Қызылорда облысы Қазалы ауданының Қожабақы ауылында жаңа дене шынықтыру-сауықтыру кешенінің салтанатты ашылу рәсімі өтті.Заманауи талаптарға сай салынған спорт кешені ауыл тұрғындарының бұқаралық спортпен тұрақты айналысуына, жастардың бос уақытын тиімді ұйымдастыруына және түрлі деңгейдегі спорттық іс-шаралар мен жарыстарды өткізуге мүмкіндік береді.Жаңа нысан өңірде спорт инфрақұрылымын дамытуға және салауатты өмір салтын насихаттауға бағытталған мемлекеттік саясаттың нақты нәтижесі болып табылады. Сондай-ақ, бұл кешен жас спортшылардың шеберлігін шыңдап, олардың болашақтағы спорттық жетістіктеріне жол ашатын маңызды орталыққа айналмақ.Спорт кешенінің пайдалануға берілуі ауыл тұрғындарының өмір сүру сапасын арттыруға, бұқаралық спортты дамытуға және өскелең ұрпақтың денсаулығын нығайтуға өз үлесін қосады.Ақпарат көзі : https://www.gov.kz/memleket/entities/kyzylorda-kazaly-qyzylqym/press/news/details/1263579?lang=ru

Қазалы ауданында жаңа спорт кешені ашылдыАқпарат көзі : https://www.gov.kz/memleket/entities/kyzylorda-kazaly-alga/press/news/details/1263573?lang=ru

2026 жылғы 29 шілде мен 9 тамыз аралығында Астанада Samruk-Kazyna қолдауымен «Болашақ Ойындары 2026» (GOTF 2026) өтеді. Бұл халықаралық мультиспорттық турнир бірегей «фиджитал» жарыс форматы арқылы киберспортты, дәстүрлі спортты және озық технологияларды басын біріктіреді.Сегіз ресми дисциплина бойынша 50-ден астам ұлттың өкілі болып табылатын 800-ден астам спортшы бақ сынайды. Фиджитал жарыстары цифрлық және физикалық кезеңдерді ұштастырады: қатысушылар алдымен виртуалды ортада бәсекеге түсіп, кейін сайысты футбол алаңдары, баскетбол корттары, жекпе-жек рингтері мен би сахналары сияқты шынайы спорттық ареналарда жалғастырады. Түпкілікті нәтиже спортшылардың қос кезеңдегі жиынтық көрсеткіштері бойынша анықталады.Жарыс бағдарламасы:Phygital Basketball Presented by Halyk Fund: 29 шілде - 3 тамызBattle Royale: PUBG BATTLEGROUNDS Presented by Alatau City Bank: 31 шілде - 2 тамызMOBA PC Dota 2 Presented by CenterCredit: 2-5 тамызPhygital Shooter CS 2 Presented by Yandex GO: 4-8 тамызPhygital Football UFL Presented by Samruk-Kazyna: 4-9 тамызMOBA Mobile MLBB Presented by FREEDOM: 6-9 тамызPhygital Dancing Presented by Solidcore Resources: 6-7 тамызPhygital Fighting Presented by Kazzinc: 8 тамызҚатысушылар арасында  әлемдік спорт пен киберспорттың танымал өкілдері бар, соның ішінде Team Spirit, T1, Team Falcons, Boca Juniors, Valencia Basket, LGD.Pinghu және NOVAQ.Қазақстан атынан турнирге барлық сегіз дисциплина бойынша командалар мен спортшылар қатысады, олардың қатарында ACF x Allur, UEL Team, GTB KZ, PBC Astana, Future Nomads, Rune Eaters, DIGA Esports, NOVAQ, TeamKZ және Гүлназ Аманғали бар.29 шілдеде Қазақстан уақытымен сағат 17:00-де өтетін ашылу салтанатының тікелей көрсетілімін «Жібек жолы», Qazsport және «Хабар» телеарналары көрсетеді. Сондай-ақ трансляция GOTF Astana 2026 Powered by Samruk-Kazyna ресми YouTube-арнасында және Phygital+ платформасында қолжетімді болады, соның арқасында турнирдің ашылуын Қазақстандағы және шетелдегі көрермендер тамашалай алады.Ашылу салтанатының бағдарламасында - AI-графика, ауқымды LED-инсталляциялар, лазерлік және жарық эффектілері, роботтандырылған элементтер және әсерлі сахналық қойылым бар.Жарыстар елорданың төрт негізгі спорт нысанында өтеді:«Qazaqstan» жеңіл атлетика спорт кешеніЖақсылық Үшкемпіров атындағы Жекпе-жек сарайы«Beeline Arena» Ұлттық теннис орталығы«Барыс Арена» көпфункциялы мұз айдыны сарайыБилеттер ресми оператор Freedom Ticketon және Freedom SuperApp мобильді қосымшасы арқылы сатылады.БАҚ үшін байланыс деректері:Есбол Айлана – «Қазспортинвест» АҚ баспасөз хатшысыE-mail: pr@kazsportinvest.kzАқпарат көзі : https://www.gov.kz/memleket/entities/mfa-addis-ababa/press/news/details/1264225?lang=ru

Салықтың, бюджетке төленетін төлемнің (есепке жатқызуға жатпайтын салықтар мен бюджетке төленетін төлемді қоспағанда) және өсімпұлдың төленген және (немесе) артық төленген сомасын есепке жатқызуды салық органы ұлттық валютада: 1) салық төлеушінің салықтық өтінішінсіз;  2) салық төлеушінің салықтық өтініші негізінде жүргізеді. Салықтың, бюджетке төленетін төлем мен өсімпұлдың артық төленген сомасын есепке жатқызу салық төлеушінің салықтық өтінішінсіз мынадай реттілікпен:1) артық төленген сома түзілген және төлеу мерзімі басталған салықтар мен бюджетке төленетін  төлемдердің есептелген, есепке жазылған сомаларын төлеу;2) мынадай:артық төленген сома түзілген салық, бюджетке төленетін төлем түрі бойынша;салықтардың, бюджетке төленетін төлемдердің өзге де түрлері бойынша бересіні өтеу;3) осы тармақтың 2) тармақшасында көзделген реттілікпен салықтар, бюджетке төленетін төлемдер бойынша өсімпұлды өтеу;4) осы тармақтың 2) тармақшасында көзделген реттілікпен салықтар, бюджетке төленетін төлемдер бойынша айыппұлды өтеу есебіне жүргізіледі.  Ақпарат көзі : https://www.gov.kz/memleket/entities/kgd-astana/press/news/details/1263509?lang=ru

Тұтынушылар мен кәсіпкерлік субъектілерінің құқықтық сауаттылығын арттыру мақсатында фискалдық чек пен тауарлық чек әртүрлі құжаттар болып табылатынын және олардың құқықтық мәні әртүрлі екенін еске саламыз.✅ Фискалдық чек бақылау-касса машинасын (БКМ) қолдану арқылы қалыптастырылады және ақшалай есеп айырысудың тіркелгенін растайды. Құжатта міндетті деректемелер, оның ішінде фискалдық белгі мен QR-код қамтылады, ал жасалған сату туралы мәліметтер мемлекеттік кіріс органдарының ақпараттық жүйелеріне жіберіледі.🧾 Тауарлық чек сатып алынған тауарлар (жұмыстар, көрсетілген қызметтер) туралы ақпаратты қамтиды, алайда онда фискалдық белгі болмайды және ол БКМ-де ақшалай есеп айырысудың тіркелгенін растамайды. БКМ қолдану міндетті болып табылатын жағдайларда тауарлық чек фискалдық чектің орнын алмастырмайды және тек қосымша құжат ретінде ғана берілуі мүмкін.❗ Назар аударыңыз: БКМ қолдану міндетті болған жағдайда ақшалай есеп айырысу кезінде сатушының сатып алушыға фискалдық чек беруі міндетті. Фискалдық чек есеп айырысудың заңнама талаптарына сәйкес жүргізілгенін растайды.Ақпарат көзі : https://www.gov.kz/memleket/entities/kgd-karaganda/press/news/details/1263490?lang=ru

#Құрылтай #Сайлау2026 #23тамыз #Қазақстан #Парламент #Құрылтай2026 #СаясиРеформа #Сайлау #ҚазақстанЖаңалықтары

2026 жылғы 24 шілдеде Шығыс Қазақстан облысы бойынша Мемлекеттік кірістер департаментінде (бұдан әрі – Департамент) Қазақстан Республикасының жаңа Конституциясы мен «Қазақстан Республикасының мемлекеттік қызметі туралы» жаңа Заңының негізгі ережелерін түсіндіруге арналған семинар өтті.Іс-шара Департамент басшысының орынбасары Қазыбек Қойшиновтың төрағалығымен өтті. Семинарға Департаменттің мемлекеттік қызметшілері қатысты.«Қазақстан Республикасының мемлекеттік қызметі туралы» жаңа Заңды іске асыру мәселелері бойынша Қазақстан Республикасы Мемлекеттік қызмет істері агенттігінің Шығыс Қазақстан облысы бойынша департаментінің басшысы, Әдеп жөніндегі кеңестің Төрағасы Ержан Айқымбеков баяндама жасады. Ол заңнамадағы негізгі жаңашылдықтарды, оларды іске асыру тетіктерін және мемлекеттік қызметті жетілдіруге бағытталған реформалардың маңызын жан-жақты түсіндірді.Сонымен қатар, Ержан Айқымбеков Мемлекеттік қызметті дамытудың 2024 – 2029 жылдарға арналған тұжырымдамасының негізгі бағыттарына, мемлекеттік қызметкерлердің клиентке бағдарланған қызмет көрсету қағидаттарына, конкурстық іріктеу рәсімдерін жетілдіруге, мемлекеттік қызметтің тартымдылығын арттыруға, әлеуметтік кепілдіктерді күшейтуге, тәртіптік практикаға, құқық бұзушылықтардың алдын алу және сыбайлас жемқорлыққа қарсы іс-қимыл мәселелеріне тоқталды.Қазақстан Республикасының жаңа Конституциясының негізгі ережелері туралы «ШҚО Талдау және болжау институты» ЖШС директоры, Шығыс Қазақстан облысының Қоғамдық кеңесінің Төрағасы Аяужан Әшімова баяндады. Ол қатысушыларды конституциялық өзгерістердің мазмұнымен, олардың мемлекеттік басқаруды жетілдірудегі, қоғамның дамуы мен елдің болашағы үшін маңызымен таныстырды.Семинар барысында 2026 жылғы 15 наурызда республикалық референдумда қабылданып, 2026 жылғы 1 шілдеден бастап күшіне енген Қазақстан Республикасының жаңа Конституциясы мемлекеттік басқару жүйесін одан әрі жетілдіруге, азаматтардың құқықтары мен бостандықтарының кепілдіктерін нығайтуға, сондай-ақ мемлекеттің демократиялық және әлеуметтік қағидаттарын одан әрі дамытуға бағытталғаны атап өтілді.Семинар соңында сұрақ-жауап сессиясы ұйымдастырылды. Қатысушылар жаңа Заңның нормаларын іс жүзінде қолдану және жаңа Конституцияның негізгі ережелеріне қатысты өздерін қызықтырған сұрақтарын қойып, мамандар тарапынан жан-жақты түсіндірмелер алды.Өткізілген семинар мемлекеттік қызметшілердің конституциялық негіздер, құқықтары мен міндеттері жөніндегі білімдерін кеңейтуге, сондай-ақ елімізде жүзеге асырылып жатқан құқықтық реформалардың мәні мен маңызын тереңірек түсінуге ықпал етті.Ақпарат көзі : https://www.gov.kz/memleket/entities/kgd-vko/press/news/details/1263481?lang=ru

#Курултай #Выборы2026 #23августа #Казахстан #Парламент #Выборы #ПолитическиеПартии #НовостиКазахстана

2026 жылғы 24 шілдеде Астана қаласында гибридті форматта «Қазақстан Республикасында Орхус конвенциясының қағидаттарын іске асыру» тақырыбында жыл сайынғы дөңгелек үстел өтті. Іс-шара ЕҚЫҰ-ның Астанадағы бағдарламалар кеңсесінің қолдауымен Қазақстан Республикасы Экология және табиғи ресурстар министрлігі мен «Қоршаған ортаны қорғаудың ақпараттық-талдау орталығы» ШЖҚ РМК бірлесіп ұйымдастырды.Дөңгелек үстел жұмысына Қазақстан Республикасы Экология және табиғи ресурстар министрлігінің, Қазақстан Республикасы Жоғарғы Сотының, «Қазақстанның экологиялық ұйымдарының қауымдастығы» заңды тұлғалар бірлестігінің, өңірлік Орхус орталықтарының, үкіметтік емес және халықаралық ұйымдардың өкілдері, сондай-ақ тәуелсіз сарапшылар қатысты.Іс-шараның бірінші сессиясы Орхус конвенциясының қағидаттарын іске асыруда жұртшылықтың қатысуы мен сот төрелігіне қол жеткізу мәселелеріне арналды. Сессия барысында өңірлік Орхус орталықтары мен үкіметтік емес ұйымдардың өкілдері қоғамдық қатысуды қамтамасыз ету және азаматтардың экологиялық құқықтарын қорғау тетіктерін жетілдіру мәселелері бойынша өз тәжірибелерімен бөлісіп, бірқатар өзекті мәселелер мен ұсыныстарды ортаға салды.Екінші сессия экологиялық ақпаратқа қол жеткізу және оны заманауи цифрлық құралдарды пайдалана отырып тарату мәселелеріне арналды. Сессия барысында Қазақстан Республикасы Экология және табиғи ресурстар министрлігінің «Қоршаған ортаны қорғаудың ақпараттық-талдау орталығы» ШЖҚ РМК-ның өкілдері экологиялық ақпаратты жинауды, жүйелеуді және таратуды қамтамасыз ететін цифрлық жүйені таныстырды. «Қазақстан Ғарыш Сапары» ұлттық компаниясы» акционерлік қоғамының өкілдері ғарыштық мониторингтің мүмкіндіктерімен таныстырып, оның қоршаған ортаның жай-күйін бақылау және өзекті экологиялық ақпарат алу үшін қолданылуын көрсетті.Іс-шара қорытындысы бойынша экологиялық ақпаратқа қол жеткізу жүйесін одан әрі дамытуға, жұртшылықтың экологиялық маңызы бар шешімдерді қабылдау процесіне қатысуын кеңейтуге, сондай-ақ мемлекеттік органдар, Орхус орталықтары, үкіметтік емес ұйымдар мен жұртшылық арасындағы өзара іс-қимылды нығайтуға бағытталған ұсынымдарды қамтитын хаттамалық шешім қабылданды.Ақпарат көзі : https://www.gov.kz/memleket/entities/ecogeo/press/news/details/1263473?lang=ru

Чолпон-Ата, 2026 жылғы 23 шілде - Шанхай ынтымақтастық ұйымына мүше мемлекеттердің сыртқы істер министрлері кеңесінің отырысы аясында Қазақстан Республикасының Сыртқы істер министрі Ермек Кошербаев Қытай Компартиясы Орталық Комитеті Саяси бюросының мүшесі, Қытай Халық Республикасының Сыртқы істер министрі Ван И, Пәкістан Ислам Республикасы Премьер-Министрінің орынбасары – Сыртқы істер министрі Мұхаммад Исхак Дар және Өзбекстан Республикасының Сыртқы істер министрі Бахтиёр Саидовпен екіжақты кездесулер өткізді.Кездесулердің күн тәртібі стратегиялық серіктестікті нығайту мен сауда-экономикалық байланыстарды кеңейтуден бастап өзекті халықаралық мәселелер бойынша тәсілдерді үйлестіруге дейінгі екіжақты ынтымақтастықтың негізгі мәселелерін қамтыды.Ван Имен өткізілген келіссөздер барысында ерекше назар осы жылдың 15-17 шілдесінде Қытай Халық Республикасында (Шанхай қаласына) Жасанды интеллект жөніндегі дүниежүзілік конференцияға Мемлекет басшысының жасаған жұмыс сапарының қорытындыларына, сондай-ақ жоғары деңгейдегі келіссөздер барысында қол жеткізілген уағдаластықтарға аударылды.Мұхаммад Исхак Дармен кездесуде тараптар белсенді саяси диалог пен сауда-экономикалық ынтымақтастықтың серпінді дамуын оң бағалады. Бірлескен жобаларды іске асыруға, көлік-логистикалық байланысты дамытуға және өзара тауар айналымын 1 млрд АҚШ долларына дейін ұлғайту мақсатына ерекше назар аударылды. Қазақстан тарапы Қазақстан Республикасының Президенті Қасым-Жомарт Тоқаевтың су ресурстарын тұрақты басқару саласындағы ынтымақтастықты нығайтуға арналған Халықаралық су ұйымын құру бастамасын қолдағаны үшін Пәкістанға алғысын білдірді.Өзбекстан Республикасының Сыртқы істер министрі Бахтиёр Саидовпен әңгіме барысында сыртқы саясат ведомстволарының басшылары екіжақты ынтымақтастықты одан әрі дамыту перспективаларын талқылап, өңірлік және халықаралық күн тәртібінің өзекті мәселелері бойынша пікір алмасты. Жоғары және биік деңгейдегі сапарлардың қорытындылары бойынша қол жеткізілген уағдаластықтарды іс жүзінде іске асыруға ерекше назар аударылды.Тараптар сондай-ақ БҰҰ, ШЫҰ, ИЫҰ және АӨСШК шеңберінде одан әрі ынтымақтасуға, сондай-ақ халықаралық бастамаларды өзара қолдауға дайын екендіктерін растады.Ақпарат көзі : https://www.gov.kz/memleket/entities/mfa/press/news/details/1263470?lang=ru

#Құрылтай #Сайлау2026 #23тамыз #Қазақстан #Парламент #Құрылтай2026 #СаясиРеформа #Сайлау #ҚазақстанЖаңалықтары

🔹 Шымкентте әкімшілік рақымшылықты жүзеге асыру қорытындылары шығарылдыҚазақстан Республикасы жаңа Конституциясының қабылдануына орай қабылданған Рақымшылық туралы заңға сәйкес, жеке тұлғалардың Заң қолданысқа енгізілген күнге (02.07.2026ж.) дейін төленбеген әкімшілік айыппұлдары есептен шығарылды.Рақымшылық – бір реттік ізгілік шарасы болып табылады және болашақта жасалатын құқық бұзушылықтар үшін жауапкершіліктен босатпайды.Сонымен қатар, заңның ережелері соттар қарайтын құқық бұзушылықтарға, сондай-ақ заңнамада тікелей көрсетілген өзге де санаттарға қолданылмайды.Шымкент қаласында әкімшілік жазаларды орындау 106,9 мың іс бойынша 55 мыңнан астам азаматқа қатысты тоқтатылды.Күші жойылған әкімшілік айыппұлдардың жалпы сомасы 1,9 млрд теңгеден асты.Рақымшылықты іске асыру прокуратура органдарының мемлекеттік органдармен өзара іс-қимылы нәтижесінде қамтамасыз етілді. Ақпараттық жүйелердің интеграциясы мен мемлекеттік қызметтердің цифрландырылуының нәтижесінде барлық қажетті рәсімдер азаматтардың қатысуынсыз жүзеге асырылды.Рақымшылықты қолдану үшін азаматтарға мемлекеттік органдарға жүгіну, өтініш беру немесе қосымша құжаттар ұсыну талап етілмеді.Мемлекеттік органдардың үйлесімді жұмысының нәтижесінде заңның талаптары қысқа мерзімде іске асырылып, қолданыстағы заңнама аясында азаматтардың құқықтарының сақталуы қамтамасыз етілді.  Шымкент қаласының прокуратурасы

Алматы, 2026 жылғы 24 шілде — М. Тынышбаев атындағы ALT Университетінде жасанды интеллект, цифрлық технологиялар мен креативті индустрияларды тоғыстырған халықаралық білім беру апталығы — ACT Creative Tech Week 2026 ресми түрде ашылды. Салтанатты іс-шараға Корея Республикасының Алматы қаласындағы Бас консулы Ха Тэ Ук, ALT Университетінің, «Диалог» аудармашылар одағының, Almaty Creative, Алматы туризм бюросының, шетелдік білім беру және технологиялық компаниялардың өкілдері, сондай-ақ сарапшылар мен жоба қатысушылары қатысты.ACT Creative Tech Week 2026 қатысушыларды әлемдік креативті және технологиялық индустрияда қолданылып жүрген заманауи тәжірибелер мен технологиялармен таныстырады. Бағдарлама вебтундар жасаудан, кино, анимация және жарнама салаларында жасанды интеллектті қолданудан бастап, өндірісті цифрлық трансформациялау мен бағдарламалау дағдыларын қажет етпейтін шешімдерді әзірлеуге дейінгі бағыттарды қамтиды. ACT Creative Tech Week білім беру апталығы 2026 жылғы мамырда ALT Университетінің базасында «Диалог» аудармашылар одағымен бірлесіп ашылған Креативті технологиялар академиясының (ACT) алғашқы ірі халықаралық жобаларының бірі. Академия жасанды интеллект, IT және креативті индустриялар тоғысындағы мамандарды даярлауға, заманауи технологиялармен тәжірибелік жұмыс жүргізуге және халықаралық салалық сарапшыларды тартуға бағытталған.Креативті индустрияларды дамыту қазіргі экономиканың перспективалы бағыттарының біріне айналып келеді. Шығармашылық, технология және кәсіпкерлік тоғысында жаңа мамандықтар, өнімдер мен бизнес-модельдер қалыптасуда, ал жасанды интеллект пен цифрлық құралдар контент жасау және зияткерлік меншікті дамыту тәсілдерін өзгертуде. Ресми ашылу салтанатында М. Тынышбаев атындағы ALT Университеті Директорлар кеңесінің төрағасы Арслан Серіктегі ACT Creative Tech Week өткізу Қазақстан мен Корея Республикасы арасындағы білім, ғылым, инновациялар және жаңа технологиялар салаларындағы ынтымақтастықты жүйелі түрде дамыту жұмысының жалғасы екенін атап өтті. «Қазақстан Республикасы мен Корея Республикасын көпжылдық достық әрі өзара тиімді қарым-қатынастар байланыстырады. Екі ел арасындағы ынтымақтастық экономика, ғылым, білім, инновациялар, мәдениет және жоғары технологиялар салаларында жүйелі түрде дамып келеді. Бірлескен жобалар адами капиталды дамытуға және халықтарымыз арасындағы гуманитарлық байланыстарды нығайтуға ықпал етеді», — деп атап өтті Арслан Серіктегі.Корея Республикасының Алматы қаласындағы Бас консулы Ха Тэ Ук екіжақты ынтымақтастықты дамытудағы технологиялық және креативті бағыттардың рөлі артып келе жатқанын атап өтті. «Бүгінде жасанды интеллект, өндірістің цифрлық трансформациясы, креативті индустриялар және цифрлық контент сияқты бағыттар ерекше маңызға ие болып отыр. Дәл осы салалар корей-қазақстандық ынтымақтастықтың жаңа қозғаушы күшіне айналып, екіжақты қарым-қатынастарды сапалы жаңа деңгейге көтере алады», — деді Ха Тэ Ук.Бас консулдың айтуынша, жастардың осындай білім беру бастамаларына қатысуы ерекше маңызға ие. Алынған білім, кәсіби байланыстар мен бірлескен жобалар Қазақстан мен Корея Республикасы арасындағы ынтымақтастықты одан әрі дамытудың берік негізіне айналуы мүмкін.ACT Creative Tech Week 2026 бағдарламасы төрт бағытты қамтиды: Visual Storytelling and Webtoon, кино, анимация және жарнамадағы AI Production, Smart Factory & Manufacturing DX және No-Code AI Technologies. Қатысушылармен Корея Республикасы мен ТМД елдерінің вебтундар және зияткерлік меншік, жасанды интеллект, Smart Factory, цифрлық өндіріс және No-Code технологиялары саласындағы мамандары жұмыс істейді.Ресми іс-шараның маңызды қорытындыларының бірі ALT Университеті мен Корея Республикасының YLAB Academy, Yumong Co., Ltd. және Smart Maker Platform ұйымдары арасында ынтымақтастық туралы үш меморандумға қол қойылуы болды.Келісімдер бірлескен білім беру бастамаларын дамытуға, тәжірибе мен сараптамалық білім алмасуға, заманауи цифрлық технологияларды енгізуге және креативті индустриялар саласындағы жобаларды жүзеге асыруға негіз қалайды. Бұл келісімдер ALT Университетінің Оңтүстік Кореяның білім беру және технологиялық ұйымдарымен ынтымақтастығын одан әрі кеңейтуге мүмкіндік береді.Ашылу салтанаты мен меморандумдарға қол қою рәсімінен кейін Корея Республикасының Бас консулы Ха Тэ Ук пен қонақтарға ALT Университеті бойынша кампус-тур ұйымдастырылды. Делегация мүшелеріне университеттің материалдық-техникалық базасы, оқу және зертханалық кеңістіктері, заманауи жабдықтары, сондай-ақ білім беру, ғылыми және технологиялық жобаларды іске асыруға арналған инфрақұрылымы таныстырылды.  

2026 жылғы 23–24 шілде күндері Астана қаласында (Sheraton қонақ үйі) Қазақстан Республикасы Экология және табиғи ресурстар министрлігінің «Қоршаған ортаны қорғаудың ақпараттық-талдау орталығы» ШЖҚ РМК Қазақстан Республикасы Экология және «Жасыл Академия» ғылыми-білім беру орталығымен бірлесіп «Стратегиялық экологиялық бағалау: халықаралық тәжірибе, нормативтік негіздер және Қазақстан Республикасында қолдану практикасы» атты семинар-тренинг ұйымдастырып, өткізді.Іс-шара Қазақстан Республикасы Экологиялық кодексінің 51-бабын іске асыру шеңберінде ұйымдастырылып, стратегиялық экологиялық бағалау (СЭБ) саласындағы мемлекеттік органдар мамандарының, стратегиялық құжаттар мен бас жоспарларды әзірлеушілердің, бизнес және сарапшылық қоғамдастық өкілдерінің кәсіби құзыреттерін арттыруға бағытталды.Семинар барысында қатысушылар СЭБ-ті қолданудың халықаралық тәжірибесін, оны Қазақстанда жүргізудің нормативтік-құқықтық негіздерін, бағалау кезеңдері мен рәсімдерін, аумақтарды жоспарлау кезінде халық денсаулығы факторларын ескеру мәселелерін, сондай-ақ қоғамдық талқылаулар мен консультацияларды өткізу тетіктерін қарастырды.Іс-шараның ашылуында Қазақстан Республикасы Экология және табиғи ресурстар министрлігі Экологиялық мәдениет және саясат департаментінің директоры Даулет Есмағамбетов пен «Қоршаған ортаны қорғаудың ақпараттық-талдау орталығы» ШЖҚ РМК бас директоры Асхат Сұлтанбекович Кожумов қатысушыларға кіріспе сөз сөйлеп, стратегиялық экологиялық бағалауды орнықты дамуды қамтамасыз етудің және экологиялық тұрғыдан негізделген шешімдер қабылдаудың маңызды құралы ретінде қолданудың маңызын атап өтті.Семинардың модераторы – экономика ғылымдарының докторы, профессор, «Жасыл Академия» ғылыми-білім беру орталығының директоры Бахыт Есекина.Семинар жұмысына спикерлер мен сарапшылар ретінде мыналар қатысты:* Бахыт Есекина – «Жасыл Академия» ҒБО директоры;* Жанар Тюлюбаева – Қазақстан Республикасы Денсаулық сақтау министрлігінің «Қоғамдық денсаулық сақтау ұлттық орталығы» ШЖҚ РМК Гигиена және денсаулықты қорғау департаментінің директоры;* Ербол Оразбеков – Еуропалық Одақтың SWITCH-Asia жобасының ұлттық сарапшысы;* Балжан Жартыбаева – Қазақстан Республикасы Экология және табиғи ресурстар министрлігінің Экологиялық мәдениет және саясат департаментінің өкілі.Семинар бағдарламасы теориялық және практикалық сабақтарды қамтыды. Ерекше назар стратегиялық экологиялық бағалау рәсімесін практикалық тұрғыдан қолдану мәселелеріне аударылды. Қатысушылар СЭБ жүргізудің кезеңдік алгоритмімен танысып, практикалық кейстерді талқылап, оны Қазақстанда енгізудің өзекті мәселелерін қарастырды.Семинарға жергілікті атқарушы органдардың өкілдері, бас жоспарлар мен стратегиялық құжаттарды әзірлеушілер, бизнес және үкіметтік емес ұйымдардың өкілдері қатысты.Оқыту қорытындысы бойынша қатысушыларға семинардан өткені туралы атаулы сертификаттар табысталды. ‎📧 seminar.iac@iacoos.kz  info@green-academy.kz 🌐 https://iacoos.kz  www.green-academy.kz Ақпарат көзі : https://www.gov.kz/memleket/entities/ecogeo/press/news/details/1263380?lang=ru

 2026 жылғы 1 шілдеден бастап Қазақстанда мемлекеттік қызмет жүйесін кешенді жаңғыртуды көздейтін "Мемлекеттік қызмет туралы" Қазақстан Республикасының жаңа Заңы қолданылады. Азаматтарды мемлекеттік қызметке ерте кәсіби даярлау түбегейлі жаңа бағыттардың бірі болды.Егер бұрын болашақ мемлекеттік қызметшілерді даярлау негізінен жоғары оқу орындарын бітіргеннен кейін басталған болса, енді мемлекет жастарды оқыту кезеңінде де кәсіби құзыреттіліктерді қалыптастыру үшін жағдай жасайды.Инновацияның басты мақсаты - мемлекеттік қызметті саналы түрде таңдайтын, қажетті білімге ие, мемлекеттік басқару қағидаттарын түсінетін және қоғамның игілігі үшін тиімді жұмыс істеуге дайын жас мамандарды қалыптастыру.Ерте кәсіптік даярлық мемлекеттік басқару, заңнама, мемлекеттік қызмет жүйесі туралы базалық білімді, сондай-ақ мемлекеттік қызметшіге қажетті кәсіптік және жеке құзыреттерді дамытуға бағытталған оқытуды көздейді. Клиентке бағдарлануды, жоғары құқықтық мәдениетті, жауапкершілікті, көшбасшылық қасиеттерді, топтық жұмыс дағдыларын қалыптастыруға және мемлекеттік қызмет қағидаттарын сақтауға ерекше назар аударылады.Бұл жұмыс ең алдымен жоғары сынып оқушыларына, колледждер мен жоғары оқу орындарының студенттеріне бағытталған. Жастар мемлекеттік қызметтің ерекшеліктерімен, мемлекеттік қызметшілерге қойылатын талаптармен, кәсіби даму перспективаларымен және кадрларды іріктеудің заманауи цифрлық құралдарымен алдын ала танысуға мүмкіндік алады.Жаңа Заң мемлекеттің кадрлық әлеуетін қалыптастырудың заманауи тәсіліне көшуді көрсетеді. Бүгінгі таңда мемлекеттік қызмет тек жұмыс орны ретінде ғана емес, сонымен қатар құзыреттілік, парасаттылық, жауапкершілік және тұрақты даму ерекше мәнге ие кәсіби орта ретінде қарастырылады. Сондықтан заңнама қағидаттарының бірі мемлекеттік қызметшілердің үздіксіз кәсіби дамуын қамтамасыз етті.Ерте кәсіптік даярлықты практикалық іске асыру мемлекеттік органдарды ынталы және дайындалған жас мамандармен қамтамасыз етуге, қызметке кіргеннен кейін оларды бейімдеу кезеңін қысқартуға және мемлекеттік басқару сапасын арттыруға мүмкіндік береді.Қостанай облысында жастарды ерте кәсіби бағдарлау бойынша жұмыс бірнеше жылдан бері жүргізіліп келетінін айта кету керек,. Қазақстан Республикасы Мемлекеттік қызмет істері агенттігінің Қостанай облысы бойынша департаменті студенттерді мемлекеттік органдардың қызметімен, мемлекеттік қызмет қағидаттарымен және кәсіби мансап құру мүмкіндіктерімен таныстыратын «Жас мемлекеттік қызметші мектебі» жобасын іске асырады. Жыл басынан бастап «Жас мемлекеттік қызметші мектебі» жобасы аясында 30 ЖОО студенттері мемлекеттік органдарда тағылымдамадан өтті. Жаңа заң аталған жұмысқа заңнамалық негіз берді және оның елдің болашақ кадрлық әлеуетін қалыптастыру үшін маңыздылығын растады.Ерте кәсіптік даярлық жүйесін дамыту мемлекеттік қызметтің жаңа моделін – ашық, кәсіби, клиентке бағдарланған және талантты жастар үшін тартымды қалыптастыру жолындағы маңызды қадам болып табылады. Дәл осындай мамандар болашақта мемлекеттік саясатты тиімді іске асыруды, мемлекеттік қызметтерді сапалы көрсетуді және қоғамның мемлекеттік институттарға деген сенімін нығайтуды қамтамасыз ететін болады.  Қазақстан Республикасымемлекеттік қызмет істері агенттігініңҚостанай облысы бойынша департаментіАқпарат көзі : https://www.gov.kz/memleket/entities/kostanai-mendykarin-audany-akimat/press/news/details/1263352?lang=ru

2026 жылғы 24 шілде, Шолпан-Ата - Қазақстан Республикасы Сыртқы істер министрі Ермек Көшербаев Шанхай ынтымақтастық ұйымына мүше мемлекеттердің Сыртқы істер министрлері кеңесінің кезекті отырысына қатысты.Делегациялар басшылары қазіргі халықаралық ахуал жағдайында ШЫҰ-ға мүше мемлекеттердің сыртқы саяси үйлестіруін одан әрі тереңдету мәселелері бойынша пікір алмасты, сондай-ақ 2026 жылғы 1 қыркүйекте Бішкек қаласында өтетін алдағы ШЫҰ саммитіне дайындық барысын талқылады.Е.Көшербаев өз сөзінде өңірлік қауіпсіздікті нығайту мен көпсалалы ынтымақтастықты дамытудағы ШЫҰ-ның ерекше рөлін атап өтіп, Қазақстанның Ұйым қызметін қолдауды өзгеріссіз жалғастыратынын растады.Қазақстанның сыртқы саяси ведомствосының басшысы ШЫҰ-ны одан әрі жетілдіру және оның институттарын қазіргі заманғы сын-қатерлер мен қауіптерге бейімдеу қажеттілігіне ерекше назар аударды.ҚР Сыртқы істер министрі халықаралық ахуалдың қарқынды өзгеруі жағдайында жаһандық экономиканың орнықтылығы мен халықаралық сауданың қауіпсіздігін қамтамасыз ету мәселелері ерекше өзектілікке ие болып отырғанын атап өтті.«Әскери сипатқа ұласып отырған геосаяси тұрақсыздық сауда қатынастарының орнықтылығына елеулі әсер етуде. Бүгінде жеткізу тізбектерінің қауіпсіздігін қамтамасыз ету мәселесі, оның ішінде Қазақстан үшін де, барған сайын өзекті бола түсуде. Бұған энергетикалық инфрақұрылымға және Қазақстан мұнайын тасымалдау үшін жалға алынған танкерлерге белгісіз ұшқышсыз жүйелердің шабуылдары дәлел. Осындай жағдайда сауда бағыттарының қауіпсіздігін қамтамасыз ету жөніндегі бірлескен күш-жігердің маңызы арта түседі», – деді Е.Көшербаев.Бұған дейін мәлімделгендей, Қазақстан заңды халықаралық сауданы, жаһандық энергетикалық нарықтарды және халықаралық көлік-логистикалық жеткізу тізбектерінің қауіпсіздігін тұрақсыздандыруға бағытталған кез келген әрекеттерді мүлдем жол беруге болмайтын іс-әрекет ретінде қарастырады.ҚР министрі ынтымақтастықтың басым бағыттарының бірі ретінде климаттың өзгеруіне бейімделу және су ресурстарын ұтымды пайдалану салаларындағы бірлескен жұмысты жандандыру қажеттігін атап өтті. Осыған байланысты Қазақстан БҰҰ аясында Халықаралық су ұйымын және ШЫҰ-ның Су проблемаларын талдау орталығын құру жөніндегі бастамаларға мүше мемлекеттердің қолдау білдіретініне сенім білдірді.Отырыс қорытындысы бойынша ШЫҰ-ның тиімділігін арттыруға бағытталған негізгі құжаттардың жобалары, оның ішінде ШЫҰ-ның 25 жылдығына арналған Бішкек декларациясы мақұлданды.Іс-шара аясында ШЫҰ-ға мүше мемлекеттердің сыртқы істер министрлерінің Қырғыз Республикасының Президенті Садыр Жапаровпен ұжымдық кездесуі өтті.Кездесу барысында ШЫҰ шеңберіндегі көпсалалы ынтымақтастықты одан әрі кеңейтудің, сондай-ақ Ұйымға мүше мемлекеттер халықтарының әл-ауқатын арттыруға бағытталған бірлескен бастамаларды іске асырудың маңыздылығы аталып өтті.ҚР Сыртқы істер министрі Е.Көшербаев Қырғыз Республикасының ШЫҰ-ға төрағалығын одан әрі қолдауға дайын екенін білдіріп, Қазақстанның Шанхай ынтымақтастық ұйымына мүше мемлекеттермен өзара тиімді әрі сындарлы ынтымақтастықты одан әрі дамытуға бейілдігін растады.Ақпарат көзі : https://www.gov.kz/memleket/entities/mfa/press/news/details/1263269?lang=ru

Маңғыстау облысы бойынша Мемлекеттік кірістер департаменті басшысының орынбасары Артем Анатольевич Абильдиновпен сұхбат Артем Анатольевич, 2026 жылы кедендік реттеу саласында қандай негізгі өзгерістер күшіне енді және олардың қайсысы азаматтар мен бизнес үшін неғұрлым айқын байқалады?    А.А. Абильдинов: 2026 жылғы 1 шілдеден бастап ЕАЭО шеңберінде электрондық сауда тауарлары жеке санатқа бөлінді. Бажсыз лимит 200 еуро деңгейінде сақталды. Сонымен қатар, 31 кг салмақ шегі алынып тасталды. Егер сәлемдеме немесе тапсырыс құны 200 евродан асса, тауар құнының 5%-ы мөлшерінде кедендік баж алынады және 16% ҚҚС. Операторлар ресімдейтін электрондық сауда тауарларына арнайы декларация енгізілді. AliExpress, Temu және ұқсас сайттардан әдеттегі сатып алулардың көпшілігі үшін рәсім әдеттегідей болып қалады - кеден органдарына өз бетінше жүгінудің қажеті жоқ. Бұл шаралар интернет-сауданы ретке келтіруге және жеке сатып алу түріндегі коммерциялық партиялардың әкелінуіне жол бермеуге бағытталған.      Цифрландыру кедендік әкімшілендіруге қалай әсер етеді, әсіресе Маңғыстау облысының теңіз порттарымен? А.А. Абильдинов: біз "Keden" ақпараттық жүйесінде белсенді жұмыс істейміз. Бұл транзиттік декларацияларды ресімдеуді жеделдетуге (30-дан шамамен 10 минутқа дейін), контейнерлік композицияларды тезірек өңдеуге және қағаз құжат айналымын азайтуға мүмкіндік береді. Өңірде бұл әсіресе Ақтау және Құрық теңіз порттары, терминалдар мен өткізу пункттері үшін маңызды. Түркіменстанмен шекарадағы "Темір-баба" сияқты жаңғыртылған бекеттер қазірдің өзінде шекарадан өту уақытының қысқарғанын көрсетіп отыр. Сандық құралдар ашықтықты арттырады, әкімшілік жүктемені азайтады және тәуекелдерді басқару жүйесін тиімдірек қолдануға мүмкіндік береді. Дәл қазір сыртқы экономикалық қызметке қатысушылар мен жеке тұлғалар үшін нені білу маңызды? А.А. Абильдинов: СЭҚ қатысушыларына "Keden" жұмысына уақтылы ауысуды, өзекті анықтамалықтарды қадағалауды және алдын ала ақпараттандыруды дұрыс ресімдеуді ұсынамын. Жеке тұлғаларға — сәлемдемелердің құны мен сипатына мұқият қарау қажет. Тұрақты ірі партиялар кезінде, тіпті ЕАЭО елдерінен де болса, егер кәсіпкерлік қызметтің белгілері анықталса, толыққанды ресімдеу талап етілуі мүмкін. Көлік құралдарын кедендік ресімдеу мәселелері бойынша ағымдағы сәтте мөлшерлемелерге елеулі өзгерістер енгізілмеді-біз қолданыстағы заңнама шеңберінде жұмыс істейміз. Жақын арада Департаменттің кедендік әкімшілендіруде қандай басымдықтары бар? А.А. Абильдинов: ең бастысы-сыртқы экономикалық қызметке адал қатысушылар үшін ыңғайлылық пен тиімді бақылау арасындағы тепе-теңдікті қамтамасыз ету. Мемлекеттік кірістер комитеті цифрландыруды жалғастыруда, ал Департамент кеден бекеттерінің жұмысын оңтайландыруды, түсіндіру жұмыстарын және бизнеспен өзара іс-қимылды жалғастыруда. Маңғыстау облысы маңызды логистикалық хаб болып табылады, сондықтан бақылаудың толықтығын сақтай отырып, рәсімдерді жеделдету басымдық болып қала береді.Ақпарат көзі : https://www.gov.kz/memleket/entities/kgd-mangistau/press/news/details/1263247?lang=ru

Қарасай ауданының Кемертоған ауылында су құбыры жүйесі жаңартылып, жаңғыртудан өтуде. Жоспар бойынша әрқайсының сыйымдылығы 1 400 текше метр болатын екі резервуар, екі су ұңғымасы салынып, ұзындығы 184 шақырымнан асатын магистральдық және абоненттік су желісі тартылады. Нәтижесінде 18 мың тұрғын таза ауызсумен қамтылады. Жобаның жалпы құны – 4,7 млрд теңге. Құрылыс жұмысы келесі жылдың аяғына дейін толық аяқталады, – деп хабарлайды Алматы облысы әкімінің баспасөз қызметі.Бүгінде Кемертоған ауылында 40 мыңнан астам халық бар. Тұрғындар саны күн санап артып келеді. Сол себепті су жетіспеушілігі мәселесі туындап отыр. Көбі ауласындағы құдық суын пайдаланады. Бірақ оның сапасы өте нашар. Сондықтан қолға алынған жобаны жедел іске асыру өте маңызды.Осыған орай облыс әкімі Марат Сұлтанғазиев құрылыс алаңына барып, жұмыс барысымен танысты. Аймақ басшысы су желісінің сапасына ерекше мән беру керегін баса айтып, халық игілігі жолындағы жобаны мерзімінде аяқтауды тапсырды.Қазіргі таңда қажетті құрал-жабдықтар мен матариалдар әкелініп, 10 шақырым манистральды желі салынды. Биылға қажет 2,4 млрд теңге қаражат толығымен бөлінген.Марат Елеусізұлы сондай-ақ Іле ауданы Қараой ауылдық округіндегі «Чала», «Құралас» және «Қосөзен» магистральдық каналдарын қайта жаңғырту жобасы іске асырылып жатқан алаңда болды. Жобаның жалпы құны 4 млрд теңгеден асады. Қазіргі таңда аталған каналдар арқылы 2 090 гектар ауыл шаруашылығы жері суғарылып жатыр. Жоба толық аяқталған жағдайда бұл көрсеткіш 2 815 гектарға жетіп, қосымша 725 гектар жер ауыл шаруашылығы айналымына енгізіледі.Аймақ басшысы Қонаев қаласына қарасты Шеңгелді ауылындағы «Smart Adam Agro» ЖШС-ның жұмысымен де танысты. Компания құны 1,2 млрд теңгені құрайтын инвестициялық жобаны жүзеге асыруда. Кәсіпорын 900 гектар суармалы алқапта автоматтандырылған суару жүйесін енгізуде. Биыл 200 гектар жерге күздік дақыл егілген. Оның 190 гектарына қыша, 10 гектарына зығыр себілді. Көктемде жоңышқа алқабын 400 гектарға дейін ұлғайту жоспарланып отыр. Шаруашылықта жоңышқа мен қызанақ та өсірілуде.«Заманауи агротехнологияларды енгізу, суармалы жерлерді тиімді пайдалану және қайта өңдеу өндірісін дамыту – азық-түлік қауіпсіздігін нығайтып, жаңа жұмыс орындарын құрудың негізі. Облыс әкімдігі тарапынан тиісті шешімдерді қабылдап, қолдау көрсетуді жалғастырамыз», – деді Марат Сұлтанғазиев.Ақпарат көзі : https://www.gov.kz/memleket/entities/almobl/press/news/details/1263205?lang=ru

📆 22.07.2026 жылы Департамент басшысының орынбасары, Әдеп жөніндегі уәкіл Қ.Б. Шайдуев департаменттің жеке құрамына «қоғамдағы сыбайлас жемқорлыққа қарсы мәдениетті және сыбайлас жемқорлыққа мүлдем төзбеушілікті қалыптастыру, сондай-ақ Әдеп Кодексінің нормаларын» жеткізу мақсатында – семинарды өткізді. Әдеп жөніндегі уәкіл өз баяндамасында Қазақстан Республикасының «Сыбайлас жемқорлыққа қарсы іс-қимыл туралы», «Әдеп Кодексінің» және «Мемлекеттік қызметі туралы» Заңының нормалары туралы, сондай-ақ Қазақстан Республикасының Президентінің 29.12.2015 жылғы №152 Жарлығымен бекітілген «Мемлекеттік қызметкерлерге тәртіптік жаза қолдану туралы» Қағидаларының Заңнама талаптарын қатысушыларға жеткізді.✅ Сонымен қатар, Әдеп кодексі бойынша мемлекеттік қызметшілер қарапайым болу, жалпыға бірдей қабылданған моральдық-әдептік нормаларды сақтау, заңмен белгіленген шектеулерді сақтау, азаматтармен қарым-қатынаста әдептілік таныту, дөрекілікке, ар-намысты қорлауға, ресми мінез-құлық қағидаларын сақтау туралы айтылды.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1263168?lang=ru

Алматы облысында әр апта сайын өтетін «Таза Қазақстан» экологиялық акциясы аясында ерекше кездесу ұйымдастырылды. Облыс әкімі Марат Сұлтанғазиев коммуналдық қызметкерлермен бірге жағажайды қоқыстан тазартып, кейін қарапайым жұмысшылармен таңғы ас үстінде әңгімелесті.Қонаев қаласының тазалығына жауапты жұмысшылар үшін бұл күтпеген кездесу болды. Таңмен таласа тұрып, көше сыпыруға шығатын коммуналдық қызмет мамандары өңір басшысымен бірге тазалық жұмыстарын жүргізді. Тіпті көкейдегі сұрақтарын қойып, еркін пікір алмасты.Әкім еңбек адамдарының күнделікті тіршілігіне, жұмыс жағдайына, мамандықтың қиындығына және тұрғындардың тазалық мәдениетіне қатысты ойын тыңдады. Ресми жиындардағыдай емес, ашық форматтағы әңгімеде жұмысшылар өз ұсыныстары мен мәселелерін бүкпесіз жеткізді.Тазалық жұмыстары аяқталған соң кездесу ақ дастархан басында жалғасты. Таңғы ас үстінде әңгіме тек коммуналдық сала төңірегінде өрбіген жоқ. Қатысушылар өңірдің дамуы, көшелердің тазалығы, отбасы, бала тәрбиесі, күнделікті өмір мен еңбек адамдарының қоғамдағы орны туралы да ой алмасты.Коммуналдық қызметкерлер мұндай кездесуден ерекше әсер алғанын жасырмады. Олар, қарапайым жұмысшыларға көңіл бөліп, уақыт тапқан облыс басшысына ризашылықтарын білдірді.Кездесу соңында коммуналдық қызметкерлерге естелік сыйлықтар табысталып, көше тазалығына жауапты жұмысшыларға әкім алғыс айтты.«Өңірдің таза әрі жайлы болуы – сіздердің күн сайын атқарып жүрген жауапты қызметтеріңіздің нәтижесі. “Таза Қазақстан” тұжырымдамасы еліміздің Конституциясында белгіленген негізгі қағидаттардың бірі. Қоршаған ортаны, туған жерімізді таза ұстау баршамыздың міндетіміз. Осы мақсатта атқарып жүрген еңбектеріңіз үшін Сіздерге шынайы алғысымды білдіремін», – деді облыс әкімі.Айта кетейік, Алматы облысында әр апта сайын “Таза бейсенбі” шарасы тұрақты түрде ұйымдастырылады. Оған тұрғындар, бизнес өкілдері, жастар, қоғам белсенділері мен мемлекеттік мекеме қызметкерлері қатысуда. Ал, еңбек адамдарының қоғамдағы мәртебесін арттыру, экологиялық мәдениетті нығайту және жергілікті билік пен тұрғындар арасындағы ашық диалогты дамытуға бағытталған бүгінгідей кездесулер алдағы уақытта да жалғасын таппақ. Бұл-коммуналдық сала қызметкерлерінің ұсыныстары мен мәселелерін тікелей тыңдап, олардың еңбегіне құрмет көрсетуге мүмкіндік береді.Ақпарат көзі : https://www.gov.kz/memleket/entities/almobl/press/news/details/1263158?lang=ru