Та-Кали, 2024 жылғы 4 желтоқсан – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Еуропадағы қауіпсіздік және ынтымақтастық ұйымының (ЕҚЫҰ) Сыртқы істер министрлері кеңесінің 31-ші отырысының шеңберінде Арменияның Cыртқы істер министрі Арарат Мирзоянмен, Аустрияның Сыртқы істер министрі Александр Шалленбергпен, Кипрдің Сыртқы істер министрі Константинос Комбоспен және Еуропалық Одақтың Сыртқы істер және қауіпсіздік саясаты жөніндегі төрағасы Кая Калласпен кездесулер өткізді.Келіссөздер барысында саяси диалогты тереңдету, өзара сауда көлемін арттыру және мәдени-гуманитарлық ынтымақтастықты дамыту бойынша екіжақты өзара іс-қимылдың басым мәселелері талқыланды. Тараптар орнықты даму мен өзара тиімді ынтымақтастыққа бағытталған экономикалық әріптестікті одан әрі нығайтудың маңыздылығын атап өтті.Кездесуде К.Каллас Мемлекет басшысы Қасым-Жомарт Тоқаевтың бастамасымен елімізде жүргізіліп жатқан және ел азаматтарының әл-ауқатын арттыруға бағытталған саяси және әлеуметтік-экономикалық реформаларға Еуропалық Одақ тарапынан берік қолдауын растады.Өз тарапынан Министр М.Нұртілеу Қазақстан мен Еуропалық Одақ және оның мүше мемлекеттері арасындағы Кеңейтілген әріптестік пен ынтымақтастық туралы келісім шеңберінде өзара тиімді көпжақты Қазақстан-Еуропа қатынастарын одан әрі дамытуға дайын екенін білдірдіКездесулердің қорытындысы тараптардың стратегиялық әріптестікті нығайтуға және өзекті сын-қатерлер бойынша шешімдерді бірлесіп іздеуге деген өзара қызығушылығын растады.Ақпарат көзі : https://www.gov.kz/memleket/entities/mfa/press/news/details/896466

2024 жылдың басынан бері 103,1 мың азамат, оның ішінде 50,1 мыңға жуық жұмыссыз Skills Enbek кәсіптік оқыту платформасында (бұдан әрі – Платформа) онлайн-курстардан өткені туралы сертификат алды. Платформада барлығы 491,8 мың қазақстандық тіркелген, оның 130,4 мыңы – 2024 жылы тіркелді.Оқудан өткен 50,1 мың жұмыссыз азаматтың 15,3 мыңға жуығы негізінен Ақтөбе, Түркістан, Қарағанды, Қызылорда облыстарының және Шымкент қаласының жастары.Платформа іске қосылғаннан бастап авторлар әртүрлі бағыттар бойынша 631 курс жариялады, оның 292-і тегін. Сондай-ақ, одан әрі оқу үшін білім беру алаңдарына ауысу мүмкіндігімен Courstore, Fluent Education және Яндекс Қазақстан серіктестерінің курстары бар.Курстардың ұзақтығы 1-ден 72 сағатқа дейін.Қараша айындағы ең көп сұранысқа ие курстар – «Построение отдела продаж в отеле», «Введение в социальную работу», «Пішу және тігу», «Кассир», «Основы социальной работы» және «Управление персоналом».Платформада IT және телекоммуникациялар, қауіпсіздік және ТЖ, SMART SKILLS, әлеуметтік қызмет көрсету және т.б. салалардағы түрлі мамандықтар бойынша тегін курстар саны үнемі артып келеді.Бұдан бұрын хабарлағандай, Платформа халықтың білім деңгейі мен кәсібилігін арттыруға, мансаптық дамуды ынталандыруға және «өмір бойы оқыту» тұжырымдамасын ілгерілетуге бағытталған. Ол маркетплейс – қызметтер нарығы қағидаты бойынша онлайн курстарға қол жеткізуді ұсынатын халықаралық оқыту алаңдарына ұқсас құрылған.Оқуға https://skills.enbek.kz/ сілтемесі арқылы немесе enbek.kz сайтындағы «Онлайн оқыту» бөлімін таңдау арқылы тікелей қол жеткізуге болады.Платформада білім алушы оқытудың қолайлы қарқыны мен тілін, материалды берудің ыңғайлы принципін дербес таңдайды, білім беру үдерісіндегі өзінің ілгерілеуін бақылай алады.Білім алушы үшін артықшылықтар: кеңейтілген курстарды іздеу, сабақтың түсінікті құрылымы, оқу процесін бақылау және курс авторларымен жылдам өзара әрекеттесу.Оқу аяқталғаннан кейін білім алушы 70% шекті деңгеймен тестілеу тапсыруға тиіс. Онлайн курсты сәтті аяқтаған жағдайда дағдыларды игеру туралы сертификат беріледі. Курсты аяқтаудың міндетті шарты – студент тарапынан курсты бағалау.Алынған сертификат Электрондық еңбек биржасында (enbek.kz) тіркелген кезде білім алушы жасаған түйіндемеде автоматты түрде көрсетіледі. Қызметкерлерді іздеу кезінде әлеуетті жұмыс беруші Платформада сәтті оқудан кейін алынған сертификаттарды көре алады.Авторлар мен әзірлеушілерге арналған платформада онлайн курстарды орналастыру тегін. Курстар мемлекеттік және орыс тілдерінде орналастырылуы мүмкін, ақпарат берудің әртүрлі форматтары: мәтін, презентация, бейне және аудио материалдар, инфографика және басқа түрлері болуға тиіс. Платформа ерекше қажеттіліктері бар білім алушылар үшін интерфейсті бейімдеу мүмкіндігін болжайды.Курс авторлары үшін ыңғайлы сабақ құрастырушы, жарияланған курстардың статистикасы мен тиімділігін қарауға қолжетімді, сертификаттардың әртүрлі дизайны көзделген, сондай-ақ оқу құнын алдын ала есептеуге арналған онлайн-калькулятор бар.2023 жылдың желтоқсан айынан бастап курстарды Enbek мобильді қосымшасы арқылы оқуға болады, қосымшаны Google Play және App Store-дан жүктеуге болатынын естеріңізге саламыз.Платформада тіркелу және жұмыс істеуге қатысты барлық сұрақтар бойынша «ЕРДО» АҚ жауапты қызметкерлерімен байланысуды сұраймыз: 8 (7172) 95 43 17 (ішкі. 877, 878, 888).Ақпарат көзі : https://www.gov.kz/memleket/entities/enbek/press/news/details/896491

Қонаев қаласында Алматы облысы Ауыл шаруашылығы, тамақ және өңдеу өнеркәсібі күні мерекесі аталып өтті. Іс-шараға 200-ден астам ауыл шаруашылығы қызметкері мен мамандар қатысты. Мереке ауыл шаруашылығының маңызын насихаттап, сала қызметкерлерінің еңбегін бағалауға арналды.Алматы облысының әкімі М.Е. Сұлтанғазиев салтанатта өңірдің агроөнеркәсіп кешенінің жетістіктерін атап өтіп, ауыл шаруашылығының ел азық-түлік қауіпсіздігін қамтамасыз етудегі рөлін ерекше көрсетті. Ол аймақтағы егін және мал шаруашылығы саласында да ілгерілеу бар екенін айтты.Мереке барысында үздік мекемелер мен шаруа қожалықтары марапатталды. Үздік қызметкерлер мен ұйымдар мемлекеттік наградалармен және арнайы сыйақылармен марапатталды:- *«Парасат» ордені* – 1 адам- *«Құрмет» ордені* – 1 адам- *«Ерен еңбегі үшін» медалі* – 3 адам- *«Еңбек ардагері» медалі* – 5 адам- *«Ауыл шаруашылығы саласының үздігі» төсбелгісі* – 7 адам*Үздік ауыл шаруашылығы тауар өндірушілері:*- *Қайта өңдеу кәсіпорындары*:1 орын – «Адал» АӨК ЖШС (800 000 теңге)2 орын – «Дәулет Бекет» ЖШС (700 000 теңге)3 орын – «Көк Теңіз» ЖШС (500 000 теңге)- *Заңды тұлғалар*:1 орын – «Владимир» ЖШС (YTO 804-8 тракторы)2 орын – «Агрофирма «Керуен» ЖШС (900 000 теңге)3 орын – «Фирма Алтай» ЖШС (600 000 теңге)- *Шаруа қожалықтары*:1 орын – «Олжас» ШҚ (YTO 804-8 тракторы)2 орын – «BeeQueen» ШҚ (900 000 теңге)3 орын – «Ислам» ШҚ (600 000 теңге)*Ауыл шаруашылығы жәрмеңкелерін ұйымдастырудағы белсенділігі үшін*:- Аудандар арасында:1 орын – Кеген ауданы (700 000 теңге)2 орын – Еңбекшіқазақ ауданы (500 000 теңге)3 орын – Қарасай ауданы (400 000 теңге)- Ауылдық округтер арасында:1 орын – Құйған ауылдық округі, Балқаш ауданы (600 000 теңге)2 орын – Айдарлы ауылдық округі, Жамбыл ауданы (500 000 теңге)3 орын – Панфилов ауылдық округі, Талғар ауданы (300 000 теңге)Шараның соңында өңір басшысы ауыл шаруашылығы қызметкерлеріне алғыс айтып, саланың дамуына қосқан үлестерін атап өтті.Ақпарат көзі : https://www.gov.kz/memleket/entities/almobl/press/news/details/896402

Ел Президенті Қ.-Ж. Тоқаевтың бастамасымен 2024 жылдың сәуір айының басында іске қосылған «Таза Қазақстан» бағдарламасын қостанайлықтар ауқымды түрде қолдауды жалғастыруда. Бұл бастаманың мақсаты – халықтың экологиялық хабардарлығын арттыру және облыстың әртүрлі аймақтарындағы қоршаған ортаны жақсарту.Бағдарлама аясында өңірде қазірдің өзінде аумақтарды тазарту және абаттандыру, қалдықтарды жинау және қайта өңдеу бойынша креативті ауқымды іс-шаралар, сондай-ақ азаматтардың экологиялық сауаттылығын арттыруға бағытталған ағарту жұмыстары – акция, дөңгелек үстел, семинарлар ұйымдастырылып жатыр.Бағдарламаны жүзеге асыруда жергілікті кәсіпорындар және қоғамдық ұйымдармен ынтымақтастық маңызды рөл атқарады. Іс-шараларға бизнес-қауымдастық, жастар, спортшылар мен этномәдени бірлестік өкілдері белсенді қатысуда.  2025 жылдың 13 маусымы күні Қостанай ауданында «Жанашыр бол» қоғамдық қоры Қостанай ауданының тұрғындары арасында алюминий банкаларын жинау бойынша экологиялық байқау өткізді.Байқаудың мақсаты – қалдықтарды бөлек жинау мәселелеріне қоғамның назарын аудару, экологиялық мәдениетті дамыту және өскелең ұрпақ арасында тұрақты әдеттерді ынталандыру. Қатысушылардан мүмкіндігінше көп алюминий банка жинап, оларды қабылдау орнына тапсыру ұсынылды. Ең көп алюминий банка жинаған бес адамға велосипед сыйлыққа беріледі.Жарыс мамырдың басында басталып, 10 маусымда аяқталды. Қатысушылар барлығы 150 келі алюминий банка жинады. Кішкентай балалар барынша белсенділік танытты, бұл жастардың экологиялық санасының артқанын көрсетеді, бұл жағдай ұйымдастырушыларды ерекше қуантты.  Жобаның үйлестірушісі Наурызбек Бірмағамбетов: «Мұндай бастамалар табиғатқа жауапкершілікпен қарауды қалыптастырып, азаматтарды қоршаған ортаны қорғау бойынша нақты әрекеттерге тартуда маңызды рөл атқарады», - деп атап өтті. Бейімбет Майлы ауданында «Таза Қазақстан» республикалық экологиялық бағдарламасы аясында Варваринка, Николаевка және Асенкритовка ауылдарында «Варваринское» АҚ-мен бірлесіп «Таза жағалау» акциясы өтті.Іс-шараны ауданның және «Варваринское» АҚ еріктілері волонтерлік қызметтің экологиялық бағытын насихаттау, қоршаған ортаға жауапкершілікпен қарауды қалыптастыру мақсатында өткізді. Акцияға ауданның 60-қа жуық еріктісі мен «Варваринское» АҚ қызметкерлері белсенді қатысты.Акция соңында Аят өзенінің 5 шақырымдық жағалауының аумағы тазартылды. Еріктілер марапатталды.«Варваринское» АҚ қоғаммен байланыс бөлімінің басшысы Антон Труханов атап өткендей: «Бүгінгідей іс-шараларға жиналу ғана емес, сонымен қатар күнделікті өмірде қоршаған ортаға қамқорлық жасау маңызды. Экологиялық жағдайды жақсартуға әрқайсымыз өз үлесімізді қоса аламыз, тіпті аз ғана күш-жігеріміз айтарлықтай нәтижелерге әкелуі мүмкін. Барлығын табиғатқа мұқият болып, қоқысты қалдырмауға шақырамын. Бұл - біздің ортақ жеріміз және оны тек бірлескен күш-жігермен болашақ ұрпақ үшін сақтай аламыз».#ТазаҚазақстан #устойчивоеразвитие #чистаястрана #экология #TazaChallenge @TazaQazaqstan.Ақпарат көзі : https://www.gov.kz/memleket/entities/kostanay/press/news/details/1016766?lang=kk

Нью-Йорк, 2024 жылғы 2 желтоқсан – Біріккен Ұлттар Ұйымының Бас Ассамблеясы Қазақстан бастамашы болған ғаламдық қауіпсіздікті нығайтуға, қарусыздануға және жаппай қырып-жоятын қаруды таратпауға бағытталған үш резолюцияны бекітті.Қазақстан БҰҰ-ны баламасыз және әмбебап халықаралық құрылым ретінде қарастырып, жаппай қырып-жоятын қарудың барлық түрлеріне тыйым салу мәселелері бойынша түбегейлі ұстанымдарын сақтай отырып, мультилатерализмге және БҰҰ институттарымен тығыз ынтымақтастыққа деген бейілділігін тағы да растады. Тұңғыш рет БҰҰ-ның Бірінші комитетінде қарастырылған үш қазақстандық резолюция қатарынан Бас Ассамблеяның қарауына ұсынылып, БҰҰ-ға мүше мемлекеттер тарапынан қолдау тапты.БҰҰ Бас Ассамблеясы «Бактериологиялық (биологиялық) және токсинді қарулар жасауға, өндіруге және оның қорларын шоғырландыруға тыйым салу және оларды жою туралы конвенцияны нығайту және институционализациялау» резолюциясын бірауыздан қабылдады. Резолюция Қазақстан Республикасының Президенті Қасым-Жомарт Тоқаевтың БҰҰ Бас Ассамблеясының 75-сессиясы барысында ұсынған бастамасын жалғастырып, Халықаралық биологиялық қауіпсіздік агенттігін құру мүмкіндігін жан-жақты қарастыруға шақырады. Құжатты Орталық Азияның барлық елдерін қоса алғанда, он бес мемлекет тең автор ретінде қолдады.«Ядролық қару мұрасының мәселесін шешу: ядролық қаруды қолданудан немесе сынақтан зардап шеккендерге және мүше мемлекеттер үшін қоршаған ортаны қалпына келтіруге көмек көрсету» резолюциясы Қазақстан мен Кирибати бастамасымен ұсынылған және ядролық қаруды қолдану немесе сынақтардан зардап шеккендерге гуманитарлық көмек көрсету үшін күш-жігерді біріктірудің қажеттілігі туралы әлемдік қауымдастыққа маңызды белгі болды. Ядролық сынақтардың зардабын бастан өткерген Қазақстан ядролық қауіп-қатерді жою және зардап шеккен өңірлердің экожүйелерін қалпына келтіру жолында дәйекті түрде күш салуда.Оған қоса «Ядролық қарудан азат әлем құру туралы жалпыға ортақ декларация» резолюциясы қайта қабылданды. Алғаш рет 2015 жылы қабылданған бұл резолюция халықаралық қауымдастықтың ғаламдық ядролық қарусыздануға деген міндеттемесін атап көрсетіп, ядролық қарудан азат әлемге қол жеткізуге бағытталған халықаралық күш-жігерді біріктіреді.Қазақстанның бастамалары оның сенімді «орта держава» ретіндегі мәртебесін, халықаралық қауіпсіздік жүйесіндегі жауапты қатысушы және дамушы елдердің мүдделерін ілгерілетудегі көшбасшы ретіндегі рөлін растайды. Қазақстан ұлттық, өңірлік және халықаралық қауіпсіздікті қамтамасыз етуге ықпал ете отырып, қазіргі заманғы халықаралық мәселелерге тиімді шешімдер ұсынуды жалғастырады.Ақпарат көзі : https://www.gov.kz/memleket/entities/mfa/press/news/details/895891

Астана, 2024 жылғы 3-4 желтоқсан – Қазақстан Республикасы Сыртқы істер министрлігінің Ерекше тапсырмалар жөніндегі елшісі Талғат Қалиевтың төрағалығымен Азиядағы өзара іс-қимыл және сенім шаралары кеңесінің (АӨСШК) Арнайы жұмыс тобы мен Аға лауазымды тұлғалар комитетінің отырыстары өтті.Іс-шараға қатысушылар Қазақстан төрағалығымен әзірленген ұйым Жарғысының жобасы бойынша пікір алмасып, АӨСШК Сыртқы істер министрлері кеңесінің қарауына ұсынылған құжаттардың жобаларын талқылап, Кеңестің Бас хатшысы Қайрат Сарыбайдың Хатшылық жұмысының қорытындылары туралы есебін тыңдады, сондай-ақ АӨСШК өлшемдерінің басым салаларындағы үйлестіруші және қос-үйлестіруші мәселелері қаралды.Отырыстар нәтижесінде аға лауазымды тұлғалар Сенім шараларын іске асыру жөніндегі іс-шаралар жоспарын және АӨСШК Хатшылығының 2025 жылға арналған бюджетін бекітті, сондай-ақ Хатшылыққа ШЫҰ, ЕАЭО, БҰҰ-ның АТМЭӘК және Терроризмге қарсы басқармасы сияқты ұйымдармен сыртқы байланыстарды нығайту бойынша одан әрі жұмыс жүргізуге уәкілеттік берді.Сонымен қатар іс-шараға қатысушылар АӨСШК-де бақылаушы мәртебесін алуға үшінші елдердің өтініштерін қарастырды.Ақпарат көзі : https://www.gov.kz/memleket/entities/mfa/press/news/details/896293

ҚР Еңбек және халықты әлеуметтік қорғау бірінші вице-министрі Ақмәди Сарбасов Қарағанды облысына жұмыс сапары барысында өңірдің бірқатар кәсіпорындары мен әлеуметтік нысандарын аралады, сондай-ақ азаматтарды жеке мәселелері бойынша қабылдап, халықпен кездесу өткізді.А.Сарбасов жұмыс сапарын Қарағанды облысы Саран қаласының кәсіпорындарынан бастады. Ол «Tengri Tyres» ЖШС қызметімен танысты, онда жылына 3 млн-ға дейін автомобиль шиналары шығарылады. Вице-министр зауыт директорымен ҚР-дағы 2030 жылға дейінгі қауіпсіз еңбек тұжырымдамасы шеңберінде жұмыскерлердің қауіпсіз еңбек жағдайларын қамтамасыз ету мәселелерін талқылады.Бұдан кейін Ақмәди Сарбасов, халықаралық сапа стандарттарына сай келетін заманауи жолаушылар автобустарын, электр автобустарын және құрылыс техникасын шығаратын «QazTehna» ЖШС-де болды. Зауыттың жұмысымен танысқаннан кейін бірінші вице-министр кәсіпорын басшылығымен әлеуметтік әріптестік шеңберінде жұмыскерлердің еңбек жағдайларын жақсарту мәселелерін талқылады.Сондай-ақ, бірінші вице-министр Саран қаласының арнаулы әлеуметтік қызметтер көрсету орталығының қызметімен танысты.Осыдан соң Ақмәди Сарбасов Қарағанды облысының еңбек мобильділігі орталығына, «ИНВА СТО» кресло-арбаларды жөндейтін сервистік орталығына және «Ten Qogam» мүгедектігі бар адамдарды әлеуметтік бейімдеу орталығына барды.Отбасына көмек көрсетудің бірыңғай орталығында бірінші вице-министр азаматтарды жеке мәселелері бойынша қабылдап, журналистерге брифинг өткізді.Жұмыс сапарының соңында бірінші вице-министр Кәсіподақ орталығында болып, онда мүгедектігі бар регрессшілермен кездесті. Кездесу барысында зиянды еңбек жағдайларында ұзақ уақыт жұмыс істейтін адамдар үшін арнаулы әлеуметтік төлемді тағайындау және жүзеге асыру мәселелері талқыланды.Ақпарат көзі : https://www.gov.kz/memleket/entities/enbek/press/news/details/896114

Астана, 2024 жылғы 3 желтоқсан – Қазақстан Республикасы Сыртқы істер министрінің орынбасары Роман Василенко Польша Сеймі (парламенттің төменгі палатасы) Сыртқы істер комитетінің төрағасы Павел Ковальмен кездесті.Кездесу барысында парламентаралық байланыстарды нығайту, саяси және сауда-экономикалық ынтымақтастықты тереңдету, халықаралық ұйымдар аясындағы өзара іс-қимыл мәселелері талқыланды. Мәдени және білім беру мәселелеріне ерекше көңіл бөлінді. Польша қазақстандық студенттер үшін танымал бағдар болып табылатыны және қазіргі уақытта олардың саны 3 мыңнан асатыны туралы айтылды.Министрдің орынбасары Польша Қазақстанның Еуропалық одақтағы маңызды серіктесі болып табылатынын атап өтіп, барлық негізгі салалардағы ынтымақтастықты одан әрі тереңдетуге дайын екенін білдірді. Ол екі ел арасындағы байланыстарды нығайтуға белсенді ықпал ететін Қазақстандағы 35 мыңға жуық поляк диаспорасының маңызды рөліне назар аударды.Поляк депутаты өз кезегінде екіжақты қарым-қатынастардың оң динамикасын атап өтіп, ынтымақтастықты кеңейтуге, оның ішінде парламентаралық байланыстарды дамытуға бейілділігін растады.Кездесу соңында Р.Василенко поляк тарапына 2025 жылдың бірінші жартыжылдығында ЕО Кеңесіндегі төрағалығына сәттілік тіледі. Анықтама: Польша – ҚР-дың Орталық және Шығыс Еуропадағы негізгі сыртқы экономикалық әріптестерінің бірі. ҚР мен Польша арасындағы тауар айналымы Польшаның Орталық Азия елдерімен жалпы сауда көлемінің 80%-дан астамын құрайды. 2023 жылы тауар айналымы 1,23 млрд АҚШ долларын құрады. 2005 жылдан бастап Польшадан ҚР-ға құйылған тікелей шетелдік инвестициялар көлемі 447,8 млн доллардан асты. ҚР-да поляк капиталы бар 140 компания жұмыс істейді.ҚР және Польша парламенттерінде екі ел арасындағы ынтымақтастықты нығайтуға бағытталған достық топтары жұмыс істейді.Ақпарат көзі : https://www.gov.kz/memleket/entities/mfa/press/news/details/895704

2024 жылдың басынан бастап Әлеуметтік қызметтер порталы (бұдан әрі – Портал) арқылы шамамен 808,7 мың мүгедектігі бар адам оңалтудың техникалық құралдарын (бұдан әрі – ОТҚ), 8,7 мың – ымдау тілі қызметін, 26,8 мың – жеке көмекшінің, 90,9 мың – санаторийлік-курорттық емдеу қызметін алды.Портал мүгедектігі бар адамдарға оңалтудың техникалық құралдары мен қызметтерін өндірушіні және жеткізушіні өз бетінше таңдауға мүмкіндік береді. Көмек түріне тапсырыс беру көрсетілетін қызметті алушының электрондық цифрлық қолтаңбасымен растау арқылы жүзеге асырылады. Тапсырыс берілген оңалтудың техникалық құралдарын жеткізу немесе өз бетінше әкету арқылы алуға болады.Мүгедектігі бар адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдар, сондай-ақ кресло-арбалар беруді қамтиды.Бүгінгі күні Порталда 884 арнаулы әлеуметтік қызметтер көрсететін орталық (бөлімшелер), 811 ОТҚ жеткізуші, 30 мыңнан астам жеке көмекші, 760 ымдау тілі және 127 санаторийлік-курорттық емдеу қызметтерін ұсынушы тіркелген.«Әлеуметтік қызметтер порталы» автоматтандырылған ақпараттық жүйесін енгізу Мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі ұлттық жоспар шеңберінде қарастырылған.Бұған дейін хабарланғандай, ҚР Әлеуметтік кодексін іске асыру шеңберінде жергілікті атқарушы органдар жанынан құрылған Портал жөніндегі комиссияларға жаңа өкілеттіктер берілген: мүгедектігі бар адамдардың сапасыз тауар немесе қызмет туралы өтінішін 5 күн ішінде қабылдау және қарау; өнім берушіге хат жолдау және оның орындалуын бақылау; өнім берушіні Порталдан шығару және жосықсыз өнім берушілер тізіміне енгізу туралы шешім қабылдау.Порталды пайдалану бойынша консультацияларды қолдау байланыс орталығынан, яғни 1414 бірыңғай нөмірі арқылы хабарласуға болады.Ақпарат көзі : https://www.gov.kz/memleket/entities/enbek/press/news/details/895691

Ломе, 2024 жылғы 2 желтоқсан – Қазақстан Республикасының Марокко Корольдігіндегі Елшісі және Того Республикасындағы Елшісі қызметін қоса атқарушы Сәулекүл Сайлауқызы Того Республикасының Президенті Фор Эссозимна Гнассингбеге сенім грамоталарын табыстады.Сенім грамоталарын табыстау рәсімі барысында Қазақстан Елшісі ҚР Президенті Қасым-Жомарт Тоқаевтың ізгі тілектерін жеткізіп, Астана екі ел арасындағы қарым-қатынастарды нығайтуға, соның ішінде саяси диалог пен сауда-экономикалық, инвестициялық және гуманитарлық салалардағы өзара іс-қимылды жандандыруға ерекше көңіл бөлетінін айтты.Өз кезегінде Того Президенті Ф. Гнассингбе Қазақстан Тогоның Орталық Азиядағы басты серіктесі екенін айтып, өзара тиімді ынтымақтастықты белсенді дамытуға дайын екенін жеткізді. Ол 2023 жылғы қарашада Астанаға ресми сапары барысында ҚР Президенті Қ. Тоқаевпен өткен кездесуді жылы лебізбен еске алды.Того Президенті Қазақстан мен Того арасында сауда-экономикалық байланыстарды талқылау үшін 2025 жылы Қазақстанда өтетін Астана халықаралық форум жұмысына қатысуға ниетті екенін қайта растады.Того Президенті Қазақстан Елшісін дипломатиялық миссиясының басталуымен құттықтап, елдер арасындағы қарым-қатынастарды одан әрі дамытуға бағытталған қызметіне табыс тіледі.Қазақстан Республикасы мен Того Республикасы арасындағы дипломатиялық қарым-қатынастар 2014 жылғы 14 қазанда дипломатиялық қатынастар орнату туралы бірлескен коммюникеге қол қою арқылы орнатылды.Ақпарат көзі : https://www.gov.kz/memleket/entities/mfa/press/news/details/895497

Мешхед, 2024 жылғы 3 желтоқсан – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Экономикалық ынтымақтастық ұйымы (ЭЫҰ) мүше мемлекеттерінің Сыртқы істер министрлері кеңесінің 28-ші отырысына қатысты.Кездесу барысында делегация басшылары ЭЫҰ аясында өзара іс-қимылдың негізгі бағыттарын талқылап, өңірлік экономикалық ынтымақтастықты нығайту бойынша ұсыныстарды қарастырды.ҚР Сыртқы істер министрі өз сөзінде 2025 жылы Қазақстан Республикасының Ұйымда төрағалықты қабылдайтынын және оны «Өңірлік көлік байланысы мен тұрақты дамуды ілгерілету» ұранымен өткізетінін мәлімдеді.Қазақ тарапы ЭЫҰ мүше мемлекеттер арасындағы сауда-экономикалық байланыстарды нығайту қажеттілігін атап өтті. Осыған орай транзиттік-көлік бағыттарын дамыту, жоғары жылдамдықты жүк пойыздарын іске қосу, цифрлық транзиттік жүйені құру және өңір ішіндегі сауда көлемін ұлғайту мәселелеріне ерекше назар аударылды.Сонымен қатар азық-түлік қауіпсіздігін қамтамасыз ету саласындағы ортақ міндеттерді шешу мақсатында ЭЫҰ мен Азық-түлік қауіпсіздігі жөніндегі Ислам ұйымы арасында ынтымақтастық орнату ұсынылды.Қазақстан климаттың өзгеруіне қарсы күрес және «жасыл» экономиканы дамыту мәселелеріне үлкен мән беретіні аталып өтті. Осыған орай ЭЫҰ-ға мүше мемлекеттер 2026 жылы БҰҰ аясында өтетін Өңірлік климат саммитіне белсенді қатысуға шақырылды.Анықтама: Экономикалық ынтымақтастық ұйымы 1985 жылы құрылған. ЭЫҰ-ның негізгі мақсаты – мүше мемлекеттердің экономикалық, техникалық және мәдени ынтымақтастығын дамыту. Ұйым құрамына 10 ел кіреді: Ауғанстан, Әзербайжан, Иран, Қазақстан, Қырғызстан, Пәкістан, Тәжікстан, Түрікменстан, Түркия және Өзбекстан. Қазақстан 1992 жылдан бері ЭЫҰ-ның мүшесі.Ақпарат көзі : https://www.gov.kz/memleket/entities/mfa/press/news/details/895531

Мүгедектігі бар адамдардың мүдделері мен құқықтарын қорғау мақсатында ҚР Еңбек және халықты әлеуметтік қорғау министрлігі Медициналық-әлеуметтік сараптама жүргізу қағидаларына өзгерістер енгізу туралы ведомство басшысының бұйрығының жобасын әзірледі. Құжат 18 желтоқсанға дейін жария талқылау үшін «Ашық НҚА» порталында орналастырылған.Бұйрықтың жобасы сырттай проактивті куәландыру жүргізілетін нозологиялық нысандардың тізбесін кеңейтуді көздейді. Оған айқын гипотензия және бұлшықет әлсіздігі, тұрақты жалпыланған гиперкенездер, айқын үйлестіру бұзылыстары және т.б. сияқты аурулар енгізіледі.Сонымен қатар, құжатта он сегіз жастан асқан адамдарға мүгедектік мерзімсіз немесе 5 жылға белгіленетін аурулар мен жағдайларды енгізу көзделген. Мысалы, көру өткірлігінің 0,04-тен 0,08-ге дейін төмендеуі, жақсы көрінетін көзде түзетумен және/немесе жақсы көрінетін көзде көру өрісінің барлық бағыттарда бекіту нүктесінен жақсы көретін көзде 20 градусқа дейін тарылуында мүгедектік 5 жыл мерзімге белгіленеді, ал қатерлі ісік кезіндегі жойылмайтын нәжіс, зәр шығару жыланкөз жаралары, стомалары кезінде мерзімсіз белгіленеді.Сондай-ақ, бұйрық жобасында тіршілік тынысының шектелуіне әкеп соқтыратын адам денсаулығы мен функцияларының бұзылуын неғұрлым егжей-тегжейлі бағалау үшін жұмыс істеудің халықаралық жіктемесінің ережелері енгізілді.Жоғарыда аталған өзгерістер мүгедектікті белгілеу рәсімін жеңілдетуге, сондай-ақ осы қызметті ұсыну сапасын арттыруға ықпал етеді.Бұйрық жобасын қабылдау теріс әлеуметтік-экономикалық және/немесе құқықтық салдарға әкеп соқпайды.Құжатпен «Ашық НҚА» порталында танысуға болады: https://legalacts.egov.kz/npa/view?id=15324605.3 желтоқсан – Халықаралық мүгедектер күні екенін естеріңізге саламыз. Қазіргі уақытта Қазақстанда 732,1 мың мүгедектігі бар адам тұрады.Ақпарат көзі : https://www.gov.kz/memleket/entities/enbek/press/news/details/895532

Мешхед, 2024 жылғы 3 желтоқсан – Экономикалық ынтымақтастық ұйымына (ЭЫҰ) мүше мемлекеттердің Сыртқы істер министрлері кеңесінің 28-ші отырысы аясында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Пәкістан Ислам Республикасының Премьер-Министрінің орынбасары және Сыртқы істер министрі Мұхаммад Исхақ Дармен кездесті.Сондай-ақ, кездесу барысында сауда-экономикалық байланыстарды дамыту перспективаларына ерекше назар аударылды, бұл бағытта екіжақты Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссия маңызды рөл атқаратыны аталып өтті.Қараша айында Исламабадта өткен саяси консультациялардың нәтижелерін оң бағалай отырып, сұхбаттастар әртүрлі салалардағы өзара тиімді ынтымақтастықты одан әрі нығайтуға бейілділігін растады.Сондай-ақ кездесу барысында сауда-экономикалық байланыстарды дамыту перспективаларына ерекше назар аударылды, бұл бағытта екіжақты Сауда-экономикалық, ғылыми-техникалық және мәдени ынтымақтастық жөніндегі үкіметаралық комиссия маңызды рөл атқаратыны аталып өтті. Ақпарат көзі : https://www.gov.kz/memleket/entities/mfa/press/news/details/895465

ҚР Еңбек және халықты әлеуметтік қорғау министрлігінде (бұдан әрі – Еңбекмині) бірінші вице-министр Ақмәди Сарбасовтың төрағалығымен еңбекті қорғау мен еңбек қауіпсіздігі мәселелеріне арналған үшжақты дөңгелек үстел өтті. Күн тәртібінде Еңбекті қорғау жөніндегі халықаралық еңбек ұйымының (бұдан әрі – ХЕҰ) жобасы және ХЕҰ-ның еңбекті қорғау мен еңбек инспекциясына қатысты Еңбек кодексіне енгізілген түзетулерге түсініктемелер жобасы қаралды.Дөңгелек үстел жұмысына ХЕҰ, Еңбекмині, ведомстволық бағынысты ұйымдар мен әлеуметтік әріптестердің өкілдері қатысты: Республикалық еңбекті қорғау ғылыми-зерттеу институты, Мемлекеттік еңбек инспекциясы комитеті, ҚР Кәсіподақтар федерациясы, «Қазақ көмір кәсіподақ» көміршілер салалық кәсіптік одағы» ҚБ, «PARYZ» Жұмыс берушілер Ұлттық конфедерациясы, «Тау-кен өндіру және тау-кен металлургия кәсіпорындарының республикалық қауымдастығы» ЗТБ және басқа ұйымдар.Отырысты ашқан Ақмәди Сарбасов Еңбекмині қызметінің негізгі бағыттарының бірі қауіпсіз еңбек жағдайларын жасау және жұмыскерлердің еңбек құқықтарын қорғау болып табылатынын атап өтті.Өз сөзінде ол Еңбек министрлігі 2024-2030 жылдарға арналған қауіпсіз еңбек тұжырымдамасын іске асыруды қоса алғанда, еңбек заңнамасының нормаларын жүйелі түрде жетілдіріп отыратынын атап өтті.«Тағы бір маңызды жетістік еңбек инспекциясын Министрліктің қарамағына қайтару болды, бұл жұмыскерлердің құқықтарын сақтау жөніндегі жұмысты күшейтуге мүмкіндік берді. ХЕҰ-ның бұл ұсынысы сәтті жүзеге асырылды», – деп атап өтті вице-министр.Ақмәди Сарбасов гендерлік теңдіктің маңыздылығына, сондай-ақ жұмыскерлерді еңбек саласындағы зорлық-зомбылық пен қудалаудан қорғауға баса назар аударды.Іс-шара аясында ХЕҰ еңбекті реттеу, еңбек инспекциясы және еңбекті қорғау мәселелері жөніндегі маманы Дарко Дочински Қазақстанның тау-кен өндіру саласындағы құқықтық нормаларды жетілдіру жөнінде ұсыныстар ұсынды.ХЕҰ конвенцияларының ережелерін орындаудың тиімділігін арттыруға, әлеуметтік диалог құруды жеңілдетуге және қызметкерлерді әлеуметтік қорғауды қамтамасыз етуге бағытталған бастамалар айтылды.Дарко Дочински заңнамаға ұсынылған толықтырулар еңбек инспекциясының әлеуетін нығайтуға, сондай-ақ тау-кен өнеркәсібі кәсіпорындарында қауіпсіз және салауатты өндірістік орта құруға мүмкіндік беретінін атап өтті.Дөңгелек үстелдің қорытынды бөлімінде қатысушылар ХЕҰ ұсыныстарын іске асыру мүмкіндіктерін талқылады және оларды енгізу бойынша одан әрі іс-қимылдарды келісті.Ақпарат көзі : https://www.gov.kz/memleket/entities/enbek/press/news/details/895425

Тегеран, 2024 жылғы 3 желтоқсан – Экономикалық ынтымақтастық ұйымына (ЭЫҰ) мүше мемлекеттердің Сыртқы істер министрлері кеңесінің 28-ші отырысы алаңында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Иран Ислам Республикасының Сыртқы істер министрі Сейед Аббас Аракчимен екіжақты кездесу өткізді.Қазақстан саяси ведомствосының басшысы екіжақты сауда ынтымақтастығын жандандыруға және осы бағытта нақты шараларды әзірлеуге ерекше назар аударды. Осы тұрғыда ол Астана мен Тегеран арасындағы экономикалық қатынастарға жаңа серпін беретін Иранға жоспарланған жоғары деңгейдегі алдағы сапарлар туралы айтты.Өз кезегінде А. Аракчи аса жоғары және жоғары деңгейде қол жеткізілген уағдаластықтар мен келісімдерді іске асыру үшін екі елдің үлкен әлеуетін толық пайдалануға дайын екенін жеткізді.Кездесу барысында министрлер көлік-логистика саласындағы және бірлескен инвестициялық жобаларды іске асыру мәселелерін талқылап, халықаралық және өңірлік өзекті мәселелер бойынша «сағаттарды теңестірді».Ақпарат көзі : https://www.gov.kz/memleket/entities/mfa/press/news/details/895322

ҚР Еңбек және халықты әлеуметтік қорғау бірінші вице-министрі Ақмәди Сарбасов Еуропалық білім беру қорының директоры Пилви Торстимен кездесті. Кездесуде тараптар Қазақстандағы Ұлттық біліктілік жүйесін (бұдан әрі – ҰБЖ) дамытуды, сондай-ақ «Орталық Азиядағы білікті жастарға арналған диалог және іс-қимыл» жобасын іске асыру шеңберінде кәсіби біліктілік саласындағы ынтымақтастықтың перспективаларын талқылады.Ақмәди Сарбасов өз сөзінде Қазақстанның ҰБЖ дамыту жөніндегі жетістіктері мен оның кадрлар даярлаудағы және еңбек нарығында мамандардың тиімділігі мен бәсекеге қабілеттілігін арттырудағы рөлі туралы айтты.Өз кезегінде Пилви Торсти министрліктің осы саладағы жоғары жетістіктері Қазақстан мен Еуропалық білім беру қоры арасындағы ынтымақтастықты дамыту перспективаларын ашатынын атап өтті.Кездесу нәтижелері бойынша тараптар одан әрі өзара іс-қимыл туралы уағдаласты.Естеріңізге сала кетейік, Еуропалық білім беру қоры Еуропалық Одақтың агенттігі болып табылады. Ұйым Еуропалық Одақтың көрші елдеріне білім беру, оқыту және еңбек нарықтарын реформалауда қолдау көрсетеді.Ақпарат көзі : https://www.gov.kz/memleket/entities/enbek/press/news/details/895278

Соның ішінде, Алматы облысының орталығы Қонаев қаласында 1000 астам нәресте дүние есігін ашқан. Емдеу мекемесінің перзентханасының ерекшелігі - босану бөлмелерінің жеке жоспарлануы, олардың сапалы түрде барлық қажетті құрал-жабдықтармен қамтамасыз етілуі: ыңғайлы трансформер төсектері, кардиомонитор, баланың киімін ауыстырғанда жылытылатын үстелдері, операциялық шамдар, электронды таразылар және т.б. Сонымен қатар, перзентханада тек бір реттік жиынтықтар, катетерлер, инфузиялық жүйелер қолданылады. Перзентхана және гинекологиялық бөлімшелердің медициналық құрал-жабдықтармен қамтылуы бүгінде 100 пайызды құрап отыр.Жасалған қолайлы жағдайларды алдыға тартып, бірнеше күн бұрын алғашқы перзентін Қонаев қалалық көпсалалы ауруханасының перзентханасында босанған Айнұр есімді келіншекпен сұқбаттастық. Жас әйелдің сөзінше, босану бөлмесінде ол өзін ыңғайлы сезінген, еркін ұстай алатындығын түсінген: босануға дайындалу кезеңінде палатада жүре алған, жата алған, тізе-шынтақ күйін ала алған, сүйікті әуенін тыңдай алған. Сонымен қатар, қалауынша, жеке киімдерін, алынбалы аяқ киімді, жеке гигиена құралдарын пайдалануға мүмкіндігі бар екендігін түсінген.Елеусізова Назгүл Асқарқызы, әйелдер кеңесінің акушер-гинеколог дәрігері: «Біздің перзентхананың дәрігерлері табиғи босануды қолдайды, сондықтан дәрігер тек босану процесін бақылайды, араласады және тек қатаң медициналық себептермен дәрі-дәрмектерді қолданады. Босану кезіндегі кез келген манипуляциялар медициналық араласу қажеттілігін егжей-тегжейлі түсіндіріп, босанған әйелдің келісімін алғаннан кейін ғана жүзеге асырылады. Бөлімшеде дені сау жүкті әйелдерге ғана емес, сонымен қатар тәуекел тобына жататын науқастарға, перинаталдық проблемалары бар әйелдерге де жоғары білікті медициналық көмек көрсетіледі. Сондай-ақ, кесар тілігінен кейін жатырында тыртығы бар әйелдерді де қынап арқылы босануды тәжірибелейді. Кешенді бағалаудан кейін, оның ішінде анамнез деректері, алдыңғы операцияға көрсеткіштерін егжей-тегжейлі қарастырамыз. Табиғи түрде әйелдің өзі босануы мүмкіндігін анықтаймыз. Бұл медициналық іс-шараларды тек тәжірибелі акушер-гинекологтар жүргізеді. Директорымыз, жоғары санатты акушер-гинеколог Ракишева Айман Ғалымжанқызы бұл іс-шараны жеке бақылауында ұстайды. Операцияларды акушер-гинеколог, анестезиолог, неонатологтар тобы жасайды. Анестезия әдісін босану кезіндегі әйелдің, ұрықтың жағдайын ескере отырып, анестезиолог жеке анықтайды. Операция үшін анестезия әдісін таңдағанда, әйелдің қалауы да ескеріледі».11 айда Алматы облысында 204 егіздер және бір үшем дүние есігін ашқан.Ақпарат көзі : https://www.gov.kz/memleket/entities/almobl/press/news/details/895142

Еңбек және халықты әлеуметтік қорғау министрлігі Цифрлық даму, инновациялар және аэроғарыш өнеркәсібі министрлігімен бірлесіп әлеуметтік-еңбек саласындағы үш мемлекеттік қызмет көрсету процесін автоматтандыруды жоспарлап отыр.Ол үшін адами факторды алып тастауды және осы қызметтерді көрсету процесін автоматтандыруды көздейтін пилоттық жоба іске қосылады. Осылайша, оларды ұсыну бойынша операциялық процестер 7 жұмыс күнінен бір жұмыс күніне дейін қысқартылады.Жаңа тәсілмен көрсетілетін қызметтердің қатарына: «Қазақстанның Еңбек Epi» атағына ие болған адамдарға арнаулы мемлекеттік жәрдемақы тағайындау; «Халық Қаһарманы» атағына ие болған адамдарға арнаулы мемлекеттік жәрдемақы тағайындау; «Жасына байланысты берілетін зейнетақы төлемдеріне мүгедектігі бойынша төленетін айлық жәрдемақы мөлшеріне дейін қосымша төлем алушыларды қоспағанда, жасына байланысты берілетін зейнетақы төлемдері немесе еңбек сіңірген жылдары үшін төленетін зейнетақы төлемдері тағайындалған бірінші, екінші және үшінші топтардағы мүгедектігі бар адамдарға, сондай-ақ Ресей Федерациясының заңнамасына сәйкес мүгедектігі бойынша зейнетақы алатын жағдайда Байқоңыр қаласында тұратын бірінші, екінші және үшінші топтағы мүгедектігі бар адамдарға арнаулы мемлекеттік жәрдемақы тағайындау».«Smart Data Ukimet» ақпараттық-талдау жүйесі арқылы әлеуметтік-еңбек саласының кейбір мемлекеттік қызметтерін проактивті көрсету жөніндегі пилоттық жобаны іске қосу туралы» бірлескен бұйрықтың жобасы 2024 жылғы 18 желтоқсанға дейін талқылау үшін «Ашық НҚА» порталында орналастырылған.Төмендегі сілтеме бойынша бұйрық жобасымен танысып, өз ұсыныстарыңызды қалдыра аласыз: https://legalacts.egov.kz/npa/view?id=15324040.Ақпарат көзі : https://www.gov.kz/memleket/entities/enbek/press/news/details/895026

Отбасының цифрлық картасын (бұдан әрі – ОЦК) енгізудің нәтижесінде 2024 жыл басталғалы 482,4 мыңнан астам адамға мемлекеттік қызметтерді проактивті көрсету үшін SMS-хабарлама жолданды. Бұл ретте өтініш берусіз жәрдемақы немесе төлем алу мүмкіндігін 210 мың адам пайдаланды.Отбасының цифрлық картасы мемлекеттік органдардың қолданыстағы барлық ақпараттық жүйелерінің деректері негізінде қалыптастырылады. Бүгінгі күнде онда Қазақстанның 20 млн азаматы немесе 6 млн-нан астам отбасы туралы ақпарат жинақталған.ОЦК енгізудің басты мақсаты – қазақстандықтардың мемлекеттік қолдау жүйесіне тең қолжетімділігін қамтамасыз ету. Осыған байланысты ҚР Әлеуметтік кодексінде Отбасының цифрлық картасы әлеуметтік саясаттың орта және ұзақ мерзімді міндеттері мен бағыттарын айқындау құралы ретінде белгіленген. Сондай-ақ, ОЦК азаматтардың әлеуметтік мәртебесіне байланысты кепілдендірілген мемлекеттік қолдаудың қандай да бір түрін алуға құқықтары туралы күнделікті «электрондық хабарлама» болып табылады.Қазіргі уақытта ОЦК мемлекеттік қолдау шараларын алуға құқығы бар қазақстандықтарға қандай да бір өтініштерсіз жәрдемақылар мен әлеуметтік төлемдердің 10 түрін ресімдеуге мүмкіндік береді. Олар еңбек ету қабілетінен айырылған жағдайда төленетін әлеуметтік төлем; жұмысынан айырылған жағдайда төленетін әлеуметтік төлем, асыраушысынан айырылу бойынша төленетін әлеуметтік төлем немесе жәрдемақы, мүгедектігі бар баланы тәрбиелеп отырған ата-анасына (қамқоршысына) жәрдемақы, мүгедектігі бойынша жәрдемақы, көпбалалы отбасыларға берілетін жәрдемақы, «Алтын алқа» және «Күміс алқа» алқаларымен марапатталған көпбалалы аналарға берілетін жәрдемақы, атаулы әлеуметтік көмек, сондай-ақ жерлеуге арналған біржолғы төлем.Сондай-ақ, ОЦК арқылы зейнетақы төлемдерін алу мүмкіндігі, «қандас» мәртебесі берілгенде немесе ұзартылғанда мәртебенің аяқталу мерзімі және жұмыссыз адамдар үшін жұмыспен қамту шаралары туралы автоматты хабарламалар іске асырылды.Мемлекеттік қолдау шараларын алуға құқық белгіленген кезде әлеуетті алушыға 1414 бірыңғай байланыс орталығынан SMS-хабарлама жіберіледі. Хабарлама алған азамат оған келісімі туралы жауап беруі керек. Өтінішті ресімдеу және әлеуметтік жәрдемақы немесе төлем тағайындау автоматты режимде жүргізіледі, содан кейін ақша қаражаты алушының банк шотына аударылады.Алаяқтық тәуекелін болдырмау мақсатында 1414 бірыңғай байланыс орталығынан келіп түскен SMS-ке жауап беру қажеттігін атап өтеміз.Барлық сұрақтар бойынша 1414 нөмірі бойынша Call-орталыққа хабарласыңыз. Қоңырау шалу тегін. Ақпарат көзі : https://www.gov.kz/memleket/entities/enbek/press/news/details/894796

Мешхед, 2024 жылғы 2 желтоқсан – Экономикалық ынтымақтастық ұйымына (ЭЫҰ) мүше елдердің Сыртқы істер министрлері кеңесінің 28-ші отырысы қарсаңында Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу ЭЫҰ Бас хатшысы Асад Маджид Ханмен кездесті.Тараптар сауда-экономикалық өзара іс-қимылды кеңейту, көлік және логистикалық инфрақұрылымды дамыту, сондай-ақ цифрлық технологиялар саласындағы ынтымақтастықты күшейту сияқты мәселелерді талқылады.Қазақстанның сыртқы саяси ведомствосының басшысы ҚР-дың 2025 жылы ЭЫҰ Сыртқы істер министрлерінің кеңесінде төрағалық етуінің негізгі басымдықтарын егжей-тегжейлі талқылап, өңір үшін үлкен әлеуеті бар ұйыммен стратегиялық әріптестіктің маңыздылығын атап өтті.Өз кезегінде Бас хатшы А. Хан күн тәртібін нақты мазмұнмен толықтыратын ұйымдағы Қазақстанның белсенді рөлі мен бастамаларын атап өтті.Кездесу барысында мәдени және білім беру байланыстарын нығайту, экологиялық тұрақтылықты дамыту, климаттың өзгеруі және энергетикалық қауіпсіздік сияқты жаһандық сын-қатерлерді еңсеру бойынша бірлескен күш-жігер мәселелері де талқыланды.Экономикалық ынтымақтастық ұйымы 1985 жылы құрылды. Мүше мемлекеттер – Орталық Азияның, Таяу Шығыстың және Оңтүстік Кавказдың 10 елі. Ұйымның мақсаты – экономика, сауда, көлік, экология және гуманитарлық ынтымақтастық сияқты салалардағы күш-жігерді үйлестіру арқылы аймақтағы экономикалық дамуға ықпал ету.Ақпарат көзі : https://www.gov.kz/memleket/entities/mfa/press/news/details/894743