Мұнайлы ауданының әкімі Қанат Құлжанов Баянды ауылының тұрғындарымен кездесіп, ауыл аралайды.📅 10 қыркүйек, сағат 18:00📍 Ауыл әкімі аппараты ғимаратының алдындаКездесуде ауылдың өзекті мәселелері талқыланып, тұрғындардың ұсыныс-пікірлері тыңдалады.Ақпарат көзі : https://www.gov.kz/memleket/entities/mangystau-munaily-bayandy/press/news/details/1111411?lang=kk

Ағымдағы жылы абаттандыру есебінен ауылдық округ аумағында 17,1 шақырым жаяу жүргінші жолын төсеу жұмыстары жүргізілуде.Ақпарат көзі : https://www.gov.kz/memleket/entities/mangystau-munaily-batyr/press/news/details/1111433?lang=kk

Шахмардан Есенов атындағы Каспий технологиялар және инжиниринг университетінде Халық қаһарманы армия генералы Мұхтар Алтынбаевтың 80 жылдық мерейтойына арналған Ерлік сабағы ұйымдастырылды.Сабақтың негізгі тақырыбы Мұхтар Алтынбаевтың өмір жолы мен ел Қарулы күштерінің дамуына қосқан үлесіне арналды. Іс-шараға қатысушыларға батырдың қызметтік және қоғамдық жұмысындағы маңызды кезеңдер туралы бейнематериалдар ұсынылды.– Ерлік сабағы жастарға армияның күші – жауапкершілігі жоғары, әскери борышына адал жандарда екенін еске салудың бір тәсілі. Ал Мұхтар Қапашұлының өмір жолы елге деген шексіз сүйіспеншілік пен халыққа риясыз қызмет етудің жарқын үлгісі, – деді 29011 әскери бөлімі командирінің тәрбие және идеологиялық жұмыс жөніндегі орынбасары подполковник Асылхан Маралбаев.Қарулы күштер ардагерлерінің қатысуы іс-шараның маңызын арттыра түсіп, ұрпақтар сабақтастығының жас сарбаздарды тәрбиелеудегі маңызын айқындады.Мұхтар Алтынбаевтың қызмет жолына қатысты баяндамаға қосымша ардагерлер өз тәжірибелерін ортаға салып, студенттерге әскери абырой мен азаматтық жауапкершіліктің құндылығын еске салды.Сабақ барысында әскери кафедра студенттері армия генералының өмірі мен қызметіне зор қызығушылық танытты. Іс-шара түрлі буындарды ортақ әскери борышқа деген құрмет пен тарихтың маңызды беттеріне деген ықыласпен байланыстырды.Ақпарат көзі : https://www.gov.kz/memleket/entities/mod/press/news/details/1111355?lang=kk

Бұл мереке 1997 жылғы 24 қарашада Қорғаныс министрінің «Қарулы күштер үшін педагогикалық және ғылыми кадрларды дайындау туралы» бұйрығының шығуымен байланысты.Әскери салаға арналған жоғары білікті мамандарды дайындау – еліміздің қорғаныс қабілетін қамтамасыз етудің маңызды тетігі. Бүгінде Қорғаныс министрлігінің әскери білім беру жүйесіне түрлі деңгейдегі тоғыз оқу орны кіреді. Олардың жұмысын Әскери білім және ғылым департаменті үйлестіріп отырады. Департаменттің негізгі міндеті – кәсіби әскери кадрлар даярлау деңгейін қамтамасыз ету, отандық әскери-ғылыми мектепті дамыту және профессорлық-оқытушылар құрамының ғылыми дәрежесін арттыру.Қазіргі таңда педагогикалық, ғылыми-зерттеу және ізденіс бағытында 7 ғылым докторы, 61 ғылым кандидаты және 76 философия докторы (PhD) қызмет етеді.Кәсіби мерекеге орай елордадағы армия генералы С. Нұрмағамбетов атындағы әскери колледжде салтанатты жиын өтті. Оған Қорғаныс министрлігінің басшылығы, профильдік департамент өкілдері, әскери оқу орындарының жетекшілері, ғалымдар, педагогтар және Қарулы күштердің ардагерлері қатысты.Сала мамандарын кәсіби мерекемен Қорғаныс министрінің тәрбие және идеологиялық жұмыс жөніндегі орынбасары, вице-адмирал Серік Борамбаев құттықтады.– Білікті кадрлар дайындау мен әскери білім беру жүйесін дамыту – Қорғаныс министрлігінің басты басымдықтарының бірі. Бұл елдің қорғаныс қабілетіне тікелей әсер етеді. Қазіргі әскери мамандардың кәсіби деңгейі әскердің жауынгерлік және жұмылдыру дайындығы жөніндегі міндеттерді табысты орындауға мүмкіндік береді. Сіздердің кәсібиліктеріңіз бен қызметке деген адалдықтарыңыздың арқасында Қазақстанның әскери ғылымы мен білімі заманауи талаптарға сай дамып келеді, – деді вице-адмирал С. Борамбаев.Жиында әскери жоғары оқу орындары басшыларының әріптестеріне арналған бейнеқұттықтаулары ұсынылды. Олар әскери педагогтарға Отан қорғаушыларды тәрбиелеу мен оқыту жөніндегі маңызды миссияны абыроймен атқаруға, ал әскери-ғылыми қызметкерлерге ел қауіпсіздігін нығайту жолында жаңа жетістіктерге қол жеткізуді тіледі.Кәсіби мереке аясында бірқатар педагогтар мен ғалымдар «Ел қорғаны» ведомстволық медалімен, Қорғаныс министрінің атынан грамоталармен және алғыс хаттармен марапатталды.Ақпарат көзі : https://www.gov.kz/memleket/entities/mod/press/news/details/1111315?lang=kk

21.11.2025 жылы Алтай ауданы – Алтай қаласы бойынша Мемлекеттік кірістер басқармасы Қазақстан Республикасының жаңа Салық кодексінің нормаларын түсіндіру мақсатында семинар өткізді.Кездесу барысында мамандар салық төлеушілердің барлық сұрақтарына толық жауап берді.Ақпарат көзі : https://www.gov.kz/memleket/entities/kgd-vko/press/news/details/1111283?lang=kk

БАЯНДЫ АУЫЛЫ ТҰРҒЫНДАРЫНЫҢ НАЗАРЫНА❗️Мұнайлы аудандық мәслихат депутаты Табынбаев Сәндібек Таңғалиұлы ауыл тұрғындарын қабылдайды.📍 Өтетін орны: Баянды ауылы әкімі аппаратының ғимараты.🗓 Күні 12.02.2026ж⏱️Сағат: 10:00-12:00⚜️Баянды ауылы әкімі аппаратының баспасөз қызметі.Ақпарат көзі : https://www.gov.kz/memleket/entities/mangystau-munaily-bayandy/press/news/details/1160840?lang=kk

24 қарашада Бастаушы ауылдық клубында Қазақстан Республикасы Президенті Әкімшілігінің тапсырмасы бойынша "Халық заңгері" республикалық әлеуметтік акциясы аясында аудандық жер қатынастары, тұрғын үй-коммуналдық шаруашылық, жолаушылар көлігі және автомобиль жолдары, сот, прокуратура және салық басқармасы бөлімдерінің өкілдері азаматтарды қабылдады.  Акцияның мақсаты халықтың құқықтық сауаттылығын арттыру, азаматтардың проблемалық мәселелерін жедел және білікті шешу және "Заң және тәртіп"идеологиясын одан әрі ілгерілету болып табылады.Ақпарат көзі : https://www.gov.kz/memleket/entities/vko-samar-bastaushy/press/news/details/1111232?lang=kk

Соңғы уақытта тұтынушылардың құқығын қорғау саласында бірқатар резонанс оқиғалар тіркелді. Біз адамдар өз құқықтары бұзылғанда қалай әрекет еткенін және әділдікке қалай қол жеткізгенін көрсететінең маңызды жағдайларға шолу жасадық. Бұл оқиғалардер кезінде көмек сұраудың маңыздылығын және оқиғаға білікті мамандар араласқанда істің қалай өзгеретінін көрсетеді. Жалпы түскен өтініштердің басым бөлігі автокөлік сатып алуға қатысты болды. Алматы қаласында бірнеше тұтынушы жаңа сатып алынған көліктердің ақауы бар екенін байқаған. Бір алматылық тұрғын қозғалтқыштағы күрделі ақауды байқап, заңгерденкеңес алғаннан кейін көліктің толық құнын, яғни 6,99 млн теңгені қайтарып алды. Басқа бір сатып алушы өз автокөлігінде беріліс қорабында ақау, артқы камерасының істемейтінін және жанармай багының қақпағының ашылмайтынын анықтаған. Департамент мамандарының кеңесінен соң оған автосалон 14,9 млн теңгені толық көлемде қайтарды. Тағы бір автокөлік иесі беріліс қорабындағы ақауды анықтап, мамандардың қолдауымен 13,9 млн теңгесін қайтарып алды. Шымкент қаласында электромобиль иесінің оқиғасы көпшіліктің назарын аударды. Ол көліктің жүріс қоры өндірушінің көрсеткен мәліметіне сәйкес келмейтінін байқап, бұрын пайдаланылған батареялардың қолданылған болуы мүмкін деген күмән туындады. Мәселе мамандар арқылы шешілгеннен кейін сатушы тұтынушыға 21 млн теңгені қайтаруға келісті. Ұлытау өңірінде басқа бір тұрғын жаңа автокөліктің қозғалтқышы мен кондиционер жүйесінде ақау бар екенін анықтады. Кеңестер мен келіссөздерден кейін автокөлік толықтай жаңа көлікпен ауыстырылды, оның құны 9,09 млн теңгені құрады. Бұл жағдай даулы мәселені тиімді шешудің жарқын мысалы болды. Жылжымайтын мүлік нарығында да маңызды оқиғалар болды. Алматыда бір әйел келісімшартта көрсетілген мерзім өтіп кеткеніне қарамастан өз пәтерін ала алмаған. Мердігер әртүрлі себептерді алға тарттып,  пәтер  кілтін беруді кейінге қалдырып келген. Құқықтық кеңес алғаннан кейін оған алдын ала төленген 7,2 млн теңге қайтарылды. Шымкентте тағы бір тұрғын жеке себептерге байланысты сатып алған пәтерден бас тартқысы келген, бірақ сатушы қаражатты қайтарудан бас тартты. Департаменттің араласуының арқасында мәселе оң шешімін тауып, тұтынушы 37 млн теңгені қайтарып алды. Актөбе облысында туристік агенттіктерге қатысты бірнеше шағым түсті. Тұтынушылар алдын ала төленген турға бара алма қалған. Жүргізілген түсіндіру жұмыстары мен консультациялар нәтижесінде жеті азаматқа 1,2 млн теңге қайтарылды. Батыс Қазақстан облысында ерекше оқиға тіркелді. Департамент бірден он сегіз тұтынушының құқығынқорғау үшін сотқа жүгінді. Тұрғындар жиһазға тапсырыс берген, бірақ тауарды ала алмаған. Сот талапты толық қанағаттандырып, кәсіпкерлерді 11,2 млн теңгені қайтаруға міндеттеді.Ақпарат көзі : https://www.gov.kz/memleket/entities/mti/press/news/details/1111242?lang=kk

Құтыру  ауруынан   жыл  сайын  дүние  жүзінде  40000-нан  70000-ға  дейін  адам  өледі.  Ең  қолайсыз  аймақтар – Азия,  Африка  және  Латын  Америкасы.  Дүниежүзілік  денсаулық  сақтау  ұйымының  мәліметі  бойынша  құтыру  экономикалық  зияны  бойынша  бесінші  орын  алатын  жұқпалы  ауру.Бұл  адамдарға  да,  жануарларға  да  әсер  ететін  жіті  вирустық  ауру.Егер  дер  кезінде  емдік  және  профилактикалық  шаралар  жүргізілмесе,  ауру  адам  үшінде,  жануарлар  үшін  де 100%  өліммен  аяқталады,  оны  емдеу  мүмкін  емес.Бұл  аурудың  негізгі  тасымалдаушылары – жыртқыштар: түлкілер (қарсақтар), қасқырлар,  аюлар,  арктикалық  түлкілер.  Үй  жануарларынан  тасушы  ит, мысық, жылқы, қой, ірі  қара  мал  болуы  мүмкін.  Құстардан: батпырауық, қарға, сұңқар, үкі. Адамдар  үшін  инфекция  көзі  аурудың  өзі  кезінде   де, инкубациялық  кезеңде  де (жасырын  кезең) ауру  жануар  болып  табылады. Құтыру  вирусы  ауру  жануардың  сілекейінде  кездеседі: тістеу, сілекей  ағу, сызаттар  жене  тері  мен  шырышты  қабаттардың  басқа  зақымдануы  вирустың  аэрозольдік  жолмен  берілу  жолымен  жұқтыру  қаупін  арттырады.  Тұрмыстық  заттар, аумақтар  да  жұқтырылуы  мүмкін. Вирус  ағзаға (адам  немесе  жануар) енген  кезде  жүйке  ұштары  арқылы  найзағай  жылдамдығымен  миға  еніп, оны  көбейтіп,  бұзады. Мінез-құлқының  өзгеруі  жануардың  ауруының  смпатты  белгісі  болып  саналады: жабайы  жануарлар  адамдардан  қорықпайды,  олар  елді  мекендерге  кіреді, мейірімге  ие  болады, сипалауға  мүмкіндік  береді,  үй  жануарлары  агрессивті  болады, иесіне  шабуыл  жасайды, тістейді, иесін, басқа   жануарларды  тырнап  алады., сілекей  ағу, құтыру  байқалады (суды  көргенде  жануарларда  құрысулар  болуы  мүмкін), сал  ауруы  дамиды.  Жануарлардың  мәйіттері  өртеніп, салыстырмалы  түрде  дені  сау  жануарлар  бақылауда  және  вакцинацияда.  Мал  ұсталған  барлық  бөлмелерде  дезинфекциялау  жұмыстары  жүргізілуде.Үй  жануарларында  құтыру  ауруының  алдын  алу  үшін  олардың  қаңғыбас,  жабайы  жануарлармен  араласуына  жол  берілмейді.Құтыру  тым  қорқынышты  ауру,  оны  шексіз  емдеуге  болады.Осыны  есте  сақтаңыз  және  дер  кезінде  медициналық  көмекке  жүгініңіз!!!  «ҚР  АШМ  ВБжҚК  Меңдіқара  ААИ» ММ   Боровское  ауыл,  Алтынсарин  көшесі  83, тел.: 2-40-94Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1111186?lang=kk

Биыл қаланың білім саласында бірінші рет «Айқын» жобасы іске асырылғалы отыр. Оған жергілікті бюджеттен 5,7 млрд теңге қаржы бөлінді. Бұл қаражатқа мек­тептердегі компьютерлік кабельдер жа­ңартылады. Ол интернет жылдамдығын жақсартуға көмектеседі. Қазір кейбір мектептерде интернет жыл­дамдығы төмендеу. Оған бірінші кезекте кабельдердің тозығы кінәлі. Мектептерде 4 205 камера істеп тұр. Жоба аясында басқарма тағы 9 021 бақылау камерасын сатып алады. Білім ошағындағы әрбір кабинет камерамен жабдықталады. Спорт залымен қосқанда қала мектептерінде 8 230 кабинет бар. Соның 829-ы камера қызметіне қосылған. Енді тендерде жеңімпаз атанған компания қалған каби­неттердің бәріне камера орнататын болады. Мердігер қолданыстағы төрт мың­нан астам камераның ішінде­гі істен шыққандарын да ауыстырып береді. Бақы­лау құрылғыларын жасанды интеллект басқарады. Егер кабинетте заң бұзу­шылық орын алса, камераға түскен деректер дереу полиция департаментіндегі жедел басқару қызметіне жөнелтіледі. Г.Дәрібаеваның мәлімдеуінше, камера арқылы басқармадағы әдістемелік орталық мамандары кез келген мектептің кабинетіндегі сабақты онлайн бақылай алады.«Сонымен бірге Kundelik kz. жүйесі арқылы директорға, оның орынбасарына, мұғалімге ескертулер келіп түседі. Мәселен, ағылшын тілінің мұғалімі 45 минуттық сабақта 5 минут телефон қараса, 20 минут біреулермен сөйлессе, балаларға сабақ түсіндірмей, үй тапсырмасын бере салса, Kundelik kz. платформасын ашқанда ескерту келіп тұрады. Ол жерде мұғалімнің іс-әрекетін айыптаған хабарлама жарияланады. Оның бәрін жасанды интеллект камералар арқылы бақылап, Kundelik kz.-ке жіберіп отырады. Бұл хабарлама директор мен оның орынбасарына да барады. Директор мұғалімді шақырып алып, өз міндетін дұрыс атқармағаны үшін ескерту жасай алады немесе басқа да жауапкершілікке тартуы мүмкін. Жаңа жоба Шымкентте бірінші мәрте қолға алынғалы жатыр. Бірақ басқа өңірлерде бұл тәжірибе біраздан бері бар сияқты.  Біз өткен жылы оны сынақтан өткізіп көрдік. Қаланың екі мектебінің дәлізіне жасанды интеллектімен басқарылатын камералар орнаттық. Сол арқылы басқарма мамандары әрбір тәртіпсіздікті бақылап отырды. Тіпті жасанды интеллект көмегімен ба­лалардың көңіл күйін анықтадық. Мына ба­ланың көңіл күйі жоқ, мұңайып тұр деп ЖИ нұсқаған оқушымен мектептің пси­хологтері арнайы жұмыс жүргізді. Сөй­­тіп, оқушылардың психологиялық ахуалы­на жауапты мамандардың қызметтік мін­де­тін күшейттік. Жасанды интеллект арқы­лы бақылауды бастапқы тәжірибеден өткі­зіп көрдік. Нәтижесі жаман емес. Енді қала көлемінде қалай болатынын байқаймыз. Жаңа жоба мегаполистің білім саласына төңкеріс әкелмесе де біраз өзгерістерге жол бастайтыны анық. Бақылау арқылы мұғалімдер қызметінің сапасы жақсарып, оқушылардың білім деңгейі арта түседі деген сенімдеміз. Төбесінде камера тұрғанын білетін ұстаз 45 минут сабағын талапқа сай өткізіп, сынып ішінде оқушылардың да бұзықшылығы азаяды», деді Гүлнара Тұрдыбайқызы.Осы жобаның көмегімен тек білім сапасын арттырып қоймай, оқушылар арасында кездесетін буллинг, яғни әлімжеттікті де жоюға болады.Әрбір оқушыны ыстық тамақпен қамтамасыз етуге мемлекет тарапынан қаржы бөлінеді. Ол «Әлеуметтік әмиян» деп аталады. Сол әмиян қаражаты­ның мақсатты жұмсалуын бақылау үшін басқарма ақпараттық-бағдарламалық кешенді енгізу үстінде. Бұл жүйе бойынша мемлекет баланың ыстық тамақ жегеніне қарай ақша төлейді. Мектеп асханасын жалға алған кәсіпкер тек келген бала санына қарай азық-түлікпен қамданып, ас әзірлейді. Мәселен, мемлекет жүз балаға ақша бөлсе солардың барлығы түгел тамақтана ма, оған қарамайтын. Келмей қалған оқушының орнын басқа бала пайдаланып кететін. Енді жаңа жүйемен қаржы тек тамақтанып жүрген бала үшін ғана нақты қаралады. Осылайша, АБК-ның қаржы үнемдеуге көп пайдасы тигелі тұр. Ақпараттық-бағдарламалық кешен жасанды интеллект көмегімен іске асырылады. АБК-мен кітапханаға келетін бала санын анықтап, оқушылардың кітапхана қызметін пайдаланудағы статистикасын дәл есептеп шығаруға болады.

2025 жылғы 21 қарашада ҚР ҰҚК АТО штабы жергілікті атқарушы органдардың қызметкерлерімен "Террористік тұрғыдан осал объектілердің терроризмге қарсы қорғалуының жай-күйі және оны арттыру жөніндегі шаралар туралы"тақырыбында республикалық семинар өткізді.Ақпарат көзі : https://www.gov.kz/memleket/entities/upr-ump-kostanay/press/news/details/1111139?lang=kk

А.Беркенованың 75 жылдығына арналған «Өмірмен кеңес» шығармашылық кешіне қатыстық.Ақпарат көзі : https://www.gov.kz/memleket/entities/upr-ump-kostanay/press/news/details/1111156?lang=kk

«One nation – бір ұлт» ұранымен Сауд Арабиясының астанасы Эр-Риядта өткен Ислам ынтымақтастығының VI ойындары аяқталды. Жарысқа 57 елдің спортшылары қатысты. Қазақстан құрамасы спорттың 16 түрінен барлығы 56 медаль жеңіп алды, оның 15-і алтын, 20-ы күміс және 21-і қола. Осы марапаттардың сегізі қарағандылық спортшылардың еншісінде.Ислам ойындарында бірінші орындарды: джиу-джитсудан Алматай Жігер, каратэден Никита Тарнакин және үстел теннисінен командалық түрде Алан Құрманғалиев иеленді. «Күмісті» Любовь Ковальчук (ауыр атлетика), қола медальдарды: Артем Антропов (ауыр атлетика), Эльмира Сыздықова (әйелдер күресі), Ажар Салықова (джиу-джитсу) және гандболдан құрама сапындағы Кира Немтырева жеңіп алды. Спортшылар мен олардың жаттықтырушыларын жеңістерімен құттықтаймыз!Ақпарат көзі : https://www.gov.kz/memleket/entities/karaganda-sport/press/news/details/1111075?lang=kk

Қарағанды командасының шабуылшылары Александр Борисевич пен Артем Лихотников, қорғаушылар Эдуард Михайлов пен Иван Степаненко, сондай-ақ дәрігер Иван Журбин мен массажист Вадим Пономарев Қазақстан құрамасына шақырылып, жаттығу жиындарынан кейін құрлықтық біріншілікке Пекинге аттанды. 20-23 қараша аралығында біздің құрама Азия чемпионатының барлық қатысушыларымен ойнады. Талғат Жайлауовтың басшылығымен Оңтүстік Кореяны (4:2) және Қытайды (5:1), содан кейін соңғы матчта Жапонияны 4:3 есебімен жеңді.Осылайша, Қазақстан құрамасы Азияның екі дүркін чемпионы атанды. Естеріңізге сала кетейік, өткен жылы қазақстандықтар Алматыда өткен құрлықтық біріншіліктің жеңімпаздары атанды.Әрине, чемпионаттың басты ерекшелігі Иван Степаненконың алғашқы матчтағы хет-тригі болды. Ол Азия чемпионатының үздік қорғаушысы болып танылды. Біздің хоккейшілерді жеңісімен құттықтаймыз!Ақпарат көзі : https://www.gov.kz/memleket/entities/karaganda-sport/press/news/details/1111076?lang=kk

Қазақстан Сыртқы істер министрлігі Халықаралық атомдық энергия агенттігінің Басқарма кеңесінің 21 қарашада өткен отырысында Қазақстанды агенттіктің Шығыс Азия аймақтық тобына қабылдау туралы шешімді құптады.21 қарашадағы мәлімдемесінде қазақстандық министрлік елдің аймақтық топқа қосылуы «ХАЭА аясындағы мүше мемлекеттердің егемен теңдігін қалпына келтіруге бағытталған маңызды қадам» екенін айтты.«Бұл сондай-ақ бейбітшілік пен жаһандық қауіпсіздікті ілгерілетуге, сондай-ақ ядролық қаруды таратпау және қысқарту режимін нығайтуға Астананың міндеттемесін растайды», – деді министрлік.Топтың құрамында болу Қазақстанға АЭА-ның басқарушы органдарының жұмысына толықтай қатысуға мүмкіндік береді.«Жаппай қырып-жою қарулары қаупінен азат әлем құруға бағытталған халықаралық күш-жігердің белсенді демеушісі ретінде Қазақстан ядролық энергияны бейбіт мақсатта пайдалануды дамытуға, ядролық технологияларды жауапты қолдануға және сенім мен ашықтыққа негізделген халықаралық механизмдерді нығайтуға конструктивті үлес қосуды жалғастыруға дайын», – деді министрлік.Қазақстан өз аумағында алғашқы атом электр станциясын салуда. Сондай-ақ екінші және үшінші атом электр станцияларын салу жоспарын жариялады.Қазақстан ядролық энергияны бейбіт мақсатта пайдалануды ілгерілетуші көптеген елдердің бірі болып табылады. 19 қарашада АЭБ басқарма мүшелеріне сөз сөйлеген бас директор Рафаэль Мариано Гросси «ядролық энергетикаға деген жаһандық серпіннің артып келе жатқанын» атап өтті. 31 елде 376 гигаваттан астам қуатты 416 ядролық реактор әлемдік электр энергиясының шамамен 10%-ын өндіреді.«Ядролық энергияға деген қажеттілік енді даулы тақырып емес. Әлем ядролық қуатымызды арттыруға инвестиция салуымыз керектігіне келіседі. Көптеген елдер энергетикалық қауіпсіздікті қамтамасыз ету және әлеуметтік, экономикалық, экологиялық мақсаттарына жету үшін ядролық энергияға жүгінеді», – деді Гросси.«Бүгінгі таңда 15 елде жалпы қуаты шамамен 20 гигаватт болатын 63 реактор салынып жатыр, олардың үшеуі ядролық энергетикаға жаңадан келген елдер», – деп қосты ол.Ақпарат көзі : https://www.gov.kz/memleket/entities/mfa-geneva/press/news/details/1111106?lang=kk

Манчестер қаласында Қазақстан Республикасының күні аталып өттіМанчестер, 22 қараша 2025 ж. — Манчестер қаласында Қазақстан Республикасының күніне арналған салтанатты қабылдау өтті. Іс-шараны Қазақстанның Манчестер аймағындағы Құрметті консулы Абид Латиф Чохан ұйымдастырды. Қабылдауға Ұлыбритания Парламентінің мүшелері, жергілікті билік өкілдері, өңірлік кеңес мүшелері, іскер топ басшылары, консулдық корпустың және БАҚ өкілдері қатысты.Мерекелік шара қазақ мәдениетінің элементтерімен айшықталды: қонақтарды қазақтың ұлттық әуендерімен қарсы алды, залда ұлттық кәдесыйлардың шағын көрмесі мен Қазақстанның туристік және инвестициялық әлеуетін танытатын материалдар ұсынылды.Құрметті қонақтар қатарында Ұлыбритания Парламентінің депутаттары Афзал Хан (Орталық Азия жөніндегі парламенттік топтың мүшесі), Эндрю Гвинн, сондай-ақ Манчестердің орынбасар лорд-мэры Шаукат Али болды.Манчестердегі консулдық қауымдастық атынан бірнеше елдің бас консулдары қатысты: Манчестер Консулдық қауымдастығының президенті, Румынияның Бас консулы Николетта Теодоровичи; Испанияның Бас консулы Алехандро Поланко Мата; Пәкістанның Бас консулы Имтиаз Гондал; және Ирактың Бас консулы д-р Ваэль әл-Робаай. Сонымен қатар қалалық кеңес мүшелері, жергілікті компания басшылары және өңірлік БАҚ өкілдері қатысты.Іс-шарада ҚР Ұлыбританиядағы Елшілігінің кеңесшісі Айдар Марденов құттықтау сөз сөйлеп, Қазақстан мен Манчестер аймағы арасындағы өңірлік деңгейдегі ынтымақтастықты одан әрі нығайтудың маңызын атап өтті. Ол сауда-экономикалық және инвестициялық байланыстарды кеңейтуге зор мүмкіндік бар екенін айтты.Өз сөзінде депутат Афзал Хан: «Тұрақты экономикасы, қолайлы инвестициялық ортасы және стратегиялық орналасуымен Қазақстан Манчестердің іскер топтары үшін кең ауқымды мүмкіндіктер ұсынады. Біздің өңірлер арасындағы ынтымақтастықты тереңдетуге мүдделіміз.», - деп атап өтті.Қонақтар Қазақстанның мүддесін таныту мен екіжақты байланыстарды дамытудағы белсенді еңбегі үшін Құрметті консул Абид Латиф Чоханға алғыс білдірді.Бұл қабылдау Ұлыбританияның саяси және іскер топтары арасында Қазақстанмен әріптестікті дамытуға деген қызығушылықтың артып келе жатқанын көрсетті. Қатысушылар сауда, инвестиция, білім және мәдениет салаларындағы ынтымақтастықтың зор әлеуетін атап өтті. Мұндай іс-шаралар Қазақстан мен Ұлыбритания арасындағы жан-жақты әріптестікті тереңдетуге және өзара түсіністікті нығайтуға елеулі үлес қосады.Ақпарат көзі : https://www.gov.kz/memleket/entities/mfa-london/press/news/details/1111109?lang=kk

KazAID және GIZ жасыл жобалар аясындағы ынтымақтастық перспективаларын талқылады2025 жылдың 21 қарашасында Астана қаласында KazAID Басқарма төрағасы Аркен Арыстанов Германияның халықаралық ынтымақтастық қоғамының (GIZ) Қазақстан, Түрікменстан және Өзбекстан бойынша елдік директоры Йоахим Фритцпен кездесті.Кездесу барысында тараптар KazAID қызметін жан-жақты талқылады: 2024–2025 жылдары жүзеге асқан бағдарламалар мен семинарлар, сондай-ақ 2026 жылға жоспарланған бастамалар мен жобалар қарастырылды.Талқылаудың жеке бөлігі жасыл жобалардағы ықпалдастық мүмкіндіктеріне арналды. Тараптар экологиялық тұрақтылықты ілгерілетуге бағытталған бастамалар бойынша ұсыныстар алмасты, соның ішінде мектептер мен кеңселерде қалдықтарды сұрыптау жүйесін енгізу жобалары талқыланды.Кездесу KazAID пен GIZ-дің экологиялық бағытталған шешімдерді дамытуға және тұрақты даму саласындағы ұзақ мерзімді әріптестікті кеңейтуге ортақ қызығушылығын көрсетті. Ақпарат көзі : https://www.gov.kz/memleket/entities/kazaid/press/news/details/1111127?lang=kk

Президент Қасым-Жомарт Тоқаевтың шақыруымен Түрікменстан Президенті Сердар Бердімұхамедов 24–25 қарашада Астанаға мемлекеттік сапармен келеді.Сапар барысында Сердар Бердімұхамедов Қазақстан мен Түрікменстан арасындағы стратегиялық серіктестікті нығайту перспективаларын талқылау үшін жоғары деңгейлі келіссөздер өткізуді жоспарлап отыр.Түрікменстан Президенті биыл Астанаға бұрын да келген. Мамырда Сердар Бердімұхамедов Орталық Азия–Италия саммитіне қатысу үшін келді, ол 30 мамырда өңір мемлекеттері басшыларының қатысуымен өтті.Маусым айында Бердімұхамедов өңір елдерінің басшыларымен бірге Қазақстанда өткен Орталық Азия–Қытай саммитіне қатысты.Ал тамыз айында ол Түрікменстанда Қазақстан Президентімен кездесті, онда тараптар сауда, экономика, энергетика және көлік салаларындағы ынтымақтастықты дамыту мәселелерін талқылады.Ақпарат көзі : https://www.gov.kz/memleket/entities/mfa-geneva/press/news/details/1111133?lang=kk

Талғар қаласындағы №7 мектеп-лицейдің 4-сынып оқушылары Аңсар Сарқытбек пен Айша Назар халықаралық білім бәйгесінде жоғары нәтиже көрсетіп, Малайзияның Куала-Лумпур қаласында Cambridge бағдарламасы бойынша білім беретін халықаралық мектептің грантының иегерлері атанды.Тестілеу қорытындысы Аңсар Сарқытбек пен Айша Назардың жоғары деңгейдегі дайындығын, айқын қабілеттерін және білімге деген зор құштарлығын көрсетті. Сарапшылар бұл гранттың оқушылардың табандылығы және жүйелі еңбегінің нәтижесінде берілгенін атап өтті.Халықаралық грант иегерлері 2026 жылдың 5 қаңтарынан бастап 4-сыныптың екінші жартыжылдығын Малайзиядағы халықаралық мектепте жалғастыратын болады. Оқушылардың оқу ақысы толық көлемде төленіп, барлық қажетті академиялық қолдау көрсетіледі.Қуанышты жаңалықты мектеп ұжымы ыстық ықыласпен қабылдап, оқушылар мен олардың ұстаздарын құттықтады.Шетелде білім алу жас дарындар үшін болашақтағы жетістіктерге бастар маңызды қадам болып, жаңа халықаралық мүмкіндіктерге жол ашады деп күтілуде.Аңсар мен Айшаның жеңісі — талғарлық оқушылардың білімге деген жоғары ұмтылысы мен әлеуетінің дәлелі. Педагогтер мен ата-аналар балалардың алдағы уақытта да жаңа биік белестерді бағындыратынына сенімі мол.Ақпарат көзі : https://www.gov.kz/memleket/entities/almobl/press/news/details/1111073?lang=kk

Вена, 2025 жылғы 21 қараша – Атом энергиясы жөніндегі халықаралық агенттігі (АЭХА) Басқарушылар кеңесінің сессиясында Қазақстанның АЭХА Қиыр Шығыс өңірлік тобына ресми түрде қосылғаны туралы жарияланды.Бұл шешім Агенттік басқаруындағы барлық үдерістерге Қазақстанның толыққанды және тең құқылы қатысуын қамтамасыз ететін маңызды дипломатиялық жетістік болды.Қазақстан Қытай, Жапония, Корея Республикасы, Филиппин, Вьетнам, Моңғолия және Камбоджамен қатар АЭХА-ның «Қиыр Шығыс» өңірлік тобына кірген сегізінші мемлекет атанды. Топқа кіру жөніндегі көпжылдық келіссөздер 2009 жылдан бері Астана, Вена, Женева, Нью-Йорк және өңірлік топқа қатысушы мемлекеттердің астаналарында жүргізілген.Көп жылдар бойы Қазақстан АЭХА-ға мүше болғанымен, ешбір өңірлік топқа кірмейтін 17 мемлекеттің қатарында қалып, бұл елдің негізгі басшылық құрылымдарға қатысуын айтарлықтай шектеді.АЭХА-ның қалыптасқан тәжірибесіне сәйкес, өңірлік топтарға кірмейтін мемлекеттер Басқарушылар кеңесіне тең дәрежеде сайлануға, Бас конференция мен Басқарушылар кеңесінің басшылық лауазымдарына кандидаттарды ұсынуға, негізгі комитеттердің жұмысына және Агенттіктің маңызды шешімдерін қалыптастыратын өңірлік консультацияларға толыққанды қатысуға мүмкіндіктері шектелген.2021 жылдан бастап Қазақстан АЭХА мүше-мемлекеттерінің егеменді теңдігін қалпына келтіру бастамасын көпжақты алаңдарда дәйекті түрде алға тартып, бұл мәселеге қатысты тармақты Басқарушылар кеңесі мен Бас конференция күн тәртібіне тұрақты түрде енгізіп отырды. 2023 жылы АЭХА Бас конференциясы қарарының қабылдануы және «Достар тобының» құрылуы Агенттік ішіндегі теңсіздік пен дисбалансты жою процесіне айтарлықтай серпін берді. Нәтижесінде өңірлік топтарға кірмейтін мемлекеттер саны 17-ден 12-ге дейін азайды.Ядролық қарусыздану мен атом энергиясын бейбіт мақсатта пайдалану саласындағы Қазақстанның үлгілі тәжірибесіне қарамастан, АЭХА басшылық органдарындағы өкілдікті шектеулерге ұзақ уақыт бойы тап келді. Сондықтан Қазақстанның Қиыр Шығыс өңірлік тобына қосылуы егеменді теңдік қағидатын қалпына келтіруге бағытталған тарихи қадам болды және бұл Агенттік Жарғысына, сондай-ақ Қазақстан бастамашы болған 2023 жылғы 29 қыркүйектегі GC(67)/RES/15 Бас конференция қарарына толық сәйкес келеді.Өңірлік топқа қосылу Қазақстанға АЭХА-да шешім қабылдау үдерістеріне толыққанды және тең құқылы қатысу жол ашады. Бұл ұлттық атом энергетикасын дамыту және атом энергиясын бейбіт мақсатта пайдалану саласындағы халықаралық ынтымақтастықты нығайту үшін ерекше маңызды.Қазақстан барлық мүше-мемлекеттердің АЭХА жұмысына толыққанды және тең қатысуын қамтамасыз ету жөніндегі жұмысты жалғастыратын болады.  Ақпарат көзі : https://www.gov.kz/memleket/entities/mfa-vienna/press/news/details/1111062?lang=kk