Қазақстан Республикасы Парламенті Сенатының Төрағасы Мәулен Әшімбаев Атырау өңіріне жұмыс сапары аясында жастармен кездесті. Жиында Сенат Спикері жаңа Конституцияның негізгі қағидаттарына тоқталып, оны мемлекетті дамытудың және саяси жүйені жан-жақты жаңғыртудың ұзақмерзімді бағытын айқындайтын стратегиялық құжат деп атады. Сенат Төрағасы елімізде жүргізіліп жатқан ауқымды жаңғыртулардың қазіргі сын-қатерлерге жедел жауап бере алатын икемді мемлекеттік жүйе қалыптастыруға мүмкіндік беретінін айтты. Сонымен қатар ол жаңа Ата Заңның табысты іске асырылуы жастардың белсенділігіне, біліміне және жауапкершілігіне де байланысты екеніне тоқталды.- Президентіміз Қасым-Жомарт Кемелұлы Тоқаевтың бастамасымен 15 наурызда республикалық референдум өтті. Нәтижесінде халық Мемлекет басшысының бастамасын қолдап, еліміздің жаңа Конституциясы қабылданды. Жаңа Ата Заң биылғы 1 шілдеден бастап ресми түрде күшіне енеді. Шын мәнінде, бұл – нағыз Халық Конституциясы. Ол Тәуелсіздік, Мемлекеттілік және азаматтардың құқықтары мен мүдделері ең жоғары құндылық саналатын Әділетті Қазақстан құрудың жаңа кезеңіне жол ашты. Бүгінде жүзеге асырылып жатқан ауқымды реформалар мен жаңартылған институционалдық ортаның барлығы өскелең ұрпақтың игілігі үшін жасалып отыр. Жаңа Конституция жастарға зор мүмкіндіктер береді әрі үлкен жауапкершілік жүктейді. Сондықтан жас буын осы реформалардың тарихи маңызын терең түсініп, оны жүзеге асыруға белсенді қатысуы қажет, – деді Сенат Төрағасы.Мәулен Әшімбаев Әділетті Қазақстан құруда жастардың белсенді рөлі ерекше мәнге ие екенін айтып, мемлекет тарапынан көрсетіліп жатқан қолдау шараларына және ұлттың жаңа келбетін қалыптастыратын құндылықтарға назар аударды. Оның айтуынша, бұл бағыттағы басты бағдар – Мемлекет басшысы Қасым-Жомарт Тоқаевтың Абайдың «Толық адам» іліміне негізделген «Адал азамат» тұжырымдамасы. Аталған тұжырымдамада еңбекқорлық, адалдық, кәсіби біліктілік, үздіксіз білім алу және отаншылдық әр азамат үшін басты құндылықтар ретінде айқындалған.Ақпарат көзі : https://www.gov.kz/memleket/entities/atyrau/press/news/details/1236369?lang=ru

Қазақстандық жүк тасымалдаушылар енді Әзербайжан, Түркия және Қырғызстан аумағына кіруге арналған электрондық рұқсаттарды онлайн рәсімдей алады. elicense.kz порталында шетелдік рұқсат бланкілерін алуға болатын бағыттар тізімі кеңейтілді.Шетелдік рұқсат бланкісі – қазақстандық тасымалдаушыға белгілі бір шет мемлекеттің аумағында жүк тасымалдауға құқық беретін құжат. Мұндай рұқсаттар мемлекеттер арасында екіжақты негізде алмасылады.«Бұл тасымалдаушылар үшін мемлекеттік органдарға бару санын азайтып, жұмысқа көбірек уақыт бөлуге мүмкіндік береді. «Е-лицензиялау» платформасы рұқсат беру үдерістерін кезең-кезеңімен онлайн форматқа көшіру бағытында дамып келеді», – деді ҚР Жасанды интеллект және цифрлық даму министрлігі Мемлекеттік қызметтер комитеті төрағасының орынбасары Ержан Ақтаев.Қызметті Қазақстан Республикасында тіркелген және халықаралық автомобиль тасымалдарына рұқсаты бар көлік құралдарына ие қазақстандық тасымалдаушылар (заңды тұлғалар мен жеке кәсіпкерлер) пайдалана алады.Қызметті пайдалану үшін пайдаланушыға:elicense.kz порталында авторизациядан өтіп, «Көлік» бөліміне өту;«Халықаралық қатынаста жолаушыларды және багажды автомобильмен тасымалдауды тұрақты жүзеге асыратын Қазақстан Республикасының тасымалдаушыларына шет мемлекеттің аумағына (аумағынан) кіруге (кетуге) рұқсат беру» қызметін таңдап, «Онлайн тапсырыс беру» батырмасын басу;өңірді/қаланы және РММ-ні таңдау;ұйымның БСН-ін, өкілдің аты-жөнін және лауазымын енгізу;заңды тұлғаның тіркеу деректерін және мекенжайын толтырып, «Келесі» батырмасын басу;көлік құралы туралы мәліметтерді және шетелдік рұқсаттарға қажеттілікті көрсету (ел атауы, бланк түрі, саны);ҚР Көлік министрлігінің ақпараттық жүйесі арқылы тексеріс нәтижесінде электрондық шетелдік рұқсат бланкісі брондалады;мемлекеттік бажды төлеп, өтінімді қол қоюдың қолжетімді тәсілдерінің бірімен растау.Қызмет көрсету мерзімі – 2 жұмыс күні. Рұқсат дайын болған соң құжат elicense.kz порталындағы Жеке кабинетке жіберіледі. Бланктің жарамдылық мерзімі жеке кабинетке хабарлама түскен сәттен бастап 30 күнді құрайды. Қызмет құны – бір бланк үшін 1 АЕК.Функционал ҚР Жасанды интеллект және цифрлық даму министрлігінің Мемлекеттік қызметтер комитеті, «Ұлттық ақпараттық технологиялар» АҚ және ҚР Көлік министрлігінің бірлескен жұмысы нәтижесінде іске асырылды.Ақпарат көзі : https://www.gov.kz/memleket/entities/aqmola-selinograd/press/news/details/1238427?lang=ru

Атырау облысында Қазақстан Республикасы Ұлттық экономика вице-министрі Ерлан Сағнаевтың қатысуымен орнықты даму, кәсіпкерлікті қолдау және инвестициялар тарту мәселелеріне арналған бірқатар іс-шаралар өтті.Негізгі алаңдардың бірі ҚР Парламенті Сенатының Төрағасы Мәулен Әшімбаевтың төрағалығымен өткен Тұрақты даму саласындағы ұлттық мақсаттар мен міндеттердің іске асырылуын мониторингтеу жөніндегі Парламенттік комиссияның XII көшпелі отырысы болды. Талқылаудың басты тақырыбы Тұрақты даму мақсаттарына қол жеткізу аясында Каспий теңізі мен Жайық өзенінің су экожүйелерін орнықты басқару мәселесі болды.Қатысушылар су ресурстарын сақтау, өңірдің экологиялық тұрақтылығын қамтамасыз ету және Тұрақты даму мақсаттарының қағидаттарын еліміздің батыс өңірлерінің әлеуметтік-экономикалық дамуына ықпалдастыру мәселелерін қарастырды.Сонымен қатар, жұмыс сапары аясында вице-министр Атырау облысының бизнес өкілдерімен кездесті.Өңір кәсіпкерлерімен өткен кездесуде бизнесті мемлекеттік қолдаудың қолданыстағы шаралары, сондай-ақ іскерлік ахуалды одан әрі жетілдіру жөніндегі жоспарлар таныстырылды. Іс-шараға Атырау облысы әкімінің орынбасары Марат Мурзиев қатысты.Бүгінде өңірде 57,5 мың кәсіпкерлік субъектісі жұмыс істейді. 2026 жылғы қаңтар–сәуір айларында тартылған инвестициялар көлемі 408,3 млрд теңгені құрады. Жыл соңына дейін жалпы құны 717 млрд теңге болатын 21 инвестициялық жобаны іске асыру жоспарлануда.Ерлан Сағнаев атап өткендей, Ұлттық экономика министрлігі шағын және орта бизнесті дамыту үшін қолайлы жағдайлар жасау бағытындағы жұмысты жүйелі түрде жалғастыруда.«Министрлік шағын және орта бизнес үшін барынша ашық әрі ынталандырушы орта қалыптастыруға бағытталған. Биыл мемлекеттік қолдау құралдары аясында Атырау облысына 10 млрд теңге бөлініп, сондай-ақ 12,1 млрд теңге көлемінде кредиттік кепілдіктер берілді. Бұл – іскерлік белсенділікті арттыруға және жаңа өндірістерді іске қосуға бағытталуы тиіс нақты ресурстар», – деп атап өтті вице-министр.Ашық диалог барысында бизнес өкілдері «Іскер аймақ» өңірлік бағдарламасын іске асыру, әлеуметтік кәсіпкерлікті дамыту, салық заңнамасын жетілдіру, қаржылық қолдау тетіктері және отандық өндірушілердің мемлекеттік сатып алуларға қолжетімділігін кеңейту мәселелерін көтерді.Өнеркәсіп секторын дамыту мәселелеріне де ерекше назар аударылды. «Гранд Материк» ЖШС, «Талшықтекс» ЖШС және «Кенен Интернешнл Кетринг» ЖШС кәсіпорындарының алаңдарында өндірістерді жаңғырту, жергіліктендіру деңгейін арттыру және отандық компаниялардың экспорттық мүмкіндіктерін кеңейту перспективалары талқыланды.Кездесулер қорытындысы бойынша кәсіпкерлікті одан әрі дамытуға, инвестициялар тартуға және өңір экономикасының бәсекеге қабілеттілігін арттыруға бағытталған бірқатар ұсыныстар әзірленді.Ақпарат көзі : https://www.gov.kz/memleket/entities/economy/press/news/details/1236499?lang=ru

Астанада Қазақстан Республикасы Ұлттық қорғаныс университетінің түлектеріне диплом тапсыру сәті салтанатты түрде өтті.Іс-шараға Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров, Қырғызстан, Тәжікстан және Өзбекстан дипломатиялық корпусының өкілдері, Қарулы күштер түрлерінің бас қолбасшылары, әскер тектерінің қолбасшылары, өзге де күштік құрылымдардың басшылығы, Қарулы күштердің ардагерлері сондай-ақ түлектердің туған-туыстары мен жақындары қатысты.– Сіздер кәсіби тұрғыда қалыптасудың тағы бір маңызды кезеңінен өттіңіздер. Меңгерген білімдеріңіз бен жинаған тәжірибелеріңіз Отанға адал қызмет етуге, елдің қорғаныс қабілетін нығайту және ұлттық қауіпсіздікті қамтамасыз ету міндеттерін жемісті орындауға ықпал етеріне сенімдімін. Сіздерге зор денсаулық, жаңа кәсіби жетістіктер, мансаптық өсу және Отан қорғаушының жоғары миссиясын абыроймен атқаруға тілектеспін, – деді генерал-лейтенант Қ. Әбубәкіров.Дәстүр бойынша түлектер әскери ұжымның қасиетті нышаны, ар-намыс, ерлік пен даңқтың символы саналатын университеттің Жауынгерлік Туымен қоштасты.– Екі жылғы қарқынды оқу, сабақтар мен емтихандар артта қалды. Осы уақыт ішінде алған біліміміз бен дағдыларымыз кәсіби құзіреттерімізді едәуір арттырып, қауіпсіздік пен қорғаныс саласындағы заманауи сын-қатерлерге стратегиялық көзқарасымызды кеңейтті. Осы жолда бізге қолдау көрсетіп, кәсіби қалыптасуымызға үлес қосқан барша жанға алғысымды білдіремін, – деді Әуе қорғанысы күштерінің әскери қызметшісі, магистрант майор Саян Қөпбосынов.Қазақстан Республикасының Ұлттық қорғаныс университеті – Қарулы күштер, басқа да әскерлер мен әскери құралымдар үшін жедел-тактикалық және жедел-стратегиялық басқару буындарына жоғары білікті кадрлар даярлайтын еліміздің жетекші әскери оқу орны. Биыл білім ордасын 161 магистрант тәмамдады. Олардың қатарында Ұжымдық қауіпсіздік туралы шарт ұйымына мүше мемлекеттерден: Тәжікстаннан – 10, Қырғызстаннан – 5 түлек болды. Сонымен қатар, Өзбекстан елінің 2 өкілі де оқуды тәмамдады.– Университеттің профессорлық-оқытушылық құрамына жоғары кәсібилігі, баға жетпес тәжірибесі, қолдауы мен тәлімгерлігі үшін алғыс айтамыз. Біз, шетелдік тыңдаушылар үшін, бұл уақыт Ұлттық қорғаныс университетінде білім алу жаңа құзіреттерді игерудің және практикалық тәжірибе жинақтаудың маңызды кезеңіне айналды. Өзімізбен бірге білім ғана емес, екі ел арасындағы ынтымақтастықты одан әрі дамытуға ықпал ететін кәсіби байланыстарды да алып кетеміз, – деді Өзбекстаннан келген әскери қызметші майор Рустам Якушкин.Салтанатты шара түлектердің саптық алаң бойымен салтанатты маршпен өтуімен жалғасты. Құрмет қарауыл ротасының әскери қызметшілері қарумен дефиле көрсетіп, жоғары саптық даярлық пен іс-қимыл үйлесімділігін көрсетті.Қонақтарға Қарулы күштер Ұлттық әскери-патриоттық орталығы Орталық ансамблінің өнерпаздары концерттік бағдарлама қойды.Ақпарат көзі : https://www.gov.kz/memleket/entities/mod/press/news/details/1236500?lang=ru

Рияд, 2026 жылғы 7 маусым – Қазақстан Республикасының Сауд Арабиясы Корольдігіндегі Елшісі Мадияр Меңілбеков Корольдіктің Өнеркәсіп және минералды ресурстар вице-министрі Халед Әл-Мудайфермен келіссөздер жүргізді.Кездесу барысында тараптар тау-кен өнеркәсібі саласындағы Қазақстан мен Сауд Арабиясы арасындағы ынтымақтастықты дамыту перспективаларын талқылап, стратегиялық және аса маңызды минералдарды барлау, өндіру және өңдеу мәселелеріне ерекше назар аударды.Тараптар екі елдің салалық мемлекеттік органдары, ұлттық компаниялары және іскер топтары арасындағы өзара іс-қимылды нығайтуға бағытталған бірлескен бастамаларды іске асыру мүмкіндіктерін қарастырды.Кездесудің қорытындысы бойынша қазақ-сауд байланыстарын одан әрі нығайту туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa-riyadh/press/news/details/1236513?lang=ru

Атырау қаласындағы Х. Досмұхамедов атындағы «Жайық» мәдени-спорттық кешенінде Қазақстан Республикасы Қаржы министрлігі Мемлекеттік кірістер комитетінің бастамасымен Батыс өңірі мемлекеттік кірістер органдары қызметкерлері арасында аймақтық спартакиада өтті.Іс-шараға Атырау, Ақтөбе, Батыс Қазақстан және Маңғыстау облыстарының төрт командасы қатысты. Спортшылар бес спорт түрінен сынға түсті: мини-футбол, волейбол, шахмат, үстел теннисі және киберспорт (Counter-Strike және DOTA 2).Жалпыкомандалық бірінші орынды Маңғыстау облысы бойынша Мемлекеттік кірістер департаментінің командасы жеңіп алды. Әріптестерімізді жарқын жеңісімен құттықтаймыз! Бұл — командалық жұмыс, спорттық шеберлік және нағыз бірлік рухының нәтижесі.Спартакиада спорттық жетістіктер алаңы ғана емес, өңаралық ынтымақтастықты нығайтуға, салауатты өмір салтын насихаттауға және мемлекеттік қызметшілер арасында дене шынықтыруды дамытуға маңызды оқиға болды. Аймақтық кезеңнің жеңімпаздары республикалық деңгейдегі жарысқа жолдама алды.Маңғыстау командасымен мақтанамыз! Маңғыстау — алға! Ақпарат көзі : https://www.gov.kz/memleket/entities/kgd-mangistau/press/news/details/1236518?lang=ru

1. 2026 жылғы 8 маусымдағы өшірулерУақыты: 09:00 – 11:00Нысан: РП-10 № 1 (өндірістік аймақ) — ӘЖ-дегі жөндеу жұмыстарыТұтынушылар: «БХК АгроАГ» ЖШС, «Карьер комплект» ЖШС, «Дельта С» ЖШС, «Агро-Лига» ЖШС, «ВангАгро» ЖШС, «Раскулль» ЖШС.Инфрақұрылым: Шақшақ Жәнібек батыр көш. – Әуежай, жаңа жол бағытындағы бағдаршам.Уақыты: 10:00 – 18:00Нысан: ТП-7 — ТП-дегі жөндеу жұмыстарыҰйымдар мен бизнес: «Игнатьева» ЖК, «Ридан» ЖШС, «Забота» дәріханасы, «Глория» сұлулық салоны, Алтынсарин көш. 124 мекенжайындағы спортзал, «АПК «Құнай» ЖШС, Қасымқанов көш. 74 мекенжайындағы облыстық кітапхана.Дүкендер: «Компрессор», «Автомир», «Леди», «Цветы» дүкендері, оптика.Жатын сектор: * Пушкин көш. 59, 59 аҚасымқанов көш. 91Алтынсарин көш. 122Жеке сектор: * Пушкин көш. 39–55Абай даңғ. 163Инфрақұрылым: Пушкин көш. – Абай даңғ. және Пушкин көш. – Алтынсарин көш. қиылысындағы бағдаршамдар.2. 2026 жылғы 8 және 9 маусымдағы өшірулерУақыты: 10:00 – 18:00Нысан: Ш.Ш. Жәнібек батыр көш. (өндірістік аймақ) — ӘЖ-дегі жөндеу жұмыстарыТұтынушылар: «Стройматериалы» КСО, «Милтех» ЖШС, «Бренд строй» ЖШС, «Крапива» ЖК, «Казторгсервис» ЖШС, «Металлобаза» СӨК, «Денисенко» ЖК, Ғылыми-техникалық орталық, «Авиатор» ГЭК, «Эталон» АЖҚ, «Бак Билдинг» ЖШС, «Petro retail» ЖШС, «Мұнай трейд» ЖШС.3. 2026 жылғы 8–12 маусым аралығындағы жоспарлы өшірулерУақыты: 10:00 – 18:00Нысан: КТП-Федоров — ӘЖ-дегі жөндеу жұмыстарыҰйымдар: Бородин көш. 35 мекенжайындағы балабақша, «Эльдорадо» дүкені, «Майами-люкс» саунасы.Жеке сектор: * Дощанов көш. 83–182, 35/1–35/14, 99/1–99/11, 101а, 180а, 176/1–176/10Бородин көш. 24–59Шаяхметов көш. 24–62Летунов көш. 11–36Журавлева көш. 98–138, 123/1–123/6Б. Рубинштейн көш. 5а, 20а–28Инфрақұрылым: Летунов көш. – Дощанов көш. қиылысындағы бағдаршам.Уақыты: 10:00 – 18:00Нысан: КТП-О42 — ӘЖ-дегі жөндеу жұмыстарыТұтынушылар: Тепличная көш. 22 мекенжайындағы «1+1» дүкені.Жеке сектор: * Тепличная көш. 11–31Гольдаде көш. 1–7, 19, 5а, 2/1–2/6, 34–39Геологическая көш. 63–69, 101Уақыты: 09:00 – 18:00Нысан: РП-9 — ӘЖ-дегі жөндеу жұмыстарыҰйымдар: Алтынсарин көш. 212 мекенжайындағы Шіркеу (ескі), Шипин көш. 56 мекенжайындағы ТЖО (СТО).Дүкендер: «Партнер», «На крючке», «Промтовары» дүкендері.Жеке сектор: * Алтынсарин көш. 182–228Шипин көш. 61а, 50–61Қасымқанов көш. 144–199, 152аРабочая көш. 61а, 61–74Пролетарская көш. 74–84Инфрақұрылым: Назарбаев даңғ. – Алтынсарин көш. қиылысындағы бағдаршамдар. Ақпарат көзі : https://www.gov.kz/memleket/entities/kostanai-kalasy-akimat/press/news/details/1236532?lang=ru

Конкурс нысанасы:2026-2027 оқу жылына жергілікті бюджет қаражаты есебінен жоғары білімі бар кадрларды даярлауға арналған мемлекеттік білім беру тапсырысы.Конкурсты ұйымдастырушы:Шығыс Қазақстан облысының білім басқармасы.Конкурстық өтінімдерді қабылдау мерзімі: 2026 жылғы 15–19 маусым аралығында, сағат 08:00-ден 17:00-ге дейін.Конкурс туралы ақпарат:Конкурс Шығыс Қазақстан облысы әкімінің 2026 жылғы 05 маусымдағы № 46-ө өкіміне, сондай-ақ Қазақстан Республикасы Білім және ғылым министрінің 2016 жылғы 29 қаңтардағы №122 «Еңбек нарығының қажеттіліктерін ескере отырып, жоғары және жоғары оқу орнынан кейінгі білімі бар кадрларды даярлауға жоғары және (немесе) жоғары оқу орнынан кейінгі білім беру ұйымдарының дайындық бөлімшелеріне мемлекеттік білім беру тапсырысын орналастыру қағидаларын бекіту туралы» бұйрығына сәйкес өткізіледі (бұдан әрі - Қағидалар).Жоғары және жоғары оқу орнынан кейінгі білімі бар мамандарды даярлауға арналған мемлекеттік білім беру тапсырысын орналастыру конкурсына Сот төрелігі академиясын, әскери, арнаулы оқу орындарын қоспағанда, білім беру бағдарламаларының топтары бойынша білім беру қызметімен айналысуға лицензиясы және (немесе) лицензиясына қосымшалары бар, танылған аккредиттеу органдарының тізіліміне енгізілген аккредиттеу органдарында институционалдық және (немесе) мамандандырылған аккредиттеуден өткен, жоғары оқу орнын бітірушілердің жұмысқа орналасу көрсеткіші шекті мәннен төмен емес (85%) және ШҚО әкімінің хаттамалық шешімімен бекітілген білім беру бағдарламалар тобына сәйкес жоғары оқу орындары қатысады (1 Қосымша).Қағидалардың 2-тарауының 1-параграфының 13-тармағына сәйкес жоғары және жоғары оқу орнынан кейінгі білімі бар кадрларды даярлауға арналған мемлекеттік білім беру тапсырысын орналастыру конкурсына қатысу үшін жоғары оқу орны конкурстық өтінімді электрондық форматта ұсынады және қосымшаға сәйкес нысан бойынша жоғары оқу орнының ақпараттық картасын толтырады.Конкурстық өтінім конкурс өткізу туралы хабарландыруда көрсетілген сағат пен күннен кешіктірілмей жергілікті атқарушы органға (ЖАО) жіберіледі. Өтінімдерді беру мерзімі аяқталғаннан кейін келіп түскен конкурстық өтінім кешігу себептеріне қарамастан қаралмайды. Өтінімдерді беру мерзімі аяқталғаннан кейін оларға қандай да бір өзгерістер енгізуге жол берілмейді.ЖАО комиссиясы конкурстық өтінімдерді өтінім берілген күннен бастап 5 (бес) күнтізбелік күн ішінде қарайды және олардың конкурстық құжаттама талаптарына сәйкес келу дәрежесін айқындайды.Мемлекеттік тапсырысты орналастыру жөніндегі ұсыныстардың электрондық нұсқасын vuz@edu.kz электрондық пошта мекенжайына жолдау қажет. Байланыс телефоны: 8/7232/701 130 2026-2027 оқу жылына жоғары білімі бар кадрларды даярлауға арналған білім беру мемлекеттік тапсырысын орналастыруға арналған білім беру бағдарламалар топтарының тізбесі Ақпарат көзі : https://www.gov.kz/memleket/entities/vko-bilim/press/news/details/1236553?lang=ru

Алматы облысының Райымбек ауданында өңірде алғаш рет кендір (лен) дақылын өсіру ісі қолға алынды. Жобаны жергілікті шаруалар Қытай инвесторларымен бірлесіп іске асыруда. Былтыр жер жырту жұмыстары жүргізілсе, биылғы көктемде 250 гектар аумаққа аталған дақылдың тұқымы егілді. Егер жақсы өнім берсе, жер аумағын 3000 гектарға дейін кеңейтіп, терең өңдейтін зауыт салу жоспарлануда, – деп хабарлайды Алматы облысы әкімінің баспасөз қызметі.Облыс әкімі Марат Сұлтанғазиев егістік алқабына арнайы барып, жұмыс барысымен танысты. «Кендір көбіне еліміздің солтүстік өңірлерінде егіледі. Ал Алматы облысында бірінші рет тәжірибеден өтуде. Бұл – өте жақсы бастама. Себебі тұқым ауданның табиғи ерекшелігіне бейім екенін байқап отырмыз. Күзде жақсы өнім алынады деген ойдамыз. Оның үстіне алқапта заманауи технологиялар жұмыс істеп тұр. Бұл тек бастамасы ғана. Алдағы уақытта ауқымы бірнеше есе көбеюі мүмкін. Жобаға жалпы құны 4 млрд теңге инвестиция салынады. Ал әкімдік тарапынан тиісті қолдау көрсетілетін болады», – деді аймақ басшысы.Мамандардың айтуынша, кендір – экологиялық таза, қайта өңдеуге бейім, адам денсаулығына пайдалы табиғи өнім. Оның тұқымынан май, косметикалық өнімдер мен мал азығы алынады. Ал сабағынан киім-кешек, тоқыма бұйымдары, қап және орау материалдары дайындалады. Егер жоба толық іске қосылса, бұл жаңа жұмыс орындарының ашылуына мүмкіндік береді. Қазірдің өзінде алқапта 10 адам еңбек етуде. Сондай-ақ бастама урбанизацияны азайтып, халықтың туған жерінде тұрақтап қалуына септігін тигізеді.Ақпарат көзі : https://www.gov.kz/memleket/entities/almobl/press/news/details/1236620?lang=ru

Құқық бұзушылықтардың алдын алу және құқыққа қарсы фактілерді уақтылы анықтау мақсатында Қазақстан Республикасы ІІМ Орталық өңірлік әскери-тергеу басқармасының Қарағанды әскери-тергеу бөлімі ҚР ІІМ Ұлттық ұланының "Орталық" өңірлік қолбасшылығымен бірлесіп, Kamkorlyk_bot (https://t.me/kamkorlyk_bot) анонимді Telegram-ботын әзірлеп, іске қосты.Анонимді Telegram-бот — әскери ұжымдарда заң үстемдігі қағидаттарын нығайтуға, кез келген құқық бұзушылыққа төзбеушілікті қалыптастыруға және қоғамдағы құқықтық мәдениет деңгейін арттыруға бағытталған заңдылық пен құқықтық тәртіпті күшейтудегі тиімді қадам.Жаңа цифрлық сервис сыбайлас жемқорлық көріністері, жарғыдан тыс қарым-қатынастар, есірткі құралдарының заңсыз айналымы, қызметтік жағдайды асыра пайдалану, сондай-ақ өзге де құқық бұзушылықтар мен қылмыстық фактілер бойынша өтініштерді жедел қабылдауға арналған.Әзірлеушілер платформаның басты артықшылықтарының бірі — өтініш берушілердің анонимділігінің толық сақталуында дейді. Келіп түскен әрбір хабарлама белгіленген тәртіппен қаралады, ал жүгінген адамдардың құпиялылығына кепілдік беріледі.Telegram-ботты енгізу әскери қызметшілермен және тұрғындармен өзара іс-қимылдың тиімділігін арттыруға, заңдылық пен құқықтық тәртіп қағидаттарын нығайтуға, сондай-ақ ықтимал бұзушылықтарға уақтылы ден қою үшін қосымша тетіктер жасауға бағытталған.Қызметті әскери қызметшілер, күш құрылымдарының қызметкерлері және заңсыз фактілер туралы ақпараты бар азаматтар пайдалана алады. Бүгінгі таңда Kamkorlyk_bot Telegram-боты Қарағанды қаласының, Қарағанды облысының және Ұлытау облысының аумағында жұмыс істейді.Жоба бастамашылары азаматтарды заң бұзушылықтарға бей-жай қарамауға және тиісті ақпарат болған жағдайда олар туралы анонимді байланыс арнасы арқылы хабарлауға шақырады, бұл жедел ден қою шараларын қабылдауға мүмкіндік береді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1236707?lang=ru

Елорда тұрғындарының LRТ-ға деген қызығушылығының артуына байланысты Қазақстан Республикасы ІІМ Ұлттық ұланының әскери қызметшілері станцияларда жолаушылардың қауіпсіздігін қамтамасыз етуде. Ұландықтар қоғамдық тәртіпті қадағалауға, қауіпсіздік ережелерінің сақталуына, жолаушылар қозғалысын реттеуге көмектеседі.Станциялардағы тұрақтылықты үйлестіру қажеттілігі жолаушылар ағынының және астаналықтардың жаңа көлік объектісіне деген сұранысының артуына байланысты туындап отыр.Қоғамдық тәртіп әскерінің сарбаздары станциялардың ішінде ғана емес, оған іргелес аумақтарда да қызмет атқарады. Дәлірек айтсақ, азаматтарға көмек көрсетеді және жолаушылардың қауіпсіз қозғалысын қамтамасыз етеді.Негізгі міндет — елорда тұрғындары мен қонақтары үшін қолайлы жағдай жасау, сондай-ақ қоғамдық құқық бұзушылықтардың алдын алу. Азаматтардың қауіпсіздігіне және төтенше жағдайларға жол бермеуге ерекше назар аударылады.Қазіргі таңда қызмет 17 станцияда екі ауысымдық режиммен жүргізіліп жатыр. Станцияларда жолаушылар ағынын реттеуге және тұрақтылықтың сақталуына басымдық берілуде.Аталмыш шаралар полиция қызметкерлерімен, көлік қызметтерінің өкілдерімен және LRT әкімшілігімен тығыз бірлесіп ұйымдастырылған. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1236712?lang=ru

ҚР ІІМ Ұлттық ұланының 6655 әскери бөліміне жаңа қызметтік автокөліктер келіп түсті. Техниканы салтанатты түрде табыстау рәсімі «Батыс» өңірлік қолбасшылығының қолбасшылық құрамының қатысуымен әскери бөлім аумағында өтті.Жаңа автокөліктердің кілттерін әскери қызметшілерге «Батыс» өңірлік қолбасшылығы қолбасшысының техника және қару-жарақ жөніндегі орынбасары полковник Ерлан Нұрсейітов пен 6655 әскери бөлімінің командирі полковник Еділхан Аймағамбетов табыстады.Жаңа техникалар Ұлттық ұлан Бас қолбасшылығы жүргізіп отырған қару-жарақ, әскери және арнайы техникалар паркін кезең-кезеңімен жаңарту жұмыстарының бір бөлігі. Бұл шара әскери бөлімдердің материалдық-техникалық базасын нығайтуға, бөлімшелердің ұтқырлығын арттыруға және қызметтік-жауынгерлік міндеттерді тиімді орындауға бағытталған.Жаңа автокөліктер патрульдік-бекеттік қызмет атқаруға, жеке құрамды тасымалдауға, сондай-ақ қоғамдық қауіпсіздікті қамтамасыз ету және құқықтық тәртіпті сақтау міндеттерін орындауға пайдаланылатын болады.Заманауи техникалық сипаттамаларының арқасында көлік құралдары әртүрлі жағдайларда тапсырмаларды орындау кезінде жоғары сенімділік қамтамасыз етіп, әскери қызметшілердің жүктелген міндеттерді тиімді атқаруына мүмкіндік береді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1236719?lang=ru

       14 наурыз ежелгі дәуірден бастап қазақтар жаңа жылдың басы болып саналды. Бұл күн сөзбе-сөз "куә болу, кездесу" мағынасында "Көрісу"деп аталады.        Адамдар қыс бойы бір-бірін көре алмады, өйткені қысқы жұмыстар, қарлы борандар. Міне, қыс аяқталды, адамдар құнарлылықты, достық пен сүйіспеншілікті бейнелейтін Наурыз мерекесіне қуанады. Дәстүрлі сәлемдесу және туыстық бірлік күні.          Ол Абай облысы бойынша ҚАЖД орташа қауіпсіздік мекемесінің сотталғандарының арасында да атап өтіледі. Сотталған бізбен өз сезімдерімен бөлісті.         - Мен бес жылға бас бостандығынан айырылдым. Мен екі баланың әкесімін. Бұған дейін менде тұрақты жұмыс болған жоқ, сондықтан мен бұл қылмысты жасадым. Бірақ бұл мені ешбір жағдайда ақтамайды және бәрі осылай болғанына өкінемін. Мекемеде болған кезде менің өмірге деген көзқарасым жақсы жаққа өзгерді. Мен көп нәрсеге басқаша қарай бастадым, отбасының құндылығын және жақындарымның алдындағы жауапкершілікті түсіндім. Бүгін біз басқа сотталғандармен бірге "Көрісу" мерекесін атап өттік, бір-бірімізді құттықтадық, жақсылық, бейбітшілік және туыстарымызбен тезірек кездесу тіледік. Мен үшін бұл күн ерекше маңызды болды, өйткені маған жұбайымым келді. Оның қолдауы маған төмен түспеуге күш береді. Ол менен бас тартпағаны үшін мен оған өте ризамын және бостандыққа шыққаннан кейін мен жаңа өмір бастай аламын және балаларыма лайықты әке бола аламын деп сенемін", — деп бөлісті сотталған.Ақпарат көзі : https://www.gov.kz/memleket/entities/duisabai/press/news/details/1236723?lang=ru

Бүгін облыс әкімі Мұрат Ергешбаевтың төрағалығымен кадрлық өзгерістерге байланысты мәжіліс өтті. Онда әріптестері осы уақытқа дейін облыс әкімінің орынбасары қызметін атқарған Ардақ Темірханұлы Зебешевті Қазақстан Республикасы Сыртқы істер министрлігі Инвестиция комитетінің төрағасы лауазымына тағайындалуына байланысты құрметпен шығарып салды.Аймақ басшысы Ардақ Темірханұлының өңірдің әлеуметтік-экономикалық дамуына, инвестициялық әлеуетін арттыруға және кәсіпкерлікті қолдауға қосқан елеулі үлесін атап өтіп, жаңа қызметіне сәттілік тіледі.«Ардақ Темірханұлы 2024 жылдың ақпан айынан бері облыс әкімінің орынбасары ретінде инвестиция тарту және кәсіпкерлік салаларына жетекшілік етті. Оның үйлестіруімен өңірдің инвестициялық ахуалын жақсартуға бағытталған жүйелі жұмыс жүргізіліп, Мемлекет басшысының инвестициялық экожүйені қалыптастыру жөніндегі тапсырмаларын іске асыруда нақты нәтижелерге қол жетті.Осы кезеңде өңірге 1,4 трлн теңгеден астам инвестиция тартылып, соңғы екі жылда жалпы құны 339 млрд теңгеден асатын 48 инвестициялық жоба жүзеге асты. Нәтижесінде жаңа өндіріс орындары ашылып, халықаралық әріптестік байланыстар аясы кеңейді», – деді Мұрат Нәлқожаұлы.Ардақ Зебешевтің жетекшілігімен «Қорқыт Ата» арнайы экономикалық аймағын құру жұмыстары жоғары деңгейде ұйымдастырылды. Шетелдік инвесторлармен нәтижелі келіссөздер жүргізіліп, испаниялық «Roca Group» компаниясының санитарлық-техникалық өнімдер шығаратын зауыты мен швейцариялық «Harvest Group» компаниясының агроиндустриялық кластер құру жобалары бастау алды.Қытай Халық Республикасымен ауыл шаруашылығы, құрылыс салаларына озық технологиялар енгізуге бағытталған 9 келісімшартқа қол қойылды. Энергия үнемдейтін шыны өндірісі, заманауи кірпіш зауыты, кондитерлік және макарон өнімдерін шығаратын өндірістік кешендер іске қосылды.Бұдан бөлек, Сыр өңірінің мәдениетін халықаралық деңгейде насихаттау және ынтымақтастықты дамыту бағытында Финляндия, Эстония, Испания, Швейцария және Франция мемлекеттерінде өткен өнер күндерінің жоғары деңгейде ұйымдастырылуына үлес қосты.Ардақ Темірханұлына Премьер-министрдің бірінші орынбасары Нұрлыбек Машбекұлының Алғыс хаты, Сыр елінің әлеуметтік-экономикалық дамуына қосқан ерекше үлесі үшін Қызылорда облысының Құрмет грамотасы және «Қызылорда облысының дамуына қосқан үлесі үшін» медалі табысталды.Сонымен қатар, мәжілісте Қызылорда облысы прокурорының бірінші орынбасары Исламбек Төлегеновтің құрметті зейнет демалысына шығуына орай, Қазақстан Республикасы Бас прокурорының бұйрығымен облыс прокурорының бірінші орынбасары болып тағайындалған Дүйсенбаев Нұрболат Серікұлы таныстырылды.Ақпарат көзі : https://www.gov.kz/memleket/entities/kyzylorda/press/news/details/1236743?lang=ru

📢 Соттан тыс банкроттық рәсімі: кімдер өтініш бере алады?Қазақстан Республикасының заңнамасына сәйкес, азаматтар белгілі бір талаптарға сай болған жағдайда сотқа жүгінбей-ақ банкроттық рәсімінен өте алады.✅ Соттан тыс банкроттыққа өтініш беру шарттары:• Берешек банктер, микроқаржы ұйымдары немесе коллекторлық агенттіктер алдындағы қарыздардан тұруы тиіс;• Жалпы берешек мөлшері 1600 АЕК-тен аспауы қажет;• Берешек бойынша төлемдер 12 айдан астам уақыт бойы жүргізілмеуі тиіс;• Өтініш берушінің атында тіркелген мүлік болмауы тиіс;• Кредиторлармен қарызды реттеу бойынша шаралар қабылданған болуы қажет.📌 Өтінішті келесі тәсілдер арқылы беруге болады:• eGov порталы арқылы;• Халыққа қызмет көрсету орталықтары (ХҚКО) арқылы;• E-Salyq Azamat мобильді қосымшасы арқылы.Егер берешек мөлшері 1600 АЕК-тен аспаса және қарыз 5 жылдан астам уақыт өтелмеген болса, соттан тыс банкроттық рәсімі жеңілдетілген тәртіппен қаралады.Ақпарат көзі : https://www.gov.kz/memleket/entities/kgd-shymkent/press/news/details/1236748?lang=ru

     Қайырымдылық күні Абай облысы бойынша қылмыстық-атқару жүйесі департаментінің әйелдер колониясының қызметкерлері Жарма ауданының ауылдарының бірінде тұратын жалғызбасты зейнеткерге барып, оған қажетті көмек көрсетті.          85 жастағы Сара Мұстафьевна Мұстафинова қиын, сынаққа толы өмір сүрді. 19 жасында ол үйленіп, жұбайымен 33 жыл тұрды. Алайда, 52 жасында әйел жесір қалып, төрт баласымен жалғыз қалды. Уақыт өте келе тағдыр оған жаңа ауыр соққылар әкелді-күйеуі қайтыс болғаннан кейін ол үш ұлынан айырылды. Мектепті бітірген жалғыз қызы үйленіп, шетелге тұруға кетті. Қырық жылдан астам уақыт бойы анасы мен қызы тек телефон арқылы байланыста болды.          Өмірдің барлық қиындықтарына қарамастан, Сара Мұстафьевна бұзылған жоқ. Ол балаларының болашағы үшін қолынан келгеннің бәрін жасай берді. Он екі жылдан астам уақыт бойы әйел теміржол вокзалында диспетчер, содан кейін он жылға жуық уақыт аудандық гастрономда сатушы болып жұмыс істеді. Ол өзінің еңбегі мен табандылығымен балаларға лайықты білім мен өмірлік қолдау көрсетуге тырысты.           Бүгінде зейнеткер кішкентай үйде жалғыз тұрады. Күнделікті өмірде оған әлеуметтік қызмет қызметкерлері көмектеседі, бірақ осы қыста қардың көп түсуіне байланысты үйдің ауласы мен терезелері іс жүзінде қармен көмкерілген. Дрейфтердің жоғары болғаны соншалық, күндіз де үйде жарық қосуға тура келді. Ауладағы кедергілерге байланысты әйел құдыққа шығып, су алып, Азық-түлік алуға бара алмады.            Мекеме қызметкерлері зейнеткерге тұрмыстық қиындықтарды жеңуге көмектесу үшін келді. Олар ауланы қардан толығымен тазартты, қақпаға апаратын жолды тазартты, құдықтан су алды.          Сонымен қатар, Сара Мұстафьевна ұзақ жылдар бойы қызын көрмегенін біліп, мекеме қызметкерлері олар үшін бейне қоңырау ұйымдастырды. Бұл кездесу, телефон экраны арқылы болса да, егде жастағы әйел үшін нағыз сыйлық болды.          — Мен тіпті есімде қалып, көмекке келемін деп күткен жоқпын. Қыста маған әсіресе қиын - қар жоғары, Енді өзімді жеңуге көп күш жоқ. Ауланы тазалап, су әкелгенде, бұл маған әлдеқайда жеңіл болды. Ал ең үлкен сыйлық — қызыңызды көру мүмкіндігі. Біз көптен бері бір-бірімізді көрмедік, өйткені Мен сізге адамның жылуы үшін және маған осындай қуаныш сыйлағаныңыз үшін өте ризамын. Сіз жасаған мейірімділік сізге қайта оралсын, - деп бөлісті Сара Мұстафьевна.           - Мейірімділік күні-бұл күнтізбедегі күн ғана емес. Біз үшін бұл жақын жерде әсіресе қолдауды, назар аударуды және адамның қатысуын қажет ететін адамдар бар екенін еске салады. Біздің қызметкерлер бей-жай қалмауға және мүмкіндігінше қиын өмірлік жағдайға тап болғандарға көмектесуге тырысады. Бүгін біз Сара Мұстафьевнаны қолдауға, үй шаруашылығына көмектесуге және жай ғана жылулық пен қарым-қатынас сыйлауға келдік. Қарт адамның шынайы қуанышы мен ризашылығын көру — біз үшін ең құнды нәрсе, — деп атап өтті мекеме бастығының орынбасары Ақмарал Қайранова.Ақпарат көзі : https://www.gov.kz/memleket/entities/duisabai/press/news/details/1236759?lang=ru

2026 жылғы 6 маусым, Рига – Қазақстан Республикасы Қаржы вице-министрі Дәурен Кеңбейіл бастаған Қазақстан делегациясы 2026 жылғы 5-7 маусым аралығында Ригада өткен Еуропалық қайта құру және даму банкінің (ЕҚДБ) Басқарушылар кеңесінің 35-ші жылдық отырысы мен Бизнес-форумына қатысты.Іс-шара аясындағы негізгі оқиғалардың бірі Қазақстанға арналған «Қазақстанның жаңа инвестициялық циклі» сессиясы болды. Осы тақырыпта Қазақстан Республикасы Қаржы вице-министрі Дәурен Кеңбейл, Ұлттық экономика вице-министрі Асан Дарбаев және «Қазақстан Даму Банкі» АҚ Басқарма төрағасы Марат Елібаев баяндама жасады. Олар мемлекеттік қолдаудың тиімді шаралары мен шетелдік инвестицияларды тартудың институционалдық жағдайларын егжей-тегжейлі баяндады. Сондай-ақ, Қазақстан Республикасында инвестициялық жобаларды сәтті жүзеге асыру үшін цифрландырудың жоғары деңгейі мен адами капитал сапасына, елдің жаңа экономикалық өсу «нүктелеріне» тоқталды.Делегацияның Ригадағы іс-шараларға қатысуының практикалық нәтижесі ҚР Үкіметі мен ЕҚДБ арасындағы Ынтымақтастық туралы келісімнің ҚР Үкіметі мен ЕҚДБ-ның Техникалық ынтымақтастық бағдарламасына қатысты Техникалық ынтымақтастық шоты туралы қосымша келісіміне, сондай-ақ Қазақстан Республикасының тұрақты дамуы мен өсуіне жәрдемдесуге бағытталған ынтымақтастықты кеңейту жөніндегі ҚР Үкіметі мен ЕҚДБ арасындағы Серіктестіктің негіздемелік келісіміне қол қою болды.Өткен кездесулер мен баяндамалар Қазақстанның ЕҚДБ-нің сенімді серіктесі ретіндегі мәртебесін растауға арналған және ол елдің экономикасына инвестиция тартуға ықпал етпек.Іс-шараға 77 елден Банк жүйесінде жұмыс істейтін 2000-нан астам қатысты, оның ішінде мемлекет және үкімет басшылары, орталық банк басшылары, қаржы министрлері, халықаралық бизнес және азаматтық қоғам өкілдері болды.Ақпарат көзі : https://www.gov.kz/memleket/entities/mfa-riga/press/news/details/1236769?lang=ru

Тауарларға арналған декларацияны түзету – бұл кеден органының ақпараттық жүйесінде тіркелгеннен кейін бұрын берілген декларацияға өзгерістер мен толықтырулар енгізу рәсімі.Бұл рәсім тауарлар:✔️ шығарылғанға дейін✔️ шығарылғаннан кейінжүзеге асырылуы мүмкін.📍 Түзету қашан жүргізіледі?* кедендік құн өзгерген жағдайда* СЭҚ ТН коды қате көрсетілсе* тауар саны немесе сипаттамасы нақтыланса* техникалық қателер анықталса* кеден органының тексеруі нәтижесінде⚖️ Бұл тәртіп Еуразиялық экономикалық комиссияның 2013 жылғы №289 шешімімен реттеледі.⚠️ Маңызды: декларациядағы қате немесе толық емес мәліметтер заңнамаға сәйкес жауапкершілікке әкелуі мүмкін.   Ақпарат көзі : https://www.gov.kz/memleket/entities/kgd-shymkent/press/news/details/1236777?lang=ru

       Абай облысы бойынша қылмыстық-атқару жүйесінің барынша қауіпсіздік мекемесінде сотталғандар Садху тақтасымен - металл тікенектері бар ағаш платформамен тренингтен өтті.          Тәжірибе физикалық ыңғайсыздықты жеңуге емес, өзін-өзі бақылауды, эмоционалды тұрақтылықты және өзіне деген сенімділікті дамытуға көмектеседі.          Іс-шараны психологтар мен мекеме қызметкерлері ұйымдастырды. Тренингтің басты мақсаты-сотталғандарға эмоцияларын басқаруға, ішкі кедергілерді жеңуге және өз күштеріне деген сенімділікті дамытуға көмектесу.         Садху тақтасы сыртқы күрделілігіне қарамастан психологиялық жұмыс құралы ретінде қолданылады: ол адамға тыныс алуға, ойлар мен сезімдерге назар аударуға көмектеседі, тіпті ыңғайсыздық жағдайында да сабырлы болуға үйретеді. - Садху тақтасымен жаттығу физикалық жаттығулар емес. Бұл шоғырлануға, өзін-өзі тануға және ішкі тыныштыққа үйрету. Көптеген адамдар тоқтап, өздерін тыңдай алмайды: сана үнемі өткенге оралады немесе болашақ туралы алаңдайды. Бұл жерде қазіргі уақытта болуды үйрену өте маңызды, тіпті ол ыңғайсыз болса да. Кейде физикалық күш салудан гөрі өз жағдайыңызды басқару әлдеқайда қиын. Дәл осы жерде осы өзгерістердің кілті жатыр, — деп атап өтті мекеменің психологы Айнель Болат.         Мекеме қызметкерлері мұндай тренингтер сотталғандарға стрессті жеңуге, өзін-өзі тәрбиелеуді дамытуға және эмоционалды тұрақтылық дағдыларын қалыптастыруға көмектеседі, бұл одан әрі әлеуметтік бейімделуде маңызды рөл атқарады. Ұйымдастырушылардың айтуынша, Садху тақтасымен тәжірибе жеке тұлғаны дамытуға және қоғамға оралуға дайындалуға бағытталған сотталғандарды психологиялық қолдау бағдарламасының бөлігі болды. Абай облысы бойынша ҚАЖДАқпарат көзі : https://www.gov.kz/memleket/entities/duisabai/press/news/details/1236783?lang=ru

🚌 Ақтөбеде қоғамдық көлік паркі 141 жаңа автобуспен толықтырыладыАқтөбе облысының әкімі Асхат Шахаровтың төрағалығымен өткен аппарат мәжілісінде қоғамдық көлікті дамыту және жолаушылар тасымалы қызметінің сапасын арттыру мәселелері қаралды.Бүгінде облыста 66 автобус бағыты жұмыс істейді. Оның ішінде қалалық, ауданішілік, облысаралық және халықаралық бағыттар бар. Ақтөбе қаласында күн сайын 355 автобус жолаушыларға қызмет көрсетеді.Соңғы үш жылда қала автопаркі 242 жаңа автобуспен жаңартылып, жаңару деңгейі 85 пайызға жетті. 2026 жылы қосымша 141 автобус сатып алу жоспарланса, оның 93-і бүгінде жеткізіліп, бағыттарға шығарылған. Жаңа көліктердің қатарында өңірдегі алғашқы 45 электробус та бар.Облыс әкімі қоғамдық көлік жұмысына қатысты тұрғындардан түсетін шағымдарды назарға алып, қозғалыс кестесін сақтау, қызмет көрсету сапасын арттыру, GPS жүйелерінің үздіксіз жұмысын қамтамасыз ету және тұрғындардың өтініштеріне жедел әрекет ету бойынша нақты тапсырмалар берді.Ақпарат көзі : https://www.gov.kz/memleket/entities/aktobe-zhastar1/press/news/details/1236785?lang=ru