Алматы тұрғындарының қоғамдық тәртібі мен қауіпсіздігін қамтамасыз ететін Ұлттық ұланның 5571 әскери бөлімінің жауынгерлері бір күнде қырағылықтың бірнеше мысалын көрсетті. Маңызды оқиғалардың бірі Наурызбай ауданында орын алды. Мегаполис тыныштығын қадағалап жүрген сарбаздар өздерін күдікті ұстаған жастар тобына назар аударады. Тексеру кезінде олардан жасыл түсті есірткі заты бар байлам, сондай-ақ оны қолдануға арналған қолдан жасалған құрылғы табылды.Кіші сержант Әли Тұрлығожа мен қатардағы жауынгерлер Бағдәулет Мырзахан, Жанболат Аятұлы, Саят Қуандық және Мұхамед-Әли Серіков бастаған патрульдік топтың шешуші әрекеттерінің арқасында күдіктілер ұсталып, Наурызбай ауданының полиция қызметкерлеріне тапсырылды.Ұландықтар сол күні Медеу ауданында қырағылықтың тағы бір үлгісін көрсетті. Пушкин көшесін патрульдеу кезінде әскери қызметшілер үсті қан адамды байқап, көмекке барады. Жәбірленушінің жамбасындағы терең кесілген жарадан қан қатты кетіп жатқанын көреді. Әскерилер оны белгісіз азамат пышақтағанын анықтайды.Қатардағы жауынгерлер Аян Бимырза, Абзал Омаров және Ескендір Закиров жәбірленушіге дереу алғашқы медициналық көмек көрсетті.— Біз қан кетуді тоқтату әдісін қолдандық, жараны таңып, жедел жәрдем мен полиция шақырдық. Екі қызмет те оқиға орнына жедел келді. Дәрігерлер жәбірленушіні тексеріп, жарасына ем-дом жасады, ал полицейлер жағдайдың мән-жайын анықтауға кірісті, — дейді әскери жасақ бастығы Аян Бимырза.Күн сайын қоғамдық тәртіпті сақтау қызметін атқара отырып, ұландықтар құқық бұзушылықтардың алдын алып қана қоймай, Қазақстан халқына және анттарына адалдығын көрсете отырып, азаматтарға көмек көрсетуге әрқашан дайын екендіктерін дәлелдеп келеді. ҚР ІІМ Ұлттық ұланының баспасөз қызметі Ақпарат көзі : https://www.gov.kz/memleket/entities/kvv/press/news/details/970473?lang=kk

ҚР Еңбек және халықты әлеуметтік қорғау министрі Бердібек Сапарбаев Ақмола облысына жұмыс сапары барысында елімізде тұңғыш рет мүмкіндігі шектеулі жандарға арналған электр жетегі бар арбалар өндірісін жолға қоюды жоспарлап отырған «Тыныс» АҚ машина жасау зауытының жұмысымен танысты.Оңалту қызметтерінің сапасын жақсарту және мүгедектігі бар азаматтардың қажеттіліктерін қанағаттандыру мақсатында бұған дейін министрлік пен кәсіпорын арасында тиісті келісім жасалған болатын.Бердібек Сапарбаев Үкіметтің кеңейтілген отырысында ел Президенті мүгедектігі бар азаматтарды барлық қажетті техникалық құралдармен және оңалту қызметтерімен қамтамасыз етуді тапсырғанын атап өтті. «Біздің міндетіміз – мүгедектігі бар жандарды қажетті құралдармен және оңалту қызметтерімен қамтамасыз ету. Сонымен қатар, олар сапалы және қолдануға ыңғайлы болуы керек. Егер бұл үлгілер өздерін жақсы жағынан көрсетіп, барлық талаптарға сай болса, мүгедектігі бар азаматтарды электр жетегімен жүретін арбалармен мемлекеттік тапсырыс шеңберінде қамтамасыз ету мәселесін қарастыратын боламыз. Егер біз Қазақстанда сапалы өнім өндіруді жолға қойсақ, техникалық жабдықтарды импорттаудың қажеттілігі болмайды», - деп атап өтті Сапарбаев.        Электр жетегі бар кресло-арбалардың алғашқы тәжірибелік үлгілері бала кезінен бастап бірінші топтағы мүгедектігі бар Динара Алиева мен Ерлан Ескенге берілді.        «Жаңа үлгідегі электр кресло-арбасы өте ыңғайлы. Мен мұны көптен армандаған едім. Енді бұл арбаның көмегімен өз бетімше қозғала аламын», - деді Динара Алиева.Зауыт директоры Қайрат Қалманбаевтың айтуынша, отандық өнімдер шетелдік аналогтарынан кем түспейді. Сынақ сәтті болған жағдайда, кәсіпорын электр арбаларының сериялық өндірісін жолға қоюға ниетті.Еңбек министрлігі Ақтөбе облысында әлеуметтік портал қызметін пилоттық режимде жүзеге асыруда. Бұл портал мүгедектігі бар азаматтарға оңалту құралдары мен қызметтерін өз бетінше таңдауға мүмкіндік береді.«Тыныс» АҚ зауыты қызметінің негізгі саласы - авиациялық техникаға арналған тораптар мен агрегаттар өндіру болып табылады. Кәсіпорын жылу алмастырғыш жабдықтар, ұшақ өрт сөндіргіштері, температура дабылы, клапандар, электромагниттік және жылу қосқыштар, электронды басқару блоктары, сонымен қатар күш құрылымдарына арналған оқ-дәрілер, сауыттар мен қалқандар және т.б. шығараумен айналысады.Сонымен қатар, министр Бұланды ауданының Макинск қаласына барып, жұмыспен қамту орталығының жұмыс барысымен танысты.Бүгінгі таңда ауданда атаулы әлеуметтік көмек алатын 243 отбасы бар, бұл өткен жылмен салыстырғанда үш есе көп. Министр жұмыспен қамтуға жәрдемдесудің белсенді шараларымен, оның ішінде АӘК алатын азаматтармен жұмысты күшейту қажеттігін атап өтті.«Облыста АӘК алатын 9800 еңбекке қабілетті азамат бар, олардың тек 10 пайызы жұмыспен қамтуға жәрдемдесудің белсенді шараларына жатады. Сіздерге осы бағыттағы жұмысты күшейту керек», - деді Сапарбаев.Ақпарат көзі : https://www.gov.kz/memleket/entities/enbek/press/news/details/20630?lang=kk

Масқат 2025 жылғы 3 сәуір - Қазақстанның Омандағы Елшілігі Ұлыстың Ұлы күні - Наурыз мерекесін атап өтті.Мерекеге Омандағы тұратын отандастар мен Елшілік ұжымы қатысты.Елші А.Тұматов қонақтарды қарсы алып, Наурыздың тарихы туралы айтып, оның бейбітшілікті, достық пен келісімді бейнелейтін ұлттық мәдениеттегі аса маңызды мереке ретіндегі терең мәнін атап өтті.Музыкалық қойылымдар мен спорт жарыстарынан кейін қонақтар дәстүрлі қазақ тағамдарынан дәм татты.Ақпарат көзі : https://www.gov.kz/memleket/entities/mfa-muscat/press/news/details/970463?lang=kk

Қазақстан Республикасы Еңбек және халықты әлеуметтік қорғау министрлігі ағымдағы жылғы шілде айының 11-не дейін әлеуметтік-еңбек саласы бойынша кеңес құрамынан шыққан кеңес мүшелерінің орнына Қоғамдық кеңес мүшелерін сайлауға конкурстың жалғасатынын хабарлайды.Конкурсқа қатысуға қойылатын талаптар мен құжаттардың тізімі сайттың «Қоғамдық кеңес» бөлімінде орналастырылған.Ақпарат көзі : https://www.gov.kz/memleket/entities/enbek/press/news/details/20600?lang=kk

4-6 шілде аралығында «Көрме» кешенінде "Асыл ана" әлеуметтік жобасы аясында тұңғыш рет Елорда күніне арналған «Көрпе Fest» мега-фестивалі өтуде.Еңбек және халықты әлеуметтік қорғау министрлігі мен қала әкімдігі ұйымдастырған шараға Бердібек Сапарбаев пен Алтай Көлгінов қатысты.Бұл шарада көпбалалы аналар үшін тігін және қолданбалы өнерді үйрету бойынша тегін оқыту сабақтары және тренинг-семинарлардан өткен қатысушылар өз жұмыстарын ұсынатын көрме ұйымдастырылды.Көрме жеңімпаздары дипломдармен, тігін машиналарымен және басқа да бағалы сыйлықтармен марапатталды.Айта кетерлігі, мастер-класстарды этникалық стильде ұлттық нақыштағы қолөнер бұйымдарын шығаратын, еліміздің белгілі этно-дизайнері, ҚР Президентінің «Алтын Сапа» сыйлығының лауреаты, Ырза Тұрсынзада өткізуде.«Табысы төмен көпбалалы аналар өз кәсібін ашып оны табыс көзіне айналдырған еліміздің іскер әйелдерінен үлгі алуы керек. Өйткені, бұл тек өмір сүру сапасын жақсартуға ғана емес, сондай-ақ өздері сияқты азаматшалар үшін жұмыс орындарын құруға мүмкіндік береді», - деді Бердібек Сапарбаев құттықтау сөзінде. Ведомство басшысы Нәтижелі жұмыспен қамтуды және жаппай кәсіпкерлікті дамытудың «Еңбек» Мемлекеттік бағдарламасы аясында жаңа бизнес-идеяларын жүзеге асыру үшін көпбалалы ауыл тұрғындарына 505 мың теңгеге дейін гранттар қарастырылғанын атап өтті.«Мәселен, көпбалалы отбасы тігін машинасын және қажетті материалдарды сатып алуға берілген қаражатты пайдалананып, төсек-орын, ұлттық киім және басқа да бұйымдарды үй жағдайында тігуге мүмкіндік алады», - деп атап өтті министр.Сондай-ақ көпбалалы отбасылар, мүгедектігі бар азаматтар мен жастар үшін 5 мың жеңілдетілген микрокредит беруге квота қарастырылған. Осының нәтижесінде биыл 15 мың көпбалалы отбасы өз ісін ашып, табысын арттыруға мүмкіндік алады.Мега-фестиваль аясында ұйымдастырылған мастер-класстар «Асыл ана» әлеуметтік жобасының бір бөлігі. Бұл жобаның негізгі мақсаты - көп балалы аналарды оқыту мен ұлттық брендті дамыту арқылы шағын және орта бизнеске тарту болып табылады. Іс-шаралар кешеніне оқыту семинарлары, тігін және қолданбалы өнер бойынша сабақтар және өз көрмелерін ұйымдастыру, әлеуметтік желілер арқылы бизнесті жүргізу үшін мастер-кластар кіреді.Жалпы алғанда, "Асыл ана" жобасы заңгерлік және психологиялық кеңес, оңалту көмегін көрсететін көп балалы аналарды қолдау орталығын құруды көздейді.Бұл әлеуметтік жоба өз ісін жүргізу үшін көп балалы және аз қамтылған аналардың әлеуетін ашуға, олардың мүмкіндіктерін дамытуға, сондай-ақ ұлттық қолөнерді танытуға ықпал ететін болады.Ақпарат көзі : https://www.gov.kz/memleket/entities/enbek/press/news/details/20592?lang=kk

      Алаяқтық тек қаржылық шығын әкеліп қана қоймай, сонымен бірге қоғамдағы сенімді бұзады. Көбінесе қылмыскерлер оңай табыс уәде етіп, жалған инвестициялық схемалар жасайды немесе құрбандарының атына несие рәсімдейді.       Өзіңізді қорғау үшін бейтаныс адамдарға ақша бермеңіз, қаржылық ұсыныстарды мұқият тексеріңіз және мәмілелер жасасқанда сақ болыңыз. Сақтық пен заңды білу алаяқтардың тұзағына түспеуге көмектеседі.#Заң_мен_Тәртіп #ЗАҢменТӘРТІПШығыс Қазақстан облысы прокуратурасыАқпарат көзі : https://www.gov.kz/memleket/entities/prokuratura-vko/press/news/details/970413?lang=kk

ҚР Инвестициялар және даму вице-министрі Ерлан Хаиров Швейцария Ұлттық банкінің президенті Томас Йордан мырзамен кездесті.Кездесу барысында  «Жібек жолының экономикалық белдеуі» бағдарламасы аясында екіжақты іс-қимыл мәселелері, сауда-экономикалық серіктестік, сонымен қатар, инвестициялық ынтымақтастық перспективалары талқыланды.Кездесуде айтылғандай, 2016 жылдың қорытындысы бойынша екі ел арасындағы тауар айналым 2,8 млрд. АҚШ долларын құрады (0,3%-ға артты). Екі жақ тарап та алдағы уақытта өзара экспортты ілгерілету мен тікелей бизнес өкілдері арасындағы байланысты қамтамасыз ету арқылы тауар айналымды арттыруға мүдделі.Анықтама.2005 - 2016 жылдары Швейцариядан Қазақстанға келген тікелей шетелдік инвестицияның жалпы ағыны 16 млрд. АҚШ долларын құрады. 2017 жылдың 1 маусымындағы жағдай бойынша Қазақстанда швейцариялықтардың қатысуымен 443 заңды тұлға, филиалдар мен өкілдіктер тіркелген. Қазіргі уақытта олардың 325-і жұмыс істейді.Ақпарат көзі : https://www.gov.kz/memleket/entities/mti-ktrm/press/news/details/20577?lang=kk

Қызылорда облысы әкімі  Қ.Е. Көшербаевтың  төрағалығымен «Қазақстанның Үздік тауары 2017» өңірлік өңірлік конкурс көрмесі  өтті. «Қазақстанның Үздік тауары 2017» өңірлік конкурстық көрмеге жыл сайын қатысушылар саны өсуде, кәсіпорындар шығарған өнімнің сапасымен жетістіктерін көрсетті. Биылғы жылы облыстық «Қазақстанның Үздік тауары 2017» конкурстық көрмеге 25 облыс кәсіпорындары қатысты, ҚР Президентінің «Алтын сапа» сыйлыңы байқауына 3 кәсіпкер ниет білдірді.Конкурс жеңімпаздарын анықтау үшін сараптау тобына департаментің бас маманы А.Абдукаримова сараптау комиссиясына мүше ретінде шақырылған болатын.Конкурстық көрменің қортындысы бойынша «Қазақстанның Үздік тауары 2017»:«Үздік азық-түлік тауарлары» номинациясы:1. «Аралтұз» АҚ;2. «Арал сервистік дайындау орталығы» ЖШС;3. ЖК «Ермаханов». «Өндірістік мақсаттағы үздік тауарлар» номинациясы:1. «DALATEX» ЖШС;2. «Кызылорда соқырлар қоғамы» ЖШС;3.  ЖК«ПромКоммерцКА».«Халыққа арналған үздік тауарлар» номинациясы:1. «ЭлектроТехнология» ЖШС;2.  «Полимер Продукт» ЖШС;3. «МИР 2001» ЖШС.«Қазақстанның Үздік тауары 2017» өңірлік конкурс жеңімпаздары  енді Астана қаласында өтетін республикалық байқауда өздерінің жергілікті өнімдерін халық алдына ұсынатын болады.Ақпарат көзі : https://www.gov.kz/memleket/entities/mti-ktrm/press/news/details/20565?lang=kk

Бейсенбі, 26 маусым күні Қазақстан Респубикасының Еңбек және халықты әлеуметтік қорғау министрі Бердібек Сапарбаев азаматтарды жеке мәселелері бойынша қабылдады.Ведомство басшысының қабылдауына 8 адам жазылды.Министрге өз сұрақтарын қоюға - Нұр-Сұлтан қаласының, Шығыс Қазақстан, Солтүстік Қазақстан және Алматы облыстарының тұрғындары келді.Аталған азаматтар өз өтініштерінде медициналық–әлеуметтік сараптама, атаулы әлеуметтік көмек тағайындау, көп балалы және аз қамтылған отбасылардың тұрғын үй мәселелері, жұмысқа орналасуға жәрдемдесу, зейнетақылар мен жәрдемақыларды есептеу тәртібі, мүгедектігі бар азаматтарды қамтамасыз ету мәселелері бойынша сұрақтар қойып, ұсыныстарын білдірді.Министр қабылдауға келген азаматтардың барлық өтініштері мен ұсыныстарын мұқият тыңдап, тиісті департаменттерге қолданыстағы заңнама шеңберінде ведомствоның құзыретіне кіретін мәселелерді шешуде көмек көрсетуді тапсырды.Ақпарат көзі : https://www.gov.kz/memleket/entities/enbek/press/news/details/20546?lang=kk

Қазақстан Республикасының Еңбек және халықты әлеуметтік қорғау министрлігі «Міндетті әлеуметтік сақтандыру жүйесіне қатысушыға әлеуметтік аударымдардың жай-күйі мен қозғалысы туралы ақпарат беру» жаңа электрондық мемлекеттік қызметі іске қосылғандығы туралы хабарлайды.Бұл құжатта төлеушінің, «Азаматтарға арналған үкімет» мемлекеттік корпорациясы» коммерциялық емес АҚ мен « «Мемлекеттік әлеуметтік сақтандыру қоры» » АҚ-нан әлеуметтік аударымдар мен әлеуметтік төлемдерді аударудың толықтығы мен уақтылы болуы, сондай-ақ әлеуметтік төлемдерді тағайындау және алу тәртібі туралы ақпараттары көрсетілген.Бұл мемлекеттік қызмет egov.kz электрондық үкімет порталы арқылы жүзеге асырылады.Ақпарат көзі : https://www.gov.kz/memleket/entities/enbek/press/news/details/20543?lang=kk

Керемет дыбысталуы, әлемдік классика жауһарларын әсерлі түрде жеткізуі, сахнадағы ерекше дарындылығы  шығармашылық ұжымды туған елінде ғана емес, шетелде де танымал етті. Ішекті аспаптар құрамында көпшілікке белгілі музыканттар, халықаралық байқаулардың лауреаттары Айдар Тоқталиев (1-ші скрипка), Алексей Лебедев (2-ші скрипка), Бекзат Сайлаубайұлы (альт), сонымен қатар ұжымның көркемдік жетекшісі, Қазақстанның еңбек сіңірген қайраткері Ернар Мыңтаев (виолончель) бар. Бір концерттің аясында әртістер классицизм, романтизм және XX ғасыр музыкасы сынды түрлі жанрлар мен дәуірлердегі туындылардың тамаша түсіндірмесін ұсынатын болады.Осы кеште В.А.Моцарттың Ішекті аспаптар квартеті №15 ре минор шығармасы орындалады. В.А.Моцарттың камералық ансамбльдерге арнап жазған көптеген  туындыларының ішінде ішекті аспаптар квартеті ерекше танымалдылыққа ие. Айрықша драматизмімен, бейнелілігімен өзгешеленетін Ішекті аспаптар квартеті №15 ре минор –көрнекті композитор әрі автордың досы Й.Гайднге арналған алты квартеттің ішіндегі екінші (және ең танымал) туынды. Бұл опустар австриялық классиктің ең атақты шығармалар қатарына жатады. Олар өз жанрының негізін қалаушылар ретінде танымалдылыққа ие болып, концерттерде, радиобағдарламалар мен жазбаларда жиі орындалады.Музыканттар Х.Вольфтың «Итальяндық серенада» W17/2 шығармасын орындайды. Бұл романтик-композитордың өзіндік стилінің тамаша үлгісі және оның сан қырлы дарынының куәсі. Аспаптық миниатюра бағдарламалық драмалық көрініс ретінде түсіндіріледі, мұнда қос кейіпкер – адуынды ер адам мен назды әйел адам арасындағы махаббат сезімін жеткізу баяндалады. Шығарма жалын атқан би тақырыптарының молдығымен, жеке орындалатын виолончельдің мәнерлі аспаптық речитативтерімен, сондай-ақ шынайы нәзіктік, оғаштық пен ерсіліктен тұратын бейнелердің сахналық көрнекілігімен, қаһармандарының мінез-құлқымен, қарқынды көрсетілген психологиялық жағдайымен тыңдармандарды баурап алады.Елорда тұрғындары мен қонақтарының назарына Д.Шостаковичтің Ішекті аспаптар квартеті №5 cи-бемоль мажор, op. 92 туындысы ұсынылады. XX ғасырдағы әйгілі композитордың барлық жанрлар мен музыкалық формаларды қамтыған ауқымды мұрасында ішекті аспаптар квартеті маңызды орынға ие. №5 ішекті аспаптар квартеті өзінің трагедиялық мәнерімен, көңіл-күй қарбалысымен ерекшеленеді. Музыканың үдемелі құштарлығы нәзік лирикалық әуенмен алмасады, содан кейін бақытты финалмен аяқталатын шиеленіс пен драматизмнің күшеюі орын алады. Д.Шостакович өз шығармаларында жеке сипаттағы сұрақтарды тұспалдап жеткізеді. Бәлкім, квартеттің бірінші бөлігіндегі әсерлі контрапунктте көрсетілген күшті толғаныс дәл осылайша түсіндірілмек.Ақпарат көзі : https://www.gov.kz/memleket/entities/tsm/press/news/details/20539?lang=kk

«Қазақстанның Үздік тауары 2017» конкурстық көрменің қортындысы бойынша:«Үздік азық-түлік тауарлары» номинациясы бойынша бірінші орынды «Иркиналинова З.Е.» ЖК, екінші орын «Агрофирма» ЖСШ және үшінші орынды «Айбек» ЖСШ иемденді.«Халыққа арналған үздік тауарлар» номинациясы: бойынша бірінші орынды «Стартайм» ЖШС, екінші орын «TALAN Technology» ЖСШ және үшінші орынды «Актюбинская мебельная Компания»ЖСШ берілді.«Өндірістік мақсаттағы үздік тауарлар» номинациясы: бойынша бірінші орынды «Светаком» ЖШС, екінші орын «MIAL KZ» ЖСШ және үшінші орынды «Сталлит»ЖСШ берілді. «Қазақстанның Үздік тауары 2017» аймақтық конкурс женімпаздары, Астана қаласында өтетін «Қазақстанның Үздік тауары 2017» республикалық конкурсқа қатысуға жолдама алады. Ақпарат көзі : https://www.gov.kz/memleket/entities/mti-ktrm/press/news/details/20524?lang=kk

Л.Н. Гумилев атындағы Еуразиялық ұлттық университетте көлік-энергетикалық факультетінің бітірушілеріне дипломдарды салтанатты түрде тапсыру іс-шарасы өтті. Оқу-әкімшілік корпусының Бірінші Президент аудиториясында диплом тапсыруға оқу ісі жөніндегі проректор, жұмыс берушілер, депутаттар, көрнекті қоғам қайраткерлері қатысты.«Стандарттау, сертификаттау және метрология» мамандығы бойынша үздік бітірушілерге «ҚазСтИн» РМК басшылығының өкілі тапсырды.Осы оқу жылында 61 студент «Стандарттау, сертификаттау және метрология» мамандығы бойынша білім алды. 21 бітіруші үздік диплом алды.Л.Н. Гумилев атындағы Еуразиялық ұлттық университет – біздің елімізде ғана емес, шетелдерде де жетекші оқу мекемесі. ЕҰУ-не өткен жылы 20 жыл толды. Кеше ғана құрылғанына қарамастан, университеттің алдыңғы қатарлы құзыретті, әлеуметтік капиталды, инновациялық қалып тәжірибесі бар бітірушілерді дайындауда әлеуеті жоғары.«Стандарттау, сертификаттау және метрология» кафедрасын бітірушілер жақсы теориялық білім мен қолданбалы дағдыларға ие. Кафедраның бітірушілерінің көпшілігі еліміздің әр жерінде техникалық реттеу және метрология саласында жұмыс істеуде.Техникалық реттеу және метрология комитеті университетпен тығыз ынтымақтасады. ТРМК және «Стандарттау, сертификаттау және метрология» кафедрасының ынтымақтастық аспектілері көп қырлы. Бұл – «ҚазМетрИн» РМК зертханалары базасында және «ҚазСтИн» РМК қабырғасында іс-тәжірибеден өту, диплом жұмыстары мен магистр диссертацияларына рецензия беру, кафедраның профессорлық-оқытушылық құрамының біліктілігін арттыру және басқалар. «ҚазМетрИн» РМК және «ҚазСтИн» РМК базасында кафедраның филиалдары ұйымдастырылған.Ақпарат көзі : https://www.gov.kz/memleket/entities/mti-ktrm/press/news/details/20518?lang=kk

ШҚО ББ «Örken» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы 2025 жылғы 4 сәуірде 10+ және 14+жас санаттарында «Бағдарламалау», «3D модельдеу» және «Робототехника» құзыреттіліктері бойынша 5-11 сынып оқушылары арасында жыл сайынғы облыстық «Skills for geeks» чемпионаты өткізілді.Чемпионат оқушылардың шығармашылық және зияткерлік қабілеттерін дамыту үшін жағдай жасауға, дарынды оқушыларды анықтауға, сондай-ақ оларда нақты кәсіби жағдайларда міндеттерді практикалық шешу дағдыларын қалыптастыруға бағытталған. Іріктеу турлары 13-28 ақпан аралығында облыстың барлық аудандары мен қалаларында өткізілді. Оларға 1000-нан астам оқушы, 185 команда қатысты. Іріктеу кезеңінің қорытындысы бойынша финалға 18 командадан 244 оқушы шықты, олар модельдеу, бағдарламалау және спорттық робототехника дағдыларын меңгерудің жоғары деңгейін көрсетті. Конкурстық жұмыстарды бағалауды кәсіби тәуелсіз сарапшылар – білім беру ұйымдарының өкілдері жүргізді.Чемпионат жеңімпаздары:«3D-модельдеу» номинациясы, 10+ жас санаты1-орын – Золоторева Ксения, Черников Давид, Өскемен қаласы командасы;2-орын – Ерболат Ислам. Мұстафа Мансұр, Тарбағатай ауданы командасы;3-орын – Надырова Николь, Кандауров Артем, Алтай ауданы командасы.14+ жас санаты1-орын – Аленов Алишер, Айдарұлы Досым, Зайсан ауданы командасы;2-орын – Комаревский Захар, Калошин Егор Риддер қаласы командасы;3-орын – Гладкова Дарья, Штефан Ринат, Шемонаиха ауданы командасы.«Бағдарламалау» номинациясы, 10+ жас санаты1-орын – Паньшин Артём, Шабаль Матвей, Риддер қаласы командасы;2-орын – Байкен Асыларман, Муратканов Ислам, «Дарынды балаларға арналған мамандандырылған «Білім инновация» лицейі» КММ командасы;3-орын – Лисицин Дмитрий, Грислит Даниил, Алтай ауданы командасы.14+ жас санаты1-орын – Амангелді Алдияр, Ринатұлы Әліби, «Дарынды балаларға арналған мамандандырылған «Білім инновация» лицейі» КММ командасы;2-орын – Подкорытов Кирилл, Петров Илья, Глубокий ауданы командасы;3-орын – Зиновьев Виктор, Игнатушкина Варвара, Риддер қаласы командасы.«Спорттық робототехника» номинациясы, «Сызық бойымен жарыс» құзыреттілігі, 10+ жас санаты1-орын – Нұрланұлы Хасан, Өскемен қаласы командасы;2-орын – Асқар Алтай, Ұлан ауданы командасы;3-орын – Тимофеев Владимир, Риддер қаласы командасы.«Кегельринг» құзыреттілігі, 10+ жас санаты1-орын – Қайырғазин Жігер, Өскемен қаласы командасы;2-орын – Талғатұлы Айсұлтан, Үлкен-Нарын командасы;3-орын – Хуанышбай Асылбек, «Дарынды балаларға арналған облыстық мамандандырылған мектеп-лицей-интернаты» КММ командасы.«Кегельринг квадро» құзыреттілігі, 14+ жас санаты1-орын – Жансолтан Ержан, «Дарынды балаларға арналған Жамбыл атындағы облыстық мамандандырылған мектеп-гимназия-интернаты» КММ, командасы;2-орын – Батталбек Бекжан Ұлан ауданы командасы;3-орын –Вельц Даниил, Алтай ауданы командасы.«Сумо» құзыреттілігі, 10+ жас санаты1-орын – Жұмабек Ерасыл, Катон-Карағай ауданы командасы;2-орын – Жәнібекұлы Қаратай, Өскемен қаласы командасы;3-орын –Құсайнов Ерали, Ұлан ауданы командасы.«Робосумо. Адымдаушы роботтар» құзыреттілігі, 14+ жас санаты1-орын –Мұратұлы Азамат, Марқакөл ауданы командасы;2-орын –Мамыркан Руфат, Риддер қаласы командасы;3-орын –Сейтқалиев Санжар, Зайсан ауданы командасы.«Танк биатлоны» құзыреттілігі, 14+ жас санаты1-орын – Кикбаев Айбар, Өскемен қаласы командасы;2-орын – Талдау Ернар, Марқакөл ауданы командасы;3-орын –Қайратбеков Мансұр, Катон-Карағай ауданы командасы.Жалпыкомандалық есептегі орындар бойынша марапаттау рәсімі 2025 жылдың мамыр айында 12-ші жыл сайынғы облыстық «New Generation» IT-фестивалі аясында өтеді. Жеңімпаздар құнды сыйлықтармен, кубоктармен, медальдармен және мақтау қағаздарымен марапатталады, ал чемпионаттың барлық қатысушылары сертификаттарға ие болады.Чемпионат «Skills for Geeks» мемлекеттік әнұранның орындалуымен аяқталды, оның авторлары – жарысқа қатысушылардың өздері. Гимн жолдары «Кім, егер мен емес, кім, егер сен емес, өз елі үшін алғашқы қадам жасайды» – бұл дәстүрге айналған жарыстың ұранына айналды. Алдағы уақытта бұл чемпионат облыс деңгейінен асып, кең ауқымда өткізілуі мүмкін. Ақпарат көзі : https://www.gov.kz/memleket/entities/vko-bilim/press/news/details/970313?lang=kk

Дүйсенбі, 24 маусым күні Қазақстанның Еңбек және халықты әлеуметтік қорғау министрі Бердібек Сапарбаев ведомство жұмысының басым бағыттарының бірі болып табылатын нәтижелі жұмыспен қамтуға жәрдемдесу шаралары туралы баяндады.«Жұмыспен қамтуды қамтамасыз ету азаматтардың табысына және жұмыссыздардар мен нәтижесіз жұмыспен қамтылғандардың өмір сүру сапасын арттыруға тікелей әсер етеді. Бұл жұмысты күшейту аз қамтылған отбасылардың санын азайтып, жұмысқа орналасқан соң жеке басы мен отбасын өз бетінше қамтамасыз етуге көмектеседі. Бұл үшін біз «Еңбек» Мемелекеттік бағдарламысын іске асырып отырмыз», - деп Еңбек министрлігінің басшысы халыққа есеп беру кездесуінде атап өтті.Оның мәліметінше, өткен жылы бағдарлама аясында жұмыспен қамтуға жәрдемдесудің белсенді шараларымен 628 мың адам қамтылды, оның ішінде 497 мыңы жұмысқа орналастырылып, оның 380 мыңы тұрақты жұмыс орындарына тұрды. 14 мыңнан астам қазақстандық жеңілдетілген микрокредит алды, оның ішінде 10 мыңға жуық жұмыссыз азамат алғаш рет өз кәсіптерін ашты.Микрокредиттеудің тағы бір қосымша әсері жаңа жұмыс орындарын құру болып табылады. Микрокредит алушылар 12 мыңнан астам жұмыс орнын құрды.Ағымдағы жылы Елбасы тапсырмасымен бағдарлама «Жастар - Ел Тірегі» жалпыұлттық жоспарымен толықтырылды, оның шеңберінде жастардың жұмыспен қамтылуын қолдау жөніндегі шараларды күшейтуге бағытталған «Жас Маман» және «Жас кәсіпкер» жобалары іске асырылуда.Осылайша, үш жыл ішінде 200 жаңғыртылған оқу орындарының базасында  ең көп сұранысқа ие 100 мамандық бойынша 200 мың жас маман даярланатын болады.«Жастар практикасымен қамту жоспары кеңейтілді. 2019 жылы біз қосымша тағы да 10 мың адамды жіберетін боламыз, бұл 25 мың жас азаматты жұмыспен қамтуға мүмкіндік береді. Үш жыл ішінде жастардың кемінде 60 мың өкілі «Бастау-Бизнес» кәсіпкерлік негіздері бойынша білім алады», - деді министр.Елбасының "Әлеуметтік қамқорлық" әлеуметтік шараларын жүзеге асыру аясында көп балалы отбасыларды жұмыспен қамтуға жәрдемдесу шаралары кеңеюде. Енді ауылдық көп балалы отбасыларға 505 мың теңге көлемінде жаңа бизнес-идеяларға қайтарымсыз мемлекеттік гранттар берілетін болады.Мәселен, көп балалы отбасы алған қаражатын тігін машинасы мен қажетті материалдарды сатып алуға пайдаланып, үйде төсек-орын, ұлттық киім және басқа да бұйымдарды тігуді ұйымдастыра алады.Сондай-ақ, көп балалы аналар, мүгедектігі бар азаматтар мен жастар үшін 5 мың жеңілдігі жеңілдетілген микрокредит беру квотасы қарастырылған. Нәтижесінде биылғы жылы 15 мың көп балалы отбасы өз ісімен айналысып, табысын арттыруға мүмкіндік алады.Сонымен қатар, осы санаттағы азаматтарды қажетті мамандықтарға қысқа мерзімді оқыту және үйден істейтін әлеуметтік жұмыс орындарына жұмысқа орналастыру бойынша жұмыс басталды.Ақпарат көзі : https://www.gov.kz/memleket/entities/enbek/press/news/details/20415?lang=kk

Астанада ҚР Инвестициялар және даму вице-министрі Е.Хаировтың Польша Республикасының вице-министрі Я.Эмилевич  ханыммен кездесуі өтті.Тараптар екі ел арасындағы сауда-экономикалық және инвестициялық әріптестік мәселелері талқылады.Я.Эмилевич Қазақстан мен Польша арасындағы сауда-экономикалық қатынастардың кеңейтілгенін және қазіргі таңда а.ж. 6 қыркүйекте  Астанада  өткізілуі жоспарланған Қазақстан-поляк бизнес-форумына дайындық жұмыстары жүргізіліп отырғаны жайлы хабардар етті. Сонымен қатар, Я.Эмилевич ҚР Президентінінің 2016 жылы Польша Республикасына іс-сапарының табысты болғанын атап өтті.  Е.Хаиров «Атамекен» ҰКП бірлесіп Қазақстан-поляк бизнес-форумын өткізуде қолдау көрсетуге дайын екендігін  хабарлады.Ақпарат көзі : https://www.gov.kz/memleket/entities/mti-ktrm/press/news/details/20411?lang=kk

Бүгін ҚР Инвестициялар және даму министрлігінің медиа-орталығында Техникалық реттеу және метрология  комитетіне қарасты Ұлттық аккредиттеу орталығының бас директоры Мақсұт Өмірханов аккредитацияның отандық өнімдерді экспорттауға қалай ықпал ететін айтып,  Қазақстан Республикасындағы аккредиттеу жүйесін түсіндірді.Ол аккредитация – қызметтер мен өнімдерді, сәйкестікті бағалау органдарының біліктілігіне қоғамдық сенімді ұялататын тетік екенін атап өтті. Бұдан бөлек, аккредитация саудадағы техникалық кедергілерді азайтуға ықпал етіп, отандық экспорттаушылардың бәсекеге қабілеттілігін артырады.Отандық өнімдерді экспорттауға ықпал ететін тағы бір тетік – ол Ұлттық аккредиттеу орталығының халықаралық аккредиттеу ұйымының мүшесі болуы.ҚР Инвестициялар және даму министрлігі мен Техникалық реттеу және метрология комитетінің жемісті жұмысының нәтижесінде Қазақстан  2010 жылы ILAC-ң толық құқықты мүшесі және ILAC MRA-ң қол қоюшысы болды. Ал, 2013 жылы IAF-ң толық құқықты мүшесі және IAF MLA келісімінің қол қоюшысы болды.Бұл ұзақ жұмыстың нәтижесі ретінде ҚР заңды тұлғаларына ILAC MRA белгісімен берілген 570 114 сынақ хаттамасын айтуға болады. Олардың ішіндегі 10 492 сынақ хаттамасы – ҚР шегінен тыс, сонымен қатар, IAF MLA белгісі қойылған 10 335 сәйкестік сертификаты бар.Брифингте Мақсұт Өмірханов сынақ хаттамасы негізінен балыққа және балық өнімдеріне, ет пен ет өнімдеріне, шұжық өнімдеріне, сүт пен сүт өнімдеріне, ара балына, астық өнімдері (жемдік арпа, жемдік бидай, бидай кебегі), жүгері, күнбағыс, ұн, күнбағыс жомы, соя жомы, рапс жомы, қой жүні, былғары шикізаты, ІҚМ терісі сияқты өнімдерге берілгенін хабарлады.IAF MLA аралас белгісіне сәйкес сертификатқа келер болсақ, ондай сертификаттар негізінен  Финляндия, Беларусь, Қырғызстан, Өзбекстан және Ресей Федерациясы сияқты елдеге жіберілетін көмірге, лак және бояу өнімдеріне, рапс жомына, соя жомына, балық консервісіне берілген.Орталықтың бас директоры аккредиттеудің жаңа бағыттарын игеру мен Ұлттық аккредитация орталығын халықаралық аренаға таныту үшін үлкен жұмыстар атқарылып жатқанын атап өтті.Сонымен қатар спикер орталықтың 2017-2019 жылдарға арналған Стратегиялық жоспары бекітілгенін айтты. Онда жұмыс пен қызмет көрсету саласындағы сапаны жақсартуға, саудадағы техникалық кедергілерді азайтуға, отандық өнім экспортын арттыруға мүмкіндік беретін нақты міндеттер белгіленген.Ақпарат көзі : https://www.gov.kz/memleket/entities/mti-ktrm/press/news/details/20341?lang=kk

13-14 маусым күндері ҚР Еңбек және халықты әлеуметтік қорғау бірінші вице-министрі Ержан Жылқыбаев жұмыс сапарымен Солтүстік Қазақстан облысына барып, Петропавл қаласы мен Ақжар, Тайынша, Аққайың, Ақжар және М. Жұмабаев атындағы аудандарын аралады.Атап айтқанда, ведомство басшысының бірінші орынбасары 2019-2021 жылдарға арналған Солтүстік Қазақстан облысын дамытудың Кешенді жоспарына пилоттық жоба шеңберінде енгізілген еңбек күші мол өңірлерден келетін қоныс аударушыларға арналған 52 үй құрылысының барысымен танысты.Сонымен қатар, Ержан Жылқыбаев «Бастау-Бизнес» курсын аяқтап, жеке кәсібін дамыту үшін нәтижелі жұмыспен қамту және жаппай кәсіпкерлікті дамытудың «Еңбек» Мемлекеттік бағдарламасы бойынша жеңілдетілген несие алған жеке кәсіпкерлермен кездесті.Жұмыспен қамту орталықтарына аралау барысында бірінші вице-министр мемлекеттік қолдау шараларын сапалы және уақытылы көрсету мәселелеріне ерекше назар аударып, көпбалалы аналармен, атаулы әлеуметтік көмек алушылармен және жұмыс күші мол аймақтардан қоныс аударушылармен кездесті.Е. Жылқыбаев Петропавл қаласындағы Халықты жұмыспен қамту орталығының жұмысымен танысып, «Жұмыспен қамту 2020 Жол картасы» бағдарламасы аясында жұмысшы жастарға арналып салынған жатақханаға, «Еңбек» мемлекеттік бағдарламасы бойынша қысқа мерзімді курстардың қатысушылары жұмыс істейтін тігін фабрикасына, «Радуга» ЖШС өндірістік объектілеріне барды.Халықпен кездесу барысында Министрдің бірінші орынбасары солтүстікқазақстандықтарды жаңа жұмыс орындарын құру және жұмыспен қамтуды арттыру, сондай-ақ аз қамтылған отбасылар мен мүмкіндігі шектеулі азаматтарды қолдау саласында Министрлік тарапынан атқарылып жатқан жұмыстар туралы хабардар етті.Ақпарат көзі : https://www.gov.kz/memleket/entities/enbek/press/news/details/20332?lang=kk

Сәрсенбі, 12 маусым күні Қазақстан Республикасының Еңбек және халықты әлеуметтік қорғау министрі Бердібек Сапарбаев халық табысын арттыру және халықтың өмір сүру сапасын жақсарту жөніндегі жұмыс тобының кезекті отырысын өткізді.Кеңес жұмысына Денсаулық сақтау, Әділет, Білім және ғылым, Мәдениет және спорт, Ауыл шаруашылығы, Қаржы, Ішкі істер, Ұлттық экономика, Индустрия және инфрақұрылымдық даму министрліктерінің басшылары, сондай-ақ қоғамдық бірлестіктердің, көпбалалы отбасылардың және бастамашы топтардың өкілдері қатысты.Жұмыс тобының қатысушылары көпбалалы отбасылармен, мүгедектігі бар балаларды тәрбиелеп отырған отбасылармен және азаматтардың басқа да әлеуметтік осал топтары көтерген бірқатар проблемалық мәселелер мен ұсыныстарды қарастырды.Мемлекеттік органдардың басшылары аз қамтылған отбасыларды қолдауға бағытталған мемлекеттік қолдау шараларын жүзеге асыру туралы егжей-тегжейлі айтып берді. Сондай-ақ, бастамашылық ұсыныстар айтылды, оларға қосымша қаралғаннан кейін жауаптар мен түсініктемелер берілетін болады.Табысты арттыру және халықтың өмір сүру сапасын жақсарту жөніндегі жұмыс тобы өз жұмысын жалғастырады.Ақпарат көзі : https://www.gov.kz/memleket/entities/enbek/press/news/details/20292?lang=kk

Сәрсенбі, 12 маусым күні ҚР Еңбек және халықты әлеуметтік қорғау министрі Бердібек Сапарбаев Қазақстан Республикасы Парламенті Мәжілісінің пленарлық отырысында «Мәжбүрлі әлеуметтік сақтандыру туралы» заң жобасына және Қазақстан Республикасының «Міндетті әлеуметтік сақтандыру туралы» заңнамалық актілеріне өзгерістер мен толықтырулар енгізу жайында ұсыныс жасады.Бұл заң жобалары Қазақстан Республикасының Тұңғыш Президенті - Елбасы тапсырмасы бойынша өңделіп, мiндеттi әлеуметтiк сақтандыру жүйесiндегi еңбек өтiлi мен жеңiлдiктердiң мөлшерi арасындағы қатынастарды нығайтуға, сондай-ақ, 2020 жылдан бастап мүгедектікке, асыраушысынан айрылуына және еңбекке қабілеттілігін жоғалтуына байланысты әлеуметтік жәрдемақылардың мөлшерін орта есеппен 30%-ға дейін арттыруды қамтамасыз етуге бағытталған.Атап айтқанда, еңбек өтілі 5 жылдан асатын төлем алушылар үшін жүйеде қатысу мөлшерлемесін қайта қарау жоспарланып отыр, бұл әлеуметтік жәрдемақылардың үш түрінің мөлшерін анықтау кезінде қолданылады. Бүгінгі таңда 5 жыл және одан көп өтілі бар азаматтар үшін аталған коэффициенттің максималды мәні - 1,0. Жүйеге неғұрлым көп қатысуды ынталандыру үшін 5 жылдан артық қатысу өтілі бар азаматтарға әрбір еңбек еткен толық бір жылы үшін коэффициентті 2%-ға арттыру ұсынылады.Мүгедектігі бар адамдардың әлеуметтік қорғалу деңгейін арттыру мақсатында еңбек ету қабілетінен айырылуы бойынша әлеуметтік төлемнің мөлшерін тікелей медициналық-әлеуметтік сараптама негізінде белгіленген жалпы еңбек ету қабілетінен айырылу деңгейіне (30%-дан 100%-ға дейін) сәйкес анықтау ұсынылады.Асыраушысынан айырылған отбасылардың әлеуметтік қорғалуын арттыру үшін асырауындағылар санына сәйкес қолданылатын коэффициентті арттыру ұсынылады.Сонымен қатар, заң жобасында жұмысынан айрылуы бойынша әлеуметтік төлемдерді алушылар үшін табысты алмастыру коэффициентін 30% - дан 40% - ға арттыру, сондай-ақ жұмысынан айырылуы бойынша әлеуметтік төлемнің мерзімін жүйеге қатысу өтіліне байланысты 4-тен 6 айға дейін ұзарту көзделген.Сонымен қатар, 2020 жылдың 1 қаңтарына жаңадан келетін және қазіргі төлем алушылар арасында шиеленісті болдырмау мақсатында асыраушысынан және еңбек ету қабілетінен айырылуы бойынша әлеуметтік төлемді алып жүрген азаматтар үшін жаңа өзгерістерді қолдана отырып, бір реттік қайта есептеу жүргізуді жүзеге асыру ұсынылады.Ақпарат көзі : https://www.gov.kz/memleket/entities/enbek/press/news/details/20277?lang=kk