Металлургия 40,1% үлеспен Қазақстанның өңдеу өнеркәсібіндегі негізгі драйверге айналып отыр. Бірінші жартыжылдық қорытындысы мен саланың одан арғы өсу перспективасы 17 шілдеде вице-премьер - ұлттық экономика министрі Серік Жұманғариннің төрағалығымен өткен Экономикалық өсуді қамтамасыз ету жөніндегі штаб отырысында талқыланды.Металлургияда жоғары өсу қарқынын сақтау оңай міндет емес: 2024 жылы сала соңғы 10 жылдағы рекордтық 6,9% өсімге қол жеткізді. Бүгінгі таңда кәсіпорындардың өндірістік қуаты 90-100% жүктемемен жұмыс істеп тұр. Бұл өндіріс көлемін одан әрі ұлғайту мүмкіндігін шектеуде.Былтырғы жоғары базаға қарамастан, 2025 жылғы бірінші жартыжылдық қорытындысы бойынша, металлургия өнеркәсібіндегі нақты көлем индексі 0,1%-ға өсті. Саланың өсу қарқынын арттыру үшін арнайы жол картасы әзірленіп, іске асырылуда. Өнеркәсіп және құрылыс вице-министрі Олжас Сапарбековтың айтуынша, құжаттағы бірқатар аралық мақсатқа қол жеткізілген.Атап айтқанда, «Жомарт» кенішінде қалпына келтіру жұмысы аяқталып, Ақтөбе мыс компаниясынан «Қазцинк» кәсіпорындарына мырыш концентратын жеткізу көлемі ұлғайды. KAZ Minerals тобы отандық зауыттарға мыс концентратының ірі партиясын жөнелтті. Бұл жыл соңына дейін оны ел ішінде қайта өңдеу көлемін едәуір арттыруға мүмкіндік береді. Серік Жұманғарин салалық министрлікке негізгі металлургиялық кәсіпорындар орналасқан өңірлердің әкімдігімен бірлесіп, орнықты экономикалық өсуді қамтамасыз ету үшін өндіріс басшыларымен проблемалық мәселелерді жедел пысықтауды тапсырды.https://primeminister.kz/news/metallurgiya-kazakstandagy-ondeu-onerkasibi-koleminin-40-dan-astamyn-kamtidy-30297 Ақпарат көзі : https://www.gov.kz/memleket/entities/economy/press/news/details/1036874?lang=kk

Елорданың 68665 әскери бөлімінде ұшатын нысаналарға тегіс ұңғылы қарумен ату бойынша Құрлық әскерлері нұсқаушыларының оқу-әдістемелік жиыны өтуде. Жауынгерлерді төмен ұшатын әуе нысандарына, соның ішінде ұшқышсыз ұшатын аппараттарға қарсы тұруға дайындауға баса назар аударылады.Сабақтар Қарулы күштер Құрлық әскерлерінің бас қолбасшысы генерал-майор Мереке Көшекбаевтың жалпы басшылығымен өтеді. Жиын барысында Құрлық әскерлерінің нұсқаушылары есептоптар құрамында және жеке төмен ұшатын және шағын көлемді нысандарды анықтау және жою бойынша практикалық іс-қимылдарды үйренеді.Жиын бастығы подполковник Сергей Батурин атап өткендей, қазіргі жағдайда басқа күрес құралдарымен қатар, тегіс ұңғылы қару объектіге шабуыл жасау кезінде ұшқышсыз ұшатын құрылғының соңғы траекториясында тиімді күрес құралына айналады.Нұсқаушыларды даярлау кезінде дронды уақтылы анықтау мен жоюдың тиімді әдістерін әзірлеуге, сондай-ақ әскери қызметшілерді даярлау әдістемесіне ерекше назар аударылды.Жиын қазіргі заманғы соғыстың сын-тегеуріндерінн ескере отырып, жеке құрамды оқытуға қабілетті нұсқаушылардың кәсіби легін қалыптастыруға бағытталған. Бұл Құрлық әскерлерінің жауынгерлік дайындығын арттыруға және ұшқышсыз басқарылатын аппараттардан келетін қауіп-қатерлерге қарсы тұру жүйесін нығайтуға жасалған кезекті қадам.Ақпарат көзі : https://www.gov.kz/memleket/entities/mod/press/news/details/1036792?lang=kk

Кәсіби мереке – Металлург күні қарсаңында Қостанай облысы әкімдігінде саланың үздік өкілдеріне Мемлекет басшысының атынан мемлекеттік және ведомстволық наградалар табысталған салтанатты рәсім өтті.Іс-шараға облыс әкімі Құмар Ақсақалов және өңірдегі өнеркәсіптік кәсіпорындардың басшылары қатысты.— Тау-кен металлургия өнеркәсібі – облыс экономикасының негізгі салаларының бірі. Бұл салада 15 мыңнан астам адам еңбек етеді. Биылғы жылдың алғашқы жартыжылдығында өндірілген өнім көлемі 700 млрд теңгеге жуықтады. 2025 жыл – Жұмысшы кәсіптер жылы деп жарияланды. Сондықтан дәл осы күні еңбек адамдарын Мемлекет басшысының атынан марапаттау – үлкен мағынаға ие, – деді облыс әкімі Құмар Ақсақалов.🔹 Мемлекеттік наградалармен марапатталғандар:Валерий Анкудинов — «ССГПО» АҚ инженеріАнуарбек Табылбаев — «ССГПО» АҚ шахталық электровоз машинистіБулат Мукатов — «Қазақстан Алюминийі» АҚ ҚБРУ филиалының тепловоз машинистіҚуанышбек Кұлназаров — «Варваринское» АҚ ұсақтаушысы🔹 Индустрия және құрылыс министрлігінің Құрмет грамоталары:Ердин Байгенжин — «Варваринское» АҚВалерий Каштанов — «Комаровское» ЖШС🔹 Облыс әкімінің Құрмет грамоталарымен марапатталғандар:Василий Андриянов — «Оркен» ЖШС, рудник ЛФ цехының бастығыНаталья Бородникова — «Caspian Steel QZ» ЖШС, зертхана лаборантыАнатолий Беляков — «Оркен» ЖШС, байыту фабрикасының сепараторшысыНиколай Емшанов — «Caspian Steel QZ» ЖШС, металл қыздырушыМарат Ибрашев — «Оркен» ЖШС, ұсақтау учаскесінің бастығыАлмагүл Исмұхамедова — «Качары рудасы» АҚ, химиялық су тазарту аппаратшысыНикита Каутц — «Caspian Steel QZ» ЖШС, КИПиА слесаріДенис Ковалев — «Качары рудасы» АҚ, электр дәнекерлеушіНұртай Медетқалиев — «Caspian Steel QZ» ЖШС, электрмонтерРуслан Нұрманов — ҚБРУ, өндірістік цех бастығыАлександр Ринг — «Оркен» ЖШС, электрослесарьДамир Тәутенов — «Caspian Steel QZ» ЖШС, шикізат тасымалдау бригадиріЕлжан Тоққужин — «Качары рудасы» АҚ, негізгі өндіріс учаскесінің бригадиріНаградталғандардың атынан сөз сөйлеген Валерий Анкудинов (ССГПО) көрсетілген құрмет үшін алғыс білдіріп, бұл марапат – бүкіл еңбек ұжымдарының еңбегіне берілген әділ баға екенін атап өтті.— Алдағы жылдары өңірде екі ірі жоба іске асырылады. Біріншісі – «ССГПО» базасында жылына 2 млн тонна өнім шығаратын ыстық брикеттелген темір (ГБЖ) зауыты. Инвестиция көлемі – 532 млрд теңге. 1 000 жұмыс орны ашылады. Екіншісі – «Caspian Steel QZ» базасында болат өндіретін зауыт. Қуаты – 1 млн тонна. Инвестиция – 308,4 млрд теңге. 600 адам жұмыспен қамтылады. Екі зауыт іске қосылған соң жыл сайынғы салық түсімі 60 млрд теңгеден асады. Бұл – Қостанай облысының қара металлургиядағы жетекші рөлін нығайтады.Ақпарат көзі : https://www.gov.kz/memleket/entities/kostanay/press/news/details/1036779?lang=kk

Астана, 2025 жылғы 17 шілде – Қазақстан Республикасы Сыртқы істер министрінің орынбасары Әлібек Бақаев жаңадан тағайындалған Үндістан Республикасының Қазақстандағы Елшісі Сайлас Тангалдың сенім грамоталарының көшірмелерін қабылдады.Кездесу барысында тараптар саяси, сауда-экономикалық және мәдени-гуманитарлық салалардағы екіжақты ынтымақтастықты нығайтудың ағымдағы жағдайы мен әлеуетін талқылады.Сонымен қатар алдағы биік және жоғары деңгейдегі сапарлар кестесі, сондай-ақ Астана мен Нью-Дели арасындағы диалогты нығайтуға бағытталған бірлескен күш-жігерді үйлестіру мәселелері қарастырылды.Дипломаттар көпжақты форматта, бірінші кезекте БҰҰ, АӨСШК, ШЫҰ, «Орталық Азия – Үндістан» диалогы және басқа да халықаралық алаңдар шеңберінде тығыз ықпалдастықты жалғастыруға дайын екенін білдірді.Үндістан елшісі жылы қабылдау үшін алғысын білдіріп, екі ел арасындағы стратегиялық серіктестікті одан әрі нығайту мақсатында бар күш-жігерін салуға дайын екенін растады.Ақпарат көзі : https://www.gov.kz/memleket/entities/mfa/press/news/details/1036659?lang=kk

1996 жылғы он сегізінші шілдеде ҚР Президентінің "Қарулы Күштердің әскери рәміздері туралы" Жарлығына қол қойылды.Әскери рәміздер жауынгерлердің ұлттық сипатының ерекшелігін көрсетіп қана қоймай, Отан қорғаушылардың моральдық-жауынгерлік рухын арттырудың тиімді құралы ретінде қызмет етеді.Қазақстанның әскери рәміздеріне Қарулы күштердің символы (эмблемасы), жалауы, Туы, Құрлық әскерлерінің, Әуе қорғанысы күштерінің, Әскери-теңіз күштерінің тулары және әскери бөлімдердің жауынгерлік тулары жатады.Қазақстан Қарулы күштерінің рәміздері мемлекеттілікті, озық дәстүрлердің сабақтастығын, жауынгерлік серіктестік, патриотизм және адал қызмет сияқты құндылықтарға негізделетінін көрсетеді.Қарулы күштердің символы – жиектері алтын жолақпен көмкерілген бес бұрышты жұлдыз. Жұлдыздың ортасында күн сәулесі және оның астында қалықтаған бүркіт бейнеленген.Қазақстан Қарулы күштері түрлерінің тулары олардың сол әскерге қатыстылығын көрсетеді және әскери ұжымның бірлігі, өр рухы мен бірлігі идеяларын бейнелейді.Жауынгерлік ту – әскери бөлімнің жәдігері, оның жауынгерлік жолы мен даңқының символы. Бұл әрбір әскери қызметшіге Отанды қорғаудың ерлік дәстүрлері мен қасиетті парызы екенін еске салады.Ақпарат көзі : https://www.gov.kz/memleket/entities/mod/press/news/details/1036548?lang=kk

Гвардейск гарнизонының инженерлік-саперлік полкінде егіз ағайынды – Ерзат пен Бекзат Жүнісовтар әскери борышын өтеп жүр. Бозбалалар биыл көктемде Шымкент қаласынан әскерге алынған. Армияға дейін олар колледжде білім алған. Біреуі автомеханик, екіншісі автослесарь маманы болып шықты. Отан алдындағы азаматтық борышын өтеп жүрген Ерзат БАТ-2 жолсерігінің механик-жүргізушісі қызметін атқарса, ал Бекзат сапер ісін үйренді.Ерзат бастапқыда өзінің әскерге барғысы келмегенін айтып қалды. Ағайындыларды, егер екеуі де әскерге барса, анасы жалғыз қалып, күнде күтіп, екеуін бірдей уайымдайтыны алаңдатты. Алайда қазір өткенге көз жүгіртіп, дұрыс таңдау жасағанын түсінеді. Гвардейск гарнизонының сапер полкіне келгеннен кейін ол БАТ-2 механик-жүргізушісі болып тағайындалып, осындай сирек кездесетін және маңызды кәсіпті меңгергеніне қуанышты.Егіздер біріне әскерге шақырту келгенде, екіншісі де сыңарымен бірге барамын деп шешім қабылдаған. Бекзаттың айтуынша, армияда мерзімді қызмет өткеру бұрынғы ойлағандай емес екен. Мұнда адам күн сайын жаңа нәрсені меңгеріп, режимге үйреніп, тәртіпке бағынып, жауапкершілікке ие болады. Сонымен қатар, көптеген достар тауып, олар уақыт өте келе жақын бауырыңа айналатынын алға тартады.– Екі ағайынды да өте жауапты, тәртіпті, барлық тапсырманы адал орындайды. Олардың жақсы тәрбие алған, жинақы екенін байқауға болады. Мұндай әскери қызметшілер әрқашан өз жолдастарына үлгі көрсетеді, – деді полктің тәрбие және идеологиялық жұмыс жөніндегі орынбасары майор Ерболат Әлжанов.Ағайынды Жүнісовтардың әскерден нағыз ер азамат болып оралуын туыстары ғана емес, сонымен бірге студенттік кезінен бастап дос болған екі егіз қыз да асыға күтуде. Кездесуді күткен жандардың болуы егіздердің сезімдерін күшейтіп, елге абыроймен қызмет етуге жігер береді.Ақпарат көзі : https://www.gov.kz/memleket/entities/mod/press/news/details/1036171?lang=kk

2025 жылғы 17 шілдеде Қазақстан Республикасының Сауда және интеграция министрлігінде мемлекеттік қызметшілер арасында іскери этика, ресми мінез-құлық нормаларын сақтау және сыбайлас жемқорлық құқық бұзушылықтарының алдын алу мәселелеріне арналған оқыту семинары өткізілді.Семинар барысында құрылымдық бөлімшелердің қызметкерлері сыбайлас жемқорлыққа қарсы заңнама нормаларымен, мүдделер қақтығысының алдын алу жөніндегі міндеттермен, сондай-ақ ашықтық, заңдылық және адал қызмет қағидаттарымен таныстырылды.Семинарда этикалық мінез-құлық нормаларын сақтауға ерекше назар аударылды, атап айтқанда:қызметтік міндеттерін атқару кезінде құмар ойындарға қатысуға және белгіленбеген орындарда шылым шегуге қатаң тыйым салу;қоғамдық орындарға алкогольдік немесе өзге де мастық күйінде келуге тыйым салу, бұл мемлекеттік қызметшінің мәртебесіне сай емес және мемлекеттік қызмет беделіне нұқсан келтіреді;қызметкерлерді деструктивті діни ағымдарға тартуға жол бермеу;дискриминацияға, қысым көрсетуге және лауазымдық өкілеттіктерді теріс пайдалануға тыйым салу.Қатысушылар тексерулер жүргізу, азаматтармен өзара іс-қимыл жасау және цифрлық ортада өзін-өзі ұстау кезінде сыбайлас жемқорлықтың алдын алу жөніндегі нақты шараларды талқылады.Мұндай оқыту іс-шараларын өткізу — бұзушылықтардың алдын алудың және министрлік қызметкерлері арасында сыбайлас жемқорлыққа қарсы тұрақты мәдениетті қалыптастырудың маңызды құралы болып табылады. Ақпарат көзі : https://www.gov.kz/memleket/entities/mti/press/news/details/1036143?lang=kk

2025 жылғы алғашқы алты айдың қорытындысы бойынша Қазақстанның машина жасау саласы 11,1% экономикалық өсім көрсетті. 16 шілдеде вице-премьер – ұлттық экономика министрі Серік Жұманғариннің төрағалығымен өткен Экономикалық өсуді қамтамасыз ету жөніндегі штаб отырысы сектордың қарқынын одан әрі жеделдетудің және қосымша әлеуетін ашудың мүмкіндігін егжей-тегжейлі талқылауға арналды.Машина жасау өңдеуші өнеркәсіптің негізгі секторының бірі ретінде оның жалпы көлемінің 19%-ын қамтамасыз етеді. Өсудің негізгі драйверлері: автомобиль (+12,1%), теміржол және басқа да көлік құралдары (+7,1%), ауыл шаруашылығы техникасы (+1,3%), электротехника (+21,5%), компьютер, электрондық және оптикалық жабдық (өсім 1,7 есе) өндірісі, сондай-ақ машина және жабдық жөндеу мен орнату (+12%).Автоөнеркәсіп: жаңа зауыттар және модельдер қатарының кеңеюі Автомобиль жасау машина жасау көлемінің шамамен 41%-ын береді. Бүгінде елімізде JAC, Chevrolet, KIA, Lada, Jetour, Hongqi, Skoda, Hyundai және Genesis брендтерін шығаратын екі автозауыт жұмыс істейді.Биыл Қазақстанда тағы екі жаңа кәсіпорын — Алматыдағы мультибренд зауыты мен Қостанайдағы KIA зауыты іске қосылады. Алматыда CHANGAN, Haval және CHERY сияқты брендтердің автомобильдерін шығару жоспарлануда.«Жаңа қуаттарды пайдалануға берудің арқасында елімізде шағын тораптық технология бойынша жиналатын автомобиль өндірісінің көлемі едәуір артады. Бұл модельдер қатарын көбейтуге және отандық автоөнеркәсіптің позициясын нығайтуға мүмкіндік береді», — деді өнеркәсіп және құрылыс вице-министрі Олжас Сапарбеков.2025 жылы Қазақстанда 147 824 автомобиль шығару жоспарлануда. Алайда, вице-министр атап өткендей, салада бұл көрсеткіштен асып түсудің барлық алғышарты бар.Оның айтуынша, отандық тауар өндірушілерге сертификат беруге байланысты процесті оңтайландыру кезінде қосымша өсу мүмкіндігі жоғары.Вице-премьер Серік Жұманғарин сауда және интеграция министрлігіне қажетті рұқсат құжаттамасын жедел беру үшін шара қабылдауды тапсырды. Бұл жаңа модельдердің сериялық өндірісін уақтылы іске қосуға және қуаттардың жүктемесінің артуын қамтамасыз етуге мүмкіндік береді.Теміржол машиналарын жасау: жаңаруға бет бұруТеміржол секторы машина жасау құрылымында 13%-ды алады. 2024 жылы Қазақстанда жалпы сомасы 599,3 млрд теңгеге 125 локомотив және 2,7 мыңнан астам вагон өндірілді. Бүгінде осы сегментте Астана, Петропавл, Екібастұз және Атырауда орналасқан бес өндірістік кәсіпорын жұмыс істейді.биылдан бастап Астанада «Stadler Kazakhstan» зауыты жұмысын бастады. Оның іске қосылуы саланы трансформациялау мен оқшаулауды арттырудың маңызды кезеңін жол ашып отыр.Жылжымалы құрамды жаңарту үшін Көлік министрлігі қызмет ету мерзімі ұзартылған вагондарды пайдалануға шектеу енгізуге бастамашы болды. Тиісті нормативтік құжат әзірленіп, келісу рәсімінен өтуде.Вице-премьер Ұлттық экономика министрлігіне құжатты қысқа мерзімде қабылдау үшін рәсімдік мәселелерді шешуді жеделдетуді тапсырды.Электротехника мен тұрмыстық техника: даму жалғасудаМашина жасаудың жалпы көлемінің шамамен 9%-ы электротехникалық өнімге тиесілі. 2024 жылы Қазақстанда 270 мыңнан астам тұрмыстық техника өндірілді.Осы жылдан бастап елімізде Samsung брендімен теледидар мен кір жуғыш машина өндірісі басталады. Бұл импортты алмастыру, оқшаулауды арттыру және Қазақстан аумағында шығарылатын өнім ассортиментін кеңейту бағытындағы маңызды қадам болмақ.Ауыл шаруашылығы техникасы: нарықтың 90%-ын отандық өндірушілер қамтып отырАуылшаруашылығы машинасын құрастыру сала құрылымының шамамен 6%-ын алады. Бүгінде Қазақстанда өздігінен жүретін ауыл шаруашылығы техникасын 10 ірі кәсіпорын өндіреді. Қолданыстағы жеңілдетілген лизинг бағдарламасының арқасында отандық өндірушілер трактор мен комбайн бойынша ішкі нарық қажеттілігінің 90%-ын қамтамасыз етіп отыр.Өткен жылы финдік SAMPO, қытайлық ZOOMLION және американдық John Deere Қазақстанға кіріп, қазір олардың қатысуы күшейтілуде.Бірінші жартыжылдықтың қорытындысы бойынша Қазақстанда 4 мыңға жуық трактор (+39,3%) мен 441 астық жинайтын комбайн (+64,6%) өндірілді. Жылдық жоспар 10 мыңнан астам ауыл шаруашылығы техникасын шығаруды көздейді. Бұл өткен жылғы көрсеткіштен 27%-ға жоғары.Вице-премьер Серік Жұманғарин өңдеу өнеркәсібінің негізгі секторының бірі және елдің технологиялық дамуының маңызды драйвері ретінде машина жасаудың тұрақты өсу қарқынын сақтауға бағытталған барлық қажетті шаралар кешенін қамтамасыз етуді тапсырды.Ақпарат көзі : https://www.gov.kz/memleket/entities/economy/press/news/details/1035951?lang=kk

Бейжің, 2025 жылғы 16 шілде – Шанхай ынтымақтастық ұйымының штаб-пәтерінде ШЫҰ-ға мүше мемлекеттер сыртқы істер министрліктерінің ақпараттық қызметтерінің жыл сайынғы консультациялары өтті. Іс-шараға Қазақстан Республикасы Сыртқы істер министрлігінің Халықаралық ақпарат комитетінің төрағасы Айбек Смадияров қатысты.Консультациялар барысында ШЫҰ Хатшылығы өткен жылдағы ақпараттық жұмыстың қорытындыларын ұсынды. Қатысушылар бірлескен жобаларды жүзеге асыру тәжірибесімен бөлісіп, ресми материалдарды жариялауда ашықтық пен жеделдіктің маңыздылығын атап өтті.А.Смадияров «контент келісімділігі мен негізгі хабарламалардың синхрондалуы Ұйым ішіндегі сенімді нығайтуға және халықаралық аренада біртұтас ақпараттық майдан құруға мүмкіндік беретінін» атап өтті. Сондай-ақ ол Қытай тарапы мен ШЫҰ Хатшылығына іс-шараны жоғары деңгейде ұйымдастырғаны және ақпараттық ынтымақтастықты нығайтуға бағытталған конструктивті алаң ұсынғаны үшін алғыс білдірді.Қытай тарапы ШЫҰ аясындағы қазіргі төрағалығы шеңберіндегі медиажобалар шолуын ұсынып, Тяньцзинь қаласында өтетін Ұйымға мүше мемлекеттер басшылары саммитін ақпараттық сүйемелдеу жоспарын таныстырды. Талқылауға қатысқан ШЫҰ-ға мүше мемлекеттердің сыртқы істер министрліктерінің бейінді құрылымдарының басшылары мультимедиялық трансляцияның жаңа форматтарын енгізу және Ұйымның цифрлық платформалардағы жұмысын күшейту жөнінде ұсыныстар айтты.Қазақ дипломаты ШЫҰ-ның ақпараттық күн тәртібіне жас журналистер мен блогерлерді белсенді тартудың маңыздылығына назар аударып, бұл аудиторияны кеңейтуге және Ұйым қызметіне жастардың тұрақты қызығушылығын қалыптастыруға септігін тигізетінін айтты.Сонымен қатар ақпараттық өзара іс-қимылдың негізгі бағыттары бойынша пікір алмасу өтті. Ерекше назар «Шанхай рухы» қағидаттарын бірлесіп қолдауға, сондай-ақ өңір елдеріндегі жалған ақпаратпен күреске аударылды.Кездесу соңында қатысушылар консультациялар хаттамасына қол қойып, мұндай форматтағы кездесулердің сыртқы саяси маңызды оқиғаларды жариялауға арналған келісілген тәсілдерді әзірлеу мен Ұйымның бірыңғай ақпараттық кеңістігін одан әрі нығайту үшін маңызды алаң екенін атап өтті.Ақпарат көзі : https://www.gov.kz/memleket/entities/mfa/press/news/details/1035782?lang=kk

Астана, 2025 жылғы 15 шілде – Қазақстан Республикасы Сыртқы істер министрінің бірінші орынбасары Ақан Рахметуллин Астанаға жұмыс сапарымен келген Хиросима префектурасының (Жапония) губернаторы Хидехико Юдзакимен кездесті.Кездесу барысында тараптар жаһандық ядролық қарусыздану және таратпау режимінің ағымдағы күн тәртібі, оның ішінде Қазақстанның Ядролық қаруды таратпау туралы шарттың он бірінші шолу конференциясының Дайындық комитетінің екінші сессиясында (Женева, 2024 ж.) табысты төрағалығы және 29 тамызда аталып өтетін Халықаралық ядролық сынақтарға қарсы іс-қимылдың күніне орай іс-шаралар туралы пікір алмасты.Губернатор «Жаһандық бейбітшілік үшін Хиросима» ұйымының қызметімен және халықаралық гуманитарлық бастамаларымен таныстырып, көпжақты алаңдарда бірлескен іс-шараларды жүзеге асыруға ниет білдірді.Сұхбаттастар ядролық қаруды қолданудан және сынақтардан зардап шеккендерге көмек көрсету, сондай-ақ қоршаған ортаны қалпына келтіру жөніндегі күш-жігерге ерекше назар аударды.Қазақстанға алғашқы сапары аясында Х.Юдзаки екі аймақ арасындағы ынтымақтастықты дамытуға қосымша серпін беретін Абай облысына, сондай-ақ бейбітшілікке, ядролық қарусыздануға және Орнықты даму мақсаттарына қол жеткізуге бірлескен міндеттеменің белгісі ретінде бұрынғы Семей сынақ полигонына баруды жоспарлап отыр.Ақпарат көзі : https://www.gov.kz/memleket/entities/mfa/press/news/details/1035769?lang=kk

Меркі ауданының "Жұлдыз" жазғы балалар лагерінде "Есірткісіз болашақ!" ұранымен есірткіге қарсы акция өтті. Шараны Жамбыл облысы ПД есірткі қылмысына қарсы іс-қимыл басқармасы мен облыс әкімдігінің білім басқармасы бірлесе ұйымдастырды.Спорт, өнер және пайдалы білімді қамтыған мазмұнды бағдарлама ондаған баланы біріктірді. Лагерь алаңында ұлдар мен қыздар арасында волейбол матчы, сондай-ақ ұлдар арасында футбол турнирі өтті. Сонымен қатар өзен жағасында сурет салу байқауы ұйымдастырылды.Акцияның білім беру бөлігі киіз үйдегі дәріспен жалғасты. Мұнда балалар салауатты өмір салтын таңдау, есірткінің зияны туралы маңызды тақырыптарды талқылап, мамандарға сұрақтар қойып, өз ойларымен бөлісті. Балалар қазақтың дәстүрлерімен танысып, домбыра тартып, өнер көрсетті.Ақпарат көзі : https://www.gov.kz/memleket/entities/qriim/press/news/details/1035548

Бүгін Қазақстан Республикасының Атом энергиясы жөніндегі агенттігінде Мәжіліс депутаттарымен жұмыс кездесуі өтті.Кездесу барысында депутаттар Агенттіктің қызметімен және атом электр станциясын салу жобасының қазіргі барысымен танысты.Агенттік төрағасы А.М. Сәтқалиев кіріспе сөзінде атом энергетикасын дамыту ел экономикасының тұрақты өсуінің маңызды бөлігі екенін атап өтті.«АЭС салу – бұл жай ғана энергетикалық нысан тұрғызу емес. Бұл – жаңа жұмыс орындарын ашуға, инвестиция тартуға, ғылымды, білім беруді, машина жасау мен экономиканың өзге де салаларын дамытуға серпін беретін ядролық кластердің іске қосылуы», – деді А.М. Сәтқалиев.Кездесу барысында Агенттіктің негізгі қызмет бағыттары таныстырылып, бірінші атом электр станциясын салу жоспарлары, нормативтік-құқықтық реттеу, кадр даярлау және тиісті инфрақұрылымды дамыту мәселелері айтылды.Сұрақ-жауап сессиясында екінші атом электр станциясын салу перспективасы, еліміздің атом саласын дамыту, өндірісті жергіліктендіру және отандық кәсіпорындардың атом электр станциялары қажеттілігі үшін қатысуы, сондай-ақ Агенттіктің заң жобалау бастамалары талқыланды.Депутаттар Агенттіктің барлық жобалары мен бастамаларына қолдау көрсетуге дайын екендерін білдірді. Бұл бағыттағы өзара іс-қимыл заңнамалық қамтамасыз ету және қоғамдық бақылау шеңберінде жалғасатын болады.Ақпарат көзі : https://www.gov.kz/memleket/entities/atom-energiyasy/press/news/details/1030139

 2025 жылдың “Жұмысшы мамандықтар жылы” деп жариялануы – ел дамуының стратегиялық бағытына сай жасалған маңызды шешім.Жұмысшы мамандықтар – еліміздің экономикалық іргетасын қалайтын, өндіріс пен әлеуметтік инфрақұрылымды алға сүйрейтін басты күш. Құрылыс, энергетика, өнеркәсіп, ауыл шаруашылығы сынды маңызды салалардың өркендеуі – осы саладағы кәсіби мамандардың сапалы еңбегінің нәтижесі.Бүгінгі күні заманауи технологиялар мен инновациялық шешімдерді өндіріске енгізу – жұмысшы мамандықтардың жаңа деңгейге көтерілуін талап етеді. Бұл бастаманы әрбір азамат қолдап, оның табысты жүзеге асуына өз үлесін қоса алады.Жұмысшы мамандықтарын насихаттау – еліміздің тұрақты әрі жарқын болашағына бастар жол. Бұл – жастарға кәсіби бағдар беру, олардың болашаққа сенімін арттыру және еңбек адамының қоғамдағы беделін көтеру жолындағы нақты қадам.Жұмысшы мамандықтарын дамыту – тек экономиканы ғана емес, тұтас қоғамды өркендететін, болашаққа нық қадам басуға мүмкіндік беретін игі бастама.#Жұмысшымамандықтаржылы#Годрабочихпрофессий

Қазақстан Республикасының сауда және интеграция министрлігі электрондық үкімет порталының "Ашық бюджеттер" бөлімінде жария талқылау үшін Қазақстан Республикасының сауда және интеграция министрлігі бюджеттік бағдарламалар әкімшісінің 2026 - 2028 жылдарға арналған қызметі мен бюджеттік бағдарламаларының паспорттарын жариялады.2026 - 2028 жылдарға арналған Қазақстан Республикасы Сауда және интеграция министрлігінің 211 бюджеттік бағдарламалар әкімшісі қызметінің паспортымен сілтеме бойынша өту арқылы танысуға боладыhttps://budget.egov.kz/material/material?id=3921718&govAgencyId=7508531 Қазақстан Республикасы Сауда және интеграция министрлігінің 2026 - 2028 жылдарға арналған 001 бюджеттік бағдарламасының паспортымен сілтеме бойынша өту арқылы танысуға боладыhttps://budget.egov.kz/material/material?id=3921736&govAgencyId=7508531 Қазақстан Республикасы Сауда және интеграция министрлігінің 2026 - 2028 жылдарға арналған 003 бюджеттік бағдарламасының паспортымен сілтеме бойынша өту арқылы танысуға боладыhttps://budget.egov.kz/material/material?id=3921746&govAgencyId=7508531 Қазақстан Республикасы Сауда және интеграция министрлігінің 2026 - 2028 жылдарға арналған 061 бюджеттік бағдарламасының паспортымен сілтеме бойынша өту арқылы танысуға боладыhttps://budget.egov.kz/material/material?id=3921897&govAgencyId=7508531 Қазақстан Республикасы Сауда және интеграция министрлігінің 2026 - 2028 жылдарға арналған 090 бюджеттік бағдарламасының паспортымен сілтеме бойынша өту арқылы танысуға боладыhttps://budget.egov.kz/material/material?id=3921900&govAgencyId=7508531 Ақпарат көзі : https://www.gov.kz/memleket/entities/mti/press/news/details/1035484?lang=kk

«Жоламан-солтүстік» әуеайлағында ҚР Қарулы күштері Арнайы операциялар күштері қолбасшысының кубогына арналған парашют спортынан алғашқы ашық чемпионат өтіп жатыр. 18 команда құрамында 50-ден аса парашютші қанат типті арнайы мақсаттағы парашют жүйелерімен "қону дәлдігі" пәні бойынша сынға түсіп жатыр. Олардың ішінде Арнайы операциялар күштерінің, Құрлық әскерлерінің, Әуе қорғанысы күштерінің, Десанттық-шабуылдау әскерлерінің әскери қызметшілері, сондай-ақ Астана, Қарағанды және Павлодар қалаларының парашюттік және авиациялық спорт түрлері федерацияларының спортшылары бар.– Жарыстар өз өмірін әскери қызметпен және көк аспанмен байланыстырғандардың басын қосты. Парашютпен секіру барынша дәлдікті, батылдықты, тәртіпті және мінсіз жаттығуды қажет етеді. Жарыс тек шеберліктің сынағы ғана емес, тәжірибе алмасу, достық пен өзара сыйластықты нығайту алаңына айналатынына сенімдімін, – деп атап өтті Арнайы операциялар күштері қолбасшысының орынбасары подполковник Саят Исанов.Ми-17 тікұшағынан 1200 метр биіктіктен секіру жаттығулары орындалады. Нәтижелер жеке және топтық есеп негізінде бағаланады.Қатысушылардың басты міндеті спортшылардан кәсібиліктің, машықтың және тактикалық үйлесімділіктің жоғары деңгейін талап ететін шектеулі алаңға барынша дәл қонуды көрсету болып табылады.Ақпарат көзі : https://www.gov.kz/memleket/entities/mod/press/news/details/1035473?lang=kk

Жоспардан тыс жүргізілген тексеру барысында «Казлифтконсалтинг» ЖШС сынақ зертханасына қатысты Қазақстан Республикасының Әкімшілік құқық бұзушылық туралы кодексінің 415-1-бабының 1-бөлігі, 2-тармағы бойынша әкімшілік құқық бұзушылық белгілері бойынша 132 іс қозғалды.Анықталған фактілерге сәйкес, зертхана Кеден одағының КО ТР 011/2011 «Лифттердің қауіпсіздігі» техникалық регламентінің талаптарына сәйкестікті бағалау жұмыстарын аккредиттеу саласына кірмейтін көрсеткіштер бойынша жүргізген. Бұл Қазақстан Республикасының «Сәйкестікті бағалау саласындағы аккредиттеу туралы» Заңының 14-бабының 5-тармағына қайшы келеді. Аталған тармаққа сәйкес, аккредиттеу субъектілері жұмыстарды тек аккредиттеу саласы шеңберінде орындауға және тиісті нормативтік құжаттардың талаптарын сақтауға міндетті.«Сәйкестікті бағалау саласындағы заңнаманың сақталуы – әсіресе лифт сияқты техникалық күрделі объектілердің қауіпсіздігі сөз болғанда – ерекше маңызды. Біз нарықтың барлық қатысушыларын Қазақстан Республикасының белгіленген заң нормаларын қатаң сақтауға шақырамыз, бұл қауіптерді азайтуға және жабдықтардың сенімді пайдаланылуын қамтамасыз етуге мүмкіндік береді», – деп түсіндірді ҚР СИМ Техникалық реттеу және метрология комитетінің төрағасы Жанна Есенбекова.Сынақ зертханасына екі миллион үш жүз мың екі жүз жиырма теңге көлемінде айыппұл салынды, сондай-ақ анықталған бұзушылықтарды жою туралы нұсқама берілді.  Ақпарат көзі : https://www.gov.kz/memleket/entities/mti/press/news/details/1035278?lang=kk

Қонаев гарнизонындағы 32363 әскери бөлімінің әскери қызметшілері жауынгерлік оқудың кезекті кезеңінде бөлімшелерді даярлауды бастады. Бұған дейін десантшы жауынгерлер өздерінің әскери мамандықтары бойынша курстан өтіп, лауазымдық міндеттерін, қару-жарақ пен техниканы үйренді. Бақылау сабақтары олардың білім деңгейін және тапсырмаларды одан әрі орындауға дайындығын растады.Жауынгерлік үйлесімділік кезеңінің басты мақсаты – тактикалық машықтарды, далалық дағдыларды және ұрыстағы өзара іс-қимылды жетілдіру. Атысты басқаруға, динамикалық жағдайда әрекет етуге және қауіпсіздік шараларын сақтауға ерекше назар аударылады.– Жауынгерлердің машығын шыңдау үшін оқу-жаттығу полигонында құрлықта да, әуе нысандарында да қарудың барлық түрлерінен атыс жүргізуге мүмкіндік беретін жағдай жасалған. Қол гранаталарын лақтыру дағдылары да пысықталуда. Қараңғыда нысаналарды түнде көру құрылғылары қолданылады, – деді батальон командирінің жауынгерлік дайындық жөніндегі орынбасары капитан Асқат Мұратов.Офицерлер мен сержанттар басқару дағдыларын, сондай-ақ ұрыста моральдық-психологиялық қамтамасыз ету тәсілдерін жетілдіреді. Сабақтар атыс, тактикалық, арнайы және басқа да жауынгерлік дайындық пәндерін қамтиды. Полигондарда жауынгерлік атыс соңғы кезеңде өтеді, олар түнгі уақытта да жүргізілетін болады.Іс-шаралар жеке құрамның шабуылда және қорғаныста жауынгерлік міндеттерді үйлесімді және тиімді орындауға дайындығын бағалауға мүмкіндік береді. Ақпарат көзі : https://www.gov.kz/memleket/entities/mod/press/news/details/1035104?lang=kk

Тяньцзинь, 2025 жылғы 15 шілде – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Шанхай ынтымақтастық ұйымына мүше мемлекеттердің Сыртқы істер министрлері кеңесінің кезекті отырысына қатысты.Отырыс барысында қазіргі халықаралық жағдайда ШЫҰ-ға мүше мемлекеттердің сыртқы саяси үйлестіруін тереңдету мәселелері бойынша пікір алмасу өтіп, ағымдағы жылғы қыркүйекте Тяньцзинь қаласында өтетін ШЫҰ-ға мүше мемлекеттер басшыларының саммитіне дайындық барысы талқыланды.Өз сөзінде Қазақстан СІМ басшысы орнықты даму мүддесі үшін Ұйымның өзара тиімді серіктестікті қалыптастыру және ШЫҰ кеңістігін бейбітшілік пен өркендеу өңіріне айналдыру әлеуетіне сенім білдірді. «ШЫҰ – тең құқықты ынтымақтастықтың бірегей моделіне негізделген көпжақты институт ретінде өз беделі мен тиімділігін нығайта береді деп сенемін», – деді М.Нұртілеу.Қазақстан Сыртқы істер министрі 2024 жылғы шілдеде өткен Астана саммитінің қорытындылары бойынша қол жеткізілген уағдаластықтарды жүзеге асыруда Қытай тарапы жүргізіп жатқан жүйелі жұмысты жоғары бағалады. Ол Ұйым қызметін жетілдіру және оның институционалдық дамуын жалғастырудың маңыздылығын атап өтті.Сапар аясында ШЫҰ-ға мүше мемлекеттердің сыртқы саяси ведомстволар басшыларының Қытай Халық Республикасының Төрағасы Си Цзиньпинмен бірлескен кездесуі өтті.Кездесу барысында сенімге, теңдікке және өзара құрметке негізделген диалогты дамыту мен практикалық өзара іс-қимылды нығайтуға бейілділік расталды. Қатысушылар өңірлік тұрақтылықты, қауіпсіздікті және орнықты дамуды қамтамасыз ету мүддесінде көпжақты серіктестікті тереңдетуге басымдықты қуаттады.Ақпарат көзі : https://www.gov.kz/memleket/entities/mfa/press/news/details/1035070?lang=kk

2025 жылғы шілде айында Бутан, Қазақстан және Малайзия мемлекеттерінің қатысуымен 2030 жылға дейінгі Орнықты даму мақсаттарын (ОДМ) іске асыру мәселелері бойынша тәжірибе алмасуға арналған үшжақты веб-семинар өтті. Іс-шара БҰҰ-ның Азия және Тынық мұхиты елдері үшін Экономикалық және әлеуметтік комиссиясының (ЭСКАТО) қолдауымен ұйымдастырылды.Веб-семинар барысында тараптар ОДМ-ды ұлттық деңгейде жүзеге асырудағы озық тәжірибелермен бөлісіп, ерікті ұлттық шолуларды (VNR) дайындау үдерісіндегі өз жетістіктері мен сын-тегеуріндері жөнінде пікір алмасты.Қазақстан Республикасының атынан Ұлттық экономика министрлігінің ОДМ үйлестіру басқармасының басшысы Гүлзира Ерболова сөз сөйлеп, еліміздің 2030 Күн тәртібін ілгерілету жолындағы алғашқы нәтижелері, 2029 жылға дейінгі Ұлттық даму жоспарының қабылдануы және ОДМ-ның мемлекеттік жоспарлау жүйесіне интеграциялануы жөнінде ақпарат ұсынды.Сондай-ақ веб-семинар аясында «Экономикалық зерттеулер институты» АҚ ОДМ Хатшылығының директоры Бақытгүл Хамбар Қазақстанның үшінші Ерікті ұлттық шолуының дайындық барысы туралы баяндама жасады. Ол азаматтық қоғам мен түрлі салалар өкілдерінің кеңінен тартылуының маңыздылығын айтып, VNR-дың ашықтығы мен инклюзивтілігін қамтамасыз етудегі тәуелсіз зерттеулердің рөлін ерекше атап өтті.Малайзия тарапы ОДМ-ды кезең-кезеңімен жүзеге асыру тәсілін таныстырып, стратегиялық жоспарлау, мониторинг және орнықты даму бағытындағы жүйелік реформалар тәжірибесімен бөлісті.Ақпарат көзі : https://www.gov.kz/memleket/entities/economy/press/news/details/1035018?lang=kk

Шымкент гарнизонының әскери қалашығында балаларға арналған жаңа спорттық ойын алаңының ашылуына орай салтанатты іс-шара өтті. Аталмыш объект Әл-Фараби ауданы әкімдігінің және жобаға демеушілік еткен жергілікті кәсіпкерлердің қолдауымен салынды.Әскери оркестрдің сүйемелдеуімен өткен салтанатты рәсімге Шымкент гарнизонының бастығы подполковник Сергей Биболатов, Шымкент қаласы Әл-Фараби ауданының әкімі Маратбек Мықтыбеков, кәсіпкерлер мен әскери қалашықтың тұрғындары қатысты.Подполковник С. Биболатов әкімге және кәсіпкерлерге балаларға жасаған қолдау үшін алғысын білдірді.– Осы қаланың тұрғыны және әке ретінде барша отбасыны осындай қуанышпен құттықтаймын. Балаларымызды назардан тыс қалдырмай, олардың дамуына үлес қосқандарыңызға көп рахмет. Ынтымақтастығымыз нығайып, дамитынына сенімдімін, – деді ол.Өз кезегінде Әл-Фараби ауданының әкімі М. Мықтыбеков те осы жобаны іске асыруға қатысқан кәсіпкерлерге алғысын білдірді.Алаң шартты түрде бірнеше аймаққа бөлінген: бір бөлігі – бүлдіршіндер үшін қауіпсіз ойын алаңы болса, екіншісі – үлкен балаларға арналған – спорттық тренажерлер және шағын футбол жаттығуларына арналған жабық алаң. Қойылған шатырлы сәкілер мен орындықтар қалашықтың тұрғындарының демалуына қолайлы жағдай жасайды.Ақпарат көзі : https://www.gov.kz/memleket/entities/mod/press/news/details/1034589?lang=kk