Жалпы республикалық имидждік акция аясында азаматтарды қабылдау 2019 жылғы 21 қарашада Мемлекет басшысының «халық үніне құлақ асатын мемлекет» тұжырымдамасын ілгерілету жөніндегі міндеттерін іске асыру аясында Қарасу ауданы әкімдіктерінде Бірыңғай (Ұлттық) азаматтарды қабылдау күні өтті. Аудан, ауыл және ауылдық округі әкімдерімен 69 адам қабылданды. Өтініштердің ең көп саны жолдардың сапасын жақсарту, сумен жабдықтау, жарықтандыру, жұмысқа орналастыру, Денсаулық сақтау, білім беру және т. б. мәселелер болды. Қабылдау аудан әкімі орынбасарларының, мемлекеттік органдар, құқық қорғау құрылымдары, қоғамдық ұйымдар басшыларының қатысуымен, ауыл әкімдері деңгейінде – мектеп және балабақша, мәдениет үйлері директорларының, учаскелік полиция инспекторларының, ветеринарлық дәрігерлердің, пошта өкілдерінің, ФАП немесе медициналық пункт меңгерушілерінің, ірі кәсіпкерлер мен ауыл шаруашылығы тауарын өндірушілердің қатысуымен өткізілді. Қабылдау барысында азаматтар жеке қабылданды, қойылған мәселелерді шешу бойынша толық түсініктемелер берілді.Ақпарат көзі : https://www.gov.kz/memleket/entities/kostanai-karasy-audany-akimat/press/news/details/35045?lang=kk

Мемлекеттік қызмет істері агенттігінің төрағасы Анар Жаилғанова «Россия – страна возможностей» автономды коммерциялық емес ұйымының бас директоры Алексей Комиссаровпен кездесу өткізді.Кездесу кездейсоқ емес. Қазіргі уақытта Ресей Федерациясында болашақ басқарушыларды іріктеу бойынша «Россия — страна возможностей» президенттік платформасының флагмандық жобасы — «Лидеры России» байқауы өтуде.Ресейлік жоба үшінші жыл қатарынан жүзеге асырылуда. Оның басты мақсаты - азаматтардың белсенді бөлігі үшін нақты әлеуметтік лифтілер құру.Тараптар Қазақстандағы Президенттік жастар кадр резервін қалыптастыру бойынша бірқатар мәселелерді талқылады.«Мемлекет басшысы Қасым-Жомарт Кемелұлы Тоқаевтың тапсырмасы бойынша жүзеге асырылып жатқан жоба жоғары технологиялық және өзгермелі ортада жұмыс істеу дағдысы бар жас мамандарды - «Y» буынының өкілдерін мемлекеттік қызметке тарту арқылы жүйелі жаңартулардың катализаторы болуға тиіс.Болашақ резервшілерге мемлекеттік аппарат жұмысының стилін барынша тиімділік, мемлекеттік қызмет көрсетудің жоғары сапасы мен халықпен жұмыс істей білу жағына қарай өзгерту бойынша үміт артылады», - деп атап өтті МҚІА басшысы.Өз кезегінде А. Комиссаров «Лидеры России» байқауының ашықтығы мен айқындылығын қамтамасыз ету шаралары туралы әңгімеледі.Оның айтуынша, байқауға деген сенім бірден пайда бола қойған жоқ, Қазақстандағыдай жобаға қатысушылардың тағдырына қатысты мәселелер өткір тұрды.«Бүгінгі таңда конкурс жеңімпаздарының ішінен 150 адам белгілі бір лауазымдарға тағайындалды. Біз жеңімпаздарға деген қызығушылық жоғары екенін көріп отырмыз... Байқау барынша ашық өтіп жатқанын мақтан тұтамын», - деді ол.«Россия – страна возможностей» автономды коммерциялық емес ұйымының бас директорын кезеңдер, мерзімдер мен іріктелген 300 резервисті одан әрі жұмысқа орналастыру мәселелері ерекше қызықтырды.Кездесуде А. Комиссаров Қазақстанның мемлекеттік қызметін қалыптастыру жүйесі және елдегі кәсіби аппаратты құрудың жетістіктері туралы хабардар болды.Сонымен бірге, МҚІА басшысы алдымыздағы мемлекеттік қызметшілер мен квазимемлекеттік сектор қызметкерлері санының 25% - ға қысқаруы туралы айтты.«Мемлекеттік басқарудың жалпы контекстінде барлық қабылданып жатқан шаралар ықшам, бірақ тиімділігі жоғары және кәсіби мемлекеттік аппарат құруға бағытталған», - деп атап өтті А. Жаилғанова.Кездесу қорытындысы бойынша тараптар екі елдің мемлекеттік қызметінің кадрлық әлеуетін дамытуға бағытталған кәсіби байланыстарды одан әрі нығайтуға дайын екендіктерін білдірді.Бүгін ҚР Білім және ғылым министрлігі, ҚР Ақпарат және қоғамдық даму министрлігі, ҚР Мемлекеттік қызмет істері агенттігі және «Россия – страна возможностей» автономды коммерциялық емес ұйымы арасында ынтымақтастық және кәсіби байланыстарды дамыту туралы Меморандумға қол қойылды.Меморандумда көзделген бірлескен іс-шараларды өткізудің арқасында тараптар арасындағы өзара қызығушылық тудыратын салалардағы кәсіби байланыстардың жаңа деңгейіне қол жеткізіледі деп күтілуде.Ақпарат көзі : https://www.gov.kz/memleket/entities/zhetysu-kerbulak/press/news/details/35044?lang=kk

2019 жылдың 26 қарашасында сағат 15.00-де Қазақстан Республикасы Мемлекеттік қызмет істері агенттігінің Алматы облысындағы Әдеп жөніндегі кеңес мүшесі Римма Аждарқызы Салықова Кербұлақ ауданының орталығы Сарыөзек ауылында азаматтарды жеке қабылдау мен ашық есік күнін өткізеді.Ақпарат көзі : https://www.gov.kz/memleket/entities/zhetysu-kerbulak/press/news/details/35040?lang=kk

Ағымдағы жылдың 13 қарашасында облыстық балалар мен жасөспірімдер туризмінің орталығы оқушылар арасында өлкенің тарихи-мәдени мұрасын насихаттау, олардың ізденушілік, ғылыми-зерттеу жұмыстарының белсенділігін арттыру және білім берудің, тәрбиелеудің кеңістігі ретінде мектеп музейі қызметін қалыптастыра отырып, Үздік гид-экскурсоводты анықтау мақсатында «Ең үздік гид экскурсовод» облыстық сайысын өткізді.Сайысқа әр аудан, қаладан барлығы 11 оқушы қатысты.  Қатысушылар «Үздік музей таныстырушы» және «Экскурсоводтың жеке шығармашылығы» номинациялары бойынша өз бақтарын сынады.«Үздік музей таныстырушы» номинациясында оқушылар өздері білім алатын оқу орнындағы музейді бейнеролик арқылы таныстырды. Номинация барысында Түпқараған ауданының қатысушысы Амангелді Нұрай түркітанушы ғалым Ғұбайдұлла Айдаров атындағы мектеп  музейін 3 тілде түсіндіру арқылы ерекшеленді.Ал «Экскурсоводтың жеке шығармашылығы» номинациясында қатысушылар Маңғыстаудың тарихи-мәдени орындарында туризмді дамыту бойынша өз шығармашылығынан дайындалған туындымен (макет, жарнамалық буклеттер) таныстырды.Сайыс қорытындысы бойынша жеңімпаз атанған оқушылар төмендегідей номинациялар бойынша марапатталды.«Үздік музей таныстырушы» номинациясы бойынша:І орын – Түпқараған ауданы, Ғ. Айдаров атындағы №1, «Шахта» орта мектебінің оқушысы Амангелді Нұрай;ІІ орын – Ақтау қаласы С. Қондыбай атындағы №22 орта мектебінің оқушысы Иманғали Анел;II орын – Мұнайлы ауданы, №10 орта мектебінің оқушысы Сейіт Мақсат;ІІІ орын- Бейнеу ауданы, «Атамекен» орта мектебінің оқушысы Парахатов Нұрсұлтан;ІІІ орын- Маңғыстау ауданы,  А. Өтепбергенов атындағы орта мектебінің оқушысы Әділжанқызы Гүлназ;«Экскурсоводтың жеке шығармашылығы» номинациясы бойынша:І орын – Мұнайлы ауданы, №4 орта мектебінің оқушысы Ақмұрат Бекболат;ІІ орын – Бейнеу ауданы, «Атамекен» орта мектебінің оқушысы Кенжебаев Жандос;II орын – Түпқараған ауданы, «Шахта» орта мектебінің оқушысы Төлепова Гүлжазира;ІІІ орын – Маңғыстау ауданы,  А. Өтепбергенов атындағы орта мектебінің оқушысы Құлтөреева Гүлімай;ІІІ орын – Ақтау қаласы №3 орта мектебінің оқушысы Утебаева Әсел;Ақпарат көзі : https://www.gov.kz/memleket/entities/mangystau-edu/press/news/details/35012?lang=kk

Бірыңғай (Ұлттық) азаматтарды қабылдау күні  - республикалық  іс-шараның шеңберінде 2019 жылдың 21 қарашасында сағат 10-00-ден Қазақстан Республикасы прокуратура органдарының басшылары азаматтарды жеке мәселелерімен қабылдайды.Облыс прокуроры А.С.Жылқыбаев азаматтарды қабылдауды Талдықорған қаласы, Абылай хан көшесі, 113 (ӘКК «Жетісу» ғимараты) мекен-жайында орналасқан Алматы облысы прокуратурасының Құқық қорғау қызметтері орталығында өткізеді.Қабылдауға алдын ала жазылу Құқық қорғау қызметтері орталығында немесе 8 (7282) 41-32-80 телефоны арқылы жүргізіледі.Аудандық бөлімдерде қабылдау орны мен жазылу жолдары жайлы www.alm.prokuror.gov.kz  сайтынан біле аласыздар.Ақпарат көзі : https://www.gov.kz/memleket/entities/zhetysu-kerbulak/press/news/details/35011?lang=kk

Кербұлақ ауданында  Жалпы республикалық "Халық заңгері" акциясы өтедіАғымдағы жылдың 22 қарашасында сағат 17.00-ден 20.00-ге дейін Кербұлақ аудандық Халыққа қызмет көрсету орталығында "Халық заңгері" кең ауқымды республикалық акциясы өтеді. Кездесуге келген ауданның кез келген тұрғыны адвокаттардан, нотариустардан, прокурор қызметкерлерінен, тергеушілерден, сот орындаушыларынан, полиция және  көші-қон полициясы қызметкерлерінен, мемлекеттік органдардан жоғары білікті заң кеңесін алады. Сонымен қатар, акцияға аудан әкімі аппаратының басшысы, аудан әкімі аппаратының құқық мәселелері жөніндегі инспекторы және аудандық бөлім басшылары қатысады. Көптеген азаматтар заңгерлерге ақылы көмек көрсетуге мүмкіндігі жоқ және осы акцияның арқасында біздің аудан тұрғындары осындай мүмкіндік алады. Акция қатысамын деген тілек білдіруші азаматтарды күтеміз.Ақпарат көзі : https://www.gov.kz/memleket/entities/zhetysu-kerbulak/press/news/details/35010?lang=kk

«Халық үніне құлақ асатын мемлекет» тұжырымдамасын ілгерілету аясында ағымдағы жылы 21 қараша күні Бірыңғай (Ұлттық) азаматтарды қабылдау күні жалпы республикалық іс-шарасы ұйымдастырылады.Осыған байланысты 2019 жылы 21 қарашада сағат 09.00-де Кербұлақ ауданының әкімі М.С.Бигелдиев азаматтарды жеке мәселелері бойынша қабылдау жүргізеді.Қабылдауға алдын ала жазылу 8/72840/ 31-0-08, 31-6-74 телефондары бойынша жүргізіледі.Сонымен қатар, барлық ауылдық округтерінің әкімдері азаматтарды жеке мәселелері бойынша қабылдау жүргізеді.Азаматтарды қабылдау төмендегі мекен-жайларда өткізіледі:1.Сарыөзек ауылы, Б.Момышұлы көшесі, 10-үй, аудандық әкімдіктің ғимараты.2.Сарыөзек ауылы, Вожакин көшесі, 2-үй, Сарыөзек ауылдық округі әкімі аппаратының ғимараты.3.Сарыбастау ауылы Абай көшесі, 1-үй, Сарыбастау ауылдық округі әкімі аппаратының ғимараты.4. Қарашоқы ауылы, Құлжабай би көшесі, 39-үй, Қарашоқы ауылдық округі әкімі аппаратының ғимараты.5. Жоламан ауылы, Жоламан көшесі, 4-үй, Жоламан ауылдық округі әкімі аппаратының ғимараты.6. Қарағаш ауылы, Абай көшесі, 1-үй, Сарыбұлақ ауылдық округі әкімі аппаратының ғимараты.7. Қызылжар ауылы, Алтынсарин көшесі, 27-үй, Қызылжар ауылдық округі әкімі аппаратының ғимараты.8. Қаспан ауылы, Әуезов көшесі, 2-үй, Қаспан ауылдық округі әкімі аппаратының ғимараты.9. Шанханай ауылы, Шоқан көшесі, 45а-үй, Шанханай ауылдық округі әкімі аппаратының ғимараты.10. Алтынемел ауылы, Қабанбай батыр көшесі, 1а-үй, Алтынемел ауылдық округі әкімі аппаратының ғимараты.11. Басши ауылы, Асқарбек көшесі, 27а-үй, Басши ауылдық округі әкімі аппаратының ғимараты.12. Жайнақ батыр ауылы, Балпық би көшесі, 49-үй, Жайнақ батыр ауылдық округі әкімі аппаратының ғимараты.13. Қоғалы ауылы, Желтоқсан көшесі, 161-үй, Қоғалы ауылдық округі әкімі аппаратының ғимараты.14. Талдыбұлақ ауылы, Әуезов көшесі, 1-үй, Талдыбұлақ ауылдық округі әкімі аппаратының ғимараты.15. Шұбар ауылы, Абай көшесі, 49-үй, Шұбар ауылдық округі әкімі аппаратының ғимараты.16. Көксу ауылы, Ш.Уәлиханов көшесі, 2-үй, Көксу ауылдық округі әкімі аппаратының ғимараты.Ақпарат көзі : https://www.gov.kz/memleket/entities/zhetysu-kerbulak/press/news/details/35009?lang=kk

Сіздерді барша қазақстандықтарды ортақ құндылықтар төңірегіне топтастыратын, халқымыздың бірлігі мен татулығын, еліміздің тұрақтылығы мен қарқынды дамуын айшықтайтын айтулы мереке – Астана күнімен шын жүректен құттықтаймын!Астана – еліміздің әкімшілік және саяси орталығы ғана емес, сонымен қатар ауқымды реформалар мен оң өзгерістердің, тұрақты дамудың және жасампаз еңбектің жарқын көрінісі. Бас қаланың жетістіктері – азаматтардың әл-ауқатын арттыруға, экономиканы нығайтуға және әрбір адамның өмір сүруі мен өзін-өзі жүзеге асыруына қолайлы жағдай жасауға бағытталған мемлекеттік саясаттың нақты нәтижесі.Биылғы мерекенің маңызын 1 шілдеден бастап жаңа Конституцияның күшіне енуі одан әрі айқындай түседі. Жаңартылған Ата Заң құқық үстемдігі, әлеуметтік әділеттілік, жауапкершілік және азаматтардың құқықтары мен бостандықтарын қорғау қағидаттарын нығайтып, мемлекеттің одан әрі дамуының жаңа бағдарын белгілейді. Бұл – қоғамдық келісім мен орнықты дамуға негізделген қуатты әрі заманауи мемлекет құру жолындағы маңызды қадам.Бүгінде еліміз бен ауданымыздың одан әрі өркендеуі әрқайсымыздың адал еңбегімізге, азаматтық жауапкершілігімізге, заңға деген құрметімізге және қоғам өміріне белсенді қатысуымызға тікелей байланысты. Бұл ретте жастарға үлкен үміт артылады. Өйткені елдің ертеңі – білімді, бастамашыл әрі отаншыл жас ұрпақтың қолында.Осы мерекелі күні баршаңызға зор денсаулық, отбасыларыңызға амандық, бақ-береке, ел бірлігі мен тұрақтылық тілеймін. Астана күні жаңа жетістіктерге жетелеп, туған еліміздің өсіп-өркендеуіне бағытталған игі істерге шабыт бере берсін! Аудан әкімі                                                                               Қ. МыржақыповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1253816?lang=ru

Мемлекет басшысының 2019 жылғы 2 қыркүйектегі «Сындарлы қоғамдық диалог – Қазақстанның тұрақтылығы мен өркендеуінің негізі» атты Қазақстан халқына Жолдауын іске асыру жөніндегі жалпыұлттық іс-шаралар жоспарының 79-тармағын (тұрғандарды есепке алудың бірыңғай ұлттық жүйесін құру) орындау үшін, техникалық жұмыстардың жүргізілуіне байланысты «Мемлекеттік тұрғын үй қорынан берілетін тұрғын үйге немесе жеке тұрғын үй қорынан жергілікті атқарушы орган жалдаған тұрғын үйге мұқтаж азаматтарды есепке алу және кезекке қою, сондай-ақ жергілікті атқарушы органдардың тұрғын үй беру туралы шешім қабылдауы» мемлекеттік көрсетілетін қызмет бойынша өтініштерді қабылдау ағымдағы жылдың 3-13 желтоқсанына дейін уақытша тоқтатылатынын хабарлаймыз.  Ақпарат көзі : https://www.gov.kz/memleket/entities/zhetysu-kerbulak/press/news/details/35802?lang=kk

Қоғамдық кеңестің кезекті отырысын өткізу туралы«Қоғамдық кеңестер туралы» Қазақстан Республикасының 2015 жылғы    2 қарашадағы № 383-V Заңына сәйкес, Алматы облысы, Кербұлақ ауданы, Сарыөзек ауылы, Б. Момышұлы №10 мекен-жайында орналасқан Кербұлақ ауданының маслихатының ғимаратында, ағымдағы жылдың      11 қарашасында сағат 16:00 де, Қербұлақ ауданының қоғамдық кеңесінің кезекті отырысы өткізіледі.Қоғамдық кеңес хатшысы                                        Д. ҚастеевАқпарат көзі : https://www.gov.kz/memleket/entities/zhetysu-kerbulak/press/news/details/35006?lang=kk

Жаңа бизнес-идеяларды іске асыру үшін мемлекеттік гранттар алу конкурсына қатысу үшін қажетті құжаттар тізбесі: 1) нысан бойынша Жаңа бизнес-идеяларды іске асыру үшін шағын кәсіпкерлік субъектілеріне мемлекеттік грант алу үшін өтінім (веб-бөлікте орналастырылған: www.industry.gov.kz);2) заңды тұлғаны мемлекеттік тіркеу туралы куәліктің көшірмесі/жеке кәсіпкерді тіркеу туралы хабарлама;3) өтініш берген күнге дейін күнтізбелік 30 (отыз) күннен кешіктірмей берілген бюджетке төленетін міндетті төлемдер бойынша берешектің жоқтығы туралы анықтама;4) басшының қолымен және өтініш берушінің мөртаңбамен (болған жағдайда) расталған, өтінім беру сәтіндегі жалдамалы жұмыскерлердің орташа саны туралы анықтама;5) бизнес-жоба;6) көрсетілетін қызметті алушының Бағдарлама және (немесе) «Еңбек» нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған мемлекеттік бағдарламасы шеңберінде оқудан өткендігін растайтын құжаттың ескіру мерзімі 2 (екі) жылдан аспайтын көшірмесі;7) көрсетілетін қызметті алушының ағымдағы шотында берілетін мемлекеттік грант көлемінің кемінде 10% ақша қаражатының болуы туралы банктік шоттан үзінді көшірме немесе жылжымалы және/немесе жылжымайтын мүліктің бағалау құнын растайтын құжаттар;8) көрсетілетін қызметті алушының атынан өтінім беру құқығына сенімхат, сенім білдірілген адамның паспортының көшірмесі (заңды тұлға атынан – заңды тұлға растаған).Ақпарат көзі : https://www.gov.kz/memleket/entities/zhetysu-kerbulak/press/news/details/34998?lang=kk

Конкурсты ұйымдастырушы: «Алматы облысының кәсіпкерлік және индустриялық-инновациялық даму басқармасы» мемлекеттік мекемесіОрналасқан жері: Қазақстан Республикасы, 040000, Алматы облысы, Талдықорған қаласы, Қабанбай Батыр көшесі, 26;Пошталық мекенжайы: Қазақстан Республикасы, 040000, Алматы облысы, Талдықорған қаласы, Қабанбай Батыр көшесі, 26;Электрондық пошта мекенжайы: upiir@industry.gov.kz;Байланыс телефоны: 8 (7282) 329558;Конкурс нысанасы: "Бизнестің жол қартасы-2020" бизнесті қолдау мен дамытудың мемлекеттік бағдарламасы шеңберінде шағын кәсіпкерлік субъектілеріне, оның ішінде ісін жаңа бастаған кәсіпкерлерге, жас кәсіпкерлерге, әйелдерге, мүгедектерге және 50 жастан асқан адамдарға (өз бизнесін құруға) мемлекеттік гранттар беру.Конкурс нысаны: ашық конкурс.Конкурсқа қатысу үшін өтінім берілетін жер: Қазақстан Республикасы, 040000, Алматы облысы, Талдықорған қаласы, Қабанбай Батыр көшесі, 26;Конкурстық құжаттаманы ұсыну тәртібі: конкурсқа қатысу үшін үміткерлер көрсетілген мекенжайға өзі, пошта арқылы немесе өзінің өкілетті өкілі арқылы бекітілген нысан бойынша конкурстық өтінім мен толық құжаттама топтамасын береді.Конкурстық құжаттаманы ұсыну мерзімі: 2019 ж. "5" тамыздан бастап 2019 ж. "16" тамыз аралығында, жұмыс күндері сағат 9.00-ден 17.30-ге дейін (жергілікті уақытпен) сағат 13.00-ден 14.30-ға дейінгі түскі үзіліспен.Өтінімдерді беру басталатын күні мен уақыты: 2019 ж. "5" тамыз сағат 9.00 (жергілікті уақытпен)Өтінімдерді беру аяқталатын күні мен уақыты: 2019 ж. "16" тамыз сағат 13.00 (жергілікті уақытпен)Көрсетілген мерзім өткеннен кейін түскен өтінімдер қабылданбайды. Осы хабарландырумен және конкурстық құжаттамамен www.industry.gov.kz сайтында танысуға болады.Ақпарат көзі : https://www.gov.kz/memleket/entities/zhetysu-kerbulak/press/news/details/34997?lang=kk

24 маусым 2019 жылы  Кербұлақ ауданында мүмкіндігі шектеулі жандар мен  жұмыссыз азаматтарға арналған кезекті бос жұмыс орындары  жәрмеңкесі өткізілді. Жәрмеңкеде  198 бос жұмыс орны ұсынылды. Ақпарат көзі : https://www.gov.kz/memleket/entities/zhetysu-kerbulak/press/news/details/34995?lang=kk

Хабарландыру!Кербұлақ ауданы бойынша мемлекеттік кірістер басқармасы (әрі қарай - Басқарма) Кербұлақ ауданы бойынша МКБ басшысының 30.04.2019 ж. №П-20 бұйрығына сәйкес, Басқармада 8/72840/ 31145 нөмірі бойынша сенім телефоны жұмыс жасайтынын хабарлайды.Сенім телефоны бойынша азаматтардан келіп түскен заң бұзушылық, оның ішінде мемлекеттік кірістер органдарының қызметкерлері жол берген қылмыстарды жасыру туралы хабарлар қабылданады.Сенім телефонына азаматтардан келіп түсетін хабарларды қабылдау жұмыс уақытында сағат 09-00-ден 18-30 мин. дейін жүргізіледі.Ақпарат көзі : https://www.gov.kz/memleket/entities/zhetysu-kerbulak/press/news/details/34994?lang=kk

2019 жылдың 14 ақпаны күні Қызылорда облысының мәдениет, архивтер және құжаттама басқармасының ұйымдастыруымен Жастар жылына және Әйтеке бидің 375 жылдығына арналған «Жастар жырлайды» атты республикалық  ақындар айтысы өткізілді.Аламан бәйгеде облыс әкімінің орынбасары Руслан Рүстемұлы сөз алып, шешен-бидің өнегелі өмірі мен тағылымды ой-пікірін көпке үлгі етіп, қатысушы ақындарға шабыт тіледі.Жыр додасына республикаға танымал Аспанбек Шұғатаев (Павлодар қаласы), Рүстем Қайыртайұлы (Алматы қаласы), Аруна Керімбек (Тараз қаласы), Біржан Байтуов (Шымкент қаласы), Дәурен Ысқақ  (Астана қаласы), Райымбек Өтепов (Орал қаласы) және Сыр елінен Нұрмат Мансұров, Сырым Әділбек, Нұрзат Қару, Бексұлтан Орынбасаровтар қатысып, бақ сынады.Аламан бәйгені екі дүркін «Алтын домбыра» иегері Мұхтар Ниязов жүргізді.Сонымен қатар, айтысқа қатысушы ақындардың өнерін бағалау үшін, қазылар алқасының төрағасы Жүрсін Ерман бастаған «Айқын» газетінің бас редакторы Нұртөре Жүсіп, «Ана тілі» газетінің бас редакторы Жанарбек Әшімжан, жазушы-журналист Айжарық Сәдібекұлы және айтыскер ақын Кенжебай Жүсіповтер қазылық етті.Қазылар алқасының шешімімен аламан айтыстың Бас жүлдесін жерлесіміз Нұрмат Мансұров еншілесе, I орын – Алматы қаласынан Рүстем Қайыртайұлы, II орын – Шымкент қаласынан Біржан Байтуов, III орын – Тараз қаласынан Аруна Керімбек және Павлодар қаласынан Аспанбек Шұғатаевтарға бұйырды. Сондай-ақ, облыстық жастар саясаты мәселелері басқармасының «Жастар жүлдесі» номинациясымен Орал қаласынан келген жас ақын Райымбек Өтепов марапатталды.Ақпарат көзі : https://www.gov.kz/memleket/entities/kyzylorda-cultura-arhiv/press/news/details/34966?lang=kk

Үстіміздегі жылдың 8 ақпаны күні Қызылорда облысы әкімінің кеңесшісі Е.Абдрахмановтың қатысуымен Қызылорда облысының мәдениет, архивтер және құжаттама басқармасының кеңейтілген алқа мәжілісі болып өтті. Мәжіліс барысында басқарманың 2018 жылы атқарған жұмысының қорытындысы мен 2019 жылғы міндеттері талқыланды. Алқа мүшелерімен  басқарманың 2019 жылға арналған жұмыс жоспары мақұлданып, бекітуге ұсынылды. Басқарманың өткен жылы атқарған жұмыстары мен алдағы міндеттері туралы Қызылорда облысының мәдениет, архивтер және құжаттама басқармасының басшысы, алқа төрағасы М.Әбуова, облыстағы музейлер мен архивтердің жұмысы және оларды қосу жолымен оңтайландыру барысы туралы Қызылорда облыстық тарихи-өлкетану музейінің басшысы Б.Бекмамбет мен Қызылорда облысының мемлекеттік архивінің басшысы Н.Қуанышева және Сырдария, Қармақшы аудандарындағы мәдениет саласы бойынша 2018 жылы атқарылған жұмыстарының қорытындылары және 2019 жылға міндеттері туралы тиісті аудандардың мәдениет және тілдерді дамыту бөлімдерінің басшылары баяндама жасады.        Алқа отырысында сала қызметкерлерін марапаттау рәсімі болып өтті:- Қазақстан Композиторлар және Журналистер Одағының мүшесі, күйші-композитор, өнер зерттеуші Нұржанов Балтабай Сәрсенбайұлы Қазақстан Республикасы Мәдениет және спорт министрлігінің «Мәдениет саласының үздігі» төсбелгісімен және Қызылорда облысының Құрмет грамотасымен;  - Шиелі ауданы, Ыбырай Жақаев атындағы күріш өсіру тарихы музейінің директоры Ыханова Құттықыз Шайыққызы Қазақстандық салалық мәдениет, спорт, туризм және ақпарат қызметкерлері кәсіподағының «Еңбек даңқы» төсбелгісімен;    - Ә.Тәжібаев атындағы облыстық әмбебап ғылыми кітапханасының кітапханашылары Цой Татьяна Дмитриевна мен Салиева Оразкүл Иярқызы Қазақстан Республикасы Ұлттық кітапханасының «Кітапхана ісінің үздігі» төсбелгісімен;Сондай-ақ, Сыр өңірінің рухани-мәдени саласының дамуына қосқан ерекше үлесі үшін саланың 15 қызметкері облыс әкімінің Алғыс хатымен, 27 қызметкер облыс әкімі орынбасарының Алғыс хатымен және 31 қызметкер Қызылорда облысының мәдениет, архивтер және құжаттама басқармасы басшысының Алғыс хатымен марапатталды.Ақпарат көзі : https://www.gov.kz/memleket/entities/kyzylorda-cultura-arhiv/press/news/details/34965?lang=kk

2019 жылдың 21 қарашасында Мемлекет басшысының «халық үніне құлақ асатын мемлекет» халыққа жақынырақ болу идеясын қолдау мақсатында, азаматтарды қабылдаудың бірыңғай ұлттық күні аясында қала әкімі Қ.Ахметов азаматтарды қабылдады. Барлығы 107 адам жазылды, олардың 95 келді. Жазылған адамдардың көптігіне байланысты, халыққа теледидардан түрлі әлеуметтік роликтерді көріп отыратын ыңғайлы күту залын, сол ғимараттың екінші қабатындағы асханада бауырсақпен ыстық шай мен кофені ұйымдастырдық.Қабылдау барысында түрлі мәселелер қаралды, онда барлық қалалық қызметтердің бірінші басшылары қатысып отырды. Азаматтарға түсіндірулер, заңгерлік кеңестер берілді. Шешімі үшін қосымша уақыт қажет болатын мәселелер бойынша тиісті қызметтерге тапсырма берілді. Азаматтар дені жер, көше жарығы, жол құрылысы, жолаушылар тасымалы, тұрғын үй мәселесін көтерді. Ақпарат көзі : https://www.gov.kz/memleket/entities/kostanai-kalasy-akimat/press/news/details/34958?lang=kk

Қазақстанның Экология, геология жəне табиғи ресурстар министрі Мағзұм Мырзағалиев "еститін мемлекет" тұжырымдамасын ілгерілету шеңберінде ұйымдастырылған Азаматтарды бірыңғай ұлттық қабылдау күнінде экология, қоршаған ортаны қорғау мəселесі толғандыратын қазақстандықтарды қабылдады.Азаматтар қойған сауалдардың ішінде мұнай тұнбаларын жою, су қоймаларын тазалау, қорықшылық қызмет жəне басқа да мəселелер бар."Барлық сұрақтарға түсіндірулер беріліп, кейбіреулері бойынша салалық комитеттерге неғұрлым кеңірек жұмыс істеуді тапсырдым. Өңірлердегі қабылдауларды экологиялық департаменттер басшылары жүргізді. Азаматтарды қабылдау тəжірибесі біздің ведомство үшін дəстүрге айналып, еститін мемлекет тұжырымдамасының нақты көрінісі болмақ",-деп жазды М. Мырзағалиев твиттерде азаматтарды қабылдау қорытындысы бойынша.Мəселен, Балтабеков Арманды Қазақстанның су қоймаларын биологиялық тазарту бойынша министрліктің қандай іс-шаралар жүргізіп жатқаны қызықтырады. Министр су қоймаларын тазарту қызметі ағымдағы жылы Су ресурстары комитетіне берілгенін түсіндірді. Қазіргі уақытта су қоймаларындағы төменгі шөгінділерді тазалау іс-шаралары жоспарын құру жұмыстары жүргізілуде. Еліміздің өңірлеріндегі қабылдауларды экология департаменттерінің басшылары өткізді.Ақпарат көзі : https://www.gov.kz/memleket/entities/ecogeo/press/news/details/34954?lang=kk

Қызылорда облысында шағын және орта бизнеспен айналысатын кәсіпкерлердің саны 1393-ке көбейді. Жыл басында тіркелген шағын және орта кәсіпкерлік субьектілерінің ішінде жұмыс істеп жүргендерінің үлесі 86,32 пайызға ұлғайды.Бұл туралы Өңірлік коммуникациялар қызметінің ақпарат алаңында облыстық кәсіпкерлік және туризм басқармасының басшысы Қожабергенов Фердоуси мәлімдеді. «Биыл аймақта жастарды қолдау мақсатында мемлекеттен гранттар беру конкурсын өткізу үшін жиырма бір миллион теңге қаржыландыруға берілді. Конкурсқа қатысуға 473 шағын кәсіпкерлік субьектілері өтінім түсіп, оның 84-і қаржылай қолдау тапты. Соның ішінде 44 жоба жас кәсіпкерлерге тиесілі»,- деді Фердоуси Әбілқасымұлы.Сондай-ақ, бүгін «Байқоңыр Star-UP 3» бизнес-идеялар конкурсы өтеді. Шарада аймақ жастары өз бизнес жоспарларын ұсынады. Ақпарат көзі : https://www.gov.kz/memleket/entities/kyzylorda/press/news/details/34879?lang=kk

«Fly Arystan» әуе компаниясы 2020 жылдан бастап «Алматы–Қызылорда-Алматы», «Нұр-Сұлтан-Қызылорда-Нұр-Сұлтан» бағытында тұрақты рейсін енгізді. Билет құны 5 999 теңгеден басталады. Бұл туралы облыстық жолаушылар көлігі басқармасы хабарлады. «Қызылорда қаласының тұрғындары мен қала қонақтары, келер 2020 жылдың наурыз айынан бастап «Fly Arystan» әуе компаниясының рейстері ашылады», – делінген хабарламада. Айта кетейік, рейс жиелігі аптасына 7 рет. Билеттер қаңтар айынан бастап сатылымда болады.  Ақпарат көзі : https://www.gov.kz/memleket/entities/kyzylorda/press/news/details/34878?lang=kk