Қала әкімі Гайдар Қасенов жұмыс сапарымен Бестөбе кентіне барып, спорттық-сауықтыру кешенінің құрылысының барысын тексерді.Еске сала кетейік, нысанның мердігер ұйымы – «Таир» ЖШС болып табылады.Сапар барысында қала басшысы мердігерге жұмысты жеделдету, белгіленген мерзімде сапалы түрде аяқтау бойынша тапсырмалар берді.Аталған нысанның құрылысы қала әкімінің тұрақты бақылауындаАқпарат көзі : https://www.gov.kz/memleket/entities/aqmola-stepnogorsk/press/news/details/1070777?lang=kk

Берлин, 2025 жылғы 18 қыркүйек – Берлинде «Қазақстан мен Германия арасындағы туристік ынтымақтастық мүмкіндіктері» тақырыбында дөңгелек үстел форматында брифинг өтті.Іс-шараға Германия туристік қауымдастығының (DRV) президенті Норберт Фибиг, Германия туристік индустриясының федералдық қауымдастығы, тәуелсіз туристік компаниялардың федералдық қауымдастығы, Германияның жетекші туроператорлары, Air Astana және SCAT Airlines әуе компаниялары, сондай-ақ ҚР Туризм және спорт министрлігі, облыс әкімдіктерінің өкілдері және «Kazakhtourism» ұлттық компаниясы» АҚ қатысты.Қатысушылар туризм саласындағы екіжақты ынтымақтастықтың кең ауқымды мәселелерін талқылады. Басты назар Германиядан келетін кірме туризмді дамыту, Қазақстанның туристік брендін еуропалық нарықта ілгерілету, сондай-ақ мәдени, іскерлік және экологиялық туризм салаларындағы бірлескен жобаларды іске асыру мүмкіндіктеріне аударылды. Тараптар өзара тиімді ынтымақтастықты одан әрі кеңейту үшін әлеуеттің зор екенін атап өтті.Қазақстанның Германиядағы Елшісі Нұрлан Онжанов өз сөзінде туризм саласындағы әріптестікті тереңдету Қазақстан мен Германия арасындағы қатынастарының маңызды бағыты екенін атап өтті. Оның айтуынша, туризм тек экономиканың өсуіне ғана емес, сонымен қатар халықтар арасындағы сенім, достық және мәдени алмасу көпірлерін қалыптастыруға да ықпал етеді. «Біз Германияны стратегиялық әріптес ретінде көреміз, туристер үшін Қазақстан бірегей ұсыныстар жасап, ынтымақтастықтың жаңа көкжиектерін ашуға дайын», – деді Елші.DRV президенті Норберт Фибиг неміс делегациясының Қазақстанға жасаған ақпараттық туры туралы баяндады. Сапар барысында қонақтар Астана, Алматы және Байқоңыр қалаларында болған. Делегация өкілдері елорданың қарқынды дамуы және оның инфрақұрылымымен танысты, Алматыда – бай мәдени мұра және заманауи туристік нысандарды аралады. Неміс тарапына ерекше әсер қалдырған сапарлардың бірі Байқоңыр ғарыш айлағына бару, оның ішінде Ғарыш айлағы тарихының музейін көру болды. Сапар аясында делегация ҚР Премьер-Министрінің орынбасары Ермек Көшербаевпен, ҚР Туризм және спорт министрі Ербол Мырзабосыновпен және қазақстандық туристік индустрия өкілдерімен кездесіп, 2026 жылдың күзінде неміс туристері арасында Қазақстанды ілгерілетуге арналған арнайы форум өткізу жөнінде келісімге келді.Н.Фибиг сапардың жоғары деңгейде ұйымдастырылғанын ерекше атап өтіп, ашық диалог үшін қазақстандық тарапқа алғысын білдірді. Ол Қазақстанның мәдени және белсенді туризм бағытындағы әлеуеттің зор екенін, ал қазіргі жобалардың сәтті жүзеге асырылуы ынтымақтастықты кеңейту үшін берік негіз қалыптастыратынын айтты. Сондай-ақ, DRV президенті неміс туристерін Қазақстанға тартуға бағытталған бастамаларды одан әрі қолдауға дайын екенін растады.Іс-шара соңында екі тарап өкілдері пікір және ақпарат алмасып, іскерлік байланыстарды нығайтуға, Қазақстанды неміс нарығында ілгерілетуге арналған жаңа маркетингтік тәсілдерді талқылады.Қатысушылар мұндай кездесулердің өзара түсіністікті тереңдетуде және туризм саласында үйлестірілген жұмысты қамтамасыз етуде маңызды екенін атап өтті. Сондай-ақ тараптар туризмнің достық пен әріптестіктің тағы бір берік көпіріне айналатының атап өтіп, бірлескен бастамалар Қазақстан мен Германия арасындағы екіжақты қатынастарды дамытуға елеулі үлес қосатынына сенім білдірді. Ақпарат көзі : https://www.gov.kz/memleket/entities/mfa-berlin/press/news/details/1070787?lang=kk

Астанада алдағы өңірлік ауыл шаруашылығы жәрмеңкесі 20-21 қыркүйек күндері өтеді. Биыл өз өнімдерін Абай мен Атырау облыстарының тауар өндірушілері ұсынады.Жәрмеңкеде Абай және Атырау облыстарының аграрлық өндірушілері әртүрлі ет, балық, сүт өнімдері, бакалея тауарлары, сондай-ақ көкөніс пен жеміс-жидекті тікелей фермерлерден жеткізеді. Бұл азық-түлік қолжетімділігін арттыруға және отандық өндірушіні қолдауға ықпал етеді.Ауыл шаруашылығы тауар өндірушілері Астанаға шамамен 400 тонна өнім әкеледі, оның ішінде 140 тонна ет және ет өнімдері, 80 тонна көкөніс пен жеміс-жидек, 70 тонна бал, 50 тонна бақша өнімдері, 25 тонна балық, 15 тонна сүт өнімдері, шамамен 20 тонна басқа азық-түлік өнімдері бар. Қала тұрғындары мен қонақтары өнімді тікелей фермерлерден сатып алып қана қоймай, өңірлік шығармашылық ұжымдардың қатысуымен концерттік бағдарламаны да тамашалай алады.Жәрмеңке 9:00-18:00 аралығында жұмыс істейді.Еске сала кетейік, биылғы жәрмеңке «Қазанат» ипподромының автотұрағы аумағында, Қарқаралы тасжолы, 1 мекенжайында өтеді. Сондай-ақ қала тұрғындары мен қонақтарының ыңғайлылығы үшін жәрмеңке өтетін орынға №18, 37 және 303 автобустары қатынайды.Ақпарат көзі : https://www.gov.kz/memleket/entities/astana-uir/press/news/details/1070796?lang=kk

Страсбург, 2025 жылғы 11–12 қыркүйек – Еуропа Кеңесінің штаб-пәтерінде адам саудасына қарсы іс-қимыл жөніндегі ұлттық үйлестірушілер мен баяндамашылардың жыл сайынғы кездесуі өтті.Іс-шара Еуропа Кеңесі мен ЕҚЫҰ-ның бірлесіп ұйымдастыруымен өтті. Конференцияға 53 елден 130 сарапшы қатысты. Қазақстан тарапынан Ішкі істер министрлігінің Адам саудасына қарсы күрес және қылмыстық процестің қатысушыларын қорғау басқармасы бастығының орынбасары Шинар Күчербаева қатысты.Кездесудің мақсаты – ұлттық үйлестірушілер арасында ақпарат және тәжірибе алмасу, сондай-ақ ЕҚЫҰ аймағында адам саудасына қатысты мәселелерді шешу бойынша бірлескен іс-қимылды айқындау. Қатысушылар алдын алу, адам саудасын тоқтату және құрбандарға көмек көрсету саласында әлеуетті арттыруға дайын екендіктерін білдірді.Өз кезегінде Қазақстан өкілі еліміздің 2024–2026 жылдарға арналған адам саудасына байланысты қылмыстардың алдын алу, жолын кесу және оларға қарсы күрес жөніндегі Ұлттық іс-шаралар жоспарын іске асыру тәжірибесін ұсынды.Ақпарат көзі : https://www.gov.kz/memleket/entities/mfa-strasbourg/press/news/details/1070824?lang=kk

Астана, 2025 жылғы 17 қыркүйек – Қазақстан Республикасы Сыртқы істер министрінің орынбасары Арман Исетов Әлемдік және дәстүрлі діндер лидерлерінің VIII съезіне қатысу үшін Қазақстанға сапармен келген Еуропадағы қауіпсіздік және ынтымақтастық ұйымының (ЕҚЫҰ) Аз ұлттар істері жөніндегі жоғарғы комиссары Кристоф Камппен кездесу өткізді.Кездесу барысында көптілді білім беруді дамыту, аз ұлттардың елдің әлеуметтік-экономикалық өміріне қатысуын кеңейту, сондай-ақ оларды мемлекеттік басқару процестеріне тарту мәселелері талқыланды.А.Исетов ЕҚЫҰ өкілдерін халықтың, оның ішінде аз ұлттардың әл-ауқатын жақсарту бағытында елде жүргізіліп жатқан саяси реформалар, экономикалық және әлеуметтік қайта құрулар туралы хабардар етті.Өз кезегінде К.Камп Қазақстанның этносаралық келісімді нығайтудағы және аз ұлттардың тілдік және мәдени құқықтарын қолдау жөніндегі бірегей тәжірибесін ерекше атап өтті. Ол осы саладағы мемлекеттік саясаттың жемісті нәтижелерін жоғары бағалап, сондай-ақ кейінгі реформалар шеңберінде ынтымақтастық пен бірлескен іс-қимылдарды үйлестіруді нығайтуға үміт білдірді.ЕҚЫҰ Аз ұлттар істері жөніндегі жоғарғы комиссары сонымен қатар диалог, консультациялар және практикалық ұсынымдар негізінде этносаралық шиеленісті төмендету және қақтығыстардың алдын алу мәселесіндегі өз көзқарастары және басымдықтарымен бөлісті.Кездесу қорытындысы бойынша тараптар адам құқықтарын қорғау, аз ұлттарды қолдау және этносаралық келісімді нығайту саласындағы белсенді өзара іс-қимылға дайындығын растады.Ақпарат көзі : https://www.gov.kz/memleket/entities/mfa/press/news/details/1070825?lang=kk

Жаңаөзен қаласы әкімі аппараты және оған қарасты барлық дербес бөлімдер мен ауылдық округтерде сыбайлас жемқорлық тәуекелдеріне ішкі талдау нәтижелерін жария талқылаудың басталғанын хабарлайды.Ақпарат көзі : https://www.gov.kz/memleket/entities/akimat-goroda-zhanaozen/press/news/details/1070827?lang=kk

Жаңа Салық кодексі экономиканың барлық саласына оң әсер етеді: ауыл шаруашылығы мен туризмнен бастап өнеркәсіп пен қызмет көрсету сегментіне дейін. Сондықтан да ҚР Қаржы министрлігі еліміз бойынша ауқымды түсіндіру жұмыстарын жүргізіп жатыр. Айталық, кәсіпкерлер мен тұрғындарға арналған семинарлар, кездесулер ұйымдастырылып, мамандар жаңа ережелерді түсіндіріп, кәсіпкерлердің көкейкесті сұрақтарына жауап беріп келеді.Мәселен, Қонаев қаласындағы Алматы облысы бойынша Мемлекеттік кірістер департаментінің акт залында ҚР ҚМ Мемлекеттік кірістер комитеті төрағасының орынбасары Жәнібек Нұржановтың қатысуымен өңірдегі салық төлеушілерге арналған семинар өтті.Қонаев қаласы – Қапшағай су қоймасының жағасында орналасқан облыс орталығы болып саналады.  Шаһардың өңірлік ішкі туризм саласындағы әлеуеті біртіндеп нығайып келеді.  Сондықтан да кездесуде туризм бағытындағы салық  мәселелеріне ерекше назар аударылды.Жаңа заңда осы салада жұмыс істейтін кәсіпкерлер үшін жеңілдетілген салық режімдері мен төмендетілген мөлшерлемелер қарастырылған. Енді олардың үшеуі қалып отыр. Біріншісі – табыс салығы мен міндетті зейнетақы жарналарын қамтитын бірыңғай төлемді төлей алатын өзін-өзі жұмыспен қамтыған азаматтарға арналған. Екінші режім жеңілдетілген декларацияға негізделіп, ол шағын және орта бизнеске бағытталған: салық кірістің тек 3% қамтиды. Үшінші режім өндірісті дамытып, инвестиция тартуды көздейтін әрі жеңілдетілген мөлшерлемелері бар шаруа (фермерлік) қожалықтарына арналған.«Жаңа кодекс көлеңкелі экономиканы азайтып, қаржы ағындарының ашықтығын арттыруды көздейді. Туризм үшін бұл әділ бәсекелестікпен қатар мемлекеттік қолдау шараларына, оның ішінде өңірлерді дамытудың мемлекеттік бағдарламаларына қол жеткізуге жол ашады. Мұның бәрі жаңа демалыс орындарының ашылуына, қызмет көрсету сапасының артуына және халықаралық туризм нарығында Қазақстанның тартымдылығын арттыруға оң әсер етуі тиіс», деді Жәнібек Нұржанов.Ақпарат көзі : https://www.gov.kz/memleket/entities/minfin/press/news/details/1070835?lang=kk

Бүгін облыс әкімі Нұрлыбек Нәлібаев жауапты сала басшыларымен бірге Дүниежүзілік Денсаулық сақтау ұйымының өкілдерімен кездесті.Басқосуда аймақ басшысы Арал теңізінің ахуалы тек бір өңірдің немесе бір елдің ғана емес, әлемге ортақ, жаһандық экологиялық мәселе екенін айтты.«Президентіміз Қасым-Жомарт Кемелұлы 2021-2025 жылдары Арал теңізінің құрғаған табанындағы 1 миллион 100 мың гектар аумаққа климатқа бейімделген өсімдіктер егіп, ормандандыру көлемін ұлғайтуды тапсырған болатын.2021-2024 жылдары 659 мың гектарға сексеуіл көшеті егілді. Қалған 441 мың гектар жердегі жұмыс жыл аяғына дейін жалғасады.Арал өңірінің экологиялық жағдайын жақсарту, қоршаған ортаны қорғау бағытында шет мемлекеттер және халықаралық ұйымдардың қолдауымен де ауқымды жұмыс атқарылуда.Құрғаған теңіз табанындағы құм көшкінін тоқтату үшін Германия, Оңтүстік Корея, Америка Құрама Штаттарының, ірі халықаралық ұйымдар және қорлардың қолдауымен 73 мыңнан астам гектар жерге сексеуіл көшеті отырғызылды.Бұдан бөлек, биыл Дүниежүзілік банк есебінен 441 млн. теңгеге аумағы 33,5 гектар орман тұқымбағы пайдалануға берілді. Бұл әлемдік қауымдастықтың Арал теңізі мәселесіне бейжай қарамайтынын көрсетті. Сондай-ақ, достық байланыстардың жолға қойылғанының дәлелі деп білеміз.Ауқымды жобалар Арал теңізінің солтүстік бөлігін сақтап қалуға, су құрамындағы тұз мөлшерін азайтуға мүмкіндік туғызды. Бұл балық шаруашылығының дамуына оң серпін берді. Мәселен, 2004 жылы 400 тонна, 2024 жылы 6 мың тоннаға жуық балық ауланды.Біз осы бағытта әріптестік орнатуға, бірлесіп жұмыс атқаруға әрқашан дайынбыз!», – деді Н.Нәлібаев.Басқосуда сөз алған Дүниежүзілік Денсаулық сақтау ұйымы Еуропалық аймақтық бюросының директоры Робб Батлер әріптестікке жол ашық екенін жеткізді.Айта кетейік, 15 қыркүйектен бастап Арал теңізі дағдарысының денсаулық пен қоршаған ортаға әсерін бағалау үшін Біріккен Ұлттар Ұйымының арнайы делегациясы өңірімізге жұмыс сапарымен келген болатын. Елдік миссия өкілдері теңіздің жағдайымен танысып, өңір халқының денсаулығына әсер ететін негізгі факторларды анықтауға, қауіп-қатерлерді жоюға қатысты арнайы форум өткізді.Форум алаңында үкіметаралық жұмысшы топ өкілдері Арал өңірінің климаттық жағдайын, қоршаған ортаның денсаулыққа әсерін бағалап, осы бағыттағы ғылыми-зерттеу жобаларын кеңінен талқылады.Ақпарат көзі : https://www.gov.kz/memleket/entities/kyzylorda/press/news/details/1070478?lang=kk

2025 жылғы 18 қыркүйекте Ақтау қаласында өңірлік деңгейде Орнықты даму мақсаттарын (ОДМ) жергіліктендіруге арналған алғашқы кездесу өткізілді. Іс-шара әртүрлі деңгейдегі мәслихат депутаттарын біріктіріп, орнықты дамудың ұлттық басымдықтарын ілгерілетудегі маңызды қадам болды.Кездесуге бас болғандар Қазақстан Республикасының Ұлттық экономика министрлігі мен БҰҰ Даму Бағдарламасы (БҰҰДБ). Семинарды ұйымдастыру парламенттік комиссияның орнықты даму саласындағы ұлттық мақсаттар мен міндеттердің орындалуын мониторингілеу жөніндегі ұсынымдарын іске асырады.Қатысушыларға арнап, Маңғыстау облыстық мәслихатының төрағасы Жаңбырбай Матаев, Маңғыстау облысы әкімінің орынбасары Тілек Қошмағанбетов, Ұлттық экономика министрлігінің Әлеуметтік саланы, құқық қорғау және арнайы органдарды дамыту департаментінің директоры Нұргүл Жанназарова және БҰҰДБ жобалық талдаушысы Заур Ибрагимов құттықтау сөз сөйледі.Нұргүл Жанназарова өз сөзінде жергіліктендіру жаһандық мақсаттарды табысты іске асырудың негізгі шарты екенін атап өтті."ОДМ-ға жергілікті деңгейде белсенді жұмыс істеу арқылы ғана қол жеткізуге болады. Сондықтан мәслихат депутаттарының қатысуы маңызды рөл атқарады", - деді Нұргүл Жанназарова.Семинар қатысушылардың ОДМ жергіліктендіру әдістемесі туралы хабардарлығын арттыруға және өңірлік даму жоспарына мақсаттарды интеграциялауда депутаттардың құзыретін нығайтуға ықпал етті. Бұл өңірлердің неғұрлым теңгерімді әлеуметтік-экономикалық және экологиялық дамуын қамтамасыз етуге мүмкіндік береді.Мемлекеттік жоспарлау жүйесі шеңберінде ОДМ ұлттық индикаторларын стратегиялық құжаттарға, оның ішінде оларды бейімдеуді және өңірлік даму бағдарламаларына енгізуді декомпозициялау жүргізіледі.Ақпарат көзі : https://www.gov.kz/memleket/entities/economy/press/news/details/1070489?lang=kk

Бүгін Қармақшы ауданында «Бейнеу – Бозой – Шымкент» магистралды газ құбырының екінші желісін салу жобасы бойынша қоғамдық тыңдау өтті. Іс-шараны аудан әкімінің аппарат басшысы Диас Молдабаев жүргізіп, жобаның негізгі мақсат-міндеттері мен әлеуметтік-экономикалық тиімділігі жөнінде кеңінен ақпарат берілді.Қоғамдық тыңдауға «КазГипроНефтеТранс» ЖШС бас инженері Бузаубаев Талғат Қуанұлы, Экология бөлімінің бас маманы Мырзабеков Бақытжан Ибадуллаұлы, Жобаның әзірлеушісі Бедарева Инна Владимировна, «ILF» ЖШС жетекші маманы Уразалиева Нұргүл Серікқызы, «UCCBBS2» ЖШС аға менеджері Қанатбаев Алмас Жанболатұлы қатысты.Жобаның басты мақсаты – Қазақстанның оңтүстік өңірін табиғи газбен сенімді әрі ұзақ мерзімді қамтамасыз ету.Газ құбырының жалпы ұзындығы шамамен 1450 шақырымды құрайды. Трасса Маңғыстау, Ақтөбе, Қызылорда және Түркістан облыстарының аумағы арқылы өтеді.Құрылыстың жалпы ұзақтығы 41 айға жоспарланған. Жұмыстар 2025 жылғы қыркүйек айында басталып, 2029 жылдың қаңтарында аяқталады деп күтілуде.Газ құбырын тұрақты қысыммен қамтамасыз ету мақсатында бірнеше компрессорлық станция салынады. Сондай-ақ, вахталық кенттер мен жөндеу-пайдалану учаскелері инфрақұрылым талаптарына сай жобаланып, трасса бойында орналастырылады.Жоба толығымен қолданыстағы санитарлық және экологиялық талаптарға сәйкес жүзеге асырылатын болады. Газ құбыры пайдалануға берілгеннен кейін оған «Интергаз Орталық Азия» АҚ қызмет көрсетеді.Қоғамдық тыңдау барысында жоба өкілдері тарапынан толыққанды ақпарат беріліп, қатысушылардың сұрақтарына жауап берілді. Іс-шара барысында жергілікті тұрғындардың ұсыныс-пікірлері де ескерілді.Ақпарат көзі : https://www.gov.kz/memleket/entities/kyzylorda-karmakshy/press/news/details/1070499?lang=kk

Қармақшы ауданында «Ардагерлерді ардақтайық» жобасы аясында «Ана – ұрпақтың шамшырағы» тақырыбында көпбалалы батыр аналармен кездесу кеші өтті.Шараның басты мақсаты – алтын құрсақты аналардың қоғамдағы рөлін дәріптеу, жас ұрпаққа өнеге ету және отбасылық құндылықтарды насихаттау. Мәдени іс-шара «Руханият» орталығында ұйымдастырылып, онда ауданға еңбегі сіңген көпбалалы аналарға құрмет көрсетілді.Кеш шымылдығы тақырыптық прологпен ашылды. Сахнада ана бейнесі мен ұлттық болмысты айшықтайтын көріністер ұсынылып, дәстүрлі «Бесік жыры» орындалды. Бұдан кейін жырау Руслан Өтегенов аналарға арналған арнау-жырын оқып, көрермен ықыласына бөленді.Шараны аудандық ардагерлер кеңесінің төрағасы Асқар Мереков жүргізді. Кездесу барысында аудан әкімі аппаратының басшысы Диас Молдабаев сөз сөйлеп, батыр аналарға алғыс айтып, құрмет көрсетті:-Қармақшы ауданы – қашан да батыр аналарымен, ұрпақ тәрбиесіне еткен еңбегімен ерекшеленетін киелі өлке және оларға деген құрмет ерекше. Бүгінгі шараға қатысып отырған әрбір ана – сол асыл дәстүрдің, сол руханияттың жарқын жалғасы. Қазақ «Бір қолымен бесік тербетіп, бір қолымен әлемді тербеткен» ананы қашан да қастерлеген. Сондықтан сіздерге көрсетілер құрмет – елге көрсетілген құрмет деп білемін. Сіздердің әрбір игі істеріңіз – еліміздің ертеңі үшін жасалған шынайы еңбек,- деп атап өтті.Сондай-ақ, қоғамдық өмірге белсене араласып, ұрпақ тәрбиесіне үлес қосып жүрген бірқатар батыр аналарға аудан әкімінің Алғыс хаты мен сый-сияпаттары табысталды.Шара аясында қоғамдық кеңес төрағасы Ә.Құлдүйсенов, сондай-ақ аудандық әйелдер кеңесінің мүшесі К.Раева сөз алып, аналарға ілтипат білдірді.Аналар атынан жылы лебіздер де айтылып, рухани кеш әсерлі ән-шашумен жалғасты. Әсіресе, барша қатысушылар бірігіп орындаған Шәмші Қалдаяқовтың «Ана туралы жыр» әні көпшілік көңілінен шығып, ерекше тебіреніс сыйлады.Шара соңы қатысушылардың естелік суретке түсуімен қорытындыланды.Ақпарат көзі : https://www.gov.kz/memleket/entities/kyzylorda-karmakshy/press/news/details/1070506?lang=kk

Техникалық реттеу және метрология комитетінің Солтүстік Қазақстан облысы бойынша департаменті Петропавл қаласы тұрғынының өтініші негізінде жүргізілген жоспардан тыс тексеру нәтижелері бойынша «PetroRetail» ЖШС (Qazaq Oil) жанармай құю станцияларының бірінде заң бұзушылықтар анықталды. Тексеру барысында М2р-20 (20л) сенімді өлшеуішін пайдалана отырып, ТРК арқылы жіберілетін отынды бақылау өлшемдері жүргізілді. 20л мөлшерінде отын жіберген кезде колонкалар жұмысының қателігі +/- 80 мл шегінде болуы тиіс. Өлшеу нәтижелері бойынша бағандар жұмысының рұқсат етілген қателігінен асып кету анықталды. № 1 ТРК бойынша ең жоғары асып кету -120 мл, яғни шекті рұқсат етілген қателіктен 40 мл артық, №4 ТРК бойынша-140 мл, яғни шекті рұқсат етілген қателіктен 60 мл артық болды. Бұл осы өлшемдерге белгіленген метрологиялық талаптарды бұзу болып табылады. Мемлекеттік реттеуге жататын өлшемдер тізбесінде және нормативтік құқықтық актілерде белгіленген өлшемдерге, өлшеу құралдарына, стандартты үлгілерге, өлшемдерді орындау әдістемелеріне қойылатын міндетті метрологиялық талаптарды бұзғаны үшін жауапкершілік1-тармақта көзделген. ҚР ӘҚБтК 419-бабының 1-бөлігі. Жүргізілген тексеру қорытындысы бойынша «PetroRetail» ЖШС қысқартылған әкімшілік іс жүргізу шеңберінде 1 179 600 теңге көлемінде айыппұл түрінде әкімшілік жауапкершілікке тартылды. Кәсіпорынға берілген нұсқама белгіленген мерзімде орындалды. Атап айтқанда, отын тарату колонкаларын баптау және кезектен тыс тексеру бойынша тиісті жұмыстар жүргізілді.Ақпарат көзі : https://www.gov.kz/memleket/entities/mti-ktrm/press/news/details/1070514?lang=kk

ЖауапҚазір қолданыстағы Салық кодексінде бұл мәселе көрсетілмеген және әртүрлі түсіндірмелер тудырады, соның ішінде салықтық бақылау нәтижелері бойынша мұндай сомалар сыйақы ретінде танылады.Жаңа Салық кодексінде осы мәселе бойынша жекелеген нормалар көзделген.Осылайша, валюта бағамының өзгеруіне байланысты теңгемен төленуге жататын (алынған) кредит (қарыз, микрокредит) сомасын түзету (индекстеу) сыйақы деп танылмайды. Бұл «сыйақы» ұғымында анықталған.Салық есебінде міндеттемелерді (талаптарды) осындай индекстеу ҚЕХС және бухгалтерлік есеп талаптарына сәйкес ескеріледі.Ақпарат көзі : https://www.gov.kz/memleket/entities/kgd-mangistau/press/news/details/1070563?lang=kk

ҚР Энергетика министрлігінің Мемлекеттік энергетикалық қадағалау және бақылау комитетінде 2025–2026 жылғы жылу беру маусымына дайындық мәселелері бойынша республикалық селекторлық кеңес өтті.Кеңеске ҚР Индустрия және құрылыс министрлігінің, облыстар мен Астана, Алматы, Шымкент қалалары әкімдіктерінің, «KEGOC» АҚ, «Қазақстан Темір Жолы» ҰК» АҚ, «ҚазТрансГаз Аймақ» АҚ және энергетикалық кәсіпорындардың өкілдері қатысты.Іс-шара барысында энергия көздері, электр және жылу желілерін жөндеу науқанының іске асырылу барысы туралы есептер тыңдалды.Бүгінгі таңда Қостанай, Ақмола, Батыс Қазақстан, Қарағанды және Ұлытау облыстарының жылу желілерінде, сондай-ақ Аягөз және Сәтпаев қалаларындағы қазандықтарда жөндеу жұмыстарының қарқыны төмен деңгейде қалып отыр.Бұдан бөлек, бірқатар электр станцияларында негізгі жабдықтарды жөндеу мерзімдерінің сақталуын бақылауды күшейту қажеттігі атап өтілді.Кеңес қорытындысы бойынша жергілікті атқарушы органдар мен энергетикалық кәсіпорындарға жылыту маусымына уақтылы және сапалы дайындықты қамтамасыз ету бойынша нақты тапсырмалар берілді.Ақпарат көзі : https://www.gov.kz/memleket/entities/energo/press/news/details/1070592?lang=kk

Қазақстан Республикасы Сауда және интеграция министрлігінің Қостанай облысы бойынша Сауда және тұтынушылардың құқықтарын қорғау Департаментінің атына Қостанай облысының тұрғындарынан массаж накидкасын сатып алғаны үшін ақшалай қаражатты қайтару бойынша сотқа дейінгі наразылық жасауға көмек көрсету бойынша өтініш жасау жағдайы жиілеп кетті.Азаматтардың өтініштерінен көшеде оларға жақындаған адам шаңсорғыш, микротолқынды үтіктер және т. б. сияқты түрлі сыйлықтардың ұтыс лотереясы бар конвертті тартуды ұсынады. Сыйлық алу үшін сізді қаладағы дәмханалар мен мейрамханаларға шақырады.Сәнді мейрамханалар мен кафелерде "тегін" сыйлықтар беріледі, содан кейін массаж накидкасы қосымша ұсынылады.Тұсаукесерде қайырымды акцияны ұйымдастырушылар, егер ақша болмаса, бірден Каспий, Халық банкі қосымшасы арқылы несие рәсімдейді.Сонымен қатар, сатушы мен сатып алушы арасында келісім-шарт жасалады. Несие несие тарихына байланысты әртүрлі мерзімге беріледі.Нәтижесінде "Тегін сыйлықтар" акциясы тұтынушыларға шамамен 1000 000 (миллион) теңгеден астам шығын әкеледі.  Ал үйінде ғана, өтініш білдірген азаматтардың айтуынша, нарық құнынан ондаған есе жоғары бағаға массаждық накидканы сатып алып, келісім-шартқа отырып, несие алғанын түсінеді.Егер сіз осындай жағдайға тап болсаңыз және сатушымен келісім жасасып, сіз тауарды сатып алу үшін несие алсаңыз.«Тұтынушылардың құқықтарын қорғау туралы» Қазақстан Республикасы Заңының 14-бабына сәйкес сатып алушы азық-түлік емес тауарды өткізген күннен бастап он төрт күн ішінде ақшаны қайтаруға құқылы.Тиісінше, ақшаны қайтару туралы наразалыкпен сатушыға сотқа дейінгі талапты өзіңіз жазуыңыз қажет немесе Қостанай қ., Әл-Фараби даңғылы, 115/1 мекенжайы бойынша немесе e-otinish.kz арқылы құқықтық көмек алу үшін департаментке хабарласыңыз.Өз кезегінде сатушы 10 күнтізбелік күн ішінде сатып алушының шағымына жауап беруге міндетті. Сонымен қатар, сізге тауарлар мен сыйлықтарды сатушыға қайтару қажет болады.Сонымен қатар, сатушы агрессивті маркетингті қолданып, 100% үстеме бағамен, гипноз элементтері бар және эйфория тудыратын химиялық заттарды бүрку арқылы сататыны туралы банкке жазбаша мәлімдеме жіберіңіз. Өйткені банк жосықсыз сатушылар санатына жататындардың тізімін жүргізіп, кейін банк шоттарын жауып тастайды.Сатушы шартта көрсетілген заңды мекен-жайда болмаған кезде болады, бұл жағдайда шартты бұзып, ақшаны қайтару үшін сотқа жүгіну керек.Қостанай облысының сауда және тұтынушылардың құқықтарын қорғау департаменті мұндай жағдайларды болдырмау үшін күмәнді іс-шараларға қатыспауды ұсынады.Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1070611?lang=kk

Қазақстан Республикасының Қаржы вице-министрі Дәурен Кеңбеил бастаған еліміздің делегациясы Мәскеуде «Манеж» орталығының көрме залында өткен X Мәскеу қаржы форумына қатысты.Аталған форум – макроэкономикалық саясат пен қаржылық даму, сондай-ақ инвестициялық ынтымақтастықтың өзекті мәселелерін талқылауға арналған кәсіби пікірталас алаңы болып саналады.Дәурен Маратұлы қаржы жүйесінің алдында тұрған сын-қатер мен міндеттеріне арналған пленарлық және сараптамалық сессияларға қатысты. Оның барысында халықаралық қаржы, инвестиция тарту, мемлекеттік сатыпалым мен қаржылық бақылауды цифрландырудың жаңа бағыттары, сол секілді экономикалық өсімнің өңірлік аспектілері қаралды.Форум аясында ТМД-ға мүше мемлекеттердің қаржы министрліктері мемлекеттік қаржы саласын басқару бағытындағы ынтымақтастық туралы меморандумға қол қойды. Оның мақсаты – қаржы қызметіндегі өзара іс-қимылды нығайту, мамандар арасында тәжірибе алысу арқылы экономикалық дамуға қолғабыс ету.Сонымен қатар форум кезінде ведомство өкілі Ресей Федерациясының Қаржы министрінің орынбасары И.Чебесковпен кездесіп, өзара тиімді байланысты дамыту мәселелері мен ынтымақтастықты одан әрі кеңейту жолдарын пысықтады.Ақпарат көзі : https://www.gov.kz/memleket/entities/minfin/press/news/details/1070630?lang=kk

         Кеше «Балапан Көлігі» ЖШС-де Қазақстан Республикасы Президенті Жолдауының негізгі ережелерін талқылау өтті. Кездесу сындарлы жағдайда өтіп, еліміздің болашақтағы дамуы және осы мақсаттарға жетудегі әрбір азаматтың рөлі туралы пікір алмасу алаңы болды. Кәсіпорынның кадр бойынша маманы А.А. Сергазинова Жолдаудың негізгі бағыттарына кеңінен тоқталды. Ол құжатта экономикаға, әлеуметтік салаға, халықтың өмір сүру сапасын арттыруға қатысты стратегиялық басымдықтар көрсетілгенін атап өтті. Жұмыспен қамту, жастарды қолдау, кәсіби біліктілігін арттыру мәселелеріне ерекше көңіл бөлінеді. Кездесуге қатысушылар Мемлекет басшысы белгілеген міндеттерді дәйекті жүзеге асыру ұлттық деңгейде де, жекелеген кәсіпорындарда да дамудың маңызды серпіні болатынына сенім білдірді. Шара қорытындысы бойынша әрбір қызметкер жалпы нәтиже үшін өзінің жауапкершілігін сезінуі керектігі, Жолдауды жүзеге асыруға еңбек ұжымдарының қосқан үлесі ерекше екендігі баса айтылды.Ақпарат көзі : https://www.gov.kz/memleket/entities/abay-kurchatov/press/news/details/1070240?lang=kk

2025 жылғы 17-18 қыркүйекте Қазақстан Республикасы Қаржы министрлігінің Әдеп жөніндегі уәкілі Арыстанбекова Кәмшат Болатқызы және Қазақстан Республикасы Қаржы министрлігі Мемлекеттік кірістер комитетінің Әдеп жөніндегі уәкілі Ақбаев Тасқын Тұрағалдыұлы Ақмола облысына жұмыс сапарымен келді.Сапар барысында Қазақстан Республикасы Қаржы министрлігінің аумақтық департаментінің басшыларымен және ұжымдарымен кездесу өтті.Өз сөзінде Кәмшат Болатқызы мемлекеттік қызметті атқару қоғам мен мемлекет тарапынан ерекше сенім білдіру болып табылатынын және мемлекеттік қызметшілердің қызмет этикасына жоғары талаптар қоятынын атап өтті. Мемлекеттік қызметшілер қызметтік әдептің белгіленген стандарттарын сақтауға міндетті.Тасқын Тұрағалдыұлы қатысушыларға іскерлік этикетті және ресми мінез-құлық ережелерін сақтау мәселелері бойынша ақпаратты жеткізіп, мемлекеттік қызметшілер үшін белгіленген қолданыстағы шектеулер мен қоғамдық тәртіп пен имандылыққа қол сұғатын бұзушылықтар туралы айтып берді.Кездесу қорытындысы бойынша аумақтық департаменті қызметкерлерінің сұрақтарына жауап беріп, Этикалық кодекс пен мемлекеттік қызмет, сыбайлас жемқорлыққа қарсы іс-қимыл саласындағы заңнаманың талаптарын сақтауға шақырды.Ақпарат көзі : https://www.gov.kz/memleket/entities/kgd-akmola/press/news/details/1070278?lang=kk

Международный театральный фестиваль  «BIKEN FEST» III, ставший настоящим праздником многообразного искусства и сценического мастерства подошёл к завершению. Творческое состязание, посвящённое увековечению имени великой актрисы сцены, Народной артистки Казахстана, лауреата Государственных премий СССР и Казахстана Бикен Римовой, прошло при поддержке акимата области Жетісу и было организовано драматическим театром имени Бикен Римовой.Фестиваль нынешнего года приобрёл особое значение, так как совпал с 50-летним юбилеем театрального коллектива. С 13 по 17 сентября он покорил сердца зрителей и придал новый импульс культурной жизни региона. На сцене выступили театральные коллективы из разных уголков Казахстана, а также из ближнего и дальнего зарубежья, представив свои лучшие постановки.Жюри фестиваля возглавил Народный артист Казахстана, мастер сцены и экрана Досхан Жолжаксынов.По решению жюри главный приз 1 миллион тенге был присуждён Абайскому областному казахскому музыкально-драматическому театру за спектакль «Абай айтқан Еңлік-Кебек» созданный на основе наследия великого поэта. Коллектив показал искусство, достойное высокого статуса фестиваля.В номинации «Лучшая пластическая режиссура» Государственный драматический и комедийный театр имени Азербайджана Мамбетова был отмечен  за  постановку «Чарли Чаплин» и получил премию в размере 600 000 тенге. Актёр  Акмолинского  областного  драматического театра Толебек Конбай  за мастерское воплощение нескольких персонажей в спектакле «Путь в Киото» завоевал номинацию «Лучший мужской образ» и 500 000 тенге. Азербайджанская актриса Оксана Расулова за роль в спектакле «Письмо незнакомки», передавшей тонкие чувства и глубокие переживания, стала  лауреатом  в номинации «Лучший женский образ» и также получила 500 000 тенге. Бухарский государственный музыкально-драматический театр (Узбекистан) был отмечен за выдающуюся ансамблевую игру и получил приз «Лучший актёрский ансамбль» с премией 500 000 тенге. Кыргызский актёр Нурлан  Салидинов  и грузинская  актриса Кристине Беруашвили удостоились награды за лучшие роли второго плана и были премированы по 300 000 тенге. Театры Шымкента и Восточного Казахстана, покорившие зрителей сценическими решениями, завоевали номинации «Лучшее музыкальное  оформление» и «Лучшая сценография», каждая с премией 200 000 тенге.Высокий уровень организации фестиваля, верность сценических мастеров искусству и их творческий поиск не только расширили горизонты казахского театрального искусства, но и вновь возвысили имя Бикен Римовой в памяти народа. Таким образом, «BIKEN FEST» стал ярким свидетельством духовного обновления и надолго сохранится в сердцах любителей искусства.Ақпарат көзі : https://www.gov.kz/memleket/entities/zhetysu-archive/press/news/details/1070282?lang=kk

17.09.2025 жылы Департаменттің Заң басқармасының басшысы М.Р. Жанғұрчинова мен бас маманы А.Г. Ибрагимова Департаменттің, аумақтық басқармалар мен кеден бекеттерінің ұжымына әкімшілік заңнама бойынша техникалық оқу өткізді.Ақпарат көзі : https://www.gov.kz/memleket/entities/kgd-vko/press/news/details/1070287?lang=kk