Мемлекет басшысының «Адал адам – Адал еңбек – Адал табыс» Ұлттық құрылтайдың отырысындағы тапсырмасы бойынша 2024 жылы 1 700 шақырымнан астам газ құбыры салынып, 300 мыңнан астам азамат көгілдір отынға қол жеткізді.Елді мекендерді газдандыру халықтың өмір сүру сапасын жақсартып, экологияның ластануын төмендетеді, баламалы отын сатып алуға кететін қаражатты үнемдейді және өңірлердің инвестициялық тартымдылығын арттырады.2025 жылы мемлекет 7 елді мекенді газдандыруға арналған 45 жобаны іске асыру үшін 65,9 млрд теңге бөлді. Аталған жобаларды іске асыру елді газдандыру деңгейін 62 %-ға дейін арттырады немесе 12,4 млн-нан астам адам газға қол жеткізеді.«Финская-120» автоматтандырылған газ реттеу станциясын және магистральдық газ бұру құбырын салу Атырау облысындағы ірі жобалардың бірі болып табылады. Бұл жобаны іске асыру Атырау қаласының еуропалық бөлігін қажетті газ көлемімен қамтамасыз ету үшін газ құбырының өткізу қабілетін арттыруға мүмкіндік береді, бұл өңірдегі өнеркәсіпті дамытуға үлкен серпін береді.Табиғи газ экологиялық жағдайды жақсартады Табиғи газды пайдалану көмірқышқыл газы шығарындыларының төмен деңгейіне, зиянды қоспалардың болмауына және көмір мен мазутпен салыстырғанда жоғары энергетикалық тиімділікке байланысты экологиялық жағдайды жақсартуға ықпал етеді.Халықты табиғи газбен қамтамасыз ету кезіндегі әлеуметтік жауапкершілікМемлекет басшысының «әлеуметтік әмиян» тетігін енгізу жөніндегі тапсырмасы шеңберінде 2024 жылғы желтоқсанда Үкімет Батыс Қазақстан облысы мен Шымкент қаласында халықтың әлеуметтік осал топтарына тауарлық газға (24% дейін) жеңілдік түрінде атаулы әлеуметтік және тұрғын үй көмегін ұсыну бойынша пилоттық жобаны іске қосты, осылайша 6000-нан астам адамды қамтыды. Пилоттық жобаның қорытындысы бойынша аталған тетік бүкіл ел бойынша енгізілетін болады. 2025 жылы «Талдықорған – Үшарал» магистральдық газ құбырының құрылысы аяқталадыМемлекет басшысының тапсырмасы бойынша, ұзындығы 302 км «Талдықорған-Үшарал» магистральдық газ құбырының құрылысы жалғасуда, бұл 124 мың адамды қамтитын Жетісу облысының 66 елді мекенін табиғи газбен қамтамасыз етуге мүмкіндік береді. Құрылыс графиктен оза отырып жүргізіліп жатыр. Қашаған кен орнында қуаты жылына 1 млрд м3 МӨЗ салу жұмыстары жалғасып жатырЖоба шикі газды қайта өңдеудің ұлттық бағдарламасы шеңберінде іске асырылуда, бұл Қашаған кен орнынан мұнай өндіруді тәулігіне25 мың баррельге ұлғайтуға және ішкі тұтыну үшін тауарлық газ көлемін жылына 700 млн м3 ұлғайтуға мүмкіндік береді.Қашаған кен орнының шикізат базасында жылына 700 мың тоннаға дейінгі көлемде сұйытылған мұнай газын өндіру жөніндегі технологиялық кешеннің құрылысы басталдыМемлекет басшысының тапсырмасы бойынша еліміздің энергетикалық қауіпсіздігін қамтамасыз ету үшін ҚР Үкіметі мен Қашаған кен орнының акционерлері арасында жылына 700 мың тоннаға дейінгі көлемде сұйытылған мұнай газын өндіру жөніндегі кешен салу туралы стратегиялық келісімге қол жеткізілді.2026 жылдан бастап сұйытылған мұнай газының қосымша көлемі халықты автогазбен қамтамасыз етеді және өңірде мұнай-газ химиясын дамытуға мүмкіндік береді.Ақпарат көзі : https://www.gov.kz/memleket/entities/energo/press/news/details/920497

Қазақстан Республикасы Энергетика министрлігі Отын-энергетикалық кешен мәселелері жөніндегі қоғамдық кеңестің жаңа құрамын қалыптастыру бойынша Жұмыс тобының мүшелерін іріктеу жөніндегі конкурс өткізілетіні туралы хабарлайды («Қоғамдық кеңестер туралы» 2015 жылғы 2 қарашадағы ҚР Заңына және Қоғамдық кеңес туралы 2021 жылғы 26 ақпандағы №69 Үлгілік ережеге сәйкес).Конкурс Қазақстан Республикасының азаматтары мен коммерциялық емес ұйымдарының өкілдері арасында өткізіледі.Құжаттар 2025 жылдың 20 – 31 қаңтар айының аралығында қабылданады.Жұмыс тобының сандық құрамы 7 адам, оның ішінде 2 – мемлекеттік органның өкілдері, 5 – коммерциялық емес ұйымдардың өкілдері, Қазақстан Республикасының азаматтары.Конкурсқа қатысу үшін келесі құжаттар ұсынылады:Азаматтың Жұмыс тобының құрамына кандидатура ұсыну туралы берілген нысанға сәйкес өтініші (1-қосымша);Кандидаттың кәсіптік және (немесе) қоғамдық қызметі туралы мәліметтер (2-қосымша);Коммерциялық емес ұйымның Жұмыс тобының мүшелігіне кандидатураны ілгерлету бойынша жазбаша ұсынысы (бар болса) (3-қосымша);Қазақстан Республикасының азаматының жеке куәлігінің көшірмесі.Жұмыс тобының отырыстарына қатысуға үкіметтік емес ұйымдардың, бұқаралық ақпарат құралымдарың, мемлекеттік органдардың, халықаралық ұйымдардың өкілдері болып табылатын дауыс беру құқығы жоқ байқаушылар жіберілетініне назар аударамыз.Жұмыс тобының отырысына байқаушы ретінде қатысу үшін байқаушы болуға ниет білдірген адам, берілген нысан бойынша өтініш бере алады (4-қосымша).Құжаттар электрондық поштаға жіберіледі - i.zhumagaliyeva@energo.gov.kzАнықтама телефоны: 8 7172 78 69 30Қажетті формаларды толтыру үшін https://www.gov.kz/memleket/entities/energo/documents/details/782649?lang=kk ссылкасы арқылы өтуге болады. Ақпарат көзі : https://www.gov.kz/memleket/entities/energo/press/news/details/920614

2025 жылғы 21 қаңтарда Мұнай-газ, мұнай өңдеу және мұнай-газ-химия салаларындағы кәсіптік біліктілік жөніндегі салалық кеңестің отырысы өтті.Отырыста күн тәртібіндегі бірінші мәселеге сәйкес ҚР Энергетика министрлігі әзірлеген Салалық кеңестің 2025 жылға арналған жұмыс жоспары қолдау тауып, келісілді.ҚР Еңбек және халықты әлеуметтік қорғау Министрлігі жанындағы Кәсіптік біліктілік жөніндегі Ұлттық органның сарапшысы қатысушыларды органның ағымдағы қызметімен және осы жылға арналған жоспарлары туралы хабардар етті.Мемлекет басшысы 2025 жылы жариялаған «Жұмысшы мамандықтар» жылы аясында Қазақстанда ҚР Оқу-ағарту министрлігінің өкілдері мұнай-газ саласы үшін техникалық және кәсіптік білімі бар кадрларды даярлау жөніндегі шаралар туралы ақпарат ұсынды.Салалық кеңес отырысында Қазақстанның Мұнай-газ, мұнай өңдеу және мұнай-газ-химия өнеркәсібіндегі кәсіби біліктілікті дамыту және арттыру үшін талқыланған тақырыптардың маңыздылығы атап өтілді. Ақпарат көзі : https://www.gov.kz/memleket/entities/energo/press/news/details/922063

ҚР Энергетика министрлігінде вице-министр Ә.Жамауовтың төрағалығымен мұнай-газ, мұнай өңдеу және мұнай-газ-химия салаларындағы әлеуметтік әріптестік пен әлеуметтік және еңбек қатынастарын реттеу жөніндегі салалық комиссиясының отырысы өтті. Кездесу барысында осы салаларда мемлекеттік саясатты қалыптастыру мен іске асыруға қатысты негізгі мәселелер талқыланды.ҚР Энергетика министрлігі дайындаған «Мұнай-газ саласының әлеуметтік әріптестігі және әлеуметтік және еңбек қатынастарын реттеу жөніндегі 2025 жылға арналған Салалық комиссия жұмысының негізгі бағыттарын» бекіту туралы шешім қабылданды.ҚР Еңбек және халықты әлеуметтік қорғау министрлігі мен Маңғыстау облысы әкімдігінің еңбек жанжалдарының алдын алу бойынша қабылданып жатқан шаралар, сондай-ақ қауіпсіз еңбек жағдайларын қамтамасыз ету және өндірістік жарақаттануды азайту жөніндегі жұмыстар туралы баяндамалары тыңдалды.«ҚазМұнайГаз» ҰК АҚ кәсіпорындардағы еңбек жанжалдарын болдырмау және еңбек қауіпсіздігін арттыру мақсатында қабылдайтын шараларға ерекше назар аударылды.Сондай-ақ, «СНПС-Ақтөбемұнайгаз» АҚ және «Бозашы Оперейтинг ЛТД» компаниясының филиалы еңбек жанжалдарының алдын алу және қауіпсіз еңбек жағдайларын қамтамасыз ету бойынша жүргізіліп жатқан жұмыстар туралы ақпарат берді.Салалық комиссия отырысында «Тиімді әлеуметтік әріптестік біздің саладағы тұрақтылық пен қауіпсіздікті қамтамасыз ету үшін негіз болып табылады», — деп атап өтті ҚР Энергетика вице-министрі А.Ж. Жамауов.Ақпарат көзі : https://www.gov.kz/memleket/entities/energo/press/news/details/923682

Жетісу облысында 1,5 жас пен 18 жас аралығындағы ерекше қажеттіліктері бар балаларға мамандандырылған әлеуметтік қызмет көрсететін күндізгі емдеу орталығының мүмкіндігі ұлғайды. Талдықорған қаласында орналасқан орталықта ашылған жаңа бөлімнің арқасында оның сыйымдылығы 110 жатын орынға өсті, - деп хабарлайды Жетісу облысы әкімінің баспасөз қызметі.Аумағы шамамен 470 шаршы метрді құрайтын жаңа ғимарат заманауи стандарттар мен талаптарға толық сәйкеседі. Онда ем алатын балалар жасына және денсаулық жағдайына қарай екі топқа бөлінген.– Бөлімді ашудағы басты мақсат – мүгедек балалардың қоғам үшін маңызды екендігін ұғындыру және оларды өмірге бейімдеу. Біз мұнда әлеуметтік-медициналық, әлеуметтік-психологиялық және әлеуметтік-педагогикалық көмекті қосқанда, 8 түрлі қызмет көрсетеміз. Сонымен қатар, отбасыларға ыңғайлы болу үшін әлеуметтік такси қызметтері ұсынылады. Балаларды орталыққа апаратын және қайтып әкелетін 4 автокөлік таңғы сағат 8:00-ден 17:00-ге дейін, сенбі және жексенбі күндері де жұмыс істейді, – дейді орталық директорының әлеуметтік жұмыс жөніндегі орынбасары Назгүл Бүркітбаева.Жаңадан ашылған орталыққа келіп жүрген балалардың ата-аналары осындай мүмкіндікке ризашылық білдіріп, алғыс жаудыруда. Сондай ананың бірі Сәния Теңізбаева:– Біз үшін «Бәйтерек» орталығының тоқтаусыз жұмыс істеуі үлкен қолдау. Міне, орталықтың жанынан жайлы, жарық, жылы жаңа бөлімше ашылды. Қызым орталықтан кәсіби көмек алып қана қоймай, өзін ұжымның бір бөлшегі, үлкен және тату отбасының бір мүшесі ретінде сезініп келеді. Ана ретінде қызым үшін орталық мамандарының әрқашан қасында болып, көмектесіп, бағыт-бағдар беріп отыруы маңызды деп есептеймін, – деп өз ойын ортаға салды.Қарлығаш Тұтқабаева есімді ана да өз тілегін былай жеткізді:– Жаңа филиалдың ашылуы – біз үшін шын мәнінде үлкен және қуанышты оқиға. Өйткені, мұнда балаларымыз өзіне сеніп, өмірден өз орнын табуына көмектесетін мамандардың кеңесін алады.Жетісу жерінде мүмкіндігі шектеулі жандарға арнаулы әлеуметтік қызмет көрсететін 1566 орындық 13 мекеме бар. Былтыр бұл мекемелер 1512 әлеуметтік қызмет көрсетіп, мүгедектердің емін-еркін жүріп-тұруына мүмкіндіктер ұсынды. Сондай-ақ, өткен жылы 168 нысанда мүмкіндігі шектеулі жандарға бейімдеу жұмыстары жүргізілді.Естеріңізге сала кетейік 2025 жылы Талдықорған қаласында мүмкіндігі шектеулі жандарға арналған 150 орындық оңалту орталығының құрылысын бастау жоспарлануда.Жетісу облысы әкімінің баспасөз қызметі Фототілші: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/923661

Қарағанды облысының жер ресурстарын басқару департаментімен 2024 жылғы қыркүйек пен қараша айларында Қазақстан Республикасы Жер кодексінің 145-1-бабының 4-тармағына сәйкес, «Қазақстан Ғарыш Сапары» ҰК» АҚ-ның «JerInSpectr» платформасы арқылы бақылау субъектісіне (объектісіне) бармай профилактикалық бақылау нәтижесінде пайдаланылмай жатқан 582 мың 793 гектар ауылшаруашылық мақсатындағы алқаптар анықталып, 220 субъектіге бір жылдық мерзімде бұзушылықтарды жою туралы нұсқаулар жіберілген болатын.Бақылаудың бұл түрі шаруа немесе фермер қожалығын, ауыл шаруашылығы өндірісін жүргізу үшін берілген ауыл шаруашылығы мақсатындағы жер учаскелерін пайдаланбаудың немесе ұтымсыз пайдаланудың уақтылы жолын кесу және алдын алу, сондай-ақ бақылау субъектісіне анықталған бұзушылықтарды өз бетінше жою құқығын беру және оған әкімшілік жүктемені азайту мақсатында, Жерді қашықтан зондтау және ауыл шаруашылығы жануарларын сәйкестендіру деректері негізінде жүргізіледі.Бүгінгі күнде 118 жер пайдаланушылар анықталған бұзушылықтар жою және тиісті құжаттарды реттеу арқылы 231 мың 838 гектар жерді пайдалануға кірісті.Ал нұсқаулардың белгіленген мерзімде орындалмауы Кәсіпкерлік кодексте айқындалған тәртіппен бақылау субъектісіне бару арқылы профилактикалық бақылауды тағайындауға негіз болады.Қарағанды облысының жер ресурстарын басқару департаментіАқпарат көзі : https://www.gov.kz/memleket/entities/karaganda/press/news/details/923011

Әуе қорғанысы күштерінің Әуе шабуылына қарсы қорғаныс әскерлері басқармасы "Қарулы Күштерде Әуе шабуылына қарсы қорғаныс бөлімшелерін орналастыру жөніндегі нұсқаулықты бекіту туралы" қорғаныс министрі бұйрығының жобасын әзірледі.Нормативтік құқықтық актінің жобасы "Қазақстан Республикасы Қорғаныс министрлігі туралы ережені бекіту және Қазақстан Республикасы Үкіметінің кейбір шешімдерінің күші жойылды деп тану туралы" Қазақстан Республикасы Үкіметінің 2022 жылғы 2 маусымдағы № 357 қаулысымен бекітілген Қазақстан Республикасы Қорғаныс министрлігі туралы Ереженің 15-тармағының 272) тармақшасын орындау мақсатында дайындалған.2024 жылғы 16 қыркүйектегі № 753 Үкімет қаулысымен "Қазақстан Республикасының Қорғаныс министрлігі туралы ережені бекіту және Қазақстан Республикасы Үкіметінің кейбір шешімдерінің күші жойылды деп тану туралы" Қазақстан Республикасы Үкіметінің 2022 жылғы 2 маусымдағы № 357 қаулысына өзгерістер мен толықтырулар енгізу туралы" ережесінің 15-тармағы 272) тармақшамен толықтырылды.Аталған тармақшада Қарулы Күштерде әуе шабуылына қарсы қорғаныс бөлімшелерін орналастыру жөніндегі нұсқаулықты бекіту туралы Қорғаныс министрлігінің функциясы айқындалған.Қорғаныс министрінің бұйрығы жобасының толық мәтінімен "Электрондық үкімет" порталында "Ашық НҚА" бөлімінде 2025 жылғы 3 ақпанға дейін мына https://legalacts.egov.kz/npa/view?id=15405994 сілтеме бойынша танысуға болады. Ақпарат көзі : https://www.gov.kz/memleket/entities/mod/press/news/details/923253

Қазақстанда өнім сапасы мен қызмет көрсету саласындағы жетістіктері үшін ТМД сыйлығын алуға арналған мерейтойлық, оныншы байқаудың бірінші кезеңінің финалистері анықталды. Олардың қатарында екі қарағандылық компания бар.Өңірлік кәсіпкерлер палатасынан хабарлағандай, байқаудың бірінші кезеңі сәтті өтті: «Бёмер Арматура» ЖШС – шарлы крандар шығаратын зауыт; Өнеркәсіптің мұнай-газ, тау-кен өндіру, металлургия және энергетика секторларында диагностикалаумен айналысатын «Дефектоскопия ҒТБ» ЖШС.ТМД сыйлығы – сапа саласындағы беделді наградалардың бірі. Конкурс екі жылда бір рет өткізіледі. Оның мақсаты – жоғары сапалы өнімдер мен қызметтердің экспортын ынталандыру, ТМД-ға қатысушы мемлекеттердің ұйымдарында инновациялық технологиялар мен тиімді менеджмент әдістерін енгізу.2025 жылы байқау ТМД Экономикалық кеңесінің қамқорлығымен өтеді.Байқаудың қазылар алқасы мемлекетаралық құрылымдардың, ұлттық тұтынушылар қоғамдарының, сауда-өнеркәсіп палаталарының және басқа да кәсіби қауымдастықтардың өкілдерінен тұрады.– «Атамекен» ҚР Ұлттық кәсіпкерлер палатасы байқау хатшылығы қызметін атқара отырып, қазақстандық кәсіпорындарға ТМД деңгейінде өздерін танытуға көмектесіп, жан-жақты қолдау көрсетеді. Қарағанды облысының компанияларының ТМД сыйлығына қатысуы жергілікті бизнестің жоғары бәсекеге қабілеттілігін және оның жаңа көкжиекті бағындыруға дайын екенін көрсетеді, – деп атап өтті Қарағанды облысы Кәсіпкерлер палатасының директоры Ернар Күлпейісов.Ақпарат көзі : https://www.gov.kz/memleket/entities/karaganda/press/news/details/922985

2024 жылы жұмысынан айрылуына байланысты 293 мыңнан астам адам МӘСҚ-нан төлем алды.Қолданыстағы заңнамаға сәйкес жұмыстан босатылған жұмыскерлер міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлемдер алады. Төлем жоғалған кірістің 45%-ына дейінгі мөлшерде МӘСҚ қаражаты есебінен жүзеге асырылады.Төлем тағайындау үшін жұмыстан босатылған жұмыскерге:- eGov.kz порталында авторизациялану;- «Жұмысқа орналастыру және жұмыспен қамту» бөлімінде «Жұмыс іздеуші адамдарды тіркеу» қызметін таңдау;- онлайн-қызметке тапсырыс беріп, барлық жолдарды толтыру және оған ЭЦҚ-мен қол қойып, өтінімді жіберу қажет;- бір күн ішінде тұрғылықты жеріңіздегі мансап орталығы (бұдан әрі – МО) бос жұмыс орындарын ұсынады;- егер жұмыс табылмаса, 3 жұмыс күні ішінде қашықтықтан жұмыссыз мәртебесі беріледі (қажет болған жағдайда сізге МО қызметкері қосымша ақпарат жинау үшін хабарласады);Бұл қызметті онлайн режимінде Электрондық еңбек биржасы (enbek.kz) арқылы да алуға болады.Жұмыссыз ретінде тіркелу туралы мәліметтер болған кезде Еңбекминінің ақпараттық жүйесі проактивті форматта МӘСҚ-тан төлемді тағайындау бойынша қызмет көрсетуге келісу үшін мобильді телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады.Естеріңізге сала кетейік, МӘСҚ қаражаты есебінен жұмыстан айырылған жағдайда төленетін әлеуметтік төлем жұмыстан шығу себептеріне қарамастан жүзеге асырылады және жұмыссыз адамды ол жұмыс іздеген кезеңде қолдауға арналған.ҚР Еңбек және халықты әлеуметтік қорғау министрлігінің ақпараты бойыншаАқпарат көзі : https://www.gov.kz/memleket/entities/karaganda/press/news/details/923078

Соңғы үш күнде Қарағанды облысында ауа райының қолайсыздығы байқалуда. Қолайсыз жағдайлар құтқарушылардың 68 рет жолға шығуына себеп болды, құтқару жұмыстары барысында қар құрсауынан 23 көлік алып шығарылып, 75 адам қауіпсіз жерге көшірілді.Қауіпсіздікті қамтамасыз ету үшін 18 жол учаскесін жабу туралы шешім қабылданды, оның ішінде 10 – республикалық және 8 – облыстық маңызы бар жолдар. Көлік кептелістері түзілген бекеттерде 1623 бірлік техника мен 3653 адам болды. Бұл ретте балаларға ерекше көңіл бөлінді: эвакуацияланған балалардың жалпы саны 91.Машиналар кептеліп қалған жерлерде уақытша бекеттер ұйымдастырылды. Операцияға ТЖ департаментінің, полицияның қызметкерлері, жергілікті билік өкілдері және еріктілерді қоса алғанда, 138 бірлік техника мен 279 адам тартылды.Жолдарда қиын жағдайға тап болғандарға қажетті жағдай жасалды: сегіз жылыту пунктінде 600-ден астам адам, оның ішінде 50 бала орналастырылды, ал жол бойындағы кемпингтерде 25 адам, оның ішінде үш бала жылы жерге көшірілді. Барлық адамдар ыстық тамақпен қамтамасыз етілді.Бұдан бөлек, республикалық Алматы – Екатеринбург автожолында тұрып қалған 10 жүк көлігінен 160 бас жылқы, 200 бас ұсақ мал және 206 бас ірі қара малды алып, Бұқар жырау ауданының Үштөбе ауылына орналастыру жұмыстары ұйымдастырылды.Төтенше жағдайлар департаменті облыс тұрғындарын барынша ақпараттандырып, 20 SMS-хабарлама, соның ішінде 5 дауылды ескерту және 15 жолды жабу туралы хабарлама жолдады. Сондай-ақ, ескертулер радио арқылы таратылды, ал «Дәрмен» қосымшасында өзекті ақпарат пен ұсынымдары бар 24 хабарлама орналастырылды.Құтқару қызметтерінің, полицияның, еріктілер мен жергілікті биліктің ортақ күш-жігері мен жедел әрекеттері ауа райының ауыр салдарын болдырмауға көмектесті.Қарағанды облысы ТЖД ақпараты бойынша Ақпарат көзі : https://www.gov.kz/memleket/entities/karaganda/press/news/details/923252

Саран қаласы индустриалды аймақтың дамуына байланысты жаңа деңгейге көтерілді. Мұнда бұрын-соңды болмаған өндірістер пайда болды. Мысалы, жақын арада тоңазытқыштар шығарыла бастауы керек. Ыстық мырыштау зауытын ашу жоспарлануда. Тиісінше, кадрларға деген қажеттілік артты.Қандай мамандарды дайындау керек, білім беру мен бизнестің өзара іс – қимылын қалай нығайту керек-бұл мәселелер Саран қаласында өткен кездесуде талқыланды. Дөңгелек үстелді Саран техникалық колледжі ұйымдастырды. Жұмыс істеп тұрған кәсіпорындардың өкілдері және ашылуға дайындалып жатқандар қатысты. Шақыруға Карьер орталығы, Қарағанды облысының кәсіпкерлер палатасы да жауап берді.– Бірінші кезекте индустриялық аймақтың барлық артықшылықтарын жергілікті тұрғындар сезінгенін қалаймын. Осыған байланысты біз де бір орында тұрмаймыз. Біз сіздермен бірге дамығымыз келеді. Біз сізге бейімделеміз, сіздің қажеттіліктеріңізге жаңа мамандықтар ашамыз. Менің ойымша, жергілікті тұрғындар басымдыққа ие болуы керек: мектеп түлектері басқа қалаларға оқуға кетпеуі үшін, бірақ мұнда Саран қаласында мамандық алып, жұмысқа орналаса алады, – дейді Саран техникалық колледжінің директоры Алина Есімханова.Ол "Полимер өндірісі"құзыреттілік орталығын ашу жоспарлары туралы айтты. Бұл өзекті, өйткені қаладағы бірнеше кәсіпорын осы салада жұмыс істейді.Колледжде жаңа мамандықтар ашылады: "полимер өндірісі технологиясы", "Тоңазытқыш компрессорлық машиналар мен қондырғыларды монтаждау және пайдалану", "Құбыр өндірісі".Колледждің әлеуметтік серіктестерінде индустриалды аймақта жұмыс істейтін компаниялар бар. Ыстық мырыштау зауыты әлі ашылған жоқ, бірақ онымен ынтымақтастық басталды: Жол картасына қол қойылды. Дәнекерлеу специалистов мамандарын бірлесіп даярлау туралы уағдаластық бар.Қазір колледжде 395 студент оқиды. Дуальды оқытумен 41% қамтылды. Міндет-студенттер кәсіпорындарда нақты жағдайда практикалық дағдыларды игере алатындай етіп осы бағытта алға жылжу.Бірлескен жоба "Қазақстан халқына" қорымен де талқыланады. Колледжде "жерасты электр слесарі"мамандығы бойынша оқитын студенттерге арналған заманауи шеберхананы немесе зертхананы жабдықтағысы келеді.Qaztehna компаниясы колледжде атаулы кабинет ашады, үй-жайды өз қаражатына жөндейді.- Саран техникалық колледжі екеуміз кәсіпорын іске қосылғаннан бері жұмыс істеп келеміз. Жыл сайын студенттерді практикаға көбірек қабылдаймыз, дуальды оқытуға қатысамыз. Жалпы, қалыптасу кезеңінде кадрларды даярлауда қиындықтар туындады. Мысалы, мамандықтардың бірыңғай біліктілік анықтамалығы бар, тіпті біздің негізгі мамандықтарымыз да болған жоқ. Мен бұл бағытта көп жұмыс істеуге тура келді. Қазір бізде Қарағанды облысының төрт колледжімен стратегиялық серіктестік бар. Көлік-технологиялық колледжімен "автокөлік құралдарының суретшісі"мамандығын ашамыз. Биыл Қазақстанда бірінші болып Қарағанды индустриалды университетімен "автомобиль жасау" бакалавриатының білім беру бағдарламасы ашылды, - деді QazTehna корпоративтік университетінің басшысы Айдос Айтбаев.Кездесуде колледж мен кәсіпорындар арасындағы серіктестік туралы жаңа меморандумдарға қол қойылды. Ақпарат көзі : https://www.gov.kz/memleket/entities/karaganda/press/news/details/923265

Бейнелеу өнері мұражайында SOVA сурет студиясының есептік көрмесінде 5–18 жас аралығындағы оқушылардың түрлі жанрдағы жұмыстарын қамтиды: кескіндеме, графика, композиция және сәндік-қолданбалы өнер.Студия мұндай көрмелерді жыл сайын ұйымдастырады. Өткен жылы экспозицияда 400-ден астам жұмыс ұсынылып, әрбір жас суретші қатысуын растайтын сертификат алды.Көрме Қарағанды облыстық бейнелеу өнері мұражайында Бұқар жырау даңғылы, 76 мекенжайы бойынша өтеді.Ашылуы – 24 қаңтар, сағат 13:00.Ақпарат көзі : https://www.gov.kz/memleket/entities/karaganda/press/news/details/923304

Қарағандыда газдандырудың бірінші кезегінің үш іске қосу кешені бойынша жұмыстар аяқталды. Жаңа қаланың, Михайловка мен Ескі Михайловканың 7 мыңға жуық үйі табиғи газға қосылды. Қазірдің өзінде 3385 үй шаруашылығы көгілдір отынды пайдалануда, ал 4209 абонент үшін қосылуға өтінімдер мақұлданды.– Өткен жылы төртінші, бесінші және алтыншы іске қосу кешендерін салу және іске қосу жұмыстары басталды. Олар Кирзавод-1, 2, 3, 4, «Таугүл» және «Күнгей» шағын аудандарын, сондай-ақ Федоровка мен Үлкен Михайловканы қамтиды, – деп хабарлады қала әкімінің орынбасары Қайрат Қамзин Өңірлік коммуникациялар қызметінде өткен брифинг барысында. – Таяуда жетінші іске қосу кешені үшін газ тарату желілерін төсеуді бастау және бірінші және, мүмкін, екінші іске қосу кешендері бойынша жұмыстардың екінші кезегін іске асыруды жоспарлап отырмыз. Жұмыс басталатын жаңа аумақтардың арасында – ТББ зауыты ауданы да бар.Алдағы жылдары Узенка, Фин кенті, Рудник-2, Пришахтинск, Ескі және Жаңа Тихоновка тұрғындарын газбен қамтамасыз ету жоспарланған.Бар-жоғы жобада газдандырудың төрт кезегі мен 16 іске қосу кешені қарастырылған. «QAZAQGAZ AIMAQ» АҚ өкілі Манас Баймамыров атап өткендей, жобаны іске асыру аяқталған соң барлық абоненттерге газ тарату желілері тартылады – бұл 28 мың жеке тұрғын үй.Халықтың әлеуметтік осал топтарын қолдау үшін газға қосылуға ақы төлеуге біржолғы көмек көрсетіледі, ол жабдықты орнату шығындарын жабады, бірақ 100 АЕК-тен (393 200 теңге) аспайды. Ол зейнеткерлерге, көп балалы отбасыларға, мүгедектерге, соғыс ардагерлеріне және басқа да санаттарға қолжетімді. 2024 жылы 159 отбасы көмек алды.Осы санаттарға жатпайтындарға, бірақ газбен жабдықтауға қосылуға жеткілікті қаражаты болмағандарға Тұрғын үй қорын жаңғырту орталығынан қаржылай көмек сұрауға болады.– Пайызсыз қарыз бес жылға беріледі. Несие сомасы 1 миллион 179 мың теңгеден аспайды. Ай сайын 10 мыңнан 17 мың теңгеге дейін төленеді, – деп түсіндірді Қарағанды облысының тұрғын үй қорын жаңғырту орталығының директоры Данияр Дүйсембаев. – Қазірдің өзінде 600-ден астам абонент осы бағдарлама арқылы өтті. Биыл тағы 350 жеке тұрғын үйді іске қосуды жоспарлап отырмыз.Ақпарат көзі : https://www.gov.kz/memleket/entities/karaganda/press/news/details/923368

Қала тарихының ажырамас бөлігі болып табылатын Қарағанды қаласының В. И. Ленин атындағы кинотеатры мемлекет меншігіне қайтарылды.1960 жылы ашылған кинотеатр Қарағандыдағы алғашқы екі залды кең экранды кинотеатр болған. Бұл ғимарат қаланың мәдени өмірінің орталығына айналып, жоғары деңгейдегі премьераларды, фестивальдар мен кинофорумдарды көрді. Алайда 1998 жылы нысан тарихи-мәдени ескерткіштер тізімінен заңсыз шығарылып, кейіннен жекешелендірілген.Қазыбек би ауданының прокуратурасы жекешелендірудің заңсыздығын сотта дәлелдеу үшін ұзақ және күрделі жұмыс жүргізді. Сот бірнеше айға созылды. Бұзушылықтар туралы ұсынылған дәлелдердің арқасында сот кинотеатрды мемлекет меншігіне қайтару туралы шешім қабылдады.Бұл шара облыстың мәдени мұрасын сақтаудағы маңызды қадам болып табылады. В. И. Ленин атындағы кинотеатр қайтадан Қарағандының мәдени өмірінің орталығына және жаңа естеліктер туындайтын орынға айналады.Қарағанды облысының прокуратурасы Ақпарат көзі : https://www.gov.kz/memleket/entities/karaganda/press/news/details/923466

Балқаш жастары қазір кездесулер, келіссөздер, фитнес, би, үстел ойындарын ойнауға, бейне және аудио контент жазуға арналған орын бар: қалада Жаңа jas Space спорттық-зияткерлік орталығы ашылды.Бұл белсенді және креативті жастарға, сондай – ақ әлі еш жерде оқымайтын және жұмыс істемейтіндерге-NEET санатындағы өкілдерге арналған заманауи және функционалды кеңістік.Жастар мұнда жұмысқа орналасу, кәсіптік бағдар беру және кәсіпкерлік мәселелері бойынша кеңес ала алады.Jas Space "Сары Қазына" ЖШС және "Қоңырад" Мыс компаниясы "ЖШС құрған "Қоңырад"корпоративтік қорының демеушілік қаражаты есебінен ашылды. Орталық орналасқан бөлмеде қайта құру, әрлеу жұмыстары жүргізілді, қасбеті жөнделді, фитнес, үстел ойындары мен конференцияларға арналған залдар, сондай-ақ дыбыс және бейне жазу студиялары бар баспасөз орталығы жабдықталды және жабдықталды.Орталықта көркем гимнастика, 3D-модельдеу, Заманауи би, дойбы, тоғызқұмалақ үйірмелері ашылды.- Жастардың зияткерлік және спорттық дамуы үшін жағдай жасау әлеуметтік басымдық болып табылады. Орталық жастардың жеке дамуына, сондай-ақ патриотизмге тәрбиелеуге ықпал ететіні сөзсіз. Біздің қаламызда осындай әлеуметтік маңызы бар нысанның ашылуы бизнестің басқа өкілдері үшін де үлгі болуға тиіс, – деп атап өтті Балқаш әкімі Сапар Сатаев.Jas Space Жастар спорттық-зияткерлік орталығы С.Мұхамеджанов атындағы шағын ауданның № 20а үйінде орналасқан. Ақпарат көзі : https://www.gov.kz/memleket/entities/karaganda/press/news/details/923474

Елімізде букмекерлік кеңселер мен тотализаторларды жарнамалауға қатаң шектеулер енгізілді. Заңнама талаптарының орындалу барысы ҚР Премьер-министрінің орынбасары Тамара Дүйсенованың төрағалығымен өткен кеңесте қаралды.Туризм және спорт вице-министрі Мирас Төлебаев заңнаманың орындалуын қамтамасыз ету үшін ведомство облыстық және қалалық әкімдіктермен, сондай-ақ Мәдениет және ақпарат министрлігімен бірлесіп сыртқы жарнама мен отандық БАҚ-қа тұрақты мониторинг жүргізетінін атап өтті. Осы жұмыстың нәтижесінде 1,6 мыңнан астам билборд алынып тасталды. 2024 жылы «Кибернадзор» ақпараттық жүйесіне заңсыз құмар ойындар мен бәс тігулерді жарнамалайтын 10 мыңнан астам сайт бұғатталуға енгізілді.«Азаматтар көшеде немесе БАҚ-та заңсыз букмекерлік жарнаманы байқаса, Министрлікке арыз жаза алады. Дәлелдер жеткілікті болған жағдайда, Министрлік тиісті әкімдіктер мен Мәдениет және ақпарат министрлігіне сұрау жолдап, әкімшілік құқық бұзушылық туралы іс қозғау үшін қажетті материалдарды жинайды», — деп түсіндірді Мирас Төлебаев. Вице-премьер мүдделі мемлекеттік органдар мен облыс әкімдіктеріне заңнама талаптарының орындалуын жіті қадағалауды тапсырды.«Рұқсат етілмеген орындарда жарнама жасауға жол берілмеуі тиіс. Мыңдаған сайттар бұғатталғаны туралы есеп берілді. Алайда, ғаламторда букмекерлік кеңселердің жарнамасы әлі де бар. Бұл ретте салалық министрліктер мониторинг жұмысын күшейтуі қажет», — деп атап өтті Тамара Дүйсенова.Енгізілген шектеулерге сәйкес букмекерлік кеңселер мен тотализаторларды ашық кеңістіктерде, ғимараттардың қасбеттерінде, көлік құралдарында және сыртқы құрылымдарда жарнамалауға толық тыйым салынған. Бұл ереженің букмекерлік кеңселердің немесе тотализаторлардың орналасқан жерлеріне, спорт ғимараттарының ішіне және спортшылардың киімдеріне қатысы жоқ. Букмекерлік кеңселердің логотиптері мен сауда белгілерін басқа бизнес салаларының жарнамасында қолдануға болмайды.Айта кетейік, Әкімшілік құқық бұзушылық кодексінің 455-бабына сәйкес, букмекерлік кеңселердің жарнамасын таратқандар үшін 236 мыңнан 1,5 млн теңгеге дейін айыппұл қарастырылған.Ақпарат көзі : https://www.gov.kz/memleket/entities/tsm/press/news/details/923772

Астанадағы Qazaqstan жеңіл атлетикалық спорт кешенінде ҚР Туризм және спорт министрі Ербол Мырзабосыновтың төрағалығымен қысқы спорт түрлерін дамыту және 2025 жылғы Қысқы Азия ойындарына, 2026 жылғы XXV Қысқы Олимпиада ойындарына және XIV қысқы Паралимпиада ойындарына дайындық бойынша кеңес өтті.Кеңеске облыстар мен Республикалық маңызы бар қалалардың дене шынықтыру және спорт басқармаларының, қысқы спорт түрлері федерациясының басшылары, сондай-ақ бас жаттықтырушылар қатысты. Қатысушылар арасында ҚР ТСМ Спорт және дене шынықтыру істері комитетінің төрағасы Руслан Есеналин, Павлодар және Шығыс Қазақстан облыстары дене шынықтыру және спорт басқармаларының басшылары Азамат Имашев пен Асқар Можанов, Ұлттық паралимпиада комитетінің бас хатшысы Олжас Ақпамбетов, шаңғы спорты түрлері қауымдастығының бас директоры Ильхам Хананов, ұлттық мәнерлеп сырғанаушылар Федерациясының Бас хатшысы Олжас Бесбаев, ұлттық мәнерлеп сырғанаушылар Федерациясының Бас хатшысы шаңғы жарысы бойынша жаттықтырушы Александр Батяйкин және биатлоннан бас жаттықтырушы мақсат Шаронов.Кеңес барысында ұлттық құрамаларды биылғы Харбиндегі Қысқы Азия ойындарына, сондай-ақ 2026 жылы Милан мен Кортина-Д ' Ампеццодағы XXV Қысқы Олимпиада ойындарына және XIV қысқы Паралимпиада ойындарына дайындау мәселелері қаралды. Спорттық инфрақұрылымды жаңғыртуға, жаттығу жүйесін жақсартуға және спортшылардың кәсіби даярлық деңгейін арттыруға, елімізде қысқы спорт түрлерін одан әрі дамыту стратегиясын әзірлеуге ерекше назар аударылды."Біздің алдымызда аса маңызды халықаралық жарыстар күтіп тұр. Бір аптадан кейін Харбинде IX Қысқы Азия ойындары басталады, содан кейін біз 2026 жылғы XXV Қысқы Олимпиада ойындары мен XIV қысқы Паралимпиада ойындарына белсенді дайындықты бастаймыз. Алдағы ойындарда ойдағыдай өнер көрсету үшін 137 оқу-жаттығу жиыны, сондай-ақ 86 халықаралық жарысқа қатысу өткізілді. Саппородағы Қысқы Азия ойындарында біздің команда үздік төрт елдің қатарында болды. Бүгінгі таңда біздің алдымызда маңызды міндет тұр-осы жетістіктерді шоғырландыру және тағы да жоғары нәтиже көрсету. Харбинде өтетін ойындардың басталуына 12 күн қалды. Жарысқа 138 қазақстандық спортшы қатысады, олар 6 спорт түрінен және 10 пәннен өнер көрсетіп, 51 марапаттар жиынтығына таласады. Қазақстан құрамасы алдағы ойындарда елімізді лайықты түрде таныстырады деп сенемін және бұл үшін барлық қажетті жағдайлар жасалған", — деп атап өтті Ербол Мырзабосынов.Ақпарат көзі : https://www.gov.kz/memleket/entities/tsm/press/news/details/923775

Рота командирінің бақылаушылар қызметі жөніндегі орынбасары лейтенант Сәрсенбек Ермеков пен маман-бақылаушы Ақтөбе қаласында орналасқан ҚР ІІМ Ұлттық ұланының 6655 әскери бөлімінде қызмет өткеріп жатқан аға сержант Қазбек Жұмабек ел тәуелсіздігін нығайтуға қосқан зор үлесі үшін Бауыржан Момышұлы атындағы "Намыс" төсбелгісіне ие болды.Астанада салтанатты жағдайда әскери қызметшілерге "QAZAQSTAN ARDAGERLERI" қауымдастығының төрағасы Бақытбек Смағұл наградалар табыс етті.Ерекше көзге түскен екі әскери қызметші де 15 жыл бойы құқықтық тәртіп әскерлері қатарында қызмет етіп келеді. Лейтенант Сәрсенбек Ермеков қызметін 2011 жылы бақылаушы-маман лауазымында бастады. 2018 жылы ол аға маман-бақылаушы, бір жылдан кейін әскери наряд бастығы болып тағайындалды, ал 2022 жылы бақылаушылар взводының командирі болды.Өткен жылы офицерге "лейтенант"әскери атағы берілді. Үлгілі қызметі үшін ол "Ұлттық ұлан қызметінің үздігі" және "Қоғамдық тәртіпті сақтағаны үшін"төсбелгілерімен марапатталды.Аға сержант Қазбек Жұмабек 2014 жылы Ақтөбедегі әскери бөлімде мерзімді қызмет атқарды, содан кейін келісімшарт бойынша қызметін жалғастырды. Қызмет еткен жылдары ол бөлім командирінен взвод сержанты мен бақылаушы маманға дейін жүрді. Сонымен қатар, ол спортпен белсенді айналысады, атап айтқанда қазақ күресі.— Біздің көпжылдық күш-жігеріміз бағаланғанына қуаныштымыз. Бауыржан Момышұлы атындағы "Намыс" төсбелгісін алу — кез келген әскери қызметші үшін үлкен мәртебе. Бұл жай ғана марапат емес, бізге жүктелген қосымша жауапкершілік, - деп атап өтті лейтенант Сәрсенбек Ермеков.ҚР ІІМ Ұлттық ұланының әскери қызметшілері қызметтік міндеттерін үлгілі орындағаны және құқықтық тәртіпті қамтамасыз етуге белсенді қатысқаны үшін үнемі көтермеленетінін атап өткен жөн.Ақпарат көзі : https://www.gov.kz/memleket/entities/qriim/press/news/details/923227

21 қаңтарда Қарулы күштердің әскери инженерлері кәсіби мерекесін атап өтеді.Инженерлік әскерлер 1993 жылы Қазақстан аумағында орналасқан құрамалар мен бөлімдер негізінде құрылды. Үш жылдан астам уақыт ішінде әскерлерді басқару жүйесінде, олардың құрылымы мен техникалық жабдықтарында айтарлықтай өзгерістер болды.Инженерлік әскерлердің мамандары позицияларды фортификациялау жабдықтарын жүргізеді, жарылыс қаупі бар заттардан жер бедерін және объектілерді минадан тазартады, су тосқауылдары арқылы өткелдерді ұйымдастырады, диверсиялық жұмыстарды орындайды, әскерлердің қозғалыс бағыттарын салады, оларды сумен жабдықтаумен, бүркемелеумен айналысады.Жұмыстың бұл түрлері әскери қызметшілерден мұқият техникалық білімді, тексерілген әрекеттерді, нақты есептеулерді, кейде стандартты емес шешімдерді де талап етеді.Әскери инженерлер 2024 жылғы көктемгі су тасқыны кезінде жергілікті тұрғындар мен шаруашылық жүргізуші ұйымдарға айтарлықтай көмек көрсетті. Понтон-көпір паркінің жиынтығынан Ақтөбе облысындағы Ойыл өзеніне және Солтүстік Қазақстан облысы мен Ақмола облыстарындағы Есіл өзеніне паромдық өткелдер орналастырылды.Әскери инженерлердің көмегімен су басқан аудандардан үш мыңнан астам адам эвакуацияланды, бір жарым мың бірлік ауылшаруашылық техникасы жеткізілді және 400 тоннадан астам гуманитарлық көмек жеткізілді.Атырау облысындағы елді мекендерден тасқын суды бұру мақсатында жарылыс жұмыстары жүргізілді. Шығыс Қазақстан облысында елді мекендердің тіршілігін қамтамасыз ету үшін ауыр механикаландырылған көпірді қолдана отырып, елді мекендер арасындағы жолдың қираған учаскесінде көлік қатынасы қалпына келтірілді. Сонымен қатар, Ақмола облысының зардап шеккен елді мекендерін электротехникалық қамтамасыз ету ұйымдастырылды.Әскерлерде қашықтықтан басқарылатын Робот-саперлер, мина-жарылыс тосқауылдарын ұйымдастыруға және инженерлік барлау жүргізуге арналған техника, жер қазу машиналары, су өндіруге арналған бұрғылау қондырғылары бар.Білікті мамандармен жабдықталған, заманауи әскери техникамен жарақтанған инженерлік әскерлер бөлімшелері елдің қорғаныс қабілетін және бейбіт тұрғындардың қауіпсіздігін қамтамасыз етуге бағытталған міндеттерді орындауға әрқашан дайын.Ақпарат көзі : https://www.gov.kz/memleket/entities/mod/press/news/details/921340

21 қаңтарда 1993 жылы құрылған ҚР Қарулы күштері Инженерлік әскерлерінің әскери қызметшілері кәсіби мерекесін атап өтеді. Әскери инженерлер үшін "Қазбат" батальонының Ирактағы бітімгерлік миссияға қатысуы тарихи оқиға болатын. Олар тұрақтандыру күштерінің құрамында жарылмаған оқ-дәрілерді іздеп-тауып, оларды жою, ауыз сумен қамтамасыз ету пунктерін жабдықтау және басқа да тапсырмаларды орындады. Іс-шараларға барлығы 10 инженерлік-саперлік жасақ жұмылдырылды. 2003 жылдың тамызынан 2008 жылдың қазанына дейін олар 4,5 миллионнан астам жарылғыш заттарды жойды, 19 км-ге жуық жарылғыш емес тосқауылдар мен 617 сигналдық миналар орнатты, шамамен 7000 текше метр су тазартылды."Қазбат" бітімгерлері "Дельта" базасы периметрінің 9 646 метрін жарылыс қаупі бар заттардан тазартты. Оның айналасына 4,5 км жарылысқа қарсы тұрарлық тосқауыл қойды.Сонымен қатар, олар әртүрлі күштік құрылымдарға жарылғыш заттарды жоятын 570-тен астам маман және Ирактың қауіпсіздік күштері үшін 12 әскери сүзгі станциясының есептоптарын дайындады.Жалпы Ирак Республикасында коалициялық күштер құрамында ҚР Қарулы күштерінің 290 әскери қызметшісі болды.Ирактағы бітімгерлік миссия қазақстандық жауынгерлер үшін халықаралық деңгейдегі алғашқы емтихан болды. Олардың бейбітшілік пен қауіпсіздік ісіне қосқан үлесін шетелдік сарапшылар да жоғары бағалады.Алға қойылған міндеттерді ойдағыдай орындағаны үшін жасақтың жеке құрамы жоғары үкіметтік наградалармен марапатталды. Ақпарат көзі : https://www.gov.kz/memleket/entities/mod/press/news/details/921344