Вена, 2025 жылғы 15–16 шілде – Қазақстан делегациясы Аустрияға племиялық жұмыс саласындағы әріптестікті дамыту және симменталь (Fleckvieh) ірі қара тұқымын өсіру бойынша озық тәжірибемен танысу мақсатында сапар жасады.Делегация құрамына Республикалық сүтті және аралас тұқымды ІҚМ палатасының атқарушы директоры Азамат Сагинбаев, Жәңгір хан атындағы Батыс Қазақстан аграрлық-техникалық университетінің ғылым жөніндегі проректоры, биология ғылымдарының докторы Алжан Шамшидин, сондай-ақ Мал шаруашылығы және ветеринария ғылыми-өндірістік орталығының директоры Ануарбек Бисембаев кірді.Қазақстандық мамандар Аустрияның жетекші мал шаруашылығы одақтарын біріктіретін „Fleckvieh Austria“ ұйымының басшылығымен кездесті. Келіссөздер ұйым президенті Себастьян Ауэрниг пен атқарушы директор Райнгард Пфлегермен өтті. Кездесу барысында тараптар Fleckvieh тұқымын бағалау әдістерін, племдік құжаттаманың ерекшеліктерін және ынтымақтастықтың келешегін талқылады.Кездесу қорытындысы бойынша екі өзара түсіністік туралы меморандумға қол қойылды: бірі – „Fleckvieh Austria“ мен Республикалық сүтті және аралас тұқымды ІҚМ палатасы арасында, екіншісі – осы аустриялық ұйым мен Жәңгір хан атындағы БҚАТУ арасында. Бұл келісімдер мал шаруашылығы, кадрлар даярлау және заманауи еуропалық тәжірибелерді қазақстандық фермаларға енгізу салаларында ұзақ мерзімді ынтымақтастыққа жол ашады.Ақпарат көзі : https://www.gov.kz/memleket/entities/mfa-vienna/press/news/details/1036509?lang=kk

Дуйсбург, 2025 жылғы 16 шілде – Солтүстік Рейн – Вестфалия федералдық жеріндегі Дуйсбург қаласында 2025 жылғы Рейн-Рур жазғы Универсиадасының салтанатты ашылу рәсімі өтті. Ашылу шарасына Қазақстан Республикасының Майндағы Франкфурт қаласындағы Бас консулдығы қатысты.Қазақстан делегациясын Қазақстан Республикасының Ғылым және жоғары білім вице-министрі Талғат Ешенқұлов пен Қазақстан Ұлттық спорт федерациясының Президенті Қайрат Закирьянов бастап барды.Халықаралық университеттік спорт федерациясы (FISU) Германия үкіметімен және Солтүстік Рейн – Вестфалия билігімен бірлесе ұйымдастырған бұл халықаралық спорт додасы 2025 жылғы 16–27 шілде аралығында Рейн-Рур аймағының бірнеше қаласында өтеді. Универсиадаға әлемнің 150-ден астам елінен 10 мыңнан аса студент-спортшы қатысуда.Қазақстан Республикасының студенттер құрамасы жеңіл атлетика, дзюдо, жүзу, таэквондо, семсерлесу, садақ ату және үстел теннисі сынды бірқатар спорт түрлері бойынша ел намысын қорғайды.Ресми іс-шаралар аясында Қазақстан Республикасының Майндағы Франкфурт қаласындағы Бас консулы Таубалды Умбетбаев қазақстандық делегацияға қолдау білдіріп, өз сөзінде студент жастардың халықаралық спорт аренасындағы белсенділігінің маңызын атап өтті. Ол мұндай аламандардың екіжақты гуманитарлық ынтымақтастықты тереңдетуге, өзара түсіністік пен ынтымақты нығайтуға, сондай-ақ жаһандық деңгейде спорттық дипломатияны дамытуға зор үлес қосатынын жеткізді.Қазақстан Республикасының Майндағы Франкфурт қаласындағы Бас консулдығы алдағы уақытта да шетелдегі қазақстандық жастарды қолдауға басымдық бере отырып, елдің халықаралық беделін арттыруға, мәдени-гуманитарлық байланыстарды кеңейтуге және білім, мәдениет мен спорт салаларындағы ынтымақтастықты дамытуға үлес қосуын жалғастырады.Ақпарат көзі : https://www.gov.kz/memleket/entities/mfa-frankfurt/press/news/details/1036521?lang=kk

Лондон, 2025 жылғы 14 шілде – Ұлыбритания Парламентінде Орталық Азия елдерімен ынтымақтастық жөніндегі жаңадан құрылған Жалпыпартиялық парламенттік топтың (ЖППТ) инаугурациялық отырысы өтті.ЖППТ – Ұлыбритания парламенттік дипломатиясының маңызды механизмі, олар халықаралық ынтымақтастықты нығайтуға, партияаралық диалогты дамытуға және парламент деңгейінде сыртқы саясатқа тұрақты қызығушылық қалыптастыруға ықпал етеді. Бұл топтар сыртқы саясат стратегиясын әзірлеуге тікелей қатыспағанымен, олардың қызметі жекелеген елдермен және өңірлермен қарым-қатынас орнатудағы тәсілдер мен басымдықтардың қалыптасуына әсер етеді.Топ төрайымы болып Лейбористік партияның депутаты Пэм Кокс сайланды. Оның құрамына Ұлыбритания Парламентінің екі палатасынан түрлі саяси партиялардың өкілдері кірді.ЖППТ-ның құрылуы британ парламентшілерінің бай тарихы, серпінді дамуы және өзара тиімді ынтымақтастық үшін елеулі әлеуеті бар Орталық Азия өңіріне деген қызығушылығының артып келе жатқанын көрсетеді. Бұл ретте Ұлыбританияның Орталық Азиядағы негізгі стратегиялық серіктесі – Қазақстан. Атап айтқанда, өткен жылдың сәуір айында Қазақстан өңір елдері арасында алғашқы болып Ұлыбританиямен өзара іс-қимылдың кең ауқымды салаларын қамтитын Стратегиялық серіктестік пен ынтымақтастық туралы маңызды келісімге қол қойды.Отырыста қатысушылар топтың болашақтағы қызметінің басым бағыттарын талқылады, олардың қатарында саяси және парламентаралық ынтымақтастықты дамыту, сауда-экономикалық және инвестициялық ынтымақтастықты қолдау, соның ішінде энергетика, білім беру, климаттың өзгеруімен күрес, орнықты жеткізу тізбектері мен көлік дәліздері, гуманитарлық және мәдени ынтымақтастық, сондай-ақ тақырыптық брифингтерді өткізу мәселелері бар.Ынтымақтастық тобының құрылуы Ұлыбритания мен Орталық Азия елдері арасындағы парламентаралық диалогты институционализациялаудың маңызды қадамына айналды және пікірлер мен бастамалармен конструктивті алмасуға арналған жаңа алаң болады. Сондай-ақ өңірлік диалогты жандандырудың маңыздылығын айқындай отырып, жаһандық тұрақтылық, энергетикалық қауіпсіздік және экономикалық байланыстарды кеңейту тұрғысынан оның стратегиялық маңызын атап көрсетті.Ақпарат көзі : https://www.gov.kz/memleket/entities/mfa-london/press/news/details/1036522?lang=kk

Афина қаласы, 2025 жылғы 17 шілде — Қазақстан Республикасының Грекия Республикасындағы Елшісі Тимур Сұлтанғожин Грекия Сыртқы істер министрлігінің Дипломатиялық академиясының директоры, Елші Майкл-Христос Диамессиспен кездесу өткізді.Кездесу барысында тараптар Қазақстан мен Грекияның сыртқы істер министрліктері арасында 2022 жылы Астана қаласында қол қойылған өзара түсіністік туралы Меморандум аясында дипломатиялық кадрларды даярлау және кәсіби алмасу саласындағы екіжақты ынтымақтастықтың өзекті мәселелерін талқылады.Әсіресе, академиялық бағдарламаларды ұйымдастыру тәжірибесімен алмасу, сондай-ақ екі елдің дипломатиялық академияларының құрылымы мен функцияларын қарастыру мәселелеріне ерекше назар аударылды. Елші Қазақстан Республикасындағы кәсіби оқыту жүйесінде жүзеге асырылып жатқан реформалар мен жаңа тәсілдерге тоқтала отырып, қазақстандық дипломаттарды даярлаудың негізгі аспектілері туралы баяндады.Тараптар институционалдық ынтымақтастықты одан әрі нығайтуға мүдделілік танытып, өзара тағылымдамалар ұйымдастыру, шақыртылған дәрістер өткізу, дөңгелек үстелдер мен өзге де білім беру іс-шараларын өткізу мүмкіндіктерін қарастыруға уағдаласты.Кездесу қорытындысы бойынша тараптар қол жеткізілген келісімдер Қазақстан мен Грекияның дипломатиялық қызметтері арасындағы екіжақты қатынастарды нығайтуға және тұрақты кәсіби байланыстарды дамытуға септігін тигізетініне сенім білдірді. Қазақстан Республикасының Грекиядағы ЕлшілігіАқпарат көзі : https://www.gov.kz/memleket/entities/mfa-athens/press/news/details/1036489?lang=kk

2025 жылғы 17 шілдеде НҚА ашық деректер интернет-порталында (https://legalacts.egov.kz/npa/view?id=15555638) «Қазақстан Республикасы Үкіметінің кейбір шешімдерінің күші жойылды деп тану туралы» Үкімет қаулысының жобасы (бұдан әрі – жоба) орналастырылды.Жоба «Қазақстан Республикасының кейбір заңнамалық актілеріне Астана мен Республикалық маңызы бар қалаларды, ұлттық жобаларды, кәсіпкерлікті дамыту және мемлекеттік органдардың функцияларын оңтайландыру мәселелері бойынша өзгерістер мен толықтырулар енгізу туралы» Қазақстан Республикасының Заңы шеңберінде іске асырылды.Осы жобамен Қазақстан Республикасы Үкіметінің 2016 жылғы 14 наурыздағы № 137 қаулысы «Құқық қорғау, арнаулы мемлекеттік және өзге де органдардың ақпарат алмасу жүйесімен интеграцияланатын интернет-ресурстар мен ақпараттық жүйелердің тізбесін бекіту туралы», сондай-ақ оған өзгерістер және (немесе) толықтырулар енгізілген Қазақстан Республикасы Үкіметінің шешімдері жойылуға қойылады.Бұйрық жобасының жария талқылауы 10 жұмыс күні ішінде жүргізіледі.Ақпарат көзі : https://www.gov.kz/memleket/entities/pravstat/press/news/details/1036388?lang=kk

Мәдениеттің дамуы — аймақтың рухани және әлеуметтік болашағына қосқан үлесі**Қостанай облысының әкімдігінде өңір әкімі Құмар Ақсақаловтың төрағалығымен мәдениет саласындағы мемлекеттік саясатты іске асыру мәселелеріне арналған отырыс өтті. Қатысушылар халықтың мәдени ресурстарға қолжетімділігін кеңейту, инфрақұрылымды жаңғырту, халық шығармашылығын қолдау және тарихи-мәдени мұраны қорғау мәселелерін талқылады.* Мыржақып Дулатовтың мерейтойы-бүкіл ел үшін маңызды күн*2025 жылы Қостанай облысы көрнекті қоғам қайраткері, ағартушы, ақын және жазушы Мыржақып Дулатовтың туғанына 140 жыл толады. Облыс әкімі мерейтойға ең жоғары деңгейде дайындалу қажеттігін ерекше атап өтіп, тиісті құрылымдарға барлық іс-шараларды сапалы әрі мазмұнды ұйымдастыруды тапсырды.* Мәдениет ұрпақты байланыстырушы буын ретінде*- Мәдениет-бұл ғимараттар мен мекемелердің жиынтығы ғана емес. Бұл ұлттық бірегейлікті қалыптастырудың негізгі элементі, диалог пен қоғамдық келісімнің маңызды құралы. Ол жастарды тәрбиелеуде, шығармашылық қабілеттерін дамытуда және моральдық бағдарларды нығайтуда маңызды рөл атқарады, - деп атап өтті Құмар Ақсақалов.Ол сондай — ақ мәдени саясат тек рухани миссия ғана емес, сонымен қатар экономикалық өсуге ықпал ететін практикалық механизм: туризмді дамыту, инвестицияларды тарту және шығармашылық индустрияларды қолдау арқылы екенін айтты.Ақпарат көзі : https://www.gov.kz/memleket/entities/kostanai-kamysty-klochkov/press/news/details/1036393?lang=kk

Түзетулердің бірінші блогы елорда мен республикалық маңызы бар қалаларды дамытуға бағытталды.Түзетулердің екінші блогы жер заңнамасының жекелеген мәселелерін реттеуді көздейді.Түзетулердің үшінші блогы шетелдіктерді тіркеу институтын енгізу үшін қабылданды.Түзетулердің төртінші блогы кеден мәселелерін реттеуге бағытталған.Түзетулердің бесінші блогы мемлекеттік басқару деңгейлері арасындағы өкілеттіктерді орталықсыздандыру, сондай-ақ нормаларды артық заңнамалық регламенттеуді болдырмау үшін енгізіліп отыр.Түзетулердің алтыншы блогы жылу, энергия және судың үздіксіз берілуін қамтамасыз ету үшін кезек күттірмейтін инфрақұрылымдық проблемаларды шешу мақсатында энергетикалық және коммуналдық секторларды жаңғырту жөніндегі ұлттық жобаны іске асырумен байланысты.Түзетулердің жетінші блогы мемлекеттік аудит процесін жетілдіру үшін енгізілді.Түзетулердің сегізінші блогы бағалау қызметі туралы заңнаманы жетілдіруге бағытталған.Заңның мәтіні баспасөзде жарияланады.https://www.akorda.kz/kz/memleket-basshysy-kazakstan-respublikasynyn-keybir-zannamalyk-aktilerine-astanany-zhane-respublikalyk-manyzy-bar-kalalardy-ulttyk-zhobalardy-damytu-kasipkerlik-zhane-memlekettik-organdardyn-funkciyalaryn-ontaylandyru-maseleleri-boyynsha-ozgerister-men-tolb  https://www.gov.kz/memleket/entities/economy/press/news/details/1036361?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1036510?lang=kk

2025 жылғы 17 шілдеде НҚА ашық деректер интернет-порталында (https://legalacts.egov.kz/npa/view?id=15555660) ««Әкімшілік іс жүргізулердің бірыңғай тізілімін жүргізу қағидаларын бекіту туралы» Қазақстан Республикасы Бас Прокурорының міндетін атқарушының 2020 жылғы 10 шілдедегі № 85 бұйрығына өзгерістер мен толықтыру енгізу туралы» Бас Прокурордың бұйрығының жобасы орналастырылған.Осы жобамен салынған әкімшілік жазаларға шағымдану тәртібі оңайлатылды, ақпараттық есепке алу құжаты ӘҚБтК-нің 851-1-бабының тәртібімен «қоғамдық жұмыстар» (әкімшілік жазаның жаңа түрі), «ұсыныс енгізілді», «наразылық» деректемелерімен толықтырылды.Бұйрық жобасының  жария талқылауы 10 жұмыс күні ішінде жүргізіледі.  Ақпарат көзі : https://www.gov.kz/memleket/entities/pravstat/press/news/details/1036373?lang=kk

2025 жылғы 17 шілдеде НҚА ашық деректер интернет-порталында (https://legalacts.egov.kz/npa/view?id=15555644) «Құқық қорғау, арнаулы мемлекеттік және өзге де органдардың ақпарат алмасу жүйесімен интеграцияланатын интернет-ресурстар мен ақпараттық жүйелердің тізбесін бекіту туралы»  Қазақстан Республикасы Бас прокурорының бұйрығының жобасы (бұдан әрі – жоба) орналастырылды.Жоба «Қазақстан Республикасының кейбір заңнамалық актілеріне Астана мен Республикалық маңызы бар қалаларды, ұлттық жобаларды, кәсіпкерлікті дамыту және мемлекеттік органдардың функцияларын оңтайландыру мәселелері бойынша өзгерістер мен толықтырулар енгізу туралы» Қазақстан Республикасының Заңы шеңберінде іске асырылды.Жобаларда құқық қорғау, арнаулы мемлекеттік және өзге де органдардың ақпараттық алмасу жүйесімен интеграцияланатын интернет-ресурстар мен ақпараттық жүйелердің Тізбесін бекіту туралы функцияны Үкіметтен Бас Прокурорға беру көзделген.Бұйрық жобасының жария талқылауы 10 жұмыс күні ішінде жүргізіледі. Ақпарат көзі : https://www.gov.kz/memleket/entities/pravstat/press/news/details/1036381?lang=kk

Шығыс Қазақстан облысының әкімі Нұрымбет Сақтағанов Самар ауданының кәсіпкерлермен өзара іс-қимылын әлеуметтік бастамаларды іске асыруға бизнес өкілдерінің белсенді қатысуының оң үлгісі ретінде атап өтті.«Туған жерін ұмытпай, жергілікті халықты тарту арқылы жобаларды жүзеге асырып, ауыл тұрғындарын жұмыспен қамтып жүрген кәсіпкерлер – өңірді дамытуға жауапкершілікпен қараудың жарқын үлгісі. Мұндай бастамалар қолдауға ие болып, өзгелерге үлгі болуы тиіс», – деп атап өтті аймақ басшысы.Осылайша, BI Group компаниясының басшысы, кәсіпкер Айдын Рахимбаевтың бастамасымен Самар ауданына қарасты туған ауылы Кұлынжонда білім беру саласын дамытуға қаражат салынды. Мұнда жаңа форматтағы заманауи мектеп бой көтерді. Бүгінде мұнда білікті ұстаздар жұмыс істейді, ал білім беру процесіне шетелдік мамандар да тартылған.Бұл білім ордасы жай ғана мектеп емес, балабақша, спорт секциялары, балалар мен жастарға арналған демалыс және қарым-қатынас алаңдары бар шынайы комьюнити-орталыққа айналды. Жыл соңына дейін спорт блогының құрылысы аяқталады деп күтілуде.Компания жүзеге асырған бұл жоба — жайлы, технологиялық, ашық әрі дамушы ауыл мектебінің үлгісі. Мұндай нысандар ауылдағы өмір сапасын арттырып, тұрақты орта қалыптастыруға, жастардың туған жерінде қалуына ықпал етеді. Сондай-ақ BI Group компаниясы бұл бастаманы кеңейтуге дайын екенін білдіріп, оқушыларға арналған жатақхана салу және Бастаушы ауылындағы мектепті қайта жаңғырту жоспарын ұсынды. Аймақ басшысы аталған мектепті заманауи талаптарға сай, барынша жайлы ету мүмкіндігін жан-жақты қарастыруды тапсырды.Ақпарат көзі : https://www.gov.kz/memleket/entities/vko-samar/press/news/details/1036329?lang=kk

2025 жылғы 2-3 шілдеде Риддер қалалық аумақтық сайлау комиссиясының мүшелері Ұлан ауданында «Сайлау заңнамасы. Аудандық маңызы бар қала, ауыл, кент, ауылдық округ әкімінің сайлауы» атты көшпелі семинарға қатысты.Семинар қатысушыларын Ұлан ауданы әкімінің аппараты басшысы Кумаров Е.Б. жылы лебізбен қарсы алды.Семинарды Шығыс Қазақстан облыстық аумақтық сайлау комиссиясының төрағасы Бичуинов К.К. ашты.Бағдарлама аясында аумақтық сайлау комиссиялары төрағаларының баяндамалары тыңдалды. Ұлан аудандық сайлау комиссиясының төрайымы Кумарова А.Т. «Ұлан аудандық сайлау комиссиясының тиімді жұмыс істеуінің бенчмаркингі» тақырыбында баяндама жасады.Риддер қалалық сайлау комиссиясының төрайымы Агешкина Е.В. «Риддер қаласының білім беру ұйымдары қызметкерлері, студенттері мен оқушылары арасында сайлау кезеңінде азаматтық белсенділікті арттыру әдістері» тақырыбында сөз сөйлеп, жастармен жұмыс істеу тәжірибесімен бөлісті.Шығыс Қазақстан облыстық сайлау комиссиясы мүшелері мазмұнды оқыту бағдарламасын ұсынды.ОАСК төрағасы Бичуинов К.К. ауылдық округтер әкімдерін сайлау науқанының ұйымдастырылуы жөнінде баяндап, сайлау комиссиялары жұмысының кейбір өзекті мәселелеріне тоқталды. Комиссия жұмысындағы кейбір проблемалық мәселелерді талқылауға ерекше назар аударылды.Орузбаева А.Т. азаматтардың өтініштерімен жұмыс істеудің маңыздылығына назар аударып, жеке және заңды тұлғалардың өтініштерін қарау – кез келген ұйым жұмысының маңызды бағыты екенін атап өтті. Сонымен қатар ӘҚБтК-нің (Әкімшілік құқық бұзушылықтар туралы кодекс) тиісті баптарымен таныстырды.Кудайбергенов Е.С. сайлау заңнамасына қатысты құқықтық құжаттар орналастырылған, облыстағы барлық аумақтық комиссиялар жөніндегі мәліметтер жинақталған, өзара байланыс орнатып, оқыту мен тестілеуден өтуге мүмкіндік беретін авторлық онлайн-платформасын таныстырды.ОТИК мүшелері «Шығыс сайлауы» атты интеллектуалды ойын ұйымдастырып, кәсіби жағдайларға негізделген кейстік тапсырмаларды талдады. Қатысушылар алдын ала командаларға бөлініп, сайлау заңнамасын білу деңгейін көрсетіп, топтық жұмыс дағдыларын көрсетті. Тапсырмалар ұжымда бірлесе талқыланып, шешімдер командалық түрде қабылданды.Семинар соңында барлық қатысушылар Қазақстан Республикасының сайлау заңнамасы бойынша тест тапсырып, өздерінің кәсібилігі мен құзыреттілігін растады.Семинар қорытындысында қатысушылардың тапсырмаларды қаншалықты сәтті орындағаны сараланып, ең тиімді шешімдер мен нәтижелі әрекеттер талқыланды. Қандай дағдылар жақсы дамығаны және қандай салаларда әлі де жетілдіру қажет екендігі анықталды.Барлық қатысушылар бұл семинардан кәсіби дамуға бағытталған маңызды тәжірибе алып, алдағы жұмыстарына тың серпін алды.Ақпарат көзі : https://www.gov.kz/memleket/entities/vko-ridder/press/news/details/1036235?lang=kk

30 маусым күні №35 мекемеде жазғы спартакиада шынайы жауынгерлік матчпен басталды!ТЧЭ-14 және сотталғандар командасында әрқайсысында 10 ойыншы шығып, 2 таймтан — әрқайсысы 25 минуттан ойнады. Есеп — 11:10, ТЧЭ-14 пайдасына.Матч — тек голдар мен есеп емес, ол шынайы эмоциялар, жігер мен құрметтің шайқасы болды. Бір ойыншының соңғы минуттағы шешуші голы залды дүр сілкіндіріп, трибунадағы 100 көрермен дүркіреген қолдауды аямады.«Бұл маған жаңа өмірге бастау болды», — деді сотталғандардың бірі. Спорт — бұл мүмкіндіктердің және үміттің символы.Мұнда жеңіске тек команда емес, адам жетеді — өзіне, өткеніне және болашағына қарсы тұрып.Спорт — бұл жүректің оты, рухтың жеңісі, өмірдің жаңаруы!Ақпарат көзі : https://www.gov.kz/memleket/entities/duiskaraganda/press/news/details/1036181?lang=kk

Гвардейск гарнизонының инженерлік-саперлік полкінде егіз ағайынды – Ерзат пен Бекзат Жүнісовтар әскери борышын өтеп жүр. Бозбалалар биыл көктемде Шымкент қаласынан әскерге алынған. Армияға дейін олар колледжде білім алған. Біреуі автомеханик, екіншісі автослесарь маманы болып шықты. Отан алдындағы азаматтық борышын өтеп жүрген Ерзат БАТ-2 жолсерігінің механик-жүргізушісі қызметін атқарса, ал Бекзат сапер ісін үйренді.Ерзат бастапқыда өзінің әскерге барғысы келмегенін айтып қалды. Ағайындыларды, егер екеуі де әскерге барса, анасы жалғыз қалып, күнде күтіп, екеуін бірдей уайымдайтыны алаңдатты. Алайда қазір өткенге көз жүгіртіп, дұрыс таңдау жасағанын түсінеді. Гвардейск гарнизонының сапер полкіне келгеннен кейін ол БАТ-2 механик-жүргізушісі болып тағайындалып, осындай сирек кездесетін және маңызды кәсіпті меңгергеніне қуанышты.Егіздер біріне әскерге шақырту келгенде, екіншісі де сыңарымен бірге барамын деп шешім қабылдаған. Бекзаттың айтуынша, армияда мерзімді қызмет өткеру бұрынғы ойлағандай емес екен. Мұнда адам күн сайын жаңа нәрсені меңгеріп, режимге үйреніп, тәртіпке бағынып, жауапкершілікке ие болады. Сонымен қатар, көптеген достар тауып, олар уақыт өте келе жақын бауырыңа айналатынын алға тартады.– Екі ағайынды да өте жауапты, тәртіпті, барлық тапсырманы адал орындайды. Олардың жақсы тәрбие алған, жинақы екенін байқауға болады. Мұндай әскери қызметшілер әрқашан өз жолдастарына үлгі көрсетеді, – деді полктің тәрбие және идеологиялық жұмыс жөніндегі орынбасары майор Ерболат Әлжанов.Ағайынды Жүнісовтардың әскерден нағыз ер азамат болып оралуын туыстары ғана емес, сонымен бірге студенттік кезінен бастап дос болған екі егіз қыз да асыға күтуде. Кездесуді күткен жандардың болуы егіздердің сезімдерін күшейтіп, елге абыроймен қызмет етуге жігер береді.Ақпарат көзі : https://www.gov.kz/memleket/entities/mod/press/news/details/1036171?lang=kk

Мадрид, 2025 ж. 16 шілде – Қазақстанның Испаниядағы Елшісі Д.Мұсаев Мадрид Автономды Қауымдастығының цифрландыру жөніндегі министрі Мигель Лопес Вальвердемен кездесті.Елші жылы қабылдағаны үшін алғыс айтып, Мадридтің цифрлық трансформациядағы, атап айтқанда цифрлық платформалардың іске қосылуы, жасанды интеллектті дамыту және киберқауіпсіздікті күшейтудегі елеулі жетістіктерімен құттықтады.Кездесу барысында тараптар цифрландыру саласындағы екіжақты ынтымақтастықтың ағымдағы жай-күйін талқылады. Елші мадридтік тарапты 2025 ж. 2-4 қазанда Астана қ. өтетін «Digital Bridge-2025» халықаралық форумына қатысуға шақырды. Форумға 100-ден астам елден 10 мыңнан астам делегат пен 1 мың спикер қатысады деп күтілуде.Тараптар практикалық цифрлық ынтымақтастықты дамытуға өзара мүдделілік бар екенін растады.Ақпарат көзі : https://www.gov.kz/memleket/entities/mfa-madrid/press/news/details/1036140?lang=kk

2025 жылғы 17 шілдеде Қазақстан Республикасының Сауда және интеграция министрлігінде мемлекеттік қызметшілер арасында іскери этика, ресми мінез-құлық нормаларын сақтау және сыбайлас жемқорлық құқық бұзушылықтарының алдын алу мәселелеріне арналған оқыту семинары өткізілді.Семинар барысында құрылымдық бөлімшелердің қызметкерлері сыбайлас жемқорлыққа қарсы заңнама нормаларымен, мүдделер қақтығысының алдын алу жөніндегі міндеттермен, сондай-ақ ашықтық, заңдылық және адал қызмет қағидаттарымен таныстырылды.Семинарда этикалық мінез-құлық нормаларын сақтауға ерекше назар аударылды, атап айтқанда:қызметтік міндеттерін атқару кезінде құмар ойындарға қатысуға және белгіленбеген орындарда шылым шегуге қатаң тыйым салу;қоғамдық орындарға алкогольдік немесе өзге де мастық күйінде келуге тыйым салу, бұл мемлекеттік қызметшінің мәртебесіне сай емес және мемлекеттік қызмет беделіне нұқсан келтіреді;қызметкерлерді деструктивті діни ағымдарға тартуға жол бермеу;дискриминацияға, қысым көрсетуге және лауазымдық өкілеттіктерді теріс пайдалануға тыйым салу.Қатысушылар тексерулер жүргізу, азаматтармен өзара іс-қимыл жасау және цифрлық ортада өзін-өзі ұстау кезінде сыбайлас жемқорлықтың алдын алу жөніндегі нақты шараларды талқылады.Мұндай оқыту іс-шараларын өткізу — бұзушылықтардың алдын алудың және министрлік қызметкерлері арасында сыбайлас жемқорлыққа қарсы тұрақты мәдениетті қалыптастырудың маңызды құралы болып табылады. Ақпарат көзі : https://www.gov.kz/memleket/entities/mti/press/news/details/1036143?lang=kk

Қазақстандық шахматшылар министрден 4,8 млн теңгеге сертификат алдыТуризм және спорт министрі Ербол Мырзабосынов Лондондағы блиц бойынша әлем чемпионатындағы жетістіктері үшін шахматтан Қазақстан құрамасын марапаттады. KazChess командасы күміс және алты жеке медаль алды, оның ішінде екі алтын.💸 Гроссмейстерлер мен команда капитаны 4,8 млн теңгеден сертификаттар, алғыс хаттар мен марапаттарға ие болды. Федерация президенті Тимур Тұрлов "құрметті спорт қызметкері"белгісімен марапатталды.ҰБТ 2025 жылдың басынан бері қазақстандық шахматшылар 81 медаль жеңіп алды, оның 34 — і Алтын.@kursivm #kursiv_newsАқпарат көзі : https://www.gov.kz/memleket/entities/kostanai-kamysty-klochkov/press/news/details/1035962?lang=kk

Бизнесті мемлекеттік қолдау: инфрақұрылымнан авиакомпанияға субсидияларға дейінТуризм және спорт министрлігі жүйелі деңгейде 7 мемлекеттік қолдау шарасын жүзеге асыруда. Шаралар туристік өнімдердің сапасын арттыруға, ішкі және келу туризмін дамытуға бағытталған.✔️Тау шаңғысы курорттары үшін жабдықтар мен техниканы сатып алуға жұмсалған шығындардың бір бөлігін өтеуМемлекет көтергіштерді, қар тазалауға арналған техниканы және жасанды қарға арналған жабдықтарды сатып алуға жұмсалған шығындардың 25% -. өтейді.✔️Жол бойындағы сервис объектілерін салуға жұмсалған шығындарды өтеуМотельдер, жанармай құю станциялары, тамақтану орындары, дәріханалар және басқа да сервис объектілерін салуға жұмсалған шығындардың 10% - ы мемлекеттік бюджеттен өтеледі.✔️Туристік қызмет объектілерін салуға және реконструкциялауға арналған шығындардың бір бөлігін өтеуТуристік қызметтер көрсету үшін қажетті объектілерді салуға немесе реконструкциялауға арналған шығыстардың 10% - ы субсидиялауға жатады.✔️Туристік қызмет үшін автокөлік құралдарын сатып алуға жұмсалған шығындардың бір бөлігін өтеуТехника тек туристік мақсаттарда кемінде 5 жыл пайдаланылған жағдайда, сыйымдылығы 8 орыннан асатын автобустар құнының 25% - ы (жүргізушіні есептемегенде) өтеледі.✔️Кіру туризмімен жұмыс істейтін туроператорлардың шығындарын субсидиялауӘрбір шетелдік турист үшін 15 000 теңге көлемінде субсидия төленеді. Шарт-туристің елде кемінде 4 күн және 3 түн болуы, сондай-ақ eQonaq жүйесінде тіркелуі.✔️Кәмелетке толмаған жолаушылар үшін әуе билеттерінің құнын субсидиялау (kids go Free)18 жасқа дейінгі балалар Қазақстан бойынша тегін саяхаттай алады. Ол үшін турды ішкі туризмде жұмыс істейтін туроператордан сатып алу қажет. Туристік пакеттің құрамына кіретін авиабилеттердің құны 100% субсидияланады.✔️Санитарлық-гигиеналық тораптарды ұстауға субсидиялауТуристік аймақтарда, автомобиль жолдарының бойында және ерекше қорғалатын табиғи аумақтарда орналасқан объектілер оларды ұстауға ай сайын 83 300 теңге көлемінде субсидия алады.Аталған қолдау шаралары ішкі туристер ағынын ұлғайтуға, туристік өнімдерді дамытуға, инфрақұрылымды жақсартуға және көрсетілетін қызметтердің сапасын арттыруға ықпал етеді.Ақпарат көзі : https://www.gov.kz/memleket/entities/kostanai-kamysty-klochkov/press/news/details/1035975?lang=kk

Президент әскери қызмет саласындағы түзетулер туралы заңға қол қойдыМемлекет басшысы «Қазақстан Республикасының кейбір заңнамалық актілеріне әскери-патриоттық тәрбие, әскери қызмет және жекелеген орталық мемлекеттік органдардың функцияларын қайта бөлу мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.Ақпарат көзі : https://www.gov.kz/memleket/entities/kostanai-kamysty-klochkov/press/news/details/1035979?lang=kk

Жаңа оқу жылынан бастап еліміздегі барлық білім беру ұйымдарында, соның ішінде жекеменшік мектептерде де тәрбие жұмысы «Адал азамат» атты біртұтас бағдарлама негізінде жүргізіледі. Бұл – бұрын жүзеге асырылған «Біртұтас тәрбие» тұжырымдамасының жалғасы, бірақ мазмұны жаңартылып, Мемлекет басшысының «Адал азамат – адал еңбек – адал табыс» идеологиялық қағидасымен үндестірілген.Бағдарламаның үйлестірушісі Ы. Алтынсарин атындағы ҰБА мәліметінше, ҚР Оқу-ағарту министрлігінің 2025 жылғы 26 мамырдағы №123 бұйрығымен ресми түрде жаңа атауы бекітілген. Оның мақсаты – адал, еңбекқор, елжанды азаматтар тәрбиелеу. Тәрбие жүйесі жалпыұлттық құндылықтарға негізделіп, мектеп, ата-ана және қоғам арасындағы байланысты нығайтуға бағытталады.Алғаш рет бұл бағдарлама жекеменшік мектептер үшін де міндетті болмақ. Бұл тәрбие жұмысының ел көлемінде бірізді стандартпен жүргізілуіне және барлық оқушылар үшін тең орта қалыптастыруына мүмкіндік береді.Барлық мектептер үшін бірыңғай визуалды стандарт – брендбук әзірленеді. Мектептің ішкі және сыртқы келбеті ұлттық тәрбиелік құндылықтар мен мәдениетті бейнелейтін ортаға айналады.Тәрбие жұмысын жүзеге асыруда барлық тараптардың өзара бірлесе қызмет атқаруына ерекше көңіл бөлінеді. Мектептердегі тәрбие ісі мемлекеттік органдармен, құқық қорғау, денсаулық сақтау, ішкі саясат саласындағы құрылымдармен тығыз жүргізіледі.Ай сайын белгіленген тақырыптар сабақ пен сыныптан тыс іс-шараларды бір-бірімен сабақтастырады. Мысалы: әділдік, еңбекқорлық, патриотизм сынды құндылықтар оқу процесінің өзегіне айналмақ. Осы бағытта мектеп өміріне «Өнегелі 15 минут», күй әуенімен қоңырау соғу, ұлттық ойындар секілді жаңа форматтар енгізіледі. Сонымен қатар, оқушының мектеп қабырғасынан тыс өмірлік тәжірибесін байытуға да ерекше көңіл бөлінеді.Бұған дейін іске асқан «Біртұтас тәрбие» бағдарламасы аясында «Қамқор» (экология және волонтерлік), «Еңбегі адал – жас өрен» (еңбекке баулу және мамандыққа бағдар), «Smart Bala» (IT және инновациялық ойлауды қолдау), «Шабыт» (өнер мен мәдениет арқылы рухани даму), «Ұшқыр ой алаңы» (пікірсайыс пен зияткерлік ойындар), «Балалар кітапханасы» (оқу сауаттылығы мен кітап мәдениетін дамыту) секілді алты ірі жоба жүзеге асқан болатын.Сонымен бірге, буллингтің, құқықбұзушылық пен балалар арасындағы қауіптің алдын алуға бағытталған жобалар өз жұмысын жалғастырады. Олар:«Цифрлық әлемде қауіпсіз қадам», «Буллингтен қорған!», «Қауіпсіз қоғам».Бұл бағдарлама – еліміздің барлық мектептерінде біртұтас тәрбиелік орта қалыптастыруға бағытталған маңызды қадам.Ақпарат көзі : https://www.gov.kz/memleket/entities/kostanai-kalasy-akimat/press/news/details/1037199?lang=kk

Сырдария ауданында әлеуметтік-инфрақұрылымдық бағыттағы жұмыстар жүйелі түрде жүзеге асуда. Аудан көлемінде халықтың тұрмыс сапасын арттыруға бағытталған нақты жобалар қолға алынған. Соның бірі - облыстағы ең ірі ауылдардың бірі саналатын Шаған елді мекенін газдандыру мәселесі. Бүгінде 5 мыңға жуық халқы бар бұл ауылға көгілдір отын желісі тартылып жатыр. – Шаған елді мекенін газдандыру жобасы 2024 жылдың күзінде басталған болатын. Өткен жылы 1,3 млрд теңге бөлініп, Тереңөзек кенті мен Шаған ауылының арасындағы 19 км жерге жоғарғы қысымды газ жүргізілді. Қазіргі таңда ішкі жұмыстары жүргізіліп жатыр. Биыл 1 млрд теңге бөлініп тұр, қалған қаражат жақын арада беріледі деп күтілуде. Жалпы жылу беру маусымына дейін ауыл тұрғындарын көгілдір отынмен қамтуды жоспарлап отырмыз. Сондай-ақ, қазіргі таңда Ақжарма елді мекенін газдандыру бойынша 200 млн теңге қаржы бөлініп, конкурс жұмыстары жүргізілуде. Одан бөлек Шіркейлі, Қоғалыкөл ауылдарын газдандыру бойынша да өтініш бердік,- деді Сырдария аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Мейірхан Бақытжанұлы. Сондай-ақ, медициналық қызмет сапасын арттыру мақсатында ауылдық амбулаторияға да күрделі жөндеу жұмыстары жүргізіліп жатыр. - Облыс әкімі Нұрлыбек Нәлібаевтың тікелей қолдауымен, облыстық денсаулық сақтау басқармасының бастамасымен “Ауыл – ел бесігі” бағдарламасы аясында облыстық бюджеттен 328 миллион теңге бөлініп, күрделі жөндеу жұмыстары жүргізілуде. Емдеу мекемесінде 4 дәрігер, 23-ке жуық орта буын мамандары мен 7 кіші буын қызметкер бар. Сонымен қатар, 35 терапиялық және 5 гинекологиялық төсек орынмен қамтамасыз етілген. Лабораториялық зертханалық тексерулер жүргізілуде. Алдағы уақытта толық жөндеу жұмысы аяқталғаннан кейін “Медициналық оңалту” бөлімшесі көшірілетін болады. Жоспар бойынша алдағы уақытта материалдық базасы жетілдіріліп, заманауи үлгідегі технологиялармен қамтамасыз етіледі,- деді Сырдария аудандық ауруханасының бас дәрігері Жалғасбек Үсенов.Ақпарат көзі : https://www.gov.kz/memleket/entities/kyzylorda-syrdarya/press/news/details/1035999?lang=kk