2026 жылғы 8 қыркүйек - Біз, Орталық Азиядағы ядролық қарудан азат аймақ туралы шартқа қатысушы мемлекеттердің Cыртқы істер министрлері (бұдан әрі – ОАЯҚАА туралы шарт), Семейде ОАЯҚАА туралы шартқа қол қойылғанына 20 жыл толуына орай,адамзаттың ядролық қарудан азат әлемге қол жеткізу жөніндегі ортақ мақсатына деген бейілдігімізді растай отырып және ядролық қаруды кез келген қолданудың немесе сынаудың апатты гуманитарлық салдарын сезіне отырып,ядролық қарудан азат аймақтарды құру ядролық қарудың таралуының алдын алудың және жаһандық қарусыздану процесін нығайтудың ең күшті әмбебап құралдарының бірі екенін атап көрсетіп,Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы арасындағы ХХІ ғасырда Орталық Азияда даму мақсатындағы достық, тату көршілік және ынтымақтастық туралы шарттың өңірдегі бейбітшілік пен қауіпсіздікті нығайту ісіндегі маңыздылығын атап өтіп,Орталық Азияда ядролық қарудан азат аймақ құру идеясы алғаш рет Өзбекстан Республикасы тарапынан 1993 жылғы қыркүйекте БҰҰ Бас Ассамблеясының 48-сессиясында ұсынылғанын еске сала отырып,Орталық Азияда ядролық қарудан азат аймақ құру өңір елдерінің күш-жігерін шоғырландырудың табысты үлгісі екеніне сенімді бола отырып және бұл ядролық қаруды таратпау режимі мен ядролық қарусыздану процесін, өңірлік және халықаралық бейбітшілік пен қауіпсіздікті нығайту жолындағы, сондай-ақ атом энергиясын бейбіт мақсатта пайдалану және радиоактивті ластанудан зардап шеккен аумақтарды экологиялық сауықтыру саласындағы ынтымақтастықты дамытудағы маңызды қадам болғанын атап көрсетіп,Семей ядролық сынақ полигонының жабылғанына отыз бес жыл толуын және Ядролық сынақтарға жаппай тыйым салу туралы шарттың қол қою үшін ашылғанына отыз жыл толуын құптай отырып, сондай-ақ планетаның барлық өңірлеріндегі ядролық жарылыстар мен олардың салдарынан зардап шеккен көптеген құрбандардың рухына тағзым ете отырып,төмендегіні мәлімдейміз: 1. 2006 жылғы 8 қыркүйекте Семей қаласында Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы қол қойған өзінің тарихи маңызы зор ОАЯҚАА туралы шартқа деген бейілділігімізді тағы да растаймыз. Өңірде қауіпсіздікті, тұрақтылықты және бейбітшілікті қамтамасыз етуге ұмтылған Орталық Азияның барлық бес мемлекетінің ұжымдық күш-жігерінің нәтижесі бола отырып, сондай-ақ Солтүстік жарты шарда толығымен орналасқан және ядролық қаруға ие екі мемлекетпен тікелей шектесетін алғашқы әрі жалғыз осындай аймақ болып қала отырып, Семей шарты жаһандық қарусыздану және ядролық қаруды таратпау режимін нығайтуда маңызды рөл атқаруын жалғастырып, Орталық Азияның бір кездері ядролық қару белсенді түрде сыналған және орналастырылған өңірден ядролық қарусыздандыру жөніндегі жаһандық күш-жігер көшбасшыларының біріне айналуының символдық үлгісі ретінде қызмет етеді. 2. Ядролық қаруды таратпау туралы шарттың (ЯҚТШ) ядролық қарудың таралуын болдырмауға және түптеп келгенде оны толық жоюға бағытталған халықаралық күш-жігердің іргетасы ретіндегі шешуші рөлін растаймыз. Осыған байланысты ЯҚТШ-ға қатысушы мемлекеттердің Он бірінші шолу конференциясының мазмұнды қорытындылар қабылдамай аяқталғанына өкініш білдіреміз. Бұл ядролық қарусыздану және таратпау саласындағы сақталып отырған келіспеушіліктер мен сенім тапшылығын көрсетеді. ЯҚТШ-ның барлық қатысушыларын өзара байланысты және бірін-бірі толықтыратын үш тірек – ядролық қарусыздану, таратпау және атом энергиясын бейбіт мақсатта пайдалану бойынша міндеттемелерді тиімді жүзеге асыру жөніндегі келіссөздерді адал ниетпен жалғастыруға шақырамыз.3. Жаһандық қауіпсіздік пен тұрақтылыққа қатер төндіретін шұғыл және бұрын-соңды болмаған сын-қатерлер тұрғысында ЯҚТШ-ның 6-бабына сәйкес ядролық қарусыздану саласында айтарлықтай ілгерілеудің болмауына, сондай-ақ ядролық арсеналдарды жаңғыртуға бағытталған алаңдатарлық үрдіспен ұштасқан қару-жарақты бақылау саласындағы негізгі келісімдердің қолданылуының тоқтатылуына қатты алаңдаушылық білдіреміз. Бұл ретте ядролық қаруға ие мемлекеттердің ядролық қарусыздану жөніндегі келіссөздерді жүргізудегі ерекше жауапкершілігін атап өтеміз және ядролық қару-жарақ жарысының алдын алу мақсатында тексеруге болатын қару-жарақты бақылаудың жаңа тетіктерін шұғыл әзірлеуге шақырамыз.4. Атом энергиясы жөніндегі халықаралық агенттіктің (АЭХА) ЯҚТШ ережелерін іске асыру, атом энергиясын бейбіт мақсатта пайдалану саласындағы ынтымақтастыққа жәрдемдесу және Агенттікке мүше мемлекеттердегі ядролық бағдарламаларға кепілдіктер мен бақылауды қолдану жөніндегі қызметін міндетті түрде қолдайтынымызды мәлімдейміз.5. 2026 жылғы 24 қыркүйекте қол қою үшін ашылғанына тура отыз жыл толатын Ядролық сынақтарға жаппай тыйым салу туралы шарттың (ЯСЖТШ) мүмкіндігінше тезірек күшіне ену қажеттігін нық қолдаймыз. Осыған байланысты ядролық сынақтар өткізуге қарсы халықаралық норманы сақтау және одан әрі нығайту қажеттігін атап өтеміз және осы норманы бұзуы мүмкін кез келген әрекеттерден қалыс қалуға шақырамыз.Қарусыздану және таратпау мәселелері бойынша ақпараттандырудың бейбітшілік, сенім және жауапкершілік мәдениетін қалыптастырудағы маңызды рөлін атап көрсетеміз және жастарды қарусыздану мен халықаралық қауіпсіздік мәселелерін талқылауға тартудың ерекше маңыздылығын атап өтеміз. Қырғыз Республикасы бастамашылық еткен, жыл сайын 5 наурызда – ЯҚТШ күшіне енген күні символдық түрде атап өтілетін Қарусыздану және таратпау мәселелері жөніндегі ақпараттандырудың халықаралық күнін, сондай-ақ онымен байланысты өңірлік білім беру бастамаларын одан әрі ілгерілетуді қолдаймыз.Осыған байланысты БҰҰ-ның Қарусыздану және таратпау саласындағы ақпараттандыру мәселелері жөніндегі зерттеуінде, сондай-ақ БҰҰ Бас хатшысының қарусыздану саласындағы «Біздің ортақ болашағымызды қамтамасыз ету: қарусыздану саласындағы күн тәртібі» (Securing Our Common Future: An Agenda for Disarmament) атты күн тәртібінде қамтылған ұсынымдардың өзектілігін атап өтеміз.6. 2014 жылғы 6 мамырда ядролық қаруға ие мемлекеттердің ОАЯҚАА туралы шартқа Теріс қауіпсіздік кепілдіктері жөніндегі хаттамаға қол қоюын және оның төрт ядролық держава тарапынан ратификациялануын құптаймыз және Америка Құрама Штаттарының Хаттаманы ратификациялау процесін мүмкіндігінше тезірек аяқтайтынына үміт білдіреміз.7. Жаһандық ядролық қаруды таратпау режимін нығайту және бейбітшілік пен қауіпсіздікті қамтамасыз ету жөніндегі халықаралық күш-жігерді біріктіру мақсатында ОАЯҚАА туралы шартты институционалдық дамытуға және ядролық қарудан азат қазіргі аймақтармен әріптестікті одан әрі кеңейтуге мүдделілік білдіреміз. Осы тұрғыда Африканың атом энергиясы жөніндегі комиссиясымен (АФКОНЕ) және Латын Америкасы мен Кариб бассейніндегі ядролық қаруға тыйым салу жөніндегі агенттікпен (ОПАНАЛ) Өзара түсіністік туралы меморандумдарға қол қойылуын, сондай-ақ 2024 жылғы 28–29 тамызда Астанада Қазақстанның төрағалығымен ядролық қарудан азат барлық қазіргі аймақтар өкілдерінің екінші кездесуінің өткізілуін оң бағалаймыз.8. Орталық Азиядағы орнықты даму мен тұрақтылықтың негізгі факторы ретінде өңірлік қауіпсіздікті нығайтудың жоғары маңыздылығын атап өтеміз, сондай-ақ ортақ сын-қатерлер мен қауіптерге қарсы күресте бұдан әрі де тығыз өзара іс-қимыл жасау ниетімізді растаймыз.9. Қазіргі уақытта ядролық қарудан азат аймақтар жоқ өңірлерде, соның ішінде Таяу Шығыста осындай жаңа аймақтарды құру жөніндегі күш-жігерді қолдаймыз.10. БҰҰ Бас Ассамблеясының 79-сессиясында «Орталық Азиядағы ядролық қарудан азат аймақ туралы шарт» қарарының қабылдануын, сондай-ақ 2024 жылғы 5 желтоқсанда Түрікменстанның төрағалығымен Ашғабат қаласында Шартқа қатысушы мемлекеттердің ядролық қарудан азат басқа да қазіргі аймақтардың және халықаралық ұйымдар өкілдерінің қатысуымен мерейтойлық кеңестің өткізілуін құптаймыз.Foto by Kazakhstan TodayАқпарат көзі : https://www.gov.kz/memleket/entities/mfa-ljubljana/press/news/details/1288788?lang=ru

Астана, 2026 жылғы 8 қыркүйек – Қырғыз тарапының бастамасымен Қазақстан Республикасының Сыртқы істер министрі Мұхтар Тілеуберді мен Қырғыз Республикасының Сыртқы істер министрі Жээнбек Кулубаев арасында телефон арқылы сөйлесу өтті.Қырғызстан СІМ басшысы қазақстандық әріптесін жоғары лауазымға тағайындалуымен жылы құттықтап, жауапты қызметіне табыс тіледі.Әңгіме барысында министрлер қазақ-қырғыз одақтастық қатынастарының қарқынды дамып келе жатқанын атап өтті. Саяси диалогты одан әрі нығайтуға, сондай-ақ сауда-экономикалық, инвестициялық, көлік-логистикалық, су-энергетикалық және мәдени-гуманитарлық салалардағы ынтымақтастықты кеңейтуге жан-жақты жәрдемдесуге өзара ниет білдірілді.Сонымен қатар министрлер өңірлік және халықаралық күн тәртібіндегі өзекті мәселелерді талқылап, жоғары және аса жоғары деңгейлердегі алдағы халықаралық іс-шаралар кестесін қарастырды.Ақпарат көзі : https://www.gov.kz/memleket/entities/mfa/press/news/details/1287543?lang=ru

Біз, Орталық Азиядағы ядролық қарудан азат аймақ туралы шартқа қатысушы мемлекеттердің Cыртқы істер министрлері (бұдан әрі – ОАЯҚАА туралы шарт), Семейде ОАЯҚАА туралы шартқа қол қойылғанына 20 жыл толуына орай,адамзаттың ядролық қарудан азат әлемге қол жеткізу жөніндегі ортақ мақсатына деген бейілдігімізді растай отырып және ядролық қаруды кез келген қолданудың немесе сынаудың апатты гуманитарлық салдарын сезіне отырып,ядролық қарудан азат аймақтарды құру ядролық қарудың таралуының алдын алудың және жаһандық қарусыздану процесін нығайтудың ең күшті әмбебап құралдарының бірі екенін атап көрсетіп,Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы арасындағы ХХІ ғасырда Орталық Азияда даму мақсатындағы достық, тату көршілік және ынтымақтастық туралы шарттың өңірдегі бейбітшілік пен қауіпсіздікті нығайту ісіндегі маңыздылығын атап өтіп,Орталық Азияда ядролық қарудан азат аймақ құру идеясы алғаш рет Өзбекстан Республикасы тарапынан 1993 жылғы қыркүйекте БҰҰ Бас Ассамблеясының 48-сессиясында ұсынылғанын еске сала отырып,Орталық Азияда ядролық қарудан азат аймақ құру өңір елдерінің күш-жігерін шоғырландырудың табысты үлгісі екеніне сенімді бола отырып және бұл ядролық қаруды таратпау режимі мен ядролық қарусыздану процесін, өңірлік және халықаралық бейбітшілік пен қауіпсіздікті нығайту жолындағы, сондай-ақ атом энергиясын бейбіт мақсатта пайдалану және радиоактивті ластанудан зардап шеккен аумақтарды экологиялық сауықтыру саласындағы ынтымақтастықты дамытудағы маңызды қадам болғанын атап көрсетіп,Семей ядролық сынақ полигонының жабылғанына отыз бес жыл толуын және Ядролық сынақтарға жаппай тыйым салу туралы шарттың қол қою үшін ашылғанына отыз жыл толуын құптай отырып, сондай-ақ планетаның барлық өңірлеріндегі ядролық жарылыстар мен олардың салдарынан зардап шеккен көптеген құрбандардың рухына тағзым ете отырып,төмендегіні мәлімдейміз:                                                                                  1. 2006 жылғы 8 қыркүйекте Семей қаласында Қазақстан Республикасы, Қырғыз Республикасы, Тәжікстан Республикасы, Түрікменстан және Өзбекстан Республикасы қол қойған өзінің тарихи маңызы зор ОАЯҚАА туралы шартқа деген бейілділігімізді тағы да растаймыз. Өңірде қауіпсіздікті, тұрақтылықты және бейбітшілікті қамтамасыз етуге ұмтылған Орталық Азияның барлық бес мемлекетінің ұжымдық күш-жігерінің нәтижесі бола отырып, сондай-ақ Солтүстік жарты шарда толығымен орналасқан және ядролық қаруға ие екі мемлекетпен тікелей шектесетін алғашқы әрі жалғыз осындай аймақ болып қала отырып, Семей шарты жаһандық қарусыздану және ядролық қаруды таратпау режимін нығайтуда маңызды рөл атқаруын жалғастырып, Орталық Азияның бір кездері ядролық қару белсенді түрде сыналған және орналастырылған өңірден ядролық қарусыздандыру жөніндегі жаһандық күш-жігер көшбасшыларының біріне айналуының символдық үлгісі ретінде қызмет етеді.                                         2. Ядролық қаруды таратпау туралы шарттың (ЯҚТШ) ядролық қарудың таралуын болдырмауға және түптеп келгенде оны толық жоюға бағытталған халықаралық күш-жігердің іргетасы ретіндегі шешуші рөлін растаймыз. Осыған байланысты ЯҚТШ-ға қатысушы мемлекеттердің Он бірінші шолу конференциясының мазмұнды қорытындылар қабылдамай аяқталғанына өкініш білдіреміз. Бұл ядролық қарусыздану және таратпау саласындағы сақталып отырған келіспеушіліктер мен сенім тапшылығын көрсетеді. ЯҚТШ-ның барлық қатысушыларын өзара байланысты және бірін-бірі толықтыратын үш тірек – ядролық қарусыздану, таратпау және атом энергиясын бейбіт мақсатта пайдалану бойынша міндеттемелерді тиімді жүзеге асыру жөніндегі келіссөздерді адал ниетпен жалғастыруға шақырамыз.Жаһандық қауіпсіздік пен тұрақтылыққа қатер төндіретін шұғыл және бұрын-соңды болмаған сын-қатерлер тұрғысында ЯҚТШ-ның 6-бабына сәйкес ядролық қарусыздану саласында айтарлықтай ілгерілеудің болмауына, сондай-ақ ядролық арсеналдарды жаңғыртуға бағытталған алаңдатарлық үрдіспен ұштасқан қару-жарақты бақылау саласындағы негізгі келісімдердің қолданылуының тоқтатылуына қатты алаңдаушылық білдіреміз. Бұл ретте ядролық қаруға ие мемлекеттердің ядролық қарусыздану жөніндегі келіссөздерді жүргізудегі ерекше жауапкершілігін атап өтеміз және ядролық қару-жарақ жарысының алдын алу мақсатында тексеруге болатын қару-жарақты бақылаудың жаңа тетіктерін шұғыл әзірлеуге шақырамыз.Атом энергиясы жөніндегі халықаралық агенттіктің (АЭХА) ЯҚТШ ережелерін іске асыру, атом энергиясын бейбіт мақсатта пайдалану саласындағы ынтымақтастыққа жәрдемдесу және Агенттікке мүше мемлекеттердегі ядролық бағдарламаларға кепілдіктер мен бақылауды қолдану жөніндегі қызметін міндетті түрде қолдайтынымызды мәлімдейміз.2026 жылғы 24 қыркүйекте қол қою үшін ашылғанына тура отыз жыл толатын Ядролық сынақтарға жаппай тыйым салу туралы шарттың (ЯСЖТШ) мүмкіндігінше тезірек күшіне ену қажеттігін нық қолдаймыз. Осыған байланысты ядролық сынақтар өткізуге қарсы халықаралық норманы сақтау және одан әрі нығайту қажеттігін атап өтеміз және осы норманы бұзуы мүмкін кез келген әрекеттерден қалыс қалуға шақырамыз.Қарусыздану және таратпау мәселелері бойынша ақпараттандырудың бейбітшілік, сенім және жауапкершілік мәдениетін қалыптастырудағы маңызды рөлін атап көрсетеміз және жастарды қарусыздану мен халықаралық қауіпсіздік мәселелерін талқылауға тартудың ерекше маңыздылығын атап өтеміз. Қырғыз Республикасы бастамашылық еткен, жыл сайын 5 наурызда – ЯҚТШ күшіне енген күні символдық түрде атап өтілетін Қарусыздану және таратпау мәселелері жөніндегі ақпараттандырудың халықаралық күнін, сондай-ақ онымен байланысты өңірлік білім беру бастамаларын одан әрі ілгерілетуді қолдаймыз.Осыған байланысты БҰҰ-ның Қарусыздану және таратпау саласындағы ақпараттандыру мәселелері жөніндегі зерттеуінде, сондай-ақ БҰҰ Бас хатшысының қарусыздану саласындағы «Біздің ортақ болашағымызды қамтамасыз ету: қарусыздану саласындағы күн тәртібі» (Securing Our Common Future: An Agenda for Disarmament) атты күн тәртібінде қамтылған ұсынымдардың өзектілігін атап өтеміз.2014 жылғы 6 мамырда ядролық қаруға ие мемлекеттердің ОАЯҚАА туралы шартқа Теріс қауіпсіздік кепілдіктері жөніндегі хаттамаға қол қоюын және оның төрт ядролық держава тарапынан ратификациялануын құптаймыз және Америка Құрама Штаттарының Хаттаманы ратификациялау процесін мүмкіндігінше тезірек аяқтайтынына үміт білдіреміз.Жаһандық ядролық қаруды таратпау режимін нығайту және бейбітшілік пен қауіпсіздікті қамтамасыз ету жөніндегі халықаралық күш-жігерді біріктіру мақсатында ОАЯҚАА туралы шартты институционалдық дамытуға және ядролық қарудан азат қазіргі аймақтармен әріптестікті одан әрі кеңейтуге мүдделілік білдіреміз. Осы тұрғыда Африканың атом энергиясы жөніндегі комиссиясымен (АФКОНЕ) және Латын Америкасы мен Кариб бассейніндегі ядролық қаруға тыйым салу жөніндегі агенттікпен (ОПАНАЛ) Өзара түсіністік туралы меморандумдарға қол қойылуын, сондай-ақ 2024 жылғы 28–29 тамызда Астанада Қазақстанның төрағалығымен ядролық қарудан азат барлық қазіргі аймақтар өкілдерінің екінші кездесуінің өткізілуін оң бағалаймыз.Орталық Азиядағы орнықты даму мен тұрақтылықтың негізгі факторы ретінде өңірлік қауіпсіздікті нығайтудың жоғары маңыздылығын атап өтеміз, сондай-ақ ортақ сын-қатерлер мен қауіптерге қарсы күресте бұдан әрі де тығыз өзара іс-қимыл жасау ниетімізді растаймыз.Қазіргі уақытта ядролық қарудан азат аймақтар жоқ өңірлерде, соның ішінде Таяу Шығыста осындай жаңа аймақтарды құру жөніндегі күш-жігерді қолдаймыз.БҰҰ Бас Ассамблеясының 79-сессиясында «Орталық Азиядағы ядролық қарудан азат аймақ туралы шарт» қарарының қабылдануын, сондай-ақ 2024 жылғы 5 желтоқсанда Түрікменстанның төрағалығымен Ашғабат қаласында Шартқа қатысушы мемлекеттердің ядролық қарудан азат басқа да қазіргі аймақтардың және халықаралық ұйымдар өкілдерінің қатысуымен мерейтойлық кеңестің өткізілуін құптаймыз. Ақпарат көзі : https://www.gov.kz/memleket/entities/mfa-budapest/press/news/details/1290379?lang=ru

Куала-Лумпур, 2026 жылғы 6 қыркүйек – Алматы Малайзияның халықаралық туристік көрмесі MATTA Fair 2026 аясында өзінің туристік әлеуетін кеңінен таныстырды. Қазақстан Малайзияның туризм саласындағы ең ірі әрі беделді іс-шарасына алғаш рет қатысып, Орталық Азияның туристік мүмкіндіктерін малайзиялық аудиторияға ұсынды.Көрмедегі Visit Almaty павильоны келушілердің ерекше қызығушылығын тудырған алаңдардың бірі болды. Павильонның заманауи дизайны, мазмұнды бағдарламасы және шығармашылық ұжымның өнер көрсетуі малайзиялық туристер мен туризм индустриясының өкілдерінің жоғары бағасына ие болды. Көрме жұмыс істеген үш күн ішінде павильонға 10 мыңнан астам тіркелген қонақ келіп, Алматы мен Алматы облысының туристік мүмкіндіктерімен, табиғи және мәдени көрікті орындарымен, ұлттық тағамдары мен дәстүрлерімен танысты.Музыканттар, бишілер мен қазақ батырларының қатысуымен өткен мәдени бағдарлама, ұлттық тағамдардың дегустациясы және дәстүрлі кәдесыйлардың таныстырылымы Алматыны заманауи мегаполис пен асқақ тауларды, бай мәдени мұра мен Ұлы даланың қонақжай дәстүрлерін тоғыстырған бірегей туристік бағыт ретінде танытуға мүмкіндік берді.Көрме аясындағы жұмысқа қоса, Куала-Лумпурда Алматыны Орталық Азиядағы ең тартымды туристік бағыттардың бірі ретінде ілгерілетуге және Қазақстан мен Малайзия арасындағы туристік байланыстарды одан әрі нығайтуға арналған Almaty Tourism Day өтті.Іс-шараға Малайзияның Туризм, өнер және мәдениет министрлігінің, Tourism Malaysia, Малайзияның туристік және туроператорлық агенттіктер қауымдастығының (MATTA), Малайзияның туристік агенттіктер қауымдастығының (MATA), әуе компаниялары мен туристік бизнес өкілдері қатысты. Бағдарлама аясында Алматының туристік әлеуетінің таныстырылымы, туризм саласы өкілдерінің баяндамалары, өзара түсіністік туралы меморандумдарға қол қою рәсімі, іскерлік кездесулер және мәдени бағдарлама ұйымдастырылды.Қазақстанның Малайзиядағы Елшісі Болат Сүгірбаев құттықтау сөзінде екі ел арасындағы туристік алмасуды кеңейтудің маңыздылығын атап өтіп, Қазақстанның MATTA Fair көрмесіне алғаш рет қатысуы қазақстандық туристік бағыттарды малайзиялық саяхатшылар арасында кеңінен танытуға жаңа мүмкіндіктер беретінін айтты.Малайзияның Туризм, өнер және мәдениет министрлігінің Бас хатшысы Шахаруддин бин Абу Сохот Алматының Қазақстанның өзге өңірлеріне және Орталық Азия елдеріне саяхаттауға жол ашатын маңызды туристік хаб ретіндегі рөлінің артып келе жатқанын атап өтті.Almaty Tourism Day іс-шарасының негізгі нәтижелерінің бірі Алматы қаласы әкімдігінің Туризм басқармасы мен Малайзияның туристік және туроператорлық агенттіктер қауымдастығы арасында өзара түсіністік туралы меморандумға қол қойылуы болды. Құжат туристік бағыттарды ілгерілету, ақпарат алмасу, кәсіби байланыстарды кеңейту және Қазақстан мен Малайзияның туристік индустрия өкілдері арасындағы іскерлік ынтымақтастықты дамытуға бағытталған.Қауымдастық президенті Найджел Вонг қазақстандық павильонға деген жоғары қызығушылықты атап өтіп, Алматы павильонының үздік мәдени бағдарлама үшін арнайы марапатқа ие болғанын хабарлады.Almaty Tourism Day аясында Қазақстан мен Малайзияның 50-ден астам туристік компаниясының өкілдері арасында бірқатар іскерлік кездесулер өтті. Кездесулер жаңа серіктестік байланыстар орнатуға және бірлескен туристік өнімдерді әзірлеуге мүмкіндік берді.Мәдени бағдарлама барысында қонақтарға дәстүрлі қазақ музыкасы, домбыра мен қобызда орындалатын шығармалар, ұлттық билер мен ән өнері таныстырылды. Өнерпаздардың өнер көрсетуі қатысушыларға Қазақстанның бай мәдени мұрасын танып, Ұлы даланың қонақжай рухын сезінуге мүмкіндік берді.Almaty Tourism Day Қазақстанның Оңтүстік-Шығыс Азиядағы маңызды туристік нарықтардың біріндегі белсенді ілгерілету жұмыстарының жалғасы болды. MATTA Fair 2026 көрмесі аясында өткізілген іс-шара Қазақстан мен Малайзияның туристік ынтымақтастықты одан әрі нығайтуға, іскерлік байланыстарды кеңейтуге және саяхатшылар үшін жаңа мүмкіндіктер ашуға өзара мүдделі екенін көрсетті.Ақпарат көзі : https://www.gov.kz/memleket/entities/mfa-kuala-lumpur/press/news/details/1287479?lang=ru

Маңғыстау облысы бойынша Мемлекеттік кірістер департаментінің "Құрық" кеден бекетінің басшысы Елнұр Итеновпен сұхбат — Елнұр, «Құрық» кеден бекеті автомобиль әкелуде қандай рөл атқарады? Е.Итенов: «Құрық» кеден бекеті Құрық теңіз портында орналасқан және тәулік бойы жұмыс істейді. Мұнда паромдармен және Ro-Ro үлгісіндегі кемелермен, оның ішінде Кавказ бағытынан келетін автомобильдер мен жүктер өтеді. Азаматтар үшін бұл Еуразиялық экономикалық одақтың кедендік аумағына көлік құралын теңіз арқылы әкелудің бір жолы. Біз кедендік бақылауды, декларациялауды, тәуекелдерді басқару жүйесін қолдануды және заңнамаға сәйкес автомобильді шығаруды қамтамасыз етеміз. — Жеке тұлғаның рәсімі коммерциялық әкелуден несімен ерекшеленеді? Е.Итенов: Жеке тұлға автомобильді жеке пайдалану үшін әкеледі. Мұндай көлік жолаушылық кедендік декларациямен — «Keden» ақпараттық жүйесі арқылы ресімделеді. Коммерциялық әкелу басқаша: тауарға декларация, өзге ставкалар мен талаптар. Маңыздысы: егер адам күнтізбелік жыл ішінде бірден артық автомобиль әкелсе, кеден органы мұны жеке пайдалануға жатпайтын қызмет ретінде қарастыруға құқылы. Сонда кәсіпкерлік қызметке арналған тәртіп қолданылады. — Азамат бекетке қандай құжаттар әкелуі керек? Е.Итенов: Негізгі пакет: жеке басын куәландыратын құжат; көлік құжаты — техникалық паспорт немесе title баламасы; сатып алу-сату шарты, инвойс не құнын растайтын өзге құжат; иелік ету немесе билік ету құқығын растайтын құжаттар; көліктік құжаттар — коносамент, паром жүкқұжаты. Үшінші елден келсе, маршрут құжаттары қажет. VIN, шанақ нөмірі, шығарылған жылы, қозғалтқыш көлемі, сатушы мен сатып алушы деректері барлық қағазда сәйкес болуы тиіс. Сәйкессіздік — шығарудың кешігуінің басты себептерінің бірі. — Құрықта рәсім қалай өтеді? Е.Итенов: Паромнан түскеннен кейін көлік радиациялық бақылаудан, қажет болса өлшеуден және қарап-тексеруден, оның ішінде инспекциялық-қарау кешенінен өтеді. Содан кейін кедендік ресімдеу ғимаратында жолаушылық кедендік декларация беріледі. Инспектор құжаттарды, сәйкестендіру нөмірлерін салыстырады, тәуекел бейіндерін қолданады. Қажет болғанда кедендік қарап-тексеру жүргізіледі. Кедендік төлемдер, салықтар және кедендік операциялар үшін алым төленгеннен кейін автомобиль шығарылады. Одан әрі иесі белгіленген мерзімде — әдетте шығаруға байланысты кедендік операциялардан кейін он жұмыс күні ішінде — көлікті уәкілетті органда тіркеуге қояды. — Жеңіл автомобильді кедендеу кезінде қандай төлемдер бар? Е.Итенов: Төлемдер жиынтығы белгілі. Біріншісі — әкелу кеден бажы. Жеке тұлғалар әкелетін бензинді немесе дизельді қозғалтқышы бар көптеген жеңіл автомобильдерге ЕЭК Кеңесінің 2017 жылғы 20 желтоқсандағы № 107 шешімімен белгіленген ставкалар қолданылады. Жеті жасқа дейінгі автомобильдердің едәуір бөлігіне кедендік құннан 15 пайыз ставкасы сақталады. Егде машиналарға қозғалтқыштың жұмыс көлемінің бір текше сантиметріне евромен есептелетін үлестік ставкалар қолданылады. Екіншісі — қосылған құн салығы: салық базасынан 16 пайыз, базаға кедендік құн мен баж кіреді. Үшіншісі — кедендік ресімдеу алымы — алты айлық есептік көрсеткіш. Кеденнен шығарылғаннан кейін бөлек утилизациялық төлем және бастапқы мемлекеттік тіркеу алымы төленеді. Олардың мөлшері санатқа, жасына және қозғалтқыш түріне байланысты. Электрмобильдерге жеке жеңілдік режимдері бар, бірақ квота мен шарттарды әкелу күніне қарай нақтылау керек. — Автомобильді толық кедендемей уақытша әкелуге бола ма? Е.Итенов: Иә. Шет мемлекетте тіркелген көлік құралын жеке тұлға заңнамада көзделген мерзімге кеден баждары мен салықтардан босатыла отырып уақытша әкеле алады. Мерзім мен шарттар тұлға мәртебесіне және режимге байланысты. Уақытша әкелу жеке пайдалануға шығаруды алмастырмайды. Егер азамат автомобильді Қазақстанда тұрақты пайдаланып, есепке қоймақшы болса, толық кедендік тазалау қажет. — Адамдар ең жиі қай жерде қателеседі? Е.Итенов: Біріншісі — құжат топтамасының толық еместігі, әсіресе құн мен меншік құқығы бойынша. Екіншісі — кедендік құнды төмендету әрекеті. Тәуекелдерді басқару жүйесі мен баға ақпараты мұны анықтайды; құн түзетіледі, төлемдер қайта есептеледі, жауапкершілік шаралары болуы мүмкін. Үшіншісі — бір жылда бірнеше автомобильді «өзіме» деп әкелу. Төртіншісі — кеденнен кейін көлік құралы конструкциясының қауіпсіздігі туралы куәлік, көліктің электрондық паспорты, утильалым және тіркеу керектігін ұғынбау. 2025 жылғы 20 қазаннан бастап ЕАЭО органдарының шешімі бойынша жеке тұлғалар бекітілген тізбеге енбеген жекелеген көлік түрлеріне КҚКТК (немесе көлік құралы конструкциясының қауіпсіздігі туралы куәлік) ала алмайды. Мұндай машиналарды толық ресімдеп, есепке қою мүмкін емес. Бесіншісі — ұлттық тариф пен ЕАЭО бірыңғай кеден тарифінің аражігін шатастыру. Егер автомобиль төменірек ұлттық ставкамен ресімделсе, одақтың басқа мемлекетіне кейін әкеткенде айырманы қосымша төлеу қажет болуы мүмкін. — Бекет сұр әкелу мен контрабандаға қалай қарсы тұрады? Е.Итенов: Тәуекелдерді басқару жүйесі, қарап-тексеру, ИҚК, шекара қызметімен, көлік прокуратурасымен және экономикалық тергеу органдарымен өзара іс-қимыл қолданылады. Бекет тәжірибесінде фуралдардағы жасырын тауарлар бірнеше рет анықталған, төленбеген төлемдер ондаған миллион теңгені құраған. Автомобильдер бойынша бақылау VIN-ді сәйкестендіруге, дерекқорлармен салыстыруға, құжат тізбегін талдауға негізделген. Адал декларация беруші бұдан ұтады: заңды автомобиль тезірек өтеді. — Құрық арқылы көлік әкелмекші азаматтарға қандай кеңес бересіз? Е.Итенов: Құжаттарды паромға отырар алдында дайындаңыз. VIN-ді барлық қағаздан тексеріңіз. Құнды шынайы бағалаңыз — шарт пен нарық деректеріне сүйеніңіз. Декларацияны «Keden»-ге қатесіз беріңіз. Қарап-тексеру мен төлемге уақыт қойыңыз. Жеке пайдалану үшін жылына бір автомобиль ережесін есте сақтаңыз. Шығарылғаннан кейін КҚКТК, ЭПТС (Электрондық көлік құралының паспорты), утильалым және тіркеуді кейінге қалдырмаңыз. Кеңесті мемлекеттік кірістер органдарының байланыс орталығынан және бекеттің ақпараттық стенділерінен алуға болады. Біздің міндетіміз — заңға бағынатын адамға кедергі қою емес, барлығына тең әрі ашық қағиданы қамтамасыз ету. — Бекет жұмысы цифрланған ба? Е.Итенов: Иә. Электрондық құжаттарды декларациялау, «Keden» платформасымен интеграция, ИҚК және «бір терезе» элементтері тікелей байланыс пен кезекті қысқартады. Порт пен бекет тәулік бойы жұмыс істейді. Мәміленің цифрлық ізі бюджетті де, автомобиль иесін де қорғайды. Сұхбатты Маңғыстау облысы бойынша Мемлекеттік кірістер департаменті дайындадыАқпарат көзі : https://www.gov.kz/memleket/entities/kgd-mangistau/press/news/details/1287471?lang=ru

Өскеменде жыл басынан бері әлеуметтік маңызы бар азық-түлік тауарларының бағасы жалпы алғанда тұрақты деңгейде қалып отыр. Ал жекелеген өнімдер бойынша баға айтарлықтай төмендеген. Мәселен, қалада қияр бағасы 51%-ға түсіп, жыл басындағы деңгейден екі есе арзандады. Қызанақ та 45%-ға арзандаған.Шығыс Қазақстан облысы бойынша Сауда және тұтынушылардың құқықтарын қорғау департаменті Ұлттық статистика бюросының деректері негізінде 2026 жылдың қаңтар-тамыз айларындағы баға өзгерістеріне талдау жүргізді. Оның қорытындысы бойынша Өскемендегі әлеуметтік маңызы бар азық-түлік тауарларының жалпы баға индексі 101,0%-ды құрады. Бұл республикалық орташа көрсеткіштен (101,4%) төмен.Бағаның төмендеуі әсіресе көкөніс өнімдерінен байқалады. Қияр мен қызанақтан бөлек, ақталған күріштің бағасы да жыл басынан бері 6,7%-ға төмендеген. Ал бірінші сұрыпты ұннан пісірілген бидай нанының бағасы қаңтардағы деңгейде сақталып, индексі 100,0% болды.Сүйекті сиыр етінің құны жыл басынан бері іс жүзінде өзгерген жоқ, ол 100,7% деңгейінде бекітілді (өсім небәрі 0,7%). Тауық етінің бағасы да тұрақты — индекс 100,2%.Сонымен бірге жаңа өнімге көшу кезеңіне байланысты бірқатар көкөніс түрлерінің бағасында маусымдық өсім байқалады. Сәбіз 57,4%-ға, пияз 51,4%-ға, картоп 30,9%-ға қымбаттаған. Қой етінің бағасы 19,5%-ға, тартылған ет 9,1%-ға өскен. Сары майдың бағасы 3,2%-ға, қатты ірімшік 1,1%-ға артқан.Маусымдық өзгерістердің нарыққа әсерін азайту үшін өңірде азық-түлік қорын қалыптастыру жұмыстары жүргізілуде. Атап айтқанда, жергілікті фермерлерден картоп, пияз, қырыққабат және сәбіздің жаңа өнімін тікелей сатып алу арқылы тұрақтандыру қорын толықтыру көзделген. Жиналған өнім күзгі-қысқы кезеңде нарықты қажетті тауарлармен қамтамасыз етіп, бағаның күрт өсуіне жол бермеу үшін пайдаланылады.Тұрғындардың өнімді делдалсыз әрі қолжетімді бағамен сатып алуына мүмкіндік беру үшін фермерлік жәрмеңкелер де тұрақты ұйымдастырылып келеді. Мұнда тауарлар дүкендердегі бағамен салыстырғанда 15–20%-ға төмен бағада ұсынылады. Жыл басынан бері облыста 421 жәрмеңке өткізілді.Бағаның негізсіз өсуіне жол бермеу үшін сауда орындарындағы бақылау да күшейтілген. Әлеуметтік маңызы бар азық-түлік тауарларына белгіленген 15%-дық шекті сауда үстемесінің сақталуына тұрақты мониторинг жүргізіледі. Бақылау нәтижесінде талаптарды бұзған кәсіпкерлерге қатысты 75 әкімшілік шара қолданылды.Бұдан бөлек, өңірлік комиссияның жұмысы нәтижесінде тауар жеткізу тізбегінен 10-нан астам өнімсіз делдал шығарылды. Бұл өндірушіден тұтынушыға дейінгі аралықтағы негізсіз үстемелерді қысқартуға және өнімнің түпкі бағасын төмендетуге мүмкіндік береді.Ақпарат көзі : https://www.gov.kz/memleket/entities/mti/press/news/details/1287431?lang=ru

VI Дүниежүзілік көшпенділер ойындарында алыс қашықтық – 300 шақырымдық жорықта Қазақстан құрамасы жеңімпаз атанды. Қостанай облысының әкімі Құмар Ақсақалов жүйріктер командасы сапындағы жерлесіміз Есен Ахметті арнайы құттықтады.«Шабандоздар бірнеше күн аса төзімділік пен табандылықтың арқасында жоғары нәтиже көрсетті. талап ететін сайыс. Бұл жеңіс еліміздің мерейін асқақтатқан зор жетістік. Жеңісті жорық жалғасын тауып, көк байрағымыз биікте желбірей берсін!», – деді аймақ басшысы өз құттықтауында.Құмар Ақсақалов шабандоздар мен бапкерлерге зор денсаулық, толағай табыс және жаңа жетістіктер тіледі.Ақпарат көзі : https://www.gov.kz/memleket/entities/kostanay/press/news/details/1287324?lang=ru

Қостанай облысының әкімі Құмар Ақсақалов VI Дүниежүзілік көшпенділер ойындарында қырғыз күресінен +100 кг салмақ дәрежесінде күміс жүлдеге ие болған жерлесіміз Алмас Жұмағалиді жоғары жетістігімен құттықтады.Алмас Жұмағали – ұлттық спортымызды дамытуға өз үлесін қосып, бозкілемде талай мәрте жеңіске жетіп жүрген балуан. «Қазақстан барысы» республикалық турниріне бірнеше рет қатысып, Қостанай облысының намысын қорғап келеді.«Бұл жолғы халықаралық аренадағы жүлде – спортшының табандылығы мен қажырлы еңбегінің, сондай-ақ бапкерлерінің, жерлестердің қолдауы және сенімінің жемісі. Алмасқа алдағы жарыстарда толағай табыс пен жеңістер тілеймін!», – деді аймақ басшысы өз құттықтауында.Ақпарат көзі : https://www.gov.kz/memleket/entities/kostanay/press/news/details/1287318?lang=ru

Салық заңнамасын реформалауға байланысты жеке тұлғалар үшін салықтық шегерімдерді қолдану механизмі түбегейлі жаңартылуда. Жұмыс берушіде 282 АЕК-ке дейін алдын ала шегерімдерді қолдану және оларды кейіннен 270.00 декларациясында толтыру тәртібі тек 2025 жылға ғана белгіленген өтпелі норма болып табылады. 2025 жылы алынған кірістер үшін оқуға, медицинаға, ипотека бойынша сыйақыларға және ерікті зейнетақы жарналарына жұмсалған шығыстарды қамтитын басқа да алдын ала шегерімдердің уақытша тәртібі қолданылады. 2025 жыл ішінде жұмыскер жұмыс берушіде өтініш негізінде чектер мен шарттарды ұсынбастан, жылына 282 АЕК-тен немесе айына 23,5 АЕК-тен аспайтын мөлшерде алдын ала шегерімді қолдануға құқылы болды. Бұл ретте оқуға, медицинаға немесе ипотекаға арналған шегерімдер әрбір түрі бойынша 118 АЕК-тен аспауы тиіс, ал барлық санаттарды ескере отырып, бір жылдағы шегерімдердің жалпы шегі 564 АЕК-ті құрайды. 2025 жылы жұмыс берушіде алдын ала шегерімді пайдаланған жеке тұлғалар 2026 жылғы 15 қыркүйекке дейінгі мерзімде 270.00 нысанындағы Кірістер мен мүлік туралы декларацияны ұсынуға міндетті. Негізгі талап – декларацияда мәлімделген шегерімдер шарттар, чектер және түбіртектер сияқты құжаттармен қатаң түрде расталуы тиіс, оларды талап қоюдың барлық мерзімі ішінде сақтау қажет. Осы кезең шеңберінде, егер шегерім сомасы жалақы мөлшерінен асып кетсе, бір айдағы пайдаланылмаған шегерім қалдығы келесі кезеңге ауыстырылмайды және жойылады деген ереже қолданылады. Декларация қорытындысы бойынша бюджеттен қайтарылуға тиіс жеке табыс салығының сомасы түзілген жағдайда, мемлекеттік кірістер органдары примененный (қолданылған) шегерімдердің заңдылығына камералық тексеру жүргізеді, ал 2025 жылдың міндеттемелері бойынша қайтару 2027 жылғы 15 қыркүйекке дейін жүзеге асырылады. 2026 жылғы 1 қаңтардан бастап чектерді жинай отырып, өтініш бойынша басқа да алдын ала шегерімдерді қолдану тәртібі өз қолданысын аяқтайды. Жаңа Салық кодексі азаматтардың барлық санаттары үшін 30 АЕК мөлшеріндегі бірыңғай тіркелген салықтық шегерімді енгізе отырып, әкімшілендіруді жеңілдетеді. Осылайша, 282 АЕК-ке дейінгі алдын ала шегерімдер механизмі 2025 жылдың кірістері үшін біржолғы құрал болып табылады. 2025 жылы жұмыс берушіге мұндай шегерімдерге өтініш берген азаматтар 2026 жылғы 15 қыркүйекке дейін 270.00 декларациясында есеп беру үшін барлық растаушы чектер мен түбіртектерді сақтауы қажет.Ақпарат көзі : https://www.gov.kz/memleket/entities/kgd-zhetysu/press/news/details/1287244?lang=ru

«Даму» кәсіпкерлікті дамыту қоры» АҚ  Астана, Алматы және Шымкент қалаларында, сондай-ақ Солтүстік Қазақстан және Ақтөбе облыстарында бизнеске қолдау көрсету және сүйемелдеу орталықтарының жұмысын пилоттық режимде бастады.«Даму» қоры жұмыс форматын кеңейту және бизнесті кешенді сүйемелдеу тетігін енгізу мүмкіндігін қарастыруда. Бұл тәсіл кәсіпкерлерге бизнесті дамытуға қатысты мәселелерді шешу барысында мемлекеттік органдармен, қаржы институттарымен және басқа да ұйымдармен өзара іс-қимылды неғұрлым ыңғайлы ұйымдастыруға мүмкіндік береді.Орталықтардың жұмысы мынадай тәртіппен ұйымдастырылады: кәсіпкер алдымен «Даму» қорының өңірлік филиалына жүгінеді. Мұнда мамандар жағдайға бастапқы талдау жүргізіп, мәселені шешудің ықтимал тетіктерін айқындайды және одан әрі сүйемелдеу бағытын белгілейді. Өтініштің сипатына қарай кейсті қарауға бейінді мемлекеттік органдар, қаржы институттары, жергілікті атқарушы органдар және «Бәйтерек» холдингі тобына кіретін ұйымдар тартылады. «Даму» қоры қатысушылардың өзара іс-қимылын үйлестіріп, кәсіпкердің мәселесі бойынша шешім қабылданғанға дейін оны сүйемелдейді. Осылайша, кәсіпкерге әрбір мемлекеттік органға немесе ұйымға жеке-жеке жүгінудің қажеті болмайды.Пилоттық жоба аясында бизнестің қаржылық тұрақтылығына және оның қызметін жалғастыруына тікелей әсер ететін мәселелерге басымдық беріледі.Атап айтқанда, кәсіпкерлерге мынадай мәселелер бойынша қолдау көрсетіледі:берешекті қайта құрылымдау және қаржыландыруға қол жеткізу;мемлекеттік қолдау шараларын алу;салық берешегін реттеу;өткізу нарықтарына қолжетімділікті қалпына келтіру және өнімді ілгерілету;кәсіпкерлік құзыреттерді дамыту;агроөнеркәсіптік кешен субъектілерін мемлекеттік қолдау және қаржыландыру.Бұл бағыттар «Атамекен» ҰКП тізіліміндегі шағын және орта бизнес субъектілерінің 2,4 мыңнан астам проблемалық өтінішін талдау нәтижесінде айқындалды. Олардың 600-ден астамы пилоттық жоба іске асырылатын бес өңірден түскен. Кәсіпкерлердің басым бөлігі қаржыландыру және берешекті қайта құрылымдау, мемлекеттік қолдау шараларын алу, салық салу, өнімді өткізу және бизнесті дамыту мәселелері бойынша жүгінген.Басты өлшем: мәселенің шешілуіДәстүрлі консультациялық форматтан айырмашылығы, Орталықтардың тиімділігі ең алдымен нақты нәтижеге қарай бағаланады. Негізгі көрсеткіш ретінде кәсіпкерлердің шешімін тапқан өтініштерінің үлесі, бизнестің қаржыландыру мен өткізу нарықтарына қолжетімділігін қалпына келтіруге көрсетілген жәрдем, проблемалық кредиттер мен салық мәселелерін шешу, сондай-ақ өтініштерді қарау мерзімдерінің сақталуы ескерілетін болады.Сонымен қатар Орталықтар бизнесте жиі қайталанатын мәселелер бойынша талдау жүргізеді. Бұл жүйелі кедергілерді анықтауға және қолданыстағы қолдау шаралары мен заңнаманы жетілдіру жөнінде ұсыныстар әзірлеуге мүмкіндік береді.Пилоттық жоба 2026 жылдың соңына дейін жалғасады. Оның қорытындысы бойынша жаңа тетіктің тиімділігі бағаланып, оны еліміздің басқа өңірлерінде одан әрі енгізу және ауқымын кеңейту жөнінде ұсыныстар әзірленеді.Бизнеске қолдау көрсету және сүйемелдеу орталығына пилоттық жоба іске асырылатын бес өңірдегі «Даму» қорының өңірлік филиалдары арқылы жүгінуге болады. Өңірлік филиалдардың мекенжайлары мен байланыс деректері Қордың ресми сайтында қолжетімді. Сондай-ақ ақпаратты 1408 нөмірі бойынша Бірыңғай байланыс орталығынан алуға болады. Ақпарат көзі : https://www.gov.kz/memleket/entities/economy/press/news/details/1287250?lang=ru

Токио, 2026 жылғы 8 қыркүйек – Қазақстан Республикасының Жапониядағы Елшілігінде қазақстандық «Shin-Line» компаниясы мен азық-түлік өнімдерін өндіру және мейрамхана кәсіпкерлігін дамытумен айналысатын жапондық «Shigemitsu Industry» компаниясы арасында бірлескен кәсіпорын құру туралы келісімге қол қою рәсімі өтті.Қазақстан тарапынан құжатқа «Shin-Line» компаниясының директорлар кеңесінің төрағасы Андрей Шин, ал жапон тарапынан «Shigemitsu Industry» президенті Кацуаки Шигэмицу қол қойды.Аталған альянс Жапонияның танымал AJISEN RAMEN брендін Қазақстанда дамытуға және кейіннен оны өңір елдерінің нарықтарына шығаруға бағытталған. Ынтымақтастықтың негізгі бағыты «Shigemitsu Industry» өнімдерінің өндірісін жапондық озық технологиялары мен өндірістік стандарттарын, сондай-ақ Халал талаптарын ескере отырып, ҚР-да кезең-кезеңімен жергіліктендіру болады. Бірінші кезеңде Алматы облысының Байсерке ауылындағы «Shin-Line» кәсіпорнының аумағында орталықтандырылған өндірістік база құру және Алматы қаласында брендтің алғашқы флагмандық мейрамханасын ашу көзделген.Қол қою рәсімі барысында Елші Ерлан Баударбек-Қожатаев жобаның шикізаттық емес секторлардағы Қазақстан-Жапония экономикалық ынтымақтастығын кеңейтудің практикалық нәтижесі болып табылатынын атап өтті. Оның пікірінше, кәсіпорынның іске қосылуы жапон технологиялары мен басқару тәжірибесін тартуға, тамақ өнеркәсібін дамытуға және жаңа жұмыс орындарын ашуға ықпал етеді.Тараптар желіні Орталық Азия елдерінде дамытуды жоспарлап, кейіннен сондай-ақ ЕАЭО, Кавказ және Шығыс Еуропа нарықтарына шығу мүмкіндігін қарастыруда. Өндірісті Қазақстанда жергіліктендіру ішкі нарықты, сондай-ақ көршілес мемлекеттердегі желінің әлеуетті нысандарын өніммен қамтамасыз етуге мүмкіндік ашады.Жапон тарапы үшін бұл жоба брендті Орталық Азия өңірінде ілгерілетуге және Қазақстанды негізгі өндірістік әрі логистикалық платформа ретінде пайдалануға кең мүмкіндіктер ашады.Анықтама үшін: «Shigemitsu Industry» компаниясының тарихы 1968 жылдан бастау алады және азық-түлік өнімдерін өндіру мен мейрамхана кәсіпкерлігі саласында көпжылдық тәжірибеге ие. Компания халықаралық франчайзингпен, азық-түлік өнімдерін өндірумен, кадрлар даярлаумен және жаңа өнімдерді әзірлеумен айналысады.Ақпарат көзі : https://www.gov.kz/memleket/entities/mfa-tokyo/press/news/details/1287217?lang=ru

Астана қаласының Инвестициялар және кәсіпкерлікті дамыту басқармасы өз қызметін қорытындылады. Астана Қазақстанның жетекші инвестициялық және индустриялық орталықтарының бірінің ұстанымын нығайтуды жалғастыруда. Елорданың ауқымды инфрақұрылымдық міндеттері мен жоғары даму қарқынына қарамастан, қала тұрақты инвестициялық белсенділікті сақтап, өнеркәсіптік өндірісте оң серпінді көрсетуде.Бұл туралы Астана қалалық Коммуникациялар қызметі алаңында өткен брифингте Астана қаласының Инвестициялар және кәсіпкерлікті дамыту басқармасы басшысының орынбасары Нұржан Әшімов, «Астананы дамыту орталығы» Басқарма төрағасының орынбасары Ерлан Ержанов, «Astana Invest» қалалық инвестицияларды дамыту орталығы төрағасының орынбасары Сәбит Мұхамеджанұлы  ақпарат берді.Спикерлердің айтуынша, биыл жеті айда негізгі капиталға салынған инвестициялар көлемі 1 трлн 294 млрд теңгені құрап, өткен жылдың сәйкес кезеңімен салыстырғанда 2,7%-ға ұлғайды. Бұл ретте инвестициялардың 70%-дан астамы жеке секторға тиесілі – 926,6 млрд теңге, бұл бизнестің елордада жобаларды іске асыруға деген қызығушылығының сақталғанын көрсетеді. Тікелей шетелдік инвестициялардың көлемі де өсуде. Ағымдағы жылдың бірінші тоқсанында ол 1,7 млрд АҚШ долларын құрап, жылына 17,6%-ға өсті.Брифингке қатысушылар жалпыұлттық пулға 28 мыңнан астам жұмыс орнын құра отырып, шамамен 2,2 трлн теңге сомаға 220 жоба кіреді. Биыл 200 млрд теңгеге жуық сомаға 29 жобаны іске асыру жоспарланып жатқанын айтты. Олардың ішінде SABIS халықаралық мектебі, логистикалық және өндірістік кешендер, соның ішінде RNR Group сүт өңдеу зауыты, сондай-ақ құрылыс материалдарын, медициналық және электротехникалық өнімдерді шығаратын кәсіпорындар бар.     Жеті айда өнеркәсіп өндірісінің көлемі 2,57 трлн теңгеге жетіп, 11,3%-ға өсті. Негізгі драйвер өңдеу өнеркәсібі болып қала береді, оның көлемі 2,42 трлн теңгені немесе өнеркәсіп өндірісінің жалпы көлемінің 95%-дан астамын құрады.  Қалада машина жасау, азық-түлік, құрылыс материалдары, пластмасса және электротехникалық бұйымдар өндірісі белсенді дамып келеді. Өңдеу өнеркәсібі өнімдерінің экспорты бірінші жартыжылдықта 2,05 млрд долларға жетіп, 28%-ға өсті. Елордалық кәсіпорындардың өнімдері Қытайға, Иранға, Түркияға және ТМД елдеріне жеткізіледі. №1 индустриялық паркте 145 жоба іске асырылуда, оның 103-і пайдалануға берілді, 7 мыңға жуық жұмыс орны құрылды.      «Астана-жаңа қала» АЭА-да 349,6 млрд теңгеге 145 өнеркәсіптік жоба іске асырылуда. Қазірдің өзінде 103 жоба іске қосылды, олар 276 млрд теңге инвестиция тартып, 7 мыңнан астам жұмыс орнын құрды. Тағы 42 жоба іске асырылуда. «Астана-Технополис» АЭА портфелінде 1,37 трлн теңге сомасына 63 жоба бар. Үш жоба іске қосылды, 305 жұмыс орны құрылды, тағы 60 жоба іске асырылуда.     АЭА елорда экономикасына елеулі үлес қосуда. Өндірілген өнімнің жалпы көлемі шамамен 11,9 трлн теңгені, экспорт – 206,6 млрд теңгені, салық аударымдары – 474,6 млрд теңгені құрады. Осылайша, АЭА инвестицияларды тартуға, жаңа өндірістерді іске қосуға, жұмыс орындарын құруға және бюджет кірістерін арттыруға көмектеседі.«Астананы дамыту орталығы» Басқарма төрағасының орынбасары Ерлан Ержановтың айтуынша, бүгінгі таңда серіктестіктің инвестициялық портфелі шамамен 1,58 трлн теңгеге 304-тен астам жобаны қамтиды. Оның ішінде 38 нысан пайдалануға берілді, қалғандары құрылыс, жобалау және іске асыруға дайындық сатысында тұр. Ұлттық цифрлық инвестициялық платформада 185 жоба сүйемелденуде.     2023-2026 жылдары жалпы сомасы 668 млрд теңгеге 201 инвестициялық келісімшарт жасалды. 2026 жылы 255 млрд теңгеге 42 келісімшарт жасалды, бұл елордадағы инвестициялық белсенділіктің өсуін растайды.Білім беру: 63 жоба, 241,99 млрд теңге, 5 988 жұмыс орны;Логистика: 104 жоба, 288,65 млрд теңге, 17 533 жұмыс орны;Денсаулық сақтау: 21 жоба, 78,11 млрд теңге, 2 082 жұмыс орны;Спорт: 33 жоба, 53,9 млрд теңге, 912 жұмыс орны;Туризм: 36 жоба, 45,73 млрд теңге, 1 279 жұмыс орны.     Бүгінгі күннің басты міндеті – инвестицияларды тарту ғана емес, оларды тиімді іске асыруды қамтамасыз ету. Әңгіме жаңа кәсіпорындар мен жұмыс орындарын құру, салық түсімдерін ұлғайту, экспорттық мүмкіндіктерді кеңейту және елорданың заманауи әртараптандырылған экономикасын қалыптастыру туралы болып отыр. Дереккөз: https://www.astana-akshamy.kz/news/elordada-negizgi-kapitalga-salyngan-investiciialar-kolemi-27-ga-ulgaidyАқпарат көзі : https://www.gov.kz/memleket/entities/astana-uir/press/news/details/1287192?lang=ru

Астанада «Даму» қорының Ашық есік күні аясында 180-нен астам кәсіпкерге кеңес берілді. Бір алаңда кәсіпкерлер, Қор басшылығы мен мамандары, Астана қаласы әкімдігінің Инвестициялар және кәсіпкерлікті дамыту басқармасының, елордалық Мемлекеттік кірістер департаментінің, банктер мен Қор ұсынған консалтингтік компаниялардың өкілдері бас қосты. Кездесудің негізгі тақырыбы бизнесті мемлекеттік қолдаудың қолданыстағы құралдары болды.«Ашық есік күндерін еліміздің барлық өңірінде екінші жыл қатарынан өткізіп келеміз. Біз үшін бұл ең алдымен кәсіпкерлерден тікелей кері байланыс алып, барынша ашық болуға, олардың сұраныстарын тыңдауға және бизнесті бүгін қандай мәселелер толғандыратынын түсінуге мүмкіндік. Сондықтан «Даму» қорының басшылығы мұндай іс-шараларға тікелей қатысып, кәсіпкерлерге жеке кеңес береді. Бұл бізге кәсіпкерлерге қай жерде ақпарат жетіспейтінін көріп, осы олқылықтың орнын жедел толтыруға мүмкіндік береді», - деді «Даму» қорының Басқарма төрағасы Фархат Сарсекееев.Қатысушыларға қолданыстағы қаржылық және қаржылық емес қолдау шаралары таныстырылып, бірыңғай фронт-офис пен мобильді фронт-офистердің жұмысы туралы айтылды. Жалпы бөлімнен кейін қатысушылар жекелей кеңес алып, тиісті даму институтының, банктің немесе мемлекеттік органның өкілдеріне тікелей жүгіне алды.«Даму» қорының Ашық есік күндері еліміздің барлық өңірінде өтеді. Алдағы Ашық есік күндері мен мобильді фронт-офистердің жұмыс кестесі туралы ақпарат «Даму» қорының ресми сайтында және әлеуметтік желілерінде жарияланады. Кеңес алу үшін 1408 Бірыңғай байланыс орталығына да жүгінуге болады.Ақпарат көзі : https://www.gov.kz/memleket/entities/astana-uir/press/news/details/1287194?lang=ru

10-11 қыркүйекте елорда әлеуметтік кәсіпкерлік саласындағы диалог, жаңа идеялар мен серіктестік алаңына айналады.«Тұрақты болашаққа арналған әлеуметтік инвестициялар» халықаралық саммиті Қазақстан мен шетелден келетін 700-ге жуық қатысушыны - әлеуметтік кәсіпкерлерді, инвесторларды, мемлекеттік органдардың, халықаралық ұйымдар мен даму институттарының өкілдерін біріктіреді.Саммиттің басты назарында әлеуметтік инвестициялар, тұрақты бизнес-модельдер, халықаралық ынтымақтастық және әлеуметтік кәсіпорындарды дамытуға арналған жаңа мүмкіндіктер болады.Қатысушылар мен сарапшылар қатарында Еуропалық қайта құру және даму банкінің (ЕҚДБ), Дүниежүзілік банктің, БҰҰ Даму бағдарламасының (БҰҰДБ), халықаралық ұйымдар мен дипломатиялық миссиялардың өкілдері бар.Саммиттің басты оқиғаларының бірі «Үздік әлеуметтік кәсіпкер - 2026» республикалық байқауы жеңімпаздарын марапаттау рәсімі.Сондай-ақ саммит аясында:Ethnic Heritage Fair — әлеуметтік кәсіпкерлер өнімдерінің этно-жәрмеңкесі;Information Fair — қолдау және даму бағдарламаларының көрмесі;«Әлем айнасы» фотокөрмесі;панельдік сессиялар, кездесулер және халықаралық сарапшылардың қатысуымен пікірталастар өтеді. https://www.instagram.com/p/Dc4MpuRMFdM/Ақпарат көзі : https://www.gov.kz/memleket/entities/astana-uir/press/news/details/1287195?lang=ru

Қазақстан Республикасының Қаржы министрлігі Қытай қор нарығына жалпы сомасы 6,6 млрд юань болатын тәуелсіз (егеменді) панда-облигациялардың екінші шығарылымын сәтті орналастырды. Панда-облигациялар екі траншпен, атап айтқанда 1.82% жылдық мөлшерлемесіне сәйкес 5 млрд юань көлемінде 3 жылдық облигациялар және 1.95% жылдық  мөлшерлемесі бойынша 1,6 млрд юань көлемінде 5 жылдық облигациялар шығарылды.Қазақстан қытай нарығында аса жоғары кредиттік рейтингтері бар «А» санатындағы елдермен пара-пар шарттармен қаржыландыруды тарта білді. Инвесторлардың жоғары қызығушылығы елімізде жүргізіліп жатқан экономиканы әртараптандыру мен орнықты дамуды арттыруға бағытталған ауқымды реформалардың оң бағасын байқатып отыр.Бағалы қағаздардың шығарылымы S&P рейтинг агенттігінің Қазақстанның егеменді кредиттік рейтингін «Тұрақты» болжамға сәйкес «BBB-» деңгейінен «BBB» деңгейіне дейін көтерген соң орындалғанын айта кетейік. Бұл экономикалық өсімнің орнықты перспективалары мен мемлекеттік борыштың ІЖӨ-ге шаққанда 20,9% төмен екенін көрсетті. Осы ретте сыртқы мемлекеттік қарыз ІЖӨ-ге шаққанда 4,5% мөлшерінде екенін ескерсек, бұл әлемдегі ең төмен көрсеткіштердің бірі екенін айта кеткен орынды.Аталған шығарылым Қазақстан мен Қытай арасындағы мемлекетаралық қатынастарды одан әрі нығайту аясында өтті. Екі ел көшбасшылары ұстанған жүйелі саяси-экономикалық бағыт жан-жақты стратегиялық әріптестікті тереңдетуге, оның ішінде сауда-инвестициялық және қаржы салаларындағы байланысқа оң әсер етіп келеді. Қазақстандық эмитенттердің Қытай нарығына шығуы осы жолдың айқын дәлелі.Еліміздің халықаралық капитал нарықтарына қатысуын бірізді дамыту қаржыландыру көздерін кеңейтіп, займ портфелін әртараптандыруға және инвесторлардың алуан түрлі топтарына орнықты қолжетімділікті қалыптастыруға септігін тигізеді. ҚР Қаржы министрлігі әрмен қарай нарықтағы конъюнктураны және мемлекеттік қарызды тиімді басқару міндеттерін ескере отырып, мемлекеттік займ бағытында теңгерімді тәсілді ұстанатын болады. Үш және бесжылдық транштарды орналастыру Қазақстанның Қытай юаньдарындағы егеменді табысының ауытқуын одан әрі реттеуге әсер етіп, отандық квазимемлекеттік және корпоративті эмитенттердің кейінгі шығарылымдарына жол ашады.Осы орайда жоғарыда аталған шығарылымның басты ұйымдастырушысы China International Capital Corporation Limited (CICC) болғанын атап өткен жөн. Сондай-ақ бірлескен негізгі ұйымдастырушылардың қатарында China Construction Bank Limited (CCB), Chustrial and Commercial Bank of China Limited (ICBC), the Export-Import Bank of China және Bank of China Limited (BOC) бар. Мәміленің жергілікті менеджері Teniz Capital Investment Banking АҚ болды.  Ақпарат көзі : https://www.gov.kz/memleket/entities/minfin/press/news/details/1287189?lang=ru

Департамент государственных доходов по Акмолинской области напоминает, что 15 сентября 2026 года завершается срок сдачи декларации в рамках всеобщего декларирования!В первый год вхождения в систему всеобщего декларирования представляется Декларация об активах и обязательствах (форма 250.00). В последующие годы представляется Декларация о доходах и имуществе (форма 270.00).  Декларацию можно предоставить с помощью сервисов «Кабинет налогоплательщика» (knp.kgd.gov.kz), портал «электронного правительства» (egov.kz) и через мобильное приложение e-Salyq Аzamat, еGov mobile, а также мобильные приложения банков второго уровня  Halyk, Kaspi и др. Ақпарат көзі : https://www.gov.kz/memleket/entities/kgd-akmola/press/news/details/1287154?lang=ru

Астана, 2026 жылғы 7 қыркүйек – Қазақстан Республикасының Сыртқы істер министрі Мұхтар Тілеуберді Армения Республикасының Сыртқы істер министрі Арарат Мирзоянмен, Әзербайжан Республикасының Сыртқы істер министрі Джейхун Байрамовпен, Тәжікстан Республикасының Сыртқы істер министрі Сироджиддин Мухриддинмен, Түрікменстан Министрлер Кабинеті Төрағасының орынбасары, Сыртқы істер министрі Рашид Мередовпен және Өзбекстан Республикасының Сыртқы істер министрі Бахтиёр Саидовпен телефон арқылы сөйлесті.Сыртқы саяси ведомстволардың басшылары қазақстандық әріптесін Сыртқы істер министрі қызметіне тағайындалуымен құттықтап, алдағы қызметіне табыс тіледі. Сондай-ақ белсенді екіжақты өзара іс-қимыл мен сындарлы ынтымақтастықтың жалғасатынына сенім білдірді.Әңгімелесу барысында тараптар өңірлік және халықаралық күн тәртібіндегі өзекті мәселелерді, екіжақты қатынастардың жай-күйі мен перспективаларын, сондай-ақ көпжақты форматтар аясындағы өзара іс-қимылды талқылады.Саяси диалогты одан әрі нығайтуға, сауда-экономикалық және гуманитарлық ынтымақтастықты кеңейтуге, сондай-ақ қол жеткізілген уағдаластықтарды іс-жүзінде іске асыруға ерекше назар аударылды.Тараптар алдағы екіжақты және көпжақты іс-шаралардың кестесін де қарастырды.Ақпарат көзі : https://www.gov.kz/memleket/entities/mfa-dushanbe/press/news/details/1287168?lang=ru

Қазақстан Республикасы Қаржы министрлігінің Мемлекеттік кірістер комитеті салық төлеушілерге арналған цифрлық сервистерді дамыту бойынша жұмысты жалғастыруда.     Негізгі бағыттардың бірі – Салық төлеушінің кабинетінде активтер мен міндеттемелер туралы декларацияны (250.00-нысан), сондай-ақ кірістер мен мүлік туралы декларацияны (270.00-нысан) алдын ала толтыру тетігін енгізу. Негізгі мақсат – декларацияларды ұсыну процесін оңайлату.     Декларацияда есепті кезеңде мүлікті сатып алу және иеліктен шығару туралы мәліметтер автоматты түрде толтырылады.     Алдағы уақытта алдын ала қалыптастырылатын мәліметтер тізбесін кеңейту, оның ішінде кірістер туралы деректерді және декларацияны толтыруға қажетті өзге де мәліметтерді көрсету жоспарлануда.     Жеке тұлға қалыптастырылған мәліметтерді дербес тексереді, қажет болған жағдайда оларды толықтырады немесе түзетеді, содан кейін декларацияны растап, ұсынады.     Тетік «мемлекет қолда бар мәліметтерді ұсынады – азамат оларды тексеріп, растайды» қағидатына негізделген. Бұл декларацияны толтыруға жұмсалатын уақытты қысқартуға және техникалық қателердің орын алу ықтималдығын төмендетуге мүмкіндік береді.      2025 жылға кірістер мен мүлік туралы декларацияны (270.00-нысан) ұсыну мерзімі 2026 жылғы 15 қыркүйекте аяқталатынын еске саламыз. Аталған декларацияны жеке тұлға [Салық төлеушінің кабинетінде](https://knp.kgd.gov.kz?utm_source=chatgpt.com) ұсына алады.     - 2025 жыл үшін декларация ұсыну міндеті жекелеген санаттағы жеке тұлғаларға, оның ішінде:мемлекеттік қызметшілерге және оларға теңестірілген адамдарға, сондай-ақ олардың жұбайына;    - банктердің, бағалы қағаздар нарығының және сақтандыру ұйымдарының ірі қатысушыларына және олардың жұбайына;    - жарғылық капиталдағы үлесі 10 пайыздан астам заңды тұлғалардың басшылары мен құрылтайшыларына (қатысушыларына);    -  жеке практикамен айналысатын адамдарға;    - дербес салық салуға жататын кірістер алған адамдарға;    - шетелдік банктердегі шоттарында 1000 АЕК-тен асатын ақша қаражаты бар адамдарға;   - цифрлық активтері бар адамдарға;      2025 жылы Қазақстан Республикасының аумағында, сондай-ақ одан тыс жерлерде жалпы құны 20 000 АЕК-тен асатын мүлік сатып алған адамдарға қолданылады.Ақпарат көзі : https://www.gov.kz/memleket/entities/kgd-almaty/press/news/details/1287133?lang=ru

2026 жылғы 4 қыркүйекте Қазақстан Республикасы Қаржы министрлігінің Ішкі мемлекеттік аудит комитеті орталық және жергілікті атқарушы органдардың, сондай-ақ Қазақстан Республикасы Ішкі істер министрлігі полиция департаменттерінің ішкі аудит қызметтерінің басшылары мен қызметкерлерінің қатысуымен семинар-кеңес өткізді.Іс-шара барысында ішкі аудит қызметтерінің қызметін ұйымдастырудың өзекті мәселелері талқыланып, практикалық тәжірибе алмасу, аудиторлық іс-шараларды жүргізудің бірыңғай тәсілдерін қалыптастыру мәселелеріне назар аударылды.Семинар аясында ішкі аудит қызметтерінің 2026 жылғы қызметінің қорытындылары қаралды. Атап айтқанда, аудит материалдарының сапасын бақылауды жүргізу және ішкі аудит қызметтерінің жұмыс тиімділігін арттыру мәселелері талқыланды.Талқылаудың жеке блогы мемлекеттік аудит саласындағы нормативтік құқықтық актілерге енгізілген өзгерістерге арналды. Қатысушыларға негізгі жаңашылдықтар мен оларды практикалық қызметте қолдану ерекшеліктері түсіндірілді.Сонымен қатар, Қазақстан Республикасы Қаржы министрлігінің Электрондық қаржы орталығының мамандары электрондық аудит жүргізудің техникалық аспектілерін кеңінен таныстырды.Семинар барысында Комитет өкілдері қатысушылардың сұрақтарына жауап беріп, ішкі мемлекеттік аудитті ұйымдастырудың, сондай-ақ ішкі аудит қызметтерінің қызметінде туындайтын практикалық мәселелерін талқылады.Мұндай іс-шараларды өткізу ішкі аудит қызметтері қызметкерлерінің кәсіби әлеуетін арттыруға, тәсілдердің бірізділігін қамтамасыз етуге және ішкі мемлекеттік аудит жүйесін одан әрі жетілдіруге ықпал етеді.Ақпарат көзі : https://www.gov.kz/memleket/entities/kvga/press/news/details/1287054?lang=ru

Каспий теңізінің акваториясындағы әскери-теңіз күштерінің әртүрлі кемелер дивизионы базасында Ақтау гарнизонының арнайы бөлімшелері арасында Aktau water challenge-2026 жарысы өтті. Он кезеңнен тұратын сайысты ҚР Қарулы күштерінің Арнайы операциялар күштері ұйымдастырды. Оған Корғаныс министрлігі, ІІМ және ҰҚК Шекара қызметінің 8 командасы құрамында жүзден астам әскери қызметші қатысты. Бағдарламада бес метрлік биіктіктегі пирстен секіру, 100 метрге жүзу, туннельді, эстакаданы, понтондарды, торлы қабырғаларды еңсеру және су үстіндегі арнайы тапсырмаларды орындаудың шынайы жағдайларына барынша жақындатылған басқа да кедергілер қамтылды. Жарысқа тәжірибелі жауынгерлермен қатар мерзімді қызметтегі әскери қызметшілер де бақ сынады. Сайыстан алған әсерімен Теңіз жаяу әскері бригадасында бес айға жуық қызмет еткен «Морпех» командасының мүшесі кіші сержант Темірлан Құмаров бөлісті.– Біздің команда үшінші орынды иеленді, бұл өте жақсы нәтиже деп есептеймін. Жарысқа мұқият дайындалдық. Мен үшін ең қиыны бес метрлік биіктіктегі пирстен секіру болды. Жарыстың алты минуты тұтас бір сағаттай сезілді. 100 метрді уақытқа жүзіп өту және барлық су үсті кедергілерін еңсеру де оңай болған жоқ. Ұйымдастырушыларға осы сынақтан өтіп, өз күшімізді тексеруге мүмкіндік бергені үшін алғыс айтқым келеді, – деді ол.Жарыс қорытындысы бойынша бірінші орынды Арнайы операциялар күштерінің Jaubasar командасы иеленді. Екінші орынды Әскери-теңіз күштерінің диверсияға қарсы күштер мен құралдар ротасының құрамасы қанжығасына байлады. Үшінші орынды Теңіз жаяу әскері бригадасының «Морпех» командасы мен Ішкі істер министрлігінің «Барыс» командасы өзара бөлісті.Арнайы бөлімшелер жауынгерлерінің кәсіби даярлық деңгейін арттыруға және іс-қимыл дағдыларын жетілдіруге бағытталған аталмыш іс-шара жоғары деңгейде өтті. Сайыс жеңімпаздары кубоктармен марапатталып, барлық қатысушыларға грамоталар мен бағалы сыйлықтар табыс етілді.Aktau water challenge-2026 ұйымдастырушылары жарысты жыл сайын өткізіп, көптеген командаларды шақыруды және қатысушыларға қойылатын талаптарды күшейтуді жоспарлап отыр. Сондай-ақ сынақтан өту шарты жетілдіріліп, нысанаға оқ ату кезеңдері қосылатын болады.Ақпарат көзі : https://www.gov.kz/memleket/entities/mod/press/news/details/1287034?lang=ru