Құмар Ақсақалов жаңа маусым қарсаңында «Тобыл» футбол клубының ойыншыларымен және бапкерлік штабымен кездесті. Кездесу барысында команданың дайындығы, стратегиялық міндеттері және алдағы ойындардан күтілетін нәтижелер талқыланды.Өңір басшысы футболдың дамуының маңыздылығын атап өтіп, «Тобылға» сәтті маусым тіледі. Ол клубтың Костанай мақтанышы екенін және аймақты республикалық және халықаралық деңгейде танытып жүргенін айтты.Ойыншылар мен жаттықтырушылар маусымаралық дайындық жұмыстары туралы баяндап, команданың алдағы ойындарға дайындығы мен жоғары нәтижелерге қол жеткізуге деген ұмтылысын жеткізді. «Тобыл» әрқашан биік мақсаттарды көздейді, биыл да жүлделі орындар үшін күресуге ниетті.Костанай облысында футбол мен жалпы спорттың дамуына қолдау көрсетіліп, кәсіби спортшыларды даярлауға және жастар арасында салауатты өмір салтын насихаттауға жағдай жасалуда. Кездесу соңында облыс әкімі «Тобылға» сәттілік, тартысты ойындар мен жарқын жеңістер тіледі.Ақпарат көзі : https://www.gov.kz/memleket/entities/kostanay/press/news/details/948744

Астана, 2025 жылғы 28 ақпан – Қазақстан Республикасы Сыртқы істер министрінің орынбасары Роман Василенко Қазақстандағы Апостолдық нунций Джордж Панамтундилді қабылдады.Кездесудің басында Р.Василенко мемлекет басшылығының Рим Папасы Францисктің тез сауығып кетуіне тілектестігін жеткізді.Кездесу барысында тараптар Қазақстан мен Қасиетті Тақ арасындағы ынтымақтастықтың қазіргі ахуалы мен даму перспективаларын, соның ішінде тарих, мәдениет, ғылым және медицина салаларындағы өзара ықпалдастықты талқылады. Екі ел арасындағы саяси диалогтың дәйекті түрде нығайып келе жатқаны аталып өтті, сондай-ақ олардың әртүрлі халықаралық алаңдардағы өзара іс-қимылына жоғары баға берілді.Сондай-ақ Қазақстан Президенті Қасым-Жомарт Тоқаевтың 2024 жылғы қаңтарда Ватиканға жасаған сапарының қорытындылары бойынша қол жеткізілген уағдаластықтарды іс жүзінде жүзеге асырудың маңыздылығы аталып өтті. Осыған байланысты Апостолдық нунций 2025 жылғы қаңтарда Қазақстан Республикасының Қасиетті Тақ жанындағы жаңа Елшілігінің ашылуын құптады.Алдағы қыркүйек айында Астанада өтетін Дүниежүзілік және дәстүрлі діндер лидерлерінің VIII съезіне дайындыққа ерекше назар аударылды.Қазақстан мен Қасиетті Тақ арасындағы дипломатиялық қатынастар 1992 жылғы 17 қазанда орнатылды. Қасиетті Тақтың Қазақстан Республикасындағы Апостол нунциатурасы 2001 жылғы 16 желтоқсанда ашылды. Қазақстан аумағында Рим-католик шіркеуінің 117 діни мекемесі жұмыс істейді, католик дінін ұстанушылардың саны шамамен 120 мың адамды құрайды.Ақпарат көзі : https://www.gov.kz/memleket/entities/mfa/press/news/details/948733

Астана, 2025 жылғы 26 ақпан – Қазақстан Республикасы Сыртқы істер министрінің орынбасары Ермұхамбет Қоныспаев Әзербайжан Республикасының Елшісі Ағалар Атамоғлановпен кездесті.Кездесу барысында саяси диалогтың үдемелі дамуы, екі елдің үкіметтік құрылымдары, парламенттері және іскерлік топтары арасындағы өзара іс-қимылдың жандана түсуі, сондай-ақ гуманитарлық байланыстардың кеңеюі аталып өтті. Биік деңгейде қол жеткізілген уағдаластықтарды іске асыру және алдағы ресми іс-шаралардың күн тәртібі мәселелеріне ерекше назар аударылды.Кездесу қорытындысы бойынша тараптар екіжақты ынтымақтастықты одан әрі кеңейтуге өзара мүдделілік танытты. Белгіленген бастамаларды табысты іске асыру және Қазақстан мен Әзербайжан арасындағы стратегиялық серіктестікті тереңдету үшін күш-жігерді үйлестірудің маңыздылығы аталып өтті.Ақпарат көзі : https://www.gov.kz/memleket/entities/mfa/press/news/details/947485

Қонаев қаласында Алматы облысының әкімі Марат Сұлтанғазиев Қырғыз Республикасының Алматыдағы Бас консулы Жеңішбек Асанқұловпен кездесу өткізді. Келіссөздер барысында тараптар сауда-экономикалық ынтымақтастықтың перспективаларын, сондай-ақ ауыл шаруашылығы, туризм және кәсіпкерлік саласындағы жоспарларды талқылады. Кездесуде екі елдің іскерлік қоғамдастығын бірлескен жобаларға белсенді тарту арқылы серіктестікті дамытуға өзара мүдделілік білдірілді. Қазақстан мен Қырғызстан 33 жыл бойы достық және ынтымақтастық дәстүрлеріне негізделген тату көршілік қарым-қатынасты сақтап келеді. Осы уақыт ішінде экономика, логистика, мәдениет және білім беру сияқты түрлі салаларды қамтитын 150-ден астам келісімді қамтитын берік шарттық-құқықтық база қалыптасты. • Екі мемлекет үкіметаралық, парламентаралық және өңіраралық деңгейлерде белсенді ынтымақтастық орнатып келеді. Тек соңғы жылдың ішінде ғана ел басшылары әртүрлі іс-шаралар аясында алтыдан астам кездесу өткізді, – деп атап өтті Марат Сұлтанғазиев. – Біз бұл байланысты одан әрі нығайтып, жаңа жобаларды іске қосып, серіктестік деңгейін көтеруіміз керек. Кездесуде экономикалық өзара іс-қимыл, логистика және бірлескен бастамаларды жүзеге асыру мәселелеріне ерекше назар аударылды. Қырғызстан – Қазақстанның негізгі сауда серіктестерінің бірі, ал 2024 жылы Алматы облысы мен көршілес республика арасындағы тауар айналымы 12%-ға өсіп, 150 млн АҚШ долларын құрады. Өңірде қырғыз капиталының қатысуымен 31 кәсіпорын және 8 бірлескен компания жұмыс істейді. Сондай-ақ қырғызстандық ауыл шаруашылығы өндірушілері үшін көтерме тарату орталығын құру мүмкіндігі қарастырылуда. Бұл логистиканы жақсартып, көлік шығындарын азайтуға мүмкіндік береді. • Біздің басты міндетіміз – екі ел арасындағы сауда-экономикалық және мәдени-гуманитарлық ынтымақтастықты жандандыру. Біз тауар айналымының өсуіне, бірлескен кәсіпорындар құруға және инвестициялық жобаларды жүзеге асыруға мүдделіміз. Кәсіпкерлік қызметті кеңейту үшін бизнес-форумдарды ұйымдастыру маңызды, – деп атап өтті Жеңішбек Асанқұлов. Сондай-ақ тараптар туризм әлеуетін дамыту және өңіраралық ынтымақтастық мәселелерін талқылады. Алматы және Ыстықкөл облыстарындағы танымал маршруттарды біріктіретін бірыңғай тау-туристік кластерін құру мүмкіндігі қарастырылды. Бұл көбірек турист тартуға және туризм индустриясының инфрақұрылымын нығайтуға мүмкіндік береді. Тараптар мәдени ынтымақтастықтың маңыздылығын атап өтті, оның ішінде академиялық алмасу бағдарламаларын кеңейту, өнер саласындағы серіктестік және бірлескен мәдени іс-шаралар ұйымдастыру мәселелері қаралды. Кездесу соңында қатысушылар сындарлы диалог үшін алғыстарын білдіріп, одан әрі ынтымақтастық екіжақты қатынастарды нығайтуға және жаңа стратегиялық бастамаларды жүзеге асыруға ықпал ететінін атап өтті.Ақпарат көзі : https://www.gov.kz/memleket/entities/almobl/press/news/details/946893

ҚР Еңбек және халықты әлеуметтік қорғау министрлігінің (бұдан әрі – Еңбекмині) кеңейтілген алқа отырысында министр Светлана Жақыпова мүгедектігі бар адамдарды техникалық құралдармен және оңалту қызметтерімен қамтамасыз ету, объектілердің қолжетімділігін арттыру және оңалту іс-шараларының нәтижелері бойынша жүргізіліп жатқан жұмыстар туралы баяндады.Іс-шараға ҚР Премьер-Министрінің орынбасары Ермек Көшербаев, Парламент депутаттары, ҚР Президенті Әкімшілігінің және Үкімет аппаратының өкілдері, ЕХӘҚ вице-министрлері, аппарат басшысы, комитет төрағалары, департамент директорлары, ЕХӘҚМ бағынысты ұйымдарының басшылары, орталық мемлекеттік органдардың өкілдері, облыстар мен Астана, Алматы, Шымкент қалаларының әкімдерінің орынбасарлары, жұмыспен қамтуды үйлестіру және әлеуметтік бағдарламалар басқармаларының басшылары мен әлеуметтік әріптестер және өзге де жауапты лауазымды тұлғалар қатысты.Алқа отырысы барысында Светлана Жақыпова мүгедектігі бар адамдардың өмір сүру сапасын арттыру мәселелеріне ерекше назар аударды.Бүгінде 737,4 мың адам немесе халықтың 3,6%-ның мүгедектігі бар. Олардың жартысынан көбі еңбекке қабілетті жастағы адамдар, 15%-дан астамы балалар, 30%-ға жуығы зейнеткерлер.18 жастан асқан адамдар арасында мүгедектіктің себептері ішінде психикалық бұзылулар (18,1%), қан айналымы жүйесінің аурулары (17,2%) және жарақаттар (12,9%) басым. Балалардың мүгедектігінде жүйке жүйесінің аурулары (26%), туа біткен ақаулар (24,6%) және психикалық бұзылулар (23,8%) басым. Соңғы 3 жылда балалардың мүгедектік көрсеткіші 10% - ға өсті.«2024 жылы Әлеуметтік қызметтер порталы арқылы мүгедектігі бар 512,3 мың адам техникалық құралдармен және оңалту қызметтерімен қамтылды.Министрлік тұрақты негізде Порталды жаңарту бойынша жұмыс жүргізуде. Жыл басынан бері жосықсыз жеткізушілердің 3400 өтінімі алынып тасталды, 5 мыңнан астам қайталанатын карточкалар жойылды, соның ішінде түрлі жалған акциялар өткізіп, сыйақылармен жарнама жасағандар бар. Жеткізушілердің қызметіне қойылатын талаптар күшейтілді, атап айтқанда 3 күн ішінде өнімді беру немесе тауарларды жеткізу туралы мәліметтер болмаған кезде тапсырыс жойылады. Сондай-ақ тауарлар мен қызметтердің құнын өтеу үшін ұсынылатын кепілдендірілген соманы айқындау әдістемесі қайтадан қаралуда», – деді Светлана Жақыпова.Мүгедектігі бар адамдар үшін объектілердің қолжетімділігін қамтамасыз ету мониторингі интерактивті қолжетімділік картасы арқылы жүзеге асырылады. 2024 жылы әлеуметтік нысандардың 40%-дан астамы қолжетімділікпен қамтамасыз етілді, 2695 тексеру іс-шаралары жүргізілді. Биыл бұл көрсеткіш 60% - ға дейін ұлғайтылады.«Елімізде мүгедектігі бар адамдарға арналған 4 жаңа заманауи оңалту орталығы (Семей, Тараз, Кентау және Орал қалалары) және аутизм спектрі бұзылған және басқа да ментальды бұзушылығы бар балаларға арналған 7 күндізгі болу орталығы (Шымкент, Павлодар, Өскемен, Талдықорған, Тараз, Қостанай және Ақтөбе қалалары) ашылды.Төрт өңірде «Қазақстан Халқына» қорымен бірлесіп, инновациялық оңалту құралдарын қолдана отырып, үйде тірек-қимыл аппараты бұзылған балаларды оңалту бойынша пилот іске асырылуда (Семей, Қызылорда, Павлодар, Шымкент қалалары)», – деді Светлана Жақыпова.Министр оңалту іс-шараларының бақылауы мен тиімділігін арттыру үшін Оңалтудың цифрлық күнделігі іске қосылғанын, нозология түрлері бойынша әлеуметтік оңалту хаттамалары әзірленгенін айтты.2024 жылы 13 мыңға жуық адам толық оңалтудан (қайта куәландырылған мүгедектігі бар адамдардың 7,2%) өтті және 11 мыңнан астамы анағұрлым жеңіл мүгедектік тобына ауыстырылды.Сөз соңында Светлана Жақыпова Еңбекмині 2025-2030 жылдарға арналған инклюзивті саясат тұжырымдамасын іске асыруға кіріскенін, оның шеңберінде мүгедектікті танудың дәстүрлі және медициналық модельдерінен әлеуметтік-құқық қорғау моделіне көшу жүзеге асырылатынын хабарлады.Ақпарат көзі : https://www.gov.kz/memleket/entities/enbek/press/news/details/947228

ҚР Еңбек және халықты әлеуметтік қорғау министрлігінің (бұдан әрі – ЕХӘҚМ) кеңейтілген алқа отырысында министр Светлана Жақыпова еңбек қатынастарын реттеу саласындағы негізгі сын-тегеуріндерді айтып, оларды шешу бойынша қабылданған және жоспарланған шаралар туралы хабарлады.Іс-шараға ҚР Премьер-Министрінің орынбасары Ермек Көшербаев, Парламент депутаттары, ҚР Президенті Әкімшілігінің және Үкімет аппаратының өкілдері, ЕХӘҚ вице-министрлері, аппарат басшысы, комитет төрағалары, департамент директорлары, ЕХӘҚМ бағынысты ұйымдарының басшылары, орталық мемлекеттік органдардың өкілдері, облыстар мен Астана, Алматы, Шымкент қалаларының әкімдерінің орынбасарлары, жұмыспен қамтуды үйлестіру және әлеуметтік бағдарламалар басқармаларының басшылары мен әлеуметтік әріптестер және өзге де жауапты лауазымды тұлғалар қатысты.Светлана Жақыпова өз сөзінде еңбек қатынастарын реттеу ЕХӘҚМ қызметінің маңызды бағыты болып табылатынын атап өтті. Министр осы саладағы негізгі сын-тегеуріндерге тоқталып, ведомствоның проблемалық мәселелерді қалай шешетінін айтты.Біріншісі – бейресми еңбек қатынастарының болуы. Еңбек шартынсыз жұмыс істеу, кірістерді жасыру, еңбекақы төлеу бойынша берешек мәселелері өзекті болып қала береді. Бұл әлеуметтік тәуекелдер туындаған кезде қызметкер үшін жағымсыз салдарға әкеледі.«Өткен жылы еңбек инспекторлары 5,6 мың кәсіпорынды тексерді, еңбек шартынсыз 200-ден астам жұмыс фактісі анықталды, 3,7 млрд теңге сомасына жалақы бойынша берешек өндірілді, 2,8 мың кәсіпорын жоғары тәуекел аймағынан шығарылды. Бұл ретте 49 кәсіпорында шамамен 950 млн теңге сомаға 1343 жұмыскер алдындағы жалақы бойынша берешек сақталады», – деді министр.Министр ЕХӘҚМ қызметкерлерінің еңбек қатынастары мен кепілдіктерінің ашықтығын қамтамасыз ету үшін бірқатар цифрлық шешімдерге бастамашылық жасалғанын айтты: жұмыс берушінің HR Enbek ақпараттық жүйесіндегі кәсіпорындардың штат кестесін декларациялауы; еңбек және ұжымдық шарттар жасасу рәсімін электрондық форматқа ауыстыру; еңбек жанжалдарын дәлірек болжау және алдын алу үшін еңбек тәуекелдері картасының функционалын кеңейту.«Ұсынылған шаралар жұмыс берушілердің еңбек шарттарында көзделген міндеттемелерді орындауын қамтамасыз етеді, сондай-ақ жұмыскерлердің еңбек жағдайларына мониторинг жүргізуге мүмкіндік береді», – деп атап өтті Светлана Жақыпова.Екінші сын-қатер – жұмыскерлердің біліктілігінің төмен деңгейі. Бейіндік білімі бар көптеген жұмысшылар еңбек өнімділігін арттыру үшін қажетті дағдыларға ие емес. Жалақының өсуі кәсіби құзыреттілікті ескермей, әкімшілік әдістермен көбірек қамтамасыз етіледі.«Жұмыс берушілер мен қызметкерлерді біліктілік жүйесіне тарту мақсатында «Кәсіптік біліктілік туралы» Заңға сәйкес бірқатар шаралар іске асырылды. Сұранысқа ие 12 мың құзыретті қамтитын Цифрлық дағдылар банкі құрылды, бұл еңбек нарығының өзекті қажеттіліктерін дәлірек анықтауға мүмкіндік береді. Сұранысқа ие 4 500 мамандық үшін 800-ден астам кәсіптік стандарттар әзірленді, олар жоғары оқу орындары мен колледждердің 11 мыңнан астам білім беру бағдарламаларына негіз болды. Бұл еңбек нарығының талаптарына жауап беретін кадрларды даярлауды қамтамасыз етеді», – деді ЕХӘҚМ басшысы.Жақын арада жоспарлануда:- біліктілікті танудың 5 жаңа орталығын ашу, оның 2-і халықаралық стандарттарға сәйкес келеді, бұл құзыреттерді бағалау сапасын арттырады;- мемлекеттік органдар мен бизнестің ұсыныстары негізінде 800 жаңа кәсіпті қоса отырып, Ұлттық қызметтер сыныптауышы жаңарту;- Еуропалық біліктілікті ескере отырып, Ұлттық біліктілік шеңберін өзектендіру. Бұл отандық дипломдарды шетелде тануға және өмір бойы оқыту тұжырымдамасын дамытуға ықпал етеді.Үшіншісі – жарақат және зиянды еңбек жағдайлары.Еңбекмині қабылдаған еңбекті қорғау саласындағы кешенді шаралар 2024 жылы тұтастай алғанда өндірістік жарақаттануды төмендету бойынша оң серпінді сақтауға мүмкіндік берді. Мәселен, өткен жылы зардап шеккендердің саны 2023 жылғы деңгейге қарағанда 4,5% - ға, ал өлім-жітім саны 19,5% - ға азайды.«2024 жылы еңбекті мемлекеттік бақылау функциялары Халықаралық еңбек ұйымының стандарттарына сәйкес Еңбекминінің қарамағына қайтарылды. Осылайша, мемлекеттік бақылау нәтижелері бойынша шешімдер қабылдау кезінде еңбек инспекторларының тәуелсіздігі мен бейтараптығы қамтамасыз етілді.Зиянды еңбек жағдайларында жұмыс істейтін жұмыскерлердің әлеуметтік қорғалуын арттыру үшін арнаулы әлеуметтік төлемдер енгізілді. Өткен жылдың қорытындысы бойынша 17 млрд теңге сомасына 13 мыңнан астам адамға төлемдер тағайындалды», – деді Светлана Жақыпова.Бұдан басқа, заңнамалық деңгейде «ескерту» санкциясын «айыппұлға» ауыстыру және айыппұлдарды екі есеге ұлғайту бөлігінде еңбекті қорғау саласындағы талаптарды бұзғаны үшін жауапкершілікті қатаңдату жөнінде шаралар қабылданды.Кәсіпорындардың цифрлық картасы енгізілді, ол нақты уақыт режимінде еңбек жағдайларына мониторинг жүргізуге мүмкіндік береді.Өндірістегі жазатайым оқиғаларды тергеудің жеделдігі мен ашықтығы FSM мобильді қосымшасын енгізу арқылы артады.Сонымен қатар зиянды еңбек жағдайларында 519 мың жұмыскер жұмыс істейді. Адам шығынымен аяқталған топтық жазатайым оқиғалар және өндірістік жарақаттануды жасыру фактілері бар.Осыған байланысты Мемлекет басшысының тапсырмасын орындау үшін еңбекті қорғау саласындағы қадағалау мен бақылау тетіктерін қатаңдату жөніндегі келесідей шараларды іске асыру жоспарлануда:1) жұмыс орындарында кәсіптік тәуекелдерді бағалаудың жаңа әдістемесін енгізу;2) қауіпті жұмыстарды шұғыл тоқтата тұру үшін мемлекеттік еңбек инспекторларына қадағалау функцияларын беру;3) төтенше жағдайлар тәуекелдері туралы ерте хабарлау жүйелерін енгізу (мобильді қосымшалар, арнайы датчиктер және басқа да заманауи технологиялық шешімдер);4) кәсіптік тәуекелдерді бағалауды жүргізу бойынша мамандандырылған ұйымдарға қойылатын талаптарды күшейту;5) мемлекеттік ақпараттық жүйелердің деректері негізінде кәсіпорынға бармай профилактикалық бақылау мүмкіндіктерін кеңейту.Ақпарат көзі : https://www.gov.kz/memleket/entities/enbek/press/news/details/947257

Астана, 2025 жылғы 26 ақпан – Президенттік орталықта БҰҰ-ның 80 жылдығына арналған панельдік пікірталас өтті. Іс-шараға Қазақстан Республикасы Сыртқы істер министрінің бірінші орынбасары Ақан Рахметуллин, БҰҰ-ның Қазақстандағы Тұрақты үйлестірушісінің м.а. Стивен О'Малли қатысты. Панелистер ретінде Бразилияның Елшісі Марсель Фортуна Биато, «Қоғамдық пікір» зерттеу институтының директоры Ботагөз Ракишева, Түркияның Елшісі Мұстафа Капуджи және ҚСЗИ Халықаралық қауіпсіздік бөлімінің басшысы Дәурен Әбен сөз сөйледі. Қатысқан қонақтардың арасында дипломатиялық миссиялардың, халықаралық ұйымдардың басшылары мен БАҚ өкілдері болды.Пікірталас барысында қатысушылар БҰҰ-ның мерейтойлық жылдығына бағытталған халықаралық күн тәртібінің өзекті мәселелерін, сондай-ақ Қазақстанның көпжақты дипломатияны дамытуға қосқан үлесін және ядролық қарусыздануды, өңірлік қауіпсіздікті нығайтуды және инклюзивті жаһандық тәртіпті қолдауды қоса алғанда, бітімгершілік бастамаларды ілгерілету жөніндегі елдің күш-жігерін талқылады.Өз сөзінде А.Рахметуллин БҰҰ-ның жаһандық сын-тегеуріндерді шешудегі стратегиялық рөліне назар аудара отырып, осы тұрғыда Қазақстан халықаралық ынтымақтастыққа белсенді түрде ықпал етуді жалғастырып жатқанын және әлемдік қоғамдастық алдында тұрған проблемаларды шешуде көпполярлы тәсілді қолдайтынын атап өтті.«Президент Қасым-Жомарт Тоқаев бұрын мәлімдегендей, «бұл әмбебап ұйымға балама жоқ». БҰҰ-ның 80 жылдығы – бұл мерейтой ғана емес, сонымен қатар қазіргі әлемдегі мультилатерализмнің рөлін түсінудің маңызды кезеңі. Біз жаһандық сын-қатерлерді бірлескен күш-жігер мен халықаралық ынтымақтастық арқылы ғана тиімді шешуге болатынына сенімдіміз», – деп баяндады қазақстандық дипломат.Өз тарапынан С.О'Малли: «Қазіргі жаһандық сын-қатерлер жағдайында халықаралық ынтымақтастық тұрақтылық пен орнықты дамуды қамтамасыз етудің негізгі құралы болып қала береді. Қазақстан бейбітшілік пен тұрақтылықты ілгерілетуде көшбасшылықты дәйекті түрде көрсетіп келеді, ал бүгінгі пікірталас болашақтың ортақ көзқарасын қалыптастыруға мүмкіндік беретінін», – деп атап өтті.Бұл іс-шара көпқырлы әлем контекстінде жаһандық қауіпсіздік пен орнықты дамудың өзекті мәселелерін талқылауға мүмкіндік берді. Пікірталас аясында қатысушылар жаһанданудың үдемелі қарқынымен және жаңа технологиялардың дамуымен қатар жүретін халықаралық жүйедегі өзгерістерді талқылады. БҰҰ-ның жаңа сын-тегеуріндерге бейімделуі және ұйымның бейбітшілік пен жаһандық қауіпсіздікті қолдаудағы рөлін одан әрі нығайтудың маңыздылығы де қозғалды.Ақпарат көзі : https://www.gov.kz/memleket/entities/mfa/press/news/details/946557

Абуджа, 2025 жылғы 25 ақпан – Қазақстан Республикасы Сыртқы істер министрінің орынбасары Әлібек Қуантыров Нигерияның Коммуникациялар, инновациялар және цифрлық экономика министрі Босун Тиджанимен кездесу өткізіп, ғарыштық технологиялар, электрондық үкімет және финтех шешімдері саласындағы ынтымақтастық перспективаларын талқылады.Қазақ тарапы цифрлық платформаларды дамыту, электрондық үкіметті енгізу және озық финтех шешімдерін құру тәжірибесімен бөлісуге дайын екенін білдірді. Тараптар бірлескен бастамаларды дамыту және цифрлық салада нақты жобаларды іске асыру жөнінде уағдаласты.Сонымен қатар Алжир Халық Демократиялық Республикасындағы ҚР Елшісі Ануарбек Ахметов Нигерияның Сауда-өнеркәсіп палатасы өкілдерімен кездесу өткізіп, екі елдің бизнес-қоғамдастықтары арасындағы іскерлік байланыстарды жандандыру жолдарын талқылады. Кездесу барысында тараптар қазақстандық және нигериялық компаниялардың өзара нарыққа шығуына жәрдемдесудің механизмін әзірлеу және бірлескен кәсіпорындарды дамыту бойынша бастамаларды қарастыру туралы келісімге келді.«Kazakh Invest» ҰК» АҚ басқарма төрағасының орынбасары Мадияр Сұлтанбек Нигерияның Инвестицияларды дамыту комиссиясы өкілдерімен келіссөздер өткізіп, шетелдік инвестицияларды тарту тәжірибесімен алмасты және ынтымақтастықтың перспективалық бағыттарын талқылады. Сонымен қатар ол Нигерияның Қаржылық интеграция министрлігінің басшылығымен кездесті. Нигерия тарапы даму институттары арқылы қаржыландыру құралдарына және мемлекеттік кәсіпорындарды тиімді басқару модельдеріне ерекше қызығушылық білдірді.Сапар аясында қазақстандық және нигериялық кәсіпкерлер арасында B2B форматындағы кездесулер өтті. Талқылаулар барысында сауда көлемін кеңейту, бірлескен жобаларды іске қосу және өндірісті жергілікті деңгейде дамыту мүмкіндіктері қарастырылды. Келіссөздер энергетика, тау-кен металлургиясы, қаржы, көлік және логистика, сондай-ақ агроөнеркәсіп кешені салаларындағы компаниялардың қатысуымен өтті.Қазақстан делегациясының сапары аясында банкінің АХҚО-да филиал ашуын және исламдық қаржы саласындағы ынтымақтастықты бастауды көздейтін АХҚО мен «Taj Bank Nigeria» арасындағы өзара түсіністік туралы меморандумға және ғарыш қызметі саласындағы бірлескен жобаларды дамытуды көздейтін «Kazakhstan Gharysh Sapary» ҰК» АҚ мен «Suburban Broadband Limited» арасындағы ынтымақтастық туралы меморандумға қол қойылды.Ақпарат көзі : https://www.gov.kz/memleket/entities/mfa/press/news/details/946687

Астана, 2025 жылғы 26 ақпан – Қазақстан Республикасы Сыртқы істер министрінің орынбасары Роман Василенко Эстонияның Қазақстандағы Елшісі Яап Орамен кездесу өткізді.Ынтымақтастықтың динамикалық әрі қарқынды дамуын назарға ала отырып, тараптар екіжақты форматтағы және түрлі халықаралық алаңдардағы әріптестіктің қазіргі жағдайы мен перспективаларын талқылады. Сауда-экономикалық байланыстарды кеңейту, көлік, логистика және цифрландыру саласындағы өзара іс-қимыл мәселелеріне ерекше көңіл бөлінді.Сұхбаттастар 2025 жылғы 23-24 қаңтарда Таллинде өткен Экономикалық және ғылыми-техникалық ынтымақтастық жөніндегі Қазақстан-Эстония үкіметаралық комиссиясының 7-ші отырысының қорытындыларына мұқият тоқталды (ҮАК тең төрағалары – ҚР Көлік министрі М.Қарабаев және ЭР Сыртқы істер министрі М.Цахкна).Министрдің орынбасары іс-шара барысында қол жеткізілген уағдаластықтарды іске асыру Астана мен Таллин арасындағы қатынастарды одан әрі тереңдету үшін маңызды екенін атап өтті.Тараптар ортақ мүдделілік танылатын түрлі салалардағы тығыз өзара іс-қимылды жалғастыруға дайын екенін білдірді. Бұған қоса биік және жоғары деңгейдегі сапарларды дайындау мәселелерін қоса алғанда, 2025 жылға арналған іс-шаралар кестесін талқылады.Кездесу соңында Р.Василенко эстон дипломатын Эстония тәуелсіздігінің 107 жылдығымен құттықтап, оның халқына бейбітшілік, өркендеу мен аманшылық тіледі.Анықтама: 2024 жылы Қазақстан мен Эстония арасындағы сауда көлемі 71,7 млн АҚШ долларын құрады, бұл 2023 жылғы көрсеткіштен (157,5 млн долл.) 54% аз. ҚР-дан экспорт 38,7 млн долл., ҚР-ға импорт 33 млн долл. құрады. 2012 жылдан бері Эстониядан ҚР-ға 98,3 млн АҚШ доллары соммасына тікелей инвестициялар тартылды. 2024 жылғы 9 айдың қорытындысы бойынша Эстониядан Қазақстанға 13,6 млн доллар көлемінде инвестициялар тартылды.Ақпарат көзі : https://www.gov.kz/memleket/entities/mfa/press/news/details/946693

Алматы облысы әкімінің өкімімен Айбол Тиналович Кулбаев 2025 жылғы 26 ақпаннан бастап Алматы облысы дене шынықтыру және спорт басқармасының басшысы лауазымына тағайындалды.Айбол Тиналович 1986 жылы туылған, білімі жоғары, 2008 жылы Қазақ спорт және туризм академиясында «Дене шынықтыру және спорт» мамандығы бойынша бакалавры, 2010 жылы «Дене шынықтыру және спорт» мамандығы бойынша магистрі, 2015 жылы «Дене шынықтыру және спорт» мамандығы бойынша докторы дәрежелерін алған. 2018 жылы Ресей Халықаралық Олимпиадалық университетінде «Спорттағы менеджмент пен маркетинг» мамандығы бойынша қосымша кәсіби білім беру бағдарламасын аяқтаған.Еңбек жолын 2009 жылы Алматы технологиялық университетінің технология-экономикалық колледжінің оқытушысы болып бастаған.Әр жылдары Қазақ спорт және туризм академиясының аға оқытушысы, ғылым, халықаралық байланыс және жоғары оқу орнынан кейінгі білім беру департаментінің директоры, бөлім жетекшісі, ғылым және стратегиялық даму жөніндегі проректоры, Дене шынықтыру және бұқаралық спорт академиясының ғылым және халықаралық ынтымақтастық жөніндегі проректоры лауазымдарында қызмет атқарған.2024 жылдан бастап бүгінгі күнге дейін Қ.Ахметов атындағы олимпиада резервінің республикалық мамандандырылған мектеп-интернат колледжінің директоры лауазымында қызмет атқаруда.Ақпарат көзі : https://www.gov.kz/memleket/entities/almobl/press/news/details/946016

«Заң мен Тәртіп» жобасы шеңберінде 18-23 ақпан аралығында Қостанай қаласының мектеп оқушылары арасында қаржылық пирамидаларға қарсы тұру, вейптердің зияны және жастардың қаржылық сауаттылығын арттыру мақсатында әлеуметтік акция ұйымдастырылды. Бұл шараны Қостанай облысы бойынша Экономикалық тергеп-тексеру департаменті (Қостанай облысы бойынша ЭТТД) балалардың назарын маңызды әлеуметтік мәселелерге аудару үшін шығармашылық арқылы – сурет салу байқауы түрінде өткізді.Қостанай қаласының 120-дан астам оқушысы қаржылық қылмыстардың алдын алу, вейптердің зияны және қаржылық сауаттылықтың маңыздылығы туралы өз ойларын бейнелеген суреттер байқауына қатысты. Олардың жұмыстары қарапайым әрі түсінікті формада ұсынылып, жас қатысушылардың кең аудиторияға өз ойларын жеткізуіне мүмкіндік берді.Конкурсқа қатысушылардың жұмыстары 18-23 ақпан аралығында «Костанай Плаза» сауда ойын-сауық орталығында көрмеге қойылды. Келушілер балалардың шығармашылығымен танысып, қаржылық қауіпсіздік пен зиянды әдеттерге қатысты маңызды тақырыптарды қамтыған суреттерді тамашалай алды. Бұл шара қоғамның әлеуметтік қауіптер туралы хабардарлығын арттыруға, қаржылық қауіптер мен олардың салдары туралы көбірек білуге ынталандыруға ықпал етті.Конкурс қорытындысы бойынша Қостанай облысы бойынша ЭТТД үш жеңімпазды анықтап, оларға Департамент басшысының атынан грамоталар мен Marvin дүкендер желісінен тауар сатып алуға сертификаттар табыстады. Жеңімпаздар өз жұмыстарында өнер мен маңызды әлеуметтік мәселелерді шебер ұштастыра білді.Көрме 23 ақпанға дейін жалғасады. Барлық келушілер оны тамашалап, заманауи қоғамдағы өзекті мәселелер туралы ой қозғап, мектеп оқушыларының қаржылық қауіпсіздік пен зиянды әдеттерге қарсы тұруға бағытталған шығармашылық еңбектерін бағалауға мүмкіндік алады.Ақпарат көзі : https://www.gov.kz/memleket/entities/kostanay/press/news/details/946120

Астана, 2025 жылғы 25 ақпан – Қазақстан Республикасы Сыртқы істер министрінің орынбасары Роман Василенко Қазақстандағы Біріккен Ұлттар Ұйымының Даму бағдарламасының (БҰҰДБ) Тұрақты өкілі Катаржина Вавернямен кездесу өткізді.Сұхбат барысында тараптар БҰҰДБ-мен, оның ішінде өңірлік және екіжақты бастамалар шеңберінде ынтымақтастықтың ағымдағы жағдайы мен болашағын жан-жақты талқылады.Р.Василенко БҰҰДБ-мен жергілікті өзін-өзі басқаруды дамытуға және ҚР мемлекеттік органдарына техникалық қолғабыс көрсетуге бағытталған нақты жобаларды қаржыландыру желісі бойынша өзара іс-қимылдың маңыздылығын атап өтті.Өз тарапынан К.Ваверня өзара іс-қимылдың жоғары динамикасын құптады және ынтымақтастықтың басым бағыттары бойынша одан әрі өзара іс-қимыл жасауға дайын екенін білдірді.Кездесу соңында сұхбаттастар екіжақты және көпжақты ынтымақтастықтың өзекті мәселелері бойынша диалогты қолдауға келісті.Анықтама: БҰҰ Даму бағдарламасы – ҚР аумағында жұмыс істейтін БҰҰ-ның ең ірі агенттігі. Оның қызметі 2021-2025 жылдарға арналған Елдік бағдарламамен және Орнықты даму мақсатында ынтымақтастық туралы келісіммен реттеледі.Елдік бағдарлама ынтымақтастықтың төрт негізгі бағытын қамтиды: әлеуметтік осалдық пен теңсіздік проблемаларын шешу; мемлекеттік мекемелердің тиімділігін арттыру және есептілігін күшейту; экономикалық өсуге жәрдемдесу; климаттың өзгеруіне қарсы күрес және төмен көміртекті дамуға жәрдемдесу.Ақпарат көзі : https://www.gov.kz/memleket/entities/mfa/press/news/details/945971

Қостанай облысының әкімі Құмар Ақсақалов Beijing Jinghanlin Mould Manufacturing Co. Ltd және Hua An International Investment Management LLP қытайлық компанияларының өкілдерімен кездесті. Кездесу барысында өңірде автомобиль өнеркәсібіне арналған алюминийден жасалған дөңгелек дискілерін өндіру мүмкіндігі талқыланды.Beijing Jinghanlin Mould Manufacturing Co. Ltd – Оңтүстік-Шығыс Азия, Латын Америкасы, Еуропа және АҚШ елдеріне алюминий дөңгелек дискілері мен автоқосалқы бөлшектерін экспорттайтын жетекші өндірушілердің бірі. Қазіргі таңда инвесторлар Қазақстанды өндірісті кеңейту үшін әлеуетті аймақ ретінде қарастыруда.Қостанай облысында жаңа кәсіпорынның ашылуы Қазақстандағы автомобиль жасау саласындағы «жергілікті қамту» үлесін арттыруға ықпал етеді. Бұл қадам отандық автопромның бәсекеге қабілеттілігін арттырып, жаңа өндірістік қуаттардың дамуына серпін береді. Өнімнің басым бөлігі экспортқа шығарылуы мүмкін, бұл өз кезегінде өңірдің автомобиль жасау орталығы ретіндегі позициясын нығайтады.Қостанай облысы автомобиль өнеркәсібінің қарқынды дамуының арқасында әлемдік автоқұрауыш өндірушілерінің назарын аударуда. Өңірде жаңа өндірістер үшін қолайлы жағдай жасалған, және бұл бағыттағы жұмыстар жалғасады.Ақпарат көзі : https://www.gov.kz/memleket/entities/kostanay/press/news/details/945702

Үкімет резервінен отандық шаруаларды қолдау үшін 116 млрд теңгеден астам қаражат бөлінді. Премьер-министр Олжас Бектенов тиісті қаулыға қол қойды. Құжат 2025 жылғы 28 қаңтарда өткен Үкіметтің кеңейтілген отырысында Мемлекет басшысының көктемгі егіс пен жиын-терім жұмыстарына кемінде 700 млрд теңге көлемінде жеңілдетілген қаржыландыруды қамтамасыз ету бойынша берген тапсырмасын орындау шеңберінде қабылданды. Атап айтқанда, ауыл шаруашылығы тауар өндірушілерін қолжетімді несие арқылы қолдау және шаруалардың қаржылық жағдайын тұрақтандыру мақсатында қаулыға сәйкес Үкімет резервінен шамамен 116 млрд 772 млн теңге бөлу қарастырылған. Қаражатты 2025 жылғы көктемгі егіс және жиын-терім жұмыстарын сапалы жүргізу үшін, сондай-ақ отандық өндірістегі ауыл шаруашылығы техникасын сатып алу үшін АӨК субъектілерін қаржыландыруға бағыттау жоспарланған. Бұл әрі қарай елде өндірілген және құрастырылған ауыл шаруашылығы техникасын сатып алуды қаржыландыруға, кейін оны лизингке беруге, сондай-ақ «Даму» кәсіпкерлікті дамыту қоры» АҚ тарапынан несие шарттарын кепілдендіру кезінде комиссияны арзандату үшін «Аграрлық несие корпорациясы» АҚ мен «ҚазАгроҚаржы» АҚ облигациялары бойынша купондық сыйақыны субсидиялау арқылы жүзеге асырылады. Еске сала кетейік, Мемлекет басшысының 2024 жылғы 7 ақпанда өткен ҚР Үкіметінің кеңейтілген отырысында берген тапсырмаларын орындау шеңберінде Үкімет 2025 жылғы көктемгі егіс және жиын-терім жұмыстарына қаржыландыру көлемін арттыру мақсатында алғашқы 100 млрд теңгені 2024 жылдың желтоқсанында бөлген болатын.Ақпарат көзі : https://www.gov.kz/memleket/entities/almobl/press/news/details/945329

Ақпарат көзі : https://www.gov.kz/memleket/entities/mfa/press/news/details/948899

Абуджа, 2025 жылғы 24 ақпан – Қазақстан Республикасының Сыртқы істер министрінің орынбасары Әлібек Қуантыров Нигерия Федеративті Республикасының Сыртқы істер министрлігі, Өнеркәсіп, сауда және инвестициялар министрлігі, Мұнай министрлігі және басқа да ведомстволардың басшылығымен кездесулер өткізді. Кездесулер Қазақстан делегациясының ресми сапары аясында өтіп, екі ел арасындағы экономикалық және саяси ынтымақтастықты кеңейтуге бағытталды.Нигерия Сыртқы істер министрлігінің Тұрақты хатшысы Дунома Умар Ахмедпен өткен кездесуде халықаралық алаңдардағы ынтымақтастықты нығайту, БҰҰ, Ислам ынтымақтастығы ұйымы және басқа да көпжақты форматтар аясында диалогты жандандыру мәселелері қаралды. Сонымен қатар тараптар экономикалық ынтымақтастық мәселелерін талқылап, екі елдің бизнес-қоғамдастықтары арасында тікелей өзара іс-қимылды күшейтудің маңыздылығын атап өтті.Қазақстан СІМ басшысының орынбасары Нигериямен байланыстарды дамытудың маңыздылығын атап өтіп, 2025 жылғы қаңтарда Абу-Дабиде екі ел президенттерінің кездесуі ынтымақтастықтың жоғары қарқынын белгілеп, серіктестіктің перспективалық бағыттарын айқындағанын атап өтті. «Сауда байланыстарын нығайту үшін Қазақстан мен Нигерияның бизнес салалары арасында байланыс орнатуды, өзара сауда миссияларын ұйымдастыруды және екіжақты саудаға қатысты мәселелерді бірлесіп шешуді ұсынамыз. Бұл байланыстардың дамуы жаңа іскерлік серіктестік мүмкіндіктерін ашады және екі ел арасындағы экономикалық өзара іс-қимылды күшейтеді», – деді Ә.Қуантыров.Нигерияның Мұнай министрі Хайнекен Локпобиримен кездесу барысында мұнай барлау, өндіру, тасымалдау және өңдеу саласындағы ынтымақтастық талқыланды. Қазақстан мен Нигерия қазақстандық мұнайды Нигерияның мұнай өңдеу зауыттарында өңдеу мүмкіндігін зерттеуге қызығушылық білдірді. Өз тарапынан Нигерияның мұнай ресурстары министрі ынтымақтастыққа жоғары қызығушылық танытып, әлемдегі ең ірі мұнай өндірушілердің бірі мәртебесіне қарамастан Нигерия ішкі қажеттіліктерді қанағаттандыру және мұнай өнімдерінің экспортын ұлғайту үшін шикізаттың қосымша көлеміне мұқтаж болып отырғанын атап өтті.Сапар аясында Нигерияның Газ министрі Экперикпе Экпомен де кездесу өтті. Келіссөздер барысында табиғи газ жеткізу, газ өңдеу технологиялары және қазақстандық компаниялардың Нигерияның газ инфрақұрылымын дамытуға қатысу мүмкіндіктері талқыланды. Нигерия тарапы экологиялық таза технологияларға көшу, көміртегі шығарындыларын азайту және тұрақты экономикалық дамуды қамтамасыз етуге мүдделі екенін атап өтті.Нигерияның Өнеркәсіп, сауда және инвестициялар министрлігінің Тұрақты хатшысы Нура Абба Римимен өткен кездесуде тау-кен саласындағы инвестициялық мүмкіндіктер, атап айтқанда, пайдалы қазбаларды барлау және өңдеу саласындағы ынтымақтастық қарастырылды. Қазақстан тарапы шикізатты өңдеудің инновациялық технологияларын бірлесіп қолдануға және өндірістік қуаттарды бірлесіп құруға қызығушылық білдірді.Қазақстан Нигерияға экспортқа 300-ден астам тауар атауын ұсынды, сондай-ақ Нигериядан какао-бұршақтарын тікелей импорттау мәселесін қарастырды. Екі ел арасындағы тауар тасымалына арналған ықтимал үш сауда дәлізі қарастырылып, ҚР Көлік министрлігімен бірлесіп жұмыс жүргізілуде.Қазақстандық делегация Нигерияның «NEXIM Nigeria» банкі басшылығымен кездесті. Банк елдегі ең ірі экспорттық және импорттық операцияларды қаржыландырады. Келіссөздер нәтижесінде «NEXIM Nigeria» мен Қазақстанның Экспорттық-несиелік агенттігі арасында өзара түсіністік туралы меморандумға қол қою туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa/press/news/details/945204

Қазақстандағы авиациялық туризм жаңа деңгейге көтерілуде. 2009 жылы құрылған Авиациялық туризм федерациясы шағын авиацияны дамытып, көкте қалықтауды армандайтындардың барлығына мүмкіндіктер ашуда. Енді ұйым Шонжы ауылында ауқымды жобаны жүзеге асырып жатыр – жеңіл моторлы ұшақтарға арналған аэродром, ангарлар, жанармай бекеті және қажетті инфрақұрылымы бар заманауи авиациялық алаң құрылмақ. Жоба Ұйғыр ауданы әкімдігінің қолдауына ие болып, әкімдік жер телімін бөлу мен құжаттарды рәсімдеуге көмектесуде.Ал федерация өз кезегінде жобаға атсалысқысы келетін қатысушыларды тартып, авиациялық туризмнің жаңа орталығын құруға күш салуда. Болашақ авиациялық орталықтың орны кездейсоқ таңдалмаған. Шонжы ерекше табиғи жағдайларымен ерекшеленеді: кең ашық кеңістік, ұшып-қонуға қолайлы жер бедері, ауа райының қолайлылығы, яғни желдің әлсіздігі, бұл өз кезегінде ұшулардың қауіпсіздігін арттырады. Сондай-ақ әуеден қарағанда ғажайып табиғи көріністер ашылып, сирек кездесетін флора мен фаунаны, Қызыл кітапқа енген жануарларды көруге мүмкіндік бар.Бұл аймақ авиациялық саяхат әуесқойлары үшін ең тартымды орындардың біріне айналуы мүмкін. Федерация тек аэродром салумен шектелмейді – мұнда авиациялық туризмнің үш бағыты бірден дамытылады: әуе шарлары, парапланеризм және мотодельтапландар. Басты бағыттардың бірі – әуе шарларымен ұшу. Федерацияның тең құрылтайшысы Мирослав Малыхин 2011 жылдан бері әуеде қалықтаумен айналысып келеді. Ол алғашында парапланмен ұшып, Шымбұлақта туристік ұшулар ұйымдастырып, Алматы мен Өзбекстандағы фестивальдерге қатысқан. Уақыт өте келе Қазақстанда әуе шарларын дамыту қажеттігін түсініп, федерациямен бірге бұған ең қолайлы орынды іздеуге кірісті. Оған Каппадокия тәрізді ұзақ уақыт желсіз болатын аймақ қажет болды. Ұзақ іздеуден кейін федерация екі тау арасындағы ерекше жерді тапты, мұнда жылдың көп бөлігінде ауа-райы тұрақты, жел жоқтың қасы. 2025 жылдың қараша айынан бастап бұл жерде аэрологиялық зерттеулер мен сынақтық ұшулар жүргізілуде. Қазіргі таңда ұшулар тек арқанға байланған күйде жүзеге асуда, бірақ барлық ресми рұқсаттар алынған соң, әуе шарлары 1 шақырым және одан да жоғары биіктікке еркін көтерілетін болады. Екінші бағыт – парапланеризм.Шонжы маңында табиғи биіктіктер болмағанымен, федерация бұл мәселені шешудің жолын тапты – парапландарды жоғары көтеру үшін арнайы лебедка орнатылады. Үшінші бағыт – мотодельтапландар. Федерация бұл әуе көлігін дамытуға ерекше көңіл бөлуде. Қонақтар тек әуеде ұшып қана қоймай, өздерінің әсерлі сәттерін GoPro камерасымен жазып, естелік ретінде сақтай алады. Шонжыдағы аэродром құрылысы авиациялық туризмді дамытудағы маңызды қадам болмақ. Әкімдіктің қолдауымен федерация жер телімін алып, оны абаттандыру жұмыстарын жүргізуде. Алдағы уақытта жеңіл моторлы ұшақтарға арналған ұшу-қону жолағын салу, ангарлар мен техникалық қызмет көрсету аймақтарын жабдықтау, сондай-ақ ұшқыштар мен туристерге ыңғайлы инфрақұрылым жасау жоспарлануда. Коммерциялық ұшулар басталғаннан кейін барлық табыс жобаны одан әрі дамытуға жұмсалады.Авиациялық туризм федерациясы бұл жобаның Қазақстандағы шағын авиацияны дамытуға серпін беретініне сенімді. Шонжы әуе шытырман оқиғаларының орталығына айналып, адамдарға биіктен әлемді тамашалауға, еркіндікті сезінуге және ұмытылмас әсер алуға мүмкіндік береді. Енді аспан баршаға ашық - ол бұрынғыдан да жақын!Ақпарат көзі : https://www.gov.kz/memleket/entities/almobl/press/news/details/944498

Астана, 2025 жылғы 24 ақпан – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Француз Республикасының Қазақстандағы Елшісі Сильван Гиогемен кездесті.Сұхбат барысында саяси, сауда-экономикалық және мәдени-гуманитарлық салалардағы қазақ-француз ынтымақтастығының қазіргі жағдайы мен даму перспективалары талқыланды.Сұхбаттастар өткен жылы атқарылған жұмыстарды қорытындылап, ҚР Президенті Қасым-Жомарт Тоқаевтың 2024 жылғы қарашада Францияға мемлекеттік сапары барысында, сондай-ақ екі мемлекет басшыларының 2024 жылғы желтоқсанда Эр-Риядта (Сауд Арабиясы) өткен «One Water Summit» саммитіне қатысуы нәтижесінде қол жеткізілген уағдаластықтарды жүзеге асырудың маңыздылығын атап өтті.Тараптар индустриялық даму, энергетика, логистика, ауыл шаруашылығы, денсаулық сақтау, білім және мәдениет салаларындағы Қазақстан-Франция ынтымақтастығын ілгерілетудегі қол жеткізілген жетістіктерді құптады.Сонымен қатар 2025 жылға жоспарланған өзара сапарлар мен екіжақты іс-шаралар кестесін қарастырып, өңірлік және жаһандық қауіпсіздіктің өзекті мәселелері бойынша пікір алмасты. Қазақстан мен Франция арасындағы ЕО, БҰҰ және басқа да халықаралық ұйымдар аясындағы ынтымақтастықты нығайтудың маңыздылығын атап өтті.Кездесу соңында тараптар Астана мен Париж арасындағы стратегиялық серіктестікті барлық салаларда одан әрі тереңдетуге өзара бейілділігін растады.Қазақстан – Францияның Орталық Азиядағы негізгі сауда-экономикалық және инвестициялық серіктесі. 2024 жылы екі ел арасындағы тауар айналымы 31%-ға өсіп, 5,5 млрд АҚШ долларына жетті. Францияның Қазақстан экономикасына салған инвестициясының көлемі шамамен 20 млрд долларды құрайды. Қазақстанда француз капиталының қатысуымен 200-ден астам компания жұмыс істейді.Ақпарат көзі : https://www.gov.kz/memleket/entities/mfa/press/news/details/944761

Астана, 2025 жылғы 24 ақпан – Қазақстан Республикасы Сыртқы істер министрінің орынбасары Роман Василенко Астанаға сапармен келген Хорватия Саборының (парламент) депутаттарымен кездесті. Делегацияны «Хорватия Демократиялық Одағы» партиясының депутаты Санда Ливия Мадуна басқарды.Кездесу барысында парламентаралық байланыстарды нығайту, саяси және сауда-экономикалық ынтымақтастықты кеңейту, халықаралық ұйымдар шеңберінде, оның ішінде ЕҚЫҰ және Еуропа Кеңесімен өзара іс-қимыл мәселелері талқыланды.Астана мен Загреб арасындағы қарым-қатынастарды тереңдетуге ықпал ететін биік және жоғары деңгейдегі өзара сапарлардың маңыздылығына ерекше назар аударылды.Министрдің орынбасары Қазақстанның Балқан аймағындағы негізгі серіктестерінің бірі – Хорватиямен қатынастарды тереңдетуге қызығушылығын растады. Хорватия депутаттарының сапары парламентаралық байланыстарға жаңа мүмкіндіктер ашатыны аталып өтті.Өз кезегінде Хорватия Саборының делегациясы сапардың екіжақты қатынастардың әлеуетін жан-жақты зерделеуге тамаша мүмкіндік беретінімен келісіп, Қазақстанмен белсенді ынтымақтастықты ілгерілетуге қолғабыс көрсетуге дайындығын білдірді.Қазақстан мен Хорватия арасындағы тауар айналымы 2024 жылы 282 млн АҚШ долларын құрады, оның ішінде экспорт – 254 млн долл., импорт – 28 млн долл. Қазақстанда хорват капиталымен 18 компания тіркелген, олар құрылыс, тамақ өнеркәсібі, қызмет көрсету, кәсіби және ғылыми-техникалық салаларында қызмет атқарады. Ақпарат көзі : https://www.gov.kz/memleket/entities/mfa/press/news/details/944835

20 ақпанда қалалық кеңістіктердің болашағына арналған UK Future Spaces халықаралық форумы өтті.Форумға қазақстандық бизнес өкілдері мен инвесторлар қатысты.Алматы облысының әкімі Марат Сұлтанғазиев құттықтау сөз сөйледі:«Алматы облысы бай мәдени мұрасымен және бірегей табиғи ресурстарымен танымал. Географиялық ерекшеліктері мен Ежелгі Жібек жолы бойындағы орналасуы аймақты инвестициялық тұрғыдан тартымды және туристік жағынан танымал етеді. Облыс аумағында британдық және бірлескен капиталдың қатысуымен 12 кәсіпорын жұмыс істейді. Аймақтың сыртқы сауда айналымы 3,6 млрд АҚШ долларына жетіп, экспорт 12,1%-ға өсіп, 819,4 млн АҚШ долларын құрады.Алматы облысында 2,5 трлн теңге сомасына 114-тен астам инвестициялық жоба жүзеге асырылуда, олардың ішінде девелоперлік жобалар, көлік инфрақұрылымы және тұрақты құрылыс бар. Өңірде бір арнайы экономикалық аймақ (АЭА) және сегіз индустриялық аймақ жұмыс істейді. Инвесторларға ұсынылатын мүмкіндіктер:• салықтық жеңілдіктер және арнайы экономикалық аймақтар;• мемлекеттік-жекеменшік әріптестік (МЖӘ) механизмдері;• жобаларды қолдау және қаржыландыру бағдарламалары.Жаһандық үрдістер құрылысқа жаңа тәсілдерді талап етеді. 2050 жылға қарай әлем халқының 70%-дан астамы қалаларда тұрады, бұл сәулетшілерге, девелоперлерге және мемлекеттік жоспарлаушыларға үлкен жауапкершілік жүктейді. "Ақылды" қалалар құру, инфрақұрылымды цифрландыру, процестерді автоматтандыру, жасыл сәулетті дамыту, көміртек ізін азайту және жаңартылатын энергия көздерін енгізу маңызды. Бұл бастамалар жаңа Алатау қаласында жүзеге асырылады.Аймақ басшысы форум жаңа идеялар, табысты жобалар және ұзақ мерзімді әріптестік алаңы болатынына сенім білдірді.Форум аясында әкім Ұлыбритания елшісі Кэти Лич бастаған британдық делегациямен, сондай-ақ бизнес өкілдерімен жеке кездесулер өткізді. Олардың қатарында Infrastructure Exports: UK тең төрағасы Стюарт Синиор, Zaha Hadid Architects компаниясының басшысы Патрик Шумахер және Gillespies компаниясының негізін қалаушы Джим Диггл болды.Ұлыбританияның Қазақстандағы елшісі Кэти Лич форумға Ұлыбританияның 25-тен астам танымал сәулетшісі қатысып жатқанын атап өтті. Олардың кейбірі қазірдің өзінде Қазақстанда жұмыс істеп жатыр. Британдық сәулетшілер өз жобаларын Қазақстанда, оның ішінде Алматы облысында жүзеге асыруға үлкен қызығушылық танытуда.Аймақ басшысы құрылыс және сәулет саласындағы мамандар үшін форумның маңыздылығын атап өтті. Форумда ұсынылған ақпарат отандық мамандардың көзқарасын кеңейтіп, шығармашылық идеяларды дамыту мен жүзеге асыруға ықпал етеді. Сонымен қатар, қатысушы компаниялар тек жобалар ұсынып қана қоймай, материалдар мен жиынтықтауыштарды жеткізу, тіпті нысандарды толық іске асыру бойынша да қызмет көрсете алады.Кездесулер барысында Алатау қаласында білім беру орталықтары мен ғылым қалашығын салу, сондай-ақ туризмді дамыту мәселелері талқыланды.Келесі кездесу құрылыс және инфрақұрылым саласында 40 жылдан астам тәжірибесі бар британдық маман Стюарт Синиормен өтті. Ол Gleeds компаниясының тәуелсіз директоры және оның стратегиялық дамуы мен инновацияларына жетекшілік етеді. Келіссөздер барысында екі ел мамандарының қатысуымен жаңа жобалар мен шығармашылық идеяларды бірлесіп жүзеге асыруға арналған жобалық кеңсе құру мәселелері қаралды.Одан кейін Zaha Hadid Architects жетекшісі Патрик Шумахермен кездесу өтті. 500-ден астам кәсіби маман жұмыс істейтін бұл сәулет және дизайн студиясы әлемдік деңгейде танымал. Патрик Шумахер сәулет, урбанистика және дизайн саласындағы ең көрнекті ойшылдардың бірі ретінде танылған. Алматы облысы әкімдігімен өткен келіссөздер барысында жеке капиталды тарта отырып, бастамашыл жобаларды жүзеге асыру мүмкіндігі қарастырылды, бұл бюджетке түсетін жүктемені азайтуға мүмкіндік береді.Форум аясындағы қорытынды кездесу Gillespies компаниясының басқарушы серіктесі Джим Дигглмен өтті. Ол 30 жылдан астам тәжірибесі бар және Еуропа, Таяу Шығыс, Азия және Африкадағы ірі халықаралық жобаларға қатысқан. Келіссөздер барысында көлденең көгалдандыру және ғимараттарға қойылатын талаптарды жобалау кезеңінде әзірлеу мәселелері талқыланды.Сондай-ақ, Алатау қаласының әкімі Аркен Өтенов Arup компаниясының ғаламдық инфрақұрылым директоры Лорна Болл және Arup Türkiye көлік бизнесінің жетекшісі Эмре Шимшекпен келіссөздер жүргізді. Олардың Ұлыбритания, Дания, Испания, Литва, Грузия, Өзбекстан және Қазақстандағы жобаларда тәжірибесі бар.Кездесу барысында ынтымақтастықты одан әрі дамыту және өңірде инновациялық сәулет шешімдерін жүзеге асыру мәселелері қарастырылды.Айта кету керек, UK Future Spaces форумы қалаларды тұрақты дамытуға және Қазақстанға халықаралық инвестицияларды тартуға ықпал ететін озық урбанистикалық және сәулет шешімдерін талқылауға арналған маңызды алаңға айналды.Ақпарат көзі : https://www.gov.kz/memleket/entities/almobl/press/news/details/943809