2025 жылғы 30 қараша күні Баянды ауылында сайлау өтетінін хабарлаймыз.Осыған байланысты Сіздерді өз азаматтық құқықтарыңыз бен міндеттеріңізді жүзеге асыру мақсатында сайлау процесіне белсенді қатысуға шақырамыз.Сайлау учаскелері белгіленген тәртіп бойынша сағат 07:00–20:00 аралығында жұмыс істейді.Өз дауысыңызбен ауылымыздың әлеуметтік-экономикалық дамуына және болашағына ықпал ете аласыз.Қатысуларыңызды сұраймыз.Ақпарат көзі : https://www.gov.kz/memleket/entities/mangystau-munaily-bayandy/press/news/details/1111879?lang=kk

Қоғамдық қауіпсіздікті қамтамасыз ету мақсатында ауыл аумағына бейне бақылау камераларын орнату жұмыстары жүргізілуде.Бейне бақылау камераларын жыл соңына дейін қосылатын болады.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1111821?lang=kk

Ауылішілік автомобиль жолдарын күтіп ұстау жұмыстары есебінен, жол белгілерін орнату жұмыстары жүргізілуде.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1111829?lang=kk

Аудан әкімінің орынбасары Нұрхан Әлиханұлының төрағалығымен Баянды ауылынан Емір жеріне дейінгі автомобиль жолын күтіп ұстау жұмыстарына арналған жиын өткізілді.Жиынға аудан аумағында орналасқан жер қойнауын пайдаланушы кәсіп иелері қатысып, ортақ пайдаланымдағы автомобиль жолының жағдайын жақсарту және оны жүйелі түрде күтіп ұстау мәселелері талқыланды.Кәсіпкерлер тарапынан аталған жол учаскесінде жылына үш рет тегістеу (грейдерлеу) жұмыстарын бірлесіп жүргізу туралы ұсыныс енгізілді.⚜️Баянды ауылы әкімі аппаратының баспасөз қызметі. Ақпарат көзі : https://www.gov.kz/memleket/entities/mangystau-munaily-bayandy/press/news/details/1111851?lang=kk

Зияткерлік меншік құқығы бөлімімен СҚО бойынша ішкі мемлекеттік аудит департаментінің қызметкерлеріне «Мемлекеттік тілде іс-қағаздар жүргізу ережелері» тақырыбында дәріс өткізді.Дәріс барысында мемлекеттік тілдің іс жүргізудегі ұстанымын нығайту бойынша одан әрі жұмыстың негізгі сәттері түсіндірілді.Ақпарат көзі : https://www.gov.kz/memleket/entities/adilet-sko/press/news/details/1111795?lang=kk

24 қарашада Сауда және интеграция министрі Арман Шаққалиев инфляция деңгейін тежеу мәселелері бойынша кеңес өткізді. Жиынға Қаржы вице-министрі Ержан Біржанов, мемлекеттік кірістер комитетінің өкілдері, қаржылық мониторинг агенттігі мен өңір әкімдерінің орынбасарлары қатысты. Кеңес барысында министр жыл басынан бері 160 негізгі азық-түлік тауарлары бойынша баға өсімі 11 пайызға жеткенін атап өтті. Дегенмен әлеуметтік маңызы бар азық-түліктің баға индексі тұрақты. Қараша айының үш аптасында өсім минииал 0,1 пайызды құрады. Апта сайынғы мониторинг, өндірушілер және сауда желілерімен тікелей жұмыс, мемлекеттік бақылау мен тұрақты жәрмеңкелер бағаны ұстап тұруда маңызды рөл атқаруда. Кеңесте Сауда министрінің бірінші орынбасары Айжан Бижанова азық-түлік қоржынының тұрақтылығын қамтамасыз ету мақсатында әлеуметтік маңызы бар тауарлар тізбесін кеңейту мәселесі қарастырылып жатқанын айтты. Тізбе құрамына қосымша көкөніс, жеміс-жидек, сүт, ет және балық өнімдерін енгізу ұсынылуда. Бұл шара шекті сауда үстемесін кең ауқымды тауарларға қолдануға және делдалдық тізбектің ықпалын азайтуға мүмкіндік береді. Жаңа тізбе мемлекеттік органдармен, «Атамекен» ҰКП-мен, салалық қауымдастықтармен, сауда желілері мен импорттаушылармен талқыланады. Сонымен қатар өңірлер бөлінісінде азық-түлік тауарларын ірі көлемде импорттайтын компаниялар мен оларды жеткізушілердің тізімі айқындалды. Бағаны тұрақтандыру, бизнестің әлеуметтік жауапкершілігін арттыру және импорттың ашықтығын қамтамасыз ету бағытында орталық және өңірлік деңгейде келіссөздер өткізу жоспарланып отыр. Талқылау барысында министр Арман Шаққалиев өңірлердің жұмысына ерекше назар аударды. Оның айтуынша, бүгінде әрбір өңірге инфляцияға ең көп ықпал ететін негізгі тауарлардың тізімі ұсынылады және жаңа тәсілдің қағидаты түсіндіріледі. «Біз әр тауар бойынша нақты жағдайды көрсететін алгоритм жасадық. Ол баға қай фактордан өсіп жатқанын – логистика ма, маусымдық құбылыс па, импорт па, әлде өндіріс пен тұтыну теңгерімі ме – толық көрсетеді. Мұндай тәсіл жедел әрекет етуге және негізсіз қымбаттаудың алдын алуға мүмкіндік береді. Әсіресе тікелей реттеуге жатпайтын тауарлар үшін бұл аса маңызды. Басты мақсат – әр өңірде тұрақтылықты қамтамасыз етіп, әр отбасы жүргізіліп жатқан жұмыстың нәтижесін сезінуі», – деді Арман Шаққалиев. Кеңесте жәрмеңкелер мен «Береке Fest» форматындағы ауқымды акцияларды жалғастыру мәселесі де қаралды. Мұндай іс-шаралар халықты қолжетімді ет, көкөніс және басқа да әлеуметтік маңызы бар өнімдермен қамтамасыз етуге мүмкіндік береді. Астана тәжірибесін негізге ала отырып, арзандатылған еттің тікелей жеткізілімін кеңейту жоспарлануда. Сонымен бірге Иран, Пәкістан, Әзербайжан, Өзбекстан, Тәжікстан, Қырғызстан және Түрікменстаннан жеміс-көкөніс өнімдерін жеңілдетілген тәртіппен импорттау тетігі сақталатыны расталды.Ақпарат көзі : https://www.gov.kz/memleket/entities/mti/press/news/details/1111751?lang=kk

 Бүгін аудан әкімі Қанат Құлжанов пен ауыл әкімінің міндетін атқарушы Сәлімжан Балбай Баянды ауылының тұрғындарымен жүздесті. Ауыл әкімінің міндетін атқарушы атқарылып жатырған жұмыстарымен және жаңа жобалармен бөлісті. Кездесу барысында ауылдың өзекті мәселелері талқыланды. Тұрғындар негізінен елді мекендегі жарықтандыру және газ мәселелерін көтерді.Ашық диалог форматында өткен жиында тұрғындардың ұсыныс-пікірлері тыңдалып, шешу жолдары қарастырылды. Кездесуден кейін аудан әкімі азаматтарды жеке қабылдап, олардың жеке мәселелері бойынша құқықтық кеңес берді.Ақпарат көзі : https://www.gov.kz/memleket/entities/mangystau-munaily-bayandy/press/news/details/1111752?lang=kk

Қарағандылық спортшылар Аян Әбдіраш, Айжамол Абдикатова және Аида Макатова есту қабілеті нашар спортшылар арасындағы басты жарыстың жүлдегерлері атанды. Спортшылар мен олардың жаттықтырушыларын жеңістерімен құттықтаймыз!Айта кетейік, Аян Әбдіраш – тамаша өмірбаяны бар бірегей спортшы. Сурдо таэквондодан ҚР Еңбек сіңірген спорт шебері, ҚР бірнеше дүркін чемпионы және екі әлем біріншілігінің күміс жүлдегері Сурдлимпиада ойындарына үшінші рет қатысып отыр. Біріншісінде ол алтын медаль, екіншісінде «қола» жеңіп алды.Әлем чемпионы Айжамол Абдикатова екінші рет Сурдлимпиада ойындарының қола жүлдегері атанды.Аида Макатова алдыңғы ойындарда бесінші орынды иеленген болатын. Бұл жолы ол ерекше спортшылар арасындағы басты жарыстың жүлдегері атанды.Ақпарат көзі : https://www.gov.kz/memleket/entities/karaganda-sport/press/news/details/1111663?lang=kk

Облыста «Дипломмен ауылға» бағдарламасы белсенді түрде жүзеге асырылуда, бұл жас мамандарға ауылдық елді мекендерде мемлекеттік қызмет жолын ыңғайлы бастауға көмектеседі.Қазақстан Республикасы Мемлекеттік қызмет істері агенттігінің бастамасымен 2020 жылдың қазан айында іске қосылған бағдарлама кент және ауылдық округ әкімдері аппараттарының мамандарына қатысты.Ауылдық елді мекендерге жұмысқа келетін мемлекеттік қызметшілерге 100 АЕК мөлшерінде бастапқы жәрдемақы және 2500 АЕК-ке дейін тұрғын үй сатып алуға немесе салуға жылына 1 пайыздық ең төменгі мөлшерлемемен бюджеттік несие беріледі.Маңызды бонус: бұл қолдау шаралары елді мекен өз мәртебесін кейінірек ауылдықтан қалаға ауыстырған жағдайда да – санат өзгергеннен кейін екі жыл ішінде көрсетіледі.Жастарға ыңғайлы болу үшін барлық процедуралар мүмкіндігінше цифрландырылған. Бастапқы жәрдемақыны немесе бюджеттік несиені «Баспана базары» жылжымайтын мүлік порталы (otbasybank.kz/programm-bank) арқылы алуға болады. Онда жас мамандар қажетті құжаттарды жүктейді: өтініш формасы; білім туралы диплом; еңбек қызметін растайтын құжат; және тұрғын үй несиелері үшін неке туралы куәлік және несие бюросының есебі.Портал арқылы құжаттарды тапсырғаннан кейін электрондық цифрлық қолтаңба немесе бір реттік пароль арқылы әлеуметтік қолдау шараларын көрсету туралы шартқа қол қойылады, бұл процесті айтарлықтай жылдамдатады.Бағдарлама жас мамандардың шынайы өмірін ескереді:- бюджеттік несиені жақын туыстарынан немесе адам тұрып жатқан тұрғын үй сатып алуға пайдалануға болмайды;- несие сомасы жылжымайтын мүлікті кепілге қойып, үй құрылысы 12 ай ішінде аяқталуы тиіс;- бюджет қаражаты жеткіліксіз болған жағдайда қызметтер қайта қарау мерзімі екі жылдан аспайтын кезек тәртібімен көрсетіледі.Бағдарламаның тиімділігі цифрлармен расталады: ол іске қосылғаннан бастап 2025 жылға дейін Қостанай облысында 53 жас мемлекеттік қызметші әлеуметтік қолдау шараларын пайдаланды, оның ішінде 2025 жылдың өзінде 12 адам.«Дипломмен ауылға» бағдарламасы – мемлекет жастардың кәсіби өсуіне жағдай жасап, әлеуметтік кепілдіктерді қолдап, әлеуметтік шаралар мен заманауи цифрлық технологияларды үйлестіре отырып, ауылды дамытып жатқанының жарқын мысалы.Қазақстан Республикасы Мемлекеттік қызмет істері агенттігінің Қостанай облысы бойынша департаментінің басшысы, Әдеп жөніндегі кеңес төрағасы – Е.А. СалықбаевАқпарат көзі : https://www.gov.kz/memleket/entities/kostanai-mendykarin-audany-akimat/press/news/details/1111629?lang=kk

 🔹Бүгін ауылы әкімінің міндетін атқарушы Сәлімжан Мәлікұлы ауылдың учаскелік полиция инспекторларымен бірлесе,ауыл аумағында орналасқан кәсіпкерлік нысандарына “Таза Қазақстан” экологиялық акциясында күнделікті тазалық жұмыстарын жүргізу қажеттілігі бойынша түсіндіру жұмыстарын жүргізді.🔹Құрметті кәсіпкерлік нысан иелері, өзіңізге тиесілі ғимарат аумақтарына тазалық жұмыстарын жүргізу қажеттігін хабарлайды.⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1111787?lang=kk

2025 жылдың 21 қарашада Солтүстік Қазақстан облысы Әділет департаментінің коммерциялық емес ұйымдарды тіркеу және тіркеу қызметі саласындағы бақылау бөлімнің бас маманмен «Азаматтарға арналған үкімет» Мемлекеттік корпорациясы» КЕ АҚ Солтүстік Қазақстан облысы бойынша филиалының қызметкерлерімен «2025 жылдың 3 тоқсандағы коммерциялық заңды тұлғаларды тіркеу мониторингінің нәтижелері» тақырыбына онлайн-семинар өткізілді.Ақпарат көзі : https://www.gov.kz/memleket/entities/adilet-sko/press/news/details/1111573?lang=kk

Соңғы уақытта азаматтарға жаппай салық органдарының атынан келгендей болып хабарламалар түсуде. Онда салық режиміне көшу, шұғыл хабарламалар, айыппұлдармен қорқыту және сілтеме арқылы өтуді сұрау жазылады.Бұл — алаяқтар.Олардың мақсаты қарапайым: сізді қорқыту, шатастыру және жеке деректеріңізді немесе ақшаңызды иемдену.Алаяқтардың айласына түспеу үшін үш қарапайым ережені есте сақтаңыз:Барлық ресми хабарламалар тек Салық төлеушінің жеке кабинетіне немесе тексерілген арналар арқылы келеді (ресми электрондық сервистер, push-хабарламалар және 1414 байланыс орталығы).СМС арқылы келетін ешқандай кодты айтпаңыз. Егер біреу «растау коды» немесе құпиясөзіңізді сұраса — бұл 100% алаяқ. МКК қызметкерлері мұндай деректерді ешқашан сұрамайды.Сілтемелерге өтпеңіз. Егер «салық органынан» келгендей күмәнді хатта «төлеу» немесе «тексеру» батырмасы болса — оны бірден өшіріңіз.✅ Не істеу керек:күмәнді сілтемелерге өтпеңіз;бейтаныс жіберушілерге жауап бермеңіз;жеке және қаржылық деректеріңізді ешкімге бермеңіз;ақпаратты тек ресми арналар арқылы тексеріңіз.Оңайлатынған салық режиміне көшу туралы жеке ескерту.Оңайлатынған декларация негізіндегі арнайы салық режиміне (АСР) көшу туралы хабарламаны 2026 жылғы 1 қаңтардан бастап тапсыруға болады.Хабарламаны мына жолдармен беруге болады:ЭЦҚ арқылы Салық төлеушінің кабинетінде;E-Salyq Business мобильді қосымшасында;банктердің қосымшаларында (Kaspi, Halyk, БЦК);Мемлекеттік кірістер басқармасына қағаз түрінде жеке барып.Салық органдары ешқандай кодтар, кезектер немесе «алдын ала жазылуларды» қалыптастырмайды және талап етпейді.Сақ болыңыз. Алаяқтар адамдардың қорқынышы мен асығыстығын пайдаланады.Ақпаратты тексеріңіз.Тек ресми дереккөздерге ғана сеніңіз.аАқпарат көзі : https://www.gov.kz/memleket/entities/kgd-akmola/press/news/details/1152329?lang=kk

Қостанай қаласында «Ел тірегі – еңбек адамы» республикалық патриоттық форумы өтті. Бұл шара Қостанай облысы әкімдігі қоғамдық даму басқармасының мемлекеттік әлеуметтік тапсырысы аясында ұйымдастырылып, оның мақсаты — еңбек адамының мәртебесін көтеру, жұмысшы мамандықтарды насихаттау, техникалық және кәсіптік білім беру саласын дамыту, жастар арасында патриоттық құндылықтарды нығайту болды.Форум бағдарламасы 2025 жылғы 23 қараша күні Қостанай автомобиль көлігі колледжінде өткен «Кәсіпке бағыт – болашаққа жол: техникалық және кәсіптік білімнің рөлі» атты семинардан басталды. Семинарда жұмысшы мамандықтарға қойылатын қазіргі талаптар, дуалды оқыту жүйесін кеңейту және техникалық кадрларды даярлаудағы өзекті мәселелер талқыланды.Форумның екінші күні, 24 қарашада, қатысушылар Міржақып Дулатұлының ескерткішіне гүл шоғын қойып, кейін «IQOSTANAY» смарт-орталығында негізгі іс-шараға — «Ел тірегі – еңбек адамы» патриоттық форумына жиналды.Форумда ерекше назар аударылған еңбек династиясы – Кәкімжановтар отбасы. Әулиекөл өңірінің қадірлі азаматы Дәуренбек Қабжанұлы бұрынғы «Тимофеев» кеңшарының озат еңбеккерлерінің бірі болған. Оның ұлы Мадияр әкесінің жолын жалғастырып, жеке шаруа қожалығын ашып, Соснов ауылындағы тұрғындарға жұмыс беріп, жергілікті қоғамға үлес қосты. Ал Шыңғыс әулеттің үшінші буыны ретінде ауыл шаруашылығы саласында кәсіби шеберлігін көрсетіп, облыстық және республикалық конкурстардың жеңімпазы атанды. Форумда Шыңғыстың еңбегі ерекше атап өтіліп, марапатты оған ҚР Еңбек Ері Сайран Бұқанов табыс етті.Сондай-ақ форумға арнайы келген қонақтардың бірі — ҚР Парламенті Мәжілісінің депутаты Олжас Құспеков болды. Ол еңбек жолын колледжде өндірістік оқыту шебері болып бастаған, кейін түрлі жетекшілік қызметтер атқарған тәжірибелі маман. Форумда депутат өңірлік университеттің биология және химия кафедрасының оқытушысы Елена Симанчукты марапаттады. Елена Александровна өз сөзінде патриотизм нақты іспен көрінетінін, ғылыми зерттеулер мен жаңа технологияларды енгізудің ел экономикасына қосқан үлесін атап өтті. Ол студенттердің білімін тек теориямен шектемей, практикалық тәжірибе арқылы жетілдірудің маңыздылығын да ерекше атады.Қостанай облысы әкімінің орынбасары Бахытжан Нарымбетов қатысушыларды құттықтап, форумның маңыздылығын атап өтті:«Мемлекет басшысы Қасым-Жомарт Тоқаев Жұмысшы мамандықтар жылын жариялай отырып, еңбектің маңыздылығын ерекше атап өтті. Қостанай өңірі қарқынды дамып келе жатқан өнеркәсіптік орталыққа айналып отыр. Жаңа кәсіпорындар, соның ішінде жоғары технологиялық KIA зауыты ашылды, құрғақ порт пен логистика дамып, аймақтың халықаралық маңыздылығы артты.Бүгінде өңірде 22 мыңнан астам жас техникалық және жұмысшы мамандықтарды меңгеріп, олардың көпшілігі тәжірибені өндіріс орнында жинақтап отыр. Бұл білікті мамандарды даярлаудың ең тиімді жолдарының бірі.Қадірлі жастар! Сіздер — елдің болашағын қалыптастыратын мамандарсыздар. Адал еңбек — абырой, ал абырой — болашаққа жетелейтін баспалдақ. Сіздерге зор табыс, үлкен жетістіктер тілеймін!»Форумға Ақмола, Павлодар, Ақтөбе, Солтүстік Қазақстан және Қостанай облыстарынан, сондай-ақ Астана қаласынан жас мамандар мен тәжірибелі оқытушылар қатысты. Іс-шара қатысушыларға тәжірибе алмасу, кәсіби мәселелерді талқылау және өңірлік кадрлық әлеуетті нығайту мүмкіндігін берді.Форум, еңбек, кәсіби шеберлік және патриоттық құндылықтарды насихаттай отырып, жастарды болашаққа дайындайтын алаңға айналды.Ақпарат көзі : https://www.gov.kz/memleket/entities/kostanay/press/news/details/1111593?lang=kk

Брюссель, 2025 жылғы 24 қараша — ЕО-ның жетекші медиа және сараптамалық алаңдарының бірі Press Club Brussels Europe іргесінде Қазақстанның Бельгиядағы Елшісі, ҚР-дың ЕО және НАТО жанындағы тұрақты өкілі Роман Василенконың Қазақстан мен Еуропалық Одақ арасындағы Кеңейтілген әріптестік және ынтымақтастық туралы келісімнің 10 жылдығына арналған баяндамасы өтті.Елші атап өткендей, Қазақстан бұл жаңа буындағы, 29 өзара іс-қимыл саласын қамтитын құжатқа қол қойып, оны ратификациялаған Орталық Азиядағы алғашқы мемлекет болды.Сондай-ақ Астана мен Брюссель арасындағы саяси диалогтың серпінді дамып келе жатқаны атап өтілді: 2024–2025 жылдары Президент Қасым-Жомарт Тоқаевтың Еуропалық Кеңес пен Еуропалық Комиссия басшыларымен кездесулері, Самарқандта «Орталық Азия – ЕО» саммитінің өтуі, сондай-ақ алдағы уақытта «Қазақстан – ЕО» Ынтымақтастық кеңесінің сыртқы істер министрлері деңгейіндегі отырысы стратегиялық серіктестіктің нығайып келе жатқанын дәлелдейді.ЕО Қазақстанның ең ірі сауда және инвестициялық серіктесі мәртебесін сенімді түрде сақтап отыр: 2024 жылғы өзара сауда айналымы 50 млрд. АҚШ доллар шамасында болды, ал тәуелсіздік кезеңінен бері еуропалық инвестициялар көлемі 200 млрд. АҚШ доллардан асты, Қазақстанда 4 мыңға жуық еуропалық компания табысты жұмыс істеуде.Қазақстан Еуропаны энергия ресурстарымен қамтамасыз етуде маңызды рөл атқарады: ЕО-ның мұнай импортының 13%, уран сұранысының 16% Қазақстанға тиесілі. Сонымен қатар, ел ЕО заңнамасына сәйкес анықталған 34 элементтің 21-ін жеткізу әлеуетіне ие, ал Sarytogan Graphite жобасы ЕО-ның стратегиялық бастамалар тізіміне енгізілді.Елші Транскаспий халықаралық көлік бағыты – «Орта дәліздің» маңызын ерекше атап өтті. Азия мен Еуропа арасындағы құрлықтық транзиттің 85% қамтамасыз ететін 13 халықаралық көлік дәлізі Қазақстан аумағынан өтеді. Қазақстан көлік инфрақұрылымын жаңғыртуға 35 млрд. АҚШ доллардан астам инвестиция құйды және 2030 жылға дейін тағы 15 млрд. АҚШ доллар инвестиция салуды жоспарлап отыр.Кездесуде парламенттік ынтымақтастық пен гуманитарлық алмасулардағы жетістіктер де сөз болды. Елші ЕО-ға мүше мемлекеттердің Еуропалық комиссияға визалық жеңілдету және реадмиссия келіссөздерін бастауға мандат беру жөніндегі шешімін құптап, оның азаматтар арасындағы байланыстарды кеңейтуге ықпал ететінін атап өтті.Press Club Brussels Europe-те өткен пікірталас ЕО сараптамалық қауымдастығының Қазақстанға — тұрақты даму, энергетикалық қауіпсіздік, өңірлік тұрақтылық және жаһандық жеткізу тізбектерін жаңғырту салаларындағы стратегиялық әріптес ретінде қызығушылығының жоғары екенін көрсетті. Бұл іс-шара Қазақстан мен ЕО-ның ортақ мақсаттар мен халықаралық тәртіпті нығайтуға бағытталған болашаққа бағдарланған серіктестігін тағы да растайды.Ақпарат көзі : https://www.gov.kz/memleket/entities/mfa-brussels/press/news/details/1111552?lang=kk

Бразилиа қ., 2025 жылғы 24 қараша - Қазақстанның Бразилиядағы Елшілігінде Елші Болат Нүсіпов Рио-де-Жанейро қаласындағы Бразилия киноинститутының Президенті Марсио Гомес мырза және PSC E-Legalnet компаниясының серіктесі Жузеппе Пинелли мырзамен кездесті.Тараптар Қазақстан мен Бразилияның ұлттық кинокомпаниялары арасында кинематография, киноөндіріс, кино таратылымы және техникалық өзара іс-қимыл, соның ішінде цифрландыру мен жасанды интеллектті қолдану салаларында ынтымақтастық орнату мүмкіндіктерін талқылады. Сондай-ақ Бразилияда және Қазақстанда өтетін жыл сайынғы халықаралық кинофестивальдерге қатысу үшін делегациялар алмасу туралы келісімге қол жеткізілді.Бұдан қатар, кездесу барысында екі елдің жетекші жоғары оқу орындарында жастардың академиялық алмасуын жолға қою мәселелері талқыланды.Ақпарат көзі : https://www.gov.kz/memleket/entities/mfa-brazil/press/news/details/1111554?lang=kk

Астана, 2025 жылы 24 қараша – Қазақстан Республикасы Сыртқы істер министрінің орынбасары Арман Исетов Швейцария Конфедерациясының Елшісі Салман Балды оның дипломатиялық миссиясының аяқталуына байланысты қабылдады.Сұхбат барысында дипломаттар екіжақты күн тәртібіндегі өзекті мәселелерді, оның ішінде 5-ші «Қазақстан-Швейцария» іскерлік кеңесінің отырысына қатысу аясында Швейцария Вице-президенті Ги Пармеланның Астанаға жоспарланған жұмыс сапарын талқылады.Саяси диалогтың оң динамикасы, сондай-ақ сауда-экономикалық, инвестициялық және мәдени-гуманитарлық салалардағы ынтымақтастықтың кеңеюі аталып өтті. Сұхбаттастар цифрландыру, көлік және логистика, білім беру және су дипломатиясы салаларындағы бірлескен жобаларды жүзеге асыруға қызығушылық білдірді.С.Бал қазақ тарапына жемісті ынтымақтастығы үшін алғыс айтып, екіжақты қарым-қатынасты әрі қарай нығайту әлеуетінің жоғары екенін атап өтті.Кездесудің соңында А.Исетов Елшіге Қазақстан-Швейцария қарым-қатынасының дамуына қосқан үлесі үшін алғыс білдіріп, ҚР Сыртқы істер министрі Ермек Көшербаевтың атынан құрмет грамотасын табыстады.Ақпарат көзі : https://www.gov.kz/memleket/entities/mfa/press/news/details/1111529?lang=kk

Астана, 2025 жылғы 20 қараша – Қазақстан Республикасының Сыртқы істер министрлігінде Дүниежүзілік балалар күніне орай, «Қазақстан – балалық шақ қорғалған мемлекет!» атты концеренция өтті.Іс-шараға ҚР Парламенті Мәжілісінің депутаттары, мүдделі мемлекеттік органдардың, үкіметтік емес ұйымдардың, балалар мен жастар бірлестіктерінің, еріктілер қозғаласының өкілдері, сондай-ақ, Қазақстандағы БҰҰ Балалар қорының (ЮНИСЕФ) өкілдері қатысты.Өз кіріспе сөзінде, ҚР Сыртқы істер министрлігі Ерекше тапсырмалар жөніндегі елшісі Алуа Надиркулова 1989 жылғы 20 қарашада БҰҰ-ның Бала құқықтары туралы конвенциясы қабылданғанын атап өтті. Аталған құжат бүкіл әлем қауымдастығы үшін құқықтық бағдарға айналып, Қазақстан осы халықаралық стандартты алғашқылардың бірі болып қолдағанын және балалар құқықтарын қорғау тетіктерін жүйелі түрде нығайтып келетініне назар аударды.Елші Мемлекет басшысы Қасым-Жомарт Тоқаевтың бала құқықтарын қорғау мәселесіне ерекше мән беретінін атап өтті. Атап айтқанда, 2024 жылы Балалар ұлттық қоры құрылды. Оның шеңберінде инвестициялық кірістің 50%-ы балалар 18 жасқа толғанға дейін олардың жеке жинақ шоттарына жыл сайын бағытталады.Сонымен қатар бұл салада Қазақстан ұлттық деңгейде ғана емес, халықаралық аренада да өз міндеттемелеріне берік екенін дәлелдеп келеді. Еліміз «Әрбір бала үшін бейбітшілік пен толеранттылық жолындағы сапалы білімді қамтамасыз ету» атты резолюцияның бастамашысы болып, құжат БҰҰ Адам құқықтары жөніндегі кеңесінде бір ауыздан қабылданды.ЮНИСЕФ-тің Қазақстандағы Өкілдігінің басшысының міндетін атқарушысы Рамиз Бехбудов Қазақстан мен ЮНИСЕФ арасындағы көп жылдық серіктестікті атап өтті. Оның айтуынша, Ұйымның жетекшілігімен елімізде ондаған бастамалар, зерттеулер мен бағдарламалар жүзеге асырылып, балалардың нақты қажеттіліктерін анықтауға және халықаралық стандарттарға сай шешімдер әзірлеуге мүмкіндік беруде.Конференция барысында БҰҰ Бала құқықтары комитетінің бұрынғы төрайымы, Халықаралық даму және әділдік орталығының президенті Рената Винтердің құттықтау сөзі де ұсынылды. Ол Қазақстанның балаларға арналған сот төрелігін дамытудағы және қақтығыстан кейінгі бағдарламаларды іске асырудағы маңызды үлесін атап өтті.Судьялар, адвокаттар және медиаторлар – Гүлнар Абдиғалиева, Ләйла Зинашева, Жанаргүл Алпыспаева, Ира Жасқайрат және Ильвира Назырова, ювеналдық юстиция саласындағы практикалық тәжірибелерімен бөлісіп, сот жүйесінде балаларды қорғау тетіктерін одан әрі күшейту қажеттігін жеткізді.Конференцияның басты назарында балалардың өзі болды. Астананың білім беру ұйымдарының оқушылары, балалар мен жастар бірлестіктерінің және еріктілер қозғалыстарының белсенділері балалар ұйымдарының қоғамдағы рөлі жөніндегі өз көзқарастарымен бөлісіп, ересектерді оларға сенуден қорықпауға шақырды және шын мәнінде балаға қолайлы ел құру бойынша өз ұсыныстарын айтты – бұл елде олардың құқықтары, дауысы мен армандары маңызды орын алатынын жеткізді.«Бақытты бала» қоғамдық қорына және «Ғылым және құқық» институтына көпжылдық жүйелі еңбегіне үшін ерекше алғыс білдірілді. Бұл ұйымдар балалар құқықтарын ілгерілету, құқықтық мәдениетті дамыту және мемлекет пен қоғам арасындағы өзара іс-қимылды нығайту бағытында маңызды жұмыс жүргізіп келеді.Жалпы, талқылау ашық және сындарлы форматта өтті. Ұйымдастырушылар балалардың дауысы естілгенін және конференция қорытындылары Қазақстанның бала құқықтарын қорғау саласындағы мемлекеттік саясатын жетілдіруге оң ықпал ететінін атап өтті.Ақпарат көзі : https://www.gov.kz/memleket/entities/mfa/press/news/details/1111538?lang=kk

Астана, 2025 жылғы 24 қараша – Қазақстан Республикасының Сыртқы істер министрі Ермек Көшербаев Еуропалық одақтың Орталық Азия жөніндегі Арнаулы өкілі Эдуардс Стипрайсты қабылдады.Кездесу барысында Министр Қазақстан мен Еуроодақ арасындағы Кеңейтілген серіктестік пен ынтымақтастық туралы келісімнің он жыл бұрын қабылданып, ұзақ мерзімді өзара іс-қимылдың берік негізіне айналғанын және екіжақты саяси диалогтың қомақты түрде нығайып келе жатқанын атап өтті.Тараптар ынтымақтастықтың негізгі бағыттары жөнінде пікір алмасып, «жасыл» трансформация мен көлік байланыстығын ілгерілету жобаларының маңыздылығына назар аударды. Бұл тұрғыда Транскаспий халықаралық көлік бағытын дамытудың маңыздылығы расталды.Сыртқы саяси ведомство басшысы Қазақстанның Еуропалық одақ үшін сенімді әрі жауапты серіктес екенін және екіжақты экономикалық пен саяси өзара іс-қимылды кеңейтуге ашықтығын атап өтті.Е.Көшербаев өңірлік диалогты ілгерілету және практикалық бастамаларды іске асыру үшін тиімді платформа ретінде танытқан «Орталық Азия – Еуропалық одақ» форматы шеңберінде кооперацияны одан әрі дамытудың маңыздылығын айтты. Бірлескен жобаларға одан әрі белсенді қатысуға және ЕО-мен өзара іс-қимылдың негізгі бағыттары бойынша қатынастарды нығайтуға дайындық білдірілді.Өз кезегінде Э.Стипрайс Қазақстан мен Еуроодақ арасындағы өзара іс-қимыл деңгейін жоғары бағалап, өңіраралық ынтымақтастықты нығайтуға және маңызды экономикалық әрі инфрақұрылымдық бастамаларды дамытуға қосқан Қазақстанның үлесін атап өтті.Кездесу қорытындысы бойынша сұхбаттастар өзара тиімді серіктестікті одан әрі тереңдетуге бейілділігін растап, екіжақты және өңірлік күн тәртібіндегі негізгі мәселелер бойынша сындарлы диалогты жалғастыруға дайын екенін білдірді.Ақпарат көзі : https://www.gov.kz/memleket/entities/mfa/press/news/details/1111525?lang=kk

Исламабад, 2025 жылғы 23 қараша – Қазақстанның Пәкістандағы Елшілігі Пәкістанның Сыртқы істер министрлігі жанындағы Әйелдер қауымдастығы (PFOWA) ұйымдастырған жыл сайынғы қайырымдылық жәрмеңкесіне қатысты.Іс-шараның құрметті қонағы ретінде Пәкістан Ислам Республикасының Премьер-Министрінің орынбасары – Сыртқы істер министрі Мұхаммад Исхақ Дар болды.Елшілік ұжымы мен олардың отбасы мүшелері ұлттық, қазақ тағамдарын дайындап, ұлттық символика мен ою-өрнектер бейнеленген түрлі бұйымдар ұсынды.Елшілік қызметкерлерінің балалары Қазақстанның Мемлекеттік Туын ұстап, «Ұлттар шеруіне» қатысты.Іс-шара барысында жиналған қаражат Пәкістан Сыртқы істер министрлігі жанындағы Әйелдер қауымдастығының қайырымдылық жобаларына жұмсалды.Ақпарат көзі : https://www.gov.kz/memleket/entities/mfa-islamabad/press/news/details/1111500?lang=kk

Батыр ауылдық округінде " Келешек мектептері" жобасы аясында 2 мектеп ашылды.  Самал және Хазар шағын аудандарында ашылған 1200 орындық мектептің ашылуына байланысты 3 ауысымдық оқу жойылды.Ақпарат көзі : https://www.gov.kz/memleket/entities/mangystau-munaily-batyr/press/news/details/1111484?lang=kk