазақстандағы Елшілігінің экономикалық бөлімі басшысының м.а. К. Хофманмен кездесті. Тараптар екіжақты өзара іс-қимылдың негізгі аспектілерін талқылап, ынтымақтастықты одан әрі дамыту туралы көзқарастарымен алмасты.АҚШ Қазақстанның зияткерлік меншік құқықтарын қорғау және сақтау саласындағы өсімін жоғары бағалады, әсіресе Әділет министрлігі департаменті мәртебесінің Комитет деңгейіне көтерілгенін атап өтті, бұл олардың пікірінше, Қазақстан Республикасы Үкіметінің осы мәселелерге ерекше назар аударғанын көрсетеді.Олар бұл сала инновацияларды дамытуда және инвестицияларды тартуда шешуші рөл атқаратынын атап өтті, сондай-ақ 2006 жылдан бері«301 арнайы баяндаманы» бұзушы елдердің бақылау тізіміне кірмейтін Қазақстанның тұрақты ілгерілеуін жоғары бағалады.Ш. Әбдіреева зияткерлік меншік саласын жетілдіруге бағытталған негізгі заңнамалық бастамаларды ұсынды. Марракеш келісімін ратификациялауға ерекше назар аударылды, бұл зағип және нашар көретін адамдардың білім мен мәдениетке қол жетімділігін жақсартады.Ол сондай-ақ «Apple», «Toyota», «Kit Kat», «Nesquik», «Procter & Gamble» и «Henkel AG & Co. KGaA» сияқты брендтердің мүдделерін қорғауға мүмкіндік беретін тексеруге мораторий алынып тасталғаннан кейін құқықтардың бұзылуына қарсы күрестің жанданғанын атап өтті.Тараптар зияткерлік меншік саласындағы әріптестікті одан әрі тереңдетуге өзара қызығушылықты растады. Басым бағыттардың қатарында мамандардың біліктілігін арттыру, патенттік сараптама саласындағы үздік тәжірибелермен алмасу, авторлық құқықтарды қорғау және контрафактілік өнімдерге қарсы күрес атап өтілді.ҚР мен АҚШ арасындағы зияткерлік меншік саласындағы ынтымақтастықты дамыту Қазақстанның халықаралық аренадағы сенімді әріптес ретіндегі ұстанымын нығайтуға жаңа мүмкіндіктер ашады.Ақпарат көзі : https://www.gov.kz/memleket/entities/adilet/press/news/details/942775

Қытай Халық Республикасына жұмыс сапары аясында Алматы әкімі Ерболат Досаев Шанхай мүгедектер федерациясының төрағасы Ду Сунцюанмен кездесті. Кездесу Шанхайдағы Sunshine 201 мүгедектігі бар адамдарды жұмысқа орналастыру орталығында өтті, ол ерекше қажеттіліктері бар адамдарға жұмысқа орналастыру, кәсіптік оқыту, кеңес беру және бизнес-инкубация бағдарламаларына қатысу қызметтерін ұсынатын көпфункционалды платформа болып табылады. Сонымен қатар, орталықта жыл сайын ерекше қажеттіліктері бар адамдарға оңалту және медициналық көмек көрсетіледі. Соңғы жылдары орталықта оңалту қызметтерінің тиімділігі 90% - дан астамға жетті.Ерболат Досаев Шанхай мүгедектер Федерациясының ерекше қажеттіліктері бар адамдар үшін заңнаманы және инфрақұрылымды жетілдіру, жұмысқа орналасу тәсілдері, жұмыс орындарын квоталау тетіктері және қызметтерді автоматты түрде іріктеу үшін жасанды интеллектті пайдалану бөлігіндегі жұмыс тәжірибесі Алматы үшін ерекше қызығушылық тудыратынын атап өтті.Кездесу қорытындысы бойынша тараптар екіжақты ынтымақтастық аясында Алматыда инклюзивті ортаны дамыту жөніндегі бірлескен жоспарды әзірлеу ықтималдығын талқылады. Бұл ерекше қажеттіліктері бар адамдарды әлеуметтік қолдау, оңалту және жұмысқа орналастыру бойынша жаңа жобаларды табысты іске асыруға мүмкіндік береді.Айта кетерлігі, Алматы әкімдігі жұмысындағы басымдықтардың бірі инклюзивті ортаны құру, барлық тұрғындар үшін олардың физикалық мүмкіндіктеріне қарамастан оқуда, жұмысқа орналасуда және әлеуметтік бейімделуде тең мүмкіндіктер беру болып табылады. Қалада ерекше қажеттіліктері бар 56 мың адам тіркелген. Шанхайда 2024 жылы ерекше қажеттіліктері бар 613 100 адам тіркелген және сертификатталған. Ақпарат көзі : https://www.gov.kz/memleket/entities/almaty/press/news/details/942488

Алматыда «Таза Қазақстан» бағдарламасы аясында көліктің экологиялық таза түрлері үшін инфрақұрылымды дамыту жалғасуда. Биыл қалада 20 шақырымға жуық веложол салу жоспарлануда.Қалалық мобилділік басқармасының хабарлауынша, 2024 жылы қалада Сайын - Мөңке би жолайрығын салу аясында 2,4 шақырым веложол жабдықталды.«Ағымдағы жылы Абай даңғылын қала шекарасына дейін және Саин көшесін Рысқұлов даңғылынан Мөңке би көшесіне дейін ұзарту аясында 7,2 км жайластыру жоспарлануда. Сондай-ақ, Райымбек батыр даңғылы бойынша BRT желісін салу аясында шамамен 15 км-ді жабдықтау жоспарлануда. Жалпы, велоинфрақұрылымды жүйелі дамыту 2030 жылға дейінгі Көлік қаңқасының мастер-жоспарында көзделген», - деп атап өтті басқарма.Бүгінгі таңда қалада 89 км велоинфрақұрылым (веложолақтар – 25,15 км, веложолдар – 63,8 км), 73 бағдаршам нысаны, велопайдаланушыларға қызмет көрсетуге бағдарланған 1025 жол белгісі жабдықталған. Айта кету керек, веложолдар желісін дамыту тұрғындарға балама жолдарды ұсына отырып, қалалық инфрақұрылымды жақсартуға ықпал етеді. Бұл ауаның газдану деңгейін төмендетіп қана қоймайды, сонымен қатар жолдардағы көліктердің санын азайтады, қаладағы жалпы көлік жағдайын жақсарта отырып, кептелістерді азайтуға мүмкіндік береді.Ақпарат көзі : https://www.gov.kz/memleket/entities/almaty/press/news/details/942498

Алматы әкімі Ерболат Досаев ҚХР-ға жұмыс сапары барысында Цзясин қаласында (Шанхай маңында) орналасқан SUS Environment тұрмыстық қатты қалдықтарды қайта өңдеу зауытына барды.Shanghai SUS Environment – экология және энергетика саласындағы кешенді қызметтерді ұсынатын әлемдік жетекші компания. Ол қалдықтарды энергияға айналдыру бойынша әлемдік нарықта көш бастап тұр. 2008 жылы негізі қаланған компанияның Қытай, Вьетнам, Бангладеш, Тайланд, Малайзия, Индонезия, Филиппин және Өзбекстан елдерінде қоқыс өңдеу зауыттары бар. Бүгінде компанияда 3,5 мыңнан астам қызметкер жұмыс істейді, 10 халықаралық басқару орталығы мен 1 жаһандық өндірістік орталыққа ие.SUS Environment зауыттарының басты ерекшелігі – заманауи дыбыс оқшаулау және ауа сүзгілеу жүйелерімен жабдықталуы. Бұл технология шу деңгейін барынша азайтып, жағымсыз иістерді жояды.Сонымен қатар, зауыттардың айналасында жасыл аймақтар, көгалдар және ағаштар отырғызылып, жергілікті тұрғындар үшін қолайлы экологиялық орта қалыптастырады.Компанияның тең құрылтайшысы әрі операциялық директоры Чжу Сяопин Алматы әкімі Ерболат Досаевқа SUS Environment қалдықтарды өңдеу станцияларының энергия өндіру тиімділігі 26%-ға жеткенін айтты. Бұл орташа салалық көрсеткіштерден жоғары және Қытай мен Еуропаның экологиялық стандарттарына сәйкес келеді.SUS Environment – қалдықтарды энергияға айналдыру технологиялары мен жабдықтарын жеткізуші №1 компания. Ол 287 қоқыс өңдеу зауытына қолданылатын 273 патентке ие. Сонымен қатар, эко-индустриалды парктерді дамытуға инвестиция салатын әлемдегі ең ірі үш компанияның бірі. Бүгінде компания 84 жобаны іске асырып, күніне 110 мың тонна қалдық өңдеу қуатына және жылына 18 млрд кВт/сағ электр энергиясын өндіруге қол жеткізді. Бұл энергия 2,65 млн шаршы метр аумақты жылытуға мүмкіндік береді.Қазіргі уақытта компания SUS 4.0 жаңа технологияларын әзірлеу және енгізу жұмыстарын жүргізуде. Бұл бастама қалдықтарды энергияға айналдыру кезінде көміртек шығарындыларын ақылды басқару және жылуды тиімді пайдалану технологияларын қамтиды. Сондай-ақ, онлайн мониторинг жүйесі, көміртекті ұстау технологиясы және интеллектуалды басқару жүйесі енгізілмек.Кездесу соңында тараптар екіжақты серіктестікті дамыту және өзара ынтымақтастық орнату жөнінде келісімге келді.Ақпарат көзі : https://www.gov.kz/memleket/entities/almaty/press/news/details/942513

21 ақпанда Алматыда қала әкімі кубогына арналған «Almaty Tech Cup - 2025» халықаралық инженерия және робототехника чемпионаты басталады, деп хабарлады өңірлік коммуникациялар қызметінің баспасөз конференциясында «Алматы Дарыны» орталығының директоры Гүлнұр Каримғажы.Бұл Орталық Азиядағы ең ауқымды турнир, оған 3 мыңнан астам қатысушы, соның ішінде Қазақстан, Үндістан, Түркия, Моңғолия, Түрікменстан, Қырғызстан және Өзбекстаннан келген 20 шетелдік команда қатысады.«Бұл беделді жарыс жас инженерлер, бағдарламашылар және өнертапқыштар үшін аса маңызды шара. Қатысушылар тек сайысқа түсіп қана қоймай, түрлі интерактивті іс-шараларға, инженерлік квесттерге қатысып, жүлделер мен естелік сыйлықтарға ие бола алады», – деді ол.Оның айтуынша, чемпионат 2014 жылдан бері өткізіліп келеді. Осы уақыт ішінде қатысушы командалар саны 20-дан 400-ге дейін артқан. Қазақстандық оқушылар халықаралық аренада жоғары нәтижелер көрсетіп келеді. Мысалы, АҚШ-та өткен чемпионатта Алматы құрамасы 80 команданың ішінен үздік 10-дыққа енді. Сонымен қатар, 2022 жылы Женевада, 2023 жылы Сингапурда, 2024 жылы Афинада Қазақстанның жас инженерлері әлемдік алтын жүлдеге ие болды.2025 жылғы чемпионат робототехника, инженерия және дрон жарыстарын қамтиды, олардың ішінде Aspan Cyber Race, Aspan Drone Competition, Aspan Whoop Race және Aspan Drone Race бар. Қатысушылар First Lego League (4-16 жас) және First Tech Challenge (16-18 жас) бағыттары бойынша өз шеберліктерін көрсетеді.Бас жүлде – Алматы қаласы әкімінің кубогы, ол барлық байқауларда ең көп ұпай жинаған үздік командаға табысталады. Жеңімпаздар тек кубокпен ғана шектелмей, еліміздің үздік университеттерінен білім гранттарына да ие бола алады.Ақпарат көзі : https://www.gov.kz/memleket/entities/almaty/press/news/details/942544

Бүгін Көлік министрлігінде Қазақстан Республикасы Әділет министрлігінің өкілі Ғ. Әлиханованың қатысуымен кезекті құқықтық жалпыға бірдей оқыту шеңберінде семинар өтті.Семинарда заңнаманың салалары (кіші салалары) бойынша құқықтық мониторинг жүргізу қағидаларының нормалары мен талаптары түсіндірілді.Жалпыға бірдей оқыту қорытындысы бойынша құрылымдық бөлімшелердің қызметкерлеріне заңнамалық және заңға тәуелді құқықтық актілерге мониторинг жүргізу сапасын арттыруға бағытталған тиісті ұсынымдар берілді, сондай-ақ қабылданған нормативтік құқықтық актілерде Қазақстан Республикасының заңнамасына қайшылықтарды, қайталануларды, олқылықтарды, тиімсіз іске асырылатын, ескірген және сыбайлас жемқорлыққа қарсы құқық нормаларын айқындауға және оларды болжау жолымен жетілдіру және қабылданған нормативтік құқықтық актілерді іске асырудың тиімділігін талдау, бағалау, әзірлеуге байланысты проблематика талқыланды.Жалпы, семинарды өткізу құқықтық мониторинг саласындағы практикалық білімді кеңейтуге мүмкіндік берді.Ақпарат көзі : https://www.gov.kz/memleket/entities/transport/press/news/details/942721

КҮН САНЫ Елімізде суармалы жерді қалпына келтіру және жақсарту жұмыстары жүргізіліп жатқан жердің көлемі 700мың гектардан астамАқпарат көзі : https://www.gov.kz/memleket/entities/water/press/news/details/940766

Біздің өңір – экономикалық және өнеркәсіптік әлеуеті жоғары, қарқынды дамып келе жатқан аймақтардың бірі.2024 жылдың қорытындысы бойынша, Костанай облысында бөлшек сауда көлемі 11,7%-ға өсіп, 691,2 млрд теңгені құрады, ал көтерме сауда 10,4%-ға артып, 1 165,8 млрд теңгеге жетті. Ішкі сауда көрсеткіштері оң динамиканы көрсетіп, 12,0%-ға өсіп, 1,8 трлн теңгеден асты (2023 жылы – 1,6 трлн теңге).Өңірдің сыртқы сауда айналымы 4,7 млрд АҚШ долларын құрады. Тауар айналымының құрылымында экспорттың үлесі 33,8%, импорттың үлесі 66,2% құрайды. Бұл ретте, облыстың экспорты 1,6 млрд АҚШ долларына, ал импорты 3,1 млрд АҚШ долларына тең болды. Облыста шетелдік қатысуы бар 1 175 кәсіпорын жұмыс істейді.Өңір экономикасы тұрақты өсімді көрсетуде және оның әрі қарай дамуын қамтамасыз ету мақсатында ірі инвестициялық жобалар іске асырылуда. Өткен жылы өңірдің өнеркәсіптік секторында жалпы инвестиция көлемі 136 млрд теңге болатын 9 ірі жоба іске қосылып, 1,5 мың жаңа жұмыс орны құрылды. Бұл жобалар машина жасау, металлургия, жеңіл өнеркәсіп және агроөнеркәсіптік кешен салаларын қамтиды.Мысалы, өнеркәсіптік кооперация аясында автокөлік өндірісінде (ЖШС «СарыарқаАвтоПром») Чехияның SKODA, Қытай Халық Республикасының HONGQI, сондай-ақ Өзбекстан Республикасының «Узавтосаноат» өнеркәсіптік концерндерімен серіктестік орнатылды. Жалпы инвестиция көлемі 38,7 млрд теңгені құрап, зауыттың өндірістік қуаты жылына 50 мың автомобильді құрайды, сонымен қатар 650 жаңа жұмыс орны ашылды.2025 жылы жалпы инвестиция көлемі 286,8 млрд теңге болатын және 3,4 мың жұмыс орнын құруға мүмкіндік беретін 9 инвестициялық жобаны іске қосу жоспарлануда. Аталған жобалардың ішіндегі ең ірілері өңір үшін басым саналатын машина жасау және металлургия салаларында жүзеге асырылады.Мәселен, өңірде толық циклді KIA автокөлік өндіру зауытын салу жобасы іске асырылады. Бұл жоба өңірдің экономикалық дамуына оң әсер етіп, экспорттық әлеуетін арттыруға ықпал етеді. Жобаның жалпы инвестициясы 90 млрд теңгені құрап, зауыттың өндірістік қуаты жылына 70 мың автомобильді құрайды және 1 500 жаңа жұмыс орны ашылады.Автокөлік өндірісі саласындағы тағы бір маңызды жоба – автокомпоненттер өндіретін Локализациялық орталықтың (ЖШС «TEHNOPARK KZ») құрылысы. Бұл жоба негізінен қазақстандық автозауыттарға өнім жеткізуді қамтамасыз етеді, оның ішінде KIA зауытына да. Жоба шағын өнеркәсіп аймақтарын құру бағдарламасы аясында жүзеге асырылады, оның ерекшелігі – алаңда отандық шағын және орта бизнес субъектілерінің өндірістерін орналастыру. Бұл жоба импортты алмастыру және өндірісті терең локализациялау мақсатында іске қосылуда.Сонымен қатар, биыл металлургия саласында екі ірі жобаны (ЖШС «KamLit KZ») іске қосу жоспарлануда:жетекші белдік редукторларын шығару,жүк көліктеріне арналған белдік арқалықтарын тереңдетілген локализациямен өндіру.Өндірістік қуаты:74 мың редуктор,90 мың белдік арқалық,жалпы инвестиция көлемі – 160,5 млрд теңге,650 жаңа жұмыс орны ашылады.Бұл жобалар өндіріс көлемін арттырып қана қоймай, шығарылатын өнім түрлерінің кеңеюіне ықпал етеді.Сонымен қатар, алдағы жылдары өңірде үш перспективті жоба жүзеге асырылмақ. Олар – металды терең өңдеу және өңірдің көлік-логистикалық әлеуетін дамытуға бағытталған.Атап айтқанда:Ыстық брикеттелген темір өндіру зауытының (АҚ «ССГПО») құрылысы – өндірістік қуаты 4 млн тонна, жобаның құны – 920 млрд теңге, 1,1 мың жаңа жұмыс орны ашылады.Болат құю зауытының (ЖШС «CASPIAN STEEL QZ») құрылысы – өндірістік қуаты жылына 1 млн тонна, жоба құны – 308 млрд теңге, 600 жұмыс орны құрылады.Бұл жобалар шикізатты өндіруден бастап, оны өңдеу және дайын өнімді шығару бойынша толық технологиялық циклді қалыптастыруға мүмкіндік береді.Өндіріс көлемінің артуы мен жаңа өнім түрлерінің шығуы логистикалық инфрақұрылымның дамуын қажет етеді. Осыған байланысты, Қостанай қаласында жалпы құны 37 млрд теңге болатын «құрғақ порт» көлік-логистикалық кешенін салу жоспарланған. Жобаның қуаты – жылына 400 мың контейнер, 500 жаңа жұмыс орны ашылады. Өңірдің тиімді экономикалық-географиялық орналасуын ескере отырып, бұл жоба халықаралық логистикалық хаб құруға мүмкіндік береді.Жалпы, облыс бойынша жалпы инвестиция көлемі 2,3 трлн теңгеден асатын 45 инвестициялық жоба іске асырылуда, нәтижесінде 10,5 мың жаңа жұмыс орны ашылады.Қостанай облысы – түрлі экономикалық салаларға инвестиция салуға қолайлы өңір. Өңірдің географиялық орналасуы, дамыған инфрақұрылымы, бай табиғи ресурстары және қарқынды дамып келе жатқан өнеркәсіп секторы инвесторлар үшін тартымды мүмкіндіктер ұсынады. Қостанай облысы әкімінің орынбасары Әбенов А.Т.-ның "Костанайские новости" газетіне берген сұхбатыРедакцияның фотосыАқпарат көзі : https://www.gov.kz/memleket/entities/kostanay/press/news/details/943128

Үкіметте вице-премьер – ұлттық экономика министрі Серік Жұманғариннің төрағалығымен «AMANAT» партиясының 2023-2027 жылдарға арналған «ХАЛЫҚПЕН БІРГЕ!» сайлауалды бағдарламасының орындалуы бойынша жол картасын іске асыру жөніндегі штаб отырысы өтті. Жол картасы азаматтардың әл-ауқатын экономикалық және әлеуметтік дамытудың 10 бағытынан тұратын 205 шараны қамтиды. Ұлттық экономика вице-министрі Азамат Әмрин атап өткендей, 2024 жылы макроэкономикалық көрсеткіштердің оң динамикасы байқалады. Өңдеу өнеркәсібінде 1,3 трлн теңгеге 180 инвестициялық жоба іске асырылып, бұл сектордың 6%-ға өсуін қамтамасыз етті. 11 айдың дерегіне қарағанда, тауар айналымы көлемі қазақстандық тауар экспортының 2,8%-ға ($73,9 млрд) өсуімен $127,5 млрд құрады. Инфляция қарқыны 2023 жылғы 9,8%-дан 8,6%-ға дейін бәсеңдеді. 12 айдағы негізгі капиталға салынған инвестиция көлемі 19,4 трлн теңге. Бұл 2023 жылмен салыстырғанда, 7,5%-ға артық. Азамат Әмрин қол жеткізілген оң нәтижелер Жол картасын жүйелі іске асырудың арқасында мүмкін болғанын атап өтті.Азаматтарға әлеуметтік қамқорлық бағыты бойынша былтыр әскери және медицина қызметкерлерінің жалақысы 40%-ға, мәдениет және мұрағат ісі қызметкерлеріне 20%-ға, мемлекеттік балық өсіру кәсіпорны саласында 80%-ға, азаматтық қызметшілердің жекелеген санаттарына 71%-ға өсті. Базалық зейнетақы төлемі мен жәрдемақыны 7%-ға, ынтымақты зейнетақыны 9%-ға индекстеу жүргізілді. Базалық зейнетақының ең төменгі мөлшері 60%-дан 65%-ға дейін, ал ең жоғары мөлшері ең төменгі күнкөріс деңгейінің 100%-ынан 105%-ға дейін ұлғайтылды. Мектепке дейінгі 78 мың орындық 641 ұйым ашылып, 375 мың орындық 254 мектеп пайдалануға берілді. Шағын қалаларда, аудан орталықтары мен ауылдарда 1 000 мектепті жаңғырту аяқталды. Халықты сапалы медициналық қызметпен қамту үшін 2 инсульт орталығы мен 4 коронарлық араласу орталығы ашылды. «Өз баспанасы және жайлы инфрақұрылымның болуы» төртінші бағыты шеңберінде сапалы тұрғын үйдің қолжетімділігін арттыру үшін шамамен 19 млн шаршы метр тұрғын үй пайдалануға берілді.Ауылда тұрақты экономикалық өсуді қамтамасыз ету үшін «Ауыл аманаты» жобасы бойынша 6,5 млрд теңге сомасындағы 580 шағын кредит беріліп, 744 жұмыс орны құрылды. «Ауыл – ел бесігі» шеңберінде 500 ауылдық елді мекенде 200 млрд теңге сомасындағы 1,4 мың жоба іске асырылды.Отырыста атап өтілгендей, соңғы екі жылда Үкімет пен «AMANAT» партиясы фракциясы мүшелерінің бірлескен күш-жігерінің арқасында әлеуметтік-экономикалық дамуға және азаматтардың әл-ауқатын арттыруға елеулі ықпал еткен 143 іс-шара іске асырылды. Дегенмен іс-шараның бір бөлігі былтырғы су тасқыны, бюджет тапшылығы және басқа да объективті себептердің салдарын жоюға байланысты орындалған жоқ. Отырыста барлық орындалмаған іс-шараны іске асырудың мүмкіндігі егжей-тегжейлі талданды. Жиынды қорытындылай келе, вице-премьер жауапты мемлекеттік органдарға осы іс-шараларды бақылауға алып, оларды тиімді шешу жолын айқындауды тапсырды. Ақпарат көзі : https://www.gov.kz/memleket/entities/economy/press/news/details/942389

Іс-шараны ҚР Қарулы Күштері Ұлттық әскери-патриоттықорталығының (ҰӘПО) Әскери-тарихи музейі ұйымдастырып отыр.Оған музей қызметкерлері, қорғаныс істері жөніндегі департаментінің, «Мемориалдық аймақ» іздеу жасағының және ардагерлер ұйымдарының өкілдері атсалысуда.ҰӘПО бастығының орынбасары – Әскери-тарихи музейдің бастығы майор Дәулет Қадыров атап өткендей, қаңтар айының басынан бастап мекеме қызметкерлері Қадыр Мырза Әли атындағы Binom School, Зерде, № 30, № 2, М. Шоқай атындағы № 51 мектеп-гимназияларында, № 105 және № 20 орта мектептерде болды. Онда Кеңес Одағының Батыры Бауыржан Момышұлының, Екі мәрте Кеңес Одағының Батыры Талғат Бигелдиновтың, Кеңес Одағының Батыры, бірінші Қорғаныс министрі Халық қаһарманы армия генералы Сағадат Нұрмағамбетовтың, Халық қаһармандары Тілеуғали Әбдібеков және Хиуаз Доспанованың жеке заттары, мұрағат құжаттары, фотосуреттері, ұрыс алаңдарынан табылған снарядтар сынықтары мен сарбаз медальондары қойылған.– Басты мақсатымыз – оқушылардың тарихқа деген қызығушылығын ояту, Ұлы Отан соғысы майданында соғысқан қазақстандық жауынгерлер туралы әңгімелеу. Олардың ерліктеріне тағзым ету, – деді Дәулет Қадыров. Жақын арада Әскери-тарихи музейдің ұжымы елорданың жоғары оқу орындарында да тарихи жәдігерлерді көрсетпек. Көшпелі көрменің жұмысы биылғы жылдың мамыр айына дейін жалғасады.Ақпарат көзі : https://www.gov.kz/memleket/entities/mod/press/news/details/941990

Қорғаныс ведомствосының басшысы генерал-полковник Руслан Жақсылықов Біріккен Араб Әмірліктеріндегі арнайы мақсаттағы бөлімшелер жарыстарына алғаш рет қатысқан Арнайы операциялар күштерінің әскери қызметшілерін құттықтады.Ол мұндай жарыс әскерилердің жауынгерлік қабілетін арттыруға, тәжірибе алмасуға және елдер арасындағы қауіпсіздік саласындағы өзара іс-қимылды нығайтуға ықпал ететінін атап өтті.– Арнайы операциялар күштерінің "Жаубасар" командасы алғаш рет элиталық бөлімшелердің жарыстарына қатысты. Жарыс бағдарламасы арнайы полиция күштеріне арналған. Дегенмен, жақсы нәтиже көрсеттіңдер. Алда Иорданиядағы әскери арнайы мақсаттағы бөлімшелердің және Ұлыбританиядағы "Кембрий патрулі" жарыстары өтеді. Олардың нәтижелерінен сендердің кәсіби даярлықтарыңды көре аламыз, – деді генерал-полковник Р. Жақсылықов.Халықаралық жарыстардың қорытындысы бойынша ерекше көзге түскен әскери қызметшілер мерзімінен бұрын әскери атағын алды. Сонымен қатар, бірқатар офицерлерге Қорғаныс министрі "Ел қорғаны" медалін, Арнайы операциялар күштерінің белгісін және алғыс хаттарды табыс етті.Естеріңізге сала кетсек, Дубайда өткен UAE SWAT Challenge-2025 жарысы әлемнің 80-нен астам елінен 106 команданың басын қосты. Сайысқа еліміздің күш құрылымдарының 12 командасы қатысты.Ақпарат көзі : https://www.gov.kz/memleket/entities/mod/press/news/details/942247

2025 жылғы 18 ақпанда Иран Ислам Республикасы Тегеран қаласында 3-ші Каспий экономикалық форумы аясында «Каспий маңы елдерінің энергетикалық ынтымақтастығы» тақырыптық сессиясы өтті, оған Қазақстаннан ҚР Энергетика вице-министрі Әлібек Жамауов қатысты.Ол өз баяндамасында «Лукойл» ЖАҚ-мен серіктестігімен жүзеге асырылып жатқан Каспий теңізінің акваториясында «Қаламқас-Хазар» жобасының іске асырылу барысы туралы айтты.Сонымен қатар Қазақстан Баку-Тбилиси-Джейхан арқылы бағыттарды дамыта отырып, мұнай жеткізу бағыттарын белсенді түрде әртараптандыруда. Сондай-ақ, сессияда Әлібек Жамауов Каспий теңізі деңгейінің төмендеуіне қатысты мәселелерді көтеріп, Қазақстан Республикасы Энергетика министрлігінің өңірдегі экологиялық тәуекелдердің алдын алу және басқару жөніндегі бастамаларына тоқталды.«Қазақстан мен Каспий өңірінің барлық елдері үшін үйлестірілген энергетикалық саясатты құру өте маңызды. Бұл бізге өзіміздің технологиялық құзыреттерімізді арттыруға және әлеуметтік-экономикалық дамуда бәсекелестік артықшылықтарға ие болуға мүмкіндік береді», - деп атап өтті ҚР Энергетика министрінің орынбасары Әлібек Жамауов.Сарапшылар Каспий маңы өңірі елдерінің энергетика саласындағы бірлескен күш-жігері өңірдің экономикасы мен экологиясының тұрақты дамуы үшін сенімді негіз бола алатынына сенімді. Ақпарат көзі : https://www.gov.kz/memleket/entities/energo/press/news/details/940294

QazIndustry платформасында Қазақстандық тауар өндірушілер реестрінің жобасын талқылау мақсатында онлайн кездесу өтті. ҚР Өнеркәсіп және құрылыс министрлігінің қолдауымен ұйымдастырылған кездесуге еліміздің әртүрлі аймақтарынан 200-ге жуық бизнес өкілдері, сондай-ақ өндірістік ассоциациялардың мүшелері қатысты.Бұл реестр жобасын талқылау аясындағы Қазақстандық индустрия және экспорт орталығы ұйымдастырған үшінші кездесу.Талқылау барысында бизнес өкілдерінің өндірісті бағалау және Қазақстандық тауар өндірушілер реестрі аясындағы салалық комиссияның қызметі туралы ұсыныстары мен пікірлері тыңдалып, бағалау критерийлері, рәсімдердің ашықтығы, шешім қабылдау әдістері және реестрге қосылу тәртібін жетілдіру мүмкіндіктері ерекше назарға алынды.Еске сала кетейік, Қазақстанда тауар өндірушілер реестрін жүргізу ережелері жобасын түсіндіру жұмыстары жүргізілуде. Реестрдің іске қосылуы 2025 жылға жоспарланған. Жаңа цифрлық платформа қазіргі уақытта қолданылып жүрген СТ-KZ және Индустриалды сертификаттарды алмастырып, кәсіпкерлер үшін бюрократиялық және қаржылық шығындарды азайтып, рәсімдерді жеңілдетеді.Кездесудің модераторлары айтылған барлық ескертулер мен ұсыныстар ескеріліп, келесі кездесулерде де талқыланатынын атап өтті.Жақын арада өтінімдерді реестрге қосу үшін цифрлық верификациялау мәселелері бойынша кезекті онлайн кездесулерді өткізу жоспарлануда.Ақпарат көзі : https://www.gov.kz/memleket/entities/mps/press/news/details/938927

Таразда «Тәрбиелі жастар – қоғам тірегі» атты жастар форумы өтті.   Жамбыл облысы әкімдігі, полиция департаменті, Ш.Мұртаза атындағы Халықаралық Тараз университетінің ұйымдастыруымен өткен ауқымды шараға Жамбыл облысының әкімі Ербол Қарашөкеев, ҚР Парламенті Мәжілісінің депутаттары, қоғам қайраткерлері, құзырлы орган өкілдері мен белсенді жастар, еріктілер қатысты.Тағылымды шара қоғамдағы өткір де өзекті мәселелер суреттелген сахналық қойылыммен ашылды. Бұдан соң, есімі елге белгілі өнер майталмандары ұлт зиялыларының рөлін сомдап, жастардың санасына сәуле түсірді. Әртістердің шеберлігі мен таланты көрермендерді таңғалдырып, залды ерекше эмоцияға бөледі.Облыс әкімі жастарды шынайылыққа тәрбиелеп, туған жеріне қызмет етуге баулу – басты назарда екенін атап өтіп, ізгі лебізін берілді.- Біз халқымызды әлемге танытқан ең асыл қасиеттерді сіздердің бойларыңыздан көргіміз келеді.Қазіргі жастар Бауыржан Момышұлының «Отан үшін отқа түс – күймейсің!» деген сөзін берік ұстануы керек. Өйткені, Тәуелсіз Қазақстанның тұғырлы тірегі, үкілі үміті, берік қалқаны – Сіздерсіздер.Қайратты жастарымыз көп болса, мемлекетіміздің болашағы баянды болмақ. Қазақстанның ертеңі – саналы әрі талапты жастардың қолында. Сіздер еңбек пен білімді, ар мен намысты, Отан алдындағы парызды ту етіп ұстасаңыздар – алынбайтын қамал, аспайтын асу жоқ. Жастық жігерлеріңіз жалындай берсін! – деді облыс әкімі.Айта кетейік, өткен жылы өңірде 25 400 жас жұмыспен қамтудың белсенді шараларына тартылды. Биыл да бұл бағыттағы жұмыстар жүйелі түрде жалғасатын болады.Сонымен бірге «Дипломмен ауылға» жобасы аясында 224 жас маманға тұрғын үй сатып алуға немесе салуға жалпы 1,8 млрд. теңге бюджеттік несие берілді. 487 жас маманға 180 млн. теңге көлемінде біржолғы көтерме жәрдемақы төленді.«Ауыл аманаты» жобасына 582 жас қатысып, олар жеке кәсіптерін дамытуға 2,5 пайызбен жалпы 3,7 млрд. теңге жеңілдетілген несие алды.«Әулиеата жастары» өңірлік тұрғын үй бағдарламасы арқылы 140-қа жуық жасқа баспаналы болу бақыты бұйырды.Өз кезегінде ҚР Парламенті Мәжілісінің депутаты Ерболат Саурықов, облыстық полиция департаментінің бастығы Бақытжан Малыбаев, қоғам қайраткері Оразкүл Асанғазы орамды ойларын ортаға салды. Өзге де қонақтар жастардың таным-түсінігін, көңіл көкжиегіне кеңейту мақсатында сөз алды.- Айналайын, жастар! Мемлекет сендерге үлкен үміт артады. Армандарың асқақ, мақсаттарың биік, ойларың ұшқыр болсын! – деп тіл жанашыры Оразкүл Асанғазы аналық ақ тілегін жеткізді.Форумда ұлттық дәстүрге негізделген патриоттық әндер шырқалып, жиналғандарға тамаша әсер сыйлады.Ақпарат көзі : https://www.gov.kz/memleket/entities/zhambyl/press/news/details/938817