Сыртқы істер министрінің бірінші орынбасары Ержан Ашықбаев Қытай Халық Республикасының Қазақстан Республикасындағы Елшісі Хань Чунлиньді қабылдады.Кездесу барысында тараптар көпжақты форматтар шеңберіндегі Қазақстан-Қытай ынтымақтастығының өзекті мәселелерін талқылап, өңірлік және халықаралық күн тәртібіндегі негізгі мәселелер бойынша пікір алмасты.Е. Ашықбаев ядролық қарусыздану мен таратпау күн тәртібіне ерекше назар аударып, 2026 жыл аталған салада бірқатар атаулы күндермен белгіленгенін атап өтті. 29 тамызда Семей сынақ полигонының жабылғанына 35 жыл, 8 қыркүйекте Орталық Азиядағы ядролық қарудан азат аймақ туралы шартқа (Семей шарты) қол қойылғанына 20 жыл, ал 24 қыркүйекте Ядролық сынақтарға жаппай тыйым салу туралы шарттың қол қою үшін ашылғанына 30 жыл толады.ҚХР Елшісі Хань Чунлинь қытай тарапының өзара мүдделі барлық бағыттар бойынша өзара іс-қимылды одан әрі дамытуға дайындығын растады.Кездесу соңында тараптар тұрақты саяси диалогты қолдауға және қазақ-қытай серіктестігін кеңейту бойынша жұмысты жалғастыруға келісті.Ақпарат көзі : https://www.gov.kz/memleket/entities/mfa/press/news/details/1272202?lang=ru

Қарулы күштердің Ұлттық әскери-патриоттық орталығында вице-адмирал Серік Борамбаев пен генерал-майор Фазылолла Бәденовтің әскери қызметтен запасқа шығуына байланысты Жауынгерлік туымен қоштасу рәсімі өтті.Іс-шараға Қорғаныс министрлігінің басшылығы, әскери қызметшілер мен Қарулы күштердің ардагерлері қатысты.– Серік Жақсығалиұлы мен Фазылолла Жұмағазыұлы саналы ғұмырын Отанға қызмет етуге арнады. Олар ұзақ жылдар бойы жауапты басшылық қызметтер атқарып, жауынгерлік даярлықты жетілдіруге, әскери басқару жүйесін дамытуға және жас офицерлерді тәрбиелеуге елеулі үлес қосты. Олардың қалыптастырған дәстүрлері Отан қорғаушылардың кейінгі буыны үшін де алдағы уақытта бағыт-бағдар болады деп сенемін, – деді Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров.Қорғаныс министрінің атынан Бас штаб бастығы офицерлерге алғыс хаттар табыстады. Салтанатты рәсім барысында Қарулы күштердің ардагерлері де сөз сөйлеп, офицерлердің мол тәжірибесі жастарды әскери-патриоттық тәрбиелеу ісінде және ардагерлер қозғалысын дамытуда әлі де қажет болатынына сенім білдірді.Серік Борамбаевтың Қазақстан Қарулы күштеріндегі әскери қызмет жолы Атырау облыстық әскери комиссариаты бастығының тәрбие және әлеуметтік-құқықтық жұмыстар жөніндегі орынбасары қызметінен басталды. Киев жоғары әскери-теңіз саяси училищесін тәмамдаған ол Қазақстан Әскери-теңіз күштерінің қалыптасуы мен дамуына елеулі үлес қосты. Әртүрлі деңгейдегі басшылық қызметтерден өтіп, Әскери-теңіз күштерінің бас қолбасшылығына дейін көтерілді.Серік Борамбаевтың мол білімі мен көп жылғы қызметтік тәжірибесі өзге де жауапты бағыттарда кәдеге жарады. Әр жылдары Ақпарат және коммуникациялар, Тәрбие және идеологиялық жұмыс, Аумақтық қорғаныс департаменттерін басқарды. Сонымен қатар Қорғаныс министрінің орынбасары қызметін атқарды. Мемлекет пен Қарулы күштер алдындағы еңбегі үшін II дәрежелі «Айбын» және II дәрежелі «Даңқ» ордендерімен марапатталған.Генерал-майор Фазылолла Бәденовтің әскери жолы авиациямен тығыз байланысты. Кәсіби қызметін ұшқыш-нұсқаушы ретінде бастап, авиациялық буын командирінен Әуе қорғанысы күштері Бас штабының бастығы – Бас қолбасшының бірінші орынбасарына дейінгі жолдан өтті. Қызмет жылдарында әскери басқару, жауынгерлік даярлық және стратегиялық жоспарлау салаларында мол тәжірибе жинақтап, Қарулы күштердің жауынгерлік әзірлігін арттыруға елеулі үлес қосты. Көп жылғы мінсіз қызметіне II дәрежелі «Даңқ» ордені табыс етілді.Жауынгерлік туымен қоштасу рәсімі вице-адмирал Серік Борамбаев пен генерал-майор Фазылолла Бәденовтің көп жылғы әскери қызметіне қорытынды жасаған айрықша сәт болды. Бұл офицерлердің есімдері Қазақстан Қарулы күштерінің тарихында лайықты орын аладыАқпарат көзі : https://www.gov.kz/memleket/entities/mod/press/news/details/1272127?lang=ru

Биыл Алматы облысында 206,6 мың гектар алқапқа мал азығы дақылы егілді. Оның ішінде 77 мың гектарға жуығы – көпжылдық жоңышқа. Алғашқы орымның өзінде 374 мың тонна жоңышқа жиналып, орташа өнімділік әр гектарына 48,6 центнерді құрады. Бүгінде екінші рет шабу жұмысы аяқталуға жақын. Ал жиналған өнім көлемі 658 мың тоннаға жетті, – деп хабарлайды Алматы облысы әкімінің баспасөз қызметі.Мәселен, Еңбекшіқазақ ауданы Саймасай ауылдық округі аумағындағы «Жанашар» шаруақожалығы 200 гектарға жуық аумаққа дәнді және мал азығы дақылын сепкен. Оның 61 гектары – жоңышқа. Бұдан бөлек, жүгері, күздік бидай мен арпа және сұлы дақылдары бар. Сондай-ақ кәсіпорын аумағында мал шаруашылығы кешені жұмыс істейді. Егін алқабында дайындалған өнім фермаға әкелініп, малға құнарлы азық болады.«Қазіргі таңда 300 бас ірі қара ұстаймыз. Сонымен қатар аздаған жылқы мен қойымыз бар. Негізгі бағытымыз – сүт және ет өндіру. Қазір күн сайын ірі компанияларға шамамен 600 литр сүт өткіземіз. 100 литрін балалар лагері тұтынады, тағы 100 литрін бұзауларға қалдырамыз. Яғни тәулігіне 800 литрдей сүт әзірлейміз. Қазір алдымызға осы көлемді екі есеге арттыру міндетін қойып отырмыз. Осы мақсатта көршілес облыстардан жас мал сатып алдық. Өзіміздің де төлдеріміз бар. Жоспар бойынша, 2027 жылдың соңына қарай тәулігіне шамамен 1,5 тонна сүт өндіретін боламыз», – дейді шаруақожалық басшысы Александр Гардт.Мұндай шағын кәсіпорындар облыстағы ауыл шаруашылығының дамуына мол үлес қосып келеді. Сондай-ақ ауыл тұрғындарын жұмыспен қамтып, таза әрі сапалы өнімді халыққа ұсынып отыр.Ақпарат көзі : https://www.gov.kz/memleket/entities/almobl/press/news/details/1271923?lang=ru

Қазақстан Республикасы Сыртқы істер министрлігінің Инвестициялар комитетінің төрағасы Ардақ Зебешев бастаған Қазақстан делегациясы Корея Республикасына жұмыс сапарымен барып, оның аясында ірі компаниялардың, мемлекеттік институттар мен іскерлік қауымдастықтардың басшылығымен бірқатар кездесулер өткізді.Кездесулер барысында сауда-экономикалық ынтымақтастықты кеңейтуге, корей капиталын және озық технологияларды тартуға, сондай-ақ Қазақстан экономикасының басым салаларында бірлескен жобаларды іске асыруға негізгі назар аударылды.Корей халықаралық сауда қауымдастығының (KITA) халықаралық ынтымақтастық жөніндегі вице-президенті Ли Сан Чжунмен кездесуде корей компанияларының Қазақстандағы өнеркәсіп, жасанды интеллект, «жасыл» энергетика және электр көліктерін өндіру салаларындағы инвестициялық жобаларын іске асыруға жәрдемдесу шаралары қарастырылды.Korea Overseas Infrastructure & Urban Development Corporation (KIND) басшылығымен кездесуде Alatau City-ді дамыту, Орта дәлізді және көлік-логистикалық инфрақұрылымды дамыту салаларындағы ынтымақтастықтың перспективалық бағыттары айқындалды.YPP Corporation компаниясымен «жасыл» энергетика саласындағы, оның ішінде «жасыл» сутегі мен аммиак өндіру жобасын іске асыру мәселелері талқыланды.Hyundai Engineering және LX International компанияларының басшылығымен инфрақұрылым, энергетика және мұнай-газ химиясы, стратегиялық маңызды минералдар, логистика және жоғары технологиялар салаларындағы жобалар қаралды.Корей компанияларын индустриялық және арнайы экономикалық аймақтарды дамытуға тарту мәселесіне ерекше назар аударылды.Сапар қорытындысы бойынша тараптар инвестициялық ынтымақтастықты одан әрі кеңейтуге және Қазақстан экономикасының басым салаларында бірлескен жобаларды іске асыруға мүдделіліктерін растады.Ақпарат көзі : https://www.gov.kz/memleket/entities/mfa/press/news/details/1271687?lang=ru

Алматы облысында өткен Basqaru Race Nation Kazakhstan 2026 жарысына елімізден және басқа да мемлекеттерден келген шамамен 1800 адам қатысты. Олар арқанмен өрмелеп, биік қабырғалардан асып, лай мен суды еңсеріп, күш-жігерді талап ететін түрлі кедергілерден өтті. Сайыс биік өрлері бар таулы жерде ұйымдастырылды.Алматы облысының еріктілері мен белсенді жастары трассаның жекелеген учаскелерінде кезекшілік етіп, күрделі кедергілерден өткен спортшыларға көмектесті. Қажет болған жағдайда қатысушылардың жағдайы туралы ақпаратты медицина қызметкерлеріне хабарлап, оларды ауыз сумен қамтамасыз етті.Айта кетейік, ауыз су бөтелкелерінде 23 тамызда Құрылтай депутаттарының сайлауы өтетіні туралы ақпарат орналастырылған. Еріктілер жарысқа қатысушылар мен іс-шара қонақтардың сайлауға қатысты сұрақтарына да жауап берді. Осылайша, ауқымды спорттық шара тұрғындарды Құрылтай депутаттарының сайлауы туралы ақпараттандыруға арналған қосымша алаңға айналды.Жарыс барысында қатысушылар мен қонақтарға 23 тамызда өтетін Құрылтай депутаттарының сайлауы туралы ақпарат басылған ауызсу таратылды. Осылайша бұқаралық спорттық іс-шара өңір тұрғындары мен қонақтарын дауыс беру күнінен хабардар етті.Жарыс 5 және 10 шақырымдық қашықтықтар бойынша ұйымдастырылды. Ең күрделі сынақтар 10 шақырымдық трассада жалғасты, мұнда спортшылар 50-ге жуық түрлі кедергіден өтуге тиіс болды.Балалар үшін де жеке кедергілер жолағы ұйымдастырылды. 7-10 жас аралығындағы қатысушылар 1 шақырым, ал 11-14 жастағылар күрделірек элементтері бар 2 шақырымдық қашықтықты еңсерді. 15 жастан асқан жасөспірімдер 3 шақырымдық ересектерге арналған дистанцияға шыға алды. Ұйымдастырушылар ата-алалардың келісімімен дайындығы жақсы бүлдіршіндердің де жарысқа қатысуына мүмкіндік берді. Осылайша, ең жас қатысушысы шамамен бес жаста болды.Бұл жарыс өңірдің туризм саласы үшін де маңызды оқиғаға айналды. Алматы облысының Туризм басқармасы мұндай ауқымды спорттық іс-шаралар өңірдегі спорттық және оқиғалық туризмнің дамуына серпін беретінін атап өтті. Өйткені жарысқа спортшылармен бірге олардың отбасы мүшелері мен жанкүйерлері де турист ретінде келеді.Жарыста 5 және 10 шақырымдық қашықтықтар бойынша жеңімпаздар анықталды. «Elite 10» санатында 18-39 жас аралығындағы ерлер арасында бірінші болып 1:16:39 уақытта Ресейден келген Дмитрий Горев мәреге жетті. Одан қазақстандық Алмас Рахымбаев небәрі 59 секундқа қалып, 1:17:38 нәтижесімен екінші орын алды. Үшінші орынға Әли Рахметов ие болды, ол 1:19:54 уақытта келді. Әйелдер арасында ең үздік нәтижені Анастасия Алексеева көрсетті, ол 2:10:25 уақытта жарыс мәресін сызды.«Elite 5» санатында ерлер арасында Қырғызстан өкілі Арсений Шашичев 59:55 нәтижесімен жеңіске жетті. Қазақстандық Дархан Сүйімбаев 1:00:53 нәтижесімен екінші орын алса, Әшім Жұмабеков 1:03:20 нәтижесімен үшінші орыннан көрінді. Әйелдер арасында қашықтықты ең жылдам бағындырған қазақстандық Олеся Грязнова болды, ол 2:17:25 уақытта келді.«Elite 10 (40+)» санатында ерлер арасында жеңісті Ильназ Басыров 1:25:31 нәтижесімен жеңіп алды. Әйелдер арасында Анастасия Цехотская 2:34:37 нәтижесімен үздік атанды. 5 шақырымдық командалық жарыста Sprint Club Almaty, ал 10 шақырымдық командалық сайыста Jaubasar Almaty жеңімпаз болды.Basqaru Race Nation Kazakhstan 2026 жарысының жалпы жүлде қоры 3 миллион теңгені құрады. Іс-шараны «Экстремалды атлетика» қоғамдық бірлестігі ұйымдастырды.Жалпы Race Nation жарысы Қазақстанда 2017 жылдан бері өткізіліп келеді. Осы уақыт ішінде кейбір қатысушылар балалар арасындағы жарыстардан бастап, толыққанды ересектер арасындағы бәсекелі қашықтықтарға дейінгі жолдан өтті.Еске салайық, 23 тамызда Қазақстанда еліміздің жаңа Парламенті — Құрылтай депутаттарының сайлауы өтеді.Ақпарат көзі : https://www.gov.kz/memleket/entities/almobl/press/news/details/1271530?lang=ru

Арқалық қаласының 70 жылдық мерейтойы аясында 39-шы жазғы облыстық Спартакиада жоғары деңгейде ұйымдастырылды. Дәстүрлі спорт додасының алауы 20 жылдан кейін қайтадан Арқалықта жағылды. Бүгінде Арқалықтың жаңа тынысы ашылып, қала қайта түлеп келеді. Мемлекет басшысы Қасым-Жомарт Тоқаевтың қолдауымен Арқалық пен бүкіл Торғай өңірін әлеуметтік-экономикалық дамытуға бағытталған жүйелі жұмыстар жүзеге асырылуда. Спорт – ұлт денсаулығының кепілі. Сондықтан облыста бұқаралық спортты дамытуға және спорт инфрақұрылымын жаңғыртуға ерекше мән берілуде.«Соңғы 3 жылда облыста 30-дан астам спорт нысаны салынды. Оның ішінде 18 дене шынықтыру-сауықтыру кешені, 8 спорт залы, 2 стадион, 6 жабық хоккей корты, ат манежі мен бассейн бар. Қазір тағы 7 спорт нысанының жобасы іске асырылуда. Аулаларда 47 спорт алаңы салынды», деді аймақ басшысы Құмар Ақсақалов.Арқалықта өткен жылы күрес залы, дарынды балаларға арналған мектеп-интернат, «Қазақстан» спорт кешені пайдалануға беріліп, «Жігер» стадионы жаңғыртылды. Қазір қалада жабық хоккей корты мен дене шынықтыру-сауықтыру кешенінің құрылысы жүріп жатыр.Облыста бұқаралық спортты дамыту мақсатында мектеп және студенттер лигалары тұрақты өткізіледі. Көптеген спортшыларымыздың үлкен жетістіктерге бастар жолы дәл осындай аудандық және облыстық жарыстардан басталған.Ақпарат көзі : https://www.gov.kz/memleket/entities/kostanay/press/news/details/1271398?lang=ru

Арқалық қаласының 70 жылдығы жоғары деңгейде өтті. Мерейтой барысында өткен үлкен салтанатты шараның бірі – қайта жаңғыртудан кейін ашылған теміржол вокзалы.Мемлекет Басшысының тапсырмасы бойынша елімізде 125 теміржол вокзалын ауқымды жаңғырту жұмыстары жүргізілуде. Облыста Қостанай қаласы, Арқалық, Тобыл, Железорудный, Аманқарағай, Кұсмұрын бекеттерінде 6 теміржол вокзалы қайта жаңғыртылуда. Осыған дейін Аманқарағай, Құсмұрын, Рудный теміржол вокзалдары ашылған болатын.«Ал, бүгін біз Арқалық қаласы үшін өте маңызды да қуанышты оқиғаның куәсі болып отырмыз. Қаланың 70-жылдық мерейтойында жаңарған, заманауи теміржол вокзалы өз есігін айқара ашып отыр. Бұл тек инфрақұрылымдық жоба емес, бұл Арқалықтың өркендеуінің, Мемлекет басшысы жүргізіп отырған өңірлерді дамыту саясатының жарқын көрінісі!», – деді Қостанай облысының әкімі Құмар Ақсақалов құттықтау сөзінде.Жаңарту жұмыстарына 1,3 млрд теңге жұмсалды. Ғимарат 1972 жылы салынған. Соңғы жөндеу 2015 жылы өткізілген. Биыл ғимараттың сәулеттік келбеті толық жаңарып, инженерлік желілері жөнделді. Күту залы, билет кассалары мен санитарлық тораптар заманауи талаптарға сәйкес жабдықталды. Вокзал маңындағы алаң абаттандырылды.Теміржол вокзалының ауданы 1 772-ден 2 400 шаршы метрге дейін ұлғайды.Станция арқылы 8 пойыз, оның ішінде Астана, Қостанай және Шұбаркөл бағытында 4 қала маңы пойызы қатынайды.«Қаламыздың 70 жылдық мерейтойына орай, күнара қатынайтын, жаңа вагондардан тұратын «Нұрлы жол – Арқалық» жолаушылар пойызы іске қосылды. Мұның маңызы өте зор. Жаңа бағыт өңірдің қатынас мүмкіндігін едәуір жақсартты. Бұл жоба –  ең алдымен халыққа сапалы, жайлы әрі қауіпсіз қызмет көрсету үшін жүзеге асырылды», – деді Құмар Ақсақалов.Вокзал тәулігіне 428 адамды қабылдай алады. Мүгедектігі бар азаматтар, қарт адамдар және балалары бар жолаушылар үшін кедергісіз орта қалыптастырылды.Жаңартылған вокзал жолаушылар ағынын және іскерлік белсенділіктің артуына ықпал етеді. Атап айтсақ, өңірдің көлік-логистикалық әлеуеті артып келеді. Аймақ басшысы көлік қатынасын дамытпай, ел экономикасын көтеру мүмкін емес екенін жеткізді.Арқалық өңірінің экономикасына жаңа серпін беру мақсатында екі маңызды жол жаңаруда. Біріншісі – «Жезқазған-Арқалық» автожолы. Арқалықтан Жезқазғанға дейін 309 шақырым. Біздің облыс бойынша өтетін  71 шақырым жөнделді. Биыл 8 шақырымның жөндеу жұмыстары аяқталуға жақын. Ұлытау облысы бойынша өтетін жолдың жөндеуі де биыл аяқталады. Арқалықтан Есілге дейін облыс бойынша өтетін жолдың жөндеуі толық аяқталды. Оның арқасында бұл бағыт 500 шақырымға қысқарады.Екіншісі – Мемлекет Басшысының тапсырмасымен салынып жатқан, Арқалық және Торғай арқылы өтетін жаңа «Орталық-Батыс» жолы.«Жаңартылған әуежайды жақын арада ашамыз. Жоба өңір мен жергілікті тұрғындар үшін үлкен маңызға ие. Нәтижесінде, Арқалық еліміздің солтүстігін, орталығын, батысы мен оңтүстігін өзара жалғайтын маңызды көлік және логистикалық хабқа айналады. Көліктік логистиканың дамуы Арқалықтың экономикасына серпін береді, сондай-ақ кәсіпкерлік пен ішкі туризмді жандандырады», – деп атап өтті облыс әкімі.  Ақпарат көзі : https://www.gov.kz/memleket/entities/kostanay/press/news/details/1271360?lang=ru

Отандық тауар өндірушілерді қолдау – мемлекеттік саясаттың негізгі бағыттарының бірі. Мемлекет басшысы Қасым-Жомарт Тоқаевтың тапсырмасына сәйкес Үкімет ішкі өндірісті дамытуға, жаңа өнеркәсіптік кәсіпорындар құруға, қазақстандық қамту үлесін арттыруға және ел ішінде орнықты өндірістік тізбектер қалыптастыруға бағытталған шаралар кешенін жүзеге асырды.Бүгінгі таңда мемлекеттік қолдау жеңілдетілген қаржыландыру мен мемлекеттік сатып алудан бастап, ірі кәсіпорындарды отандық жеткізушілермен жұмыс істеуге ынталандыруға, өнеркәсіп кооперациясын дамытуға және қазақстандық өндірушілердің экспорттық әлеуетін кеңейтуге дейінгі бизнесті дамытудың барлық кезеңін қамтиды.Кепілдендірілген сұраныс: мемлекеттік сатып алулар отандық бизнесті қолдау құралына айналадыОтандық өндірушілерді қолдаудың негізгі тетіктерінің бірі мемлекеттік және квазимемлекеттік сатып алулар. Үкімет қабылдаған шаралар қазақстандық кәсіпорындарға басымдық беру, ұзақмерзімді және офтейк-келісімшарттарды кеңейту, сондай-ақ жеңілдікті қаржыландыруға қолжетімділікті көздейді. Бұл тұрақты сұраныс қалыптастырып, өндірістік қуаттарды жаңғыртуға және кеңейтуге жағдай жасайды.Отандық кәсіпорындар өз өнімдерін кепілді өткізуді «Самұрық-Қазына» ұлттық әл-ауқат қоры арқылы алады. Тек 2025 жылдың өзінде қазақстандық тауар өндірушілерден сатып алу көлемі екі есеге артып, шамамен 2,2 трлн теңгені құрады. Қор инфрақұрылым мен энергетикада 62 басым жобаны жүзеге асырып, қазақстандық тауарлар мен көрсетілетін қызметтерге тұрақты сұранысты қамтамасыз етуде.Қазіргі таңда Қордың сатып алу жүйесінде отандық тауар өндірушілер мен шағын және орта бизнесті қолдаудың 16-дан астам тетігі қолданылады. Олардың қатарында:отандық өндірушілерден міндетті сатып алу, қамтамасыз етудің барлық түрінен босату, егер жеткізуші отандық тауар өндіруші болса, 30%-ға дейін алдын ала төлем жасау және жеткізілген өнім үшін төлем мерзімін қысқарту шаралары бар. Бұл отандық бизнеске айналым капиталын тиімді сақтауға және ұлғайтуға мүмкіндік береді.Қабылданған шаралардың тиімділігі отандық өндірушілермен ынтымақтастық көлемінің тұрақты өсуімен расталады. 2024 жылы Қор компаниялары Өнеркәсіп және құрылыс министрлігінің тізіліміне енгізілген 2 070 кәсіпорынмен жалпы құны 1,1 трлн теңге болатын 11,1 мыңнан астам шарт жасасты. 2025 жылы жасалған келісімшарттардың көлемі екі есеге жуық артып, 2,17 трлн теңгеге жетті. Осы кезеңде 2 283 отандық өндірушімен 8,9 мыңнан астам шарт жасалды.Оң үрдіс биыл да сақталып отыр. 2026 жылдың бірінші жартыжылдығының қорытындысы бойынша жалпы құны 594 млрд теңгені құрайтын 3,8 мыңнан астам шартқа қол қойылды, бұл өткен жылдың сәйкес кезеңімен салыстырғанда 46%-ға жоғары болды. Оның ішінде жалпы құны 343 млрд теңгені құрайтын 171 ұзақмерзімді келісімшарт бар. Бұл өткен жылмен салыстырғанда 1,7 есе көп.Жаңа өндірістерді іске қосуға және импортты алмастыруға ынталандыратын офтейк-келісімшарттар тетігі де кезең-кезеңімен дамып келеді. 2024 жылы жалпы құны 190 млрд теңге болатын 367 офтейк-келісімшарт, 2025 жылы құны 257,5 млрд теңгені құрайтын 363 офтейк-келісімшарт жасалды. Бұл құндық көрсеткіш бойынша 35%-ға артық. 2026 жылдың бірінші жартыжылдығында жалпы сомасы шамамен 47 млрд теңгеге тағы осындай 115 келісімшарт жасалды. Осы кезеңде жалпы құны 53 млрд теңгені құрайтын импортты алмастыру бойынша 9 жоба мақұлданды. Жалпы құны 74 млрд теңгені құрайтын тағы 13 жоба қаралу сатысында.Жалпы алғанда, кейінгі жеті жылда «Самұрық-Қазына» тобының қолдау тетіктері аясында жалпы құны 610 млрд теңгені құрайтын жаңа өндірістерді іске қосу жөніндегі 108 жоба мақұлданды. Оларды жүзеге асыру 3 мыңнан астам жаңа жұмыс орнын ашуға ықпал етті.Қазақстандық тауар өндірушілердің тізілімі сатып алу рәсімдерінің ашықтығы мен оларға тең қолжетімділікті қамтамасыз етедіМемлекеттік сатып алу нарығының ашықтығы мен қолжетімділігі ұлттық кәсіпкерлікті дамытудың негізгі шарттарының бірі болып қала береді.Қаржы министрлігінің деректеріне сәйкес, отандық тауар өндірушілердің мемлекеттік сатып алуға қатысу көлемі жыл сайын артып келеді. Мәселен, 2024 жылы қазақстандық өндірушілермен жалпы құны 370 млрд теңгеден асатын 145 мыңнан астам шарт рәсімделсе, 2025 жылы бұл көрсеткіш 16,5%-ға артып, 169 мың шартқа жетті. Ал олардың жалпы құны 23,3%-ға өсіп, 456 млрд теңгені құрады. 2026 жылғы 31 шілдедегі жағдай бойынша жалпы құны 97 млрд теңге болатын 68 мың шарт жасалды.Осы саладағы цифрландырудың маңызды тетіктерінің бірі – 2025 жылғы қарашадан бастап штаттық режимде жұмыс істеп тұрған «Қазақстандық тауар өндірушілер тізілімі» ақпараттық жүйесі. Бүгінде жүйеге бизнестен 41 мыңнан астам өтінім түсіп, өңделді. Верификация нәтижесінде Тізілімге 10 мыңнан астам отандық тауар өндіруші енгізілді.Тізілім негізгі мемлекеттік ақпараттық жүйелермен және ірі сатып алу алаңдарымен біріктірілген. Мемлекеттік сатып алу порталы арқылы 52 мыңнан астам сатып алу, ал «Самұрық-Қазына» АҚ ақпараттық жүйесі арқылы 6,7 мыңнан астам сатып алу жүргізілді.2026 жылдың соңына дейін ақпараттық жүйені Бірыңғай жеке кабинетпен интеграциялай отырып, оны өнеркәсіптік пайдалануға енгізуді аяқтау жоспарланып отыр.Бизнесті қолдау: мемлекет кәсіпорындардың капиталға қол жетімділігін кеңейттіКәсіпкерлерді жобаларды жүзеге асырудың барлық кезеңдерінде қолдаудың кең ауқымды құралдарын «Бәйтерек» ұлттық басқарушы холдингінің даму институттары ұсынады. Бұл жаңа өндірістерді іске қосуға, жұмыс істеп тұрған қуаттарды жаңғыртуға, бизнесті кеңейтуге және экспорт көлемін арттыруға жағдай жасап, отандық кәсіпкерліктің дамуы мен экономиканың тұрақты өсуіне ықпал етеді.Атап айтқанда, «Даму» қорының желісі бойынша 2024 жылдан бастап 2026 жылғы тамызға дейін өңдеу өнеркәсібіндегі 10,3 мың жобаға жалпы сомасы 2,2 трлн теңге көлемінде кредиттік қолдау көрсетілді. Оның ішінде 4674 жоба субсидиялау, 3633 жоба кепілдік беру, 1998 жоба жеңілдетілген қаржыландыру құралдарын пайдаланды.Сондай-ақ 2025 жылдың қорытындысы бойынша «Даму» қоры шағын және орта бизнестің 13 мың жобасына 2,2 трлн теңге көлемінде қолдау көрсетті. Бизнестің қаржы ресурстарына қолжетімділігін арттырудың маңызды құралы ретінде Мемлекет басшысының тапсырмасымен 2025 жылғы сәуірде кепілдік қорларының тетігі іске қосылды. Бұл механизм кәсіпкерлердің банк қаржыландыруына қолжетімділігін кеңейтіп, бюджетке түсетін жүктемені азайтты. Аталған тетік аясында 3 мыңнан астам кепілдік беріліп, отандық бизнестің тұрақты дамуына қосымша мүмкіндік жасалды.Ірі бизнесті қаржылай қолдауға Қазақстанның даму банкі бағытталған. Өткен жылы банк 77 инвестициялық жоба мен экспорттық операцияны 2,3 трлн теңге сомасына қаржыландырды. Нәтижесінде 10 ірі өндірістік нысан жаңғыртылып, пайдалануға берілді. Олардың қатарында жылына 90 мың автокөлік шығаратын толық циклді мультибрендті автомобиль зауытының құрылысы, Маңғыстау және Ақтөбе облыстарындағы жалпы қуаты 200 МВт жел электр станцияларының құрылысы және басқа да стратегиялық нысандар бар.Қазақстандық өнімнің сыртқы нарықтарға шығуын Қазақстанның экспорттық-кредиттік агенттігі қолдайды. Агенттік металлургия, машина жасау, тамақ және химия өнеркәсібі, агроөнеркәсіптік кешен және басқа да салалардағы 131 экспорттаушыға 653,7 млрд теңге көлемінде қолдау көрсетті. Ірі мәмілелер қатарында «Sapa Trade Company» ЖШС қарызын сақтандыру, «Шин-Лайн» ЖШС айналым қаражатын толықтыру, сондай-ақ «Прима Құс» ЖШС құс етін өндіру зауытының құрылысына берілген қарызды сақтандыру бар.Тек 2026 жылдың бірінші жартыжылдығында өңдеу секторы кәсіпорындарына көрсетілген қолдау көлемі 418,5 млрд теңгеге жетті. Қолдау құралдарын 69 шикізаттық емес сектор кәсіпорны пайдаланды, оның 61%-ы шағын және орта бизнес өкілдеріне тиесілі.Шикізаттық емес сектордағы инвестициялық белсенділікті «Qazaqstan Investment Corporation» (QIC) жүйелі түрде арттырып келеді. 2025 жылдың қорытындысы бойынша құрылымның жаңа инвестицияларының көлемі 13 есеге өсті. QIC қатысатын қорлар арқылы өнеркәсіп, агроөнеркәсіптік кешен, инфрақұрылым және технологиялық жобаларды қамтитын 15 жобаға 787,5 млрд теңге көлемінде қаржы тартылды.Жылдың маңызды оқиғаларының бірі – Астана халықаралық қаржы орталығы базасында тікелей инвестициялар қорларының жаңа архитектурасының қалыптасуы болды. Негізгі жоба ретінде ірі инвестициялық жобаларды қаржыландыруға бағытталған, мақсатты көлемі $4 млрд-қа дейінгі Kokzhiyek Fund L.P. және экспортқа бағдарланған ауыл шаруашылығына, ауыл шаруашылығы өнімдерін терең өңдеуге және отандық агроөнеркәсіптік кешенді дамытуға инвестиция салатын, мақсатты көлемі $1 млрд-қа дейінгі Adal Fund L.P. құрылды.«Аграрлық несие корпорациясы» АҚ желісі бойынша өткен жылы көктемгі егіс және егін жинау жұмыстарын қаржыландыру көлемі рекордтық 549 млрд теңгені құрады. Бұл 8,5 млн гектар алқапта ауыл шаруашылығы жұмыстарын жүргізуге мүмкіндік берді. Осы кезеңде Қазақстанның агроөнеркәсіптік кешені рекордтық көлемде астық алды. 2025 жылдың қорытындысы бойынша астықтың жалпы өнімі 27,1 млн тоннадан асты. Уақтылы әрі қолжетімді қаржыландыру диқандарға егіс және егін жинау науқандарын оңтайлы агротехнологиялық мерзімде өткізуге мүмкіндік берген негізгі факторлардың бірі болды.Жалпы алғанда, 2025 жылдың қорытындысы бойынша «Аграрлық несие корпорациясы» АҚ мен «ҚазАгроҚаржы» АҚ бірлесіп ұсынған қаржыландыру көлемі 1,1 трлн теңгені құрады. Бұл – отандық агроөнеркәсіптік кешенді қолдаудың ең жоғары көрсеткіші.Қаражат көктемгі егіс және егін жинау жұмыстарын жүргізуге, ауыл шаруашылығы техникасының паркін жаңартуға, ауыл тауар өндірушілерінің айналым қаражатын толықтыруға, сондай-ақ өңдеуді дамытуға және азық-түлік тауарлары бойынша импортқа тәуелділікті төмендетуге бағытталған инвестициялық жобаларды іске асыруға жұмсалды.Отандық тауар өндірушілерге елеулі қолдауды «Өнеркәсіпті дамыту қоры» АҚ көрсетеді. Қаралған қаржы жаңа кәсіпорындар құруға және жұмыс істеп тұрған өндірістерді жаңғыртуға бағытталады. Кәсіпорындар заманауи жоғары технологиялық жабдықтарды енгізіп, өндірістік желілерді жаңартып, өнім сапасы мен бәсекеге қабілеттілігін арттыруда. 2024-2026 жылдары қор 153 отандық тауар өндірушіге жалпы сомасы 943 млрд теңгеден астам қолдау көрсетті.«Бәйтерек» холдингінің даму институттары жұмысының негізгі бағыттарының бірі – азаматтарды қолжетімді әрі жайлы тұрғын үймен қамтамасыз ету. 2025 жылы «Отбасы банк» тетіктері арқылы 77 мыңнан астам отбасы баспаналы болды. «Қазақстан тұрғын үй компаниясы» тарапынан тұрғын үй құрылысын қолдау көлемі 700 млрд теңгеден асты. Бұл шамамен 3 млн шаршы метр тұрғын үйді пайдалануға беруге мүмкіндік берді, бұл елдегі көппәтерлі тұрғын үйді жалпы енгізу көлемінің 22%-ын құрайды.Толық өндірістік цикл – өнеркәсіптік тәуелсіздіктің негізіҚаржылық ынталандыру нақты сектордың дамуымен тығыз байланысты. Үкіметтің басты назарында Президент қойған міндетті жүзеге асыру мақсаты тұр, ол – ел ішінде шикізатты терең өңдеуден бастап, қосылған құны жоғары дайын өнімді шығаруға дейінгі толық өндірістік циклды құру. Локализацияны дамыту импортқа тәуелділікті азайтуға, отандық кәсіпорындардың жүктемесін арттыруға және жаңа жоғары өнімді жұмыс орындарын құруға мүмкіндік береді.Осы жұмыс шеңберінде 2024 жылдан бері Қазақстанда ауқымды инвестициялық жобалар жүзеге асырылуда. Жеңіл өнеркәсіпте мақта өңдеудің толық циклін қалыптастыру негізгі векторға айналды: мәселен, Түркістан облысындағы «TURAN» АЭА аумағында «Түркістан тоқыма» ЖШС LIHUA GROUP-пен бірлесіп иіруден бастап дайын үй тоқыма бұйымдарын шығаруға дейінгі барлық кезеңді қамтитын толық өндірістік циклді заманауи тоқыма кешенін салады. Кәсіпорын мақтаны терең қайта өңдеп, жаңа текстиль өнімін шығарады. Онда 1,3 мың жұмыс орыны құрылады.Қазақстандық автомобиль жасау саласы сапалы динамика көрсетіп отыр, мұнда кәсіпорындардың құзыреті бұрынғы ірі тораптық құрастырудан бүгінгідей шағын тораптық құрастыру операцияларын орындауға ауысқан. Соның арқасында кейбір автомобиль маркалары бойынша локализациялаудың орташа деңгейі 40%-ға жетті. 2024-2025 жылдар аралығында қуаттылығы жылына 70 мың авто болатын Kia Qazaqstan және мультибрендтік Astana Motors Manufacturing Kazakhstan автозауыттары пайдалануға берілді. Соңғысы жылына Changan, Great Wall Motor және Chery үшін 120 мың авто шығарады.Сонымен қатар құрамдас база да кеңейтілуде: Саран қаласында Tengri Tyres шина зауыты іске қосылды, Алматыда Hyundai мультимедиялық жүйелерін, HVAC модульдерін және еден жабындарын шығаратын Kazakhstan Mobility Engineering және автоорындықтар шығаратын Almaty Autoparts Production кәсіпорындары, ал Қостанайда автокомпоненттердің мамандандырылған Локализациялық орталығы жұмыс істейді.Ауыл шаруашылығы және теміржол машиналарын жасауда «АгромашХолдингKZ» базасында John Deere техникасын өндіруді бастау, Valmont Industries компаниясының Valley жаңбырлатып су шашу машиналарын локализациялау, Астанада швейцариялық Stadler жолаушылар вагондарын құрастыру және Wabtec локомотив зауытында локализация деңгейін 45%-ға жеткізу маңызды қадам болды.Сонымен қатар, XCMG Group-пен («Barys Truck Manufactory» ЖШС) арнайы техникалар, Саранда Samsung компаниясының теледидарлары мен кір жуғыш машиналарын шығару және Алматыдағы Xiaomi теледидарларын құрастыру жолға қойылған.Сондай-ақ, Петропавл қаласында «ҚАЗТЕХМАШ» машина жасау зауыты» ЖШС-нің өндірістік алаңында LiuGong әлемдік брендінің жол-құрылыс техникалары өндірісі ұйымдастырылды.Металлургия мен химия өнеркәсібінде үлкен диаметрлі болат құбырларды («ТЭМПО-Казахстан»), алюминий қаптамасын («QazAlPack»), алюминий радиаторларын («Silumin of Qazaqstan»), сондай-ақ сұйық шыны, натрий силикаты және метилэтанол шығаратын зауыттар іске қосылды.Мұндағы жүйелі нәтижені кешенді мемлекеттік қолдау қамтамасыз етіп отыр. Өнеркәсіптік жобаларға «Бәйтерек» холдингінің даму институттары арқылы ұзақ мерзімге жеңілдікпен қаржы берілуде, 21 инвестициялар туралы келісім жасалған, «Атырау», «Ақтөбе», «Қорқыт Ата» және «Алатау» ИСЛК»-ларды қоса алғанда 11,1 трлн теңгеден астам инвестиция тартқан 18 арнайы экономикалық аймақ жұмыс істеп тұр.Жалпы алғанда ішкі тұрақты сұраныстың, ЕАЭО мен Орталық Азия нарығына шығу мүмкіндігінің болуы, шикізат базасы мен өнеркәсіптік преференциялар инвесторларды қарапайым құрастыру өндірісінен отандық қосылған құнның жоғары үлесі бар толыққанды тізбектерді қалыптастыруға көшуге ынталандырып отыр.Ірі кәсіпорындардың айналасындағы шағын және орта бизнесМемлекет басшысының тапсырмалары шеңберінде Үкімет ірі кәсіпорындардың айналасында тұрақты ШОБ желісін құруды көздейтін кәсіпкерлікті дамытудың жаңа моделін қалыптастыруда. Тауарлар мен жиынтықтауыштарды өндіруге, қызметтер көрсетуге және сервис жасауға қатысы бар өңірлік бизнесті дамытуға басты назар аударылып отыр. Бұл тәсіл өндірістік кооперацияны кеңейтеді, ел ішінде қосымша құнды локализациялауға және құруға ықпал етеді.Мұндай экожүйені қалыптастыру үшін мемлекет бизнесті қолдаудың қаржылық құралдарын жетілдіруде. Негізгі тетіктердің бірі – 2025 жылы іске қосылған «Өрлеу» жеңілдікпен қаржыландыру бағдарламасы. Ол жұмыс істеп тұрған өндірістерді кеңейтуге, кәсіпорындарды технологиялық жаңғыртуға және өңдеуші өнеркәсіп, агроөңдеу, логистика, білім беру, сондай-ақ денсаулық сақтауды қоса алғанда, экономиканың басым секторларында жаңа инвестициялық жобаларды іске қосуға бағытталған.2025 жылы «Өрлеу» бағдарламасы аясында 588 млрд теңге сомасына 2 278 жоба қаржылай қолдау алды. Бағдарламаның жинақталған портфелі ірі индустриялық-экономикалық орталықтар мен индустриалды дамыған өңірлерде ең жоғары белсенділік көрсетті. Тартылған қаражат көлемі бойынша Алматы қаласы (104 млрд теңгеге 319 жоба), Астана қаласы (90 млрд теңгеге 268 жоба), Алматы облысы (56 млрд теңгеге 150 жоба) және Шымкент қаласы (52 млрд теңгеге 182 жоба) көш бастап шықты. Қаржының едәуір көлемі Қостанай (30 млрд теңге), Қарағанды (29 млрд теңге) және Ақтөбе (23 млрд теңге) облыстарына бағытталды.2026 жылдың басынан бастап «Өрлеу» бағдарламасы аясында 23 млрд теңге шамасында тағы 131 жоба қаржыландырылды. Биыл қаражаттың ең көп көлемін Ақтөбе облысы тартты, онда ірі бастамаларды жүзеге асыру есебінен 7,4 млрд теңгеге 12 жоба қаржыландырылды. Жоғары қарқын Астана (4 млрд теңгеге 24 жоба), Алматы (3,7 млрд теңгеге 21 жоба) және Шымкент (1,4 млрд теңгеге 12 жоба) қалаларында, сондай-ақ Қарағанды (0,7 млрд теңгеге 8 жоба) және Абай (0,7 млрд теңгеге 10 жоба) облыстарында сақталып отыр.Қаржы екінші деңгейлі банктер мен «Даму» қорының біріге қаржыландыру шарттары арқылы ұсынылып отыр, бұл ретте түпкі қарыз алушы үшін мөлшерлеме 12,6%-дан аспайды. Қаржыландырудың максималды көлемі инвестициялық жобалар үшін 7 млрд теңгеге және айналым қаражатын толықтыру үшін 3,5 млрд теңгеге жетеді. Президенттің тапсырмасын орындау мақсатында Үкімет 2025 жылдың соңында бекіткен «Іскер аймақ» шағын бизнесті қолдаудың бірыңғай бағдарламасы аясында ауылдық елді мекендердегі, аудан орталықтарындағы және шағын қалалардағы микро және шағын кәсіпкерлік жобаларына қолдау көрсетіліп келеді. Жергілікті өндіріске, ауыл шаруашылығы шикізатын қайта өңдеуге, қолөнерге және аймақтық қосылған құн тізбегін құратын басқа да бағыттарға басымдық берілген. Қызметтің басым түрлерінің тізбесін әкімдіктер аумақтардың мамандануын ескере отырып айқындайды.Кәсіпкерлерді қолдау несиелерді субсидиялаудан және инженерлік желілерге қосылудан бастап үй-жайларды, жер учаскелерін беруге және оқытуға дейінгі қаржылық, инфрақұрылымдық және консультациялық шараларды қамтиды. Осы жылдың шілде айының соңындағы жағдай бойынша мамандар 127 аудан мен 16 қалаға 146 рет барып, кәсіпкерлерге 1,8 мыңнан астам кеңес берді. Бағдарламаны жүзеге асыруға 2026 жылы 24 млрд теңге қарастырылған, бұл 5 мыңға жуық жаңа жобаны қолдауға мүмкіндік береді. Тамыз айының басында жалпы сомасы 18 млрд теңге болатын 266 жоба қолдау тапты.Қабылданып жатқан шаралар ірі кәсіпорындардың айналасындағы отандық жеткізушілердің желісін кеңейтуге, сондай-ақ өнімді, сервисті және мердігерлік жұмыстарды локализациялауға ШОБ тарту үшін жағдай туғызады. Бұл өндірістік кооперацияны дамытуға, өңірлерде жұмыспен қамту мен бизнес табысының өсуіне, сондай-ақ экономиканы әртараптандыруға ықпал етеді.Энергетикадағы қазақстандық мазмұн үлесіОтандық өндірушілерді қолдаудың жеке бір бағыты жабдықтарды, тауарлар мен қызметтерді ең ірі тұтынушылардың бірі саналатын энергетикалық сектормен де байланысты.Үкімет Энергетика министрлігі атынан жер қойнауын пайдаланушылармен бірлесіп мұнай-газ жобаларын жүзеге асыру кезінде пайдаланылатын тауарларды, жұмыстар мен көрсетілетін қызметтерді сатып алудағы қазақстандық мазмұн үлесін ұлғайту жөніндегі шаралар кешенін жүйелі түрде жүзеге асырып келеді. Негізгі міндет – отандық өндірушілерден сатып алу көлемін ұлғайту ғана емес, сонымен қатар ұлттық өнеркәсіптің ұзақ мерзімді дамуын қамтамасыз ететін мемлекеттің, ірі операторлар мен бизнестің өзара іс-қимылының тұрақты жүйесін құру.Отандық өндірушілерді қолдауды күшейту үшін заңнама жетілдірілуде. Жер қойнауын пайдаланушылардың келісімшарттарында тауарларды сатып алу кезінде жергілікті қамтудың ең аз үлесі бекітіледі, елішілік құндылық бойынша міндеттемелерді орындау үшін жауапкершілік күшейтіледі. Отандық өндіруші болған жағдайда сатып алу қазақстандық тауар өндірушілер арасында жүргізіледі, ал елішілік құндылықтың ең аз үлесі жұмыстар мен қызметтерде 50% және жобалау жұмыстарында 80% деңгейінде белгіленген.Еліміздің Теңіз, Қарашығанақ және Қашаған секілді ірі мұнай-газ жобаларына ерекше көңіл бөлініп отыр. «Теңізшевройл», «Қарашығанақ Петролиум Оперейтинг Б.В.» және NCOC операторларымен бірлесіп қазақстандық тауарлардың, жұмыстар мен көрсетілетін қызметтердің үлесін жыл сайын ұлғайтуды, ұзақ мерзімді шарттар мен офтейк-келісімшарттар жасасуды, жаңа өндірістерді локализациялауды, сондай-ақ белгіленген көрсеткіштерге қол жеткізу бойынша компаниялардың басшылығы үшін KPI енгізуді көздейтін жергілікті қамтуды дамытудың бес жылдық бағдарламалары жүзеге асырылуда. 2025 жылдың қорытындысы бойынша осы бағдарламаларды орындау елішілік құндылықты арттыру және отандық өндірушілердің ірі мұнай-газ жобаларына қатысуын кеңейту жөнінен оң серпінді көрсетті.Мұнай-газ саласындағы машина жасауды дамытуға да ерекше көңіл бөлінуде. IMBC орталығымен бірге ірі операторлардың қажеттіліктері де зерделенді: нәтижесінде 19 перспективалы тауар санаты анықталды, 120 мыңнан астам позиция қаралды және жоғары сұранысқа ие 160-тан астам өнім түрі анықталды. Олардың негізінде өндірістерді Қазақстанда локализациялау үшін нақты бағыттар қалыптастырылды.Бүгінгі таңда Қазақстанда мұнай-газ саласына арналған бірегей жабдықтардың 10 өндірісі локализацияланды, олар – бекіту арматурасы мен бақылау-өлшеу аспаптарынан бастап химиялық реагенттерге, композиттік материалдарға және коррозияға қарсы жабындарға дейінгі өндіріс орындары. 2027 жылға дейін әлемнің жетекші өндірушілерін тарта отырып, сұранысқа ие өнімдердің тағы 15 өндірісін локализациялау жоспарлануда.Сонымен бір мезгілде мұнай-газ компаниялары мен отандық өндірушілер арасында ұзақ мерзімді шарттар мен офтейк-келісімшарттар жасасу тәжірибесі де кеңейтілуде. Егер 2024 жылдың қорытындысы бойынша мұндай ұзақ мерзімді келісімдердің сомасы 21 млрд теңгені құраған болса, 2025 жылы ол екі еседен астам, яғни 49 млрд теңгеге дейін ұлғайды. Оң динамика 2026 жылы да сақталмақ. Министрлік импортты алмастыру әлеуетін анықтау мақсатында сатып алуларға тұрақты негізде талдау жүргізіп келеді, сондай-ақ мұнай-газ саласы үшін жабдықтар мен қызметтерді жеткізуге қазақстандық өндірушілердің қатысуын кеңейту бойынша жер қойнауын пайдаланушылармен бірлескен кеңестер ұйымдастырылуда.Шаралар кешені елішілік құндылықты нығайтуға, өнеркәсіптік базаны кеңейтуге және қазіргі заманғы өндірістерді локализациялауға бағытталған. Бұл мұнай-газ саласының импортқа тәуелділігін төмендетуге, технологиялық құзыреттерді дамытуға, инвестициялар тартуға және жаңа жұмыс орындарын құруға ықпал етеді.Отандық өндірушіні қолдау – экономикалық өсудің жаңа моделінің негізіҚазақстан Республикасының жаңа Конституциясында ұлттық экономиканы одан ары жаңғырту және азаматтардың әл-ауқатын дәйекті түрде арттыру үшін берік құқықтық және институционалдық іргетас қаланды. Жергілікті өндірісті дамыту, қазақстандық қамту үлесін кеңейту және бизнесті қаржылық қолдау жөніндегі шаралар кешенін жүзеге асыру негізгі конституциялық бағдарларға тікелей жауап бола алады.Мемлекет қабылдайтын барлық шаралар нәтиже беруде: өндіріс пен инвестиция көлемі өсуде, отандық кәсіпорындар саны артуда, ШОБ үшін мүмкіндіктер кеңеюде, қазақстандық өнімнің ішкі және сыртқы нарықтардағы позициясы нығаюда. Толық өндірістік циклды құру, ШОБ-тың аймақтық белдеуін тиімді локализациялау және дамыту – өнеркәсіп пен ел экономикасының орнықты дамуының негізіне айналуда.Осылайша, отандық тауар өндірушілерді ынталандыру өнеркәсіптік саясаттың ағымдағы құралы ғана емес, мемлекеттік дамудың жаңа кезеңіндегі Қазақстанның ұзақ мерзімді экономикалық тәуелсіздігі мен бәсекеге қабілеттілігінің басты драйверіне айналып келеді.Ақпарат көзі : https://www.gov.kz/memleket/entities/economy/press/news/details/1271236?lang=ru

Техникалық реттеу және метрология Комитетінің Батыс Қазақстан облысы бойынша Департаменті санитарлық-эпидемиологиялық бақылау органдарымен өзара іс-қимылы нәтижесінде тамақ өнімдерін «жалған» сертификаттау фактісі анықталды.Тиісті жұмысты жүргізуге мұздатылған ет құрамды жартылай фабрикаттарды бақылау мақсатында сатып алу нәтижелері бойынша келіп түскен материалдар негіз болды. Өнім Беларусь Республикасының сертификаттау органында ресімделген ЕАЭО сәйкестік туралы декларациясымен бірге өткізілген.Сәйкестікті бағалау материалдарын зерделеу барысында декларация Алматы қаласындағы аккредиттелген сынақ зертханасы берген деп көрсетілген сынақ хаттамасының негізінде қабылданғаны анықталды.Құжаттың түпнұсқалығын тексеру мақсатында Департамент аталған зертханаға ресми сұрау жолдады. Алынған жауапқа сәйкес, бұл өнімге сынақтар зертханада жүргізілмеген, ал тиісті сынақ хаттамасы ресімделмеген және берілмеген.Осылайша, сәйкестік туралы декларация өнімге сынақтардың нақты жүргізілгенін және оның Еуразиялық экономикалық одақтың техникалық регламенттерінің міндетті талаптарына сәйкестігін растамайтын анық емес дәлелдемелік материал негізінде тіркелген.Материалдарды қарау нәтижелері бойынша сәйкестік туралы декларацияның Қазақстан Республикасының аумағындағы қолданысын жою туралы шешім қабылданды. Ақпарат уәкілетті органға және техникалық реттеу саласында бақылау мен қадағалауды жүзеге асыратын мемлекеттік органдарға жолданды.Сәйкестікті растау және бағалау рәсімдерін жүргізу қағидаларын бұзғаны үшін өнім өндіруші әкімшілік жауапкершілікке тартылды.Аталған жағдай декларацияның тізілімде формальды түрде болуы заңнамада көзделген сынақтардың іс жүзінде өткізілгенін әрдайым білдірмейтінін көрсетеді. Сынақ хаттамаларының түпнұсқалығын және дәлелдемелік материалдардың қадағалануын тексеру «сұр» сертификаттауға қарсы іс-қимыл жасаудың және қауіпсіздігі расталмаған өнімнен нарықты қорғаудың негізгі құралдарының бірі болып табылады.Департамент сәйкестікті бағалау жөніндегі анық емес құжаттарды анықтау және қажетті сынақтарды нақты өткізбей декларацияларды тіркеу практикасының жолын кесу бойынша ведомствоаралық жұмысты жалғастырады.Ақпарат көзі : https://www.gov.kz/memleket/entities/mti/press/news/details/1271202?lang=ru

Биыл Алматы облысындағы бағбандар 100 мың тоннаға жуық алма жинауды жоспарлап отыр. Оның 80 пайызы ішкі нарыққа жөнелтілсе, қалған 20 пайызы экспортқа шығарылады. Алматы өңірінің алмасы негізінен Тәжікстан, Қырғызстан, Ресей және Беларусь елдеріне экспортталады. Сонымен қатар жиналған өнімнің 10 пайызы шырын, пюре, тосап және өзге де қайта өңделген өнімдер шығаруға пайдаланылады, – деп хабарлайды Алматы облысы әкімінің баспасөз қызметі.Бүгінде облыстағы алма бақтарының жалпы аумағы 9,9 мың гектарды құрайды. Оның 2,2 мың гектары – интенсивті бақтар. Алма өсіру көлемі бойынша облыстың Еңбекшіқазақ ауданы көш бастап тұр. Мұнда жыл сайын 34,1 мың тонна өнім жиналады. Одан кейінгі орында Ұйғыр, Талғар, Қарасай және Жамбыл аудандары тұр.Өңірде алма ағашының 21 сорты өсіріледі. Мысалы, Алматы апорты, фуджи, гала, голден делишес, синап, кандиль, айдаред және басқа да кең таралған сорттар бар. Соның ішінде гала сұрыпына халықаралық нарықта сұраныс жоғары.Алматы облысында соңғы үш жарым жылда 282 мың тоннадан астам алма жиналып, соның 1,5 мың тоннасы шетел нарығына экспортталды. Экспорт түсімі шамамен 1 млн 549 мың АҚШ долларын құрады. Қазір Еуропа елдері, Қытай, Орталық Азия және Таяу Шығыс нарықтарымен экспортты ұлғайту бағытындағы жұмыстар жүргізіп жатырмыз. Сонымен қатар, тек жаңа піскен алманы ғана емес, шырын, кептірілген алма, пастила сияқты қайта өңделген өнімдерді де сыртқы нарыққа шығару көзделіп отыр. Өнімділікті арттыру мақсатында өнімді көшеттер отырғызылып, тамшылатып суару жүйесі енгізілуде, цифрлық технологиялар қолданылып, интенсивті бақтардың көлемі ұлғайтылып жатыр.Өңірде Алматы апортын халықаралық деңгейдегі бренд ретінде дамытуға ерекше көңіл бөлінуде. Апорт алмасын қалпына келтіру жобасы аясында сапалы көшеттер көбейтіліп, жаңа бақтар отырғызылуда. Бүгінде облыстағы апорт бағының жалпы аумағы шамамен 2,3 мың гектарды құрайды. Бұл бақтардан жылына 6,6 мың тонна апорт алмасы жиналады, орташа өнімділігі гектарына 88,5 центнерді құрайды. Сонымен қатар жеміс-жидекті сақтау және қайта өңдеу бағытында жаңа жобалар іске асырылуда. Соның бірі – жылына 80 мың тонна жеміс-көкөніс өңдеуге қауқарлы «QAZAQ Global Food JV» зауытының құрылысы. Жоба іске қосылғаннан кейін өңдеу көлемі ұлғайып, алманы ұзақ сақтауға мүмкіндік туады. Бұл маусымнан тыс уақытта да өнімді нарыққа шығарып, экспорт көлемін арттыруға ықпал етеді.Сондай-ақ өңірде алма өсірумен айналысатын шағын шаруақожалықтар да бар. Солардың бірі – Еңбекшіқазақ ауданы Әймен ауылында орналасқан «Хишманов» бағы. Жалпы аумағы – 14 гектар. Оның 4 гектарында көшет өсіріледі. Қалған жерге бақ отырғызылып, түрлі тәжірибелер жасалады. Сонымен қатар шаруақожалық Әймен ауылы мен оған жақын елдімекендердің тұрғындарын жұмыспен қамтып отыр. Мұнда тұрақты түрде 15 адам еңбек етеді. Ал өнім жинау және көшет отырғызу кезінде олардың саны 30-45 адамға дейін жетеді. Былтыр 12 тонна өнім алынған. Ал биыл оның көлемін 24-28 тоннаға дейін жеткізу жоспарланған. Сонымен қатар алма жинау кезінде ешқандай қалдық қалмайды. Оның бәрі арнайы сұрыпталып, кәдеге жаратылады. Өнімнің барлығы дерлік Қазақстан аумағында сатылады.«Біз қазақстандық селекцияға жататын, жоғалып кетуге сәл қалған Анель, Айнұр, Дамира, Восход, Раши сияқты сорттарды көбейтуге жұмыс істеп жатырмыз. Өйткені бұл сұрыптар жақсы өнім береді, дәмі де тіл үйіреді. Шағын тәлімбағымыз бар. Онда негізінен өзіміздің баққа қажет көшеттерді өсіреміз. Қайсысы біздің аймаққа қолайлы екенін зерттеп, содан кейін ғана бақта өсіруге кірісеміз», – дейді шаруақожалық басшысы Руслан Хишманов.Қазіргі таңда алма бағының бабын тапқан бағбандар алғашқы жиын-терінге кірісіп кетті. Облыста алманың өнімділігін арттыруға және отандық сорттарды сақтап, көбейтуге бағытталған жұмыстар жүйелі түрде жүргізілуде. Жаңа бақтардың көлемі ұлғайып, заманауи суару жүйелері және цифрлық технологиялар енгізілуде. Сонымен қатар өнімді сақтау мен қайта өңдеу инфрақұрылымын дамыту арқылы жергілікті алманың экспорт әлеуетін күшейтуге басымдық беріліп отыр. Алдағы уақытта бұл жұмыстар облыстың алма өндірісін жаңа деңгейге көтеріп, сапалы отандық өнім көлемін арттыруға мүмкіндік береді.Ақпарат көзі : https://www.gov.kz/memleket/entities/almobl/press/news/details/1271177?lang=ru

10 тамызда елімізде ұлы ақын, ойшыл, ағартушы, қазақ жазба әдебиетінің ұлы тұлғасы Абай Құнанбайұлына арналған – Абай күні атап өтіледі.Абайдың философиялық және әдеби мұрасы бүгінгі күні де адамгершілік құндылықтардың, отансүйгіштіктің және қоғамның рухани дамуының сарқылмас қайнар көзі екені анық.Қазақстан Республикасы Қарулы Күштерінде Абай күні дәстүрлі түрде мәдени-ағартушылық және тәрбиелік іс-шаралармен аталып өтеді. Әскери бөлімдерде әдеби оқулар, челлендждер, тақырыптық кездесулер, мәнерлеп оқу байқаулары, зияткерлік викториналар, кітап көрмелері және ұлы ойшылдың өмірі мен шығармашылығына арналған танымдық әңгімелер ұйымдастырылады.Жас әскери қызметшілерді Абайдың шығармаларымен, оның ар-намыс, еңбек, білім, жауапкершілік және Отанға деген сүйіспеншілік туралы философиялық ойларымен таныстыруға ерекше көңіл бөлінеді. Бұл құндылықтар әскери қызметтің негізгі қағидаттарымен үндесіп, жеке құрамның ішкі рухын нығайтуға және жоғары азаматтық жауапкершілік сезімін қалыптастыруға ықпал етеді.Абайдың шығармалары әскери бөлімдердің кітапханаларында кеңінен ұсынылған. Онда әскери қызметшілер оның әдеби мұрасымен танысып, бүгінгі күні де өзектілігін жоғалтпаған ой-тұжырымдарын тереңірек зерделеуге мүмкіндік алады.Абай күніне арналған іс-шараларға әскери қызметшілер, әскери оқу орындарының курсанттары, Қарулы Күштердің ардагерлері және олардың отбасы мүшелері қатысады. Мұндай бастамалар ұлттық мәдени мұраны сақтауға, рухани бірлікті нығайтуға және жалпыадамзаттық әрі патриоттық құндылықтар негізінде Отан қорғаушылардың жаңа буынын тәрбиелеуге ықпал етеді.Ақпарат көзі : https://www.gov.kz/memleket/entities/mod/press/news/details/1271112?lang=ru

Қазақстанда жыл сайын тамыздың екінші жексенбісінде Құрылысшылар күні аталып өтеді. Бұл мереке елдің әлеуметтік-экономикалық дамуына үлес қосып жүрген құрылыс саласы мамандарымен қатар, Қарулы күштердің әскери инфрақұрылымын дамытуға еңбек етіп жүрген әскери құрылысшылардың да еңбегіне көрсетілетін құрметтің белгісі.Қазіргі заманғы армияның тиімді қызметі әскери қызметшілердің кәсіби даярлығымен ғана емес, олардың қызмет атқаратын инфрақұрылымының сапасымен де тығыз байланысты. Әскери қалашықтар, казармалар, штабтар, оқу полигондары, инженерлік құрылыстар, әскери техника мен қару-жарақ сақталатын нысандар – Қарулы күштердің күнделікті тыныс-тіршілігін қамтамасыз ететін маңызды жүйе. Сондықтан әскери құрылыс саласын дамыту – еліміздің қорғаныс әлеуетін арттырудағы басым бағыттардың бірі.Соңғы жылдары Қорғаныс министрлігі әскери инфрақұрылымды жаңғыртуға ерекше көңіл бөліп келеді. Бұл бағытта құрылыс саласына заманауи технологиялар енгізіліп, нысандарды қысқа мерзімде пайдалануға беру, бюджет қаражатын тиімді пайдалану және әскери бөлімдерді сапалы инфрақұрылыммен қамтамасыз ету жұмыстары жүйелі түрде жүргізіліп жатыр.Осы бағыттағы маңызды жобалардың бірі – модульдік құрылыс технологияларын енгізу. 2016 жылдан бері Қарулы күштерде жеңіл құрастырмалы модульдік ғимараттар кеңінен қолданылып келеді. Олардың негізінде штабтар, казармалар, асханалар, медициналық пункттер және басқа да қызметтік нысандар қысқа мерзімде пайдалануға берілді. Биыл қайта жабдықталған контейнерлер негізіндегі жаңа буын модульдік құрылыстарды іске қосу жоспарланған. Мұндай нысандар жоғары мобильдігімен, үнемділігімен және жедел орнатылу мүмкіндігімен ерекшеленеді.Әскери қалашықтардың жайлылығы мен әлеуметтік инфрақұрылымын дамытуға да ерекше назар аударылуда. 2020 жылдан бері әскери қалашықтарда балалар және спорт алаңдары орнатылып, кіреберіс жолдар жөнделіп келеді. Бұл жұмыстарды Астана, Приозерск, Қонаев, Аягөз, Шымкент және Гвардейск қалаларындағы жол-пайдалану бөлімшелері жүзеге асыруда. Ал Алматы, Қарағанды, Тараз және Семей қалаларындағы пайдалану бөлімдерінің базасында өндірістік взводтар құрылып, әскери бөлімдерді қоршаулармен, тез құрастырылатын ангарлармен және өзге де инженерлік конструкциялармен қамтамасыз ету жолға қойылды.Әскери авиация инфрақұрылымын жаңғырту аясында Талдықорған, Шымкент, Балқаш және Астана қалаларындағы әскери әуеайлақтар жаңартылып, «Жетіген» және «Сарыарқа» әуеайлақтарының әскери секторын жаңғырту жұмыстары жалғасуда. Сонымен бірге оқу-полигондық база жетілдіріліп, қару-жарақ пен әскери техниканы сақтауға арналған нысандар жаңартылып жатыр. Пайдалану бөлімдерінің базасында казармалық және далалық жиһаздар, металл конструкциялар, ангарлар мен инженерлік жабдықтар өндіріліп, әскердің қажеттілігі отандық өніммен қамтамасыз етілуде.Әскери инфрақұрылымның тұрақты жұмысын әскери құрылысшылармен қатар инженерлер, энергетика, жылу, су және газ шаруашылығы мамандары, азаматтық персонал мен пайдалану бөлімдерінің қызметкерлері қамтамасыз етеді. Олардың кәсіби қызметі Қарулы күштердің жауынгерлік әзірлігін нығайтып, әскери бөлімдердің үздіксіз жұмыс істеуіне негіз болады.Заманауи әскери инфрақұрылымды дамыту жұмыстары алдағы уақытта да жалғасып, Қарулы күштердің жауынгерлік әлеуетін арттыруға қызмет ететін болады.Ақпарат көзі : https://www.gov.kz/memleket/entities/mod/press/news/details/1271054?lang=ru

Астана, 2026 жылғы 8 тамыз – Қазақстан Республикасының Сыртқы істер министрі Ермек Көшербаев пен Грекия Республикасының Сыртқы істер министрі Георгиос Герапетритис телефон арқылы сөйлесті.Сұхбат барысында тараптар саяси диалогты нығайту, сауда-экономикалық байланыстарды кеңейту, сондай-ақ ынтымақтастықтың болашақ бағыттарын талқылады. Сыртқы саяси ведомстволары басшыларының келіссөздерінде көмірсутектерді тасымалдаудың жаһандық бағыттарының тұрақтылығына баса назар аудара отырып, энергетикалық ынтымақтастықтың мәселелері негізгі орынға шықты.Министрлер Еуропа нарықтарын қазақстандық мұнаймен қамтамасыз ететін негізгі артерия – Каспий Құбыр Консорциумының (КҚК) айналасындағы ахуалды талқылады.Тараптар КҚК тұрақты жұмыс істеуі теңізде еркін әрі қауіпсіз жүзу қағидаттарының сақталуына тікелей байланысты екеніне ортақ пікір білдіріп, маршруттың тұрақсыздандыруына бағытталған кез келген әрекетке жол берілмейтінін атап өтті.Сонымен қатар дипломаттар екіжақты күн тәртібіндегі мәселелердің кең ауқымын қарастырып, өзара мүдделі бағыттардағы байланыстарды кеңейтуге ортақ ниеттерін білдірді.Сұхбат соңында тараптар тұрақты саяси диалогты сақтауға және жоғары деңгейдегі байланыстарды жалғастыруға уағдаласты.Ақпарат көзі : https://www.gov.kz/memleket/entities/mfa/press/news/details/1271037?lang=ru

Алматы облысының әкімі Марат Сұлтанғазиев Іле және Қарасай аудандарындағы ауылдық округ әкімдерімен жиын өткізді. Онда биылғы бірінші жартыжылдықтағы әлеуметтік-экономикалық даму қорытындысы мен Құрылтай депутаттарын сайлауға дайындық барысы талқыланды. Сондай-ақ инвестиция тарту, кәсіпкерлікті дамыту, жаңа жұмыс орындарын құру, жер және су ресурстарын тиімді пайдаланып, әлеуметтік және инженерлік инфрақұрылымды жетілдіру мәселелері қаралды, – деп хабарлайды Алматы облысы әкімінің баспасөз қызметі.Шара барысында ауылдық округ әкімдері атқарылған жұмыстар мен алдағы міндеттер туралы баяндама жасады. Қазіргі таңда өңірдегі елдімекендерде инвестиция көлемін арттыру бағытында жүйелі жұмыс жүргізілуде. Мәселен, Елтай ауылдық округінде жартыжылдық қорытындысы бойынша 51,7 млрд теңге инвестиция тартылып, 10 инвестициялық жоба жүзеге асырылуда. Бүгінде оның үшеуі іске қосылған. Нәтижесінде 2,3 мыңға жуық жаңа жұмыс орны құрылды. Негізгі жобалардың қатарында ірі өндірістік кешендер мен логистикалық орталықтар бар.Ащыбұлақ ауылдық округінде инвестиция көлемі 22,8 млрд теңгеге жетті. Онда өнеркәсіп, сауда және қызмет көрсету салаларында бірқатар өндірістік және коммерциялық жоба іске қосылды.Аграрлық сала мен мал шаруашылығын дамыту және су ресурстарын ұтымды пайдалану бағытына да ерекше көңіл бөлінуде. Мысалы, биыл Қараой ауылдық округінде 222,7 гектар жерге тамшылап суғару технологиясы енгізілген. Бұл өткен жылмен салыстырғанда 86%-ға жоғары. Ал Райымбек ауылдық округінде су үнемдеу технологиялары қойылған жер көлемі 200 гектарға дейін ұлғайды. Шамалған округінде көрсеткіш 180 гектарға жеткен. Сондай-ақ бұл елдімекенде 1 542,9 гектар жер мемлекет меншігіне қайтарылып, ауыл шаруашылығы айналымына енгізілуде.Мал саны да жылдан-жылға көбейіп келеді. Мәселен, Жамбыл ауылдық округінде ірі қара саны 3 196 басқа, ұсақ мал 2 188 басқа, жылқы саны 913-ке дейін артты.Мемлекеттік бағдарламаларды жүзеге асыру бойынша Жібек жолы ауылдық округінде қарқынды жұмыс жүргізілуде. Мұнда «Ауыл аманаты» бағдарламасы аясында тоғыз кәсіпкерге жалпы құны 78,8 млн теңге жеңілдетілген несие берілген.Жиында әлеуметтік инфрақұрылымды дамыту бағытындағы жұмыстар да назардан тыс қалған жоқ. Биыл Қараой ауылдық округінде «Келешек мектептері» жобасы аясында 900 орынды мектептің құрылысы аяқталды. Бұл елді мекендегі үш ауысымды оқыту мәселесін толық шешуге мүмкіндік берді. Сонымен қатар 300 орынды жекеменшік зияткерлік мектеп ашылды.Бүгінде Қаскелең қаласында аудандық көпбейінді орталық ауруханаға күрделі жөндеу жүргізілуде. Жоба құны – 4,2 млрд теңге. Нысан жыл соңына дейін пайдалануға беріледі. Ал Әйтей ауылында 200 орынды мәдениет үйінің құрылысы жүргізілуде.Жамбыл ауылдық округіне қарасты Ұлан ауылында күніне 50 емделушіні қабылдайтын дәрігерлік амбулатория құрылысының жобалық-сметалық құжаттамасы әзірленіп, мемлекеттік сараптаманың оң қорытындысы алынды.Аймақ басшысы округтерде бірқатар бағыттар бойынша оң нәтижелер бар екенін, дегенмен халықтың әл-ауқатын арттыруға бағытталған жұмыстардың қарқынын бәсеңдетпей, нақты нәтижеге жұмыс істеу қажеттігін айтты. Сонымен қатар инвестиция көлемін ұлғайту, ауыл шаруашылығы саласын ілгерілету, су ресурстарын тиімді пайдалану, «Таза Қазақстан» экологиялық бағдарламасын жүйелі іске асыру барысын күшейтуді тапсырды.Кеңес барысында Құрылтай депутаттарын сайлауға дайындық мәселесі кеңінен талқыланды.«Сайлауды жоғары деңгейде өткізу әрбір ауылдық округ әкімінің үйлесімді әрі жауапты жұмысына тікелей байланысты. Әсіресе сайлаушылар тізімінің нақтылығына, сайлаудың заңнамалық талаптарға сай ұйымдастырылуына, тұрғындардың белсенді қатысуын қамтамасыз етуге ерекше назар аудару қажет», – деді Марат Елеусізұлы.Жиын қорытындысында облыс әкімі сайлауға дайындық барысын жіті қадағалап, ақпараттық-түсіндіру жұмысын күшейтуді тапсырды.Ақпарат көзі : https://www.gov.kz/memleket/entities/almobl/press/news/details/1271034?lang=ru

Астана, 2026 жылғы 8 тамыз – Қазақстан Республикасының Сыртқы істер министрі Ермек Көшербаев пен Грекия Республикасының Сыртқы істер министрі Георгиос Герапетритис телефон арқылы сөйлесті.Сұхбат барысында министрлер Қазақстан мен Грекия арасындағы ынтымақтастықтың қазіргі жай-күйі мен даму болашағын талқылап, саяси диалогты одан әрі нығайтуға, сауда-экономикалық байланыстарды кеңейтуге және басым бағыттар бойынша өзара іс-қимылды жандандыруға бейілді екендіктерін растады.Тараптар халықаралық энергетикалық жеткізілімдердің тұрақтылығын қамтамасыз ету мәселесіне ерекше назар аударды. Осы тұрғыда тараптар қазақстандық мұнайды әлемдік нарықтарға жеткізудің негізгі бағыттарының бірі болып табылатын Каспий құбыр консорциумы (КҚК) төңірегіндегі ахуал жөнінде пікір алмасты.Е. Көшербаев КҚК инфрақұрылымының үздіксіз жұмыс істеуі мен Еуропа нарығына мұнай жеткізілімдерінің тұрақтылығының маңыздылығын атап өтіп, кеме қатынасының қауіпсіздігі мен теңізде еркін жүзу қағидатын қамтамасыз ету қажеттігін, сондай-ақ консорциум қызметіне қатер төндіруі мүмкін кез келген әрекеттерге жол беруге болмайтынын айтты.Сыртқы саяси ведомстволардың басшылары энергетика саласындағы практикалық ынтымақтастықты одан әрі дамытуға мүдделілігін растап, екіжақты өзара іс-қимылдың қолданыстағы тетіктерін нығайтуға дайын екендіктерін білдірді.Сұхбат соңында Е. Көшербаев тұрақты саяси диалогты жалғастырудың және жоғары деңгейдегі байланыстарды сақтаудың маңыздылығын атап өтті. Ақпарат көзі : https://www.gov.kz/memleket/entities/mfa/press/news/details/1271033?lang=ru

QyzPU базасында студенттерді жатақханамен қамтамасыз ету бойынша Ахуалдық орталық жұмысын бастадыҚазақстан Республикасы Ғылым және жоғары білім министрлігі мен Алматы қаласы әкімдігінің бастамасымен Қазақ ұлттық қыздар педагогикалық университетінің (QyzPU) базасында Студенттерді жатақханамен қамтамасыз ету жөніндегі Ахуалдық орталық жаңа оқу жылы қарсаңында дәстүрлі түрде жұмысын бастады.Алматы қаласы, Бөгенбай батыр көшесі, 142 мекенжайында орналасқан университет ғимаратында ашылған орталықтың негізгі мақсаты – жатақханадан орын таба алмай қалған студенттерге жедел әрі тиімді қолдау көрсету.Жоғары оқу орындарының цифрлық платформалары арқылы жатақханаға орын брондап үлгермеген немесе орналасу барысында қиындықтарға тап болған білім алушылар Ахуалдық орталыққа тікелей жүгіне алады. Орталық мамандары әрбір өтінішті жедел қарап, бос орындар базасы арқылы тиісті жатақханалардан немесе серіктес ұйымдардан уақытша тұру орнын ұсынуға мүмкіндік жасайды.Жедел қызмет көрсету мақсатында орталықта 8 толыққанды жұмыс орны ұйымдастырылған. Әрбір жұмыс орны заманауи компьютерлік техникамен, цифрлық дерекқорларға қолжетімділікпен және бір мезгілде 10 қоңырауды қабылдай алатын көпарналы байланыс жүйесімен жабдықталған. Бұл мамандарға қаладағы жоғары оқу орындарымен және жатақхана әкімшіліктерімен үздіксіз байланыс орнатып, студенттердің мәселелерін жедел шешуге мүмкіндік береді.Сонымен қатар, орталық аумағында студенттер мен келушілер үшін барлық қажетті жағдай қарастырылған. Мұнда өтініш берушілерге арналған күту және демалыс аймағы, оқу бұрышы, кофе-брейк аймағы, сондай-ақ жиналыстар мен жедел брифингтер өткізуге арналған конференц-зал жұмыс істейді.Ахуалдық орталықтың мекенжайы: Алматы қаласы, Бөгенбай батыр 142. Байланыс нөмірі: +7 700 255 14 43+7 700 950 95 28+7 727 237 01 70 Ақпарат көзі : https://www.gov.kz/memleket/entities/sci/press/news/details/1271009?lang=ru

Қазақстандағы зертханалар, сертификаттау және инспекциялық ұйымдар міндетті бағалаудың бір бөлігін қашықтан өте бастады. ҚР СИМ ТКРМ Ұлттық аккредиттеу орталығы 32 қашықтан бағалау жүргізіп, цифрлық формат процедуралардың жоғары деңгейдегі объективтілігін, тәуелсіздігін және сапасын сақтауға мүмкіндік беретінін дәлелдеді. Қашықтан бағалауға өту ұлттық аккредиттеу жүйесін цифровизациялаудың кезекті кезеңі болды. Жаңа механизм бизнес үшін уақыт пен ұйымдастырушылық шығындарды азайтады, әкімшілік жүктемені төмендетеді және мемлекеттік ресурстарды тиімдірек пайдалануға ықпал етеді. Бұл ретте аккредиттеудің тәуелсіздік, құзыреттілік және нәтижелердің шынайылығы сияқты негізгі қағидаттары өзгеріссіз қалады. Сарапшылар атап өткендей, 2026 жылы қашықтан бағалау екінші жоспарлы бағалау кезінде пилоттық режимде жүргізіледі. Ал 2027 жылы Ұлттық аккредиттеу орталығы бұл тәжірибені кеңейтіп, қашықтан бағалау форматын барлық жоспарлы бағалауларға таратуды жоспарлап отыр. Сонымен қатар, бағалауды қашықтық форматында жүргізу міндетті болып табылмайды. Мұндай механизм белгіленген критерийлерге сәйкес келетін және қашықтан өзара әрекеттесу үшін қажетті техникалық мүмкіндіктері бар аккредиттеу субъектілеріне қатысты ғана қолданылады. Жаңа форматты енгізу үшін Орталық әдістемелік құжаттар топтамасын әзірледі, оның ішінде «Қашықтан бағалау» жұмыс нұсқаулығы, бағалаушыларға арналған ұсынымдар және аккредиттеу субъектілеріне арналған кері байланыс сауалнамасы бар. Бұл қашықтан бағалауды жүргізуге бірыңғай, ашық әрі түсінікті тәсілді қамтамасыз етуге, сондай-ақ іс-тәжірибе мен процесс қатысушыларының кері байланысын ескере отырып, механизмді жетілдіруге мүмкіндік береді. Ақпарат көзі : https://www.gov.kz/memleket/entities/mti/press/news/details/1270748?lang=ru

Қазақстан Республикасының 2022–2026 жылдарға арналған Сыбайлас жемқорлыққа қарсы саясат тұжырымдамасына сәйкес қоғамда сыбайлас жемқорлыққа қарсы мәдениетті қалыптастыру, адалдық қағидаттарын орнықтыру, азаматтардың құқықтық сауаттылығын арттыру, сондай-ақ сыбайлас жемқорлықтың кез келген көріністеріне төзбеушілік қағидатын нығайту басым бағыттардың бірі ретінде айқындалған.Ақпарат көзі : https://www.gov.kz/memleket/entities/kostanay/press/news/details/1270705?lang=ru

Радиоэлектроника және байланыс әскери-инженерлік институтының, Сағадат Нұрмағамбетов атындағы Құрлық әскерлері әскери институтының және Талғат Бигелдинов атындағы Әуе қорғанысы күштері әскери институтының қабылдау комиссиялары үміткерлерді конкурстық іріктеуді ұйымдастыруды және өткізуді іске асырады.Барлық жоғары әскери оқу орындарында кәсіби-психологиялық іріктеу өткізілді. Үміткерлер медициналық куәландырудан өтіп, дене шынықтыру деңгейі тексеріледі. Жекелеген мамандықтар бойынша үміткерлер түсу емтихандарын тапсырады.Бүгінгі таңда Радиоэлектроника және байланыс әскери-инженерлік институтына 400 үміткер құжат тапсырды. Конкурстық іріктеу 6 мамандық және 12 біліктілік бойынша жүргізіледі. «Ақпаратты қорғауды ұйымдастыру және технологиясы» және «радиоэлектрондық барлау мен радиоэлектрондық күресті ұйымдастыру» мамандықтары үлкен қызығушылық тудырып отыр.Сонымен қатар, ЖОО-да «Әскери журналистика» және «Әскери дирижерлеу» бағыттары бойынша іріктеу жүргізілуде. Әскери журналистерді даярлау әл-Фараби атындағы Қазақ ұлттық университетімен, ал әскери дирижерлерді Құрманғазы атындағы Қазақ ұлттық консерваториясымен бірлесіп қос дипломдық білім беру форматында жүзеге асырылатын болады.Әуе қорғанысы күштерінің әскери институты 8 мамандық және 16 біліктілік бойынша қабылдауды жүзеге асырады. Қабылдау комиссиясына барлығы 525 өтініш келіп түсті. Олардың басым бөлігі «әскери ұшқыш» және «әскери медицина» мамандықтарына тапсырған. Бұдан бөлек алғаш рет «авиацияны тылдық қамтамасыз ету» және «әуеайлақтық-техникалық қамтамасыз ету» мамандықтары бойынша қабылдау ашылды.Марат Оспанов атындағы Батыс Қазақстан медициналық университетімен бірлесіп әскери білім орындары қос дипломды білім беру форматында әскери-медициналық бағыт бойынша мамандар даярлауды жүзеге асырады. Сол қағида бойынша болашақ Әскери-теңіз күштерінің офицерлері де дайындалады. Алғашқы екі жылда «корабль штурманы» және «дизельді энергетикалық қондырғылар инженері» мамандығын алған курсанттар Әуе қорғанысы күштері әскери институтының базасында оқудан өтеді, үшінші және төртінші курстарда Шахмардан Есенов атындағы Каспий технологиялар және инжиниринг университетінде (Ақтау қ.) оқуын жалғастырады.Үміткерлер арасында ҰБТ-дан жоғары – 100-ден астам балл жинаған талапкерлер де бар. Оқуға түсушілер арасында 20-дан астам мерзімді қызметтегі әскери қызметшілер бар екенін атап өткен жөн. Мәселен, Миржан Сұлтанов «Сарбаз 2.0» бағдарламасы бойынша білім грантын алып, «әскери ұшқыш» мамандығына түсуді жоспарлап отыр.Құрлық әскерлерінің білім ордасында биылғы жылы қабылдау 17 әскери мамандық бойынша жүзеге асырылады. Талапкерлер арасында мотоатқыштар, танк және артиллерия бөлімшелерін басқару мамандықтарына қызығушылық жоғары болып тұр. Инженерлік және техникалық бейіндегі мамандықтарға түсуде де жоғары конкурс болатыны анық.Әскери жоғары оқу орындарының қабылдау комиссиялары жұмысын штаттық режимде жалғастыруда. Конкурстық іріктеудің барлық кезеңдерінен сәтті өткен кандидаттар мандаттық комиссиялардың шешімі бойынша курсанттар қатарына қабылданатын болады. Жастардың әскери білімге деген қызығушылығының артуы әскери қызметтің беделінің өсіп келе жатқанын дәлелдейді және ҚР Қарулы күштерінің кадрлық әлеуетін нығайтуға ықпал етеді.Ақпарат көзі : https://www.gov.kz/memleket/entities/mod/press/news/details/1270625?lang=ru

Алматы облысында биыл жүзден астам нысанның құрылысы басталуы мүмкін. Бұл туралы Құрылысшылар күніне арналған салтанатты шарада облыс әкімі Марат Елеусізұлы айтты. Сондай-ақ сала мамандарының кәсіби еңбегі ескеріліп, құрылыс саласының дамуына үлес қосқан үздіктер марапатталды, – деп хабарлайды Алматы облысы әкімінің баспасөз қызметі.Салтанатты шарада Алматы облысының әкімі Марат Сұлтанғазиев құрылыс саласы еліміздің әлеуметтік-экономикалық дамуының тірегі екенін атап өтті.«Сіздердің тынымсыз еңбектеріңіздің нәтижесінде жаңа тұрғын үйлер, заманауи мектептер мен ауруханалар, сәулетті мәдениет және спорт ошақтары, дамыған инфрақұрылым нысандары бой көтеріп, халқымыздың тұрмыс сапасы артып келеді. Мемлекет басшысы Қасым-Жомарт Тоқаев құрылысшы мамандығын экономиканың негізгі іргетасы және жасампаздық жолы ретінде айрықша бағалап, еліміздің инфрақұрылымын дамытуға қосып жатқан үлесін әрдайым ерекше атап өтеді. Сіздер – ел ертеңінің берік негізін қалап жатқан нағыз майталман мамансыздар», – деген аймақ басшысы Алматы облысында бұл сала жыл өткен сайын қарқынды дамып келе жатқанын атап өтіп, өңір жетістіктері мен алдағы айтулы жобаларға тоқталды.Атап айтқанда, биыл жалпы құны 122,9 млрд теңге болатын 106 нысанның құрылысы жоспарлануда. Жыл басынан бері тұрғын үй көлемі өткен жылдың сәйкес кезеңімен салыстырғанда 221 мың шаршы метрге артып, 843 мың шаршы метрді құрады. Бұл – халықты жайлы баспанамен қамтамасыз ету бағытындағы жүйелі жұмыстың нақты нәтижесі.Қонаев қаласында жаңа әкімшілік орталық қалыптастыру жұмысы жалғасуда. Биыл Ұлттық қауіпсіздік комитеті, экономикалық тергеп-тексеру, облыстық сот, Департаменттер үйі, Полиция департаменті және облыс әкімі аппаратына қарасты ұйымдардың жаңа ғимараттарының құрылысы басталды. Сонымен қатар жеке инвестициялар есебінен Достық үйі мен дене шынықтыру-сауықтыру кешені сияқты маңызды әлеуметтік нысандар бой көтеруде.Білім беру саласында «Келешек мектептері» ұлттық жобасы аясында 26 жаңа мектеп ашылды. «ЕРС+F» тетігі арқылы тағы 5 мектептің құрылысы жоспарланған.Көлік инфрақұрылымын дамыту мақсатында «Қапшағай – Күрті» және «Алматы – Бішкек» автожолдарын қайта жаңғырту жұмысы жүргізілуде. Сондай-ақ «Алматы – Бішкек» автожолының 19-27 шақырымын 8 жолаққа дейін кеңейту жобасы басталды.Денсаулық сақтау саласында «Ауылда денсаулық сақтауды жаңғырту» ұлттық жобасы аясында 37 медициналық нысан пайдалануға берілді. Ал энергетика және инженерлік инфрақұрылым бағытында Қонаев қаласында тәулігіне 30 мың текше метр суды сүзгіден өткізетін кәріз кешенінің құрылысы қарқынды жүргізілуде.«Мұның барлығы – сіздердің кәсіби біліктіліктеріңіз бен адал еңбектеріңіздің жемісі. Сіздер тұрғызған әрбір тұрғын үй, мектеп, аурухана, әкімшілік ғимарат, жол мен инженерлік нысан Алматы облысының өркендеуіне және тұрғындардың әл-ауқатының жақсаруына қызмет етіп келеді», – деді Марат Елеусізұлы.Сонымен қатар құрылыс саласында сапа мен қауіпсіздікті қамтамасыз етуге ерекше көңіл бөлініп жатқанын жеткізді. Айтуынша, биыл біліктілік талаптарына сәйкес келмеген 149 құрылыс компаниясының лицензиялары тоқтатылған. Сондай-ақ заңнама талаптарын бұзған 15 сарапшының аттестатының қолданысы уақытша тоқтатылып, техникалық қадағалау саласындағы 2 сарапшының аттестаты кері қайтарылды. Бұл шаралар саладағы жауапкершілікті күшейтуге және салынып жатқан нысандардың қауіпсіздігін қамтамасыз етуге бағытталған.Марат Сұлтанғазиев шара барысында құрылыс саласына қосқан үлесі үшін бірқатар азаматты «Құрметті құрылысшы» төсбелгісімен, Алматы облысы әкімінің Құрмет грамотасымен және Алғыс хатымен марапаттады.Жиында сала ардагері Анатолий Рябинин құттықтау сөз сөйлеп, әріптестерін кәсіби мерекемен құттықтады.«Бүгінде ауыз толтыра айтатын жетістіктеріміз де, ойланатын мәселелеріміз де бар. Мемлекет басшысы өңірдің дамуына, болашақ қалаларды қалыптастыруға қатысты ауқымды міндеттер қойды. Әрине, бұл – өте үлкен жауапкершілік. Сондықтан алдымызда күш-жігер мен мықты денсаулықты қажет ететін ауқымды жұмыс күтіп тұр.Құрылыс саласы ардагерлерінің абыройлы еңбегін ерекше атап өткім келеді. Бар білімі мен тәжірибесін өңірдің өркендеуіне арнаған олардың өмір жолы қашанда құрметке лайық. Ең бастысы, баршамызға тыныш ғұмыр тілеймін. Бірлік пен бейбітшілік – біздің жетістігіміздің басты кепілі», – деді ардагер.«Мойнақ» ГЭС-інің салынуына ұйытқы болған инженер-энергетик, I дәрежелі «Барыс» орденінің иегері Стахан Белғожаев та жылы лебізін арнап, құрылыс саласының қоғамдағы рөлі жайлы сөз қозғады.Осылайша, сәулеті келіскен қалалар мен зәулім ғимараттарды тұрғызып, халықтың жайлы өмірі үшін тер төккен құрылысшылардың мерейі тасыды.Ақпарат көзі : https://www.gov.kz/memleket/entities/almobl/press/news/details/1270544?lang=ru