Құрылтай «Қазақстан Республикасының Үкіметі мен Азия Инфрақұрылымдық Инвестициялар Банкі арасындағы әріптестік туралы негіздемелік келісімді ратификациялау туралы» заңды екі оқылымда қабылдады.Құжатқа сәйкес, Банк қаржыландыратын жобалар енді оның қағидалары негізінде іске асырылады. Атап айтқанда, сыбайлас жемқорлыққа қарсы іс-қимыл, банк тәжірибесі, қаражат бөлу, қаржылық бақылауды жүзеге асыру, ақпаратты ашу, сатып алуды жүргізу, сондай-ақ экологиялық және әлеуметтік стандарттарға қатысты талаптар сақталуға тиіс.Осылайша, Негіздемелік келісім Қазақстанда Азия Инфрақұрылымдық Инвестициялар Банкінің болашақ жобалары үшін бірыңғай құқықтық нормалар қалыптастырады. Бұл әрбір жаңа жоба бойынша бірдей талаптарды жеке-жеке белгілемеуге және болашақта сын-қатерлерді азайтуға мүмкіндік береді.Құжаттың негізгі міндеттері – инфрақұрылымдық жобаларды қаржыландыру құралдарын кеңейту, қаржыландырудың басым секторларын айқындау және жобаларды іске асыру рәсімдерін оңтайландыру.Келісімді ратификациялау Қазақстанға көлік, энергетика, цифрлық байланыс және экономиканың басқа да секторларындағы жобаларды қаржыландыру үшін инвестиция тартуға мүмкіндік береді. Ақпарат көзі : https://www.gov.kz/memleket/entities/economy/press/news/details/1297196?lang=ru

Қазақстан Республикасы Сыртқы істер министрінің орынбасары Арман Исетов Польша Республикасы Сыртқы істер министрінің орынбасары Войцех Зайончковский мен Климат және қоршаған орта министрінің орынбасары Кшиштоф Галоспен жетекшілігіндегі поляк делегациясымен кездесті.Тараптар екіжақты саяси, сауда-инвестициялық және мәдени-гуманитарлық ынтымақтастық, сондай-ақ көпжақты құрылымдар аясындағы өзара іс-қимыл мәселелерін талқылады.Өзара тиімді әріптестікті одан әрі тереңдету үшін елеулі әлеуетке ие перспективалы бағыттардағы іс-қимылды кеңейтуге және нығайтуға, атап айтқанда геология және минералдық-шикізат ресурстары саласындағы ынтымақтастыққа ерекше назар аударылды.Келіссөздер қорытындысы бойынша Астана мен Варшава арасындағы өзара тиімді диалогты одан әрі тереңдету жөніндегі бірлескен жұмысты жалғастыруға  уағдаласты.Ақпарат көзі : https://www.gov.kz/memleket/entities/mfa/press/news/details/1297146?lang=ru

 Павлодар қаласында Қорғаныс министрлігінің ақпараттық-түсіндіру тобы ұйымдастырған «Біртұтас ел – біртұтас жер» патриоттық акциясы аясында № 48 және № 7 орта мектептерде алғашқы әскери дайындық сыныптарының ашылу рәсімі өтті.Іс-шараға Қорғаныс министрінің тәрбие және идеологиялық жұмыстары жөніндегі орынбасары генерал-майор Асқар Мұстабеков, облыс әкімдігі мен қорғаныс істері жөніндегі департамент өкілдері, Қарулы күштердің ардагерлері, алғашқы әскери дайындық пәнінің оқытушылары, педагогтер, мектеп оқушылары, студенттер және қоғам өкілдері қатысты.Жаңа мамандандырылған сыныптар заманауи құрал-жабдықтармен, оның ішінде робототехникалық кешендермен және ұшқышсыз ұшу аппараттарымен жабдықталған. Олар оқушылардың әскери қызмет туралы білімдерін кеңейтуге, практикалық дағдыларын жетілдіруге, тәртіп пен жауапкершілікті қалыптастыруға, сондай-ақ командалық өзара іс-қимыл дағдыларын дамытуға арналған.Оқушыларға арнаған сөзінде генерал-майор Асқар Мұстабеков өмір жолын саналы түрде таңдаудың және жастарға ерте кәсіби бағдар берудің маңыздылығын атап өтті.– Мамандандырылған сыныптар сіздердің Қарулы күштер мен әскери қызмет туралы білімдеріңізді кеңейтіп қана қоймай, бойларыңызда тәртіптілік, жауапкершілік, командалық рух пен алға қойған мақсаттарға жетуге деген ұмтылысты қалыптастыруға көмектеседі. Мектеп қабырғасынан бастап ел мен қоғамға пайдалы болуды үйрену маңызды, – деді Қорғаныс министрінің орынбасары.Естай атындағы Мәдениет үйінде қала тұрғындары үшін атыс қаруы мен қару-жарақ үлгілері қойылған әскери-тарихи экспозиция да ұйымдастырылды. Қорғаныс министрлігінің офицерлері жастарға әскерге шақыру және мерзімді әскери қызметті өткеру тәртібі, әскери оқу орындарына түсу мүмкіндіктері, үміткерлерге қойылатын талаптар, сондай-ақ әскери қызметін өткерген азаматтарға заңнамада көзделген жеңілдіктер туралы айтып берді.Әскери қызметшілер № 48 және № 25 мектептерде «Ерлік сабақтарын» өткізді. Оқушылар әскери қызметшілердің күнделікті қызметі, әскери мамандықтар және Қарулы күштердегі кәсіби даму мүмкіндіктері туралы ақпарат алды.Ақпараттық-түсіндіру жұмыстары Павлодар қаласындағы сауда және ойын-сауық орталықтарының бірінде жалғасты. Қала тұрғындарына келісімшарт бойынша әскери қызмет өткеру, бос жұмыс орындары, үміткерлерге қойылатын талаптар және әскери қызметшілерге берілетін әлеуметтік кепілдіктер туралы ақпарат ұсынылды.Алдағы күндері Қорғаныс министрлігінің өкілдері осындай іс-шараларды Ақсу және Екібастұз қалаларында да өткізеді. Ақпарат көзі : https://www.gov.kz/memleket/entities/mod/press/news/details/1297151?lang=ru

2026 жылғы 7 қыркүйектен бастап Қазақстан Республикасының Әлеуметтік кодексіне енгізілген, салымшылардың өз зейнетақы жинақтарын басқару мүмкіндіктерін кеңейтетін өзгерістер күшіне енді. Жаңа өзгерістерге сәйкес, енді салымшы (алушы) жеке зейнетақы шотындағы (ЖЗШ) міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) және ерікті зейнетақы жарналары (ЕЗЖ) есебінен қалыптастырылған зейнетақы жинақтарының 100%-на дейін инвестициялық портфельді басқарушылардың (ИПБ) сенімгерлік басқаруына бере алады.Бұл ретте МЗЖ және ЕЗЖ есебінен жинақтары бар салымшылар, сондай-ақ олар үшін МКЗЖ және ЕЗЖ аударылған жеке тұлғалар өздерінің сенімгерлік басқаруға берілетін жинақтарының көлемін дербес айқындауға, сондай-ақ қаржылық мақсаттарына сәйкес бір немесе бірнеше ИПБ-ны және бір немесе бірнеше инвестициял         ық портфельді таңдауға құқылы.Заңнамаға сәйкес, ИПБ үш инвестициялық портфельге дейін қалыптастыра алады: консервативті, қалыпты және тәуекелді. Олар тәуекел деңгейі, күтілетін кірістілік және инвестициялау мерзімдері бойынша ерекшеленеді. Әртүрлі инвестициялық портфельдерді таңдау мүмкіндігі Қазақстан Республикасының Әлеуметтік кодексінің 37-1-бабында бекітілген. Оларды қалыптастыруға қойылатын талаптарды қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган айқындайды.Зейнетақы жинақтарын инвестициялық портфельді басқарушылардың сенімгерлік басқаруына беру тәртібі және инвестициялық мүмкіндіктер туралы толық ақпарат БЖЗҚ сайтында және invest.enpf.kz платформасында қолжетімді.Осылайша, зейнетақы жүйесі салымшы пассивті рөл атқаратын модельден адамның өзінің ұзақмерзімді зейнетақы жинақтарын басқаруға саналы түрде қатысуын көздейтін жүйеге біртіндеп ауысуда. Инвестициялық стратегияны таңдау мүмкіндіктерінің кезең-кезеңімен кеңеюі және зейнетақы активтерін басқару туралы ақпараттың қолжетімділігін арттыру салымшылардың болашақ зейнетақы табысын қалыптастыруға қатысты шешімдер қабылдауға белсендірек қатысуына жағдай жасайды. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).    Ақпарат көзі : https://www.gov.kz/memleket/entities/abay/press/news/details/1297123?lang=ru

Облыс әкімі Мұрат Ергешбаев азаматтарды кезектілік тәртібімен жеке мәселелері бойынша қабылдады. Қабылдауға 19 адам жазылып, оның үшеуі онлайн форматта қатысты. Негізгі көтерілген мәселелер – әлеуметтік қолдау, денсаулық сақтау, тұрғын үй және жұмыспен қамту.Тасбөгет кентінің тұрғыны Ә.Молдағұлова көшесі бойынан балалар ойын алаңын салу туралы ұсынысын жеткізді. Бүгінде Тасбөгет кентінде 14 балалар ойын алаңы, 1 стритбол және 1 жаттығу алаңы бар. Өткен жылы қалалық бюджеттен қаржы бөлініп, Қ.Баймағанбетов және З.Шүкіров көшелерінің қиылысындағы көппәтерлі үйлер ауласына балалар ойын алаңы салынды.Қазір кенттің басқа да аумақтарына ойын алаңдарын салу жолы қарастырылып жатыр. Атап айтқанда, Ә.Молдағұлова көшесі бойынан бос жер учаскесі анықталды, осыған орай ұсыныс енгізіледі. Бюджеттен қаржы бөлінген соң, кезең-кезеңімен салу жоспарланған.Қармақшы ауданының тұрғыны Төретам және Жосалы кенттеріндегі автобекеттердің жұмысына қатысты мәселе көтерді. Бұған дейін Жосалы кентіндегі «Шынар-Ана» және Төретам кентіндегі автостансалар жолаушыларға қызмет көрсеткен. Алайда ғимаратты осы мақсатта пайдалану экономикалық тұрғыдан тиімсіз болғандықтан, жұмысын тоқтатқан. Жосалы кенті арқылы өтетін бағыттарда жолаушыларға қызмет көрсету үшін бұрынғы «Самара–Шымкент» автодәлізі бойындағы «Айым» кафесінің жанынан диспетчерлік пункт ашылды. Пункт 15 шілдеден бастап жұмыс істеп келеді, 15 автобус және 5 «Спринтер» автокөлігі жолаушы тасымалдайды.Қабылдауға келген азаматтар көтерген мәселелерді жан-жақты саралап, заң аясында шешу жауапты басшыларға жүктелді.Айта кетейік, облыс әкімінің жеке қабылдауына жазылу үшін тұрғындар eGov порталы, e-Otinish бірыңғай платформасы арқылы немесе әкімдікке жазбаша өтініш қалдыра алады.Ақпарат көзі : https://www.gov.kz/memleket/entities/kyzylorda/press/news/details/1296961?lang=ru

Алматы облысында отбасын қолдау орталықтарының қызметіне кешенді талдау жүргізіліп, олардың жұмысының тиімділігі мен халыққа қолжетімділігі қайта қаралады. Бұл мәселе облыс әкімінің орынбасары Ғани Майлыбаевтың төрағалығымен өткен облыс әкімі жанындағы әйелдер істері және отбасылық-демографиялық саясат жөніндегі комиссияның кезекті отырысында қаралды.Жиында отбасын қолдау орталықтарының халыққа көрсететін әлеуметтік қызметтерінің сапасы, өмірлік қиын жағдайға тап болған отбасылармен жұмыс, ана мен баланы қорғау, репродуктивті денсаулық және әйелдердің қоғамдық-саяси өмірге қатысуын арттыру мәселелері талқыланды.Әлеуметтік бағдарламалар басқармасының басшысы Асыл Ваисовтың мәліметінше, жыл басынан бері отбасын қолдау орталықтары мен әлеуметтік мекемелерге 8 306 азамат жүгінген. Оның ішінде 264 отбасы өмірлік қиын жағдайға тап болып, көмек алғандар. Одан бөлек, орталықтың көмегімен 63 азамат тұрақты жұмысқа орналасса, 47 адам жеке басын куәландыратын құжаттарын қалпына келтірген. Комиссия төрағасы жұмысты тек сандық көрсеткіштермен бағалауға болмайтынын ескертті. «Әрбір отбасының мәселесі жеке қаралып, жағдайын тұрақтандыруға бағытталған нақты іс-қимыл жоспары әзірленуі тиіс. Бұл бағытта барлық мемлекеттік органдар, білім беру, денсаулық сақтау, жұмыспен қамту және құқық қорғау салаларындағы басқармалар жұмусты күшейтуі қажет. Барлық аудан мен қалада «Бір отбасы – бір жоспар – бір жауапты маман» ведомствоаралық жұмыс алгоритмін енгізуді тапсырамын», - деп атап өтті комиссия төрағасы. Отбасын қолдау орталықтары азаматтарға әлеуметтік, психологиялық және құқықтық кеңес береді. Тұрғындар бұл орталықтарға жұмыссыздық, қаржылық қиындық, отбасылық жанжал, тұрмыстық зорлық-зомбылық, құжаттарды жоғалту, бала тәрбиесі, баспана, денсаулық немесе құқықтық мәселелер туындаған жағдайда жүгіне алады. Қажет болған жағдайда орталық мамандары азаматтарды жұмыспен қамту, денсаулық сақтау, білім беру, ішкі істер және өзге де тиісті мемлекеттік органдарға бағыттап, қажетті қызметтерге қол жеткізуіне ықпал етеді.Комиссия отырысында орталықтардың қызметі туралы ақпараттың ашықтығы мен тұрғындарға түсінікті болу мәселесіне де ерекше назар аударылды. Әрбір азамат қайда, қандай жағдайда және қандай көмек алу үшін жүгінуге болатынын білуі қажет. Осыған байланысты аудандар мен қалаларда кең көлемді ақпараттық-түсіндіру жұмысын жүргізу, орталықтардың байланыс деректері мен қызмет түрлері туралы ақпаратты тұрақты жариялау тапсырылды.Сонымен қатар мобильді кабинеттердің шалғай елді мекендерді қамтуын кеңейту, қызмет көрсету сапасын бағалаудың нақты көрсеткіштерін әзірлеу және орталықтардың жұмысындағы әлсіз тұстарды анықтау жөнінде міндеттер қойылды.Комиссия отырысында ана мен баланың қауіпсіздігін қамтамасыз ету, азаматтардың репродуктивті денсаулығын нығайту және жасөспірімдер арасындағы ерте жүктіліктің алдын алу мәселелері де қаралды. Жауапты мемлекеттік органдарға профилактикалық жұмысты күшейту және ведомствоаралық өзара іс-қимылды жолға қою тапсырылды.Бұдан бөлек, әйелдердің қоғамдық-саяси өмірге қатысуын арттыру және әйелдер кәсіпкерлігін дамыту бағытында Еңбекшіқазақ және Жамбыл аудандарында атқарылып жатқан жұмыстар таныстырылды. Олардың тәжірибесін зерделеп, тиімді тұстарын облыс көлемінде таратуға арналған практикалық кейстер жинағын әзірлеу тапсырылды.Ақпарат көзі : https://www.gov.kz/memleket/entities/almobl/press/news/details/1296909?lang=ru

Мемлекет басшысы 2022 жылғы Жолдауында іске асыру бағыттарының бірі «Ұлттық қор - балаларға» бағдарламасы болып табылатын ұлттық байлықты әділ бөлу бағдарламасын құру туралы идеяны айтты. Осы жоба шеңберінде Қазақстанның азаматтарына туғаннан бастап кәмелетке толғанға дейін 2024 жылдан бастап жыл сайын Ұлттық қордың орташаланған инвестициялық кірісінің 50% есебінен қаражат есептеледі.Осы бастама шеңберінде 18 жасқа дейінгі балаларға жыл сайын Қазақстанның Ұлттық қорының инвестициялық кірісінің 50 пайызы есептелетін болады.2026 жылы әр балаға 130,71 АҚШ доллары аударылды.Үш жылдан бері бағдарламаға қатысатын балалардың жинақтарының жалпы сомасы алынған инвестициялық табысты ескергенде 370,56 АҚШ долларын құрады.Бірыңғай жинақтаушы зейнетақы қорының (БЖЗҚ) ақпаратына сәйкес, 2026 жылғы 1 қыркүйектегі жағдай бойынша тұрғын үй жағдайын жақсартуға және білім беру төлеміне арналған нысаналы жинақ төлемдері 76 142,45 мың АҚШ долларды құрады. (365 967 алушы), оның ішінде:- тұрғын үй жағдайын жақсартуға – 50 433,4 мың АҚШ доллар (241 284 алушы);- білім алуға – 25 709,05 мың АҚШ доллар (124 683 алушы).Бұл қаражатпен қашан пайдалануға болады?18 жасқа толғаннан кейін жинақтау БЖЗҚ-дағы дербес шоттарға аударылады және азаматтар оларды:-Қазақстан Республикасында ғана тұрғын үй жағдайларын жақсартуға.-білімге ақы төлеуге (Қазақстан Республикасында да, шетелде де) пайдалана алады.Жинақталған соманы Бірыңғай жинақтаушы зейнетақы қоры (БЖЗҚ)  шотынан таңдаған мақсатқа уәкілетті операторлар - Отбасы банкі және Халық банкі арқылы аударуға болады.Баланың бағдарламаға қатысу фактісі туралы ақпаратты баланың жеке сәйкестендіру нөмірі (ЖСН) бойынша kids.enpf.kz сайтында, egov.kz порталындағы жеке кабинетте, Halyk және Kaspi.kz қосымшаларында білуге болады.Егер нысаналы жинақтар бала кәмелетке толғаннан кейін 10 жыл ішінде талап етілмесе, олар оның жеке зейнетақы шотына түседі.Есептеулер келесі жағдайларды тоқтатылады:-қайтыс болған жағдайда-жобаға қатысушыны қайтыс болған деп жариялау туралы сот шешімі заңды күшіне енген кезде-азаматтықтан айырылған жағдайдаҚайтыс болған жағдайда мақсатты жинақтарды алу үшін мұрагерлер Бірыңғай жинақтаушы зейнетақы қорына (БЖЗҚ) заңда белгіленген тәртіппен жүгіне алады.Ұлттық қор қаражатын қазақстандықтардың жас буынын қолдау үшін пайдалану - бұл елдің тұрақты дамуына бағытталған стратегиялық шешім болып табылады.«Ұлттық қор - балаларға» бағдарламасы - бұл еліміздің болашағына салынатын инвестиция!Ақпарат көзі : https://www.gov.kz/memleket/entities/minfin/press/news/details/1296878?lang=ru

ҚР Президенті жанындағы Орталық коммуникациялар қызметінде өткен брифингте Қаржы министрлігінің өкілдері мемлекеттік мүлікті басқарудың цифрлы трансформациясы мен e-Qazyna.kz платформасын дамыту бағытындағы жұмыс жөнінде айтып берді.Қолға алынған жұмыстар туралы ҚР ҚМ Мемлекеттік мүлік және жекешелендіру комитетінің төрағасы Нұрмахан Әділбеков пен «Ақпараттық-есепке алу орталығы» АҚ басқарма төрағасы Жанасыл Оспанов тізбектеп берді. Ведомство өкілдері айтқандай, биылғы Цифрландыру және жасанды интеллект жылында мемлекеттік активтерді басқару саласында цифрлы құралдарды одан әрі жетілдіру жұмыстары жалғастырылып келеді.Мәселе, e-Qazyna платформасында бүгінде 40 цифрлы сервис қамтылған. Олардың қатарында мемлекеттік және квазимемлекеттік ұйымдарды есепке алу, электронды сауда-саттық, жекешелендіру, мемлекеттік мүлікті жалға және сенімгерлік басқаруға беру, мемлекеттік меншікті мониторингтеу және басқа да процестер бар.Негізгі міндеттердің бірі – мемлекеттік активтерді бытыраңқы есепке алудан e-Qazyna.kz базасындағы біртұтас цифрлы жүйеге көшіру. Бұл бағыттағы жұмыс 2029 жылға дейінгі жол картасы аясында атқарылады. Осы жұмысқа сәйкес мемлекеттік мүлік нысандары мен басқару субъектілерінің цифрлы бейіндері қалыптастырылып жатыр. Олар активтердің бүкіл өмірлік циклін бақылап, нысандардың өзекті фотосуреттері мен географиялық координаттарын, сондай-ақ болашақта ғарыштық мониторинг деректерін пайдалануға мүмкіндік береді.Мемлекеттік және квазимемлекеттік сектордағы мүлікті цифрлы есеп-қисабына да ерекше мән беріліп келеді. Аталған бағытта «бұлтты» бухгалтерияны енгізу, e-Qazyna-ны «е-Қаржымині» жүйесімен интеграциялау, сондай-ақ квазимемлекеттік сектор субъектілерінің мүлкін ішкі корпоративті есепке алуды автоматтандыру жоспарланған.Ұлттық және стратегиялық ресурстарды есепке алуды цифрландыру жұмыстары да нығайып жатыр. Перспективада Мемлекеттік тізімнің бірыңғай цифрлы базасында жер және су ресурстары, орман қоры, жерасты сулары, көмірсутек және қатты пайдалы қазбалар кен орындары туралы мәліметтерді автоматты түрде есепке алу көзделіп отыр.Жүйені дамытудың келесі кезеңі жасанды интеллект және Big Data технологияларын енгізумен байланысты. Оларды қолдану тиісті нысандардың тозғанын болжауға, мүлікті тиімсіз пайдалану белгілерін анықтауға, сондай-ақ мемлекеттік активтерді күтіп-ұстау мен жаңғыртуға арналған шығыстарды неғұрлым дәл жоспарлауға предиктивті аналитиканы пайдалануға жол ашады.Мемлекеттік мүлік және жекешелендіру комитетінің 79 функциясының 36-сы цифрландыруға әлеуеті зор. Бүгінде олардың 26-сы, яғни 72 пайызы автоматтандырылған. Биыл III тоқсанда тағы 8 функцияны қанатқақты режімде автоматтандыру жоспарланып отыр. Олардың қатарында акционерлік қоғамдар мен серіктестіктердің басқару органдарында электронды дауыс беру, сондай-ақ мемлекеттік кәсіпорындардың жарғылары мен баланстарын бекіту бар.Баланс ұстаушының цифрлы бейіні де кезең-кезеңмен енгізіледі. 2026 жылы оған ғимараттар мен құрылыстар, 2027 жылы жер учаскелері, ал 2028–2029 жылдары көлік, жабдықтар және басқа да актив түрлері енгізіледі.Жоғарыда аталған платформаны дамыту мемлекеттік мүлікті басқарудың бірізді цифрлы экожүйесін қалыптастыруға бағытталған. Бұл мемлекеттік активтерді пайдалану тиімділігін арттырып, оларды басқарудан түсетін кірістерді ұлғайтуға және күтіп-ұстауға жұмсалатын шығындарды оңтайландыруға оң әсер етеді.       Ақпарат көзі : https://www.gov.kz/memleket/entities/minfin/press/news/details/1296866?lang=ru

Мәскеудегі қазақстандық делегацияның жұмыс бағдарламасының жалғасы аясында ҚР Қаржы вице-министрі Дәурен Кеңбеил Еуразиялық тұрақтандыру және даму қорының стратегиялық сессиясына қатысты. Оның барысында қордың қызметіндегі негізгі бағыттар, орта және ұзақмерзімді перспективадағы басымдықтарды айқындайтын 2027-2031 жылдарға арналған ЕТДҚ стратегиялық жобасы талқылнады. «Стратегиядағы маңызды элементтердің бірі — ауқымды талдау, оның негізінде экономикалардың орнықты өсімін қамтамасыз ету мақсатында уақтылы превентивті шаралар қабылдануы тиіс», деп атап өтті Дәурен Маратұлы. ЕТДҚ-ға Армения, Беларусь, Қазақстан, Қырғызстан, Ресей және Тәжікстан мүше. Бұл ұйымның мүше мемлекеттер арасындағы макроэкономикалық тұрақтылық пен қаржылық ынтымақтастықты нығайтуда маңызы жоғарыАқпарат көзі : https://www.gov.kz/memleket/entities/minfin/press/news/details/1296867?lang=ru

Павлодар қаласының Мемлекеттік рәміздер алаңында Ішкі істер министрлігінің Ұлттық ұланы қатарына шақырылушыларды салтанатты түрде шығарып салу рәсімі өтті. Жас азаматтарды әскер қатарына шығарып салып, ізгі тілектерін айтуға Қорғаныс министрінің орынбасары генерал-майор Асқар Мұстабеков келді.Павлодар облысы – «Адал азамат – Сарбаз – Отан қорғаушы» жобасы аясында Қорғаныс министрлігі жүзеге асырып жатқан «Сарбаз жолы» дәстүрін қолдаған үшінші өңір.Іс-шараға Павлодар облысының әкімі Асайын Байханов, Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков, Қорғаныс істері департаментінің өкілдері, әскери-техникалық мектептің курсанттары, Қарулы күштердің ардагерлері, сондай-ақ әскерге шақырылушылардың туған-туыстары қатысты.Өңір басшысы Асайын Байханов жастарға ақжолтай тілегін білдірді. Ол әскери қызметтің тұлға қалыптастырудағы, жауапкершілік, тәртіп пен азаматтық қасиеттерді тәрбиелеудегі маңызын атап өтіп, әскерге шақырылушыларға әскери борышын абыроймен өтеуді тіледі.«Сарбаз жолы» дәстүрін қолдау нақты іспен де көрініс тапты. Павлодар облысының әкімі Асайын Байханов Павлодар қаласының Қорғаныс істері басқармасына қызметтік автокөліктің кілтін табыс етті. Жаңа көлік басқарманың күнделікті жұмысын жүргізуге, әскери-патриоттық тәрбие беру және жастарды әскери қызметке шақыру бағытындағы міндеттерді орындауға елеулі көмек көрсетеді.Өз кезегінде Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков облыс әкіміне «Сарбаз жолы» жобасын іске асыруға көрсеткен қолдауы үшін алғыс білдірді. Оның айтуынша, облыс әкімдігімен өзара іс-қимылдың маңызды бағыттарының бірі – әскери қызметін аяқтаған жастарды өңірдегі ірі кәсіпорындарға жұмысқа орналастыруға жәрдемдесу.Сонымен қатар ол әскерде әскери қызметшілерге қажетті жағдайлар жасалып жатқанын атап өтті. Әскери қызметшілерді тұрмыстық қамтамасыз етуге, тамақтандыруға, медициналық қызмет көрсетуге, қауіпсіздікке және ата-аналарымен тұрақты байланысын қамтамасыз етуге ерекше көңіл бөлінеді.– Павлодар – еңбекқор әрі мақсатшыл адамдардың өлкесі. Сіздер де білімді, тәртіпті, мықты әрі еліне пайдасы тиетін азамат болуға ұмтылыңыздар. Осы тұрғыдан алғанда, армия сіздер үшін өмірдің, тәртіп пен жауапкершіліктің мектебіне айналады, – деді Қорғаныс министрінің орынбасары жас сарбаздарға арнап сөйлеген сөзінде.Іс-шара барысында ардагерлер, қоғам өкілдері мен ата-аналар да жас сарбаздарға жылы лебіздерін білдіріп, әскери қызметтен аман-есен оралуларын тіледі.Іс-шара жас ұрпақты тәрбиелеуде мемлекет, қоғам және отбасының бірлескен жұмысының маңызды үлгісіне айналды. Сонымен қатар жастардың ел алдындағы жауапкершілік сезімін қалыптастырудың маңызын айқын көрсетті.Ақпарат көзі : https://www.gov.kz/memleket/entities/mod/press/news/details/1296846?lang=ru

Премьер-министрдің орынбасары – ұлттық экономика министрі Серік Жұманғарин фронт-офистің ашылуына қатысып, бизнесті қолдаудың жаңа форматымен танысты.Бірыңғай фронт-офис «Бәйтерек» тобы ұйымдарының қолдау құралдарын «бірыңғай терезе» қағидаты бойынша біріктіреді. Мұнда кәсіпкерлер кеңес алып, қолайлы қолдау құралын таңдай алады. Өтінім беріліп, қаржыландыру қарастырылуға дейін жоба сүйемелденеді.Фронт-офистер Қазақстанның барлық өңірінде «Даму» қорының филиалдары базасында жұмыс істейді. Шалғай жатқан аудандар мен ауылдардағы кәсіпкерлер үшін мамандардың аудандарға баруына арналған мобильді кеңселер – автобустар қарастырылған. Осылайша, өз өкілдіктері жоқ кейбір даму институттарының қажетті кеңесі мен қолдауын облыс орталығына бармай-ақ алуға болады.Фронт-офис консультанттары «Бәйтерек» тобының ұйымдарға көрсететін қолдау құралдары бойынша ақпарат береді:«Даму» кәсіпкерлікті дамыту қоры – шағын және орта бизнесті жеңілдікпен несиелендіру, пайыздық мөлшерлемені субсидиялау, кепілдік беру және қолдаудың қаржылық емес шаралары;Қазақстанның Даму банкі – ірі инвестициялық жобаларды қаржыландыру;Qazaqstan Investment Corporation – тікелей инвестициялар және венчурлық қаржыландыру құралдары;Қазақстанның экспорттық-кредиттік агенттігі – экспорттық несиелерді сақтандыру;Өнеркәсіпті дамыту қоры – кәсіпорындарды жаңғыртуға арналған жеңілдікті және лизингтік қаржыландыру.«Бүгінгі таңда біздің мамандарымыз тек Қордың құралдарымен жұмыс істеп қоймай, “Бәйтерек” холдингінің басқа да ұйымдары ұсынатын шешімдерді таңдауға көмектеседі. Шын мәнінде, “Даму” қорының өңірлік желісі жеңілдікпен несиелендіру мен кепілдіктерден бастап, инвестициялық қаржыландыруға, экспортты сақтандыру мен лизингке дейінгі қаржылық және қаржылық емес құралдардың кең ауқымына қол жеткізудің бірыңғай терезесіне айналып келеді», — деді «Даму» қорының басқарма төрағасы Фархат Сәрсекеев.Бірыңғай фронт-офистің техникалық іске қосылуы осы жылғы ақпанда өтті. Осы уақыт ішінде консультанттар кәсіпкерлердің 30 мыңға жуық өтінішін қабылдаған. Фронт-офис арқылы 1 250 жоба сүйемелденіп, қаржыландырылды.Бірыңғай фронт-офис базасында Бизнесті қолдау және сүйемелдеу орталықтары да пилоттық режимде жұмыс істеуде. Олардың міндеті – кәсіпкерлерге мемлекеттік органдармен, қаржы институттарымен және басқа да ұйымдармен өзара іс-қимылды талап ететін нақты мәселелерді шешуге жәрдемдесу.Орталық мамандары мәселені бастапқы талдаудан өткізіп, оны шешудің ықтимал жолын анықтайды. Қажет болған жағдайда жұмысқа салалық мемлекеттік органдар, қаржы институттары, әкімдіктер мен «Бәйтерек» тобының ұйымдары тартылады. Пилоттық жоба Астана, Алматы, Шымкент қалаларын, Солтүстік Қазақстан және Ақтөбе облыстарын қамтуда.«Мұндай қолдаудың барлық өңірде болуы маңызды. Біз кәсіпкерлерді қолдау тәсілін неғұрлым тиімді ете отырып, “Іскер аймақ” бағдарламасын ауылдарға таратуды жоспарлап отырмыз. Бұл ретте “Даму” қорының өңірлік филиалдары мен мобильді фронт-офистері үлкен рөл атқаруы тиіс. Консультанттардың міндеті – бизнестің қалыптасуы мен дамуының барлық кезеңін сүйемелдеу. Тағы бір маңызды бағыт – бизнесті қолдау және сүйемелдеу орталықтары. Кәсіпкерлер проблемалармен жиі бетпе-бет келеді. Бірақ қайда жүгінуді, қалай шешуді білмей жатады. Орталықтар осыны жолға қою үшін құрылуда. Әзірге олар еліміздің бес өңірінде пилоттық режимде жұмыс істеп жатыр», — деп атап өтті Серік Жұманғарин.Ақпарат көзі : https://www.gov.kz/memleket/entities/economy/press/news/details/1296836?lang=ru

Қостанай облысының әкімі Құмар Ақсақаловтың төрағалығымен өңіріміздің жылыту маусымына әзірлігі тақырыбына арналған аймақ әкімдігінің отырысы өтті. Жиында облыс әкімдігінің энергетика және тұрғын үй-коммуналдық шаруашылық басқармасының басшысы, Қостанай, Рудный, Арқалық, Лисаков қалалары мен Жітіқара ауданының әкімдері баяндама жасады.Мемлекет басшысы жылыту маусымы өзекті мәселелердің бірі екенін бірнеше рет атап өтіп, энергетикалық және коммуналдық секторларды жаңғыртуға, халықты үздіксіз жылумен қамтамасыз етуге ерекше мән беріп келеді.«1 қазаннан бастап облыста жылыту маусымы басталады. Мен өткен отырыста 15 қыркүйекке дейін жылыту маусымына дайын болуды тапсырған едім. Бүгінде барлық 118 жылу көзі, оның ішінде 4 жылу электр орталығы мен 114 қазандық, сондай-ақ 698 автономды жылыту жүйесі толық дайындалды. Барлық көппәтерлі тұрғын үйлер мен әлеуметтік нысандардың дайындығы қамтамасыз етілді. Ұзындығы 30,7 шақырым жылу желілерін, сондай-ақ сумен жабдықтау және су бұру желілерін жөндеу жұмыстары аяқталды», – деді аймақ басшысы.Бүгінде қала және аудан әкімдіктері тарапынан шамамен 384,1 мың тонна көмір дайындалды. Бұл жоспардың 94,3%-ін құрайды. Қостанай, Лисаковск және Арқалық қалаларында жылу желілерін реконструкциялау бойынша 8 ірі жоба жүзеге асырылуда. 2026 жылға 14,7 шақырым желіні жаңарту жоспарланған болатын. Бұл көлем толық орындалды. Атқарылған жұмыстардың нәтижесінде жылу желілерінің тозу деңгейі 42,8 пайызға дейін төмендеді.«Өткен жылыту маусымында апаттар санын айтарлықтай азайта алдық – 254-тен 134 жағдайға дейін. Тұрғындардан түскен шағымдар саны да 96-дан 20-ға дейін төмендеді. Алдағы маусымдағы міндетіміз – жылыту маусымын тұрақты, апаттар мен іркіліссіз өткізу», – деді Құмар Ақсақалов.Ақпарат көзі : https://www.gov.kz/memleket/entities/kostanay/press/news/details/1296750?lang=ru

Ағымдағы жылғы 21 қыркүйекте Қостанай облысының әкімі Құмар Ақсақаловтың төрағалығымен Облыс әкімдігінің жанындағы «Заң және Тәртіп» конституциялық қағидатын іске асыру жөніндегі ведомствоаралық комиссияның кезекті отырысы өтті.Отырыста жол қозғалысы қауіпсіздігін қамтамасыз ету және мас күйінде жасалатын қылмыстардың профилактикасы туралы мәселелер қаралды.Сегіз айдың қорытындысы бойынша облыста тіркелген ЖКО саны 3,4% төмендеді – 854-тен 825-ке дейін. Жараланғандар саны 6,4% азайды – 1 184-тен 1 108-ге дейін, қаза тапқандар саны 4% азайды – 50-ден 48-ге дейін.Сондай-ақ, 2ГИС-те ескертулерді орналастыру оң нәтиже көрсетті: белгіленген 12 авариялық-қауіпті учаскелерде жеті ай ішінде ЖКО саны 37% төмендеді – 27-ден 17-ге дейін.Қалалар мен аудандардың әкімдеріне полициямен бірлесіп жекелеген аумақтарда аварияға әкелетін себептердің өсуін талдау, неғұрлым қауіпті учаскелерді анықтау, жаяу жүргіншілер өткелдерінің орналасу қауіпсіздігін бағалау, автобустар мен шұғыл қызметтердің автомобильдерін жылдамдықты бақылау жүйелерімен жарақтандыруды қарау және жол жүрісі қауіпсіздігін арттыру жөнінде нақты шаралар қабылдау тапсырылды.Екінші мәселе бойынша сегіз айдың ішінде мас күйінде жасалған қылмыстардың саны 18,3% төмендегені атап өтілді.Сонымен қатар, уақытша бейімдеу және детоксикация орталықтарына қайта орналастырылған азаматтарды медициналық сүйемелдеуді күшейту, сондай-ақ аудандарда психиатр-дәрігерлер мен наркологтардың болуы жөнінде шараларды қабылдау тапсырылды.Заңда көзделген шараларды қабылдай отырып, алкоголь өнімін сату ережелерін қайталап бұзатын сауда объектілеріне ерекше назар аудару тапсырылды.Ақпарат көзі : https://www.gov.kz/memleket/entities/kostanay/press/news/details/1296720?lang=ru

Астана Дүниежүзілік зияткерлік меншік ұйымы (ДЗМҰ) тағайындаған     «ДЗМҰ-ның Инновациялар қаласы – 2026» халықаралық сыйлығының                              15 финалисті қатарына енді.Премия инновациялық және креативті экожүйені дамытып отырған қалаларды қолдауға бағытталған. Іріктеуді халықаралық тәуелсіз қазылар алқасы қалалар ұсынған бастамалар мен оларды іске асыру жоспарлары негізінде жүргізді.Конкурсқа әлемнің әртүрлі елдерінен түрлі ауқымдағы қалалар өтінім берді. Конкурстық іріктеу қорытындысы бойынша Астанамен қатар финалистер қатарына Бельгия, Қытай, Үндістан, Иордания, Марокко, Филиппин, Португалия, Ресей Федерациясы, Таиланд және Ұлыбритания қалалары енді.Жеңімпаздар 2026 жылғы 12 қазанда Женева қаласындағы ДЗМҰ штаб-пәтерінде өтетін салтанатты рәсімде жарияланады. Іс-шара БҰҰ-ның мэрлер форумының алтыншы отырысы аясында өтеді.Дереккөз: Дүниежүзілік зияткерлік меншік ұйымының (WIPO) ресми сайты https://www.wipo.int/ru/web/awards/city-of-innovationАқпарат көзі : https://www.gov.kz/memleket/entities/adilet/press/news/details/1296649?lang=ru

   Астанада Мемлекет басшысының 2025 жылғы 8 қыркүйектегі "Жасанды интеллект дәуіріндегі Қазақстан" атты Жолдауында берілген тапсырмасын орындау мақсатында Ұлттық экономика министрлігі әзірлеген кәсіпкерлік саласындағы Міндетті талаптар тізілімінің пилоттық жобасы таныстырылды.Жобаның тұсаукесері Alem.ai Халықаралық жасанды интеллект орталығында өтті. Жобаны Ұлттық экономика вице-министрі Бекболат Молдабеков таныстырды.Жасанды интеллект жүйесі нормативтік құқықтық актілердегі бизнеске қойылатын талаптарды бір жерге жинап, олардың қайсысы қай қызмет түріне жататынын анықтауға көмектеседі.Бүгінгі таңда бизнеске қойылатын талаптар заң, кодекс, қаулылар және ведомстволық бұйрықтар тәрізді мыңдаған нормативтік құқықтық актілерде бар. Бір міндет бірнеше құжатта болуы мүмкін. Ал норма үнемі өзгеріп отырады. Нәтижесінде кәсіпкер қай кезде қандай талапты сақтау керектігін анықтай алмай қиналады."Кәсіпкер көп заңнамадағы өз қызметіне қатысты талапты табу үшін көп уақыт кетіреді. Біздің міндетіміз — бұл процесті жеңілдетіп, ұғынықты ету. Жасанды интеллект көмегімен тізілім қажетті талапты бір жерде жинап, оның кімге қатысты екенін, не істеу керектігін, мерзімін және орындалғанын растауды көрсетеді. Бұл бизнеске заңнаманы тез түсініп, өзінің негізгі қызметімен айналысуына мүмкіндік береді", - деп атап өтті Бекболат Молдабеков.Жасанды интеллект нормативтік құқықтық актілердің мәтінін талдап, міндеттемелерді анықтайды. Орындаушыны, міндеттеменің мәнісін, мерзімін, орындалғанын растауды, бақылаушы органды, құқық бұзушылық кезіндегі жауапкершілікті талдап көрсетеді.Бұл ретте әрбір талап бойынша түпкілікті шешімді адам қабылдайды. Ешқандай норма автоматты растау мәртебесіне ие болмайды. Уәкілетті мемлекеттік орган әрбір талапты тексеріп, редакциялайды немесе қабылдамайды. Барлық әрекет жүйеде жазылғандықтан, бұл өзгерістер кезеңін бақылауға мүмкіндік береді.Бизнесте қалай жұмыс істейдіТізілім кәсіпкер үшін заңнама талаптары бойынша навигатор болады. Пайдаланушының ЭҚЖЖ бойынша қызмет түрін таңдап, БСН, саланы немесе тиісті сценарийді көрсетіп, бірнеше сұраққа жауап беруі жеткілікті.Осыдан кейін жүйе нақты қызмет аясында жеке профиль қалыптастырады. Онда eGov.kz және eLicense.kz.сілтемесі арқылы қажетті рұқсат құжаттары, бизнес жұмысының түрлі кезеңіндегі талаптар, сондай-ақ тиісті реттеу саласындағы жалпы міндеттер көрсетіледі.Қалыптасқан профиль негізінде кәсіпкер PDF форматында анықтамалық қорытынды ала алады. Ол тілдік модельді қолдана отырып, тек профильге енгізілген нормалар негізінде, қосымша болжамдарсыз дайындалады. Құжат ақпараттық сипатта болып, қолданыстағы ережелерді тезірек парақтауға көмектеседі.Осылайша, бизнес қажетті ақпарат табу уақытын қысқарта алады. Талаптарды бұзу қаупі азайып, жобаны бастау немесе дамыту үшін қажетті рұқсаттар мен міндеттемелер тезірек анықталмақ.Тізілім заңнамадағы өзгерістерді қадағалайдыЖүйе заңнамадағы өзгерісті де қадағалап отырады. Нормативтік құқықтық актінің жаңа редакциясы пайда болған кезде ол оны алдыңғы нұсқамен салыстырып, қандай норма қосылғанын, өзгергенін немесе алынып тасталғанын көрсетеді.Күші жойылған актілер қолданыстағы тізілімнен алынып тасталады. Бұл ретте өзгерістер тарихы сақталады.Бірыңғай жүйе реттеушілік жүктемені азайтадыМемлекет үшін тізілім бизнеске реттеуші жүктемені талдау құралына айналады. Жүйе әртүрлі нормативтік құқықтық актілерде қайталанатын талаптарды, сондай-ақ олардың арасындағы ықтимал қайшылықтарды анықтауға мүмкіндік береді.Талдау кезінде қазақ және орыс тілдеріндегі нормалардың мазмұны, сандық параметрлер, субъектінің санаты және құжаттың заңды күші ескеріледі.Байланысты актілердегі өзгерістер немесе ықтимал қайталанулар мен қайшылықтар анықталған кезде жүйе норманы қосымша қайта қарау туралы ұсыныс қалыптастырады. Түпкілікті шешімді жауапты мемлекеттік орган қабылдайды.Бұл реттеуші жүктемені дәйекті түрде төмендетуге мүмкіндік береді. Мемлекеттік органдар талаптардың қай жерде артық екенін, қай сала неғұрлым егжей-тегжейлі реттелетінін және қандай норма қайта қарауды талап ететінін көре алады.Сондай-ақ, жүйе нормативтік актілерді қайта қарау мерзімін қадағалап, жауапты органдарға тиісті жұмыстарды жүргізу қажеттілігі туралы алдын ала хабарлайтын болады.Алдағы уақытта Тізілімді басқа мемлекеттік ақпараттық жүйелермен және цифрлық сервистермен біріктіру жоспарлануда. Бұл бірыңғай цифрлық экожүйеде міндетті талаптар туралы дәлелденген деректерді пайдалануға мүмкіндік береді.Ақпарат көзі : https://www.gov.kz/memleket/entities/economy/press/news/details/1296636?lang=ru

Қазақстан Республикасы Сауда және интеграция министрі Арман Шаққалиев Ұлыбритания Үкіметінің Әзербайжан және Орталық Азия елдері бойынша сауда өкілі Лорд Джон Алдердайспен кездесті. Тараптар екіжақты сауда динамикасын, Қазақстан экспортының көлемін арттыруды, өндірістік кооперацияны, инвестициялық және ғылыми-білім беру салаларындағы ынтымақтастықты талқылады.2025 жылдың қорытындысы бойынша Қазақстан мен Ұлыбритания арасындағы тауар айналымы 1,63 млрд АҚШ долларын құрап, 2024 жылмен салыстырғанда 83,7%-ға өсті. 2026 жылдың қаңтар–шілде айларында бұл көрсеткіш 1,25 млрд долларға жетіп, 2025 жылдың сәйкес кезеңімен салыстырғанда 68,5%-ға артты.Сонымен қатар Қазақстан сауда көлемінің өсу қарқынын сақтап қана қоймай, оның құрылымын әртараптандыруға және қосылған құны жоғары өнімдердің экспортын арттыруға мүдделі. Қазіргі таңда экспорттың негізгі бөлігін күміс, шикі мұнай, мыс және мыс катодтары құрайды.«Біз үшін екі ел арасында сауда байланыстарын одан әрі тереңдетіп, әртараптандыра отырып жалғастыру маңызды. Ең алдымен, Қазақстанның шикізаттық емес өнімдерін британ нарығына шығаруды кеңейтуге мүдделіміз», – деді Арман Шаққалиев.Осыған байланысты министр британдық импорттаушылар мен сауда желілерінің өкілдерінен құралған сауда-экономикалық миссияны Қазақстанда ұйымдастырып, оларды отандық өндірушілермен тікелей байланыстыруды ұсынды. Сондай-ақ кездесуде британ нарығында экспорттық өнімдерге қойылатын сапа, сертификаттау, қаптама және стандарт талаптары талқыланды.Кездесуде маңызды минералдар және оларды қайта өңдеуді дамыту мәселесіне де ерекше назар аударылды. Лорд Джон Алдердайс британдық компаниялар мен университеттердің Қазақстанмен ынтымақтастығы минералдарды өндірумен ғана шектелмей, оларды қайта өңдеу және қосылған құны жоғары өнім шығару бағыттарын да қамтуы мүмкін екенін атап өтті.«Қазақстанның табиғи ресурстары мол. Алайда бұл ресурстарды тек өндірумен шектелмей, қосылған құн қалыптастыру және қайта өңдеуді дамыту міндетін қойып отырғаныңыз маңызды. Біз ынтымақтастық үшін үлкен мүмкіндіктерді дәл осы бағыттан көріп отырмыз», – деді Лорд Джон Алдердайс.Тараптар сондай-ақ өңдеу өнеркәсібіне, энергетикаға, логистикаға және жоғары технологиялық салаларға британ инвестицияларын тарту, сондай-ақ екі ел компаниялары арасындағы тікелей байланысты кеңейту мүмкіндіктерін қарастырды.Кездесу барысында стандарттау, экспортты ілгерілету, ғылым және білім беру салаларындағы ынтымақтастық мәселелері де талқыланды. Қазақстан Британдық экспорт және халықаралық сауда институтымен тәжірибе алмасуға, сондай-ақ «ҚазСтандарт» пен Британ стандарттар институты (BSI) арасындағы өзара іс-қимылды одан әрі дамытуға мүдделі. Сонымен қатар қазақстандық экспорттаушыларды көміртекті реттеу талаптарына, оның ішінде CBAM талаптарына дайындау мәселелері қаралды.Лорд Джон Алдердайс екі елдің университеттері мен ғылыми орталықтары арасында, оның ішінде тау-кен өнеркәсібі, минералдарды қайта өңдеу және атом салаларында ынтымақтастық орнатудың әлеуеті жоғары екенін атап өтті.Кездесу соңында тараптар жалпы әлеуеттен нақты сауда, инвестициялық, өндірістік және ғылыми жобаларға көшуге, сондай-ақ Қазақстан мен Ұлыбританияның бизнесі мен бейінді ұйымдары арасындағы тікелей байланысты одан әрі дамытуға мүдделі екенін растады. Ақпарат көзі : https://www.gov.kz/memleket/entities/mti/press/news/details/1296537?lang=ru

Бүгін ҚР Премьер-министрі Олжас Бектеновтің төрағалығымен өткен Үкімет отырысында жол және жаяу жүргіншілер қауіпсіздігін қамтамасыз ету мәселесі қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысында көтерілген мәселелерге орай жауапты сала басшыларына бірқатар нақты тапсырма берілді.Аймақ басшысы автомобиль жолдары мен көшелерге жол белгілерін орнатуды, тозығы жеткен жол белгілерін жаңартуды тапсырды. «Батыс Еуропа – Батыс Қытай» автодәлізі бойындағы елді мекендер тұрғындарына малды қараусыз жібермеуді түсіндіру жұмыстарын жандандыру қажет.Облыстық полиция департаментіне автомобиль жолдарындағы авариялық қауіпті учаскелерді анықтауға, жол қозғалысы ережелерінің сақталуына бағытталған рейдтік іс-шараларды тұрақты өткізу міндеттелді.Сонымен қатар, «ҚазАвтоЖол» ҰК» АҚ облыстық филиалына «Қызылорда – Ақтөбе» бағытындағы айналма жол мен «Қызылорда –Сексеуіл» автомобиль жолын қайта жаңғырту жұмыстарын қадағалау тапсырылды.Өңірдегі 3525 шақырым автомобиль жолының 1025 шақырымы республикалық, 555 шақырымы облыстық және 1945 шақырымы аудандық маңызы бар жолдар.Биыл жол инфрақұрылымын дамытуға республикалық, облыстық және аудандық бюджеттерден 40,5 млрд теңге бөлінді. Бұл қаражат есебінен 168 шақырым автомобиль жолы, көшелер мен көпір өткелдерінде жөндеу жүргізілуде. Жол қауіпсіздігін сақтау мақсатында заманауи бақылау құралдары орнатылып жатыр. Жаяу жүргіншілер қатысқан жол-көлік оқиғалары талданып, қауіпті учаскелерге 15 «Sunqar» құрылғысы қойылды.Аудандарда 539 бейнебақылау камерасы мен 49 жылдамдық өлшегіш іске қосылды. Қызылорда қаласында 1400 бейнебақылау камерасы, 80 зияткерлік қиылыс және 96 стационарлық жылдамдық өлшегіш жұмыс істейді.Ақпарат көзі : https://www.gov.kz/memleket/entities/kyzylorda/press/news/details/1296489?lang=ru

Қорғаныс министрлігінің «Сарбаз 2.0» жобасы аясында биыл мерзімді әскери қызметін аяқтаған 1 745 әскери қызметші мемлекеттік білім беру грантына ие болды. Олардың 1 000-нан астамы жаңа оқу жылында еліміздің жоғары оқу орындарында білім алуға кірісті.Бастама 2023 жылдан бері жүзеге асырылып, заңнамалық тұрғыда бекітілген. Білім беру грантына белгіленген мерзімді өтеп, негізгі әскери пәндер бойынша жоғары нәтижелер көрсеткен әскери қызметшілер үміткер бола алады.Іріктеу мерзімді әскери қызметтің барлық кезеңінде «Сарбаз 2.0» цифрлық жүйесі арқылы жүргізіледі. Рейтинг қалыптастыру кезінде жауынгерлік даярлық нәтижелері, әскери тәртіп, арнайы міндеттерді орындау, психологиялық даярлық және тестілеу қорытындылары ескеріледі. Осы көрсеткіштер негізінде жүйе үміткерлердің рейтингін қалыптастырып, квоталар автоматты түрде бөлінеді.2025 жылдан бастап конкурс білім беру бағдарламаларының таңдалған тобына сәйкес екі бейіндік пән бойынша тестілеуді қамтиды. Әскери қызметшілер оған қызметтен бос уақытта дайындала алады.Грант иегерлерінің бірі – Дамир Тұзақбай. Әскери қызметтен кейін ол Л.Н. Гумилев атындағы Еуразия ұлттық университетіне түсіп, ақпараттық қауіпсіздік мамандығы бойынша білім алып жатыр.— Жауынгерлік даярлықта жоғары нәтиже көрсетіп, университетке тегін түсу мүмкіндігіне ие болдым. Қазір «Ақпараттық қауіпсіздік» мамандығында білім алып жатырмын. Қорғаныс министрлігінің бұл жобасы жастарға көрсетіліп отырған үлкен қолдау деп есептеймін, — деді бірінші курс студенті.Гранттар арасында сұранысқа ие бағыттар қатарында коммуникациялар, орман шаруашылығы, ақпараттық-коммуникациялық технологиялар бар.Грант иегерлеріне шәкіртақы тағайындалады. Сондай-ақ жатақханадан орын алуға басымдық беріледі.Әскерден кейін білімін жалғастыру мүмкіндігі грантпен ғана шектелмейді. Мерзімді әскери қызметтен босатылған азаматтар екі жыл ішінде жоғары және жоғары оқу орнынан кейінгі білім беру ұйымдарына ақылы негізде ҰБТ және қабылдау емтихандарының нәтижелерін есепке алмай түсе алады.Ақпарат көзі : https://www.gov.kz/memleket/entities/mod/press/news/details/1296157?lang=ru

2024 жылғы 1 ақпаннан 2026 жылғы 1 қыркүйекке дейін «Ұлттық қор – балаларға» бағдарламасы шеңберінде нысаналы жинақтарды (НЖ) пайдалану бойынша жалпы сомасы шамамен 76,11 млн АҚШ долларына 365 553 алушыға төлем жасалды.2026 жылдың басынан 2026 жылғы 1 қыркүйектегі жағдай бойынша 170 156 азамат жалпы сомасы 44,84 млн АҚШ доллары мөлшеріндегі нысаналы жинақтарын алды. Оның ішінде 119 279 қазақстандыққа тұрғын үй жағдайларын жақсартуға 31,00 млн аса АҚШ доллары, ал 50 877 қазақстандыққа білім алуға ақы төлеу үшін 13,83 млн АҚШ доллары аударылды.Барлық қаражат өтініш берушілердің банктік шоттарына есептеу үшін уәкілетті операторларға аударылды. Еске салайық, НЖ алушы барлық соманы немесе оның бір бөлігін пайдалануға құқылы. Егер қаражаттың бір бөлігі талап етілмесе, қалдық нысаналы жинақтау шотында (НЖШ) 10 жыл бойы сақталады. Одан кейін пайдаланылмаған қалдық алушының ерікті зейнетақы жарналары есепке алынатын жеке зейнетақы шотына аударылады.Тұрғын үй жағдайларын жақсарту бағытында ең көп сұранысқа ие болған мақсат — тұрғын үй құрылыс жинақтарына одан әрі жинақтау үшін салымды толықтыру. Осы мақсат бойынша 117 712 алушыға жалпы сомасы 30,51 млн АҚШ долларын құрайтын төлемдер жүзеге асырылды. Сонымен қатар, тұрғын үй сатып алуға арналған ипотекалық тұрғын үй қарызын алу үшін бастапқы жарна енгізу мақсатында 788 жас қазақстандыққа 183,65 мың АҚШ доллары, ал азаматтық-құқықтық мәмілелер бойынша тұрғын үйді меншікке сатып алу (түпкілікті есеп айырысу) мақсатында 437 қазақстандыққа 102,17 мың АҚШ доллары төленді.Нысаналы жинақтарды білім алуға пайдалану бағытында қаражаттың ең көп көлемі Қазақстан Республикасының аумағында орналасқан білім беру ұйымдарының білім беру қызметтеріне ақы төлеуге бағытталды. Төлемдер әрбір академиялық кезең немесе оқу жылы үшін бөліп-бөліп немесе оқу мерзімінің бүкіл кезеңі үшін біржолғы толық көлемде жүзеге асырылады. Осы бағыт бойынша 47 584 азаматқа жалпы сомасы шамамен 12,96 млн АҚШ долларын құрайтын төлемдер жүргізілді.Бұдан басқа, мынадай бағыттар да сұранысқа ие болды: білім беру жинақтау салымы туралы шарт бойынша білім беру жинақтау салымын толықтыруға 2 309 алушыға жалпы сомасы 587,56 мың АҚШ доллары аударылды. Ал шетелдік білім беру ұйымдарының білім беру қызметтеріне ақы төлеу үшін әрбір академиялық кезең немесе оқу жылы бойынша бөліп-бөліп немесе оқу мерзімінің бүкіл кезеңі үшін біржолғы толық көлемде 861 азаматқа 220,44 мың АҚШ доллары бағытталды.Еске салайық, нысаналы талаптарды есептеу нысаналы талаптарға қатысушы қайтыс болған немесе оны қайтыс болды деп жариялау туралы сот шешімі заңды күшіне енген жағдайда тоқтатылады. Нысаналы талаптарға қатысушының/нысаналы жинақтарды алушының қайтыс болуына байланысты нысаналы талаптарды/нысаналы жинақтарды алу үшін олардың мұрагерлері Қазақстан Республикасының Үкіметі белгілеген тәртіппен БЖЗҚ-ға жүгіне алады.2026 жылғы 1 қыркүйектегі жағдай бойынша мұрагерлерге жалпы сомасы 74,46 мың АҚШ долларын құрайтын төлемдер жүзеге асырылды. Бұл қаражатты 226 азамат алды.Нысаналы жинақтарды тұрғын үй жағдайларын жақсарту және (немесе) білім алуға ақы төлеу мақсатында төлеу туралы уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады.Естеріңізге сала кетейік, 2025 жылдың қорытындысы бойынша қазақстандық бір балаға 130,71 АҚШ доллары кезекті есептеу жүргізілді. 2024 жылы – 129,38 АҚШ доллары, 2023 жылы - 100,52 АҚШ доллары мөлшерінде қаражат аударылған болатын.18 жасқа дейінгі балаларға жыл сайын Ұлттық қордан бөлінетін сомалар олардың БЖЗҚ-да ашылған шоттарында ескерілетін нысаналы талаптар түрінде есептеледі. Бұл ретте, заңнамаға сәйкес, жас қазақстандықтарға есептелген сомалар Ұлттық қор активтерінің құрамында қалады және инвестициялануын жалғастырады. Одан әрі инвестициялау нәтижесінде жыл сайын әрбір баланың нысаналы талаптарының сомасы алынған инвестициялық табыс есебінен қосымша өседі.Нәтижесінде бағдарламаға қатысатын балада барлық жинақталған нысаналы талаптардың жиынтық сомасы (жыл сайын қосымша есептелетін инвестициялық кірісті қоса алғанда) :- үшінші жыл - 370 доллар 56 цент;- екінші жыл - 263 доллар 93 цент;- бірінші жыл қатысып отырған баланың шотында 130 доллар 71 цент.18 жасқа толмаған баланың бағдарламаға қатысуы туралы ақпаратты оның ата-анасы және өзге де заңды өкілдері kids.enpf.kz сайтында баланың ЖСН бойынша, eGov.kz электрондық үкімет порталындағы жеке кабинетте, сондай-ақ eGov Mobile және кейбір екінші деңгейдегі банктердің мобильді қосымшаларында тексере алады.Егер балаларға 2025 есепті жылы есептелген нысаналы талаптар туралы ақпарат көрсетілмесе, онда мобильді қосымшалардағы құжаттарды төменде көрсетілген жолмен жаңарту қажет:eGov Mobile қосымшасында: "Цифрлық құжаттар" - "Отбасы" - "Құжаттар тізімін жаңарту" - "Ұлттық қордан есептеулер";екінші деңгейдегі банктердің мобильді қосымшаларында, мысалы Kaspi.kz: "Мемлекеттік қызметтер " - "Барлық құжаттар" - "Құжаттар тізімін жаңарту" - "Ұлттық қордан есептеулер".         Биыл 18 жасқа толған немесе толатын балаларға есептелген нысаналы талаптар туралы мәліметтердің заңды өкілдің жеке кабинетінде көрсетілмеуі нысаналы талаптардың нысаналы жинақтарға (НЖ) айналуына байланысты. Осыған орай, есептелген қаржы туралы ақпаратқа қол жеткізу құқығы тікелей НЖ алушыға, яғни 2026 жылы 18 жасқа толған немесе толатын азаматқа беріледі. Аталған азаматтар НЖ туралы ақпаратты Бірыңғай жинақтаушы зейнетақы қоры интернет-ресурсындағы немесе электрондық үкімет порталындағы жеке кабинеті арқылы өз бетінше алуы тиіс. Ал 18 жасқа толғаннан кейін НЖ төлемдерін тұрғын үй жағдайларын жақсарту және (немесе) білім алу ақысын төлеу мақсатында алу үшін уәкілетті операторға жүгініп, АҚШ долларымен банктік шот ашып, онлайн-өтініш беруі қажет.Бүгінгі күні уәкілетті операторлар:"Отбасы банкі" АҚ (тұрғын үй және білім алу ақысын төлеу),"Халық банкі" АҚ (білім алу ақысын төлеу),"Банк ЦентрКредит" АҚ (білім алу ақысын төлеу).Нысаналы талаптарға қатысушы кәмелетке толмаған балалар және нысаналы жинақтарды кәмелетке толған алушылар бойынша, сондай-ақ нысаналы жинақтарды тұрғын үйге және (немесе) білім алуға пайдалану жөніндегі статистикамен enpf.kz сайтында танысуға болады.kids.enpf.kz сайтында Бағдарламаның шарттарымен танысып, қажетті нұсқаулықтар алып, өзіңізді қызықтыратын сұрақтарыңызға жауап алуға болады. БЖЗҚ/ЕНПФ YouTube-арнасында осы тақырып бойынша бейне нұсқаулықты көруге болады:«БЖЗҚ» АҚ Басқарма төрағасы Ж.Б. Құрмановтың бейнетүсініктемесі:https://www.youtube.com/watch?app=desktop&v=30CdPWl6dv0 «БЖЗҚ» АҚ Басқарушы директоры М.Т. Шәріповтың бейнетүсініктемесі:https://www.youtube.com/watch?v=APg2vATmMk0«Ұлттық қор – балаларға» бағдарламасы бойынша«Сұрақ-жауап» бейнетүсініктемесі:https://www.youtube.com/watch?v=4cKr1VCAvUkhttps://www.youtube.com/watch?v=mrV0y37Gjnk«Ұлттық қор – балаларға» сайты бойынша нұсқаулық:https://www.youtube.com/watch?v=VgP3dmMwAHchttps://www.youtube.com/watch?v=jyC2c-HgqpQ«Ұлттық қор – балаларға» бағдарламасын жүзеге асыру туралы нұсқаулық: https://www.youtube.com/watch?v=bqeT41rWecAhttps://www.youtube.com/watch?v=pNBSS1VHdWUБЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/abay/press/news/details/1296152?lang=ru

ҚР Қаржы вице-министрі Дәурен Кеңбеил бастаған еліміздің делегациясы «Манеж» орталық көрме залында өтіп жатқан XI Мәскеу қаржы форумына қатысып жатыр.Аталған форум – қаржы-экономикалық саясатындағы өзекті мәселелерді, мемлекеттік қаржы саласы мен қаржы нарығын дамыту жолдарын талқылауға арналған кәсіби алаң. Бұл жиын 2016 жылдан бері өткізіліп келеді және мемлекеттік органдардың, қаржы институттарының, бизнестің, ғылыми әрі сарапшылар қауымдастығы өкілдерінің басын біріктіреді. Алқалы басқосу Ресей федерациясының Қаржы министрлігі мен Мәскеу билігінің бастамасымен қолға алынған.Биылғы жиынға «Орнықты қаржы жүйесі – ел дамуының негізі» тақырыбы арқау болып отыр. Іскерлік бағдарламада бюджет тұрақтылығы, қаржы нарығын дамыту, инвестиция тарту, мемлекеттік басқарудың цифрлы трансформациясы, жасанды интеллектіні қолдану, сондай-ақ экономикалық қолдаудың қаржылық тетіктерін жетілдіру мәселелерін қамтитын пленарлық отырыс пен 16 тақырыптық сессия қарастырылған.ҚР Қаржы вице-министрі Дәурен Кеңбеил форумның негізгі пленарлық сессиясына қатысты. Онда жаһандық белгісіздік жағдайында тұрақты қаржы саясатын қалыптастыру тәсілдері, бюджет шығыстарының тиімділігін арттыру және құрылымдық трансформация мен ұзақмерзімді экономикалық дамуға әсер ететін тетіктерді құру жолдары талқыланды.Еліміздің өкілдері форумның тақырыптық және сарапшылардың қатысуымен өтетін сессияларға да қатысады. Күн тәртібінде халықаралық қаржылық өзара іс-қимыл, инвестициялық ынтымақтастықты дамыту, мемлекеттік сатып алу саласын автоматтандыру мен жасанды интеллект технологияларын енгізу, сондай-ақ өңірлік даму және бюджеттік тұрақтылық мәселелері қаралады.Осы жиынға қатысу мемлекеттік қаржыны басқару саласында тәжірибе алысып, қаржы процестерін цифрландырудың тиімді тәсілдерін пысықтауға және шетелдік әріптестермен өзара іс-қимылды нығайтуға жол ашады.Ақпарат көзі : https://www.gov.kz/memleket/entities/minfin/press/news/details/1295980?lang=ru