Солтүстік Қазақстан облысында әлеуметтік маңызы бар азық-түлік тауарларының бағасына бақылау күшейтілді. 2026 жылдың басынан бері өңірдегі 20-ға жуық кәсіпкер шекті рұқсат етілген сауда үстемеақысын асырғаны үшін бюджетке 1,5 миллион теңгеден астам айыппұл төлеген. Әңгіме мемлекет үстемеақы мөлшеріне шектеу белгілеген әлеуметтік маңызы бар азық-түлік тауарларының (ӘМАТ) тізбесіне енгізілген өнімдер туралы болып отыр. Ең жиі анықталған заңбұзушылықтардың қатарында картоп, сәбіз, күріш, алма және өзге де негізгі азық-түлік түрлерінің бағасын негізсіз көтеру бар. Кейбір жағдайларда сауда үстемеақысы рұқсат етілген деңгейден 50 пайыздан астамға асып кеткен. Тексерулерге Мемлекеттік кірістер департаменті ұсынған электрондық шот-фактуралар негіз болды. Құжаттарды талдау барысында мамандар өнімнің сатып алу бағасын сауда нүктелеріндегі соңғы бағамен салыстырып, қолданылған үстемеақы мөлшерін объективті түрде бағалады. Мұндай тәсіл субъективтілікті болдырмай, тек қаржылық құжаттарға сүйенуге мүмкіндік береді. Ведомство өкілдерінің айтуынша, баға шектеулерінің сақталуына бақылау тұрақты түрде жүргізіледі. Мониторинг ірі сауда желілерін де, үй маңындағы шағын дүкендерді де қамтиды. Рұқсат етілген үстемеақының асып кеткені анықталған жағдайда кәсіпкерлерге заңбұзушылықтарды жою туралы нұсқама беріліп, әкімшілік айыппұл салынады. Сарапшылар әлеуметтік маңызы бар өнімдердің бағасын реттеу, ең алдымен, халықтың, әсіресе әлеуметтік тұрғыдан осал топтардың мүддесін қорғауға бағытталғанын атап өтеді. Азық-түлік нарығындағы құбылмалылық пен шығындардың өсуі жағдайында мемлекет бірінші кезектегі тауарлар бағасының негізсіз қымбаттауына жол бермеуге тырысады. Сауда және тұтынушылардың құқықтарын қорғау департаментінде кәсіпкерлерге заң талаптарын қатаң сақтау қажеттігі ескертілді. Заңбұзушылықтар тек жоспарлы тексерулер барысында ғана емес, цифрлық деректерге жүргізілген талдау нәтижесінде де анықталады. Мамандардың пікірінше, мұндай бақылау тетігі нарықтың ашықтығын арттырып, адал бәсекелестіктің қалыптасуына ықпал етеді. Өңірдегі баға тұрақтылығын қамтамасыз ету жұмыстары алдағы уақытта да жалғасады. Ведомстволар бизнес өкілдерін сатылатын тауарлардың әлеуметтік маңызын ескеріп, белгіленген сауда үстемеақысы нормаларын сақтауға шақырады. Бұл айыппұл санкцияларынан сақтанып, тұтынушылар сенімін нығайтуға мүмкіндік береді.Ақпарат көзі : https://www.gov.kz/memleket/entities/mti/press/news/details/1173781?lang=kk

Ұлыстың ұлы күні – Наурыз мерекесіне орай 2026 жылғы 13–20 наурыз аралығында сауда саласын цифрландыру мен жасанды интеллектіні қолдануға арналған «Sauda in Digital Nauryz» байқауы өтеді.Қатысушылар инновациялық шешімдерін, сауда кеңістігін креативті цифрлық безендіру үлгілерін және жасанды интеллектіні қолдана отырып жүзеге асырылған жобаларын ұсынуы тиіс. Байқаудың мақсаты – сауда саласына заманауи технологияларды енгізуді ынталандыру және үздік тәжірибелерді қолдау.Байқауға Қазақстан Республикасының барлық сауда субъектілері қатыса алады.Қалай қатысуға болады?қысқа бейнеролик түсіріңіз;Instagram желісіндегі өз парақшаңызға жариялап, Министрліктің ресми парақшасын (@saudagovkz) белгілеңіз;#saudadigitalnauryz хэштегін көрсетіңіз.Қорытынды шығару20 наурыз күні келесі номинациялар бойынша жеңімпаздар анықталады:Үздік цифрлық безендіру;Үздік цифрлық құттықтау;Жасанды интеллектіні үздік қолдану;Ең креативті Digital-жоба.Бағалау критерийлері (KPI)Байқау жұмыстары келесі негізгі көрсеткіштер бойынша бағаланады (ең жоғары ұпай – 100):жасанды интеллектіні қолдану – 40 ұпай;креативтілік – 20 ұпай;ұлттық нақыш – 20 ұпай;аудиторияның белсенділігі – 20 ұпай;орындалу сапасы – 20 ұпай.23 наурыз күні жеңімпаздарды марапаттау рәсімі өтеді.Байқауға қатысып, цифрлық технологиялар мен жасанды интеллектінің сауда саласын қалайша тиімді әрі қызықты ете алатынын көрсетіңіз!Ақпарат көзі : https://www.gov.kz/memleket/entities/mti/press/news/details/1174703?lang=kk

Жітіқара ауданында құқықтық сауаттылықты арттыруға және қоғамда құқықтық мәдениетті қалыптастыруға бағытталған «Заң күнделікті өмірде» атты диалогтық кездесу өтті.Ашық диалог барысында қатысушылар заңнаманы күнделікті өмірде қолданудың өзекті мәселелерін, азаматтардың құқықтары мен заңды мүдделерін қорғауды, құқық бұзушылықтар үшін жауапкершілікті және заңдылық қағидаттарын нығайтудағы әр азаматтың рөлін талқылады.Кездесу аясында заң үстемдігін қамтамасыз ету, мемлекеттік органдардың ашықтығы және халықпен сындарлы диалог орнату жұмыстың басым бағыттары екені атап өтілді.Ақпарат көзі : https://www.gov.kz/memleket/entities/kostanay/press/news/details/1171758?lang=kk

Науырзым ауданы Жастар ресурстық орталығының ұйымдастыруымен еріктілердің қатысуымен «Қарлы десант» акциясы өтті. Іс-шара Еріктілер жылының ресми ашылуына арналды.Акция барысында 2026 жылдың Біріккен Ұлттар Ұйымының Бас Ассамблеясы тарапынан Тұрақты даму мүддесіндегі Халықаралық еріктілер жылы (IVY 2026) болып жарияланғаны және аталған бастаманың авторы – Қазақстан екені ресми түрде хабарланды. Бұл шешім еріктілік қызметтің қоғамдағы рөлін арттыруға, азаматтық белсенділікті дамытуға және ел игілігі жолындағы игі бастамаларды қолдауға бағытталған.Еріктілер жылының ресми ашылуынан кейін жастар нақты іспен өз үлестерін қосты. Акция аясында жалғыз тұратын Добровольский отбасына және Жұмашева Ж. апайдың шаңырағына барып, әлеуметтік көмек көрсетті. Атап айтқанда, ауладағы қарды тазалады, отынға ағаш жарып берді, көмір кіргізіп, қысқы отынды реттеуге жәрдемдесті.«Қарлы десант» акциясы – бір күндік шара ғана емес. Бұл – аға буынға құрмет көрсетудің, жанашырлық пен жауапкершіліктің нақты көрінісі. Мұндай бастамалар қоғамда өзара қолдау мәдениетін қалыптастырып, жастардың әлеуметтік белсенділігін арттыруға ықпал етеді.Науырзым ауданының жастары алдағы уақытта да қайырымдылық және әлеуметтік бағыттағы іс-шараларды тұрақты түрде жалғастырып, қоғам игілігі үшін аянбай еңбек етуді мақсат етеді.Ақпарат көзі : https://www.gov.kz/memleket/entities/kostanay/press/news/details/1170039?lang=kk

Облыс әкімі Нұрлыбек Нәлібаев «Атамекен» ҰКП төралқа төрағасы Қанат Шарлапаевпен кездесті.Онда инвестиция тарту мен кәсіпкерлік саласындағы жұмыстар жайы талқыланды.«Мемлекет басшысы шағын және орта бизнесті дамытуға айрықша мән беріп, Үкімет қолдау көрсетуде. Бүгінде өңірімізде кәсіпкерліктің даму қарқыны белсенді, экономикадағы үлесі 20,5 пайыз.Өткен жылы өңір экономикасындағы бұл сектордың өнім шығару көлемі 30,5 пайызға артып, облыс өңірлер арасынан 3-орынды иеленді.Салық түсімдері алдыңғы жылмен салыстырғанда 2,5 есе ұлғайды.Кәсіпкерліктің тұрақты дамуына жүйелі әрі тиімді мемлекеттік қолдау оң ықпал етті.Өңір экономикасын әртараптандыру мақсатында 2026-2029 жылдары 1 трлн. 900 млрд. теңгенің 48 инвестициялық жобасын жүзеге асырып, 10 308 жаңа жұмыс орнын ашу көзделген. Биыл 100 млрд. теңгеге 21 жобаны іске қосу жоспарлануда.Атап өту қажет, Өзіңіздің тікелей көмегіңізбен испандық «Рока групп» компаниясымен жылына 500 мыңға дейін санитарлық-техникалық бұйым шығаратын жоғары технологиялық зауыт салу жөнінде инвестициялық келісімге қол қойылды. Биыл құрылысы басталады.Жеке кәсіпкерлікті қаржылай қолдауға бюджеттен 22 млрд. 700 млн. теңге қарастырылды.Мемлекет басшысының тапсырмасына сәйкес, биыл микро және шағын бизнес үшін «Іскер аймақ» бағдарламасы іске қосылды.Бүгінгі кездесу жаңа жобалар мен бастамаларға жол ашады деп сенеміз», - деді Н.Нәлібаев.Былтыр жеке кәсіпкерліктің 2 929 жобасы барлық қаржы көзі есебінен 61 млрд. 100 млн. теңгеге қаржыландырылды.Мемлекеттік қолдау шаралары өңірдің инвестициялық әлеуетін арттырып, жаңа өндірістер ашуға, жұмыс орындарын құруға мүмкіндік берді. Сонымен бірге 300 млрд. теңгеден астам қаржыға 27 инвестициялық жоба жүзеге асырылды. Түрік инвесторы жаңа жылу электр орталығын салды. Нан өнімдері кешені, кірпіш, айна шығару, күріш және ас тұзын өндіру зауыттары, шағын өнеркәсіптік аймақ және қуаттылығы 40 мегаваттық күн электр станциясы іске қосылды.Ақпарат көзі : https://www.gov.kz/memleket/entities/kyzylorda/press/news/details/1169919?lang=kk

Қостанай облысының әкімі Құмар Ақсақалов Kia Qazaqstan зауытының еңбек ұжымымен кездесу өткізді. Кездесу барысында жаңартылған Конституция жобасы мен өңірдің әлеуметтік-экономикалық дамуы мәселелері талқыланды.Диалогқа сондай-ақ ҚР Парламенті Сенатының депутаттары Сергей Карплюк пен Бибігүл Аққожина, Қостанай облыстық мәслихатының төрағасы Сайлаубек Ещанов және «Amanat» партиясы облыстық филиалының төрағасы Алмат Досмұхамедов қатысты.Kia Qazaqstan зауыты Қостанайдың индустриялық аймағында орналасқан және өңірдегі автомобиль өндірісінің флагманына айналды. Шамамен 63 гектар аумақта жылына 70 000 автокөлік шығаруға мүмкіндік беретін заманауи өндіріс орны. Еңбек ұжымының едәуір бөлігін жас мамандар құрайды.Өңір басшысы Жаңа Конституция жобасын талқылау аясында еңбек адамының мәртебесін арттыру мәселесіне ерекше тоқталды. Оның айтуынша, құжатта жұмысшылар үшін негізгі әлеуметтік кепілдіктер бекітілген.«Қазақстан Республикасының жаңа Конституциясы жобасында қауіпсіздік пен гигиена талаптарына сай еңбек етуге, ешқандай кемсітусіз еңбегі үшін сыйақы алуға, сондай-ақ заңға сәйкес әлеуметтік қорғауға құқық кепілдендірілген», – деді облыс әкімі.Кәсіпорынның жас маманы Амир Караев өз пікірін білдірді. Оның айтуынша, жаңартылған Конституция жобасында жастардың рөліне ерекше мән берілген.«Жас буын өкілі ретінде мен үшін бұл құжаттың сапалы білім алуға, кәсіби өсуге және өзін-өзі жүзеге асыруға нақты жағдай жасайтыны маңызды. Жастардың қоғамдық-саяси өмірге қатысуының маңыздылығы атап өтілгені – біздің пікіріміз ескерілетінін білдіреді», – деді ол.Отбасы институтына қатысты мәселелерге де ерекше назар аударылды. Некенің ер мен әйелдің одағы ретінде айқындалуы, мемлекеттің неке мен отбасын қорғауы, сондай-ақ ата-аналар мен балалардың құқықтары мен міндеттері түсіндірілді.Бұл мәселеге қатысты өз ұстанымын кәсіпорын қызметкері Фирдавс Аманмуратов білдірді.«Жаңа Конституция жобасында негізгі отбасылық құндылықтардың нақты бекітілуі мен үшін маңызды. Мемлекет неке мен отбасын қорғайды, ата-аналарды бала тәрбиесінде қолдайды», – деді ол.Кездесу барысында жұмысшылар әлеуметтік-экономикалық кепілдіктер, өндірістік секторды қолдау және өңірді дамыту перспективалары жөнінде бірқатар сұрақтар қойды. Коалиция өкілдері жан-жақты жауап беріп, азаматтардың қоғамдық-саяси үдерістерге белсенді қатысуының маңыздылығын атап өтті.Кездесу қорытындысы бойынша Kia Qazaqstan еңбек ұжымы Қазақстан Республикасының Жаңа Конституциясы жобасын толық қолдайтынын және Әділетті әрі Прогрессивті Қазақстанды дамытуға белсенді қатысуға дайын екенін білдірді.Ақпарат көзі : https://www.gov.kz/memleket/entities/kostanay/press/news/details/1169958?lang=kk

«Өнер орталығында» композитор, ҚР Еңбек сіңірген қайраткері, «Құрмет», «Парасат» орденінің иегері Кеңес Дүйсекеевтің 80 жылдығына арналған еске алу кеші өтті.Оған облыс әкімі Нұрлыбек Нәлібаев, Сыртқы істер министрінің орынбасары Әлібек Қуантыров, Еуропалық Одаққа мүше мемлекеттердің елшілері, Парламент Сенаты мен Мәжілісінің депутаттары, композитордың жары Баян Дүйсекеева, баласы Нұркен Дүйсекеев пен туған-туыстары арнайы қатысты.Кеш туған жерін ән қанатында тербеген композитордың шығармашылығына арналған бейнеролик көрсетілімінен басталып, концерттік бағдарламада ел жадында жатталған таңдаулы туындылар орындалды. Атап айтқанда «Асыл ана», «Ойлан, балам», «Өмір, өмір», «Анаға хат», «Ойлайсың ба, жаным», «Ақ қар», «Ғашық әнім», «Өкінбе сен» әндері көрермен назарына ұсынылды. Сахна төрінде Қазақстанның Халық артисі Роза Рымбаева «Сәлем саған, туған ел» әнін әуелете шырқады. Ал Мәдина Сәдуақасова Исраил Сапарбайдың сөзіне жазылған «Теңеу бар ма саған?» әнімен көрерменнің ыстық ықыласына бөленді. Сондай-ақ Жұбаныш Жексенұлы «Туған жер» әнін әсерлі орындап, кештің сәнін кіргізе түсті.Кеңес Дүйсекеев – қазақ музыка өнерінің алтын қорына енген бірегей шығармалардың авторы, ұлттық рух пен заманауи әуенді шебер ұштастырған көрнекті композитор. Ол ұлттық эстрада мен симфониялық музыкада өзіндік қолтаңбасын қалыптастырып, қазақ ән өнерін жаңа деңгейге көтерген тұлға.Композитордың «Қаракөзайым», «Домбыра туралы баллада», «Сәлем саған, туған ел!» сынды алғашқы туындыларының өзі-ақ қалың жұртшылықтың ыстық ықыласына бөленген. Әлем сахналарында қазақ әнін асқақтатқан Димаш Құдайбергеннің орындауындағы «Қарағым-ай» әні мыңдаған шетелдік тыңдарманның зор қошеметіне ие болды.2006 жылы композитордың 60 жылдық мерейтойына орай «Туған жер» атты композиторлар мен әншілердің облыстық байқауы ұйымдастырылды. 2008 жылы бұл өнер додасы республикалық деңгейге көтеріліп, талай дарынды жастың шығармашылық жолына серпін берді, үлкен сахнаға жол ашты. 2013 жылдан бері халықаралық мәртебеге ие болған конкурс жыл сайын Өзбекстан, Қырғызстан, Польша, Болгария сынды алыс-жақын шетелдерден жиналған таланттарды бір арнаға тоғыстырып келеді.Ақпарат көзі : https://www.gov.kz/memleket/entities/kyzylorda/press/news/details/1166879?lang=kk

Амангелді ауданында «Адал азамат» біртұтас тәрбие бағдарламасы аясында аудандық «SMART BALA» жобасы – «Жас өнертапқыштар әлемінде» тақырыбында жоба байқауы ұйымдастырылды.Аталған білім бәйгесі оқушылардың шығармашылық қабілетін шыңдауға, ғылыми ізденісін қолдауға және инновациялық ойлауын дамытуға бағытталған маңызды алаңға айналды. Жоба аясында жас буынның цифрлық сауаттылығын арттыру, инженерлік ойлау қабілетін жетілдіру, заманауи технологияларды тиімді қолдана алатын көшбасшы ұрпақ қалыптастыру және жобалық жұмыс жасау дағдыларын дамыту көзделді.Байқауға ауданның 11 мектебінен 19 оқушы қатысып, өз жобаларын қорғады. Зияткерлік сайыс екі аталым бойынша өткізілді: «Цифрлық жоба» және «SMART POSTER».Байқауға ұсынылған жұмыстар мазмұны жағынан алуан түрлілігімен ерекшеленді. Қатысушылар смарт-мектеп макеттерін, экологиялық бағыттағы инновациялық жобаларды, IT және робототехника саласындағы тың идеяларды, цифрлық қауіпсіздік пен жасанды интеллектке негізделген бастамаларды таныстырды.Жобаларды қорғау кезеңі жоғары деңгейде өтіп, ерекше тартысқа толы болды. Әділқазылар алқасы қатысушылардың жұмыстарын жаңашылдығы, практикалық маңыздылығы, ғылыми негізділігі, безендірілу сапасы және қорғау шеберлігі бойынша бағалады.Аудандық «SMART BALA» жобасы – дарынды оқушыларды қолдауға, олардың ғылыми-техникалық әлеуетін арттыруға және білім беру саласында заманауи трендтерді енгізуге бағытталған жүйелі жұмыстың нақты көрінісі. Осындай бастамалар өскелең ұрпақтың зияткерлік дамуына серпін беріп, болашақ инженерлер мен өнертапқыштардың қалыптасуына жол ашады.Ақпарат көзі : https://www.gov.kz/memleket/entities/kostanay/press/news/details/1167577?lang=kk

МТ-С компаниясы (Tele2 және Altel брендтерінің операторы) мен Қостанай облысының әкімдігі өңірдің телекоммуникациялық инфрақұрылымын дамыту жөніндегі стратегиялық әріптестік туралы меморандумға қол қойды. Бұл келісім Қостанай қаласы мен шалғай аудандар тұрғындары үшін жоғары жылдамдықты 5G интернетке қолжетімділікті едәуір жақсартып, өңірді шынайы цифрлық хабқа айналдыруға мүмкіндік береді.2026 жылы Tele2/Altel Қостанай қаласы мен облыста 24 жаңа 5G базалық станциясын және кемінде 40 жаңа LTE+ алаңын іске қосуды жоспарлап отыр. Сонымен қатар қала мен аудандардағы  қолданыстағы 25 станция жаңғыртылады. Жыл соңына дейін базалық станциялар саны 400-ге дейін артады, оның 74-і бесінші буын байланыс технологиясын қолданады. Кеңжолақты қолжетімділік жобасы аясында аймақтың сегіз елді мекені жоғары жылдамдықты интернетке қосылады.«Биыл цифрландыру және жасанды интеллект жылы. Бұл – облыс экономикасын дамытуға және тұрғындардың өмір сапасын арттыруға бағытталған нақты жұмыс. 2025 жылдың қорытындысы бойынша IT-салада шамамен 340 компания жұмыс істейді. Олар бюджетке шамамен 650 миллион теңге салық түсіріп, бір жыл ішінде 30 пайыздық өсім көрсетті. Сонымен қатар IT-компаниялар қызметтерін экспортқа шығаруда. Өнеркәсіп орындарында автоматтандыру және роботтандыру желілері белсенді енгізілуде», – деп атап өтті Қостанай облысының әкімі Құмар Ақсақалов. –.Меморандум аясында Қостанай облысының әкімдігі тиісті қызметтердің жұмысын үйлестіруді, жер телімдеріне рұқсат беру және желілерге, соның ішінде электр энергиясына қосылу рәсімдерін жеделдетуді өз міндетіне алады.Тұрғындар үшін бұл байланыс тұрақтылығының артуын және қамту аймақтарындағы «ақ дақтардың» азаюын білдіреді. Практикалық тұрғыдан алғанда, бұл бейнематериалдарды жылдам жүктеуге, онлайн-білім беру мен телемедицина мүмкіндіктерін кеңінен пайдалануға жол ашады.Компания басшылығының мәліметінше, биыл өңірге салынатын инвестиция көлемі 2025 жылмен салыстырғанда екі еседен астам ұлғаяды. Соңғы үш жылда өңірдегі желіні салу және жаңғырту жобаларына 5 миллиард теңгеден астам инвестиция бағытталған.«Қостанай облысын дамыту бағдарламасы тек Қостанай қаласының аумағында 5G желісін орнатумен шектелмейді, сондай-ақ моноқалаларды дамытуға қатысуды көздейді. Кездесу барысында Рудный, Лисаков, Арқалық және Жітіқара қалаларында 5G базалық станцияларын салу мүмкіндігін талқыладық. Қала көлеміне қарамастан, барлық тұрғындарға интернетке тең қолжетімділік беру – табысты цифрландырудың негізі» – деп атап өтті Tele2/Altel басқарма төрағасы Александр Бабичев.Tele2 желісі өзінің технологиялық артықшылығын бірнеше рет дәлелдеді. 2025 жылдың қорытындысы бойынша компания SpeedChecker Champion Award халықаралық марапатын «Қазақстандағы ең жылдам мобильді байланыс» номинациясы бойынша иеленді. Бұған дейін компания Ookla ұсынған Speedtest Awards сыйлығын 2025 жылдың бірінші жартыжылдығы қорытындысы бойынша «Қазақстандағы ең үздік 5G желісі» аталымында алған болатын.Меморандумға қол қою тараптардың өңірдің цифрлық экожүйесін тұрақты дамытуға ортақ мүдделі екенін көрсетеді. Жоба технологиялық маңызымен қатар әлеуметтік-экономикалық мәнге де ие: байланыс сапасының артуы кәсіпкерлік белсенділікті ынталандырып, білім, медицина және мемлекеттік қызметтерге қолжетімділікті кеңейтеді, сондай-ақ халықтың өмір сапасын жақсартады.Ақпарат көзі : https://www.gov.kz/memleket/entities/kostanay/press/news/details/1167743?lang=kk

Қостанай облысы әкімдігі мен Полиция департаментінің бірлескен кеңесі өтті. Кеңейтілген жиынның басты тақырыбы – елімізде жүзеге асырылып жатқан «Заң мен тәртіп» және «Таза Қазақстан» бағдарламалары. 2025 жылғы 5 қарашада Қазақстан Республикасы ішкі саясатының негізгі қағидаттары, құндылықтары мен бағыттарын бекітті. Бұл құжатта «Заң мен тәртіп» және «Таза Қазақстан» Әділетті Қазақстанды құру жолындағы негізгі қағидаттар болып белгіленді. Енді міне Жаңа Конституция жобасында да осы қағидаттар конституциялық деңгейде бекітілетін болады.«Ел Президентінің бастамасымен өңірде «Заң және тәртіп» қағидаты кезең-кезеңімен жүзеге асырылып келеді. Соңғы 5 жылда қылмыс деңгейі 40%-ке төмендеді. Қоғамдық орындар мен көшелерде жасалатын қылмыстар саны екі есеге азайды. Қауіпсіздікті цифрландыру аясында Жедел басқару орталықтарының жүйесі қарқынды дамуда. 2025 жылы аталған жүйелердің көмегімен шамамен 63 мың құқық бұзушылық анықталып, 370-тен астам қылмыс ашылды. Соңғы 5 жылда облыстағы бейнебақылау камераларының саны 3,3 мыңнан 46,9 мыңға дейін өсті», – деді Қостанай облысының әкімі Құмар Ақсақалов.Жаңа Конституция жобасындағы табиғатты аялау және оған жауапкершілікпен қарау қағидаты «Таза Қазақстан» бағдарламасымен тікелей үндеседі.Өңірімізде 2024 жылдан бері елді мекендерді абаттандыру, сәулеттік келбетін жақсарту, қараусыз қалған ғимараттарды, өндірістік үй-жайларды реставрациялау және қалпына келтіру, аумақтарды тазарту, көгалдандыру, жарықтандыру, сондай-ақ халықты экологиялық тәрбилеу бойынша ауқымды жұмыстар басталды.Өткен жылы облыста 108 көпқабатты үйдің күрделі жөндеуі өткізілді, 80 саябақ пен скверге абаттандыру жұмыстары жүргізілді, 144 мың жасыл желек отырғызылды, 164 балалар және спорт алаңдары, 6 мыңнан астам баған орнатылды.«Таза Қазақстан» бастамасын тиімді жүзеге асыруға облыс экономикасының тұрақты өсімі оң ықпал етуде. 2025 жылдың қорытындысы бойынша өңір экономикасының өсімі кемінде 8% деңгейінде болады деп күтілуде. Бұл көрсеткіш республикалық орташа деңгейден (6,5%) жоғары. Автожол саласын қаржыландыру жыл сайын артуда. Былтыр 103 млрд теңге бөлінген, бұл 2024 жылдан 40%-ке, ал 2022 жылға қарағанда 2,6 есе артық. 1 300 шақырым автожол, сондай-ақ облыстың 103 елді мекеніндегі 400-ден астам көше және ауылдық елді мекендерге апаратын 81 жуық кіреберіс жол жөнделді. Ауылдық жерлердегі 80 619 ауланың 80%-не су кіргізілді. Өткен жылы аймақта 51 әлеуметтік нысан салынды», – деп атап өтті аймақ басшысы.Ақпарат көзі : https://www.gov.kz/memleket/entities/kostanay/press/news/details/1167798?lang=kk

Қостанай қаласында республикалық «Таза Қазақстан» бағдарламасы аясында облыстық «Қарлы десант» волонтерлік акциясы өтті.Іс-шараның ұйымдастырушысы — Қостанай облысы әкімдігі Қоғамдық даму басқармасының «Қостанай облысының Жастар ресурстық орталығы» КММ.Акцияның басты мақсаты — жалғызбасты зейнеткерлер мен мүмкіндігі шектеулі жандарға көмек көрсету. Қыс мезгілінде олардың үй маңындағы аумақты қардан тазалау аса маңызды. Осы міндетті еріктілер өз мойындарына алды.«Қарлы десант» акциясы мұқтаж жандарға нақты қолдау көрсетіп қана қоймай, өңірдегі волонтерлік қозғалыстың дамуына да маңызды үлес қосты. Мұндай бастамалар жастардың әлеуметтік жауапкершілігін арттырып, өзара көмек қағидаттарын нығайтады және қоғамның бірлігін күшейтеді.«Таза Қазақстан» бағдарламасы аясында өткізілетін осындай іс-шаралар адамдарға және қоршаған ортаға қамқорлық жасау Қостанай облысында қоғамдық жұмыстың басым бағыттарының бірі болып қала беретінін көрсетеді.Ақпарат көзі : https://www.gov.kz/memleket/entities/kostanay/press/news/details/1166706?lang=kk

2026 жылғы 20 ақпанда Қостанай облысының бірқатар ауданында республикалық «Таза Қазақстан» бағдарламасы аясында экологиялық және әлеуметтік бағыттағы іс-шаралар өтті. Аталған бастамалар еріктілер қозғалысын дамытуға, экологиялық мәдениетті қалыптастыруға және халықтың әлеуметтік осал топтарын қолдауға бағытталды.Қарабалық ауданында Қазақстан Республикасының бастамасымен БҰҰ Бас Ассамблеясы жариялаған Халықаралық еріктілер жылының салтанатты ашылуы өтті. Ресми бөлімнен кейін еріктілер «Қарлы десант» акциясына қатысып, жалғызбасты аналар мен зейнеткерлер тұратын 12 ауланы қардан тазартты. Акцияға 25 ерікті қатысып, мемлекеттік құрылымдар мен жастардың тиімді өзара іс-қимылының үлгісін көрсетті.Қостанай қаласында Жастар сарайы базасында облыстық «Қарлы десант» еріктілер акциясы өтті. Қостанай облыстық Жастар ресурстық орталығы ұйымдастырған шара аясында студент-еріктілер 25 мекенжай бойынша жалғыз тұратын зейнеткерлер мен мүмкіндігі шектеулі азаматтардың аулаларын қардан тазартты. Дана Токжанова – Қостанай облысының Жастар ресурстық орталығының ақпараттық-әдістемелік сектордың жетекшісі былай деді:«Әрбір қардан тазартылған аула – бұл тек үйге қамқорлық емес, сонымен қатар қоғамымыздағы бірлік пен қолдауды нығайтуға жасалған кішкентай қадам. Біздің еріктілеріміз белсенді жастар шын мәнінде адамдардың пайдасына нақты істер атқара алатынын көрсетеді».Акция әлеуметтік жауапкершілікті арттыруға және өзара көмек мәдениетін дамытуға септігін тигізді.Федоров ауданында «Заттарға екінші өмір» атты экологиялық іс-шара ұйымдастырылды. Шараның мақсаты – жастар арасында саналы тұтыну қағидаттарын дәріптеу және қоршаған ортаға ұқыпты қарауды қалыптастыру. Қатысушылар экологиялық өзекті мәселелерді талқылап, заттарды қайта пайдалану тәсілдерімен танысты және тақырыптық белсенділіктерге қатысты.Жітіқара ауданында Абай атындағы мектеп-лицейінде «Таза Қазақстан» бағдарламасының іске асырылу барысына арналған кездесу өтті. Іс-шара барысында абаттандыру, көгалдандыру, рұқсат етілмеген қоқыс орындарын жою, инфрақұрылымды дамыту және қоғамдық кеңістіктерді жаңғырту бойынша атқарылған жұмыстар таныстырылды. Сонымен қатар, оқушылар мен әлеуметтік серіктестердің экологиялық бастамаларға белсенді қатысуы атап өтілді.Өткізілген іс-шаралар өңірде «Таза Қазақстан» бағдарламасының жүйелі түрде жүзеге асырылып жатқанын, қоғам белсенділігінің жоғары деңгейін және билік органдары, жастар мен тұрғындардың абаттандыру, экологиялық жауапкершілік пен әлеуметтік қолдау бағытындағы бірлескен күш-жігерін айқын көрсетті.Ақпарат көзі : https://www.gov.kz/memleket/entities/kostanay/press/news/details/1166634?lang=kk

Қазақстанның символы саналатын Алматы апорты шетел нарығына шығуға дайындалуда. Бүгін QazTrade сауда саясатын дамыту орталығы мен Алматы апортын өндірушілер қауымдастығы ынтымақтастық меморандумына қол қойды.Жақында Германияда өткен «Grüne Woche 2026» халықаралық көрмесіне қатысқан қауымдастық, апортқа еуропалық серіктестердің қызыққанын айтады. Тек алма емес, одан жасалған өнімдер де еуропалықтардың назарына іліккен. Бүгінде Алматы апортын өндірушілер қауымдастығына 8 шаруашылық кіреді. Жыл сайын олар 1 500–2 000 тонна өнім өндіреді. Әзірге экспорт көлемі төмен. Сондықтан жаңа меморандум тұрақты экспорт жүйесін қалыптастыруға бағытталған маңызды қадам.Қауымдастық президенті Роман Сафаровтың айтуынша, Берлиндегі көрмеге QazTrade-тің шақыруымен қатысқан. «Апорттың басты ерекшелігі оның табиғатында. Бұл жаппай өсірілетін, ұзақ сақтауға арналған сорт емес. Апорт ірі, дәмі қанық, хош иісі ерекше болып келеді. Біздің алма бақтар теңіз деңгейінен 850 метрден жоғары орналасқан. Алманың дәміне таулы аймақтың климаты әсер етеді»,- дейді Роман Сафаров. Берлинде өткен көрме апорттың экспорттық әлеуетін нақты көрсетті. Әсіресе, қосылған құны жоғары өңделген өнімдерге қызығушылық басым болған. Олардың қатарында пастила, алма чипсы, шырын, сірке суы және кептірілген алма бар.«Алматы апорты географиялық көрсеткіш ретінде тіркелген. Бұл мәртебе оның табиғи ерекшелігін қорғайды. Алматының тау бөктеріндегі топырақ, таза су және температура өнім сапасын қалыптастырады. Географиялық көрсеткіш брендті шетелде премиум өнім ретінде ілгерілетуге мүмкіндік береді», - дейді QazTrade бас директоры Айтмұхаммед Алдажаров.Меморандум аясында Сауда және интеграция министрлігіне қарасты QazTrade ұйымы апорт өндірушілерді сыртқы нарықта сүйемелдейді. Халықаралық көрмелерге қатысу, келіссөз жүргізу және серіктес табу бағытында қолдау көрсетеді. Жүйелі жұмыс арқасында апорттың географиясы кеңейіп, қосылған құны жоғары ұлттық брендке айналады деп күтілуде.Ақпарат көзі : https://www.gov.kz/memleket/entities/mti/press/news/details/1166607?lang=kk

Қазақстанда теміржол инфрақұрылымына арналған дайын өнім экспорты өсіп жатыр. Отандық кәсіпорындар рельстік бекіткіштер мен темірбетон шпалдарын Орталық Азия елдеріне және Ресейге жеткізуде. Қазір жаңа нарықтарға шығу бойынша келіссөздер жүргізілуде. Бұл жайлы Алматыда өтіп жатқан Экспортшылар форумында белгілі болды. Форумда шикізатқа тәуелділікті азайтып, дайын өнім экспортын арттыру мәселесі көтерілді. Қазақстан экономикасын әртараптандыру және шикізатқа тәуелділікті азайту – Мемлекет басшысы Қасым-Жомарт Тоқаев қойған негізгі міндеттердің бірі. Президент өңделген, қосылған құны жоғары өнім экспортын ұлғайтуды тапсырған болатын.«Бент» компаниясының президенті Дінмұхаммед Кузиевтің айтуынша, рельстік бекіткіштердің толық жиынтығы бүгінде негізгі экспорттық бағытқа айналған. Сондай-ақ олар жақында QazTrade көмегімен өнімдерін Пәкістан нарығына экспорттамақшы. «Біз Орталық Азияда рельстік бекіткіштердің толық жиынтығын шығаратын жалғыз өндірушіміз. Сауда және интеграция министрлігі мен QazTrade қолдауының арқасында Қырғызстан мен Өзбекстанға тұрақты жеткізілім жолға қойылды. Ресейге де экспорт басталды. Өткен жылы Иран мен Түрікменстанға сауда-экономикалық миссиямен бардық. Қазір белсенді келіссөздер жүріп жатыр. 2025 жылы экспорт көлемі шамамен 5 млн доллар болды. 2026 жылы оны 8 млн долларға жеткізуді жоспарлап отырмыз», — деді ол.QazTrade бас директоры Айтмұхаммед Алдажаровтың айтуынша, бұл бағыт Мемлекет басшысы қойған экономиканы әртараптандыру міндетімен тікелей байланысты.«Біз әр саланың экспорттық әлеуетін, әлемдік сұранысын жеке талдап отырамыз. Қазіргі күні өңделген, бәсекеге қабілетті өнімдердің экспортын арттыруды қолға алдық»,-деді ол.QazTrade өкілдері мұндай жобалар елдегі дайын өнім экспортының жаңа кезеңге өткенін көрсетеді дейді. Орталық кәсіпорындарға сауда миссияларынан бастап, келіссөз жүргізуге, шетелдік нарықтарға шығуда жүйелі қолдау көрсетіп келеді.Ақпарат көзі : https://www.gov.kz/memleket/entities/mti/press/news/details/1166489?lang=kk

2025 жылы Қазақстан тарихында алғаш рет балмұздақ экспорты импорт көлемінен асты. Жыл қорытындысы бойынша экспорт көлемі 14 167 тоннаны құраса, импорт 12 194 тонна болды. Бұл көрсеткіш саладағы жүйеліөзгерістерді және отандық өндірушілердің халықаралықнарықтардағы позициясының нығаюын айқындайды.«Шин-Лайн» компаниясының корпоративтік мәселелержөніндегі вице-президенті Омарбек Жұлдыздың айтуынша, қол жеткізілген нәтиже ұзақмерзімді жаңғырту стратегиясымен экспорттық экспансияның жемісі. «2005 жылы Қазақстан небәрі 12 тонна балмұздақ экспорттап, 12 мың тоннадан астам өнім импорттаған болатын. Бүгінде жағдай түбегейлі өзгерді: жеткізу географиясы 10 елге дейін кеңейді, ал экспорт алғаш рет импорттан басым түсті. Бұл қазақстандық өнімнің жоғары бәсекеге қабілеттілігін және саланың кемелденгенін көрсетеді», — деді ол.Оның сөзінше, өсімнің негізгі факторлары — заманауи өндірістік қуаттарды құруға бағытталған ауқымды инвестициялар, озық технологияларды енгізу, сондай-ақ отандық өндірушілерді жүйелі мемлекеттік қолдау. Экспорттық түсімнің артуы және орташа экспорттық бағаның өсуі баға бәсекесінен сапа мен брендтер бәсекесіне көшу үдерісін айқын дәлелдейді.Қазақстандық балмұздақ экспортының негізгі үлесін қамтамасыз ететін «Шин-Лайн» компаниясы халықаралық нарықтағы позициясын нығайтуды жалғастырып, отандық кәсіпорындардың тұрақты экспорттық үрдіс қалыптастыру және «Қазақстанда жасалған» брендін жаһандық нарықтарда ілгерілету әлеуетін көрсетуде.Ақпарат көзі : https://www.gov.kz/memleket/entities/mti/press/news/details/1166365?lang=kk

024–2025 жылдары Қазақстанның май саласы әлемдік нарықта орнын айтарлықтай нығайтты. Өсімдік майы мен шрот экспорты 1,3 млн тоннадан асып, экспорт көлемі 837 млн долларды құрады. Биыл Қазақстан күнбағыс майын экспорттау бойынша әлемде 6-орынға көтеріліп, Еуроодақ елдеріне күнбағыс шротын жеткізетін негізгі 3 мемлекеттің қатарына кіріп отыр.Аграрлық экспорттың жалпы көрсеткіштері де осы үрдісті растайды. QazTrade мәліметінше, 2025 жылы ауыл шаруашылығы өнімдерінің экспорты 37,8 %-ға өсіп $7,13 млрдқа жеткен. Бұл кездейсоқ өсім емес. Сала біртіндеп шикізаттық бағыттан терең өңдеуге көшіп жатыр. Қазақстанда өсірілетін майлы дақылдардың 90 пайыздан астамы ел ішінде өңделеді. Яғни сыртқы нарыққа дайын, қосылған құны жоғары өнім шығарылуда.Ұлттық майлы дақылдарды өңдеушілер қауымдастығының төрағасы Ядыкар Ибрагимовтың айтуынша, соңғы жылдары сала түбегейлі трансформациядан өтті.«Бұрын Қазақстан негізінен шикізат экспорттайтын. Қазір біз шетел нарықтарына өңделген өнім шығарып отырмыз. Кәсіпорындарды жаңғырту, жұмыс қуатын арттыру және логистиканы дамыту нәтижесінде күнбағыс майының экспорты әлемде көшбастап тұр. Алдағы мақсатымыз үздік үштікке ену және саланың валюталық түсімін 2 млрд долларға дейін жеткізу»,-деді ол Алматыда өткен дөңгелек үстелде.2021 жылдан бері саланың жұмыс қуаты 2,5 есе өсті. Негізгі экспорттық бағыттар - Қытай, Орталық Азия елдері және Еуроодақ. Бұл нарықтарда өсімдік майы мен шрот импорты жылына 40 млн тоннадан асады. Бұл Қазақстан үшін үлкен мүмкіндік. Саланың бүгінгі қарқыны Мемлекет басшысы белгілеген терең өңдеуді дамыту және елдің сыртқы нарықтағы позициясын нығайту бағытымен толық үйлеседі. Ақпарат көзі : https://www.gov.kz/memleket/entities/mti/press/news/details/1166376?lang=kk

Өткен жылы «Орталық Азия – Италия» саммиті кезінде Қазақстан Президенті Қасым-Жомарт Тоқаев Алматыда итальяндық сауда үйін ашу ұсынды. Бүгін, 2026 жылдың 20 ақпанында, Президенттің тапсырмасы аясында, Алматыда Қазақстан–Италия сауда үйінің салтанатты ашылуы өтті. Жаңа орталық Қазақстан мен Италия арасындағы сауда-экономикалық және инвестициялық ынтымақтастықты дамытуға арналған платформа болмақ.Ашылу рәсімін Қазақстан Республикасының Сауда және интеграция министрі Арман Шаққалиев ашты. Оған Италия Сыртқы істер вице-министрі Эдмондо Чирелли, Made in Italy бағдарламасы бойынша вице-министр Валентино Валентини, Қазақстан Республикасының Италиядағы елшісі Ерболат Сембаев және Италияның Қазақстандағы елшісі Антонелло ди Риу қатысты.Арман Шаққалиев Қазақстан мен Италия арасындағы сауда, инвестиция және өнеркәсіп саласындағы берік серіктестікке назар аударды. Италия Қазақстанның Еуропадағы негізгі серіктестерінің бірі болып саналады. Сауда үйі компаниялар үшін жұмыс алаңына айналмақ. Мұнда кәсіпкерлер кеңес алып, серіктестерін тауып, бірлескен жобаларға қатысып, тәжірибе алмастыра алады.Сауда үйі экспорт пен инвестицияны қолдауға бағытталған. Ол кәсіпорындарға бірлескен кәсіпорындар мен өнеркәсіп жобаларын құруға көмектеседі. Мұнда өндірістік ынтымақтастықты орнатып, технологиялармен тәжірибе алмасуға болады. Орталық Made in Italy белгісі бар өнімдерді ілгерілетуге және Қазақстанның шикізатқа тәуелсіз экспортын дамытуға ықпал етеді.Сауда үйінің инфрақұрылымына іскерлік кездесулер, келіссөздер, конференциялар мен таныстырылымдарға арналған бөлмелер кіреді. Мұнда онлайн байланыс пен гибридтік іс-шараларды ұйымдастыруға арналған цифрлық шешімдер жұмыс істейді. Кәсіпкерлікті қолдау үшін орталықта Қазақстанның даму институттарының ақпараттық нүктелері орналастырылады. Олар ынтымақтастық мүмкіндіктері және мемлекеттік қолдау шаралары туралы өзекті ақпарат береді.Арман Шаққалиев сауда үйі іскерлік диалогты нақты нәтижеге айналдыруға көмектесетінін атап өтті. Ол мемлекеттік органдар мен бизнестің өзара әрекеттесу орталығына айналып, жобалар мен инвестицияларға қол жеткізуді жеңілдетеді, сауда байланыстарын дамытуға және инвестиция тартуға жаңа мүмкіндіктер ашады.2025 жылы Қазақстан мен Италия арасындағы өзара сауда көлемі 16,9 млрд АҚШ долларын құрады. Қазақстаннан Италияға экспортталатын негізгі өнімдерге шикі мұнай, өңделмеген алюминий, бидай, ферроқоспалар, тас көмір, кептірілген бұршақ дақылдары және пропилен полимерлері жатады.Италиядан Қазақстанға импорт 2025 жылы 1,28 млрд АҚШ долларын құрады. Негізгі импорт тауарлары қатарында дәрі-дәрмек өнімдері, құбыр арматуралары, қара металдан жасалған құбырлар мен профильдер, материалдарды термиялық өңдеуге арналған жабдықтар, басқа да азық-түлік өнімдері, зергерлік бұйымдар және вакциналар бар. Ақпарат көзі : https://www.gov.kz/memleket/entities/mti/press/news/details/1166392?lang=kk

Қазақстанның алдында дайын өнім экспортын ұлғайтып, отандық өндірушілердің өнімдерін сыртқы нарықтағы позициясын күшейту міндеті тұр. Осы бағытта 2030 жылға қарай Алматы қаласы мен Алматы облысынан шығарылатын дайын өнім экспортын 1,5 млрд АҚШ долларына арттыруды көздеп отыр.Бұл - Алматы мен Алматы облысының экспорттық әлеуетіне арналған дөңгелек үстелдің басты тақырыбы болды. Іс-шараға Қазақстан Республикасының Сауда және интеграция министрі Арман Шаққалиев, Алматы қаласы әкімінің орынбасары Олжас Смағұлов, сондай-ақ жергілікті атқарушы органдардың, квазимемлекеттік сектордың және бизнес өкілдері қатысты.Қазір алматылық агломерацияда 4 миллионға жуық адам тұрады және елдегі шағын және орта бизнес субъектілерінің 35 пайыздан астамы осы өңірде шоғырланған. Бұл — Қазақстанның ең ірі қаржы, кәсіпкерлік және логистика орталығы. 2025 жылдың қорытындысы бойынша Алматының сыртқы сауда айналымы 33,6 млрд АҚШ долларына жетіп, 5,2 пайызға артты. Экспорт көлемі 6 млрд долларды құрады. Өсу оң болғанымен, экспорт қарқыны қаланың нақты экономикалық әлеуетіне сай емес. Соған қарамастан Қытайға, Орталық Азия елдеріне, Еуропа мен ТМД мемлекеттеріне жеткізілімнің тұрақты өсуі өңір өнімдеріне сұраныстың жоғары екенін және қазақстандық брендтерді сыртқы нарықтарға кеңінен шығаруға мүмкіндік барын айғақтайды.Ал Алматы облысында өсім қарқыны бұдан да жоғары. Өңірдің тауар айналымы 15,6 пайызға өсіп, 4,2 млрд АҚШ долларына жетті. Экспорт көлемі 28 пайызға ұлғайып, 1,1 млрд доллардан асты. Ең маңыздысы — өсімнің негізгі қозғаушы күші дайын өнім өндірісі болып отыр. Бұл экономиканың шикізаттық моделінен индустриялық-аграрлық бағытқа біртіндеп ауысып жатқанын көрсетеді. Нәтижесінде агломерация аясында бірыңғай экономикалық экожүйе қалыптасуда: Алматы қаласы — басқару, қаржы, сауда және логистика орталығы болса, ал облыс ауқымды өнеркәсіптік өндірістің базасына айналуда.Арман Шаққалиевтің айтуынша, қызмет көрсету экспорты өсімнің қосымша бағыты бола алады. «Алматы қазірдің өзінде шетелге іскерлік және ІТ-қызметтерді экспорттау бойынша елде көш бастап тұр. Оның көлемі 300 млн АҚШ долларынан асады. Зияткерлік меншік, цифрлық шешімдер, консалтинг, қаржы, жарнама және аналитика шикізаттық емес экспорттың жаңа драйверлеріне айналып, білім экономикасы мен креативті индустриялардың дамуына негіз қалайды», — деді министр.Экспорттық белсенділікті электронды сауда да жандандырып отыр. Қазақстандағы онлайн-сатылымның жартысынан астамы Алматының үлесіне тиесілі, оның көлемі шамамен 3 трлн теңгені құрайды. Бұл — шағын және орта бизнес үшін сыртқы нарықтарға шығуға дайын инфрақұрылым. Ол транзакциялық шығындарды азайтып, отандық компаниялардың жаһандық жеткізу тізбектеріне жылдам қосылуына мүмкіндік береді.Сауда министрлігінің бағалауынша, Алматы агломерациясының жиынтық экспорттық әлеуеті шамамен 1,5 млрд АҚШ долларына тең. Оның негізгі бөлігі қосылған құны жоғары өнімдерге тиесілі. Өсім резервтері, ең алдымен, дайын өнім өндірісінде шоғырланған. Атап айтқанда, бұл — азық-түлік өнеркәсібі, химия және машина жасау салалары. Сонымен қатар фармацевтика, құрылыс материалдарын өндіру және ІТ секторында да елеулі мүмкіндік бар. Осы бағыттарда терең өңдеуді дамыту мен өндірістік кооперацияны күшейту өңір экономикасына, жұмыспен қамтуға және салық түсімдеріне мультипликативтік әсер береді.Негізгі стратегиялық мақсат — Алматы мен Алматы облысын Орталық Азиядағы жетекші шикізаттық емес экспорт хабына айналдыру. Осыған орай жекелеген кәсіпорындарды қолдаудан тұрақты экспорттық кластерлерді қалыптастыруға көшу жоспарланып отыр. Сонымен қатар сауда миссияларын кеңейту, цифрлық B2B-платформаларды дамыту, қызмет экспортын ілгерілету бағдарламаларын іске қосу және экспортқа дейінгі дайындықтың заманауи инфрақұрылымын құру көзделген. Оның құрамына сертификаттау зертханалары мен e-commerce хабтары кіреді.Жаңа экспорттық модельді жүзеге асыруда бизнесті қаржылай қолдау құралдары маңызды рөл атқарады. Экспорттық-кредиттік агенттікпен бірлесіп Алматының экспорттық қаржы пулын құру мүмкіндігі қарастырылуда. Бұл құрал шағын және орта бизнеске жеңілдетілген несие, сақтандыру және логистикалық субсидиялар алуға мүмкіндік береді. Нәтижесінде кәсіпорындар бір реттік келісімдерден тұрақты әрі ұзақмерзімді экспорттық келісімшарттарға көше алады.Экспорттаушыларға арналған «Бірыңғай терезе» жүйесінің жаңартылған архитектурасы бизнеске сыртқы нарыққа шығудың барлық кезеңінде кешенді қолдау көрсетуді көздейді. Бұл кадр даярлау, өнімді халықаралық стандарттарға бейімдеу, сертификаттау, өткізу арналары мен серіктестерді табу және экспорттық мәмілелерді сүйемелдеуді қамтиды.Жалпы алғанда, ұсынылып отырған шаралар стратегиялық мақсатқа қол жеткізуге мүмкіндік береді. 2030 жылға қарай Алматы мен Алматы облысының экспортын 1,5 млрд АҚШ долларына ұлғайтып, өңір экономикасының өңдеу, технология және қазақстандық өнімнің жаһандық бәсекеге қабілеттілігіне негізделген жаңа тұрақты даму моделін қалыптастыру жоспарланып отыр. Ақпарат көзі : https://www.gov.kz/memleket/entities/mti/press/news/details/1166152?lang=kk

Өңір басшысы Құмар Ақсақалов Қостанай қаласындағы «Осьминог» аквапаркін қайта жаңғырту жұмыстарымен танысты. «Аймағымызда зауыттар мен фабрикалардан бөлек, балалар, жастар, отбасылар демалатын, көңіл көтеретін орындар да көп болуы керек», – деді аралау барысында.Үш жыл ішінде облыста 30-дан астам спорттық нысан ашылды, оның ішінде 15 денешынықтыру-сауықтыру кешені, 8 спортзал, 4 жабық хоккей корты, 2 стадион, ат манежі және бассейн. Былтыр жаңғыртудан кейін «Трудовые резервы» спорт кешені өз қызметін бастады.Облыс орталығында аквапаркті қайта жаңғырту жұмыстары жалғасуда. Жалпы аумағы екі есеге жуық ұлғайып, 9 мың шаршы метрден асады, ал су айдыны үш еседен астам көбейіп, мың шаршы метрден асады. Сыйымдылығы – 500 адам.Ақпарат көзі : https://www.gov.kz/memleket/entities/kostanay/press/news/details/1166105?lang=kk

Аймақ басшысы Құмар Ақсақалов Қостанай қаласында құрылыс жұмыстары жүргізіліп жатқан нысандарды тексерді.Президенттің тапсырмасы бойынша елімізде теміржол вокзалдарын ауқымды түрде жаңғырту жұмыстары жүргізілуде.Аймағымызда Қостанай қаласы, Арқалық, Тобыл, Железорудный, Аманқарағай, Кұсмұрын бекеттерінде 6 теміржол вокзалы қайта жаңғыртылуда. Аманқарағай теміржол вокзалы күрделі жөндеуден кейін өз қызметін қайта бастады.Қостанай қаласындағы теміржол вокзалын қайта жаңғырту нәтижесінде ғимараттың жалпы аумағы 7,4 мыңнан 10,4 мың шаршы метрге дейін ұлғаяды.Ақпарат көзі : https://www.gov.kz/memleket/entities/kostanay/press/news/details/1166098?lang=kk