Бүгін облыс әкімі Нұрлыбек Нәлібаевтың қатысуымен сол жағалаудан бой көтерген, әлеуметтік осал топтағы азаматтарға арналған 280 пәтерлік 7 тұрғын үйді иелеріне табыстау рәсімі өтті. Салтанатты шараға жауапты сала басшылары, зиялы қауым өкілдері мен қала тұрғындары қатысты. Аймақ басшысы жаңа қоныс иелеріне құттықтауын жеткізді.«Биыл ұлтымыздың тарихи «Қазақ» атауының қайтарылғанына, Қызылорданың Қазақ елінің астанасы болғанына 100 жыл, бұл мереке кең көлемде аталып өтуде.Мемлекет басшысының қолдауымен мерейлі жыл аясында аймағымызда сәулеті келіскен, әсем де заманауи ғимараттар бой көтеріп, саябақтар мен аллеялар қайта жаңғыртылып, жолдарымыз кеңейіп келеді. Бүгін жерлестеріміздің баспаналы болу қуанышына ортақтасып, пәтер кілтін табыстау рәсіміне жиналдық. Аймағымызда халқымыздың тұрмыстық жағдайын жақсартуға бағытталған маңызды ірі инфрақұрылымдық жобалар іске асырылуда.Соңғы үш жылда қаржыландырудың барлық көзінен 2 млн. 500 мың шаршы метр тұрғын үй пайдалануға берілді. Кезекте тұрған халықтың әлеуметтік осал топтарына, жалғыз баспанасы апатты деп танылған азаматтарға 5 мыңнан астам пәтер (5148) сатып алынып, 25 мыңға жуық тұрғын қоныс тойын тойлады.Аудан орталықтарында жаңадан салынған 1500-ге жуық пәтер табысталды.Аймағымыздың ажарын айшықтап, сәулетіне сән қосатын, өңіріміздің өсіп-өркендеуіне жаңаша серпін беретін құрылыс индустриясын дамытуда құрылысшыларымыздың үлесі орасан зор. Баспаналы болу әрбір отбасыны жақсылыққа жетелейді. Қоныстарыңыз құтты болсын!», – деді Н.Нәлібаев.Салтанатты рәсімде пәтер иелеріне қуаныш сыйлап, тұрғын үйлердің құрылысын сапалы жүргізген мердігер мекеме «Мелиоратор» ЖШС-нің құрылысшыларына облыс әкімінің алғыс хаты табысталып, Қызылорда облысының құрметті азаматы Ибрагим Әбибуллаев батасын берді.Биыл тұрғын үй құрылысы мен жеке салушылардан 3 800 дайын пәтерді сатып алуға бюджеттен 58 млрд. 785 млн. теңге бөлінді. Қаржыландырудың барлық көзінен 870 мың шаршы метр тұрғын үй беріледі.Ерекше атап өту қажет, өткен жылдан бастап қаламызда заманауи жаңа дизайнмен 7, 9, 12 қабатты тұрғын үйлер бой көтеруде.Ақпарат көзі : https://www.gov.kz/memleket/entities/kyzylorda/press/news/details/1069733?lang=kk

Қазір мемлекеттік сатыпалымның барлық процесі (жоспарлаудан бастап төлемге дейін) www.goszakup.gov.kz веб-портал арқылы электронды форматта жүзеге асырылып келеді. Бұл барлық бизнес-процесті толық автоматтандыруға жол ашты.Электронды формат барлық рәсімді қамтиды: сатыпалымды жүргізу, келісімшарттар жасау және тіркеу, электронды банк кепілдіктерін пайдалану, тауарларды жеткізу, жұмыстарды орындау және қызметтерді көрсету актілерін рәсімдеу, электронды шот-фактуралар және төлем шоттары.Веб-порталдың мемлекеттік органдардың ақпарат жүйелерімен ауқымды интеграциясы әлеуетті өнім берушілердің біліктілік талаптарына сәйкестігін, салық және сот берешегінің бар-жоқтығын, сондай-ақ жосықсыз өнім берушілер тізімінен автоматты түрде тексеруге мүмкіндік берді. Бұл ашықтықты айтарлықтай арттырып, адами фактордың алдын алуға септесті.Global Data Barometer халықаралық зерттеуіне сүйенсек, Қазақстанның сатыпалым жүйесі қолжетімділік пен ашықтық көрсеткіші жағынан әлемде 3-ші орында тұр.2025 жылдың 1 қаңтарынан бастап «Мемлекеттік сатып алу туралы» Заң күшіне енді. Осы реформаға сәйкес сатыпалымның барлық түрін біріктіретін Бірыңғай сатып алу платформасын құру көзделді: мемлекеттік және квазимемлекеттік сектор субъектілерінің, ұлттық әл-ауқат қорларының, сондай-ақ білім беру ұйымдарындағы тамақтандыру мәселелеріне байланысты және басқа да сатыпалымдар.Бірыңғай сатып алу платформасы «Электрондық қаржы орталығы» АҚ базасында жасалып, қолданыстағы goszakup.gov.kz, zakup.sk.kz және mitwork.kz жүйелерімен интеграцияланды. Сонымен қатар платформа сот кабинеті, «Қазынашылық-клиент», борышкерлер тізімі, жылжымайтын мүлік тізімі, «Е-лицензиялау» жүйесі және т.б. қоса алғанда, 20-дан астам мемлекеттік ақпарат жүйесімен де біріктірілгенін айта кетейік.Бірыңғай платформаның іске қосылуы реттелетін сатыпалымның барлық түріне ашық, жайлы және бірыңғай қолжетімділікті қамтамасыз етті. Тың тетік өндірушілер арасындағы бәсекелестік деңгейін арттырып, заңсыз практикалардың сын-қатерін азайту мен бюджет қаражатын неғұрлым тиімді пайдалануға мүмкіндік береді.Ақпарат көзі : https://www.gov.kz/memleket/entities/minfin/press/news/details/1069798?lang=kk

Бүгін облыс әкімі Нұрлыбек Нәлібаев балалардың жол қауіпсіздігі бойынша шұғыл жиналыс өткізді. Оған құқық қорғау органдарының, облыстық басқармалармен департамент басшылары, қала және аудан әкімдері қатысты.Аймақ басшысы жеке балабақшаның тасымал көлігінің жол-көлік оқиғасына ұшырауы жауапты сала басшыларының жұмысты дұрыс үйлестірмеуінен болғанын қатаң сынға алып, тиісті шара қабылдауды тапсырды.«Бұған дейін жеке және мемлекеттік балабақшалардағы, мектептердегі тасымал мәселесі, балалардың жол қауіпсіздігі бойынша қала және аудан әкімдеріне, полиция департаментіне, білім басқармасына бірнеше рет тапсырмалар берген болатынмын.Дегенмен, жұмыс әлі күнге дейін өз деңгейінде дұрыс ұйымдастырылмады.Жеке балабақшалардың тасымал көліктерінде орын алып жатқан заңбұзушылықтар полиция органдары тарапынан бақылаудың жоқтығын көрсетеді.Қызылорда қаласы мен барлық ауданда ашылған Жедел басқару орталықтарының, әсіресе патрульдік полицияның жұмысын күшейту қажет. Балалардың қауіпсіздігіне қатысты жағдайды қатаң бақылауда ұстаңыздар!Өңіріміздегі барлық білім беру ұйымындағы тасымал мәселесін шұғыл түрде жан-жақты тексеріп, талаптарға сай келмейтіндерді анықтап, тиісті шаралар қабылдаңыздар.Жол қауіпсіздігін, оның ішінде білім беру ұйымдары аумағындағы қауіпсіздікті қатаң бақылауға алып, тұрақты түрде рейд ұйымдастырыңыздар», – деді Н. Нәлібаев.Жиналыста облыстық полиция департаментінің бастығы Серік Ергешов баяндама жасады.ІІМ бекіткен бұйрыққа сәйкес, балалар тасымалымен айналасатын көліктер екі есікті, ұстау құрылғысы және «Балалар тасымалы» деген жазуы бар, сары түсті жарқылдауық маякпен жабдықталған болуы тиіс.Осы бұйрықтың орындалуын тексеру барысында 29 заңды тұлғаға қатысты ҚР ӘҚБтК-нің 474-бабымен әкімшілік хаттама рәсімделіп, 75 көлік айып алаңына қойылса, 58 көліктің мемлекеттік белгісі тәркіленді.Жыл басынан тасымалдау ережесін бұзған жүргізушілерге қатысты 800-ге жуық әкімшілік құқықбұзушылық анықталып, тиісті шаралар қабылданды. Рейд жыл аяғына дейін жалғады.Сондай-ақ, жиналыста білім, мәдениет, спорт басқармаларына, Қызылорда қаласы және аудан әкімдеріне балалардың қауіпсіздігін тек білім беру ұйымдарында ғана емес, спорттық, мәдени-көпшілік шараларға қатысқан кезде де қатаң бақылауға алу міндеттелді.Ақпарат көзі : https://www.gov.kz/memleket/entities/kyzylorda/press/news/details/1069466?lang=kk

2026 жылдың қаңтар айынан бастап Қазақстанда жаңа Салық кодексі күшіне енеді. Аталған реформаны түсіндіру үшін Қаржы министрлігі Мемлекеттік кірістер комитетімен бірлесіп, еліміз бойынша ақпараттық іс-шараларды өткізіп келеді. Осы жұмыс аясында Атырауда кезекті семинар өткізіліп, онда бизнеске салық салу үрдісіндегі инновациялар мен өзгерістер жайлы түсіндіріліп, кәсіпкерлер салықтық реттеудің жаңа жағдайына дұрыс бейімделудің жолдарына қанықты.Атырау облысында мұнай-газ саласы, көлік инфрақұрылымы мен өңдеу өнеркәсібі жақсы дамыған. Сондықтан да бұл өңір Қазақстан экономикасында маңызды орын алады. Аталған аймақта ірі мұнай кен орындары – Теңіз және Қашаған орналасқан. Жұмыс тиімділігін арттыру үшін өндіруші компаниялар қажетті жабдықтар мен көрсетілетін қызметтерді орындайтын (мердігерлік жұмыстарды іске асыратын) шағын және орта бизнеске сүйенеді. Сол себепті семинарда ШОБ салық салу мәселелеріне ерекше назар аударылды.Жаңа заңға сәйкес декларация негізінде жеңілдетілген арнайы салық режімі (АСР) енгізіледі. АСР табысы 600 мың АЕК (шамамен 2,4 млрд теңге) дейінгі ШОБ субъектілеріне арналып, әкімшілік жүктемені төмендетуге бағытталған: есеп тапсыру жеңілдеп, аталған режімге ЖК ретінде міндетті тіркеусіз ауысуға мүмкіндік беріледі.Бұдан басқа ҚҚС бойынша міндетті тіркеу шегі - 10 000 АЕК (шамамен 40 млн теңге) дейін азайтылды, бұл төлеушілердің шеңберін кеңейтеді. Сондай-ақ реформа есептілік көлемін 30% және салықтарды 20% дейін азайтуды көздейді. Кодексте кәсіпкерлерден берешекті өндіріп алудың неғұрлым икемді және жұмсақ тәртібі қарастырылып отыр. Егер де қарыз мөлшері аз болса, компаниялардың шоттары автоматты түрде бұғатталмайды. Бұл бизнеске операцияларды тоқтатпай қызметін жалғастыруға мүмкіндік береді. Қатаң шаралардың орнына алдын ала ескертулер мен хабарламалар жіберу тәсілі қолданылады. Кемшіліктер тек жүйелі түрде байқалған жағдайда ғана кезең-кезеңімен өндіріп алу тетігі енгізіледі. Бұл амал шағын және орта бизнеске қысымды төмендетіп, кәсіпорындарға орнықты жұмысты істеуге жол ашады.Салық реформасы жүйені жаңартумен бірге оның әділдігін арттырып, бизнеске дамуға мүмкіндік береді. Келесі семинар 17 қыркүйекте Талдықорған қаласында өтеді.Ақпарат көзі : https://www.gov.kz/memleket/entities/minfin/press/news/details/1068301?lang=kk

Қазақстанда Baqylauda арнайы цифрлы сервисін енгізуге байланысты жұмыс жалғасып келеді. Аталған платформа онлайн режімде мемлекеттік қолдау түрлерін толық көруге мүмкіндік береді. Ведомство мемлекеттік қолдау түрлерін жедел қадағалау үшін олардың барлығын (бүгінде олардың жүзден астам түрі бара) біріктірді: мемлекеттік қаражат нақты қайда жұмсалып жатыр және оның нәтижесі қандай? Бұл тәсіл мемлекеттен бөлінетін қаражаттың тиімділігін арттыруы тиіс.ҚР Қаржы министрлігі Baqylauda сервисін Qoldau.kz (https://baqylauda.qoldau.kz) цифрлы платформасында орналастырды. Бүгінде жүйеге кейінгі 10 жылдағы мемлекеттік қолдау шаралары туралы деректер жүктеліп жатыр. Осы жұмыс аяқталған бойда арнайы талдау мемлекеттік қолдау құралдарының тиімді немесе тиімсіз екенін көрсетеді. Аталған жүйенің көмегімен жеңілдіктердің, субсидиялардың немесе басқа да құралдардың тиімділігін, оларды жекелеген салалар бойынша, операторлар және белгілі бір қолдау алушы кәсіпорын деңгейіне дейін «масштабтау» арқылы тексеріп, бағалауға болады.Кейінгі екі жылдағы мәліметтер әлі жүктелмегеніне қарамастан қазір жүйеде өзекті аналитикалық мәліметтер бар. Мәселен, 9 жылдың ішінде (2015 жылдан 2023 жылға дейін) мемлекеттік қолдау көлемі 9,94 трлн теңге мөлшерінде болған. Осы ретте бюджеттегі айтарлықтай шығын «ковид» кезеңінде «Жұмыспен қамту жол картасы» жобасына бөлінген кезде байқалған, шығын мөлшері шамамен – 973 млрд теңге. Екінші орында аграрлық секторға арналған техника мен жабдықтарды жеңілдетілген лизингпен алуға арналған шығындар тұр – 920 млрд теңге. Үшінші орынды ауыл шаруашылығы саласы түйіндеп тұр – асыл тұқымды мал шаруашылығын дамытуға 675 млрд теңгеден астам қаражат жұмсалды. Сол секілді ауыл шаруашылығына қатысты тағы бір бағдарлама – «Кең Дала» бойынша 650 млрд теңге жұмсалған.«Көптеген компания, әсіресе аграрлық салада түрлі мемлекеттік бағдарламалар мен қолдау шараларын алып, пайдаланады немесе сан алуан операторлар мен түрлі министрліктер арқылы қолдауға ие болады. Бүгінгі күнге дейін бірыңғай база болған жоқ. Сондықтан да бұл шығыстардың тиімділігін бағалау қиынға соқты. Енді мемлекет мұны анық байқайтын болады. Айталық, салық бойынша, өнімділік жағынан, сондай-ақ жұмыс орындарын ашу сынды көрсеткіштер бойынша өсімі жоқ, бірақ жылма-жыл ондаған млн теңге алатын компанияға қолдау көрсету қаншалықты дұрыс?!», деді Қаржы вице-министрі Әсет Тұрысов.Оның айтуынша, Baqylauda электронды сервисі – бірінші деңгейлі жүйе. Ол кәсіпкерді тексеріп, оның белгіленген критерийлерге сәйкестігін бағалайды. Қазір онда төрт негізгі стоп-фактор жұмыс істеп тұр: терроризмді қаржыландыруға байланысты адамдардың тізімде бар-жоқтығы, жалған кәсіпкерлік белгілерінің болмауы, банкроттық фактілері, сондай-ақ бұрын алынған мемлекеттік қолдау шаралары бойынша орындалмаған міндеттемелер. Мұндай факторлар болған жағдайда – жүйе бұл ақпаратты көрсетілетін қызметті берушіге, яғни мемлекеттік органға немесе операторға көрсетеді. Мысалы, Ауыл шаруашылығы министрлігі немесе Азық-түлік корпорациясына. Өз кезегінде қызмет көрсетуші бизнесті мақұлдау туралы немесе мемлекеттік қолдаудан бас тарту туралы шешімді дербес қабылдайды.«Әлбетте, мысалы ауыл шаруашылығында көп нәрсе ауа-райына, нарықтағы құбылмалыққа байланысты екенін жақсы түсінеміз. Бірақ бағалау бір жылда емес, бірнеше жылдан кейін жүргізіледі. Сонымен қатар жүйе экономика салаларының көрсеткіштерін бағалап, тұтастай ескеріп нәтиже шығарады», деп түсіндірді Әсет Нұрланұлы.Мемлекеттік қолдау шараларын пайдалану мен оларды алатын тұлғаларға мониторинг жасайтын Baqylauda сервисі ҚР Президентінің «Экономиканы ырықтандыру жөніндегі шаралар туралы» 2024 жылдың 8 мамырдағы №542 Жарлығын орындау үшін кәсіпкерлікке мемлекеттік қолдау шараларына ашық және тең қолжетімділікті қамтамасыз ету және базалық өлшемдерге сәйкес мемлекеттік қолдау шараларын алушыларды іріктеу рәсімін автоматтандыру үшін іске асырылды.Осы жобаны Қаржы министрлігіне қарасты «Ақпараттық-есепке алу орталығы» АҚ-ның мамандары әзірлеп шыққан.Ақпарат көзі : https://www.gov.kz/memleket/entities/minfin/press/news/details/1066597?lang=kk

ҚР Қаржы министрлігі жаңа Салық кодексінің ережелерін түсіндіруге байланысты жүйелі жұмысты қолға алып, реформа жайлы кәсіпкерлер мен халықты құлақтандырып келеді. Ведомство бизнес өкілдерімен кездесу арқылы енгізілетін жаңашылдықтар жөнінде ақпарат жеткізіп, тиісті нормалардың практикалық қолданысқа және реформаның артықшылықтарына баса мән беруде. Осы жұмыстың аясында Түркістан облысында «Атамекен» ҰКП қолдауымен 2026 жылы күшіне енетін Салық кодексінің ережелерін түсіндіруге арналған көшпелі семинар өтті.Жиынға ҚМ Мемлекеттік кірістер комитеті төрағасының орынбасары Жәнібек Нұржанов пен МКК қызметкерлері қатысты.Статистикалық мәліметтерге сүйенсек, Түркістан облысында әлеуметтік-экономикалық дамудың тұрақты серпіні байқалып келеді. Биылғы қаңтар-шілде аралығында өңірде өнеркәсіп өндірісінің көлемі қазіргі бағамен шаққанда 852 050,6 млн теңгеге жетіп, былтырғы кезеңмен салыстырғанда 12, 3% артқан. Ал өңірлік жалпы өнім көлемі (биылғы қаңтар-наурыз айларында) 1 053 912,6 млн теңгеге жетіп, нақты өсім 9,1% межесінде байқалды. ӨЖӨ құрылымында тауар өндірісінің үлесі 37,1%, ал көрсетілетін қызметтердің көлемі 57,7% көрсеткен.Кәсіпкерлер үшін ерекше маңызды өзгерістердің бірі – ҚҚС әкімшілендіру ісін жетілдіру мен корпоративті табыс салығы әрі ҚҚС бойынша сараланған мөлшерлемелерге көшуге байланысты болып отыр. ҚҚС әкімшілендіру ісін жетілдіру рәсімдерді жеңілдетіп, әкімшілік жүктемені азайту мен бизнес пен мемлекет арасындағы даулы жағдайларды барынша төмендетуге бағытталған. Бұл компанияларға уақыт пен ресурстарды үнемдеп, өз істерін дамытуға назар аударуға мүмкіндік береді.«Корпоративті табыс салығы мен ҚҚС бойынша сараланған мөлшерлемелерді енгізу салалардың ерекшеліктері мен кәсіпорындардың табыс деңгейін ескеретін неғұрлым икемді тәсілді қарастырады. Мұндай тетік әділ салық жүйесін орнатып, шағын және орта бизнесті қолдауға, сондай-ақ экономиканың басым секторларын дамытуға жол ашады», деді Ж.Нұржанов.Семинарға өңірдің шамамен 400 кәсіпкері мен БАҚ өкілдері қатысты.Келесі семинар 27 тамызда Шымкент қаласында өтеді.Ақпарат көзі : https://www.gov.kz/memleket/entities/minfin/press/news/details/1057142?lang=kk

Жаңа Салық кодексі кәсіпкерлердің қызметін айтарлықтай жеңілдетуді көздейді. Осы арқылы әкімшілік жүктеме мен өткізілетін есеп түрлері азайып, цифрлы сервистер енгізілетін болады. Бұл бизнеске артық бюрократиядан арылып, ашық және тиімді жұмыс істеу арқылы кәсіпті дамытуға мүмкіндік береді. Саладағы өзгерістер жайлы кәсіпкерлерді құлақтандыру үшін ҚР Қаржы министрлігі ағартушылық бағыттағы семинарлар мен кездесулерді өткізіп келеді. Осындай іс-шаралардың бірі Қызылордада «Атамекен» ҰКП-ның қолдауымен ұйымдастырылып, оған облыстың іскер азаматтары жиналды. Қасиетті Сыр өңірінің тұрғындары көкейдегі сұрақтарын қойып, заңда қарастырылған негізгі жаңашылдықтар жөнінде біле алды.Семинарда Қаржы министрлігі Мемлекеттік кірістер комитеті төрағасының орынбасары Жәнібек Нұржанов салықтық әкімшілендірудегі өзгерістер туралы, сондай-ақ бизнеске жүктемені азайту мен салық төлеушілерге рәсімдерді жеңілдету жөнінде айтып берді. Бұған қоса цифрландыру мен кәсіпкерлік қызметке заманауи сервистерді енгізу мәселелеріне ерекше назар аударылды.Қызылорда – минералды-шикізат ресурстарының мол қоры сақталған облыстардың бірі, мұнда әсіресе уран өндіру мен мұнай-газ өнеркәсібі жолға қойылған. Сол себепті семинарда өндіруші компанияларға салық салу мәселелеріне баса мән берілді. Сарапшылар шикізат секторындағы салықтарды есептеудің жаңа тәсілдерін түсіндіріп, ережелердің ашықтығы мен болжамдылығын, сондай-ақ олардың бизнесте ұзақмерзімді жоспарлаудағы маңыздылығын атап өтті.Ж.Нұржанов айтқандай, жаңа реформаға сәйкес нақты жүргізілген шығыстарды есепке алу есебінен салық салынатын базаны азайтуға септесетін корпоративті табыс салығы (КТС) бойынша шегерімдер қарастырылған. Бұған еңбек шығындары, негізгі құралдардың амортизациясы, маркетингтік науқандар, қызметкерлерді оқыту мен басқа да операциялық шығындар жатады.Қосылған құн салығын (ҚҚС) оңтайландырудың негізгі тетіктерінің бірі тауарларды, жұмыстарды және қызметтерді сатып алу кезінде төленген кірістен ҚҚС есепке алу құқығы болып саналады. Бұл шығыстар құжатталған әрі заң талаптарына сәйкес болған жағдайда бизнеске бюджетке төленетін салық сомасын азайтуға жол ашады. Сонымен қатар ҚҚС төлеуші ретінде дұрыс және уақтылы тіркелу қосарланған салықтан сақтанып, жеткізу тізбегінің барлық кезеңінде салық жүктемесін оңтайландыруға көмектеседі.«Салық жүйесіндегі өзгерістер мемлекет пен бизнестің мүдделері арасындағы балансты сақтауға бағытталған. Бұдан басқа жаңа заң электронды сервистердің қолданылуын кеңейтіп, салық есептілігін автоматтандыруды және кәсіпкерлердің мемлекеттік кірістер органдарымен өзара байланысын бірыңғай платформаның көмегімен реттеуді көздейді. Бұл компанияларға уақытты үнемдеуге, құжаттардың қайталануын болдырмауға және бюрократиялық кедергілерден құтылып, кәсіптерін дамытуға септігін тигізеді», деді ҚР ҚМ Мемлекеттік кірістер комитеті төрағасының орынбасары.Ақпарат көзі : https://www.gov.kz/memleket/entities/minfin/press/news/details/1056547?lang=kk

Бүгін ҚР Премьер-министрі Олжас Бектеновтің төрағалығымен Үкімет отырысы өтіп, күн тәртібінде автомобиль жолдарының сапасы мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Облыс аумағындағы автомобиль жолдарының ұзындығы 3545 шақырым, оның 1024,5 шақырымының республикалық, 555 шақырымының облыстық, 1965,5 шақырымының аудандық маңызы бар.Өткен жылы 44 млрд. 700 млн. теңге қаржы бөлініп, өңіріміздегі 300 шақырымнан астам жолдар мен көпір өткелдері жөнделді. Нәтижесінде облыстық, аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі 92,5 пайызға жетті.Биыл жол инфрақұрылымын дамытуға республикалық, облыстық, аудандық бюджеттен 42 млрд. 142 млн. теңге қаралып, 320 шақырым автомобиль жолдары, көшелер мен көпір өткелдері жөндеуден өтуде. Бұл жұмыстардың қорытындысы индикаторлық көрсеткішті 95 пайызға жеткізбек.«Жол активтері сапасы» ұлттық орталығының қызметіне биыл 123 млн. теңге бағытталып, құрылыс сапасы 100 пайыз сараптамамен қамтылды. Аспаптық және зертханалық тексеру жүргізу барысында 1201 сынама алынып тексерілді.Ақпарат көзі : https://www.gov.kz/memleket/entities/kyzylorda/press/news/details/1055404?lang=kk

Жаңа Салық кодексінде бизнес пен азаматтардың өміріне оң әсер ететін бірқатар маңызды өзгеріс қамтылған. Бұл ретте аталған реформадағы жаңашылдықтарды дұрыс түсіндіріп, қолдану тәртібін қоғамға тиімді жеткізудің маңызы зрр. Осы мақсатта ҚР Қаржы министрлігі маңызды құжаттың негізгі ережелерін түсіндіруге арналған ауқымды ақпарат жұмысын (1 тамыздан бастап 24 қыркүйекке дейін жалғасатын) жүргізіп келеді.Бұл жұмыс әкімдіктер мен «Атамекен» ҰКП қолдауымен өткізіліп жатқанын айта кетейік. Кезекті семинар Ақтөбе облысында болды.Аталған өңірде минералды-шикізат ресурстарының айтарлықтай қоры шоғырланған. Облыста индустриялық-өнеркәсіп саласы жолға қойылған. Мұнда хром, никель, титан, фосфорит, калий және басқа да пайдалы қазбалар көп кездеседі.Салық жеңілдіктерін қолдану өңірдегі кәсіпорындарға кен орындарын игерудің кейінгі кезеңдерінде де өндірістік қызметін жалғастыруға мүмкіндік береді. Бұл өз кезегінде жұмыс орындарын сақтап қалуға, халықтың тұрақты табысын қамтамасыз етуге жол ашады. Осы шаралар өндіріс орындары шоғырланған кенттердегі өмір сапасына ықпал етіп, әлеуметтік инфрақұрылымның дамуына және жұмыс орындарын ашуға серпін береді.ҚМ МКК төрағасының орынбасары Жәнібек Нұржанов жаңа ұғымдар мен терминологиядағы тәсілдерді, КТС пен ҚҚС бойынша сараланған мөлшерлемелерді енгізу жайлы, ЖТС бойынша прогрессивті шкаланы, ҚҚС реформасы мен тиісті процестердің цифрландырылуы туралы, есеп түрлерінің азаюы мен АСР өзгерістерді қамтитын тұжырымдамалық жаңашылдықтар туралы кеңінен тоқталды.Сондай-ақ ведомство өкілі салық органдарының қызметін сервистік модельге көшіру туралы айтып берді, мұнда басты назар салық төлеушілермен өзара әрекеттесудің сапасына аударылмақ. Бұған қоса хабарламалар мен ықпал ету шаралары қарыз сомасына байланысты кезең-кезеңімен қолданылатыны айтылды.Қатысушылар жаңа нормаларды іс жүзінде қолдану, жаңа мөлшерлемелер бойынша салықтарды есептеу, цифрлы сервистерді пайдалану тәртібі және бұрын өткізілген декларацияларды түзету мәселелері бойынша көкейдегі сұрақтарын қойды. Спикерлер барлық сауалға жауап беріп, жыл соңына дейін әдістемелік ұсынымдар әзірленіп, МКК қосымшаларында оқыту модульдері іске қосылатынын түсіндірді. «Жаңа заңның негізгі мақсаттарының бірі — шағын және орта бизнесті қолдау, сондай-ақ салық жеңілдіктері жүйесі арқылы экономиканың басымдыққа ие салаларын ынталандыру», деді Ж.Нұржанов.Салық кодексінің нормаларын түсіндіру аясындағы келесі 10 семинар 25 тамызда Қызылорда қаласында өтеді.Ақпарат көзі : https://www.gov.kz/memleket/entities/minfin/press/news/details/1054283?lang=kk

Айталық, Қаржы министрі Мәди Такиев отандық волейбол федерациясын басқарса, министрдің орынбасары Ержан Біржанов еліміздің триатлон федерациясына жетекшілік етеді.Таяуда Ержан Ерікұлы әлемдік және азиялық триатлон қауымдастығының өкілдерімен келіссөздер жүргізді. Бұл ретте кездесуге World Triathlon ұйымының бірінші вице-президенті доктор Дебби Александр, Asia Triathlon президенті және Сауд Арабиясының олимпиада және паралимпиада комитетінің вице-президенті, мәртебелі ханзада Фахад бин Джалави бин Абдулазиз Әл Сауд, ҚР Ұлттық олимпиадалық комитетінің бас хатшысы және Триатлон федерациясының вице-президенті Әлімжан Ақаев, сондай-ақ федерациясының вице-президенті Жандос Қайргелді де қатысқанын айта кетейік.Тараптар Азия елдеріндегі өзара іс-қимылдың стратегиялық бағыттарын, сондай-ақ тәжірибе алысып, триатлонды дамытуды талқылап, спортшыларды даярлау мен халықаралық жарыстарды ұйымдастыруға ерекше назар аударды.Ведомство басшылығының саламатты өмірді өркендетуге байланысты жеке ұстанымы корпоративті мәдениетті арттырып, ұжымдағы ауызбірлік пен сенімді нығайтады.Ақпарат көзі : https://www.gov.kz/memleket/entities/minfin/press/news/details/1052045?lang=kk

2025 жылғы 13 тамызда Бейжіңге (ҚХР) жұмыс сапары шеңберінде Қазақстан Республикасы Қаржы вице-министрі Дәурен Кеңбеил Қытай Қаржы министрлігінің, Қытай Халық Банкінің (PBoC) және Қытай Қаржы нарығының институционалдық инвесторлары ұлттық қауымдастығының (NAFMII),сондай-ақ Қытай Экспорттық-импорттық банкінің (Эксимбанк) өкілдерімен екіжақты кездесулер өткізді.Қытай Қаржы вице-министрі Ляо Минмен кездесуде сауда-экономикалық ынтымақтастықты дамыту және екіжақты қаржылық қатынастарды кеңейту мәселелері талқыланды.«Қытай Қазақстанның маңызды стратегиялық және инвестициялық әріптесі болып табылады. Қазақстанның Үкіметі Қытай қаржы институттарымен ынтымақтастықты нығайту бойынша белсенді жұмысты жалғастыруда. Осындай іскерлік кездесулер біздің қарым-қатынасымызды жаңа деңгейге шығаруға мүмкіндік береді» – деп Дәурен Кеңбеил атап өтті.Өз кезегінде, Ляо Мин экономикалық ынтымақтастықтың деңгейін және екіжақты іс-қимылдың перспективаларын жоғары бағалады. Қытайдың юаньмен қаржы нарығының құралдарына Қазақстанның қызығушылығын Қытай тарапы қолдады.Әріптестікті одан әрі дамыту мақсатында Тараптар ынтымақтастық туралы ведомствоаралық меморандум жасасу туралы уағдаласты.Қытай Халық Банкі төрағасының орынбасары Ксюан Чаненгпен және NAFMII Бас хатшысының орынбасары Ксю Джонгпен келіссөздер барысында халықаралық қаржылық нарықтардағы ағымдағы жағдай, қаржылық ынтымақтастықты дамыту туралы пікір алмасты және қытайлық нарыққа бондтарды юаньмен шығару бойынша өзара іс-қимыл туралы уағдаласты.Қытай Эксимбанкімен инвестициялық жобалардың іске асу барысы талқыланды.Кездесулер қорытындылары бойынша Тараптар бірлескен жобаларды іске асыруда, әріптестікті одан әрі дамытуда және өзара тиімді мақсаттарды қол жеткізуде сенімділік білдірді.Ақпарат көзі : https://www.gov.kz/memleket/entities/minfin/press/news/details/1051125?lang=kk

Жаңа Салық кодексін іс жүзінде қолдану кәсіпкерлердің қызметіндегі тиімділікті арттыруда маңызы зор. Салық есептілігі мен тексеру тәртібіндегі, сол секілді қолдау тетіктеріндегі өзгерістер жайлы хабардар болу бизнеске артық кемшіліктер мен санкциялардан сақ болуға, сондай-ақ заңнамада көзделген мүмкіндіктерді барынша пайдалануға көмектеседі. Осы мақсатта ҚР Қаржы министрлігі еліміздің барлық өңірінде ақпарат жұмысын бастап, заңдағы негізгі ережелерді түсіндіріп, кәсіпкерлердің өзекті сұрақтарына жауап беріп келеді. Мұндай жұмыс форматы салық сауаттылығын арттырып, қоғамның сенімін нығайтады және ашық, қолайлы іскер ортаны қалыптастыруға жол ашады.Айталық, кезекті семинар Петропавл қаласында болып өтті. Солтүстік Қазақстан – аграрлық секторы жолға қойылған өңірлердің бірі, мұнда 42 мыңнан астам шағын және орта бизнес субъектісі бар. Семинарға облыстағы ЖШС, ЖК мен агроқұрылымдардың 500-ден астам өкілі, сондай-ақ «Атамекен» кәсіпкерлер палатасының өкілдері қатысты. Жаңа реформаның артықшылықтары туралы Мемлекеттік кірістер комитеті төрағасының орынбасары Жәнібек Нұржанов айтып берді.Оның айтуынша, аталған кодекс агробизнеске айтарлықтай фискалды артықшылықтар береді. Олардың қатарында: ауыл шаруашылығы тауар өндірушілеріне арналған 3% мөлшеріндегі жеңілдетілген корпоративті табыс салығының мөлшерлемесі, шағын және орта шаруа немесе фермер қожалықтары үшін арнайы салық режімінің сақталуы. Бұған қоса қосылған құн салығы бойынша қосымша шегерім сақталып қана қоймай оның көлемі 70% 80% дейін ұлғаяды. Көлік салығына тоқталсақ, шаруа немесе фермерлік қожалықтарға арналған арнайы салық режімін қолданушыларға бір пикапқа (жеңіл жүк көлігі) қосымша жеңілдік қарастырылған.Бұл амал аграршылар үшін тұрақты әрі тиімді бизнес-ортаны қалыптастырып, салық жүктемесін азайтуға және салаға инвестиция тартуға септеседі.Бұдан бөлек жеңілдетілген салықтық тетіктері қарастырылып отыр: бірыңғай жер салығы алынып тасталады, арнайы режімдер үшке дейін азайды, ал өзін-өзі жұмыспен қамтығандарға арналған мобильді қосымшаларды қоса алғанда, цифрлы сервистерді енгізу азаматтарға декларацияларды тексеріп, салықтарды онлайн түрде төлеуге мүмкіндік береді. Осы арқылы бюрократия азайып, әкімшілендіру ісінің ашықтығы артады.«Жаңа заңдағы аграршыларға арналған жеңілдіктер агроөнеркәсіпті дамытуға айтарлықтай серпін беруі мүмкін.Салықтық әкімшілендіруді жеңілдетіп, осы саладағы жүктемені азайту мен тиісті рәсімдерді оңтайландыру өндірісті кеңейтуге, шаруашылықтарды жаңғыртуға және аграрлық секторға инвестиция тартуға жайлы жағдай жасайды», деді Ж.Нұржанов.Келесі семинар 14 тамызда Ақмола облысының Көкшетау қаласында өтеді.Ақпарат көзі : https://www.gov.kz/memleket/entities/minfin/press/news/details/1050524?lang=kk

Биыл қаңтардан бастап елімізде мемлекет есебінен сатып алынатын тауарлардың, жұмыстардың, көрсетілетін қызметтердің сапасын арттырып, сатыпалым рәсімдерін жеңілдету мен одан әрі автоматтандыруға бағытталған «Мемлекеттік сатып алу туралы» Заң күшіне енген болатын.Аталған заңның ережелерін іске асырудағы маңызды құралдардың бірі сатыпалым процесінің барлық қатысушысына арналған (мемлекеттік сатып алудың электронды қызметтеріне бірыңғай қол жеткізуге септесетін) мемлекеттік сатып алу веб-порталы болып саналады.Рәсімдерді толық цифрландыру арқылы (жоспарлаудан бастап келісішарттағы міндеттемелерді орындауға дейін рәсімдер автоматтандырылған) веб-портал барлық мүдделі тарап үшін ашықтықтың, есептіліктің және ақпарат қолжетімділігінің кепіліне айналды.Айталық, 2025 жылы осы реформаға сәйкес веб-порталда:- конкурс өткізу мерзімі (конкурс құжаттарын талқылау 5 2 жұмыс күніне дейін; өтінімдерді қабылдау 15 5 жұмыс күніне дейін; өтінімдерді қарау 10 3 жұмыс күніне дейін) азайтылды;- сатып алу қорытындыларына шағымданудың жаңа тәртібі жолға қойылды. Сатыпалымды жедел жүргізу мен тиісті рәсімнің ұзаққа созылуын болдырмау мақсатында шағымдарды сатып алуды ұйымдастырушылардың өздері қарайды;- шағын және орта кәсіпкерлікті қолдау мақсатында осы субъектілерден  құны 50 000 АЕК аспайтын тауарларды, жұмыстар мен көрсетілетін қызметтерді сатып алуға басымдық берілді;-ішкі нарықты қолдау үшін ұлттық режімнен алып қоюды белгілеу жолымен веб-порталда отандық өндірушілерден тауарларды сатып алуға басымдық беру жалғасып келеді;- бәсекелестікті дамыту және бизнесті қорғау мақсатында мемлекеттік ұйымдар мен квазимемлекеттік сектор субъектілері болып саналатын өнім берушілердің өтінімдерін жеке кәсіпкерлік субъектілері болып саналатын өнім берушілерден кемінде екі өтінім болған кезде веб-портал автоматты түрде қабылдамайды.Бұдан басқа, бірыңғай оператордың базасында мемлекеттік, ұлттық компаниялардың және «Самұрық-Қазына» қорының сатып алуларына қатысуға бірыңғай қолжетімділікті қамтамасыз ететін (қолданыстағы goszakup.gov.kz, zakup.sk.kz, mitwork.kz сатып алу алаңдарымен интеграциялау арқылы) бірыңғай сатып алу платформасы іске қосылды.Қабылданған шаралардың қорытындысы бойынша осы порталда:- тіркелген пайдаланушылар саны - 18 мыңнан астам тапсырыс беруші, 102 мың қызмет көрсетуші;- жасалған келісімшарттардың сомасы екі есе өсті 3,4 трлн теңгеден (2024 ж.) 7,2 трлн теңгеге дейін (2025 ж.);- жасалған келісімшарттар саны 23%, яғни 870 мыңнан (2024 ж.) 1 072 мыңға (2025 ж.) дейін ұлғайды;- берілген шағымдар саны 25%, атап айтқанда 22 мыңнан (2024 ж.) 16 мыңға (2025 ж.) дейін азайды;- отандық тауар өндірушілермен жасалатын келісімшарттардың сомасы 137%, яғни 150,8 млрд теңгеден (2024 ж.) 357,0 млрд теңгеге (2025 ж.) дейін ұлғайды.Толық цифрландырудың арқылы сатып алу процесіндегі әрбір қадам электронды жүйеде тіркеледі және порталда автоматты түрде сақталады. Аталған жүйе бәсекелестік ортаны қалыптастыруға ықпал етеді. Мұнда барлық қызмет ұсынушыға тең мүмкін берілген. Бұл нарықтың жаңа қатысушыларына жол ашып, мемлекеттік сатыпалымның сапасы мен өсімін арттырады.Сонымен қатар кез келген адам сатыпалым туралы хабарландыруларды, сауда-саттық нәтижелерін, жасалған келісімшарттар мен тапсырыс берушілердің әрекеттерін бақылай алады. Бұл қоғамдық бақылауды күшейтіп, барлық процестің ашықтығын нығайта түседі.Ақпарат көзі : https://www.gov.kz/memleket/entities/minfin/press/news/details/1049405?lang=kk

Облыс әкімі Нұрлыбек Нәлібаевтың төрағалығымен өткен мәжілісте өңірдің құрылыс нысандарындағы жұмыс барысы және коммуналдық қызмет көрсету мәселелері сараланды. Оған қала, аудан әкімдері мен жауапты сала басшылары қатысты.Аймақ басшысы бірінші кезекте құрылыс сапасын қатаң бақылауда ұстап, нысандарды уақытылы пайдалануға беруді тапсырды.«Жаңа ғимараттардың өңіріміз үшін маңызы зор. Әлеуметтік нысандар мен тұрғын үйлердің сапасына, мерзіміне қатысты ешқандай мәселе туындамауы тиіс. Құрал-жабдықтары, жан-жағының абаттандырылуы межелі уақытта толық дайын болуы керек», -деді Н.Нәлібаев.Жиында жыл соңына дейін ашылатын жаңа нысандардың дайындығы пысықталды. Жақын күндері аймақ басшысының қатысуымен Арал ауданы, Мергенсай ауылдық округінде салынған 150 орындық мектеп пайдалануға беріледі. Мұнан бөлек, аудан орталығында 60 пәтерлік 30 тұрғын үйдің кілттері табысталады. Қамыстыбас ауылдық округіндегі автоматтандырылған газ тарату стансасы ашылады. Сонымен қатар, Қазалы ауданында да 80 пәтерлік 40 үй пайдалануға беріліп, Сарбұлақ елдімекенін таза ауыз суға қосу рәсімі өтеді. Сондай-ақ, жиын қорытындысымен өңір басшысы қыс мезгілінде коммуналдық қызметтер үздіксіз әрі сапалы көрсетілуі тиіс екенін ескертті.Ақпарат көзі : https://www.gov.kz/memleket/entities/kyzylorda/press/news/details/1127581?lang=kk

Кез келген адамды орындалатын жұмыстың сапасы алаңдататыны белгілі. Құрылыс, жөндеу жұмыстары немесе материалдарды жеткізу сынды қызметті ұсынатын ұйымдардың қажетті біліктілігі мен жауапкершілігі болғаны абзал. Неге десеңіз, мол тәжірибенің болуы бүгінде түрлі жобаны сәтті аяқтаудың кепіліне айналды. Бұл ретте ҚР Қаржы министрлігі салалық мемлекеттік органдармен және «Атамекен» ҰКП бірлесіп, құрылыс секторындағы мемлекеттік сатыпалым нарығына қатысушылардың тәжірибесін бағалаудың қолданыстағы тетіктерін қайта қарауға кіріскенін айта кетейік. Жұмыс тәжірибесін растаудың тың тәсілдеріне мыналар кіреді:Тапсырыс беруші үкіметтік емес заңды тұлғалар болып саналатын әрі бюджеттен тыс жобалар бойынша техникалық жағынан күрделі нысандар бойынша тәжірибені есепке алу (ақпарат «Мемсараптама» РМК жүйесі арқылы расталады); Есепке алынатын нысандардың санын шектеу – қатысушының баға ұсынысына әсер ететін өлшемшарт ретінде тәжірибені бағалау кезінде жылына үш нысаннан аспауы тиіс; Мемлекеттік инвестициялар есебінен ғана қаржыландырылатын мемлекеттік ұйымдар мен квазимемлекеттік сектор субъектілерінің нысандары бойынша тәжірибені растау (сараптама қорытындысында көрсетіледі); Квазимемлекеттік сектордың нысандары бойынша қосымша талаптар: расталатын құжаттардың қатарында хабарлама талоны мен сараптама қорытындысы талап етіледі. Қаржы министрінің м.а. 2025 жылдың 6 тамызындағы №425 «Қазақстан Республикасы Қаржы министрінің кейбір бұйрықтарына өзгерістер мен толықтырулар енгізу туралы» (ҚР ӘМ 2025 жылғы 6 тамызда № 36586 болып тіркелді) тиісті бұйрығы алғаш рет ресми жарияланған (zan.gov.kz) күнінен кейін күнтізбелік он күн өткен соң қолданысқа енгізіледі.Ақпарат көзі : https://www.gov.kz/memleket/entities/minfin/press/news/details/1047573?lang=kk

Шымкент қозғалыста: қала көлік жүйесін қалай қалпына келтіруде Шымкент Қазақстанның ең жылдам дамып келе жатқан қалаларының бірі болып табылады және мұндағы көлік инфрақұрылымы бұрыннан бері жаңа шындыққа бейімделуді талап етті. Халық санының өсуі, автокөліктер санының ұлғаюы және қала аумағының кеңеюі биліктің алдына бөлек жол учаскелерін біртұтас және тұрақты жүйеге айналдыру міндетін қойып отыр. Мегаполисте 2024 жылдан бастап көлік инфрақұрылымын жаңартудың кешенді бағдарламасы іске қосылды. Ол жолдар мен жол айрықтарын салуды ғана емес, аялдамаларды, қауіпсіздік жүйелерін және жарықтандыруды жаңғыртуды да қамтиды. Масштаб: көшелерден тас жолдарға дейін Ресми деректерге сәйкес, 2024 жылдың соңына қарай қала жолдарының 75 пайызы жақсы немесе қанағаттанарлық жағдайда болды. 2025 жылы бұл көрсеткішті 90 пайызға жеткізу жоспарлануда. Негізгі күш-жігер орталық көшелердегі байланыстарды дамытуға және жүктемені азайтуға бағытталған. Ірі жобалардың қатарында Еңбекші ауданындағы Момынова және Тіленшина көшелеріндегі темір жол өткелдерінің құрылысы бар. Олар қаланың шығыс бөлігін орталықпен байланыстырады, бұл көлік ағынын қайта бөледі және қолданыстағы тас жолдардағы кептелістерді азайтады. Момынованың құрылысы 2024 жылдың желтоқсанында басталып, жартысы аяқталды. Бұл ретте Қойкелді батыр мен Ақназар хан көшелерінің қиылысындағы апатты көпірге күрделі жөндеу жұмыстары жүргізілуде. Жұмыс 2025 жылдың соңына дейін аяқталады. Ең ауқымды жобалардың бірі Қонаев даңғылының ұзартылуы болды. Маршруттың жалпы ұзындығы 16,3 шақырымды құрайды, жұмыс алты кезеңге бөлінген. Кейбір учаскелер қазірдің өзінде аяқталды, тағы екеуін жылдың соңына дейін, ал соңғы кезеңі – 2026 жылы аяқтау жоспарлануда. Жаңа даңғыл Республика даңғылына балама болып, қаладан шығатын жолдағы көлік қозғалысын жеңілдетуі керек. А-2 айналма жолын қалпына келтіру жұмыстары да қарқынды жүргізілуде. Ұзындығы 28,2 шақырымды құрайтын бұл транзиттік дәліз Шымкентті еліміздің басқа өңірлерімен байланыстырып, жүк тасымалдауда шешуші рөл атқарады. Алғашқы төрт кезең аяқталды, тағы үшеуін 2025 жылы аяқтау жоспарлануда. Соңғы кезең 2026 жылы аяқталады. Стратегияның бір бөлігі сонымен қатар жаңа біріктіретін көшелердің құрылысын қамтиды: Қазиев көшесін ұзарту (1,7 км) Ақжайық пен ШымСитидің солтүстік шағынаудандарынан баламалы шығуды қамтамасыз етеді. 2026 жылға қарай билік жалпы ұзындығы 1000 шақырымнан асатын 850 көшені толығымен асфальттауды көздеп отыр. Оның ішінде биыл 540 көшеге асфальт төселмек. Қауіпсіздікке назар аударыңыз: жаяу жүргіншілерден жарықтандыруға дейін Жол құрылысымен қатар жол қауіпсіздігін қамтамасыз ету жұмыстары да күшейтілуде. 2025 жылы қалада 32 жаңа бағдаршам пайда болады, оның 10-ы орнатылған. Жүйенің тағы бір әлсіз буыны реттелген жаяу жүргіншілер өткелдері болып табылады. Қазіргі таңда жоспарланған 200 нүктенің 140-тан астамы жарықтандырылған. Сондай-ақ 6000 жол белгілерін орнату жұмыстары жүргізілуде (оның жартысы орнатылды), мектептер маңында жылдамдықты реттегіштер орнату (1200 метр), жаяу жүргіншілер жолын жаңарту — 180 шақырым жол ретке келтірілді. Сондай-ақ, 500 шақырымдық көшелердің таңбалары жаңартылды, су басқан аймақтарда (30 көше) жаңа суару арналары орнатылды. Көшелерді жарықтандыру бағдарламасы 2743 көшені қамтыса, оның 1550-і шамдармен жабдықталған.

Қазақстан-Қытай экономикалық ынтымақтастығын нығайту шеңберінде «Бақты (ҚР) - Покиту» (ҚХР) шекаралық өткізу пункттерінде «ақылды кеден» қанатқақты жобасын іске асыру басталды. Аталған бастаманың маңызды элементтерінің бірі кедендік логистиканың тиімділігін арттырып, цифрландыруға бағытталған автономды (пилотсыз) жүк тасымалдарын жүзеге асыру саналады.Бұл жоба ҚР ҚМ Мемлекеттік кірістер комитетінің төрағасы Жандос Дүйсембиевтің Тачэн қаласының (Шыңжаң-Ұйғыр автономиялық ауданы) партия комитетінің хатшысы Чжи Сяньвэймен болған кездесуде келісілген еді.Тараптар ынтымақтастық туралы келісімге қол қойған болатын. Соған сәйкес осы жобаны бірлесіп іске асыру, сондай-ақ кедендік және логистикалық процестерді цифрландыру саласындағы іс-қимылдарды үйлестіріп, тәжірибе алысу көзделген.«Ақылды кеден» – шекарадан жылдам әрі жайлы өтуге септесетін бірнеше заманауи шешімді қамтиды. Жүктер шекарадан жүргізушісіз автоматты түрде машиналармен тасымалданатын болады.Сонымен қоса екі елмен расталатын бірыңғай электронды декларация іске қосылғанын айта кетейік. Құжаттарды рәсімдеу мен жүктерді алып жүру толығымен цифрлы форматта болады. Осы жұмыс табысты іске асырылған соң жүктер тәулік бойы автоматты навигация мен бақылау жүйелері (көлік жүргізушілерісіз) арқылы жөнелтілетін болады.Болжанып отырған нәтиже:жүк көлемін жылына 10 млн тоннаға дейін ұлғайту;кедендік рәсімдеу уақытын едәуір азайту;көлік шығындарын төмендету;логистикалық операциялардың ашықтығы мен қауіпсіздігін арттыру;автомобиль инфрақұрылымына түсетін жүктемені азайтып, логистикалық хабтарды дамыту;астық, майлы дақылдар, ет және өңделген тауарларды қоса алғанда, аграрлық өнімнің экспортын ынталандыру.«Ақылды кеден» шекарадағы инфрақұрылымды жаңартып, жұмыс орындарын ашу мен инвестиция тартуға оң әсер етеді. Сонымен қатар бұл ҚХР-мен арадағы сауданы ұлғайтуға және Қазақстанның Орталық Азиядағы маңызды транзитті орталық ретіндегі рөлін нығайтуға мүмкіндік береді.Ақпарат көзі : https://www.gov.kz/memleket/entities/minfin/press/news/details/1038766?lang=kk

ҚР Парламент палаталарының бірлескен отырысында Қаржы министрі Мәди Такиев есепті кезеңдегі негізгі қаржы-экономикалық нәтижелер мен көрсеткіштерді тізбектеп, 2024 жылға арналған республикалық бюджеттің атқарылуы туралы баяндаманы ұсынды.Ведомство басшысы айтқандай, 2024 жылы еліміздің ІЖӨ негізінен мұнайдан тыс сектор есебінен 4,8% өсіп, биылғы бес айдағы меже 6% артқан. Бұл ретте шоғырландырылған бюджет құрылымындағы мұнайдан тыс кірістердің үлесі 2,5 т.т. ұлғайып, инфляция 9,8% 8,6%  дейін төмендеді. Ал бюджет тапшылығы ІЖӨ-ге шаққанда 2,7% деңгейінде байқалды. Ұлттық қордың активтері 16% артып, 66,2 млрд долларға жетті. «Ұлттық қор – балаларға» бағдарламасы бойынша екі жыл ішінде 7 млн-нан астам балаға (жан басына шаққанда) 233 доллар төленді.Республикалық бюджеттің кірістері бойынша жылдық жоспар 97,2% (19,6 трлн теңге) орындалды. Тапшылықтың негізгі себептері – импорттың төмендеуі, ірі жобалардың іске қосу мерзімінің ауысуы, ҚҚС қайтарудың үш есеге еселенуі. Соған қарамастан ҚҚС жалпы түсімдері 4,8% ұлғайды. Ал көлеңкелі экономикаға қарсы күрестің нәтижесінде бюджетке қосымша 1,28 трлн теңге түсті (2023 жылмен салыстырғанда +37%).Бюджет шығыстары 97,8% орындалып,  23,6 трлн теңгеге жетті. Қаражаттың едәуір бөлігі әлеуметтік сала мен инфрақұрылымға бағытталды. Педагогтердің жалақысын көтеруге 93,8 млрд теңге бөлінді. 4 557 отбасы тұрғын үймен қамтамасыз етілді. 789 балабақша ашылып, осал санаттағы балалардың 100% тегін тамақпен қамтамасыз етілді. 19 млн текше метр тұрғын үй пайдалануға беріліп, 300 мыңнан астам адам газға қосылды. 3,5 мың шақырым сумен жабдықтау және 542 шақырым жылу желілері жаңғыртылды. Қуаты 700 МВт-тан астам жаңа генерация нысандары салынды.Ұлттық жобаларға байланысты 751 млрд теңге бөлінді. Бұл 105 мектеп (254 мың орынға шақталған) салуға, сондай-ақ апатты және үш ауысымды мектептерге қатысты проблеманы жоюға әрі 460 денсаулық сақтау нысанының құрылысын аяқтауға мүмкіндік берді. Биыл қосымша 195 медициналық нысанды іске қосу мен 32 көпсалалы аудандық аурухананы жаңғырту жоспарланған.Сонымен қатар 1,5 мың шақырым магистральды теміржол желісіне жөндеу жұмыстары аяқталды. Транскаспий халықаралық көлік бағыты (ТХКБ) бойынша тасымалдау көлемі 2024 жылы 62%, яғни 4,5 млн тоннаға дейін өсті. Бұл ретте транзит 4 есеге, сол секілді Қытайдан келетін транзит 28 есеге ұлғайды. Алматы, Қызылорда және Шымкент әуежайларында үш жаңа терминал пайдалануға берілді.Сондай-ақ министр бюджет қаражатын тиімді пайдалану туралы жеткізді: тиімсіз шығыстар сомасы 2024 жылы 24% азайып, 372 млрд теңге көлемінде байқалды. Былтыр Үкімет отандық тауар өндірушілерге қолдау көрсету мәселелеріне басымдық берген болатын. Реттелетін сатып алу шеңберінде отандық кәсіпорындармен 1 трлн теңгеден астам сомаға ұзақмерзімді және офтейк-келісімшарттар жасалды. Бұл көрсеткіш 2,5 есеге артты.«2024 жылы қабылданған негізгі шешімдер отандастарымыздың өмір сүру сапасын жақсартуға бағытталған: тұрғын үймен қамтамасыз етуден бастап мектептер мен ауруханаларды жаңғыртуға дейін», деді Мәди Төкешұлы.Ақпарат көзі : https://www.gov.kz/memleket/entities/minfin/press/news/details/1025631?lang=kk

Қаржы министрлігі қазақстандық тауар өндірушілеріне көрсетілетін қолдауды күшейту үшін мемлекеттік сатып алу саласындағы құқықтық базаны жетілдіріп келеді. Мәселен, 2025 жылдың 24 маусымындағы №321 бұйрыққа сәйкес Мемлекеттік сатып алуды жүзеге асыру қағидаларына түзетулер енгізілді. Негізгі өзгерістер Қазақстанның тауар өндірушілеріне:- келісімшарт бойынша тауарларды жеткізу мерзімдерін 15 күнтізбелік күннер 60 дейін ұлғайтуға мүмкіндік беріп, бұл тиісті міндеттемелерді орындау мерзімін сақтауға жол ашады;- тауарларды жеткізгені үшін төлем мерзімдерін 30 күнтізбелік күннен 10 жұмыс күніне дейін азайту қарастырылған. Аталған амал өндірушілердің қаржылық жүктемелерін азайтуға септеседі;- аванс төлем мөлшерін 30% 50% дейін ұлғайту көзделген.Тұтастай алғанда, осы өзгерістер жергілікті өндірістің өсімін ынталандыруға және отандық бизнесті дамытуға бағытталған.Бұйрық жарияланған күнінен кейін күнтізбелік он күн өткен соң ресми түрде қолданысқа енгізіледі.Ақпарат көзі : https://www.gov.kz/memleket/entities/minfin/press/news/details/1025261?lang=kk

Премьер-министрдің орынбасары Серік Жұманғаринның төрағалығымен кеңес өтті. Күн тәртібінде агроөнеркәсіптік кешен мен өнеркәсіп саласындағы инвестициялық жобалар талқыланды. Кеңеске облыс әкімі Нұрлыбек Нәлібаев селекторлық режим арқылы қатысты.Биыл аймақтың ауыл шаруашылығы саласына 86 млрд. 400 млн. теңге инвестиция тарту межесі бекітілген. Қаңтар-мамыр айларының қорытындысы бойынша ауыл шаруашылығы және тамақ өнімдерін өндіруде негізгі капиталға салынған инвестиция 4 млрд. 731 млн. теңге болып, өткен жылғы сәйкес кезеңмен салыстырғанда 26 пайызға артты. Инвестиция тартуды тұрақты қамтамасыз ету үшін аймақтың агроөнеркәсіп кешенінде 2025-2027 жылдары іске асырылатын инвестициялық жобалардың жол картасы бекітілді. Жол картасында 30 инвестициялық жоба қамтылған. Бұл жобалар жүзеге асқанда 295 жаңа жұмыс орны ашылмақ. Биыл 13 млрд. 400 млн. теңгенің 14 инвестициялық жобасы жоспарлануда. Өнеркәсіп саласында биылғы 5 айда 426 млрд. 950 млн. теңгенің өнімі өндіріліп, өткен жылдың сәйкес кезеңімен салыстырғанда көрсеткіш 0,4 пайызға өсті. Өңдеу өнеркәсібінде 155 млрд. 300 млн. теңгенің өнімі өндіріліп, көрсеткіш 18,2 пайызға артты. Экономиканы әртараптандыруда 2025-2028 жылдары қолға алынатын 89 инвестициялық жобаның 27-сі биыл іске асырылуда.Ірі жобалардың бірі – қуаттылығы 240 мегаваттық жаңа жылу-электр орталығы. Өңірдің кірпіш өнімдеріне қажеттілігінің 90 пайызын қамтамасыз ететін, құны 5 млрд. теңге болатын заманауи кірпіш зауыты іске қосылды. Азық-түлік өнеркәсібінде нан-тоқаш, кондитерлік, макарон өнімдерін өндіру кешені, түйе сүтінен жылына 392 тонна құрғақ ұнтақ өндіру зауыты мен әрқайсысы 2 мың шаршы метр екі шағын өнеркәсіптік аймақ биыл жұмысын бастайды.Түйе сүтінен алынатын құрғақ ұнтақ өнімдер қытайлық компаниямен жасалған оффтейк келісімі аясында толығымен Қытайға экспортталатын болады.Биыл жалпы құны 24,2 млрд теңге, қуаттылығы 90 мегаватт үш күн-электр станциясы іске қосылады. Бұдан бөлек, жыл ішінде жалпы сомасы 553,6 млрд теңгеге бағаланған 14 ірі жобаның құрылысы басталады.Ақпарат көзі : https://www.gov.kz/memleket/entities/kyzylorda/press/news/details/1024265?lang=kk