2025–2026 жылдардағы жылыту маусымы 2025 жылғы 1 қазанда басталғаннан бері Қостанай облысы аумағында 85 өрт оқиғасы тіркелді. Азаматтық қорғау органдары жүргізіп жатқан алдын алу шараларының уақтылы және жүйелі жүргізілуінің арқасында жағдай тұрақты деңгейде сақталуда.Өрттердің негізгі себептері — электр жабдықтарын монтаждау және пайдалану қағидаларын бұзу, жылыту пештерін дұрыс орнатпау және пайдалану, отпен абайсыз жұмыс істеу, сондай-ақ өзге де анықталмаған себептер.Алдын алу шараларыӨрт қауіпсіздігін күшейту мақсатында Қостанай облысы Төтенше жағдайлар департаменті 2025–2026 жылдардағы жылыту маусымында тұрғын секторда профилактикалық іс-шараларды жүргізу жөніндегі жоспарды іске асыруда.Өрт қауіпсіздігі айлығының екінші кезеңі аясында әлеуметтік осал топтар тұратын үйлерге қайта 100% аралау жұмыстары жүргізілді.Анықтама үшін:Департамент есебінде 7 429 отбасы бар, оның ішінде:3 165 көпбалалы отбасы,1 049 жалғыз тұратын зейнеткер,1 424 жүріп-тұруы шектеулі азамат,290 жетім бала.Жылыту жүйесінің түрлері:2 334 — орталықтандырылған жылу,3 261 — қатты отын,1 834 — газбен жылыту.Аралау барысында тұрғындарға өрт қауіпсіздігінің негізгі талаптары түсіндіріліп, оқыту бейнероликтері бар QR-кодтар таратылды, нұсқаулықтар мен профилактикалық әңгімелер жүргізілді.Ақпараттық-түсіндіру жұмыстарыХалықтың хабардарлығын арттыру мақсатында Департамент апта сайын «112» нөмірі арқылы газбен жабдықтау жүйелерін қауіпсіз пайдалану туралы SMS-хабарламалар жібереді. Теле- және радиоканалдарда күн сайын өрт қауіпсіздігі ережелерін сақтау қажеттілігі туралы аудиороликтер мен ақпараттық хабарламалар трансляцияланады.Білім беру ұйымдарында балалар мен жасөспірімдерге ерекше көңіл бөлінеді. Барлық мектептер мен білім беру мекемелерінде жылыту және электр құралдарын қауіпсіз пайдалану, өрттің алдын алу және балаларды қараусыз қалдырмау мәселелеріне арналған сынып сағаттары мен тақырыптық сабақтар өткізілді.Осы жылы өртпен ойнаудың алдын алуға бағытталған 65 192 дана көрнекі үгіт материалдары таратылды. Сонымен қатар:1 139 интерактивті және ашық сабақ (қамтылғаны — 85 380 оқушы),1 962 нұсқаулық,3 225 дәріс пен әңгіме өткізілді (қамту — 104 мыңнан астам оқушы).Құтқарушы және өрт сөндіруші мамандығын насихаттау мақсатында 421 экскурсия Департамент мұражайында және өрт сөндіру бөлімдерінде ұйымдастырылды. Балаларға өрт қауіпсіздігінің талаптары және төтенше жағдайлар кезіндегі іс-қимыл тәртібі түсіндірілді.Қауіпсіз эвакуация дағдыларын тәжірибе жүзінде пысықтау үшін 1 341 оқу-жаттығу өткізіліп, оған 63 764-тен астам адам қатысты.Әлеуметтік осал топтарға қолдау және ұйымдармен жұмысКөппәтерлі тұрғын үйлерді қызмет көрсету ұйымдарының басшыларымен жертөле және шатырларға бөгде адамдардың кіруіне жол бермеу бойынша түсіндіру жұмыстары жүргізілді.Жергілікті атқарушы органдар мен еріктілердің қатысуымен әлеуметтік осал санаттағы азаматтарға мақсатты көмек көрсетілді. Атап айтқанда:3 786 түтін мұржасы тазартылды,186 пешке жөндеу жүргізілді,121 үйде электр сымдары ауыстырылды,2 051 көмірқышқыл газы датчигі орнатылды.Сонымен қатар, ақпараттық бейнероликтер әзірленіп, жергілікті БАҚ пен әлеуметтік желілерде кеңінен жарияланды.Қостанай облысы Төтенше жағдайлар департаменті өрт оқиғаларын азайтуға, халықтың қауіпсіздік мәдениетін арттыруға және жылыту маусымында тұрғындардың қауіпсіз өмір сүру жағдайларын қамтамасыз етуге бағытталған кешенді профилактикалық жұмысты жалғастыруда.Қостанай облысы әкімдігі барша тұрғындарды өрт қауіпсіздігі қағидаларын сақтауға және жылыту құралдарының техникалық жай-күйін уақытылы тексеруге шақырады.Ақпарат көзі : https://www.gov.kz/memleket/entities/kostanay/press/news/details/1116545?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен инфляцияны тұрақтандыру жөніндегі кезекті кеңесте азық-түлік бағасын ұстап тұруға бағытталған қолданыстағы және желтоқсан айына жоспарланған шаралар қаралды.Қарашаның алғашқы үш аптасы әлеуметтік маңызы бар азық-түлік тауарларының баға өсімі 0%-ды құрады. Желтоқсан – дәстүрлі түрде  тұтынушылық сұраныс артатын кезең. Жиынға қатысушылар супермаркеттер мен базар сөрелерінде сұранысы жоғары тауарлардың жеткілікті болуы және баға тұрақтылығын қамтамасыз етуге қажетті шаралар кешенін талқылады.Әлеуметтік маңызы бар тауарлар тізбесін кеңейтуСауда және интеграция министрлігінің Сауда комитеті әлеуметтік маңызы бар азық-түлік тауарларының тізбесін уақытша кеңейту туралы жобаны әзірледі. Тізім бағасы жиі құбылатын тауарлармен толықтырылды. Құжат келісу сатысында. Жақын күндері бизнес-қоғамдастықпен және «Атамекен» ҰКП-мен егжей-тегжей талқылаулар өткізіледі.Өңірлердегі жәрмеңкелер және «Береке fest» акциясыӨңірлерде ауыл шаруашылығы жәрмеңкелері жалғасуда: биыл 5 мыңнан астам жәрмеңке өтті және олар демалыс сайын ұйымдастырылып отырды.Желтоқсан айында сауда желілерімен бірлесіп, республикалық «Береке fest» акциясы қайта өткізілмек. Сонымен қатар жергілікті әкімдіктер тауарлардың кең таңдауын қолжетімді бағамен ұсыну мақсатында жаңа жыл алдында жәрмеңкелер ұйымдастырады.Азық-түлік импорттаушыларымен жұмысИмпорттық азық-түлікке деген маусымдық жоғары сұранысты ескере отырып, Сауда комитеті ірі импорттаушылар мен азық-түлік жеткізушілерінің пулын қалыптастырды. Жақын уақытта олармен желтоқсан айында сұранысы жоғары тауарлардың баға тұрақтылығын қамтамасыз ету мәселелері бойынша кездесулер өтеді.Баға мониторингі кеңес қорытындысы бойынша Премьер-министрдің орынбасары Сауда және интеграция министрлігіне әкімдіктермен бірлесіп, баға мониторингін тұрақты жүргізуді және жағдайға жедел әрекет етуді тапсырды.Ақпарат көзі : https://www.gov.kz/memleket/entities/mti/press/news/details/1116263?lang=kk

Қарағанды облысына көтерме тауар жеткізушілер Milk Group ЖШС және Деп Плюс ЖШС сары майдың сауда үстемесін 22,6% және 26,3% - ға асырған. Ал Сұлтан Камал ЖШС майлылығы 2,5% айранды 43,2% сауда үстемесімен, Кадомец ЖК 1-санаттағы тауық жұмыртқасын 25% сауда үстемесімен сатқан. Ал Ер-Ай 2012 ЖШС қарақұмық жармасына белгіленген сауда үстемесін сауда үстемесін 12 пайызға арттырып жіберген. Өңірге көкөніс өнімдерін жеткізушілер ЖК Надиров және ЖК Марш сауда желілеріне картопты сатқанда сауда үстемесін 5% және 20% - ға асырған. Нәтижесінде ҚР Сауда және интеграция министрлігінің Қарағанды облысы бойынша сауда және тұтынушылардың құқығын қорғау департаменті барлық сауда субъектілерін ҚР ӘҚБтК 204-4-бабы бойынша әкімшілік жауапкершілікке тартты.Жалпы Қарағанды облысында мемлекеттік бақылау шеңберінде жыл басынан бері 155 сауда субъектісі әкімшілік жауапкершілікке тартылды. Олардың 142-сi әлеуметтік маңызы бар азық-түлік тауарлары бойынша сауда үстемесін негізсіз асырған, 10 субъектіде баға көрсеткіштерінің сәйкес болмауы фактілері анықталған, 3 субъект сауда объектілерінің жұмыс регламентін сақтамаған. Жалпы алғанда 40 кәсіпкерге ескерту берілді, ал 115 кәсіпкерге 5,0 млн теңгеден астам көлемде айыппұл салынды. Әлеуметтік маңызы бар азық-түлік тауарларының бағасының негізсіз өсуіне жол бермеу және өнімсіз делдалдық тізбектерді болдырмау мақсатында облыста делдалдық схемаларды тергеп-тексеру жөніндегі өңірлік комиссия жұмыс істейді. Комиссия алгоритміне сәйкес сауда департаменті басқа мемлекеттік органдармен тығыз өзара іс-қимыл жасайды.«Бағаның негізсіз өсуін анықтау үшін Мемлекеттік кірістер департаментімен бірлесіп негізгі нарық субъектілерінің электрондық шот-фактураларын тұрақты түрде талдау жүргіземіз және бірлескен жұмыс аясында өндірушіден супермаркет сөресіне дейінгі тауар қозғалысы тұрақты бақылауда ұстаймыз», - деді Қарағанды облысы бойынша сауда және тұтынушылардың құқығын қорғау департаментінің басшысы Абзал Рахымбаев.Жыл басынан бері комиссияның 57 отырысы өткізілді. Нәтижесінде 5 ірі сауда желісі және 32 көтерме жеткізуші әкімшілік жауапкершілікке тартылды. Департамент мониторингі бойынша, қарағандылық кәсіпкерлер әлеуметтік маңызы бар тауарлар ішінен ең көп бакалея өнімдеріне сауда үстемесін негізсіз арттырады. Депаратмент бұл өнімдер бойынша жыл басынан бері 81 факт анықтады. Одан кейін ең көп көкөніс өнімдеріне сауда үстемесін негізсіз қосқан (51 факт)Ақпарат көзі : https://www.gov.kz/memleket/entities/mti/press/news/details/1116230?lang=kk

Жыл басынан Қарағанды облысы бойынша сауда және тұтынушылардың құқығын қорғау департаментіне тұтынушы құқығының бұзылу фактісі бойынша 2528 өтініш түскен. Өңірдегі тұтынушылардың шағымдары тұрмыстық қызметтер, яғни косметикалық, жиһаз дайындау, автокөлік жөндеу, тұрмыстық техниканы жөндеу қызметтеріне және тұрғын үй-коммуналдық қызметтерге қатысты.«Тұтынушылардың құқығын қорғау бойынша 2025 жылдың басынан бері аумақтық департамент 36 жоспардан тыс тексеру жүргізді. Нәтижесінде тұтынушылардың құқығын бұзған кәсіпкерлерге 16 әкімшілік айыппұл, 10 ескерту берілді. Жалпы жыл басынан тұтынушылардың пайдасына қайтарылған қаражат көлемі 84 241 047 теңгені құрады», - деді Қарағанды облысы борйынша сауда және тұтынушылардың құқығын қорғау департаментінің басшы Абзал Рахымбаев.Сонымен қатар 2025 жылдың 10 айында Департамент тұтынушылар құқығын қорғау бойынша 24 сот процесіне үшінші тарап ретінде қатысты. Биыл қарашада департамент қала тұрғындарының подъезді жинау қызметінің сапасына және қызмет көрсетуші жеке кәсіпкердің әрекеттеріне қатысты ұжымдық шағымын қарады. Тексеру барысында департамент мамандары тұтынушыларға қызметтің нақты орындаушысы туралы дұрыс ақпарат берілмегені, шартты бұзу тәртібінің сақталмағаны анықталды.10-нан астам азаматтың құқығы бір мәселе бойынша бұзылғандықтан, Департамент «Тұтынушылардың құқықтарын қорғау туралы» Заңның 5-бабы 8-тармағына сәйкес сотқа дейінгі талап жолдады.4 қарашада қызмет көрсетушіге шартты бұзу, қызметтен бас тартқан тұрғындар үшін есептеулерді тоқтату, қызмет көрсетуші туралы нақты ақпарат беру талаптары жіберілді. 6 қарашадағы ресми жауапқа сәйкес, шарт бұзылды, яғни 1 желтоқсаннан бастап барлық есептеулер тоқтатылды. Осылайша департамент тұрғындардың құқықығын сотқа дейін толық қалпына келтірілді.Ақпарат көзі : https://www.gov.kz/memleket/entities/mti/press/news/details/1116235?lang=kk

Қарулы күштердің Ұлттық әскери-патриоттық орталығында әскери қызметшілердің отбасыларымен жұмысты ұйымдастыру қызметтерінің жылдық қызметінің қорытындысы бойынша кеңейтілген кеңес өтті. Жиынға өңірлік бөлімшелердің басшылары қатысты.Қорғаныс министрі авиация генерал-лейтенанты Дәурен Косанов Қарулы күштердегі әскери қызметшілердің отбасыларымен жұмысты ұйымдастыру бөлімі басшысының баяндамасын тыңдап, бөлімшенің әскери ұжымдардағы моральдық-психологиялық ахуалды жақсартуға және әскери отбасыларға қолдау көрсетуге қосқан үлесін атап өтті.– Қуатты армия мықты отбасынан басталады. Осы тұрғыдан алғанда, сіздердің әскери қызметшілердің отбасыларын қолдауларыңыз баға жетпес. Сіздер жанұяның беріктігін қамтамасыз етіп, әскери отбасыларға қамқорлық пен сенімділік атмосферасын орнатып жүрсіздер. Осындай абзал миссия армиямыздың бірлігі мен ынтымағының іргетасы болып қала берсін, – деді қорғаныс министрі.Жыл қорытындысы бойынша ең үздік қызметкерлер «Отан қорғаушының аяулы жары» төсбелгісімен және алғыс хаттармен марапатталды.Қазіргі таңда Қарулы күштерде 36 мыңнан аса әскери қызметшінің отбасы бар. Сонымен қатар, әскери қызметшілердің отбасыларымен жұмысты ұйымдастыру бөлімінің жетекшісі Тәттігүл Смағұлова атап өткендей, жас және көпбалалы отбасылар саны да артып келеді.– Біздің мақсатымыз – әрбір әскери қызметшінің отбасына мемлекет қолдауын  көрсету және өз мәселелерімен жалғыз қалмайтынын білдіру, – деді Т. Смағұлова.Оның айтуынша, жаңа келген жас офицерлерге бөлімшелерде бейімделуге көмек көрсетіледі. Әйелдерге жұмысқа орналасуда көмек беріледі, балаларға балабақшаларға қабылдау мәселесінде қолдау көрсетіледі. Бейбітшілік миссияларына қатысқан әскери қызметшілердің отбасыларына да ерекше назар аударылады. Оларға құқықтық және тұрмыстық қолдау көрсетіледі, командирлермен әркез кездесулер ұйымдастырылады.Сонымен қатар бұл қызметтер денсаулығы бойынша проблемалары бар балаларды тәрбиелейтін отбасыларды да назардан тыс қалдырмайды. Олардың медициналық кеңес алуына өңірлік денсаулық сақтау басқармаларымен өзара әрекеті жолға қойылған. Әскери бөлімдер басшылықтары мен «Қарулы Күштердің ардагерлері» РҚБ ұйымы үлкен қолдау көрсетеді, атап өтсек, балаларға арналған қайырымдылық шаралары, мәдени және спорттық нысандарға тегін кіру, экскурсиялар мен шығармашылық байқаулар ұйымдастырылады.Гарнизондарда 157 үйірме мен секция жұмыс істейді, оған шамамен үш мың әскери қызметшінің балалары барады. Биылғы жылы қорғаныс министрінің бастамасымен дәстүрлі «Мектепке жол» акциясы кең көлемде өтіп, онда ондаған меценат пен банктер қосылып, мыңдаған балаға жаңа оқу жылына қажетті көмек берді.«Балдәурен» республикалық оқу-сауықтыру орталығымен ынтымақтастық аясында жыл сайын мыңнан астам әскери қызметшінің балалары Щучинск, Балқаш, Қонаев және Түркістан облысындағы лагерьлерде демалып, білім алып, денсаулығын нығайтады.Есептік іс-шара аясында Әскери-тарихи мұражайдың атриумында аталған қызмет балалардың қолөнер туындылары мен суреттерінен көрме дайындады. Кеңеске қатысушылар алдында «Жас сарбаз» шығармашылық студиясының тәрбиеленушілері «Ақ сауыт» биін орындады, ал жас домбырашылар «Адай» күйін тартты.Ақпарат көзі : https://www.gov.kz/memleket/entities/mod/press/news/details/1115781?lang=kk

Бір апта бойы әскери басқару органдарында, құрамалар мен әскери бөлімдерде жеке құрамның жауынгерлік даярлық дағдыларын жетілдіруге арналған тактикалық-құрылымдық сабақтар өтеді.Сабақтар барысында ұрыс есептоптары мен кезекші қызметтердің іс-әрекеті нақтыланып, штабтар мен әскери бөлімдердің басқа әскерлер мен құралымдар, одан бөлек мемлекеттік органдармен өзара әрекеттестігі пысықталады.Оқу дабылынан кейін барлық әскери бөлімдер ең жоғары дәрежедегі жауынгерлік дайындыққа көшеді. Әскери қызметшілер техникалармен оқу полигондарына және оқу орталықтарына марш жасайды. Кейбір бөлімдер әуе және темір жол көлігімен жолға шығады.Қазіргі уақытта жұмылдыру ресурстарын қабылдау пункттерін ашуға дайындық жүргізіліп жатыр. Құрамалар мен бөлімдердің практикалық әрекеті әдеттегідей жіті назарда болмақ. Тактикалық-саптық кешенді сабақтар 7 желтоқсанға дейін жалғасады.Ақпарат көзі : https://www.gov.kz/memleket/entities/mod/press/news/details/1115743?lang=kk

Бүгін Қостанайда Сити-орталық алаңында, облыстың 14 ауданынан және Қостанай мен Рудный қалаларынан келген шаруаларды біріктірген ауыл шаруашылығы жәрмеңкесі өтті. 90-нан астам шаруашылық субъектісі 332 тоннадан асатын жаңа әрі сапалы өнім ұсынып, қала тұрғындарына кең ассортиментті қолжетімді бағада сатып алуға мүмкіндік жасады. Жалпы 38 тонна ет өнімі сатылды. Оның ішінде 14,7 тонна сиыр еті келісі 3000–3200 теңгеден, 6,7 тонна жылқы еті 3000 теңгеден, 4 тонна шошқа еті 2200–2500 теңгеден, 1,5 тонна қой еті 2700–3000 теңгеден, сондай-ақ 11,4 тонна құс еті келі 900 теңгеден ұсынылды. Тұрғындар арасында ұнға деген сұраныс жоғары болды. Мәселен барлығы 39 тонна, соның ішінде бірінші сұрыпты ұн келісі 160 теңгеден, жоғары сұрыпты ұн 200 теңгеден сатылды. Макарон өнімдері 13 тонна көлемінде, келісі 260 теңгеден ұсынылды. Сонымен қатар 144 мың дана тауық жұмыртқасы ондығы 450 теңгеден сатылды. Картоп 55 тонна көлемінде келісі 150 теңгеден ұсынылды. Көкөніс пен жеміс-жидек 84 тонна, оның ішінде сәбіз 150 теңгеден, қырыққабат 90 теңгеден сатылды. Күнбағыс майы 6,5 тонна көлемінде литрі 660 теңгеден сатылды. Бұдан бөлек, тұрақтандыру қоры әлеуметтік маңызы бар 9 түрлі өнімді 25,3 тонна көлемінде ұсынып, тұрғындарға қажетті азық-түлікті тиімді бағада саудалады.Ақпарат көзі : https://www.gov.kz/memleket/entities/mti/press/news/details/1115701?lang=kk

Бүгін Қарағанды қаласындағы «Global City» сауда-ойын-сауық орталығының аумағында Қарағанды облысының шаруаларының қатысуымен ауылшаруашылығы жәрмеңкесі өтті. Жәрмеңкеде өз өнімдерін орташа нарықтық бағадан 10-15% төмен бағада 7 ауылдық ауданның 90-нан астам ауыл шаруашылығы өндірушілері, облыс қалаларының қайта өңдеу кәсіпорындары ұсынды. Жәрмеңкеге барлығы 156 тоннадан астам ауыл шаруашылығы өнімі жеткізілді. Оның ішінде 56 тонна ет, 48 тонна картоп, 18 тонна көкөніс, 16 тонна сүт өнімі, 6 тонна балық және балық өнімі, 180 мың дана тауық жұмыртқасы және 12 тонна өзге де өнім. Облыстың ауыл шаруашылығы тауарын өндірушілері жәрмеңкеге жеткізген өнімдер қала тұрғындары мен қонақтарына жаңа өнімдерді қолжетімді бағада сатып алуға, сондай-ақ қысқы қорларын толықтыруға мүмкіндік береді.Ақпарат көзі : https://www.gov.kz/memleket/entities/mti/press/news/details/1115702?lang=kk

Батыс Қазақстан облысында қала тұрғындары үшін ауыл шаруашылығы тауар өндірушілерінің қатысуымен жәрмеңкелерді ұйымдастыру жақсы дәстүрге айналды. Бүгін жергілікті атқарушы органдардың ұйымдастыруымен кезекті жәрмеңке М. Ихсанов көшесінде өтті. Жәрмеңкеге қала мен аудан тауар өндірушілері қатысты. Шаруалар қала тұрғындары үшін кең ассортиментте ет өнімдерін (сиыр еті, жылқы еті, шошқа еті, қой еті) ұсынды. Мысалы, сиыр және жылқы еті 2700 теңгеден сатылды. Фермерлік шаруашылықтар құс етін, яғни тауық, үйрек, күрке тауық өнімдерін ұсынды. Жәрмеңкеде жоғары сапалы кең ассортиментте шұжық және сүт өнімдері, кондитерлік өнімдер мен балық өнімдері де болды. Қала тұрғындары қысқа қажетті көкөніс қорын қолжетімді бағамен сатып алу мүмкіндігіне ие болды. Жәрмеңкелер жергілікті атқарушы органдар бекіткен кестеге сәйкес 2025 жылдың соңына дейін екі локацияда өтеді: М. Ихсанов көшесінде және Зачаганск кентінде.Ақпарат көзі : https://www.gov.kz/memleket/entities/mti/press/news/details/1115703?lang=kk

Бүгін Қызылорда қаласында Қармақшы және Шиелі аудандарының ауыл шаруашылығы өнімдерінің жәрмеңкесі өтті. Таңғы сағат 08:00-де басталған жәрмеңкеде аудан еңбеккерлері өндірген табиғи әрі сапалы өнімдер қала тұрғындарына базар бағасынан 15-30 % төмен бағада ұсынылды. Жәрмеңкеде тұрғындар үшін Шиелі ауданынан 88 тоннадан астам өнім әкелінген. Атап айтқанда, 20 тоннадан астам күріш, 10 тонна бақша өнімі, 25 тонна көкөніс, 30 тонна картоп, 2 тоннадан астам ет, сүт өнімдері, 2 тонна бакалея өнімдері жеткізілді. Ал Қармақшы ауданынан 150 тоннаға жуық өнім тиелген 45 автокөлік жеткізілді. 25 тонна күріш, 80 тонна бақша өнімдері, 2 тонна жеміс-жидек, 1 тонна ет сатылымға шығарылды. Шаруалар өз өнімдерін тұрғындарға тиімді бағамен ұсынды. Мәселен күріш 370 тг/кг, сиыр еті 2300/2900 тг/кг, жылқы еті 2300тг/кг, картоп 180 тг/кг, сәбіз 200 тг/кг, пияз 110 тг/кг, қырыққабат 150 тг/кг, қызанақ 350 тг/кг,   балық 1300 тг/кг, ірімшік 2500/кг, қауын қарбыз 150 тг/кг сатылды.Ақпарат көзі : https://www.gov.kz/memleket/entities/mti/press/news/details/1115700?lang=kk

Жедел экологиялық және климаттық өзгерістер кезінде Қазақстан табиғатты қорғау шараларын күшейтіп, экология саласындағы реттеу жүйесін жаңғыртуда. Қоршаған ортаның сапасын жақсарту және халық үшін тәуекелдерді азайту үшін ҚР Сауда және интеграция министрлігінің Техникалық реттеу және метрология комитеті 2060 жылға дейін көміртекті бейтараптыққа қол жеткізу Стратегиясын жүзеге асыруды қолдауға бағытталған бірқатар жаңа стандартты бекітті. Қабылданған құжаттар қалдықтарды басқаруға, климаттық өзгерістерге бейімделуге, шығарындыларды азайтуға және айналмалы экономикаға көшуге, ресурстарды ұтымды пайдалануға қойылатын заманауи талаптарды қалыптастырады. Бекітілген негізгі стандарттар:1. ҚР СТ 4022-2025 «Қалдықтар. Қалдықтарды басқару. Қалдықтары аз технологияларға қойылатын талаптар». Стандарт қалдықсыз және шартты түрде «қалдықсыз» деп аталатын, өндіріс және тұтыну қалдықтарын басқару технологияларына, қалдықсыз технологияларды құру бағыттары мен принциптеріне қойылатын талаптарды белгілейді. Бұл стандарт тұрақты даму мен қоршаған ортаны қорғауды қамтамасыз ете отырып, қалдықсыз және қалдықсыз технологияларға көшудің маңызды құралы болады. 2. ҚР СТ ISO/TS 14092-2025 «Климаттың өзгеруіне бейімделу. Жергілікті өзін-өзі басқару органдары мен қауымдастықтарға арналған бейімделуді жоспарлау бойынша талаптар мен нұсқаулық», бұл қадамдық процесті сипаттайды, әр жағдайда климаттық, экологиялық және әлеуметтік жағдайларды ескере отырып, жергілікті бейімделу жоспарын құруға мүмкіндік береді. 3. ҚР СТ ISO 14068-1 «Климаттың өзгеруін басқару. Таза нөлге көшу. 1 бөлім. Көміртекті бейтараптық» және ҚР СТ Iwa 42 «көміртекті бейтараптық жөніндегі нұсқаулық». Олар шығарындыларды жауапкершілікпен басқаруға және ғылыми негізделген Климаттық шешімдерді енгізуге негіз жасайды. Жаңа стандарттар барлық қатысушылар үшін - экологиялық және аналитикалық ұйымдар, қоршаған ортаны бақылаудың ұлттық және өңірлік орталықтары, экологиялық ұйымдар үшін бірыңғай тәсілдер мен қағидаттарды белгілейді. 4. ҚР СТ 4013-2025 «Церкулярлы экономика. Церкулярлы экономиканың тиімділігін өлшеу және бағалау». 5. ҚР СТ 4012-2025 «Церкулярлы экономика. Сөздік, принциптер және енгізу бойынша ұсыныстар». 6. ҚР СТ ISO 4789-2025 «Жылу электр станцияларында сарқынды суларды тазарту және қайта пайдалану жөніндегі нұсқаулық». Бұл құжат ЖЭС су тұтынуды азайтуға және қоршаған ортаға теріс әсерді азайтуға бағытталған. Стандарт заманауи тазарту технологияларын - мембраналық, биологиялық және химиялық технологияларды енгізуді көздейді. Жаңа экологиялық стандарттарды бекіту Қазақстанның жаһандық климаттық саясаттағы ұстанымын күшейтеді және экологиялық тәуекелдерді азайтып, төмен көміртекті экономикаға көшуді қолдай отырып, орнықты даму үшін негіз жасайдыАқпарат көзі : https://www.gov.kz/memleket/entities/mti/press/news/details/1115699?lang=kk

ҚР Ұлттық қорғаныс университетінің әскери қызметшілері арасында белтемірге тартылудан дәстүрлі Tartyl Fest сайысы ұйымдастырылды.Спорттық шараны әскери жоғары оқу орнының бастығы генерал-майор Асқар Мұстабеков салтанатты түрде ашты. Ол әскери қызметшілердің оқу-жаттығу тапсырмаларын орындауы және кез келген қиындықты еңсеруі үшін дене дайындығының маңыздылығын атап өтті.– Tartyl Fest – ерекше сайыс. Бұндай байқау әскери қызметшінің ерік-жігерін дамытып, төзімділікті нығайтады және салауатты дағдылар қалыптастырады, – деді ҚР Ұлттық қорғаныс университетінің бастығы.Биыл сайысқа 9 команда құрамында 18 қатысушы шықты. Спортшылардың белтемірге тартылуы жеке және командалық есепте бағаланды.Командалар арасынан үздік нәтиже көрсеткен барлау кафедрасының өкілдері болды. Екінші орын Құрлық әскерлері факультетіне, үшінші орын Әуе қорғанысы күштері факультетіне бұйырды.Жеке біріншілікте бірінші орынды майор Әсет Үсенов олжалады. Екінші орынды полковник Айдос Шаймерденов, үшінші орынды подполковник Мақсат Жұмағазин еншіледі.Спорт алаңында қатысушыларға оқытушылар мен Қырғызстан, Тәжікстан және Өзбекстаннан келген магистранттар белсенді қолдау көрсетті.Жыл сайын өтетін сайыс әскери қызметшілердің дене дайындығын арттыруға және салауатты өмір салтын насихаттауға бағытталған.Ақпарат көзі : https://www.gov.kz/memleket/entities/mod/press/news/details/1115690?lang=kk

1996 жылғы 30 қарашада қорғаныс ведомствосы басшысының құқықтық қызмет құру туралы директивасы шығарылып, кейін ол Қорғаныс министрлігінің Заң департаменті болып қайта құрылды.Бұл сала мамандары қорғанысты ұйымдастыру, әскери қызметті өткеру тәртібі, әскери қызметшілерді, олардың отбасы мүшелерін, азаматтық персонал және әскери зейнеткерлерді әлеуметтік қамтамасыз ету мәселелері бойынша нормативтік-құқықтық актілерді әзірлейді. Олар заңнаманы тұрақты түрде мониторингтен өткізіп, тиімді емес, қайталанатын нормалар мен заңдағы олқылықтарды анықтайды.Осы жылы Мемлекет басшысы Қарулы күштердің мүдделеріне қатысты бірқатар заң актілеріне қол қойды. Бұлардың әзірленуінде, құқықтық сараптамасында, толықтырулар мен өзгерістер енгізуде әскери заңгерлердің еңбегі зор. Заң актілері резервтегі әскери қызмет тәртібі, әскери-патриоттық тәрбие, аумақтық қорғаныс, мемлекеттік қызмет, бюджет, азаматтық қорғау, тұрғын үй қатынастары және қылмыстық заңнаманы оңтайландыру сияқты маңызды мәселелерді қамтиды.Аумақтық қорғанысқа қатысты азаматтарды дайындау және өз аумағын сыртқы қауіптерден қорғау мақсатындағы құқықтық институтты қалыптастыруда жасалған маңызды қадам – Қазақстан Республикасының «Аумақтық қорғаныс туралы» Заңын қабылдау болды. Онда аумақтық қорғаныс құқықтық реттеудің жеке саласы ретінде анықталып, Президент, Үкімет, орталық мемлекеттік органдар мен ұйымдардың құзыреттері бекітілді. Одан бөлек Қорғаныс министрлігінің аталмыш салада мемлекеттік органдар мен ұйымдарды бақылау механизміне жауапты болуы да заңмен белгіленді.Әскери заңгерлер әскери-патриоттық тәрбие мәселелері бойынша және резервтегі әскери қызмет пен кейбір орталық мемлекеттік органдардың функцияларын қайта бөлу жөніндегі заңдарға өзгерістер мен толықтырулар енгізу жұмысында айтарлықтай еңбек атқарды.Аталған нормативтік-құқықтық актілердің қабылдануы ел басшылығының тапсырмаларын және Қорғаныс министрлігінің заңнамалық бастамаларын жүзеге асыруға мүмкіндік берді. Сол сияқты бір жыл ішінде Қорғаныс министрлігінің мүдделерін қорғау барысында әскери заңгерлер 1200-ден астам талап арыз түсіріп, шамамен 4 млрд теңге өндіріп алды және бюджетте 11 млрд теңгеден көп қаржыны сақтап қалды.Әскери заңгер қызметінің ерекшелігі халықаралық және ұлттық заңнаманы, әскери саланы терең білуге, түрлі құқық салаларында кешенді және жүйелі тәсілдермен әрекет етуге қабілеттілікті талап етеді. Әскери заңгерлердің жан-жақты құзыреті, талдау жасау қабілеті, мейлінше мұқият болуы, принциптілік пен жауапкершілік сынды қасиеттері елдің қорғаныс қабілетін нығайту және әскери қызметшілердің әлеуметтік қорғалуын қамтамасыз ететін міндеттерді лайықты орындауға мүмкіндік береді.Ақпарат көзі : https://www.gov.kz/memleket/entities/mod/press/news/details/1115688?lang=kk

Биыл 1 қаңтардан бастап күшіне енген «Мемлекеттік сатып алу туралы» ҚР Заңы аясында елімізде Бірыңғай сатып алу платформасы іске қосылды. Аталған платформа мемлекеттік әрі квазимемлекеттік сектордың сатыпалымдарын біріктіреді. Енді қызмет көрсетушілер бірыңғай порталдың көмегімен тендерлерге қатыса алады. Бұл бизнес процесті едәуір жеңілдетеді. Бұған дейін авторизациялау әр жүйеде бөлек жүргізіліп келген еді.Жаңа платформада мемлекеттің үлесі 50% асатын барлық мемлекеттік органның, ұлттық компаниялардың, холдингтердің, кәсіпорындар мен ұйымдардың, сондай-ақ «Самұрық-Қазына» ұлттық әл-ауқат қоры мен оның еншілес ұйымдарының сатыпалымдары қамтылған. Бұл сатыпалым процесінің барлық қатысушысына (реттелетін сатып алуларға қатысуға) тең мүмкіндік береді.Тың жүйенің артықшылығы: реттелетін сатыпалымның барлық түріне біртұтас портал арқылы кіру, рәсімдердің толықтай ашық болуы, бір жүйеде сатыпалымның барлық түрін мониторингтеу және талдау, жеке кабинетте пайдаланушылардың сұранысына сай өлшемдердің жолға қойылуы.Осы жүйенің базасында әдістер, жоспарлар, келісімшарттар, өңірлер, бюджет түрлері, есептілік әкімгері бөлінісінде жоспарланып, өткізілген сатыпалымдар бойынша ақпаратты көрсететін Талдау модулі әзірленген.2025 жылы Бірыңғай сатып алу платформасына: білім алушыларды тамақтандыру, мемлекеттік білім беру тапсырысы, мемлекеттік-жекешелік әріптестік, ТМККБК шеңберінде дәрілік заттар мен медициналық бұйымдарды сатып алу қосылды.Келесі жылы табиғи монополия субъектілері мен жер қойнауын пайдаланушыларды сатыпалым алаңдарының платформасына қосу жоспарланған.Бұл амал сатыпалым рәсімдерін жеңілдетіп, біріздендіруге, сол секілді реттелетін сатыпалымдардың ашықтығын нығайтуға бағытталған. Ақпарат көзі : https://www.gov.kz/memleket/entities/minfin/press/news/details/1115666?lang=kk

2025 жылдың 25-29 қараша күндері Астана қаласында өткен ауыл мектептері оқушыларына арналған республикалық олимпиадада жаратылыстану-математикалық бағыт бойынша 36 оқушы бақ сынады. Алматы облысының оқушылары айқын жеңіске жетіп, 18 жүлделі орынға ие болды. Олимпиада қорытындысы бойынша Алматы облысының оқушылары келесі нәтижелерге жетті:І орын (алтын) – 6 оқушы:• Теремко Олег, Қарасай ауданы, «Долан ауылындағы жайлы мектеп», 10 сынып• Аюпов Расулжан, Талғар ауданы, №29 жалпы білім беретін орта мектеп, 10 сынып• Мецлер Альберт, Талғар ауданы, ЖББМ «ДАНА», 10 сынып• Нурланұлы Адлет, Іле ауданы, №38 мектеп-гимназия, 11 сынып• Бекмұхамет Айару, Іле ауданы, №36 орта мектеп, 9 сынып• Адбыхамыт Нұрислам, Еңбекшіқазақ ауданы, «Рахат ауылдық округі №1 орта мектебі», 11 сыныпІІ орын (күміс) – 7 оқушы:• Ильжанова Мадина, ЖББМ «ДАНА», 11 сынып• Камзин Алан, ЖББМ «ДАНА», 9 сынып• Брастин Назар, Талғар ауданы, №17 орта мектеп• Ербол Арлан, Талғар ауданы, №26 орта мектеп, 11 сынып• Ширбеков Юсуф, ЖББМ «ДАНА», 10 сынып• Сембин Амир, ЖББМ «ДАНА», 9 сынып• Манғаз Еркежан, Талғар ауданы, №18 жалпы білім беретін орта мектеп, 11 сыныпІІІ орын (қола) – 5 оқушы:• Абдрашит Алихан, Жамбыл ауданы, Ұзынағаш ауылындағы №1 мектеп-лицей, 10 сынып• Аликулова Асель, Іле ауданы, №40 орта мектеп, 11 сынып• Юрьев Амир, Ұйғыр ауданы, №1 Шонжы мектеп-лицей, 11 сынып• Еренсіз Дәулет, Қарасай ауданы, «KursasAnt Bilim Group» ЖШС, 11 сынып• Тұрысбек Әдемі, Жамбыл ауданы, Қарасу орта мектеп, 10 сынып.Командалық есепте Алматы облысы І орынды иеленді, бұл облыстың ауыл мектептері оқушыларының білім деңгейінің жоғары екенін тағы бір мәрте дәлелдеді.Олимпиада жеңімпаздары мен жүлдегерлерін шын жүректен құттықтаймыз!Ақпарат көзі : https://www.gov.kz/memleket/entities/almobl/press/news/details/1115621?lang=kk

Астана, 2025 жылғы 26 қараша – Қазақстан Республикасы Сыртқы істер министрлігінде кәсіби әлеуметтік жұмысты дамыту және адам құқықтарын қорғау тетіктерін жетілдіруге арналған дөңгелек үстел өтті.Іс-шараға мүдделі мемлекеттік органдардың, жоғары оқу орындарының, үкіметтік емес ұйымдар мен халықаралық ұйымдардың өкілдері қатысты. Қатысушылар әлеуметтік заңнаманы жаңғыртудың негізгі бағыттарын, еңбекті қорғау, қауымдастықтар еркіндігі, мигранттардың құқықтары, сондай-ақ, әлеуметтік жұмыстың кәсіби институт ретінде институционалдық дамуы мәселелерін талқылады.Өз кіріспе сөзінде, ҚР Сыртқы істер министрлігінің Ерекше тапсырмалар жөніндегі елшісі Алуа Надирқұлова, Президент Қасым-Жомарт Тоқаевтың әлеуметтік қызметкерлердің мәртебесін жүйелі түрде арттыруға ерекше назар аударатынын атап өтті. 2023 жылы қабылданған Әлеуметтік кодекс, осы бағыттағы маңызды қадам болды. Ол мамандардың кәсіби даярлығын оқыту арқылы дамыту, сертификаттау және біліктілік санаттарын тағайындау, сондай-ақ, кәсібилік деңгей мен атқарылатын функциялардың күрделілігіне қарай еңбекақының жаңа жүйесін енгізуге бағытталған.Елші, БҰҰ-ның Әмбебап кезеңдік шолу шеңберіндегі Қазақстанның осал топтарға, атап айтқанда, әйелдер, балалар және мүгедектігі бар адамдарға қатысты қабылданған ұсынымдары әлеуметтік жұмыс тетіктерін жетілдіру арқылы неғұрлым тиімді жүзеге асырылатынын атап өтті.«Ұлттық кәсіби әлеуметтік қызметкерлер альянсының» (Альянс) атқарушы директоры Динара Есимова қатысушыларды «Әлеуметтік жұмыс туралы» заң жобасының негізгі ережелерімен таныстырды. Бұл заң, кәсіпті сектораралық деңгейде бекітіп, кадрларды даярлау мен супервизияның тұрақты жүйесін құруға мүмкіндік береді.Альянс директорының орынбасары Асия Бекенова еңбек қорғау мен кәсіподақ қызметі, бейбіт жиналыстар мен қауымдастықтар еркіндігі, мигранттар және азаматтығы жоқ адамдардың құқықтарын қамтитын екі жылдық аналитикалық талдаудың нәтижелерімен таныстырды. Аталған талдау қолданыстағы заңнаманың кешенді шолуын, оның тәжірибеде қолданылуын, халықаралық стандарттармен салыстырылуын және оларды іске асыру бойынша ұсынымдарды қамтитынын атап өтті. Ол әлеуметтік қызметкерлердің кәсіби қауымдастығын жүйелі түрде нығайту және заманауи, тұрақты құқықтық база құру Қазақстандағы әлеуметтік жұмыстың тиімді дамуының негізгі шарттары екенін айтты.АҚШ-тағы халықаралық сарапшы Айтакин Хусеинли әлеуметтік жұмыстың жаһандық үрдістері мен стандарттары туралы айтып, халықаралық тәсілдерді ұлттық кадр даярлау бағдарламаларына интеграциялаудың маңыздылығын атап өтті. Ол, БҰҰ-ның 17 Орнықты даму мақсатының жартысынан астамы әлеуметтік және экономикалық мәселелерге байланысты екенін, сондықтан, бұл мақсаттарға қол жеткізуде әлеуметтік қызметкерлердің рөлі шешуші екенін мәлімдеді.Сонымен қатар құқықтану профессоры Муслим Хасенов қауымдастықтар еркіндігі, еңбекті қорғау және әлеуметтік сала мамандарының құқықтық мәртебесіне қатысты заңнаманы жаңарту жөніндегі ұсыныстарын ұсынды. Ол қолданыстағы нормативтік базаның қызметкерлер мен осал топтардың құқықтарын қорғаудың заманауи талаптарына және Қазақстанның халықаралық міндеттемелеріне сәйкес келе бермейтінін атап өтті.Бейбіт жиналыстар құқығына тоқтала отырып, профессор «Медиация туралы» заңның шеңберінде таңдалған бейтарап медиатордың қатысуымен медиация рәсімін заңнамалық түрде бекітудің қажеттілігін атап өтті. Бұл қақтығыстардың алдын алуға, әлеуметтік шиеленісті төмендетуге және халық пен мемлекеттік органдар арасындағы келіспеушіліктерді неғұрлым өркениетті түрде реттеуге мүмкіндік беретініне назар аударды.Альянстың Алматы қаласындағы филиалының басшысы Жанар Абдыхалыкова, Альянс директорының орынбасары Аягөз Аубакирова және Қызылорда филиалының басшысы Сандуғаш Исмагұлова супервизия, кәсіби стандарттар және әлеуметтік мамандықтарды жіктеу жүйесі бойынша зерттеу нәтижелерін ұсынды.Халықаралық танылған кәсіби қолдау жүйесі – «супервизияның» көмегімен әйелдерді тұрмыстық және гендерлік зорлық-зомбылықтан қорғау, балалардың құқықтарын қамтамасыз ету, мүгедектігі бар адамдардың құқықтарын қорғау салаларында әлеуметтік қызметкерлердің жұмысының сапасы көтеріледі. Супервизия мамандар құзыреттерін дамытуға, тәуекелдерді бағалаудағы қателіктерді азайтуға, қайталама жарақат пен виктимблеймингтің алдын алуға, ведомствоаралық үйлестіруді жақсартуға және құқыққа негізделген модельді енгізуге ықпал етеді.Қатысушылар «Әлеуметтік жұмыс туралы» заң жобасын, саланың негізгі реформасы ретінде ілгерілетудің маңыздылығына ерекше назар аударды. Қалыптасқан практикалық ұсынымдар әлеуметтік саланы дамытуға жүйелі және орнықты көзқарасты қамтамасыз ете отырып, кейінгі заңнамалық және институционалдық жұмысқа негіз болады.Жалпы, талқылаулар ашық және конструктивті форматта өтті. Іс-шара қорытындысында, қатысушылар ведомствоаралық өзара іс-қимылды күшейтудің, әлеуметтік қызметкерлердің кәсіби даярлығы мен супервизиясының бірыңғай жүйесін дамытудың, сондай-ақ, мемлекет, үкіметтік емес ұйымдар және академиялық қауымдастықтың күш-жігерін одан әрі біріктірудің маңыздылығын бірауыздан атап өтті.Ақпарат көзі : https://www.gov.kz/memleket/entities/mfa/press/news/details/1115612?lang=kk

Алматы, 2025 жылғы 28 қараша – Қазақстан Республикасы Сыртқы істер министрінің бірінші орынбасары Ержан Ашықбаев Қазақстандағы АҚШ Сауда палатасының (AmCham) Атқарушы директоры Джефф Эрлихпен кездесу өткізді.Кездесу барысында тараптар Президент Қасым-Жомарт Тоқаевтың биылғы қараша айында Вашингтонға жасаған сапарының қорытындысы бойынша жоғары деңгейде қол жеткізілген уағдаластықтарды сапалы іске асыру бағытында тығыз жұмыс жүргізуге келісті.Кездесу қорытындысында AmCham басшысы Қазақстандағы америкалық бизнестің қатысуын кеңейту және сауда-экономикалық байланыстарды нығайту ісіне белсенді түрде қолдау көрсетуге дайын екенін атап өтті.Ақпарат көзі : https://www.gov.kz/memleket/entities/mfa/press/news/details/1115536?lang=kk

Астана, 2025 жылғы 28 қараша – Қазақстан Республикасының Сыртқы істер министрі Ермек Көшербаев Түркі мәдениеті мен мұрасы қорының президенті Ақтоты Райымқұловамен кездесу өткізді.Сұхбат барысында тараптар Қор аясындағы өзара іс-қимыл мәселелерін талқылап, ұйымның жобалық қызметі бойынша пікір алмасты.Е.Көшербаев Қазақстанның түркі ынтымақтастығының мәдени-гуманитарлық бағытын дамытуға ерекше мән беретінін атап өтті.А.Райымқұлова ТМҰ Мемлекет басшылары кеңесі тапсырмаларының орындалу барысы туралы мәлімет беріп, Қордың 2026 жылға арналған жоспарларымен таныстырды.Түркі мәдениеті мен мұрасын сақтау қоры 2012 жылғы 23 тамызда құрылды. Қордың негізгі міндеттері – түрлі іс-шаралар, жобалар мен бағдарламаларды қолдау және қаржыландыру арқылы түркі мәдениеті мен мұрасын сақтау, зерттеу және ілгерілету.Ақпарат көзі : https://www.gov.kz/memleket/entities/mfa/press/news/details/1115488?lang=kk

Солтүстік Қазақстан облысында Петропавл қаласының тұрғыны баға белгілеу заңнамасының бұзылуына байланысты Сауда және тұтынушылардың құқықтарын қорғау департаментіне шағымданды. Оның айтуынша, қаладағы супермаркеттердің бірінде тауардың бағасы ұлттық валюта – теңгемен емес, Ресей рублімен көрсетілген. Түскен өтініш негізінде департамент мамандары сауда нысанына жоспардан тыс тексеріс жүргізді. Тексеру барысында заң бұзушылық фактісі расталып, баға белгілерінде шетел валютасы көрсетілгені анықталды. Бұл Қазақстан Республикасының заңнамасына қайшы, себебі тауарлар мен қызметтердің бағасы тек теңгемен көрсетілуі тиіс. Тексеру нәтижесінде супермаркет иесі әкімшілік жауапкершілікке тартылды. Сонымен қатар, департамент анықталған заң бұзушылықтарды жою туралы нұсқама беріп, сауда орнының басшылығына баға белгілерін заң талаптарына сәйкестендіруді міндеттеді. Мұндай жағдайлар тұтынушыларды шатастырып қана қоймай, олардың құқықтарын да бұзады. Бағаның шетел валютасымен көрсетілуі есеп айырысуда қиындықтар туғызып, сауда орындарына деген сенімсіздік қалыптастыруы мүмкін. Солтүстік Қазақстан облысының Сауда және тұтынушылардың құқықтарын қорғау департаменті әрбір азамат тауардың құны туралы дұрыс әрі ашық ақпарат алуға құқылы екенін еске салады. Заң бұзушылық анықталған жағдайда тұтынушылар өз мүдделерін қорғау үшін уәкілетті органдарға жүгіне алады.Ақпарат көзі : https://www.gov.kz/memleket/entities/mti/press/news/details/1115471?lang=kk

Қазақстан Республикасы Үкіметінің «Орталық атқарушы органдар басшыларының халықпен кездесулерін өткізу туралы» қаулысы аясында Алматы облысына жұмыс сапарымен келген ҚР Денсаулық сақтау министрі Ақмарал Әлназарова өңір тұрғындарымен және азаматтық сектор өкілдерімен кездесу өткізіп, денсаулық сақтау жүйесінің қазіргі ахуалы туралы баяндама жасады.Кездесу барысында министр биылғы 9 айдың қорытындысына тоқталып, денсаулық саласындағы оң өзгерістерді атап өтті.Денсаулық саласындағы ең ойталы шешім, бұдан былай бұқара скринингтік тексеруден кепілді медициналық көмек аясында өте алады. Республиканың бас дәрігері Ақмарал Әлназарова, аталған ақжолтай хабарды халыққа жеткізіп қана қоймай, аталмыш тексеруден ендігі кезде 76 жасқа дейінгі ел тұрғындары өтетінін айтты. «Тегін медициналық көмектің кепілдік берілген пакетіне ендігі кезде онкоскринингте қосылды. Бұл өз кезегінде 300 мың сақтандырылмаған халықтың тексеруден өтуіне мүмкіндік береді»,-деді Ақмарал Әлназарова.Кездесу барысында, министр жедел-жәрдем қызметіндегі өзгерістерді атады. Оның айтуынша, 4-санаттағы жедел шақыртулар МСАК деңгейіне беріліп, мобильдік бригадалар мен call-орталықтар енгізілді. Бұл жедел жәрдем жүктемесін 40–50%-ға..төмендеткен. Сондай-ақ жедел жәрдем кабинеттерінің ашылуының арқасында стационарларға түсетін өтініштер саны 20 %-ға азайған. Министр медициналық сақтандыру жүйесін күшейту бойынша қабылданған заңнамалық өзгерістерді де түсіндірді.2026 жылдан бастап:– МӘМС жарналарының есептеу базасы ұлғайады;– жүйеге қосымша 200 млрд теңге түседі.2027 жылдан бастап:– мемлекет жарналары 2 %-дан 4,7 %-ға дейін кезең-кезеңімен өседі.Айта кетейік, Алматы облысында бүгінгі таңда халықтың 83,2 %-ы сақтандырылған, 16,8 %-ы сақтандырылмаған. Бұл бағыттағы жұмысты үйлестіру үшін өңірлік штаб құрылған.Министр денсаулық сақтау инфрақұрылымын жаңғырту, медициналық көмектің сапасын арттыру және қолжетімділігін кеңейту жұмыстары жалғасатынын айтты.«Халықтың сұранысына сай келетін тиімді денсаулық сақтау жүйесін қалыптастыру – басты міндетіміз», – деп қорытындылады Ақмарал Әлназарова.Ақпарат көзі : https://www.gov.kz/memleket/entities/almobl/press/news/details/1115479?lang=kk