Нью-Дели, 2026 жылғы 12 наурыз - Үндістанның жетекші жоғары оқу орындарының бірі Джавахарлал Неру университетінде «Constitutional Reform and Democratic Transformation in Kazakhstan: Implications for Governance and Kazakhstan-India Relations» тақырыбында дөңгелек үстел өтті. Іс-шара Қазақстан Республикасының Үндістандағы Елшілігінің бастамасымен ұйымдастырылып, университетпен бірлесіп өткізілді.Іс-шара барысында Қазақстан Республикасының Үндістандағы Елшісі Азамат Ескараев Қазақстанда жүргізіліп жатқан саяси және институционалдық реформалар туралы айтып, олардың саяси жүйені жаңғыртуға, демократиялық институттарды нығайтуға және заң үстемдігін дамытуға бағытталғанын атап өтті. Сонымен бірге 15 наурызда өтетін конституциялық өзгерістер бойынша жалпыұлттық референдумның маңыздылығына тоқталды.Елші А. Есқараев сондай-ақ Қазақстан мен Үндістан арасындағы білім беру саласындағы ынтымақтастықтың маңызын және академиялық байланыстардың одан әрі дамып келе жатқанын атап өтті.Халықаралық зерттеулер мектебінің деканы профессор Шарад Сони және Ресей және Орталық Азияны зерттеу орталығының жетекшісі, профессор Прити Д. Дас реформалардың маңыздылығын атап өтіп, олардың екі ел арасындағы ынтымақтастықтың дамуына оң әсер ететінін айтты.Үндістанның Қазақстандағы бұрынғы Елшісі Қазақстандағы конституциялық дамудың тарихи кезеңдеріне тоқталып, елдің ұлттық бірегейлік пен аумақтық тұтастықты сақтай отырып әлеуметтік-экономикалық дамуға басымдық беретін жаһандық деңгейдегі белсенді ойыншы екенін атап өтті.Профессор Налин Кумар Мохапатра Қазақстан жүргізіп отырған рационалды саясат пен саяси тұрақтылықтың маңызын атап өтіп, елдегі даналықпен жүзеге асырылып саясат Қазақстан мен Үндістан арасындағы қатынастарды одан әрі нығайтуға мүмкіндік беретінін айтты. Профессор Санджай Кумар Пандей Қазақстан әлемдегі ең ірі теңізге шығатын жолы жоқ мемлекет ретінде демократиялық басқаруды дамытуда, ғылым мен технология саласында және нарықтық экономикаға көшуде айтарлықтай жетістіктерге жеткенін атап өтті.Chintan Research Foundation сарапшысы доктор Индрани Талукдар конституциялық өзгерістердің мақсаты саяси тұрақтылықты күшейту екенін атап өтті. Сонымен қатар ол Қазақстан мен Үндістан арасындағы жасанды интеллект, су қауіпсіздігі, технологиялар және жаңартылатын энергетика салаларындағы ынтымақтастық мүмкіндіктерін айтты.The Economic Times газетінің халықаралық қатынастар жөніндегі редакторы Дипанджан Рой Чаудхури Қазақстан мен Үндістан арасындағы цифрлық экономика, криптотехнологиялар, стратегиялық минералдар, уран жеткізу және қорғаныс салаларындағы ынтымақтастық перспективаларын атап өтті. Сондай-ақ ол Қазақстанда 100-ден астам этнос өкілдері бейбіт өмір сүретінін және Үндістан азаматтары үшін визасыз режим бар екенін айтты.Іс-шараға академиялық және сарапшылық қауымдастық, сондай-ақ талдау орталықтарының өкілдері мен университет студенттері қатысты.Дөңгелек үстел қорытындысы бойынша қатысушылар Қазақстан-Үндістан ынтымақтастығын одан әрі дамыту мәселелері бойынша пікір алмасты. Ақпарат көзі : https://www.gov.kz/memleket/entities/mfa-delhi/press/news/details/1179669?lang=kk

Бангкок, 2026 жылғы 11 наурыз – Қазақстан мен Таиланд арасындағы өңіраралық ынтымақтастықты дамыту аясында Қазақстанның Таиландтағы Елшісі Марғұлан Баймұханның Аюттхая провинциясына жұмыс сапары өтті.Сапар барысында Елші М. Баймұхан провинция губернаторы Чаванин Вонгсатитчираканмен кездесу өткізді. Тараптар Қазақстан мен Таиланд арасындағы ынтымақтастықтың қазіргі жай-күйі мен болашағын, сондай-ақ өңіраралық байланыстар мен экономикалық өзара іс-қимылды дамыту мәселелерін талқылады.Қазақстанның Елшісі М. Баймұхан губернаторды Қазақстан Республикасының жаңа Конституциясын қабылдау мәселесі бойынша алдағы республикалық референдумның маңыздылығы, елде жүзеге асырылып жатқан саяси және әлеуметтік-экономикалық реформалар, сондай-ақ Қазақстан мен Таиландтың сыртқы саяси ведомстволары арасындағы саяси консультациялардың қорытындылары туралы хабардар етті. Әсіресе Қазақстанның экономикалық әлеуеті мен екі ел арасындағы сауда-инвестициялық ынтымақтастықты кеңейту мүмкіндіктеріне ерекше назар аударылды.Өз кезегінде губернатор Ч. Вонгсатитчиракан Қазақстанға сапар жасауға қызығушылық білдіріп, өнеркәсіптік кооперацияны дамыту үшін жоғары әлеует бар екенін атап өтті. Ол Аюттхая провинциясында орналасқан бес индустриялық аймақ туралы айтып, онда шетелдік инвесторлар мен халықаралық компаниялар үшін қолайлы жағдайлар жасалғанын жеткізді.Сапар аясында Елші провинцияның іскерлік қауымдастығы өкілдерімен, соның ішінде Таиланд өнеркәсіп федерациясы (FTI Ayutthaya), Аюттхая Сауда палатасы және провинция Банкирлер қауымдастығының басшылығымен кездесулер өткізді.Сондай-ақ Елші М.Баймұхан парфюмериялық өнімдер шығаратын тай-қытай бірлескен кәсіпорны «TCFF» өндірістік нысанын аралап, компанияның Орталық Азия нарығына шығу перспективаларын талқылады. Келіссөздер нәтижесінде компанияның биыл мамыр және қараша айларында Қазақстанда өтетін тамақ өнеркәсібі мен фармацевтика салаларына арналған халықаралық көрмелерге қатысуы жөнінде уағдаластыққа қол жеткізілді. Елші Қазақстан экономикасының басым салалары, сондай-ақ елдегі арнайы экономикалық және индустриялық аймақтарда жұмыс істеу мүмкіндіктері туралы ақпарат ұсынып, тай компанияларын ынтымақтастықты кеңейтуге шақырды.Бұдан бөлек, М. Баймұхан электротехникалық жабдықтар өндіруге маманданған халықаралық «Nidec» корпорациясының өндірістік алаңына барды. Келіссөздер нәтижесінде қазақстандық студенттердің кәсіпорында өндірістік практикадан өту мүмкіндігі жөнінде уағдаластыққа қол жеткізілді.Білім беру саласындағы ынтымақтастықты кеңейту аясында Елші Маха Чулалонгкорн Раджавидьялая буддистік университеті мемлекеттік университетіне барды. Аталған оқу орнында шамамен 25 мың студент білім алады, олардың шамамен 20 пайызын шетелдік студенттер құрайды.Университетте жоғары оқу орнының басшылығымен кездесу өтті, сондай-ақ Елші студенттер мен тыңдаушыларға дәріс оқыды. Дәріс барысында ол Қазақстанда жүзеге асырылып жатқан конституциялық реформалар, елдің конфессияаралық және өркениетаралық диалогты ілгерілетудегі рөлі, сондай-ақ Әлемдік және дәстүрлі діндер лидерлері съезі Хатшылығының қызметі туралы баяндады. Аталған бастама діндер мен мәдениеттер арасындағы өзара түсіністік, бейбітшілік пен келісімді нығайтуға бағытталған.Сапар бағдарламасының соңында университет аумағында Қазақстанның Таиландтағы Елшілігі атынан символикалық ағаш отырғызу рәсімі өтті.Өткізілген кездесулер Қазақстан мен Таиланд арасындағы сауда-экономикалық, өңіраралық және білім беру салаларындағы ынтымақтастықты одан әрі нығайтуға, сондай-ақ екі елдің іскерлік қауымдастықтары, академиялық мекемелері мен өңірлері арасындағы тікелей байланыстарды кеңейтуге өзара қызығушылық бар екенін растады.Анықтама үшін:Аюттхая провинциясы – Бангкоктан шамамен 80 км солтүстікте орналасқан Таиландтың орталық провинциясы. Өңір өзінің бай тарихи-мәдени мұрасымен танымал, соның ішінде Аюттхая тарихи паркі бар, ол ЮНЕСКО Бүкіләлемдік мұралар тізіміне енгізілген. Сонымен қатар провинция Таиландтың маңызды индустриялық орталықтарының бірі болып табылады: мұнда ірі өнеркәсіптік және индустриялық парктер, автомобиль, электроника және тамақ өнеркәсібі кәсіпорындары, сондай-ақ орталық Таиландтың маңызды логистикалық және өндірістік хабтары орналасқан.Nidec – электр қозғалтқыштары мен электротехникалық жабдықтар өндіру саласындағы әлемдік көшбасшылардың бірі болып табылатын жапондық жаһандық корпорация. Топ 40 елдегі 230-дан астам компанияны біріктіреді және 100 мыңнан астам қызметкерді жұмыспен қамтиды.«TCFF» – тамақ және косметика өнеркәсібіне арналған хош иістендіргіштер мен парфюмериялық өнімдер өндіретін тай компаниясы. Өнімдерін халықаралық нарықтарға, соның ішінде Қазақстанға экспорттайды. Компанияның жылдық айналымы шамамен 200 млн АҚШ долларын құрайды.Ақпарат көзі : https://www.gov.kz/memleket/entities/mfa-thailand/press/news/details/1179661?lang=kk

"Бір ауыл – бір өнім" жобасының қазақстандық өнімі FOODEX JAPAN 2026 халықаралық азық-түлік көрмесінде ұсынылған. Отандық өндірушілердің қатысуы өңірлік тауарларды ілгерілетуге, ауыл кәсіпкерлерін қолдауға және олардың шетелдік нарықтарға қатысуын арттыруға бағытталған.Көрме Токиодағы Tokyo Big Sight көрме орталығында өткізіледі. Бұл биылғы жылы 51-рет өткізіліп отырған Азиядағы ең ірі азық-түлік алаңының бірі. Қазақстан отандық өндірушілердің өнімін ұсына отырып, екінші жыл қатарынан іс-шараға қатысады. Көрменің алғашқы күнінде Қазақстанның ұлттық стенді келушілер мен кәсіби сатып алушылардың назарын аударды. Қазақстандық бал ерекше қызығушылық тудырды. Оның жоғары сапасын Жапон ара өсірушілер қауымдастығы атап өтті.Ағымдағы жылы көрмеде еліміздің әртүрлі өңірінде өндірілген өнімнің он түрі ұсынылған. Олардың ішінде күнбағыс және беде балы, жантақ балы, балқарағай майы, иван шайы, жантақ шайы, балқарағай ұны, түйе сүті ұнтағы және шырша эфир майы бар. Мұндай халықаралық алаңдарға қатысу отандық өндірушілер үшін жаңа мүмкіндік туғызып, қазақстандық өнімді шетелде ілгерілетуге ықпал етеді.Ұйымдастырушылардың айтуынша, өткен жылы көрмеге әлемнің 74 елі мен аймағынан 2930 компания қатысып, кәсіби келушілер саны 72 мыңнан асты.Естеріңізге сала кетейік, 2025 жылы FOODEX JAPAN-да 2023-2024 жылдардағы БАБӨ жобасының өнімдері ұсынылған болатын. Сол кезде қазақстандық бал мен Алтай шайлары қатысушылардың ең көп қызығушылығын тудырған. Ал жантақ балы көрменің үздік үштігіне кірді. FOODEX JAPAN 2026 жұмысы 13 наурызға дейін жалғасады.Ақпарат көзі : https://www.gov.kz/memleket/entities/economy/press/news/details/1179642?lang=kk

Бұл туралы Мемлекет басшысы Қасым-Жомарт Тоқаев барлық деңгейдегі мәслихат депутаттарының ІІІ республикалық форумында айтты.«Біз бір ел болып жаңа кезеңге қадам бастық. Мемлекеттік мекемелер жекелеген басшылардың қалауына қарай емес, Конституцияға және тиісті заңға сәйкес жұмыс істейді. Саяси жаңғырудың мән-маңызы да – осында.Мемлекеттік биліктің табиғи, яғни эволюциялық жолмен дамуы мызғымас сипатқа ие болды. Бұл маңызды жұмысты тоқтату, тіпті, өткенді кері қайтару да мүмкін емес. Себебі халық ондайға жол бермейді. Мен бұған кәміл сенемін.Бүгінде мемлекеттік құрылымның жаңа үлгісі ұсынылып отыр. Соған сәйкес биліктің барлық тармағы шешім қабылдаған кезде бірдей тәуелсіз болады. Ал Президент олардың кедергісіз, үйлесімді жұмысын қамтамасыз етеді.Еліміздің басты өкілді органы – Құрылтайдың құзыреті кеңейе түседі. Бір палаталы Парламент тиімді заң шығару қызметін жүзеге асыруға мүмкіндік береді.Әлемдік тәртіп пен ішкі реформалар түбегейлі өзгеріп жатқан кезеңде заманауи сын-қатерлерге дер кезінде төтеп беру бәсекеге қабілетті мемлекеттің басты сипатына айналды. Сондықтан бұл шешімнің маңызы зор», - деді Президент.Сонымен қатар, Мемлекет басшысы жоғары кеңесші орган саналатын Халық Кеңесі мемлекет пен қоғам, әртүрлі әлеуметтік-этностық топтар арасында сенімді байланыс орнататынын айтты.«Халық Кеңесіне заң шығару бастамасын беру оның институционалдық рөлін нығайта түседі.Барлық саяси жаңғыру ел тағдырына институционалдық жауапкершілікті күшейту ниетінен туындап отыр. Бір ғана тірекке арқа сүйеген саяси жүйе әлсіз болады әрі ұзаққа шыдамайды. Мұны әлемдік тәжірибе дәлелдеді.Біз, шын мәнінде, халықтық билік қалыптастырудамыз. Оның өзегінде әлеуметтік әділдік, жасампаз отаншылдық, Заң мен тәртіп үстемдігі, азаматтардың заңды құқықтары мен бостандықтарын сақтау, білім, ғылым және технологияның дамуына басымдық беру, мемлекетіміздің Тәуелсіздігін, егемендігі мен аумақтық тұтастығын қорғау секілді ешқашан ескірмейтін, мәнін жоймайтын құндылықтар жатыр», - деді ол.Президент 1995 жылғы Конституцияда мемлекеттік билікті нығайтуға басымдық берілгеніне назар аударды. Өйткені, оның айтуынша,  сол заманның биігінен қарағанда, бұл орынды еді. Өйткені Тәуелсіздіктің елең-алаңында заң шығару қызметін қамтамасыз ету қажет болды.«Қолданыстағы Конституцияны сынға алудың қажеті жоқ. Өйткені бұл құжат мемлекетіміздің іргесін бекемдеуге оң ықпал етті.Біз Әділетті Қазақстанды құрып жатырмыз. Сондықтан Қазақстан Республикасының тұңғыш Президенті Нұрсұлтан Әбішұлы Назарбаевтың ерекше тарихи еңбегін ұмытпағанымыз ләзім.Қазіргі қоғам өмірінде «Адам мемлекет үшін емес, мемлекет адам үшін» деген қағидаттың өзектілігі артты. Сондықтан жаңа Конституцияның бойынан осы ұстаным анық аңғарылады.Адамның құқықтары мен бостандықтарын қорғауға 30 баптан тұратын ең үлкен бөлімнің арналуы тегін емес. Бұл – Ата заңның шамамен үштен бірі. Салыстырмалы түрде айтсақ, Президент туралы бөлім небәрі 10 баптан тұрады.Азаматтарымыздың құқығына қатысты көптеген нормаға жаңа мазмұн беріліп, мән-маңызы арта түсті. Еліміздің тарихи-мәдени мұрасын, отбасылық және адами құндылықтарды көздің қарашығындай сақтайтынымызды Ата заң деңгейінде айқындадық.Бұл – халқымыздың ажырамас құқығы. Ешбір саясаткердің, иә болмаса қоғам белсендісінің, шетелдік немесе отандық үкіметтік емес ұйымның ешқашан бұған күмән келтіруіне, сынап-мінеуіне қақысы жоқ. Оған жол бермейміз.Халқымыздың басым бөлігі отбасын қолдау бағытындағы мемлекеттік саясатты құптайды. Өйткені отбасы дегеніміз – ұлттың жаңа қасиетін қалыптастырып, адал азаматты тәрбиелеп шығаратын алтын ұя.Азаматтарымыздың мүддесін қорғау – ең маңызды мемлекеттік міндет. Сайып келгенде, бұл егемендігімізге, ұлтымыздың баянды болашағына қатысты мәселе», - деді Мемлекет басшысы.

Мемлекет басшысы Астана қаласында өткен мәслихат депутаттарының ІІІ республикалық форумында осылай деді.«Жаңа Конституцияның мазмұны шын мәнінде халықтық сипатқа ие. Бұл маңызды құжат жұртымызға, әсіресе, өскелең ұрпақ пен жастардың игілігіне қызмет етеді.Жаңа Конституция – жастарға өмірде бағыт-бағдар сілтейтін темірқазық іспеттес. Өйткені өзгерістерге толы жаңа дәуірде елдің де, жердің иесі, қорғаны – жастар. Сондықтан бұл құжатты Қазақстанның алдағы онжылдықтардағы орнықты дамуына негіз қалайтын саяси тұғыры десек, қателеспейміз.Қазіргі конституциялық реформаны Ата заңымызға 2022 жылы енгізілген өзгерістерден бөліп қарауға болмайды. Ол кезде бас құжаттың үштен бірі жаңартылды. Бізге сол уақыттың өзінде жаңа Конституция қабылдауға болар еді. Осындай ұсыныс көптеген қоғамдық алаңда, сарапшылар ортасында айтылды.Дегенмен бірқатар саяси жаңашылдықты жүзеге асырып, содан кейін ғана еліміздің конституциялық негіздерін біртіндеп өзгертуге кірісу жөнінде шешім қабылданды. Жасыратын ештеңесі жоқ, бұл менің шешім.Қазіргі конституциялық реформа қоғам сұранысына сай келеді, сондықтан халықтық сипатқа ие болды. Әуелі күн тәртібіне парламенттік реформа мәселесі ғана қойылған еді. Алайда қоғамдық талқылаулар бұл бастаманың аясынан шығып кетті.Азаматтардан төрт мыңға жуық ұсыныс түсті. Оның 15 пайызға жуығы Парламенттің қызметіне қатысты, ал қалғаны ауқымды конституциялық реформаның түрлі аспектісін қамтыды. Нәтижесінде конституциялық комиссияға келіп түскен өтініштердің саны он екі мыңға жетті.Негізгі заңның жобасына қатысты талқылаулар жарты жылдан астам уақытқа созылды. Бұқаралық ақпарат құралдарында кеңінен жарияланды.Жалпы, бұл үдеріске бүкіл қоғам білек сыбанып кірісті. Азаматтарымыз eGov және eOtinish платформаларында ойларын ортаға салды. Комиссия отырыстарын әлеуметтік желілер арқылы тікелей эфирде көргендер саны миллионнан асты», - деді Қасым-Жомарт Тоқаев.Президент Халық Конституциясының мәтінімен жұмыс істеген азаматтарға алғыс айтты«Ауқымы жағынан да, құрамындағы мамандардың кәсіби деңгейі тұрғысынан алып қарасақ та теңдесі жоқ Комиссия өте көп жұмыс атқарды. Мыңдаған ұсынысты жүйелеп, ретке келтіру – оңай шаруа емес.Мен осы сәтті пайдаланып, Халық Конституциясының мәтінімен жұмыс істеген барша азаматқа тағы да зор алғыс айтамын. Сондай-ақ ел тағдырына тікелей әсер ететін мәселеге бейжай қарамай, өз ұсыныстарын жолдаған адамдарға шынайы ризашылығымды білдіремін.Сарапшылар барлық негізгі мәселе бойынша ортақ мәмілеге келген соң ғана жаңа Конституцияның соңғы жобасы бұқаралық ақпарат құралдарында жарияланып, республикалық референдумға шығарылды.Енді алдағы жексенбіде халқымыз дауыс береді. Бұл референдумның Қазақстан тарихындағы орны ерекше болатыны сөзсіз», - деді Мемлекет басшысы.Сондай-ақ азаматтар Конституция жобасын қолдаған жағдайда еліміздің ұзақмерзімді тұрақты дамуына жол ашатын саяси жүйе қалыптасатынын жеткізді.«Азаматтарымыз Конституция жобасын қолдаған жағдайда Қазақстанда жаңа, анағұрлым тиімді, яғни, еліміздің ұзақмерзімді тұрақты дамуына жол ашатын саяси жүйе қалыптасады.Конституциялық Сот төрағасы мен судьяларының, Жоғары Сот төрағасының және Бас прокурордың өкілеттілік мерзімін шектейтін ережелер Конституция жобасындағы жаңашылдық болды. Негізгі заң жобасына сәйкес, бір адам аталған қызметтерге бір реттен артық тағайындалмайды.Мемлекеттегі жоғары лауазымды тұлғаларының өкілеттігін бір мерзіммен шектеу – бұрын-соңды болмаған саяси жаңашылдық.Сонымен қатар Құрылтайдың Конституциялық Сот пен Жоғарғы Сот судьяларын қол сұғылмау кепілдігінен айыру, Премьер-министрді тағайындауға келісім беру құзыреті сақталады. Осылайша, тежемелік және тепе-теңдік жүйесі нығайып, оның тиімділігі арта түседі.Енді бір палаталы Парламентте Президент квотасы болмайды. Оны сақтауға да болар еді. Конституциялық реформа жөнінде келіп түскен ұсыныстардың қатарында осы квотаны күшінде қалдыру туралы да көп айтылды. Бірақ депутаттар ешқандай артықшылықсыз бірыңғай ереже бойынша сайлануға тиіс деп санаймын.Президенттің жақын туыстарының мемлекеттік саяси қызметші лауазымын атқаруына, тіпті, квазимемлекеттік сектор субъектілерінің басшысы болуына тыйым салатын норма айрықша мәнге ие. Бұл ереже биліктегі отбасылық жүйеге және оның бір қолға шоғырлануына тосқауыл қояды.Кейбір ықпалды адамдар, басқаша айтқанда «сұр кардиналдар» немесе «саясат сахнасының сыртындағы ойыншылар» мемлекеттік институттарды алмастырмауы керек. Бұл тәжірибе түбегейлі жойылды», - деді Президент.

Әкімдіктегі бюджеттік комиссияның құрамына білімді, беделді мәслихат депутаттарын қосқан жөн. Мемлекет басшысы Қасым-Жомарт Тоқаев барлық деңгейдегі мәслихат депутаттарының ІІІ республикалық форумында осылай мәлім етті.Президент осылайша, жұмыстың сапасын арттырып, қаражаттың тиімді жұмсалуын қадағалауға болатынын, қыруар қаржыны оңды-солды шашып, пайдасы жоқ бастамаларға жұмсауды доғару қажеттігін ескертті.«Әкімдер республикалық бюджеттен берілетін түрлі дотацияға сеніп отыра бермеуі керек. Масылдық ұғымынан біржола арылу қажет.Жергілікті билік өкілдері табысты көбейту үшін белсене жұмыс істеуге тиіс. Бюджет қабылданатын кезде «Қанша жұмыс орны ашылады, жеке инвестиция тартыла ма, бизнестің дамуына қандай жағдай жасалады, қанша салық төленеді?» деген сауалдарға нақты жауап берілуі керек. Күрішті күрмектен ажырата білу қажет. Бұл – барлық деңгейдегі әкімдер мен мәслихаттар депутаттары, ең алдымен, мемлекет мүддесіне қызмет ететін бір ұжым, бір команда деген сөз.Барлық аймақтың мәслихаттары мен әкімдіктері бірлесіп, бюджеттің әр теңгесінің ел игілігіне жұмсалуын қамтамасыз етуге міндетті», - деді Мемлекет басшысы.Президент мәслихаттардың өкілеттігін одан әрі кеңейтіп, нақтылай түсуді, олардың жергілікті билік жүйесіндегі рөлін күшейту қажеттігіне тоқталды.«Әкімдер халықпен кездескенде азаматтардың көбі нақты мәселелерді айтып, бірнеше сұрақ қояды. Сондай түйткілдер дұрыс шешімін табуы үшін депутаттық корпус белсенді түрде бақылау жасап, әкімдермен бірге жұмыс істеуі керек.Сондай-ақ мәслихаттардың ішкі жұмыс тәртібін ретке келтіріп, қайта қараған абзал. Олардың көптеген құзыреті әлі күнге дейін айқын емес. Бұл ахуал мемлекеттік басқару үдерісіне кедергі келтіріп отыр.Сондықтан өз міндетін орындамаған немесе этиканы бұзған мәслихат депутаттарының жауапкершілігін күшейтетін нақты шаралар қабылдау қажет. Мұндай қадам халықтың саяси мәдениетін дамытуға және өкілді билік институтына деген сенімін нығайтуға мүмкіндік береді», - деді Қасым-Жомарт Тоқаев.Мемлекет басшысы басқарудың ротациялық тәртібін мемлекеттік биліктің барлық деңгейіне біртіндеп енгізіліп жатқанын атап өтті. Қазіргі таңда сайланатын әкімдердің өкілеттігі екі мерзіммен шектелген. Ол мәслихат төрағаларын ротация тәртібімен ауыстыру қағидатын енгізу керек деп санайтынын жеткізді.«Бұрын мәслихаттарды басқаратын хатшылары болды, енді төрағалар басқарып отыр. Бұл, меніңше, дұрыс шешім болды. Алайда, олардың өкілеттігі де екі мерзімнен аспауы қажет. Осындай әдіс арқылы кәсіби депутаттық корпус қалыптастырып, оның тиімділігін арттыруға болады. Бұл ұстаным елімізде жүзеге асырылып жатқан реформалардың логикасына сай келеді», - деді ол.Мелекет басшысы барлық деңгейдегі билік өкілдері халықпен ашық әрі түсінікті әңгіме, сұхбат орната білуі керек екенін атап өтті.  «Шағымданатын азаматтардың арасында түрлі адам болады, бұл – белгілі нәрсе. Десек те, шын мәнінде, мұқтаж адамдар аз емес, оларға қолғабыс етуіміз керек. Бүгінде орталыққа аймақтардан жолданатын арыз-шағымдар көбейіп кетті. Бұл мәселе туралы мен Жолдауымда айтып өттім. Былтыр Президент Әкімшілігіне шамамен 83 мың өтініш келіп түскен. Бұл – алдыңғы жылмен салыстырғанда 30 пайызға көп. Шағымдардың басым бөлігін жергілікті деңгейде қарап, дер кезінде шешуге болатын еді. Ешкім де мүлде мүмкін емес мәселені айтпайтыны белгілі.Ашығын айтқанда, жұрт өңірдегі биліктен ең қарапайым деген мәселелерге қатысты түсініктеме ала алмайды. Содан соң азаматтар елордаға хат жолдап, тікелей Президентке жүгініп жатады. Шын мәнісінде, олардың арасында үнемі арыз жазатын «кәсіби» шағымданушылар бар, бірақ көбі өз мұң-мұқтажын айтып, Ақордаға шағымдануға мәжбүр.Мәслихат депутаттары халық пен билік арасындағы көпір болуға тиіс. Олар тұрғындардың мәселесін шешуге көмектесуі керек. Осы маңызды жұмысқа олардың құзыреті толық жетеді. Былтыр облыстық деңгейде атқарушы органдарға 6 мыңға жуық депутаттық сауал жолданды. Бірақ оның саны емес, сапасы маңыздырақ, яғни, мәслихаттар осы мүмкіндікті тиімді пайдалануға тиіс. Түптеп келгенде, аймақтардың дамуы, тұрмыс сапасының жақсаруы, жұрттың билікке зор сеніммен қарауы Сіздердің қызметтеріңізге тікелей байланысты. Осыны әрдайым басты назарда ұстаған жөн», - деді Қасым-Жомарт Тоқаев.Еске салсақ, елордадағы Тәуелсіздік сарайында Мемлекет басшысы Қасым-Жомарт Тоқаевтың қатысуымен барлық деңгейдегі мәслихат депутаттарының ІІІ республикалық форумы өтті.

Валпараисо қ., 2026 жылғы 11 наурыз – Мемлекет басшысының тапсырмасымен Қазақстанның Бразилиядағы және Чилиде қоса атқарушы Елшісі Болат Нүсіпов Вальпараисо қаласында өткен Чилидің сайланған Президенті Хосе Антонио Касттың салтанатты ұлықтау рәсіміне қатысты.Бұған дейін Қазақстан Республикасының Президенті Қасым-Жомарт Тоқаев Хосе Антонио Кастты сайлаудағы жеңісімен құттықтап, Астана Сантьягомен саяси диалогты және сауда-экономикалық қатынастарды тереңдетуге мүдделі екенін атап өткен болатын.Чили Республикасының жаңа басшысы өзінің жауап хатында Қазақстан Республикасымен достық байланыстарды одан әрі нығайтуға, сондай-ақ екі ел халықтарының жан-жақты өркендеуі жолында өзара ынтымақтастықты кеңейтуге өз елінің әзірлігін ризашылықпен атап өткен болатын.Чили Ұлттық Конгресінің Құрмет залында өткен салтанатты шараға Оңтүстік Американың бірқатар мемлекеттерінің басшыларымен қатар АҚШ, ЕО, Азия елдері, халықаралық және өңірлік ұйымдардың жоғары деңгейдегі өкілдері, сондай-ақ Чилиде аккредиттелген дипломатиялық миссиялардың басшылары қатысты.Ақпарат көзі : https://www.gov.kz/memleket/entities/mfa-brazil/press/news/details/1179583?lang=kk

2026 жылдан бастап Қазақстанда жаңа Салық кодексі күшіне енді. Ең көп талқыланып жатқан өзгерістердің бірі — мүліктік табысқа салық салу тәртібінің өзгеруі.Тұрғын үй иелері білуі тиіс негізгі ақпарат 👇❓ Енді пәтер сатқан кезде кімдер салық төлейді?❓ Мүлікке иелік ету мерзімі қалай өзгерді?🔹 Иелік ету мерзімі ұлғайды: 1 жылдан 2 жылға дейінКөптеген азаматтарға әсер ететін негізгі өзгеріс — жылжымайтын мүлікке иелік етудің ең төменгі мерзімінің ұлғаюы.Бұрын пәтер немесе үйді сатқан кезде жеке табыс салығын (ЖТС) төлемеу үшін жылжымайтын мүлікке кемінде 1 жыл иелік ету жеткілікті болатын.2026 жылдан бастап бұл мерзім 2 жылға дейін ұлғайтылды.📌 Бұл нені білдіреді:егер сіз 2026 жылғы 1 қаңтардан кейін жылжымайтын мүлік сатып алып, оны 2 жылға жетпей сатсаңыз, онда құн өсімінен салық төлеу қажет болады.📊 Құн өсімі дегеніміз —• мүлікті сатып алу бағасы мен• сату бағасының арасындағы айырма.💰 Прогрессивті салық мөлшерлемесі: қанша төлеу керек2026 жылдан бастап Қазақстанда мүліктік табыс алған кезде жеке табыс салығының прогрессивті мөлшерлемесі енгізілді.Енді салық мөлшері алынған пайда көлеміне (құн өсіміне) байланысты есептеледі.📊 Жылдық пайда мөлшері:8 500 АЕК-ке дейін (шамамен 36,7 млн теңге) — 10%• 8 500 АЕК-тен жоғары — артық сомадан 15%🏗 Жаңа тұрғын үй және үлестік құрылысБастапқы тұрғын үй нарығында сатып алынған мүлікке қатысты жеке ережелер қолданылады.Егер пәтер:• үлестік қатысу шарты (ДДУ) арқылы• немесе талап ету құқығын беру арқылы сатып алынған болса,онда салық төлемеу үшін мүлікке кемінде 3 жыл иелік ету қажет — шарт жасалған күннен бастап сату күніне дейін.📌 Бұл талап құрылыс кезеңіндегі алып-сатушылықты азайту мақсатында енгізілді.💎 Қымбат жылжымайтын мүлікке қатысты өзгеріс2026 жылы енгізілген тағы бір жаңалық — мүліктің жиынтық құны ұғымы.Егер бір адамның иелігіндегі барлық жылжымайтын мүліктің жалпы құны 450 млн теңгеден асса, онда жыл сайынғы мүлік салығы жоғары мөлшерлемемен есептеледі.Алайда осындай мүліктің бірін сату кезінде бұрынғы қағида сақталады:✔ құн өсімі болса — салық төленеді✔ құн өсімі болмаса — салық төленбейді.❗ Маңызды ақпаратЕгер сіз жылжымайтын мүлікті сату кезінде табыс алсаңыз:📄 270.00 нысаны бойынша декларация тапсыру қажет📅 сатылған жылдан кейінгі жылдың 15 қыркүйегіне дейін💰 Салықты төлеу мерзімі:📅 сол жылдың 25 қыркүйегіне дейін📉 Егер мүлік пайдасыз сатылсаЕгер пәтер сатып алынған бағамен немесе одан төмен бағамен сатылса, онда иелік ету мерзіміне қарамастан салық төленбейді.Алайда міндетті түрде растайтын құжаттарды сақтау қажет:сатып алу-сату шарты (сатып алу кезінде)• сатып алу-сату шарты (сату кезінде). Ақпарат көзі : https://www.gov.kz/memleket/entities/kgd-karaganda/press/news/details/1179592?lang=kk

2026 жылғы 11 наурызда Риддер қалалық аумақтық референдум комиссиясының төрағасы Е. В. Агешкина және оқуға жауапты ТКР мүшесі Р.В. Дюсебаева Риддер қаласының учаскелік референдум комиссияларының төрағалары мен хатшылары үшін «2026 жылғы 15 наурызға тағайындалған республикалық референдумды ұйымдастыру мен өткізудің өзекті мәселелері» атты кезекті семинар-кеңес өткізді.Қатысушылармен референдумның учаскелік комиссиялары жұмысының түйінді сәттері, құжаттаманы ресімдеуге қойылатын талаптар, заңнама нормаларын сақтау талқыланды.Мұндай оқыту іс-шаралары комиссия мүшелерінің кәсіби даярлығын арттыруға және республикалық референдум өткізуді сапалы ұйымдастыруды қамтамасыз етуге бағытталған.Ақпарат көзі : https://www.gov.kz/memleket/entities/vko-ridder/press/news/details/1179565?lang=kk

Жаңа Конституция жобасында халықтың мемлекет өміріндегі айрықша орны нақты айқындалып, егемендіктің бірден-бір иесі халық екені көрсетіледі. Бұл қағидат мемлекеттің демократиялық негіздерін нығайтып, биліктің бастауы халықтың еркімен тығыз байланысты екенін білдіреді.Құжатта мемлекеттік биліктің халықтың еркінен туындайтыны атап көрсетіліп, азаматтардың ел басқару ісіне қатысуының маңызы ерекше белгіленеді. Бұл өз кезегінде демократиялық құндылықтарды нығайтуға, қоғам мен мемлекет арасындағы өзара сенімді арттыруға бағытталған маңызды қадам болып саналады.Сонымен қатар, халықтың билік көзі ретінде танылуы мемлекеттік институттардың заңдылығы мен легитимдігін күшейтеді. Билік органдарының қызметі халық мүддесіне негізделіп, қоғам алдындағы жауапкершілігі арта түседі. Мұндай ұстаным мемлекет пен азаматтар арасындағы байланысты нығайтып, басқару жүйесінің тиімділігіне оң әсер етеді.Жаңа Конституцияда бекітілген бұл қағидат елдегі демократиялық үдерістердің дамуына, азаматтардың саяси өмірге белсенді қатысуына және мемлекеттің тұрақты дамуына берік негіз қалайды.

Жаңа Конституция жобасында мемлекеттің егемендігі мен аумақтық тұтастығын сақтау конституциялық құрылыстың негізгі қағидаттарының бірі ретінде айқындалған. Құжатта Қазақстанның унитарлық мемлекет ретіндегі сипаты нақты көрсетіліп, елдің біртұтастығын қамтамасыз ету құқықтық тұрғыдан бекітіледі. Бұл норма мемлекет тәуелсіздігін нығайтуға және елдің саяси тұрақтылығын сақтауға бағытталған маңызды қағидаттардың бірі болып табылады.Конституцияда егемендік мемлекеттің басты құндылықтарының бірі ретінде қарастырылып, оның қорғалуы құқықтық негізде қамтамасыз етіледі. Мемлекеттің ішкі және сыртқы саясаттағы дербестігі, ұлттық мүддені қорғау және мемлекеттік биліктің біртұтастығы осы қағидат арқылы бекемделеді.Сонымен қатар, аумақтық тұтастықты сақтау – елдің қауіпсіздігі мен тұрақтылығының негізгі кепілі. Конституциялық нормалар мемлекеттің шекарасының мызғымастығын және оның бөлінбейтіндігін қамтамасыз етуге бағытталған. Бұл талаптар елдің тәуелсіздігін қорғап, ұлттық бірлікті нығайтуға негіз қалайды.Жаңа Конституцияда егемендік пен аумақтық тұтастықтың айқын бекітілуі мемлекетіміздің тәуелсіздігін құқықтық тұрғыдан қорғауды күшейтіп, елдің болашақ дамуына берік негіз қалыптастырады.

Жаңа Конституция жобасында әділеттілік пен заң үстемдігін қамтамасыз ету мемлекет дамуының негізгі қағидаттарының бірі ретінде айқындалған. Құжатта «Заң және тәртіп» қағидаты қоғамдағы тұрақтылық пен құқықтық мәдениетті нығайтудың басты бағыты ретінде белгіленеді. Бұл ұстаным құқықтық мемлекетті қалыптастыруға және азаматтардың құқықтары мен бостандықтарын тиімді қорғауға бағытталған.Конституцияда мемлекеттік органдар қызметінің ашықтығы мен қоғам алдындағы есептілігіне ерекше мән берілген. Мемлекеттік басқару жүйесінде жариялылық қағидатын нығайту арқылы билік пен қоғам арасындағы сенімді арттыру көзделеді. Бұл өз кезегінде азаматтардың мемлекеттік шешімдерге деген сенімін күшейтіп, қоғамдық бақылаудың тиімділігін арттыруға мүмкіндік береді.Сонымен қатар, құжатта азаматтардың құқықтары мен міндеттерінің теңгерімі нақты белгіленеді. Әрбір азамат заң алдында тең екені және құқықтарды жүзеге асырумен қатар қоғам алдындағы жауапкершілік те маңызды екені айқын көрсетілген. Мұндай теңгерім қоғамдық тәртіпті сақтауға және заң талаптарының орындалуын қамтамасыз етуге негіз болады.Жаңа Конституцияда көзделген қағидаттар әділетті әрі орнықты құқықтық жүйені қалыптастыруға бағытталған. Заң үстемдігі берік орныққан қоғамда азаматтардың құқықтары сенімді қорғалып, мемлекет дамуының тұрақты әрі әділ негізі қаланады.

Жаңа Конституция жобасында адам және оның құқықтары мен бостандықтары мемлекеттік саясаттың ең басты құндылығы ретінде айқындалған. Бұл қағидат құжаттың негізгі мазмұнын айқындап, азаматтардың құқықтық қорғалуын күшейтуге бағытталған маңызды нормалардың бірі болып табылады.Құжатта азаматтардың құқықтары, бостандықтары мен міндеттері бір бөлімге топтастырылып, жүйелі түрде көрсетілген. Бұл өз кезегінде әрбір азаматтың құқықтық мәртебесін нақтылап, мемлекет пен қоғам алдындағы жауапкершілігін айқындауға мүмкіндік береді. Аталған нормалар адамның қадір-қасиетін құрметтеу, заң алдында теңдік және азаматтардың негізгі құқықтарын қамтамасыз ету қағидаттарын нығайтуға бағытталған.Сонымен қатар, жаңа Конституцияда жеке басына қол сұғылмаушылық пен жеке өмірді қорғау кепілдіктері күшейтіледі. Бұл азаматтардың қауіпсіздігі мен құқықтарының қорғалуын қамтамасыз ететін маңызды тетіктердің бірі болып саналады. Адамның жеке өміріне қол сұғылмауы, оның ар-намысы мен абыройының қорғалуы құқықтық мемлекеттің басты белгілерінің бірі ретінде қарастырылады.Жаңа Конституцияда өмір сүру құқығы абсолютті құндылық ретінде бекітіліп, адамның өмірі мен қауіпсіздігін қорғау мемлекеттің негізгі міндеттерінің бірі ретінде айқындалады. Осылайша, құжатта адам құқықтарын қорғау мен оларды қамтамасыз етуге бағытталған маңызды қағидаттар қамтылып, азаматтардың құқықтық кепілдіктерін одан әрі нығайтуға негіз қалайды.

Жаңа Конституция жобасында қоғамдағы тұрақтылықты қамтамасыз ететін негізгі құндылықтардың бірі ретінде бірлік пен қоғамдық келісім мәселесіне ерекше мән берілген. Құжатта ұлтаралық және конфессияаралық татулықтың маңызы айқын көрсетіліп, қоғамдағы түрлі әлеуметтік және этникалық топтардың өзара түсіністігі мен ынтымақтастығын нығайту мемлекет саясатының маңызды бағыттарының бірі екені атап өтіледі.Мемлекет әртүрлі ұлт пен дін өкілдерінің бейбіт өмір сүруіне, өзара сыйластық пен құрметке негізделген қарым-қатынастың қалыптасуына жағдай жасауға мүдделі. Осы тұрғыда қоғамдық келісімді сақтау, азаматтардың бір-біріне деген сенімін арттыру және қоғамдағы тұрақтылықты нығайту басты міндеттердің бірі ретінде қарастырылады.Бірлік пен татулық – ел дамуының берік негізі. Сондықтан жаңа Конституцияда қоғамдағы келісім мен өзара түсіністікті сақтау маңызды қағидат ретінде айқындалып отыр. Бұл ұстаным елдің ішкі тұрақтылығын қамтамасыз етіп қана қоймай, мемлекетіміздің ұзақ мерзімді дамуына да берік негіз қалайды.Қоғамдық келісім мен бірлік сақталған жерде тұрақтылық та нығая түседі. Ал тұрақтылық – кез келген елдің өркендеуі мен болашақ дамуының басты кепілі. Жаңа Конституцияда осы құндылықтарды нығайтуға бағытталған қағидаттардың көрініс табуы мемлекетіміздің бірлігі мен тұтастығын одан әрі бекемдей түсуге қызмет етеді.

Гаага, 2026 жылғы 11 наурыз – Қазақстан Республикасының жаңа Конституциясының жобасы бойынша өтетін республикалық референдум қарсаңында Қазақстанның Нидерланд Корольдігіндегі Елшісі Ақан Рахметуллин Амстердам қаласындағы SIB Amsterdam (Studentenvereniging voor Internationale Betrekkingen) студенттік қауымдастығының студенттерімен кездесу өткізді. SIB Amsterdam – халықаралық қатынастарға, әлемдік саясат пен мәдениетке қызығушылық танытатын студенттерді біріктіретін, ағылшын тілінде қызмет ететін студенттік қауымдастық.1947 жылы құрылған SIB Amsterdam Нидерландтағы танымал студенттік алаңдардың бірі болып табылады және түрлі білім беру бағыттары бойынша білім алып жатқан 300-ден астам студентті біріктіреді. Қауымдастық коммерциялық емес, инклюзивті әрі саяси тұрғыдан бейтарап ұйым ретінде қызмет етеді және 18 бен 35 жас аралығындағы нидерландтық және шетелдік студенттерге ашық.Кездесу барысында студенттер Қазақстанның Еуропалық одақпен және Нидерландпен қарым-қатынастарының дамуы, Гаага қаласындағы Қазақстан Елшілігінің қызметі мен оның құрылымдық бөлімшелері, сондай-ақ елдің сыртқы саяси басымдықтары сияқты кең ауқымды мәселелерге қызығушылық танытты.Кездесу барысында цифрландыру және заманауи технологиялар саласындағы халықаралық ынтымақтастық мәселелеріне, соның ішінде цифрлық шешімдер мен CRM жүйелерін енгізуге ерекше назар аударылды. Сонымен қатар, қатысушыларды шетелде тұратын Қазақстан азаматтары үшін дауыс беруді ұйымдастыру тетіктері, азаматтарды ақпараттандыру мәселелері және электоралдық үдерістерге бақылаушылардың қатысуы қызықтырды.Кездесу барысында Елші Қазақстанның сыртқы саясатының негізгі бағыттарын, елдің Орталық Азияның өңірлік архитектурасындағы және көпжақты халықаралық алаңдардағы рөлін таныстырды. Сонымен қатар, Қазақстанда жүзеге асырылып жатқан ауқымды саяси және конституциялық реформаларға, оның ішінде республикалық референдумға шығарылған жаңа Конституция жобасына ерекше назар аударылды. Аталған өзгерістер мемлекеттік басқару жүйесін жаңғыртуға, заң үстемдігі қағидатын нығайтуға, мемлекеттік институттардың ашықтығы мен есептілігін арттыруға, сондай-ақ әртараптандырылған әрі бәсекеге қабілетті экономиканы дамытуға бағытталғаны атап өтілді.Ақпарат көзі : https://www.gov.kz/memleket/entities/mfa-hague/press/news/details/1179513?lang=kk

Бизнесті қолдау мақсатында мемлекет тарапынан микро және шағын кәсіпкерлік субъектілері үшін өсімпұлдар мен айыппұлдар сомасын есептен шығару Ережелері бекітілді.Бұл шара қарыз жүктемесін азайтуға және негізгі салық берешегін ерікті түрде өтеуді ынталандыруға бағытталған. Аталған шара жеке тұлғаларға қолданылмайды – деп Алматы қаласы бойынша Мемлекеттік кірістер департаментінің баспасөз қызметі хабарлайды.Кімдер есептен шығаруды пайдалана алады?1 қаңтар 2026 жылғы жағдай бойынша микро және шағын кәсіпкерлік субъектілері санатына жататын тұлғалар есептен шығаруға құқылы.Есептен не шығарылады?2026 жылғы 1 қаңтар мен 31 наурыз аралығында берешек сомасы толық өтелген жағдайда мынадай сомалар есептен шығарылуға жатады:2026 жылғы 1 қаңтардағы жағдай бойынша дербес шотта тіркелген өсімпұл;2026 жылғы 1 қаңтардан бастап төленген күнге дейін берешек сомасына есептелген өсімпұл;салықтық құқық бұзушылықтар үшін салынған және 2026 жылғы 1 қаңтардағы жағдай бойынша есептелген айыппұлдар;2026 жылғы 1 қаңтардағы жағдай бойынша төлеу мерзімі белгіленген міндеттемелерді мерзімінен бұрын орындау кезіндегі өсімпұлдар мен айыппұлдар;;ҚҚС бойынша есепке тұрмағаны үшін айыппұлдар (ӘҚБтК-нің 275-бабы 5-бөлігі, 2026 жылғы 1 қаңтарға дейін жасалған айналымдар бойынша).Басты шарт2026 жылғы 1 қаңтардағы жағдай бойынша есепте тұрған негізгі берешек (қарыз) сомасын толық өтеу міндетті шарт болып табылады.Негізгі қарыз өтелмеген жағдайда өсімпұлдар мен айыппұлдарды есептен шығару жүргізілмейді.Өтініш беру қажет пе?             Көп жағдайда есептен шығару дербес шоттарға жүргізілген түгендеу қорытындысы бойынша автоматты түрде жүзеге асырылады.Өтініш тек мына жағдайларда - міндеттемелерді мерзімінен бұрын орындау кезінде қажет:төлеу мерзімі өзгертілгенде (кейінге қалдыру/бөліп төлеу);оңалту және банкроттық рәсімдері кезінде.Есептен шығарылмайды:кәсіпкерлік қызметке байланысты емес жеке тұлғалардың өсімпұлдары мен айыппұлдары;микро және шағын бизнес субъектілеріне жатпайтын міндеттемелер.Маңызды!Есептен шығару берешек өтелген салық түрі бойынша жүргізіледі.Айыппұл ішінара төленген жағдайда есептелген және төленген сома арасындағы айырма есептен шығарылады.Есептен шығару құқығымен берешекті өтеу мерзімі - 2026 жылғы 31 наурызды қоса алғанға дейін.Ақпарат көзі : https://www.gov.kz/memleket/entities/kgd-almaty/press/news/details/1179492?lang=kk

 Жетісу облысы бойынша Мемлекеттік кірістер департаменті микро және шағын кәсіпкерлік субъектілері үшін өсімпұлдар мен айыппұлдарды есептен шығару жұмыстары жүргізіліп жатқанын хабарлайды.Аталған жұмыс Қазақстан Республикасы Қаржы министрінің 2026 жылғы 13 ақпандағы №13 бұйрығына сәйкес жүзеге асырылуда.2026 жылғы 1 қаңтардағы жағдай бойынша салық төлеушілердің жеке шоттарында есепте тұрған өсімпұлдар мен айыппұлдар есептен шығаруға жатады.Негізгі шарт — 2026 жылғы 1 қаңтар мен 31 наурыз аралығында негізгі салық берешегін толық өтеу.Есептен шығару салық төлеушілердің жеке шоттарын түгендеу қорытындысы бойынша жүргізіледі.Негізгі қарызды өтеңіз — өсімпұл есептен шығарылады. Мүмкіндікті жіберіп алмаңыз! Ақпарат көзі : https://www.gov.kz/memleket/entities/kgd-zhetysu/press/news/details/1179496?lang=kk

2026 жылғы 4 наурызда ҚР Елшісі Қанат Тұмыш вьетнамдық БАҚ үшін Қазақстан Республикасының жаңа Конституциясының жобасына және алдағы 15 наурызға жоспарланған ұлттық референдумға арналған брифинг өткізді.Брифингке Вьетнамның жетекші газеттері мен бұқаралық ақпарат құралдарының өкілдері, сондай-ақ Қазақстандағы ағымдағы Конституциялық реформаларға қызығушылық танытқан журналистер мен тілшілер қатысты. Брифинг барысында Елші ұсынылған конституциялық реформаның негізгі ережелері мен мақсаттарын ұсынды.Ол Конституция жобасы демократиялық институттарды нығайтуға, басқаруды жетілдіруге және мемлекеттік жүйенің тиімділігін арттыруға бағытталған Қазақстанның саяси дамуы мен жаңғыруындағы елеулі қадам екенін атап өтті. Елші Қазақстанның ұсынылып отырған жаңа Конституциясы, егер сайлаушылар 15 наурыздағы жалпыұлттық референдумда реформаларды мақұлдаса, қазіргі Парламенттің өкілеттігін тоқтатуды қоса алғанда, 1 шілдеден басталатын саяси ауысуды бастайтынын атап өтті.Реформа саяси жүйедегі, басқару моделіндегі және мемлекет құндылықтары жүйесіндегі кеңірек өзгерістерді көрсететін мақсатты түзетулерден жан-жақты конституциялық трансформацияға көшуді белгілейтіні атап өтілді.Елші сондай-ақ референдумның Қазақстан азаматтарына елдің болашақ конституциялық дамуын айқындауға мүмкіндік беретін негізгі демократиялық тетік ретіндегі маңыздылығын атап өтті.Ақпарат көзі : https://www.gov.kz/memleket/entities/mfa-hanoi/press/news/details/1179498?lang=kk

Қазақстанның еңбек сіңірген қайраткері, III дәрежелі «Барыс» орденінің иегері, профессор, жырау Алмасбек Алматов Қармақшы ауданына сапары барысында Қорқыт ата мемориалдық кешеніне барып, ұлы ойшыл, қобызшы, күй атасы Қорқыт ата рухына тағзым етті.Тағылымды шарада жырау баба рухына құран бағыштап, Сыр бойындағы жыраулық дәстүрдің бастауында тұрған Қорқыт мұрасының қазақ руханиятындағы ерекше орны туралы өз пікірін де білдірді.Ақпарат көзі : https://www.gov.kz/memleket/entities/kyzylorda-karmakshy/press/news/details/1179446?lang=kk

Бүгін Шамшат Төлепова атындағы аудандық мәдениет үйінде Қазақстанның еңбек сіңірген қайраткері, III дәрежелі «Барыс» орденінің иегері, профессор, жырау Алмасбек Алматовтың 70 жылдық мерейтойына арналған «Жыр – аманат» атты республикалық жыршы-жыраулар фестивалі өтті.Тағылымды өнер кешіне аудан әкімі Жандос Еркінбек қатысып, жырсүйер қауымды құттықтады.«Сыр елі – өнердің алтын бесігі. Ал біздің қасиетті Қармақшы ауданымыз ертеден жыраулық дәстүрдің киелі мекені ретінде белгілі. Сондықтан да халқымыз «Жүз жырауын жүзіктеген, Жүз шайыр шыққан мекен» деп бекер айтпаған. Бүгінгі басқосу қазақтың белгілі жырауы, асыл өнеріміздің көрнекті өкілі Алмасбек Алматовтың 70 жылдық мерейтойына арналуы – біз үшін үлкен мәртебе. Алмасбек ағамыз – саналы ғұмырын ұлттық өнерімізді дәріптеуге, жыраулық мәдениетімізді дамытуға арнап келеді. Оның шығармашылығы мен еңбегі – қазақ руханиятына қосылған үлкен үлес деп білеміз. Ұлттық өнеріміз жасай берсін! Рухымыз әрдайым биік болсын!,- деді Жандос Еркінбек.Алмасбек Нұрмаханұлы - Құрманғазы атындағы Қазақ ұлттық консерваториясының құрметті профессоры ретінде көптеген шәкірт тәрбиелеп, жыраулық өнердің академиялық білім беру жүйесіне енгізуге үлес қосқан тұлға. Оның шәкірттері бүгінде республикалық және халықаралық өнер додаларында жүлделі орындарға ие болып, ұлттық өнердің дамуына өз үлестерін қосып келеді.Шара барысында аудан әкімі мерейтой иесінің жыраулық өнерді насихаттаудағы еңбегін атап өтіп, оған ауданның жоғары марапаты «Құрмет грамотасын» табыстады. Сондай-ақ тағылымды кешке қатысушы өнерпаздарға аудан әкімінің «Алғыс хаты» беріліп, құрмет көрсетілді.Фестиваль барысында еліміздің әр аймағынан келген белгілі жыршы-жыраулар мен мерейтой иесінің шәкірттері өнер көрсетіп, терме-толғаулары арқылы көрермендерге рухани кеш сыйлады.Өнер қайраткері Алмас Алматов көрсетілген құрметке ризашылығын білдіріп, ақжарма алғысын жеткізді.Ақпарат көзі : https://www.gov.kz/memleket/entities/kyzylorda-karmakshy/press/news/details/1179430?lang=kk