2025 жылғы 8 сәуірде "Ақ көгершін" қоғамдық бірлестігі Қостанай облысы әкімдігінің Қоғамдық даму басқармасының тапсырысы бойынша, мемлекеттік әлеуметтік тапсырыс шеңберінде жүзеге асырылып жатқан «Отбасы-демографиялық және гендерлік саясатты қолдау, сондай-ақ отбасылық құндылықтарды насихаттауға бағытталған іс-шараларды өткізу» жобасы аясында, Рудный индустриялық институтының студент-тренерлері үшін бір күндік ТОТ тренингін ұйымдастырды.Ақпарат көзі : https://www.gov.kz/memleket/entities/kostanai-ishki-sayasat/press/news/details/973218?lang=kk

Қостанай әуесқой хоккей лигасында КЛХЛ Кубогының Плей-офф кезеңі басталадыҚұрметті қала тұрғындары мен қонақтары!Алдағы күндері Қостанай әуесқой хоккей лигасында жарыстың шешуші кезеңі — КЛХЛ Кубогының Плей-офф кезеңі басталады. Маусымның тұрақты бөлігінің қорытындысы бойынша үздік нәтижелер көрсеткен командалар басты жүлде үшін күреске түседі.Плей-офф ойындары екі жеңіске дейін өтеді. Әрбір матч тартысты да шиеленісті өтетіні сөзсіз.Барша хоккей жанкүйерлерін матчтарға келіп, турнирге қатысушы командаларға қолдау көрсетуге шақырамыз.Өтетін орны:Мұз аренасы, Қостанай қаласы, Юбилейный шағын ауданы, 66Кіру тегін.Ақпарат көзі : https://www.gov.kz/memleket/entities/kostanai-kalasy-akimat/press/news/details/973190?lang=kk

Лёсден (Нидерланд), 2025 жылғы 9 сәуір – 9 сәуір күні таңғы сағаттарда Лёсден қаласында 1942 жылы нацистер тарапынан атылған 77 кеңестік әскери тұтқынға арналған жыл сайынғы ресми іс-шара өтті. Сол қайғылы оқиғалардың куәгерлерінің айтуынша, 77 атылған адамның көпшілігі Орталық Азия республикаларынан, соның ішінде Қазақстан мен Өзбекстаннан болған. Олардың рухына тағзым ету үшін муниципалитет мэрлері, дипломатиялық корпус өкілдері, соның ішінде Қазақстан Республикасының Нидерландтағы Елшілігі, қоғамдық ұйымдардың белсенділері, өлкетанушы ғалымдар, студенттер, мектеп оқушылары мен көршілес қалалардың өзге де тұрғындары жиналды.           Салтанатты шара таң шапағында, «Кудрист» обелискісі жанында (сарбаздар жерленген орман алқабының атауы бойынша) ұйымдастырушылар – «Кеңестік Даңқ Өрісі» қорының (Stichting Sovjet Ereveld) жетекшілері Рогир Рейкерс пен Ремко Рейдингтің құттықтау сөздерімен басталды, олардың бірі Қазақстанға сапары мен Лёсденде әкелерінің жерленген орнын табуға көмектескен отбасылармен кездесулері туралы жылы естеліктерімен бөлісті. Үлкен аза шырағы қайғылы оқиға орын алған жерде – бұрынғы «Амерсфорт» концлагерінің маңында жағылып, бір минут үнсіздік жарияланды.Бұл оқиға Екінші дүниежүзілік соғыс жылдарында Нидерланд аумағында қаза тапқан кеңестік жауынгерлердің есімін мәңгі есте қалдыру жолында қордың атқарып келе жатқан жүйелі әрі асыл мұратты жұмысының маңызды жалғасына айналды. Аттас «Кеңестік Даңқ Өрісінде» барлығы 865 кеңес солдаты мен офицері жерленген, олардың есімдері ұзақ жылдар бойы белгісіз болып келген. Айта кетерлігі, осы жерде наурыз айында аталған жауынгерлердің тағдырына арналған жаңа Sovjet Ereveld Experience музейінің ашылуы өтті. Ізкесушілер мен мұрағатшылардың жан-жақты және ұқыпты жұмысының нәтижесінде бірнеше қазақстандық жауынгердің есімдері анықталып, шараға олардың туыстары арнайы шақырылды. Отбасылардың бірінің өкіліне символикалық лентаны салтанатты түрде қию құрметі бұйырды.Музей заманауи технологияларды, оның ішінде виртуалды шындық элементтерін пайдалана отырып жасалған және келушілерге тарихтың көлеңкесінде қалған адамдардың жеке тағдырларына үңілу арқылы қаза тапқандардың ерлігін терең сезінуге мүмкіндік береді. Бұл жоба мемлекетаралық гуманитарлық ынтымақтастық пен ынталы жанашырлардың жеке бастамасы нацизммен соғыс құрбандарына деген естелікті Жеңістің 80 жылдығы атап өтілетін мерейтойлы жылы қайтаруға қабілетті екенінің жарқын мысалына айналды.Ақпарат көзі : https://www.gov.kz/memleket/entities/mfa-hague/press/news/details/973181?lang=kk

Қазақстан Республикасы Үкіметінің қаулысымен Асан Көбентайұлы Дарбаев ұлттық экономика вице-министрі қызметіне тағайындалды. Бұл туралы Үкіметтің Баспасөз қызметі хабарлайды.1984 жылы Ақмола облысында дүниеге келген. Әл-Фараби атындағы Қазақ ұлттық университетін, Т. Рысқұлов атындағы Қазақ экономикалық университетін, ҚР Президенті жанындағы Мемлекеттік басқару академиясын, Warwick университетін (Ұлыбритания) бітірген.2005 жылдан 2006 жылға дейін Қаржы министрлігі құрылымында жетекші маман болып жұмыс істеді.2006–2009 жылдары — монополияға қарсы құрылымдардағы аумақтық бөлімшелерде бас маман.2009-2010 жылдары  — «Бәсекелестік саясатты дамыту және қорғау орталығы» АҚ және «KAZENERGY мұнай-газ және энергетика кешені ұйымдарының қазақ қауымдастығы» заңды тұлғалар бірлестігінде менеджер.2013–2015 жылдары ҚР Ұлттық экономика министрлігі Табиғи монополияларды реттеу және бәсекелестікті қорғау комитеті директорының орынбасарынан басқарма басшысына дейінгі лауазымды қызмет атқарды.2015–2019 жылдары — ҚР Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитеті төрағасының орынбасары.2019 жылдан бастап қазіргі уақытқа дейін – ҚР Ұлттық экономика министрлігі Табиғи монополияларды реттеу комитетінің төрағасы.Ақпарат көзі : https://www.gov.kz/memleket/entities/economy/press/news/details/973138?lang=kk

Алматы қаласы және Алматы облысы бойынша Мемлекеттік кірістер департаменттері Сиань кеденінің (ҚХР) делегациясымен іскерлік кездесу өткізді. Іс-шараның мақсаты – кедендік әкімшілендіру саласындағы екіжақты ынтымақтастықты нығайту және трансшекаралық сауданың өзекті мәселелерін талқылау.Келіссөздер барысында тараптар кедендік рәсімдердің тиімділігін арттыру жолдарын, жүктерді рәсімдеуді жеделдету мәселелерін, сондай-ақ шекарадағы қауіпсіздікті күшейту шараларын талқылады. Екі тараптың өкілдері осы бағыттар бойынша озық тәжірибелері мен жетістіктерімен бөлісті.Кездесудің негізгі сәті тараптардың әріптестікті дамытуға, кедендік рәсімдерді жеңілдетуге және халықаралық сауда үшін қолайлы жағдайлар жасауға ұмтылысын айқындайтын Ынтымақтастық туралы меморандумға қол қою болды.Тараптар қол жеткізілген келісімдер кедендік әкімшілендіру саласындағы өзара іс-қимылды тереңдету мен жұмыстың тиімділігін арттыруға негіз болатынына сенім білдірді.Ақпарат көзі : https://www.gov.kz/memleket/entities/kgd-almaty/press/news/details/973124?lang=kk

Алматыда ҚР Қорғаныс министрлігінің бітімгерлік операциялар орталығында өткен халықаралық семинарда Қазақстан мен ГФР әскери қызметшілері көшбасшылық және азаматтық білім беру мәселелерін талқылады. Іс-шараға Бітімгерлік операциялар орталығының әскери қызметшілері, Радиоэлектроника және байланыс әскери-инженерлік институтының, Құрлық әскерлері әскери институтының оқытушылары, сондай-ақ оқу орталықтарының нұсқаушылары қатысты.Қазақстандық әріптестері үшін подполковниктер Фридрих фон Бисмарк пен Андре Шредер «Көшбасшылық пен азаматтық білім беруді дамыту тұжырымдамасының негізгі мазмұны» және «ХХІ ғасырдағы көшбасшылыққа төнетін сын-қатерлер» тақырыптары бойынша дәріс оқыды.Семинарға қатысушылар офицерлерді дайындаудың түрлі үлгілерімен танысты. Сондай-ақ, қазіргі заманғы көшбасшылардың алдында тұрған сын-қатерлер, әскери мамандарды кәсіби және адамгершілік жағынан жетілдіру мәселелері талқыланды.ҚР Қорғаныс министрлігі Бітімгерлік операциялар орталығы бастығының орынбасары подполковник Рүстем Сүлейменов атап өткендей, әскери қызметшілердің көшбасшылық қасиеттерін дамыту, олардың өз бетінше шешім қабылдау және азаматтық жауапкершілікті сезіну қабілеті бітімгерлік контингентті дайындауда үлкен маңызға ие.Іс-шара бағдарламасына дәрістер, тренингтер, интерактивті сабақтар және пікірталастар кірді. Ақпарат көзі : https://www.gov.kz/memleket/entities/mod/press/news/details/973116?lang=kk

Берлин, 2025 жылғы 9 сәуір – Қазақстан Республикасында тұратын этникалық немістер мәселелері жөніндегі екіжақты Үкіметаралық комиссияның (ҮАК) 21-ші отырысында Қазақстан мен Германия арасындағы мәдени-гуманитарлық байланыстарды нығайту және неміс этносын қолдау мәселелері талқыланды.Кезекті кездесу Германия астанасында Қазақстан Республикасы Сыртқы істер министрінің орынбасары Роман Василенконың және Германия Федералдық үкіметінің қоныс аударушылар және ұлттық азшылықтар істері жөніндегі уәкілі, Германия Бундестагының депутаты Натали Павликтің төрағалығымен өтті.ҮАК отырысының күн тәртібіне білім беру, неміс тілін қолдау, мәдениет, ғылым, жастар саясаты, мұрағат ісі сияқты салаларындағы ынтымақтастық, сондай-ақ іскерлік байланыстарды дамыту және виза режимін жеңілдету мәселелері енгізілді.Келіссөздер барысында қазақстандық немістердің ұлттық бірегейлігін қолдауға бағытталған бірлескен жобаларды іске асыруға ерекше назар аударылды.Тараптар 2024 жылы Еуразия ұлттық университетінде Неміс тілі мен мәдениеті орталығының және Алматы энергетика және байланыс университетінде Анхальт қолданбалы ғылымдар университеті филиалының ашылуын құптады. Сондай-ақ, Астанадағы Қазақ-Неміс орталығының, Алматыдағы Қазақ-Неміс университетінің, Ақтаудағы Қазақ-Неміс тұрақты инженерия институтының, Республикалық академиялық неміс драма театрының және басқа да құрылымдардың екі ел арасындағы ынтымақтастықты дамытуға қосқан маңызды үлесін атап өтті.Министрің орынбасары өз сөзінде: «қазақ жері дәстүрлі түрде Батыс пен Шығысты байланыстыратын көпір. Ал Қазақстандағы неміс диаспорасы мен Германиядағы бұрынғы отандастарымыз Қазақстан мен Германия арасындағы «жанды көпір» ғана емес, сонымен қатар екіжақты қарым-қатынастардың болашағына берік негіз», – деп атап өтті.Ол сондай-ақ әртүрлі ұлт өкілдерінің ортақ әлеуметтік-мәдени кеңістікте бейбіт қатар өмір сүруі үшін қолайлы жағдай жасау Қазақстан Үкіметінің басты міндеттерінің бірі екенін айтты. Бұл ретте биыл құрылғанына 30 жыл толатын Қазақстан халқы Ассамблеясы ерекше рөл атқаратыны аталып өтті.Өз кезегінде, Бундестаг депутаты Германия Үкіметі Қазақстанда тұратын этникалық немістерді жан-жақты қолдауды жалғастыратынын растады. «Қазақстан мен Германия арасындағы ынтымақтастықтың қарқынды дамуын, соның ішінде Қазақстандағы этникалық немістерге көрсетіліп отырған қолдауды және олардың екіжақты қатынастарды одан әрі тереңдетуде маңызды рөлін тағы да атап өткім келеді», - деді Н.Павлик.Тараптар Қазақстандағы этникалық немістерді кешенді қолдау жөніндегі шараларды жоспарлы түрде жүзеге асыруды жалғастыруға келісті және бұл міндеттер кездесудің қорытындысы бойынша қол қойылған Коммюникеде бекітілді.Сонымен қатар, Берлинге сапары аясында Р.Василенко Германия Бундестагының депутаты Штефан Роуэнхоффпен және Германия Сыртқы істер министрлігінің Орталық Азия, Шығыс Еуропа және Кавказ елдері жөніндегі уәкілі Конрад Арц фон Штрауссенбургпен кездесті. Кездесулер барысында тараптар екіжақты ынтымақтастықтың қазіргі жай-күйі мен одан әрі дамуының келешегін талқылап, жаһандық және өңірлік күн тәртібі бойынша пікір алмасты.Қазақстан Республикасында тұратын этникалық немістер мәселелері жөніндегі Үкіметаралық комиссия Қазақстан Республикасы Үкіметі мен Германия Федеративтік Республикасы Үкіметі арасындағы Қазақстан Республикасы азаматтарының неміс ұлтын қолдау жөніндегі ынтымақтастық туралы 1996 жылғы 31 мамырда Алматы қаласында қол қойылған келісімге сәйкес құрылған.Статистикалық деректерге сәйкес, Қазақстанда 226 мың этникалық неміс, ал Германияда Қазақстаннан қоныс аударған шамамен 1 миллион неміс тұрады.Ақпарат көзі : https://www.gov.kz/memleket/entities/mfa/press/news/details/973088?lang=kk

Астана, 2025 жылғы 8 сәуір —Астанада Нидерланд Корольдігінің Ауыл шаруашылығы министрлігінің Бас хатшысы Ян Кеес Гут бастаған делегацияның іссапары басталды. Делегация құрамында агроөнеркәсіп кешеніне мамандар даярлайтын алдыңғы қатарлы аграрлық компаниялар мен білім беру мекемелерінің өкілдері бар.Сапардың бірінші күні Нидерланд делегациясы Astana Flora Expo 2025 және Astana Grow Expo 2025 халықаралық аграрлық көрмелерінің салтанатты ашылуына қатысты. Көрмелерде жылыжай технологиялары, орнықты егіншілік және автоматтандыру салаларындағы озық шешімдер ұсынылды. Сонымен қатар, қазақстандық агробизнес пен мемлекеттік органдардың өкілдерімен келіссөздер өтті. Маңызды іс-шаралардың бірі – Қазақстан мен Нидерланд арасындағы ауыл шаруашылығы жөніндегі жұмыс тобының отырысы болды.Ян Кеес Гуттың айтуынша, Қазақстан мен Нидерланд бір-бірін толықтыратын артықшылықтарға ие: Қазақстан – кең жер ресурстары мен агросекторды жаңғыртуға ұмтылыс, ал Нидерланд – озық технологиялар, орнықты шешімдер және жинақталған тәжірибеге ие. Ол Қазақстанның тұрақты экономикасы, қолайлы географиялық орналасуы және үкіметтің қолдау шаралары, соның ішінде сүт фермалары мен экологиялық таза технологияларға арналған субсидиялар арқылы нидерландтық инвесторлар үшін тартымды серіктес болып қала беретінін атап өтті.Жалпы, бағдарлама аясында тұрақты агробизнес, смарт жылыжай технологиялары, қаржыландыру және аграрлық білім беру тақырыптарына арналған пленарлық сессиялар өтті. Сондай-ақ, Қазақстан мен Нидерланд арасындағы жұмыс тобының отырысында тұқым шаруашылығы, ветеринария, аквакультура және агроазық-түлік саласындағы білім беру мәселелері талқыланды. Сапардың маңызды сәттерінің бірі – АШМ ғылым мен білім беру ұлттық орталығы мен Нидерландтың GroenPact платформасы арасында өзара түсіністік туралы Меморандумға қол қойылуы болды.Атап өтерлік мәселе, аталған іссапар аясында білім беру серіктестігін дамытуға ерекше назар аударылды. Делегация құрамында GroenPact платформасының, оның ішінде Aeres, Lentiz және HAS green academy сынды нидерландтық оқу орындарының өкілдері бар. Олардың мақсаты – қазақстандық университеттермен тығыз байланыс орнатып, аграрлық білім беру саласында бірлескен бастамаларды іске қосу. Жоғары мәртебелі нидерландтық делегациясының сапары «KazakhInvest» АҚ қолдауымен өтуде.Фото: Ілияс ОмаровАқпарат көзі : https://www.gov.kz/memleket/entities/mfa-hague/press/news/details/973042?lang=kk

Инфрақұрылым объектілеріне сұраныс артып отырған бүгінгі жағдайда мемлекеттік-жеке меншік әріптестік маңызды құралға айналды. Бүгінде заңнаманы жетілдіру бойынша тұрақты жұмыс жүргізіліп жатыр. Мәселен, соңғы жылдары мемлекеттік-жеке меншік әріптестік жобаларын жоспарлаудың тиімділігі мен ашықтығын арттыратын түзетулер қабылданды. ҚР ҰЭМ Инвестициялық саясат және қаржы секторын дамыту департаменті директорының орынбасары Әлішер Шаяхметовтің ОКҚ алаңында хабарлауынша, енді мемлекеттік-жеке меншік әріптестік шарттарын жасасу тек қана конкурстық негізде жүргізіледі. Ал, жоспарлау және конкурстық іріктеу рәсімдері цифрлық форматқа көшірілді.Мемлекеттік сатып алуды айналып өтуді болдырмау мақсатында мемлекеттік-жекешелік әріптестік жобалары үшін инвестициялық және пайдалану кезеңдерін іске асыру бойынша міндетті талаптар белгіленген.Бизнесті әлеуметтік инфрақұрылым құруға белсенді тарту үшін білім беру, денсаулық сақтау, спорт және халықты әлеуметтік қорғау салаларындағы 43 нысанды салуды көздейтін 2024-2028 жылдарға арналған МЖӘ дамытудың кешенді жоспары қабылданды.«Мемлекет басшысының тапсырмасын орындау үшін өткен жылы мемлекеттік-жеке меншік әріптестік заңнамасына тәуелсіз талдау жүргізуге Азия даму банкінің халықаралық сарапшылары тартылды. Есеп қорытындыларымен мемлекеттік-жеке меншік әріптестік туралы Заңның халықаралық стандарттарға сәйкестігі расталды. Сонымен бiрге мемлекеттік-жеке меншік әріптестік жүйесiн одан әрi жетiлдiру үшiн осы тiзбеге ерекше маңыздылық мәртебесiн бере отырып, мемлекеттік-жеке меншік әріптестіктің ауқымды жобаларының пулын қалыптастыру бойынша жұмыс жүргiзiліп жатыр. Бұл халықаралық қаржы ұйымдарының жобаларды бiрлесiп дайындау мен қаржыландырудағы мүддесiн қамтамасыз етуге мүмкiндiк бередi», – деді спикер.Биыл жаңа Бюджет кодексі шеңберінде мемлекеттік-жеке меншік әріптестік саласындағы заңнаманы біріздендіруге бағытталған түзетулер қабылданды, олар «Мемлекеттік-жеке меншік әріптестік туралы» және «Концессиялар туралы» заңдарды біріктіруді көздейді, бұл неғұрлым тұтас құқықтық негіз құруға мүмкіндік береді. Қабылданған түзетулерді іске асыруға бағытталған нормативтік заңға тәуелді актілерді келісу бойынша жұмыстар жүргізіліп жатыр. Артық бюджеттік міндеттемелерден туындайтын теріс әсерді болдырмау мақсатында министрлік жергілікті атқарушы органдардың 2025-2027 жылдарға арналған мемлекеттік міндеттемелерінің лимиттерін белгіледі.https://www.gov.kz/memleket/entities/economy/press/news/details/973005?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/973794?lang=kk

Ағымдағы жылдың 15 наурызында Мемлекет басшысы бюджет заңнамасын жетілдіру мәселелері жөніндегі Заңға қол қойды, оның аясында мемлекеттік-жеке меншік әріптестік туралы заңнамаға да түзетулер енгізілді. Орталық коммуникациялар қызметінің алаңында «Қазақстандық мемлекеттік-жеке меншік әріптестік орталығы» АҚ Басқарма төрағасы Аслан Калигазин заңнамаға түзетулер енгізілгеннен кейін МЖӘ жобаларын іске асыру рәсімі қалай жүргізілетіні жайлы сөз қозғады.Спикердің айтуынша, екі сатылы және бір сатылы конкурстарды қолдану тәсілдерін өзгерту маңызды түзету болмақ. Республикалық деңгейдегі МЖӘ-нің кейбір жобаларын қоспағанда, осы уақытқа дейін Қазақстанда екі кезеңдік конкурстар іс жүзінде өткізілмеген. «Бұл ретте, халықаралық қаржы ұйымдары, керісінше, екі кезеңді іріктеу қажеттілігін көрсетеді. Іріктеудің бұл түрі конкурстың бірінші және екінші кезеңдерінде ең жақсы техникалық-технологиялық және қаржылық шешімдерді таңдау арқылы жеке серіктесті анықтаудың ең жақсы тәжірибесі болып саналады. Осылайша, бұл түзетулер шеңберінде МЖӘ нысанын жобалау мен салуды қамтитын барлық МЖӘ жобаларын екі кезеңдік рәсімдерге ауыстыру көзделеді», – деді Қазақстандық мемлекеттік-жеке меншік әріптестік орталығының басшысы.Бұдан бөлек, түзетулерде меншікті капитал жобасына инвестициялау жөніндегі әлеуетті жеке серіктестер үшін талаптарды 20%-дан 10%-ға дейін төмендету көзделген. Спикердің айтуынша, бұл түзету конкурстарға қатысуға кедергілерді азайтады, өз қаражатының үлкен көлемін бөле алмайтын, алайда жоспарланған МЖӘ жобаларын іске асыру үшін құзыреті мен мүмкіндіктері бар компаниялар үшін нарыққа кіруді жеңілдетеді. Сондай-ақ, әлеуетті жекеше әріптес конкурстық рәсімдер сатысында біліктілік іріктеуден өту үшін осы қаражатты өз шоттарында «қатыру» қажеттілігі алынып тасталды. Яғни, бұл қаражатты растау МЖӘ шартын жасасқаннан кейін ғана қажет.«Жобаларды әзірлеу сапасын арттыру үшін МЖӘ саласында консультациялық және сараптамалық қызметтер көрсететін ұйымдарды аккредиттеу енгізіледі. Рәсімнің бағалау сипатын қоспағанда, аккредиттеуді Ұлттық экономика министрлігі өзі бекітетін талаптарға сәйкес жүзеге асырады. Жобаларды жоспарлау мерзімдерін және мемлекеттік бюджеттің рәсімдерді оңтайландыру және үлгілік құжаттаманы қолдану есебінен оларды әзірлеу мен сараптауға арналған шығындарын қысқартуға мүмкіндік беретін «Бағдарламалық МЖӘ» тетігін енгізу жөніндегі түзетулерге жеке тоқталғым келеді. Мәселен, салалық орталық мемлекеттік органдар МЖӘ бағдарламалық жасақтамасының көмегімен МЖӘ жобаларының базалық параметрлерін анықтай алады. Сондай-ақ олар жеке әріптесті айқындау және МЖӘ шартын жасасу қағидаларын, салалық ерекшеліктерді ескере отырып, МЖӘ-нің тираждалатын жобалары бойынша конкурс өткізу үшін дайын үлгілік құжаттар топтамасын өз бетінше бекіте алады», – деді Аслан Калигазин.      Мұндай салалық ережелер мен үлгілік құжаттар мектептер, жатақханалар мен емханаларды салу және пайдалану бойынша тираждалатын жобаларды іске асыру үшін бекітілген. Қазіргі уақытта білім беру, денсаулық сақтау, халықты әлеуметтік қорғау, спорт және экология салаларында ұқсас құжаттар әзірлеу және келісу сатысында тұр.Ақпарат көзі : https://www.gov.kz/memleket/entities/economy/press/news/details/973000?lang=kk

Орталық коммуникациялар қызметінің алаңында «Қазақстандық мемлекеттік-жеке меншік әріптестік орталығы» АҚ Басқарма төрағасы Аслан Калигазин іске асырылған МЖӘ жобалары туралы айтты. Мәселен, 3,4 трлн теңге сомасына 1200-ден астам шартқа қол қойылды.Спикердің айтуынша, ең көп келісімшарт білім беру, денсаулық сақтау, энергетика және ТКШ саласында жасалған. Аталмыш салалар шамамен 90%-ды құрайды. Бұл ретте құндық мәнде жобалардың шамамен 33%-ы көлік және инфрақұрылым саласына тиесілі, өйткені мұнда автожолдар, әуежайлар сияқты капиталды көп қажет ететін жобалар бар. «Былтырғы МЖӘ жобаларының статистикасы бойынша 54 шарт жасалды. Жартысынан көбі –Атырау, Түркістан облыстарындағы мектеп асханаларын жаңғырту жобалары. Олардың ішіндегі ең ірілері – Алматы облысының Қонаев қаласында кәріз тазарту құрылыстарын салу және пайдалану, жол және қоғамдық қауіпсіздік жүйесін енгізу және пайдалану жөніндегі екі жобасы, сондай-ақ Атырау қаласында 4 мың орындық екі мектепті салу және пайдалану жөніндегі екі жобасы. Басқа жобалардың қатарында абаттандыру, студенттік жатақханалар салу және спорт кешендерін, спорт клубтарын, БЖСМ ұйымдастыру және пайдалану бойынша спорт саласындағы 7 МЖӘ жобасы бар», - деді Аслан Калигазин.Қаржыландырудың ауқымын және тиімді басқару қажеттілігін ескере отырып, өңірлік деңгейдегі қызметті мониторингтеу және бағалау мәселелеріне ерекше назар аударылады. Сондықтан, спикер атап өткендей, өңірлер үшін МЖӘ жобаларын іске асыру рейтингі енгізілуде. Мұндай жаңашылдық бюджеттен тыс қаржыландыру көздері мен тұтыну ақысы есебінен өтелетін жобалардың үлесін арттыру, әкімдіктердің мониторинг жүргізу процесін жолға қою мақсатында енгізіледі. Қазір рейтингті есептеу әдістемесі әзірленіп жатыр.Ақпарат көзі : https://www.gov.kz/memleket/entities/economy/press/news/details/972993?lang=kk

Былтыр Мемлекет басшысы Қазақстан халқына Жолдауында халықаралық қаржы институттарының қатысуымен мемлекеттік-жеке меншік әріптестік жобаларын неғұрлым сапалы дайындауға назар аудару қажеттігін атап өтті. Осы тапсырманы орындау мақсатында қазір халықаралық қаржы институттарымен жобалар пулын қалыптастыру бойынша жұмыс жүргізіліп жатыр. Бұл туралы «Қазақстандық мемлекеттік-жеке меншік әріптестік орталығы» АҚ Басқарма төрағасы Аслан Калигазин ОКҚ алаңында өткен баспасөз конференциясында айтты.Оның хабарлауынша, жобалар жергілікті және орталық мемлекеттік органдардың ұсыныстары бойынша іріктеледі. Бұдан әрі олар халықаралық қаржы институттарымен келісіледі және Қазақстан Үкіметі бекітетін тиісті тізбеге енгізіледі. Бұл жобаларды әзірлеуді мүдделі мемлекеттік органдар мен МЖӘ орталығының қатысуымен халықаралық қаржы институттары іріктеп алған халықаралық консультанттар жүргізеді. Орталық басшысы тізімге енгізілген Қарағандыдағы университеттік аурухананың жобасын мысалға келтірді. Азия даму банкінің (АДБ) консультанттары конкурстық құжаттама әзірлеп, жеке әріптесті іріктеу бойынша халықаралық конкурс жариялады. Сондай-ақ қазір АДБ консультанттары Алматы қаласында студенттік жатақхананы салу және пайдалану жобасы бойынша құжаттама әзірлеуде. «Жалпы, тәжірибе көрсеткендей, халықаралық инвесторлар МЖӘ жобаларының осындай пулының болуын мемлекеттің инвестициялық саясатының ашықтығы мен дәйектілігі ретінде бағалайды, бұл оның инвестициялық тартымдылығын арттырады. Мұндай бірлескен жұмыс әлемдік озық тәжірибелерді қолдану есебінен аталған жобалардың сапасын арттыруға мүмкіндік береді», – деді Аслан Калигазин. Ол процестің барлық қатысушысының кәсіби құзыреттерін дамыту мәселесіне де тоқталды. 2015 жылдан бастап МЖӘ дамыту орталығының базасында мемлекеттік органдар мен бизнес-қоғамдастық мамандарын оқыту жүргізіліп жатыр. Соңғы үш жылда 800-ге жуық қатысушыны қамтитын 60-қа жуық семинар мен вебинар ұйымдастырылды. Ақтөбе, Алматы, Қонаев, Қостанай, Қарағанды және Түркістан қалаларында көшпелі семинарлар өтті. Сондай-ақ МЖӘ дамыту орталығы халықаралық қаржы ұйымдарымен өзара іс-қимыл жасайды. Мәселен, ЕҚДБ, АДБ және IFC қолдауымен мемлекеттік және жергілікті атқарушы органдардың 67 қызметкері үшін МЖӘ саласындағы мамандарды сертификаттаудың халықаралық бағдарламасы бойынша оқыту жүргізілді.Ақпарат көзі : https://www.gov.kz/memleket/entities/economy/press/news/details/972987?lang=kk

Маңғыстауда пробацияда тұрған екі сотталғанға қоғамдық жұмыстан жалтарғаны үшін әкімшілік іс қозғалдыМаңғыстау облысы бойынша ҚАЖ департаментінің пробация қызметі жазадан жалтаруға тырысқан екі сотталғанға қатысты заң аясында нақты шаралар қабылдады.Бірінші сотталған ҚР ҚК-нің 190-бабы — «Алаяқтық» бойынша 3 жыл 6 ай мерзімге бас бостандығын шектеу жазасына кесілген. Мемлекетке келтірілген залал көлемі — 7 миллион теңгеден асады. Сот үкімімен ол қоғамдық жұмысқа тартылғанымен, белгіленген міндеттерін орындамаған.Екінші сотталғанға да қоғамдық жұмыс ретінде 100 сағат жазалау шарасы белгіленген. Алайда ол да қоғамдық жұмыстардан жалтарған.Осыған байланысты пробация қызметі екі азаматтың да әрекетін ҚР ӘҚБтК-нің 669-бабы — «Сот үкімін орындаудан жалтару» бойынша әкімшілік құқық бұзушылық ретінде тіркеп, іс материалдарын сотқа жолдады.Маңғыстау облысы бойынша ҚАЖД Пробация қызметі сот шешімін орындамау — жаңа жауапкершілікке алып келетінін ескертеді. Пробация — мүмкіндік, бірақ ол міндеттемелерді орындау арқылы ғана мәнге ие.Ақпарат көзі : https://www.gov.kz/memleket/entities/duis-mangystau/press/news/details/972984?lang=kk

«БЖЗҚ» АҚ (БЖЗҚ, Қор) халықпен қарым-қатынас деңгейін жақсарту мақсатында заманауи технологиялар мен сандық шешімдерді көптеп енгізуде.  Биылғы 1-қаңтар мен ақпанның 28-і аралығында халыққа шамамен 13,7 млн қызмет көрсетілді. Жыл басынан бері көрсетілген қызметтердің 4,8 млн астамы электрондық форматта, 8,6 млн. қызмет автоматты түрде көрсетілген. Осылайша, автоматты, электрондық және қашықтан көрсетілген қызметтердің үлесі жалпы көрсетілген қызметтер санының 98,6% тең болды. Жүзбе-жүз көрсетілетін форматта шамамен 190,3 мың қызмет іске асырылып, оның ішінде тікелей Қордың кеңселерінде 184,7 мың қызмет жүзеге асырылған.Естеріңізге сала кетейік, барлық зейнетақы шоттары БЖЗҚ-ға бірінші жарна түскен кезде автоматты түрде ашылады. Сондай-ақ, "Ұлттық қор ­— балаларға" бағдарламасының қатысушыларына нысаналы талаптар мен нысаналы жинақтар да автоматты түрде есептеледі.Есепті кезең ішінде шартты зейнетақы шоттарын (жұмыс берушінің ЖМЗЖ аударуы нәтижесінде ашылатын ШЗШ) және нысаналы жинақтау шоттарын ("Ұлттық қор ­— балаларға" бағдарламасы аясында ашылатын НЖШ) қоса алғанда, зейнетақы жарналарының барлық түрлері бойынша автоматты режимде ашылған жеке зейнетақы шоттарының (ЖЗШ) жалпы саны 529,2 мыңға жетті. Жеке зейнетақы шотынан, шартты зейнетақы шотынан (ШЗШ), сондай-ақ нысаналы жинақтау шотынан (НЖШ) үзінді көшірме алу бұрынғысынша ең танымал қызмет санатында. Жыл басынан бері ЖЗШ, ШЗШ, НЖШ-дан шамамен 5,4 млн үзінді көшірме берілді. Оның 4,4 млн астамы - электрондық, ал 865,0 мыңнан астамы автоматты түрде рәсімделді.Салымшылардың (алушылардың) Қор сайтындағы және ұялы қосымшасындағы Жеке кабинеттен үзінді көшірме алудан басқа өз деректемелеріне өзгерістер мен толықтырулар енгізу, шотының бар екендігі туралы анықтама алу, 1 немесе 2 топтағы мүгедектіктің мерзімсіз уақытқа белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу және т.б. қызметтер әлемнің кез-келген нүктесінде 24/7 режимінде қолжетімді.  2025 жылдың қаңтар-ақпан айларында деректемелерді өзгертуге 28,1 мыңнан астам өтініш қабылданып, оның 25,9 мыңы Қордың кеңселерінде ұсынылды. БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 7,1 мыңнан астам көшпелі таныстырылым өткізіліп, оған шамамен 148,3 мың адам қатысты. Бұқаралық ақпарат құралдарында БЖЗҚ хабарламалары бойынша 7,6 мыңнан астам материал жарияланды.Салымшылар мен алушылардың кері байланыс арналары бойынша түскен өтініштерінің саны шамамен 129,2 мың.Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет.БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады.Ақпарат көзі : https://www.gov.kz/memleket/entities/kostanai-zhangeldi-audany-akimat/press/news/details/972935?lang=kk

Маңғыстау облысы бойынша Қылмыстық-атқару жүйесі департаментінің пробация қызметінде қазіргі таңда 970 адам есепте тұр. Олардың ішінде 19-ы – кәмелетке толмаған балаларына алимент төлеуден жалтарып, сот үкімімен жазаланған тұлғалар.Алимент өндіру – бұл тек заңдық міндет қана емес, ата-аналық жауапкершілік. Алайда кейбір азаматтар бұл жауапкершілікті орындамай, салдарынан қылмыстық жауапкершілікке тартылуда. Пробация қызметінің инспекторлары сотталғандардың алимент бойынша қарыздарын өтеуін тұрақты түрде бақылауда ұстап, түсіндіру жұмыстарын жүргізуде. Сонымен қатар әлеуметтік-құқықтық көмек көрсету арқылы олардың ресоциализациясына ықпал ету шаралары қабылдануда.Мысалы, Жаңаөзен қалалық пробация қызметінде есепте тұрған М. есімді азамат кәмелетке толмаған қызына алиментті уақтылы төлемеген. Оның жалпы берешегі 3 миллион теңгеден асып кеткен. Жұмысынан шығып қалғанымен, жұмыссыз ретінде тіркелмеген. Сот үкімімен ол 1 жыл мерзімге бас бостандығын шектеу және 100 сағат мәжбүрлі еңбекке тарту түріндегі жазаға кесілді.Тағы бір есептегі азамат – С. есімді борышкердің де жағдайы осыған ұқсас. Оның алименттік берешегі 2 миллион теңгеден асады. Екі баласы бар, алайда өз міндетін орындамағаны үшін сот шешімімен 1 жыл мерзімге бас бостандығы шектеліп, 100 сағат мәжбүрлі еңбекке тартылды.Пробация қызметінің басты мақсаты – сотталған тұлғаларды қоғамнан оқшауламастан түзету, оларды қайта әлеуметтендіру және қайталама құқықбұзушылықтардың алдын алу. Бұл бағытта пробация қызметі түрлі мемлекеттік және үкіметтік емес ұйымдармен бірлесе отырып, есептегі тұлғалармен кешенді жұмыстар жүргізіп келеді.Алимент төлеуден жалтару – тек заң бұзушылық емес, баланың тағдырына жасалған қиянат. Сондықтан әр ата-ана өз жауапкершілігін сезініп, заңмен белгіленген міндеттерін орындауы тиіс.Ақпарат көзі : https://www.gov.kz/memleket/entities/duis-mangystau/press/news/details/972922?lang=kk

Қостанай облысының әкімі Құмар Ақсақалов АШИ ауданындағы бұрынғы бос аумақта салынып жатқан заманауи мәдени-спорттық саябақ құрылысымен танысты. Өңір басшысы дайындық жұмыстарының барысын бақылап, жобаның қала тұрғындарының өмір сапасын арттырудағы маңызын атап өтті.— Қаланың дамуы дегеніміз – ең алдымен адамдарға қамқорлық. Әр бос жатқан аумақ демалыс пен шабыт сыйлайтын кеңістікке айналуы тиіс, – деді Құмар Ақсақалов.Жаңа саябақ аудан тұрғындары мен бүкіл қала халқы үшін тартымды орынға айналмақ. Жоба аясында амфитеатр, балалар мен спорт алаңдары, скейт-парк, көгалдандыру, жарықтандыру және санитарлық тораптар қарастырылған. Құрылыс 2025 жылғы 4 қарашада аяқталады деп жоспарлануда.Саябақ жобасы – өмір сүруге және дамуға құлшыныс тудыратын заманауи, жайлы әрі шабыт беретін қаланы қалыптастыру жолындағы қадам.Ақпарат көзі : https://www.gov.kz/memleket/entities/kostanay/press/news/details/972901?lang=kk

Маңғыстау облысы бойынша Мемлекеттік кірістер департаменті өңірде 2025 жылдың бірінші тоқсан кезеңде «Ішкі тұтыну үшін тауарлар шығару» рәсімі бойынша 557 жеңіл автокөлік құралының кедендік ресімдеуден өткенін хабарлайды.Жалпы статистикалық автокөлік деректерінің құны бес млн. АҚШ долларын құрады.Негізінен автомобильдер 2 елден әкелінді: Біріккен Араб Әмірліктері және Грузия.Кедендік рәсімдеу кезінде автомобильдің бағасы көрсетіледі. Автокөлік құралдарының бағасы туралы ақпарат ҚР ҚМ Мемлекеттік кірістер комитетінің сайтында орналастырылған, ол қажеттілігіне қарай жаңартылып, толықтырылып отырады.Ол ұсынымдық сипаттағы ақпарат ретінде ұсынылады.Кеден заңнамасында кедендік декларацияда мәлімделген мәліметтерді растайтын құжаттардың тізбесі белгіленген. Мысалы, егер әкелінетін автокөліктің бағасы Мемлекеттік кірістер комитетінің Баға ақпаратынан айтарлықтай өзгеше болса, тасымалдаушылар келесі құжаттарды ұсынуы керек:- өндірушінің немесе автодилердің бағалар тізімі, оның коммерциялық ұсыныстары;- импорттық, бірдей, біртекті тауарларды, сондай-ақ сол санаттағы немесе түрдегі тауарларды сатушылардың оферталарымен коммерциялық ұсыныстар;- сатушының сатып алушыға жеңілдіктер беруінің негіздері мен шарттары бойынша түсініктемелер. Сатушыдан жеңілдік берілгені және бастапқы құнынан қандай мөлшерде екендігі туралы анықтама.Бұл ретте жоғарыда көрсетілген құжаттар тауарларға декларация берумен бірге ұсынылуы қажет. Бұл шара кедендік тазарту уақытын едәуір қысқартуға көмектеседі.Қазақстан Республикасында кедендік рәсімдеу электрондық түрде Мемлекеттік кірістер органдарының ақпараттық жүйелері арқылы жүзеге асырылады. Осыған байланысты сыртқы экономикалық қызметке қатысушысымен олардың цифрлік қолтанбасы арқылы тауарларға декларацияны өз бетінше кез келген жерден ұсыну және қол қою мүмкіндігі бар.Әкелінетін автокөліктерді кедендік рәсімдеу ережелері өте қарапайым. Импортаушы тауарларды кедендік декларациялау кезінде оның кедендік құның көлік құралын сатып алуға жұмсаған шығындарды, сондай-ақ оны Қазақстанға жеткізумен байланысты шығындар ретінде анықтауға міндетті (көлік шығындары, сақтандыру төлемдері және т.б).Сондықтан көлік құралын кедендік құнды қабылдау үшін оның құны сенімді, сандық және құжатталған ақпаратқа негізделуі керек.Құжаттар ретінде: жөнелтуші елдің экспорттық декларациясы, шот-фактура, тауарды жеткізуге арналған көлік шығындары, сатып алушы мен сатушы арасындағы сатып алу-сату шарты, бантік аударым, аукциондық парақша және т.б. қолданыла алады.Ақпарат көзі : https://www.gov.kz/memleket/entities/kgd-mangistau/press/news/details/972887?lang=kk

Қазақстан Республикасы Қаржы нарығын реттеу және дамыту агенттігінің (бұдан әрі – Агенттік) Қостанай қаласындағы өңірлік өкілдері басқармасы бастығының №2 бұйрығына сәйкес «Ломбард Astana Gold» жауапкершілігі шектеулі серіктестігі микроқаржылық қызметті жүзеге асыруға лицензиясынан (ломбардтық қызмет) айырылды.  Лицензиядан айыруға қатарынан күнтізбелік 6 ай ішінде қызметін жүзеге асырмау негіз болды.Микроқаржы қызметін (ломбард қызметін) жүзеге асыруға арналған лицензиядан айыру қарыз алушыларды ұйым алдындағы өз міндеттемелерін толық көлемде орындау міндетінен босатпайды.Қарыз алушылар микрокредит беру туралы жасалған шарттардың талаптарына сәйкес компания алдындағы міндеттемелерін орындамағаны үшін жауапты болады. Сыртқы коммуникациялар басқармасыpress@finreg.kzАқпарат көзі : https://www.gov.kz/memleket/entities/ardfm/press/news/details/972839?lang=kk

Сеул, 2025 жылғы 5–6 сәуір – Оңтүстік Кореяда Азия елдеріндегі қазақтардың екінші құрылтайы өтіп, іс-шараға Корея, Малайзия, Жапония, Қытай және Моңғолиядан келген қазақ қауымдастығының өкілдерін қосқанда жалпы 200-ден астам қатысушы жиналды.​Іс-шараны Қазақстан Республикасының Корея Республикасындағы Елшілігі, «Отандастар Қоры» КеАҚ және Сеулдегі «Qazaq Nomad Korea» қазақ қауымдастығы ұйымдастырды. Құрылтай Хангук шет тілдері университетінің Жаһандық кампусында өтті.​Құрылтайдың негізгі мақсаты Қазақстан мен этникалық қазақтар тұратын Азия елдері арасындағы мәдени байланыстарды нығайту және экономикалық ынтымақтастықты дамыту болып табылды.​Ашылу рәсімінде Қазақстан Елшісі Нұрғали Арыстанов Қазақстан мен Оңтүстік Корея арасындағы инвестициялық ынтымақтастықтың артып келе жатқанын атап өтті. Ол 2024 жылдың қорытындысы бойынша Оңтүстік Корея Қазақстандағы шетелдік инвесторлар арасында үшінші орынға ие болып, 1,2 миллиард АҚШ доллары сомасында инвестиция салғанын айтты. Бүгінгі таңда Қазақстанда корей капиталының қатысуымен 876 компания жұмыс істейді және инновациялар мен инфрақұрылым салаларында ірі бірлескен жобалар жүзеге асырылуда.​Елші екі ел арасындағы көлік қатынасының дамып келе жатқанын да атап өтті – қазіргі уақытта аптасына 13 тікелей рейс орындалады. Ол екі ел азаматтары арасындағы өзара түсіністік пен сенімді нығайтуға ықпал ететін алмасулардың өсіп келе жатқанын тілге тиек етті. Мәселен, 2024 жылы Қазақстанға 40 180 корей туристі келді, бұл көрсеткіш алдыңғы жылмен салыстырғанда 12%-ға өсті. Сонымен бірге, 53 224 Қазақстан азаматы Оңтүстік Кореяға сапар жасап, бұл көрсеткіш өткен жылмен салыстырғанда 8%-ға артты.​Өз кезегінде, «Отандастар қоры» КеАҚ Президенті Данияр Қадыров екінші Азия қазақтарының құрылтайын өткізудің ерекше маңыздылығын атап өтті. Оның айтуынша, бұл іс-шара Азияның әртүрлі елдерінде тұратын қазақтардың бірлігін нығайтудың символы ғана емес, сонымен қатар диалог, тәжірибе алмасу, ана тілді, дәстүрлер мен мәдени құндылықтарды сақтау үшін маңызды платформа болды. Ол мұндай кездесулер этникалық қазақтар тарихи отанына тиесілі екенін сезініп, ұлтаралық және мемлекетаралық байланыстарды дамытуға белсенді қатыса алатын бірыңғай мәдени кеңістік қалыптастыруға ықпал ететінін атап өтті.​Құрылтайдың бірінші күні пленарлық мәдени және экономикалық сессиялардан тұратын конференция өтті. Қазақстанның еңбек сіңірген әртісі Светлана Айтбаева көрермендерге қазақ зергерлік өнерінің бай дәстүрлерін таныстырды. Этнограф Айгерім Мұсағажинова дәстүрлі қазақ тағамдарының тағамдық құндылығы туралы презентация жасады. Мәдени бөлімде белгілі қазақ әртісі Жұбаныш Жексенұлы көрермендермен бірге танымал әндерді орындады.​Іс-шара барысындағы жарқын оқиғалардың бірі Сеулдегі Қазақстан Елшілігі ұйымдастырған корей студенттері арасындағы қазақ тіліндегі шешендік өнер байқауының тарихта алғаш рет өткізілуі болды. Байқауға Хангук шет тілдері университетінің Орталық Азия зерттеулері кафедрасында қазақ тілін оқитын студенттер қатысты. Жеті финалист Қазақстанның халық әртісі Қанат Айтбаев төрағалық еткен қазылар алқасының алдында өнер көрсетті.​Екінші курс студенті Ли Со Ён қазақ тіліндегі еркін және мәнерлі сөзімен қазылар алқасын таң қалдырып, бірінші орынды иеленді. «Біздің мәдениеттерімізді жақындату үшін біз жиі кездесіп, сөйлесуіміз керек», «Мен қазақ тілін жетік меңгеріп, екі ел арасындағы ынтымақтастыққа өз үлесімді қосуды қалаймын», – деді. Ол Сеулден Алматыға немесе Астанаға екі жаққа ұшақ билетін және Pana қонақ үйінде екі күндік тұруды сыйлық ретінде алды – бұл оның Қазақстанға алғашқы сапары болмақ.​Екінші орынды төртінші курс студенті Сон Вон Джин иеленіп, сыйлық ретінде алтын зергерлік құймасын алды. Үшінші орын үшінші курс студенті Чон Чжэ Хонға берілді, оған дәстүрлі қазақ музыкалық аспабы – домбыра сыйға тартылды.​Екінші күні қатысушылар Наурыз мейрамын атап өтті, оның барысында концерттік қойылымдар, дәстүрлі билер, халық музыкасы мен ойындары, сондай-ақ қазақтың ұлттық киімдері, қолөнері және тағамдары көрмелері өтті.​Құрылтай мәдени өзара түсіністікті тереңдету, қазақ қауымдастықтары арасындағы байланыстарды нығайту және Қазақстан мен оның азиялық көршілері арасындағы ұзақ мерзімді ынтымақтастықты дамыту үшін жарқын платформа болды.Ақпарат көзі : https://www.gov.kz/memleket/entities/mfa-seoul/press/news/details/972812?lang=kk

Алматы қаласының Сыбайлас жемқорлыққа қарсы қызметімен ішкі істер органдарында сыбайлас жемқорлыққа қарсы іс-қимыл мәселелеріне арналған кеңес өткізілді.Іс-шараға Сыбайлас жемқорлыққа қарсы қызметтің басшысы Арман Рахимов, Полиция департаментінің бастығы Арыстанғани Заппаров, «Ұлттық антикоррупциялық желі» қоғамдық бірлестігінің төрағасы Алик Шпекбаев және жеке құрам қатысты.Кездесу барысында бұрын анықталған сыбайлас жемқорлық құқықбұзушылықтар бойынша Қазақстан Республикасының Қылмыстық-процестік кодексінің 200-бабына сәйкес енгізілген ұсыныстар қаралды.Сондай-ақ, сыбайлас жемқорлықтың алдын алу мәселелеріне ерекше назар аударылды. Қатысушыларға сыбайлас жемқорлық тәуекелдерін азайтуға және қызметтік ортада адалдықты арттыруға бағытталған шаралар ұсынылды.Алматы қаласының Сыбайлас жемқорлыққа қарсы қызметі мен ішкі істер органдары тұрақты және сындарлы өзара іс-қимыл жүргізіп келеді. Мұның айқын дәлелі – осы жылы бекітілген, сыбайлас жемқорлыққа қарсы іс-қимыл субъектілері арасындағы әріптестікті дамытуға және қоғамда сыбайлас жемқорлыққа мүлдем төзбеушілікті қалыптастыруға бағытталған Бірлескен іс-қимыл жоспары.Жиын барысында құқық қорғау органдары қызметкерлерінің адалдығын тексеруге арналған Integrity Check тетігі аясындағы ынтымақтастық мәселелері де қаралды. Бұл құрал сыбайлас жемқорлық тәуекелдерін уақтылы анықтауға және ашықтық, жариялылық пен сенім қағидаттарына негізделген кадрлық саясатты қалыптастыруға мүмкіндік береді.Кеңес соңында Сыбайлас жемқорлыққа қарсы қызмет басшысы Арман Рахимов жүйелі сыбайлас жемқорлыққа қарсы жұмысты жалғастырудың маңыздылығын атап өтті:«Сыбайлас жемқорлықпен тиімді күресу тек бірлескен күш-жігер арқылы мүмкін болады. Ішкі бақылау тетіктерін дамыту, құқық қорғау органдарының ашықтығын қамтамасыз ету және азаматтардың сенімін нығайту қажет. Әрбір қызметкер қоғам алдындағы жеке жауапкершілігін сезінуі және кез келген құқықбұзушылықтың жазасыз қалмайтынын түсінуі маңызды». Ақпарат көзі : https://www.gov.kz/memleket/entities/anticorruption-almaty/press/news/details/972800?lang=kk