Қылмыстық-атқару жүйесі мекемелерінің аумағына тыйым салынған заттарды, оның ішінде ұшқышсыз ұшу аппараттарын (дрондарды) пайдалана отырып жеткізу әрекеттері қатаң тыйым салынады және Қазақстан Республикасының заңнамасына сәйкес жауапкершілікке әкеп соғады.Тыйым салынған заттарға мыналар жатады:– ұялы телефондар мен SIM-карталар,– есірткі және психотроптық заттар,– алкогольдік ішімдіктер,– ақшалай қаражат және түзету мекемелерінің аумағына алып өтуге болмайтын өзге де заттар.Егер мекеме аумағында дрон ұшырылғаны анықталса, бұл туралы ақпарат дереу құқық қорғау органдарына беріледі, ал кінәлілер заңға сәйкес жауапкершілікке тартылады.ЕСКЕРТЕМІЗ:Тыйым салынған заттарды жеткізуге әрекет жасау — құқық бұзушылық, ал кейбір жағдайларда қылмыстық жауапкершілікке әкелуі мүмкін.2025 жылдың басынан бері тыйым салынған заттарды жеткізу әрекеті кезінде тәркіленді:– 229 ұялы телефон;– 53,33 литр алкогольдік ішімдік;– 8,59 кг есірткі заттары;– 534 750 теңге ақшалай қаражат.Жауапкершілік:– Тыйым салынған заттарды беруге әрекет жасағаны үшін 129 азамат ұсталды;– Әкімшілік құқық бұзушылық туралы кодекстің 481-бабы бойынша 69 адам әкімшілік жауапкершілікке тартылды, 32 іс сот қарауында;– ҚР ҚК-нің 296 және 297-баптары бойынша 19 адам қылмыстық жауапкершілікке тартылды.Заң талаптарын сақтау — әр азаматтың міндеті.Ақпарат көзі : https://www.gov.kz/memleket/entities/duis-mangystau/press/news/details/1004640?lang=kk

Қарағанды облысындағы №29 түзету мекемесінде тыйым салынған заттарды заңсыз жолмен жеткізу әрекеті дер кезінде әшкереленді.Мекеме қызметкерлері мен Ұлттық ұланның 6505 әскери бөлімінің әскери қызметшілері бірлесіп жүргізген тексеру барысында күдік тудырған сәлемдеме мұқият қаралды. Нәтижесінде спорттық аяқ киімнің ішінен смартфон, қуаттағыш құрылғы, бірнеше SIM-карта және 19 мың теңге көлеміндегі қолма-қол ақша табылып, тәркіленді.Сәлемдеменің сыртқы орамасының күмән тудыруы қызметкерлердің жіті назарын аударып, тексеруді күшейтуге себеп болған.Аталған дерек бойынша тиісті процессуалдық шаралар қабылдануда.Ақпарат көзі : https://www.gov.kz/memleket/entities/ps/press/news/details/999279?lang=kk

Астанада Қазақстан мұсылмандары діни басқармасының ұйымдастыруымен «Қазақ даласындағы дәстүрлі ислам құндылықтары» VІ Республикалық имамдар форумы өтті. Онда Мемлекет басшысы Қасым-Жомарт Тоқаев арнайы хат жолдап, ҚМДБ-ның 35 жылдығымен құттықтады. Аталған форумға Самар ауданының бас имамы Бекболат қажы Калебай қатысты.Ақпарат көзі : https://www.gov.kz/memleket/entities/vko-samar/press/news/details/999286?lang=kk

16-18 мамыр күндері Астана қаласындағы EXPO халықаралық көрме орталығында отандық тауар өндірушілердің “Ulttyq ónim” атты VIII дәстүрлі кең ауқымды көрмесі өтті. Іс-шараға Қылмыстық-атқару жүйесі комитетінің өкілдері де қатысты. Көрмеде Қазақстанның барлық өңірлерінен келген 350 отандық өндіруші өз өнімдерін ұсынды. Шараға келген астана тұрғындары мен қонақтары үкіметтің қолдауымен, “Даму” қорының бағдарламалары арқылы өндірілген сапалы отандық өнімдермен танысып, оларды сатып алуға мүмкіндік алды. Көрмеде азық-түлік, жеңіл және химия өнеркәсібінен бастап, машина жасау, құрал-жабдықтар мен зергерлік бұйымдарға дейінгі әртүрлі өнімдер ұсынылды. Аталған көрмеге қатысқан танымал брендтердің қатарында:•«Гормолзавод»,•ұлттық тәттілер өндірушісі “Aq Dam”,•Galamilk сүт өнімдері,•Altay Outwear (туризм мен белсенді демалысқа арналған киімдер мен жабдықтар),•“Balausa Jewelry” зергерлік бұйымдары,•аккумулятор батареяларын өндіруші “Қайнар АКБ” ЖШС,•Қазақстанда толықтай жасалған алғашқы ирригациялық машинаның өндірушісі “Su bereke”,•дезинфекциялық, косметикалық және жуғыш заттар шығаратын “Аврора”,•тұрмыстық техника өндіретін “Almaty Turmystyq Tehnika Zavody” ЖШС және тағы басқа кәсіпорындар бар. Көрме аясында отандық кәсіпкерлікті дамыту мәселелеріне арналған панельдік сессиялар өтті. Оған қазақстандық және халықаралық сарапшылар қатысып, еліміздегі бизнестің өзекті мәселелері, заманауи трендтері мен мүмкіндіктері талқыланды.Ақпарат көзі : https://www.gov.kz/memleket/entities/ps/press/news/details/999292?lang=kk

Жұмысшы мамандықтары жылында мектепке дейінгі білім алушылардан бастап колледж студенттері мен жас мамандарға дейін мамандықтары бойынша үздіктерді біріктіретін WorldSkills Kostanay-2025 өңірлік чемпионаты басталды.22 жасқа дейінгі 300-ден астам жас мамандар 45 негізгі құзыреттілік бойынша жарысқа түседі. Оқушылар үшін жарыс процесі JuniorSkills 7 құзыреттілігі бойынша ұйымдастырылған. Мектепке дейінгі жастағы ең жас қатысушылар 5 BabySkills құзыреті бойынша өз күштерін сынап көреді. Ал ерекше білім берілуіне қажеттілігі бар қатысушылар үшін Абилимпикс жарысы 2 құзырет бойынша өтеді. Жас мамандар өнерлерін ProfySkills құзыретінде көрсетеді.ЖарысҚостанай,Рудный,Лисаковск,Жітіқара,Тобылқалаларында14жарысалаңындаөтеді.Байқауға қатысушыларды өзісініңнағызшеберлері400-гежуықсарапшыбағалайды.Кәсіптік бағдар беру жұмысыаясындачемпионатқамектепоқушылары, колледжстуденттері, кәсіпорынқызметкерлеріжәнеоблыстыңтехникалықжәнекәсіптікбілім беру ұйымдарыныңпедагогтары қатысады.Оқушыларөңірдегісұранысқа ие мамандықтарментанысып,мамандардыңтәжірибелікжұмысынкөреаладыжәнесүйікті ісі туралы тереңірек ақпарат алады.Жастарды халықаралық деңгейдегі жаңа формация маманын қалыптастыруда маңызды рөл атқаратын WorldSkills қозғалысына белсенді қатысуға шақырамыз.Ақпарат көзі : https://www.gov.kz/memleket/entities/kostanay/press/news/details/999339?lang=kk

Телеграмм КС - https://t.me/consot_kz   Азамат 1994 жылғы 27 желтоқсандағы Азаматтық кодекстің (жалпы бөлім) 177 және 178-баптарының Конституцияға сәйкестігін тексеру туралы Конституциялық Сотқа жүгінді.Өтініш беруші бұған дейін 2004 жылы әкесіне берілген мұрагерлік құқығы туралы куәліктің жарамдылығына қарсы шығып, мұраны қабылдағанын мойындауды өтінген. Алайда оған Азаматтық кодекстің көрсетілген нормаларына сілтеме жасай отырып, талап арызды қанағаттандырудан бас тартылды.Конституциялық Сот Азаматтық кодекстің талап қоюды реттейтін аталған нормаларының сот арқылы қорғауына қатысы бар екенін және оларды іс жүзінде қолданудың заңдылығын бағалау соттардың айрықша құзыретіне жататынын көрсетті. Өтініш берушінің дәлелдері оның қатысуымен азаматтық істегі нақты мән-жайларға қатысты болады және Конституцияға сәйкестігін тексеру үшін негіз ретінде қаралуы мүмкін емес.Ақпарат көзі : https://www.gov.kz/memleket/entities/ksrk/press/news/details/999349?lang=kk

Жол-көлік оқиғасына (ЖКО) кінәлі болған жүргізуші едәуір  қаржылық шығындарға тап болуы мүмкін. Бұл ретте заңнамаға сәйкес әрбір автокөлік иесінің азаматтық-құқықтық жауапкершілікті сақтандыру полисі (МАҚЖ) болуға міндетті. МАҚЖ полисі ЖКО-ның басқа қатысушыларына келтірілген залалды өтейді, бірақ кінәлінің өз көлігінің зақымдануын өтемейді.Ықтимал шығыстарды азайту және жеке көлік құралын қалпына келтіруге сақтандыру төлемін алу үшін ерікті автосақтандыру полисін (КАСКО) ресімдеуге болады.КАСКО полисін ресімдеу алдында оның талаптарымен міндетті түрде танысу керек, себебі шартта төлем алуға әсер ететін ерекше жағдайлар болуы мүмкін. Мысалы, бұл франшиза (автокөлік иесі төлейтін шығынның бір бөлігі), аумақтық шектеулер немесе жүргізушінің қасақана немесе заңсыз әрекеттері нәтижесінде көлік құралына зиян келтіру болуы мүмкін.Маңызды: КАСКО апат кезінде жарамды болуы тиіс, құжаттар дұрыс ресімделуі керек және сақтандыру компаниясын ЖКО туралы жедел хабардар ету қажет. Қате көрсетілген немесе толық емес деректер төлеуден бас тартуға негіз бола алады.Бұл әсіресе жаңа немесе қымбат көліктердің иелеріне қатысты, себебі  ЖКО орын алған жағдайда оларды жөндеу құны жоғары болуы мүмкін.Өзге де пайдалы материалдармен Fingramota.kz. сайтынан таныса аласыздар. Сыртқы коммуникациялар басқармасыpress@finreg.kzАқпарат көзі : https://www.gov.kz/memleket/entities/ardfm/press/news/details/999372?lang=kk

Бесқарағай ауданының Глуховка орта мектебінде «Жас құтқарушы» сыныбының салтанатты ашылу рәсімі өтті.Іс-шараның басты мақсаты - оқушылардың төтенше жағдайлар кезіндегі іс-қимыл дағдыларын қалыптастыру, алғашқы көмек көрсету мен құтқару ісінің негіздерін меңгеру арқылы қауіпсіздік мәдениетін дамыту.Ашылу рәсіміне Абай облысы әкімінің орынбасары Қуаныш Сүлейменов, аудан әкімі Азамат Орымбаев, білім басқармасы басшысының орынбасары Әсем Нускенова, ТЖ қызметкерлері және әскери-патриоттық бағыттағы ұйымдардың өкілдері қатысты.✅ Шара барысында:– «Жас Ұлан» мектебі тәрбиеленушілері мен жас құтқарушылар концерттік бағдарлама ұсынып, ант қабылдады;– 14 оқушыға «Жас құтқарушы» куәлігі табысталды;– Мектеп базасында арнайы оқу кабинеті жабдықталып, өрт сөндіру және қорғаныс құралдарымен қамтамасыз етілді;– Оқушылар арнайы формамен қамтылды.🔸 Бұл бастама өскелең ұрпақтың қауіпсіздік мәдениетін арттырып, азаматтық жауапкершілігін нығайтуға бағытталған.Ақпарат көзі : https://www.gov.kz/memleket/entities/beskaragay-roo/press/news/details/999416?lang=kk

Президенттік Жастар кадрлық резервіне іріктеу бойынша ақпарат  Президенттік Жастар кадрлық резерві – Мемлекет басшысының талантты жастар үшін әлеуметтік лифт болып табылатын жария бастамаларының бірі. 2025 жылы Президенттік Жастар кадрлық резервіне іріктеу жүргізіледі. Өтінімдерді қабылдау мерзімі ағымдағы жылдың  1 маусымнан бастап 30 маусымға дейін.Іріктеуге: В1 деңгейінен төмен емес сертификаты бар мемлекеттік тілді меңгерген жоғары білімі және жалпы жұмыс өтілі 5 жылдан кем емес, 35 жастан аспаған Қазақстан Республикасының азаматтары қатыса алады.Резервке іріктеу келесі кезеңдерден тұрады:      1) кандидаттардың құжаттарын қабылдау;      2) мәтіндік және сандық ақпаратпен жұмыс істеу қабілетін бағалау;      3) ситуациялық есептерді шешу;      4) құзыреттілікті бағалау;      5) резервке іріктеу жөніндегі сараптамалық комиссияда кандидаттармен әңгімелесу;      6) Ұлттық комиссия отырысында сараптама комиссиясы ұсынған кандидаттарды қарау.Іріктеуге қатысу үшін мынадай құжаттар ұсынылады:      1) жеке басын куәландыратын құжаттың көшірмесі;      2) білім туралы құжаттың көшірмесі;      3) еңбек қызметін растайтын құжаттың көшірмесі;      4) мемлекеттік тілден емтихан тапсыру туралы белгіленген нысандағы жарамды ресми сертификаты.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/999028?lang=kk

Батыс Қазақстан облысы бойынша Мемлекеттік кірістер департаментініңЖаңа жұмыс кестесі«Қазақстан Республикасы Қаржы министрлігінің Еңбек ережесінің қағидаларына» сәйкес бекітілгенҚазақстан Республикасы Қаржы министрлігінің 2025 жылғы 25 сәуірдегі No 197 бұйрығымен барлық аумақтықКомитеттің бөлімшелері (кезекші посттарды, кеденпосттар, бақылау-өткізу пункттері және басқа мамандандырылғантәулік бойы немесе ауысымдық жұмысты ұйымдастыру қажет бөлімдержұмыс кестесін қоспағанда), келесі жұмыс режимі белгіленеді:Басталуы: 08:30Соңы: 18:00Түскі үзіліс: 13:00 – 14:30 (90 минут)Жұмыс аптасының ұзақтығы: 5 күн (40 сағат).Ақпарат көзі : https://www.gov.kz/memleket/entities/kgd-zko/press/news/details/999498?lang=kk

Бүгін Абай облысы білім басқармасының жаңадан тағайындалған басшысы Бауржан Алтайұлы Түленов Бесқарағай ауданына жұмыс сапарымен келді. Сапар аясында ол аудан орталығында ашылған "Жайлы мектептің" жұмысымен танысып, білім беру мекемелерін аралады.Жаңа мектептің материалдық-техникалық базасына жоғары баға берген басқарма басшысы оның заманауи инфрақұрылымы оқушылардың сапалы білім алуына мол мүмкіндік беретінін атап өтті. – Бұл мектеп – болашаққа салынған инвестиция. Балаларға сапалы орта қалыптастыру – біздің басты міндетіміз, – деді Бауржан Түленов.Сапар барысында басқарма басшысы аудандағы басқа да білім беру мекемелерін аралап, олардың жағдайымен танысты. Ол білім сапасын арттыру, инфрақұрылымды нығайту және жүйелі жобаларды іске асыру бағытында нақты ұсыныстарын білдірді. Басқарма басшысын аудан әкімінің міндетін атқарушы Сұңғат Назаров және Бесқарағай ауданы білім бөлімінің басшысы Кәдірбеков Медет қарсы алып, жаңа жобалардың жүзеге асу барысын таныстырды.Сонымен қатар, ол білім саласындағы проблемалық мәселелер мен оларды шешуге бағытталған алдағы жобалар туралы баяндады. Бесқарағай ауданы әкімінің баспасөз қызметі.Ақпарат көзі : https://www.gov.kz/memleket/entities/beskaragay-roo/press/news/details/999035?lang=kk

Алматыда әкімнің тапсырмасымен «Халық қатысатын бюджет» бағдарламасы аясында аулалар жөнделіп жатырАлаңның үстіндегі үлкен қалқа, үстел теннисі: Алмалы ауданының аулалары қалай өзгерудеАлматының Алмалы ауданында әкім Ерболат Досаевтың тапсырмасымен «Халық қатысатын бюджет» бағдарламасы аясында биыл 56 аула көріктендірілді.Қазіргі таңда Панфилов көшесі, 30; Шагабутдинов көшесі, 30; Төле би көшесі, 160; Қабанбай батыр көшесі, 91 және Шәріпов көшесі, 68 мекенжайларындағы бес ауланың жұмысы аяқталды. Мұнда ойын және спорт алаңдары жаңартылып, резеңке жабын төселді, орындықтар мен қоқыс жәшіктері орнатылды. Шәріпов көшесі, 68 мекенжайында тұрғындардың өтініші бойынша спорт алаңына үлкен қалқа орнатылды.«Спорт алаңының көркейтілгеніне қуаныштымын, үлкен қалқа орнатылды, бұл ашық ауада спортпен айналысатындарға ыңғайлы. Күн сәулесі мен жаңбырдан жақсы қорғаныс. Мен үстел теннисін жиі ойнаймын немесе көшедегі жаттығу құрылғыларында жаттығамын. Енді бәрі жақын, жаттығу жасағанда ыңғайлы, жақсы болды. Біздің аулалар белсенді демалыс пен араласуға арналған орынға айналып жатқанына қуаныштымыз», – деді аудан тұрғыны Медет Ахметов.2025 жылы «ХҚБ» бағдарламасы аясында аудан бойынша барлығы 45 жоба жүзеге асырылады. Көркейту жұмыстары биыл сәуір мен қазан айлары аралығында жүргізіледі.Қауіпсіз әрі тиімді тұрғын үй-коммуналдық инфрақұрылымды қалыптастыру мақсатында 7 көпқабатты тұрғын үйге жөндеу жүргізу жоспарланған. Бұл үйлердің шатыры, қасбеті және инженерлік желілері жаңартылады. Сонымен қатар, 5 көпқабатты үйде жеделсаты жабдықтары ауыстырылады.Естеріңізге сала кетейік, 2024 жылы 11 көпқабатты тұрғын үйде 18 жеделсаты жабдығы жаңартылып, 7 тұрғын үйге жөндеу жұмыстары жүргізілген болатын. Сондай-ақ, 2024 жылы аудан бойынша «ХҚБ» аясында 52 жоба іске асырылып, қосымша 23 аула аумағында ағымдағы жөндеу жұмыстары атқарылды.Жалпы, соңғы үш жылда Алматыда 938 жоба жүзеге асырылған.Ақпарат көзі : https://www.gov.kz/memleket/entities/almaty-almaly/press/news/details/999058?lang=kk

КГУ «Қара-Мұрзин негізгі мектебінде» «Педагогикалық еңбек ардагерлерінің өскелең ұрпаққа білім мен құндылықтарды жеткізудегі рөлі» тақырыбында аудандық семинар өтті.Іс-шараға педагогикалық еңбек ардагерлері және аудан мектептерінің тәрбие ісі жөніндегі директор орынбасарлары қатысты. Семинар барысында педагог-ардагерлердің өскелең ұрпақты тәрбиелеудегі, тәжірибе бөлісудегі және рухани-адамгершілік құндылықтарды қалыптастырудағы маңыздылығы талқыланды. Қатысушылар мұндай кездесулер ұрпақтар арасындағы байланысты нығайтуға және білім беру мекемелеріндегі тәрбие жұмысының сапасын арттыруға үлкен үлес қосатынын атап өтті.Ақпарат көзі : https://www.gov.kz/memleket/entities/beskaragay-roo/press/news/details/999060?lang=kk

Бақбақты ауылының тұрғыны Шмидт Ирина Леонидовнаға 7 (жеті) бала туған және тәрбиелегені үшін “Алтын алқа” наградасы табысталды.Ақпарат көзі : https://www.gov.kz/memleket/entities/balkhash-bakbakty/press/news/details/999067?lang=kk

Мемлекеттік басқару жүйесі үшін талантты жастарды анықтау және тарту мақсатында ағымдағы жылы Президенттік жастар кадр резервіне кезекті іріктеу өтеді.Іріктеуге өтінімдерді қабылдау 1 маусымнан бастап pkrezerv.gov.kz сайтында қолжетімді болады. Құжаттар 30 маусымға дейін қабылданады.Іріктеуге жасы 35-тен аспаған, жоғары білімі және 5 жыл жалпы жұмыс тәжірибесі бар, В1 деңгейінен төмен емес сертификаты бар мемлекеттік тілді меңгерген Қазақстан Республикасының азаматы қатыса алады.Биыл іріктеу келесі бағыттар бойынша жүргізіледі:Әлеуметтік саясат және азаматтық қоғам;Инфрақұрылымды, өнеркәсіпті дамыту және сауда саясаты;Экономикалық және қаржылық саясат;Цифрландыру;Агроөнеркәсіптік кешен және қоршаған ортаны қорғау;Сыртқы саясат және инвестициялар.Тіркеу кезінде кандидат Резервке алынған жағдайда еңбек қызметін жүзеге асырғысы келетін салалық бағытты таңдауы керек.Әрбір салалық бағыт үшін Резервке алу квотасы көзделеді.Бұл ретте, кандидаттардың әр бағыт бойынша біркелкі санын ұстап тұру мақсатында Резервке іріктеудің барлық кезеңдерінде пропорционалды іріктеу қамтамасыз етіледі.Іріктеу 6 кезең бойынша өткізіледі:Кандидаттардың құжаттарын қабылдау;Мәтіндік және сандық ақпаратпен жұмыс істеу қабілетін бағалау;Ситуациялық тапсырмаларды шешу;Құзыреттерді бағалау;Резервке іріктеу жөніндегі сарапшылық комиссияда кандидаттармен әңгімелесу;Сарапшылық комиссия ұсынған кандидаттарды Ұлттық комиссияның отырысында қарау.Іріктеу қорытындысы бойынша 50 адам Резервке қабылданады. Резервке алу туралы шешімді жариялау ағымдағы жылдың 25 қазанынан кейін жоспарлануда.Ақпарат көзі : https://www.gov.kz/memleket/entities/maslihat-rudnyy/press/news/details/1000267?lang=kk

Мемлекеттік органдардың қызметшілері үшін сегіз сағаттық жұмыс уақытының режимі белгіленген. Мемлекеттік органдардың жұмыс уақыты режимінің сақталуына мониторингті жүргізуге уәкілетті орган Мемлекеттік қызмет істері агенттігі және оның аумақтық бөлімшелері болып табылады. Мониторинг жұмыстары мемлекеттік органдардың жұмыс уақыты режимін сақтауына мониторинг жүргізу Қағидаларының талабына сәйкес, кіруді басқару және бақылау жүйесінің «Е-қызмет» ақпараттық жүйесімен ықпалдастырылуы бойынша қашықтықтан және бару арқылы жүзеге асырылады. 2025 жылдың І тоқсанының қорытындысы бойынша аумақтық департаментпен мемлекеттік қызметшілердің мемлекеттік органның ғимаратының «Е-қызмет» ақпараттық жүйесімен ықпалдастыру мәселелерін анықтауға қатысты талдау жұмыстары жүргізілді. Аумақтық департаментпен, жұмыс уақыты режимінің сақталуы бойынша мемлекеттік органдарға бару арқылы мониторинг жүргізудің 2025 жылға арналған жоспар бекітілген.Жоспармен қамтылған 34 мемлекеттік органдарға 2025 жылы бару арқылы мониторинг жүргізілетіндігі ескертіліп, хат жолданды. 2025 жылдың алғашқы 3 айының қорытындысы бойынша аталған бағытта аумақтық департаментпен 20 мониторинг жұмыстары жүргізілген. Олардың арасында бару арқылы жүргізілген мониторингпен қамтылған 6 (оның ішінде – 1 бақылау бағытында жүргізілген тексеру кезіндегі мониторинг) мемлекеттік орган болса, қашықтықтан жүргізілген мониторингпен қамтылған мемлекеттік органдардың саны – 14.Ескертпелерге қарамастан, бару арқылы жүргізілген мониторинг нәтижесінде 4 құқықбұзушылық анықталды. Осыған орай, 4 мемлекеттік қызметшіге құқықтарын қалпына келтіру бағытында 8 сағат тынығу сағаттары берілді. Жүргізілген мониторинг нәтижелерінде 45 мемлекеттік қызметшінің құқығы қалпына келтірілді. Құқықтарын қалпына келтіру бағытында 45 мемлекеттік қызметшіге 496 сағат тынығу сағаттары белгіленді.Алдағы уақытта аумақтық департаментпен мониторинг жұмыстары және бару арқылы жүргізілмеген мемлекеттік органдарда қашықтықтан мониторинг жұмыстары тұрақты түрде жүргізілетін болады.Ақпарат көзі : https://www.gov.kz/memleket/entities/akimat-goroda-zhanaozen/press/news/details/999078?lang=kk

Қала әкімі «Қостанай-2» ауданында көшпелі кеңес өткізіп, нөсер жауыннан кейін аулаларында жаңбыр суы жиналған тұрғындармен кездесті.Еске сала кетейік, өткен жылы бұл ауданда көше мен тұрғын үйлерді жыл сайын су басу мәселесін шешуге бағытталған ауқымды жоба басталған болатын. Жоба аясында су бұру жүйесі ұйымдастырылып, 12,8 шақырым нөсер кәрізі салынды. Бұл шаралар өз тиімділігін көрсетті: биылғы су тасқыны кезеңінде тұрғындар тарапынан шағым түскен жоқ, ал өткен жылдың ақпан–наурыз айларында 240-тан астам өтініш тіркелген еді.2025 жылы нөсер кәрізінің тағы 5,8 шақырымын салу жоспарланған. Алайда сәуір және мамыр айларындағы ұзаққа созылған жауын-шашын қосымша проблемалық учаскелерді анықтады. Осыған байланысты бұл аумақтарды да ағымдағы жоспарға енгізіп, тағы 5 шақырым кәріз желісін салу туралы шешім қабылданды.«Қостанай Су» коммуналдық кәсіпорнына жұмыстарды жедел бастап, оларды осы жылдың 1 қазанына дейін аяқтау тапсырылды.Ақпарат көзі : https://www.gov.kz/memleket/entities/kostanai-kalasy-akimat/press/news/details/999080?lang=kk

2025 жылдың 16 мамыр күні «Борас ота мектеп-бақшасы» КММ базасында білімнің биік шыңдарын бағындырып, түрлі байқауларда жеңіске жетіп жүрген ауданымыздың 5, 6,7-сынып оқушыларына арналған* Дарынды оқушыларды қолдау, сүйемелдеу және олардың қабілетін шыңдаудағы тиімді тәжірибе “бойынша адандық деңгейде өткен” Workshop” * іс- шара өтті.⚡Дарынды оқушылармен жұмыстың негізгі мақсаты – олардың шығармашылық жұмыста өзінің қабілетін іске асыруға дайындығын қалыптастыру.⚡ Іс-шараға104 оқушы қатысып, барлық оқушылар белсенділік танытты.Workshop спикерлері: математика пәні мұғалімі Нурсолтанова Гульниса Кадырбековна «Семеновка орта мектебі»КММ, Досымханов Максут Медетович «Канонерка орта мектебі»КММ , Сапаров Тимур Ерсаинұлы «Борас отра мектеп-бақшасы» КММ, география пәні мұғалімі Сыздыкова Булдиршин «Беген орта мектебі» КММ, Кутерова Альмира Кабкеновна «Семиярка орта мектебі» КММ, билогия пәні мұғалімі Сыздыков Жанболат Жомартович «Беген орта мектебі» КММ, Даулетбаева Айгерим Жастлековна «Қ. Рысқұлбеков атындағы орта мектебі»КММ, тарих пәні мұғалімі Безрукова Наталья Ивановна «Борас отра мектеп-бақшасы» КММ, қазақ тілі пәні мұғалімі Агибаева бибижан Рымбековна «Қ. Рысқұлбеков атындағы орта мектебі»КММ, орыс тілі пәні мұғалімі Сатемирова Алия Бакпеновна «Сосновка орта мектебі» КММ, ағылшын тілі пәні мұғалімі Уалиева Салтанат Арнуровна «Борас отра мектеп-бақшасы» КММ, психолог Кайруллина Ольга Александровна «Борас отра мектеп-бақшасы» КММ.⚡Болашақта ауданымыздың дарынды оқушылары өз жетістіктерімен қуанта берсінАқпарат көзі : https://www.gov.kz/memleket/entities/beskaragay-roo/press/news/details/999102?lang=kk

2024 жылдың желтоқсан айының соңында«№ 9 гимназиясы базасындағы тірек мектебі (ресурстықорталық)» КММ химия және биология пәнінің мұғалімі Кондратова Тамара Сергеевна «Химия. Врата учености» (7 сынып, 34 сағат) факультативтік курсының авторлық бағдарламасын Қарағанды облысының оқу-әдістемелік білім беру орталығында қорғады.Мұғалімнің авторлық бағдарламасының авторлық ниеті ең алдымен мұғалімнің білім алушылардың өмірлік мәселелерді шешу үшін нақты дағдылары мен әмбебап оқу әрекеттерін дамыту қажеттілігі мен білім алушылардың жаңа және белгісізге назар аудару арқылы өмір бойы оқуға дайын болу үшін зерттелетін пән шеңберінде оқу әрекеттерін ынталандырудың болмауы арасындағы қайшылықты шешуден тұрады.Бағдарламаның жаңалығы әлемдік ғылымды дамыту контекстіндегі тарихи фактілерге және өз зерттеулерін іске асыру модуліне сүйенетін тақырыптарды мемлекеттік жалпы білім беру стандартына сәйкес пән бойынша тереңдетіп оқыту модульдерін біріктіру және оларды өз зерттеу жобасына іске асыру болып табылады.Педагог тәжірибесінің көрсетілімі Қарағанды облысының үш ауданында 2025 жылғы 26 наурыздағы кестеге сәйкес Саран қаласында өтті, алаңды № 13 жалпы орта білім беретін мектеп ұсынды; 2025 жылғы 28 наурызда Бұқар Жырау ауданында жалпы білім беретін мектеп базасында. С. Мұқанова және 2025 жылғы 1 сәуірде Нұра ауданында жалпы білім беретін мектеп базасында. А. БөкейханаПедагогтар оқытудың инновациялық әдістері саласында жаңа білім мен дағдыларға ие болды, бұл олардың кәсіби өсуіне ықпал етеді; білім беру сапасын жақсартуға мүдделі мамандар қауымдастығын құруға ықпал ететін тәжірибе және әдістемелік әдістермен алмасу мүмкіндігіне ие болды.Мастер-класстар сериясының нәтижесінде қатысушылар авторлық бағдарламаны жазу ең алдымен жаңа білім беру кеңістігін құрудың қажетті құрамдас бөлігі, оқу орнының жақын болашағы болжанатын, стратегиялық қадамдар анықталатын, даму сызықтары пайда болатын шарт деген қорытындыға келді.   Ақпарат көзі : https://www.gov.kz/memleket/entities/edu-osakarovka/press/news/details/999120?lang=kk

2025 жылғы 17 мамырда Осакаровка кентінде Осакаров ауданының білім бөлімімен бірлесіп Осакаров ауданының орта мектептері арасында "Біз есірткіге қарсымыз"ұранымен I - ші жазғы Спартакиада өттіСпартакиадаға Осакаровка кенті, Молодежный кенті, Құндызды, Маржанкөл ауылы, Есіл ауылы, Пионерское, батпақ, Сарыөзек, Тельман ауылдары қатысты.Спартакиада 7-8 сыныптар арасында Тоғызқұмалақ, Асық ату, Бес асық, шахмат, дойбы, Волейбол (ұлдар мен қыздар арасында), Баскетбол (ұлдар мен қыздар арасында), жеңіл атлетика (ұлдар мен қыздар арасында), шағын футбол, үстел теннисі, қазақ күресі, Еркін күрес, Бокс.Спартакиада "Біз есірткіге қарсымыз" ұранымен өтті, оқушылар көптен бері өз таңдауын жасады, олар есірткіге қарсы!Ақпарат көзі : https://www.gov.kz/memleket/entities/edu-osakarovka/press/news/details/999134?lang=kk