Агенттік Басқармасымен 2025 жылдың 30 мамырында № 20 «Вячеслав Константинович Кимге «First Heartland Jusan Bank» акционерлік қоғамының ірі (жанама) қатысушысы мәртебесін иеленуге келісім беру туралы» қаулысы қабылданды.Ақпарат көзі : https://www.gov.kz/memleket/entities/ardfm/press/news/details/1010634?lang=kk

Қостанай облысының әкімі Құмар Ақсақаловтың төрағалығымен өткен кезекті әкімдік отырысында өңірдің өрт қаупі жоғары кезеңге және шомылу маусымына дайындығы қаралды. Басты назарда – азаматтардың, әсіресе балалардың өмірі мен денсаулығын қорғау және табиғи ресурстарды сақтау мәселелері болды. Өрт қауіпті кезең: алаңдатарлық деректер мен нақты шаралар Жаздың аптап ыстығымен өңірде өрт оқиғалары күрт көбейді. Жыл басынан бері 222 өрт оқиғасы тіркеліп, олардың қатарында Жітіқара, Сарыкөл және Әулиекөл аудандарындағы 3 орман өрті, сондай-ақ Б.Майлин ауданындағы 1 дала өрті бар. «Өрт өздігінен шықпайды – 90% жағдайда бұл адам немқұрайлылығының салдары. Әр адам өз әрекетінің салдарын түсінуі керек. Бір тасталған темекі тұқылы табиғат пен адамдар үшін апатқа айналуы мүмкін», – деді Құмар Ақсақалов. Жыл басынан бері 132 әкімшілік хаттама толтырылып, оның 16-сы – өрт қауіпсіздігі ережелерін бұзу бойынша. Салынған айыппұлдардың 95%-ы өндірілді, ал келтірілген шығын бойынша талап-арыздардың 35%-ы өтелді. Кінәлі тұлғаларды жауапкершілікке тарту жұмысы жалғасады. Материалдық-техникалық базаны нығайту Соңғы екі жылда орман мекемелерінің материалдық-техникалық базасы айтарлықтай күшейтілді. Биыл техника сатып алуға 3,5 млрд теңге бөлінді. 26 өрт сөндіру көлігі, 28 трактор және 36 шағын орман-өрт сөндіру кешені сатып алынбақ. Бұл техникамен жабдықтау деңгейін 76%-дан 90%-ға дейін арттыруға мүмкіндік береді. Автожолдардың бойындағы қорғаныш орман алқаптарына да ерекше көңіл бөлінуде. Облыста олардың ұзындығы 1000 км-ден асады. Оларды ұстау мен өрт қауіпсіздігі шараларын жол иелері қамтамасыз етуі тиіс. Сабан мен сабақты өртеудің қаупі Облыс әкімі егіс алқаптарында сабан мен сабақты өртеу әлі де жалғасып жатқанына алаңдаушылық білдірді: «Бұл тек өрт қаупі емес, бұл – топыраққа қарсы жасалған қылмыс. Гумус жанады, құнарлы жоғарғы қабат жойылады. Мұндай палдарды заңмен тыйым салу мәселесін қарау керек», – деді Құмар Ақсақалов. Шомылу маусымы: судағы қауіпсіздік Облыс аумағында шомылуға 26 ресми орын белгіленген (оның ішінде 8 коммуналдық және 18 жеке жағажай). Алайда шомылушылар 230-дан астам бейберекет жерде шомылады. Бұл судағы оқыс оқиғалардың негізгі себебі. «Қайғылы оқиғалардың 95%-ы жабдықталмаған жағажайларда орын алады. Биылдың өзінде алғашқы оқыс жағдайлар тіркелді. Ата-аналар балаларды бақылаусыз қалдырмауы керек», – деді облыс әкімі. Су айдындарында қауіпсіздік ережелерін бұзғаны үшін шомылу маусымы басталғалы бері 13 адам әкімшілік жауапкершілікке тартылды. Ал былтыр маусым қорытындысымен 45 адамға жалпы сомасы 646 мың теңге көлемінде айыппұл салынған. Құтқару қызметтеріне қолдау Төтенше жағдайларға жедел әрекет ету мақсатында былтыр 1 млрд теңгеге жуық қаржы бөлініп, құтқарушылардың материалдық-техникалық базасы жаңартылды. Батпақта жүретін көліктер, квадроциклдер, құтқару қайықтары сатып алынды. Сонымен қатар Қостанай қаласындағы Тобыл өзені жағалауындағы құтқару станциясы күрделі жөндеуден өтті. 2024 жылы ТЖД бөлімшелері 1500-ден астам адамды құтқарды, бұл өткен жылдың осы кезеңімен салыстырғанда 46%-ға көп. Нақты тапсырмалар Облыс әкімі келесі міндеттерді жүктеді:•Қала және аудан әкімдіктеріне – өртке қарсы іс-шараларды бақылауды күшейту;•Қорғаныш жыртуларды (опашка) ұйымдастыруды жеке бақылауға алу;•Қосымша қауіпсіз шомылу орындарын қамтамасыз ету;•Су айдындары маңында рейдтер мен патрульдер санын арттыру;•Құтқарушыларды оқытып, жағажай түбін тексеру;•Халықпен түсіндіру жұмыстарын күшейту. «Өрт – бұл жай ғана от емес. Бұл адамдарға, табиғатқа және экономикаға келген зиян. Біз барлық қауіп-қатерді азайтуға міндеттіміз. Бұл судағы демалысқа да қатысты. Қауіпсіз жаз – бәріміздің ортақ міндетіміз», – деп қорытындылады Құмар Ақсақалов.Ақпарат көзі : https://www.gov.kz/memleket/entities/kostanay/press/news/details/1010636?lang=kk

Сағадат Нұрмағамбетов атындағы Құрлық әскерлерінің әскери институтында мемлекеттік емтихандар басталды. Түлектердің білімі мен дағдыларын объективті, жан-жақты бағалау, олардың қызмет атқаруға дайындығын тексеру үшін институтқа ҚР Қорғаныс министрлігінен комиссия келді.Емтихан сессиясы «Әли» оқу орталығындағы саптық байқаудан басталды. Сымдай тізілген курсанттар алдағы күрделі сынақтарға дайын екендіктерін көрсетті.– Еліміздің қорғаныс қабілеті жас офицерлерді оқыту сапасына байланысты. Олар – армиямыздың болашағы. Түлектер мұқият дайындықтан өтті. Енді өз білімдерін растайтынына және қойылған міндеттерді лайықты орындайтынына сенімдімін, – деді институт бастығы генерал-майор Бауыржан Ибатулин.Сынақ барысында теориялық білім, практикалық дағдылар, тактикалық ойлау деңгейі және түлектердің ұрысқа барынша жақын жағдайларда салмақты шешім қабылдау қабілеті бағаланады.Аттестаттау аяқталғаннан кейін дипломды мамандар «лейтенант» алғашқы офицерлік атағын алып, Қарулы күштер қатарында қызметін жалғастырады.Ақпарат көзі : https://www.gov.kz/memleket/entities/mod/press/news/details/1010586?lang=kk

       2025 жылғы 30 мамырда Қазақстан Республикасы Қаржы министрлігінің Мемлекеттік кірістер комитетінің Оқу-әдістемелік орталығы (ҚР ҚМ МКК ОӘО) мен Өзбекстан Республикасы Экономика және қаржы министрлігі жанындағы Кеден комитетінің Кеден институты (ӨР ЭҚМ КК КИ) арасындағы өзара іс-қимыл аясында «Контрабандамен және тауарлардың заңсыз айналымымен күрес» тақырыбына арналған онлайн-семинар өтті.      Семинарға Өзбекстан Республикасы Кеден институтының курсанттары мен өңірлік мемлекеттік кірістер органдарының қызметкерлері қатысты.    Іс-шараның мақсаты – қатысушылардың контрабанданы және тауарлардың заңсыз айналымын анықтау, алдын алу және жолын кесу саласындағы кәсіби біліктілігін арттыру, сондай-ақ кеден органдары арасындағы тиімді өзара іс-қимыл бойынша тәжірибе және үздік практика алмасу болды.      Семинарда келесі дәріскерлер сөз сөйледі:      – Касымкулова Лаззат  – ҚР ҚМ МКК ОӘО басшысының орынбасары;      – Касымбеков Ануар  – ҚР ҚМ МКК ОӘО бас маманы;      – Ильин Вячеслав – ӨР ЭҚМ КК КИ арнайы-құқықтық ғылымдарының аға оқытушысы.      Іс-шара барысында контрабанданы, соның ішінде есірткі құралдарының, олардың аналогтарының, синтетикалық және басқа да түрдегі есірткілерді өндіруге арналған жабдықтардың, атыс қаруы мен оның бөлшектерінің, жарылғыш заттар мен оқ-дәрілердің, шетел валютасының және басқа да тауарлардың заңсыз айналымын анықтау, алдын алу және жолын кесуге байланысты өзекті мәселелер қаралды.       Қатысушылар кеден шекарасы арқылы тауарларды заңсыз өткізу мен контрабандаға қарсы іс-қимыл мәселелерін талқылады.      Семинар контрабанданы анықтау мен оның жолын кесу бойынша практикалық тәсілдерді талқылау, сондай-ақ кеден органдары өкілдері арасындағы кәсіби байланысты нығайту және жан-жақты тәжірибе алмасу үшін тиімді алаң болды.   Ақпарат көзі : https://www.gov.kz/memleket/entities/kgd/press/news/details/1010567?lang=kk

Бүгін Самар ауданы әкімдігінің кезекті отырысы өтті. Онда ауданның әлеуметтік-экономикалық дамуына қатысты бірқатар өзекті мәселе талқыланды. Кәсіпкерлік және ауыл шаруашылығы бөлімінің басшысы Бауыржан Абылғазыұлы, Самар ауданындағы туристік саланың 2024 жылғы дамуы мен 2025 жылға арналған міндеттері туралы баяндады. Білім бөлімінің басшысы Руслана Закирьянова оқу жылының аяқталуы мен оқушылардың қорытынды аттестаттауға дайындығы туралы мәлім етті. Ал ішкі саясат, мәдениет, тілдерді дамыту және спорт бөлімі басшысының міндетін атқарушы Маржан Кельгерун этносаралық қатынастар бағытындағы мемлекеттік саясаттың іске асырылу барысы туралы ақпаратпен бөлісті. Сондай-ақ, аудан әкімі аппаратының ұйымдастыру жұмысы, ақпараттық технологиялар және мемлекеттік қызметтерді мониторингілеу бөлімінің басшысы аудан басшысының халықпен есеп беру кездесулеріндегі хаттамалық тапсырмаларының орындалу барысы жөнінде баяндады. Отырыс соңында аудан әкімі жауапты бөлім өкілдеріне тиісті тапсырмалар берді.Ақпарат көзі : https://www.gov.kz/memleket/entities/vko-samar/press/news/details/1010494?lang=kk

Қарулы күштердің дайындық жоспары бойынша әскерлерде оқудың жазғы кезеңі кешенді тактикалық-саптық сабақтардан басталды.Құрамалар, әскери бөлімдер мен мекемелер жауынгерлік әзірлікті жоғары дәрежеге келтіру кезінде жеке құрам мен бөлімшелердің іс-қимылдарын пысықтайды. Ескерту жүйесінің тиімділігі, дабыл беру кезінде штабтардың жұмысының үйлесімділігі тексеріледі.Іс-шараларды өткізу үшін оқу сыныптары, далалық жағдайда жеке құрам мен техниканы қабылдау пунктері жабдықталып, стационарлық және далалық оқу-материалдық база дайындалған.Бөлімшелер шоғырланған аудандарға шығарылды. Техника мен қару-жарақ жауынгерлік қолдануға дайын жағдайға келтірілді. Радиотехникалық бөлімшелер мен зениттік зымыран кешендерінің есептоптары күшейтілген жұмыс режиміне ауыстырылды. Авиация бөлігін жедел әуеайлақтарға көшіру жүзеге асырылады. Жауынгерлік кеме экипаждары мен жағалау бөлімшелері порттар мен кеме тұрақтарының диверсияға қарсы қауіпсіздігін ұйымдастырады.Іс-шаралар әскерлердің барлық санаттағы әскери қызметшілерді тағайындау, одан әрі кәсіби өсіру жөніндегі міндеттерді орындауға дайындығын арттыруға бағытталған.Жазғы оқыту кезеңінде оқу-жаттығулар, бөлімшелердің далалық шығулары, практикалық атыстар, оқу-жаттығу ұшулары, кемелердің теңізге шығуы, жауынгерлік машиналарды жүргізу, парашютпен секіру орындалады.Ақпарат көзі : https://www.gov.kz/memleket/entities/mod/press/news/details/1010499?lang=kk

Индустриялық-инновациялық даму басқармасының басшысы Досжан Әлібеков өңірде бүгінгі таңда СТ-КЗ сертификаты бар 145 кәсіпорын және индустриялық сертификаты бар 52 кәсіпорын жұмыс істейтінін мәлімдеді. Былтырғы жылдың соңынан бастап өңірлік нарықта бұрын облыста өндірілмеген тауарлар шығаратын жаңа өндірістер пайда болды.Спикер жақында Мемлекет басшысы қол қойған елішілік құндылық пен отандық өндірісті дамытуға бағытталған заңға назар аударды. Заңға енгізілген түзетулер тиісті тізілімге енгізілген өндірушілерге мемлекеттік қолдау шараларын ұсынуды, сондай-ақ мемлекеттік және квазимемлекеттік сатып алуға қатысу мүмкіндігін көздейді.Қолдау жөніндегі қосымша шара ретінде мердігерлер үшін құрылыс басқармасыжетекшілік ететін «Е-Құрылыс» порталы арқылы тұрғын үй объектілерін салу кезінде жергілікті құрылыс материалдарын пайдалану міндеттемелерін енгізу ұсынылады.Сондай-ақ биыл Ақтөбеде отандық өндірушілерді қолдау үшін «Қазақстанның үздік тауары» көрмесін, инвестициялық форум және жабдықтар мен технологиялардың халықаралық көрмесін өткізу жоспарлануда.Облыс әкімі жергілікті өндірісті одан әрі дамытудың маңызына тоқталып, барлық мүдделі тараптар алдына қойылған міндеттерді іске асыру үшін бірлескен жұмысты жандандыруға шақырды.«Отандық өндірушілерді қолдау — экономикалық тұрақтылықтың кілті. Біз бүгінде импорттайтын тауарларды шығаруды жолға қойып, бюджеттік жобалардағы қазақстандық тауарлардың үлесін арттыруымыз қажет. Ел ішінде мүмкіндігінше көп өнім өндіруге ұмтылуымыз керек», - деп атап өтті әкім.Ақпарат көзі : https://www.gov.kz/memleket/entities/aktobe-karzhy/press/news/details/1010409?lang=kk

Фрилансерлер міндетті зейнетақы жарналарын төлеуге міндетті ме, олардың жарна мөлшері қалай есептеледі? Әлеуметтік кодекстің нормаларына сәйкес міндетті зейнетақы жарналарын (МЗЖ) агенттер төлейді. Агент – БЖЗҚ-ға Қазақстан Республикасының заңнамасында айқындалатын тәртіппен МЗЖ, МКЗЖ, ЖМЗЖ, ЕЗЖ аударатын, ұстап қалатын (есептейтін) жеке немесе заңды тұлға. Оларға Қазақстан Республикасындағы қызметін шетелдік заңды тұлғалардың тұрақты мекемесі, филиалдары, өкілдіктері арқылы жүзеге асыратын шетелдік заңды тұлғалар да жатады.МЗЖ-ны мына санаттарға жататын азаматтар өз бетінше төлейді:жеке кәсіпкерлер, оның ішінде шаруа немесе фермерлік қожалықтардың басшылары, олардың 18 жасқа толған мүшелері, сондай-ақ жеке практикамен айналысатын адамдар өз пайдасына төлей алады;Бұл ретте, МЗЖ есептеу үшін қабылданатын табыс дегеніміз – МЗЖ төленбейтін табысты қоспағанда, әлеуметтік аударымдарды төлеу үшін тұлғаның өзі айқындайтын табыс. Бірақ Қазақстан Республикасының "Салық және бюджетке төленетін басқа да міндетті төлемдер туралы" кодексіне (Салық кодексі) сәйкес салық салу мақсаттары үшін айқындалатын табыстан аспауы тиіс.Сонымен қатар, МЗЖ есептеу үшін қабылданатын айлық табыс республикалық бюджет туралы заңда сол жылға белгіленген ең төменгі жалақының 50 еселенген мөлшерінен аспауға тиіс.Егер аталған адамдардың табысы республикалық бюджет туралы заңдасол жылға белгіленген ең төменгі жалақының 1 еселенген мөлшерінен кем болса, олар МЗЖ-ны республикалық бюджет туралы заңдасол жылға белгіленген ең төменгі жалақының 1 еселенген мөлшерінен төлеуге құқылы;салық агенттері болып есептелмейтін жеке тұлғалармен жасалған, нысанасы жұмыстарды орындау (қызметтерді көрсету) болып табылатын азаматтық-құқықтық сипаттағы шарттар бойынша табыс алатын, Қазақстан Республикасының аумағында тұрақты тұратын жеке тұлғалар.Бұл ретте, МЗЖ есептеу үшін қабылданатын табыс – бұл МЗЖ төленбейтін табысты қоспағанда, әлеуметтік аударымдарды төлеу үшін тұлғаның өзі айқындайтын табысы. Бірақ Қазақстан Республикасының "Салық және бюджетке төленетін басқа да міндетті төлемдер туралы" кодексіне (Салық кодексі) сәйкес салық салу мақсаттары үшін айқындалатын табыстан аспауы тиіс.МЗЖ есептеу үшін қабылданатын айлық табыс республикалық бюджет туралы заңда сол жылға белгіленген ең төменгі жалақының 50 еселенген мөлшерінен аспауға тиіс.2024 жылдың 1 қыркүйегінен бастап ҚР Әлеуметтік кодексі "Қызметтер көрсету немесе жұмыстарды орындау жөніндегі қызметтерін интернет-платформаларды және (немесе) платформалық жұмыспен қамтудың мобильді қосымшаларын пайдалану арқылы жүзеге асыратын адамдарды әлеуметтік қамтамасыз ету" бабымен толықтырылды.Интернет-платформалардың және (немесе) мобильдік қосымшалардың операторы арнайы мобильдік қосымша пайдаланылатын арнайы салық режимін (АСР) қолданатын жеке кәсіпкерлердің (ЖК)  кірістерінен міндетті зейнетақы жарналарын (МЗЖ) ұстап қалуды жүргізеді және ұсталған сомаларды БЖЗҚ-ға аударады. МЗЖ мөлшерлемесі МЗЖ есептеу үшін қабылданатын табыстың 1% мөлшерінде немесе МЗЖ есептеу үшін қабылданатын табыстың 10 пайызы мөлшерінде орындаушының өз қалауы бойынша айқындалады. МЗЖ есептеу үшін қабылданатын табыс деп орындаушылардың көрсетілген қызметтер немесе орындалған жұмыстар үшін алған табысы түсініледі.Интернет-платформа операторы – интернет-платформада тіркелген орындаушылар мен тапсырыс берушілер арасында қызметтер көрсету бойынша (оның ішінде үшінші тұлғаларды тарта отырып) байланыс орнату үшін ақпараттық технологиялар мен жүйелерді қолдана отырып, техникалық, ұйымдастырушылық, ақпараттық және өзге де мүмкіндіктер беретін жеке кәсіпкер немесе заңды тұлға.Орындаушы – интернет-платформада тіркелген, тапсырыс берушілерге қызмет көрсететін немесе жария шарт негізінде интернет-платформаны пайдалана отырып жұмыстарды орындайтын жеке тұлға, жеке кәсіпкер немесе заңды тұлға.МЗЖ есептеу үшін қабылданатын табыс дегеніміз – арнайы мобильдік қосымша пайдаланылатын АСР қолданатын жеке кәсіпкер-орындаушылардың көрсеткен қызметтері немесе орындаған жұмыстары үшін алған табысы.Бұл ретте МЗЖ есептеу үшін қабылданатын айлық табыс республикалық бюджет туралы заңда сол жылға белгіленген ең төменгі жалақының 50 еселенген мөлшерінен аспауға тиіс.           Фрилансерлер зейнетақы жинақтарын қалыптастыру үшін БЖЗҚ-да шотты қалай аша алады? Зейнетақы жарналарын – міндеттізейнетақы жарналарын (МЗЖ), міндетті кәсіптік зейнетақы жарналарын (МКЗЖ), ерікті зейнетақы жарналарын (ЕЗЖ) есепке алу үшін БЖЗҚ-да жеке зейнетақы шотын (ЖЗШ) ашубірінші жарна түскен кезде жүргізіледі. Пайдасына зейнетақы жарналары жүзеге асырылатын жеке тұлғаны сәйкестендіру жарналарды аудару кезіндегі төлем тапсырмасының электрондық форматында көрсетілген дербес деректердің (ТАӘ, ЖСН, туған күні) негізінде жүзеге асырылады. БЖЗҚ жеке тұлғаның жеке басын куәландыратын қолданыстағы құжаттың деректемелері, тұрақты тұратын жері туралы және өзге де барлық қажетті мәліметтерді Мемлекеттік органдардың тиісті ақпараттық жүйелерінен алады. Осылайша, ЖЗШ ашу үшін БЖЗҚ кеңсесіне барудың қажеті жоқ, өйткені зейнетақы жарналарының барлық түрлері бойынша шот автоматты түрде ашылады.ЖЗШ ашу және зейнетақы жарналарын аудару мәселелері бойынша ақпарат БЖЗҚ сайтында орналастырылған.      3) БЖЗҚ салымшыларға өз шоттарын мониторингілеу және зейнетақы жинақтарын басқару үшін қандай онлайн-құралдар немесе қызметтер ұсынады?            БЖЗҚ қызметтерінің 90%-дан астамы автоматты, электрондық және қашықтықтан тәулік бойы (24/7) ұсынылады.Зейнетақы шотын тұрақты мониторингілеу үшін Қор сайтындағы немесе мобильді қосымшадағы жеке кабинет арқылы үзінді көшірме алу неғұрлым жедел және ыңғайлы болып табылады. Үзінді көшірмеде салымшыға қажетті барлық ақпарат беріледі. Атап айтқанда, жинақтардың жалпы көлемі, оның ішінде жарналар түрлері бойынша жинақталған қаражат сомасы жеке көрсетіледі. Сондай-ақ, үзінді көшірмеден зейнетақы жарналарын қай ұйым, қандай уақытта аударғанын да білуге болады. Сондай-ақ, сұралған кезеңдегі инвестициялық кірістің мөлшерін көруге болады.Жеке кабинетте зейнетақы шотының жай-күйіне қатысты ақпараттан басқа, өз деректемелеріне өзгерістер мен толықтырулар енгізу, шоттың болуы туралы анықтама алу, зейнетақы төлемдерін тағайындау туралы өтініш беру сияқты қызметтерді пайдалануға мүмкіндік бар.Сондай-ақ, болашақ зейнетақының болжамды мөлшерін есептеуге және болашақта алғыңыз келетін зейнетақы мөлшерін көрсете отырып, зейнетақы жоспарын құруға көмектесетін зейнетақы калькуляторы мен дербес зейнетақы жоспарынпайдалануға болады.Зейнетақы шоттары туралы ақпаратты БЖЗҚ сайты арқылы ғана емес, egov.kzэлектрондық үкімет порталы немесе оның eGov mobile мобильді қосымшасы арқылы да алуға болады. Бұл мемлекеттік қызметтерді бірыңғай платформалар арқылы алуға дағдыланған азаматтар үшін ыңғайлы. 4) Фрилансерлерге ерікті зейнетақы жарналарын аудару қажет пе, бұл жарналардың артықшылықтары қандай? - Болашақта алатын зейнетақыңыздың мөлшерін арттыра түскіңіз келсе, зейнетақы қорына ерікті зейнетақы жарналарын да аударып отырсаңыз болады. Ерікті зейнетақы жарналарының артықшылығы көп. Мәселен, Сіз жарна мөлшері мен төлеу кезеңділігін, жинақталған зейнетақы қаражатын алу тәртібін өзіңіз белгілейсіз. Ерікті аударымдарды екінші деңгейдегі банктердің ұялы қосымшалары арқылы төлеуге болады. Бұл БЖЗҚ салымшылары үшін тиімді әдіс.  Айта кетелік, өзіңіздің ғана емес, кез келген үшінші тұлғаның – мысалы, жұбайыңыздың, ата-анаңыздың, туған-туыстарыңыздың, тіпті кәмелетке толмаған балаңыздың да ерікті зейнетақы шотына жарна аударуыңызға болады. Бұл үшін оның жеке сәйкестендіру нөмірін енгізсеңіз жетіп жатыр. ЕЗЖ бойынша жеке зейнетақы шотын (ЖЗШ) ашу үшін БЖЗҚ кеңсесіне барудың қажеті жоқ, зейнетақы жарналарының басқа түрлері сияқты ЕЗЖ есепке алынатын ЖЗШ алғашқы жарна аударылған сәтте автоматты түрде ашылады. Ерікті зейнетақы жарналары да, міндетті зейнетақы жарналарының барлық түрлері сияқты инвестицияланып, салымшыларға табыс әкеледі. Егер инвестициялық портфельді басқарушы компанияларға міндетті және міндетті кәсіптік зейнетақы жинақтарының 50% дейінгі мөлшерін аударуға рұқсат етілсе, ерікті зейнетақы жинақтарын толық көлемде сеніп тапсыруға болады. Сондай-ақ, ЕЗЖ есебінен зейнетақы төлемдерін 50 жастан бастап алуға болады. Салымшының ЕЗЖ аудару туралы дер кезінде қабылдаған шешімі зейнетақы капиталын едәуір толықтыруға және болашақта жоғары мөлшердегі төлемдер алуға негіз бола алады. Фрилансерлердің зейнетақы жинақтары инвестициялана ма? Қазақстанның басқа азаматтарының зейнетақы жинақтары сияқты, фрилансерлердің зейнетақы жинақтары да инвестицияланады. Инвестициялаудың негізгі мақсаты - ұзақ мерзімді перспективада нақты табыс табу. Сондықтан оларды басқару нәтижелерін объективті бағалау үшін кем дегенде 1 жыл кезеңіндегі деректерді талдау қажет. Мұндай мерзім ұзақ мерзімді перспективада инвестициялардың тиімділігін бағалауға мүмкіндік береді.Инвестициялаумен Қазақстанның Ұлттық Банкі және бес басқарушы компания айналысады: "Jusan Invest" АҚ, "Halyk Global Markets" АҚ, "BCC Invest" АҚ, "Сентрас Секьюритиз" АҚ, "Halyk Finance"АҚ. Сіз басқарушы компанияны өзіңіздің қалауыңыз бойынша таңдай аласыз.            БЖЗҚ зейнетақы активтерін инвестициялық басқару және зейнетақы активтері орналастырылған қаржы құралдары туралы ақпарат Қордың ресми сайтындағы  (www.enpf.kz)"Көрсеткіштер/Инвестициялық қызмет" бөлімінде ай сайын жарияланып отырады.Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1010368?lang=kk

2025 жылдың 2 маусымда «СҚО Әділет Департаменті» РММ «№4 ауданаралық мәжбүрлеп орындату аумақтық бөлімі» филиалының мемлекеттік сот орындаушысы Исаканова Ж.Б. атқарушылық іс жүргізу мәселелері бойынша азаматтарды қабылдау өткізілді.Барлық хабарласқандарға түсініктемелер беріліп, сұрақтарына жауаптар берілді.Ақпарат көзі : https://www.gov.kz/memleket/entities/adilet-sko/press/news/details/1010360?lang=kk

"БЖЗҚ" АҚ (бұдан әрі – БЖЗҚ, Қор) enpf.kz сайтындағы "Көрсеткіштер - Инвестициялық қызмет" бөлімінде Қазақстан Республикасы Ұлттық Банкінің (бұдан әрі – ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынды.2025 жылғы 1 мамырдағы жағдай бойынша ҚРҰБ мен ИПБ-лардың басқаруындағы зейнетақы активтерінің жалпы көлемі – 23 065,95 млрд теңге. Осы күнгі жағдай бойынша міндетті зейнетақы жарналары (бұдан әрі - МЗЖ), міндетті кәсіптік зейнетақы жарналары (бұдан әрі - МКЗЖ), ерікті зейнетақы жарналары (бұдан әрі - ЕЗЖ) есебінен қалыптастырылған, ҚРҰБ сенімгерлік басқаруындағы БЖЗҚ зейнетақы активтері 22 630,73 млрд теңге[1] болды. ҚРҰБ сенімгерлік басқаруындағы жұмыс берушінің міндетті зейнетақы жарналары (бұдан әрі – ЖМЗЖ) есебінен қалыптастырылған зейнетақы активтерінің көлемі – 372,84 млрд теңге. ИПБ басқаруындағы зейнетақы активтері шамамен 62,38 млрд теңге. ҚРҰБ басқаруындағы зейнетақы активтерінің инвестициялық портфеліҰлттық Банк БЖЗҚ зейнетақы активтерін сенімгерлікпен басқарушы ретінде теңгерімді инвестициялық саясатты ұстанады: валюталар, елдер, секторлар және эмитенттер бойынша қаржы құралдарының сан-алуан түрлеріне инвестициялайды.2025 жылғы 1 мамырға МЗЖ, МКЗЖ, ЕЗЖ есебінен қалыптастырылған зейнетақы активтерін инвестициялаудың негізгі бағыттары мынадай: ҚР Қаржы министрлігінің мемлекеттік бағалы қағаздары – 43,14%, квазимемлекеттік компаниялардың облигациялары – 9,09%, Қазақстан Республикасының екінші деңгейдегі банктерінің облигациялары – 3,21%, ҚРҰБ депозиттері – 2,22%, ҚР эмитенттерінің акциялары мен депозитарлық қолхаттары – 1,49%, МҚҰ - 1,37%.2025 жылғы 1 мамырға МЗЖ, МКЗЖ, ЕЗЖ есебінен сатып алынған қаржы құралдары номиналданған валюталар бөлінісіндегі инвестициялық портфель мынадай: ұлттық валютадағы инвестициялар – 59,63%, АҚШ долларымен – 40,37%, басқа валютада - зейнетақы активтері портфелінің 0,01%.Алынған кірістің құрылымын талдаудан бағалы қағаздар бойынша сыйақы түріндегі, оның ішінде орналастырылған салымдар мен "кері РЕПО" операциялары бойынша және бағалы қағаздарды нарықтық қайта бағалаудан түскен кірістер – 590,71 млрд теңге. Сыртқы басқарудағы активтер бойынша бағалы қағаздарды, шетел валютасын нарықтық қайта бағалау теріс болып қалыптасты. Басқа кірістер – 4,32 млрд теңге. Табыстылықтың қысқа мерзімді ауытқуларына қарамастан, 2024 жылғы мамырдан бастап 2025 жылғы сәуірді қоса алғандағы соңғы 12 айда есептелген инвестициялық кіріс мөлшері шамамен 2,63 трлн теңгені құрады, осы кезеңдегі кірістілік – 13,35%, инфляция мөлшері - 10,70%.  2025 жылғы 1 мамырдағы ЖМЗЖ инвестициялау бағыттары мынадай: ҚР Қаржы министрлігінің мемлекеттік бағалы қағаздары – 77,98%, РЕПО операциялары – 15,94%, ҚРҰБ депозиттері – 6,08%.ЖМЗЖ есебінен инвестициялық портфель тек ұлттық валютада номиналданған қаржы құралдарынан тұрады. 2025 жылдың 1 мамырындағы жағдай бойынша ЖМЗЖ есебінен зейнетақы активтерінің соңғы 12 айдағы кірістілігі 9,03% көрсетті. Зейнетақы жинақтары - ұзақ мерзімді инвестициялар. Сондықтан, инвестициялық кірістің мөлшерін кем дегенде бір жыл ішінде талдаған жөн. Қысқа мерзімді деректер (апталық, айлық және т.б.) көрсеткіш бола алмайды, өйткені олар нарықтық жағдайдың тұрақты түрде өзгеріп отыратын құбылмалылығына тәуелді. Кейбір құралдар бойынша алынған кіріс басқа құралдар бойынша уақытша шығындарды жабатын инвестициялық портфельді әртараптандыру зейнетақы жинақтарының ұзақ мерзімді келешекте сақталуын және орнықты табыстылығын қамтамасыз етеді. Соңғы 3 жылдағы инвестициялық кіріс тұрақты түрде өсіп, зейнетақы активтерінің кірістілігі инфляция деңгейінен асып түсті.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды. Инвестициялық портфельді басқарушыларИПБ басқаруындағы зейнетақы активтерінің жалпы көлемі 62,38 млрд теңгеден асады.01.05.2025ж. жағдай бойынша "Jusan Invest" АҚ сенімгерлік басқаруындағы зейнетақы активтері шамамен – 11,70 млрд теңге.Компанияның негізгі инвестициялары: Exchange Traded Funds (ETF) пайлары – 21,55%, ҚР екінші деңгейдегі банктерінің (ЕДБ) облигациялары – 18,88%, ҚР ҚМ МБҚ – 17,78%, РЕПО – 10,35%, шетелдік эмитенттердің корпоративтік облигациялары – 7,91%, МҚҰ - 6,22%, ҚР эмитенттерінің корпоративтік облигациялары – 6,03%, шет мемлекеттердің МБҚ – 4,75%. Атап кетейік, портфельдің 67,00% теңгемен, 31,58% - АҚШ долларымен, 1,42% - басқа валюталарда ұсынылған. 2025 жылдың 1 мамырындағы жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 16,42% болды."Jusan Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған. 01.05.2025ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 5,46 млрд теңге болды.Портфель құрылымындағы негізгі инвестициялар: "кері РЕПО" (күнтізбелік 90 күннен аспайтын) – 22,90%, шетелдік эмитенттердің корпоративтік облигациялары – 14,26%, ҚР Қаржы министрлігінің мемлекеттік бағалы қағаздары – 12,87%, ҚР ЕДБ облигациялары – 11,45%, ҚР ұйымдарының корпоративтік облигациялары – 10,94%, ҚР квазимемлекеттік ұйымдарының облигациялары – 8,96%,  шетелдік эмитенттердің үлестік құралдары (ETF пайлары) – 7,50%, Қазақстан Республикасының ұйымдары шығарған акциялар мен депозитарлық қолхаттар – 2,61%, шет мемлекеттердің орталық үкіметтері шығарған мемлекеттік мәртебесі бар бағалы қағаздар – 2,54%.Ұлттық валютадағы инвестициялар портфельдің 69,72%, АҚШ долларымен 30,28% тең.2025 жылдың 1 мамырындағы жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 16,74% болды."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.05.2025ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері - шамамен 6,17 млрд теңге.Инвестициялардың негізгі бағыттары: ҚР ЕДБ облигациялары – 26,20%, Қазақстан Республикасының квазимемлекеттік ұйымдарының облигациялары – 19,17%, ҚР резидент-эмитенттерінің корпоративтік облигациялары – 16,62%, шетелдік эмитенттердің корпоративтік облигациялары – 11,01%, РЕПО – 9,19%, ҚР ҚМ МБҚ – 8,45%.Ұлттық валютадағы инвестициялар – портфельдің 75,77%, АҚШ долларымен 24,23%. 2025 жылдың 1 мамырындағы жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 17,45% болды."BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.05.2025ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 2,31 млрд теңге.ҚР ҚМ МБҚ-ға активтердің 21,17% инвестицияланды, ҚР эмитенттерінің корпоративтік облигацияларына – 19,94%, квазимемлекеттік ұйымдардың облигацияларына – 18,34%, ҚР ЕДБ облигациялары – 10,23%, АҚШ мемлекеттік облигациялары – 6,58%, РЕПО – 5,54%, ҚР резиденттері-эмитенттерінің акциялары мен депозитарлық қолхаттарына – 4,31%.Ұлттық валютада портфельдің 69,82%, АҚШ долларында – 30,18% инвестицияланды.2025 жылдың 1 мамырындағы жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 15,66% болды."Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 2025 жылғы 1 мамырдағы жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері шамамен 36,74 млрд теңге болды.Портфель құрылымындағы негізгі инвестициялардың сипаты мынадай: ҚР ҚМ МБҚ – 25,23%, ҚР эмитенттерінің корпоративтік облигациялары – 14,12%, шетелдік эмитенттердің корпоративтік облигациялары – 10,87%, ҚР ЕДБ облигациялары – 11,78%, Exchange Traded Funds (ETF) пайлары – 10,04%, шетелдік эмитенттердің акциялары мен депозитарлық қолхаттары – 7,30%, шет мемлекеттердің МБҚ – 6,48%, Қазақстан Республикасының квазимемлекеттік ұйымдарының облигациялары – 6,77%.  Ұлттық валютадағы құралдарға портфельдің 60,20%, АҚШ долларында – 39,80% инвестицияланды.2025 жылдың 1 мамырындағы жағдай бойынша БЖЗҚ зейнетақы активтерінің салымшылардың (алушылардың) шоттарына соңғы 12 айда бөлінген кірістілігі 16,49% болды."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге сала кетейік, 2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға оны ИПБ-ға 100% көлемінде беруге құқылы. [1] зейнетақы жарналары мен төлемдер шоттарындағы ақшаны есепке алмағандаАқпарат көзі : https://www.gov.kz/memleket/entities/abay-urzhar/press/news/details/1018581?lang=kk

2025 жылдың 10 сәуіркүні Халықты әлеуметтік қорғау саласындағы реттеу және бақылау комитетінің Атырау облысы бойынша Департаментінің зейнетақы және әлеуметтік қамсыздандыру бөлімінің бас маманы Г.Хамиевамен “ Азаматтарға арналған Үкімет” Мемлекеттік корпорациясы” қызметкерлеріне мемлекеттік қызмет көрсету сапасын жақсарту, практикалық көмек көрсету мақсатында әдістемелік- техникалық оқыту жүргізді.Әдістемелік-техникалық оқыту барысында бас тартулар бойынша сұрақтар талқыланды.Ақпарат көзі : https://www.gov.kz/memleket/entities/enbek-atyrau/press/news/details/1010248?lang=kk

Бүгін Самар ауданында ерекше балаларға арналған психологиялық-педагогикалық коррекция кабинеті ашылды. Салтанатты шараға ШҚО Білім басқармасының басшысы Инесса Чернышёва, Самар ауданының әкімі Серік Жеңісов, ата-аналар мен балалар қатысты. ШҚО Білім басқармасының басшысы Инессе Чернышёва мен ата-аналар қауымының өкілі салтанатты лентаны кесіп, қонақтар кабинет жұмысымен танысты. Жаңа мекеме дамуында ауытқуы бар балалар мен жасөспірімдерді қолдауды мақсат етеді. Кабинет 0-18 жас аралығындағы балаларды оңалту, әлеуметтік бейімдеу және ата-аналарға кеңес беру қызметін көрсетеді. Мұнда дефектолог, логопед және психолог мамандарының кабинеті, монтессори, сенорлық бөлме, ЛФК және ритмика залдары, СБО және басқа да кабинеттер жабдықталған. Ғимаратта пандустар, тактильді белгілер, кең есіктер, санитарлық бөлмелерде арнайы тұтқалар бар.Ашылу салтанатының соңында келген меймандар естелік суретке түсті.Ақпарат көзі : https://www.gov.kz/memleket/entities/vko-samar/press/news/details/1010210?lang=kk

Миролюбовка ауылында су құбыры желілері Самара ауданы, Самар ШЖҚ КМК балансына берілді. Ауыз суды пайдалануды білдірген абоненттердің орталық магистраліне қосымша тартулар жүргізілді. Жеке және заңды тұлғалармен қызмет көрсету шарттары жасалды. Алдағы уақытта ауыз суды ұтымды пайдалану үшін тариф белгіленеді.Ақпарат көзі : https://www.gov.kz/memleket/entities/vko-samar-mirolubovka/press/news/details/1010211?lang=kk

Монтерия, 2025 жылғы 30 мамыр – Қазақстан Республикасының Мексика Құрама Штаттарындағы Төтенше және Өкілетті Елшісі Алмұрат Тұрғанбеков басқарған Қазақстан делегациясы Колумбияның Монтерия қаласында өткен Кариб мемлекеттері қауымдастығы (КМҚ) мемлекет және үкімет басшыларының 10-шы саммитіне қатысты.Аталған мерейтойлық саммит 1994 жылы шілде айында Картахена қаласында қабылданған Қауымдастықты құру туралы конвенцияның 30 жылдығына арналды және «Мәңгілік бірлік: Тұрақты Үлкен Кариб өңіріне қарай» ұранымен өтті.Іс-шара аясында өңір үшін өзекті болып табылатын климаттық дағдарыс, көші-қон, тұрақты даму, жаһандық қаржы және басқару жүйелерін реформалау, адам құқықтарын қорғау, сондай-ақ бейбітшілік пен қауіпсіздікті қамтамасыз ету мәселелері талқыланды.Саммит алаңында Елші А.Тұрғанбеков КМҚ Бас хатшысы Н.Эспиноса Мадридпен және Латын Америкасы мен Кариб бассейні елдері делегацияларының басшыларымен бірқатар қысқа кездесулер өткізіп, олардың барысында екіжақты және көпжақты өзара іс-қимыл мәселелерін қозғады.Анықтама: Қазақстан Республикасы Кариб теңізі мемлекеттері қауымдастығында бақылаушы ел мәртебесін 2016 жылғы маусымда Гаванада (Куба) өткен 7-ші КМҚ саммитінде алды. Қауымдастық Латын Америкасы мен Кариб бассейніндегі беделді өңірлік құрылымдардың бірі болып табылады және құрамына 25 егемен мемлекет кіреді. Қазақстанмен қатар, КМҚ-да бақылаушы мәртебесіне Ұлыбритания, Италия, Испания, Нидерланды, Канада, Оңтүстік Корея, Ресей, Беларусь және басқа елдер ие.Ақпарат көзі : https://www.gov.kz/memleket/entities/mfa-mexico/press/news/details/1010167?lang=kk

Базель, 2025 жылғы 2 маусым - Дүниежүзілік сауда ұйымы және халықаралық экономикалық ұйымдар жанындағы Қазақстан Республикасының Тұрақты өкілі Қайрат Төребаев Халықаралық есеп айырысу банкінің Басқарушы директорының орынбасары Андреа М. Мехлер ханыммен кездесті.Кездесу барысында Қайрат Төребаев Қазақстанның қаржылық тұрақтылықты нығайту және заманауи банк технологияларын дамыту саласында Банкпен ынтымақтастықты тереңдетуге мүдделі екенін атап өтті. Ерекше назар цифрлық активтерді реттеу және орталық банктің қадағалау жүйесі салаларындағы тәжірибе алмасуға аударылды.Тараптар Мемлекет басшысы Қасым-Жомарт Тоқаев 2025 жылғы Астана халықаралық форумында жариялаған Қазақстанның CryptoCity пилоттық аймағын құру жөніндегі бастамасын талқылады. Бұл жоба өңірдегі тауарлар мен қызметтерге ақы төлеу үшін криптовалютаны пайдалануға арналған алғашқы реттелетін алаң болмақ.Андреа Мехлер ханым Қазақстанның цифрлық активтерді реттеу тәжірибесіне қызығушылық танытып, осы салада сараптамалық ынтымақтастық орнатуға дайын екенін білдірді.Кездесу соңында тараптар қаржылық тұрақтылық, цифрлық инновациялар және банк секторындағы халықаралық стандарттарды енгізу мәселелері бойынша ынтымақтастықты жалғастыруға ниетті екенін растады.Ақпарат көзі : https://www.gov.kz/memleket/entities/mfa-wto/press/news/details/1010169?lang=kk

Берн, 2025 жылғы 2 маусым – Дүниежүзілік пошта одағының Бас директоры Масаихико Метокимен кездесу барысында Қазақстан Республикасының ДСҰ және халықаралық экономикалық ұйымдар жанындағы Тұрақты өкілі Қайрат Төребаев Қазақстанның ДПО мақсаттарына бейілділігін растады және ынтымақтастықты кеңейтуге мүдделілік білдірді.Қазақстан ұлттық пошта жүйесін жаңғырту бағытында белсенді жұмыс жүргізіп жатыр. Осы үдерісте цифрландыру, логистика мен электрондық саудаға интеграцияға ерекше көңіл бөлінуде. Осыған байланысты Қазақстан тарапы тұрақты даму мен цифрлық қызметтер саласындағы пилоттық жобалар мен техникалық бастамаларға қатысуға дайын екендігін білдірді.Кездесуде Қазақстанның ДПО қамқорлығымен Астанада ірі халықаралық форум өткізу жөніндегі бастамасына ерекше назар аударылды. Ұсынылған форум аймақтағы цифрлық трансформация, орнықты логистикалық шешімдер, өңірлік өзара байланысты дамыту және электрондық сауданы интеграциялау мәселелерін талқылауға арналған алаңға айналуы мүмкін.Сонымен қатар, Қазақстан өз аумағында аймақтық пошта-логистикалық орталық құру бойынша ДПО-мен бірлесіп жұмыс істеуге қызығушылық білдірді.Кездесу соңында Тараптар ұсынылған бастамаларды нақтылау және Орталық Азиядағы пошта инфрақұрылымын нығайту мен сектордың орнықты дамуын қолдау мақсатында техникалық деңгейде диалогты жалғастыруға уағдаласты.Ақпарат көзі : https://www.gov.kz/memleket/entities/mfa-wto/press/news/details/1010186?lang=kk

Ново-Хайрузовка ауылдық округінде жыл сайын 1 маусымда атап өтілетін Халықаралық балаларды қорғау күніне арналған іс-шаралар өтті. Бұл күн балалардың өмір сүру, пікір бостандығы, білім беру және қорғау құқықтарын, сондай-ақ олардың дамуы мен әл-ауқаты үшін қолайлы жағдайлар жасаудың маңыздылығын еске салады .Мереке аясында округте балалардың қуанышы мен қолдауына бағытталған түрлі мәдени және ойын-сауық іс-шаралары ұйымдастырылды. Мұндай іс-шаралар ауылдық елді мекендерде әлеуметтік ұйымшылдықты нығайтуға және өмір сүру деңгейін арттыруға ықпал етеді.Ақпарат көзі : https://www.gov.kz/memleket/entities/vko-katon-karagay-novohairuzovka/press/news/details/1010193?lang=kk

Форумды Қазақстан Республикасының Президенті Қасым-Жомарт Тоқаев ашты.Astana International Forum – бұл жоғары деңгейдегі бірегей халықаралық шара. Форум мемлекет басшыларын, халықаралық ұйымдар, бизнес, ғылым және азаматтық қоғам өкілдерін ең маңызды жаһандық мәселелер бойынша ашық диалог жүргізу үшін біріктірді. Геосаяси шиеленістің күшеюі, климаттың қарқынды өзгеруі мен жаһандық экономиканың трансформациясы жағдайында, форум «Connecting Minds, Shaping the Future» («Ойларды біріктіру – болашақты қалыптастыру») ұранымен өткізіліп, бірлескен шешімдер мен жаңа мүмкіндіктерді іздеудің кеңістігіне айналды.Биыл форумға 70-тен астам елден делегациялар қатысады – олардың қатарында БҰҰ, Дүниежүзілік банк, ХВҚ, ДСҰ, Еуропалық одақ өкілдері, сондай-ақ Орталық Азия, Еуропа, Таяу Шығыс, Азия мен Солтүстік Америка елдерінің өкілдері бар. Спикерлер қатарында мемлекет басшылары, министрлер, жетекші экономистер, трансұлттық корпорациялардың басшылары, зерттеушілер мен үкіметтік емес ұйымдардың өкілдері болады.Шетелден 5 мыңнан астам қонақ келді. Олардың қатарында форум қатысушылары, делегация басшылары, компания жетекшілері, еріп жүрген тұлғалар және 100-ден астам шетелдік БАҚ журналисі бар.Форум туралы толық ақпаратты және оған қатысу мүмкіндіктерін ресми сайттан алуға болады: https://www.astanainternationalforum.org/ Ақпарат көзі : https://www.gov.kz/memleket/entities/astana-uir/press/news/details/1010150?lang=kk

Аудан әкімі Берік Сәрменбаевтың есепті кездесулері Тереңөзек кенті мен Асқар Тоқмағанбетов ауылында өтті. Кездесулерге облыстық мәслихат депутаты Жұмабек Ембергенов, аудандық мәслихат төрағасы Ержан Әжікенов, аудандық қоғамдық кеңес төрағасы Марат Еспенбетов, аудандық мәслихат депутаттары, дербес бөлім және мекеме басшылары қатысты.Аудан басшысы кездесу барысында облыс көлемінде жүзеге асып жатқан жобалар мен аудандағы әлеуметтік-экономикалық жетістіктерді атап көрсетті.– Мемлекет басшысы Қасым-Жомарт Кемелұлы Тоқаевтың тікелей қолдауымен аймақтың әлеуметтік-экономикалық дамуында оң тенденция қалыптасты. Өңіріміз барлық негізгі макроэкономикалық көрсеткіштер бойынша республикада алғашқы орындарда. Облыс бюджеті 750 млрд теңгеден асты. Биыл облыс аумағындағы барлық елді мекендер орталықтандырылған ауыз сумен 100 пайыз қамтамасыз етіледі. Тұрғындарды электр энергиясымен қамту бағытында құны 11 млрд. теңгеге 38 жоба жүзеге асырылуда. Қызылорда қаласында 215 млрд. теңгеге қуаттылығы 240 мегаватты құрайтын жаңа жылу электр орталығы қыркүйек айында пайдалануға беріледі. Президентіміздің Катар еліндегі іс-сапарда үкіметаралық келісім шеңберінде қуаттылығы 1100 МВт, құны 800 млрд теңге болатын бу-газ қондырғысын салу келісілді. Жаңа бу газ қондырғылары Сырдария ауданының аумағында салынатын болады. «ҚазМұнайГаз» компаниясының демеушілігімен Қызылорда қаласында заманауи үлгідегі 350 орындық Оқушылар сарайы пайдалануға берілді. «Ауылда денсаулық сақтауды жаңғырту» ұлттық жобасы аясында 28 нысан салынып, тұрғындарға сапалы медициналық қызмет көрсетуде, – деді Берік Әбдіғаппарұлы.Бүгінде аймақ басшысы Нұрлыбек Машбекұлы Нәлібаевтың қолдауымен ауданда ауқымды жобалар жүзеге асырылып жатыр. Аудан орталығында құны 1,5 млрд. теңге болатын «Руханият» орталығының құрылысы аяқталып, ел игілігіне табысталды. Аудан халқы 100 пайызы таза ауыз сумен қамтылған. Соңғы 3 жылда 670 млн. теңгеге Тереңөзек кенті, Шаған, Қоғалыкөл, Аманкелді елді мекендерінде ауыз су желілері жаңартылды. Өткен жылы «Ауылдық денсаулық сақтауды жаңғырту» Ұлттық жобасы аясында құны 241,1 млн. теңгеге Тереңөзек кенті және Аманкелді елді мекеніндегі медициналық нысандар күрделі жөндеуден өтті. Тереңөзек кентінде 465 млн. теңгеге тұрмыстық қатты қалдықтарды сұрыптауға арналған полигон пайдалануға берілді. Есепті кездесулерде тұрғындар елді мекеннің өзекті мәселелерін жеткізіп, ұсыныс-пікірлерін білдірді. Аудан әкімі барлық мәселе назарда болатынын айтып, тиісті сала басшыларына тапсырмалар жүктеді.Ақпарат көзі : https://www.gov.kz/memleket/entities/kyzylorda-syrdarya/press/news/details/1010081?lang=kk

Рига, 2025 жылғы 2 маусым – Қазақстан Республикасының Елшісі Дәурен Кәріповтың Латвия Республикасының Көлік министрі Атис Швинкамен кездесуі өтті.Тараптар транзиттік бағыттарды кеңейту, инфрақұрылымды жаңғырту және мультимодальды логистикалық тізбектерді дамытуды қоса алғанда, көлік ынтымақтастығын дамытудың қазіргі жағдайы мен перспективаларын талқылады.Латвиялық порттар арқылы елдер арасындағы жүк тасымалдауды жандандыруға, қазақстандық тауарларды ЕО елдеріне жедел жеткізу үшін теміржол инфрақұрылымын пайдалануға, сондай-ақ жүк айналымы процестерін цифрландыру және кедендік рәсімдерді оңайлату мәселелеріне ерекше назар аударылды.Тараптар іскерлік және туристік байланыстарды нығайту үшін авиация саласындағы ынтымақтастықты арттыруға келісті. Осы тұрғыда жақын арада елдер арасындағы тікелей әуе қатынасын қалпына келтіру туралы  пікір алмасу болды.Сонымен қатар Қазақстан Республикасының Көлік министрі М. Қарабаевтың шақыруы бойынша А. Швинка мырзаның биылғы жылы Қазақстанға сапарын ұйымдастыру мүмкіндігі талқыланды.Ақпарат көзі : https://www.gov.kz/memleket/entities/mfa-riga/press/news/details/1010108?lang=kk