Қазақстан Республикасы Энергетика министрлігі отын-энергетикалық кешеннің өндірістік қалдықтары – көмір электр станцияларындағы күл-қож және мұнай өңдеу зауыттарындағы мұнай шламдары мәселелерін шешуге күш салуда.Бүгін Қазақстан Республикасы Үкіметінің отырысында ҚР Энергетика министрі Ерлан Ақкенженов отын-энергетикалық кешеннің өндірістік қалдықтарын басқару саласындағы жағдай мен қабылданып жатқан шаралар туралы есеп берді. Баяндамада жылу электр станцияларындағы күл-қож қалдықтары мен мұнай өңдеу зауыттарындағы мұнай шламдарын басқарудың негізгі аспектілері қарастырылды. Бұл мәселелер мемлекеттің экологиялық қауіпсіздігін қамтамасыз етуде басымдыққа ие.Күл-қож қалдықтары: кәдеге жаратудың қиындықтары мен кедергілеріЕрлан Аккенженов көмірден электр энергиясын өндіру нәтижесінде жиналатын қалдықтардың ауқымды экологиялық мәселеге айналғанын атап өтті. Республикада 21 ірі көмір электр станциясы жұмыс істейді, олардың қызметі нәтижесінде жалпы аумағы 18,2 мың гектарды қамтитын 27 күл-қож үйіндісі (золоотвал) қалыптасқан.«Қазіргі таңда бұл күл үйінділерінде жиналған күл-қож қалдықтарының жалпы көлемі 1,41 миллиард текше метрді құрайды. Бұл – орасан зор көрсеткіш, ол біз бетпе-бет келіп отырған экологиялық қауіптің ауқымын айқын көрсетеді. 2024 жылы күлді қайта өңдеу көлемі 69,2 мың тоннаға жетті, негізінен цемент өндірісінің қажеттіліктері үшін пайдаланылды. Дегенмен, бұл көрсеткіш жиналған күлдің жалпы көлемімен салыстырғанда өте аз үлесті құрайды», – деді министр.Министр қалдықтарды қайта өңдеу көлемін арттыруға кедергі келтіретін негізгі факторларды талдады. Басты мәселе – күлдің сапасы. Қазақстанда қолданылатын көмірдің ерекшелігі күлдің құрамында қоспалардың, күкіртті қосылыстардың және ауыр металдардың жоғары болуына әкеледі. Бұл күлді тікелей өнеркәсіпте, әсіресе құрылыс индустриясында пайдалану мүмкіндігін шектейді, өйткені оны өңдеу үшін қосымша шығынды қажет ететін тазарту технологиялары керек. Соның салдарынан бұл шикізатқа деген сұраныс төмен болып отыр.Қосымша қиындықтар ретінде қажетті инфрақұрылымның жеткіліксіздігі, күлді терең өңдейтін кәсіпорындардың тапшылығы, тиімді логистикалық жүйенің болмауы және бизнесті осы салаға тарту үшін экономикалық ынталандыру шараларының әлсіздігі аталды. Сонымен қатар, экологиялық таза технологияларға көшу, соның ішінде «құрғақ күл шығару» технологиясын енгізу, электр станцияларын жаңғыртуға үлкен қаржы талап етеді және әзірге тұрақты ірі тұтынушылардың жоқтығымен шектеліп отыр.«Күлді қайта өңдеу мәселесін кешенді түрде шешу қажет. Жай ғана қайта өңдеу зауытын салу жеткіліксіз. Біз шикізат сапасын жақсартудан бастап, сұранысты ынталандыруға, инфрақұрылымды дамытуға және экономикалық тиімді технологияларды енгізуге дейін  бүкіл экожүйені қалыптастыруымыз керек. Сонымен қатар, ескі күл-қож қоймаларын қалпына келтіру жұмыстарын жүргізуіміз керек. Бұл жерлерді шаруашылық айналымға қайтарып, олардың қоршаған ортаға кері әсерін азайтуға мүмкіндік береді», – деп атап өтті министр.Мұнай шламдарын басқару: жүйелі шешімдер және «тарихи мұрадан» арылуМұнай өңдеу өнеркәсібінің қалдықтарын басқару мәселесі бойынша министр ірі мұнай өңдеу зауыттарында жүйелі тәсіл қолданылып жатқанын айтты. Мұнай шламы жиналмайды, оны дереу арнайы құрылғылар арқылы өңдеу жүзеге асырылады. Шлам құрамындағы көмірсутектер қайта өңделіп, өндірістік циклге қайтарылады. Қалған қатты қалдықтар (жылына шамамен 5,3 мың тонна) қоршаған ортаға қауіпсіз жолмен жою үшін тиісті рұқсаты бар мамандандырылған ұйымдарға беріледі. Министр Қазақстан Республикасында мұнай шламдарын көмуге заң жүзінде тыйым салынғанын ерекше атап өтті.Сонымен қатар, бұрынғы жылдары жиналып қалған «тарихи» мұнай қалдықтарын жоюға ерекше көңіл бөлінуде. Жер қойнауын пайдаланушы компаниялар, оның ішінде «ҚазМұнайГаз» ұлттық компаниясы тобына кіретін кәсіпорындар, ластанған жерлерді қалпына келтіру жұмыстарын жүйелі түрде жүргізуде. Бұл үшін әртүрлі технологиялар, соның ішінде көмірсутектерді бөліп алу мақсатында сепарация әдісі, сондай-ақ биологиялық тазарту әдісі қолданылады. Соңғысы мұнайды ыдырататын арнайы микроорганизмдерді пайдаланады. Мұндай өңдеуден кейін тазартылған топырақ шаруашылық мақсаттарға, мысалы, жерлерді қайта қалпына келтіру үшін пайдаланылуы мүмкін.«Біз «тарихи» мұнай қалдықтарын жою бойынша айтарлықтай прогресті байқап отырмыз. 2018 жылдан 2024 жылға дейін 4,5 миллион тонна осындай қалдық қайта өңделді, оның 1 миллион тоннасы тек 2024 жылы жойылды. Бұл жетістіктер мұнай-газ компанияларының жүйелі жұмысының және экологиялық бақылаудың күшеюінің нәтижесі. Министрлік экологиялық заңнаманың сақталуын қадағалауды жалғастырады, сондай-ақ өнеркәсіптің қоршаған ортаға әсерін азайту үшін ең озық қолжетімді технологияларды енгізуді қолдайтын болады», – деп қорытындылады министр Ерлан Аккенженов.Қазақстан Республикасы Энергетика министрлігі өндірістік қалдықтарды қайта өңдеу көлемін арттыру үшін нормативтік-құқықтық базаны жетілдіру және қажетті жағдайлар жасау жұмыстарын жалғастырады. Бұл бағыт Қазақстанның «жасыл» экономикаға көшуінің маңызды элементі және елдің ұзақ мерзімді экологиялық тұрақтылығын қамтамасыз етудің басты тетігі ретінде қарастырылады.Ақпарат көзі : https://www.gov.kz/memleket/entities/energo/press/news/details/962622?lang=kk

Қостанай облысының әкімі Архимед Мұхамбетов Свердлов облысына жұмыс сапарымен барды. Екатеринбургке атбасын тіреген Архимед Мұхамбетов Свердлов облысының губернаторы Евгений Куйвашевпен кездесіп, екі өңірдің экономикалық байланысын нығайту жолдарын талқылады. Қазақстандық делегация құрамында облыс әкімдігі мен «Тобыл» әлеуметтік-кәсіпкерлік корпорациясының қызметкерлері болды. «Свердлов облысы біз үшін стратегиялық тұрғыда жақын әріптесіміз саналады. Екі ел басшыларының достық қарым-қатынасының арқасында ішкі сауданың өсімі үшін барлық жағдай жасалған. Бүгінгі кездесу қос тараптың экономикалық байланысын одан әрі жақсартады деген сенімдемін. Себебі, біз осында әлеуетті инвесторлар, кәсіпорын басшыларымен кездесіп, В2В форматында жиын өткіземіз. Қазір біз Қостанайда Индустриалды аймақтың құрылысын аяқтадық, сол себепті сіздердің облыстағы инвесторларға орын бөлуге мүмкіндігіміз бар. Олар өздерінің құрылғыларын біздің аймақта орнатып, кәсібін дамыта алады», - деді Қостанайоблысының басшысы.Архимед Мұхамбетов Тобыл-Торғай өңіріндегі автозауыттың даму қарқыны туралы сөз етті. Облыс басшысының айтуынша, былтыр Қостанайда 6 мың көлік нарыққа шығарылған. Енді биыл бұл көрсеткішті екі есеге ұлғайтып, көлік санын 12 мыңға дейін жеткізу жоспарланған. Іс-сапар барысында белгілі болғандай, Свердлов облысының кәсіпкерлері қостанайлық «Jac» автокөлігіне сұраныс жасап отыр. Әсіресе, оларды көліктің S3 моделі айтарлықтай қызықтырған. Свердлов облысының губернаторы қазақстандық әріптесінің ұсыныстарын толықтай қолдады. «Біз Қазақстандағы облыстармен тығыз байланыстамыз. 2017 жылдың көрсеткішінде тауар айналымы бойынша Қазақстан алдыңғы қатардағы елдердің бірі. Ішкі сауданың көлемі 30%-ға өсіп, 1 млрд-тан астам АҚШ долларын құрады. Сіздің осында келуіңіз екі өңірдің әріптестік байланысын одан сайын нығайтады», - деді Евгений Куйвашев.Қостанай облысының әкімдігі мен Свердлов облысының басшылығы экономикалық, мәдени-гуманитарлық салалар бойынша екіжақты келісімге қол қойды. Жиын соңында Архимед Мұхамбетов өтіп жатқан Әлем чемпионатында Ресей құрамасына сәттілік тіледі. Сондай-ақ, ол ресейлік әріптестерін Қазақстанда өтетін Астананың 20 жылдығын мерекелеу салтанатына шақырды.Свердлов облысына жасаған жұмыс сапары аясында Архимед Мұхамбетов сондай-ақ «Композит Групп» холдингі, «Сибеко», «Красногвардейск машина құрастыру зауыты», «Век» зауыты» АҚ және «Кейтеринбург» компаниясының басшыларымен кездесулер өткізді. Олардың қай-қайсысы да қазақстандық нарыққа, оның ішінде Қостанай облысымен қарым-қатынасты арттыруға мүдделі.Мәселен, «Кейтеринбург» компаниясының даму жөніндегі директоры Максим Лебедевтің айтуынша, Қазақстан жерінде, әсіресе Қостанай өңірінде жобаларды жүзеге асырып, инвестиция салуға қызығушылық артып отыр.«Ресей аумағында күніне 120 мың адамды сапалы азықпен тамақтаныдырып отырған «Кейтеринбург» осы қызметті Қазақстанда дамыта түсуге мүдделі. Ол дегеніміз біздің қызметте сіздің елдің азаматтары жұмысқа тартылып, жаңа жұмыс орны пайда болады деген сөз. Сондай-ақ салық түсімдері де Қазақстан бюджетіне үлесін қоспақ» - деп атап өтті ол.Жалпы еліміздің сыртқы экономикалық байланыстарын нығайту жолында бүгінде Қостанай облысы әкімідігі мен Ресейдің Свердлов, Челябі, Қорған, Орынбор, Омбы, Калуга облыстары және Татарстан Республикасымен арада жүйелі әріптестік жолға қолға қойылған. Әсіресе Қостанай өңірі кіретін Ресей Федерациясының шекаралас аймақтарымен арадағы сыртқы сауда айналымы 2017 жылы 1 млрд. АҚШ долларынан асып жығылды. Бұл 2016 жылмен салыстырғанда 30%-ға көп. Тауар айналымындағы облыстың экспорттық үлесі 52% болса, импорт 42%-ды құраған.  Ақпарат көзі : https://www.gov.kz/memleket/entities/kostanay/press/news/details/12652?lang=kk

Қостанай облысында тасқын суын қауіпсіз өткізу үшін 18 гидротехникалық құрылыс жөнделді.Сонымен қатар, өңірдің 21 елді мекенінде су тасқынынан қорғау үшін бөгеттер құрылысы аяқталды. Атап айтқанда, Қостанай облысының 9 ауданы мен Рудный қаласында бөгеттер салынды. Жангелдин ауданының Шеген, Сарысу және Тауыш ауылдарында жұмыс аяқталуға жақын.«Тобыл-Торғай бассейндік инспекциясы ірі су қоймаларының жұмыс кестесін бекітті. Су құрылыстарында тәулік бойы мониторинг жүргізілуде», - деді Су ресурстарын реттеу, қорғау және пайдалану комитеті төрағасының орынбасары Темірлан Әбдіқұлов.Еске салсақ, Су ресурстары және ирригация министрлігі сарапшылармен және Парламент депутаттарымен бірлесіп әзірлеген жаңа Су кодексінің жобасы су тасқыны мен құрғақшылыққа қарсы күрес саласындағы мемлекеттік және жергілікті атқарушы органдардың өкілеттіктерін нақты ажыратуды көздейді.Атап айтқанда, Су ресурстары және ирригация министрлігі бассейндік су инспекциялары арқылы тасқын суды өткізу және қабылдау кезінде гидротехникалық құрылыстардың жай-күйі мен жұмыс режимін бақылайды. Сонымен қатар, министрлік тасқынды су айдындарына жіберуді қамтамасыз етуі тиіс.Төтенше жағдайлар министрлігі су тасқыны мен су тасқынынан туындаған төтенше жағдайлардың алдын алу және салдарын жою жұмысын жүзеге асырады. Жергілікті атқарушы органдар тасқын және еріген қар суының алдын алу және одан қорғауға бағытталған іс-шараларды іске асырады. Елді мекендерді, өнеркәсіптік объектілерді, ауыл шаруашылығы алқаптарын және көлік инфрақұрылымын тасқын және еріген қар суынан қорғау үшін жерүсті су нысандарына санация (тазарту және тереңдету) жүргізеді.Экология және табиғи ресурстар министрлігі де ЖАО-мен бірге орман екпелерін отырғызу жұмысын жүзеге асырады.  Ауыл шаруашылығы министрлігі құрғақшылықтың алдын алу үшін ауылшаруашылық жерлерін тиімді пайдалану және дақылдардың құрғақшылыққа төзімді нақты түрлерін өсіру бойынша ұсыныстарды бекітеді.Ақпарат көзі : https://www.gov.kz/memleket/entities/water/press/news/details/962388?lang=kk

🏆Қой көтеру: қошқарды бағындырған келін!22 наурызда Республика алаңында Наурыз мерекесінің сәніне айналған қызықты ұлттық ойындар өтті! Соның ішінде кой көтеру, бұл жарыста қатысушылар өздерінің күштері пен төзімділіктерін көрсетіп, қошқарды мүмкіндігінше көп көтереді.🔥Жарыстың бас жүлдесін қарапайым қазақ келіні-Нұржанқызы Айым жеңіп алып, баршаны өзінің керемет төзімділігімен таң қалдырды! Ол қошқарды 100 рет көтеріп, осы керемет жарыстың абсолютті чемпионы болды.👏 Айымды керемет жеңісімен құттықтаймыз! Наурыз рухы әрқашан күш, сәттілік пен амандық әкелсін! Ақпарат көзі : https://www.gov.kz/memleket/entities/akimvko/press/news/details/962374?lang=kk

Қалпына келтіру және жаңғырту жұмыстарынан кейін Үлкен концерт залын Алматы қаласының әкімі Ерболат Досаев барып көрді.Қала басшысының тапсырмасымен алғаш рет 42 жыл ішінде қолға алынған жаңғырту жұмыстары 2024 жылдың қыркүйегінен бастап биылғы наурыз айына дейін жалғасты. Бұл ретте, Үлкен концерт залының тарихи келбеті мен түпнұсқалық акустикалық дизайны толық сақталды. Көрермен залының үстінде аспалы шамдардан тұратын ерекше дыбыс толқындарын басқару жүйесі бар.Айта кетейік, Оқушылар сарайының бір бөлігі саналатын Үлкен концерт залы жергілікті маңызы бар мемлекеттік тарихи ескерткіш. Ол 1983 жылдан бері жұмыс істеп келеді және балалар мен жасөспірімдерге арналған мәдени-танымдық іс-шаралар өткізетін ең ірі алаңның бірі ретінде танымал.Концерт залының жалпы аумағы 1 168 шаршы метр. Бұл аумаққа амфитеатр, екі көрермендер балконы, төрт техникалық ложа және сахна кіреді. Жаңғырту жұмыстары барысында интерьер элементтері 1 639 шаршы метр аумақта қалпына келтірілді. Декоративті гипстік элементтер, көрермен орындықтары мен еден жабыны жаңартылды. Сонымен қатар, залға соңғы буын цифрлық микшерлік пульті мен жоғары халықаралық стандартқа сәйкес келетін кең жолақты кеңістіктік дыбыс жүйесі орнатылды. Жарықтандыру жүйесі 100-ден астам прожектор мен софиттері бар динамикалық жарық жүйесімен толықтырылды, бұл түрлі форматтағы іс-шараларға бейімделген.Жаңғырту аясында концерт залының тарихында алғаш рет айналмалы сахна механизмі, барлық сахналық құрылым, кулисалар, бас перде және электрмен жабдықтау жүйесі толығымен жаңартылды. Сондай-ақ, цифрлық басқару жүйесі бар жоғары технологиялық LED-экрандар орнатылды.Жаңартылған зал жас алматылықтар үшін іс-шаралар ауқымын айтарлықтай кеңейтеді. Театр қойылымынан бастап, интерактивті шоу мен цифрлық форумға дейін республикалық және халықаралық деңгейдегі іс-шаралар өткізіліп, жылына кемінде 40 000 баланы қамту жоспарланған.Алматы әкімі Ерболат Досаевтың айтуынша, Үлкен концерт залында Н.Сац атындағы балалар мен жасөспірімдер театрының қойылымдары да өтеді, себебі балалар театрында қазір реконструкциялау жұмыстары қолға алынған.Қала басшысы жаңғыртудың келесі кезеңінде Оқушылар сарайының сыртқы қасбетін жаңарту және айналасын көркейту жоспарланып отырғанын атап өтті.Бүгінгі таңда Оқушылар сарайында 8 білім беру бағыты бойынша 237 үйірме мен секция жұмыс істейді. Атап айтқанда, көркем-эстетикалық және қолданбалы өнер, балалар музыка мектебі, джаз бағытына арналған музыка мектебі, экологиялық-биологиялық бөлім, туристік-өлкетану бөлімі, балалар бастамаларын үйлестіру бөлімі, спорт бөлімі және ғылыми-техникалық шығармашылық бөлімі.Жаңғыртудан өткен концерт залы Оқушылар сарайының үйірмелеріне қатысатын 15 100 балаға және балалар музыка мектебінде, Орталық Азиядағы жалғыз балалар джаз мектебінде және музыка-эстетикалық бағыттағы үйірмелерде (қобыз, домбыра, фортепиано, саксофон, жетіген, скрипка, флейта, вокал, терме) білім алатын 2 348 жас музыкантқа өнер көрсету мүмкіндігін береді. Эстрадалық-симфониялық, джаз, домбыра оркестрлері, скрипка ансамбльдері мен хор ұжымдары үшін арнайы жағдай жасалған.Ақпарат көзі : https://www.gov.kz/memleket/entities/almaty/press/news/details/962337?lang=kk

Таразда Наурызнама онкүндігі аясында Тазару күніне орай бірқатар саябақтар мен көшелерде тазалық жұмыстары жүргізілді.Облыстық жастар ресурстық орталығының және “Жасыл ел” еріктілер жасағынан 50-ден аса жас жиналып, "Денсаулық" саябағындағы арық-атыздар мен жолдағы күл-қоқыстарды тазалады.Айта кетейік, Жамбылда наурыз-сәуір айларына жоспарланған 10,9 мың тал ағаштарын отырғызу, 17 мың м2 гүлзарлар мен 5,7 мың м2 көгалдар орналастыру, 803,8 шақырым арық жүйелері мен каналдарды тазалау, 2 781 шақырым көше жолдарын, 668 140 м2 саябақтар мен скверлердің аумақтарын тазалау, 5,0 мың тонна күл-қоқыс шығару жұмыстары кестеге сәйкес кезең-кезеңімен жүргізілуде.Ақпарат көзі : https://www.gov.kz/memleket/entities/zhambyl/press/news/details/962266?lang=kk

Өңірде жаңа жобалар мен цифрлық шешімдер белсенді түрде енгізілуде.Шығыс Қазақстан облысы инвестициялар көлемін ұлғайтуды және бизнес үшін қолайлы жағдайлар жасауды жалғастыруда: 2024 жылы өңір экономикасына 768,2 млрдтеңге инвестицияланды, өсу қарқыны 118,4%, сондай-ақ жеке инвестициялар айтарлықтай өсуді көрсетті–олардың көлемі 9,6%-ға ұлғайып, 545,9 млрд теңгені құрады.- Мемлекет басшысының тапсырмасы бойынша барлық деңгейдегі инвесторларды іздеуді, қолдауды және қорғауды күшейтетін тұтас экожүйе құрылуда. Бұл шетелдік және отандық инвесторларға қатысты. Біздің басқарма осы бағытта өңірлік деңгейде жұмыс жүргізуде,-деп атап өтті ШҚО кәсіпкерлік және индустриялық-инновациялық даму басқармасы.Өңірдегі инвестициялық ахуалды жақсарту үшін цифрлық шешімдер белсенді түрде енгізілуде. Негізгі құралдардың бірі ҚР Сыртқы істер министрлігі 2024 жылы іске қосқан ұлттық цифрлық инвестициялық платформа (ҰҒТО) болды. Оның көмегімен инвесторға мемлекеттік органдар тарапынан ақпараттық, консультациялық және ұйымдастырушылық қолдау көрсетіледі.- Қазір жүйеде Шығыс Қазақстаннан жалпы сомасы 859,1 млрд теңгеге 49 инвестициялық жоба тіркелген. Оның ішінде өткен жылы 45 млрд теңгеге 10 жоба сәтті іске асты, ал 2025 жылы жалпы инвестиция көлемі 42 млрдтеңгеге тағы 8 жобаны іске қосу жоспарланған, - деп хабарлады ШҚО кәсіпкерлік және индустриялық-инновациялық даму басқармасы.Мұнда ҰҒТО инвесторларға консультативтік қызметтерден бастап мемлекеттік органдар тарапынан сүйемелдеуге дейін "бір терезе" режимінде қажетті қолдау алуға мүмкіндік беретінін атап өтті. Сондай-ақ бизнес үшін қолайлы жағдай жасау үшін өңірде мемлекеттік органдардың, прокуратураның және кәсіпкерлер палатасының өкілдері кіретін инвестициялық штаб жұмыс істейді. Егер инвесторларда жобаларды іске асыруға байланысты қиындықтар туындаса, олар жедел тәртіппен қаралады.Сонымен қатар өңірде кәсіпкерлерге құқықтық қолдау көрсететін фронт-офис жұмыс істейді. Бизнесті қорғау тетіктерінің бірі 13,8 млрд теңге сомасына 42 жобаны қамтитын инвесторлардың өңірлік пулы болды. Бұл әкімшілік кедергілерді азайтуға және жаңа кәсіпорындардың іске қосылуын жеделдетуге мүмкіндік береді. Бұл жұмыс облыстық прокуратураның белсенді қолдауымен жүргізілуде.Айта кетейік, инвестиция тарту бойынша кешенді жұмыс қаржыландыруды ұлғайтуға ғана емес, өңірдің өнеркәсіптік әлеуетін дамытуға да бағытталған. Ашық жағдайлар, цифрлық технологиялар және мемлекеттік қолдау Шығыс Қазақстанда жаңа өндірістер ашуға және орнықты экономикалық өсуге қолайлы жағдай жасайды.Ақпарат көзі : https://www.gov.kz/memleket/entities/akimvko/press/news/details/962261?lang=kk

Спорттық гимнастикадан Түркияның Анталья қаласында өтіп жатқан әлем кубогының үшінші кезеңінде қоржынымызға екі бірдей жүлде түсті.Париж Олимпиадасының күміс жүлдегері Нариман Құрбанов  өзінің бірінші ресми жарысында-ақ тұтқалы ат снаряды жаттығуында чемпион атанды.Тұтқалы ат снаряды. Ерлер🥇Нариман Құрбанов🥈Зейнолла Ыдырысов🥉Ахмад Әбу әл-Сауд (Иордания) - Әлем чемпионатының екі мәрте жүлдегеріЖарыс ертең мәресіне жетеді.Ақпарат көзі : https://www.gov.kz/memleket/entities/tsm/press/news/details/962239?lang=kk

➤ Қасым-Жомарт Тоқаев «Expo» көрме орталығындағы этноауылда Наурыз мерекесін жұртшылықпен бірге қарсы алды.➤ Президент мерекелік іс-шараға жиналған көпшілікті Наурыз мейрамымен құттықтап, жылы лебізін жеткізді.– Ұлыстың ұлы күні – ұлтымыздың ұлық мейрамы. Бұл – біздің ата дәстүріміз. Шуақты көктем мерекесінде бүкіл дүние қайта жаңғырады. Күн мен түн теңеледі. Қазақ елі әз-Наурызды көне заманнан бері тойлап келеді. Наурыз – ең алдымен, игілікті істердің мерекесі. Осы күндері әр үйде ақ дастархан жайылады. Ел-жұрт бір-бірімен қауышып, ақ тілегін айтады. Мұқтаж жандарға қайырымдылық жасап, қамқорлық көрсетеді. Ұлыстың ұлы күні биыл да қасиетті Ораза айымен тұспа-тұс келіп отыр. Еліміз үшін мұның мән-маңызы зор. Себебі біздің дініміз бен дәстүріміз – егіз. Қос қазынамыз халқымыздың бірегей болмысын айшықтай түседі, – деді Қасым-Жомарт Тоқаев.t.me/aqorda_resmiАқпарат көзі : https://www.gov.kz/memleket/entities/mangystau/press/news/details/962183?lang=kk

Фристайл-могулдан Ұлттық құрама спортшысы Анастасия  Городко Санкт-Мориц қаласында (Швейцария) өтіп жатқан фристайлдан әлем чемпионатында үздік үштікті түйіндеді.Отандасымыз Анастасия (22.00 ұпай) параллель-могул сайысындағы кіші финалда АҚШ спортшысынан басым түсіп, қолаға қол жеткізді.Фото: www.olympic.kz Ақпарат көзі : https://www.gov.kz/memleket/entities/tsm/press/news/details/962171?lang=kk

✔️Түркістан қаласында «Конгресс холл» кешенінде «Alqonyr» фольклорлық ансамблінің Ұлыстың ұлы күніне арналған «Наурыз сазы» атты алғашқы концерті өтті. Концертте ұлттық музыкамыздың жауһары саналатын шығармалар, халық әндері орындалды.✔️Ансамбльге «Құрмет» орденінің иегері, Мәдениет саласының үздігі, Қазақстан Композиторлар одағының мүшесі Еркін Нұрымбетов дирижерлік етті. Сонымен қатар Қырғызстанның «Акак» комузшылар ансамблінің солисі Курманбек Жалил уулы ансамбльмен бірге өнер көрсетті.✔️Бұл кеште кешеннің «Jana lep» шығармашылық ұжымы мен «Samgau» би ансамбліде өнер көрсетіп, жеке ән орындауда Айдос Иманжаппаров, Мейірімхан Назархан, Асыл Жомарт пен Жанәділ Ақерке елдің зор ықыласына бөленді. Кештің көркемдік жетекшісі Мерей Маханов болса, музыкалық жетекші Венера Жұбайқызы. Ал топ меңгерушісі Кенжебек Пірмахан.✔️Айта кетейік, «Alqonyr» фольклорлық ансамблі 2023 жылдың күзінде құрылды. Ансамбль құрамында саз сырнайшы, төрт домбырашы, прима қобызшы, қыл қобызшы, екі баяншы мен дауылпазшы бар.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/962157?lang=kk

✔️Наурыз мейрамына орай Түркістан төрінде «Ән мен әнші» концерті өтті. Киелі шаһардың ерекше мәртебе алу құрметіне арналған мерекелік думанды Түркістан қаласы әкімдігі ұйымдастырды. Күндіз Наурыз мерекесіне арналған ауқымды іс-шараны тамашалаған түркістандықтар мен қонақтар кешке мағыналы концертте бас қосты.✔️Бұл кеште қазақ эстрадасының жарқын жұлдыздары Роза Рымбаева мен Мақпал Жүнісова бастаған әншілер өнер көрсетті. Есті әндер жүректерді жылулық пен әсерлі әуенге толтырып, әдемі көңіл-күй сыйлады.✔️Концертте шырқалған әндер мен ерекше атмосфера көрерменге мерекелік көңіл-күй сыйлады. «Керуен сарай» кешеніне келген адам қарасы көп болды. Қала тұрғындары мен қонақтары керемет бағдарлама мен эмоцияға толы сәттерге риза болып тарқасты.✔️Айта кетейік, Түркістандағы Наурыз тойы тойы бүгін «Конгресс холл» кешенінде республикалық ақындар айтысымен жалғасады. Сондай-ақ Түркістан музыкалық драма театры бүгін және ертең «Вальс королі» қойылымын көрермен назарына ұсынады. Аудан, қалаларда мерекелік іс-шаралар жалғасады.Түркістан облысы әкімнің баспасөз қызметіАқпарат көзі : https://www.gov.kz/memleket/entities/ontustik/press/news/details/962156?lang=kk

Қазақстан Республикасы Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығын іске асыру аясында Түркістан облысының әкімі Нұралхан Оралбайұлы Көшеровтің Отырар ауданының тұрғындарымен кездесуі 2025 жылғы 04 сәуірде сағат 15.00-де аудандық мәдениет сарайында (Шәуілдір ауылы, Жібек жолы даңғылы №52), жеке қабылдауы сағат 16.00-де аудандық «Отырар аудандық археологиялық қорық-музейі" ғимаратында (Шәуілдір ауылы, Жібек жолы даңғылы №1) өтетінін хабарлаймыз!Облыс әкімінің жеке қабылдауына жазылу үшін 8(72533) 5-98-99, 5-93-97 5-92-22, 5-98-90, 5-98-80 байланыс телефондар және «Е-өтініш» ақпаратттық жүйесі арқылы 2025 жылғы 02 сәуірге дейін сағат 9.00–19.00 аралығында (түскі үзіліс сағат 13.00 - 15.00) жүргізіледі.​Тиісті мекемелердің қатысуын қамтамасыз ету және кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды почта (бар болған жағдайда) нақты көрсетілуі қажет.Ақпарат көзі : https://www.gov.kz/memleket/entities/ontustik/press/news/details/962149?lang=kk

✔️Наурыз мейрамына «Жібек жолы» халықаралық пойыз бағытымен Түркістанға 300-ден аса турист келді. Саяхатшылар Түркістан қаласының көрікті орындарын аралап, Наурыз мейрамын тамашалауды жоспарлап отыр.✔️Олар Түркістанның тарихымен, мәдениетімен танысады. Арыстанбаб кесенесі, Отырар қалашығын аралап, Қожа Ясауи кесенесіне зиярат етеді. Сондай-ақ қаланың жаңа сәулет нысандарын, атап айтсақ, «Жастар» саябағын «Керуен сарай» кешенін аралайды.✔️Айта кетейік, өткен жылы «Жібек жолы» туристік пойызы өз жұмысын бастаған болатын. Бірнеше күнге созылатын саяхатта туристер Алматыдан бастап, Түркістан, Ташкент, Самарқанд және Шымкент қалаларын аралап, туристік орындарымен танысады.✔️Түркістанда туристік маусым 19 наурызда ресми түрде ашылды. 2025 жылдың қаңтар-ақпан айларында E-qonaq бойынша қалаға келген шетелдік туристер саны 1310 адамды құрады. «Әзірет Сұлтан» қорық-мұражайы берген мәлімет бойынша қаңтар-ақпан айында 47 мыңнан астам келушi тіркелген. 2024 жылы Түркістан – Түркі әлемінің туристік астанасы атанды. Бұл мәртебе өңірдің туристік ағынының артуына ықпал етті. Өткен жылдың наурыз айында қалаға келушілердiң саны 79,8 мың адамды құраған. Түркістан қаласының ерекше мәртебеге ие болуына байланысты бұл көрсеткіштердің тағы да арта түсері анық.✔️Өңірде 235 орналастыру орны және 75 санаториялық-курорттық ұйым жұмыс істейді. 2024 жылдың қорытындысымен өңірдегі табиғи аумақтарға 128,6 мың адам, тарихи орындарға 880,1 мың адам саяхаттаған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/962146?lang=kk

✔️Сарыағаш ауданына қарасты Қызылжар атшабарында ұлттық спортты ұлықтау мақсатында 2001 жылғы ауыл жастарының демеушілігімен ат спортының жаппай көкпар түрінен жастар арасында ұлттық ойын болып өтті. Көкпарға 150-ге жуық шабандоз қатысып,шеберліктерін көрсетті.✔️Ұлттық ойынды ұйымдастырудағы басты мақсат – бағзы заманнан бері бабамыздан баламызға мирас болып, ұрпақтан-ұрпаққа жалғасып келе жатқан ұлттық ойындарымызды жастар арасында кеңінен насихаттау, салт – дәстүрін, әдет – ғұрпын дәріптеу, туған елге, жерге, өз Отанына деген жастардың сүйіспеншілік сезімдерін арттыру.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/962145?lang=kk

Түркістан облысы әкімінің орынбасары Ертай Алтаев Қазақстан мұсылмандар діни басқармасының өкілдерімен кездесті. Басқосуда руханият саласындағы мәселелер қозғалды. Сонымен қатар шаһарда ҚМДБ имамдарының білімін жетілдіретін Ислам институтын ашу, институттың жұмысын жүйелендіру бойынша Жол картасын әзірлеу, штаттық құрылымын жасақтау және бекіту, облыс көлеміндегі мешіт қызметкерлерінің біліктілігіне мониторинг жүргізу, қажеттілігіне қарай біліктілігін арттыру курстарын оқыту жолдары сараланды. Облыс әкімінің орынбасары аталған орталықты ғылыми-зерттеу институты ретінде тіркеу мүмкіндігін қарастыруды ұсынды.– Қазіргі таңда дін саласындағы қызметкерлердің білімі мен біліктілігін көтерудің маңызы артқан. Сондықтан біліктілікті арттыру курстарына республикаға танымал, дін, тарих, мәдениет, философия және тағы басқа ғылымдар бойынша сарапшылар мен спикерлерді жұмылдыруды қолға алсаңыздар. Алдағы уақытта Қожа Ахмет Ясауи мұрасын дәріптеу бағытында халықаралық деңгейде конференциялар өткізіледі, солардың қорытындыларын да жұмыста кеңінен пайдалануды қарастыруды ұсынамын. Түркістанда мықты теологтар мен профессорлардан дәріс алу арқылы дін қызметкерлерінің білімі жетіле түсіп, елге сапалы қызмет етудің деңгейі артады деп ойлаймын, – деді Ертай Кенжебекұлы.Қазақстан мұсылмандары діни басқармасының (ҚМДБ) Діни оңалту бөлімінің меңгерушісі Хасан Аманқұлов өз сөзінде Түркістанның Қазақстанның рухани орталығы ретінде ерекше орны бар екенін атап өтіп, жақында ашылатын институт өңірдегі имамдардың білімін шыңдауға серпін беретін орталыққа айналатынына сенім білдірді.Аталған институт биыл пайдалануға беріледі деп күтілуде. Бұл орталықта Қожа Ахмет Ясауи еңбектері мен ғибратты хикметтеріне ғылыми-зерттеу жұмыстарын жүргізу, Түркістан, Жамбыл, Қызылорда, Ұлытау облыстары мен Шымкент қаласының дін саласында қызмет атқарып жүрген имамдарының білімін жетілдіру көзделіп отыр. Сонымен бірге тарихты, классикалық еңбектерді оқытып, діни мәселелерді түсіндіру қабілетін арттыру жоспарланған. Мұнда дін ғұламалары мен теологтар дәріс береді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/962144?lang=kk

Қазақстан Республикасы Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығын іске асыру аясында Түркістан облысының әкімі Көшеров Нұралхан Оралбайұлының Түлкібас ауданының тұрғындарымен кездесуі 2025 жылғы 3 сәуірде сағат 15.00-де аудандық мәдениет үйінде (Т.Рысқұлов ауылы, С.Ахметов көшесі №205), жеке қабылдауы сағат 16.00-де Түлкібас ауданы әкімі аппаратының ғимаратында (Т.Рысқұлов ауылы, Т.Рысқұлов көшесі №201), өтетінін хабарлаймыз.Облыс әкімінің жеке қабылдауына жазылу үшін 8(72533) 5-98-99, 5-93-97 5-92-22, 5-98-90, 5-98-80 байланыс телефондары және «Е-өтініш» ақпаратттық жүйесі арқылы 2025 жылғы 1 сәуірге дейін сағат 9.00–19.00 аралығында (түскі үзіліс сағат 13.00 - 15.00) жүргізіледі.​Тиісті мекемелердің қатысуын қамтамасыз ету және кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды пошта (бар болған жағдайда) нақты көрсетілуі қажет.Ақпарат көзі : https://www.gov.kz/memleket/entities/ontustik/press/news/details/962137?lang=kk

Қазақстан Республикасы Президентінің 2022 жылғы 3 наурыздағы «Әкімдердің халықпен кездесулерін өткізу туралы» №826 Жарлығын іске асыру аясында Түркістан облысының әкімі Көшеров Нұралхан Оралбайұлының Сайрам ауданының тұрғындарымен кездесуі 2025 жылдың 3 сәуірінде сағат 10.00-де К.Жандарбеков атындағы аудандық мәдениет үйінде (Ақсукент ауылы, Абылайхан көшесі, №71), жеке қабылдауы сағат 11.00-де Аудан әкімі аппаратының ғимаратында (Ақсукент ауылы, Жібек жолы көшесі, №95) өтетінін хабарлаймыз.Облыс әкімінің жеке қабылдауына жазылу үшін 8(72533) 5-98-99, 5-93-97 5-92-22, 5-98-90, 5-98-80 байланыс телефондары және «Е-өтініш» ақпаратттық жүйесі арқылы 2025 жылғы 1 сәуірге дейін сағат 9.00–19.00 аралығында (түскі үзіліс сағат 13.00 - 15.00) жүргізіледі.​Тиісті мекемелердің қатысуын қамтамасыз ету және кері байланыс орнату мақсатында өтініш берушінің аты-тегі, сұрақтың мәні, мекен-жайы, байланыс телефоны және электронды пошта (бар болған жағдайда) нақты көрсетілуі қажет.Ақпарат көзі : https://www.gov.kz/memleket/entities/ontustik/press/news/details/962136?lang=kk

Құрметті жерлестер!Баршаңызды жер-дүние бусанып, күн мен түн теңелетін Ұлыстың ұлы күні – Наурыз мейрамымен құттықтаймын!Наурыз өркендеу мен жарқын болашақтың энергиясын бейнелейді, адамдарға оптимизм және ең жасампаз да асыл мұраттарының жүзеге асуына деген үкілі үміт сыйлайды.Көктемнің жарқын мерекесі – жыл басы бізге көнеден келді. Бұл ежелден Жаңа жылдың символы ғана емес, сонымен бірге табиғаттың жаңаруы, мейірімділік, өзара түсіністік пен сыйластықтың белгісі ретінде қабылданады.Наурыз – адамзат жадының салтанаты, даңқты тарихымыз, біздің сан ғасырлар бойы халқымызға рухани қуат беріп келе жатқан сарқылмас қайнар бұлағымыз.Көпұлтты және көпконфессиялы Қазақстан халқы әлемдік қоғамдастықта берік достықтың, ынтымақ пен мызғымас бірліктің үлгісі болды және солай болып келеді.Келісім мен татулық туын атыраулықтар қашанда берік ұстайды. Облыстың айрықша қарқынмен дамуы – осы сүттей ұйыған ауызбіршілік пен жарастықты үйлесімнің нәтижесі.Жаңалықтық жаршысы, жақсылықтың бастауы бұл күні барлық реніш ұмытылып, әр шаңыраққа қуаныш орнайды, көкірегі ояу адамдар бір-біріне жақсылық пен береке тілейді.Әз-Наурыз бақ-береке мен игілік-молшылық әкелсін, ұлыс оң болсын, ақ мол болсын!Атырау облысының әкімі С.ШәпкеновАқпарат көзі : https://www.gov.kz/memleket/entities/atyrau/press/news/details/962129?lang=kk

Қорғалжын ауданында Наурыз мейрамы кеңінен аталып өтті. Мерекелік шара аясында театрландырылған көрініс, марапаттау рәсімі, спорттық жарыстар және концерт ұйымдастырылды.Ақмола облысының әкімі Марат Ахметжанов жергілікті тұрғындарды көктем мерекесімен құттықтап, Наурыз мейрамы жаңару, бірлік пен берекенің нышаны екенін атап өтті. Ол Қорғалжын ауданында ұлттық дәстүрлер ұлықталып қана қоймай, әлеуметтік-экономикалық дамуға да ерекше мән берілетінін жеткізді.«Мемлекет басшысы Қасым-Жомарт Кемелұлы Тоқаевтың қатысуымен өткен Ұлттық құрылтай отырысында Ақмола облысының дамуына ерекше көңіл бөлінетіні айтылды. Осыған байланысты Президенттің тапсырмасымен Арқалық, Торғай және Ырғыз арқылы Астананы Транскаспий халықаралық көлік дәлізімен байланыстыратын автожолдың құрылысы басталады.«Бұл күре жол Жантеке мен Сабынды ауылдарының үстімен өтеді. Бұл өз кезегінде өңірдің дамуына тың серпін беретіні сөзсіз. Ауданда маңызды әлеуметтік және инфрақұрылымдық жобалар жүзеге асырылуда. Мұның бәрі халықтың өмір сүру сапасын жақсартуға және қолайлы жағдай жасауға бағытталған», – деп атап өтті облыс әкімі.Мереке аясында өңір басшысы Қорғалжын ауданының 100 жастағы тұрғыны Макен Баспаеваны құттықтап, ізгі тілегін білдірді. Өз кезегінде ғасыр жасаған кейуана алғысын айтып, батасын берді.Сондай-ақ, облыс әкімі ауданның дамуына үлес қосқан азаматтарға алғыс хат табыстап, аудандық мәдениет бөліміне жаңа автокөліктің кілтін тапсырды.Марат Ахметжанов мәдениет, тарих және қазақ халқының дәстүрлеріне арналған тоғыз киіз үйді аралады.Мерекелік шара спорттық жарыстармен және концерттік бағдарламамен қорытындыланды.Сонымен қатар, жұмыс сапары барысында өңір басшысы дене шынықтыру-сауықтыру кешенінің құрылысымен де танысты.Ақпарат көзі : https://www.gov.kz/memleket/entities/aqmola/press/news/details/962095?lang=kk