Ар-Рияд, 2025 жылғы 1 маусым – Қазақстанның Сауд Арабиясындағы Елшісі Мадияр Меңілбеков Сауд Арабиясының Азаматтық авиация Бас басқармасының (GACA) Президенті Абдулазиз әл-Дуаиледжмен кездесті.Кездесу барысында тараптар Қазақстан мен Сауд Арабиясы арасындағы азаматтық авиация саласындағы өзара іс-қимыл мәселелерін, оның ішінде авиациялық қатынасты дамыту, екі елдің ірі қалалары арасында жаңа авиамаршруттар ашу, жолаушылар және жүк ағындарын ұлғайту және т.б. мәселелерді талқылады.Елші М.Меңілбеков Қазақстанның авиация саласының дамуы, сондай-ақ осы саладағы ынтымақтастықтың жаңа мүмкіндіктері туралы баяндап, Сауд авиакомпанияларының ҚР-да 5-дәрежелі әуе еркіндігін пайдалану мүмкіндіктеріне ерекше назар аударды.Бүгінгі таңда Қазақстан мен Сауд Арабиясы арасында "Алматы-Джидда", "Алматы-Медина", "Шымкент-Джидда", "Шымкент-Медина" және "Астана-Джидда" бағыттары бойынша тұрақты рейстер бар, оларды қазақстандық Air Astana, SCAT компаниялары және Сауд Арабиясының FlyNas авиакомпаниясы жүзеге асырады.Ақпарат көзі : https://www.gov.kz/memleket/entities/mfa-riyadh/press/news/details/1008936?lang=kk

Исламабад, 2025 жылғы 30 мамыр - Қазақстанның Пәкістандағы Елшісі Е.Қыстафин Орталық Азия өңірлік экономикалық ынтымақтастық (ОАӨЭЫ) Институтының 5-ші жыл сайынғы зерттеу конференциясына қатысты.ОАӨЭЫ қатысушы елдер арасындағы өзара байланысты талдауға арналған «ОАӨЭЫ ішіндегі сауда үшін бизнес-қызметтерге жеке инвестицияларды ынталандыру» панельдік сессиясында Е.Қыстафин Орталық Азия (ОА) мемлекеттері арасында, ең алдымен ОА мемлекеттері басшыларының консультативтік кездесулері форматында жүргізіліп жатқан жұмыс туралы хабарлады. ҚР Президенті Қ.Тоқаевтың өңірлік ынтымақтастықты дамытуға басымдық беретін маңыздылығын атап өтті. Бірлескен жұмыс жүргізілетін негізгі бағыттарды атап өтті: қауіпсіздік және тұрақтылық, көлік және логистика, сауда және инвестициялар, климаттың өзгеруі, цифрлық ортаны дамыту, сондай-ақ адами капиталға инвестициялар.Елші ОА елдері басшыларының сауда-экономикалық ынтымақтастықты арттыру үшін қабылдаған негізгі шешімдері, оның ішінде электрондық коммерцияны енгізу, сондай-ақ ОА іскерлік кеңесін құру туралы айтты. ОА кооперациясын нығайтудың, оның ішінде Оңтүстік Азия өңірімен, ең алдымен Пәкістанмен ынтымақтастықты одан әрі дамыту үшін маңыздылығы ерекше атап өтілді, бұл ОА елдерінің Парсы шығанағы, Африка және Оңтүстік-Шығыс Азия нарықтарына шығуын қамтамасыз етуге ықпал ететін болады. Өз тарапынан Қазақстан «Үлкен Еуразия» нарықтарына қолжетімділікті қамтамасыз ету үшін транзиттік хаб болуға дайын.ҚР Елшісімен бірге панельдік сессияда Пәкістанның Федералды инвестициялар министрі К.Шейх, Британия Елшілігінің даму жөніндегі директоры Ж.Моир, DAI Global ел директоры А.Фахим, Map Capital бас директоры Х.Факхар және т.б. қатысты. Ақпарат көзі : https://www.gov.kz/memleket/entities/mfa-islamabad/press/news/details/1008701?lang=kk

2025 жылғы 27-28 мамыр, Стокгольм – Швеция астанасының тарихи Sjöfartshuset (Теңізшілер үйі) ғимаратында «Орталық Азия, Еуропа және Солтүстік елдер: мүмкіндіктер мен сын-қатерлер» тақырыбында сараптамалық семинар өтті. Іс-шараны Қауіпсіздік және даму саясаты институты (ISDP) ұйымдастырды. Семинарға Швеция Сыртқы істер министрлігінің, дипломатиялық корпустың, Швеция, Норвегия, Финляндия, Өзбекстан сараптамалық орталықтарының өкілдері, сондай-ақ Орталық Азия өңірі бойынша халықаралық мамандар қатысты. Қазақстан тарапынан шараға Қазақстан Республикасының Президенті жанындағы Қазақстанның стратегиялық зерттеулер институты (ҚСЗИ) мен Қазақстанның Швециядағы Елшілігі қатысты. Семинардың ашылуында Қауіпсіздік және даму саясаты институтының директоры Сванте Корнелл Орталық Азия мемлекеттерінің маңыздылығы артып келе жатқанын ерекше атап өтті. Оның айтуынша, бұл өңірді бұрынғы геосаяси клишелер тұрғысынан – мемлекеттер тек пассивті «шахмат фигуралары» ретінде қарастырылатын көзқарас аясында бағалау қазіргі заман талабына сай келмейді. Керісінше, Орталық Азия өз мүдделерін дербес айқындайтын және жаһандық күн тәртібін қалыптастыруға белсенді түрде үлес қосып жатқан өсіп келе жатқан орта державалар өңіріне айналуда.ҚСЗИ-нің Азиялық зерттеулер бөлімінің бас сарапшысы Әлия Мұсабекова «Жаңа Орталық Азия» – өңірлік ынтымақтастық нығайып, қауіп-қатерлерге деген ортақ көзқарас қалыптасып, ұжымдық бірегейлік дамып жатқан аймақ туралы көзқарасын ұсынды. Бұл үдерістің негізгі факторлары ретінде келесілер аталды: өсіп келе жатқан геосаяси және экологиялық сын-қатерлер, соның ішінде Каспий теңізі деңгейінің төмендеуі; Орта дәліз жобасы мен Қытай–Қырғызстан–Өзбекстан теміржол желісі сияқты көлік байланыстарының кеңеюі; сондай-ақ жастардың өңірдегі мәдени және әлеуметтік трансформацияның қозғаушы күші ретіндегі рөлі.Семинар аясында Қазақстанның Швециядағы Елшілігінің кеңесшісі Арнұр Ғабдуллин Мемлекет басшысы Қасым-Жомарт Тоқаевтың «Күшті Президент – ықпалды Парламент – есеп беретін Үкімет» қағидатына негізделген саяси бағыты аясында елде жүзеге асырылып жатқан ауқымды институционалдық және экономикалық реформалардың барысын баяндады. Ол демократиялық институттарды нығайту, адам құқықтарын қорғау, Парламенттің өкілеттіктерін кеңейту, Президент өкілеттігінің бір жеті жылдық мерзіммен шектелуі және орнықты, инклюзивті, әртараптандырылған экономиканы қалыптастыру жөніндегі шараларды ерекше атап өтті.  Талқылау барысында қатысушылар Орталық Азия елдеріндегі институционалдық және әлеуметтік-экономикалық реформалардың перспективаларын, Еуропалық одақпен сындарлы шикізат ресурстары саласындағы ынтымақтастық әлеуетін, Солтүстік Еуропа өзара іс-қимыл модельдерінің қолдану мүмкіндіктерін, сондай-ақ Орталық Азия, ЕО және Солтүстік Еуропа елдері арасындағы серіктестікті нығайту мәселелерін талқылады.Ақпарат көзі : https://www.gov.kz/memleket/entities/mfa-stockholm/press/news/details/1008704?lang=kk

Ұлы Отан соғысындағы Жеңістің 80 жылдығына орай, Шығыс Қазақстан облысында Қазақстан Республикасы прокуратура органдары қызметкерлері арасында үстел теннисінен республикалық турнир өтті.Спорттық іс-шара халықтың ерлігін мәңгі есте сақтау, отансүйгіштікке тәрбиелеу және салауатты өмір салтын насихаттау арқылы ұжымдық рухты нығайту мақсатында ұйымдастырылды.Жарысқа Бас прокуратураның, барлық облыстар мен республикалық маңызы бар қалалардың, Бас көлік және Бас әскери прокуратуралардың, сондай-ақ Құқықтық статистика және арнайы есепке алу мен Активтерді қайтару комитеттерінің, Құқық қорғау органдары академиясының өкілдері қатысты.Байқауға қатысушыларға облыс прокуроры Алмат Байшолақов құттықтау сөз сөйлеп, прокуратура қызметкерлеріне ел үшін маңызды оқиғаларға қатысуға, сабақтастық пен корпоративтік мәдениетті сақтауға мүмкіндік беретін мұндай шаралардың маңыздылығын атап өтті.Іс-шара еліміздің барлық өңірлерінен келген әріптестер арасында кәсіби әрі спорттық ынтымақтастықты нығайтудың маңызды алаңына айналды. Турнирге қатысушылар – ерлер де, әйелдер де – жоғары физикалық дайындықтарын, жеңіске деген жігерлерін және тарихи жадыға деген құрметтерін көрсетті.Қызықты әрі тартысты ойындардың қорытындысы бойынша жүлделі орындар келесідей бөлінді:Ерлер арасында:1 орын – Абзал Табылдаұлы Тезекбаев, Ақмола облысының прокуратурасы басқармасының  аға прокуроры2 орын –Бақытжан Кәрібекұлы Шынасылов, Бас Прокурордың аға көмекшісі3 орын – Данияр Жомартұлы Куртаев, Солтүстік Қазақстан облысының  Петропавл қаласы прокуратурасының бөлім прокурорыӘйелдер:1 орын – Қарлығаш Серікқызы Есенова, Қарағанды облысының Шахтинск қаласы прокуратурасының аға прокуроры2 орын –  Сәлімжан Серкбайқызы Жақұбаева, Павлодар облысының прокуратурасы басқармасының аға прокуроры3 орын – Ақгүл Сәрсенбекқызы Жайлаубаева, Шымкент қаласы прокуратурасының бас маманыЖеңімпаздар мен жүлдегерлер дипломдармен, медальдармен және естелік сыйлықтармен марапатталды. Турнирге қатысушылардың барлығы жарыстың жоғары деңгейде ұйымдастырылғанын атап өтіп, қатысу мүмкіндігі үшін алғыстарын білдірді. Шығыс Қазақстан облысының прокуратурасыАқпарат көзі : https://www.gov.kz/memleket/entities/prokuratura-vko/press/news/details/1008723?lang=kk

Алматы облысында Қазақстан халқы Ассамблеясының 30 жылдығына орай қоғамдық келісімді нығайтуға, этносаралық диалогты дамытуға және бірлік құндылықтарын ілгерілетуге бағытталған ауқымды іс-шаралар кешені жүзеге асырылуда.Мерейтойлық жылдың басты оқиғасы – 2025 жылғы 30 мамырда Қонаев қаласында облыс әкімі Марат Сұлтанғазиевтің төрағалығымен өткен Қазақстан халқы Ассамблеясының облыстық ХХХ сессиясы болды.Жыл басынан бері өңірде 16 мыңнан астам адамды қамтыған 100-ден аса тақырыптық іс-шара өткізілді. Оларға 34 этномәдени бірлестіктің (оның ішінде 18-і – облыстық деңгейде), Аналар кеңесі мен Ақсақалдар кеңесінің мүшелері, «Ассамблея жастары» жастар қанаты, медиаторлар және азаматтық қоғам белсенділері қатысты.Мерейтойлық жылы этносаралық келісім инфрақұрылымын дамытуға ерекше көңіл бөлінуде. Қонаев қаласында аумағы 1 200 шаршы метр болатын Достық үйі мен жалпы аумағы 30 040 шаршы метрлік көпфункционалды Конгресс-холл салынады. Құрылыс-монтаж жұмыстары биылғы жылдың қазан айында басталады. Ұйғыр ауданында 50 сотық жер телімі бөлініп, 35 миллион теңгеге жобалық-сметалық құжаттаманы әзірлеуге өтінім берілді.Ел Президенті Астанада өткен Қазақстан халқы Ассамблеясының XXXIV сессиясында берген тапсырмаларына сәйкес, өңірде этностар тығыз қоныстанған Еңбекшіқазақ және Ұйғыр аудандарында ҚХА бөлімшелерін құру жұмысы басталды.Қоғамдық диалогты нығайтуда Аналар кеңесі мен Ақсақалдар кеңесінің рөлі ерекше. Облыста 146 Аналар кеңесі және 141 Ақсақалдар кеңесі жұмыс істейді. Олар бес айда 20 мыңға жуық адамды қамтыған 190-нан астам іс-шара өткізді. Медиация кеңесі 4 мыңнан астам адам қатысқан 36 кездесу ұйымдастырды. ҚХА жастар қанаты 6 мыңнан астам жасты қамтыған 49 бастаманы жүзеге асырды.Жыл соңына дейін өңірде ұлтаралық келісім, толеранттылық пен диалог идеяларын насихаттауға бағытталған тағы 8 ірі этномәдени жоба өткізу жоспарланған.«Біздің өңірде келісім, толеранттылық және ашық диалог – өмір салтына айналған. Бұл – бізді біріктіретін, қуатты ететін құндылықтар. Қазақстан халқы Ассамблеясы – бірлігіміздің және көптүрлілікке деген құрметтің символы. Мерейтойлық жылы біз тек мәдени бастамаларға ғана емес, инфрақұрылымды дамытуға да баса назар аударып отырмыз. Қонаев қаласындағы Достық үйі мен Конгресс-холл – бұл әр дауыстың ескеріліп, әр этностың мәдениеті мен дәстүрі қолдау табатын ортақ болашағымызға жасалған инвестиция», – деді Алматы облысының әкімі Марат Сұлтанғазиев. Ақпарат көзі : https://www.gov.kz/memleket/entities/almobl/press/news/details/1008732?lang=kk

 Қазақстан Республикасы Сыртқы істер министрінің бірінші орынбасары Ақан Рахметуллин 2025 жылғы 29-30 мамырда өтетін Астана халықаралық форумына қатысу үшін келген БҰҰ Бас хатшысының Ауғанстан бойынша арнайы өкілі – БҰҰ Ауғанстанға жәрдемдесу миссиясының (БҰҰ АЖМ) басшысы Роза Отунбаевамен кездесу өткізді.Кездесуге БҰҰ-ның Ауғанстан, Орталық Азия, Иран және Пәкістан бойынша Есірткі және қылмыс жөніндегі басқармасының (БҰҰ ЕҚБ) өңірлік өкілі Оливер Штолпе де қатысты.Сұхбат барысында тараптар Ауғанстандағы денсаулық сақтау, білім беру, инфрақұрылым және жұмыспен қамту саласындағы тұрақтылық пен орнықты дамуға жәрдемдесу ісінде Қазақстанның БҰҰ АЖМ мен БҰҰ ЕҚБ-мен өзара іс-қимылының кең ауқымды мәселелерін, сондай-ақ Алматыда ашылатын Орталық Азия мен Ауғанстан үшін Орнықты даму мақсаттары бойынша БҰҰ Өңірлік орталығы контекстінде әлеуетті бірлескен жобаларды талқылады.Ақпарат көзі : https://www.gov.kz/memleket/entities/mfa-kabul/press/news/details/1008737?lang=kk

Әскери-теңіз күштерінің әртекті кемелер дивизионының базасында 200-ден астам балаға арналған ашық есік күні ұйымдастырылды.Алдымен жас қонақтар әскери теңізшілердің шығармашылық ұжымы дайындаған концерттік бағдарламаға қатысты. Бағдарламада сүйікті кейіпкерлер бейнесіндегі көңілді аниматорлар балалармен ойын ойнап, би билеп, көтеріңкі көңіл-күй сыйлады. Балалардың күлкісі мен шаттығы алаңды думанға бөледі.Қызықты шоу бағдарламаны теңіз жаяу әскерлері десанттық-шабуылдаушы батальонының сарбаздары жалғастырды. Олар қоян-қолтық ұрыстан көріністер көрсетіп, қарумен шебер жұмыс істеу дағдыларын паш етті. Одан кейін алаңға шыққан коменданттық ротасының матростары қарумен керемет дефиле жасады. Қозғалыстың үйлесімділігі мен жауынгерлік сап түзеулері балалардың таңдайын қақтырды.Мерекелік күннің ерекше сәттерінің бірі – «Менің әкем – қаһарман» атты республикалық балалар сурет байқауының жеңімпаздарын марапаттау болды. Әр сурет Отан қорғаушы әкелеріне деген сүйіспеншілік пен мақтаныштың көрінісі болды. Әскери бөлім қолбасшылығы жеңімпаздарға дипломдар мен бағалы сыйлықтарды табыстады.Ең әсерлі сәт балалардың теңізге әскери кемелермен саяхатқа шығуы болды. «Орал», «Сарыарқа», «Маңғыстау» атты зымыран-артиллериялық кемелер мен «Алатау» миналық-тралдық кемесі Каспий теңізіне шықты. Балалар теңіз жағасынан қаланың таңғажайып көрінісін тамашалады.— Мұндай үлкен кемеде алғаш рет теңізге шығып тұрмын. Сонымен қатар әскери теңізшілермен бірге. Бұл мерекені ұйымдастырған барлық әскери қызметшілер мен ата-аналарымызға алғыс айтамын. Бұл күн менің есімде мәңгі қалады, – деді офицердің қызы Жұлдыз Қайрат.Бірақ мереке мұнымен аяқталған жоқ. Әскери пирске қайтып келген соң, балаларды тәтті сыйлықтар мен әскери кемелер фонында естелік фотосессия күтті. Бұл іс-шара әскери қызметшілер отбасына деген құрметтің белгісі болып, өскелең ұрпақ үшін әскери форма киген батырлардың қызметімен жақынырақ танысуға тамаша мүмкіндік болды.Ақпарат көзі : https://www.gov.kz/memleket/entities/mod/press/news/details/1008756?lang=kk

Жыл сайын 31 мамырда Қазақстанда 1930 жылдардағы саяси қуғын-сүргін мен ашаршылықтың құрбаны болған миллиондаған адамдар еске алынады. Әрбір қазақстандық отбасына әсер еткен тарихтың осы қайғылы тарауы. Мыңдаған адамдар әділетсіз сотталды, жер аударылды немесе атылды. Сонымен бірге, ел 2 миллионға дейін адамның өмірін қиған жойқын аштықты бастан өткерді. Бұл күн, мысалы, халықтың еркін өмір сүру құқығы үшін төлеген бағасы туралы. Бұл оқиғаларды есте сақтау болашақ ұрпақ үшін маңызды. Президент тарихи жадтың маңыздылығын және әділ болашақ үшін өткен трагедиялар туралы шындықты сақтау қажеттілігін бірнеше рет атап өтті.Ақпарат көзі : https://www.gov.kz/memleket/entities/upr-ump-kostanay/press/news/details/1008757?lang=kk

Астана, 2025 жылғы 30 мамыр – Астана халықаралық форумы аясында Қазақстан Республикасы Сыртқы істер министрінің орынбасары Әлібек Қуантыров, Нигерияның йоруба халқының басшысы – Ифе Королі Адейейе Энитан Огунвуси, сондай-ақ Қазақстан Парламенті Мәжілісінің депутаттары Самат Нұртаза мен Максим Рожиннің қатысуымен Қазақстан-Нигерия дөңгелек үстелі ұйымдастырылды.Іс-шараға қазақстандық агроөнеркәсіптік кешен мен IT-компаниялардың өкілдері, сондай-ақ Нигерияның қаржы және технология салаларындағы бизнес-қауымдастықтары қатысты.Дөңгелек үстел барысында тараптар Қазақстан мен Нигерия арасындағы экономикалық байланыстарды кеңейту мүмкіндіктерін талқылады. Ерекше назар қазақстандық ауыл шаруашылығы өнімдерін, соның ішінде ет пен ет өнімдерін жеткізу мәселелеріне, сондай-ақ цифрландыру және ақылды қалалар саласындағы ынтымақтастыққа аударылды. Қазақ тарапы органикалық және халал өнім өндіру әлеуетін, ауыл шаруашылығы өнімдерін терең өңдеу мен африкалық нарықтарға экспорттау мүмкіндіктерімен таныстырды. Сонымен қатар бірлескен инвестициялар, логистика және Нигерия инфрақұрылымын жаңғырту аясында қазақстандық цифрлық шешімдерді қолдану тақырыптары көтерілді.Нигерия тарапын ерекше қызықтырған жоба – «Сергек» ақылды жүйесі болды. Бұл жүйе қауіпсіздік, жол қозғалысын бақылау және қалалық ортаға талдау жүргізу үшін пайдаланылады. Нигерия тарапы компанияны нақты пилоттық жобаларды пысықтау үшін елге шақырып, қалалардың жылдам өсуі мен заманауи басқару технологияларына деген сұраныс аясында бұл шешімнің жоғары әлеуетін атап өтті.«Біз Нигериямен ынтымақтастықты Африкадағы ең келешегі зор бағыттардың бірі ретінде қарастырамыз. Екі елдің де жеке секторы қарқынды дамып келеді, әрі экономикаларымыз бірін-бірі толықтырады. Қазақстан агроөнеркәсіп, экспорттық логистика, цифрландыру және урбанистика салаларында нақты шешімдерді ұсына алады. Бүгінгі талқылаулар нақты жобалар мен ұзақ мерзімді серіктестікке негіз болады деп сенеміз», – деп кездесуді қорытындылады Ә.Қуантыров.Кездесу форум аясындағы Қазақстан мен Африка арасында нығайып келе жатқан диалогтың жалғасы болды. Бұл диалог технологиялық серіктестік пен орнықты дамуға негізделген нақты ынтымақтастыққа екі тараптың да мүдделі екенін дәлелдеді.Ақпарат көзі : https://www.gov.kz/memleket/entities/mfa/press/news/details/1008768?lang=kk

🔹 2025 жылғы 30 мамырда Мәдениет басқармасының ұйымдастыруымен «Үздік оқытушы – 2025» облыстық байқауы өтті. Байқау оқытушылардың шығармашылық әлеуетін арттыру, кәсіби шеберлігін насихаттау мақсатында өткізілді. 🔹 Сайысқа облыстың қалалық және аудандық тілдерді оқыту орталықтарынан 9 оқытушы қатысып, өздерінің әдістемелік тәжірибелерімен бөлісті. Қатысушылар «Бейнесабақ», «Сұрақ-жауап» және «Жағдаяттық тапсырмалар» кезеңдерінде бақ сынады. 🔹 Байқау қорытындысы бойынша:🏆 Бас жүлде – Гүлжазира Жұмақанқызы Баймағамбетова (Арқалық қаласы).🥇 I орын – Нурсыйла Махсатовна Мейримханова (Рудный қаласы),🥈 II орын – Нұрмұхамед Әмзеұлы Серікбаев (Лисаков қаласы),🥉 III орын – Жанар Кумаровна Хаджиева (Ұзынкөл ауданы), 🔹 Жеңімпаздар мен қатысушылар Қостанай облысы мәдениет басқармасы басшысының атынан дипломдармен, алғысхаттармен және ақшалай сыйлықтармен марапатталды.Жеңімпаздарды шын жүректен құттықтаймыз!     Посмотреть эту публикацию в Instagram           Публикация от Мәдениет басқармасы (@madeniet_basqarmasy)Ақпарат көзі : https://www.gov.kz/memleket/entities/kostanai-madeniet/press/news/details/1008769?lang=kk

Астана, 2025 жылғы 30 мамыр – Астана халықаралық форумы аясында Қазақстан Республикасы Сыртқы істер министрінің бірінші орынбасары Ақан Рахметуллин БҰҰ Бас хатшысының орынбасары – БҰҰ Бас хатшысының цифрлық және перспективалық технологиялар жөніндегі арнайы өкілі Амандип Сингх Гиллмен кездесті.Тараптар жасанды интеллектті енгізу, суперкомпьютерді құру, цифрлық инфрақұрылымның дамуын, электрондық үкімет (eGov) саласындағы табыстарды, сондай-ақ «Astana Hub» халықаралық технопаркін ашу мәселелерін және Алматыда Орнықты даму үшін цифрлық шешімдер орталығын құру бастамасын қоса алғанда, Қазақстанның технологиялық жетістіктерін талқылады.А.Рахметуллин Қазақстанның БҰҰ-ның цифрлық күн тәртібін, соның ішінде Жаһандық цифрлық шартты және жасанды интеллектті қауіпсіз және әдепті пайдалану жөніндегі бастамаларды қолдайтынын растады.Өз кезегінде А.Гилл инклюзивті, жауапты және орнықты цифрлық трансформацияны ілгерілету мақсатында ынтымақтастықты тереңдетуге қызығушылық білдірді.Ақпарат көзі : https://www.gov.kz/memleket/entities/mfa/press/news/details/1008770?lang=kk

2025 жылғы 12-13 маусым аралығында бекітілген кестеге сәйкес Қостанай облысының қалалары мен аудандарының кәсіпорындары мен ұйымдарының қызметкерлері үшін мобильдік топтың жұмысы аяқталды, құрамында Департамент басшысының орынбасары Б. Қашырбеков және «Қостанай облысының Кәсіподақ орталығы», Халықты әлеуметтік қорғау саласындағы реттеу және бақылау комитетінің Қостанай облысы бойынша департаменті, сондай-ақ «Қостанай облысы бойынша Мемлекеттік әлеуметтік сақтандыру қоры» АҚ филиалы өкілдерімен, оның шеңберінде әлеуметтік-еңбек саласындағы мәселелер бойынша ақпараттық-түсіндіру жұмыстары жүргізілді.Ақпарат көзі : https://www.gov.kz/memleket/entities/kostanai-enbek/press/news/details/1018448?lang=kk

Астана, 2025 жылғы 30 мамыр – Қазақстан Республикасы Сыртқы істер министрінің бірінші орынбасары Ақан Рахметуллин Астана халықаралық форумының жұмысына қатысу үшін келген Орталық Азия үшін БҰҰ-ның Превентивті дипломатия жөніндегі өңірлік орталығының (ОАПДӨО) басшысы Каха Имнадземен кездесу өткізді.Сұхбат барысында тараптар Қазақстан мен ОАПДӨО арасындағы өзара іс-қимылдың негізгі бағыттарын, өңірлік қауіпсіздік, орнықты даму мәселелерін, сондай-ақ бірлескен іс-шараларға дайындықты талқылады.Қазақстанда ағымдағы жылдың күзіне жоспарланған Орталық Азия елдерінің сыртқы істер министрлері орынбасарларының алдағы кездесуіне ерекше назар аударылды. Атап айтқанда, өңірлік қауіпсіздік, тұрақты даму, су ресурстары және климаттың өзгеруі мәселелерін қамтитын күн тәртібін қалыптастыру талқыланды.А.Рахметуллин Орталық Азия елдері арасындағы ынтымақтастықты нығайту үшін алдағы іс-шараның маңыздылығын атап өтіп, өңірдегі превентивті дипломатияны ілгерілету мен күш-жігерді үйлестірудегі белсенді рөлі үшін Өңірлік орталыққа алғысын білдірді.Тараптар аталған кездесуге дайындық шеңберінде тығыз өзара іс-қимылды жалғастыруға уағдаласты, сондай-ақ Қазақстан мен ОАПДӨО арасындағы одан әрі ынтымақтастықтың дамуына үлкен мән берді.Ақпарат көзі : https://www.gov.kz/memleket/entities/mfa/press/news/details/1008773?lang=kk

Үлкен Нарын ауданында Шығыс Қазақстан облысы әкімдігінің кезекті  көшпелі отырысы өтті.  Жиынға облыс әкімі, қала, аудан әкімдері, басқарма басшылары қатысты. Жиын соңында ШҚО әкімі Нұрымбет Сақтағанов ауданның әлеуметтік-экономикалық дамуына үлес қосқан қызметкерлеріне алғыс хаттар табыс етті.Облыс әкімдігінің көшпелі отырысынан кейін қалалар мен аудандардың 13 әкімі естелік ретінде 50 көшет отырғызды. Сондай-ақ, әлеуметтік маңызы бар бірқатар нысандарды аралады.Ақпарат көзі : https://www.gov.kz/memleket/entities/vko-ulken-naryn/press/news/details/1008777?lang=kk

Қостанай облысында жыл соңына дейін халықты сапалы ауызсумен қамтамасыз ету мәселесін толық шешу жоспарланып отыр. Қазақстан Президентінің тапсырмаларын орындау аясында ауылдық және қалалық елді мекендерді сумен жабдықтау жүйелеріне қосу бойынша ауқымды жұмыс жүргізілуде.Бүгінгі таңда сумен қамтылғандар:Қалалық халықтың — 99%-ы,Ауылдық халықтың — 91,3%-ы.2025 жылдың соңына дейін қалған 33 ауыл мен 2 қала — Арқалық пен Тобыл — сумен қамтылады. Нәтижесінде өңірде 100 пайыздық қамту қамтамасыз етіледі.📍 Жоспарланған шаралар:20 ауылда (13 мың адам) орталықтандырылған сумен жабдықтау (ОСЖ) енгізіледі,13 ауылда (3 мың адам) су тарату пункттері (СТП) орнатылады,7 елді мекенде су тасымалдау ұйымдастырылады.«Халықты таза ауызсумен қамтамасыз ету — бұл тек инфрақұрылым мәселесі емес, өмір сапасының негізгі көрсеткіші. Мемлекет басшысы тапсырғандай, қалған ауылдар мен қалаларда жұмыс толық аяқталады», — деп атап өтті облыстық энергетика және ТКШ басқармасында.🚧 Биыл облыста 66 жоба жүзеге асырылуда:45 — ауылдық елді мекендерде,21 — қалаларда.Жобаларды іске асыруға 22 млрд теңге бөлінді, оның ішінде:6,9 млрд — Ұлттық қордан,5,3 млрд — тұрақтандыру қорынан,7,6 млрд — жергілікті бюджеттен,2,1 млрд — республикалық бюджеттен.Маусым айында қосымша 9 млрд теңге бөлу жоспарланған. Бұл қаражат 14 жобаға бағытталады (оның ішінде 13-і ауылдық, 1-і — Тобыл қаласында). Тиісті өтінімдер ҚР Индустрия және құрылыс министрлігіне жолданды.🟢 Күтілетін нәтиже:Георгиевка, Михайловка, Восток, Константиновка, Лесное, Свердловка, Первомайское және басқа ауылдарда ауызсу пайда болады.10 ауылда ескірген сумен жабдықтау жүйелері жаңартылады.Алыс елді мекендерде тасымал суды пайдалану мәселесі шешіледі.Барлық құрылыс-монтаж жұмыстары кестеге сай жүргізілуде. 2025 жылдың соңына дейін Қостанай облысының халқы толық көлемде сапалы ауызсумен қамтамасыз етіледі.Ақпарат көзі : https://www.gov.kz/memleket/entities/kostanay/press/news/details/1008780?lang=kk

Қарағанды облысында Еуроодақтың бірқатар елшіліктерінің өкілдері болып қайтты.Дипломаттар аймақ жұртшылығымен бірге Спасск мемориалындағы ескерткіш белгілерге гүл шоқтарын қойып, саяси қуғын-сүргін құрбандарын еске алды. Одан кейін Қарағанды облысының әкімі Ермағанбет Бөлекпаевпен кездесуде экономикалық және гуманитарлық салалардағы ынтымақтастықты дамыту мүмкіндіктері талқыланды.Кездесу Ә. Сағынов атындағы Қарағанды техникалық университетінде өтті. Оның базасында «Картех» өңірлік инновациялық-индустриялық хабы қалыптастырылуда, онда заманауи технологияларды енгізу және қолданбалы ғылымды дамыту бойынша күш-жігер шоғырландырылады деп жоспарланған.– Өңірде еуропалық компаниялардың қатысуымен жобалар табысты іске асырылуда – бұл «Бёмер» арматура өндірісі, «Изоплюс Орталық Азия» алдын ала оқшауланған құбырлар, «Линде Газ Қазақстан» техникалық газдары және «Соларнет» күн электр станциясы. Бұл мысалдар өзара мүдделердің бар екенін және мұндай ынтымақтастықтың тәжірибесі кеңейтілуі мүмкін екенін көрсетеді. Біз жаңа инвестициялардың тартылуына, технологиялық серіктестіктер және қолданбалы зерттеу жобаларының дамуына мүдделіміз, – деп атап өтті Ермағанбет Бөлекпаев.Өңірдің инвестициялық әлеуетін облыс әкімінің орынбасары Ермек Алпысов таныстырды. Ол облыстың артықшылықтары, қолайлы инвестициялық ахуал, көлік және логистикалық әлеует, адам ресурстары туралы айтып берді.Қарағанды облысы – өзара тиімді іскерлік әріптестік үшін ашық үлкен мүмкіндіктер өңірі, деп атап өтті спикер. Қазіргі уақытта облыс өңдеу өнеркәсібі өнімдерін әлемнің 70 еліне экспорттайды. «Сарыарқа» АЭА-да Германия, Австрия, Қытай, Катар және Канададан 25 компания табысты жұмыс істейді. Дамудың жаңа ірі нүктесі – Саран индустриялық аймағы.Қонақтар өз сөзінде табысты серіктестікке мысал келтіріп, ынтымақтастықтың жаңа көкжиектерін ашуға мүдделілік танытты. Мысалы, Scania швед бренді Қарағанды облысында көлік техникасы өндірісін іске қосты. Францияның жетекші компанияларының бірі суды тиімді пайдаланудың озық технологияларымен бөлісуге дайын және ынтымақтастық туралы келісімге қол қойылды. Хорватия туризм саласындағы іскерлік байланыстарды дамытуға болады деп есептейді.– Біз жалпы Қазақстанмен, атап айтқанда өңірмен ынтымақтастықтың зор әлеуетін көріп отырмыз. Бұл көлік және логистика, климаттың өзгеруімен күрес, жасыл энергетика сияқты салалар. Бұдан басқа, бұл адами ресурстар, цифрландыру, білім беру, – деп атап өтті Еуропалық Одақтың Қазақстандағы елшісі Алешка Симкич. – Осындай кездесулер барысында біз бизнес өкілдеріне жол ашамыз, мүмкін болатын әлеуеттер туралы айтамыз. Содан кейін компаниялардың өздері В2В форматында серіктестік қарым-қатынас үлгісін жасайды. Ал бизнес тарапынан үлкен қызығушылық бар.Ақпарат көзі : https://www.gov.kz/memleket/entities/karaganda/press/news/details/1008789?lang=kk

Астанадағы халықаралық форум туралы Астанадағы халықаралық форум(AIF) диалог, ынтымақтастық және іс-қимыл үшін ең ірі жаһандық платформа болып табылады. Инклюзивті және сындарлы өзара іс-қимыл арқылы әлемдегі ең өзекті мәселелерді шешу үшін құрылған Форум үкіметтердің, халықаралық ұйымдардың, бизнестің және ғылыми ортаның көшбасшыларын біріктіреді."Ақыл-ойды біріктіру, болашақты қалыптастыру" ұранымен өтетін биылғы Форум климаттың өзгеруі, энергетикалық қауіпсіздік, қақтығыстардың алдын алу және тұрақты өсу мен дамуды қоса алғанда, жаһандық мәселелердің кең ауқымы бойынша сындарлы пікірталастар мен практикалық шешімдерді іздеуге ықпал етуге арналған.Биылғы форумға Президент Қасым-Жомарт Тоқаев ашқан, бүкіл әлемнің жоғары лауазымды тұлғаларының қатысуымен өткен жоғары деңгейдегі пленарлық отырыс, сондай-ақ панельдік талқылаулар мен бір-бірден талқылауларды қамтитын екі күндік бағдарлама кіреді.Форумға 5000-нан астам халықаралық қатысушылар, оның ішінде делегация басшылары, корпорация басшылары және 100-ден астам шетелдік журналистер қатысады. "AIF" Қазақстанды өңірлер мен идеялар арасындағы көпір, сондай-ақ жаһандық белгісіздік пен жаңа мүмкіндіктер дәуірінде сенімді ұйымдастырушы ретінде позициялауды жалғастыруда.Ақпарат көзі : https://www.gov.kz/memleket/entities/mfa-kabul/press/news/details/1008800?lang=kk

Белград, 2025 жылғы 30 мамыр - Халықаралық балаларды қорғау күнін мерекелеу қарсаңында Қазақстанның Сербиядағы елшілігі қазақ балалар әдебиетінің классигі Бердібек Соқпақбаевтың серб тіліне елшілік аударған “Балалық шаққа саяхат" повесінің бірнеше ондаған данасын Сербия тәж ханшайымы Катарина Карадорджиевичтың қайырымдылық қорына сыйға ұсынылды.Мейірімділік қорының басқарушысы  Дияна Добротаның айтуынша, кітаптарды беру елшілік пен қор арасындағы ынтымақтастықтың тамаша дәстүріне айналды және бұл өз кезегінде мәдениеттер мен жас ақыл – ойларды байланыстыратын кітап пен білім берудің зор ықпалы бар.Серб тараптары бұл дәстүр ерте жастан бастап достық, өзара түсіністік пен мәдени алмасуды дамыта отырып, ұзақ мерзімді оң әсер ететініне сенім білдірді.Сыйға тартылған кітаптар Сербиядағы мектептер мен балалар мекемелеріне беріледі, онда олар кітапханаларды толықтырып қана қоймай, қазақ халқының әдебиеті мен тарихына терезе ашады.Қорытындылай келе, Д.Доброта мейірімділік қоры Қазақстан балаларына Халықаралық балаларды қорғау күніне орай тәж ханшайымы К.Карадорджиевичтың жылы құттықтаулары мен ізгі тілектерін жеткізді.Сербияның тәж ханшайымы Катарина қоры 2001 жылдың тамызында ерекше қажеттіліктері бар балаларға, жетімдерге және зорлық-зомбылыққа ұшыраған балаларға көмектесу үшін құрылды. Қордың өкілдіктері Чикагода, Нью-Йоркте, Торонтода, Лондонда (ірі серб диаспораларын ескере отырып) ашылды.2024 жылы елшілік қорға " серб тіліндегі қазақ ертегілері" кітаптарын берді.Ақпарат көзі : https://www.gov.kz/memleket/entities/mfa-belgrad/press/news/details/1008811?lang=kk

2025 жылғы 14 мамырдан бастап Алматы облысы аумағында шегіртке зиянкестері ошақтарын анықтап, жоюға бағытталған ауқымды кешенді кампания жүргізілуде.Бүгінгі күнге дейін ауыл шаруашылығы қызметкерлері 330 мың гектардан астам алқапты мониторингтен өткізді. 27 мың гектардан астам жер химиялық өңдеуден өтті. Жұмыстарға авиациялық техника, ұшқышсыз ұшу аппараттары (дрондар), сондай-ақ жерүсті бүріккіштер тартылған.Алматы облысының әкімі Марат Сұлтанғазиев Шеңгелді ауылдық округінің егіс алқаптарында көшпелі жиын өткізіп, мердігер ұйымдардың өкілдерімен, салалық ведомстволар мен жергілікті атқарушы органдардың қызметкерлерімен кездесті. Сапар аясында өңір басшысы ахуалмен танысып, тартылған техниканы көріп, нақты тапсырмалар берді. Атап айтқанда, ведомствоаралық өзара іс-қимылды күшейту, химиялық қорғаныс құралдарымен үздіксіз қамтамасыз ету және зиянкестердің жаңа ошақтарына жедел ден қою бойынша міндеттер жүктелді.— Зиянкестерге қарсы күрес – бұл тек агротехникалық шара емес, сонымен қатар азық-түлік қауіпсіздігі мен ауыл шаруашылығының тұрақтылығын қамтамасыз етудің маңызды бөлігі. Біз үйлесімді, кәсіби әрі уақтылы әрекет етуіміз қажет, — деп атап өтті Марат Сұлтанғазиев.«Біздің басты міндетіміз – шегіртке зиянкестері ошақтарын дер кезінде оқшаулап, жою. Жұмыстар ауыл шаруашылығы өндірушілерімен тығыз өзара іс-қимылда, авиацияны, дрондарды және жерүсті техниканы пайдалана отырып жүргізілуде. Бірлескен күш-жігермен біз фитосанитарлық тәуекелдерді барынша азайтып, егіс алқаптарын қорғаймыз», — деп түсіндірді Қазақстан Республикасы Ауыл шаруашылығы министрлігінің Агроөнеркәсіптік кешендегі мемлекеттік инспекция комитетінің Алматы облысы бойынша инспекция басшысы Дархан Қарибаевич Әбілғазиев.Кампания облыстың барлық аудандарын қамтып отыр. Өңдеу жұмыстары ауада – жеңіл авиация көмегімен және жерүсті арнайы техниканы пайдалану арқылы жүргізілуде. Алматы облыстық ауыл шаруашылығы басқармасының басшысы Ғалым Тоқпеисовтің айтуынша, жұмыстар бекітілген кестеге сай жүріп жатыр, жағдай бақылауда. Ауыл шаруашылығы өндірушілерінен егістікке немесе жайылымдарға келтірілген зиян туралы шағым түспеген.— Облыс аумағында шегірткенің үш түрі анықталды. 113 мың гектар алқап өңдеуге жатады, оның 63 мың гектары республикалық бюджет есебінен, қалғаны – жергілікті бюджет есебінен қаржыландырылуда. Бүгінде жоспарланған көлемнің шамамен 25%-ы қамтылды. Кампанияға 200-ден астам маман мен 46 техника тартылған, — деп мәлімдеді Ғалым Тоқпеисов.Зиянкестердің таралуын болдырмау мақсатында мониторинг және өңдеу жұмыстары тәулік бойы жүргізілуде. Авиациялық жұмыстарды осы салада 25 жылдан астам тәжірибесі бар «Aviasila» ЖШС жүзеге асыруда. Қолданылып жатқан препараттар шегірткені тиімді түрде жояды, ауыл шаруашылығы дақылдарына зиян келтірмейді.— Биыл ерте жылыну салдарынан шегіртке пайда болу мерзімі өзгерді, бұл жұмыс кестесін қайта қарауды талап етті. Алдымен зиянкестердің тығыз шоғырланған аймақтары өңделіп жатыр. Өңірде жеңіл және аса жеңіл авиацияның төрт борты тартылған. Жұмыстар бекітілген жоспарға сәйкес қатаң жүргізілуде, — деп баяндады «Aviasila» ЖШС директоры Игорь Сухоруков.Зиянкестермен күресте заманауи технологиялардың рөлі зор. «Фитосанитария» РМК АОФ директоры Несіпбай Чингизбаевтың айтуынша, «EA J100» үлгісіндегі дрондар қиын жететін жерлерді тиімді өңдеуге мүмкіндік береді. Бір дрон 10 минут ішінде 3 гектарға дейін, бір жұмыс ауысымында 70 гектардан астам жерді өңдей алады.— Бұл дрондар биыл сатып алынды. Олардың басты артықшылығы – авиация мен жерүсті техника жетпейтін аумақтарды өңдеу мүмкіндігі. Жақын арада олар Кеген және Райымбек аудандарында қолданылатын болады. Әр дрон 50 литрлік бакпен және екі аккумулятормен жабдықталған. Әр аппаратқа үш адамнан тұратын команда бекітілген, — деп нақтылады Несіпбай Чингизбаев.Кампания аясындағы алдын алу және жою шаралары жоспарлы түрде жалғасып, белгіленген мерзімде аяқталады.Ақпарат көзі : https://www.gov.kz/memleket/entities/almobl/press/news/details/1008823?lang=kk

2025 жылғы 26-30 мамыр аралығында Исламабад және Лахор қалаларына ректор Анар Ақылбекқызы Тұрмұхамбетова бастаған ҚР жетекші жоғары оқу орындарының бірі «Астана медицина университетінің» делегациясы келді.Сапар барысында Пәкістанның жетекші медициналық университеттерінің – «Ұлттық медицина ғылымдары университетінің» (НУМС), «Равалпинди медициналық университетінің»(RMU), «Шиф Тамир-е-Миллат университетінің»(STMU), «Кинг Эдвард медициналық университетінің» (KEMU), Пенджаб университетінің, Лахордағы денсаулық ғылымдары университетінің (UHS), сондай-ақ ең ірі Исламабад клиникаларының бірі – «Маруф» халықаралық клиникаларының бірі – басшылығымен кездесулер өтті.Сонымен қатар, Пәкістанның жоғары білім жөніндегі комиссиясының төрағасы доктор Мұхтар Ахмедпен, Пенджаб провинциясының білім министрі Рана Сикандар Хаятпен, Пәкістанның Медициналық және стоматологиялық кеңесінің (PMDC) өкілдерімен, сондай-ақ ИЫҰ ғылыми және технологиялық ынтымақтастық жөніндегі тұрақты комитетінің (COMSTECH) бас үйлестірушісі профессор доктор Икбал Чаудримен келіссөздер жүргізілді.Өткен келіссөздер барысында тараптар медициналық зерттеулер, студенттермен, профессорлық-оқытушылық құраммен алмасу, оқу бағдарламаларын зерделеу және т. б. салалардағы өзара іс-қимыл мүмкіндігін зерделеу мақсатында медициналық оқу орындары арасындағы ынтымақтастықты жолға қою перспективаларын талқылады. Осыған байланысты тараптар медициналық жоғары оқу орындары мен денсаулық сақтау ұйымдары арасында тікелей байланыс орнату қажеттігін атап өтті.Қазақстанда пәкістандық студенттердің көп саны білім алатынын ескере отырып, академиялық ұтқырлықты дамыту, Пәкістанның медициналық оқу және емдеу мекемелерінде интернатура ұйымдастыру, онлайн немесе офлайн дәрістер өткізу және т. б. мәселелеріне ерекше назар аударылды.Сондай-ақ, тараптар ҚР және ПИР ЖОО-на түсу үшін екі елдің азаматтарын іріктеудің транспарентті және әділ жүйесін құру мақсатында ынтымақтастықты жолға қоюға өзара мүдделілік білдірді.Қазақстан елшілігі Пәкістанның Жоғарғы оқу орындарымен кездесулерді ұйымдастыруда көрсеткен сыпайы көмегі үшін ПИР жоғары білім беру Комиссиясының төрағасы доктор М.Ахмедке шын жүректен алғысын білдіреді. Ақпарат көзі : https://www.gov.kz/memleket/entities/mfa-islamabad/press/news/details/1008830?lang=kk