Жоспарлы түрде су құбыры желілеріндегі Д-200 мм ысырмасын ауыстыру жұмыстарына байланысты (Қайырбеков көшесі, 371 мекенжайы бойынша) 2026 жылғы 28 тамызда сағат 10:00-ден 20:00-ге дейін төменде көрсетілген мекенжайларда ауыз су беру уақытша тоқтатылады:Тұрғын үйлер (36 үй): * Қайырбеков көшесі: 336, 340, 340/1, 342, 369, 369/1, 371, 375, 375/1, 381, 383, 385, 385/1, 387, 387/1, 389, 393, 395 * Текстильщиков көшесі: 3, 3а, 3/51, 9а, 15, 17, 19 * 4-шағынаудан: 1, 2, 2б, 4, 4/а, 6/1 * Киевская көшесі: 18, 18а * Свободы көшесі: 98аӘлеуметтік және коммерциялық нысандар (7 нысан): * «Дәріхана»: Қайырбеков көшесі, 383/2 * «Солнечный» супермаркеті: Қайырбеков көшесі, 379 * «Олимп +»: Қайырбеков көшесі, 379а * №12 балабақша: Қайырбеков көшесі, 391 * №6 балабақша: 4-шағынаудан, 4/2 * Студенттер сарайы: Текстильщиков көшесі, 9 * «Затобольская ТЭК» КМК: Тобыл қаласыТұрғындар мен мекеме басшыларынан жөндеу жұмыстары жүргізілетін кезеңге алдын ала қажетті су қорын дайындап алуды сұраймыз. «Қостанай-Су» КМК келтірілген қолайсыздықтар үшін кешірім сұрайды.Ақпарат көзі : https://www.gov.kz/memleket/entities/kostanai-kalasy-akimat/press/news/details/1280578?lang=ru

Бразилиа, 2026 жылғы 25 тамыз – Қазақстанның Бразилиядағы Елшісі Болат Нүсіпов Бразилияның Халықаралық ынтымақтастық агенттігі (ABC) директорының орынбасары, Елші Луиза Лопес да Силвамен кездесті.Қазақстан Елшісі кездесу барысында сұхбаттасына бір палаталы Құрылтай депутаттарын сайлау және «Қазақстан Халық Кеңесі» құрамын қалыптастыру қорытындылары жөнінде хабардар етті. Сонымен қатар «ABC» пен Қазақстанның «KazAID» халықаралық даму агенттігі арасында дамуға ресми көмек көрсету саласында екіжақты ынтымақтастық орнату бойынша уағдаластықтар талқыланды.Сондай-ақ Қазақстандық дипломат бразилиялық әріптесіне «KazAID» агенттігінің «ABC» агенттігінің Бас директоры, Елші Руй Карлос Перейраға (Ruy Carlos Pereira) 2026 жылғы 10 қыркүйекте Алматы қаласында өтетін Даму саласындағы жаңа әріптестердің (EDP) үшінші жыл сайынғы отырысына қатысуға шақыруын табыстады. Аталған іс-шара Қазақстан Республикасының Үкіметі қамқорлығымен, «KazAID» агенттігінің тең төрағалығымен және БҰҰ-ның Азия және Тынық мұхиты үшін Экономикалық және әлеуметтік комиссиясының (ЭСКАТО) қолдауымен өтеді.Анықтамалық: Бразилияның Халықаралық ынтымақтастық агенттігі (ABC) 1987 жылы құрылған. Ол Бразилияның Сыртқы істер министрлігі жанындағы мемлекеттік мекеме болып табылады және дамуға ресми көмек (ДРК) бағдарламаларын іске асырады. Агенттіктің миссиясы – Бразилияның мемлекеттік және жеке сектор ұйымдарымен, сондай-ақ басқа да халықаралық ұйымдармен және шетелдердің осыған ұқсас мекемелерімен әріптестік негізде жүзеге асырылатын ұлттық және халықаралық ынтымақтастық жобаларына Бразилия тарапынан көрсетілетін қолдауды басқару. Ақпарат көзі : https://www.gov.kz/memleket/entities/mfa-brazil/press/news/details/1280550?lang=ru

Бүгін аудан әкімінің міндетін атқарушы Диас Молдабаев аудан тұрғындарының жеке мәселелері бойынша жеке қабылдау өткізді.Кезектілік тәртібімен қабылдауға келген азаматтар тұрғын үй, жұмысқа орналасу, әлеуметтік және басқа да мәселелер бойынша өтініштерін білдірді. Ауылдық елді мекендерден арнайы келген тұрғындар да өздерінің мәселелерін жеткізді.Кездесу барысында әрбір өтініш иесінің жағдайы жеке қаралып, мәселелерді шешудің мүмкіндіктері талқыланды. Қолданыстағы заңнамаға сәйкес толық жауаптар беріліп, заң аясында тиісті түсіндірмелер жасалды. Ал жұмыс іздеп жүрген азаматтарға қолда бар мүмкіндіктер түсіндіріліп, қоғамдық жұмыстарға тарту жөнінде ұсыныстар берілді.Диас Асылбекұлы жауапты сала мамандарына тұрғындардың мәселелерін шешу бойынша бірқатар тапсырмаларын жүктеді. Сондай-ақ азаматтардың өтініштері назарға алынып, олардың өз кезеңімен орындалатыны айтылды.Ақпарат көзі : https://www.gov.kz/memleket/entities/kyzylorda-karmakshy/press/news/details/1283311?lang=ru

Бүгін Еңбекші ауданының коммуналдық мемлекеттік мекемесінің қызметкерлері аудан әкімдігі мен Шымкент қаласы бойынша Экология департаментінің мамандары бірлесіп, Жұлдыз елді мекенінің сыртындағы рұқсатсыз қоқыс үйіндісін жою үшін арнайы аумаққа барды.Қоқыс орнын тек қол күшімен тазалау мүмкін болмағандықтан, жұмысқа онға жуық арнайы техника жұмылдырылды. Атап айтқанда, экскаватор-тиегіштер, «Hovo» маркалы ауыр жүк көліктері және шаңды басуға арналған су себетін көлік тартылды.Шымкент қаласы бойынша Экология департаменті аудан әкімдіктерімен бірлесіп, қала аумағындағы рұқсатсыз қоқыс орындарын анықтау мақсатында мониторинг және рейдтік іс-шаралар жүргізген.«Нәтижесінде қала аумағында 20 заңсыз қоқыс орны анықталды. Оның ішінде Абай ауданында – 5, Әл-Фараби ауданында – 2, Еңбекші ауданында – 11 және Тұран ауданында 2 қоқыс орны тіркелді. Жүргізілген жұмыстардың нәтижесінде ағымдағы жылдың сәуір-мамыр айларында аталған қоқыс орындарының барлығы жойылып, аумақтарға санитарлық тазалау жұмыстары жүргізілді», – деді Шымкент қаласы бойынша Экология департаменті басшысының орынбасары Дүйсен Құлтилеуов атқарылған жұмыстар туралы.Жұлдыз елді мекенінің сыртындағы заңсыз қоқыс орнын тазалап, аумақты ретке келтіру үшін ауыр жүк көліктері 20-дан астам рейс жасап, коммуналдық кәсіпорынның жиырмаға жуық қызметкері жұмыс атқарды.

      2026 жылғы 1 қаңтардан бастап инвестициялық салық преференцияларын қолданудың жаңартылған тәсілін көздейтін жаңа Салық кодексі қолданысқа енгізілді.     Инвестициялық салық преференцияларының негізгі міндеттерінің бірі инвестицияларды жүзеге асыру, өндірістік қуаттарды жаңарту және кәсіпорындардың қызметін кеңейту үшін неғұрлым қолайлы жағдайлар жасау болып табылады.     Инвестициялық салық преференциялары салық төлеушіге салық салынатын кірісті айқындау кезінде белгілі бір инвестициялық шығындарды ескеруге, сол арқылы салықтық жүктемені төмендетуге мүмкіндік береді.     Инвестициялық салық преференцияларын қолдану шарттары     Инвестициялық салық преференциялары салық төлеушінің таңдауы бойынша қолданылады және преференциялар объектісінің бастапқы құнына енгізілетін шығындарды шегерімдерге жатқызудан тұрады.     Мынадай шарттардың біріне немесе одан көбіне сай келетін заңды тұлғаларды қоспағанда, Қазақстан Республикасының заңды тұлғаларының инвестициялық салықтық преференцияларды қолдануға құқығы бар:салық төлеуші «Астана Хаб» қатысушысы болып табылады;салық төлеуші АХҚО қатысушысы болып табылады;салық төлеуші спирттің, алкоголь өнімінің, темекі бұйымдарының барлық түрін өндіруді және (немесе) өткізуді жүзеге асырады;салық төлеуші Салық кодекстінің 16-бөлімінде көзделген арнаулы салық режимін қолданады.     Бұл ретте преференциялар қолданылуы мүмкін объектілердің тізбесі кеңейтілді.     Преференциялар объектілеріне салық заңнамасында белгіленген талаптарға сәйкес келетін активтер, оның ішінде:    - ғимараттар;    - құрылыстар;    - машиналар;    - жабдықтар;    - бағдарламалық қамтамасыз ету жатады.     Осылайша, жаңа механизм ғимараттарға, құрылыстарға және жабдықтарға салынатын дәстүрлі күрделі салымдарды ғана емес, цифрландыруға және бағдарламалық қамтамасыз етуді енгізуге байланысты шығындарды да ескеруге мүмкіндік береді.    Бұл ретте активтің көрсетілген тізбеде болуы өздігінен инвестициялық салық преференциясының автоматты түрде қолданылуын білдірмейді. Мұндай активтер бақылау кезеңі ішінде Салық кодексінің 283-бабының 3-тармағында көзделген талаптарға бір мезгілде сәйкес келуге тиіс.    Преференцияларды қолдану мақсатында бақылау кезеңі деп преференциялар объектісі танылған күні келетін салық кезеңінен кейінгі кемінде үш салық кезеңі түсініледі.    Преференцияларды қолдану тәртібі    Салық төлеуші инвестициялық салық преференцияларын қолдану тәртібін Салық кодексінде белгіленген қағидаларға сәйкес дербес таңдайды.     Преференциялар мынадай әдістердің бірі бойынша қолданылады:    1) объект танылғаннан кейін шегерім жасау әдісі;    2) объект танылғанға дейін шегерім жасау әдісі.     Объект танылғаннан кейін шегерім жасау әдісін қолдану преференциялар объектілерінің бастапқы құнын объект танылған күні келетін салық кезеңінде шегерімдерге жатқызуды білдіреді.     Объект танылғанға дейін шегерім жасау әдісін қолдану объектінің бастапқы құнына енгізілетін шығындарды осындай шығындар нақты жүргізілген салық кезеңінде шегерімдерге жатқызуды білдіреді.      Преференциялар объектілерінің салықтық есебі     Салықтық есепке алу мақсатында преференциялар объектілері Салық кодексінде белгіленген тәртіппен тіркелген активтерден бөлек есепке алынады.     Преференциялар объектілері преференция қолданылған әрбір объект бөлінісінде есепке алынады.     Преференциялар объектісінің бастапқы құны салық заңнамасында көзделген шығындар ескеріле отырып айқындалады.     Мұндай шығындарға, атап айтқанда, объектіні сатып алуға, өндіруге, салуға, монтаждауға және орнатуға жұмсалған шығыстар, сондай-ақ қаржылық есептіліктің халықаралық стандарттарына және Қазақстан Республикасының бухгалтерлік есеп пен қаржылық есептілік туралы заңнамасына сәйкес оның құнын ұлғайтатын басқа да шығындар жатады.     Бұл ретте Салық кодексінде преференциялар объектісінің бастапқы құнына енгізілмейтін шығындардың тізбесі белгіленген.     Сонымен қатар, Салық кодексінің 285-бабында инвестициялық салық преференцияларын жою жағдайлары көзделген.      Атап айтқанда, егер белгіленген кезеңде салық төлеуші преференцияларды қолдану шарттарын бұзса не Салық кодексінде көзделген мән-жайлар туындаса, тиісті салықтық салдарлар туындай отырып, преференциялар жойылуға жатады.Ақпарат көзі : https://www.gov.kz/memleket/entities/kgd-atyrau/press/news/details/1290279?lang=ru

Қызмет түрі: қолдануға тыйым салынған қызмет түрлерінің белгіленген тізіміне кірмеуі тиіс.Жалдамалы қызметкерлер саны: шектеусіз.Жылдық табыс: 600 000 АЕК-тен аспауы тиіс.Салық мөлшерлемесі: 4%.Ақпарат көзі : https://www.gov.kz/memleket/entities/kgd-astana/press/news/details/1280419?lang=ru

2026 жылғы 1 тамыздағы жағдай бойынша елімізде 388 512 адам жұмысқа орналасты. Халықты жұмыспен қамтуға бағытталған мемлекеттік шаралар жыл бойы жалғасып жатыр.Бұл ретте азаматтарды тұрақты жұмыспен қамтуға басымдық беріліп отыр. Жыл басынан бері 293 241 адам тұрақты жұмысқа орналасты. Яғни жұмысқа тұрғандардың басым бөлігі ұзақ мерзімді еңбекпен қамтылды.Тұрақты қызмет азаматтың табысын қалыптастырып, ертеңіне сенімді болуына жағдай жасайды. Ал еңбек шарты ресми түрде жасалған жағдайда, қызметкер заңда көзделген еңбек пен әлеуметтік кепілдіктерді пайдалана алады.Жұмысқа орналасуға көмектесетін цифрлық қызметтердің дамуы да бұл бағыттағы жұмысқа оң әсер етіп отыр. Соның ішінде Электрондық еңбек биржасы арқылы жұмыс іздеушілер бос жұмыс орындары туралы ақпарат алып, өзіне қолайлы жұмысқа өтініш бере алады. Жұмыс берушілер де қажетті қызметкерді іздей алады.Бұл жүйе жұмыс берушілер ұсынған бос жұмыс орындары мен жұмыс іздеп жүрген азаматтардың сұранысын жылдам сәйкестендіруге мүмкіндік береді. Нәтижесінде адамдарға өзіне лайықты жұмыс табуға көмек көрсетіледі.Бұған қоса азаматтардың еңбек нарығындағы мүмкіндігін арттыру үшін кәсіби оқыту бағдарламалары мен жұмыспен қамту шаралары жүзеге асырылып жатыр. Олар сұранысқа ие мамандықтарды меңгеруге, жаңа дағдыларды үйренуге және жұмысқа орналасуға мүмкіндік береді.Ақпарат көзі : https://www.gov.kz/memleket/entities/almobl-enbek/press/news/details/1280404?lang=ru

Қонаев гарнизонының десанттық-шабуылдау бригадасында офицерлер мен сержанттарға роталық тактикалық оқу-жаттығуларды ұйымдастыру бойынша нұсқаулық-әдістемелік сабақтар өткізілді.Аталмыш сабақтар жауынгерлік даярлық аясында ұйымдастырылып, оқу-жаттығуларды жоспарлап өткізуде бірыңғай тәсілді қалыптастыруға, бөлімшелерді басқару дағдыларын жетілдіруге және жеке құрамның іс-қимыл үйлесімділігін арттыруға бағытталды.Әскери қызметшілерге роталық тактикалық оқу-жаттығуларды тактикалық-саптық әдіспен дайындау және өткізу тәртібі, бөлімшелерді басқару ерекшеліктері, сондай-ақ әртүрлі жағдайларда өзара іс-қимылды ұйымдастыру мәселелері түсіндірілді.Даярлықтың практикалық бөлігі ерекше назарға алынды. Роталық тактикалық оқу-жаттығулар бөлімшелердің іс-қимылдарын кезең-кезеңімен пысықтауды көздейді. Мәселен, жауынгерлік әзірліктің жоғары дәрежесіне келтіру және десант түсіруге дайындықтан бастап, оқу-жауынгерлік міндеттерді ұрыста қолдану аймағында орындауға дейінгі үдерістер қамтылады.Оқу-жаттығулардың сценарийлерін әзірлеу барысында қарулы қақтығыстардың дамуындағы заманауи үрдістер мен ұрыс жүргізу тактикасындағы өзгерістер де ескеріледі. Атап айтқанда, әскери қызметшілер ұшқышсыз басқарылатын авиациялық жүйелерді қолдану кезіндегі іс-әрекет және оларға қарсы тұру тәсілдерін де пысықтайды.– Бүгінде соңғы кездегі қарулы қақтығыстар тәжірибесін ескеріп, бөлімшелерді даярлауға қойылатын талаптар да өзгеруде. Командирлер жағдайды жедел бағалауға, шешім қабылдауға және қарсыластың іс-қимыл сипаты өзгерген кезде бөлімшелерді басқаруға дайын болуы керек. Сондықтан тиісті элементтер оқу-жаттығулардың сценарийлеріне енгізіліп, іс жүзінде пысықталады, – деп атап өтті 32363 әскери бөлімінің жауынгерлік даярлық жөніндегі бригада командирінің орынбасары гвардия подполковнигі Жәнібек Нұрланов.Рота деңгейіндегі даярлық десанттық-шабуылдау бөлімшелерінің жауынгерлік машығының маңызды бөлігі. Оқу-жауынгерлік міндеттерді кезең-кезеңімен пысықтау бөлімшелерді басқаруды, өзара іс-қимылды және бөлімше, взвод пен рота құрамындағы әскери қызметшілердің іс-қимыл үйлесімділігін жетілдіруге ықпал етеді.Мұндай нұсқаулық-әдістемелік сабақтар командирлерге роталық тактикалық оқу-жаттығуларды ұйымдастыруда және өткізу барысында бірыңғай тәсілдерді қолдануға, сондай-ақ бөлімшелердің даярлық сапасын арттыруға мүмкіндік береді.Ақпарат көзі : https://www.gov.kz/memleket/entities/mod/press/news/details/1280388?lang=ru

Жосалы кентінің көркін арттырып, тұрғындардың демалысына қолайлы орта қалыптастыру бағытындағы абаттандыру жұмыстары жалғасуда. Осы орайда аудан әкімі Жандос Еркінбек Жосалы кентіндегі дендро паркке барып, мұнда жүргізілген абаттандыру жұмыстарының сапасын тексерді.Қазір аумақтағы тас төсеу (брусчатка) жұмысы толық жаңартылып, саябақтың сәнін келтіретін субұрқақ (фонтан) толық жөндеуден өткізілді. Сонымен қатар аумаққа жаңа жарықтандыру жүйесі де орнатылды.Тұрғындардың тынығуына қолайлы жағдай қалыптастыру мақсатында орындықтар орнатылып, демалыс орындары жаңартылды. Сондай-ақ саябақ аумағындағы арка толық жөнделіп, қалпына келтірілді.Аудан әкімі жұмыс барысында атқарылған жұмыстарды аралап көріп, нысанның жалпы жағдайына, жөндеу сапасына және абаттандыруды талапқа сай орындалуына назар аударды.Жауапты мамандарға саябақ аумағын тұрақты күтіп ұстау, тазалықты қамтамасыз ету жөнінде тапсырмалар берді.Ақпарат көзі : https://www.gov.kz/memleket/entities/kyzylorda-karmakshy/press/news/details/1280381?lang=ru

Бүгін аудан әкімдігінің мәжіліс залында аудан әкімі Жандос Еркінбек 23 тамызда өткен Құрылтай депутаттарын сайлауда ұйымдастыруға және өткізуге белсенді атсалысқан бірқатар азаматтарды қабылдады.«23 тамызда елімізде алғаш рет Қазақстан Республикасы Құрылтай депутаттарының сайлауы жоғары деңгейде өтті. Бұл – еліміздің жаңа саяси дәуірге қадам басуының, қоғамдағы демократиялық өзгерістердің жаңа кезеңін айқындаған тарихи сәт. Маңызды саяси науқанның жоғары деңгейде ұйымдастырылып, ойдағыдай өтуіне ауданымыздағы әр азаматтың, әрбір жауапты маманның еңбегі бар. Осы ретте құқық қорғау органдарына, аудан әкімінің орынбасарларына, бөлім басшыларына, кент және ауылдық округ әкімдеріне, мемлекеттік мекеме мен коммуналдық қызмет басшыларына шынайы алғысымды білдіремін. Сіздердің жауапкершілікпен атқарған еңбектеріңіз ортақ істің нәтижелі болуына үлкен үлес қосты. Сондықтан баршаңызға шынайы ризашылығымды білдіремін», – деді Жандос Еркінбек.Жиын барысында саяси науқанда белсенділік танытып, өз міндеттерін жоғары жауапкершілікпен атқарған бірқатар азаматтарға аудан әкімінің «Алғыс хаты» табысталды.Қабылдау барысында қатысушылар саяси науқанның нәтижелері мен атқарылған жұмыстарға қатысты өз пікірлерін айтты.Ақпарат көзі : https://www.gov.kz/memleket/entities/kyzylorda-karmakshy/press/news/details/1280366?lang=ru

Бүгін аудан әкімі Жандос Еркінбектің төрағалығымен кезекті мәжіліс өтіп, күн тәртібінде 2027-2029 жылдарға арналған Қармақшы ауданының әлеуметтік-экономикалық дамуы мен аудан бюджетінің жобасы, сондай-ақ алдағы жылу беру маусымына дайындық барысы қаралды.Алғашқы мәселе бойынша аудандық экономика және қаржы бөлімінің басшысы Жанар Ниматулла баяндап, ауданның биылғы 7 айдағы әлеуметтік-экономикалық даму көрсеткіштерін атап өтті.Жалпы есепті кезең қорытындысымен негізгі макроэкономикалық көрсеткіштер бойынша оң динамика қалыптасқан. Сондай-ақ өңдеу өнеркәсібі бойынша 7 айдың қорытындысымен өнім көлемінің өсімі 149 пайызды құраса, ауыл шаруашылығы саласында 7 айда бұл көрсеткіш 101,3 пайызды жинап отыр. Осыған байланысты аудан басшысы:«Жыл қорытындысымен барлық көрсеткіштердің орындалуы қамтамасыз етілуі тиіс. Жауапты бөлімдер әр көрсеткіш бойынша есеп жүргізіп, болжамын ай сайын ұсынып отырсын. Бұл жұмыстарды нақты талдау негізінде жүргізу қажет», – деп бірқатар тапсырмасын жүктеді.Мәжілістің екінші мәселесі – алдағы жылу беру маусымына дайындық барысы бойынша аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Бақытбек Жылтыров баяндады.Алдағы жылу беру маусымына дайындықты сапалы аяқтау – басты міндет. Әр нысан бойынша кемшілік анықталған жағдайда уақытылы жойылып, жауапты басшылар жұмыстың нәтижесіне жауап беруі керек екенін атап өткен аудан басшысы әлеуметтік нысандардың жылу маусымына дайындығы толық қамтамасыз етілуі тиіс екенін ескертті. Осыған байланысты әлеуметтік нысандар дайындық паспорттарын уақытылы алуы қажеттігі тапсырылды.Мәжіліс барысында көтерілген барлық мәселелер мен берілген тапсырмалар хаттамаға енгізіліп, олардың орындалуы бақылауда болатыны ескертілді.Ақпарат көзі : https://www.gov.kz/memleket/entities/kyzylorda-karmakshy/press/news/details/1280372?lang=ru

Құрылтай сайлауы – кемел келешегіміздің дамуына қатысты маңызды мәселелер талқыланып, мемлекет пен қоғам арасындағы өзара байланысты нығайтатын маңызды кезең. Осы күні киелі ауданымыз қоғамдық-саяси науқанның қорытындысы бойынша облыс көлемінде жоғары нәтижелердің бірін көрсетіп, ұйымшылдық пен белсенділіктің үлгісін танытты.Осыған орай бүгін аудан басшысы Жандос Еркінбектің қатысуымен Төретам кентінде Құрылтай депутаттарының сайлауын ұйымдастыруға және өткізуге белсене атсалысқан азаматтарға құрмет көрсетіліп, арнайы кездесу өтті.Аудан басшысы:«Құрылтай – азаматтардың ұсыныс-пікірі ескерілетін маңызды алаң. Сондықтан осы саяси науқанның жоғары деңгейде өтуіне әрқайсыңыздың қосқан үлестеріңіз ерекше. Алдағы уақытта да ауданымыздың дамуы мен тұрғындардың әл-ауқатын арттыру жолында бірлесіп жұмыс істейміз деп сенемін. Баршаңызды тарихи таңдауымызбен шын жүректен құттықтаймын! Егемен еліміздің жарқын болашағы жолындағы игі істеріміз табысты болсын! Елдігіміз еңселі, Тәуелсіздігіміз тұғырлы болғай», – деп өз ризашылығын білдірді.Кездесу барысында Жандос Еркінбек саяси науқанда белсенділік танытқан азаматтарға және жауапты сала мамандарына «Алғыс хатын» табыстап, құрмет көрсетті.Ақпарат көзі : https://www.gov.kz/memleket/entities/kyzylorda-karmakshy/press/news/details/1280374?lang=ru

Төретам кентінде тұрғындарға қолайлы жағдай қалыптастыру бағытындағы жұмыстар жалғасып келеді. Осыған орай аудан әкімі Жандос Еркінбек жұмыс сапарымен Төретам кентіне барып, күрделі жөндеуден өткізіліп отырған теміржол вокзалының және аумақты абаттандыру жұмыстарының барысын бақылады.1965 жылы салынған теміржол вокзалы ғимаратының жалпы көлемі 597,6 шаршы метрді, жолаушы қабылдау мүмкіндігі 250 адамды құрайды. Бүгінде вокзал ғимаратының ішкі бөлігіндегі негізгі жұмыстар толық аяқталған. Ішкі қабырғаларды сылау, есіктерді орнату, еденге кафель төсеу, жылу құбырлары мен радиаторларды орнату толық 100 пайыз орындалған. Сыртқы жұмыстар бойынша да ғимараттың шатырына жабынды төсеу, сыртқы қабырғаларды қаптау, жаңа терезелер орнату 100 пайыз толық аяқталды.Электр жүйесін орнату жұмыстары 95 пайызға орындалса, нысандағы құрылыс жұмыстарының жалпы орындалу көрсеткіші 96 пайызды құрап отыр.Вокзал аумағын абаттандыру жұмыстары да қатар жүргізілуде. Бұл мақсатқа аудандық бюджеттен қаржы қарастырылып, бекітілген мердігер мекемемен тиісті жұмыстар жүргізілуде.Жұмыс сапары барысында аудан әкімі атқарылған жұмыстардың сапасына назар аударып:«Бұл нысан - ауданымыздың маңызды нысандарының бірі. Сондықтан ғимараттың ішкі және сыртқы бөлігіндегі жұмыстар сапалы орындалып, айналасы заман талабына сай абаттандырылуы қажет. Жұмыстың сапасы мен мерзімі басты назарда болуы тиіс», – деп бірқатар тапсырмасын жүктеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1280379?lang=ru

Маңғыстау облысы бойынша Мемлекеттік кірістер департаменті тұрғындары мен шетелдік азаматтарға банк карталарын, шоттарын және өзге төлем құралдарын үшінші тұлғаларға берудің алдын алуға бағытталған ақпараттық-түсіндіру жұмыстары туралы хабарлайды.Шетелдік азаматтардың Қазақстан аумағына алғаш рет келіп, ЖСН алып, банк шоттары мен карталарын ашып, кейіннен оларды үшінші тұлғаларға беру немесе жалға беру фактілері анықталды. Бұл құралдар интернет-алаяқтықтар мен өзге де заңсыз қаржылық операцияларды жасау үшін пайдаланылады.Жүргізілген талдау нәтижелеріне сәйкес, банк деректемелері мен төлем құралдары негізінен елге алғаш рет келген тұлғалар тарапынан берілетіні анықталды.Білу маңызды:Банк карталарын, шоттарын, төлем құралдарын және сәйкестендіру құралдарын үшінші тұлғаларға беруге тыйым салынады. Мұндай әрекеттер үшін Қазақстан Республикасы Қылмыстық кодексінің 232-1-бабы бойынша қылмыстық жауаптылық көзделген.Мемлекеттік шекара арқылы кедендік өткізу пункттерінде ақпараттық-профилактикалық жұмыстар ұйымдастырылған. Қазақстанға алғаш рет кіріп жатқан шетел азаматтарына банк құралдарын беруге жол берілмейтіні және заң бұзғаны үшін жауапкершілік туралы түсіндіріледі.Маңғыстау облысы бойынша Мемлекеттік кірістер департаменті азаматтар мен өңір қонақтарына хабардар етеді:- банк карталарын, шоттарын және мобильді банкингке кіру деректерін бөтен адамдарға ешқашан бермеуге;- шотты немесе картаны «жалға беруге» келіспеуге, тіпті сыйақы ұсынылса да;- күдікті ұсыныстар түскен жағдайда дереу құқық қорғау органдарына немесе банкке хабарласуға.Осы қарапайым ережелерді сақтау сізді қылмыстық жауапкершіліктен қорғайды және қаржылық қылмыстардың алдын алуға көмектеседі.Ақпарат көзі : https://www.gov.kz/memleket/entities/kgd-mangistau/press/news/details/1280349?lang=ru

20-23 тамыз аралығында Маңғыстау облысының туризм басқармасы өңірдің туроператорларымен және Үстірт мемлекеттік табиғи қорығымен бірлесіп, 300-ден астам travel-блогер бас қосқан Алматы қаласында өткен халықаралық TBEX конференциясына қатысты.Маңғыстаудың туристік әлеуетін ілгерілету мақсатында 24-27 тамыз аралығында 10 travel-блогер өңірге келеді. Қатысушылар үшін негізгі туристік нысандарды қамтитын ақпараттық тур ұйымдастырылды.Инфотур Маңғыстауды халықаралық деңгейде танытуға және өңірдің туристік бағыт ретінде танымалдығын арттыруға бағытталған.Ақпарат көзі : https://www.gov.kz/memleket/entities/mangystau-tourism/press/news/details/1280294?lang=ru

Aqmola Hub пен Digital Aqmola Көкшетаудың қалалық ортасына инновациялық шешімдерді енгізуге бағытталған екі айлық Smart City Accelerator бағдарламасын іске қосты. Өтінімдер 31 тамызға дейін қабылданады, ал бағдарламаның басталуы 10 қыркүйекке жоспарланған.Бағдарлама стартаптарды төрт негізгі бағыт бойынша біріктіреді: ауыл шаруашылығы, қалалық инфрақұрылым және тұрғын үй-коммуналдық шаруашылығы, экология және қоршаған ортаны мониторингілеу, сондай-ақ көлік, мобильділік және туризм.Акселерация барысында командалар өз шешімдерін салалық сарапшылармен бірлесіп пысықтайды. Бағдарламаның қорытынды кезеңі Demo Day форматында өтеді. Оның нәтижесінде үздік үш команда өз жобаларын қала аумағында пилоттық режимде іске асыру мүмкіндігіне ие болады.Ақпарат көзі : https://www.gov.kz/memleket/entities/aqmola-digital/press/news/details/1280272?lang=ru

Ақмола облысының архивтерінде 1,5 миллионнан астам құжат тұрақты сақтауда тұр. Салалық бөлімнің мамандары архив қорларын жүйелі түрде есепке алып, құжаттарды белсенді түрде цифрландырып, мемлекеттік көрсетілетін қызметтердің қолжетімділігін арттыру бойынша ауқымды жұмыстар жүргізуде.Бұл жұмыстың басты мақсаты - процестерді цифрландыру арқылы азаматтардың архивтік анықтамалар мен ақпаратты жылдам, ыңғайлы әрі барынша ашық түрде алуына жағдай жасау. Құжаттарды электрондық форматқа кешенді түрде көшіру қажетті ақпаратты іздеуді оңтайландырып, тұрғындардың өтініштерін өңдеу уақытын едәуір қысқартуға мүмкіндік береді.Ақпарат көзі : https://www.gov.kz/memleket/entities/aqmola-digital/press/news/details/1280277?lang=ru

Маңызды қоңырау үзіліп, интернеттегі парақшалар ұзақ уақыт жүктелетін жағдай таныс па? Мұндай мәселелерді назардан тыс қалдырмаған жөн.Ақмола облысының бірыңғай iKomek-109 байланыс орталығы тұрғындардың өтініштерін жедел қабылдап, ақаудың себебін анықтауға көмектеседі және байланыс пен интернет қызметтерін мүмкіндігінше тез қалпына келтіру үшін ақпаратты тиісті қызметтерге жолдайды.Ақпарат көзі : https://www.gov.kz/memleket/entities/aqmola-digital/press/news/details/1280278?lang=ru

 Бірегей акселерация бағдарламасы стартаптарға бизнесті масштабтауға және пилоттық жобаларды әкімдіктердің жұмыс топтарының қызметіне интеграциялауға мүмкіндік береді.Aqmola Hub технологиялық стартаптарды қалалық инфрақұрылым мен мемлекеттік ұйымдарда нақты іске асыру кезеңіне дейін жеткізуге бағытталған ауқымды Smart City Accelerator акселераторын іске қосатынын хабарлайды. Өтінімдерді қабылдаудың соңғы мерзімі - 31 тамыз.Жобаны Қазақстанда және шетелде акселерациялық бағдарламаларды іске қосу және масштабтау бойынша мол тәжірибесі бар мықты трекерлер командасы жүзеге асырады. Олардың қатарында Astana Hub пен Google for Startups жобаларындағы тәжірибе бар. Сарапшылар апта сайын команданың назарын зерттеу пилотына шоғырландырып, өнімді коммерциялық нәтижеге жеткізуге көмектеседі.Бағдарламаның білім беру бағыты жетекші салалық сарапшы-практиктер өткізетін воркшоптарды қамтиды. Қатысушылар негізгі бағыттар бойынша терең білім алады: GR (Government Relations) және мемлекеттік органдармен өзара іс-қимыл; сату, маркетинг және юнит-экономика; көпшілік алдында сөйлеу техникасы және мәмілелерді заңды түрде рәсімдеу.Бағдарламаның әрбір спикері тиімді бизнес-жобалар мен өнімдерді құру және табысты масштабтау бойынша нақты практикалық тәжірибеге ие.Бағдарламаның қорытынды кезеңінде стартаптарға өздерінің пилоттық жобаларын тікелей мемлекеттік ұйымдардың ішінде сынақтан өткізуге бірегей мүмкіндік беріледі. Осылайша олар әкімдіктердің жұмыс топтарының нақты міндеттерін шешуге қатысады.Өтінімдерді қабылдау 31 тамызға дейін жалғасады. Өтінім беруге асығыңыз! Тіркелу сілтемесі Aqmola Hub ресми аккаунтының профилінде қолжетімді.Ақпарат көзі : https://www.gov.kz/memleket/entities/aqmola-digital/press/news/details/1280280?lang=ru

Барлык ниет білірушілерді - кала тургындарын жане конактарын, когамдык уйымдар, бизнес жане БАК окілдерін осы игі жоне шабыттандыратын окиганын бір белігі болуга, сондай-ак, енер олар ушін шынайы емірге айналган жандардын алемге деген кезкарасын ез кездерімен коруге шакырамыз.Ақпарат көзі : https://www.gov.kz/memleket/entities/kostanai-zhumys-aleumettik-korgau/press/news/details/1280253?lang=ru