Жидда, 2026 жылғы 4 қазан – Қазақстан Республикасының Сауд Арабиясы Корольдігіндегі Елшісі, Қазақстан Республикасының Ислам Ынтымақтастық Ұйымы (ИЫҰ) жанындағы Тұрақты Өкілі Мадияр Меңілбеков Ислам ынтымақтастығы ұйымының жаңа Бас хатшысы Исмаил Ульд Шейх Ахмедпен кездесті.Кездесу барысында Елші Бас хатшыны аталған лауазымға сайлануымен құттықтап, оған ИЫҰ Бас хатшысы қызметіндегі жұмысына және Ұйымның халықаралық миссиясын жүзеге асыруға табыс тіледі.Елші ИЫҰ-ның жаңа Бас хатшысы болып сайлануына орай Қазақстан Республикасының Сыртқы істер министрі Мұхтар Тілеуберді жолдаған құттықтау хатының түпнұсқасын Бас хатшыға табыстады.Сондай-ақ, тараптар Қазақстан Республикасы мен ИЫҰ Бас хатшылығы арасындағы өзара іс-қимылдың қазіргі жағдайы мен даму перспективаларын, сондай-ақ өзара мүдделі бағыттар бойынша ынтымақтастықты одан әрі нығайту жолдарын талқылады. Кездесу барысында ИЫҰ аясындағы өзара іс-қимылды жандандыру, мүше мемлекеттердің ынтымақтастығы мен бірлігін нығайту, сондай-ақ Ұйым аясында Қазақстанның халықаралық бастамаларын ілгерілету мәселелеріне ерекше назар аударылды.Тараптар Қазақстан мен Ұйым арасындағы сындарлы өзара іс-қимылды одан әрі дамытуға және ынтымақтастықты нығайтуға мүдделілік білдірді.Ақпарат көзі : https://www.gov.kz/memleket/entities/mfa-jeddah/press/news/details/1304884?lang=ru

Жидда, 2026 жылғы 4 қазан – Қазақстан Республикасының Сауд Арабиясы Корольдігіндегі Елшісі, Қазақстан Республикасының Ислам Ынтымақтастық Ұйымы (ИЫҰ) жанындағы Тұрақты Өкілі Мадияр Меңілбеков Сауд Арабиясы Корольдігінің ИЫҰ жанындағы Тұрақты өкілі Халид әл-Шарифпен кездесті.Кездесу барысында тараптар Қазақстан-Сауд Арабиясы қарым-қатынастарының қазіргі жағдайы мен даму перспективаларын талқылап, Ислам ынтымақтастығы ұйымы аясындағы алдағы іс-шараларға қатысты пікір алмасты.Сондай-ақ, тараптар ИЫҰ аясындағы өзара іс-қимылды одан әрі нығайту және ортақ мүддеге ие мәселелер бойынша ұстанымдарды үйлестіру мәселелерін талқылады.Ақпарат көзі : https://www.gov.kz/memleket/entities/mfa-jeddah/press/news/details/1304886?lang=ru

Ағымдағы жылғы 21–25 қыркүйегі аралығында Өскемен қаласында Қазақстан Республикасы Ішкі істер министрлігі Ұлттық ұланының Дағдарысқа қарсы оқу орталығы базасында «Радиологиялық қауіпсіздік саласындағы хабардарлық пен ден қоюды арттыру» семинары өткізілді.Іс-шара АҚШ Энергетика министрлігімен екіжақты ынтымақтастық шарасында Ядролық қауіпсіздік бойынша ұлттық әкімшіліктің Радиологиялық қауіпсіздік офисі (ORS) мен Қазақстан Республикасы Атом энергиясы агенттігінің Атомдық қадағалау және бақылау комитетінің (бұдан әрі – Комитет) қатысуымен ұйымдастырылды.Оқу курсына радиологиялық қауіпсіздік саласында әрекет етуге жауапты лауазымды тұлғалар қатысты.Семинардың негізгі мақсаты мамандардың хабардарлық деңгейін арттыру және радиологиялық қауіп-қатерлерге байланысты инциденттерге әрекет етудің практикалық дағдыларын жетілдіру, радиологиялық инциденттер туындаған жағдайда кәсіби білімді және ведомствоаралық өзара іс-қимылды нығайту болды.Семинар барысында қатысушылар радиологиялық қауіпсіздікті қамтамасыз ету бойынша теориялық білімдері мен практикалық дағдыларын, соның ішінде радиациялық қауіптің ықтимал көздерін анықтау, алғашқы ден қоюды ұйымдастыру мәселелерін кеңейтті, ақпараттандыру тәртібін, ден қою кезінде құзыретті органдар арасындағы өзара іс-қимылды талқылады.Аталған семинарды өткізу мамандардың кәсіби құзыреттілігін және ықтимал радиологиялық инциденттерге дайындық деңгейін арттыруға және олардың алдын алу және ден қою жүйесін жетілдіруге ықпал етеді.Оқытуға мемлекеттік органдар мен ұйымдардың қызметкерлері қатысты, атап айтқанда:Комитет;ҚР ІІМ Ұлттық ұланы;ҚР ІІМ Әкімшілік полиция комитеті (Абай облысы және ШҚО әкімшілік полиция бөлімшелерінің қызметкерлері);Қазақстан Республикасы Атом энергиясы жөніндегі агенттігі «Қазақстан Республикасының Ұлттық ядролық орталығы» ШЖҚ РМК;«Үлбі металлургия зауыты» АҚ.Іс-шара нәтижелері бойынша қатысушыларға халықаралық үлгідегі сертификаттар берілді.Ақпарат көзі : https://www.gov.kz/memleket/entities/atomic-control/press/news/details/1304874?lang=ru

Шымкентте Ұстаздар күніне арналған «Ұстаз – ұлы тұлға, ұстаздық – ұлы міндет» атты салтанатты іс-шара өтті. Мерекелік жиынға қала әкімі Ғабит Сыздықбеков, адам құқықтары мен бала құқықтарын қорғау жөніндегі өңірлік уәкілдер, Білім басқармасы жанындағы Ардагерлер кеңесінің мүшелері, педагогика саласының ардагерлері, білім беру ұйымдарының басшылары мен ұстаздар – барлығы 2 мыңға жуық адам қатысты.Мегаполис әкімі өскелең ұрпақты тәрбиелеу мен елдің дамуына ұстаздардың қосып отырған үлесінің маңыздылығын атап өтті. Ол қаладағы басты міндеттердің бірі – мұғалімдердің сапалы жұмыс істеуіне және балалардың лайықты білім алуына жағдай жасау екенін айтты.«Шымкентте жаңа мектептер салу және білім беру ұйымдарының материалдық-техникалық базасын нығайту жұмысы жалғасуда. Соңғы екі жылда қалада 13 білім беру нысаны пайдалануға берілді. Білім беру инфрақұрылымын дамыту жұмысы жалғасуда. Тұран, Shymkent City және Асар-2 шағынаудандарында үш жаңа мектеп салынып жатыр. №7 IT мектеп-лицейі заманауи талаптарға сай жаңартылады», – деді Ғабит Сыздықбеков.Іс-шара барысында білім саласының дамуына елеулі үлес қосып, заманауи педагогикалық тәсілдерді енгізген, кәсіби қызметінде жоғары нәтижелерге қол жеткізген ұстаздар марапатталды.Мегаполис әкімі Мемлекет басшысының атынан білім беру саласының үздік қызметкерлеріне мемлекеттік наградалар – «Құрмет» ордені мен «Ерен еңбегі үшін» медальдарын табыстады. Сондай-ақ, педагогтер қала әкімінің Алғыс хаттарымен марапатталды.Пән олимпиадаларында, спорт сайыстары мен басқа да байқауларда жеңімпаздар мен жүлдегерлерді дайындаған ұстаздарға да ерекше алғыс айтылды.Айта кетейік, Шымкенттің 80-нен астам түлегі әлемнің 100-ден астам жетекші университетінен шақырту алып, халықаралық білім беру гранттарының иегері атанды. Мегаполистің оқушылары халықаралық және республикалық пән жарыстарында 16 алтын, 44 күміс және 63 қола медаль жеңіп алды. «Алтын белгі» белгісін иеленетін түлектер саны да артып келеді.Мерекелік кеш танымал өнерпаздар қатысқан концерттік бағдарламаға жалғасты. Осылайша Ұстаздар күні өскелең ұрпаққа білім беріп, тәрбиелеуге күн сайын атсалысып жүрген жандарға шынайы алғыс білдірудің тағы бір мүмкіндігі болды.Шымкент қаласы әкімінің баспасөз қызметі

В Шымкенте состоялось торжественное мероприятие «Ұстаз – ұлы тұлға, ұстаздық – ұлы міндет», посвящённое Дню учителя. В праздновании приняли участие аким города Габит Сыздыкбеков, региональные уполномоченные по защите прав человека и прав детей, члены Совета ветеранов при Управлении образования, ветераны педагогического труда, руководители организаций образования и педагоги. Всего торжество объединило около 2 000 участников. Обращаясь к участникам, глава мегаполиса подчеркнул особую роль педагогов в воспитании подрастающего поколения и развитии страны. Он отметил, что одна из главных задач города — создавать условия для качественной работы учителей и получения детьми достойного образования. «В Шымкенте продолжается строительство новых школ и укрепление материально-технической базы организаций образования. За последние два года в городе введены в эксплуатацию 13 объектов образования. Работа по развитию образовательной инфраструктуры продолжается. В микрорайонах Тұран, Shymkent City и Асар-2 строятся три новые школы. Школа-лицей №7 IT будет модернизирована в соответствии с современными требованиями», — сказал Габит Сыздыкбеков. В ходе мероприятия были отмечены учителя, которые вносят значительный вклад в развитие образования, внедряют современные педагогические подходы и добиваются высоких результатов в профессиональной деятельности. Глава мегаполиса от имени Президента вручил лучшим работникам сферы образования государственные награды — ордена «Құрмет» и медали «Ерен еңбегі үшін». Также педагоги были отмечены Благодарственными письмами акима города. Отдельные слова благодарности прозвучали в адрес педагогов, подготовивших победителей и призёров предметных олимпиад, спортивных соревнований и других конкурсов. Стоит подчеркнуть, более 80 выпускников города получили приглашения от свыше 100 ведущих университетов мира и стали обладателями международных образовательных грантов. На международных и республиканских предметных соревнованиях учащиеся города завоевали 16 золотых, 44 серебряные и 63 бронзовые медали. Растёт и число выпускников, получающих знак «Алтын белгі». Праздничный вечер продолжился концертной программой с участием известных исполнителей. День учителя стал ещё одной возможностью выразить искреннюю благодарность людям, чей ежедневный труд связан с воспитанием и образованием подрастающего поколения. Пресс-служба акима города Шымкент

Қазақстан Республикасы Сыртқы істер министрінің орынбасары Арман Исетов ЕҚЫҰ-ның Іс басындағы төрағасының диалог және сенімді нығайту жөніндегі арнайы өкілі Серж Руминмен кездесу өткізді.Кездесу барысында тараптар Швейцарияның 2026 жылғы ЕҚЫҰ-ға төрағалығының басымдықтары, сондай-ақ ағымдағы жылдың желтоқсан айында Лугано қаласында (Швейцария) өтетін Сыртқы істер министрлерінің кеңесіне дайындық мәселелері бойынша пікір алмасты.Сонымен қатар, Арнайы өкілдің қызметіне, соның ішінде диалог пен сенімді нығайту мәселелеріне, өзекті халықаралық күн тәртібіне, сондай-ақ дінаралық және конфессияаралық іс-қимылға ерекше назар аударылды.Министрдің орынбасары Қазақстанның дінаралық және конвессияаралық диалогты ілгерілетудегі озық тәжірибесін атап өтті. Осы орайда Әлемдік және дәстүрлі діндер лидерлері съезінің әртүрлі конфессия өкілдері арасындағы ашық диалог, өзара түсіністік және сенімді нығайтудың бірегей халықаралық платформасы ретіндегі рөлі аталып өтті.Сонымен қатар Қазақстанның Орталық Азиядағы ынтымақтастықтағы белсенді рөліне ерекше назар аударылды.Тараптар диалогқа жәрдемдесу, өзара сенімді нығайту және халықаралық күн тәртібіндегі өзекті мәселелерге бірлескен тәсілдерді іздеу мақсатында байланыстарды одан әрі дамытуға және тәжірибе алмасуға мүдделілігін растады.Ақпарат көзі : https://www.gov.kz/memleket/entities/mfa/press/news/details/1304847?lang=ru

2026 жылғы 2 қазанда «KazAID» Қазақстандық халықаралық даму агенттігі Басқарма төрағасы Нұрғали Арыстанов БҰҰ Даму бағдарламасының (БҰҰДБ) Қазақстандағы Тұрақты өкілі Катаржина Вавьерниамен кездесу өткізді.Кездесу барысында Нұрғали Арыстанов Агенттіктің қызметі мен Орталық Азия мен Ауғанстандағы серіктес елдерді дамытуға бағытталған жобалары туралы, сондай-ақ KazAID, БҰҰДБ және Қазақстан Республикасы Жасанды интеллект және цифрлық даму министрлігі арасында қол қойылған Ниет туралы мәлімдеме шеңберінде бірлескен іс-шараларды ұйымдастыруға мүдделілік танытты.Өз кезегінде Катаржина Вавьерниа ханым басым бағыттар бойынша бірлескен жобаларды іске асыруға қызығушылық білдірді.Ақпарат көзі : https://www.gov.kz/memleket/entities/kazaid/press/news/details/1304852?lang=ru

Қазақстанда білім беру сапасын арттыру мәселесі жыл сайын қоғамның назарында. Бұл ретте Мемлекет басшысы Қасым-Жомарт Тоқаевтың ауыл мен қала мектептерінің арасындағы білім сапасы алшақтығын азайтып, барлық балаға бірдей мүмкіндік жасау туралы ұстанымы аса өзекті деп есептеймін.Журналист әрі қоғамдағы әлеуметтік процестерді бақылаушы ретінде қарасақ, мектептің орналасқан жері баланың болашағын анықтайтын факторға айналмауы керек. Ауылда дүниеге келген оқушы да қаладағы құрдасы секілді заманауи білім алуға, жаңа технологияларға қол жеткізуге, білікті мұғалімнен тәлім алуға және өзінің қабілетін толық ашуға мүмкіндік алуы тиіс.Бұл жерде мәселе тек мектеп ғимаратын жаңартумен шектелмейді. Заманауи мектеп – ең алдымен сапалы мұғалім, жақсы материалдық база, цифрлық мүмкіндіктер, зертханалар, кітапхана, спорттық және шығармашылық үйірмелер жүйесі қалыптасқан білім ордасы. Яғни ауыл мектебін қала мектебінің ғимаратына ұқсату емес, білім алу мүмкіндіктерін теңестірумаңызды.Соңғы жылдары Қазақстанда мектеп инфрақұрылымын жаңарту, жаңа білім беру нысандарын салу, үш ауысымды мектептер мәселесін шешу және апатты мектептердің санын азайту бағытында ауқымды жұмыстар жүргізіліп келеді. Бұл – ұзақ мерзімді нәтиже беретін маңызды инвестиция. Өйткені мектепке салынған қаржы – ғимаратқа ғана емес, елдің адами капиталына салынған инвестиция.Әсіресе ауыл мектептерінің әлеуетін көтерудің маңызы зор. Ауылдағы талантты баланың сапалы білім алуына жағдай жасау – оның туған жерінде қалып, кейін сол өңірдің дамуына үлес қосуына да мүмкіндік береді. Ал бұл өз кезегінде ауыл мен қала арасындағы әлеуметтік және экономикалық алшақтықты азайтуға ықпал етеді.Президенттің бұл ұстанымын қолдауға толық негіз бар. Бала қай жерде дүниеге келгеніне емес, өзінің қабілеті мен еңбегіне қарай болашағын қалыптастыруы керек.Сапалы білім – кез келген азаматтың әлеуметтік жағдайын жақсартатын ең мықты құралдардың бірі.Сондықтан ауыл мен қала мектептерін теңестіруді тек білім саласының міндеті деп қарау жеткіліксіз. Бұл – елдің болашағына қатысты стратегиялық мәселе. Бүгін ауылдағы мектепке жасалған инвестиция ертең Қазақстанның білімді, бәсекеге қабілетті және жауапты ұрпағына айналады.Мемлекет басшысының осы бағыттағы бастамаларының түпкі мәні де осында: сапалы білім белгілі бір мекеннің артықшылығы емес, әрбір қазақстандық баланың конституциялық мүмкіндігіне айналуы тиіс.

2026 ж. 30 қыркүйек Жарска-Весь, Польша – Қазақстан елшілігі 2-ші Польша-Германия бизнес-кездесу алаңында ҚР инвестициялық және іскерлік мүмкіндіктерін ұсынды.Іс-шараға Польшадан, Германиядан және басқа елдерден логистика, ауыр және қорғаныс өнеркәсібі, жоғары технологиялар және жасанды интеллект салаларында жұмыс істейтін 80-ге жуық бизнес пен ұйым өкілдері жиналды.Кездесу қатысушыларына Қазақстанның инвестициялық және іскерлік ахуалы, елдің экономикалық дамуының негізгі бағыттары, сондай-ақ халықаралық іскерлік ынтымақтастық перспективалары бойынша таныстырылым ұсынылды.Қазақстанның Орталық Азияның негізгі экономикалық және логистикалық орталықтарының бірі ретіндегі рөлі, поляк және неміс компанияларының қазақстандық нарыққа шығу мүмкіндігі, сондай-ақ елді өңірдегі қызметті одан әрі кеңейту үшін платформа ретінде пайдалану мүмкіндігі жеке қарастырылды.Іскерлік кездесуді Экономикалық кеңес (Wirtschaftsrat der CDU e.V.) және Поляк-Азия сауда-өнеркәсіп палатасы (Izba Przemysłowo-Handlowa Polska-Azja) ұйымдастырды.Ақпарат көзі : https://www.gov.kz/memleket/entities/mfa-warsaw/press/news/details/1304784?lang=ru

Конституциялық Сот адам мен азаматтың құқықтары мен бостандықтарын қозғайтын нормативтік-құқықтық реттеудің Конституцияға сәйкестігін тексереді.Конституциялық Соттың шешімдері міндетті болып табылады және заңдар мен басқа да нормативтік құқықтық актілердің тиісті нормаларының одан әрі қолданылуына ықпал етеді.Нормативтік құқықтық актілердің түрлері Қазақстан Республикасының «Құқықтық актілер туралы» Заңында (7-бап) белгіленген.Ақпарат көзі : https://www.gov.kz/memleket/entities/ksrk/press/news/details/1304755?lang=ru

Туризм саласы Алматы облысының бюджетіне қомақты кіріс әкеліп отыр. Биылғы сегіз айда саяхатшылардың есебінен қазынаға 3,9 млрд теңге түсті. Бұл өткен жылдың сәйкес кезеңімен салыстырғанда 39,3 пайызға көп. Былтыр алғашқы жарты жылдықта бюджетке 2,8 млрд теңге түскен.Салық түсімінің өсуіне туристер санының артуы мен оларға көрсетілетін қызмет түрлерінің көбеюі әсер етіп отыр. Мәселен, биыл қаңтар-маусым айларында облыстағы қонақ үйлер мен демалыс орындары 263 776 туристі қабылдаған. Осы кезеңде қонақтарға көрсетілген қызмет көлемі 8,34 млрд теңгеге жетті. Былтыр бұл көрсеткіш 6,39 млрд теңге болған. Яғни бір жылда қызмет көлемі 30,5 пайызға артқан.Туристер көбейген сайын оларды қабылдайтын нысандардың саны да артып келеді. Алматы облысы туризм басқармасының басшысы Қуанышбек Мирамбекұлының айтуынша, былтыр облыста туристерді қабылдайтын 285 нысан болса, биыл олардың саны 308-ге жеткен.«Әрбір турист өңір экономикасына өз үлесін қосады. Ол қонақ үйде тоқтайды, тамақтанады, көлік пайдаланады, экскурсияға барады, жергілікті жерден тауар сатып алады. Яғни турист келген сайын жергілікті кәсіпкерлердің де табысы артады. Бұл өз кезегінде бюджетке түсетін салықты көбейтеді. Биыл алғашқы сегіз айда туризмнен бюджетке 3,9 млрд теңге түсті. Туризм өңір қазынасына табыс әкеліп қана қоймай, жаңа жұмыс орындарын ашып, кәсіпкерлерге жаңа мүмкіндік беретін маңызды сала. Сондықтан туристер санын арттырумен қатар, олардың өңірде көбірек уақыт өткізіп, сапалы қызмет алуына жағдай жасауға мән береміз», – деді Қуанышбек Мирамбекұлы.Алматы облысының көрікті жерлерін көруге шетелдік туристер де көптеп келе бастады. «eQonaq» жүйесінің мәліметінше, жыл басынан бері өңірге 113 659 шетелдік саяхатшы келген. Бұл көрсеткіш бойынша Алматы облысы республикада үшінші орында.Туристер ең көп келген жерлер «Іле-Алатау», «Көлсай көлдері» және «Шарын» ұлттық парктері болды. Жалпы, аталған үш ұлттық паркке биылғы сегіз айда 1,92 миллион турист келген. Оның ішінде «Іле-Алатау» мемлекеттік ұлттық табиғи паркіне – 1 324 393, Көлсай көлдеріне – 399 063, «Шарын» шатқалына – 202 117 адам барған. Сондай-ақ, биыл Қонаев қаласындағы Қапшағай жағалауына 2 миллион демалушы келді. Бүгінде облыста туризм саласында 48 туроператор мен 24 гид жұмыс істейді.Ақпарат көзі : https://www.gov.kz/memleket/entities/almobl/press/news/details/1304659?lang=ru

«Қарты бар ел – қазыналы ел» дейді дана халқымыз. Өйткені өмірдің талай белесін артқа тастап, елдің өсіп-өркендеуіне өлшеусіз үлес қосқан аға буын – кейінгі ұрпаққа жол сілтер ақылдың, өнегенің және тағылымның қайнар көзі.Осы орайда бүгін ауданымызда Халықаралық қарттар күніне арналған мерекелік іс-шара өтті.Тағылымды кездесу барысында аудан әкімі Жандос Еркінбек ардагерлерді айтулы мерекемен құттықтап, аға буын өкілдеріне деген ыстық ықыласын білдірді.«Үлкенді сыйлау, оларға құрмет көрсету – ата-бабадан келе жатқан салтымыз. Сіздердің өмірлік тәжірибелеріңіз бен ақылдарыңыздың біз үшін орны бөлек. Себебі әрқайсыңыздың киелі мекеннің өсіп-өркендеуіне қосқан үлестеріңізді біз жақсы білеміз. Бүгінгі бейбіт өміріміз – сіздердің маңдай терлеріңіз бен еңбектеріңіздің жемісі. Бүкіл саналы ғұмырын, қажыр-қайратын ел игілігіне жұмсаған қарттарымыздың алдында әрдайым қарыздармыз», – деді аудан басшысы.Дәстүрлі түрде ұйымдастырылып жүрген «Ардагерлерді ардақтайық» жобасының маңызын атап өткен аудан әкімі соңғы төрт жылда Байқоңыр, Қызылорда және Түркістан қалаларына 300-ге жуық ардагердің тағылымды сапары ұйымдастырылғанын жеткізді. Сондай-ақ ардагерлерге әлеуметтік-тұрмыстық, материалдық және өзге де қажетті көмектер көрсету жұмыстары алдағы уақытта да жалғасатынын айтты.Мерекелік шарада ардагерлерге құрмет көрсетіліп, бірқатар азаматтарға аудан басшысының «Құттықтауы» табысталды.Кештің мазмұнын аудан өнерпаздарының концерттік бағдарламасы толықтырды. Жыршылар мен ауданның көркем өнерпаздары әсем әндер орындап, көпшілікке көтеріңкі көңіл-күй сыйлады.Бұдан бөлек аудандық ардагерлер кеңесінің төрағасы Асқар Мереков, аудандық қоғамдық кеңес төрағасы Әбдірахман Құлдүйсенов, Жосалы кенті ардагерлер кеңесінің төрағасы Ерболат Ұзақбаев, ауылдық округтері ардагерлер кеңестерінің төрағалары сөз сөйлеп, ақжолтай тілектерін жеткізді.Айта кетсек бүгінде аудан бойынша 5590 зейнеткер бар, оның ішінде 5300-ден астам қазыналарымыз ардагерлер ұйымының мүшесі ретінде алтын қолтаңбаларын қалдырып келеді.Ақпарат көзі : https://www.gov.kz/memleket/entities/kyzylorda-karmakshy/press/news/details/1304633?lang=ru

Қоршаған ортаға теріс әсер еткені үшін төлемақы Қазақстан Республикасының экология заңнамасына сәйкес тиісті экологиялық рұқсат пен қоршаған ортаға әсер ету туралы декларация негізінде жүзеге асырылатын, ластаушы заттардың шығарындылары мен төгінділері (қоршаған ортаға эмиссия), күкіртті ашық түрде күкірт карталарында орналастырғаны және қалдықтарды көмгені үшін алынады.Қазақстан Республикасының Экология кодексіне сәйкес айқындалған I, II және III санаттағы объектілердің операторлары төлемақы төлеушілер болып табылады.Заңды тұлға өз шешімімен өзінің құрылымдық бөлімшесін осындай құрылымдық бөлімшенің қоршаған ортаға эмиссиясының көлемі бойынша төлемақыны дербес төлеуші деп тануға құқылы.Осы заңды тұлғаның шешімі немесе осындай шешімнің күшін жою мұндай шешімді қабылдаған жылдан кейінгі жылдың 1 қаңтарынан бастап қолданысқа енгізіледі.Шаруа немесе фермер қожалықтарына арналған арнаулы салық режимі қолданылатын қызметті жүзеге асыру нәтижесінде туындайтын қоршаған ортаға теріс әсер ету бойынша шаруа және фермер қ қожалықтарына арналған арнаулы салық режимін қолданатын салық төлеушілер төлемақы төлеушілер болып табылмайды.ластаушы заттардың шығарындылары;ластаушы заттардың төгінділері;көмілген қалдықтар;көмірсутектерді барлау және (немесе) өндіру операцияларын жүргізу кезінде түзілетін, күкірт карталарында ашық түрде орналастырылған күкірт түрінде есепті кезеңде (І және ІІ санаттардағы объектілер үшін – белгіленген нормативтер және лимиттер шегінде, ІІІ санаттағы объектілер үшін – декларацияланған көлем шегінде) қоршаған ортаға теріс әсер етудің (радиоактивті қалдықтар үшін – масса, белсенділік өлшем бірлігі), оның ішінде қоршаған ортаны қорғау саласындағы уәкілетті орган және оның аумақтық органдары Қазақстан Республикасының экология заңнамасының сақталуына мемлекеттік экологиялық бақылауды (мемлекеттік экологиялық бақылау) жүзеге асыру нәтижелері бойынша анықталған іс жүзіндегі көлемі салық салу объектісі болып табылады.Төлемақы мөлшерлемелері салықтық кезеңнің бірінші күніне қолданыста болатын айлық есептік көрсеткіштің еселенген мөлшерінде айқындалады.Ақпарат көзі : https://www.gov.kz/memleket/entities/kgd-astana/press/news/details/1304602?lang=ru

Облыс әкімі Мұрат Ергешбаев көлік инфрақұрылымын дамыту және автомобиль жолдарының сапасын арттыруда қолға алынған құрылыс жұмыстарының барысымен танысты.Мемлекет басшысы Ұлттық құрылтайдың бесінші отырысында "Жақында "Қызылорда – Жезқазған" жолының Қызылордаға тиесілі бөлігі салынып бітті. «Батыс Қытай – Батыс Еуропа» – Қазақстандағы ең негізгі жолдың бірі. Алайда, оның "Қызылорда – Ақтөбе" арасындағы бөлігі тар, көлік апаттары жиі болып жатады. Мен осыған дейін бұл жолды кеңейту туралы тапсырма бердім. Биыл осы бағытта 4 жолақты жаңа күре жолдың құрылысы басталады. Сондай-ақ мен былтырғы Жолдауымда «Бейнеу – Сексеуіл» жолының құрылысын тездетуді тапсырғанымды білесіздер. Ондағы жұмыстар да биыл басталмақ" деп атап өткен болатын.Тамыз айында телекөпір арқылы «Қызылорда-Сексеуіл», «Ұлғайсын-Сексеуіл» және «Бейнеу-Сексеуіл» автокөлік жолдарының құрылысын бастап берді.Телекөпір барысында Премьер-министрдің бірінші орынбасары Нұрлыбек Нәлібаев жобаны бастауға әзірлік жөнінде баяндап, еліміздің көлік инфрақұрылымын дамытудағы жобалардың маңызын атап өтті. Аймақ басшысы алдымен "Қызылорда–Ақтөбе" бағытындағы Қызылорда қаласының айналма жолы мен «Қызылорда–Сексеуіл» автомобиль жолының құрылыс алаңына барды.Қызылорда қаласының айналма жолының ұзындығы 25,8 шақырым, келісімшарт құны 39,5 млрд теңге. Ислам даму банкі есебінен қаржыландырылуда. Бас мердігері «Қыран», жобалаушысы «Семдорпроект» серіктестіктері. Жобаны іске асыру мерзімі – 2026-2029 жылдар. Құрылысқа 150 жұмысшы және 85 арнайы техника жұмылдырылған.«Қызылорда–Сексеуіл» автомобиль жолының 130,8 шақырымын қамтитын жобаның құны 242,3 млрд теңге. Қаржыландыру көзі Ислам даму банкі болса, мердігері «Integra Construction KZ», қосалқы мердігері «Элит Строй Комплект» серіктестіктері. 2026-2029 жылдар аралығында іске асады. Қазір құрылыс жұмыстарына 70 жұмысшы мен 43 арнайы техника тартылған.Аталған жобалар өңірдегі жол-көлік инфрақұрылымын жаңғыртуға, көлік қозғалысы қауіпсіздігі мен қолайлылығын арттыруға, транзиттік бағыттардың өткізу қабілетін жақсартуға мүмкіндік береді.Ақпарат көзі : https://www.gov.kz/memleket/entities/kyzylorda/press/news/details/1304512?lang=ru

Мемлекет басшысы Astana AI Film Festival жасанды интеллект қолданған фильмдердің бірінші халықаралық байқауында сөз сөйлеп, аталған фестивальдің ерекшелігін атап өтті.– «Astana AI Film Festival» – ізденімпаз, білімпаз, жаңашыл, жасампаз азаматтар сынға түсетін, бұрын-соңды болмаған бірегей жоба. Бұл – ұшқыр ой мен тың бастамалардың бәсекесі. Қазіргі заман – білім мен ғылымның және озық инновацияның дәуірі. Жасанды интеллект әлем экономикасының барлық саласына түбегейлі өзгерістер әкелуде. Бір сөзбен, технологиялық ілгерілеу, яғни прогресс жаппай жаһандық сипатқа ие болды, – деді Қасым-Жомарт Тоқаев.  Мемлекет басшысының айтуынша, осы бірегей жоба – еліміздегі креативті индустрия саласының қарқынды дамуының жарқын көрінісі. Қазақстан бұл бағытта біртұтас экожүйе құру үшін нақты шаралар қабылдап жатыр. Сонымен қатар дарынды азаматтарға жан-жақты қолдау көрсетіледі.Президент жасанды интеллектіні жауапкершілікпен қолданудың өзектілігіне тоқталды.– Технология бұрын-соңды болмаған қарқынмен дамып жатқан тұста саясаткерлер, ғалымдар мен сала көшбасшылары жасанды интеллект мүмкіндіктерінің және оны бақылаусыз қолданудың қатері арта түскеніне алаңдаулы. Бір анығы, бұл үдерісті тоқтату мүмкін емес. Менің ойымша, оған ешкімнің таласы жоқ. Адамзат тарихында Прометей алауы өркендеудің нышаны болумен қатар дүлей күш ретінде де қарастырылды. Ядролық энергетикаға қатысты да осы мысалды келтіруге болады. Сондықтан ең әуелі қауіпсіздікке баса назар аударып, жасанды интеллектіні дамыту мен жауапкершілікпен қолдану ережесін әзірлегеніміз жөн. Бұл өскелең ұрпақтың алаңсыз келешегі үшін қажет. Болашақ технологиясының зор шығармашылық әлеуетін игілікке жарату үшін қолдан келгеннің бәрін жасауымыз керек. Бүгінгі фестивальдің басты идеясы да осы, – деді ол.Қасым-Жомарт Тоқаевтың пікірінше, жасанды интеллектінің тың мүмкіндіктері жастардың әлеуетін арттыруға жол ашады.– Қазіргі таңда шағын шығармашылық ұжымдар үлкен студиялармен бәсекелесе алады. Шығармашылық адамдары мен түсірілім топтары үшін фильм түсіруде продюсерлік компаниялардың табалдырығын тоздырып, демеуші іздеудің қажеті жоқ. Нарыққа шығудың жолы әлдеқайда жеңілдеді. Бұл бір жағынан бәсекелестікті арттырып, екінші жағынан талантты адамдардың өзін танытуына мүмкіндік береді. Осы оң өзгерістерді креативті қауымдастықты біріктіру жолында тиімді пайдалануымыз керек. Әрине, жасанды интеллект асқан дарын иесімен шендесе алмайды, дегенмен ғұмырын шығармашылыққа арнаған адамдар үшін таптырмайтын көмекші, – деді Президент.Мемлекет басшысы Astana AI Film Festival халықаралық байқауының талантты әрі мақсатшыл жандарға тың мүмкіндік сыйлап, әлемдік креативті индустрияны ілгерілетуге септігін тигізетініне сенім білдірді.– Астана төрінде осындай жаһандық ауқымдағы іс-шараның өтуі кездейсоқ емес. Қазақстан – жастардың елі, халқымыздың орташа жасы – 33 жас. Мен Қазақстан жастарын білімге ұмтылатын, жаңалыққа құштар, озық ойлы азаматтар деп санаймын. Жақынға да, алысқа да мейіріммен қарау, ешкімді бөліп-жармау – халқымыздың бойында бар асыл қасиет. Мұны әлем жұртшылығы да жақсы біледі және мойындайды деп ойлаймын. Мәселен, бүгінгі фестивальге әлемнің 125 елінен 8 мыңнан астам өтінім келіп түсті. АҚШ, Үндістан, Қытай, Оңтүстік Корея, Ұлыбритания, Индонезия, Жапония, Бразилия, Франция және өзге де ел азаматтары өз жұмысын жолдады. Осы тұста қазылар алқасының құрамында әлемге әйгілі өнер және технология саласының мамандары бар екенін айрықша атап өткім келеді. Мен бүгін баршаңызға ерекше алғыс айтамын. Осы байқаудың арқасында қатысушылар өзара тәжірибе алмасып, болашақта бірлескен жобаларды жүзеге асырады деп сенемін, – деді Қасым-Жомарт Тоқаев.Сондай-ақ іс-шараның ашылу салтанатында Astana AI Film Festival халықаралық фестивалінің негізін қалаушы Алмас Жали, Freedom Holding Corp бас директоры Тимур Турлов, Network School негізін қалаушы Баладжи Шринивасан, фестиваль қатысушысы Джамин Таскер және Astana AI Film Festival халықаралық фестивалі қазылар алқасының төрағасы Одри Азуле сөз сөйледі. Ақпарат көзі : https://www.gov.kz/memleket/entities/kyzylorda-satyp-alu/press/news/details/1304518?lang=ru

Облыс әкімі Мұрат Ергешбаев Қызылорда гарнизонындағы әскери бөлімдер мен нысандарды аралады.Алдымен ҚР Қорғаныс министрлігінің 66597 әскери бөліміне барды. Мұнда 526 әскери, оның ішінде 42 мерзімді әскери қызметші және 17 азаматтық қызметкер бар. Сондай-ақ 107 техника пайдаланылуда.Аталған министрлікке қарасты 99215 әскери бөлімінде инфрақұрылымды жетілдіру жұмыстары жергілікті бюджет қаражаты есебінен жүргізілуде. Бұл мақсатқа 2024 жылы 278,8 млн теңге, өткен жылы 369,8 млн теңге, биылға 151 млн теңге бөлінген. Бөлімде 6 ғимарат бар, жеке құрамда 90 әскери қызметші және 10 азаматтық қызметкер еңбек етеді.Келесі нысан – ҚР Ұлттық қауіпсіздік комитеті Шекара қызметінің Қызылорда облысы бойынша департаменті. Құрылымдық бөлімшелерін қоса есептегенде 118 ғимараты, жеке құрамында 700-ден астам әскери қызметші және 90-нан аса азаматтық қызметкер бар. Мерзімді әскери қызметшілер жоқ.Аймақ басшысы Ұлттық ұланның 5547 әскери бөліміндегі жағдайды да көрді. Мұндағы жеке құрам 540 әскери қызметшіден және 3 азаматтық қызметкерден құралған. Осы бөлімге қарасты әскери атыс алаңы 70 гектар жерде, аумағында 5 ғимарат орналасқан. Атыс алаңында 3 әскери қызметші және 4 мерзімді әскери қызметші жұмыс істейді.Ақпарат көзі : https://www.gov.kz/memleket/entities/kyzylorda/press/news/details/1304503?lang=ru

Қазақстанда 5 қазанда атап өтілетін Ұстаздар күні қарсаңында болашақ офицерлердің кәсіби білімі мен дағдыларын қалыптастыратын оқытушыларға ерекше назар аударылады. ҚР ІІМ Ұлттық ұланының Академиясы – еліміздегі алдыңғы қатарлы әскери жоғары оқу орындарының бірі әрі құқықтық тәртіп әскеріне офицер кадрларын даярлайтын негізгі орталық.Оқу орны құрылғаннан бері 26 рет түлек ұшырды. Бүгінде Академияның 6 мыңнан астам түлегі Ұлттық ұланда және басқа да күштік құрылымдарда қызмет атқарып жүр. Олардың көпшілігі басшылық лауазымдарды атқарып, қоғамдық қауіпсіздік пен құқықтық тәртіпті қамтамасыз ету жүйесін дамытуға өз үлестерін қосуда.Академияда ғылыми дәрежесі және ғылыми атағы бар 15 маман қызмет атқарады. Олардың қатарында үш ғылым кандидаты және сегіз философия докторы (PhD) бар. Сегіз маман қауымдастырылған профессор (доцент) ғылыми атағына ие, олардың төртеуінде ғылыми дәрежесі жоқ, тек ғылыми атағы бар.Академияның ғылыми әлеуеті білім беру үдерісін жетілдірудің, әскери ғылымды дамытудың және білікті офицерлер даярлаудың негізін құрайды. Оқытушылардың зерттеу жұмыстары әскери қызметтің өзекті мәселелерін зерделеуге, оқыту әдістемесін жетілдіруге және ғылыми әзірлемелерді Ұлттық ұланның қызметтік-жауынгерлік қызмет тәжірибесіне енгізуге бағытталған.Академия базасында тұрақты түрде халықаралық ғылыми-практикалық конференциялар, семинарлар және басқа да ғылыми іс-шаралар өткізіледі. Олар әскери оқу орындарының, ғылыми қоғамдастық пен құқық қорғау құрылымдарының өкілдерін біріктіріп, тәжірибе алмасуға және әскери білім мен қызметтің өзекті мәселелерін талқылауға мүмкіндік береді.2022 жылдан бастап Академияда кафедралардың, циклдердің және профессорлық-оқытушылық құрамның ғылыми-зерттеу қызметінің нәтижелерін бағалаудың балдық-рейтингтік жүйесі қолданылады. Бұл жүйе ғылыми белсенділікті, жарияланымдық жұмысты, ғылыми іс-шараларға қатысуды және жүргізілетін зерттеулердің практикалық маңызын жүйелі түрде бағалауға мүмкіндік береді.Ғылыми қызметті дамытуға елеулі жеке үлес қосқан, жоғары жарияланымдық белсенділік танытқан және ғылыми-зерттеу жұмыстарында нәтижелерге қол жеткізген әскери қызметшілер мен оқытушылар тұрақты түрде ынталандырылады.Академияның білім алушылары да зерттеу жұмыстарына белсенді түрде тартылады. Мұндай жұмыс болашақ офицерлердің аналитикалық ойлау қабілетін дамытуға, кәсіби білімдерін тереңдетуге және әскери қызметтің өзекті міндеттерін шешудің практикалық жолдарын табуға көмектеседі.Бүгінде Академия өзінің ғылыми және білім беру дәстүрлерін одан әрі нығайтып келеді. Әрбір даярланған офицердің артында Ұлттық ұланға және тұтастай алғанда елдің қауіпсіздігін қамтамасыз ету жүйесіне кадрлар даярлауға елеулі үлес қосып жүрген оқытушылардың білімі, тәжірибесі мен кәсіби еңбегі тұр. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1304505?lang=ru

1 қазан 2026 жыл. Шымкент қаласының №1 қалалық клиникалық ауруханасында отандық трансплантология тарихындағы тағы бір маңызды оқиға болып өтті — туысқан донордан 256-шы бүйрек трансплантациясы сәтті жүргізілді. Бұл операция Оңтүстік Қазақстан аймағындағы мамандандырылған медицина орталығының ұзақ жылғы еңбегінің жемісі ғана емес, бүкіл республикалық денсаулық сақтау жүйесінің жетістігі болып табылады.Операция 30 қыркүйекте жоспарлы түрде өткізілді. Науқас — бүйрегінің созылмалы ауруымен сегіз жыл бойы есепте тұрған ер адам. Оның негізгі диагнозы — тубулоинтерстициалдық нефрит фонында дамыған бүйрек жеткіліксіздігінің терминалдық сатысы. 2018 жылдан бастап науқас гемодиализ арқылы емделіп келді. Яғни ол сегіз жыл бойы апта сайын бірнеше рет аппаратқа қосылып, қанын тазалатып отырды — бұл адам өміріне, оның жұмыс қабілеттілігіне және жалпы өмір сапасына аса ауыр шектеулер қояды. Донор мен реципиент барлық қажетті медициналық зерттеулерден өтіп, заңнамада көзделген келісімдерді берді. Операция асқынусыз аяқталды, екі пациент де қарқынды терапия және реанимация бөліміне ауыстырылды. Қазіргі уақытта олардың жағдайы тұрақты деп бағаланады, ал реципиентте трансплантацияланған бүйректің ерте қалпына келу белгісі — жақсы диурез байқалуда.Шымкент қаласындағы трансплантология бағыты соңғы он жыл ішінде елеулі дамыды. №1 қалалық клиникалық аурухана Оңтүстік Қазақстанның ірі трансплантологиялық орталықтарының біріне айналды. Бүгінгі таңда мұнда жоғары білікті хирургтар, нефрологтар және анестезиологтардан тұратын кәсіби команда жұмыс істейді.Бүйрек ауруларының таралуы Қазақстанда медициналық және әлеуметтік тұрғыдан өткір мәселе болып қала береді. Дүниежүзілік денсаулық сақтау ұйымының деректері бойынша, бүкіл дүние жүзінде созылмалы бүйрек ауруымен 850 миллионнан астам адам ауырады. Қазақстан статистикасына сүйенсек, республикада бүйрек жеткіліксіздігінің терминалдық сатысымен диализге тәуелді пациенттер саны жыл сайын өсуде. Бүйрек трансплантациясы бұл адамдар үшін өмірді түбегейлі өзгертетін жалғыз нақты шешім болып табылады. Алайда донорлық органдарға деген қажеттілік пен олардың нақты санының арасындағы алшақтық бүгінде де өте үлкен. Туысқан донорлықтан трансплантация жасау — бұл алшақтықты азайтудың ең маңызды жолдарының бірі, өйткені ол кадавралық донорлықты күтуге байланысты уақытты жояды.Бүйрек трансплантациясының тарихына үңілсек, Қазақстанда бұл бағыт 1990-шы жылдардың аяғынан бастап жүйелі түрде дамып келеді. Алғашқы операциялар республикалық деңгейдегі орталықтарда ғана жасалды. Кейінірек, 2000-шы жылдардың ортасынан бастап, облыстық ауруханаларда да мамандандырылған бөлімдер ашыла бастады. Шымкент осы бағытта ерте қадам жасаған қалалардың бірі болды. Бүгінде ол тек Оңтүстік Қазақстан тұрғындарына ғана емес, іргелес аймақтардан, тіпті Орта Азия елдерінен келетін науқастарға да медициналық қызмет көрсетуге мүмкіндігі бар ірі орталыққа айналды.Сарапшылар болашақта трансплантологияның Қазақстанда одан әрі кеңеюін болжайды. Ең алдымен, кадавралық донорлық институтын нығайту бүйрек трансплантациясының қолжетімділігін арттырады деп күтілуде. Сонымен қатар, иммуносупрессивті терапияның жаңа препараттары мен хирургиялық технологиялардың дамуы операциядан кейінгі асқынулар санын одан сайын азайтады. «Алдағы жылдарда Шымкентте жылына 50-60 трансплантацияға жетуді жоспарлаудамыз. Бұл үшін жаңа мамандар даярлауды да, инфрақұрылымды жаңартуды да жалғастырамыз», — деп мәлімдеді ауруханының бас дәрігері Берік Сейткали.256-шы бүйрек трансплантациясы — бұл тек медициналық статистикадағы тағы бір жол ғана емес. Ол бір адамның тағдырын өзгерткен, оған жаңа өмір сыйлаған нақты оқиға. Сегіз жыл бойы диализ аппаратына тәуелді болып, күн сайын шектеумен өмір сүрген адам енді бүйрегі қалпына келіп, толыққанды өмірге оралу мүмкіндігіне ие болды. Бұл Шымкент медицинасының, оңтүстік өңір дәрігерлерінің және жалпы отандық денсаулық сақтаудың нақты жетістігі. Трансплантология — адам өміріне деген ең терең сыйластықтың медицинадағы көрінісі, ал Шымкент бұл жолда сенімді алға басуда.

Шымкент қаласының полиция департаменті жанындағы есірткі қылмасына қарсы күрес басқармасының қызметкерлері жүргізген жедел іс-шаралар нәтижесінде психотропты және есірткі заттарын сатумен айналысқан деп күдікті екі жергілікті тұрғын ұсталды. 2026 жылдың 1 қазанында жарияланған бұл ақпарат қалалық қауымдастықта үлкен резонанс тудырды. Қуатты оңтүстік мегаполисте есірткі бизнесімен күрес тоқтаусыз жалғасып келе жатқанын осы оқиға тағы бір мәрте дәлелдеді.Ұстау барысында күдіктілерден альфа-PVP психотропты затымен толтырылған 50 бума тәркіленді. Бұл заттың нарықта жедел таралуы — Қазақстан құқық қорғау органдары үшін соңғы бірнеше жылда ерекше алаңдаушылық тудырып отырған мәселе. Қазіргі заманның аса қауіпті синтетикалық есірткілерінің бірі саналатын альфа-PVP адам ағзасына аса жойқын әсер ететіндіктен, оны таратқандарға заң жүзінде ең ауыр жаза қолданылады. Оның үстіне, күдіктілердің бірінің тұрғылықты мекенжайын тінту барысында полицейлер қосымша 32 бума гашиш және шамамен 200 грамм гашиш майын тапты. Барлық заттар тәркіліп, сараптамаға жіберілді.Тергеу деректеріне сүйенсек, ұсталған екі тұрғын биылғы жылдың мамыр айынан бастап заңсыз есірткі айналымына қатысқан. Олар курьер ретінде жұмыс істеп, сонымен қатар есірткі заттарын буып-түйіп, тарату жүйесінде ортаңғы буынды иеленген. Мұндай "бөлшекті" жүйе — қазіргі есірткі желілерінің тән белгісі. Полиция ведомствосының деректеріне сәйкес, соңғы жылдары Шымкент пен оның айналасында есірткі таратушылардың желілік ұйымдасу деңгейі айтарлықтай өсті. Тергеуді жеделдету мақсатында сотқа дейінгі тергеу барысында барлық байланыстар мен ақшалай ағымдар анықталуда. Күдіктілер қамауға алынды.Шымкент — Қазақстанның үш миллионнан астам халқы бар ірі мегаполисі ретінде, сондай-ақ Орта Азияның маңызды транзиттік тораптарының бірі ретінде есірткі тасымалдаушылардың назарынан тыс қалған емес. Қала географиялық тұрғыдан Өзбекстан мен Қырғызстанмен шекаралас орналасқандықтан, есірткі контрабандасы үшін тартымды бағытқа айналуда. Ішкі істер министрлігінің мәліметтері бойынша, 2025 жылы Оңтүстік Қазақстан өңірінде есірткіге байланысты қылмыстардың саны алдыңғы жылмен салыстырғанда 14 пайызға өсті. Осы мәнмәтінде Шымкент полициясының жүргізіп жатқан операциялары маңыздылығын одан әрі арттыруда.Есірткіге қарсы күрес саласындағы мамандардың пікірінше, ұстаулар жүйелі профилактикалық жұмыспен бірге жүруі тиіс. "Бір торды жапқанмен, жүйені бұзбасаң — орнына екеуі пайда болады. Бізге тек ұстау емес, тамырымен жұлу керек," — деп түсіндіреді Шымкент мемлекеттік университетінің криминология кафедрасының доценті Ерлан Байжанов. Оның пікірінше, жасөспірімдер мен жастар арасындағы профилактика жұмысын күшейтпесе, есірткі таратушылардың тізбегі тоқтамайды. Мамандар есірткіге тәуелді адамдарды қоғамнан шеттету орнына оларға медициналық және психологиялық көмек беру жүйесін жетілдіруді де ерекше атайды.Қазақстан заңнамасы бойынша есірткінің заңсыз айналымы үшін 20 жылға дейін бас бостандығынан айыру жазасы қарастырылған. Бұл — Қылмыстық кодекстің ең ауыр санкцияларының бірі. Соңғы бірнеше жылда заң шығарушылар жазаны ауырлату мәселесін талқылап, есірткі саудасына ұйымдасқан қылмыспен күрес шеңберінде қарауды ұсынды. Биылғы маусымда Мәжілісте есірткіге байланысты баптарды қатаңдату туралы жаңа заң жобасының бірінші оқылымы болып өтті. Сарапшылардың бір бөлігі жаза мөлшерін арттырудың ескерту рөлін атқара алатынын мойындай отырып, оның жеткіліксіз екенін де атап өтеді — себебі есірткі желісінің буындарын тек жаза арқылы ығыстыру мүмкін емес.Полиция бұл іспен жұмыс аяқталмағанын, тергеу жалғасатынын мәлімдеді. Желінің жоғарғы буындарын анықтауға бағытталған тергеу іс-шаралары белсенді түрде жүргізілуде. Құқық қорғау органдары азаматтарды да белсенділікке шақырады: кез келген күдікті жағдайды 102 нөмірі арқылы немесе полицияның ресми платформалары арқылы хабарлауға шақырады. Шымкент полициясының мұндай жедел ұстау операциялары — есірткі таратушыларға қалада орын жоқтығының нақты сигналы. Бірақ нәтижелі күрес үшін тек полиция күші емес, бүкіл қоғамның, білім беру жүйесінің және медицина саласының бірлескен ерік-жігері қажет.

1 қазан 2026 жыл. Шымкент қаласының №1 қалалық клиникалық ауруханасы тағы бір адам өмірін сақтап қалды. Бұл жолы науқас — 25 жастағы Тәжікстан азаматы, «Алматы — Ташкент» халықаралық тас жолында жүк автомобілін жөндеу барысында болған баллон жарылысынан ауыр жарақат алған жас еркек. Оқиға медицина мамандарының кәсіби шеберлігін, Шымкент ауруханасының техникалық әлеуетін және Қазақстанның транзиттік маршруттар бойындағы халықаралық гуманитарлық жауапкершілігін тағы бір рет айқын көрсетті.Алынған ақпаратқа сәйкес, оқиға «Алматы — Ташкент» магистралі бойында болған. Жас тәжік жүргізушісі жүк көлігінің бұзылуына байланысты жол шетінде жөндеу жұмыстарын жүргізіп жатқан кезде, тасымал баллоны күтпеген жерден жарылды. Жарылыс күші соншалықты қуатты болды — жас жігіт ауыр бас жарақаты мен дене мүшелеріне елеулі зақым алды. Жедел жәрдем бригадасы оны тез арада Шымкенттің №1 қалалық клиникалық ауруханасына жеткізді. Реанимация бөліміне түскен кезде пациенттің жағдайы өте ауыр болды: есі жоқ, тіршілік белгілері тұрақсыз еді.Бірнеше күн бойы жастың жағдайы ауыр болып қала берді. Отбасы мен туыстары Тәжікстаннан байланысып, науқастың денсаулығы туралы ақпарат алып отырды. Шымкент ауруханасы оларға консульдық байланыс арқылы тұрақты хабарлама беріп отырды. Ақырында науқастың жағдайы жақсара бастады: сана оралды, тыныс алу тұрақтанды. Осыдан кейін оны реанимациядан шұғыл нейрохирургия бөліміне ауыстырды, онда консервативті емдеу жалғастырылып, тәулік бойы медициналық бақылау жүргізілуде. Бүгінгі таңда науқастың жағдайы тұрақты деп бағаланып отыр, оң динамика байқалуда.«Алматы — Ташкент» тас жолы — Орталық Азияның ең жүктелген халықаралық магистральдарының бірі. Бұл маршрут арқылы жыл сайын мыңдаған жүк автомобильдері, туристік автобустар мен жеке көліктер өтеді. Жол бойындағы апаттар мен техникалық ақаулар — өкінішке қарай, жиі кездесетін құбылыс. Қазақстан Жол полициясының деректері бойынша, тек 2025 жылдың бірінші жарты жылдығында осы магистральда 120-дан астам жол-көлік оқиғасы тіркелген, оның ішінде техникалық себептерден туындаған апаттардың үлесі 18 пайызды құраған. Сарапшылар жүк автомобильдерін жөндеу кезіндегі баллон жарылыстарының санасыздықтан болатын, алдын алуға болатын оқиға екенін атап өтеді.Шымкент — Оңтүстік Қазақстандағы ірі медициналық орталық. Қаланың №1 клиникалық ауруханасы аймақтас елдер — Өзбекстан, Тәжікстан, Қырғызстан азаматтарын жиі қабылдайды. Медицина ғылымдарының кандидаты, нейрохирург Дінмұхаммед Сейтқалиұлы осы жағдайға байланысты: «Біздің ауруханамыз тек Қазақстан азаматтарына ғана емес, Орталық Азия аймағына қызмет етеді. Транзиттік маршруттарда апатқа ұшыраған шетел азаматтарын дер кезінде медициналық көмекке жеткізу — ортақ гуманитарлық міндет. Бұл жолы да командамыз өз парызын орындады» — деді. Бұл сөздер шекара асатын медициналық ынтымақтастықтың маңыздылығын айрықша аша түседі.Оқиға Қазақстан мен Тәжікстан арасындағы ынтымақтастықтың нақты көрінісіне айналды. Тәжікстан консулдығының өкілі Шымкентте жатқан өз елінің азаматына барып, алғыс білдірді. «Қазақстан дәрігерлерінің кәсіпқойлығы мен адамгершілігі — екі ел арасындағы достықтың тірі дәлелі» деген сөздерді консулдық өкіл баспасөзге мәлімдеді. Ал науқастың анасы телефон арқылы берген сұхбатында: «Балам өмірге оралды. Шымкент дәрігерлеріне, Қазақстан халқына шексіз ризашылығымды білдіремін. Олар менің ұлымды аман алып қалды» — деп жылап сөйледі.Бұл оқиға бірнеше маңызды мәселені күн тәртібіне шығарады. Біріншіден, транзиттік маршруттар бойындағы медициналық инфрақұрылымды нығайту қажеттігі. Екіншіден, жол жөндеушілерге арналған қауіпсіздік нормаларын қатаң сақтату мен нұсқаулық беру мәселесі. Үшіншіден, аймақтық елдердің медициналық мекемелері арасындағы ақпарат алмасу және пациент тасымалдау тетіктерін жетілдіру. Осы мәселелерді Орталық Азия денсаулық сақтау министрліктерінің кезекті кеңесінде талқылау ұсынылып отыр. Ал Шымкенттің №1 клиникалық ауруханасы бұл жолы тағы бір рет — тек емдеу орны ғана емес, өмірді сақтаудың сенімді бекетіне айналғанын дәлелдеді. 25 жастағы тәжік жігітінің өмірге оралуы — бұл медицина ғылымының жетістігі ғана емес, адамзатты біріктіретін ортақ жауапкершіліктің де айқын белгісі.