Қорғаныс ведомствосының ақпараттық-түсіндіру тобы министрдің тәрбие және идеологиялық жұмыстар жөніндегі орынбасары генерал-майор Асқар Мұстабековтің жетекшілігімен әскери ұжымдардағы моральдық-психологиялық ахуалды зерделеді. Сонымен қатар басшылықтың әскери қызметшілердің әлеуметтік қорғалуын қамтамасыз ету жұмысы бағалады.Қорғаныс ведомствосының өкілдері Жаркент, Сарыөзек гарнизондарында әскери бөлімдердің инфрақұрылымымен, казармалардың, асханалардың, тұрмыстық нысандардың жай-күйімен, сондай-ақ әскери қалашықтарда тұратын әскери қызметшілердің тұрмысымен танысты.Қорғаныс министрінің орынбасары мерзімді әскери қызметшілерге арнайы уақыт бөлді. Жеке әңгімелесу барысында сарбаздардың денсаулығын, рухани-психологиялық ахуалын, қызметі мен тұрмыс жағдайын сұрап  білді. Жауынгерлерге өз құқықтары мен міндеттері жан-жақты түсіндірілді. Сондай-ақ, олардың барлық өтініштері мен ұсыныстары қаралып, тиісті тапсырмалар беріліп, шешімдер қабылданды.Офицерлер және сержанттар құрамымен өткен кеңесте тәртіпті нығайту мәселелері талқыланып, жоғары патриоттық рухты қалыптастырудың және Отанды қорғауға дайындықтың маңыздылығы атап өтілді.Жеке құраммен өткен кездесулерде генерал-майор Асқар Мұстабеков мемлекеттік саясаттың негізгі бағыттарына, оның ішінде конституциялық реформаның маңыздылығына кеңінен тоқталды. Ол әскери қызметшілер мен олардың отбасыларына қамқорлық жасау Қорғаныс министрлігі қызметінің басым бағыты болып қала беретінін атап өтті.Бұл ақшалай үлес деңгейін арттыру, демалыс кезінде теміржол көлігімен барып-қайтуға тегін жол жүру мүмкіндігі, сондай-ақ «Әскери баспана» тұрғын үй бағдарламасына қатысу секілді әлеуметтік қолдаудың нақты шаралары арқылы жүзеге асырылады.– Әрбір әскери қызметші мемлекет тарапынан көрсетілетін қолдауды сезінуі тиіс. Әскердің әлеуеті лайықты қызмет жағдайын қамтамасыз етуге және жеке құрамның рухани-психологиялық ахуалын сақтауға негізделеді. Отан қорғаушы өз отбасына алаңдамай, ертеңгі күніне сенімді болуы керек Сонда ғана ол қойылған міндеттерді толыққанды орындай алады, – деп атап өтті генерал-майор А. Мұстабеков.Кездесу соңында Қорғаныс министрінің орынбасары жеке құрамды Наурыз мерекесімен құттықтап, әскери қызметшілерге мықты денсаулық, отбасыларына амандық және Отан игілігі жолындағы қызметтеріне табыс тіледі.Жұмыс сапарының қорытындысы бойынша генерал-майор Асқар Мұстабеков жеке құрамды әлеуметтік қолдау шараларын одан әрі дамыту, тәрбие және идеологиялық жұмысты жетілдіру жөнінде нақты тапсырмалар берді.Ақпарат көзі : https://www.gov.kz/memleket/entities/mod/press/news/details/1185852?lang=kk

Құрметті ауыл тұрғындары!Қазақстан Республикасының қолданыстағы заңнамасына сәйкес, жеке тұлғаларға тиесілі көлік құралдарына, мүлікке және жер учаскелеріне салынатын салықтарды белгіленген мерзімде төлеу әрбір азаматтың міндеті.Көлік салығын төлеу мерзімі 1 сәуірге дейін, ал жер және мүлік салықтарын төлеу мерзімі 1 қазанға дейін. Уақытылы төленбеген жағдайда өсімпұл есептеледі.Аталған салық түрлері бойынша берешегі бар азаматтарды қарыздарын уақытылы өтеуге шақырамыз.Салықтарды төлеу тәсілдері:– Kaspi.kz мобильді қосымшасы арқылы– Halyk Bank мобильді қосымшасы арқылы.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1185788?lang=kk

Наурыз мейрамы қарсаңында Қостанай облысының әкімі Құмар Ақсақалов Қазақстан Республикасы Президенті атынан ел өміріндегі қоғамдық жұмыстарға елеулі үлес қосқан азаматтарға мемлекеттік наградалар тапсырды. Бұл – жерлестеріміздің еңбегіне берілген жоғары баға әрі қоғам алдындағы жауапкершіліктің айқын көрінісі.Қазақстан Республикасы Президентінің 2026 жылғы 16 наурыздағы Жарлығына сәйкес «Құрмет» орденімен марапатталғандар: Важничая Ирина   Михайловна −Денисов ауданы аумақтық сайлау комиссиясының төрайымы; Қожабеков Ержан     Иманжанұлы −«Өңірлік коммуникациялар қызметі» коммуналдық мемлекеттік мекемесінің басшысы;Мамедов Рихсибай  Абдурахманович −«М.Дулатов атындағы Қостанай инженерлік-экономикалық университеті» жеке мекемесінің президенті; Темірбеков Нұрлыхан     Мұқанұлы −«Ахмет Байтұрсынұлы атындағы Қостанай өңірлік университеті» коммерциялық емес акционерлік қоғамның проректоры; Өтебаева Динара Қайырбекқызы  − «Қостанай облысының «ГрИн» Азаматтық Альянсы» қоғамдық қорының басшысы.Ақпарат көзі : https://www.gov.kz/memleket/entities/kostanay/press/news/details/1185794?lang=kk

№ 5 сайлау учаскесінің депутаты Веригин Дмитрий Николаевич азаматтарды жеке қабылдады. Қабылдау барысында тұрғындар су тасқыны жағдайына қатысты, сондай-ақ әлеуметтік және тұрмыстық сипаттағы өзекті мәселелерін көтерді. Әрбір азаматқа тиісті түсіндірмелер мен кеңестер берілді.Барлық көтерілген мәселелер назарға алынып, тиісті мемлекеттік органдар мен ұйымдарға депутаттық сауалдар жолданатын болады. Олардың орындалуы депутаттық бақылауға алынып, заңнамада белгіленген тәртіппен кезең-кезеңімен шешіледі. Нәтижелері бойынша азаматтарға қосымша ақпарат беріледі.Ақпарат көзі : https://www.gov.kz/memleket/entities/maslikhat-ulken-naryn/press/news/details/1185746?lang=kk

Жұмыс сапары барысында Қорғаныс министрінің бірінші орынбасары – Бас штаб бастығы генерал-лейтенант Қаныш Әбубәкіров Атырау және Ақтау гарнизондарының әскери бөлімдерін аралады.Батыс өңірде ол әскери инфрақұрылым нысандары мен әуе шабуылына қарсы қорғаныс жүйесінің жағдайын тексерді.Атырау облысында Қорғаныс министрінің бірінші орынбасары қауіпсіздік шараларына, күзетті күшейтуге және төтенше жағдайларға ден қоюды жетілдіруге жіті назарға алып, аса маңызды объектілерді инспекциялады.Бөлімшелердің даярлығын бағалау оқу-жаттығу сабақтары түрінде іске асырылды. Әскерлер орналасқан жерлерде генерал-лейтенант Қаныш Әбубәкіров кезекші күштердің жай-күйін, радиолокациялық станциялардың техникалық жарамдылығын, сондай-ақ әуе нысандарын анықтау және оларды зақымдау құралдарын тексерді.Бас штаб бастығы одан бөлек, бөлімшелердің үйлесімді әрекет ету деңгейін және олардың бірыңғай басқару жүйесі шеңберінде іс-қимыл қабілетін зерделеді. Атап айтқанда, іс-қимылды нақты үйлестіруді, шұғыл шешім қабылдауды және тез өзгеретін жағдайда әскерді ұдайы басқаруды қамтамасыз ететін алдын ала әзірленген және жан-жақты тексерілген алгоритмдер негізінде міндеттер пысықталды.Ақтау гарнизонының Әскери-теңіз базасына барғанда генерал-лейтенант Қаныш Әбубәкіров зымыранды-артиллериялық кемелердің жауынгерлік даярлығын, кезекшілік атқаруын және навигациялық қауіпсіздігін қамтамасыз етуді ұйымдастыруды бағалады. Сол жерде зениттік зымыранды кешендерінің есептоптары берілген алгоритмдер бойынша практикалық іс-қимылдарды пысықтады және Әскери-теңіз күштері теңіз жаяу әскерлері шабуылдау батальонының десанттық мүмкіндіктері тексерілді.Дене шынықтыру дайындығындағы жоғары көрсеткіштері үшін генерал-лейтенант Қаныш Әбубәкіров 51809 әскери бөлімінің мерзімді қызмет жауынгерлері – ефрейторлар Яссин Бостан мен Әлимұса Әбілбекұлын 10 күндік демалыспен марапаттады.Комиссияның гарнизондардағы жұмысының қорытындысы бойынша Қорғаныс министріне әскери инфрақұрылымның әлеуетін арттыру, бөлімшелердің әзірлігін одан әрі нығайту және жеке құрамның жауынгерлік даярлық жүйесін жетілдіру жөніндегі ұсыныстармен баяндама жасалатын болады.  Ақпарат көзі : https://www.gov.kz/memleket/entities/mod/press/news/details/1185757?lang=kk

2026 жылғы 19 наурызда Сараптамалық кеңестің отырысы өтіп, оның барысында «Е-КТРМ» техникалық реттеудің ақпараттық жүйесінің жұмыс істеуі мен дамыту мәселелері қаралды.Қатысушыларға техникалық реттеу, стандарттау, метрология, сәйкестікті бағалау, аккредиттеу және мемлекеттік бақылау салаларындағы процестерді цифрландыруды қамтамасыз ететін жүйенің құрылымы мен негізгі функционалдық мүмкіндіктері ұсынылды.Жүйе мемлекеттік тізілімдерді жүргізуді, өнімді сертификаттау және декларациялау рәсімдерін автоматтандыруды, аккредиттеу процестерін сүйемелдеуді, сондай-ақ метрология саласында мемлекеттік қызметтер көрсетуді қамтамасыз ететіні атап өтілді.Отырыс шеңберінде жүйені жүргізілген жаңғырту нәтижелері, сондай-ақ жаңа цифрлық сервистерді енгізуді және мемлекеттік ақпараттық жүйелермен интеграцияны кеңейтуді қамтитын оны одан әрі дамыту жоспарлары қаралды.Отырыс барысында 2026 жылға жоспарланған жүйе модификациялары ұсынылды, олардың ішінде:- аккредиттеу кезінде калькуляцияны енгізу;- Көлік құралы типін мақұлдау және шасси типін мақұлдау модульдерін дамыту;- мемлекеттік метрологиялық қызметтерді цифрландыру;- СБКТС беру кезінде көлік құралдарының геолокациясын тексеруді енгізу;- ұлттық стандарттарды жоспарлау және әзірлеу функционалы;- интеграциялық сервистер мен пайдаланушы құралдарын дамыту.Отырыс қорытындысы бойынша қатысушылар «Е-КТРМ» жүйесінің функционалын жетілдіру және техникалық реттеу саласындағы цифрлық құралдарды одан әрі дамыту бойынша ұсыныстарды талқылады.Ақпарат көзі : https://www.gov.kz/memleket/entities/mti-ktrm/press/news/details/1185764?lang=kk

Алматы және Түркістан қалаларында ҚР ІІМ Ұлттық ұланының әскери бөлімдері жаңа автопатрульдермен толықты. Айрықша мәнге ие бұл оқиға жаңару мен бірліктің мерекесі – Наурыз мейрамы қарсаңында өтті.Жаңа автокөліктер Ішкі істер министрінің орынбасары – Ұлттық ұланның Бас қолбасшысы Аңсаған Балтабековке таныстырылды.Генерал-майор А. Балтабеков қоғамдық қауіпсіздікті қамтамасыз ету міндеттерін атқаратын әскери бөлімдердің техникалық базасын жаңарту  маңыздылығына ерекше тоқталды.– Ұлттық ұлан қоғам тыныштығын, заң мен тәртіпті қорғауда. Қызметтік-жауынгерлік міндеттерді орындау жоғары дайындық пен жедел әрекет етуді талап етеді. Жаңа автопатрульдер бөлімшелердің әлеуетін едәуір арттырып, қызмет тиімділігін күшейтеді деп сенемін, – деді Бас қолбасшы.Жаңадан келген техника патрульдік қызметтің сапасын жақсартуға, шақыртуларға әрекет ету уақытын қысқартуға және азаматтардың қауіпсіздігін арттыруға мүмкіндік береді.Айта кету керек, материалдық-техникалық базаны жаңғырту жұмыстары жүйелі түрде жүргізілуде. Қысқа уақыт ішінде Ұлттық ұлан бөлімшелеріне 336 заманауи техника жеткізілді, оның ішінде 120-дан астамы «Оңтүстік» өңірлік қолбасшылығының әскери бөлімдері арасында үлестірілген.Автопарктің жаңартылуы – елдегі тұрақтылық пен құқықтық тәртіпті қамтамасыз ету міндеттерін орындауда Ұлттық ұланның жауынгерлік әзірлігін нығайтуға және қызмет тиімділігін арттыруға бағытталған кезекті қадам. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1185677?lang=kk

Қазақстан Республикасы Ішкі істер министрлігі Ұлттық ұланының әскери оркестрі ҚР Қарулы күштерінің Орталық оркестрінен «Наурыз мейрамы» челленджін қабылдап, мерекелік эстафетаға қосылды.Ұлттық ұланның музыкалық ұжымы ұлттық нақыш пен көктемгі жаңару рухына толы салтанатты құттықтауын орындап, челленджді қолдады.Өз үндеуінде музыканттар Наурыздың түрлі буын өкілдерін біріктіретін бірлік, бейбітшілік пен берекенің символы екенін атап өтті.«Наурыз мерекесімен шын жүректен құттықтаймыз! Әр шаңырақта бейбітшілік, береке мен зор денсаулық салтанат құрсын. Қуаныш, жылу және шабыт тілейміз, әр күніңіз жарық пен ізгі эмоцияларға толы болғай. Елімізде әрдайым бірлік пен тыныштық сақталып, әр отбасы молшылық пен бақытта өмір сүрсін», — делінген құттықтауда.Мерекелік эстафетаны одан әрі жалғастыру үшін, Ұлттық ұлан оркестрі «Наурыз мейрамы» челленджін Қазақстан Республикасы Мемлекеттік күзет қызметінің Президенттік оркестріне жолдады. Осылайша, әскери шығармашылық ұжымдар арасындағы ізгі тілектер тізбегі мен мәдени байланысты нығайту жалғасын тапты.Мұндай бастамалар ұлттық құндылықтарды дәріптеуге, дәстүр сабақтастығын нығайтуға және қоғамдағы әскери қызметтің жағымды имиджін қалыптастыруға ықпал етеді. #НАУРЫЗНАМА ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1185685?lang=kk

Павлодар облысы бойынша Мемлекеттік кірістер департаменті «Атамекен» өңірлік палатасының алаңында бизнес өкілдерімен сұрақ-жауап форматында семинар-кездесу өткізді. Іс-шара 2026 жылы қабылданған жаңа Салық кодексінің нормаларын түсіндіруге арналды.Жаңа кодекстің енгізілуімен кәсіпкерлік субъектілерінде алғаш рет кездескен ережелер бойынша, атап айтқанда, арнайы салық режимдерінің өзгеруі шеңберіндегі талаптар бойынша сұрақтар туындады. Бейнеконференция байланысы режимінде облыстың қалалары мен аудандарының кәсіпкерлері Департамент мамандарынан толық жауаптар алды.Павлодар облысы бойынша МКД Түсіндіру жұмысы басқармасының басшысы Төлеген Шаймарданов салық төлеушілерге жеке тұлғалардың көлік құралдарына салынатын салықты төлеу мерзімі жақындап қалғанын еске салды. Иелері 2025 жыл үшін төлеуі тиіс сомалар ақпараттық жүйелерде қазірдің өзінде орналастырылуда.Сондай-ақ, Төлеген Шаймарданов облыстың барлық қалалары мен аудандарының мемлекеттік кірістер басқармаларында өз жұмысын жалғастырып жатқан «Халықтық бухгалтер» республикалық акциясының өткізілуі туралы атап өтті. Оның аясында кәсіпкерлер басқармаларға келіп, өз сұрақтарын тікелей мамандарға қоя алады.Павлодар облысы бойынша МКД түсіндіру жұмысыжәне Байланыс-орталығы басқармасы   Ақпарат көзі : https://www.gov.kz/memleket/entities/kgd-pavlodar/press/news/details/1185689?lang=kk

ҚР ІІМ Ұлттық ұланында әскери тәртіп пен ұлттық дәстүр біте қайнасқан. Мұндағы әскери киім үлгілері мен қызметтік техниканың кейбір элементтері де мәдени мазмұнға ие. Олардың безендірілуінде ата-бабадан мұра болған көне қолөнер мен әшекейлерде кездесетін қазақы ою-өрнектер үйлесімді қолданылған.Бұған мысал — мемлекеттік салтанатты рәсімдерде еліміздің болмысын айшықтайтын Құрмет қарауыл ротасының әскери киім үлгісі. Бұл Ротаның сарбаздары әскери шерулерге, күштік құрылымдар қолбасшылығы қатысатын ресми іс-шараларға қатысып, шетелдік делегацияларды қарсы алады. Дәл осы әскери қызметшілер шетелдік қонақтар үшін қазақ халқының өзіне ғана тән болған ұлттық бейнесін паш етеді.Құрмет қарауыл ротасының салтанатты киімі ұлттық көркемдік дәстүрлер ескеріле отырып әзірленген. Оның безендірілуінде қазақтың ою-өрнек элементтері, соның ішінде күш-қуаттың, береке мен ұрпақ сабақтастығының белгісі саналатын танымал  «қошқар мүйіз» оюы қолданылған. Бұл ою-өрнектерді әскери киімнің жекелеген тұстарында көрініс тауып, халқымыздың салт-дәстүрі мен мәдениетін білдіреді.Ұлттық нақыштарды қатардағы жауынгерден генералға дейінгі ұландықтар киетін кеңсе және күнделікті формадағы погондардан байқауға болады. Бұл қазақ мәдениетінде ою-өрнектің ежелден ерекше мәнге ие болғанын аңғартады. Өйткені өрнектер тек сәндік қызмет атқарып қана қоймай, белгілі бір мағынаға ие болып, тіпті бойтұмар ретінде де қабылданған.Ұлттық нақыш құқықтық тәртіп әскерінің техникасынан да көрініс тапты. Наурызнама онкүндігі аясында ұландықтар қызметтік Hyundai Staria автокөліктеріне ұлттық сипат берді. Қоғамдық тәртіпті қамтамасыз етуге жұмылдырылған көліктер қазақы ою-өрнектің ұлттық нақыштағы элементтерімен безендіріліп, заманауи техниканың дизайнын үйлесімді толықтырды.Осылайша, ұлттық ою-өрнек Ұлттық ұланның әскери киімінен бастап қызметтік техникасына дейінгі көрнекі бейнесінің ажырамас бөлігіне айналды. Бұл еліміздің мәдени болмысы мен жауынгерлік рухын айшықтай түседі. #НАУРЫЗНАМА ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1185670?lang=kk

AI-Mektep — жасанды интеллект негізінде құрылған жаңа буындағы білім беру платформасы. Ол мектеп оқушыларын емтихандарға (ҰБТ) дайындауға және заманауи оқу дағдыларын дамытуға арналған. Жоба цифрлық AI-платформаны және білім беру кеңістігін біріктіреді, мұнда оқушылар виртуалды AI-тәлімгердің көмегімен пәндерді өз қарқынымен меңгере алады.Платформа интерактивті сабақтарды, бейне және аудио түсіндірмелерді, тесттердің автоматты түрде жасалуын және оқу үлгерімін талдауды ұсынады. Жобаның негізгі мақсаты — сапалы білімге қолжетімділікті арттыру, оқушылардың ынтасын күшейту және өңірдің білім беру ортасына жасанды интеллекттің заманауи технологияларын енгізу.Ақпарат көзі : https://www.gov.kz/memleket/entities/kostanay/press/news/details/1185647?lang=kk

Бас прокуратураның Құқықтық статистика және арнайы есепке алу комитетінің Қылмыстық қауіп-қатерлер мен қоғамдық қауіпсіздік тәуекелдерін болжау орталығы жаңа алаяқтық толқын туралы ескертеді.Шетелдік дереккөздердің ақпаратыбойынша (https://www.theguardian.com/money/2026/mar/01/cleaning-superstore-the-missed-delivery-text-scam-whatsapp, )зиянкестер жаппай мессенджерлер мен SMS арқылы «жіберіп алған жеткізілім» туралы жалған хабарламалар жібереді.Бір қарағанда мұндай хабарламалар зиянсыз көрінеді және курьерлік қызметтердің стандартты хабарламаларын еске салады. Мәтінде курьердің сәлемдемені тапсыра алмағаны және жеткізілімдіқайта ресімдеу үшін арнайы параққакөшуді ұсынатыны көрсетіледі.Алайда,көрсетілген мекенжай логистикалық компаниялардың ресми ресурстарын толығымен еліктейтін жалған сайтқа апарады.Пайдаланушыға жеке мәліметтерін -Т.А.Ә., ЖСН, тұрғылықты мекенжайын көрсету, сондай-ақ жеткізілімдіқайта жеткізу үшін аз соманы төлеу ұсынылады.Тиісті ақпаратты енгізгеннен және төлем төлегеннен кейін қылмыскерлер құпия деректер мен банк деректемелеріне қол жеткізеді, бұл қаржылық шығындарға ғана емес, сондай-ақСіздің дербес деректеріңізді қылмыстық схемаларда әрі қарайпайдалануға да әкелуі мүмкін.Алаяқтардың құрбаны болмау үшін қарапайым, бірақ маңызды сақтық шараларын сақтау қажет:-егер Сіз жеткізілімдікүтпейтін болсаңыз, мессенджер және SMS хабарлардан сілтемелер арқылы өтпеу;-сайт мекенжайын мұқият тексеру;-алаяқтық ресурстар көбінесе бір немесе екі әріппен, белгілермен ерекшеленеді;-күдікті ресурстарға құпия жәнебанктік ақпаратты енгізбеу;-жеткізілімнің мәртебесін курьерлік қызметтердің, логистикалық компаниялардың ресми сайттары мен қосымшаларыарқылы ғана тексеру;-күдікті хабарламалардыалған кезде оларды елемеу және бұғаттау.Аферистер азаматтардың сенімділігін және жеткізілімтуралы хабарламаларға жылдам жауап беру әдетін белсенді пайдаланады. Сондықтан да мұндай схемалар шапшаң таралып, әркімге әсер етуі мүмкін.Цифрлықортадағы сақтық -қаржылық ысыраптарданжәне дербес деректердің жария болуынан ең жақсы қорғау. Комитеттің Қылмыстық қауіпқатердің және қоғамдық қауіпсіздіктің тәуекелдерін болжау орталығынАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1185650?lang=kk

Вена, 2026 жылғы 19 наурыз - Қазақстан Республикасының Тұрақты Өкілдігі Еуропадағы қауіпсіздік және ынтымақтастық ұйымының (ЕҚЫҰ) Тұрақты кеңесінің отырысы барысында жыл сайынғы баяндамасын жасаған ЕҚЫҰ ДИАҚБ директоры Мария Телалиан мен қатысушы мемлекеттердің өкілдерін ү.ж. 15 наурызда өткен Республикалық референдумның қорытындылары туралы хабардар етті.Қазақстанның Орталық референдум комиссиясының мәліметінше, референдумға 9 миллионнан астам азамат қатысып, елдің жаңа Ата Заңын қабылдауды дауыс беруге қатысушылардың 87,15 пайызы қолдағаны атап өтілді. Осылайша, референдум өтті деп танылды, ал жаңа Конституция – Қазақстан халқының еркін ерік білдіруі нәтижесінде қабылданды.Дауыс беру қорытындылары конституциялық реформаны кеңінен қоғамдық қолдауды айғақтайтыны және елде демократиялық процестің табысты жүргізілгенін растайтыны атап өтілді. Жаңа, шынымен халықтық Конституция ресми түрде 2026 жылдың 1 шілдесінде күшіне енеді.Сөз барысында жаңа Конституцияның ережелерін іске асыру ұлттық заңнаманы ауқымды жаңартудың негізі болатыны атап өтілді. Алдағы кезеңде Парламентке Президент институтын, Құрылтайды, Халық кеңесін, сондай-ақ елорда мәртебесін және елдің әкімшілік-аумақтық құрылымын реттейтін актілерді қоса алғанда, бес жаңа конституциялық заң енгізу жоспарлануда.Сонымен қатар, тағы сегіз Конституциялық заң мен 60-тан астам нормативтік құқықтық актілерді, соның ішінде негізгі кодекстерді жүйелі түрде қайта қарау қажет болады. Аталған заңнамалық үдеріс алдағы парламенттік сайлаумен үндестірілетін болады, оны өткізу ағымдағы жылдың 1 қыркүйегіне дейін көзделеді.Референдумді халықаралық бағалауға ерекше назар аударылды. ТМД, ТМД ПАА, ШЫҰ, Түркі мемлекеттері ұйымының, ТүркПА, ҰҚШҰ ПА, ИЫҰ және АӨСШК халықаралық байқаушылары дауыс берудің ашық және транспарентті сипатын, азаматтардың кеңінен қатысуын, процестің барлық қатысушыларының құқықтарын сақтауды және еркін, саналы және тәуелсіз таңдау мүмкіндігін қамтамасыз етуді бірауыздан атап өтті. Осыған байланысты референдум Қазақстанның ұлттық заңнамасына және сайлау саласындағы халықаралық міндеттемелеріне сәйкес деп танылды.    Ақпарат көзі : https://www.gov.kz/memleket/entities/mfa-vienna/press/news/details/1185613?lang=kk

Нью-Йорк, 2026 жылғы 19 наурыз – Қазақстан Республикасының БҰҰ жанындағы Тұрақты өкілі Қайрат Омаров 2026 жылғы Дүниежүзілік су күніне арналған «Су және гендерлік теңдік» тақырыбындағы іс-шараға қатысты.Өз сөзінде ол судың қоғамдық денсаулық сақтаудың, азық-түлік қауіпсіздігінің және орнықты дамудың негізі екенін, ал су ресурстарына тең қолжетімділікті қамтамасыз ету әділеттілік пен инклюзивтілік мәселелерімен тікелей байланысты екенін атап өтті. Көптеген елдерде әйелдер мен қыздар су тапшылығының салдарын қатты сезінуіне ерекше назар аударылды, ал олардың су ресурстарын басқару процестеріне қатысуы жеткіліксіз болып қалады.Қазақстан тарапы климаттың өзгеруі, экожүйелердің тозуы, орнықсыз тұтыну және гидрологиялық циклдің бұзылуы салдарынан жаһандық су ресурстарына түсетін қысымның артып келе жатқанын атап өтті. Қауіпсіз ауыз су мен санитарияға қолжетімділіктің тапшылығы сақталып отырған жағдайда, халықаралық ынтымақтастықты нығайту және су саласындағы жаһандық басқаруды жетілдірудің айрықша маңызға ие екені баса айтылды.Осыған байланысты, іс-шараға қатысушылар Қазақстан Республикасы Президенті Қ.К. Тоқаевтың БҰҰ-80 реформасы процесінің шеңберінде БҰҰ қамқорлығымен мамандандырылған халықаралық су ұйымын құру жөніндегі бастамасымен таныстырылды. Бұл бастама институционалдық тиімділікті арттыруға, функциялардың қайталануын қысқартуға және су күн тәртібіне тиісті саяси мән беруге бағытталған.Сондай-ақ, аталған мәселе бойынша алғашқы халықаралық консультацияларды ү.ж. сәуір айында Астанада Өңірлік экологиялық саммит аясында өткізу жоспарланып отырғаны жария етілді. Қазақстан БҰҰ-ға мүше мемлекеттер мен серіктестерді су күн тәртібі бойынша одан әрі диалогқа белсенді қатысуға шақырды.Ақпарат көзі : https://www.gov.kz/memleket/entities/mfa-kazakhstanun/press/news/details/1185614?lang=kk

Нью-Йорк, 2026 жылғы 18 наурыз - Нью-Йорк қаласында Біріккен Ұлттар Ұйымына мүше мемлекеттердің тау өңірлерінің орнықты дамуына арналған жоғары деңгейдегі іс-шарасы өтті. Аталған іс-шараға Қазақстан Республикасының БҰҰ жанындағы Тұрақты өкілі Қайрат Омаров қатысты.Іс-шара БҰҰ жанындағы Қырғыз Республикасының Тұрақты өкілдігі мен Біріккен Ұлттар Ұйымының Даму бағдарламасымен бірлесіп ұйымдастырылып, тау өңірлерінің орнықты дамуын ілгерілету, оның ішінде 2030 жылға дейінгі Орнықты даму күн тәртібін іске асыру мақсатында халықаралық ынтымақтастықты нығайту шеңберінде өтті.Өз сөзінде Қ.Омаров Қазақстанның әртүрлі экожүйелерге, оның ішінде тау аймақтарына ие бола отырып, климаттың өзгеруі, мұздықтардың еруі, шөлейттену және су ресурстарының тапшылығы сияқты экологиялық сын-қатерлерге іс жүзінде тап болып отырғанын атап өтті. Бұл үдерістер Орталық Азиядағы азық-түлік қауіпсіздігіне, орнықты дамуға және өңірлік тұрақтылыққа тікелей әсер ететіні айтылды.Өңірлік өзара іс-қимылды және көпжақты ынтымақтастықты күшейту, сондай-ақ экологиялық проблемаларды шешу үшін қаржылық, технологиялық және ғылыми ресурстарды жұмылдыру қажеттілігіне ерекше назар аударылды. Осы тұрғыда қатысушыларға 2026 жылғы сәуір айында Астана қаласында өтетін Өңірлік экологиялық саммит туралы ақпарат берілді. Саммит климаттың өзгеруіне бейімделу, су ресурстарын орнықты басқару және биоалуантүрлілікті сақтау салаларында нақты шешімдер әзірлеуге арналған алаң болады.Сонымен қатар, Қ.Омаров Алматы қаласында Орталық Азия мен Ауғанстан үшін Орнықты даму мақсаттары жөніндегі БҰҰ Өңірлік орталығының құрылуын атап өтті. Оның қызметі әріптестікті нығайтуға, инвестиция тартуға және жаһандық міндеттемелерді нақты өңірлік және ұлттық жобаларға айналдыруға ықпал ететін болады.Ақпарат көзі : https://www.gov.kz/memleket/entities/mfa-kazakhstanun/press/news/details/1185615?lang=kk

Нью-Йорк, 2026 жылғы 18 наурыз – Біріккен Ұлттар Ұйымының штаб-пәтерінде Наурыз мейрамын атап өтуге арналған ресми іс-шара өтті. Іс-шараны Орталық Азия мемлекеттерінің БҰҰ жанындағы Тұрақты өкілдіктері ұйымдастырды.Қазақстан Республикасының БҰҰ жанындағы Тұрақты өкілі Қайрат Омаров өз сөзінде Наурыздың өңір елдерінің мәдени мұрасының ажырамас бөлігі екенін атап өтіп, оның жаңару, тату көршілік және бірлік құндылықтарын бейнелейтінін жеткізді. Қазіргі жаһандық сын-қатерлер жағдайында бұл мерекенің маңызы арта түсіп, диалогты, өзара түсіністікті және халықаралық ынтымақтастықты нығайтуға ықпал ететіні атап өтілді.Сонымен қатар, ол ағымдағы жылғы 15 наурызда Қазақстанда өткен республикалық референдумға тоқталып, оның елдің саяси жаңғыруға және демократиялық институттарды нығайтуға бейілділігін айқындайтын маңызды кезең болғанын айтты. Аталған референдум, Наурыз мейрамы секілді, жаңару, ілгерілеу және неғұрлым әділетті әрі инклюзивті қоғам құруға ұмтылыстың символы екені атап өтілді.Іс-шараның мәдени бағдарламасы аясында еліміз «Әлқисса» балалар фольклорлық ансамблінің «Алтын адам» атты музыкалық-театрландырылған қойылымымен таныстырылды.Іс-шара барысында Орталық Азия мемлекеттерінің мәдениеті мен ұлттық мұрасын кеңінен таныстырған көрме ұйымдастырылып, онда ұлттық қолөнер бұйымдары мен дәстүрлі музыкалық аспаптар ұсынылды.Ақпарат көзі : https://www.gov.kz/memleket/entities/mfa-kazakhstanun/press/news/details/1185616?lang=kk

Скопье, 2026 жылғы 18 наурыз – Қазақстанның Солтүстік Македониядағы Елшісі Сатыбалды Бұршақов Скопьедегі Халықаралық Балқан университеті жанындағы Балқан зерттеу орталығы басшылығының шақыруы бойынша «Өркениеттер альянсы» орталығының қолдауымен болып өткен «Қарқынды Қазақстан, жаңа стратегия және жаңа Конституция» атты пікірталасқа қатысты.Сарапшылардың, профессорлардың және студенттердің қатысуымен болған пікірталас барысында дипломат Қазақстанның ішкі саяси бағыты мен әлеуметтік-экономикалық серпінінің негізгі аспектілері туралы ақпарат беріп, оның сыртқы саяси стратегиясының басты бағыттары мен цифрлық трансформация саласындағы жетістіктерін атап өтті. Қазақстан мен Солтүстік Македония арасындағы екіжақты ынтымақтастықтың перспективаларына ерекше назар аударылды.Елші С.Бұршақов Президент Қ.Тоқаев бастамашылық еткен ауқымды саяси өзгерістердің жүру барысын жан-жақты баяндады. Осы процестердің маңызды белесі 15 наурызда өткін жалпыұлттық референдум болды, онда елдің жаңа Конституциясының ережелері бекітілді.Аудиторияның басты назары мемлекеттің одан әрі дамуы үшін басым мәнге ие негізгі конституциялық жаңалықтарға аударылды.Атап айтқанда, конференция қатысушыларына бірпалаталы парламент «Құрылтайдың» және халық мүддесін білдіретін жоғары консультативтік орган «Қазақстанның халқы кеңесінің» құрылуы, сондай-ақ атқарушы вертикалдың неғұрлым тиімді жұмыс істеуін қамтамасыз етуге арналған вице-президент лауазымының белгіленуі сияқты түбегейлі өзгерістер егжей-тегжейлі түсіндірілді. Парламент рөлінің едәуір күшейтілуіне, оның үкімет қызметіне бақылау функцияларының кеңейтілуіне қатысты түсіндірмелер маңызды блокқа айналды.Сонымен қатар, адам мен азаматтың құқықтары мен бостандықтарының мызғымас кепілдіктерінің конституциялық тұрғыдан бекітілуі құқықтық жүйенің дамуындағы жаңа кезеңді белгілейтіні, осы құндылықтарды мемлекеттің ең жоғары басымдығы ретінде бекітетіні атап өтілді.Университет аудиториясына сондай-ақ Қазақстан, оның дәстүрлері мен халқы туралы баяндайтын бейнероликтер мен фотосуреттер көрсетілді.Пікірталас кезінде Елші конференцияға қатысушылардың көптеген сұрақтарына жауап берді.Ақпарат көзі : https://www.gov.kz/memleket/entities/mfa-skopje/press/news/details/1185617?lang=kk

Братислава, 2026 жылғы 18 наурыз – Қазақстанның Словакиядағы Елшісі Жанна Сағынова Словак Республикасы Ауыл шаруашылығы министрлігінің мемлекеттік хатшысы Владимир Внукпен кездесу өткізді.Келіссөздер барысында тараптар аграрлық саладағы екіжақты ынтымақтастықтың кең ауқымды мәселелерін, соның ішінде мал шаруашылығы, тұқым шаруашылығы және орман шаруашылығын талқылады. Сондай-ақ Словакиядан асыл тұқымды мал сатып алу, Қазақстанның Словакия нарығына жеткізілетін экспорттық агроөнім түрлерін кеңейту мәселелеріне ерекше назар аударылды.Орман шаруашылығы саласындағы өзара түсіністік туралы бірлескен Меморандумды іске асырудың маңыздылығы, сондай-ақ сауда-экономикалық және ғылыми-техникалық ынтымақтастық жөніндегі Үкіметаралық комиссия аясында жұмыс істейтін бейінді жұмыс тобының қызметі атап өтілді. 2025 жылғы ақпанда өткен жұмыс тобының онлайн-кездесуінің қорытындылары бойынша қол жеткізілген келісімдерді жүзеге асыру мақсатында дипломат Қазақстанның орман шаруашылығы мамандары үшін Словакия Республикасының мамандандырылған оқу орындары базасында тағылымдамалар ұйымдастыру мүмкіндігін, сондай-ақ ҚР Ауыл шаруашылығы министрлігінің Орман шаруашылығы комитеті мен Словакияның Ұлттық орман орталығы арасындағы өзара іс-қимылды дамыту мәселесін қарастыруды ұсынды.Биотехнологиялар, топырақтану, өсімдік селекциясы мен генетикасы, мал шаруашылығы және ветеринария салаларындағы бірлескен жобаларды іске асыру перспективаларына ерекше назар аударылды. Елші Қазақстанның Ұлттық аграрлық ғылыми-білім беру орталығының қызметімен таныстырып, аталған орталық пен Словакияның Ұлттық ауыл шаруашылығы және азық-түлік орталығы, сондай-ақ Братиславадағы Орталық бақылау және сынақ ауыл шаруашылығы институты арасындағы ынтымақтастықты жолға қоюды ұсынды.ЮНЕСКО-ның саятшылық өнерін Қазақстан мен Словакияның материалдық емес мәдени мұрасы ретінде тануы екіжақты ынтымақтастық үшін жаңа мүмкіндіктер ашатыны атап өтілді. Дипломаттың пікірінше, Словакияда сұңқаршылықты кәсіби оқытумен айналысатын орман мектептері желісінің болуы қазақ құсбегілерін даярлау үшін қосымша мүмкіндіктер береді.Кездесу қорытындысы бойынша тараптар ынтымақтастықты одан әрі дамытуға өзара мүдделілігін растады және талқыланған барлық бағыттар бойынша сындарлы диалогты жалғастыруға келісті.Ақпарат көзі : https://www.gov.kz/memleket/entities/mfa-bratislava/press/news/details/1185559?lang=kk

Женева, 2026 жылғы 19 наурыз – Женевадағы Адам құқықтары жөніндегі кеңес сессиясының аясында Қазақстан Республикасының Женевадағы БҰҰ бөлімшесі жанындағы Тұрақты өкілдігі Ұлттар сарайында БҰҰ-ның Мүгедектігі бар адамдардың құқықтары жөніндегі комитетіне (CRPD) мүшелікке Ляззат Қалтаеваның кандидатурасын таныстыруға арналған іс-шара өткізді. Іс-шараға елшілер, халықаралық ұйымдардың өкілдері және адам құқықтары саласындағы сарапшылар қатысты.Іс-шараны ашқан Қазақстанның Тұрақты өкілі, елші Е.Қазыхан қатысушыларды қарсы алып, биылғы жылдың символдық маңызын атап өтті – бұл Мүгедектігі бар адамдардың құқықтары туралы конвенцияның 20 жылдығы. Ол Қазақстанның көпжақты ынтымақтастыққа және адам қадір-қасиетін ілгерілетуге берік ұстанымын, сондай-ақ елдің БҰҰ-ның адам құқықтары механизмдерімен белсенді өзара іс-қимылын растады.Сонымен қатар, Елші Қазақстанның мүгедектігі бар адамдардың мәдени құқықтары жөніндегі достар тобына қосылу туралы шешімін жариялап, Л.Қалтаеваны CRPD комитетіне Қазақстанның кандидаты ретінде ресми түрде таныстырды. Мүгедектігі бар адамдардың құқықтарын қорғау қозғалысында 30 жылдан астам жетекшілік тәжірибесі бар, оның ішінде парламенттік және өңірлік деңгейлерде қызмет атқарған Л.Қалтаева инклюзивті саясатты дамыту мен әйелдер мен мүгедектігі бар адамдардың құқықтарын ілгерілету саласында мол тәжірибеге ие.Өз сөзінде Л.Қалтаева мүгедектігі бар адамдардың шешім қабылдау процестеріне қатысуының маңыздылығын, әсіресе климаттың өзгеруі, қақтығыстар және қоғамдық денсаулық сақтау дағдарыстары сияқты жаңа жаһандық сын-қатерлер жағдайында атап өтті.Мүгедектігі бар адамдардың құқықтары жөніндегі комитет – Конвенцияның қатысушы мемлекеттер тарапынан орындалуын бақылайтын тәуелсіз сарапшылардан тұратын орган. CRPD комитетіне сайлау 2026 жылғы маусымда Нью-Йорк қаласында өтеді.Ақпарат көзі : https://www.gov.kz/memleket/entities/mfa-geneva/press/news/details/1185580?lang=kk

Прага, 2026 жылғы 18 наурыз – Референдум қорытындылары мен Қазақстанның жаңа Конституциясының қабылданғаны туралы алғашқылардың бірі болып чех қоғамының өкілдері – «Чех Республикасының Қазақстан Республикасымен сауда-экономикалық ынтымақтастығының келешегі» атты бизнес-семинарға қатысушылар хабардар болды. Чехияның іскер топтарын, салалық бірлестіктері мен сарапшылар қауымдастығын біріктірген бұл іс-шараны «CZ – Чех коммуналдық және энергетикалық технологиялары» консорциумы «FONTES RERUM» зерттеу институтымен бірлесіп, Қазақстан Республикасының Чех Республикасындағы Елшілігінің қолдауымен ұйымдастырды.ҚР Елшісі Қ.Әбдірахмановпен қатар, белгілі чех экономисі әрі саясаткері, Чех Республикасының бұрынғы Өнеркәсіп және сауда министрі Ян Младек, көрнекті дипломат, Чехияның бұрынғы Сыртқы істер министрі және БҰҰ Бас Ассамблеясының экс-төрағасы Ян Каван, кәсіпкер, ұйымдастырушы консорциумның жетекшісі Зденек Збытек, Чехия Өнеркәсіп және көлік одағының вице-президенті Франтишек Халоупецкий, сондай-ақ «EGAP» экспорттық сақтандыру компаниясы директорлар кеңесі төрағасының орынбасары Марек Длоухи баяндама жасады.Чех кәсіпкерлеріне Қазақстандағы экономикалық өзгерістердің еліміздің жаңа Негізгі заңында заңнамалық тұрғыдан бекітілген негізгі бағыттары таныстырылды. Атап айтқанда, Конституцияда адам капиталын, білім беру, ғылым мен инновацияны дамыту мемлекет қызметінің стратегиялық бағыты ретінде айқындалғаны, сондай-ақ меншіктің барлық нысандарын қорғау, халықаралық құқықтың нормалары мен қағидаттарын құрметтеу көзделгені атап өтілді. Экономикалық реформалар кешенін іске асыру нәтижесінде Қазақстанның инвестициялық және сауда-экономикалық әлеуеті артып, бюрократиялық кедергілер азайып, атқарушы биліктің жауапкершілігі күшейеді деп күтілуде.Қазақстан мен Чехия арасындағы сауда-экономикалық ынтымақтастықты нығайтуда, инвестицияларды өзара тартуда және заманауи технологияларды енгізуде чех компаниялары мен даму институттарының маңызды рөлі атап өтілді. Нақты жобаларды, соның ішінде өткен жылдары қол жеткізілген уағдаластықтарды іске асыру, Қазақстан Республикасы мен Чех Республикасы арасындағы алдағы ең жоғары және жоғары деңгейдегі кездесулерге, сондай-ақ ірі екіжақты бизнес-форумдарды өткізуге дайындық аясында ерекше мәнге ие болып отыр.Семинардың өтуі қазақстандық дипломаттардың жергілікті іскер топтармен бұған дейін өткізген кездесулерінің және Чехияның түрлі өңірлеріндегі озық технологиялық әрі өнеркәсіптік компаниялардың қызметімен танысуға арналған жұмыс сапарларының заңды жалғасы болды. Аталған іс-шаралар барысында қазақстандық тараппен серіктестікті тереңдетудің нақты бағыттары нақтыланды.Ақпарат көзі : https://www.gov.kz/memleket/entities/mfa-prague/press/news/details/1185584?lang=kk