2026 жылдан бастап табысы жоғары емес, қызметін жалдамалы жұмыссыз өзі атқаратын адамдарға жаңа жеңілдетілген режим енгізіледі.АРС — әсіресе онлайн платформа арқылы жұмыс істейтіндерге арналған қолдау. Ең негізгі шарттар:• жеке кәсіпкер болып тіркелудің қажеті жоқ;• жалдамалы жұмыс қолданбайды;• рұқсат етілген қызмет түрлерімен айналысады;• айлық табысы — 300 АЕК-тен аспайды (2026 ж. шамамен 1,3 млн тг).АРС-тың басты жеңілдіктері:• табыс салығы — 0%;• төленетін бір ғана міндеттеме — табыстың 4% мөлшерінде әлеуметтік төлем;• БКМ, чек, есептілік — бәрі арнайы мобильді қосымшада автоматты;• платформалар арқылы табыс алатындар үшін төлемдерді оператор өзі ұстап аударады.Бұл режим өзін-өзі жұмыспен қамтығандарға әлеуметтік қорғанысқа, зейнетақы, медсақтандыру жүйесіне еркін қосылуға мүмкіндік береді.  Ақпарат көзі : https://www.gov.kz/memleket/entities/kgd-zhetysu/press/news/details/1121821?lang=kk

2025 жылғы 25-28 қараша аралығында Баку қаласында тәжірибе алмасу бағдарламасы шеңберінде Қазақстан Республикасының "Бірыңғай жинақтаушы зейнетақы қоры" АҚ (БЖЗҚ) және Әзербайжан Республикасының Еңбек және халықты әлеуметтік қорғау министрлігі жанындағы Мемлекеттік әлеуметтік қорғау қоры (МӘҚҚ) делегацияларының ресми кездесуі өтті.Бағдарлама аясында екі елдің әлеуметтік қорғау және зейнетақымен қамсыздандыру жүйелерінің таныстырылымдары, цифрлық сервистер мен әкімшілендіру тетіктерін талқылау өтті. БЖЗҚ тарапынан Қазақстанның жинақтаушы зейнетақы жүйесіне, демографияға, зейнетақы қызметтерін цифрландыруға шолу, Қазақстанның халықаралық зейнетақы рейтингтеріндегі ұстанымы ұсынылды.БЖЗҚ еліміз үшін әлеуметтік маңызы бар "Ұлттық қор – балаларға" жобасы туралы ақпаратпен де бөлісті, бұл жерде БЖЗҚ – нысаналы талаптарды, активтерді, жинақтарды есепке алып, нысаналы жинақтар төлемін жүзеге асырушы оператор.Азаматтардың барлық қызметтерді қашықтан алуына мүмкіндік беретін зейнетақы қызметтерін цифрландырудағы қазақстандық тәжірибе Әзербайжан тарапының ерекше қызығушылығын тудырды. БЖЗҚ-ның цифрлық сервистері екі елдің зейнетақы қорлары салымшыларына қызмет көрсету деңгейін арттыру және автоматтандырудың заманауи шешімдері бойынша тәжірибе алмасуға негіз болды. Делегациялар сондай-ақ МӘҚҚ-ның әлеуметтік төлемдерді тағайындау жөніндегі орталық филиалында, сондай-ақ тұрақты және жедел әлеуметтік қамсыздандыру жөніндегі агенттікте (DOST) және DOST инклюзивті даму орталығында болып, Әзербайжанның мемлекеттік әлеуметтік қызметтер көрсету және азаматтардың әртүрлі санаттарын қолдау жөніндегі инновациялық шешімдерімен танысты. Кездесу қорытындысы бойынша Тараптар зейнетақы заңнамасының өзгерістері мен жүргізіліп жатқан реформалар туралы ақпарат алмасу, зейнетақы жүйесіндегі цифрлық технологиялар саласында тәжірибе бөлісу, сараптамалық деңгейдегі бірлескен зерттеулерді қоса алғанда, кең ауқымды бағыттар бойынша зейнетақымен қамсыздандыру саласындағы ынтымақтастықты нығайтуға және кәсіби өзара іс-қимылды кеңейтуге бағытталған өзара түсіністік туралы Меморандумға да қол қойды.  БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).  Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1121839?lang=kk

Қабыл, 2025 жылғы 8 желтоқсан - Қазақстан Республикасы Президентінің Ауғанстан бойынша арнайы өкілі-Сыртқы істер министрлігінің Ерекше тапсырмалар жөніндегі елшісі Еркін Тұкұмов Ауғанстанмен сындарлы өзара іс-қимылды дамытуға және бұл елді аймақтық процестерге тартуға ерекше, басымдық беретін Президент Қасым-Жомарт Тоқаевтың тапсырмаларынын іске асыруға бағытталған Қазақстан Республикасы Сыртқы істер министрінің тапсырмасы бойынша Ауғанстанға жұмыс сапарын жүзеге асырды.Сапар барысында Е.Тұкұмов Ауғанстан басшылығымен бірқатар мазмұнды кездесулер өткізді, атап айтқанда, Сыртқы істер министрі А.Муттакимен, Балх провинциясының губернаторы М.Ю.Вафамен, Қоғамдық жұмыстар министрінің орынбасары М. Сахибзадамен, сондай-ақ басқа да негізгі ведомстволардың өкілдерімен жүздесу өткізді. Келіссөздер барысында сауда-экономикалық, көліктік-логистикалық, өнеркәсіптік, инфрақұрылымдық, ауыл шаруашылығы, гуманитарлық, білім беру және медициналық салалардағы ынтымақтастықты кеңейтуге, сондай-ақ қауіпсіздік пен терроризмге қарсы іс-қимыл мәселелеріне басты назар аударылды.Ауған тарапы Қазақстанның гуманитарлық бастамасына – ағымдағы жылдың қараша айының соңында Ауғанстанда жұмыс істеген қазақстандық дәрігерлер бригадасының миссиясына ерекше назар аударды. Қазақстандық дәрігерлердің қызметі пациенттердің едәуір санына білікті көмек көрсетуге және жергілікті клиникалардың жұмысын қолдауға мүмкіндік беріп, маңызды әсер еткені аталып өтті. Ауған өкілдерінің айтуынша, дәрігерлердің миссиясы достық пен серіктестіктің практикалық көрінісі ғана емес, сонымен қатар медициналық кадрлар мен ресурстардың жетіспеушілігімен байланысты шиеленісті азайта отырып, Қазақстанның ауған қоғамының әлеуметтік тұрақтылығын нығайтуға қосқан нақты үлесі болды.Ауғанстанның сыртқы саяси ведомствосының және басқа да бейінді ведомстволардың басшысымен келіссөздер барысында Ауғанстанның көліктік интеграциясы және өңірлік сауда ағындарын кеңейту үшін стратегиялық маңызы бар Тургунди – Герат – Кандагар – Спин-Болдақ темір жолының құрылысы талқыланды. Жобаны дайындаудың ағымдағы жағдайы, оның техникалық параметрлері және іске асырудың жоспарланған кезеңдері туралы тиісті консультациялар өткізілді. Солтүстік-Оңтүстік магистралі Ауғанстанның негізгі экономикалық аумақтарын Орталық және Оңтүстік Азияның тораптық логистикалық нүктелерімен байланыстыруға, сыртқы сауданы әртараптандыруға, халық табысының өсуіне және елдің транзиттік әлеуетінің ұлғаюына жағдай жасауға мүмкіндік беретіні атап өтілді. Ауған басшылығы өз кезегінде Президент Қасым-Жомарт Тоқаевтың өңірлік өзара байланысты нығайту және инфрақұрылымдық жобаларды қолдау жөніндегі саясаты Қабылда Ауғанстанды тұрақтандыру мен экономикалық жаңғыртудың маңызды факторы ретінде қабылданатынын атап өтті.Ауғанстанның Сыртқы істер министрі А.Муттаки Қазақстан Ауғанстанның әлеуметтік-экономикалық тұрақтылығына нақты жәрдем көрсететін неғұрлым дәйекті және болжамды әріптестердің бірі болып табылатынын атап өтті. Оның айтуынша, Қазақстан Президентінің өңірлік өзара байланысты нығайту және Ауғанстандағы гуманитарлық жобаларды қолдау жөніндегі бастамасы экономикалық сын-қатерлердің салдарын жеңілдетуге көмектеседі, сауда ағындарын кеңейтуге ықпал етеді және халықты жұмыспен қамту үшін қосымша мүмкіндіктер туғызады.Балх провинциясының губернаторы М.Ю.Вафа Қазақстан өз қызметімен инфрақұрылымдық жобаларды, логистикалық бастамаларды қолдау және өмірлік маңызды азық-түлік өнімдерін жеткізу арқылы Ауғанстанның әлеуметтік-экономикалық ортасын жақсартуға маңызды үлес қосатынын атап өтті, бұл шиеленісті азайтуға және жергілікті жерлерде тұрақтылықты нығайтуға ықпал етеді. Ауған өкілдері ұзақ мерзімді шешімдерге бағдарланған сенімді серіктестің болуы Ауғанстанның ішкі дамуының тұрақты негіздерін қалыптастырудың негізгі факторы болып табылатынын атап өтті.Ауғанстан ведомстволарының басшылығы Президент Қ-Ж.Тоқаевтың Ауғанстандағы жағдайға жеке көңіл бөлгені үшін ризашылығын білдіріп, мұндай тәсіл өңірдегі мүдделер тепе-теңдігін сақтауға, елдер арасындағы сенімді нығайтуға көмектесетінін және Қазақстанның тұрақтылықты, бейбітшілік пен дамуды дәйекті жақтайтын мемлекет ретіндегі жауапты рөлін көрсететінін атап өтті. Ауған тарапы Қазақстанның белсенді дипломатиясы мен практикалық қолдауы гуманитарлық деградация тәуекелдерін азайтуға, экономикалық тұрақтылықты нығайтуға және Ауғанстандағы саяси диалог үшін кеңістікті сақтауға айтарлықтай ықпал ететінін атап өтті.Келіссөздер қорытындысы бойынша тараптар қарқынды диалогты жалғастыру және өңірдегі бейбітшіліктің, тұрақтылық пен өркендеудің ортақ мүдделеріне сүйене отырып, барлық негізгі бағыттар бойынша практикалық өзара іс-қимылды кеңейту ниетін растады.Ақпарат көзі : https://www.gov.kz/memleket/entities/mfa-kabul/press/news/details/1121766?lang=kk

Ақмола облысында азық-түлік нарығын тұрақты тексеру барысында әлеуметтік маңызы бар өнімдерге рұқсат етілген сауда үстемесін асыру фактілері анықталды. Мемлекеттік бақылауды Ақмола облысы бойынша ҚР Сауда және интеграция министрлігінің Сауда және тұтынушылар құқығын қорғау департаменті жүргізеді.Мысалы, жеке кәсіпкер Юлдашев сәбізді 33,3% сауда үстемесімен сатқан, бұл заңда белгіленген рұқсат етілген деңгейден айтарлықтай жоғары. Сол сияқты, ИП «Гуляева Т.М.» «Хуторок» дүкенінде қарақұмық жармасын 27% үстемемен, ИП «Жаналинова» «Продукты» дүкенінде қырыққабатты 72,7% үстемемен, ал ИП «Мирмахмуд» пиязды 60% үстемемен сатқан.Әр жағдай бойынша кәсіпкерлер ҚР Әкімшілік құқық бұзушылық туралы кодексінің 204-4-бабына сәйкес әкімшілік жауапкершілікке тартылып, айыппұл салынды. Бұл шаралар әділетсіз тәжірибелердің алдын алуға, саудадағы ашықтықты қамтамасыз етуге және азаматтардың мүдделерін қорғауға бағытталған.Сонымен қатар, Шортанды ауданындағы дүкенде шұжық бағасы шетел валютасы рубльмен белгіленген. Заң бойынша сауда сөресіндегі баға тек қана теңгеде көрсетілуі шарт. Бұл құқық бұзушылық үшін кәсіпкер айыппұлға тартылды.2025 жылы Ақмола облысында әкімшілік жауапкершілікке 216 кәсіпкер тартылды, олардың 99-ы ескерту алды, ал 117-сі жалпы сомасы 2,2 миллион теңгеден астам айыппұл төледі. Анықталған құқық бұзушылықтар қатарында әлеуметтік маңызы бар өнімдерге сауда үстемесінің асып кетуі, шетел валютасында тауарларды сату, тұтынушы бұрыштарының жоқтығы және тұтынушылардың шағымдарына заңда белгіленген мерзімде жауап бермеу бар.«Сонымен қатар, біз күмәнді 21 өнімді сатып алып, тексеріс жүргіздік. 17 жағдайда таңбалау талаптарының бұзылғаны анықталды. Кәсіпкерлерге 1 миллион теңгеден астам айыппұл салынды. Жұмысты әлі де жалғастырамыз. Облыс бойынша сауда нүктелерін бақылап, заңсыздықтың алдын алып жатырмыз», - деді Ақмола облысы бойынша Сауда және тұтынушылар құқығын қорғау департаментінің басшысы Ерлан Әубәкіров.Ақпарат көзі : https://www.gov.kz/memleket/entities/mti/press/news/details/1121790?lang=kk

Ақмола облысында тұтынушылардың құқығын қорғау бағытындағы жұмыс қарқынды жүргізіліп келеді. 2025 жылдың басынан бері Ақмола облысы бойынша Сауда және тұтынушылардың құқығын қорғау департаменті 983 азаматтық өтінішті қарады. Оның 80 пайыздан астамы тұтынушылардың пайдасына шешіліп, тұрғындарға жалпы сомасы 82 миллион теңгеден астам қаржы қайтарылды. Бұл - Департаменттің жүйелі жұмысының айқын нәтижесі.Департамент мамандары дауларды сотқа дейінгі тәртіпте шешуге ерекше назар аударады. Мұндай тәсіл азаматтарға құқықтарын жылдам қалпына келтіруге және қаржылық шығындарын дер кезінде өтетуге мүмкіндік береді. Мәселен, облыс тұрғынына құны 8,1 миллион теңге болатын қолданылған автокөлікке қатысты шағымды дұрыс рәсімдеу арқылы ақшасын толық қайтаруға қолдау көрсетілді. Тағы бір тұрғын жаңа автокөліктен ақаулар анықталған соң сатып алудан бас тартып, 28,3 миллион теңгені толық көлемде қайтарып алды.Департаменттің араласуы тұрмыстық тауарлар мен электроника саласында да шешуші рөл атқарды. Құны 1 000 200 теңге болатын жиһаздың кешіктірілуі мен сапасыз жеткізілуінен зардап шеккен облыс тұрғынына мамандар толық түсіндіру жұмыстарын жүргізіп, нәтижесінде кәсіпкер кемшіліктерді толығымен жойды.Ең назар аударарлық жағдайлардың бірі – 70 жастағы облыс тұрғынының Wildberries платформасынан сатып алған телефонына қатысты мәселе. Зейнеткер қызына сыйламақ болып, сипаттамада Redmi 14 моделі деп көрсетілген телефонға тапсырыс берген. Бірақ келген тауар мүлдем басқа болып шықты. Сонымен қатар телефон IMEI-растаудан өтпей, Қазақстан аумағында қолдануға жарамсыз екені белгілі болды. Сатушыдан ақшаны тікелей қайтару мүмкін болмағандықтан, азамат Департаментке жүгінген. Нәтижесінде 34 840 теңге тұтынушыға толық қайтарылды.Сонымен бірге, демалыс базасына алдын ала төлем жасағаннан кейін қаражатты қайтарудан бас тартылған жағдайда да Департамент көмегі маңызды болды. Тараптардың арасында бітімгершілікке қол жеткізіліп, тұтынушыға ақшасы толық қайтарылды, сондай-ақ оған қосымша бір күндік демалыс жеңілдікпен ұсынылды. Көкшетау тұрғынына кепілдік мерзімі ішінде анықталған ақаудан кейін сапасыз телефон жөндеуі үшін төленген 22 500 теңге де қайтарылды.Тұтынушылардың құқықтарын қорғау саласындағы тиімділік сот тәжірибесінде де көрініс табуда. 2025 жылдың 11 айында Департамент үшінші тұлға ретінде 15 сот ісіне қатысып, нәтижесінде азаматтар пайдасына 9,9 миллион теңгеден астам қаражат өндіріліп берілді. Бұл – өңірде тұтынушы құқықтарының жүйелі әрі нәтижелі қорғалып жатқанын дәлелдейді.Ақпарат көзі : https://www.gov.kz/memleket/entities/mti/press/news/details/1121799?lang=kk

Қазақстан Республикасының Сауда және интеграция министрлігі Қазақстан Республикасы Сауда және интеграция министрінің 2025 жылғы 17 қарашадағы № 325-НҚ, Қазақстан Республикасы Өнеркәсіп және құрылыс министрінің 2025 жылғы 20 қарашадағы № 494, Қазақстан Республикасы Жасанды интеллект және цифрлық даму министрінің 2025 жылғы 20 қарашадағы № 586/НҚ, Қазақстан Республикасы Қаржы министрінің м.а. 2025 жылғы 20 қарашадағы № 717 және Қазақстан Республикасы Көлік министрінің 2025 жылғы 20 қарашадағы № 391 «Тауарлардың жекелеген түрлерін әкетуді реттеудің кейбір мәселелері туралы» пилоттық жобаны іске асыру туралы» бірлескен бұйрығының қабылданғанын хабарлайды. Осы бұйрық 2025 жылғы 5 желтоқсанда күшіне енеді.Аталған бірлескен бұйрықпен тауарлардың жекелеген түрлерін әкетуге рұқсат беру тәртібі енгізіледі, және ол тек ТМД - ға қатысушы мемлекеттерге әкетілетін тауарларға ғана қолданылады. Рұқсат беру тәртібі өнеркәсіптік тауарлардың жекелеген түрлеріне, телекоммуникациялық, компьютерлік жабдықтың, оның бөлшектері мен материалдарының жекелеген түрлеріне, сондай-ақ авиациялық өнеркәсіп тауарларының жекелеген түрлеріне ғана қатысты қолданылады.Рұқсат беру тәртібі қолданылатын тауарлардың тізбелері бірлескен бұйрықтың 1, 2 және 3-қосымшаларында бекітілген. Рұқсат беру қағидалары және қажетті құжаттар тізбесі бірлескен бұйрықтың 4-қосымшасында бекітілген.Кеңес алу үшін байланыс деректері1. Телекоммуникациялық, компьютерлік жабдықтың, оның бөлшектері мен материалдарын әкету мәселелері бойынша:Қазақстан Республикасының Жасанды интеллект және цифрлық даму министрлігі:Тел.: 64-95-13, 64-95-19.2. Авиациялық өнеркәсіп тауарларын әкету мәселелері бойынша:Қазақстан Республикасының Көлік министрлігінің Цифрландыру және мемлекеттік қызметтер департаментіТел.: 98-33-34;Қазақстан Республикасының Көлік министрлігінің Азаматтық авиация комитетіТел.: 57-23-06.3. Өнеркәсіптік тауарларды әкету мәселелері бойынша:Қазақстан Республикасының Өнеркәсіп және құрылыс министрлігінің Өнеркәсіп комитетіТел.: 57-23-53.4. Кедендік операцияларды жүзеге асыруға қатысты мәселелер бойынша:Қазақстан Республикасының Қаржы министрлігінің Мемлекеттік кірістер комитетіТел.: 71-84-16, 71-79-51.Ақпарат көзі : https://www.gov.kz/memleket/entities/mti/press/news/details/1121750?lang=kk

Чапаево ауылдық округінің әкімі М. Кабанбаев баспасөз конференциясында округтің әлеуметтік-экономикалық дамуының негізгі бағыттарын ұсынды және жақын болашаққа арналған басым міндеттерді белгіледі.       Ақпарат көзі : https://www.gov.kz/memleket/entities/vko-altay-chapaev/press/news/details/1121708?lang=kk

Алматы облысының әкімі Марат Елеусізұлы Сұлтанғазиев ауыл шаруашылығы саласында белсенділік танытып, еліміздің әлеуметтік-экономикалық дамуына елеулі үлес қосқан азаматтарды салтанатты түрде марапаттады. Іс-шара барысында түрлі санат бойынша 40-қа жуық маман мемлекеттік наградалар мен облыс әкімінің арнайы марапаттарына ие болды.Марапатталғандардың қатарында III дәрежелі «Еңбек даңқы» орденімен екі азамат наградталды. Олар – «Айқын» шаруа қожалығының зоотехнигі Даулетбек Жанботаев және «Green Eco» жауапкершілігі шектеулі серіктестігінің директоры Роман Шнайдерман.Ал «Ерен еңбегі үшін» медалі төрт азаматқа табысталды. Атап айтқанда, «Мырзағали» шаруа қожалығының бақташысы Нұрбол Жұмабек, «Alma Prodex» ЖШС директоры Қалиахат Үскімбаев, «Алатау Құс» ЖШС бас директоры Жанна Құрмашева және Кеген орман шаруашылығының директоры Айболат Солтанғазиев жоғары марапатқа ие болды.Сондай-ақ, ҚР Премьер-министрінің Алғыс хатымен бес маман марапатталды. Олар – «Алтынбаева» шаруа қожалығының зоотехнигі Еркінбек Бейсенбаев, «TUR-FERMA» шаруа қожалығының зоотехнигі Нұрбол Түрбеков, «Алматы» асыл тұқымды орталығының ұрықтандырушы технигі Дияр Жазықбаев, «Өркен Дала» ЖШС агрономы Дархан Сонабаев және «Агроном» шаруа қожалығының зоотехнигі Алия Сулейменова.Алматы облысы әкімінің «Құрмет грамотасына» екі азамат ие болды. Олар – Балқаш ауданындағы «Бақанас Мұғалжар» шаруа қожалығының басшысы Қонақбай Жұмабеков және Ұлттық статистика бюросының Алматы облысы бойынша департаменті басшысының орынбасары Назира Қашкинбаева.ҚР Ауыл шаруашылығы министрлігінің «Еңбек ардагері» медалімен салаға ұзақ жылдар адал еңбек еткен төрт азамат марапатталды. Олар – Алматы облысы бойынша Ауыл партиясының төрағасы Қанат Бекиев, «Иссыкский плодоконсервный завод» ЖШС директоры Бақыт Болысбаев, «Аяжан» шаруа қожалығының басшысы Төлғожа Мұханов және мал шаруашылығы саласының ардагер зоотехнигі Бақыт Сыдықов.Ал Ауыл шаруашылығы министрлігінің «Ауыл шаруашылығы саласының үздігі» төсбелгісімен 12 маман марапатталды. Олардың қатарында «Eurasian Green Product» ЖШС директоры Марат Қартабаев, «Қарғалы Крахмал» ЖШС механизаторы Сағынбай Сейтмұратов, облыстық аумақтық инспекция басшысы Дархан Әбілғазиев, инспекция маманы Айдар Ержигитов, «Наурызбай» шаруа қожалығының басшысы Бағдат Әжінұров, «Tengri Milk» ЖШС директоры Жазира Шаяхмет, «Ерік» шаруа қожалығының зоотехнигі Мұрат Малдыбаев, «Агро Балтабай» ЖШС агрономы Ислам Хуршудов, Алматы асыл тұқымды ауыл шаруашылық өндірістік кооперативінің төрағасы Рүстем Ахметжанов, «Нажимидинов» шаруа қожалығының басшысы Жүнісәлі Нажимидинов, Балқаш аудандық ауыл шаруашылығы бөлімінің бас маманы Әліпбек Бөпешбаев және басқарма басшысының орынбасары міндетін атқарушы Димаш Сыдықов бар.Сонымен қатар, тағы 9 азамат «Үздік ауыл шаруашылығы тауар өндірушілері» номинациясы бойынша, ал ауыл шаруашылығы жәрмеңкелерін ұйымдастырудағы белсенділігі үшін 10 маман арнайы марапаттарға ие болды.Салтанатты жиында сөз сөйлеген Қазақстан Республикасы Ауыл шаруашылығы вице-министрі Азат Сиражиддинұлы Сұлтанов ауыл еңбеккерлерін кәсіби мерекелерімен құттықтап, сала жетістіктеріне ерекше тоқталды.“Құрметті Алматы облысының ауыл шаруашылығы еңбеккерлері, сіздерді кәсіби мерекелеріңізбен шын жүректен құттықтаймын. Бұл – агрономдар мен механизаторларға, сауыншы мен шопандарға және өзге де ауыл шаруашылығы саласының мамандарына құрмет көрсетілетін күн. Биылғы жыл агроөнеркәсіптік жетістіктерге толы болды. Бұрын-соңды болмаған мемлекеттік қолдаудың және еңбек адамдарының маңдай терінің арқасында соңғы екі жылда айтарлықтай нәтижеге қол жеткіздік. Осы жоғары көрсеткіштерге қосқан үлестеріңіз үшін алғыс білдіремін”, – деді вице-министр.Ауыл еңбеккерлерінің қажырлы еңбегі мен тұрақты ізденісі – өңір дамуының негізгі тірегі. Бүгінгі марапаттау рәсімі Алматы облысының агросаласы алдағы кезеңде де сенімді өсім мен жаңа жетістіктерге қол жеткізетінін айқын көрсетті.Ақпарат көзі : https://www.gov.kz/memleket/entities/almobl/press/news/details/1121697?lang=kk

Алматы облысының әкімі Марат Елеусізұлы Сұлтанғазиевтің қатысуымен Қонаев қаласында Ауыл шаруашылығы күніне арналған салтанатты іс-шара өтті. Бұл мереке өңірдің аграрлық саласындағы жетістіктерді атап өтіп, үздік мамандар мен шаруашылық өкілдерін марапаттау мақсатында ұйымдастырылды.Шара «Мәдениет үйі» аумағындағы ауыл шаруашылығы көрмесін аралаудан басталды. Көрмеде өңірдің агроөнеркәсіп кешеніндегі озық технологиялар, жаңа өнімдер және шаруашылықтар жұмысының нәтижелері таныстырылды.Алматы облысының әкімі Марат Сұлтанғазиев жиналғандарды Ауыл шаруашылығы күнімен құттықтап, аграрлық сала өңір экономикасының маңызды бөлігі екенін атап өтті.Әкім ауыл еңбеккерлерінің табанды еңбегі мен ауыл шаруашылығы өнімдерінің өсімін қамтамасыз етудегі рөлін жоғары бағалады.«Бүгінгі климаттық өзгеріс жағдайында судың маңызы артып келеді. Сол себепті біз суармалы жерлерді жаңғыртуға, цифрландыру мен үнемдеу технологияларын енгізуге ерекше мән беріп отырмыз. Жаңа технологияларды енгізу тек табиғи ресурстарды қорғап қана қоймай, фермердің табысын арттыруға мүмкіндік береді. Бұл – өнімділікті арттыру, шаруаның шығынын азайту және нарықтағы бәсекеге қабілеттілікті күшейту. Біз облыс деңгейінде осы бағыттағы жобаларды қолдап, фермерлерге нақты практикалық шешімдер ұсынамыз», – деді Марат Сұлтанғазиев.Алматы облысы еліміздегі әлеуеті артып, ең қарқынды дамып келе жатқан өңірлердің бірі. 2025 жылы жалпы өңірлік өнім көрсеткіші өсіп, бұрынғы оныншы орыннан бесінші орынға көтерілді. Бұл – стратегиялық жоспарлау мен ауыл еңбеккерлерінің маңдай терінің нәтижесі.Ақпарат көзі : https://www.gov.kz/memleket/entities/almobl/press/news/details/1121656?lang=kk

Қонаев қаласында өткен ауыл шаруашылығы күні аясында Алматы облысының агроөнеркәсіптік кешеніндегі негізгі жетістіктері көпшілік назарына ұсынылды. Іс-шарада өңірдің мал және өсімдік шаруашылығындағы жоғары көрсеткіштері, өндіріс көлемі мен инвестициялық жобалар таныстырылды.Мал шаруашылығы саласында облыс бірқатар рекордтық нәтижеге қол жеткізді. Ет өндірісінен республика бойынша бірінші орынға шықты. Құс етін өндіруден екінші, ал жұмыртқа мен сүт өндірісі бойынша төртінші орында тұр. 2025 жылдың он айының қорытындысы бойынша саладағы тұрақты өсім жалғасып келеді.Өсімдік шаруашылығында да оң динамика байқалады. Биыл облыс бойынша 412 мың гектар жерге ауыл шаруашылығы дақылдары себіліп, 2,6 миллион тонна өнім жиналды. Жүгері мен өрік өндіруден өңір республикада бірінші орынға ие болса, алма, алмұрт, соя, жүзім және күріштен – екінші, көкөніс өндірісінен үшінші орында тұр.Егістік алқаптарының тиімділігін арттыру үшін заманауи технологиялар кеңінен енгізілуде. Су үнемдеу технологияларын пайдалану көлемі бір жылда 1,7 есеге артып, 64,9 мың гектарға жеткен. «Assem Kaljat» серіктестігі тамшылатып суару технологиясына 19 миллиард теңге көлемінде инвестиция құйып, жылына 100 мың тонна жүгері өңдейтін зауыт салуды жоспарлап отыр.Өңдеу өнеркәсібінде де ірі жобалар іске асырылуда. Қуаттылығы жылына 1 миллион тоннадан асатын дайын өнім шығаратын «Қапшағай Бидай Өнімдері» кәсіпорны жұмысын бастады. Сонымен қатар «PepsiCo Central Asia» компаниясы 20 мың тонна тұзды жеңіл тағамдар өндіретін зауыттың құрылысын жүргізіп жатыр. «QAZAQ GLOBAL FOOD JV» серіктестігі жылына 80 мың тонна жеміс-көкөніс өңдейтін кәсіпорын салуда. Бұдан бөлек, жылдық қуаттылығы 900 мың тонна болатын жаңа қант зауытының жобасы пысықталуда.Инвестиция көлемі де айтарлықтай артты. 2025 жылдың он айында агроөнеркәсіптік кешенге 111 миллиард теңгеден астам қаржы тартылса, жыл соңына дейін қосымша 23,7 миллиард теңге инвестиция күтілуде. Жалпы құны 33,5 миллиард теңгеге тең 17 инвестициялық жоба жоспарланған, оның сегізі іске асырылған. Ал жалпы құны 1,1 триллион теңгеден асатын 38 ірі жоба өңірлік пулға енгізіліп, нәтижесінде 12 мыңнан астам жаңа жұмыс орны ашылмақ.2025–2026 жылдарға арналған мал азығын дайындау жоспары артығымен орындалды. Жоспарланған 2 941 мың тоннаның орнына 3 101,6 мың тонна азық дайындалып, көрсеткіш 105,5 пайызды құрады. Сонымен қатар, 7,9 миллиард теңгеге 448 ауыл шаруашылығы техникасы сатып алынған.Биылғы басты жетістіктердің бірі – Алматы облысының әлемдік деңгейде танылуы. «Даулет-Бекет» ЖШС бастамасымен 1 мың түйеден құралған керуен өтіп, “Әлемдегі ең үлкен түйе керуені” ретінде Гиннестің рекордтар кітабына ресми түрде енді.Алматы облысының әкімі Марат Сұлтанғазиевтің айтуынша, өңірдің ауыл шаруашылығындағы бүгінгі жетістіктері – жүйелі мемлекеттік қолдау мен еңбек адамдарының тынымсыз жұмысының нәтижесі. «Біздің басты мақсатымыз – агроөнеркәсіп кешенін толықтай қайта өңдеуге бағыттау, экспорттық әлеуетті арттыру және ауыл тұрғындарының табысын көбейту. Алдағы жылдары су үнемдеу технологиялары кеңейіп, жаңа өңдеу кәсіпорындары іске қосылады. Бұл өз кезегінде азық-түлік қауіпсіздігін қамтамасыз етіп қана қоймай, жаңа жұмыс орындарының ашылуына мүмкіндік береді», – деді өңір басшысы.Қорытындылай келе, Алматы облысы агроөнеркәсіптік кешенді дамытуда тұрақты өсім мен жоғары нәтижеге қол жеткізіп отыр. Өндіріс көлемінің артуы, ірі инвестициялық жобалардың жүзеге асуы және халықаралық деңгейде мойындалған жетістіктер өңірдің ауыл шаруашылығы саласындағы әлеуетінің жылдан жылға күшейіп келе жатқанын айқын көрсетті.Ақпарат көзі : https://www.gov.kz/memleket/entities/almobl/press/news/details/1121668?lang=kk

Өзін-өзі жұмыспен қамтығандар үшін қолданылатын қызмет түрлерінің тізбесі бекітілдіӨзін-өзі жұмыспен қамтығандар үшін арнайы салық режимін қолдануға рұқсат етілетін қызмет түрлерінің тізбесі жаңа Салық кодексінің 718-бабы 2-тармағының 1) тармақшасын іске асыру мақсатында әзірленді.Тізбеге ОКЭД-тің 40 қызмет түрі енгізілді.Тізбе Қазақстан Республикасы Үкіметінің 2025 жылғы 21 қарашадағы № 994 қаулысымен бекітілген және 2026 жылғы 1 қаңтардан бастап күшіне енеді.Өзін-өзі жұмыспен қамтығандар үшін арнайы салық режимін қолдануға рұқсат етілетін қызмет түрлерінің тізбесіАқпарат көзі : https://www.gov.kz/memleket/entities/kgd-kostanay/press/news/details/1121615?lang=kk

Құқықтық тәртіп әскерінде асыл тұқымды қызметтік иттердің саны артуда. Биылдың өзінде ҚР ІІМ Ұлттық ұланның 6654 әскери бөліміндегі кинология орталығында асыл тұқымды 42 күшік дүниеге келді. Олардың ішінде бельгиялық, голландық және неміс овчаркалары бар. Бұл күшіктер ел тыныштығын күзетету мақсатында жауынгерлік қызметке үйретілетін болады. Жыл басынан бері асыл тұқымды 12 күшік өзге әскери бөлімдерді толықтыруға жөнелтілді. Қазіргі уақытта кинология орталығында 30-ға жуық күшік өмір сүруде.- Алғашқы 45 күнде күшіктер енесінің сүтімен қоректенеді, кейін құрғақ азыққа көшіріледі. Одан соң оларды қоршаған ортаға бейімдеу жұмысы жүргізіледі. Үш ай толғанда түрлі кедергілер алаңына шығарылады. Бұл кезде олардың есту дағдысын дамыту маңызды, сондықтан әрқайсына есім беріледі. Кейін “отыр”, “тұр”, “жат” секілді пәрмендер үйретіледі. Бұдан кейін тапсырмалар күрделеніп, иіс арқылы зат іздеу кезеңіне өтеді –, деді кинология орталығының офицері майор Жантөре Мендиоразов.Бүгінде Ұлттық ұлан қатарында мыңға жуық қызметтік ит бар. Тек биылғы 10 айда олардың көмегімен 120-дан астам құқықбұзушылық анықталған. Ал кинология орталығында өсіп жатқан қызметтік иттердің жаңа буыны сол тәжірибені жалғастырмақ.Айта кетейік, күшіктерді күтіп-баптау ҚР ІІМ Ұлттық ұланында тұқымды асылдандыру жұмысын ұйымдастыру жөніндегі басшылық бұйрық негізінде жүзеге асырылады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1121590?lang=kk

Қазақстан Республикасы Салық кодексінің 723-бабы 1-тармағының 2) тармақшасына сәйкес Қазақстан Республикасының Үкіметі ҚАУЛЫ ЕТЕДІ: Қоса беріліп отырған оңайлатылған декларация негізінде арнаулы салық режимін қолдануға тыйым салынған қызмет түрлерінің тізбесі бекітілсін. Осы қаулы 2026 жылғы 1 қаңтардан бастап қолданысқа енгізіледі және ресми жариялануға тиіс.Ақпарат көзі : https://www.gov.kz/memleket/entities/kgd-kostanay/press/news/details/1121602?lang=kk

ҚР ІІМ Ұлттық ұланының «Оңтүстік» өңірлік қолбасшылығына қарасты 5513 әскери бөлімінің базасында әскери тәрбиешілерге арналған «Тәрбиеші PRO» мобильді қосымшасы сынақтан өтуде. Бұл цифрлық өнім уақыт пен ресурсты айтарлықтай үнемдеуге, сондай-ақ Ұлттық ұлан Бас қолбасшысы генерал-майор Аңсаған Балтабековтің цифрлық технологияларды құқықтық тәртіп әскерлерінің жауынгерлік қызметіне енгізу жөніндегі тапсырмаларын жүйелі түрде орындауға бағытталған.Жаңа құралды тәжірибеден өткізу мақсатында рота командирлерінің тәрбие және әлеуметтік-құқықтық жұмыстар жөніндегі орынбасарларына салтанатты түрде планшеттер табысталды. Дәл осы санаттағы әскери қызметшілер күн сайын сабақ жоспары, конспектілер дайындауға және оқу материалдарын іздеуге көп уақыт жұмсайды.Мобильді қосымша тәрбие және оқу жұмыстарының барлық үдерістерін жеңілдетіп, бір цифрлық кеңістікте қажетті материалдарға жылдам әрі оңай қол жеткізуді қамтамасыз етеді. Осы саланың мамандары әзірлеген барлық ақпарат біркелкі форматта ұсынады. Бұл сапа мен озық тәсілді сақтай отырып, мерзімді әскери қызметшілерді оқытуға мүмкіндік береді. Сонымен қатар қосымшаны пайдалану қағазбастылықты шамамен 70 пайызға дейін қысқартады.Командирлердің ТжӘҚЖ жөніндегі орынбасарлары мемлекеттік-құқықтық дайындық сабақтарында инновациялық құралды офицерлер, келісім шарт бойынша әскери қызметшілер және мерзімді әскери қызметшілермен жұмыс барысында белсенді қолдана бастады.Ал Ұлттық ұланның түрлі санаттағы әскери қызметшілері үшін қосымша қызметтен тыс уақытта мемлекеттік-құқықтық дайындық тақырыптарын өз бетінше оқуға және конспект жасауға, жедел түрде құқықтық онлайн-кеңестер алуға, сондай-ақ Ұлттық ұландағы қызметті реттейтін нормативтік-құқықтық құжаттармен танысуға мүмкіндік береді.Push-хабарламасы бар қосымшаның ыңғайлы интерфейсі екі тілде әзірленіп, планшет пен смартфонға бірдей бейімделген. Сондай-ақ конспектілер, слайдтар мен бейнематериалдарды портативті проекторлар мен Smart TV-де көрсету функциясы оқу үдерісін көрнекі әрі заманауи етеді.«Тәрбиеші PRO» мобильді қосымшасы – тәрбие жұмысын цифрландыру бағытындағы маңызды қадам. Бұл қосымшада қолайлылық, тиімділік пен бақылаудың мүмкіндіктері бірыңғай цифрлық форматқа біріктірілген. Пилоттық жоба сәтті жүзеге асқан жағдайда, бұл тәжірибе Ұлттық ұланның барлық әскери бөлімдеріне таратылатын болады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1121604?lang=kk

Қоғамда әрбір жастың әлеуетін ашып, олардың шығармашылығын шыңдау мемлекеттік жастар саясатының басым бағыттарының бірі. Осы орайда, Алматы облысы Жастар ресурстық орталығының бастамасымен ерекше қажеттілігі бар жастарға арналған «Samga» облыстық өнер байқауы ұйымдастырылды.Аталған жоба шығармашылыққа құштар, мүмкіндігі шектеулі болса да арманы шексіз жастардың басын қосып, олардың өнерін көпшілікке танытуға мүмкіндік берген бірегей алаң болды. Байқаудың басты мақсаты ерекше жастардың шығармашылық әлеуетін ашу, жаңа мүмкіндіктер беру және белсенді болуға деген ұмтылысын қолдау.Алғаш рет өткізілген байқау екі кезең бойынша өтті: қолөнер және сахналық өнер. Облыстың әр ауданынан жиналған 12 команда өз өнерлерін ортаға салып, көрерменнің ыстық ықыласына бөленді. Қатысушылар қолдан жасаған бұйымдар, ұлттық нақыштағы кәдесыйлар, ән, би және театрланған көріністер арқылы өздерінің шексіз таланты мен табандылығын дәлелдеді.Шара соңында қатысушылар мен көрермендердің көңілі толқып, көздерінде қуаныш пен алғыс ұшқыны байқалды. Ұйымдастырушылардың айтуынша, бұл байқау жыл сайын тұрақты түрде өткізіліп, қамтылатын жастар ауқымын кеңейтуді жоспарлап отыр.Жеңімпаздарға қаржылай сыйлықтар мен естелік марапаттар, ал барлық қатысушыларға ынталандыру сертификаттары табысталды.Байқау қорытындысы бойынша командалық есепте I орынды – Жамбыл ауданының «Rakhym» тобы иеленді, II орын – Алатау қаласының «Алатау гүлдері» тобына бұйырды, III орынды – Қонаев қаласының «Қамқор жүрек» тобы еншіледі.«Samga» - тек өнер сайысы емес, бұл өмірге деген құлшынысты, арманға деген сенімді ұлықтаған жоба. Ерекше жастарға сенім сыйлап, қоғаммен біте қайнасып өмір сүруіне жағдай жасау баршамыздың ортақ міндетіміз.Ақпарат көзі : https://www.gov.kz/memleket/entities/almobl/press/news/details/1121606?lang=kk

2025 жылғы 8 желтоқсан күні аудандық мәслихатының тұрақты комиссиясының отырысы депутат Б.Гадельшиевтің төрағалығымен өтті. Отырысқа мәслихат төрағасы К.Ермекбаев, аудан әкімінің орынбасары Д.Имашев, бөлім басшылары қатысты. Аудандық бюджеттің нақтылауы бойынша экономика және қаржы бөлімінің басшысы Г.Шамғонова баяндама жасады. Мәслихат депутаттары бюджетке қатысты сұрақтар қойып, жауаптар алды. Күн тәртібіндегі мәселелер кезектен тыс сессиясында қарауға ұсынылды.Ақпарат көзі : https://www.gov.kz/memleket/entities/burlin-maslihat/press/news/details/1121580?lang=kk

        2026 жылғы 1 қаңтардан бастап жаңа Салық кодексінің қолданысқа енгізілуіне байланысты «Баұыланатын шетелдік компанияға қатысу (бақылау) өтінімнің нысанын бекіту туралы» Қазақстан Республикасы Қаржы министрінің 2018 жылғы 5 наурыздағы № 334 бұйрығы қайта бекітілді.      Сонымен бірге, бұйрық салық төлеуші-резидентті тікелей немесе жанама, не акцияларын конструктивті иеленуші немесе бақыланатын шетелдік компанияда тікелей немесе жанама, конструктивті бақылауы бар деп тану туралы шешімнің жаңа нысанымен толықтырылды.     Бұл нысанды салық органдары резидентті тікелей, жанама немесе конструктивті үлесті иеленуші деп таныған кезде немесе резидент бақыланатын шетелдік компанияға тікелей, жанама немесе конструктивті бақылауы бар деп танылған кезде толтырады. Осы шешім қабылданған күннен бастап үш жұмыс күнінен кешіктірмей салық төлеушіге жіберіледі.      Салық төлеуші жоғарыда аталған шешімді алғаннан кейін және шешімде көрсетілген мәліметтермен келіссе бақыланатын шетелдік компанияға қатысуға (бақылауға) өтініш беруге міндетті.     Салық органының шешімімен келісілген жағдайда, салық төлеуші осындай шешімді уәкілетті органға алған күннен бастап 15 жұмыс күніннен кешіктірмей осы шешімге шағым жасауға құқылы. Ақпарат көзі : https://www.gov.kz/memleket/entities/kgd/press/news/details/1121582?lang=kk

        Қазақстан Республикасы Қаржы министрінің 2025 жылғы 24 қыркүйектегі №530 «Мемлекеттік кірістер органы шешімдерінің және өзара келісу рәсімі мәселесі бойынша өтініштердің нысанын бекіту туралы» бұйрығы Қазақстан Республикасы Салық кодексінің 232 - бабын, 49-бабының 4-тармағын және 113-бабының 2-тармағын (бұдан әрі-бұйрық) іске асыру мақсатында бекітілген.         Бұйрықта өзара келісу рәсімі шеңберінде пайдаланылатын құжаттардың нысандары, атап айтқанда салық төлеушінің өтініші және Мемлекеттік кірістер органының шешімдері белгіленген. Осы нысандарды бекіту Уағдаласушы Мемлекеттердің құзыретті органдары арасындағы салық дауларын реттеу мүмкіндігін көздейтін Қазақстан Республикасы Салық кодексінің және қосарланған салық салуды болдырмау туралы халықаралық шарттардың ережелерін іске асыруға бағытталған.       Бұйрық салық төлеушілер үшін де, мемлекеттік кірістер органдары үшін де құқықтық сенімділікті қамтамасыз етуге, қосарланған салық салу тәуекелдерін азайтуға және трансшекаралық салық дауларын шешу кезінде әкімшілік кедергілерді жоюға бағытталған   Ақпарат көзі : https://www.gov.kz/memleket/entities/kgd/press/news/details/1121574?lang=kk

Соңғы жылдары облыс негізгі даму бағыттары бойынша тұрақты әрі оң динамика көрсетіп келеді. Жалпы өңірлік өнім үш жыл ішінде 18,8%-ке өсіп, 2022 жылғы 4,2 трлн теңгеден 2024 жылы 5 трлн теңгеге жетті. Бұл – өңір экономикасының кеңейіп, өндірістік әлеуетінің артып келе жатқанын айқын дәлелдейді.Өңдеу өнеркәсібі де жоғары өсім қарқынын сақтап отыр. Саладағы өндіріс көлемі 2022 жылы 1,6 трлн теңгеден 2024 жылы 2,1 трлн теңгеге дейін көбейіп, 28%-тік өсімге қол жеткізді. Бұл өңірде индустриялық жаңғырту жұмыстарының тиімді жүріп, экспорттық мүмкіндіктердің күшейіп келе жатқанын көрсетеді.Инвестициялық ахуал да жақсарып келеді. Өңірге жалпы сомасы 1,5 млрд АҚШ доллары көлемінде тікелей шетелдік инвестиция тартылды. 2023 жылы бұл көрсеткіш 397,8 млн долларды, 2024 жылы 402,2 млн долларды құраса, 2025 жылы 667,5 млн доллар тарту жоспарланып отыр. Шетелдік инвесторлардың қызығушылығы облыстың инвестициялық тартымдылығының артқанын айғақтайды.Еңбек өнімділігі де өсу үстінде. 2022 жылы бір жұмысшыға шаққанда 8 млн теңге болған көрсеткіш 2024 жылы 10,2 млн теңгеге дейін өсіп, 28%-тік артуды қамтамасыз етті.Өңір бюджеті де айтарлықтай ұлғайды: 2022 жылғы 441,8 млрд теңгеден 2025 жылы 686,6 млрд теңгеге дейін өсіп, шамамен 1,6 есеге артты. Бұл әлеуметтік саланы, инфрақұрылымды және маңызды инвестициялық жобаларды қаржыландыру мүмкіндігін кеңейтеді.Көлік-логистикалық кешен: өңірдің жаңа өсім нүктесіӨңірдің алдағы дамуына серпін беретін негізгі бастамалардың бірі — құны 63,8 млрд теңге болатын заманауи халықаралық көлік-логистикалық кешеннің құрылысы. Бүгінде нысанда қарқынды құрылыс-монтаж жұмыстары жүргізіліп, жетекші мердігер ұйымдар жаңа технологиялар мен тиімді логистикалық шешімдерді енгізуде.Кешен жылына 400 мың контейнерге дейін немесе 11 млн тоннадан астам жүкті өңдеуге мүмкіндік береді. Нысан іске қосылғаннан кейін өңірдегі жүк айналымы 20%-ке артады деп күтілуде. Бұл облыстың халықаралық көлік дәліздеріндегі рөлін күшейтіп, оның Еуразия кеңістігіндегі транзиттік маңызын арттыра түседі.Жоба жаңа жұмыс орындарын ашып, инвесторлар үшін өңірдің тартымдылығын күшейтеді әрі өнеркәсіп, сауда және қызмет көрсету салаларының дамуына қосымша серпін береді.Ақпарат көзі : https://www.gov.kz/memleket/entities/kostanay/press/news/details/1121576?lang=kk

        «Қазақстан Республикасындағы төлем көзінен ұсталған табыс салығына байланысты кейбір мәселелер туралы» Қазақстан Республикасы Қаржы министрінің 2025 жылғы 12 қарашадағы № 694 бұйрығы (бұдан әрі -  Бұйрық) Қазақстан Республикасы Салық кодексінің 49-бабы 4-тармағының төртінші бөлігін, 113-бабының 4-тармағын, 699, 700, 701 және 703-баптарын, "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасын орындау аясында қабылданды, атап айтқанда келесі мемлекеттік қызметтерге қатысты:төлем көзінен ұсталған табыс салығын қайтару;Қазақстан Республикасындағы көздерден алынған кірістердің және ұстап қалған (төленген) салықтардың сомасы туралы анықтама беру.      Бұйрық салық төлеушілердің (салық агенттерінің) мемлекеттік кірістер органдарымен өзара іс-қимылын реттейтін төлем көзінен ұсталған табыс салығын қайтару, сондай-ақ Қазақстан Республикасындағы көздерден алынған кірістердің және ұстап қалған (төленген) салықтардың сомасы туралы анықтама беру тәртібін айқындайды.     Бұйрықпен қосарланған салық салуды болдырмау туралы халықаралық шарттың негізінде төленген табыс салығын бюджеттен қайтаруға салықтық өтінішінің (бұдан әрі – қайтаруға өтініш), Қазақстан Республикасындағы көздерден алынған кірістері және ұстап қалған (төленген) салықтардың сомасы туралы анықтаманы алуға салықтық өтінішінің (бұдан әрі – анақытаманы алуға өтініш), қайтаруға өтінішті қараудан бас тарту туралы шешімнің және қайтаруға өтінішті қарау нәтижесі бойынша шешімдердің, «Қазақстан Республикасындағы көздерден алынған кірістердің және ұстап қалған (төленген) салықтардың сомасы туралы анықтама беру» мемлекеттік қызмет көрсетуден уәжді бас тарту нысандарының және мемлекеттік қызмет көрсетулердің қағидалары бектілген.     Бұйрық мемлекеттік қызметтер көрсету рәсімдерінің ашықтығын арттыруға, жоғарыда көрсетілген мемлекеттік қызметтер бойынша салықтық өтініштердің, шешімдердің, уәжді бас тартуды рәсімдеудің біріздендірілген талаптарын қамтамасыз етуге бағытталған. Ақпарат көзі : https://www.gov.kz/memleket/entities/kgd/press/news/details/1121565?lang=kk