Бүгін біз Қазақстан Республикасының VI Жастар спорт ойындарын қорытындылайтын боламыз. Төрт жылда бір рет өтетін біріншілік сәуір айында Түркістанда басталды. Барлық облыстардың, Алматы, Шымкент және Астана құрамалары олимпиадалық  34 спорт түрінен жеңіске жету үшін күресті. Жарысқа 2000-нан астам спортшы қатысты. Жастар ойындары Қарағандыда өз мәресіне жетті! Бұл ауқымды әрі маңызды оқиға, еліміздің ең перспективалы жас спортшылары қатысуға ұмтылатын жарыс. Олардың ішіндегі ең үздіктері Қазақстанның намысын әлемдік ареналарда қорғайтын болады.Қарағанды облысы құрамасының қоржынында әр түрлі дәрежедегі 159 (56 - алтын, 42 - күміс, 61- қола) медаль  бола тұра,  Қазақстанның барлық қалалары мен облыстары арасында төртінші орынға ие болып, Алматы, Астана және Шымкент қалаларынан жеңіліп қалды. Біздің спортшыларымыз командалық есепте дзюдо, батут гимнастикасы, үстел теннисі және жеңіл атлетика сияқты түрлерде үздік атанды. Гандболдан ерлер командасы, аймақтың өкілдері ескек есуден, е байдарка және каноеден екінші орынға ие болды. Гандболдан әйелдер командасы үшінші орынды иеленді. Қазақстанның жастар ойындарында Қарағанды облысы алғаш рет осындай жоғары нәтижеге қол жеткізді.Жастар ойындарының жабылу және марапаттау рәсіміне ҚР Туризм және спорт министрлігі Спорт және дене шынықтыру істері комитеті төрағасының орынбасары Нұрлан Есембаев, Қарағанды облысы дене шынықтыру және спорт басқармасының басшысы Серік Сәпиев және облыстық мәслихат депутаты Ерден Халилин қатысты.Ақпарат көзі : https://www.gov.kz/memleket/entities/karaganda-sport/press/news/details/1082639?lang=kk

Біздің Алан Құрманғалиев үстел теннисінен Бейжіңдегі «China Youth Smash» халықаралық турнирінде үздік өнер көрсетіп, қола медаль жеңіп алды. Қарағандылық спортшы Сингапур, Корея және Қытайдан келген мықты, титулды қарсыластарын жеңді. Сарапшылар мен жанкүйерлердің айтуынша, Алан ширек финалда 4-3 есебімен жастар арасындағы әлем және Азия чемпионы Ли Хеченді (Қытай) - жеке және жұптық разраядтарда жеңіп, керемет матч өткізді. Бізді өзінің жетістіктерімен таң қалдыруды тоқтатпайтын Аланды, оның тұрақты тәлімгері Эльмира Әлиеваны және үстел теннисінен Қарағанды ОРОМБЖМ басшысы, жаттықтырушы Тоқтамыс Хасеновті құттықтаймыз!Алда Үндістанның Бхубанешвар қаласында 11-15 қазан аралығында өтетін 28-ші Азия чемпионаты тұр. Оған құрлықтың Бангладеш, Гонконг, Үндістан, Иран, Қазақстан, Катар, Қытай, Корея, ҚХДР, Қырғызстан, Макао, Малайзия, Мальдив, Моңғолия, Непал, Оман, Сингапур, Таиланд, Тайбэй, Өзбекстан, Шри-Ланка, Жапония елдерінен мықты теннисшілері қатысады. Біздің құрамада төрт қарағандылық - Алан Құрманғалиев, Зәуреш Ақашева, Жанерке Қошкумбаева және Альбина Жақсылықова өнер көрсететін болады. Балаларымызға сәттілік пен жеңіс тілейміз!Фото https://ttfrk.kzАқпарат көзі : https://www.gov.kz/memleket/entities/karaganda-sport/press/news/details/1082641?lang=kk

Әзірбайжанның ежелгі де сонымен бірге қазіргі қаласы-Гянджа – посткеңестік кеңістіктегі ең беделді спорттық іс-шаралардың бірі-ТМД елдерінің III ойындарының (29 қыркүйек-4 қазан) өтетін орнына айналды. Турнирге Әзербайжан, Ресей, Қазақстан, Өзбекстан, Беларусь, Тәжікстан, Түрікменстан және Қырғызстаннан 1840 спортшы қатысты. Ашылу салтанаты өте әдемі де жарқын болды, халықаралық біріншілікті Әзірбайжан Республикасының Президенті Ильхам Әлиев пен бірінші ханым Мехрибан Әлиева ашты.Жарыс тек Гянджада ғана емес, елдің басқа аймақтарында да өтті. Шекиде жеті елден 43 батутист медаль үшін күресті. Әлбетте, құрама құрамында қарағандылықтар өнер көрсетіп, медаль жеңіп алды!- Жарыс өте қиын болды, себебі оларға ең мықты спортшылар қатысты, мысалы, Беларусьтік Олимпиада чемпионы Иван Литвинович қатысты, - деді Қазақстан құрамасының бас тәлімгері және батут гимнастикасынан Қарағанды облысының аға жаттықтырушысы Сергей Вертянкин. – Дегенмен де біздің командадағы ең жасымыз Никита Тумаков керемет нәтиже көрсетіп, қола медаль жеңіп алды, бұған қоса алдын ала кезеңде  ол үздік болды.Бұл Никитаның жеке секіруден халықаралық деңгейдегі алғашқы марапаты. Осының алдында қарағандылық дуэт Мұсабаев-Тумаков әлем кубогының «күмісін» алғанын хабарлаған болатынбыз.Жарыста Қарағанды гимнастика мектебінің тағы бір тәрбиеленушісі, ал қазір жоғары спорт шеберлігі мектебінің өкілі – Ерлан Тасмағамбетов ерекше көзге түсті. Келешегінен үміт күттіретін бұл  талантты жігіт синхронды секіруден үшінші орынға ие болды. Жарайсыңдар!Ақпарат көзі : https://www.gov.kz/memleket/entities/karaganda-sport/press/news/details/1082650?lang=kk

Кеден одағы Комиссиясының 2009 жылғы 27 қарашадағы №130 Шешімінің (бұдан әрі – №130 Шешім) 7-тармағының 7.1.38-тармақшасына сәйкес электр қозғалтқышымен жабдықталған көлік құралдарын (СЭҚ ТН коды 8703 80 000 2) Қазақстан Республикасының аумағына әкелуге тарифтік жеңілдік көзделген.Сонымен қатар, аталған Шешіммен тарифтік жеңілдік бойынша  енгізуге болатын 15 000 бірлік электромобиль мөлшерінде квота белгіленген.2025 жылғы 25 қыркүйектегі (сағат 15:00-дегі) жағдай бойынша елге 13 081 электромобиль әкелінді, бұл белгіленген квотаның 87,2%-ын құрайды.Осылайша, қазіргі уақытта жеңілдік шарттары бойынша 1 919 электромобильдерді әкелу мүмкіндігі қалуда.Маңызды: электромобиль сатып алып, елге әкелуді жоспарлап отырған азаматтарға әрекет ететін жеңілдетілген тарифті пайдалану үшін квотаның қалған көлемін ескеру ұсынылады. Павлодар облысы бойынша МКД«Павлодар кедендік ресімдеу орталығы» кеден бекеті Ақпарат көзі : https://www.gov.kz/memleket/entities/kgd-pavlodar/press/news/details/1082653?lang=kk

Құрметті салық төлеушілер және сыртқы экономикалық қызметке қатысушылар! Ақмола облысы бойынша мемлекеттік кірістер Департаментінде ашықтықты және жедел өзара әрекет етуді жоғарылату мақсатында "Instagram" әлеуметтік желісінде "Салық және кеден мәселелері бойынша Кері байланыс" айдарының ашылғандығын еске салады. Аталған айдардың шеңберінде сіздер салық және кеден заңнамасы бойынша сұрақтарыңызға жауап ала аласыздар.Егер ақпараттық жүйелермен өзара іс-қимыл кезінде қандай да бір мәселелер туындаса немесе жедел шешілуі қажет басқа да мәселелер болса, онда сіздер осы айдарға жүгіне аласыздар. Кері байланысу үшін деректеріңізді: БСН/ЖСН, заңды тұлғаның немесе жеке тұлғаның орналасқан орнын (немесе тұрғылықты жерін), сонымен қатар электрондық поштаның мекен-жайын көрсетулеріңізді сұраймыз.Құрметті салық төлеушілер және сыртқы экономикалық қызметке қатысушылар! Сіздер өз сұрақтарыңызды Instagramда сәйкес жарияланымдардың астындағы пікір қалдыру жолында қалдыра аласыздар. Ақпарат көзі : https://www.gov.kz/memleket/entities/kgd-akmola/press/news/details/1084236?lang=kk

Сұрақ: Қол жүктерін тасымалдаудың қандай нормалары бар? Жауап: Қол жүктерінде жолда жүргенде қажет болатын жеке заттарды, сондай ақ Duty Free-ден сатып алған заттарды тасымалдауға болады. Ұшу алдында  белгілі бір авиакомпанияның қол жүгін тасымалдау ережелерімен танысу қажет, өйткені қол жүгін тасымалдау нормалары  авиакомпания мен қызмет көрсету классына байланысты өзгешеленуі мүмкін. Келесілер бойынша шектеулердің барына назар аударыңыздар:- қол жүгінің салмағы мен мөлшері;- рұқсат етілетін тауарлардың түрлері;- сұйықтық және басқа да арнайы тауарларды өткізу. Қызықтыратын сұрақтарыңызға жауаптарды жедел алу үшін Сіз біздің Telegram-арнамыздың Salyg Bot қойындысында «Кедендік сұрақтар» айдарын қолдана аласыз. Павлодар облысы бойынша МКДкедендік әкімшілендіру басқармасыАқпарат көзі : https://www.gov.kz/memleket/entities/kgd-pavlodar/press/news/details/1082670?lang=kk

Бағдад, 2025 жылғы 6 қазан – Ирак Республикасының Сыртқы істер министрлігінде резиденциясы Амман қаласында (Иордания Хашимит Корольдігі) орналасқан Қазақстан Республикасының Ирак Республикасындағы Төтенше және Өкілетті Елшісі Талғат Шалданбайдың Ирак Премьер-Министрінің орынбасары – Сыртқы істер министрі Фуад Хусейнге сенім грамоталарының көшірмелерін тапсыру рәсімі өтті.Кездесу барысында Қазақстан мен Ирак арасындағы ынтымақтастықты кеңейту жөніндегі нақты қадамдар талқыланды. Тараптар саяси диалогты дамытудың, сондай-ақ сауда-экономикалық және гуманитарлық салалардағы өзара іс-қимылды нығайтудың маңыздылығын атап өтті.Елші Т.Шалданбай Қазақстанның екіжақты байланыстарды әрі қарай тереңдету жолында белсенді жұмыс істеуге дайын екендігін жеткізді.Министр Ф.Хусейн Елшінің қызметіне табыс тіледі және оның жұмысы екіжақты қатынастарды ілгерілетуге ықпал ететініне сенім білдірді.Ақпарат көзі : https://www.gov.kz/memleket/entities/mfa-amman/press/news/details/1082688?lang=kk

2025 жылғы 8 қазанда Күршім ауданы бойынша Мемлекеттік кірістер басқармасында салық төлеушілермен жұмыс бөлімі басшысы Бекбосынова А. Қ. жеке кәсіпкерлерге арналған түсіндіру жұмыстары жүргізді.Кездесу барысында қатысушыларға Салық кодексіне енгізілген өзгерістер бойынша егжей-тегжейлі түсініктемелер берілді. Сонымен қатар кәсіпкерлерге негізгі өзгерістер мен оларды тәжірибеде қолдану бойынша ұсынымдар жазылған ақпараттық жадынамалар таратылды.Мұндай іс-шаралар салық төлеушілердің құқықтық сауаттылығын арттыруға және бизнес пен салық органдары арасындағы серіктестік қарым-қатынасты нығайтуға ықпал етеді.Ақпарат көзі : https://www.gov.kz/memleket/entities/kgd-vko/press/news/details/1082707?lang=kk

Қазақстан Сыртқы істер министрі Габалада ТМҰ Саммиті аясында бірқатар екіжақты кездесулер өткіздіГабала, 2025 жылғы 7 қазан – Қазақстан Республикасының Сыртқы істер министрі Ермек Көшербаев Түркі мемлекеттері ұйымы саммиті аясында Әзербайжан Республикасы мен Мажарстанның сыртқы істер министрлері Джейхун Байрамов және Петер Сийяртомен екіжақты кездесулер өткізді.Әзербайжан СІМ басшысымен кездесу барысында екіжақты ынтымақтастықтың жағдайы мен оның одан әрі даму перспективалары, сондай-ақ биік және жоғары деңгейде қол жеткізілген уағдаластықтарды жүзеге асыру барысы талқыланды.Әзербайжан Республикасының Президенті Ильхам Әлиевтің Қазақстан Республикасына алдағы мемлекеттік сапарына дайындық мәселелеріне ерекше назар аударылды.Е.Көшербаев аталған сапар аясында цифрландыру саласындағы Астана мен Баку байланыстарына қосымша серпін беру үшін IT мамандарының форумын өткізуді ұсынды.Мажарстан сыртқы саяси ведомствосының басшысымен Қазақстан Президенті Қасым-Жомарт Тоқаевтың 2024 жылғы қарашадағы Мажарстанға мемлекеттік сапарының, сондай-ақ Мажарстан Президенті Тамаш Шуйок пен Парламент Спикері Ласло Кевердің 2025 жылғы қыркүйек-қазанда Қазақстанға жасаған сапарларының қорытындысы бойынша қол жеткізілген уағдаластықтарды іске асыру барысы талқыланды.Сұхбаттастар ауыл шаруашылығы, энергетика, денсаулық сақтау және қаржы салаларындағы бірлескен жобаларды кеңейту мәселелеріне тоқталды. Жоғары деңгейдегі белсенді саяси диалог екі ел арасындағы сенімді нығайтуға және стратегиялық өзара іс-қимылды одан әрі тереңдетуге ықпал ететіні аталып өтті.Қазақстанның IT және цифрландыру саласындағы жетістіктерін ескере отырып, Е.Көшербаев елдер арасындағы серіктестікті осы перспективалық бағытта, оның ішінде «Alem.AI» халықаралық жасанды интеллект орталығының базасында кеңейтуді ұсынды.Сонымен қатар өңірлік және жаһандық күн тәртібіндегі өзекті мәселелер талқыланды. Тараптар көпжақты құрылымдар шеңберінде одан әрі тығыз ынтымақтастыққа бейілділігін растады.Ақпарат көзі : https://www.gov.kz/memleket/entities/mfa-tel-aviv/press/news/details/1082723?lang=kk

🔹Жақын арада «Keden» ақпараттық жүйесінде (бұдан әрі - жүйе) тауарларға арналған декларация Модулінің іске қосылатыны туралы хабарлаймыз, ол туралы қосымша хабарланатын болады. Бұл ретте, "АСТАНА-1" АЖ тауарларға декларация беру функциясы қолжетімсіз болады. 🔹Сіздің ыңғайлылығыңыз үшін жүйеде декларациялар бойынша деректерді форматта импорттау мүмкіндігі қолжетімді болады:- жаңа «Спецификация» модулі арқылы xls-декларацияларды дайындау және беру құралы;- пайдаланушылардың жүйеде жұмыс істеуге бейімделу кезеңіне арналған xml бұдан бұрын «АСТАНА-1» АЖ-да декларацияларды форматта импорттағанына назар аударамыз .xml ескірген форматта жүзеге асырылды. 🔹Жаңа формат .жүйедегі xml «тауарларға арналған декларацияның құрылымы мен форматы және тауарларға арналған декларацияны түзету және Кеден одағы Комиссиясының және Еуразиялық экономикалық комиссия Алқасының кейбір шешімдеріне өзгерістер енгізу туралы» ЕЭК Алқасының 30.05.2023 № 75 шешіміне сәйкес келеді - https://www.alta.ru/tamdoc/23kr0075 🔹Жоғарыда айтылғандарға сәйкес сізден жүргізіліп жатқан оқытуға, жүйені тестілеуге белсенді қатысуыңызды, сондай-ақ жүктелетін файлдарды дайындауыңызды сұраймыз .жоғарыда көрсетілген шешімге сәйкес xml (формат сипаттамасы - https://rseds.eaeunion.org/ru/#/registry/version/689).Ақпарат көзі : https://www.gov.kz/memleket/entities/kgd-karaganda/press/news/details/1082768?lang=kk

            Цифрлық технологиялардың белсенді дамуы жағдайында Интернет желісі арқылы мемлекеттік, қаржылық және өзге де электрондық қызметтерге азаматтардың қол жеткізу ауқымы күннен күнге кеңейе түсуде.Алайда, мұнымен қатар интернет-алаяқтық саласындағы қылмыстардың түрлі әдіс-тәсілдері де қарқынды даму үстінде. Сіздерді аса сақ болуға шақырамыз – алаяқтар жылдам дамып келе жатқан жасанды интеллект мүмкіндіктерін белсенді пайдаланып, бейнелер, аудиожазбалар және адамдардың бет-әлпеті мен дауысын дәл беретін кескіндер жасайды. Азаматтардың ресми құрылымдарға деген сенімін пайдалана отырып, алаяқтар психологиялық қысым көрсетіп, жеке және қаржылық ақпаратқа қол жеткізу мақсатында өздерін көбінесе мемлекеттік органдардың, банктердің, құқық қорғау органдарының, байланыс операторларының және басқа ұйымдардың қызметкерлері ретінде таныстырады. Алаяқтық әрекеттердің алдын алу мақсатында және сіздің қауіпсіздігіңіз үшін «БЖЗҚ» АҚ (БЖЗҚ, Қор) төмендегілерді ескертеді:Зейнетақы төлемдерін рәсімдеу үшін ешқандай делдалдың көмегі қажет емес, комиссиялық төлем алынбайды; БЖЗҚ қызмет көрсеткені үшін өтемақы алмайды, барлық төлемдер қатаң түрде заң аясында жүзеге асырылады;  Жинақтардың бір бөлігін тұрғын үйге немесе емделу ақысын төлеу мақсатында пайдалану тек уәкілетті оператор (екінші деңгейдегі банктер) арқылы жүзеге асырылады;  Мемлекеттік органдардың, банктердің, құқық қорғау құрылымдарының, байланыс операторларының және БЖЗҚ-ның қызметкерлері телефон, электрондық пошта немесе мессенджерлер арқылы дербес деректерді, банк карталарының деректемелерін, SMS-кодтарды және өзге де құпия ақпараттыешқашан талап етпейді;Егер қоңырау шалушы сіздің аты-жөніңізді, тұрғылықты мекенжайыңызды және жұмыс орныңызды білсе, олоның ресми тұлға екендігін білдірмейді. Қажетті деректердің барлығын түрлі тәсілдермен алуға болады.Күмәнді қоңырау, хабарлама немесе хат түскен кездегі сіздің әрекеттеріңіз:  Байланысты дереу тоқтатыңыз.Байланысқа шыққан тұлға туралы ақпаратты (хат-хабарлардың скриншоттарын, телефон нөмірлерін, электрондық мекенжайларды, сайттарға сілтемелерді және өзге де деректерді қоса) белгілеп алыңыз.Ақпаратты нақтылап, одан әрі қажетті шараларды қабылдау үшін құқық қорғау органдарына немесе тиісті ұйымның (банктің, байланыс операторының және т. б.) қолдау қызметіне хабарласыңыз.БЖЗҚ қатаң ескертеді! Ақпаратты ресми көздерден алыңыздар және тек заң шеңберінде әрекет етіңіздер.   Барлық сауалдарыңызға жауап алып, зейнетақы жинақтарыңыздан төлем алу және аударуға қатысты ақпараттың дұрыстығын БЖЗҚ бөлімшелерінде де, қашықтықтан да:kz сайты, БЖЗҚ/ЕНПФ ұялы қосымшасы арқылы,байланыс орталығының 1418 көп арналы тегін байланыс нөміріне қоңырау шалу жолымен немесе +7 777 000 1418 нөмірі бойынша WhatsApp арқылы, БЖЗҚ-ның Одноклассники, Telegram, Facebook, Вконтакте, Х және Instagram сияқты танымал платформалардағы әлеуметтік желілердегі ресми парақшалары арқылы да тексере аласыз. Жақындарыңызды, әсіресе қарт туыстарыңызды ақпараттық қауіпсіздік ережелерімен таныстырыңыздар.Сақтық шараларын алдын ала қабылдаңыз, осылайша сіз өзіңіздің жеке деректеріңіздің берік қорғалуын, қауіпсіздігін және құпиялылығын қамтамасыз етесіз.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).  Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1085519?lang=kk

«Темір тордың ар жағындағы өкініші» айдары: ҚАЖ комитеті жаңа жобаны іске қостыҚылмыстық-атқару жүйесі комитеті (ҚАЖ) «Сотталғандардың өкініші» атты жаңа айдарды іске қосты. Бұл жобаның басты мақсаты – заңды бұзудың зардаптары туралы ескерту жасау.Сотталғандар өздерінің қылмыстық жолы, бас бостандығынан айыру орындарындағы қиындықтар және жасаған істеріне өкініп, сол әрекеттері туралы ойланған сәттері жайында әңгімелейді.«Бостандық пен заңға бағынудың қадірін түсінген бұл адамдардың оқиғалары – жастар арасындағы құқықбұзушылықтардың алдын алуға бағытталған. Көптеген жастар өз әрекеттерінің салдарын ойламай, есірткі қолдануға, агрессияға немесе құқық бұзуға барады. Егер бұл контент бірнеше адамға болсын ескерту бола алса – бұл үлкен нәтиже», – дейді ҚАЖ комитетіндегілер.Жеке терапия кезінде сотталғандардың көпшілігі жасаған ісіне қатты өкінетінін, бостандықтан айырылғанына қиналатынын және әсіресе жақындарына келтірген қайғы үшін уайымдайтынын айтады. Олар бұл туралы ашық айтып, басқаларға да жеткізуге келісті.«Мен ешкімді кінәламаймын, бұл – менің қателігім. Соның кесірінен қазір осында отырмын. Курстастарым диплом алып жатыр, ал мен жоқпын... Егер бәрін уақтылы түсінгенімде, мен де қазір диплом алып жатқан болар едім», – дейді 23 жастағы сотталған. Ол тіс дәрігері болуды армандаған, бірақ басқа жолды таңдаған. Есірткі құқықбұзушылығы үшін ұсталып, 7 жылға бас бостандығынан айырылған.Бейнероликтерде сотталғандар жастарға үндеу жасап, бостандықты қадірлеуге, болашағын ойлауға және ойланбай жасалатын әрекеттерден сақ болуға шақырады.Бірінші видео-оқиға 20 мыңнан астам қаралым жинады, екінші – 15 мыңнан астам, ал үшінші бейнежазба – 55 мыңнан астам қаралымға ие болды.Жаңа бейнежазбалар аптасына бір рет шығады. Жобада ер адамдар да, әйелдер де, сондай-ақ ҚАЖ мекемелерінде отырған кәмелетке толмағандар да қатысады.Ақпарат көзі : https://www.gov.kz/memleket/entities/ps/press/news/details/1082780?lang=kk

С. Нұрмағамбетов атындағы Құрлық әскерлері әскери институтының Әли» оқу орталығында ұйымдастырылған «Сардар» командирлік дайындық курсы сәтті аяқталды. Оқу барысында соңғы курс курсанттары үш күндік далалық қарқынды дайындықтан өтіп, кәсіби білімдерімен қатар, көшбасшылық қасиеттерін де сынап көрді.Бүгінгі қауіп-қатері көп, өзгермелі заманда офицерге жан-жақтылық, стратегиялық ойлау, күрделі әрі тосын жағдайларда әрекет ете білу секілді жоғары талаптар қойылады. Осыған орай, курс барысында мамандықаралық бөлімшелер құрылып, мотоатқыштар, танкистер, инженерлер мен артиллеристер бірлесіп жұмыс істеді.Курстың басты мақсаты болашақ офицерлерді шешім қабылдай білуге, нақты әрі нық бұйрық беруге, бөлімшені басқаруға және нәтижеге толық жауапкершілікпен қарауға үйрету болды. Әр курсант кезекпен командир рөлін атқарып, шынайы жағдайға ұқсас ортада тәжірибе жинады. Мұндай дайындық – нақты ұрыс алаңындағы офицерлік шеберліктің негізі.Бөлімшеге үш күн бойы жетекшілік еткен курсант Мирас Төлеусаринов өз әсерін былайша жеткізді:– Командир болу – үлкен сынақ әрі зор жауапкершілік. Әр жауынгердің мүмкіндігін ескере отырып, шұғыл әрі дұрыс шешім қабылдауға тура келеді. Сондай сәттерде ғана шынайы командир болудың не екенін терең түсінесің, – деді ол.Тактикалық және басқару дағдыларынан бөлек, курс барысында заманауи қауіп-қатерлерге ерекше мән берілді. Курсантар ұшқышсыз ұшу аппараттары секілді әуе нысаналарын жоюға арналған жаттығуларды орындап, қазіргі заманғы қарулы қақтығыстардың өзгерген сипатына бейімделе түсті.«Сардар» курсының жоғары нәтижелілігі елімізде заманауи талаптарға жауап бере алатын, кәсіби және шешім қабылдауға қабілетті жаңа буын офицерлері қалыптасып жатқанын дәлелдейді.Ақпарат көзі : https://www.gov.kz/memleket/entities/mod/press/news/details/1082788?lang=kk

7-8 қазанда Бейрутта Біріккен Ұлттар Ұйымының Азияға арналған Экономикалық және әлеуметтік комиссиясы (ESCWA), Азия және Тынық мұхиты өңіріне арналған Экономикалық және әлеуметтік комиссиясы (ESCAP), сондай-ақ Швеция Үкіметінің ұйымдастыруымен «Құм және шаң дауылдарымен күрес саласындағы өңіраралық ынтымақтастықты нығайту» айдарымен конференция өтті. Оның жұмысына Азия, Таяу Шығыс, Еуропа және Африка елдерінің үкіметтік құрылымдарының, халықаралық және өңірлік ұйымдардың, ғылыми мекемелер мен жеке сектордың өкілдері қатысты. Жиын барысында жасаған баяндамасында Қазақстанның Ливандағы Елшісі Расул Жұмалы Орталық Азия елдерінің, оның ішінде Қазақстанның шөл және жердің тозу үрдістерімен күрес саласындағы тәжірибесімен бөлісіп, осы бағытта жүзеге асырылып жатқан бағдарламалармен таныстырды. Солардың қатарында Солтүстік Аралды қалпына келтіру, орман-мелиорациялау және экожүйелердің төзімділігін арттыру жобалары қамтылып жаһандық маңызға  ие түйткілді тарқатуда халықаралық қолдау көрсету қажеттілігіне ерекше назар аударылды.Ақпарат көзі : https://www.gov.kz/memleket/entities/mfa-beirut/press/news/details/1082803?lang=kk

ҚР Қаржы министрлігінің аппарат басшысы Эрнар Ержанов Батыс Қазақстан облысы бойынша Мемлекеттік кірістер департаментінің ұжымына жаңадан тағайындалған басшысыны - Қ. Ж. Балтабековты таныстырды.Оның салық және қаржы салаларында айтарлықтай тәжірибесі бар. Ол еңбек жолын 1996 жылы Алматы қаласындағы салық инспекциясында маманнан бастап бас салық инспекторына дейін көтерілді.Кейінгі жылдары Қ. Балтабеков Алматы қаласы, Шығыс Қазақстан және Алматы облыстарының салық органдарында, сондай-ақ Астана қаласы бойынша Мемлекеттік кірістер департаментінде бірқатар басшылық қызмет атқарды. Ал 2022 жылдан бастап ҚР ҚМ Мемлекеттік кірістер комитетінің Астана қаласы бойынша Мемлекеттік кірістер департаменті басшысының орынбасары болып жұмыс істеді.Ақпарат көзі : https://www.gov.kz/memleket/entities/minfin/press/news/details/1082805?lang=kk

Құрметті салық төлеушілер!Камералдық бақылау бөлігінде бизнес-процесстерді оңтайландыруға байланысты 2025 жылдың 1 қазанынан бастап аудандық деңгейдегі салық төлеушілерге жіберілетін хабарламалардың бір бөлігін пысықтау Департамент деңгейінде жүзеге асырылады.Салық төлеушілер үшін өзара іс-қимыл тәртібі өзгеріссіз қалатынына назар аударамыз:- хабарламалар бойынша салықтық есептілік және түсініктемелер электронды түрде ұсынылады;- жауапты қағаз жеткізгіште беру қажет болған жағдайда құжаттарды Мемлекеттік кірістер басқармасының кеңсесі арқылы беруге болады. Барлық туындаған сұрақтар бойынша сіздер 8 (7182) 32-16-85 телефон нөмірі бойынша хабарласа аласыздар.Түсіністік білдіргендеріңіз үшін рахмет! Ақпарат көзі : https://www.gov.kz/memleket/entities/kgd-pavlodar/press/news/details/1082809?lang=kk

Жіті респираторлық вирустық инфекциялар (ЖРВИ) аурулардың ең көп тараған себептерінің біріне айналатын суық және тұмау маусымы қарсаңында ШҚО білім басқармасының «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ сұхбат форматында маңызды сабақ өткізді.Кездесу тақырыбы «Оқушының суық тиюден және тұмаудан қалай қорғануы» болды. Сарапшы ретінде «Шығыс» профилактикалық медицина орталығы» ММ маманы Джембаева Армангуль Махсутқызы сөз сөйледі.SARS vs тұмау: айырмашылығы неде?Сабақтың басында сарапшы негізгі ұғымдарды түсіндірді. ЖРВИ-бұл вирустық аурулар тобы, олар жеңілірек болады және бастапқы кезеңде емделеді. ЖРВИ-нің негізгі белгілеріне жөтел, мұрынның ағуы, тамақ ауруы және безгегі жатады.Тұмау, өз кезегінде, аса ауыр жұқпалы ауру болып табылады. ЖРВИ-мен емдеуді және алдын-алуды өткізіп жіберу тұмау сияқты асқынуларға әкелуі мүмкін, бұл байыпты тәсілді қажет етеді. Вирустар негізінен ауа тамшылары арқылы таралады.Оқушыны қорғаудың үш китіМаманның айтуынша, оқушыны ЖРВИ мен тұмаудан қорғаудың негізі «үш китте» сақталған. Осы ережелерді сақтау ауру қаупін 80% төмендетуі мүмкін.Қол гигиенасы жеке гигиена-алдын алудың негізгі тірегі. Қолды жиі және дұрыс жуу, сондай-ақ антисептиктерді қолдану маңызды.Дұрыс тыныс алу мінез-құлқы түшкіруді және дұрыс жөтелуді үйрену керек: шынтаққа, орамалға немесе бір реттік майлыққа.Иммунитетті сақтау иммунитетті нығайтуға күн тәртібі, еңбек және демалыс, сондай-ақ сау ұйқы арқылы қол жеткізіледі. Дұрыс тамақтану (жемістер, көкөністер, жаңғақтар) — «ауруларға қарсы нағыз қалқандар».Жасырын қауіптер мен бетперде кию ережелеріСұхбат барысында алдын алудың ең өзекті мәселелері қозғалды:Ұялы телефон есік тұтқасынан қауіпті ме?Сарапшы ұялы телефон есік тұтқасынан гөрі қауіпті болуы мүмкін екенін растады. Себебі біз оны жиі қолданамыз және оны бетімізге, инфекциялар мен бактериялар енуі мүмкін тыныс алу жолдарының жанында қолданамыз. Гаджеттерді бір реттік антисептикалық майлықтармен үнемі сүрту ұсынылады.Масканы қалай дұрыс киюге болады?Маска, ең алдымен, дені сау адамдар үшін жеке қорғаныс және алдын-алу құралы ретінде қажет екендігі атап өтілді.* Маска бетке жақсы жабысып, жарықтар болмауы керек.Ол барлық тыныс алу жолдарын жабуы керек.* Масканы әр 2-3 сағат сайын өзгерту керек.* Қол тигізбестен дұрыс алып тастай білу және оны қайта өңдеу маңызды.Оқушылар мен ата-аналарға арналған негізгі КеңесҚорытындылай келе, Армангүл Махсұтқызы оқушы үшін ұйқы режимінің маңыздылығын атап өтті.* Оқушы 8-9 сағат ұйықтауы керек.* Толық ұйқы-бұл сән-салтанат емес, қажеттілік, өйткені ұйқы кезінде дене қалпына келеді.* Салауатты ұйқы білімді жақсы меңгеруге және күшті иммунитетке кепілдік береді.Ата — аналар үшін басты Кеңес-демалу және ұйықтау режимін сақтаудан бастау, сондай-ақ жетіспеушілік болса, серуендеу және витаминдер қабылдау арқылы баланың иммунитетін нығайту.Сайып келгенде, «денсаулық — бұл бәрі емес, бірақ денсаулықсыз — бәрі ештеңе емес» және вирустардан қорғану тек жеке ғана емес, сонымен бірге біз бірге шешетін ортақ міндет.Ақпарат көзі : https://www.gov.kz/memleket/entities/vko-bilim/press/news/details/1082877?lang=kk

Атырау облысында кинологиялық есептердің өңірлік сертификаттау сынағы өткізілді  Атырау қаласында Атырау, Маңғыстау және Батыс Қазақстан облыстары Төтенше жағдайлар департаменттерінің жедел-құтқару жасақтарының кинологиялық есептоптарының 2-кезең дайындық деңгейін анықтау мақсатында өңірлік сертификаттау сынағы ұйымдастырылды.Іс-шараның негізгі мақсаты — кинологиялық есептердің кәсіби дайындық деңгейін бағалау және сыныптық біліктілікті растау.Өңірлік сертификаттау сынағына 5 қызметтік ит пен 5 кинолог қатысты.Аттестация үш кезеңнен тұрды:І кезең — мойынсұну және ептілік;ІІ кезең — қираған ғимараттар мен құрылыстардың үйінділері жағдайында іздестіру-құтқару жұмыстары;ІІІ кезең — табиғи орта жағдайында іздестіру-құтқару жұмыстары. Барлық кезеңнің қорытындысы бойынша, белсенділігі мен кәсіби дайындығы үшін, кинологиялық есептоптардың барлығы сертификаттаудың «А» классына  өтіп, авариялық-құтқару жұмыстарын жүргізуге рұқсат алды. Ақпарат көзі : https://www.gov.kz/memleket/entities/emer-atyrau/press/news/details/1082882?lang=kk

Ү.ж. 8 қазанда Дубай мәдениет және өнер басқармасының Бас директоры Хала Бадримен кездесу өткізілді. Кездесуде екі ел арасындағы мәдениет саласындағы ықтимал ынтымақтастық мәселелері талқыланды.Анықтама:Дубай Мәдениет және өнер басқармасы (Dubai Culture and Arts Authority) - Дубай Әмірлігінің мәдениет, мұра және өнер саласындағы басты мемлекеттік орган.Ақпарат көзі : https://www.gov.kz/memleket/entities/mfa-dubai/press/news/details/1082899?lang=kk

ҚР Оқу-ағарту министрлігі Ы. Алтынсарин атындағы Ұлттық білім академиясы мен БҰҰ Балалар қорының (Юнисеф)  Қазақстан Республикасындағы өкілдігі арасындағы 2025 жылғы 18 сәуірдегі ерекше білім беруді қажет ететін балалар арасында функционалдық цифрлық сауаттылықты дамыту аясында  «Цифрлық инклюзия» бағдарламасы жүзеге асырылуда. Жобаға Шығыс Қазақстан облысынан №19 қосымша білім беру мектеп-орталығы қатысты.                              Жоба аясында ЕББҚ бар  мектеп жасындағы балалар цифрлық сауаттылық бағдарламаларымен қамтылды, олардың 8-і көру қабілеті зақымдалған балалар. Ағымдағы жылдың қазан айының 7-сі күні №19 қосымша білім беру мектеп-орталығында осы балаларға арналған оқу кабинеті ашылды. Осы кабинетте оқушылар  оқу уақытында ноутбук пен телефон экранында қол жеткізу бағдарламалары орнатылған – «Көрмейтін және нашар көретіндерге арналған бағдарламалар» және басқа да қажетті бағдарламалармен қамтамасыз етілді. Жасөспірімдер зерттейтін бағдарламалар мен құрылғылардың ішінде: ноутбук пен жүйелік блоктың компоненттері, «он саусақпен теру әдісі»және «көзсіз теру» әдісі; Windows, Microsoft Word; Google Chrome браузері, Zoom конференциялары, пошта жәшігін құру және онымен жұмыс істеу; WhatsApp, YouTube, Zoom конференциясы, Kaspi Bank қосымшасы, InDriver, ЯндексТакси, кітапхана «av3715» және т. б.Бұл жоба көру қабілеті зақымдалған балаларға оқуға және қосымша білім алуға, жұмысқа орналасу мүмкіндігінде тәуелсіз және дербес болуға және т. б. үшін әлдеқайда жақсы дайындала алатынын көрсетті.Ақпарат көзі : https://www.gov.kz/memleket/entities/vko-bilim/press/news/details/1082930?lang=kk