Әл-Кувейт, 2025 жылғы 10 қыркүйек – Қазақстан Республикасының Кувейт Мемлекетіндегі Елшісі Ержан Елекеев Кувейт Мемлекетінің Сыртқы істер министрінің халықаралық ұйымдар істері жөніндегі көмекшісі Абдаллазиз Сауд Әл-Жаралламен кездесу өткізді.Кездесу барысында тараптар көпжақты форматтағы екіжақты ынтымақтастық мәселелері бойынша пікір алмасты және халықаралық ұйымдар, соның ішінде Біріккен Ұлттар Ұйымы аясындағы өзара іс-қимылдың жоғары деңгейін атап өтті.Әсіресе, БҰҰ алаңында бастамаларды өзара қолдау мен үйлестіруді одан әрі нығайту перспективасына ерекше көңіл бөлінді. Тараптар ортақ мүдделерді ілгерілету және халықаралық құрылымдарда сындарлы диалогты дамыту мақсатында тығыз ынтымақтастықты жалғастыруға дайын екендігін растады.Ақпарат көзі : https://www.gov.kz/memleket/entities/mfa-kuveyt/press/news/details/1066146?lang=kk

Ү.ж. 11 қыркүйекте «Dubai Holding Hospitality» компаниясының қаржы директоры Майкл Хайес пен «Jumeirah» компаниясының даму жөніндегі директоры Александр Лимен кездесу өткізілді.Кездесу барысында екі елдің туризм саласындағы ынтымақтастығы, сондай-ақ Қазақстандағы инвестициялық мүмкіндіктер мәселелері талқыланды.Анықтама:Dubai Holding Hospitality – Dubai Holding тобының құрамына кіретін бөлімше. Компанияның басқаруында әлемдік деңгейдегі қонақүйлер, мейрамханалар мен демалыс орындары кіреді.Jumeirah – Дубайда орналасқан халықаралық қонақүй желісі. Компания әлемге әйгілі Burj Al Arab Jumeirah қонақүйін басқарумен танымал. Jumeirah-ның Еуропа, Таяу Шығыс және Азияда ондаған люкс қонақүйлері бар.Ақпарат көзі : https://www.gov.kz/memleket/entities/mfa-dubai/press/news/details/1066079?lang=kk

2025 жылдың 1 қыркүйегі мен 10 қазаны аралығында ҚР МСҰ өкілдері барлық облыс орталықтарында және республикалық маңызы бар қалаларда үміткерлерді іріктеу және зерттеу жүргізеді. Үміткерлерге келесі талаптар қойылады: жасы 18-27, бойы 180 см-ден кем емес, білімі: орта мектеп, колледж немесе университет, денсаулығы жақсы. Жоғары білімі бар, сондай-ақ спорттық жетістіктері мен шендері бар әскерге шақырылушыларға басымдық беріледі. ҚР МСҰ іріктеуден өткен әскерге шақырылғандар Астана және Алматы қалаларында орналасқан 0111, 0112 әскери бөлімдерінде қызмет етеді. Қазақстан Республикасы Мемлекеттік күзет қызметінің қатарында әскери міндеттілер Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету, салтанатты және хаттамалық іс-шараларға қатысу, Қазақстан Республикасының Мемлекеттік Туы мен Мемлекеттік Елтаңбасының эталондарын қорғау және т.б. сияқты ерекше тапсырмаларды орындайды. Жастар ҚР СМҰ әскери бөлімдерінде әскери қызметін өтеу кезінде тәжірибелі нұсқаушылардың жетекшілігімен әскери іс бойынша дайындықтан өтеді, жауынгерлік және арнайы дайындық сабақтарында әскери мамандықтарды меңгереді. ҚР МСҚ әскерге шақыру қызметінің әскери қызметшілерінің одан әрі кадрлық өсу мүмкіндігі бар. Әскери қызмет өткергеннен кейін ниет білдірушілер келісім-шарт бойынша қызметін жалғастыра алады, содан кейін арнайы мемлекеттік органның қызметкері мен офицері болып, күзетілетін адамдар мен объектілердің қауіпсіздігін қамтамасыз ету жөніндегі тапсырмаларды орындай алады. ҚР МСМ әскерге шақыру қызметінің әскери қызметшілеріне қатысты әскери қызмет өткерген азаматтарды әлеуметтік қамтамасыз ету үшін Қазақстан Республикасында белгіленген барлық жеңілдіктер қолданылады. Байланыс телефоны: +77761017788

2025 жылғы 1 қыркүйек - 10 қазан аралығында мерзімді әскери қызметке көктемгі шақырылым аясында ҚР МКҚ өкілдері барлық облыс орталықтары мен республикалық маңызы бар қалаларда үміткерлерді таңдау және зерделеу жүргізеді. Үміткерлерге келесі талаптар қойылады: жасы 18-27 арасында, бойы 180 см-ден  төмен емес, орта мектеп, колледж немесе университет бітірген, денсаулығы жақсы. Жоғары білімді, спорттық жетістіктері мен разряды бар шақырылушыларға басымдық беріледі.ҚР МКҚ қатарына өткен шақырылушылар мерзімді қызметін Астана және Алматы қалаларындағы 0112 және 0111 әскери бөлімдерінде атқарады.ҚР Мемлекеттік күзет қызметі қатарында мерзімді қызмет сарбаздары Қазақстан Республикасы Президентінің және басқа да күзетілетін адамдардың қауіпсіздігін қорғау, рәсімдік және протоколдық іс-шараларға қатысу, ҚР Мемлекеттік Туы мен ҚР Мемлекеттік Елтаңбасы эталондарын күзету секілді айрықша міндеттерді атқарады.ҚР МКҚ әскери бөлімдерінде мерзімді қызмет атқару барысында жас сарбаздар тәжірибелі нұсқаушылық құрамның жетекшілігімен әскери іске үйренеді, жауынгерлік және арнайы даярлық сабақтарында әскери мамандықтарды меңгереді.КР МКҚ мерзімді қызмет сарбаздарының әрі қарай кадрлық тұрғыдан өсуге мүмкіндігі бар. Мерзімді қызмет аяқталған соң олар өз қалауы бойынша келісімшарт бойынша әскери қызметті жалғастыра алады, одан әрі арнаулы мемлекеттік органның қызметкері және офицері болып, күзетілетін адамдар мен объектілердің қауіпсіздігін қамтамасыз ету бойынша міндеттерді атқара алады. ҚР МКҚ мерзімді қызмет сарбаздары үшін Қазақстан Республикасында мерзімді әскери қызмет атқарған азаматтарды әлеуметтік қолдау бойынша белгіленген барлық жеңілдіктер қолданылады.Байланыс нөмірі: +77761017788

Президенттің кезекті Жолдауында былай делінген:«Елдегі азық-түлік нарығының импортқа тәуелділігін барынша азайту – Үкіметтің стратегиялық міндеті. Әрине, өзімізді өзіміз жүз пайыз қамтамасыз етуіміз мүмкін емес, бәлкім, оның қажеті де жоқ шығар. Бірақ нарықтағы қазіргі жағдайды айтудың өзі ұят. Бұған қоса, дәстүрлі ұлттық өнімдерімізді сыртқы нарыққа белсенді түрде таныту керек.Сондықтан аграрлық экспорттың нақты жоспарын әзірлеу қажет. Онда логистика, ветеринарлық және фитосанитарлық стандарттар мен ұтымды маркетинг стратегиясы ескерілуге тиіс.Бұл – Ауыл шаруашылығы министрлігінің ғана емес, бірқатар мемлекеттік органның ортақ міндеті. Сондықтан іс-әрекеттерді Үкімет басшылығы деңгейінде үйлестіріп отыру керек».Меніңше Президенттің халықты тұрақты түрде жеткілікті, сапалы, қолжетімді тағаммен қамтамасыз ету қабілеті туралы   айтқаны өте орынды.Шын мәнінде, қазіргі нарықтағы импортқа тәуелділік көңіл көншітпейді. Өзіміз аграрлық ел бола тұра, кейде қарапайым өнімдерді сырттан әкелу – ұят жағдай.Бірақ негізгі стратегиялық азық-түлік өнімдерін ел ішінде өндіру – қауіпсіздіктің кепілі. Бұл әсіресе соңғы жылдардағы әлемдік тұрақсыздықты ескергенде айрықша маңызды.Сонымен бірге,  ұлттық өнімдерімізді сыртқы нарықта кеңінен таныстыру  да – үлкен мүмкіндік.  Шын мәнінде, қазақтың табиғи, экологиялық таза өнімдері әлемдік нарықта үлкен сұранысқа ие бола алады. Мысалға: қымыз бен шұбат – бұл тек сусын емес, денсаулыққа пайдалы биопродукт. Бүгінде Еуропа мен Корея елдерінде қымызға қызығушылық артып келеді. Ет өнімдері – қазақтың жылқы еті, қой еті – табиғи, дәмі ерекше. Халал стандарттары бойынша өңделсе, Таяу Шығыс елдерінде зор сұраныс бар. Сүт пен ірімшік өнімдері – органикалық сүт өнімдері әлемде өте жоғары бағаланады. Қазақтың құрт, ірімшік, сары майы брендке айнала алады.Бал және бал өнімдері – Қазақстан балын бүгінде Германия, Жапония сияқты елдер сатып алып жатыр. Бұл сұранысты кеңейтуге болады.Сондықтан,  ұлттық өнімдерімізді экспорттау – тек экономикалық пайда емес, сонымен бірге қазақ мәдениеті мен дәстүрін әлемге танытудың жолы

«Қазақстан – әлем қауымдастығының ажырамас бөлігі. Мемлекетіміз Еуразия құрлығының дәл ортасында орналасқан.Қазіргі заман бұлыңғыр, тұрақсыз болса да, біз бәріміз жаппай цифрландыру және жасанды интеллект дәуіріне қадам бастық.Менің негізгі мақсатым – осындай түрлі қатерге толы кезеңде еліміздің тұрақты әлеуметтік-экономикалық дамуын және қауіпсіздігін қамтамасыз ету.Өскелең ұрпақ бақытты, берекелі өмір сүруге тиіс. Сол үшін бәріміз бір ұлт болып, табанды еңбек етуіміз керек. Бұл – баршамызға ортақ өте маңызды жұмыс, аса жауапты азаматтық және ұлттық міндет.Жұмысымыз қаншалықты күрделі болса да, біз міндетті түрде табысқа жетуіміз керек. Басқа жол жоқ. Себебі, бұл – еліміздің болашағы, халқымыздың тағдыры. Сондықтан барлық реформаны салмақты көзқараспен, мұқият, жан-жақты ойластырып, сапалы түрде жүзеге асыруымыз керек» -деді Президенттің Жолдауында.Заман ағымынан қалыс қалмау,  қазіргі жаһандық сын-қатерлер дәуірінде цифрландыру мен жасанды интеллекттің дамуына ілесу – еліміздің тұрақтылығы мен қауіпсіздігі үшін аса қажет қадам.Мемлекет басшысы атап өткендей, өскелең ұрпақтың бақыты мен берекелі өмірі –  ортақ мақсат. Ол үшін әрқайсымыз табанды еңбек етіп, бір ұлт ретінде біріге білуіміз қажет.Қандай жағдайда да міндетті түрде табысқа жету-  Қазақстанның болашағы, халқымыздың тағдыры. Сондықтан реформаларды салмақты көзқараспен, жан-жақты ойластырып жүзеге асыруға үлес қосу өте  маңызды.

Президент Жолдауда  маңызды міндеттердің бірі ретінде  елге қомақты инвестиция тарту керек деп атап көрсетті.  «Қазір дүние жүзінде инвестицияға талас күшейіп барады. Жаңа инвестициялық кезеңді бастауымыз қажет. Қазіргі инвестиция тарту саясаты мардымды деп айта алмаймын. Қаражаттың көбі шикізат салаларына құйылып жатыр. Жалпы, бұл жаман емес, осындай инвестициялар бізге қажет»-деді, Мемлекет басшысы.Шынымен де қазір бүкіл әлемде инвестиция үшін бәсекелестік күшейіп барады. Қазақстан да осы сынға лайық жауап беріп, жаңа инвестициялық кезеңді бастауға тиіс.  Сондай-ақ,  бүгінге дейін келген қаржының көбі шикізат саласына бағытталды. Бұл да қажет, себебі ол біздің экономикамыздың тірегі болып отыр. Бірақ болашақта тек шикізатқа арқа сүйеу жеткіліксіз. Енді өндіріс, инновация, цифрлық технология, жасыл энергетика сияқты салаларға қомақты инвестиция тарту маңызды.  Сондықтан,  – инвестиция саясатын әртараптандырып, еліміздің дамуына ұзақ мерзімді серпін беретін жобаларға басымдық берген жөн. Бұл – Қазақстанның тұрақты өсімі мен ұрпақтың жарқын болашағы үшін қажет қадам.

 2025 жыл – Жұмысшы мамандықтар жылы. Бұл бастама қоғамда еңбек адамының беделін арттырып, түрлі кәсіп иелерінің маңызын тануға жол ашады. Солардың бірі – ветеринар мамандығы.Ветеринар – ауыл шаруашылығы саласының маңызды өкілі. Ол үй жануарлары мен ауыл шаруашылығы жануарларының ауруларының алдын алу, оларды емдеу, диагностикалау және санитарлық-ветеринарлық шараларды жүзеге асырумен айналысады. Сонымен қатар, ветеринар мамандар жануарлардан алынатын өнімдердің (ет, сүт, жұмыртқа және т.б.) қауіпсіздігін қамтамасыз етуде де шешуші рөл атқарады.Бұл мамандық иелерінен кәсіби біліммен қатар, жануарларға деген жанашырлық, жауапкершілік пен төзімділік талап етіледі. Қоғам үшін маңыздылығы жоғары ветеринар қызметі ауыл шаруашылығы өнімдерінің сапасын арттыруға, адам мен жануарлар арасындағы биологиялық қауіпсіздікті қамтамасыз етуге үлес қосады.Жұмысшы мамандықтарын таңдаған жастар үшін ветеринария – еңбек нарығында сұранысқа ие, тұрақты әрі келешегі бар бағыттардың бірі.

10-11 қыркүйекте Гонконгта "Бір белдеу, бір жол" бастамасының 10-саммиті өткізіледі. Ұлттық экономика вице-министрі Ерлан Сағнаев саяси диалог жөніндегі сессияда сөйлеген сөзінде осыдан 12 жыл бұрын халықаралық ынтымақтастықтың негізгі факторына айналған осы жаһандық бастама Қазақстанда жарияланғанын атап өтті."Осы уақыт ішінде Қазақстан мен Қытай екіжақты қатынастарды жаңа деңгейге көтеріп, жаңа Жібек жолы кеңістігіндегі инвестициялық ынтымақтастыққа қуатты серпін берді. Бүгінде біз үшін Қытай - Еуропа контейнерлік бағытын дамытуды жалғастыру маңызды. Осыған байланысты Қазақстан транзиттік-логистикалық инфрақұрылымды белсенді дамытуда", - деді Ерлан Сағнаев.Ол Қытайдан Еуропаға Орталық Азия арқылы жүк тасымалдау көлемі, әсіресе, "алтын дәліз" аталатын Транскаспий халықаралық көлік бағытын бірлесіп дамытудың арқасында қарқынды өсіп келе жатқанын атап өтті."Қытай жүктері транзитінің одан әрі тұрақты өсуін қамтамасыз ету мақсатында біз Гонконг компанияларын көлік инфрақұрылымын дамытуға және Каспий теңізінің қазақстандық жағалауында "Орталық Азия – Қытай"форматында бірлескен жобаларды іске асыруға қатысуға шақырамыз. Қазақстан осы мәселе бойынша қытайлық серіктестермен ынтымақтастықты арттыруға дайын",-деді вице-министр.ТХКБ өткізу қабілеті 6 млн тонна. 2024 жылғы қорытынды бойынша тасымалдау көлемі 4,5 млн тонна. 2025 жылғы 9 маусымда "ҚТЖ" АҚ және "Lianyungang Port" АҚ-мен бірлесіп Ақтау портында ТХКБ бағыты бойынша жылына 500 мың транзиттік контейнерді өңдеуге қабілетті контейнерлік хаб іске қосылды.Саммит барысында Ерлан Сағнаев Гонконг сауда және экономикалық даму министрі Алджернон Яумен және АӘА валюта басқармасы басшысының орынбасары Артур Йенмен кездесулер өткізді. Тараптар сауда-экономикалық өзара іс-қимылдың перспективаларын, соның ішінде "Бір белдеу, бір жолмен”байланысты жаңа бастамаларды талқылады.Вице-министрдің айтуынша, Қазақстан тұрақты экономикалық өсуді көрсетіп отыр: бірінші жартыжылдық қорытындысы бойынша ЖІӨ 6,2% – ға, ал негізгі капиталға салынған инвестиция 19,3%-ға ұлғайды. Бұл нәтижелер Қазақстанның инвесторлар үшін тартымды және аймақтағы сенімді серіктес болып қала беретінін растайды.Қытай Қазақстанның ең ірі сыртқы сауда әріптесінің бірі. 2024 жылғы екіжақты тауар айналымы 43 млрд доллардан асса, 2025 жылғы бірінші жартыжылдықта 21,8 млрд доллар. Екі ел үкіметі Қазақстан мен Қытай көшбасшыларының бұл көрсеткішті 80 млрд долларға дейін жеткізу жөніндегі тапсырмасын іске асыру бойынша жұмыс жүргізуде.Ақпарат көзі : https://www.gov.kz/memleket/entities/economy/press/news/details/1066076?lang=kk

Теміржол саласында ұзақ жылдар бойы жемісті еңбек етіп келе жатқан Күлшіманова Назира Амангельдиевна – өз ісінің нағыз шебері. Оның бұл саладағы еңбек өтілі — 28 жыл.Еңбек жолын Түркістан локомотив пайдалану депосында кадр бөлімі бойынша аудармашы қызметінен бастаған ол  бүгінде жауапты әрі маңызды қызмет атқарады. Қазіргі таңда ол жөндеуді бақылау бөлімінің инженері лауазымында жұмыс істейді.Осы жылдар ішінде кәсіби біліктілігімен, еңбекқорлығымен және жауапкершілікке деген жоғары көзқарасымен әріптестері арасында үлкен беделге ие болды. Өз ісіне деген адалдығы мен мол тәжірибесі жас мамандарға үлгі боларлықтай.

Қазіргі таңда Сайрам тұрғын алабында электр желісінің құрылысы жүргізілуде.«КазЕвроСтрой»ЖШС-і тарапынан аталған жоба бойынша  құрылыс-монтаждау жұмыстары 2024 жылда басталған болатын. Қазіргі таңда, жұмыстың 50%, яғни 8 бөліктерінен 4 бөлігі аяқталды. Абонент саны - 4 482 үй.Құрылыс жұмыстарын толығымен 2026 жылдың 3 тоқсандығында аяқтау жоспарлануда. Ақпарат көзі : https://www.gov.kz/memleket/entities/shymkent-energetika-kommunal/press/news/details/1065960?lang=kk

"Шығыс Қазақстан облысының экономика және бюджеттік жоспарлау басқармасы" ММ 2025 жылғы 27 тамызда сағат 11.00-де Шығыс Қазақстан облысы, Өскемен қаласы, Максим Горький көшесі 40 мекенжайы бойынша сыбайлас жемқорлық тәуекелдерін ішкі талдау нәтижелерін жария талқылау өткенін хабарлаймыз.Ақпарат көзі : https://www.gov.kz/memleket/entities/vko-ekonomika/press/news/details/1065966?lang=kk

Лиссабон, 2025 жылғы 9 қыркүйек  - Президент Қасым-Жомарт Тоқаевтың Қазақстан халқына Жолдауын ескере отырып, Қазақстанның Португалиядағы Елшісі Жан Ғалиев Португалия «Águas de Portugal» (ADP) мемлекеттік холдингі Директорлар кеңесінің мүшесі Александра Серрамен, Басқарма мүшесі Эдуарду Пашекумен, сондай-ақ  ADP International Атқарушы вице-президенті Антониу Вентурамен.Қазақстандық дипломат Мемлекет басшысының Жолдауында цифрландыруды белсенді түрде енгізу және жасанды интеллектті қолдану арқылы еліміздің су инфрақұрылымын жаңғырту бойынша алға қойған басты міндеттер туралы хабардар етті.Әңгімелесушілер суды есепке алу, ысырапты барынша азайту, қайта өңдеу және суды ұтымды пайдалану үшін ADP әзірлеген технологияларды пайдалана отырып, су шаруашылығы саласындағы ынтымақтастықты дамыту перспективаларын талқылады.Холдинг басшылығы осы салада технологиялар мен ноу-хау трансферті, сондай-ақ консалтингтік қызметтер арқылы өзара тиімді серіктестік орнатуға дайын екенін білдірді.ADP – 1993 жылы Португалиядағы су инфрақұрылымын, соның ішінде суды жинауды, тазартуды, тұщыландыруды және қоғамдық тұтыну үшін бөлуді кешенді және тиімді басқару мақсатында құрылған мемлекеттік холдинг.ҚР Португалиядағы ЕлшілігіАқпарат көзі : https://www.gov.kz/memleket/entities/mfa-lisbon/press/news/details/1065983?lang=kk

Сән-салтанат салығы: түсіндірмеЖаңа Салық кодексінде жеке «сән-салтанат салығы» көзделмеген.Сонымен қатар, жеке тұлғалардың жекелеген мүлік санаттарына салық салу нормалары бекітілген:құны 18 000 АЕК-тен жоғары автокөліктер – сатып алу құнының 10%-ы мөлшерінде акциз салынады;құны 24 000 АЕК-тен жоғары яхталар мен ұшақтар – сатып алу құнының 10%-ы мөлшерінде акциз салынады;құны 500 000 теңгеден асатын алкоголь өнімдері – литріне құнның 10%-ы мөлшерінде акциз салынады;құны 10 000 теңгеден жоғары темекі бұйымдары (сигаралар) – бір данасына құнның 10%-ы мөлшерінде акциз салынады;құнының жиынтығы 450 млн теңгеден асатын жылжымайтын мүлік – мүлік салығы жиынтық құнының 2%-ы мөлшерінде есептеледі.Егер бір тұлғаның мүліктерінің жалпы құны 450 млн теңгеден асса, салық жалпы құннан 2% мөлшерлемесі бойынша есептеледі (салық сомасы – 2 946 600 теңге + 450 млн теңгеден асатын сомаға 2%).Жалпы құны көрсетілген шектен төмен мүліктерге салық әр объектінің құнына жеке-жеке салынады.#ҚМДҚостанай #салық #Салықкодексі #мүліксалығыАқпарат көзі : https://www.gov.kz/memleket/entities/kgd-kostanay/press/news/details/1065956?lang=kk

Қорғаныс министрі «Жауынгерлік достастық – 2025» тактикалық оқу-жаттығуының қорытындысын шығардыҚарағанды облысындағы «Сарышаған» полигонында бірлескен «Жауынгерлік достастық – 2025» тактикалық оқу-жаттығуы сәтті аяқталды. Оқу-жаттығудың жауынгерлік атыстарды қамтыған шешуші кезеңін еліміздің Қорғаныс министрі, Қарулы күштер түрлерінің бас қолбасшысылары, әскер тектерінің қолбасшылары тікелей бақылады.Бірлескен маневрлерге 1500-ден астам әскери қызметші, 200-ге жуық әскери және арнайы техника, сондай-ақ 30-дан аса ұшу аппараттары жұмылдырылды. Әуе техникасы құрамында көп мақсатты Су-30СМ жойғыш ұшақтары, Су-25 шабуылдаушы ұшақтары мен әртүрлі типтегі тікұшақтар болды.Авиация мен әуе шабуылына қарсы қорғаныс әскерлерінің үйлесімді іс-қимылы барысында ұшқыштар шартты қарсыластың әуе шабуылына қарсы қорғаныс жүйесін бұзып өту, жақын қашықтықтағы маневрлік әуе шайқасы, жерүсті нысандарын жою және жаппай әуе соққысын тойтару секілді тактикалық эпизодтарды пысықтады.Шартты қарсыластың радиотехникалық бөлімшелеріне барлау-соққы жасаушы дрондармен соққы берілді. Әуе барлауы мен шабуыл мақсатында SkyLark-1LEX және Anka ұшқышсыз ұшу аппараттары қолданылды. Ал әуе шабуылына қарсы тұру үшін С-300ПС, С-125, Бук-М2Э және ТОР-М2К зениттік-зымыран кешендері пайдаланылды.Оқу-жаттығу аясында алғаш рет «әуе-әуе» санатындағы басқарылатын Р-60М зымырандары сәтті сынақтан өтті. Сонымен қатар, әуе шабуылына қарсы операция барысында әскери оқу орындарының курсанттары құрастырған дрондардың мүмкіндіктері көрсетілді. Сынақтар зымырандардың дәлдігі мен тиімділігін, сондай-ақ қазіргі заманғы ұрысқа авиациялық бөлімшелердің дайын екендігін дәлелдеді.Қарсыластың ұшқышсыз ұшу аппараттарын басу үшін «Алмаз» радио және радиотехникалық бақылау әрі нысана көрсету кешені, дрондарға қарсы радиоэлектрондық күрес жүйесі – «Янтарь», ұшқышсыз аппараттардың спутниктік навигациясын тұншықтыратын «Маржан» жүйесі, сондай-ақ «Гроза-Р2» және «Меруерт» антидрондық қарулары қолданылды.Төмен жылдамдықпен ұшатын және көзге түсуі қиын нысандарды жоюда ПЗРК «Игла», «Стрела-1М», «Стрела-10» және «Шилка» зениттік кешендерінің есептоптары өз шеберлігін көрсетті.Оқу-жаттығудың жабылу салтанатында Қорғаныс министрі жауынгерлік дайындықтың жоғары деңгейін, есептоптардың үйлесімді әрекетін атап өтті.Оқу-жаттығудан кейін авиация генерал-лейтенанты Дәурен Қосанов Сарышаған және Приозерск гарнизондарындағы әскери бөлімдерге барып, командирлердің есептерін тыңдап, әскери нысандарды аралады. Қорғаныс министрі оқу-жаттығу міндеттерін сапалы орындау, әскери инфрақұрылым нысандарын жұмыс күйінде ұстау, қару-жарақ пен оқ-дәрілерді сақтау тәртібін қатаң сақтау жөнінде нақты тапсырмалар берді.Ақпарат көзі : https://www.gov.kz/memleket/entities/mod/press/news/details/1065945?lang=kk

Қалжан ахун ауылындағы «БАҚ» ШҚ-ның егіс алқабына орақ түсті. Егінге орақ салу рәсіміне аудан әкімі Берік Сәрменбаев, «Жан-Арай» серіктестігінің директоры, «Сырдария ауданының Құрметті азаматы» Бақдәулет Мақашев, аудандық мәслихат төрағасы Ержан Әжікенов,облыстық мәслихат депутаты Жұмабек Ембергенов және ауыл ардагерлері, облыстық мәслихат депутаты мен шаруашылық қызметкерлері қатысты.-«Егін өсіру – жұмыстың жарты бөлігі ғана. Оны соңғы дәніне дейін жинау одан да маңыздырақ» деп дала академигі Ыбырай Жақаев айтқандай, ала жаздайғы маңдай тердің нәтижесін көретін кез келіп жетті.Сыр күріші — елдің берекесі, ырысы. Соңғы жылдардағы су тапшылығы диқандарымызға оңай соқпағаны белгілі. Осы орайда Мемлекет басшысы Қасым-Жомарт Кемелұлы Тоқаевтың тапсырмасымен, Үкімет басшысы мен облыс әкімінің қолдауымен Сырдария өзенінің жоғарғы ағысындағы мемлекеттермен келіссөздер жүргізіліп, салаға нақты қолдау көрсетіліп келеді.Ауданда ауыл шаруашылығы саласы тұрақты дамуда. Жыл сайын аграрлы ауданымыз егін саласында жоғары көрсеткіштерге қол жеткізуде. Биыл да сырдариялық еңбеккерлер мол өнім алатынына сенім мол, - деді Берік Әбдіғаппарұлы.Жалпы, биыл аудан көлемінде 33 145 гектарға ауыл шаруашылығы дақылдары орналастырылды. Оның ішінде 19 950 гектарға күріш егілді. Суды үнемдеу және тиімді пайдалану мақсатында 13 шаруашылық 31 дана заманауи лазерлік жер тегістегіш техникасымен 16 000 гектар жерді тегістеу жұмыстарын жүргізді.Сонымен қатар жаңбырлатып суару әдісімен 150 гектар жерге күнбағыс дақылы егілді. Күзгі егін жинау науқанына барлығы 900-ден астам техника қатысуда.Азық-түлік қауіпсіздігін қамтамасыз ету мақсатында соңғы екі жыл көлемінде бақша дақылдарын егуге ерекше көңіл бөлінуде. Биыл аудан бойынша 800 гектар жерге 1640 отбасы картоп, көкөніс және бақша өнімдерін егіп, алғашқы нәтижесін көріп отыр.Сыр күрішін егетін ірі шаруашылықтардың бірі – «БАҚ» шаруа қожалығы әрдайым алдыңғы қатардан табылып келеді. Биыл шаруашылық 460 гектар күріш пен 368 гектар жоңышқаның өнімін жинады.Қалжан ахун ауылының диқандары да несібесін жерден теріп, алтын күзге жарқын еңбегімен жетті.Ақпарат көзі : https://www.gov.kz/memleket/entities/kyzylorda-syrdarya/press/news/details/1065922?lang=kk

ҚР жаңа Салық кодексінде тәуекел дәрежесіне байланыстыруды қоспағанда, салық берешегін мәжбүрлеп өндіріп алу тәсілдері мен шараларын қолдану кезінде сараланған тәсіл көзделген. Мәселен, егер қазір салық берешегі 6 АЕК-тен жоғары болған кезде шоттарға ауыртпалық салынатын банк шоттары бойынша шығыс операцияларын тоқтата тұруды қоспағанда, ТБЖ нәтижелерін ескере отырып, 1 теңгеден жоғары сомаға мәжбүрлеп өндіріп алу шаралары қолданылса, онда 2026 жылдан бастап салық берешегі кезінде:20 АЕК-ке дейін-салық берешегінің құрылғаны туралы хабарлама жіберіледі және өсімпұл есептеледі, басқа шаралар қолданылмайды;20-дан 45 АЕК-ке дейін-салық берешегін өтеу туралы хабарлама жіберіледі, банк шоттары мен касса бойынша шығыс операциялары тоқтатыла тұрады, инкассалық өкім қойылады;45 АЕК-тен жоғары-мүліктің тізімдемесі мен сатылуын, дебиторлар есебінен өндіріп алуды қоса алғанда, барлық шаралар қолданылады;27 000 АЕК-тен жоғары-салық төлеушінің шығуы (сот санкциясы негізінде 3 ай ішінде өтелмеген жағдайда), банкроттық шектеледі.Ақпарат көзі : https://www.gov.kz/memleket/entities/kgd-kostanay/press/news/details/1065904?lang=kk

Ұлттық статистика бюросының жедел деректері бойынша, 2025 жылдың сегіз айында Қазақстанның ЖІӨ өсімі 6,5%-ды құрады.Өсудің негізгі факторлары сауда, өнеркәсіп және байланыс салаларындағы оң динамика болды.Өнеркәсіп 7,6%-ға өсті. 2024 жылдың сәйкес кезеңімен салыстырғанда өсім 6,5%-ды құраған өңдеу секторындағы өсім қарқынының жеделдеуі байқалды. Өңдеу өнеркәсібінің негізгі драйверлері: машина жасау (+15,1%), тамақ өндірісі (+10,1%), мұнай өңдеу (+7,6%), химия өнеркәсібі (+7,5%) және металлургия (+1,1%) салалары.Сауда негізінен көтерме сауда есебінен 8,9%-ға өсті, оның саладағы үлесі 66,6%-ды құрайды. Ең жоғары өсу қарқыны Шымкент (+21,3%), Шығыс Қазақстан (+5,7%) және Жетісу (+0,6%) облыстарында тіркелді.https://www.gov.kz/memleket/entities/economy/press/news/details/1065625?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1065894?lang=kk

Абу Даби, 2025 жылғы 10 қыркүйек – Біріккен Араб Әмірліктеріндегі Қазақстан Республикасының Елшілігінде Қазақстан Республикасының Президенті Қасым-Жомарт Тоқаевтың халыққа арнаған Жолдауына арналған дөңгелек үстел өтті. Іс-шараға сараптамалық қауымдастық өкілдері мен БАӘ-нің жетекші бұқаралық ақпарат құралдарының журналистері қатысты.Дөңгелек үстелдің басында Қазақстанның БАӘ-дегі Елшісі Рауан Жұмабек Президенттің «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» атты Жолдауындағы негізгі басымдықтарды атап өтіп, елде жүзеге асырылып жатқан саяси және экономикалық өзгерістер туралы қатысушыларға жан-жақты ақпарат берді.Қатысушылардың назарына реформалардың келесі бағыттары ұсынылды: бір палаталы Парламентке көшу, жасанды интеллект пен цифрлық даму мәселелері жөніндегі жеке ведомство құру, экономиканы әртараптандыру, атом электр станцияларын салу, әлеуметтік саланы қолдау және көлік-логистика инфрақұрылымын дамыту.Қазақстандық дипломат Жолдауды жүзеге асыру шетелдік серіктестер мен инвесторлар үшін, соның ішінде аталған салаларда бірлескен жобаларды құруда кең мүмкіндіктер ашатынын атап өтті.Дөңгелек үстел қатысушылары Қазақстандағы өзгерістерге үлкен қызығушылық танытып, Президент өз Жолдауында көтерген мәселелердің өзектілігін ерекше атап өтті.Мысалы, Доктор Абдулрахим Абдулвахид, "Media Hub International" компаниясының иесі және бас директоры, Жолдаудағы көптеген ережелер қазіргі заманғы жаһандық сын-қатерлерді бейнелейтінін және Қазақстан мен БАӘ арасындағы ақпараттық технологиялар мен цифрлық коммуникациялар саласындағы ынтымақтастықты дамыту үшін кең мүмкіндіктер ашатынын мәлімдеді.Доктор Хусния Әл Али, БАӘ Ұлттық кітапханасы мен архивінің білім беру жөніндегі кеңесшісі, Қазақстан бастамаларының білім беруді цифрландыру мен кадрлар даярлаудағы маңыздылығын атап өтті. Оның пайымдауынша, Қазақстанның цифрлық экожүйелерді қалыптастыру тәжірибесі академиялық және мәдени алмасуда әмірліктердің әріптестері үшін пайдалы.Халед Мубарак Әл Кенди, "Emirates Global Education Investment Group" аналитикалық-білім беру орталығының бас директоры, Жолдаудағы адам капиталын дамытуға және инновацияларды енгізуге жасалған басымдықтар бірлескен білім беру және инвестициялық жобаларды іске асырудың жаңа мүмкіндіктерін ашатынына сенімін білдірді.Доктор Мохаммед Камиль Әл-Муайни, Мәдени дипломатияның халықаралық институтының (IICD) төрағасы, Президент Қ.Тоқаевтың Жолдауы ішкі реформаларды жаһандық күн тәртібімен ұштастыратынын және Қазақстанның халықаралық ынтымақтастық қағидаттарына берік екенін атап өтті. Ол мәдени дипломатия мен гуманитарлық байланыстардың екіжақты ықпалдастықты одан әрі тереңдетудің маңызды бағыты бола алатынын айтты.Іс-шара соңында қатысушылар Қазақстан мен БАӘ арасындағы стратегиялық серіктестіктің Президент Жолдауында белгіленген басымдықтармен толық үйлесетінін атап өтті. Экономика, білім, инновациялар және мәдениет салаларындағы ынтымақтастық тәжірибесі екі ел халықтарының мүддесіне сай жаңа кезеңге жол ашатыны ерекше айтылды.Ақпарат көзі : https://www.gov.kz/memleket/entities/mfa-abudhabi/press/news/details/1065874?lang=kk

Алматы облысында ауыл шаруашылығы қарқынды дамып келеді. Бүгінде өңірде 29,0 мың ауыл шаруашылығы тауар өндірушісі жұмыс істейді. Оның ішінде:1490 – заңды тұлға,845 – жеке кәсіпкер,26 696 – шаруа қожалығы.Ағымдағы жылы саланы қолдауға 27,7 млрд теңге субсидия бөлінді.Ауыл шаруашылығының жалпы өнімі 283,8 млрд теңгені құрады. Нақты көлем индексі – 103,3%, оның ішінде:өсімдік шаруашылығы – 47,9 млрд теңге (НКИ – 107,8%),мал шаруашылығы – 235,7 млрд теңге (НКИ – 102,4%).Облыс жалпы республикалық ауыл шаруашылығы өндірісінде 11,8% үлеспен 2-орында тұр.2025 жылы ауыл шаруашылығы дақылдарының жер көлемі 434,1 мың гектарды құрады, бұл өткен жылмен салыстырғанда 10,2 мың гектарға артық. Оның ішінде:дәнді және дәнді-бұршақты дақылдар – 171,7 мың га,жүгері – 50,8 мың га,күріш – 6,0 мың га,майлы дақылдар – 32,2 мың га,картоп – 10,4 мың га,көкөніс – 15,8 мың га,бақша дақылдары – 2,3 мың га,мал азықтық дақылдар – 201,4 мың га.Тыңайтқыш және тұқым шаруашылығы2024–2028 жылдарға арналған Жол картасына сәйкес облысқа 60,8 мың тонна минералды тыңайтқыш енгізу жоспарланған. Бүгінде 45,3 мың тоннасы алынды (74,5%).Сондай-ақ, облыста 20 тұқым өсіруші және 9 тұқым өткізуші жұмыс істейді. 2025 жылғы өнімге 63,0 мың тонна тұқым қоры дайындалған.2030 жылға дейін су үнемдеу технологияларын 186,6 мың гектарға дейін ұлғайту жоспарланған. 2025 жылы 50 мың гектарға енгізу межеленген. Қазірдің өзінде 22 318 гектарда (оның ішінде тамшылатып суару – 11 123 га, жаңбырлатып суару – 11 195 га) жаңа технологиялар қолданылуда.Ірі қара мал саны 617,8 мың басқа жетіп, 41,7%-ға артты. Қой мен ешкі – 2,7 млн бас, жылқы – 247,6 мың бас, құс – 9,5 млн басқа жетті.Өндірілген өнім көлемі:ет – 143,0 мың тонна,сүт – 162,8 мың тонна,тауық жұмыртқасы – 276,9 млн дана.Облыс республикада ет өндірісі бойынша – 1 орында (14,0%), құс еті өндірісі бойынша да – көшбасшы (30,0%).2025–2027 жылдарға арналған Жол картасы шеңберінде құны 317,2 млрд теңге болатын 36 жоба іске асырылуда, нәтижесінде 734 тұрақты жұмыс орны ашылады. Биылғы жылы 33,5 млрд теңгеге 17 жоба жүзеге асырылады. Ақпарат көзі : https://www.gov.kz/memleket/entities/almobl/press/news/details/1065870?lang=kk