Су ресурстары және ирригация министрі Нұржан Нұржігітов Жамбыл облысының Мойынқұм ауданы мен Түркістан облысының Созақ ауданының тұрғындарымен кездесті. Министр екі өңірдің халқымен Шу өзенінің суын бөлу мәселесін талқылады, ұсыныстарын тыңдап, азаматтардың сұрақтарына жауап берді.Сондай-ақ, Нұржан Нұржігітов Мойынқұм ауданындағы Фурманов су торабынан Созақ ауданына су жіберетін ұзындығы 120 шақырым айналма каналды қарап, нысанды реконструкциялау үшін құжаттарын дайындауды тапсырды.Шу-Талас бассейндік инспекциясының өкілдері Шу өзеніндегі Тасөткел су қоймасынан су жіберіле бастағанын мәлімдеді. Бұл су Созақ ауданына ақпан айында толық көлемде жетеді деп күтілуде. Министр келесі жылы осы жұмыстардың нәтижесімен танысу үшін келетінін айтты.«Мен осыған дейін де Тасөткел су қоймасында болғанмын. Оны реконструкциялау іс жүзінде аяқталды, шынымен де үлкен жұмыс жасалды. Екі-үш жыл ішінде біз оған 620 млн текше метр су жинаймыз. Осылайша, Шу өзенінің төменгі ағысындағы су көлемі артады. Бұл су Жамбыл облысына да, Созақ ауданына да жетеді», – деді Су ресурстары және ирригация министрі Нұржан Нұржігітов.Ақпарат көзі : https://www.gov.kz/memleket/entities/water/press/news/details/894072

2024 жылғы 30 қарашада Қазақстан Республикасы Экология және табиғи ресурстар вице-министрі Нұркен Шәрбиев Қызылорда облысының тұрғындарымен және үкіметтік емес ұйымдарының өкілдерімен кездесу өткізді. Кездесуде аймақтың экологиялық жағдайы және қоршаған ортаны жақсарту бойынша министрлік қабылдап жатқан шаралар талқыланды.Қызылорда облысының экологиялық жағдайы жалпы алғанда салыстырмалы түрде қолайлы.2024 жылдың 9 айында облыста 227 мың тонна өндірістік қалдықтар пайда болды, оның 30 пайызы (68,4 мың тоннасы) қайта өңделіп, кәдеге жаратылды. Қатты тұрмыстық қалдықтарды (ҚТҚ) орналастыруға арналған 145 нысанның тек 7-еуі (4,8 %) экологиялық стандарттарға сәйкес келеді. Сонымен қатар, 120 рұқсат етілмеген қоқыс орны жойылып, «Геопортал» жүйесіне енгізілді.Аймақта экологиялық жағдайды жақсартуға бағытталған бірқатар жобалар жүзеге асырылуда. Соның ішінде Қызылорда қаласындағы ағын суларды биологиялық тазарту станциясын жаңғырту жобасы бар. Қазіргі уақытта станция тәулігіне 35–38 мың м³ ағын суды қабылдайды, алайда биологиялық тазарту қондырғыларының тозуына байланысты бұл процесс жүзеге аспай отыр. Құны 2,7 млрд теңгені құрайтын жоба республикалық және облыстық бюджет қаражаты есебінен жүзеге асырылуда.Бұрынғы ЖЭО-6 күл үйінділерін қалпына келтіру 42 га аумақта жүргізілуде, онда 1 миллион тоннадан астам көмір күлі жиналған. «Гежуба Шиелі Цемент» ЖШС-мен бірлесіп, бұл қалдықтарды цемент өндіруде пайдалану қолға алынған, қазіргі таңда 23 845 тонна күл өңделген.Көгалдандыру жұмыстары аясында 145 мыңнан астам ағаш көшеті отырғызылып, 47,5 мың га аумақ тазартылды. Арал өңірін қалпына келтіру аясында 2024 жылы 275 мың га жерде орман мелиорациясы жұмыстары жүргізілді. Сонымен қатар, заңсыз ағаш кесудің 6 жағдайы анықталып, құқық қорғау органдарына материалдар жіберілді.«Таза Қазақстан» республикалық экологиялық акциясы аясында ызылорда облысы бойынша 630 мыңнан астам адам сенбіліктерге қатысып, шаралар барысында 24 мың тоннадан астам қоқыс шығарылды, бұл аймақтың санитарлық жағдайын айтарлықтай жақсартты.Министрлік өңірдің экологиялық мәселелерін кешенді шешуге бағытталған жол картасын іске асыруды жалғастыруда. Жол картасы аясындағы 52 іс-шараның 17-сі орындалды, қалғаны жоспарлы түрде жүзеге асырылуда.Сондай-ақ, кездесу барысында азаматтарды жеке қабылдау және өңірлік бұқаралық ақпарат құралдарының өкілдерімен брифинг өткізілді.Ақпарат көзі : https://www.gov.kz/memleket/entities/ecogeo/press/news/details/894066

Қозыбаев университеті қытайлық серіктестермен ғылыми байланыстарды нығайтудаӘкім Ғауез Нұрмұхамбетов бастаған Солтүстік Қазақстан облысының делегациясы Қытайға ресми сапары аясында Шэньси провинциясында болды. Сиань қаласында өңірлер арасындағы әріптестікті нығайтуға бағытталған негізгі кездесулер өтті. Облыстық делегация құрамында Қозыбаев университетінің Басқарма Төрағасы – Ректоры Ербол Исақаев және Агротехнологиялық факультетінің деканы Алтын Шаяхметова бар.Сапар барысында аймақ үшін жаңа мүмкіндіктер ашатын, Қозыбаев университетінің ғылыми және білім беру жобаларын дамытатын бірқатар келісімдерге қол қойылды. Бұл уағдаластықтар бірлескен зерттеулерді іске асыруға, студенттер мен оқытушылардың академиялық ұтқырлығына, озық технологияларды енгізуге және Солтүстік Қазақстанның аграрлық секторына инвестициялар тартуға бағытталған.7 жылдан астам уақыт бойы ЖОО Қытайдың жетекші ғылыми және білім беру орталығы – Солтүстік-батыс ауыл шаруашылығы және орман шаруашылығы университетімен (СБАШОШУ) стратегиялық серіктестікті жүзеге асырып келеді. Ол инновациялық технологиялар мен су ресурстарын басқару саласындағы озық әзірлемелерді жүргізеді. Жоғары оқу орындары арасындағы ынтымақтастық қазірдің өзінде едәуір нәтижелерге қол жеткізді: магистратураның қос дипломды бағдарламалары ашылды, студенттермен академиялық алмасу белсенді жүзеге асырылады, дақылдарды сорттық сынау бойынша екіжақты зерттеулер жүргізіледі, СҚО-да су ресурстары орталығы мен Агрокомпетенциялар орталығы ашылды.Енді Шэньси провинциясындағы СБАШОШУ базасында Қытай-Қазақстан мал шаруашылығы бойынша бірлескен зертхана іске қосылды.Өсімдіктер селекциясы, жануарлар генетикасы және су ресурстары саласындағы бірлескен жобалар Солтүстік Қазақстанның ауыл шаруашылығына озық технологияларды енгізу үшін бірегей мүмкіндіктер ашады. Бұл әзірлемелер мал шаруашылығының өнімділігін арттыруға және суды ұтымды пайдалануды қамтамасыз етуге мүмкіндік береді, бұл әсіресе аймақ үшін маңызды.Қытайға сапары барысында қол қойылған тағы бір маңызды құжат: Қозыбаев университеті мен Xi'an Hytech Agrochemicals Co компаниясы арасындағы ынтымақтастық туралы шарт. Оның аясында оқытушылар мен магистранттардың ғылыми тағылымдамадан және қазақстандық студенттердің кәсіби тәжірибеден өтуі үшін заманауи база ашылды.Басқарма Төрағасы – Ректор Ербол Исақаев өндіріс орындары мен Xi'an Hytech Agrochemicals Co зертханасын аралап, компанияның озық технологияларымен танысты. Ол өсімдіктерді қорғаудың инновациялық құралдарын, соның ішінде олардың иммунитетін арттыру үшін тиімді бактериялық препараттарды әзірлеуге маманданған. 70-тен астам ұлттық патент пен 40 салалық марапатқа ие.Бұл келісім Қозыбаев университетінің Агротехнологиялық факультетінің студенттері мен оқытушылары үшін тағылымдамадан өтуге, бірлескен зерттеулерге қатысуға және өсімдіктерді биоқорғау саласындағы жетекші мамандармен тәжірибе алмасуға бірегей мүмкіндіктер ашады. Серіктестік өңірдің аграрлық секторын дамытуға және жоғары білікті мамандар даярлауға елеулі үлес қосады.Ақпарат көзі : https://www.gov.kz/memleket/entities/sci/press/news/details/893908

Отандық қорғаныс кәсіпорындарымен өзара іс-қимылды жандандыру шеңберінде "Kazakhstan Paramount Engineering" ЖШС қабырғасында Ұлттық қорғаныс университеті әскери қызметшілерінің қорғаныс кәсіпорны басшылығымен жұмыс кездесуі өтті.Естеріңізге сала кетейік, жақында Қорғаныс министрі генерал-полковник Руслан Жақсылықовты қабылдаған Президент - ҚР Қарулы күштерінің Жоғарғы Бас қолбасшысы Қасым-Жомарт Тоқаев қорғаныс ведомствосы басшысының алдына елдің қорғаныс-өнеркәсіптік кешені кәсіпорындарымен өзара іс-қимылды жандандыру жөнінде нақты міндеттер қойған болатын. Қорғаныс министрі бұл жұмыста Ұлттық қорғаныс университетінің бағыттарын, орны мен рөлін егжей-тегжейлі анықтады.ҚР Ұлттық қорғаныс университетінің өкілдері "Kazakhstan Paramount Engineering" ЖШС басшылығымен жұмыс кездесуін өткізіп, өндіріс циклімен және кәсіпорынның даму перспективаларымен танысты. Кездесуге университет бастығы генерал-майор Асқар Мұстабеков, институттар мен басқармалардың бастықтары, әскери ғылыми-зерттеу орталығының жетекші ғылыми қызметкерлері, Kazakhstan Paramount Engineering" ЖШС бас директоры Ербол Сәлімов, департамент директорлары және жетекші менеджерлер қатысты.Тараптар ғылыми және тәжірибелік-конструкторлық зерттеулердің бағыттарын талқылады. Тараптардың келісімін және бірлескен күш-жігердің жол картасын нақтылау туралы шешім қабылданды. Басқа қорғаныс кәсіпорындарымен де осындай жұмыс жоспарлануда.Ақпарат көзі : https://www.gov.kz/memleket/entities/mod/press/news/details/893869

2024 жылдын басынын бастап мүгедектік тобын белгілеу үшін медициналық-әлеуметтік сараптама жүргізудің сырттай форматы бойынша пилоттық жобаны іске асыру шеңберінде Қазақстанның барлық өңірлерінен 86 мыңнан астам өтінім қаралды. Бүгінде сырттай форматта куәландыру 30 нозологиялық нысан бойынша жүргізіледі.2023 жылы 76,4 мыңнан астам өтінім сырттай форматта қаралды, бұл куәландырудан өткен мүгедектігі бар адамдардың жалпы санының 30,4%-ын құрайды.Бұған дейін хабарланғандай, Ұлттық қоғамдық сенім кеңесінің VI отырысында Мемлекет басшысы ерекше қажеттіліктері бар адамдар үшін барынша қолайлы жағдай жасауды, олардың инстанциялар мен қағазбастылық бойынша жүруін, сондай-ақ көрсетілетін қызметті берушілердің көрсетілетін қызметті алушылармен байланысын болдырмауды тапсырды.Осы тапсырманы орындау мақсатында ҚР Еңбек және халықты әлеуметтік қорғау министрлігі Денсаулық сақтау мен Цифрлық даму, инновациялар және аэроғарыш өнеркәсібі министрліктерімен бірлесіп Қазақстанның барлық 20 өңірінде пилоттық режимде медициналық-әлеуметтік сараптама (бұдан әрі – МӘС) жүргізудің сырттай форматы бойынша жобаны іске асыруда.Мүгедектік тобын белгілеу жөніндегі қызметті алу үшін өтініш берушіге тұрғылықты жері бойынша емханаға жүгіну және қажетті тексеруден өту қажет, қалған процестер ақпараттық жүйелерді интеграциялау есебінен оның қатысуынсыз өтеді.Сырттай куәландыруға көшу:- әкімшілік және бюрократиялық кедергілерді жояды;- МӘС сараптамалық шешімдерінің ашықтығын қамтамасыз етеді;- мүгедектікті белгілеу және мүгедектігі бар адамдарды әлеуметтік қорғау шараларын анықтау бойынша қызметтерді үйден шықпай-ақ алуға мүмкіндік береді;- көрсетілетін қызметті алушының көрсетілетін қызметті берушімен тікелей байланысын болдырмайды, сол арқылы сыбайлас жемқорлық тәуекелдерін азайтады. Ақпарат көзі : https://www.gov.kz/memleket/entities/enbek/press/news/details/893793

Ауыл мектептерінің оқушылары арасында жаратылыстану-математикалық бағыт бойынша өткен II Республикалық олимпиаданың қорытындысы шығарылды. Қорытынды кезеңге 486 оқушы қатысып, оның ішінде 221 оқушы жеңімпаз атанды. Бұл балалар – еліміздің ең шалғай аймақтарынан келген дарынды жастар.Марапаттау рәсіміне Орта білім беру комитетінің төрағасы Қаныбек Жұмашұлы Бекболатов қатысты.«Оқу-ағарту министрлігі ауыл мектептерінің талантты және білімге құштар оқушыларын анықтау мақсатында республикалық олимпиада екінші жыл қатарынан өткізуде. Егер былтыр олимпиаданың бірінші кезеңіне 78 мың оқушы қатысса, биыл олардың саны 113 мыңнан асты. Бұл ауыл оқушыларының зияткерлік жарыстарға деген қызығушылығының артып, республикалық олимпиаданың мәртебесінің жоғары екенін көрсетеді. Баршаңызды жетістіктеріңізбен құттықтаймын және білім жолында жаңа табыстар тілеймін!» – деді комитет төрағасы.«Олимпиаданың ең жас қатысушысы» номинациясы бойынша дипломдармен Павлодар облысынан Имран Құсайынов және Қызылорда облысынан Төре Балтабаев марапатталды.«Мен 6-сыныпта оқимын, бірақ олимпиадаға 9-сынып бағдарламасы бойынша қатысамын. Біздің елде білім алып, ғылыммен айналысуға көптеген мүмкіндіктер бар екенін мақтан тұтамын. Мемлекетіміз талантты балаларды қолдауға ерекше көңіл бөледі. Біз үшін олимпиадалар, байқаулар ұйымдастырылады, ал үздіктер халықаралық жарыстарға жіберіледі. Мен де олимпиадалық резервтің бір бөлігі болуды, білімімді жетілдіріп, бір күні елім үшін алтын медаль ұтып алуды армандаймын!» – деп бөлісті Төре Балтабаев.Олимпиадада барлығы 221 медаль сарапқа салынды: 117 қола, 62 күміс және 42 алтын медаль.Ауыл мектептерінің оқушыларына арналған республикалық олимпиада 13 пән бойынша жаратылыстану-математикалық және қоғамдық-гуманитарлық бағыттарда үш кезеңде өтеді. Мектеп кезеңіне 99 264 оқушы қатысып, олардың 53 593-і аудандық кезеңге өтті. Облыстық кезеңде 12 000 оқушы бақ сынады, ал финалға 1000-ға жуық оқушы шықты. Соның ішінде 486 оқушы жаратылыстану-математикалық бағыттағы олимпиадаға қатысты, ал 450 оқушы қоғамдық-гуманитарлық бағыт бойынша олимпиадаға қатысады. Бұл олимпиада 10-14 желтоқсан аралығында Астана қаласында өтеді.«Үздік олимпиадалық команда» номинациясы бойынша I дәрежелі дипломдар Қызылорда, Түркістан және Маңғыстау облыстарының құрама командаларына табысталды.Жеңімпаздарға еліміздің жетекші жоғары оқу орындарының 8 ректорлық гранты табысталды: 6 грант – SDU-дан, 2 грант – Халықаралық Қожа Ахмет Ясауи университетінен. Сондай-ақ, математика, физика және информатика пәндері бойынша I дәрежелі диплом иегерлері – 9-10 сынып оқушыларына Алматы қаласындағы Республикалық физика-математика мектебінде 2025-2026 оқу жылында білім алуға грант берілді.Айта кетейік, олимпиаданың қорытынды кезеңіне қатысқан барлық оқушылар «Дарын» республикалық сырттай мектебіне қабылданады. Сонымен қатар, I дәрежелі диплом иегерлері 2025 жылғы наурыз айында өтетін жалпы білім беретін пәндер бойынша республикалық олимпиаданың соңғы кезеңіне қатысады.Ақпарат көзі : https://www.gov.kz/memleket/entities/edu/press/news/details/893917

2024 жылғы 1 желтоқсанда Пусан қаласында (Оңтүстік Корея) Қазақстан Республикасының Экология және табиғи ресурстар вице-министрі Ж. Әлиевтің Оңтүстік Корея Республикасының Қоршаған орта министрлігінің климаттың өзгеруі және көміртегі бейтараптығы саясаты жөніндегі министрдің орынбасары А. Си-Чангпен кездесуі өтті. Кездесу барысында тараптар басым ынтымақтастық бағыттары, оның ішінде пластиктің барлық өмірлік циклін бақылауды талқылады.P.S. Бүгін Пусан қаласында пластикпен ластануды азайту жөніндегі халықаралық келісім туралы үкіметаралық комиссияның соңғы 5-ші раундтық келіссөздерінің соңғы күні.Ақпарат көзі : https://www.gov.kz/memleket/entities/ecogeo/press/news/details/893863

Солтүстік Қазақстан облысына жұмыс сапары аясында ҚР Премьер-Министрінің орынбасары Тамара Дүйсенова мен СҚО әкімі Ғауез Нұрмұхамбетов бірқатар әлеуметтік маңызы бар нысандарды аралап, өңірдің әлеуметтік-экономикалық дамуы бойынша өзекті мәселелерді шешуге бағытталған кездесулер өткізді.Петропавлдағы «Балдәурен» балабақшасында Тамара Дүйсенова мектепке дейінгі ұйымдардың басшыларымен кездесті. Жиында мектепке дейінгі білім беру саласының дамуы, оның ішінде балабақшаларды ваучерлік қаржыландыру мәселесі талқыланды. Бұл жүйеге келесі жылдың мамыр айында Петропавлдың балабақшалары да қосылады.Вице-премьер жоғары құрылыс-экономикалық колледжінде цехтарды аралап, техникалық және кәсіптік білім беру ұйымдарының директорларымен жиын өткізді. Президент 2025 жылды «Жұмысшы мамандықтары жылы» деп жариялады. Солтүстік Қазақстан облысында қазір 24 колледж жұмыс істейді, онда 11 мыңнан астам студент білім алуда, оның ішінде 13 колледж жұмысшы мамандықтары бойынша кадр даярлайды. Осы оқу жылында 3,6 мың адамға мемлекеттік тапсырыс орналастырылды. Тамара Дүйсенова М. Жұмабаев атындағы IT-мектеп — лицейінде оқу кабинеттерінің жұмысымен танысып, «Мақсатты мектептер» жобасының жүзеге асуы бойынша мектеп директорларымен жиналыс өткізді. Бұл республикалық жобаға облыстың 20 мектебі қатысады, оның 13-і ауылдарда. Жоба аясында әдістемелік сүйемелдеу, педагогтердің біліктілігін арттыру және оқу процесін жетілдіру жоспарланған. Вице-премьер Петропавлдағы жаңа үстел теннисі орталығында спорттық ұйымдардың басшыларымен кездесті. Жиында саланы басқару және балалар-жасөспірімдер спорт мектебіне қаржыландыру жүйесін енгізу мәселелері талқыланды.Ақпарат көзі : https://www.gov.kz/memleket/entities/sko/press/news/details/893799

Ғылым қоры Берлинде өткен CLIENT II қорытынды конференциясында коммерцияландыру механизмдерін талқыладыБерлинде Тұрақты инновациялар үшін халықаралық серіктестік – CLIENT II бағдарламасының қорытынды конференциясы өтті. Шараны Германияның Федералды білім және зерттеулер министрлігі ұйымдастырды. Конференцияға Қазақстан, Вьетнам, Индонезия, Чили және басқа да қатысушы елдерден серіктестер шақырылған.Ғылым қорының басқарма төрағасы Камиль Акатов «Халықаралық серіктестер CLIENT бағдарламасының ынтымақтастығы мен ықпалын қалай бағалайды?» тақырыбындағы пленарлық сессияда сөз сөйледі. Сессия аясында қолданбалы зерттеулерді коммерцияландыру тетіктері, инновациялық шешімдер әзірлеуге бизнесті тарту және технологияларды ауқымдандыру мүмкіндіктері талқыланды. CLIENT II бағдарламасы қатысушыларға ғылыми әзірлемелерді халықаралық нарыққа енгізу алаңын ұсынып, тұрақты дамуға ықпал етеді.Қазақстан CLIENT II бағдарламасының сегіз тақырыптық жобасына қатысуда. Бұл жобалар шегірткелерді экологиялық қауіпсіз басқару технологияларын енгізу, радиоактивті ластанған жерлерді қалпына келтіру, ауыл шаруашылығының тұрақтылығын арттыру, жергілікті дақылдарға негізделген тоқыма өнеркәсібін дамыту және қалалардағы су ресурстарын басқару сияқты салаларды қамтиды. Назарбаев Университетінің өкілдері маңызды жобалардың бірі Locust-Tec – шегірткелерді экологиялық қауіпсіз басқаруға арналған инновациялық шешімдерді енгізуге бағытталған жобаны таныстырды.Бағдарламаны қаржыландыру мәселелеріне арналған баяндамаларды Германияның өкілдері ұсынды, олар: Райнер Мюснер (Германия Федералды білім және зерттеулер министрлігі), Питер Либелт (CASIB), Роланд Кейл (DLR Projektträger) және Даниэль Стапель (Jülich).Ғылым қоры ғылыми жобаларды коммерцияландырудың негізгі институты ретінде қазақстандық ғалымдарды халықаралық жобаларға тарту бағытында белсенді жұмысын жалғастыруда. Қор жаңа ғылыми-инновациялық серіктестіктер құрып, технологияларды коммерцияландыру мүмкіндіктерін кеңейтуді көздейді.Ақпарат көзі : https://www.gov.kz/memleket/entities/sci/press/news/details/893844

Су ресурстары және ирригация министрі Нұржан Нұржігітов Жамбыл облысына жұмыс сапарымен барды. Министр бірнеше ірі жобаны іске асыру барысымен танысты.Қайнар ауылында Қордай ауданының 3800 гектар егіс алқабын сумен қамтамасыз ететін сорғы станциясының құрылысын көрді. Жобаны келесі жылы толық аяқтау жоспарланып отыр. Министр нысанды суару кезеңінде пайдалану үшін мерзімінен кешіктірмей қолданысқа беруді тапсырды.Одан әрі министр «Көкқайнар-Ақсу» автомобиль жолындағы көпірді су басуының алдын алу үшін Шу өзені жағалауының 1,8 шақырымын нығайту жоспарымен танысты. Сондай-ақ, жергілікті атқарушы органдармен елді мекендерді су тасқынынан қорғау іс-шараларын талқылады.Тасөткел су қоймасында министр нысанды реконструкциялау нәтижелерімен танысты. Бүгінгі таңда жер және бетон жұмыстары, ұңғымаларды тазарту, каналдарды жөндеу, дабыл және бейнебақылау жүйелерін орнату, кірме жолды жөндеу толығымен аяқталды. Тек нысанды сынақтан өткізу жұмыстары ғана қалды.«Соңғы үш жылда Тасөткел су қоймасында үлкен жұмыс атқарылды. Бұл бізге алдағы 2-3 жылда 620 млн текше метр су жинауға мүмкіндік береді. Келесі жылы біз су қоймасына 500 млн текше метр су жинауды жоспарлап отырмыз. Сондай-ақ, облыс әкімінің орынбасарымен және аудан әкімдерімен су тасқынына қарсы іс-қимыл шараларын талқыладық. Министрлік жергілікті атқарушы органдарға қажетті ұсыныстар береді», - деді Су ресурстары және ирригация министрі Нұржан Нұржігітов.Одан әрі министр Шу ауданының ирригация және дренаж жүйелерін жетілдіру жобасының барысымен танысты. Бүгінгі таңда 80% жұмыс орындалды.Нұржан Нұржігітов жергілікті тұрғындардың жобаға қатысты пікірі мен ұсыныстарын тыңдады. Министр мердігер ұйым өкілдеріне барлық кемшіліктерді жоюды және келесі жылы жұмысты аяқтауды тапсырды. Министрлік өз тарапынан барлық қажетті қолдауды көрсетеді.Ақпарат көзі : https://www.gov.kz/memleket/entities/water/press/news/details/893766

Қытай Халық Республикасымен шетелдік рұқсат бланкісін алмасу бұдан былай электронды форматта жүзеге асады. Бұл туралы ҚР Көлік министрлігінің Автомобиль көлігі және көліктік бақылау комитеті хабарлады.Шетелдік рұқсат бланкісі (ШРБ) - тасымалдаушыларға жүкпен шетелге шығуға мүмкіндік беретін арнайы құжат.Биылғы жылдың 26 қарашасынан 27 қарашасына қараған түні сынақ режимінде алғашқы жүк көлік құралдары өткізілді. Сәтті тестілеуден кейін электронды жүйе ресми түрде енгізілді.Осы жылдың басынан бері Қытай тарапымен 190 000 бірлік көлемінде жүктерді тасымалдауға арналған рұқсат бланкілерімен алмасу жүргізілді. Бұл — рекордтық көрсеткіш. Екі елдің жауапты ведомстволары қосымша 40 мың бірлік көлеміндегі шетелдік рұқсат бланкілерін алмасу бойынша келіссөздер жүргізді. Оның 30 мыңы электронды форматтағы жаңа жүйені қолдану арқылы жүзеге асса, ал қалған қосымша 10 мың дана қағаз жүзінде болды. Шетелдік рұқсат бланкісін алмасу 29 қарашада жүзеге асты.Естеріңізге сала кетейік, соңғы екі жылда ҚХР-мен шетелдік рұқсат құжаттарымен алмасу 50 мыңнан 230 мыңға дейін өсті.Жалпы, қазақстандық тасымалдаушылардың халықаралық автотасымалдарға қатысу көрсеткіші 31% - дан (2021) 52% - ға (2023) дейін өсті. Бүгінгі таңда Қазақстан әлемнің 42 елімен шетелдік рұқсат бланкілерін алмасуды жүзеге асырады. Биылғы көрсеткіш — 364 705 дана шетелдік рұқсат бланкісі. Бұл да рекордтық көрсеткіш.Электронды форматтағы бланкілерді енгізудің негізі Мемлекет басшысының 2023 жылғы мамыр айында Сиань қаласына жұмыс сапары аясында қол қойылған құжаттан бастау алады. Ал электронды форматқа көшудің нақты уақыты биылғы қыркүйекте орын алған Премьер-министрдің Шанхайға іс-сапары аясында қытайлық әріптесімен кездесу барысында бекітілді.Электронды бланкілерді енгізу жүк тасымалдау процесін барынша жеңілдетіп, адами фактор мен сыбайлас жемқорлық тәуекелдерін жояды.Ақпарат көзі : https://www.gov.kz/memleket/entities/transport/press/news/details/893771

Ниет білдірушілер Қарағанды НЗМ сабақтарына қатысып, оқытушылармен сөйлесе алады. Ашық есік күніне алтыншы сынып оқушылары мен олардың ата-аналары шақырылады. Шара 7 желтоқсанда сағат 10:00-ден 14:00-ге дейін Кеншілер даңғылы, 62 мекен-жайы бойынша өтеді.Қонақтар үшін экскурсия ұйымдастырылады. Олар химия-биологиялық бағыттағы білім алудың ерекшеліктері туралы айтып, барлық сұрақтарға жауап береді.Анықтама телефоны: (8-7212) 50-78-55.Ақпарат көзі : https://www.gov.kz/memleket/entities/karaganda/press/news/details/893761

🔹 3-9 желтоқсан – Пара жүзуден әлемдік кезеңЖарысқа әлемнің 15 елінен 150 спортшы қатысады. Ел намысын 5 отандасымыз қорғайды.Өтетін орны: Мысыр, Каир қаласы.🔹 3-10 желтоқсан– Гандболдан Азия чемпионатыСары құрлық додасында Қазақстан құрамасы да өнер көрсетеді.Өтетін орны: Үндістан, Нью-Дели қаласы.🔹 4-10 желтоқсан – Спорттық гимнастикадан халықаралық турнирЕл құрамасынан 8 спортшы өнер көрсетеді.Өтетін орны: Сербия, Нови-Сад қаласы.🔹 5-7 желтоқсан – Семсерлесуден халықаралық «Гран-При» турниріТурнирге Қазақстан құрамасының 8 спортшысы қатысады.Өтетін орны: Франция, Орлеан қаласы.🔹 5-8 желтоқсан – Дзюдодан Grand Slam турниріҚазақстан құрамасынан 6 палуан жүлдеге таласады.Өтетін орны: Жапония, Токио қаласы.🔹5-8 желтоқсан – Құсбегіліктен республикалық турнирЖарысқа еліміздің барлық өңірінен 70 спортшы қатысады.Өтетін орны: Алматы қаласы.🔹 6-15 желтоқсан – Ауыр атлетикадан әлем чемпионатыӘлемдік додада 5 спортшымыз сынға түседі.Өтетін орны: Бахрейн, Манама қаласы.Ақпарат көзі : https://www.gov.kz/memleket/entities/tsm/press/news/details/893760

Сенбі, 30 қараша күні Астанада ҚР Мәдениет және ақпарат министрі Аида Балаеваның төрағалығымен ЮНЕСКО қорғауындағы Қазақстанның тарихи және мәдени мұрасын қорғау бойынша кешенді шараларды әзірлеу жөніндегі жұмыс тобының екінші отырысы өтті.Кешенді шаралар Қазақстанның мәдени мұрасын қорғау және сақтау бағытындағы орталық және жергілікті атқарушы органдардың, ЮНЕСКО және ИСЕСКО (Ислам әлемінің білім, ғылым және мәдениет ұйымы) істері жөніндегі ҚР Ұлттық комиссиясы мүшелерінің, сондай-ақ тарихшы ғалымдардың, археологтардың, этнографтардың және қоғамдық ұйым өкілдерінің күш-жігерін үйлестіруге бағытталған.Бұл стратегиялық бастама Қазақстанның ЮНЕСКО-ның әлемдік мұралар тізіміне енгізілген және енгізілуі мүмкін маңызды тарихи және сәулет ескерткіштерін сақтау мен материалдық емес мәдени мұра элементтерін қорғауға арналған. Оларға дәстүрлер, салт-жоралар, тіл, музыка, қолөнер және басқа да құндылықтар жатады.Министр Аида Балаева отырыс барысында әлемдік мәдени және табиғи мұраны қорғау жөніндегі Конвенцияның ережелерін орындау үшін барлық мүдделі тараптардың жүйелі және үйлесімді жұмыс істеу қажеттігіне ерекше тоқталды.Жұмыс тобының отырысында Қазақстанның мәдени мұрасын қорғау және насихаттау бойынша үш кіші жұмыс тобының жоспарлары таныстырылды:Материалдық емес мәдени мұра бойынша кіші жұмыс тобының басты міндеті – музейлер, қорықтар, кітапханалар қызметкерлерінің біліктілігін арттыру, сондай-ақ жоғары оқу орындарына пәнаралық білім беру бағдарламаларын енгізу. Бұл Қазақстанда дәстүрлі қолөнер, нумизматика, бонистика, ұлттық ойындар, сәндік-қолданбалы бұйымдарды қалпына келтіру бойынша дипломды мамандарды дайындауға мүмкіндік береді.Сонымен қатар, мектептегі «Дене шынықтыру» пәніне қазақтың дәстүрлі ойындарын енгізу мәселесі қарастырылуда.Кіші топтың жоспарында материалдық емес мәдени мұраны инвентаризациялау, қазақтың киіз үйін, кілем тоқу технологиясын құжаттандыру бойынша зерттеу жұмыстарын ұйымдастыру бар.ЮНЕСКО қорғауындағы нысандар бойынша кіші жұмыс тобы әлемдік мәдени және табиғи мұраны қорғау жөніндегі Конвенция шеңберінде Қазақстандағы ЮНЕСКО қорғауындағы нысандармен жұмыс істейді. Басты міндеттері – басқару, қауіпсіздік және инфрақұрылым мәселелерін шешу.Сонымен қатар, сарапшылар «Ұлы Жібек жолы: Ферғана-Сырдария дәлізі», «Ұлы Жібек жолы: Каспий-Еділ дәлізі» сияқты трансұлттық сериялық номинациялар бойынша жұмыстар жүргізуде. Бұл бағытта Атырау, Батыс Қазақстан, Қызылорда және Маңғыстау облыстарының жергілікті атқарушы органдарымен бірлескен жұмыс атқарылуда.Құжаттық мұра бойынша кіші жұмыс тобы ЮНЕСКО-ның «Әлем жады» бағдарламасы аясында Қазақстанның құжаттық мұрасын сақтау және ілгерілету бағытында жұмыс істейді. Қазіргі уақытта Абайдың «Қара сөздері» мен Машһүр Жүсіп Көпейұлының қолжазбаларын ЮНЕСКО-ның «Әлем жады» тізіміне енгізуге дайындық жұмыстары жүргізілуде.2003 жылы бұл тізімге Қожа Ахмет Ясауидің қолжазбалары, 2005 жылы «Невада-Семей» антиядролық қозғалысының құжаттары енгізілген. Сонымен қатар, Қазақстанның жазбаша мұрасының мемлекеттік тізілімін жасау мәселесі қарастырылуда.Үш жұмыс кіші тобы ұсынған жоспарлар Қазақстанның мәдени мұрасын қорғау және дамыту бойынша шараларды қамтиды. Бұл жоспарларды Мәдениет және ақпарат министрлігі жүзеге асырады. Аталған шаралар Қазақстанның мәдени мұрасын қорғау және дамыту ісін жаңа деңгейге көтеруге мүмкіндік береді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893758

Чэнду, 2024 жылғы 1 желтоқсан – «Орталық Азия – Қытай» форматындағы Сыртқы істер министрлерінің 5-ші кездесуіне қатысу аясында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу ҚКП ОК Саяси бюросының мүшесі, Қытай Халық Республикасының Сыртқы істер министрі Ван Имен кездесу өткізді.Келіссөздер барысында тараптар екіжақты ынтымақтастықтың ағымдағы ахуалы мен одан әрі даму келешегін, аса жоғары және жоғарғы деңгейлерде қол жеткізілген уағдаластықтардың іске асырылу барысын талқылады, сондай-ақ өңірлік және халықаралық күн тәртібіндегі өзекті мәселелер бойынша пікір алмасты.Сауда-экономикалық, транзит-көліктік ынтымақтастықты арттыру және энергетикалық қауіпсіздікті қамтамасыз етуге, сондай-ақ Қазақстанның Қытайға шикізаттық емес экспортын ұлғайту жөніндегі бірлескен күш-жігердің маңыздылығы аталып өтті. Биылғы жылғы 10 айдың ішінде екіжақты тауар айналымы 36,5 млрд АҚШ доллары көлемінде рекордтық көрсеткішке жетті, бұл өткен жылдың сәйкес кезеңіндегі көрсеткіштерден 11%-ға артық.Энергетикалық қауіпсіздік, жасыл экономиканы ілгерілету және өнеркәсіптік кооперация саласындағы одан әрі өзара іс-қимыл мәселелеріне де ерекше назар аударылды. Министрлер өңірлік қауіпсіздікті талқылап, қазіргі сын-тегеуріндерге қарсы іс-қимылдағы бірлескен күш-жігердің маңыздылығын атап өтіп, Орталық Азиядағы тұрақтылықты нығайтуға дайын екендігін білдірді.Білім беру алмасуларын кеңейту, ғылыми зерттеулерді қолдау және бірлескен мәдени іс-шараларды өткізуді қоса алғанда, мәдени-гуманитарлық ынтымақтастық мәселелері келіссөздердің жеке пункті болды.«Қазақстан мен Қытай көршілер ғана емес, сонымен қатар қазіргі заманның сын-қатерлерімен бірлесіп күресуге және өңірдің тұрақты дамуын қамтамасыз етуге қабілетті стратегиялық серіктестер», – деді М.Нұртілеу.Ван И өз кезегінде Қытай Қазақстанмен достық қарым-қатынасты жоғары бағалайтынын және екі халықтың өзара пайдасы мен өркендеуі үшін оларды одан әрі тереңдетуге ұмтылатынын атап өтті.Бұл кездесу ұзақ мерзімді ынтымақтастық үшін жаңа перспективалар ашып, Қазақстан мен Қытай арасындағы мәңгілік жан-жақты стратегиялық әріптестікті нығайту жолындағы маңызды қадам болды.Ақпарат көзі : https://www.gov.kz/memleket/entities/mfa/press/news/details/893756

Қазақстан – тарихы мен мәдениеті бай мемлекет. Сондықтан, мәдени мұраны қорғау – басты міндеттердің бірі.ЮНЕСКО конвенцияларына қатысу арқылы еліміз өз мәдени нысандарын ЮНЕСКО тізімдеріне енгізіп, әлемдік қауымдастыққа танытуда. Дегенмен, бұл жетістік тек мақтаныш емес, сондай-ақ осы мұраларды қорғау мен сақтау бойынша нақты міндеттемелерді орындауды талап етеді.Осы мақсатта 2024 жылғы тамыз айында ҚР Мәдениет және ақпарат министрі Аида Балаеваның төрағалығымен жұмыс тобы құрылды. Бұл топтың міндеті – орталық және жергілікті атқарушы органдардың, ЮНЕСКО және ИСЕСКО істері жөніндегі ҚР Ұлттық комиссиясының мүшелерінің, ғалымдардың, археологтардың, этнографтардың және қоғамдық ұйымдардың өкілдерінің күш-жігерін үйлестіру.Бұл стратегиялық бастама әлемдік мұра тізіміне енген маңызды тарихи және сәулет ескерткіштерін сақтауға ғана емес, сондай-ақ дәстүрлер, салт-жоралар, тіл, музыка, қолөнер сияқты материалдық емес мәдени мұра элементтерін және құжаттық мұраларды қорғауға бағытталған. Бұл элементтер мәдени даралықты қалыптастыруда, ұлттық бірегейлікті нығайтуда және құндылықтарды болашақ ұрпаққа жеткізуде маңызды рөл атқарады.Аида Балаева барлық мүдделі құрылымдардың жүйелі әрі үйлесімді жұмыс істеуі қажеттігін ерекше атап өтті. Министр қойылған міндеттерді орындау және конвенцияның талаптарын тиімді жүзеге асыру үшін күш-жігерді біріктірудің маңыздылығына назар аударды.Бүгінге дейін жұмыс тобының екі отырысы өтті. Онда қатысушылар мәдени мұраны қорғау және сақтау бойынша негізгі бағыттарды анықтады.2024 жылғы 30 қарашада Алматы қаласында өткен отырыста үш кіші топтың жұмыс жоспарлары таныстырылды. Әр топ мәдени мұраны қорғау және насихаттау саласындағы нақты аспектілерге бағытталған.Ұсынылған жұмыс жоспарлары арасында материалдық және материалдық емес мәдени мұраны қорғау және насихаттау, ЮНЕСКО-ның «Әлем жады» бағдарламасы аясында құжаттық мұраны сақтау секілді негізгі бағыттар айқындалды.Бұл жоспарларда мамандардың біліктілігін арттыру бойынша шаралар қамтылған. Оның ішінде материалдық емес мәдени мұраны анықтау және дамыту әдістерін оқытуға арналған оқу модульдерін әзірлеу мен іске асыру қарастырылған. Министр оқу мазмұнының пайдалы әрі тәжірибеге бағытталған болуы тиіс екенін атап өтті.Сондай-ақ жұмыс тобы материалдық және материалдық емес мұра нысандарын түгендеу, қолда бар деректерді цифрландыру, мәдени мұраны халықаралық және жергілікті деңгейде насихаттау стратегиясын әзірлеу, сондай-ақ жаңа нысандар мен элементтерді ЮНЕСКО тізіміне енгізу қажеттігін айтты.ЮНЕСКО қорғауындағы нысандарды тиімді басқару және қорғау әдістерін әзірлеуге айрықша мән берілді. Жергілікті билік органдары мен қоғамдық ұйымдарды мәдени мұраны қорғау және насихаттау іс-шараларына белсенді тарту, сондай-ақ халықтың мәдени мұраның маңыздылығы туралы хабардарлығын арттыру үшін тұрақты іс-шаралар мен ақпараттық науқандар ұйымдастыру жоспарланған.Жалпы, жұмыс топтарының жетекшілері ұсынған жоспарлар материалдық, материалдық емес және құжаттық мұраны сақтап, насихаттауға бағытталған ауқымды шараларды қамтиды. Мәдениет және ақпарат министрлігі бұл бастамаларды қолға алатын болады. Аталған шаралар Қазақстанның мәдени мұрасын қорғау мен дамыту ісін жаңа деңгейге көтеруі тиіс. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893753

Мақаншы ауданының әкімі Дәурен Қойгелдин бастаған делегация ҚХР Шыңжаң-Ұйғыр автономиялық аймағының Толы ауданына барды.Сапар аясында Толы ауданының әкімі Дәулет Париолламен кездесіп, екі аудан арасындағы ынтымақтастықты дамыту туралы меморандумға қол қойылды.Мақаншылық делегация Толы ауданының ауыл шаруашылығы, өндіріс, экономика, әлеуметтік сала нысандарының жұмысымен танысты.Сапар барысында алдағы уақытта екі ауданның әлеуметтік экономикалық дамуына серпін беретін бірқатар уағдаластықтарға қол жеткізілді.Ақпарат көзі : https://www.gov.kz/memleket/entities/abay/press/news/details/893749

Польшаның Томашув-Мазовецки қаласында жасөспірімдер арасында конькимен жүгіруден Әлем Кубогі кезеңінде семейлік спортшы қола жүлдеге қол жеткізді.Командалық жарыста ел намысын павлодарлық арулармен қатар жарыс жолына шыққан Анастасия Беловодова германиялық (алтын) және норвегиялық (күміс) команданы алға жіберді.Ақпарат көзі : https://www.gov.kz/memleket/entities/abay/press/news/details/893750

"Таза Қазақстан" тұжырымдамасы аясында күздің соңғы күні және тазалық апталығында Алматыда жалпы қалалық кеңістікті жинау бойынша экологиялық акциялар өтуде. Бостандық ауданында 250-ге жуық адам, оның ішінде Олимпиада жүлдегерлері, эстрада жұлдыздары, белсенді жастар Шагабутдинов-Сәтбаев қиылысындағы учаскені ретке келтірді.Бостандық ауданының әкімі Санжар Алиннің айтуынша, бүгінде ауданда аулаларды санитарлық тазалаумен айналысатын 5 мердігер ұйым жұмыс істейді. "Алматы Тазалық" МКК қызметкерлері жол инфрақұрылымын тазалап жатыр."Бізде тазалау жұмыстарын бақылау үшін 670 аула бар, біз МИБ және ПИК төрағаларымен тұрақты байланыстамыз. Егер мердігерлік ұйымдар өз міндеттемелерін орындамаса, біз мессенджерлер арқылы сигнал аламыз және жедел әрекет етуге тырысамыз. Бұзушылықтар болған жағдайда алдымен учаске бастығына айыппұл санкцияларын қолданамыз. Егер жағдай қайталанса, онда біз ұйымның өзіне айыппұл саламыз – онда сома әлдеқайда көп. Егер Мердігер жағдайды түзетпесе, онда біз сот арқылы шартты бұзамыз. Бүгінде бізде бір мердігер бар, оған біз сотқа дейінгі талаптары бар хат жібердік. Егер ол жауап бермесе, сотқа жүгінеміз және қарым-қатынасты үземіз", - деді аудан әкімі.Акцияға қатысушылардың арасында қазақстандық еркін стильдегі балуан, Қазақстан Республикасының еңбек сіңірген спорт шебері, Сиднейдегі 2000 жылғы Олимпиаданың күміс жүлдегері, Алматы мәслихатының депутаты Ислам Байрамуков та болды."Адамзат қанша өмір сүрсе, үйдегі тазалықты сақтау және қоршаған ортаға, сіз тұратын қалаға ұқыпты қарау мәселесі өзекті болып қала береді. Қалалық кеңістікті бірлескен күш - жігермен жинау – өте маңызды және қажетті акция, өйткені Алматы әрқашан өзінің тазалығымен және жасылымен танымал болған. Менің ойымша, бұл дәстүр үзілмеуі керек, сонымен қатар оны жастардың, қала тұрғындарының қатысуымен қолдау керек. Ең бастысы, адамның ішкі әлемі таза болған кезде, ол қоқыс болмайды. Әркім өз іс-әрекеті үшін жауапты болуы керек", - деп атап өтті Ислам Байрамұқов.Қазақстандық эстрада жұлдыздары да шетте қалмады. Әнші Өктем Алтаев барлық қала тұрғындарын осы бастаманы қолдауға шақырды."Әр демалыс сайын біз бұл аумақты тазалайтынбыз, бірақ мұнда қоқыс аз болмайды. Мен осы учаскенің жергілікті тұрғындарын қоқыс тастамауға және тазалықты сақтауға шақырғым келеді, өйткені бұл біздің ортақ үйіміз. Жалпы, алматылықтар, сіздерді акцияға қосылуға шақырамын", - деді Өктем Алтаев.2024 жылғы Париж Олимпиадасының олимпиада жүлдегерлері де тазалауға келді."Бүгін біз қаламыздың тазалығын қолдауға, сондай-ақ Алматыны қоқыстан тазартатын барлық қызметкерлерге көмектесуге келдік. Студенттер мен спортшылардың акцияға қосылып, қаламызды ретке келтіруге тырысып жатқанын көру өте қуанышты. Менің ойымша, бұл өте жақсы, өйткені тазалық сенен басталады", - дейді 2024 жылғы Олимпиада ойындарының қола жүлдегері Ислам Сәтбаев.Өз кезегінде Олимпиада ойындарының қола жүлдегері Александра Ли мұндай акцияларға қатысу өте маңызды екенін атап өтті, өйткені біз осында тұрып, өзімізді тазалап жатырмыз.Тазалау – пайдалы іс, сондықтан мен жалқау емес және еліміздің таза әрі әдемі болуына көмектесетін көптеген ізгі ниетті адамдарды көргеніме өте қуаныштымын", – дейді спортшы.Экоакцияда "Эко-Рейнджерлер" қозғалысының Жастар қауымдастығының белсенділері де байқалды, олар біздің мегаполисті экологияландыруға өз үлестерін қосуда."Жыл басынан бері қалада 200-ден астам экоакция өткізілді – бұл тек сенбіліктер ғана емес, сонымен қатар қайта өңдеу материалдарын жинау, танымдық дәрістер және т.б. Қазір мегаполис жастары осындай іс-шараларға белсенді қатысуда. Біз Экорейнджер ретінде Алматының әрқашан таза болуы керек екенін түсінетінімізді атап өткім келеді, сондықтан біз осындамыз", - деді Алмалы ауданы коммуналдық орталығының активити-үйлестірушісі Бейбіт Жасұланұлы.Аумақты жинау үшін үш бірлік арнайы техника жұмылдырылды, нәтижесінде 30 тоннаға жуық қоқыс шығарылды. Бұл Алматыда "Таза Қазақстан" бастамасы басталғаннан бері жиналған жалпы көлемі 1300 тонна қалдықтың аз ғана бөлігі.Іс-шараның негізгі мақсаты қала тұрғындарының экологиялық санасын арттыру, қоршаған ортаны қорғау мәдениетін қалыптастыру және қалада тазалықты сақтау болып табылады.Ұйымдастырушылардың айтуынша, мұндай іс-шаралар қоғамның табиғат алдындағы жауапкершілігін нығайтуға ықпал етеді және Алматыны баршаға қолайлы қалаға айналдыруға көмектеседі.Ақпарат көзі : https://www.gov.kz/memleket/entities/almaty/press/news/details/893736

Бүгін Алматы қаласында республикалық «Таза Қазақстан» және қалалық «Алматы –ортақ үйіміз» кампаниясы аясында ауқымды қалалық сенбілік өтті.Шараға қаланың барлық комьюнити-орталықтарынан 500-ден астам резидент қатысты. Қатысушылар тек орталықтардың маңайын ғана емес, саябақтар мен скверлер сияқты қоғамдық орындарды да тазартуға белсене көмектесті.Сенбілікке қатысқан жастар жыл бойы экологиялық жағдайды жақсартуға бағытталған акцияларға дәстүрлі түрде қатысатындарын жеткізді.«Экологиялық акциялар — бұл тек қаланы тазарту ғана емес, табиғатқа қамқорлық жасайтын адамдардың бірлігін сезінудің мүмкіндігі. Осындай сенбіліктер арқылы, қаламыздың тазалығына кішкене болса да үлес қосқымыз келеді», - дедіТүрксіб ауданы комьюнити орталығының басшысы Тауасар Мұратхан.Комьюнити-орталықтар Алматыда экологиялық мәдениетті дамытудағы маңызды алаңға айналды. Алматы қаласы Жастар саясаты басқармасының мәліметінше, 2024 жылдың басынан бері бұл орталықтарда 1500-ден астам іс-шара өткен, оның ішінде дәрістер, семинарлар, эко-акциялар, интеллектуалдық ойындар, шеберлік сабақтары, акустикалық кештер, спорттық турнирлер және т.б. Бұл іс-шараларға жалпы 375 мыңнан астам адам қатысса, соның 27 мыңы NEET санатындағы жастар.Осы жылдан бастап әрбір комьюнити орталықта қазақстандық өндірістің фандоматтары – оларды одан әрі өңдеу үшін пластикалық бөтелкелер мен алюминий банкаларды жинау аппараттары орнатылды. Сонымен қатар «Plastic reboot» акциясы аясында комьюнити орталықтар 1 тоннапластик қақпақ жинады.Осылайша, осы жастар кеңістігіне келушілер арасында экологиялық құндылықтар қалыптасуда, ал комьюнити орталықтардың резиденттері қоршаған ортаны қорғауға бағытталған шараларды қолдай отырып, экорейнджерлер қатарын белсенді толықтыруда.Ақпарат көзі : https://www.gov.kz/memleket/entities/almaty/press/news/details/893737